Ish-banorja e “Big Brother VIP Albania 4”, Livia Brunga, ka zgjedhur t’u përgjigjet hapur pyetjeve të ndjekësve në rrjetet sociale, duke mos i shmangur as ato që lidhen me jetën e saj sentimentale.

Një prej pyetjeve më të drejtpërdrejta ishte ajo për lidhjen e dikurshme me këngëtarin Mevlan Shaba. Një ndjekës e pyeti me tone të ashpra nëse ajo ishte penduar për gjithçka kishte bërë për të, duke e cilësuar ish-partnerin “idiot mashkull”.

Reagimi i Livias ishte i qartë dhe i prerë. Ajo deklaroi se nuk ndjen aspak pendesë për përjetimet në atë marrëdhënie, duke e konsideruar si një kapitull të sinqertë të jetës së saj. “Kurrë, çfarë është e ndjerë dhe e pastër nuk është për t’u penduar”, u shpreh ajo.

Me këtë qëndrim, Brunga dha një mesazh të fortë për publikun: se eksperiencat e kaluara, pavarësisht fundeve që marrin, mbeten të vlefshme kur janë të vërteta. Deklarata e saj ka marrë vëmendje të madhe në rrjet, sidomos pasi gjatë qëndrimit në shtëpinë e “BBVIP” lidhja e saj me Mevlanin ishte shpesh në qendër të diskutimeve dhe komenteve.

Reagimi i saj ka gjetur mbështetje nga shumë ndjekës, të cilët e kanë vlerësuar për sinqeritetin dhe forcën që përcolli.

Komentet tregojnë se publiku e sheh Livian si një zë që guxon të flasë hapur për përvojat personale.

The post Livia Brunga flet hapur për marrëdhënien e kaluar me Mevlan Shabën: A është penduar ajo? appeared first on iconstyle.al.

Ditën e hënë vendi ynë do të ndikohet nga kushte atmosferike kryesisht të qëndrueshme, duke sjellë mot të kthjellët në pjesën më të madhe të territorit. Që në orët e paradites priten intervale të gjata me diell, ndërsa temperaturat do të jenë tipike për këtë periudhë të vitit.

Megjithatë, në relievet malore të lindjes, nga mesdita deri në pasdite do të shfaqen vranësira kalimtare, të cilat herë pas here mund të sjellin reshje të dobëta shiu. Në zonat më të larta malore këto reshje do të marrin formën e shtrëngatave afatshkurtra, por pa nuk do të kenë pasoja të theksuara. Pasditja vonë dhe mbrëmja do të karakterizohen sërish nga kthjellime në të gjithë vendin.

Era do të fryjë me drejtim veriperëndim–verilindje, me një shpejtësi mesatare prej rreth 7 m/s. Në zonat luginore dhe përgjatë vijës bregdetare pritet që era të forcohet herë pas here, duke arritur deri në 12 m/s. Deti do të vazhdojë të mbetet i qetë, me valëzim të lehtë në forcën 1–2 ballë, duke krijuar kushte të favorshme për lundrim dhe veprimtari detare për të gjithë.

Parashikimi tregon se java do të nisë me mot të këndshëm, ndërsa ndryshime të lehta atmosferike do të ndihen vetëm në zonat malore lindore.

The post Parashikimi i motit për të hënën: Si do të jenë temperaturat sot? appeared first on iconstyle.al.

Një parazit jashtëzakonisht i rrallë, i njohur si krimbi vidhosës, është raportuar për herë të parë në Shtetet e Bashkuara të Amerikës përgjatë vitit 2025, duke ngritur kështu shqetësim te autoritetet shëndetësore dhe të gjithë ekspertët e bujqësisë. Rasti u identifikua tek një person që kishte udhëtuar nga Guatemala drejt Merilendit dhe u diagnostikua me infeksion nga ky parazit, i cili zakonisht gjendet në Amerikën Qendrore dhe Meksikën jugore.

Krimbi vidhosës ushqehet me mishin e gjallë të kafshëve dhe njihet si një prej parazitëve më agresivë. Infektimi tek njerëzit është i rrallë, por kur ndodh, pasojat mund të jenë fatale nëse nuk trajtohen me shpejtësi. Shkencëtarët paralajmërojnë se larvat e tij depërtojnë në mish në mënyrë të ngjashme me një vidë që futet në dru, gjë që e bën parazitin veçanërisht shkatërrues.

Përtej rrezikut shëndetësor, ekspertët presin që prania e këtij paraziti në SHBA të ketë ndikim edhe në tregjet e bagëtive. Me çmimet e mishit tashmë në nivele rekord për shkak të furnizimeve të kufizuara, çdo kërcënim i ri për industrinë mund të rrisë më tej presionin ekonomik.

Zbulimi i hershëm dhe trajtimi i menjëhershëm konsiderohen thelbësore për të shmangur përhapjen e infeksioneve dhe pasojat e mundshme të tij.

The post Paraziti vdekjeprurës shfaqet në Amerikë, rasti i parë në 2025 appeared first on iconstyle.al.

Dashi

Nëse jeni ne një lidhje duhet te harroni gjithçka qe keni kaluar me pare dhe te shihni me pozitivizëm drejt se ardhmes. partneri do jene te humor dhe i gatshëm te beje sakrifica ne mënyrë qe ju te ndiheni mire. Beqaret mund te fillojnë një histori dashurie romaneske. Merkuri do influencoje financat dhe do iu beje ju me te kujdesshëm se kurrë.

