Klubi brazilian Santos ka njoftuar Federatën Braziliane të Futbollit (CBF) se Neymar ka pësuar lëdim në kofshë, sipas informacioneve të publikuara nga ge.globo. 

Ylli me numrin 10 thuhet se ka ndier dhimbje gjatë një aktiviteti të zhvilluar të enjten dhe pas ekzaminimeve mjekësore, dëmtimi është konfirmuar. 

 Si rezultat, rikthimi i tij në kombëtaren braziliane mund të mos ndodhë, siç ishte parashikuar. 

Përzgjedhësi i Brazilit, Carlo Ancelotti, do të shpallë listën e lojtarëve për ndeshjet e fundit kualifikuese të Kupës së Botës 2026 të hënën e ardhshme, dhe prania e Neymar në listë do të vlerësohet në varësi të gjendjes fizike. 

Neymar pritet të rikthehet te Santos më 31 gusht, në ndeshjen ndaj Fluminense që do të luhet në Vila Belmiro, në kuadër të Brasileiraos.  

Ai tashmë ka nisur trajtim mjekësor, por sipas burimeve, nuk pritet të marrë pjesë në stërvitjet e para të javës së ardhshme, për shkak të dëmtimit./Telegrafi/

The post Fat i keq për Neymar, lëndohet dhe rrezikon të mos grumbullohet me Brazilin appeared first on Telegrafi.

Ish-gjyqtari i njohur spanjoll, Antonio Mateu Lahoz, ka dalë hapur kundër vendimit të dhënë për penallti në dëm të Alejandro Balde gjatë ndeshjes ndërmjet Levantes dhe Barcelonës, në xhiron e dytë të La Ligës 2024/2025. 

Barcelona përmbysi rezultatin për të fituar 3-2 në një ndeshje dramatike në transfertë, por episodi më i diskutuar erdhi në fundin e pjesës së parë. 

Në minutat shtesë të pjesës së parë, pas një goditjeje nga Jose Luis Morales, topi u përplas në dorën e mbrojtësit të Barcelonës, Alejandro Balde.  

Gjyqtari kryesor, Alejandro Hernandez Hernandez, u thirr nga VAR-i për të parë pamjet në monitor dhe vendosi të akordojë penallti për Levanten, të cilën Morales e realizoi duke çuar rezultatin në 2-0. 

Megjithatë, sipas Mateu Lahoz, ky vendim ishte i padrejtë dhe në kundërshtim me precedentët e mëparshëm. 

Lexo po ashtu Federata Spanjolle publikon audion nga dhoma e VAR-it për penalltinë e Baldes

“Dora e Balde nuk mund të jetë penallti. Ai ka shtrirë krahun, por dora është e lirë, nuk ka qëllim dhe pozicioni nuk është jo‑natyral”. 

“Precedenti i fundit me këtë gjyqtar ishte rasti i Tchouameni në El Clasico. Nëse atëherë nuk dha penallti, atëherë nuk mund të japë në këtë rast”, deklaroi Lahoz për mediat spanjolle. 

Mateu Lahoz: “Es imposible que la mano de Balde sea penalti”https://t.co/9Aa8DKoIap

— Diario SPORT (@sport) August 24, 2025

Rasti të cilit i referohet Lahoz ndodhi në javën e 35-të të sezonit të kaluar të La Ligës, kur Barcelona mundi Real Madridin 4-3 në “Spotify Camp Nou”.  

Në fund të asaj ndeshjeje, një goditje e Ferran Torres u përplas në dorën e Aurelien Tchouameni brenda zonës së Real Madridit, por pas rishikimit të VAR-it, Hernandez vendosi të mos akordojë penallti për Barcelonën. 

Ky vendim i fundit ndaj Balde ka shkaktuar polemika të forta, jo vetëm për mënyrën si u interpretua rregulli për prekje me dorë, por edhe për mospërputhjen me raste të ngjashme të mëparshme nën të njëjtin gjyqtar./Telegrafi/

The post Ish-gjyqtari i njohur Mateu Lahoz tregon se a ishte penallti rasti i Baldes ndaj Levantes appeared first on Telegrafi.

Arsenali thuhet se ka arritur një marrëveshje për të nënshkruar me supertalentin e Shamrock Rovers, Victor Ozhianvuna, në një marrëveshje që thyen rekordin për futbollin irlandez. 

Mesfushori 16-vjeçar, i cili tashmë luan në elitën e futbollit iralndez, do t’i bashkohet Arsenalit kur të mbushë 18 vjeç në janar të vitit 2027. 

Shuma e transferimit tejkalon rekordin e vendosur nga lëvizja e Tottenham për bashkëkombësin Mason Melia më herët këtë vit. 

Ozhianvuna ka kaluar me sukses testet mjekësore me Arsenalin dhe marrëveshja tashmë është arritur, në pritje të nënshkrimeve përfundimtare, sipas The Athletic. 

