Vijon afati për zëvendësimin e targave të makinave zyrtare me targa me ngjyrë me qëllim që të parandalohet keqpërdorimi i tyre për arsye personale apo partiake, sidomos gjatë periudhës së fushatës zgjedhore. Nga Qeveria, theksojnë se deri më 15 shtator, të gjitha institucionet duhet të veprojnë në pajtueshmëri me vendimin qeveritar të korrikut.

“Duke filluar nga 15 gushti dhe deri në fund të afatit 15 shtator të këtij viti, të gjitha institucionet shtetërore, komunat, ndërmarrjet publike, Qyteti i Shkupit, institucionet me pronësi dominuese të shtetit kanë obligim sipas vendimit të Qeverisë që t’i zëvendësojnë targat, në drejtim që të mos ketë keqpërdorim të veturave zyrtare për qëllime jozyrtare. Presim institucionet që të veprojnë sipas udhëzimit të Qeverisë”, thonë Qeveria e Maqedonisë së Veriut.

Targat e reja do të jenë me ngjyrë tjetër dhe numra identifikues për ta bërë më të kuptueshme se i përkasin Qeverisë. Procedura dhe tenderi për ndryshimin e tyre u hap në fund të qershorit. Qeveria që atëherë kishte informuar se deri në fund të shtatorit do të kryhen të gjitha procedurat e ndryshimit të targave. Drejtori i Shërbimit për Çështje të Përgjithshme dhe të Përbashkëta të Qeverisë, Ivica Tomovski në një intervistë për Alsat theksoi se në rast se dështon tenderi për targat, automjetet zyrtare do të shënjohen me afishe përkatëse që të vërehen se janë zyrtare

Çështja e keqpërdorimit të resurseve shtetërore për nevoja partiake, është temë që riaktualizohet gjatë çdo cikli zgjedhor. Nga Komisioni për Parandalimin e Korrupsionit, paraprakisht njoftuan se në Regjistrin e Makinave të institucioneve shtetërore, ato të vetëqeverisjes lokale, ndërmarrjeve publike apo subjekteve të tjera juridike që posedojnë kapital, kanë paraqitur të dhëna vetëm për 1.916 makina nga gjithsej 6.500.

Pavarësisht denoncimeve për keqpërdorim të automjeteve zyrtare, deri më tani nuk është gjobitur ose dënuar asnjë funksionarë. Anti-korrupsioni kishte paralajmëruar disa nisma, por asgjë konkrete. /Alsat/

The post Deri më 15 shtator targat e veturave zyrtare duhet të jenë të kuqe ose me afishe përkatëse appeared first on Telegrafi.

Kryetari i Kuvendit të Maqedonisë së Veriut Afrim Gashi, e ka uruar Dimal Bashën për përzgjedhjen e tij si kryetar i Kuvendit të Kosovës.

Gashi në një postim në rrjetet sociale thotë se nën udhëheqjen e Dimal Bashës do të vazhdojnë marrëdhëniet e mira në mes Maqedonisë së Veriut dhe Kosovës.

“Në emër të Kuvendit të Republikës së Maqedonisë së Veriut dhe në emrin tim personal, kam kënaqësinë të përcjell urimet më të përzemërta z. Dimal Bashës për zgjedhjen si Kryetar i Kuvendit të Republikës së Kosovës. Marrëdhëniet ndërmjet shteteve dhe institucioneve tona, janë të mbështetura në themele të forta miqësie, vëllazërie dhe bashkëpunimi të ndërsjellë”.

“Këto lidhje, që burojnë nga populli, afërsia dhe vlerat tona të përbashkëta, paraqesin një pasuri të përbashkët për qytetarët e të dy vendeve tona. Jam i bindur se në udhëheqjen tuaj do të vazhdojmë t’i thellojmë më tej këto marrëdhënie përmes dialogut të hapur parlamentar, bashkëpunimit rajonal dhe mbështetjes së përbashkët në proceset euroatlantike. Ju uroj suksese të shumta në detyrën fisnike dhe shpreh gatishmërinë time të plotë për bashkëpunim të afërt dhe konstruktiv”, ka shkruar Gashi.

Ndryshe, Dimal Basha sot u votua kryetar i Kuvendit të Kosovës me 73 vota “për” pas plot gjashtë muajve bllokadë në institucionin ligjvënës në Kosovë./Telegrafi/

The post Afrim Gashi uron Dimal Bashën: Marrëdhëniet ndërmjet shteteve dhe institucioneve tona janë të mbështetura në themele të forta miqësie dhe vëllazërie appeared first on Telegrafi.

Deri të premten moti do të mbajë kryesisht me diell dhe i nxehtë me rritje graduale të temperaturave të ditës. Do të fryjë erë e lehtë deri në mesatare nga drejtimi jugor, kumtoi DPHM.

Të shtunën pasdite dhe gjatë natës së diel moti do të jetë i paqëndrueshëm me shi të rrëmbyeshëm dhe bubullima. Do të fryjë erë mesatare deri në të përforcuar jugperëndimore, ndërsa të dielën era do ta ndryshojë drejtimin në verior.