Demi

Përfitoni sa me shume nga ambienti i ngrohte qe mbizotëron ne jetën tuaj ne çift dhe flisni me partnerin për çdo gjë qe ju ka shqetësuar apo edhe për dëshirat qe keni. Beqaret nuk do jene ende ne humorin e duhur për te filluar një histori dashurie. Financat nuk do jene ne gjendjen me te mire, prandaj shmangni transaksionet e tejskajshme.

Binjaket

Dite goxha e qëndrueshme dhe pozitive kjo e sotmja për ata qe janë ne një lidhje. Nuk priten aspak probleme me partnerin sepse do i dini mire çfarë do ai. Beqaret edhe pse do kenë plot mundësi për te filluar lidhje pasionante duhet te tregohen disi me te arsyeshëm. Sektori i financave do jete i paqëndrueshëm. Ekuilibri do kërcënohet seriozisht.

Gaforrja

Klima ne çift do ngrohet mjaft gjate kësaj dite. Venusi do e shtoje pasionin dhe do kaloni momente te mrekullueshme me atë qe keni ne krah. Vazhdoni t’i shprehni sa te mundni ndjenjat. Beqaret do jene gati te fillojnë një lidhje edhe pse personat nuk do iu përshtaten ne çdo pike. Ne planin financiar duhet bere një riorganizim i te ardhurave.

Luani

Venusi do jete aleati juaj me i forte ne planin financiar. Do ndiheni te lumtur pranë atij qe dashuroni dhe nuk do keni me çfarë te kërkoni tjetër. Beqaret duhet te përfitojnë nga mundësitë e mira qe do iu jepen për njohje. Gjithë jeta e tyre mund te ndryshoje përgjithmonë. Ne planin financiar nuk duhet hedhur asnjë hap i nxituar sepse do ketë shume probleme.

Virgjeresha

Jeta ne çift do jete goxha e paqëndrueshme sot. Asgjë nuk do shkoje si ju e kishit menduar dhe here pas here mund te keni edhe debate shume te forta. Beqaret do marrin ftesa, por nuk do jene ne humorin e duhur për te hedhur asnjë hap. Ne planin financiar me ne fund fati do jete ne anën tuaj. Jo vetëm qe do kryeni investimet e duhura, por do hiqni edhe disa para mënjanë.

Peshorja

Duke qene shume te zënë me pune dhe angazhime te tjera, pa dashje do e lini goxha pas dore jetën tuaj ne çift. Partneri mund te mërzitet dhe t’i hedhe sytë diku tjetër. Beqaret do jene sharmante dhe sensuale. Te gjithë do i kenë sytë nga ata dhe do mundohen t’i joshin pa fund. Financat nuk do jene ne gjendjen e duhur, por nuk është as koha për t’u përballur vete me to.

Akrepi

Marrëdhënia me partnerin do jete edhe me e ngrohte nga sa ju e prisnit. Do kuptoheni me te me se miri dhe nuk do keni asnjë debat. Beqaret do e lënë veten te lire dhe gjithçka do iu ndodhe si me magji. Shume gjera do ndryshojnë për ta. Ne planin financiar nuk duhet te kërkoni ndihme nga personat qe nuk mund t’iu ndihmojnë dot, por vetëm nga specialistet.

Shigjetari

Mos i qëndroni indiferente dhe mos e kritikoni ashpër partnerin tuaj sot sepse durimi i tij e ka një kufi dhe gjerat mund te marrin tatëpjetën. Gjithçka qe keni dertuar mund te shkatërrohen ne pak kohe. Beqaret do e kërkojnë ne çdo cep dashurinë, mirëpo nuk do jene aspak me fat. Ne planin financiar nuk duhen ndërmarrë rreziqe edhe sikur situata te jete e qëndrueshme.

Bricjapi

Zemra juaj do rrahe edhe me fort gjate kësaj dite. Partneri do iu surprizoje duke iu rikthyer edhe njëherë kohen e dikurshme se bashku me emocionet qe keni kaluar. Beqaret nuk rekomandohet te kryejnë ndonjë çmenduri dhe as te fillojnë aventura kalimtare. Financat duhen menaxhuar me sa me shume kujdes dhe maturi qe te mundeni.

Ujori

Dite e ndare ne dy pjese kjo e sotmja. Mëngjesi do filloje plot debate dhe zënka me partnerin, ndërsa duke filluar qe ne orët e pasdites situata do filloje dalëngadalë te përmirësohet. Mbrëmja do jete krejtësisht e ndryshme. Beqaret do kenë takime, por edhe dilema te mëdha. Financat nuk do jene te mira nëse kryeni shpenzime marramendëse.

Peshqit

Do tregoheni shume te dashur dhe lozonjare sot me atë qe keni ne krah dhe marrëdhënia mes jush do behet edhe me e zjarrte se me pare. Edhe beqaret do kenë fat ne dashuri dhe mund te hedhin hapat e para drejt krijimit te një lidhjeje serioze. Me financat mundohuni te tregoheni diplomate ne mënyrë qe te mos keni probleme dhe vështirësi me vone.

The post Horoskopi ditor, e Hënë 25 Gusht 2025 appeared first on iconstyle.al.