Shuma e transferimit do të tejkalojë 1.6 milionë që Tottenham pagoi në drejtim të St Patrick’s Athletic për Mason Melia, duke vendosur një rekord të ri transferimi për Irlandën. 

Arsenali mposhti disa nga klubet më të mëdha evropiane për të siguruar transferimin e adoleshentit, pasi e ndoqi nga afër ngjitjen e tij nëpër sistemin e të rinjve të Shamrock Rovers. 

Ozhianvuna ka bërë përshtypje në ligën e Irlandës pavarësisht moshës së re, duke debutuar me ekipin e parë të Shamrock Rovers sezonin e kaluar. 

Ai do të qëndrojë në Irlandë deri në moshën 18-vjeçare për shkak të rregulloreve të transferimeve të BE-së, ndërsa Arsenali i beson reputacionit të Shamrock Rovers për zhvillimin e talenteve të rinj që ta formësojnë më tej./Telegrafi/

The post Arsenali arrin marrëveshje rekorde për transferimin e senzacionit irlandez appeared first on Telegrafi.

MotoGP ka publikuar pamje tronditëse nga një incident i ndodhur gjatë kualifikimeve të Çmimit të Madh të Hungarisë, ku një operator kamere për pak sa nuk u godit nga motori i Pedro Acostas, pasi ai doli nga pista. 

Ky moment dramatik ka ngritur shqetësime serioze për sigurinë në pistën Balaton Park, e cila këtë fundjavë priti për herë të parë një garë MotoGP që nga viti 1992.  

Megjithëse janë ndërmarrë masa të reja sigurie për rikthimin e këtij eventi prestigjioz, incidenti i Acostas ka nxjerrë në pah problemet në kthesën me shpejtësi të lartë, ku ndodhën disa aksidente gjatë kualifikimeve. 

Sipas 7 News, pikërisht kjo kthesë mbetet një pikë e nxehtë për debat, pasi shumë pilotë humbën kontrollin në atë pjesë të pistës, përfshirë edhe Acostan. 

Races in Hungary nearly ended in tragedy — a motorcyclist almost ran over a cameraman

At the Hungarian Grand Prix during the qualifying session of the 14th MotoGP stage, Spanish rider Pedro Acosta’s bike almost killed a cameraman who was standing more than 50 meters away. pic.twitter.com/DoGyfY04Tk

— NEXTA (@nexta_tv) August 24, 2025

Në videon e publikuar nga MotoGP, shihet se probleme me gomën e përparme të motorit bënë që piloti 21-vjeçar spanjoll të humbiste kontrollin dhe të përfundonte në zonën me zhavorr. 

Fatmirësisht, ai arriti të shkëputej nga motori përpara se të përplasej, ndërsa motori i tij goditi barrierat dhe fluturoi në ajër, duke kaluar shumë pranë operatorit të kamerës. 

Ky incident i shpëtuar për një fije i ka shtuar thirrjet për rishikim të mëtejshëm të standardeve të sigurisë në këtë pistë të rikonstruktuar. MotoGP pritet të japë një vlerësim zyrtar pas fundjavës së garës./Telegrafi/

The post Shfaqen pamje tronditëse: Kameramani i MotoGP-së i shpëtoi vdekjes në një incident të frikshëm appeared first on Telegrafi.

Carlo Ancelotti nuk pritet t’i përfshijë asnjë nga lojtarët e Real Madridit në listën e tij për kombëtaren e Brazilit për ndeshjet kualifikuese të Kupës së Botës 2026 që zhvillohen në shtator. 

Sipas raportimeve të TNT Sports Brasil, vendimi i ish-trajnerit të Real Madridit bazohet në një sërë faktorësh, ndërsa zyrtarizimi i listës pritet në ditët në vijim. 

Vinicius Junior do të mungojë në përballjen ndaj Kilisë që zhvillohet më 4 shtator në Rio de Janeiro, dhe Ancelotti ka vendosur ta lërë atë plotësisht jashtë listës, duke marrë parasysh se kualifikimi tashmë është siguruar. 

Ky vendim përjashtues do të mirëpritet nga trajneri i Real Madridit, Xabi Alonso, pasi i jep mundësinë lojtarit të ketë një periudhë pushimi të nevojshme.  

Sezoni përgatitor i Real Madridit ka qenë i ngjeshur për shkak të pjesëmarrjes në gjysmëfinalet e Kupës së Botës për Klube në muajin korrik, dhe Alonso ende po përpiqet të menaxhojë ngarkesën e lojtarëve. 

Rodrygo ishte lënë jashtë edhe për dy ndeshjet e muajit qershor, që përbënin listën e parë të Ancelottit si trajner i Brazilit, me teknikun italian që e justifikoi atëherë përjashtimin me një “rënie në nivelin e paraqitjeve”. 

