TikTok ka nisur përmirësimin e sistemit të mesazheve direkte, duke prezantuar funksione të reja për përdoruesit mbi moshën 16 vjeç.

Tani, përveç mesazheve të zakonshme, përdoruesit mund të dërgojnë mesazhe zanore, imazhe dhe video deri në një minutë në DM.

Zëdhënësi i TikTok, JaShel Jones, ka konfirmuar se funksionet do të bëhen të disponueshme për të gjithë përdoruesit gjatë javëve në vijim. Kujdes: nëse shtypni dhe mbani butonin e mikrofonit për të regjistruar një mesazh zanor, ai do të dërgohet automatikisht sapo ta lëshoni, përveç nëse e anuloni duke e tërhequr majtas ose lart.

Gjithashtu, përdoruesit mund të dërgojnë deri në nëntë imazhe ose video në të njëjtën kohë – një hap që afron TikTok më shumë me platformat e tjera sociale.

Sinjali – aty ku e vërteta flet para lajmit!

/GazetaSinjali/

The post TikTok sjell risi të reja për përdoruesit appeared first on Sinjali.

Deputetja e Lidhjes Demokratike të Kosovës, Doarsa Kica Xhelili, ka deklaruar se Vetëvendosja e Albin Kurti duhet t’i përgjigjet qytetarëve të Kosovës pse e ‘‘urren patologjikisht’’ Kushtetutën dhe Kosovën bashkë me të.

Ajo ka thënë edhe se Kosova është ajo që dobësohet kur Kushtetuta trajohet si ‘’paçavër’’ e jo Serbia.

”Sidoqoftë, meqë deklaruan se duan të votojnë qeverinë pa konstituim të plotë të Kuvendit, jam kurioze t’i shoh se si mblidhen 61 deputetë – meqë edhe ashtu na thonin se i kanë numrat. E pastaj ta shohim qeverinë e cilit shtet po e votojnë dhe me cilën Kushtetutë, meqë e Republikës së Kosovës nuk po u pëlqen”, ka shkruar ajo mes tjerash.

Sinjali – aty ku e vërteta flet para lajmit!

/GazetaSinjali/

The post Kica-Xheli: Duke e trajtuar Kushtetutën si paçavër nuk e dobëson Serbinë, por Kosovën appeared first on Sinjali.

Modelja Ana Skrel ka publikuar një fotografi të re në rrjetet sociale, duke treguar se është në formë të shkëlqyer pas ndarjes nga këngëtari Robert Berisha.

E veshur me të bardha, me një buzëqeshje të çiltër dhe pamje të kuruar deri në detaj, Ana u shfaq në një moment elegance dhe vetëbesimi.

Përkundër spekulimeve rreth ndarjes së saj me Berishën, postimet e fundit të modeles tregojnë një gjendje të qetë dhe të lumtur. Ajo po e shijon jetën, ndërsa ndjekësit e saj në Instagram nuk kanë ngurruar ta komplimentojnë për paraqitjen.

Modelja duket se ka lënë pas dramat dhe po fokusohet në vetveten, modën dhe karrierën.

Sinjali – aty ku e vërteta flet para lajmit!

/GazetaSinjali/

The post Anës nuk i bëhet vonë për ndarjen nga Roberti, shfaqet në top formë nga pushimet appeared first on Sinjali.

Kryeministri izraelit Benjamin Netanyahu njoftoi sonte se trupi i pengut Idan Stevie është gjetur në Rripin e Gazës.

Pas gjetjes së trupit të Stevie, Izraeli tha se 48 pengje mbeten në enklavën palestineze, nga të cilët besohet se vetëm 20 janë gjallë. Nëna e një pengu izraelit të mbajtur në Rripin e Gazës për gati 23 muaj kërcënoi kryeministrin Benjamin Netanyahu se do ta padisë për “vrasje” nëse djali i saj nuk kthehet i gjallë.

“Netanyah, nëse Matan kthehet tek unë në një qese kufome (…), unë personalisht do të sigurohem që ti të akuzohesh për vrasje”, tha Einar Zangauker, një figurë kryesore në Forumin e Familjeve të Pengjeve, duke folur në Tel Aviv përpara një tubimi që bënte thirrje për lirimin e pengjeve të mbajtura në Gaza.