Shëndeti ynë ndikohet jo vetëm nga sëmundjet apo traumat, por edhe nga zakonet e vogla të përditshme, të cilat shpesh kalojnë pa u vënë re. Ekspertët paralajmërojnë se këto zakone, megjithëse duken të padëmshme, mund të kenë pasoja serioze në afatgjatë për organet jetësore të trupit.

Për shembull, frymëmarrja me gojë thanë rrugët e frymëmarrjes dhe dëmton mushkëritë, ndërsa qëndrimi i zgjatur ulur ngadalëson qarkullimin e gjakut, duke e lodhur zemrën. Fërkimi i syve mund të dëmtojë shikimin, dhe pirja e ujit shumë të ftohtë gjatë vakteve ngadalëson tretjen në stomak.

Gjithashtu, të ngrënit vonë natën mbingarkon mëlçinë, ndërsa mos pirja e mjaftueshme e ujit prek funksionin e veshkave. Edhe truri ndikohet: multitaskingu i shpeshtë ul përqendrimin dhe dobëson kujtesën. Po aq i rrezikshëm është dëgjimi i muzikës me volum të lartë, i cili dëmton dëgjimin, si edhe shtyrja e nevojës për jashtëqitje, që prish funksionin normal të zorrëve.

Mjekët këshillojnë shmangien e këtyre zakoneve dhe zëvendësimin e tyre me alternativa të shëndetshme, pasi parandalimi shpesh është çelësi i mirëqenies afatgjatë.

Gjithsecili prej nesh duhet të ketë parasysh dhe gjithmonë duhet ta kujtojë se: kujdesi ndaj detajeve të vogla është mbrojtja më e mirë për organet tona. Shëndeti nuk humbet me një gabim të madh, por me zakone të vogla të përsëritura.

The post Zakonet e heshtura që dëmtojnë organet tona appeared first on iconstyle.al.

Ngjarja e rëndë që tronditi qytetin e Volosit vijon të zërë vend në mediat greke, ndërsa detaje të reja dalin në dritë.  40-vjeçari shqiptar u paraqit këtë të diel në gjykatë, akuzuar për vrasje me dashje të bashkëshortes së tij 36-vjeçare, e kryer para syve të fëmijëve të tyre.

Gjatë përballjes me gazetarët, ai refuzoi të japë përgjigje mbi motivin e krimit dhe pendesën, duke qëndruar i heshtur me kokën ulur. Brenda ambienteve të gjykatës, ai është përballur me vajzën e tij 18-vjeçare, të cilës i ka thënë: “Isha i hutuar, nuk doja ta bëja,” sipas mediave greke.

Autoritetet kanë nisur një hetim social për të përcaktuar kujdestarinë e fëmijëve të mitur, të cilët aktualisht ndodhen nën kujdesin e të afërmve të nënës. Gjithashtu, po hetohet një shtrim i mëparshëm i autorit në spital psikiatrik.

Pas krimit, 40-vjeçari u arratis dhe u kap pas më shumë se 24 orësh në një bar të braktisur pranë banesës së tij. Ai kishte ndryshuar rrobat dhe nuk kishte me vete telefon ose armë. Dëshmitë tregojnë se gjatë arrestimit ai tha: “Ajo po më tradhtonte. E bëra mirë. Nuk pendohem për asgjë.”

Nesër pritet kryerja e autopsisë në Selanik për të sqaruar shkaqet e vdekjes së viktimës.

The post Vrasja e rëndë në Volos: Shqiptari përballet me drejtësinë pas krimit para syve të fëmijëve appeared first on iconstyle.al.

Në Egjiptin e lashtë, macet nuk ishin thjesht kafshë shtëpiake, por krijesa të shenjta që gëzonin respekt dhe adhurim të jashtëzakonshëm. Ato lidheshin ngushtë me perëndeshën Bastet, hyjnesha me kokë mace, që simbolizonte shtëpinë, pjellorinë dhe mbrojtjen. Përmes saj, macet morën një status tjetër: të shenjtë, duke u bërë jo vetëm shoqëruese të njerëzve, por edhe mbrojtëse të rendit dhe bollëkut. Përveç rolit shpirtëror, ato kishin edhe rëndësi praktike, pasi mbronin rezervat e drithërave nga minjtë, duke garantuar ushqimin e popullit.

Vlera e tyre ishte aq e madhe, saqë nëse dikush do të dëmtonte një mace, qoftë edhe nëse ajo gjë do të ndodhte pa dashje, konsiderohej një shkelje e rendit hyjnor dhe shpesh ndëshkohej me vdekje.

Ndërsa për egjiptianët, humbja e një maceje nuk ishte një ngjarje e zakonshme: ata i vajtonin ato si anëtarë të familjes, kryenin rituale dhe shpesh i mumifikonin për t’i ruajtur përjetësisht.

Zbulimet arkeologjike kanë treguar varreza të tëra të mbushura me mace, dëshmi e qartë e statusit të tyre të lartë në shoqëri. Për egjiptianët e lashtë, macet ishin më shumë se kafshë, ato ishin mbrojtëse të shtëpisë, ura me botën hyjnore dhe simbole të së shenjtës që i jepnin shumë kuptim jetës së përditshme.

The post Mace apo perëndi? Misteret e Egjiptit të lashtë appeared first on iconstyle.al.