Pastaj vijon periudha e motit të qëndrueshëm dhe më i ngrohtë.

The post DPHM: Deri të premten mot me diell dhe i nxehtë appeared first on Telegrafi.

Nga BDI në një kumtesë për media thonë se OBRM-PDUKM është është partia më pak e thirrur për të mbajtur leksione për luftën kundër korrupsionit, kriminalitetit dhe ndërhyrjes politike.

Nga BDI thonë se nën drejtimin e OBRM-PDUKM-së, politika po ndërhyn hapur në Prokurori, Këshillin Gjyqësor Republikan dhe në Këshillin e Prokurorëve, sipas tyre, me skenarë klasikë politikë për ta vënë drejtësinë nën kontroll.

“BDI nuk i frikësohet drejtësisë së pavarur dhe as transparencës. Përkundrazi, ne ofrojmë zgjidhje konkrete: vetting me monitorim ndërkombëtar, që të pastrohet skena politike dhe publike nga çdo ndikim korruptiv. Le të hetohet pasuria e çdo politikani dhe çdo partie politike. Le të hetohet procesi më i madh korruptiv në vend – privatizimi – i cili krijoi oligarkë të paprekshëm me monopole në sektorë kyç të ekonomisë, që sot bëjnë gjithçka për ta penguar integrimin europian, nga frika e konkurrencës së ndershme”.

“BDI kërkon që hetimi të shtrihet edhe mbi institucionet e sigurimit shtetëror dhe punonjësit e tyre që nga viti 1945 e deri më sot, sepse vetëm kështu mund të mbyllet një kapitull i errët i së kaluarës dhe të ndërtohet një shtet ku askush nuk është mbi ligjin. Ata që nuk kanë çfarë të fshehin, e pranojnë vetingun. Ka kaluar koha e projekteve monoetnike dhe e supremacisë etnike. Maqedonia e Veriut ndërtohet vetëm së bashku, në frymën e multietnicitetit dhe barazisë, jo duke përdorur petkun e “luftës kundër korrupsionit” për të realizuar agjenda që e minojnë shtetin dhe kapin atë për të realizuar agjenda monoetnike”, thonë nga BDI.

The post BDI: Gabimet e OBRM-PDUKM-së po minojnë perspektivën e shtetit, BDI ofron veting me monitorim ndërkombëtar appeared first on Telegrafi.

Komunikacioni në rrugët e vendit po zhvillohet pa ndërprerje, nëpër rrugë të thata. Intensiteti i komunikacionit në akset rrugore jashtë mjediseve urbane është rritur, megjithatë në vendkalimet kufitare nga ana e Maqedonisë nuk ka vonesa të gjata për hyrje dhe dalje nga vendi.

Për shkak të zjarrit në Parkun Kombëtar Jasen, rruga rajonale R1106 Makedonski Brod – Shkup është e mbyllur për të gjitha llojet e automjeteve.

LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

Nga 1 korriku deri më 31 gusht, në rrugët shtetërore në Maqedoni u vendos regjim i përkohshëm veror i trafikut, i cili ndalon lëvizjen e automjeteve të rënda transportuese me një masë totale mbi 15 ton, gjatë fundjavave dhe në ditët me temperatura jashtëzakonisht të larta.

The post LAMM: Komunikacioni zhvillohet pa pengesa, nuk ka vonesa në pikat kufitare appeared first on Telegrafi.

Moti sot në Maqedoninë e Veriut do të jetë me diell dhe vranësira të vogla lokale. Pasdite në pjesët jugore të vendit do të ketë kushte për reshje të shkurtra shiu. Do të fryjë dhe erë e dobët deri në mesatare, kryesisht5 nga drejtimi jugor.

Temperatura minimale do të jetë në interval prej 9 deri në 18, ndërsa ajo maksimale do të arrij prej 27 deri në 34 gradë.

Në Shkup, moti do të jetë me diell dhe me vranësira të vogla lokale. Do të fryjë dhe erë e dobët deri në mesatare nga drejtimi jugperëndimorë. Temperatura minimale do të ulet në 14, ndërsa ajo maksimale do të arrij në 32 gradë Celsiusë.

The post Moti sot në Maqedoninë e Veriut appeared first on Telegrafi.

Kryetari i Kuvendit, Afrim Gashi, njoftoi se do të miratohet një Deklaratë për zgjedhje të lira dhe demokratike, e cila ndoshta do të ndodhë më 12 shtator, pasi partitë ta nënshkruajnë më parë atë. Përveç faktit që me miratimin e saj në Kuvend, mesazhi do të jetë më i fortë dhe vetë Deklarata do të ketë më shumë “peshë”, ajo është e nevojshme duke pasur parasysh dyshimet e kryeministrit Mickoski se BDI dhe LSDM, sipas tij, po përgatisnin një plan të fshehtë për zgjedhjet, tha Gashi në një briefing për gazetarët.

