Stuhia e fortë me erë dhe reshje të dendura shiu që përfshiu ditën e sotme Shqipërinë, veç dëmeve materiale dhe pemëve të rrëzuara, ka prekur drejtpërdrejt edhe qytetarët.

Bëhet me dije se deri më tani në spitalin e Traumës janë paraqitur 20 pacientë, 10 prej të cilëve po vijojnë të marrin shërbim mjekësor atje, raporton A2.

Këta persona janë dëmtuar nga stuhia, duke u goditur nga sende të forta, të cilat kanë fluturuar në ajër ditën e sotme për shkak të erës së fortë.

Ndërkohë kujtojmë se disa qytete u ‘zhytën’ totalisht nën ujë, nga reshjet e dendura të shiut që shoqëruan stuhinë e erës, shkruan A2.

Institucionet e ndryshme u kanë bërë thirrje qytetarëve që të shmangin lëvizjet e panevojshme dhe drejtuesve të automjeteve që të rrisin vigjilencën.

The post Stuhia e fortë në Tiranë shkakton lëndime te njerëzit, 20 persona përfundojnë në spitalin e ‘Traumës’ appeared first on Albeu.com.

OKTAPODI/ Frrok Gjini , ministër “de facto” i Shëndetësisë, grupi i Nard Ndokës kap sektorin, roli i Nexhat e Merita Sheqit, FSDKSH si shërbetor i tregtarëve të ilaçeve, roli i ministres dhe historia e një apartamenti..

Nard Ndoka, është portretizuar si një ndër ish-ministrat më grotesk të Shëndetësisë, me bëma që shpesh janë marrë me humor apo ironi.

Por, në prapaskenë, ai ka ditur si të ndërtojë rrjetin e tij duke rrethuar sektorin me familjarë, krushq, nipër e nuse.

Sot, kjo skemë ka nxjerrë edhe një “ministër de facto” në krye të Shëndetësisë.

Shqipëria ka treguar se paraja dhe zhvatja, nuk njohin parti politike.

Në këtë seri shkrimesh, Korrieri nis zbardhjen e një rrjeti që dyshohet se ka kapur peng sektorin e Shëndetësisë, duke dëmtuar jo vetëm ekonominë, por mbi të gjitha shëndetin e qytetarëve.

Dikur Edi Rama tallej në Facebook me Nard Ndokën duke shkruar: “Mendoni një moment sikur të ishte NN ministër gjatë Covid-it”. Por, edhe pse nuk e emëroi, Rama sot ka “de facto” në krye të Shëndetësisë kunatin e Ndokës, Frrok Gjinin.

Sipas burimeve të Korrierit, Gjini është kthyer në “perandorin” e tenderëve të barnave, duke futur në “xhep” edhe vetë ministren.

Për të marrë një tender në Shëndetësi, më parë duhet të kalosh nga Frrok Gjini, ndërsa rolin e “pritësit” në takime e ka djali i tij, i cili mbyll punët e të atit.

“Çdokush që do tender këtu (Lexo:Ministria e Shëndetësisë, sh.r), duhet të takojë Xh…! Ai shërben edhe si sekseri i ministres”, tha një burim pranë ministrisë për Korrierin.

Kontrolli mbi emërimet dhe institucionet

Përveç tenderëve, familja Gjini kontrollon edhe emërimet në Ministrinë e Shëndetësisë. Drejtoresha e Burimeve Njerëzore është nuse në familjen Gjini dhe vajza e Sokol Halilit.

Ky i fundit, krushku i Frrok Gjinit, është drejtor i Rimbursimit në FSDKSH, duke operuar realisht si drejtues “de facto” i institucionit.

Ndërkohë, edhe Drejtori i Përgjithshëm i FSDKSH është mik shtëpie i Frrok Gjinit, duke ndarë bashkë me të, siç thuhet, “llokmat e tenderëve” gjatë darkave të tyre private.

Lidhjet me tregun farmaceutik

Skema zgjerohet edhe më tej në tregun farmaceutik me aktorë si Nexhat dhe Merita Sheqi të kompanisë Rejsi Farma.

Aktualisht, SPAK dhe Prokuroria e Tiranës kanë hapur një hetim për skandalin e recetave dhe barnave të rimbursueshme, duke goditur njërin krah të këtij rrjeti, atë të lidhur me Nadir Çaushollin.

Por krahu tjetër, me në krye Nexhat Dacin, i njohur për fuqinë e tij korruptive dhe për lidhjet e ngushta me Frrok Gjinin, vijon punën i paprekur.

Rejsi Farma ka futur në listën e rimbursimit, përmes kontratave MEA, të gjitha barnat e kompanisë Roche.

Po ashtu, përmes një tenderi në QSUT, ka marrë furnizimin e të gjitha barnave të Takeda-s me një vlerë prej 6 milionë eurosh.

Shifra u cilësua marramendëse dhe më pas u justifikua me “gabime në përllogaritjet e kërkesave”.

Ndërkohë që pacientët vuajnë për mungesën e barnave onkologjike dhe paguajnë shtrenjtë për medikamentet e tjera, vjedhja me receta të falsifikuara përllogaritet rreth 20 milionë euro në vit.

Kjo shifër vjen mbi çmimet e larta që aplikohen si pasojë e abuzimeve dhe korrupsionit masiv në sistem.

Ndërsa qytetarët përballen me vuajtje, Frrokrat, Nexhatrat dhe Nadirat pasurohen pa iu hyrë gjemb në këmbë.

Oktapodi i Shëndetësisë është i shtrirë në çdo hallkë të sistemit.

Korrieri do të vijojë me zbërthimin e kësaj skeme dhe me zbardhjen e pronësive të dyshuara, përfshirë apartamente dhuratë për ministra që kanë detyrë të mbrojnë shëndetin e qytetarëve dhe taksat e shqiptarëve, por që sipas të dhënave janë kapur në grackën e këtij rrjeti /korrieri

The post OKTAPODI/ Frrok Gjini, ministër “de facto” i Shëndetësisë, grupi i Nard Ndokës kap shtetin, torta e Nexhat e Merita Sheqit, FSDKSH si shërbetor i tregtarëve të ilaçeve, roli i ministres dhe historia e një apartamenti.. appeared first on Albeu.com.

Deputeti socialist Erion Braçe, prej ditësh vijon me denoncime ndaj skemave piramidale online, që po zhvasin qytetarët shqiptarë.

Përmes një videoje të publikuar në rrjetet sociale, Braçe paralajmëron sidomos qytetarët e Divjakës dhe Lushnjes të bëjnë kujdes ndaj këtyre skemave, teksa ka publikuar edhe një mesazh të udhëheqësve të këtyre skemave.

“Ky është Leo Smith, profesori që ka zhytur në piramidë Divjakën e Lushnjen, edhe më gjerë. Është një situatë surreale në çdo klub, kafene, restorant, berberhane grash e burrash, shtëpi në Divjakë e Lushnjë.