Një muaj pas ndarjes nga jeta të legjendës së rock-ut, Ozzy Osbourne, djali i tij Jack u pa në Los Angeles duke bërë një homazh të heshtur, por të fuqishëm për babain. Teksa kryente punë të përditshme, ai kishte veshur një bluzë të Black Sabbath, grupi që e ngriti Ozzy-n në piedestal dhe e ktheu në një ikonë të muzikës botërore.

Ky gjest i thjeshtë, por plot domethënie, u interpretua si një mënyrë intime për ta mbajtur të gjallë kujtimin e “Princit të Errësirës”. Jack, më i vogli nga fëmijët e Ozzy-t dhe Sharon Osbourne, kishte ndarë edhe më parë një mesazh emocional në rrjete sociale, ku shkroi: “Zemra ime është plot me trishtim e pikëllim, por edhe me dashuri e mirënjohje. Kam kaluar 14,501 ditë me atë burrë dhe e di që është një bekim i vërtetë. Ai ishte babai im. Ai jetoi dhe e jetoi jetën plotësisht. Të dua, baba.”

Ozzy Osbourne ndërroi jetë më 22 korrik, në moshën 76-vjeçare, pas një beteje të gjatë me sëmundjen e Parkinsonit. Ai u varros më 30 korrik, ndërsa muajt e fundit i kaloi duke u ribashkuar me grupin për një koncert lamtumire. Momentet e fundit të tij pritet të dokumentohen në një projekt të ardhshëm të BBC-së.

The post Djali i Ozzy Osbourne nderon babain me një homazh të ndjerë në Los Angeles appeared first on iconstyle.al.

Truri ynë është një organ plastik: çdo mendim, emocion dhe akt përqendrimi lë një gjurmë fizike në lidhjet nervore.

Neuroscienca moderne ka treguar se praktika e vëmendjes dhe fokusit, si lutja, meditimi i të qenit i pranishëm dhe përsëritja e një fraze me fokus, mund të rindërtojë zona të tëra të trurit, të ndikojë tek neurotransmetuesit dhe të modifikojë përgjigjen ndaj stresit.

Skanimet cerebrale tregojnë se lutja aktivizon zona kyçe të trurit, si korteksi prefrontal (vëmendje dhe vendimmarrje), korteksi cingulat anterior (rregullimi i emocioneve) dhe talamusi (transmetimi i sinjaleve sensoriale).

Praktika e rregullt mund të sjellë korteks më të trashë në zonat e introspeksionit dhe dhembshurisë, aktivitet më të ulët të amigdales që zvogëlon stresin dhe ankthin, si dhe lëshim më të madh të dopaminës, e cila lidhet me motivimin dhe kënaqësinë.

Personat që praktikojnë rregullisht lutjen ose meditimin tregojnë nivele më të ulëta depresioni dhe ankthi, kontroll më të madh kognitiv dhe rezistencë emocionale më të mirë. Këto ndryshime nuk janë vetëm psikologjike, por të dukshme edhe në skanimet cerebrale.

Pra, nuk bëhet fjalë për religjion, por për një praktikë të fokusuar: qëllimi, përsëritja dhe përqendrimi formësojnë trurin tuaj. Lutja dhe meditimi nuk janë vetëm mjet shpirtëror; janë stërvitje neurologjike me përfitime mendore dhe emocionale afatgjata.

The post Neuroshkenca tregon: lutja dhe vëmendja ndryshojnë trurin appeared first on iconstyle.al.

Aktori i njohur dhe regjisori i teatrit, Jerry Adler, ka ndërruar jetë në moshën 96 vjeç, duke lënë pas një karrierë të gjatë dhe të respektuar në skenë dhe ekran. Vdekja e tij u konfirmua nga familja dhe miku i tij, Frank J. Reilly, i cili e përshkroi Adlerin si “aktorin e madh” dhe theksoi se ai filloi të aktronte vetëm në moshën 65 vjeç.

Adler pati një karrierë të pasur në teatër dhe u shfaq në film dhe televizion që nga fillimi i viteve 1990, duke marrë pjesë në produksione si Manhattan Murder Mystery të Woody Allen, Mad About You, Rescue Me, The Good Wife dhe Transparent. Roli i tij më i famshëm mbetet Herman ‘Hesh’ Rabkin në serialin ikonik të HBO-së The Sopranos, ku shërbente si këshilltar i besuar i Tony Soprano. Ai debutoi në episodin pilot dhe vazhdoi deri në sezonin e gjashtë dhe të fundit në vitin 2007.

I lindur më 4 shkurt 1929 në Brooklyn, Adler zhvilloi gjithashtu një karrierë të gjatë në Broadway dhe punoi si regjisor dhe mbikëqyrës prodhimi. Ai la pas gruan e tij, psikologen Joan Laxman, me të cilën ishte i martuar që nga viti 1994.

Trashëgimia e Adlerit do të mbahet mend për talentin e tij të jashtëzakonshëm, profesionalizmin dhe ndikimin në teatër dhe televizion, duke e bërë një nga figurat më të respektuara të skenës amerikane.

The post Ndërron jetë aktori i famshëm i serialit The Sopranos appeared first on iconstyle.al.