“Problemi është se ne çdo zgjedhje e bëjmë sikur është e fundit dhe sikur po vendoset për jetë ose vdekje. Nevoja për diçka të tillë lind edhe nga vetë deklarata e kryeministrit Mickoski, i cili dyshon se BDI dhe LSDM kanë një plan të fshehtë për zgjedhjet. Deklarata iu është dorëzuar deputetëve dhe pritet të miratohet më 12 shtator. Deri më tani, partitë zakonisht e nënshkruanin këtë Deklaratë në KSHZ, por unë mendoj se mesazhi do të jetë më i fortë dhe do të ketë më shumë “peshë” nëse miratohet në seancë plenare në Kuvend”, tha Gashi.

Gashi gjithashtu foli edhe për Kodin zgjedhor, duke thënë se deri tani nuk ka iniciativa të reja apo përpjekje të reja për miratimin e ndryshimeve.

“Për tani nuk ka lajm nga askush për një përpjekje të re për ndryshimet e Ligjit për Zgjedhje. Para rreth dhjetë ditësh, në seancën e 16-të të këtij muaji, kishte një iniciativë që ta miratojmë së bashku, por kjo nuk ndodhi. Nëse nuk do ta thërrisnim seancën, do të dukej sikur nuk e kemi provuar të miratojmë ligjin dhe njëkohësisht të shihet kush është për dhe kush kundër”, tha Gashi.

Kur u pyet rreth njoftimit të kryeministrit Mickoski këtë fundjavë se pas zgjedhjeve planifikon ristrukturim të Qeverisë, Gashi nuk deshi të tregojë se kush nga VLEN do të përfshihet dhe nëse kjo i referohet vetëm ministrave që janë kandidatë për kryetarë komunash dhe që eventualisht mund të fitojnë funksionin lokal. “Sapo të dorëzohet propozimi për ristrukturim, unë menjëherë do të thërras seancën, dhe për atë se kush do të përfshihet nuk kam informacion,” tha Gashi./TV21/

The post Gashi: Deklarata për zgjedhje demokratike do të ketë më shumë peshë nëse miratohet në Kuvend appeared first on Telegrafi.

Vijojnë afatet për shqyrtimin e listës zgjedhore nga ana e qytetarëve, që do të zgjasë deri më 11 shtator. Qytetarët për çdo plotësim, regjistrim apo ndryshim të të dhënave, mund ta dorëzojnë me shkrim në zyrat rajonale dhe në postën elektronike të KSHZ-së. Shqyrtimi i listës bëhet online përmes uebfaqes së KSHZ-së, SEC.mk. Aty tregohet saktë se kush në cilin vendvotim dhe në cilën shkollë duhet të votojë.

Përpos online, qytetarët listën mund ta shqyrtojnë edhe nëpër pikat rajonale të KSHZ-së. Banorët e Çairit, Butelit, Shuto Orizares dhe Çuçer Sandevës, këtë mund ta bëjnë në pikën që gjendet afër stacionit policor në Butel.

Listat zgjedhore gjithnjë kanë qenë problematike, më së shumti për shkak ndryshimit të adresave të qytetarëve, apo migrimit nga një qytet në tjetrin. Por, listat zgjedhore kanë qenë kryetemë në zgjedhjet e 2016-tës, kur atëkohë VMRO-DPMNE pati regjistruar votues fantom në adresa ku kryesisht nuk banonte askush. Një nga shembujt ishte kjo rrugë, Maksim Gorki.

“Kjo është një nga adresat në të cilat “banonin” votuesit fantom nga zgjedhjet e vitit 2016, e të cilët shfrytëzoheshin për të mbushur listat e votimit. Votuesit fantom u patën vendosur në adresa ku banojnë qytetarë, në adresa të pa banueshme, në banesa dhe hyrje inekzistente, në institucione shtetërore, hapësira afariste e të tjera”, raporton Zekirija Haxhiu, gazetar.

Në fakt, votuesi fantomë kanë ekzistuar edhe në ciklet e mëhershme zgjedhore. Disa prej tyre ishin me prejardhje nga Pusteci i Shqipërisë, e disa prej tyre nga Dragashi i Kosovës. Mijëra votues fantomë ishin në komunën Qendër të shpërndarë në disa adresa. Ky përpilim politik i listës zgjedhore, ishte kryetemë edhe në bombat që publikonte atëkohë ish kryetari i LSDM-së, Zoran Zaev.

“Ka një gjë të rrezikshme, por këtë e dimë ne dhe për këtë shkak insistuam që komitetet të japin më tepër adresa. Siç e di, kemi nga 50 njerëz në një banesë prej 40m2. E tani, kjo është. Mirë, kjo është. Ata mund ta shohin këtë si adresë? Mundet, shkruan në listën zgjedhore”, thuhet në një bisedë telefonike nga përgjimet mes Gordana Jankullovskës dhe Kirill Bozhinovskit.

Së fundmi në një intervistë për Alsat, nënkryetari i KSHZ-së, Abdush Demiri, njoftoi se bashkëpunimi me institucionet tjera për shkrirjen e të dhënave të qytetarëve është shumë i mirë dhe të gjitha institucionet i plotësojnë detyrimet e tyre në afatet e duhura. Ndryshimet e fundit të KSHZ-së në listën zgjedhore janë bërë më 1 maj 2025, ku të regjistruar janë 1,818,963 votues.