Matan Zangauker u rrëmbye më 7 tetor 2023, së bashku me më shumë se 200 të tjerë, gjatë një ofensive të paprecedentë të Hamasit në Izraelin jugor që shkaktoi luftën në Gaza, raporton TCH.

“Nëse Netanyahu zgjedh të pushtojë Rripin e Gazës në vend që të pranojë marrëveshjen e propozuar të armëpushimit, kjo do të jetë e barabartë me ekzekutimin e pengjeve dhe ushtarëve tanë të dashur”, shtoi Zangauker, duke folur me gazetarët jashtë Ministrisë së Mbrojtjes.

Jo shumë larg ministrisë, mijëra protestues kërkuan lirimin e pengjeve dhe përfundimin e luftës në Gaza.

Hamasi njoftoi së fundmi se kishte pranuar një propozim nga ndërmjetësit për një armëpushim 60-ditor me lirimin e pengjeve në dy faza. Megjithatë, Izraeli nuk është përgjigjur zyrtarisht dhe qeveria i ka urdhëruar ushtrisë të përgatitet për një sulm të madh në Qytetin e Gazës, me qëllimin e deklaruar të qeverisë izraelite për asgjësimin e Hamasit dhe kthimin e pengjeve.

Sinjali – aty ku e vërteta flet para lajmit!

/GazetaSinjali/

The post ‘Nëse djali im nuk kthehet gjallë do të sigurohem që të akuzohesh për vrasje’, nëna e pengut izraelit kërcënon Netanyahun appeared first on Sinjali.

Agjencia e Menaxhimit Emergjent ka bërë të ditur se gjatë ditës së sotme në nivel vendi janë regjistruar gjithsej 57 vatra zjarri, prej tyre dy vatra vazhdojnë të jenë aktive ndërsa 55 të tjera janë lokalizuar.

Në njoftimin e lëshuar për media thuhet se me përmasa më të mëdha dhe rrezik më të lartë është shënuar vatra e zjarrit në lagjen “Pajtimi” në Shtime, ku disa qytetarë janë detyruar të marrin trajtim mjekësor si pasojë e ekspozimit ndaj tymit.

“Agjencia apelon tek qytetarët që të shmangin çdo veprim që mund të shkaktojë zjarr të denoncojnë pranë organeve ligjzbatuese çdo rast të zjarrvënies së qëllimshme dhe të raportojnë rastet emergjente në numrat 112, 193 dhe 192”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post 57 vatra zjarri në Kosovë gjatë ditës, dy prej tyre ende aktive appeared first on Sinjali.

Largimi i pushuesve kosovarë nga plazhet e Shëngjinit, Tales dhe Velipojës ka shkaktuar trafik të rënduar gjatë mbrëmjes së sotme, edhe në Rrugën e Kombit.

Segmenti më problematik është paraqitur nga Miloti në Rrëshen, ku janë krijuar radhë të gjata kilometrike automjetesh.

Për të menaxhuar situatën, policia rrugore është vendosur në pika të ndryshme të aksit, me synim lehtësimin e lëvizjes së automjeteve, megjithatë fluksi i lartë ka sjellë vonesa të konsiderueshme.

Top Channel bën me dije se rrugët e Lezhës dhe Shëngjinit tashmë janë normalizuar, por problematike mbetet aksi Milot-Rrëshen-Morinë si dhe Shkodër-Lezhë.

Sinjali – aty ku e vërteta flet para lajmit!

/GazetaSinjali/

The post Trafik i dendur në Rrugën e Kombit për shkak të largimit të pushuesve nga Velipoja dhe Shëngjini appeared first on Sinjali.

Në Ditën Ndërkombëtare të Personave të Zhdukur me Dhunë, Presidentja e Kosovës, Vjosa Osmani, ka bërë thirrje për drejtësi duke theksuar se 1,584 qytetarë të Kosovës vazhdojnë të mungojnë.

Në një postim në Facebook, Osmani tha: “Pas çdo numri është një jetë e ndërprerë, një familje e cila prej më shumë se dy dekadash pret drejtësinë për më të dashurit.”

Ajo theksoi rëndësinë e kujtesës dhe drejtësisë, duke shtuar: “Varret e hapura janë dëshmi e gjallë e krimeve të luftës dhe krimit të përsëritur nga regjimi gjenocidal serb, si dhe kujtesë e përditshme se drejtësia nuk është vënë ende në vend. Për sa kohë sa mijëra qytetarë tanë mbesin të zhdukur, paqja mbetet e paplotë.”