E hëna, 26 gusht, do të jetë një ditë në nder të Artur Zhejit, një nga figurat më të rëndësishme të publicistikës moderne shqiptare. Homazhet do të zhvillohen nga ora 10:00 deri në mesditë në Universitetin e Arteve, ndërsa ceremonia private do të mbahet më pas tek ‘Alba 2000’. Artur Zheji do të prehet në Tufinë, pranë të atit, gjuhëtarit të njohur Petro Zheji.

I lindur në Tiranë nga një familje me prirje kulturore, Zheji ishte gazetar, analist dhe intelektual me karrierë të pasur, i njohur për mendimet kritike dhe stilin e mprehtë. Pas diplomimit për regjisor në Institutin e Lartë të Arteve, filloi karrierën si dramaturg në Teatrin Kombëtar, më pas punoi në median italiane gjatë viteve 90, për t’u rikthyer në Shqipëri gjatë luftës në Kosovë, duke kontribuar me emisionin “Luftë apo paqe në Kosovë”.

Zheji dha kontribut të rëndësishëm si drejtues në RTSH, agjencinë telegrafike shqiptare dhe gazetën Mapo, ndërsa viteve të fundit u identifikua me emisionin “360 gradë”. Për penën e tij të mençur dhe intelektin e shquar, bashkëpunoi edhe me Top Channel.

Artur Zheji u nda nga jeta befas në moshën 63-vjeçare, duke lënë një boshllëk të madh në gazetari dhe jetën publike shqiptare. Homazhet e së hënës do të jenë një rast për të kujtuar dhe nderuar kontributin e tij të çmuar.

The post Ndarja nga jeta e Artur Zhejit, nesër homazhet në Universitetin e Arteve appeared first on iconstyle.al.

Cristiano Ronaldo dhe Georgina Rodríguez duket se janë në prag të martesës, por mediat spanjolle kanë vënë re një detaj që ka tërhequr vëmendjen e të gjithëve: një marrëveshje paramartesore me shifra të jashtëzakonshme.

Sipas thashethemeve, në rast ndarjeje, Georgina do të përfitonte një ndihmë mujore prej 121 mijë dollarësh, si dhe prona luksoze në Madrid dhe Lisbonë me vlerë 5.6 milionë dollarë. Për më tepër, thuhet se marrëveshja përfshin një pension të përjetshëm prej rreth 110 mijë dollarësh në muaj.

Fëmijët e çiftit nuk mbeten pas: sipas raportimeve, ata do të marrin 500 mijë dollarë çdo muaj për të ruajtur stilin e tyre të jetesës. Marrëveshja dyshohet gjithashtu të përfshijë 2 milionë dollarë në vit për shpenzime personale, dy makina luksoze, pushime të mbuluara dhe udhëtime private me avion.

As Ronaldo, as Georgina nuk kanë konfirmuar ekzistencën e këtij dokumenti, por spekulimet kanë ndezur debat në media dhe rrjete sociale.

Ekspertët e botës së futbollit e cilësojnë këtë si një nga marrëveshjet më të shtrenjta paramartesore në historinë e sportit, duke rikthyer vëmendjen mbi jetën luksoze të futbollistit dhe partneres së tij.

Pavarësisht mungesës së konfirmimit zyrtar, diskutimet dhe reagimet online nuk kanë të ndalur, duke e bërë këtë çështje një nga temat më të ndjekura të javës.

The post Cristiano Ronaldo dhe Georgina Rodríguez: Marrëveshja paramartesore që po çmend rrjetin! appeared first on iconstyle.al.

Disa shenja të horoskopit nuk e kanë zakon të fillojnë ditën me energji të plotë, duke u zgjuar shpesh me ndjenja të lodhjes, tensionit ose mungese motivimi. Në krye të kësaj liste janë disa shenja që shpesh ndihen të lodhura qysh në mëngjes.

Peshqit janë të njohur për natyrën e tyre të ndjeshme dhe shpesh e fillojnë ditën me mendime të thella, të cilat mund t’i bëjnë të ndihen të pafuqishëm për të përballuar rutinën e përditshme. Ngjashëm, Shigjetarët, pavarësisht optimizmit të tyre, mund të ndihen shpesh të shpërqendruar dhe të humbasin energjinë në mëngjes.

Gaforrja, që vlerëson sigurinë dhe rehati, shpesh ndjen tension emocional në mëngjes, veçanërisht kur rutina e ditës nuk është e qartë. Akrepi gjithashtu mund të nisë ditën me përtesë, duke i analizuar sfidat dhe ndjenjat e veta në mënyrë të tepruar.

Megjithatë, nuk duhet të shqetësoheni: këto ndjenja janë të përkohshme. Me pak rutina më të organizuar, meditim ose aktivitet fizik të lehtë, edhe shenjat më “mëngjesore të vështira” mund të nisnin ditën me energji më pozitive.

Pra, nëse ti je një nga këto shenja, mos u dorëzo. Ajo që të duhet është vetëm një kafe e mirë dhe një mendim pozitiv për të nisur dhe vazhduar ditën në mënyrën më të mirë të mundshme!

The post Shenjat e horoskopit që e nisin ditën me përtesë! Je ti një prej tyre? appeared first on iconstyle.al.