Endrick Felipe dhe Eder Militao gjithashtu nuk ishin përfshirë në qershor. Militao për shkak të rikuperimit nga një dëmtim i rëndë në ligamentin e gjurit, ndërsa Endrick për shkak të minutazhit të ulët me klubin dhe disa shqetësimeve fizike. 

Të katër lojtarët, Vinicius, Rodrygo, Endrick dhe Militao, nuk do të jenë pjesë e listës për muajin shtator, por nuk ka shqetësime për përjashtime afatgjata, veçanërisht nëse Militao arrin të rikthehet në formacionin bazë të Alonso gjatë këtij sezoni./Telegrafi/

The post Carlo Ancelotti nuk i përfshin yjet e Real Madridit në listën e re të Brazilit appeared first on Telegrafi.

Barcelona ka shënuar fitore me rezultat 3-2 në udhëtim ndaj Levantes në kuadër të javës së dytë në La Liga. 

Vendasit kaluan në epërsi në minutën e 17-të përmes Ivan Romeros që realizoi për 1-0 pas një driblimi të bukur. 

Barcelona ishte afër që të barazonte rezultatin në minutën e 37-të por goditja e Ferran Torres u ndal nga traversa. 

Në minutat shtesë të pjesës së parë, Levante shënoi edhe golin e dytë përmes Jose Luis Morales i cili e mposhti Joan Garcian për 2-0. 

Me të filluar pjesa e dytë erdhi reagimi i fortë i Barcelonës të cilët ia dolën të barazojnë shifrat. 

Fillimisht ata u rikthyen në lojë me anë të një super goli të realizuar nga Pedri për 2-1 në minutën e 49-të të ndeshjes nga distanca. 

Nuk vonoi shumë dhe Barcelona barazoi gjithçka me anë të Ferran Torres i cili shënoi për 2-2 pas asistimit nga Raphinha në minutën e 52-të. 

THE COMEBACK IS COMPLETE!

FOOTBALL CLUB BARCELONA! pic.twitter.com/j32cyZ7M2F

— Managing Barça (@ManagingBarca) August 23, 2025

Katalunasit përmbysën gjithçka në minutën e 92-të kur njëri nga mbrojtësit e Levantes shënoi në rrjetën e portës së tij për rezultatin 3-2. 

Kjo ishte fitorja e dytë radhazi e Barcelonës në kampionat, ndërsa javën e ardhshme do të luajnë në udhëtim ndaj Rayo Vallecanos./Telegrafi/

The post Barcelona fiton me rikthim spektakolar në udhëtim ndaj Levantes appeared first on Telegrafi.

Lille do të luajë nesër (e diel) në shtëpi ndaj Monacos në kuadër të xhiros së dytë e vlefshme për kampionatin francez. 

Në listën e lojtarëve të ftuar të Lille për këtë ndeshje figuron edhe sulmuesi kosovar Edon Zhegrova. 

Ylli dardan nuk ishte paraqitur për skaudrën e Lille që nga dhjetori i vitit të kaluar për shkak të një lëndimi dhe paraqitja e tij e fundit daton ndaj Marseille në udhëtim. 

Deri në këto momente, mes pasigurisë për të ardhmen e tij, Zhegrova ishte stërvitur me ekipin e dytë të Lille. 

Le groupe pour le retour à la maison demain est là

Avec le retour d’Edon Zhegrova #LOSCASM pic.twitter.com/L7JPhVl64T

— LOSC (@losclive) August 23, 2025

Kujtojmë se së fundmi pati thashetheme të shumta që sugjeronin se Juventusi mund të jetë skuadra e ardhshme e Zhegrovës. 

Ishte pikërisht Zhegrova ai i cili disa muaj më parë kishte kërkuar publikisht largimin nga Lille në verë, me ç’rast shumë klube u interesuan për shërbimet e tij. 

Pavarësisht situatës së krijuar, presidenti i Lille, Olivier Letang, në një intervistë të dhënë ditë më parë, kishte deklaruar se ai pret që Zhegrova të jetë pjesë e ekipit të tij edhe për sezonin e ardhshëm./Telegrafi/

The post Edon Zhegrova rikthehet tek Lille, ftohet për ndeshjen ndaj Monacos appeared first on Telegrafi.

Napoli e ka nisur me fitore sezonin e ri të garave 2025/2026 në Serie A, duke triumfuar në udhëtim ndaj Sassuolos. 

Kampioni në fuqi i Italisë fitoi me rezultat të pastër 2-0, falë golave të shënuar nga Scott McTominay dhe Kevin De Bruyne. 

Porta e pastër nuk do të diskutohej në këtë sfidë për Napolin po të mos ishte prezent Amir Rrahmani, i cili pati një paraqitje të shkëlqyer. 

Për paraqitjen që tregoi në fushë, Rrahmani u vlerësua me notën 7.7 nga Sofascore dhe vetëm Scott McTominay (7.9) dhe Kevin De Bruyne (7.8) ishin më të vlerësuar.