Fëmijë, të rinj, të rritur, të moshuar që rrinë në telefon në dorë e presin sinjal nga profesori Leo Smith. Tmerr! Leo Smith nuk ekziston, është robot, ndryshe nga Joana”,-shkruan Braçe krahas videos.

The post Skemat piramidale/ Erion Braçe publikon SMS-në: Kush është “profesori” që po merr në qafë Divjakën dhe Lushnjen appeared first on Albeu.com.

Këngëtarja Bleona Qereti, ka padiut për 2 milionë dollar pranë gjykatës së lartë të shtetit të new york-ut, Evi Kokalarin, pas fushatës së shpifjeve dhe mashtrimit

Në përgjigje të fushatës së vazhdueshme të shpifjeve dhe mashtrimeve nga Evi Kokalari, më 15 gusht 2025, këngëtarja dhe artistja me famë ndërkombëtare Bleona Qereti, përmes Studios Avokatore Waymaker LLC, ka depozituar një padi në Gjykatën e Lartë të Nju Jorkut, Konteja Queens, duke kërkuar 2 milion dollarë dëmshpërblim.

Që prej vitit 2022, Evi Kokalari, ka ndërmarrë një fushatë të vazhdueshme shpifjesh, sulmesh të organizuara dhe dezinformimi ndaj Bleona Qeretit, duke shtrembëruar fakte dhe fabrikuar narrativa të rreme, me synimin për për ta minuar profesionalisht në karrierën e saj dhe personalisht, duke demtuar reputacionin e saj.

Veprimet e Evi Kokalarit kanë qenë të qëllimshme, të përllogaritura dhe dashakeqe, duke shkaktuar dëm të pariparueshëm në reputacionin dhe imazhin publik të Bleonës si në SHBA ashtu edhe në Shqipëri.

Në vjeshtën e vitit 2020, pas njohjes me Bleonën, Evi Kokalari e pa këtë marrëdhënie si mundësi për të avancuar ambicjet e saj si në Shqipëri ashtu edhe në SHBA.

Miqësia e rreme me Bleonën i dha asaj akses tek individë me ndikim dhe ekspozim në media, të cilat ajo i shfrytëzoi për përfitime personale.

Pasi u ndje e kërcënuar nga prania dhe fama e Bleonës në rrethet e ndryshme mediatike dhe politike, për të avancuar agenden e saj Evi Kokalari në vitin 2022 ndërpret cdo marrëdhënie me Bleonën dhe nis një fushatë hakmarrëse ndaj saj, duke fabrikuar e publikuar narrativa të rreme dhe duke bërë interpretim dashakeq të materialeve artistike dhe fotografive të Bleonës në rrjete sociale dhe media, me qëllim të shkaktonte polemika dhe të dëmtonte në mënyrë të parikuperueshme reputacionin e saj.

Evi Kokalari është angazhuar në sjellje të ngjashme edhe ndaj të tjerëve, por Bleona nuk do ta lejojë më që kjo të ndodhë me të duke iu drejtuar institucioneve ligjzbatuese.

Veprimet e Zj. Kokalari kanë përfshirë:
• Publikimin dhe amplifikimin e deklaratave shpifëse degraduese në rrjete sociale dhe media, për ta minuar profesionalisht dhe izoluar personalisht
• Denigrim të Bleonës në rrethin e individëve në rrjetin e saj profesional dhe personal
• Dezinformim të figurave politike amerikane dhe shqiptare, për interes personal dhe në dëm të Bleonës
• Tentativa për bojkotim të eventeve ku Bleona ka qenë e përfshirë
• Shantazh dhe presion ndaj individëve me ndikim, me synim përfitime financiare dhe ekspozim publik

Dëmi i shkaktuar

Kjo fushatë shpifjesh ka qenë thellësisht dëmtuese duke shkaktuar dëme në imazhin e Bleones, si në aspektin profesional ashtu edhe në atë personal.

Shpifjet e vazhdueshme kanë prekur jo vetëm karrierën ndërkombëtare të Bleonës, por kanë shkaktuar dhimbje të thella emocionale për të dhe familjen e saj, të cilët janë detyruar të përjetojnë këto sulme të ulëta në sytë e publikut. Miliona njerëz kanë lexuar publikimet dashakeqe të znj. Kokalari.
Si pasojë, shumë njerëz nuk e shohin më për atë që është realisht, por përmes një lenteje të shtrembëruar të ndërtuar qëllimisht prej saj.

Bleona ndan shtëpinë me prindërit e saj dhe ka qenë një dhimbje rrënuese për të, t’i shohë prindeti e saj të vuajnë sulmet dhe mashtrimet publike, ndërkohë që vajza e tyre tërhiqet pa të drejtë në një cirk mediatik.

Dëmtimi i nderit apo figurës morale nuk shuhet lehtë apo harrohet në kulturën shqiptare.
Njollosja e reputacionit mbetet e pashlyeshme dhe ndjek individin përgjithmonë, duke mbetur e u ngulitur në perceptimin kolektiv të publikut.
Znj. Kokalari e njeh mirë këtë realitet kulturor dhe e ka përdorur si armë, duke ndërtuar mbi shpifje e gënjeshtra për të shkaktuar sa më shumë dëme ndaj Bleonës dhe për të avancuar interesat e saj personale.

Deklaratat e Zj. Kokalari nuk kanë asnjë bazë faktike dhe e ka bërë në dijeni të plotë këtë.

Qëndrimi i Bleonës:
Bleona Qereti deri më sot ka zgjedhur të mos i përgjigjet publikisht sulmeve të pabaza, por nuk mund të qëndrojë më në heshtje.
Përmes kësaj padie, ajo kërkon vendosjen e përgjegjësisë ligjore ndaj sjelljes dashakeqe të Zj. Kokalari dhe rivendosjen e së vërtetës duke kërkuar dëmshpërblim për dëmet e shkaktuara dhe mbajtjen e përgjegjësisë nga Zj. Kokalari për narrativat e rreme.

“E vërteta është e dokumentuar, dëshmitarët janë të shumtë dhe është koha që kjo sjellje të marrë zgjidhje ligjore. Publiku ka të drejtë të njohë faktet e plota dhe të mos mashtrohet nga dezinformimi.” – Bleona Qereti.

The post Bleona Qereti padit Evi Kokalarin në Gjykatën e New York-ut, i kërkon 2 milionë dollarë appeared first on Albeu.com.

Ditën e sotme, Gjykata e Durrësit, ka caktuar masën e sigurisë “arrest në burg”, për ish-drejtuesin e Inspektoratit të Mbrojtjes së Territorit, Ardian Halili.

Vendimi u dha nga gjyqtari Paulin Çera pas seancës së mbajtur këtë të shtunë, gjatë së cilës arrestimi në flagrancë i Halilit, mesnatën e 26 gushtit u vlerësua i paligjshëm.