Presidentja gjithashtu u shpreh për veprimet e Serbisë: “Regjimi i Vuçiqit vazhdon të fle mbi varreza masive, duke mbajtur peng zbardhjen e fatit të të zhdukurve.”

Duke bërë apel për ndërhyrjen ndërkombëtare, Osmani tha: “Është koha që partnerët ndërkombëtarë ta rrisin presionin mbi Serbinë, sepse vetëm zbardhja e fatit të të zhdukurve si dhe drejtësia mund t’u japin familjeve qetësinë që meritojnë.”

Sinjali – aty ku e vërteta flet para lajmit!

/GazetaSinjali/

The post Osmani: Partnerët ndërkombëtarë duhet të shtojnë presionin ndaj Serbisë për çështjen e të zhdukurve appeared first on Sinjali.

Agim Bahtiri, deputeti i Lëvizjes Vetëvendosje, përmes një postimi të bërë në Facebook, ka thënë se ai më para do ta presë dorën e tij, se sa të ia jap votën ‘për’ një deputetit të Listës Serbe për nënkryetar të Kuvendit të Kosovës.

Bahtiri ka deklaruar se ai s’ia jep votën deputetëve të kësaj partie se s’mund të harrojë gjenocidin që ‘‘shteti të cilin ata e mbrojnë bëri mbi popullin tonë’’.

‘‘Më përpara e pres dorën, sesa me këtë dorë t’i jap voten PËR, listës kriminale serbe”, ka shkruar Bahtiri.

Sinjali – aty ku e vërteta flet para lajmit!

/GazetaSinjali/

The post Bahtiri: Më përpara e pres dorën, se t’i jap voten PËR Listës Serbe appeared first on Sinjali.

Këshilli Prokurorial i Kosovës (KPK) ka mbajtur sot testin kualifikues, si pjesë e procesit të rekrutimit dhe emërimit të 21 prokurorëve të rinj në prokuroritë themelore të Kosovës.

Testi u zhvillua në ambientet e Akademisë së Kosovës për Siguri Publike në Vushtrri, ku morën pjesë gjithsej 330 kandidatë.

“Në respektim të parimit të transparencës, llogaridhënies dhe barazisë në qasje, pyetjet e Testit Kualifikues janë hartuar sot, në ditën e testimit, në prani të vëzhguesve dhe monitoruesve vendorë e ndërkombëtarë, me qëllim të garantimit të integritetit dhe besueshmërisë së procesit të rekrutimit”, thuhet në njoftimin për media të KPK-së.

Testi u mbikëqyr personalisht nga kryesuesi i Komisionit, Ardian Hajdaraj, së bashku me anëtarët e tjerë të Komisionit. Procesi u monitorua edhe nga partnerë vendorë dhe ndërkombëtarë, përfshirë Misionin e Bashkimit Evropian për Sundimin e Ligjit (EULEX) dhe Institutin e Kosovës për Drejtësi (IKD).

Pas këtij testi, procesi i rekrutimit do të vazhdojë me testin me shkrim dhe intervistimin e kandidatëve, duke u zhvilluar “në përputhje me standardet më të avancuara të meritokracisë, profesionalizmit dhe paanësisë, të garantuara me legjislacionin përkatës dhe praktikat më të mira ndërkombëtare në fushën e prokurorisë”.

Sinjali – aty ku e vërteta flet para lajmit!

/GazetaSinjali/

The post U mbajt testi kualifikues i kandidatëve për prokurorë appeared first on Sinjali.

Talebanët kanë lëshuar një urdhër që synon sallonet e bukurisë që veprojnë në mënyrë klandestine në të gjithë Afganistanin, duke i paralajmëruar gratë që i drejtojnë ato se kanë një muaj kohë për t’i ndaluar ose do të përballen me arrestimin.

Zyrtarisht, talebanët mbyllën të gjitha sallonet e bukurisë në gusht 2023, duke mbyllur 12,000 biznese dhe duke eliminuar më shumë se 50,000 vende pune për estetistët.

Megjithatë, sallonet klandestine vazhduan të vepronin në komunitete në të gjithë vendin,shkruan the Guardian.