Rrahmani pati plotë pesë spastrime të topit nga zona, një goditje të bllokuar si dhe dy ndërhyrje ndaj kundërshtarit. 

Ai gjithashtu kompletoi 76 pasime me një saktësi prej 88 për qind. 

Si një lojtar që njihet për aftësinë që ka për të fituar duelet ajrore, sot (e shtunë) Rrahmani i fitoi plotë gjashtë të tilla. 

Javën e ardhshme të besuarit e Antonio Contes do të jenë nikoqir të Cagliarit në kuadër të javës së dytë në elitën e futbollit italian./Telegrafi/

The post Amir Rrahmani një “mur i pathyeshëm” në triumfin e Napolit ndaj Sassuolos appeared first on Telegrafi.

Maximilian Hajcik nga Gjermania dhe Senem Nalbant nga Turqia janë fitues të turneut evropian për grupmoshat U14 në tenis , Peja Open 2025.  

Në konkurencën e meshkujve në finale gjermani Maximilian Hajcik shënoi fitore ndaj tenistin grek Theofilos Tsonakis me rezultat 6-2 dhe 6-3 në sete.  Te vajzat tenistja nga Turqia Senem Nalbant ishte më e mirë se rivalja nga Mali i Zi , Anja Adamovic ndaj të cilës shënoi fitore me rezultat bindës 6-0 dhe 6-1 në sete.  

Në kategorinë e çifteve te meshkujt fitues u shpallën dyshja Steliyan Darakev nga Bullgaria dhe Matteo Sanson nga Sllovakia derisa te vajzat kampione të turneut u shpallen tenistet nga Ukraina Anna Kliukovska dhe Yaroslava Sribna.  

Ishte ky edicioni i 7 i turneut evropian Peja Open e në të cilin morrën pjesë 63 tenist e teniste nga 21 shtete evropiane. 

Nga e hëna po ne kompleksin sportiv “Arben Zeka” në Brestovik të Pejës nis turneu ITF J30 Peja Open 2025 për grupmoshën U-18./Telegrafi/

The post Përfundon me sukses turneu “Peja Open 2025” – dominojnë talentët nga Gjermania e Turqia appeared first on Telegrafi.

Jose Mourinho mund të rikthehet në mënyrë sensacionale në Ligën Premier, me Nottingham Forest që është përfolur si një destinacion i papritur për trajnerin portugez. 

Pozicioni i Nuno Espirito Santo si trajner i skuadrës në “City Ground” është në pikëpyetje, për shkak të një përplasjeje të brendshme me drejtuesit e klubit, pavarësisht fitores 3-1 ndaj Brentford fundjavën e kaluar. 

Mourinho, i cili aktualisht është në krye të Fenerbahces në Turqi, është përmendur si një emër surprizë që mund të zëvendësojë Nunon, nëse pronari Evangelos Marinakis vendos të ndërhyjë dhe të ndryshojë drejtimin teknik të skuadrës. 

Trajneri portugez, një fitues serial me 26 trofe madhorë në Evropë, prej kohësh është lidhur me një rikthim dramatik në futbollin anglez. Sipas The Sun, Nottingham Forest mund të jetë klubi që do t’i ofrojë atij këtë mundësi. 

Ndërkohë, në listën e kandidatëve për pankinën e Forest përfshihet edhe ish-trajneri i Tottenham, Ange Postecoglou, pavarësisht periudhës së tij të luhatshme në Londrën Veriore. Nën drejtimin e tij, Spurs fituan Ligën e Evropës, por përfunduan në mënyrë katastrofike sezonin në Ligën Premier, në vendin e 17-të. 

Sipas TEAMtalk, një tjetër alternativë është edhe Brendan Rodgers, trajneri aktual i Celtic, i cili udhëhoqi skuadrën drejt një tjetër titulli në elitnë e futbollit skocez dhe ka përvojë të vlefshme në Ligën Premier nga periudhat me Liverpool dhe Leicester City. 

Rikthimi i Mourinhos në Angli do të ishte padyshim një nga ngjarjet më të bujshme të sezonit, veçanërisht nëse ndodh te një klub historik si Nottingham Forest./Telegrafi/

The post Jose Mourinho po lidhet me një rikthim shokues në Ligën Premier appeared first on Telegrafi.

Hoffenheimi e ka nisur me fitore edicionin e ri të garave 2025/2026 në elitën e futbollit gjerman. 

Ata ia dolën që të triumfojnë me rezultat të ngushtë 2-1 në udhëtim ndaj Bayer Leverkusenit. 

Vendimtar për këtë fitore të mysafirëve ishte sulmuesi kosovar Fisnik Asllani, i cili kontribuoi në të dy golat. 

Fillimisht ai realizoi vet në minutën e 25-të të takimit për të barazuar shifrat në 1-1. 