Halili, i arrestuar katër ditë më parë, akuzohet për “ndërtim të paligjshëm” dhe “shpërdorim të detyrës”.

Në sallën e gjyqit ai u mbrojt nga bashkëshortja e tij, ish-prokurorja Rabiana Halili, ndërsa hodhi poshtë akuzën e shpërdorimit të detyrës, duke pretenduar se punimet i kishte kryer me dijeninë e autoriteteve vendore, edhe pse pa leje ndërtimi.

Rasti ka marrë vëmendje të gjerë publike, pas shembjes me shpërthim të kontrolluar dhe fadroma të kompleksit luksoz “Saint Michelle Residence” në Kepin e Rodonit, ndërtuar pa leje në një zonë bregdetare të mbrojtur.

Policia e Durrësit, ia kaloi fillimisht materialet hetimore SPAK-ut, por Prokuroria e Posaçme nuk e pranoi dosjen, duke e lënë, për momentin, në kompetencë të Prokurorisë së Durrësit.

The post Ndërtoi pa leje resortin te Kepi i Rodonit, lihet në burg ish-kreu i IMT në Durrës, Ardian Halili appeared first on Albeu.com.

Mesditën e sotme, stuhia era e të fortë dhe reshjet e dendura të shiut, përfshinë disa nga qytete kryesore në vend. Si pasojë e reshjeve dhe erës së fortë në disa zona të Tiranës, janë shkaktuar dëme.

Në foto të publikuara në media, duket se janë rrëzuar pemët në anë të rrugës të cilat kanë rënë mbi një automjet.

Policia e Tiranës, ka njoftuar se punonjësit e policisë së kryeqytetit dhe të komisariateve në varësi janë prezentë kudo në terren për të ofruar ndihmë dhe mbështetje qytetarëve, për shkak të motit të keq që po përfshin qytetin.

Policia gjithashtu, u bëri thirrje qytetarëve që “të jenë të kujdesshëm, të shmangin lëvizjet e panevojshme dhe të raportojnë çdo situatë të rrezikshme në numrin 112”.

“Lutemi që të gjithë qytetarët të bashkëpunojnë me policinë, me qëllim garantimin e sigurisë së të gjithëve”, apeloi policia.

Edhe qytetit i Durrësit, është përfshirë nga reshjet e dendura të shiut, të cilat kanë shkaktuar vështirësi në qarkullimin e automjeteve në disa akse rrugore.

Në Lezhë reshjet e dendura dhe me intensitet të lartë të shiut përmbytën disa nga rrugët kryesore të qytetit.

Sipas medieve janë përmbytur zona kryesore, përfshirë bulevardin “Gjergj Fishta” dhe bllokun e banimit “11 Janari” në lagjen Besëlidhja. Si pasojë e motit të keq, ka pasur edhe ndërprerje të furnizimit me energji elektrike.

Autoritetet lokale po ndjekin nga afër zhvillimin e situatës, për të marrë masat e nevojshme.

Gjithashtu edhe në Vlorë erërat e forta kanë sjellë një stuhi rëre, duke mbuluar qytetin bregdetar. Pamjet në medie tregojnë rrugë të mbushura me pluhur, ndërsa era e fortë ka krijuar vështirësi për lëvizjen e qytetarëve.

Edhe qyteti i Fierit u përfshi nga reshje të dendura shiu mesditën e sotme, ku për shkak të stuhisë u krijua vështirësi në qarkullimin e mjeteve në rrugë.

The post Pemë të thyera dhe përmbytje/ Stuhia e fortë e përfshin disa qytete, policia apel drejtuese të mjeteve: Respektoni rregullat appeared first on Albeu.com.

Mesditën e kësaj të shtune, kryeqyteti është përfshirë nga moti i keq, me reshje të dendura shiu dhe erëra të forta.

Stuhia e fuqishme ka shkaktuar dhe ndërprerjen e përkohshme të fluturimeve në Aeroportin Ndërkombëtar të Tiranës “Nënë Tereza”.

Pista është përfshirë nga erë dhe shi i fortë, duke bërë të pamundur operimin normal të fluturimeve.

Autoritetet kanë ndërprerë aktivitetin deri në përmirësimin e kushteve atmosferike.

The post Stuhia ndërpret përkohësisht fluturimet në aeroportin e Rinasit appeared first on Albeu.com.

Këtë të shtunë, kryetari i Kuvendit të Kosovës, Dimal Basha, ka mbyllur seancën për konstituimin e Kuvendit të ri, pavarësisht faktit që nuk u zgjodh nënkryetari nga komuniteti serb.

Asnjë nga deputetët e komunitetit serb, nuk mori shumicën e nevojshme për të marrë postin e nënkryetarit.

Në rrethanat që u krijuan pas dështimit të zgjedhjes së njërit nga deputetët e komunitetit serb si nënkryetar i Kuvendit, Dimal Basha, theksoi se të gjitha opsionet për këtë proces ishin ezauruar.

Ai njoftoi se Kuvendi nuk ka mundësi tjetër, për të vazhduar me zgjedhjen e nënkryetarit të Kuvendit të pestë, që vjen nga komuniteti serb.

“Ne si Kuvend nuk kemi mundësi tjetër për të vazhduar, sa i përket nënkryetarit që vjen nga komuniteti jo shumicë serb. Prandaj, me këtë rast, konsideroj se kemi ezauruar edhe pikën e katërt të rendit të ditës të seancës konstituive. Dhe, meqenëse nuk ka mundësi tjetër për të proceduar tutje, konsideroj se kjo seancë konstituive përmbyllet. Në emër të funksionalizimit të Kuvendit dhe materializimit të rezultatit zgjedhor të 9 shkurtit, konsideroj se moszgjedhja e njërit nga 5 nënkryetarët apo njërit nga 6 anëtarët e kryesisë nuk mund të bëhet pengesë që bllokon konstituimin e Kuvendit të Kosovës. Pas përmbylljes së seancës konstituive, Kuvendi duhet të vazhdojë punën, siç parashihet me Kushtetutë. Sa i përket hapave të ardhshëm për punën tonë si Kuvend, do t’i konsultoj anëtarët tanë të zgjedhur si nënkryetarë të Kuvendit, mbledhje që do të mbahet të hënën në ora 13:00”, tha Basha.

Seanca konstituive e Kuvendit të Kosovës nisi më 15 prill, pas zgjedhjeve parlamentare të jashtëzakonshme të mbajtura më 9 shkurt.

Nga ajo kohë deri sot, janë bërë 61 tentativa për konstituimin e plotë të Kuvendit të Kosovës.

Në tentimin e 59, u zgjodh kryetari i Kuvendit, Dimal Basha, tre nënkryetarë nga PDK, LDK dhe LVV, si dhe nënkryetarja nga pakicat tjera joserbe.