The post Vijon afati për shqyrtimin e Listës zgjedhore, qytetarët inkurajohen të kontrollojnë të dhënat e tyre appeared first on Telegrafi.

Ministria e Punëve të Brendshme njofton se gjatë 24 orëve të fundit janë privuar nga liria pesë persona për shkak të “drejtimit të papërgjegjshëm të automjetit” sipas nenit 297-a të Kodit Penal.

Siç njoftojnë nga MPB, dy nga personat e ndaluar kanë vozitur në autostradën Shkup – Tetovë.

“Në autostradën Shkup–Tetovë (Studena Voda) – A.J. (31) nga Leshnica e Poshtme drejtonte “Audi” me 184 km/h në zonë ku kufiri është 80 km/h. Gjithashtu në autostradën Shkup–Tetovë – B.A. (25) nga Studeniçani me “BMW” u kap duke ngarë me 192 km/h, në vend ku shpejtësia e lejuar është 100 km/h”.

“Në rrugën Mavrovë-Rostushë (Rostushko Ançe) – V.D. (48) nga Shkupi, në “Škoda”, u ndalua nën ndikimin e 2,90 promilë alkool. Në Veles – D.V. (27) nga Velesi drejtonte “BMW” me 2,28 promilë alkool në gjak. Ndërsa n/ rrugën Manastir – Mexhitlia (fsh. Kravari) – S.S. (22) nga Egri drejtonte “Volkswagen Polo” me 107 km/h në zonë të banuar, ku kufiri është 50 km/h”, thonë nga MPB.

Sipas MPB-së, të gjithë shoferët janë përjashtuar menjëherë nga komunikacioni. Për ngjarjet janë informuar prokurorët kompetentë dhe pas dokumentimit të plotë, ndaj tyre do të ngriten kallëzime penale.

The post Ndalohen pesë shoferë brenda 24 orëve, tejkaluan shpejtësinë dhe vozitën në gjendje të dehur appeared first on Telegrafi.

Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturinat Komunale i Republikës së Maqedonisë së Veriut (KRRE) solli vendim, me të cilin bëhet rritja e çmimeve të shitjes me pakicë të derivateve të naftës, mesatarisht për 0,64% në raport me vendimin e datës 18.08.2025.

Çmimi i shitjes me pakicë të benzinës EUROSUPER BS – 95 dhe EUROSUPER BS – 98 rritet për 1,00 den/litër. Çmimi i shitjes me pakicë të EURODIZEL (D-E-V) dhe të Vajit Ekstra të Lehtë për Amvisëri (EL-1) rritet për 0,50 den/litër. Çmimi i shitjes me pakicë të Mazut М-1 SU ulet për 0,378 den/kg dhe tani do të jetë 38,265 den/kg.

Nga data 26.08.2025 nga ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 75,00 (denarë/litër)
Benzinë motori EUROSUPER BS – 98 77,00 (denarë/litër)
Naftë motori EURODIZEL BS (D-Е V) 68,00 (denarë/litër)
Vaj për djegie Ekstra i Lehtë 1 (EL -1) 67,50 (denarë/litër)
Mazut М-1 SU 38,265 (denarë/kilogram).

The post Rriten çmimet e derivateve të naftës në Maqedoni appeared first on Telegrafi.

Ministrja e Financave, Gordana Dimitrieska-Koçoska, do të marrë pjesë në ceremoninë zyrtare të nënshkrimit të Memorandumit të mirëkuptimit dhe bashkëpunimit për zhvillimin e tregut të kapitalit, që do të mbahet ditën e sotme më 25 gusht 2025 (e hënë) në Zagreb, Republika e Kroacisë.

Eventi organizohet nga Ministria e Financave e Republikës së Kroacisë dhe është iniciativë rajonale në të cilën marrin pjesë: Kroacia, Bullgaria, Hungaria, Maqedonia e Veriut, Polonia, Rumania, Sllovakia dhe Sllovenia.

“Nënshkrimi i memorandumit do ta konfirmojë angazhimin e përbashkët për avancimin e bashkëpunimit në fushën e tregjeve të kapitalit, përmes përmirësimit të legjislacionit dhe rregullativës, integrimit të infrastrukturës, digjitalizimit dhe harmonizimit”.

“Kjo iniciativë ka për qëllim të dërgojë sinjal të fuqishëm ndaj investitorëve, tregjeve dhe partnerëve ndërkombëtarë, se vendet e Evropës Qendrore dhe Juglindore janë të përkushtuara ndaj reformave të koordinuara dhe të harmonizuara, si dhe ndaj krijimit të kushteve për rritje ekonomike afatgjate dhe të qëndrueshme. Në kuadër të këtij eventi, ministrja do të marrë pjesë gjithashtu në një panel ministror, ku do të shkëmbejë përvoja dhe praktika më të mira me kolegët e saj nga rajoni”.

“Pjesëmarrja e ministres Dimitrieska-Koçoska në këtë event të rëndësishëm paraqet konfirmimin e angazhimit të Republikës së Maqedonisë së Veriut për ta thelluar bashkëpunimin ekonomik rajonal dhe për t’u angazhuar në mënyrë aktive në iniciativa që kontribuojnë në zhvillimin e tregjeve dhe përforcimin e besimit të investitorëve”, thonë nga Ministria e Financave.