Fisnik Asllani | Leverkusen 1-1 Hoffenheimpic.twitter.com/fzdduwSmKp

— Goals Xtra (@GoalsXtra) August 23, 2025

Më pas, ai asistoi tek goli që përmbysi gjithçka, i shënuar nga Tim Lemperle në minutën e 52-të për 2-1. 

Për këtë paraqitje, Asllani u vlerësua me notën 7.8 nga Sofascore, që ishte më e larta në këtë ndeshje. 

Përveç golit dhe asistimit, Asllani pati edhe 14 pasime të kompletuara, dy pasime kyçe si dhe dy duele të fituara. 

Javën e ardhshme Asllani me shokë do të jenë nikoqir të Eintracht Frankfurtit në kuadër të javës së dytë në Bundesliga./Telegrafi/

The post Gol dhe asistim – Fisnik Asllani shpallet lojtari më i mirë i ndeshjes ndaj Bayer Leverkusenit appeared first on Telegrafi.

Eberechi Eze është në prag të bashkimit me Arsenalin, pas një sage transferimi që zgjati gjatë gjithë verës. 

Ardhja e Eze pritet të përshpejtojë largimet nga klubi, me trajnerin Mikel Arteta tashmë të fokusuar tek daljet nga skuadra, ndërsa marrëveshja me mesfushorin ofensiv pritet të zyrtarizohet në ditët në vijim. 

Reprezentuesi anglez thuhet se është duke kryer kontrollet mjekësore përpara përfundimit të transferimit, pasi e mbylli karrierën e tij te Crystal Palace me sukses, duke shënuar golin vendimtar në fitoren 1-0 ndaj Manchester Cityt në finalen e FA Cup muajin maj. 

Fillimisht dukej se ai do të transferohej te Tottenham më herët gjatë këtij muaji, me trajnerin Thomas Frank që ishte i etur të shtonte alternativa në mesfushë pas dëmtimit të rëndë të James Maddison. 

Lexo po ashtu Eberechi Eze do të marrë një dhuratë speciale nga Arsenali pasi injoroi Tottenhamin

Megjithatë, Eze përfundimisht zgjodhi të bashkohet me Arsenalin, dhe me “Topçinjtë” që tashmë janë të mbushur me opsione në repartin ofensiv, ardhja e tij mund të sinjalizojë fundin e karrierës së një lojtari tjetër te klubi. 

Sipas The Independent, Arsenali është i gatshëm të lejojë largimin e Reiss Nelson, produkt i akademisë së klubit, tani që në skuadër ka më shumë alternativa sulmuese. 

Nelson është rritur në akademinë e Arsenalit dhe më parë ka qenë i huazuar te Hoffenheim dhe Feyenoord. 

Ai e kaloi sezonin 2024/2025 në huazim te Fulham, dhe nëse raportimet rezultojnë të sakta, ai pritet të rikthehet në klub këtë verë. 

Nelson bëri 13 paraqitje për klubin e Londrës Perëndimore gjatë sezonit të kaluar dhe kishte nisur mirë, duke shënuar dy gola dhe dhënë një asistim, përpara se të pësonte një dëmtim që i ndërpreu para kohe periudhën te ‘Craven Cottage’./Telegrafi/

The post Transferimi i Ezes sinjalizon fundin e aventurës së një lojtari tek Arsenali appeared first on Telegrafi.

Real Madrid ka forcuar pozicionin e saj financiar këtë verë, duke shfrytëzuar akademinë e njohur të të rinjve për të gjeneruar 31 milionë euro përmes shitjeve strategjike të lojtarëve. 

Akademia Valdebebas e klubit, një gur themeli i modelit ekonomik të tyre, ka dëshmuar se është më shumë se një fabrikë talentesh, duke shërbyer si një burim i besueshëm të ardhurash. 

Shtatë lojtarë të rinj, Obrador (5 milionë ), Yusi Enriquez (3 milionë ), Chema Andres (6 milionë ), Víctor Munoz (5 milionë), Jacobo Ramon (2.5 milionë ), Alvaro Rodriguez (2.5 milionë ) dhe Miguel Gutierrez (7 milionë , janë transferuar, duke mbushur arkën e klubit. 

Këto të ardhura, të kombinuara me 80 milionë euro nga Kupa e Botës për Klube, e kanë çuar Real Madridin përtej kufirit të 100 milionë eurove në të ardhura gjatë verës. 

Lexo po ashtu Ylli i Real Madridit i kërkon Florentino Perezit ta lejojë të largohet këtë verë

Këto fonde kanë mundësuar transferime kyçe, përfshirë Huijsen, Trent, Carreras dhe Mastantuono, me një total investimesh prej 178 milionë euro për sezonin 2025/2026, investimi i tretë më i madh në 16 vitet e fundit për klubin. 