Këngëtarja britanike Raye u detyrua të ndërpresë për pak çaste performancën e saj në festivalin All Points East në Victoria Park, Londër, pasi një fans u rrëzua në turmë. Ngjarja ndodhi gjatë një momenti energjik të koncertit, ku këngëtarja e njohur 27-vjeçare tregoi kujdes të menjëhershëm ndaj fansit, duke ndërhyrë për të kërkuar ndihmën e stafit të sigurisë dhe për të siguruar që personi të merrte kujdesin e duhur mjekësor.

Stafi i sigurisë reagoi shpejt, duke evakuuar pjesërisht zonën përreth dhe duke ofruar asistencë mjekësore. Fansat e tjerë, megjithëse të shqetësuar, qëndruan të qetë dhe ndihmuan në ruajtjen e rendit. Pas disa çastesh tensioni, fansi u ngrit dhe dha shenjë se ishte mirë, duke fituar brohoritjet e turmës. Për momentin, performanca vazhdoi, dhe Raye falenderoi publikun për durimin dhe mbështetjen.

All Points East, i cili zhvillohet gjatë këtij fundjave në Londër, ka një line-up të pasur me emra të mëdhenj të skenës britanike dhe ndërkombëtare. Përveç Raye, festivali ofron performanca nga Chase & Status, Barry Can’t Swim dhe The Maccabees, ndërsa artistët mbështetës përfshijnë Tyla, Bombay Bicycle Club dhe Confidence Man. Organizatorët synojnë të ofrojnë një eksperiencë të paharrueshme për vizitorët, duke kombinuar muzikë live, atmosfera festive dhe shërbime të sigurta për publikun.

Ngjarja me fansin ndodh vetëm pak ditë pasi një tjetër performancë e pritur nga ndjekësit u anulua papritur. Këngëtarja Doechii u tërhoq nga All Points East dhe gjithashtu nga dy festivale të tjera evropiane. Organizatorët konfirmuan lajmin në rrjetet sociale, por nuk dhanë një arsye specifike për tërheqjen, gjë që shkaktoi zhgënjim të madh te fansat që kishin pritur muaj për performancën e saj.

Megjithatë, incidenti me Raye nuk ndikoi atmosferën e përgjithshme të festivalit, e cila mbeti e gjallë dhe festive. Shumë fansa u shprehën se ndiheshin të sigurt dhe të kënaqur me menaxhimin profesional të stafit.

The post Raye ndërpret performancën në All Points East pas incidentit në turmë appeared first on iconstyle.al.

Aktori legjendar britanik Malcolm McDowell ka folur me sinqeritet për serialin e njohur të Netflix, Emily in Paris, ku luan nusja e tij, Lily Collins. Në një intervistë ekskluzive për People, 82-vjeçari pranoi se seriali i suksesshëm nuk është aspak “tipi i tij”.

“Për të qenë i sinqertë, nuk është gjëja ime. Dhe Lily e di këtë shumë mirë,” u shpreh McDowell, duke iu referuar bashkëshortes së të birit, regjisorit Charlie McDowell.

Megjithatë, aktori i A Clockwork Orange nuk kurseu lavdet për Collins. “Jam fansi më i madh i nuses time. Ajo është një aktore e shkëlqyer, me një aurë të veçantë dhe një karizëm që e dallon,” tha ai, duke shtuar se kur Lily shfaqet në ekran “nuk sheh askënd tjetër.”

Seriali Emily in Paris, i krijuar nga Darren Star, nisi në tetor 2020 dhe aktualisht po xhiron sezonin e pestë. McDowell beson se popullariteti i tij ka ndikuar edhe në turizmin e kryeqytetit francez. “Jam i sigurt se Parisi i detyrohet shumë Lily-t. Pas serialit, njerëzit nga Amerika mendojnë: ‘Le të shkojmë në Paris’,” u shpreh ai.

Ndërkohë, McDowell feston suksesin e filmit të tij të ri, Et Tu, ndërsa të gjitha sezonet e Emily in Paris mund të shihen në Netflix.

The post Malcolm McDowell, i sinqertë për “Emily in Paris”: Jo, faleminderit appeared first on iconstyle.al.

Ylli Limani ka bërë një reagim që ka ngjallur shqetësim te fansat e tij në Shkodër dhe jo vetëm. Përmes një postimi në Instastory, këngëtari i njohur falënderoi publikun për mbështetjen, por njëkohësisht bëri një njoftim të papritur: ai bëri me dije se koncerti i planifikuar në “Mad Summer Club” nuk u mbajt dot, pasi policia ndërhyri për të dytën herë radhazi duke bërë kështu të pamundur realizimin e tij.

“Shkodër Faleminderit që keni ardh për mu sonte… Më falni që është hera e dytë që policia na pamundëson mbajtjen e eventit. E du këtë qytet edhe juve shumë! I will see you soon,”-ishte ky njoftimi që Yll Limani ka bërë orët e para të mëngjesit nëpërmjet një postimi të shpërndarë në llogarinë e tij personale të Instagramit.

Mesazhi i tij u interpretua menjëherë nga ndjekësit si një situatë e tensionuar me autoritetet. Megjithatë, Limani nuk dha më shumë detaje për arsyet e anulimit të koncertit, duke lënë hapësirë për spekulime të shumta.

Ylli Limani është një nga artistët më të dashur të muzikës moderne shqiptare, dhe koncertet e tij grumbullojnë gjithnjë mijëra fansa. Ndërprerja e dy eventeve radhazi në Shkodër ka zhgënjyer publikun, por vetë këngëtari premtoi se do të rikthehet shumë shpejt në këtë qytet.