Tani talebanët kanë thënë se synojnë të çrrënjosin dhe eliminojnë këto biznese të fshehta, duke lëshuar urdhra për udhëheqësit e komunitetit dhe pleqtë në të gjithë vendin për të identifikuar sallonet klandestine të bukurisë dhe për të raportuar ata që i drejtojnë ato në polici, shkruan the Guardian, përcjell Telegrafi.

Frestha, një nënë 38-vjeçare e tre fëmijëve të vegjël, tha se kishte drejtuar sallonin e saj të bukurisë në fshehtësi që kur u ndalua në vitin 2023, sepse nuk kishte zgjidhje tjetër përveçse të punonte dhe asnjë mënyrë tjetër për të fituar para.

“Kur talebanët mbyllën sallonet tona të bukurisë, unë isha e vetmja që i siguronte jetesën familjes sime; burri im ishte i sëmurë dhe unë kisha tre fëmijë, shpenzimet e të cilëve duhej t’i mbuloja”, tha ajo, duke shtuar: “Gjithashtu vazhdova të punoja sepse ndihem shumë mirë të jem në gjendje të rikthejë bukurinë e një gruaje. Kur një grua shikohet në pasqyrë dhe buzëqesh, lumturia e saj bëhet lumturia ime.”

Tani ajo mendon se nuk mund të vazhdojë sepse rreziku është shumë i madh dhe nuk e di se çfarë do të ndodhë më pas me familjen e saj.

Ndryshe, që kur talebanët morën kontrollin e Afganistanit në gusht 2021, grave u është ndaluar shumica e formave të punësimit të paguar dhe vajzave u është ndaluar të ndjekin shkollën e mesme ose universitetin.

Grupet e të drejtave të njeriut pretendojnë se talebanët zbatojnë një sistem de facto të aparteidit gjinor, duke i penguar gratë të marrin pjesë në çdo jetë publike.

Përveç salloneve të bukurisë, palestrave dhe hapësirave të tjera të përbashkëta që janë mbyllur, grave u ndalohet gjithashtu të ecin në parqe publike, të udhëtojnë pa një shoqërues mashkullor, duhet të mbulohen plotësisht kur dalin nga shtëpia dhe nuk lejohen të flasin në publik.

Sinjali – aty ku e vërteta flet para lajmit!

/GazetaSinjali/

The post Talebanët urdhërojnë ‘çrrënjosjen’ e salloneve të fshehta të bukurisë appeared first on Sinjali.

Modelja Jori Delli ka zbuluar së fundmi mungesën prej disa kohësh në rrjetet sociale.

Përmes një reagimi në profilin e saj në Instagram, Jori tregoi se ka pasur një rast të rëndë familjar, pasi babai i saj pësoi një infarkt gjatë kohës që ishte në Shqipëri.

Ajo a treguar se ai është sëmurur në Vlorë, ndërsa ka shprehur rezerva për trajtimin mjekësor atje.

“Për fat të keq, në Vlorë nuk mori kujdesin e duhur: Spitali atje nuk është i përgatitur aspak për raste emergjente”, shkruan ajo, ndërsa shton më tej se ai më pas është transferuar në Tiranë.

“E dërguan në Tiranë dhe ambulanca mbërriti vetëm pas një ore; babai im duhej të bënte edhe dy orë e gjysmë rrugë me ambulancë për të mbërritur në kryeqytet”, thotë Jori.

Postimi i plotë:

Përshëndetje miq

Këto ditë kam munguar në rrjetet sociale sepse babai im u sëmur shumë rëndë. Ai ndodhej për disa ditë në Shqipëri dhe pësoi një infarkt.

Fatmirësisht vëllai im shkoi ta vizitonte dhe arriti ta çonte në kohë në spital. Për fat të keq, në Vlorë nuk mori kujdesin e duhur: Spitali atje nuk është i përgatitur aspak për raste emergjente.

Mendoni që e dërguan në Tiranë dhe ambulanca mbërriti vetëm pas një ore; babai im duhej të bënte edhe dy orë e gjysmë rrugë me ambulancë për të mbërritur në kryeqytet.

Në të kundërt, kam vetëm fjalë mirënjohje për spitalin QSUT në Tiranë: falënderoj me gjithë zemër stafin, infermierët dhe mjekët që u kujdesën për të dhe që me një operacion të suksesshëm i shpëtuan jetën.