Duke përfshirë klauzola rikthimi dhe përqindje për përfitime nga shitjet e ardhshme në këto marrëveshje, Real Madrid siguron kontroll të vazhdueshëm mbi talentet e veta, duke forcuar një strategji financiare shembullore që balancohet mes konkurrencës dhe qëndrueshmërisë./Telegrafi/

The post Real Madridi ka mbushur arkat e klubit falë një strategjie të pabesueshme appeared first on Telegrafi.

Reprezentuesi kosovar Dion Gallapeni, ka shënuar golin e tij të parë në Poloni me fanellën e Widzew Lodz. 

Klubi polak po luan momentalisht në shtëpi ndaj Pogonit në kuadër të javës së gjashtë të kampionatit. 

Golin e epërsisë për vendasit e realizoi pikërisht Gallapeni i cili në minutën e 21-të realizoi për 1-0. 

Pasi tentimi i tij i parë u bllokua, Gallapeni nuk u dorëzua dhe luftoi për topin duke e çuar më pas eventualisht në rrjetë atë./Telegrafi/

The post Dion Gallapeni shënon golin e parë me fanellën e Widzew Lodz appeared first on Telegrafi.

Andy Diouf ka përfunduar zyrtarisht transferimin e tij te Inter nga RC Lens, me një kosto të raportuar prej 20 milionë eurosh plus 5 milionë euro bonuse. 

Mesfushori iu nënshtrua testeve mjekësore sot dhe i kaloi ato pa asnjë problem. 

Më pas, ai nënshkroi një kontratë pesëvjeçare me zikaltërit. 

Ai pritet të mbajë fanellën me numrin 17 këtë sezon në “Giuseppe Meazza”, nën drejtimin e trajnerit të ri Cristian Chivu. 

Reprezentuesi francez, i cili mbushi 22 vjeç në maj, ka dy paraqitje me ekipin kombëtar të parë të Francës. 

Pronto, concentrato, baller, Nerazzurro #ForzaInter #WelcomeAndy pic.twitter.com/gawlxw5Q7h

— Inter (@Inter) August 22, 2025

Ai kaloi nëpër akademitë e të rinjve të Paris Saint-Germain dhe Stade Rennais, ndërsa u afirmua te FC Basel gjatë sezonit 2022/2023, që çoi në një transferim prej 5.5 milionë eurosh. 

Vetëm disa javë pas atij transferimi, ai u shit me fitim të madh te RC Lens për 14 milionë euro, dhe tani, dy vite më vonë, çmimi i tij është rritur sërish në 25 milionë euro gjithsej. 

Diouf u identifikua si përforcim për mesfushën e Interit pasi tentativa fillestare për të marrë Manu Kone nga Roma dështoi./Telegrafi/

The post Zyrtare: Interi kompleton transferimin e Andy Diouf appeared first on Telegrafi.

Granit Xhaka ka deklaruar se Erik Ten Hag nuk ishte aspak arsyeja e largimit të tij nga Bayer Leverkusen dhe se vendimi për t’u transferuar te Sunderland erdhi nga ambicia e tij për të ndërtuar një karrierë si trajner. 

Pas emërimit të Erik ten Hag si trajner i Bayer Leverkusen, holandezi u përpoq ta bindte mesfushorin shqiptar të qëndronte, dhe fillimisht vetë Xhaka kishte vendosur të vazhdonte me klubin. Megjithatë, gjithçka ndryshoi pasi erdhi oferta nga Sunderland. 

Xhaka theksoi se pati “biseda të qarta dhe të drejta” me Ten Hag dhe nuk e kupton pse disa njerëz po e fajësojnë trajnerin për largimin e tij. 

Duke folur më në thellësi për arsyet që e çuan drejt nënshkrimit me Sunderland, mesfushori 32-vjeçar tha se historia e klubit dhe periudhat e vështira që ka kaluar, e kanë prekur personalisht dhe i janë dukur të njohura. 

Pavarësisht se në fillim nuk ishin në të njëjtën linjë, ai vendosi të bashkohej me klubin anglez pasi ndjeu se ambienti atje i ofron mundësinë ideale për të ndërtuar rrugën drejt një karriere trajneri. 

“Më shqetëson fakti që Erik po portretizohet si problemi. Ai nuk ishte kurrë problemi, kurrë. Më mori në telefon pas tre apo katër javësh sepse nuk donte të më shqetësonte gjatë pushimeve”, tha Xhaka. 

“Pata një bisedë shumë të mirë me të. Ai e dinte që po shqyrtoja një ofertë interesante. Ndoshta e ndjeu që mund të më humbiste. Por komunikimi ynë ishte gjithmonë i drejtë dhe i sinqertë. Do të kisha luajtur si kapiten nën drejtimin e tij”. 