The post Ylli Limani në duart e policisë? Njoftimi që shqetësoi fansat appeared first on iconstyle.al.

Kjo e diel pritet të sjellë një ditë të qetë dhe të kthjellët në të gjithë vendin, duke krijuar kushte ideale për pushime dhe aktivitete në natyrë. Pas disa ditësh me luhatje të lehta të motit, atmosfera do të jetë e qëndrueshme, tipike për fundin e gushtit.

Temperaturat do të variojnë nga 22°C në orët e para të mëngjesit, duke ofruar freski për ata që preferojnë të fillojnë ditën herët, deri në 29°C gjatë mesditës dhe pasdites. Këto vlera konsiderohen të përshtatshme, pasi sjellin ngrohtësi pa krijuar ndjesinë e vapës së rënduar që shpesh shoqëron verën në muajt më të nxehtë.

Era do të jetë shumë e lehtë, me një shpejtësi rreth 2 km/h, çka e bën klimën më të durueshme dhe të favorshme si për pushuesit në bregdet, ashtu edhe për ata që zgjedhin zonat kodrinore apo malore. Ky element i vogël freskie e bën edhe më të këndshme atmosferën përgjatë gjithë ditës.

Në përgjithësi, dita e sotme (e dielë) do të kalojë pa surpriza atmosferike. Një ditë e ngrohtë, e kthjellët dhe tepër e qetë, e cila u jep qytetarëve mundësinë të shijojnë fundjavën në plazh, shëtitje apo aktivitete familjare, në një klimë të butë dhe të qëndrueshme.

The post Kthjellime dhe temperatura mesatare, si parashikohet moti në vendin tonë për këtë të diel appeared first on iconstyle.al.

Robert Berisha dhe Ana Skrel, një nga çiftet e showbiz-it shqiptar shpesh shumë të komentuar, duket se po kalojnë një tjetër moment të ndërlikuar në marrëdhënien e tyre.

Pas një krize të parë që u bë publike disa muaj më parë, Ana Skrel riktheu në Instagram fotot me Robert Berishën, gjë që u pa si një shenjë ribashkimi për çiftin.

Por së fundmi, ato fotografi janë zhdukur sërish nga profili i modeles, dhe kaq ka mjaftuar për t’u ngritur aludime për një tension të ri mes dyshes.

Detaji që ka shtuar edhe më shumë dyshimet është mungesa e një urimi publik nga Robert Berisha në ditëlindjen e Anës, ndonëse modelja festoi me miqtë dhe ndjekësit e saj.

Megjithatë, dyshja vazhdojnë të ndjekin njëri-tjetrin në rrjete sociale, duke lënë hapur mundësinë që bëhet fjalë vetëm për një periudhë të ftohtë e jo përfundimin e historisë së tyre.

Sakaq rikujtojmë që ende nuk ka asnjë deklaratë publike prej tyre, as prej Robert Berishës dhe as prej Ana Skrelit. Fansat mbeten në pritje për të parë nëse Roberti dhe Ana do të kapërcejnë sërish këtë krizë, apo nëse kësaj here bëhet fjalë për një ndarje të vërtetë.

Deri atëherë mbetet veç të presim…

The post Robert Berisha dhe Ana Skrel në qendër të vëmendjes sërish, çfarë po ndodh me çiftin e njohur? appeared first on iconstyle.al.

Dashi

Sot do keni me shume nevoje se kurrë te verifikoni ndjenjat e atij qe keni ne krah. Gjeni mënyrën e duhur për ta bere ne mënyrë qe ai te mos dyshoje dhe te mos ndihet keq. Beqaret do kenë disa takime, por duhet te mos nxitohet ne mënyrë qe te mos bëjnë zgjedhjet e gabuara. Ne planin financiar tregohuni objektive dhe te matur.

Demi

Do kaloni çaste te lumtura sot pranë atij qe dashuroni dhe do dëshironi qe dita te mos mbaroje. Do i shprehni gjithçka qe ndjeni. Beqaret jo vetëm qe do kenë takimi interesante, por do mund te fillojnë dhe një histori te bukur dashurie. Me financat nuk do i keni punët aspak mire. Do shpenzoni pa fund dhe nuk do arrini dot te ruani qëndrueshmërinë.

Binjaket

Mos u mundoni ta kontrolloni sot atë qe keni ne krah sepse do keni debate te forta dhe atmosfera do iu përkeqësohet pa mase. Beqareve do iu ndërlikohet goxha jeta nëse fillojnë një lidhje. Personi qe do mundohet t’i joshe nuk do jete aspak i përshtatshëm. Ne planin financiar duhet te tregoheni me te matur se kurrë sepse çdo pakujdesi e vogël mund t’iu shkatërrojë.

Gaforrja

Fale konfigurimit pozitiv te yjeve do mbizotërojë harmonia sot ne jetën tuaj ne çift. Gjithçka do shkoje me se miri dhe nuk do mërziteni për asnjë çast. Beqaret duhet ta dëgjojnë me kujdes atë qe do iu thotë zemra sepse veten ne këtë mënyrë do e ndryshojnë rrjedhën e jetës. Për financat merrni vetëm këshilla nga specialistet, te tjerët mund t’iu prishin pune.