The post Dimal Basha mbyll seancën për konstituimin e Kuvendit të Kosovës, çfarë ndodh më pas appeared first on Albeu.com.

Ditën e sotme, Shqipëria është goditur nga stuhia tropikale dhe erë e fortë. Vetëm pak minuta shi, kanë mjaftuar për të shkaktuar përmbytjen e disa akseve rrugore në qytetin e Durrësit, duke shkaktuar kaos dhe ndërprerje të lëvizjes.

Sipas raportimeve, situata është më problematike në akset rrugore të brendshme dhe në zonat periferike, si lagjet nr. 13, nr. 14 dhe nr. 16, pranë stadiumit në Durrës.

Edhe pse ishte paralajmëruar për stuhi, autoritetet nuk kanë marrë asnjë masë dhe në pak minuta shi, qyteti është përmbytur dhe ujrat e zeza kanë dalë në sipërfaqe, duke lënë një erë të papërballueshme në rrugë dhe duke shkaktuar kaos të madh në qarkullimin e automjeteve.

The post Stuhia dhe era e fortë mbërthejnë Shqipërinë, përmbytet Durrësi (VIDEO) appeared first on Albeu.com.

Këtë të shtunë 30 gusht 2025, ashtu siç ishte paralajmëruar edhe ditën e djeshme, Shqipëria është goditur nga stuhia tropikale dhe erë e fortë.

Era e fortë ka prekur Tiranën, ndërsa objektet në ambientet e jashtme si çadra, karrige dhe të tjera janë rrëzuar.

Nga pamjet e siguruara nga Euronews Albania, shihet si era e fortë merr çfarëdo gjeje që ka përpara. Nga stuhia janë shkëputur disa pjesë të grilave të dritareve.

Sipas parashikimit të motit, herë pas here do të priten rrebeshe shoqëruar me stuhi të forta ere. Orët e pasdites do të vijojnë me vranësira dhe shira të dendura, duke rrezikuar përmbytje në disa qarqe të ultësirës perëndimore.

Sakaq, shira mesatar priten në zonat malore Lindore. Gjatë natës do të ketë rënie të ndjeshme të intensiteti të reshjeve.

VIDEO/ Stuhia e fortë dhe shirat përfshijnë vendin, era merr çfarë i del para pic.twitter.com/vsB1GLBkGJ

— Euronews Albania (@EuronewsAlbania) August 30, 2025

The post Stuhia godet Tiranën, era e fuqishme merr çfarë i del para (VIDEO) appeared first on Albeu.com.

Një ditë pas gjetjes së trupit të dekompozuar të Petro Seferit, 60-vjeçarit që u gjet i pajetë në banesën e tij në lagjen nr. 4 të qytetit të Korçës, ka folur shoku i tij i fëmijërisë, Admir Sulejmani, i cili ka treguar një histori të dhimbshme vetmie, varfërie dhe indiference nga institucionet.

“Jam rritur me të. Nga varfëria vdiq Petrika, nuk e trajtonte shteti. Kohët e fundit i dhanë një kemp, por siç e pësoi…”, tha Sulejmani, duke shtuar se shoku i tij kishte vite që përballej me probleme shëndetësore dhe ekonomike.

Sipas tij, Seferi vuante nga sëmundje të zemrës dhe tension i lartë, nuk kishte të ardhura, dhe prej kohësh ishte braktisur nga gruaja dhe fëmijët. Jetonte i vetëm, pa asnjë përkujdesje, ndërsa nuk kishte më as fuqi fizike dhe shpirtërore për të kërkuar ndihmë.

“Ai dilte këtu, rrinte me ne, pinte ndonjë cigare, kërkonte ndihmë… nuk kishte asnjë mundësi. Ishte i dobët, duart i kishte të mavijosura, mezi fliste. Kishte rënë nga morali, nga çdo gjë,” u shpreh Sulejmani, duke theksuar se askush nga institucionet nuk ishte interesuar për të.

Ai tregon se fillimisht mendonin se Petroja mund të kishte ikur jashtë shtetit, ndoshta pranë fëmijëve apo vëllait, por askush nuk kishte informacion të saktë. “Ka qenë krejt i vetmuar. Kishte motër, kishte edhe të afërm. Madje ishte nipi i Rita Markos, njerëz që dikur kanë qenë me pozitë. Por ai iku si i varfër, pa njeri, kockë e lëkurë, i kalbur,” rrëfen ai me trishtim.

Pamundësia ekonomike kishte bërë që Seferi të mos kishte as ujë e drita në shtëpi, dhe ndonëse për një kohë i ishte caktuar një kemp, ndihma asnjëherë nuk i kishte mjaftuar.

“Ai nuk kishte as telefon. Ne nuk morëm vesh as për varrimin, as ku e çuan, as kur e varrosën. Ishte bërë vetëm kocka… 8 muaj i dekompozuar, njeri brenda 24 orëve shpërfytyrohet,” përfundon rrëfimin Sulejmani.

Rasti tragjik i Petro Seferit ka ngjallur reagime në qytetin e Korçës dhe më gjerë, duke rikthyer në vëmendje nevojën për më shumë përkujdesje ndaj shtresave në nevojë dhe njerëzve të vetmuar, që shpesh jetojnë në harresë totale.

The post Ngjarja e rëndë në Korçë/ Flet miku së 60-vjeçarit që u gjet i dekompozuar: Vdiq nga varfëria dhe i harruar nga të gjithë… appeared first on Albeu.com.

Milani ka prezantuar Kristofer Nkunku. Futbollisti është transferuar nga Çelsi për shifrën që raportohet të jetë 37 milionë euro.

Nkunku, ka firmosur kontratë të vlefshme për 5 vite. Për francezin që luan në qendrën e sulmit ka shumë pritshmëri.

“Milan njofton se ka siguruar përfundimisht shërbimet e futbollistit Kristofer Nkunku nga Çelsi. Sulmuesi francez ka nënshkruar një kontratë me klubin kuqezi deri më 30 qershor 2030”, shkruajnë kuqezinjtë.

Milani premton të afrojë lojtarë të tjerë deri në fundin e merkatos. Priten të paktën edhe dy firma.

The post ZYRTARE/ Milani nuk kursehet, paguan 37 milionë euro për afrimin e sulmuesit appeared first on Albeu.com.

Inspektori i IMT-së së Tiranës, Gerald Fuçia, është lënë në burg me vendim të Gjykatës së Posaçme kundër Korrupsionit dhe Krimit të Organizuar, në kuadër të një hetimi të nisur nga SPAK për korrupsion në lidhje me një tendë të vendosur pa leje, në zonën e Kombinatit në Tiranë.

Gjyqtarja Etleva Deda, pranoi kërkesën e prokurorit të SPAK, Sotir Kllapi, dhe caktoi ndaj Fuçias masën e sigurisë “arrest me burg”.