Lexo po ashtu "Agjenti" Granit Xhaka, blerja e re e Sunderland, Nordi Mukiele tregon se si mesfushori e bindi të bashkohej me klubin anglez

“Besoj se kjo eksperiencë këtu do të jetë më e vlefshmja për të ardhmen time. Pse? Sepse dua të ndjek një karrierë si trajner. Prandaj është e rëndësishme të përjetosh momente vuajtjeje dhe solidariteti”, vazhdoi ai. 

“Do të na duhet të vuajmë shumë muajt në vijim. Kjo është një anë tjetër e futbollit, por gjithashtu është pjesë e tij dhe do të më formësojë. Për më tepër, Sunderland bëri gjithçka, absolutisht gjithçka, për të më rikthyer në Angli”.

“Kur një klub të jep ndjenja të tilla, është pothuajse e pasjellshme të mos e marrësh në konsideratë. U preka thellësisht nga njerëzit që ishin në krye. Nuk mund të thoja jo”, përfundoi Xhaka./Telegrafi/

The post Granit Xhaka zbulon arsyen e vërtetë pse u transferua te Sunderlandi appeared first on Telegrafi.

Karim Benzema po shtyn klubin e tij që të nënshkruajë me ish-shokun e skuadrës, Casemiro, në mes raportimeve se ai mund të largohet nga Manchester United këtë verë. 

Megjithëse ka pak më shumë se një javë deri në mbylljen e afatit kalimtar të verës, është e qartë se shumë marrëveshje ende janë në proces përpara fundit të afatit. 

Një nga klubet që besohet se po punon në disa marrëveshje është Manchester United, i cili thuhet se synon të bëjë disa transferime dhe njëkohësisht të sigurojë shitjen e disa lojtarëve aktualë para mbylljes së afatit. 

Një nga lojtarët e United që thuhet se është në shitje është Casemiro, dhe një nga ish-shokët e tij të skuadrës te Real Madrid është i vendosur që klubi i tij aktual të ndjekë një marrëveshje për të. 

Lexo po ashtu Man Utd në bisedime të avancuara për të mposhtur Man Cityn për transferimin e madh

Casemiro u bashkua me United nga Real Madrid në një marrëveshje prej 60 milionë eurosh plus 10 milionë të tjera në gusht 2022, duke nënshkruar një kontratë katërvjeçare me opsion për një vit shtesë me klubin anglez. 

Në sezonin e tij të parë, braziliani ishte pjesë kyçe e skuadrës, por më pas ka pasur vështirësi për të ruajtur formën e qëndrueshme, gjë që ka çuar në shumë zëra lidhur me një largim të mundshëm nga ‘Old Trafford’. 

Tani, një raport nga gazeta arabe Al-Riyadhiah pretendon se ish-shoku i skuadrës i 33-vjeçarit, Karim Benzema, po shtyn që Al Ittihad të nënshkruajë me Casemiron këtë verë. 

Sipas këtij burimi, kapiteni i Al Ittihad, i cili ka luajtur 265 ndeshje me Casemiron, e ka rekomanduar atë tek menaxhmenti sportiv i klubit. 

Kjo nuk është hera e parë që Casemiro lidhet me Superligën e Arabisë, pasi raportime të mëparshme sugjeronin se ai mund t’i bashkohet Cristiano Ronaldos te Al Nassr./Telegrafi/

The post Karim Benzema e dëshiron transferimin e yllit të Man Utd tek Al-Ittihadi appeared first on Telegrafi.

Manchester United raportohet se ka përmendur një lojtar të Chelseat si pjesë të mundshme të një marrëveshje shkëmbimi gjatë negociatave për transferimin e mundshëm të Alejandro Garnacho në klubin londinez. 

Garnacho ka rënë në disfavor te trajneri i United, Ruben Amorim, muajt e fundit, pas një interviste shpërthyese që dha pas humbjes së finales së Ligës së Evropës ndaj Tottenhamit në maj. 

Vetëm pak ditë më vonë, Amorim raportohet se i ka thënë argjentinasit të gjejë një klub të ri. Që atëherë, Garnacho është stërvitur i vetëm në Carrington, dhe duket se ditët e tij te Manchester United janë të numëruara. 

Përveç interesimit nga disa klube në Arabinë Saudite, janë përmendur edhe kampionët e Serie A, Napoli, si dhe Chelsea nga Liga Premier, si destinacione të mundshme për të. 

Lexo po ashtu Man Utd në bisedime të avancuara për të mposhtur Man Cityn për transferimin e madh

Aktualisht, Chelsea shihet si opsioni më i mundshëm për Garnachon, sipas disa raportimeve. 

Gazetari Ben Jacobs ka zbuluar se në diskutimet mes dy klubeve është përmendur edhe emri i Andrey Santos, i cili sezonin 2024/2025 e kaloi në huazim te Strasbourg. 

“Andrey Santos është përmendur, por nuk besoj se kjo do të çojë diku, sepse Chelsea nuk dëshiron ta shesë. Ai është një lojtar që Manchester United e vlerëson, por nuk ka asgjë më shumë në këtë fazë”, ka deklaruar Jacobs. 