Luani

Dite goxha e vështirë kjo e sotmja për ata qe janë ne një lidhje. Nuk do kuptoheni me atë qe keni ne krah dhe here pas here do keni debate te forta me te. Beqaret nuk do jene ne humorin e duhur për te filluar një histori dashurie. Financat nuk do kenë ndonjë ndryshim te madh. Vazhdoni te shpenzoni me kujdes ne mënyrë qe edhe e ardhmja te jete e qëndrueshme.

Virgjeresha

Çfarëdo qe te ndodhe sot lidhja juaj nuk do ketë ndryshime shume te mëdha. Merrini gjerat si t’iu vijnë dhe shprehini ndjenjat ashtu si t’i ndjeni. Beqaret do e gjejnë princin e tyre te kaltër dhe do fillojnë një histori te bukur dashurie me te. Financat nuk do kenë nevoje për shume përkujdesje sepse situata do jete gjate gjithë kohës e qëndrueshme.

Peshorja
Jeta sentimentale e çifteve do jete me e mire se me pare, megjithatë nuk duhet te prisni qe pasioni te rikthehet menjëherë fuqishëm. Merrini gjerat ashtu si t’iu vijnë. Beqaret do kenë mundësi te bëjnë zgjedhjet e duhura fale takimeve impresionuese qe do realizojnë. Financat do i keni me ne vëmendje se kurrë me pare. Situata nuk do ketë asnjë problem.

Akrepi

Dite normale dhe pa ndonjë gjë te veçante kjo e sotmja për te dashuruarit. Do kaloni momente te këndshme pranë partnerit tuaj dhe do flisni qetësisht me te. Beqaret do dashurohen me personin e gabuar. financat nga ana tjetër do mbrohen gjithë kohës nga Jupiteri. Do e dini shume mire se çfarë hapash te hidhni për te mos pasur probleme.

Shigjetari

Dite shume e bukur dhe e mbushur me emocione te mëdha kjo e sotmja për te dashuruarit. Gjithçka do shkoje sipas planeve. Beqaret nuk do jene aspak ne humor dhe me mire te mos fillojnë ndonjë lidhje sepse do bëjnë gabime te renda. Ne planin financiar do iu buzëqeshe fati me ne fund dhe do mund te kryeni transaksione te rëndësishme.

Bricjapi

Nëse keni pakënaqësi ndaj partnerit flisni lirshëm me te pa qene ende vone. Ai do jete i qete dhe ne humorin e duhur për t’iu dëgjuar. Mos u druani nga asgjë. Beqaret ka shume gjasa te fillojnë ndonjë aventure kalimtare me disa persona qe i kane njohur qe ne fëmijëri. Do jete thjeshte një eksperience e bukur. Ne planin financiar gjendja do jete goxha e mire.

Ujori

Asgjë nuk do shkoje sipas planeve sot ne jetën tuaj ne çift. Do keni here pas here konflikte dhe situata mund t’iu dale jashtë kontrollit. Beqaret nuk do kenë takime, por miqtë e ngushte nuk do i lënë asnjë çast te mërziten. Financat do jene te mira. Filloni te hiqni disa para mënjanë ne mënyrë qe te siguroni edhe te ardhmen. Mund t’ia dilni edhe duke shpenzuar nga pak.

Peshqit

Do i kaloni me lehtësi te gjitha problemet qe keni pasur me partnerin tuaj gjate kësaj dite. Te dy do toleroni dhe do bashkëpunoni për me te mirën. Beqaret do kalojnë çaste te këndshme me një person qe kane disa dite qe e kane njohur. Një tjetër etape mund te filloje për ta. Ne plani financiar duhet te tregoheni strikte me shpenzimet nëse doni qe gjendje te jete e qëndrueshme.

The post Horoskopi ditor, e Diel 24 Gusht 2025 appeared first on iconstyle.al.

“Ike, mami im, do të më mungosh shumë. E di që do të na shohësh atje lart, por Dinos, unë dhe Asimina të duam shumë. Je përgjithmonë në jetën tonë”. Janë këto fjalët e Katerina Nakolecit, vajzës së madhe të çiftit Pandeli dhe Mariola Nakoleci, e cila nëpërmjet një postimi në rrjete sociale ka shprehur dhimbjen e pafund pas ndarjes tragjike nga jeta të nënës së saj.

36-vjeçarja Mariola Nakoleci u vra mëngjesin e djeshëm në Volos nga bashkëshorti i saj, duke tronditur familjarët dhe komunitetin lokal. Ngjarja e rëndë ndodhi në sy të katër fëmijëve të çiftit.

Autoritetet greke janë duke kërkuar intensivisht 40-vjeçarin Pandeli Nakoleci, i cili ende nuk është lokalizuar. Mediat greke raportojnë se ekziston mundësia që autori i vrasjes së gruas së tij të ketë kryer vetëvrasje pas aktit të tmerrshëm.

Policia gjithashtu njofton se autori kishte një histori të rëndë psikiatrike. Në qershor 2025, ai kishte tentuar vetëvrasjen, duke çuar në shtrimin e tij në një klinikë psikiatrike. Ndërkohë, familjarët dhe komuniteti në Volos mbeten të tronditur nga kjo ngjarje tragjike.

The post “Ike, mami im, do të më mungosh shumë…”/ Fjalët prekëse të Katerina Nakolecit pas vrasjes së nënës appeared first on iconstyle.al.