Në seancën me dyer të mbyllura, inspektori Fuçia mohoi çdo përfshirje në ngjarje, duke deklaruar:

“Nuk e njoh fare qytetarin, as e kam kontaktuar, as takuar, as nuk di gjë për ryshfetin. Deklaroj me përgjegjësi morale dhe ligjore se nuk kam lidhje me këtë histori. E ushtroj detyrën me seriozitet dhe profesionalizëm, si në dhjetëra raste të tjera të aksionit për lirimin e hapësirave publike”.

Avokatët e tij kërkuan një masë më të butë sigurie, deri në qartësimin e plotë të rrethanave.

Ndërkohë, për të njëjtën çështje, është vetëdorëzuar në polici edhe inspektori tjetër i IMT-së, Klajdi Zhilla, i cili ishte shpallur në kërkim.

Ai u paraqit mbrëmë në ambientet e Policisë së Tiranës, i shoqëruar nga avokati i tij.

Zhilla dyshohet për korrupsion pasiv dhe, në deklarimin paraprak, ka pretenduar se nuk ishte në dijeni se ishte në kërkim, duke shtuar se këtë e kishte mësuar vetëm nga mediat.

Sipas burimeve zyrtare, hetimet për këtë rast nisën nga Policia e Tiranës dhe më pas u referuan pranë SPAK.

Denoncimi është bërë nga një qytetar, pronar lokali, i cili ka kallëzuar se dy inspektorët i kishin kërkuar 1,000 euro ryshfet për një tendë të vendosur pa leje.

The post Lihet në burg inspektori i IMT-së Tiranë, çfarë deklaroi Gerald Fuçia para gjykatës appeared first on Albeu.com.

Këngëtarja e njohur Besa Kokëdhima po martohet. Prej kohësh ka folur për jetën e saj private, duke bërë me dije se është e lumtur dhe më e dashuruar se kurrë.

Ndonëse një ndër personazhet më diskrete kur vjen puna te jeta sentimentale, gjithnjë këngëtarja e ka pranuar hapur raportin e saj të konsoliduar tanimë.

Dhe më në fund gjithçka duket gati për dasmën e shumëpritur. Këngëtarja ka bërë gati të gjitha detajet, për martesën që do të bëhet me 14 shtator.

Edhe në ditën e saj të shënuar, artistja ka preferuar që të mbajë gjithçka sa më diskrete. Ajo dhe Tedi, do t’i thonë njëri-tjetrit “Po”, në një lokacion shumë të veçantë, larg Tiranës.

Dasma është projektuar të jetë sa më private, me shumë pak miq dhe personazhe të famshëm. Vetë këngëtarja ka kërkuar që të ftuarit të mos postojnë asgjë nga dasma e saj, duke preferuar që edhe ceremonia të kalojë pa u zbuluar në media, apo në rrjetet sociale.

Ajo dhe Tedi, janë në një lidhje të konsoliduar prej vitesh tanimë, ndonëse e jetojnë këtë histori dashurie larg syve të publikut.

Për të gjithë ata që nuk e njohin, Tedi është një emër i njohur si ekspert juridik dhe ka preferuar që të mbajë një profil të ulët edhe në profesionin e tij. Pas disa vitesh në një lidhje, çifti më në fund ka vendosur që të bëjë edhe dasmën e tyre.

Me miqtë e ngushtë dhe të afërmit e tyre, çifti ka zgjedhur një resort lart kryeqytetit për të festuar dashurinë. Disa nga emrat më të njohur të skenës, do të jenë të ftuar për të performuar live në festë. E deri me 14 shtator, mendojmë se do të jetë e pashmangshme, që disa foto, apo pamje nga ceremonia mos të ‘rrëshqasin’ në rrjetet sociale.

Në një dalje të saj mediatike, Besa rrëfeu se është më e dashuruar se kurrë dhe se partneri i saj është mbështetja më e madhe në ditët e ngarkuara.

“Kur jam e stresuar, ai është i vetmi që më qetëson. Kuptimi i jetës për mua është dashuria”, – u shpreh këngëtarja, duke treguar se ndjenjat janë në qendër të gjithçkaje për të. Por surprizat nuk përfunduan këtu. Besa la të kuptohet se dasma është shumë afër. “Po, themi që së shpejti do të kemi dasmë”, – tha ajo me entuziazëm, duke shtuar se do të ketë më shumë se një fustan. “Jam gocë serioze, një herë në jetë dua të martohem. Nuk dua të më mbetet gjë peng”, – përfundoi artistja.

Nga ana tjetër, ajo theksoi se gjithmonë ka pasur frikë për të marrë një vendim kaq të rëndësishëm si martesa. “Kam frikë të futem tek diçka nga e cila s’dal dot”, – tha ajo.

The post Besa Kokëdhima martohet së shpejti, zbulohen detaje nga dasma private/ Kush është djali që i ka fituar zemrën këngëtares? appeared first on Albeu.com.

Në një postim në “Facebook”, Ervin Salianji, ka akuzuar Edi Ramën se e përdor drejtësinë si një vegël politike dhe e trajton si pronë personale.

Salianji denoncon kapjen e sistemit gjyqësor nga qeveria, që sipas tij, jo vetëm që nuk e kontrollon pushtetin ekzekutiv, por i shërben atij duke heshtur për ndërtimet pa leje, korrupsionin dhe abuzimet me ligjin.

Ai i bën thirrje partnerëve ndërkombëtarë të reagojnë jo vetëm kur akuzat vijnë nga opozita, por edhe kur vetë kreu i qeverisë minon institucionet që ata kanë ndihmuar për të ndërtuar.

Postimi:

Edi Rama bën sikur shqetësohet nga drejtësia që kontrollon, kur ndonjë gjyqtar i rrallë nuk i është nënshtruar plotësisht, ndërkohë që pasi e ka kapur sistemin, i përdor dhe sillet me prepotencë duke i trajtuar institucionet e drejtësisë si lecka.

Shumica dërrmuese e gjyqësorit sillen si vartës të qeverisë, jo si pushtet i pavarur kontrolli e balance!

Është përgjegjësi e gjyqësorit që ka lejuar qeverinë në batërdinë urbanistike, ndërtimet pa leje dhe korrupsionin që i ka ushqyer ato. Qeveria i ka lejuar për interesa politike e korruptive dhe sot i përdor politikisht me aksione propagandistike.

Në vend që të kontrollojë pushtetin ekzekutiv, drejtësia ka pranuar të përdoret si armë kundër kundërshtarëve dhe si mburojë për klientelën e qeverisë. Për pasojë, ajo degradohet publikisht nga kryeministri dhe ka frikë dhe ti reagojë.

Ky është portreti më i qartë i kapjes së shtetit dhe shkatërrimit të pavarësisë së institucioneve.