The post Maqedonia i bashkohet iniciativës për avancimin e tregjeve të kapitalit në Evropën Qendrore dhe Juglindore appeared first on Telegrafi.

Gjatë 24 orëve të fundit, në territorin e Maqedonisë së Veriut ka pasur gjithsej 27 zjarre në hapësirë të hapur, nga të cilat një është aktiv, 2 janë nën kontroll dhe 24 zjarre janë shuar.

Zjarret janë aktive në Komunën e Dollnenit, fshatin Dolgaec (pyll i përzier), dy janë nën kontroll në Komunën e Makedonski Brod në zonën e Jasenit (pyll i përzier); dhe në Komunën e Gjevgjelisë në malin Kozuf (pyll i lartë).

Siç raportohet nga Departamenti Qendror i Zjarrfikësve, janë shuar 24 zjarre.

The post QMK: Një zjarr aktiv në 24 orët e fundit, dy nën kontroll appeared first on Telegrafi.

Një autobus i Ndërmarrjes Transportuese Publike (NTP) u përfshi nga flakët sonte në Qendrën e Transportit nën Stacionin Hekurudhor në Shkup, ndërsa pamjet u publikuan nga mediat online.

Videoja e shkurtër tregon tym që del nga disa vende në pjesën e pasme të autobusit.

Ndryshe, disa javë më parë, një autobus i NTP-së u përfshi gjithashtu nga flakët, kurse shoferja u shtrua në spital për shkak të thithjes së tymit.

The post Digjet një autobus i NTP-së në Shkup appeared first on Telegrafi.

2.058 m2 është sipërfaqja e çerdhes së re “Bambi” që sot u lëshua në përdorim. Sipas drejtuesve të këtij institucioni, 350 fëmijë do të kenë mundësi të edukohen dhe zhvilllohen në këtë objekt që tashmë plotëson kushtet më moderne për mësim.

“Ky objekt I ri i kopshtit “Fidani” ka një kapacitet prej 350 fëmijësh me 21 klasa të ndërtuara dhe të pajisura sipas standardeve modern, europiane ku çdo detaj është menduar për të ofruar kushte sa më të sigurta, edukative dhe të ngrohta për fëmijët tanë”, tha Gzime Bakiu, drejtoreshë e Kopshtit “Fidani”.

Në objektin “Bambi” do të sistemohen fëmijë nga mosha nëntë muajshe e deri në gjashtë vjet. Krahas gjuhës shqipe do të funksionojnë edhe grupet në gjuhën turke dhe boshnjake.

“Fëmijët që do të edukohen në këtë haspsirë do të kenë mundësi të zhvillohen në kushte bashkëkohore, të sigurta dhe në përputhje me standardet më të larta të edukimit parashkollor. Ky investim është një përgjigje konkrete ndaj nevojave reale të një territori me rritje të shpejtë urbane dhe sociale siç është Çairi”, u shpreh Visar Ganiu, kryetar i Komunës së Çairit.

Ndërtimi I objektit ka kushtuar 2 milionë euro. Zëvendës kryeministri Izet Mexhiti paralajmëroi se mbi 3.5 milionë euro janë ndarë për ndërtimin edhe të dy çerdheve të reja në Çair, objekti Vesëza dhe Borëbardha./Alsat/

The post Hapet çerdhe e re në Çair, do të pranojë 350 fëmijë appeared first on Telegrafi.

Drejtoria për të Ardhura Publike (DAP) informoi se për periudhën 01.01 deri më 31.07.2025, përmes zbatimit të anknadeve elektronike të sendeve të lëvizshme dhe të palëvizshme, janë paguar me sukses borxhet shtetërore nga persona fizikë dhe juridikë. Mbi këtë bazë, në Buxhetin e shtetit janë arkëtuar 19 419 411 denarë (afërsisht 314 230 euro). Përmes e-ankandit për periudhën 01.01.2025 përfundimisht me e-ankandin në korrik është shitur pronë e patundshme me sipërfaqe prej 302 m² edhe atë: – banesë prej 72 m² (Ohër) – hapësirë afariste prej 111 m² (Strumicë) – tokë prej 103 m² (Prilep) – hapësirë në katin e parë m² (Shkup).

Sipas DAP, vlera e përgjithshme e arritur e pronës së patundshme arrin 13 289 807 denarë (215 045 euro).