Me shpresën që shteti shqiptar të vendosë të investojë jo vetëm në turizëm dhe infrastrukturë të re, por edhe – dhe mbi të gjitha – në shëndetësi, duke vënë shëndetin dhe jetën e qytetarëve në vend të parë”.

Sinjali – aty ku e vërteta flet para lajmit!

/GazetaSinjali/

The post U tërhoq nga rrjetet sociale pas një tragjedie familjare – reagon për herë të parë ish-banorja e BBVA appeared first on Sinjali.

Nëse konsumoni rregullisht ushqime të kriposura, rrezikoni më shumë se thjesht etje të shtuar apo shije të fortë. Sipas American Heart Association, individët duhet të kufizojnë marrjen ditore të kripës në 2.300 mg, ndërsa personat me probleme shëndetësore duhet të synojnë 1.500 mg në ditë.

Kripa, përtej shijes, mund të sjellë pasoja serioze shëndetësore:

Shtim në peshë – Kripa nxit mbajtjen e lëngjeve në trup, duke shkaktuar fryrje dhe rritje të peshës. Shpesh shoqërohet me konsum të ushqimeve me yndyra të larta dhe kalori të tepërta.

Presion i lartë i gjakut – Një ndër efektet më të menjëhershme të konsumit të tepërt të kripës. Hipertensioni është faktor kryesor për sëmundje të zemrës dhe probleme të veshkave.

Rrezik për kancer të stomakut – Sipas Organizatës Botërore të Shëndetësisë, ushqimet e përpunuara të pasura me kripë, nitrate dhe nitrite mund të rrisin rrezikun për këtë lloj kanceri, veçanërisht tek meshkujt.

Varësi ndaj kripës – Sa më shumë e konsumoni, aq më shumë trupi e kërkon. Ky cikël vicioz ndikon në shqisat e shijes dhe shton dëshirën për ushqime të kriposura në mënyrë të pakontrolluar.

Zgjidhje alternative – Përdorimi i kripës himalajane apo kripës së detit është një alternativë më e shëndetshme, pasi përmban më pak natrium dhe minerale të tjera të dobishme.

Ekspertët këshillojnë të kufizohet konsumi i kripës dhe të shtohen në dietë ushqime natyrale, si frutat dhe perimet, për të përmirësuar balancën ushqimore dhe shëndetin afatgjatë.

Sinjali – aty ku e vërteta flet para lajmit!

/GazetaSinjali/

The post Konsumimi i tepruar i kripës – Rreziqet që i kanosen trupit tuaj appeared first on Sinjali.

Një aksident tragjik ajror ka ndodhur ditën e sotme në zonën e Vercellit, midis Crescentino dhe Livorno Ferraris, në veri të Italisë, ku një aeroplan i vogël është rrëzuar, duke marrë jetën e dy personave.

Sipas mediave italiane, viktimat janë babë e bijë: piloti 49-vjeçar dhe vajza e tij 18-vjeçare, të cilët po fluturonin me një avion të vogël privat. Avioni ka humbur kontrollin dhe është rrëzuar me shpejtësi të lartë në tokë, duke shpërthyer në flakë.

Zjarrfikësit dhe njësitë e emergjencës u paraqitën menjëherë në vendin e ngjarjes, por për fat të keq, dy personat nuk mundën të shpëtojnë.

Në rrjetet sociale, piloti kishte postuar vetëm pak ditë më parë një fotografi me vajzën e tij gjatë një fluturimi të mëparshëm, ku kishte shkruar: “Unë dhe bashkëpilotja ime e bukur” – një postim që tani po shpërndahet me emocion të madh në mediat italiane.

Sinjali – aty ku e vërteta flet para lajmit!

/GazetaSinjali/

The post Aksident ajror në Itali: Babë e bijë humbin jetën pas rrëzimit të avionit appeared first on Sinjali.

Kancelari i Gjermanisë, Friedrich Merz, ka paralajmëruar se Rusia do ta ndërpresë luftën në Ukrainë vetëm kur të detyrohet nga arsye ekonomike dhe ushtarake, duke theksuar se përpjekjet për të arritur paqe deri më tani nuk kanë sjellë rezultat.