Qytetarët shqiptarë dhe opinioni publik kane pritur reagimin e partnerëve ndërkombëtarë që kanë investuar për ndërtimin e institucioneve të reja të drejtësisë: a do të ketë një reagim të fortë kur Rama i godet, i poshtëron dhe i minon institucionet e drejtësisë? Apo standardet e reagimet vlejnë vetëm kur opozita denoncon abuzimet?

The post Ervin Salianji: Rama e ka kapur drejtësinë dhe e përdor si armë kundër kundërshtarëve appeared first on Albeu.com.

Inspektori i Inspektoratit të Mbrojtjes së Territorit, Klajdi Zhilla, i shpallur në kërkim në kuadër të një operacioni të përbashkët të Policisë së Tiranës dhe Prokurorisë së Posaçme, është vetëdorëzuar mbrëmjen e së premtes në ambientet e Policisë së Tiranës.

Zhilla u paraqit i shoqëruar nga avokati i tij mbrojtës, ndërsa ndaj tij rëndon akuza për korrupsion pasiv, të personave që ushtrojnë funksione publike.

Gjatë dëshmisë paraprake, ai ka deklaruar se nuk ishte në dijeni se ishte shpallur në kërkim dhe se këtë informacion e kishte marrë nga mediat.

Ndërkohë, këtë të shtunë në orën 10:00, në Gjykatën e Posaçme, ka nisur seanca për vlerësimin e masës së sigurisë ndaj inspektorit tjetër të IMT-së, Geraldo Fuçia, i cili u arrestua më herët në kuadër të së njëjtës çështje.

Sipas burimeve zyrtare, hetimet për këtë rast nisën nga Policia e Tiranës dhe më pas u referuan pranë SPAK, pasi një qytetar, pronar i një lokali, ka kallëzuar inspektorët duke i akuzuar se i kishin kërkuar 1,000 euro ryshfet për një tendë të vendosur pa leje.

The post Një mijë euro për një tendë/ Dorëzohet inspektori i IMT-së Klajdi Zhilla, kolegu i tij del para gjykatës appeared first on Albeu.com.

Aktiviteti fizik, ka një ndikim të jashtëzakonshëm në shëndetin e lëkurës dhe mund të ndihmojë në parandalimin e rrudhave, duke përmirësuar qarkullimin e gjakut dhe rritur furnizimin me oksigjen dhe lëndë ushqyese për qelizat e lëkurës.

Ushtrimi i rregullt stimulon prodhimin e kolagjenit, një proteinë që mban lëkurën të fortë dhe elastike, duke reduktuar shfaqjen e linjave të holla dhe rrudhave.

Po ashtu, aktiviteti fizik ndihmon në uljen e stresit, duke parandaluar rritjen e niveleve të kortizolit, një hormon që mund të dëmtojë kolagjenin dhe elastinën e lëkurës, duke kontribuar në plakjen e parakohshme.

Ushtrimet aerobike, si vrapimi dhe noti, rrisin qarkullimin e gjakut, duke ndihmuar në shpërndarjen e oksigjenit dhe lëndëve ushqyese në të gjithë trupin, përfshirë lëkurën, dhe kështu mund të rrisin ndjeshëm pamjen e lëkurës.

Aktiviteti fizik, gjithashtu ndihmon në rregullimin e nivelit të sheqerit në gjak, duke parandaluar glikacionin, një proces që dëmton fibrat e kolagjenit dhe përshpejton plakjen.

Ndërsa ushtrimet janë të dobishme për shëndetin e lëkurës, është gjithashtu e rëndësishme të kujdeseni për lëkurën pas aktivitetit, duke aplikuar produkte hidratues dhe mbrojtës nga dielli për të parandaluar dëmet nga ekspozimi i tepërt ndaj kushteve të jashtme.

Për më tepër, aktiviteti fizik ndihmon në kontrollin e peshës trupore dhe reduktimin e inflamacionit, faktorë që gjithashtu mund të ndikojnë në shëndetin e lëkurës dhe formimin e rrudhave.

The post Mos kini më dyshime! Ja si aktiviteti fizik ndikon te rrudhat appeared first on Albeu.com.

Në një Shqipëri ku çdo cep i “Instagram-it” ndriçon me dritat LED të “haulit” të fundit apo me filtrin e një dite “perfekte”, influencuesit kanë marrë një status që dikur u rezervohej vetëm VIP-ave klasikë.

Me një telefon në dorë dhe një audiencë të ndërtuar mbi një algoritëm, ata janë kthyer në motorë ekonomikë që prodhojnë të ardhura të konsiderueshme, tashmë edhe në objekt vëzhgimi të Administratës Tatimore…

Në rrjetet sociale shqiptare, çdo mëngjes fillon me një ”story”. Një kafe në dritë të mëngjesit, një “unboxing”, një urim me zë të ëmbël për ndjekësit, një bashkëpunim i koduar si dashuri e sinqertë për një produkt të ri.

Në sipërfaqe, ky është një ritual modern, një formë komunikimi e përditshme, intime dhe e padëmshme. Por pas këtij rrëfimi minimalist fshihet një realitet financiar shumë më i madh sesa duket: një ekonomi në hije, që funksionon nëpërmjet shikimeve, pëlqimeve dhe një audience që konvertohet në të ardhura të ndjeshme.

Në Shqipëri, ku shumica e të rinjve janë përdorues aktivë të rrjeteve sociale dhe ku tregu reklamues dixhital është rritur me mbi 25 për qind çdo vit pas pandemisë, fenomeni i influencuesve nuk është më një trend i pakicës, por një pjesë qendrore e mënyrës sesi konsumohet, reklamohet dhe shitet gjithçka, nga kremi për fytyrën te mendimi për veten.

Dhe po, shitet edhe “mendja”! Dhe megjithatë, për vite me radhë, këto të ardhura nuk janë përfshirë në logjikën fiskale të shtetit, duke krijuar një vakum të rrezikshëm: nga njëra anë kemi qytetarë që fitojnë dhjetëra mijë euro në vit; nga ana tjetër, një shtet që deri dje nuk dinte as ku t’i kërkonte.

Në njoftimin e disa muajve më parë nga Drejtoria e Përgjithshme e Tatimeve, i bazuar në verifikime me bankat, thuhej se mbi 33 milionë euro janë gjeneruar nga individët nëpërmjet platformave dixhitale si Meta, Facebook, YouTube, Google, etj.

Shifra është zyrtare, por në të vërtetë nuk përfaqëson të gjithë tregun, ajo është vetëm maja e një ajsbergu të të ardhurave të pamatshme, të cilat, për shkak të natyrës së decentralizuar dhe të paformalizuar të sektorit, nuk janë as të dokumentuara, as të kontrolluara.

Ky realitet po ndryshon. Për herë të parë, individët që gjenerojnë të ardhura nga platformat sociale janë ftuar të deklarojnë fitimet e tyre në formularin vjetor DIVA 2024.