Për periudhën 01.01 deri më 31.07.2025, në ankande të veçanta mujore u shitën 26 objekte të luajtshme, duke përfshirë automjete motorike për udhëtarë dhe mallra, si dhe 10 makina qepëse. Vlera totale e këtyre objekteve është 6.129.604 denarë (99.177 euro). Nga çmimi i arritur i ankandit, së pari llogariten shpenzimet e procedurës, pastaj interesi dhe në fund borxhi kryesor i tatimpaguesit. Për shkak të detyrimeve tatimore të papaguara, dhe pas dy ankandeve të pasuksesshme, për periudhën 01.01 deri më 31.07 të këtij viti, shteti fitoi pasuritë e paluajtshme si në vijim; – lokal afarist prej 21 m² (Prilep) – tokë bujqësore prej 13,333.92 m² (Kavadar) – lokal afarist prej 259 m² dhe një shtëpi verore prej 91 m² (Strumicë) – dy apartamente prej 93 m² secila (Manastir) Vlera e parashikuar e pronës së fituar është 33,176,370 denarë (536,794 euro). Shteti fiton pronë nga detyrimet tatimore të papaguara kur prona nuk shitet në dy ankande elektronike. Në një rast të tillë, borxhi i debitorit shlyhet me 50 për qind të vlerës së parashikuar të pronës që kalon në pronësi të shtetit”, deklaron DAP.

Në përputhje me autorizimet ligjore, DAP zhvillon ankande elektronike (e-ankande) si pjesë e procedurave për mbledhjen me forcë të borxheve tatimore. Kjo masë zbatohet në rastet kur tatimpaguesit nuk i shlyejnë detyrimet e tyre vullnetarisht dhe pasi të jenë shteruar metoda të tjera më ekonomike të mbledhjes. Ankandet elektronike janë një vazhdim i procedurës ligjore për sigurimin dhe sekuestrimin e pronës së debitorëve. Qëllimi është të sigurohet mbledhja efikase e të ardhurave publike dhe mbledhja e drejtë e borxheve ndaj shtetit, duke garantuar kështu trajtim të drejtë të të gjithë taksapaguesve dhe duke mbrojtur buxhetin e shtetit.

DAP-ja, nëpërmjet shërbimeve të saj të zbatimit të ligjit dhe agjentëve të zbatimit të ligjit, i zbaton këto procedura në mënyrë transparente, nëpërmjet një platforme publike në internet.

The post DAP nga ankandet elektronike ka arkëtuar në Buxhetin e shtetit 314.230 euro appeared first on Telegrafi.

Inflacioni vjetor, i cili në korrik u ngjit në 4.8 për qind, nuk është i diktuar nga çmimet e ushqimit, por nga kërkesa më e madhe, përkatësisht nga shpenzimet e qytetarëve, thonë nga Instituti për Hulumtime Ekonomike dhe Politika “Finance Think”. Në analizën e tyre më të re për lëvizjen e çmimeve thuhet se te ushqimi rritje e ndjeshme është shënuar vetëm te çmimet e frutave, peshkut dhe produkteve të detit, ndërsa ushqimet e tjera shënojnë ose rritje minimale ose rënie.

Sipas “Finance Think”, analizat kanë treguar se nxitësi kryesor i inflacionit janë çmimet në restorante dhe kafene me një rritje prej 28%, paketat turistike me 26.6% dhe shërbimet e akomodimit me 14.6%.

Kjo rritje nuk është si rezultat i lëkundjeve sezonale, pasi çmimet janë rritur gjatë gjithë vitit.

“Sipas kësaj, duket se nxitësi kryesor i çmimeve në korrik 2025, ashtu si në muajt e mëparshëm, është kërkesa e intensifikuar, si dhe pritshmëritë inflacionare që ende nuk janë të ankoruara mjaftueshëm. Në tremujorin e parë të këtij viti, konsumi i amvisërive është rritur pothuajse dy herë më shpejt se mesatarja në vitin 2024, kryesisht i ndihmuar nga rritja reale e lartë e pagave dhe rritja e lartë nominale dhe reale e pensioneve, të cilat pas një rritjeje kumulative prej 5,000 denarë në muaj për çdo pensionist, sot mesatarisht janë më të larta për gati një të katërtën krahasuar me nivelin e të njëjtës periudhë të vitit të kaluar”, thonë nga Finance Think.

Kërkesën më të madhe të brendshme si faktor kryesor dje e identifikoi edhe Banka Popullore.

Nga “Finance Think”, për këtë arsye propozojnë të mos merren masa joefikase siç është ngrirja e çmimeve dhe marzhave, të cilat nuk japin rezultate dhe i kthejnë çmimet në nivelin e mëparshëm, nëse jo edhe më lart.

“Në këto kushte, politika fiskale duhet të jetë e orientuar saktë dhe e disiplinuar. Në vend të mbështetjes së gjerë dhe të kushtueshme (si, për shembull, rritja e lartë e pensioneve) që mund të nxisë më tej kërkesën, është e nevojshme të synohen ekskluzivisht grupet e ndjeshme – amvisëritë me të ardhura të ulëta, prindërit e vetëm dhe personat e moshuar që kanë nevojë për shërbime sociale – me masa që nuk e prishin dinamikën e tregut të çmimeve. Kujdes i veçantë është i nevojshëm në periudha parazgjedhore dhe zgjedhore”, shtojnë nga Finance Think.

Dje edhe nga Banka Popullore kërkuan ndihmë nga bartësit e politikës fiskale, përkatësisht nga Qeveria.

“Sigurisht, çdo veprim që është i qëndrueshëm në afat të mesëm dhe të gjatë, nga ana e bartësve të politikës fiskale, është i mirëseardhur dhe ndihmon Bankën Popullore në ruajtjen e stabilitetit të çmimeve”, deklaroi Trajko Slaveski – Guvernator i Bankës Popullore.