Në një aktivitet rajonal të konservatorëve të tij në North Rhine-Westphalia, Merz theksoi se, pavarësisht përpjekjeve diplomatike, sulmet ruse ndaj Ukrainës vazhdojnë me intensitet të lartë.

“Të gjitha përpjekjet e javëve të kaluara janë përgjigjur me një qasje edhe më agresive nga ky regjim në Moskë kundër popullsisë në Ukrainë”, tha Merz. Ai shtoi se lufta do të vazhdojë derisa Rusia, për arsye ekonomike dhe ushtarake, të mos mund të eci më përpara në këtë luftë, raporton Skynews.

Friedrich Merz bëri thirrje për një angazhim më të madh ndërkombëtar për të detyruar Rusinë të ndalojë agresionin dhe të përmbushë kërkesat për paqe.

Sinjali – aty ku e vërteta flet para lajmit!

/GazetaSinjali/

The post Merz: Rusia do ta ndalë luftën në Ukrainë vetëm për arsye ekonomike dhe ushtarake appeared first on Sinjali.

Një kamion është rrokullisur sot në Shtime, ndërsa dyshohet se erërat e forta që mbizotëruan gjatë ditës së sotme në vend dhe rajon mund të kenë shkaktuar aksidentin.

Sipas një videoje të dërguar për Gazetën Sinjali, kamioni shihet të ketë rrokullisur, ndërsa po transportonte zhavorr, i cili është shpërndarë në vendngjarje.

Për fat të mirë, ende nuk raportohet për të lënduar, por autoritetet janë duke hetuar rreth ngjarjes. Gazeta Sinjali ka kontaktuar me Policinë e Kosovës dhe është në pritje të një përgjigjeje zyrtare për më shumë detaje.

Sinjali – aty ku e vërteta flet para lajmit!

/GazetaSinjali/

The post Kamioni rrokulliset në Shtime, dyshohet nga erërat e forta appeared first on Sinjali.

Drejtoria për Siguri dhe Emergjenca në komunën e Prishtinës, ka njoftuar për dëmet e shkaktuara në kryeqytet për shkak të një stuhie që ndodhi para pak orësh.

Nga Drejtoria është thënë se stuhia ka shkaktuar rrëzimin e disa drunjve në Rrugën Rexhep Luci dhe në Ulpianë, ndërsa paralelisht kanë ndodhur edhe disa zjarre fushore në Hajvali dhe në lokacione të tjera të Kryeqytetit.

Nga komuna është thënë edhe se Brigada Profesionale e Zjarrfikësve, ekipet emergjente të Drejtorisë për Siguri dhe Emergjenca dhe Policia e Kryeqytetit kanë qenë menjëherë në terren.

Sinjali – aty ku e vërteta flet para lajmit!

/GazetaSinjali/

The post Komuna reagon pas stuhisë në kryeqytet – Njofton për rrëzimin e disa drunjëve dhe disa zjarre fushore appeared first on Sinjali.

Sinjali ka siguruar detaje ekskluzive lidhur me plagosjen që ka ndodhur para pak orësh në Prizren, ku një person ka përfunduar në spital pasi ka marrë plagë nga arma e zjarrit.

Burime të sigurta brenda Prokurorisë bëjnë të ditur për Sinjalin se personi i dyshuar për këtë ngjarje është Vahit Salihu.

Sipas informacioneve të para, rreth orës 18:10 është raportuar për të shtëna me armë në rrugën Xhavit Bajraktari, ndërsa pak minuta më vonë Emergjenca e Spitalit njoftoi se kishte pranuar viktimën Zejnel Begolli, i cili kishte marrë një plagë në këmbën e majtë.

Sipas informatave, gjendja shëndetësore e viktimës është stabile, ndërsa Policia ka nisur veprimet hetimore për zbardhjen e plotë të rastit dhe procedurat ndaj të dyshuarit.

Sinjali do të sjellë detaje të reja në lidhje me këtë plagosje në Prizren.

Ekskluzive: Një i plagosur me armë zjarri në Prizren, dyshohet për tentim vrasje

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive : Ky është i dyshuari për plagosjen në Prizren appeared first on Sinjali.

Bashkimi Evropian mbetet i ndarë kur bëhet fjalë për Gaza, ka deklaruar Përfaqësuesja e Lartë e BE-së, Kaja Kallas, pas takimit joformal të ministrave të jashtëm të bllokut në Kopenhagen.