E nëse për shumicën e profesionistëve të lirë, kjo datë ishte e pritur dhe e pranuar, për shumë influencues ajo përfaqësonte një dilemë ekzistenciale: të pranojnë se janë biznese dhe të hyjnë në sistem, apo të vijojnë të qëndrojnë në hijen e famës, pa llogari e pa përgjegjësi.

Anaid Kaloti, themelues i platformës “SHET Industry”, që ndjek nga afër zhvillimet e tregjeve kreative, shprehet se aktualisht, menaxhimi bëhet nga agjenci të mirëfillta, por edhe formalizimi total i tregut është çështje kohe.

“Ne jemi dëshmitarë të një realiteti të ri ekonomik që po e sfidon modelin tradicional të sipërmarrjes. Kur të ardhurat e një vajze që publikon një video ‘morning routine’ kalojnë të ardhurat e një biznesi të vogël që paguan qiranë, sigurimet dhe taksat, shteti nuk mund të mbyllë më sytë. E njëjta logjikë duhet të vlejë për të gjithë: nëse fiton, kontribuo”, – thotë ai.

Influencuesit janë bërë motorët më të fuqishëm të komunikimit tregtar dhe shpesh edhe kulturor. Ata ndikojnë në vendimet për blerje, në vlerat që promovohen, në mënyrën si të rinjtë e shohin veten, suksesin, trupin, modën dhe identitetin.

Dhe këtë ndikim e ushtrojnë pa ndonjë mbikëqyrje institucionale, pa trajnime për përgjegjësi sociale, pa etikë të detyrueshme. Ata janë një media alternative me ndikim masiv, por pa strukturë llogaridhënieje.

Tomi Kallanxhi, themelues i “Big Media Expert”, e artikulon më drejtpërdrejt këtë boshllëk: “Në çdo treg serioz, influencuesit nuk janë thjesht persona me shumë ndjekës, ata janë subjekte tregtare.

Ata kanë marrëveshje, kontrata, detyrime ligjore. Në Shqipëri, ndodh e kundërta. Fama perceptohet si e mjaftueshme për të justifikuar të ardhura të pamatshme. Kjo ka deformuar mënyrën sesi shihet puna, suksesi dhe përgjegjësia. Ka deformuar edhe tregun e agjencive të marketingut dixhital, jo të gjitha janë të formalizuara”, – pohon ai.

Problemi është se shumë influencues nuk janë thjesht të pandërgjegjshëm; ata funksionojnë në një ekosistem ku informaliteti është normë.

Pagesat për bashkëpunime shpesh bëhen “cash” ose përmes platformave të pallogaritura në sistemin tatimor shqiptar.

Një pjesë e tyre edhe me shkëmbime klering. Asnjë kontratë, asnjë faturë, asnjë deklarim. Po a është influenceri shqiptar shpesh viktimë e një sistemi të ndërtuar për të nxitur fshehjen dhe jo transparencën?

Në vendet perëndimore, ky është një debat i kaluar. Franca, Italia, Gjermania e kanë përfshirë prej kohësh industrinë dixhitale në sistemin e vet të tatimeve dhe së drejtës së punës.

Sipas ligjit të ri të 2024 të Bashkimit Europian, influencuesit janë të detyruar të etiketojnë qartë përmbajtjen e sponsorizuar, të deklarojnë partneritetet tregtare dhe të paguajnë kontribute sociale si çdo profesionist tjetër i pavarur. Në Shqipëri, kjo etikë është ende larg, duke qenë një sektor shumë i ri dhe i pastrukturuar.

Formalizimi i kësaj industrie nuk duhet të fillojë me frikë, por me edukim, thotë për “Monitor”, Selami Xhepa, ekspert i ekonomisë. Sipas tij, shteti nuk mund të vijë me gjoba pa ofruar më parë mjete për orientim dhe strukturim.

“Këta individë duhet të kuptojnë si të hapin një NIPT, si të lëshojnë një faturë, si të bëjnë vetëdeklarim online, si të përfshihen në skemat e sigurimeve shoqërore dhe shëndetësore.

Në të kundërt, çdo përpjekje për të përfshirë këtë sektor në sistemin tatimor do të dështojë dhe do të kthehet në një betejë kulturore, ku fama përplaset me burokracinë, dhe ku viktimizimi mediatik mbizotëron mbi logjikën fiskale”, – thotë z. Xhepa.

Anaid Kaloti, thekson se pagesa që merr një influencues nuk përcaktohet vetëm nga numri i ndjekësve, por nga një kombinim faktorësh që lidhen me korrektësinë ndaj publikut dhe mënyrën e komunikimit me të.

Ai nënvizon se ka rëndësi nëse një person është thjesht figurë publike apo ndërvepron realisht me audiencën, duke ndarë momente nga jeta e përditshme, si veshje, gatime, pushime apo evente të ndryshme.

Këto elemente e bëjnë marrëdhënien me ndjekësit më të afërt dhe më autentike, duke rritur vlerën e influencuesit në sytë e bizneseve.

Sipas tij, një tjetër tregues i rëndësishëm është analiza e numrave, që përfshin jo vetëm ndjekësit, por edhe nivelin e angazhimit, shikueshmërinë dhe ndikimin real që ka influencuesi në audiencë.

Këto matje ndihmojnë markat të kuptojnë nëse investimi në një bashkëpunim është i justifikuar dhe cilat janë përfitimet që mund të marrin në këmbim.

Z. Kaloti shton se figurat publike, veçanërisht ata që janë të mirënjohur në ekranet mediatike, zakonisht paguhen më shumë.

Arsyeja, sipas tij, lidhet me imazhin që kanë ndërtuar dhe reputacionin e tyre të konsoliduar, i cili e bën më të lehtë për markat të lidhin produktin ose shërbimin e tyre me një figurë të besueshme dhe të njohur nga një audiencë e gjerë.

Sipas Tomi Kallanxhit, drejtues i “Big Media Expert”, tregu i influencuesve në Shqipëri ka evoluar dukshëm me kalimin e kohës. Agjencitë aktualisht luajnë rol kyç si urë ndërmjet influencuesve dhe kompanive, duke strukturuar bashkëpunimet dhe duke ndihmuar në profesionalizimin e lidhjeve mes palëve.

Ai thekson se marketingu dixhital tashmë ka marrë pjesën më të madhe të “tortës” nga ai tradicional, kompanitë janë gjithnjë e më shumë të orientuara drejt këtij modeli.

Për këtë arsye, format e bashkëpunimit janë zhvilluar në paketa që përfshijnë story, postime dhe reels në Instagram, dhe pagesat variojnë nga 50 euro për një foto deri në mbi 5 000 euro për paketë.

Sipas z. Kallanxhi, pagesat nuk varen nga numri i ndjekësve, por nga reagimet që influencuesi gjeneron, specifikisht nga sa herë postimet u shfaqen ndjekësve në ekran gjatë një muaji.