Ndryshe, kryeministri Hristijan Mickoski disa ditë më parë paralajmëroi se nëse ka rritje të çmimeve, sidomos te ushqimi, do të ketë masa serioze që do të dallojnë nga ato të mëparshmet.

“Shumë shpejt do të dalim, do të dalim me disa modele që në disa segmente kanë qenë të suksesshme, kështu që kësaj radhe duam një skenar të plotë që mendojmë se do të stabilizojë çmimet e produkteve në markete”, deklaroi kryeministri Hristijan Mickoski.

Mickoski paralajmëroi luftë ndaj inflacionit bazë, i cili në thelb ndikon në çmimet e larta në shtetin tonë.

The post Finance Think: Ushqimi nuk e nxit inflacionin, rritja e çmimeve vjen nga shpenzimet e shtuara të qytetarëve appeared first on Telegrafi.

Nga VLEN thonë se vetëm sot, janë realizuar punësime dhe avancime të ndjeshme në tre institucione shtetërore, të gjitha me kuadër shqiptar.

“15 punësime në Shtëpinë e Shëndetit Publik në Kumanovë, nën drejtimin e drejtorit Sedat Zulbeari, si pjesë e reformës për një shëndetësi gjithëpërfshirëse dhe më pranë qytetarëve; 9 punësime dhe 5 avancime në Qendrën për Punë Sociale në Kumanovë, ku drejtuesi Erdi Mehmeti po ndërton një administratë funksionale dhe të barabartë, që i shërben qytetarëve pa dallim, me përfaqësim të drejtë të shqiptarëve; 9 punësime të reja në Ministrinë për Çështje Europiane, të gjitha me kuadër shqiptar, falë angazhimit të pandalshëm të ministrit Orhan Murtezani për integrim europian me fytyrë të drejtë, të re dhe gjithëpërfshirëse”.

“Këto hapa nuk janë vetëm numra në një raport administrativ. Janë hapje dyersh për të rinjtë shqiptarë, janë shenja të rikthimit të besimit në shtet, janë garanci se shqiptarët nuk janë më qytetarë të rendit të dytë, por shtyllë e barabartë në çdo institucion publik të këtij vendi”, thonë nga VLEN.

Më tej thonë se ata janë të vendosur që ta çrrënjosin padrejtësinë shumëvjeçare në përfaqësim dhe ta ndërtojnë një administratë moderne.

“Kjo është vetëm fjala e parë në një kapitull të ri që po shkruhet për shqiptarët në Maqedoninë e Veriut. Dhe ky kapitull është: dinjitet, barazi dhe zhvillim për të gjithë”, thonë nga VLEN./Telegrafi/

The post VLEN: Sot 33 shqiptarë janë punësuar në institucionet shtetërore appeared first on Telegrafi.

Nga 499 kandidatë që u paraqitën në thirrjen publike për masën “Punë publike për mbrojtje dhe parandalim nga zjarret dhe gjelbërim të mjedisit”, 364 ndoqën trajnimin, ndërsa 352 prej tyre do të angazhohen për punë konkrete nëpër komuna.

Trajnimi dyditor u zhvillua në bashkëpunim me Drejtorinë për Mbrojtje dhe Shpëtim dhe njësitë territoriale të zjarrfikësve, ndërsa nënshkrimi i kontratave do të bëhet nesër. Pjesë e rëndësishme e procesit ishte edhe ndihma e Kryqit të Kuq në trajnimet lokale.

“352 persona gjatë ditës së nesërme do të lidhin kontratë për angazhim të punës me agjencinë për punësime, ku si partner paraqitet gjithashtu edhe Drejtoria për Mbrojtje dhe Shpëtim, dhe komunat që janë pjesë e kësaj mase qeveritare”, tha Stojançe Angellov – drejtor i DMSH-së.

The post Parandalimi i zjarreve, 352 kandidatë nesër do të nënshkruajnë kontrata pune appeared first on Telegrafi.

Prokuroria e Maqedonisë së Veriut njofton se me procedurë të përshpejtuar e ka proceduar një shtetas të Gjermanisë, i cili në ndeshjen në mes Shkëndijës dhe Qarabagut e ka shfaqur flamurin e Shqipërisë së Madhe me mbishkrimin “Autochthonous”

“Pas identifikimit dhe paraqitjes së kallëzimi penal nga ana e SPB Shkup, Prokuroria Themelore Publike Shkup, me procedurë urgjente, ndoqi penalisht një shtetas gjerman për vepër penale – nxitje e urrejtjes, përçarjes ose intolerancës në baza kombëtare, racore, fetare dhe të tjera”.

“Ai u akuzua sepse më 5 gusht, pak para ndeshjes së futbollit midis KF Shkëndija dhe KF Qarabagu, duke shfaqur dhe valëvitur flamurin e “Shqipërisë së Madhe” dhe me mbishkrimin “Autochthonous”, shkaktoi ndjenja urrejtjeje, përçarjeje dhe intolerance në bazë të përkatësisë etnike. Kjo u vu re nga oficerët e policisë, të cilët e privuan nga liria”.