21-vjeçari u transferua te Chelsea nga Vasco da Gama për një shumë të raportuar prej 18 milionë eurosh në janar 2023, përpara se të huazohej sërish te klubi brazilian. 

Braziliani debutoi me Chelsean këtë verë në Kupën e Botës për Klube ndaj Tunis, përpara se të luante edhe në ndeshjen hapëse të Ligës Premier ndaj Crystal Palace fundjavën e kaluar./Telegrafi/

The post Man Utd dëshiron që ylli i Chelseat të përfshihet në negociatat për Garnachon appeared first on Telegrafi.

David De Gea tashmë ka dhënë sinjale që mund të kthehet sërish te Manchester United. 

Sipas The Sun, United po konsideron mjaft seriozisht një rikthim të portierit veteran. 

Raportohet se 34‑vjeçari ka një klauzolë në kontratën me Fiorentinën që mund të lejojë largimin e tij për një shumë relativisht të vogël. 

Po ashtu, në sfond po bëhen “telefonata diskrete”, pasi De Gea la një përshtypje të mirë gjatë rikthimit të tij në “Old Trafford” për një ndeshje miqësore të zhvilluar fundjavën që shkoi. 

Lexo po ashtu Man Utd po e konsideron rikthimin senzacional të De Geas në “Old Trafford”

Pas asaj ndeshjeje, De Gea u shpreh se rrugët e tij dhe ato të tifozëve mund të takohen sërish në të ardhmen. 

“Një moment magjik për mua dhe familjen, për t’u rikthyer në Old Trafford, shtëpinë time. Nga zemra, faleminderit për pritjen dhe dashurinë që më treguat”. 

“Për tifozët që asnjëherë nuk më lanë gjatë kohës që isha këtu. Rrugët tona mund të takohen sërish”, kishte thënë spanjolli. 

De Gea numëron 545 paraqitje me United mes viteve 2011 dhe 2023, duke u renditur i shtati në listën e lojtarëve me më së shumti paraqitje për klubin. 

Megjithatë, një mosmarrëveshje kontraktuale bëri që ai të largohej dy verë më parë si lojtar i lirë, dhe të zëvendësohej me Andre Onanan nga Interi për një tarifë prej 43.8 milionë eurosh. 

Pas një sezoni të plotë 2023/2024 pa klub, De Gea nënshkroi për Fiorentinën verën e kaluar aty ku po luan aktualisht./Telegrafi/

The post De Gea i ka bërë të qarta ndjenjat e tij për një rikthim të mundshëm tek Man Utd appeared first on Telegrafi.

Real Madrid mund të ketë një mundësi të vetme për të transferuar mbrojtësin e Liverpoolit, Ibrahima Konate, gjatë kësaj vere. 

Xabi Alonso ka sjellë tre mbrojtës të rinj në “Santiago Bernabeu”, si pjesë e një prapavije të re, përfshirë edhe Trent Alexander-Arnold, ish-bashkëlojtarin e Konates te Liverpooli. 

Interesimi për mbrojtësin francez daton që nga muaji korrik, mes zërave se ai nuk është i gatshëm të nënshkruajë një zgjatje kontrate në “Anfield”. 

Konate ka qenë në bisedime për kontratën me Liverpoolin që nga fillimi i vitit 2025, pasi marrëveshja e tij aktuale skadon në fund të sezonit 2025/2026. Drejtuesit e klubit anglez duan një përgjigje përfundimtare para fundit të muajit gusht. 

Liverpooli dëshiron me çdo kusht të shmangë një situatë ku Konate largohet si lojtar i lirë në vitin 2026, por kjo është pikërisht strategjia e Real Madridit për të. 

“Los Blancos” mbeten të pakënaqur me faktin që iu desh të paguanin një tarifë transferimi për të liruar Alexander-Arnold nga javët e fundit të kontratës së tij, pasi ishin të bindur se do ta transferonin atë si lojtar të lirë. 

Sipas raportimit nga Mundo Deportivo, kampionët e Anglisë kanë caktuar çmimin për Konaten, pasi nuk pranuan kërkesat e tij për pagë më të lartë. 

Liverpooli ka bërë të ditur se do të dëgjojë ofertat që sillen rreth 35 milionë euro në ditët e fundit të afatit kalimtar, ndërkohë që Real Madridi ka vendosur një tavan prej 21 milionë eurosh, shumë larg kërkesës së “Të Kuqve”. 

Për këtë arsye, madrilenët mund të presin deri verën e ardhshme, duke shpresuar që ndonjë klub tjetër të mos paraqesë ndonjë ofertë zyrtare për Konaten në ndërkohë./Telegrafi/

The post Liverpooli ia vendos çmimin Konates nëse Real Madridi synon transferimin këtë verë appeared first on Telegrafi.