Gjithashtu, është thelbësore që produkti të pasqyrojë audiencën e influencuesit; p.sh., një modele nuk është e përshtatshme për reklamimin e produktit për bebe, pasi audiencat duhet të përputhen për të maksimizuar efektivitetin, përfundon ai.

Pagesat për influencerët në Shqipëri

Foto e vetme në Instagram
Shpesh përdoret për promovime të shpejta dhe të drejtpërdrejta të produkteve ose shërbimeve. Çmimi fillon nga 50 euro dhe rritet në varësi të audiencës dhe nivelit të angazhimit.

Story të sponsorizuar
Një nga format më popullore, pasi lejon komunikim të shpejtë dhe interaktiv me ndjekësit. Pagesat variojnë zakonisht nga 50 deri në 150 euro për një story, me mundësi shtesë nëse përfshihet edhe link drejt produktit ose një seri storiesh.

Reels / Video të shkurtra
Shërbejnë për të treguar produktin në veprim, duke gjeneruar më shumë shikueshmëri organike. Çmimi zakonisht është 100 deri në 500 euro, në varësi të idesë kreative, kohëzgjatjes së videos dhe cilësisë së prodhimit.

Paketa të plota (postime + reels + story)
Për fushata të strukturuara marketingu, kompanitë zgjedhin paketa të kombinuara që ofrojnë ekspozim të vazhdueshëm. Këto paketa mund të arrijnë mbi 5 000 euro, sidomos kur përfshihet një figurë publike e njohur ose kur bashkëpunimi zgjat për disa javë.

Faktorët që ndikojnë në pagesë
Çmimet nuk varen vetëm nga numri i ndjekësve, por më shumë nga angazhimi real që gjeneron influencuesi (pëlqime, komente, shpërndarje) dhe përputhja e produktit me audiencën e tij. Një audiencë e përfshirë dhe e besueshme është çelësi për një bashkëpunim të suksesshëm./ Monitor

The post Nga “like” te ligji, audienca 33 milionë euro e VIP-ave shqiptarë të rrjeteve sociale, sa kushtojnë postimet dhe faktorët që ndikojnë në pagesë appeared first on Albeu.com.

Regjistrimet për nxënësit që do të nisin klasën e parë dhe të dhjetë në vitin shkollor 2025-2026, janë ende të hapura dhe do të vijojnë deri më 1 Shtator në platformën zyrtare e-Albania.

Ministrja e Arsimit, Ogerta Manastirliu, ka kërkuar nga prindërit që të përfundojnë procesin e regjistrimit brenda afatit, duke theksuar se është një procedurë e thjeshtë dhe e shpejtë.

“Njoftim i rëndësishëm për të gjithë prindërit – regjistrimet në klasat e para dhe të dhjeta janë të hapura në e-Albania deri më 1 Shtator. Ju lutem, përfundoni regjistrimin e fëmijëve tuaj brenda këtij afati. Është një proces që merr vetëm disa minuta”, u shpreh ministrja Manastirliu gjatë një vizite në shkollën e re “Gaqi Karakashi” në Kuçovë, një nga 30 shkollat e reja që do të hapin dyert më 8 Shtator.

Ministrja shtoi se sistemi i regjistrimit online përmes e-Albania, ka për qëllim lehtësimin e procedurave dhe shmangien e radhëve në shkolla, duke garantuar një proces transparent dhe të aksesueshëm për të gjithë.

The post Viti i ri shkollor/ Ogerta Manastirliu: Regjistrimet për klasat e para dhe të dhjeta, prindërit kanë afat deri në 1 Shtator appeared first on Albeu.com.

Mjeku gjinekolog Shkëlqim Balili, teksa ishte i ftuar në emisionin “Koha për t’u zgjuar” në News24, foli gjerësisht mbi rëndësinë e shëndetit riprodhues si tregues i shëndetit të përgjithshëm të njeriut.

Sipas tij, periudha riprodhuese është faza më vitale e jetës dhe energjia që ka trupi gjatë kësaj kohe është e pakrahasueshme me çdo periudhë tjetër.

“Njerëzit në moshë riprodhimi kanë një fuqi të pashtershme, ndryshe nga shumë specie bimore e shtazore që vdesin pas kësaj faze. Por pas riprodhimit, njeriu nuk ka më të njëjtën energji”, u shpreh Balili.

Gjithashtu, gjinekologu theksoi rëndësinë e ciklit menstrual si “një dhuratë e Zotit” për gratë, duke sqaruar funksionin që kanë hormonet gjatë këtij procesi.

“Në dy javët e para, estrogjeni luan rol vendimtar për identitetin gjinor dhe funksionet e tjera hormonale, ndërsa në fazën e dytë dominon progesteroni-hormoni i lumturisë, i cili përgatit trupin për një shtatzëni të mundshme”.

Ai shpjegoi edhe funksionin e hipotalamusit, i cili kontrollon temperaturën trupore, metabolizmin, sistemin hormonal dhe ruan aktivitetin seksual.

Balili ngriti shqetësimin për shëndetin riprodhues të meshkujve, duke theksuar se temperaturat e larta ndikojnë negativisht në prodhimin e spermatozoideve.

“Meshkujt nuk duhet të mbajnë të mbathura të zeza apo të ngushta, sidomos në temperatura të larta, pasi testet humbasin aftësinë riprodhuese nëse kalojnë 37.5°C”, tha ai.

Mjeku theksoi rëndësinë e edukimit seksual që në moshë të hershme, duke propozuar që të fillojë që në moshën 3-vjeçare. “Fëmijët duhet të dinë të thonë ‘JO’ dhe të raportojnë menjëherë për çdo shqetësim që lidhet me organet intime. Marrëdhëniet kërkojnë maturitet dhe nuk është normale të ketë aktivitet seksual në moshën 14 apo 15-vjeç”.

Balili paralajmëroi për rreziqet që vijnë nga ndërhyrjet njerëzore në natyrë dhe përdorimi i kimikateve.

“Jetojmë në një kohë kur gjithçka është artificiale. Plastika, kozmetika, pesticidet, detergjentët e përmbajnë ksenoestrogjenë – kimikate që imitojnë estrogjenin dhe dëmtojnë shëndetin e gruas”, shpjegoi ai.

Sipas mjekut, këto substanca lidhen me infertilitetin, dështimin e vezoreve, obezitetin dhe sëmundje kanceroze si kanceri i gjirit, vezoreve, mitrës dhe prostatës.

Balili kritikoi fort konsumin e ushqimeve të përpunuara dhe pijeve të gazuara nga të rinjtë, duke theksuar se këto janë burim kryesor i hormoneve të dëmshme dhe antibiotikëve.

The post Shëndeti riprodhues/ Flet mjeku gjinekolog: Rinia shqiptare po ushqehet keq, ja rreziku nga kimikatet dhe ndikimi te hormonet appeared first on Albeu.com.