“Bazuar në provat e siguruara në koordinim midis policisë dhe prokurorisë kompetente, Gjykata Themelore Penale Shkup menjëherë shpalli vendim me të cilin e shpalli të pandehurin fajtor dhe e dënoi me kusht prej dy vitesh burg, i cili nuk do të ekzekutohet nëse personi i dënuar nuk kryen një krim të ri në 5 vitet e ardhshme. Njëkohësisht, meqenëse ai është shtetas i huaj, Gjykata vendosi ta dëbojë atë dhe t’i ndalojë hyrjen në vend për pesë vitet e ardhshme”, thonë nga Prokuroria.

Ndërsa më tej shtojnë se MPB dhe Prokuroria Publike vazhdojnë të ndërmarrin aktivitete të koordinuara për të zbuluar dhe identifikuar autorët e krimeve të përhapjes së urrejtjes dhe intolerancës që lidhen me garat sportive.

“Menjëherë pas identifikimit të autorëve, ata do të procedohen në përputhje me kompetencat e Prokurorisë Publike”, thonë nga Prokuroria./Telegrafi/

The post Shpalosi flamurin e Shqipërisë së Madhe në ndeshjen Shkëndija – Qarabag, Maqedonia e dënon dhe dëbon shtetasin gjerman appeared first on Telegrafi.

Në kulmin e pushimeve në gjyqësor, lëndët me interes më të madh për publikun janë lënë në pritje – nga 15 korriku deri më 15 gusht zgjasin pushimet e gjyqtarëve në mbarë vendin, megjithatë kjo nuk do të thotë se sallat e gjyqit janë të mbyllura apo se nuk punohet fare.

Nga Gjykata Penale kanë informuar për Alsat se edhe gjatë kësaj periudhe punohet në lëndët e paraburgimeve dhe se çdo ditë caktohen seanca në të cilat gjyqtari duhet të vendosë për paraburgim me kërkesë të prokurorit publik.

Një lëndë që gjatë këtyre pushimeve tërheq veçanërisht vëmendjen e opinionit, është gjykimi ndaj kriminelit Rade Trajkovski Shtekli dhe nëntë personave të tjerë të akuzuar për tregti të paligjshme me drogë. Procesi gjyqësor kundër Shteklit duhej të fillonte më 17 korrik, por seanca u shty menjëherë për shkak të hospitalizimit të të akuzuarit Trajkovski dhe pritet të vazhdojë nesër. Nga Gjykata Penale thonë se çështja është caktuar dhe duhet të mbahet nesër, megjithëse faqja e gjykatës ku ndodhet kalendari i seancave aktualisht nuk funksionon. Ndërkohë, publiku ende pret që Gjykata Penale të shqyrtojë aktakuzën për zjarrin në klubin e natës “Puls” në Koçan dhe të caktojë datën e gjykimit për një nga tragjeditë më të mëdha në historinë e re të vendit, në të cilën humbën jetën 62 persona.

Jozyrtarisht, aktakuza pritet të shqyrtohet në fillim të shtatorit, dhe pritet që më vonë të nisë edhe gjykimi. Njoftohet se gjykimi do të mbahet në sallën e re, më të madhe, në Idrizovë, por ende pritet konfirmim. Në këtë rast ka aktakuzë kundër 34 personave fizikë dhe 3 persona juridikë. Gjithsej 31 persona janë të akuzuar në rastin “Aditivët”, çështja për të cilën seancat e gjykimit tashmë kanë nisur të mbahen pikërisht në sallën në Idrizovë, por pavarësisht se çështja ka hyrë në procedurën e provave, pjesa më interesante për publikun pritet të vazhdojë në shtator, kur gjyqtarja Daniela Dimovska ka paralajmëruar që gjykimet do të vazhdojnë me një ritëm më intensiv.

Në këtë çështje, dëmi nga prokurimi i aditivëve të dyshimtë për TEC manastir dhe TEC Negotinë vlerësohet rreth 6.5 milionë euro, ndërsa i pari i akuzuar, ish-drejtori i EMV-së, Vasko Kovaçevski, vazhdon të jetë në arrati. Më 5 shtator do të fillojë gjykimi për “Onkologjinë”, ku të parë në listën e të akuzuarve janë ish-drejtuesit e klinikës, si dhe katër mjekë të cilët ngarkohen për trajtim të pakujdesshëm mjekësor. Ishte një rast tjetër i madh që tronditi opinionin publik, pasi mediat publikuan informacione për keqpërdorime me barnat e shtrenjta për personat me kancer në klinikën e onkologjisë.

Përveç kësaj, më 22 shtator pritet të vazhdojë seanca e përsëritur për rastin e njohur në publik si “Besa Trans”, që lidhet me aksidentin rrugor që ndodhi në Bullgari para 4 vjetësh dhe ku humbën jetën 45 persona. Në këtë rast i pari i akuzuar është pronari i kompanisë, Bekim Haxhiu, i cili akuzohet se ka transportuar persona me licencë false për transport ndërkombëtar./Alsat/

The post Lëndët në interes të publikut lihen në pritje appeared first on Telegrafi.