Kallas theksoi se ndarja midis shteteve anëtare ka ndikim negativ në besueshmërinë globale të BE-së dhe shprehu zhgënjim për pamundësinë për të arritur një qëndrim të përbashkët, raporton euronews.

Kallas: “Është shumë e vështirë”

Në një intervistë për media, Kallas tha se ndarja midis shteteve anëtare të BE-së për çështjen e Gazës ka bërë të vështirë përfaqësimin e një qëndrimi të unifikuar. “Nëse pyet personalisht se si ndihet kjo, se unë jam fytyra që duhet fajësuar, se nuk kemi një vendim, atëherë është e vështirë. Është shumë e vështirë”, tha ajo.

Mungesa e një marrëveshjeje për Izraelin

Kryediplomatja e BE-së shtoi se ende nuk ka një marrëveshje mes shteteve anëtare mbi planin për të pezulluar tregtinë e lirë me Izraelin si pjesë e Marrëveshjes së Asociimit BE-Izrael. Shtetet si Gjermania dhe Hungaria kanë kundërshtuar këtë propozim, ndërsa Danimarka ka shfaqur mbështetje për pezullimin.

Sanksionet ndaj Rusisë dhe kriptovalutat

Në lidhje me situatën e Rusisë, Kallas gjithashtu njoftoi se BE po shqyrton mundësinë e sanksioneve të reja, përfshirë kufizime për kriptovalutat që ndihmojnë në anashkalimin e sanksioneve kundër Rusisë. Kjo do të jetë pjesë e një pakete të re sanksionesh që mund të përfshijë gjithashtu kufizime në importet e naftës dhe gazit nga Rusia, dhe sanksione dytësore ndaj partnerëve tregtarë të Rusisë.

Mbështetje për Palestinën dhe thirrje për ndryshim në politikën e SHBA-së

Në takimin e Kopenhagës, BE miratoi gjithashtu një dokument që i bën thirrje SHBA-së të heqë ndalimin e udhëtimit për delegacionin palestinez në Asamblenë e Përgjithshme të OKB-së, duke theksuar rëndësinë e pjesëmarrjes palestineze në këtë forum ndërkombëtar.

Sinjali – aty ku e vërteta flet para lajmit!

/GazetaSinjali/

The post BE mbetet e ndarë për Gazën appeared first on Sinjali.

Njëri nga çiftet më të komentuara në mediat rozë, këngëtari Robert Berisha dhe modelja Ana Skrel, duket se kanë përfundimisht i kanë dhënë fund lidhjes së tyre.

Dyshimet për ndarje u shtuan pas mungesës së një urimi publik nga Roberti në ditëlindjen e modeles, që ndodhi ditë më parë. Për më tepër, sot u vërejt se ata nuk po ndjekin më njëri tjetrin në rrjetet sociale, duke ngritur më shumë pikëpyetje rreth marrëdhënies së tyre.

Edhe pse ende nuk ka një konfirmim zyrtar nga ana e tyre, kjo nuk është hera e parë që lidhja e tyre ka kaluar nëpër periudha krize. Javë më parë, çifti kaloi një moment të tensionuar, por rregulluan marrëdhënien.

Sinjali – aty ku e vërteta flet para lajmit!

/GazetaSinjali/

The post Robert Berisha dhe Ana, lidhja e tyre duket se ka marrë fund appeared first on Sinjali.

Sot u mbyll java e katërt e Ligës së Parë në futbollin kosovar, ku të gjitha ndeshjet u zhvilluan me të njëjtin orar dhe sollën rezultate befasuese dhe të pritshme.

Ndeshja më interesante u zhvillua mes Feronikelit 74 dhe Suharekës, ku vendasit triumfuan me rezultatin 2:0.

Ndërkohë, Vëllaznimi i Gjakovës vazhdoi me fitore të merituar, duke mposhtur Prizrenin me shifrat 1:3.

Pas kësaj jave, Vëllaznimi është lider i Ligës së Parë me 10 pikë, një më shumë se Feronikeli (9) që renditet i dyti dhe dy më shumë se Vushtrria që është e treta me 8 pikë.

Sinjali – aty ku e vërteta flet para lajmit!

/GazetaSinjali/

The post Java e katërt në Ligën e Parë, kjo është tabela pas rezultateve të ditës së sotme appeared first on Sinjali.