TIRANË- Gjykata e Posaçme e Apelit për Korrupsionin dhe Krimin e Organizuar ka lënë në fuqi vendimin e Shkallës së parë burgim i përjetshëm për Festim Bexhdilin për rrëmbimin, vrasjen dhe zhdukjen e Jan Prengës.

Festim Bexhdili ishte kopshtari i kompleksit, “Golden” në Shijak, në pronësi të Altin Hajrit.

Sipas fotove nga kamerat e sigurisë, Prenga mendohet se u dhunua derisa humbi jetën. Asgjësimi i trupit dyshohet se u bë në fshatin Pjezë, shumë pranë kompleksit.

Për ngjarjen u arrestuan Bajram Hajri, Leonard Hajri, Olsi Turja, Elton Hajri, Festim Bexhdili dhe Ardian Doçaj.

Sipas hetuesve, familja Prenga zhvilloi edhe negociatat me rrëmbyesit dhe një pjesë e kokainës u dorëzua, por ndërkohë Jan Prenga kishte humbur jetën.

Njoftimi i Apelit të Posaçëm: 

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Engert Pëllumbi (kryesues), Igerta Hysi (anëtare) dhe Dhimitër Lara (anëtar),  më datë 25.07.2025, shpalli vendimin lidhur me çështjen e regjistruar me nr. 63/5 akti, datë 08.11.2024 regjistrimi, kthyer për rishqyrtim me një tjetër trup gjykues nga Gjykata e Lartë, pas prishjes së vendimit nr. 16, datë 20.03.2023, të Gjykatës së Posaçme të Apelit për Korrupsionin dhe Krimin e Organizuar lidhur me të pandehurin F.B. – disponuar mbi ankimet e paraqitura ndaj vendimit nr. 53, datë 29.09.2022 të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi:

– Lënien në fuqi të vendimit nr. 53, datë 29.09.2022 të Gjykatës së Posaçme të Shkallës së Parë për Korrupsionin dhe Krimin e Organizuar.

– Shpenzimet gjyqësore edhe të gjykimit në apel i ngarkohen të pandehurve solidarisht.

– U shpall në Tiranë, sot më datë 25.07.2025./abcnews.al

Presidenti i SHBA-së, Donald Trump, nënshkroi një urdhër ekzekutiv për të reformuar politikën e vendit për të pastrehët, duke e bërë më të lehtë për qytetet dhe shtetet të largojnë njerëzit e pastrehë nga rrugët dhe t’i vendosin ata në programe trajtimi.

Urdhri, i publikuar të enjten, synon të adresojë atë që administrata e quajti “endacakëri endemike, sjellje të çrregullta, konfrontime të papritura dhe sulme të dhunshme”.

Trump i ka dhënë udhëzim Prokurores së Përgjithshme Pam Bondi që të “përmbysë precedentët gjyqësorë dhe të ndërpresë marrëveshjet e pajtimit” që i ndalojnë qeveritë shtetërore dhe lokale të shtrijnë në institucione individët që paraqesin rrezik për veten ose të tjerët.

Urdhri deklaroi se shumica e njerëzve që jetojnë në rrugë vuajnë nga varësia nga droga, sëmundje mendore ose të dyja, sipas Shtëpisë së Bardhë.

Urdhri udhëzon agjencitë të sigurojnë që njerëzit “që kampojnë në rrugë dhe shkaktojnë çrregullime publike” të zhvendosen në qendra trajtimi ose në ambiente të tjera të përshtatshme.

“Transferimi i këtyre individëve në mjedise institucionale afatgjata për trajtim human është mënyra më e provuar për të rivendosur rendin publik”, thuhet në urdhër.

Bondi është udhëzuar gjithashtu të punojë me sekretarin e Shëndetësisë dhe atë të Shërbimeve Njerëzore, Strehimit dhe Zhvillimit Urban, si dhe Transportit, për të përcaktuar përparësitë e granteve federale për juridiksionet që zbatojnë ligjet që ndalojnë kampingun urban, përdorimin e drogës në ambiente të hapura, bredhjen dhe pushtimin e ndërtesave, si dhe të gjurmojnë vendndodhjet e abuzuesve seksualë.

TIRANË- Gjykata e Posaçme ka lënë në fuqi masën e arrestit ne burg për Denis Bajrin, i akuzuar për disa vepra penale, mes tyre dhe vrasje.

37-vjeçari dyshohet se është autori i vrasjes së Gjin Boriçit, më 9 Gusht të vitit 2020.

Arrestimi i Bajrit, u bë falë shkëmbimit të informacioneve mes Interpol Tirana dhe autoriteteve të Emirateve të Bashkuara Arabe. Roli i 37-vjeçarit në ngjarjen për të cilën akuzohet u zbulua pas zbërthimit të aplikacionit SKY ECC, nga ku rezultoi se porositës i vrasjes së Boriçit ishte Ervis Martinaj.

Konkretisht ky i fundit përmes biznesmenit Pëllumb Gjoka i kishte kërkuar Behar Bajrit, gjithashtu i arrestuar në operacionin Metamorfoza, të ekzekutonte Gjin Ndoj Boriçin.

Kështu Behar Bajri i cili edhe pse rezulton të ketë patur marrëdhënie shoqërore me Boriçin, i jep porosi Denis Brajoviçit për të finalizuar ekzekutimin. Në këmbim të vrasjes së tij, Ervis Martinaj do të realizonte vrasjen e Kleant Musabelliut, ngjarje kjo që nuk u krye. Për ekzekutimin e Musabelliut ishte i interesuar biznesmeni Gjoka, pasi kishte tentuar ta vriste këtë të fundit në vitin 2017/abcnews.al

 

[...]

Read More...

Tensionet mbeten të larta përgjatë kufirit Tajlandë-Kamboxhia pas përleshjeve të fundit vdekjeprurëse pranë zonës së Tempullit Ta Muen Thom, por sot nuk janë raportuar luftime të reja.

Inteligjenca ushtarake e Tajlandës pretendoi se ka vrarë të paktën 24 kamboxhianë, kryesisht ushtarë, në sulme ajrore dhe granatime artilerie, megjithëse autoritetet kamboxhiane ende nuk e kanë konfirmuar këtë.

Sipas njësisë së sigurisë së Rajonit të Dytë të Ushtrisë së Tajlandës, viktimat kanë ndodhur midis të enjtes dhe të premtes në mëngjes gjatë sulmeve që kanë shkatërruar gjithashtu tri mortaja 100-milimetërshe, raportoi media tajlandeze “Khaosod English”.

Zyrtarët kamboxhianë thanë sot se një murg është vrarë dhe pesë civilë janë plagosur në granatimet e artilerisë tajlandeze në provincën Oddar Meanchey.

Të enjten, Ministria e Shëndetësisë e Tajlandës tha se të paktën 14 persona u vranë, përfshirë një fëmijë, pas sulmeve ajrore dhe raketore njëditore midis Tajlandës dhe Kamboxhias, por zyrtarët pretendojnë se situata kufitare është “qetësuar”.

Qetësia e raportuar përgjatë kufirit vjen ndërsa kryeministri malajzian Anwar Ibrahim foli me homologët e tij, atë tajlandez Phumtham Wechayachai dhe kamboxhian Hun Manet, duke u kërkuar palëve ndërluftuese të shpallin një “armëpushim të menjëhershëm”.

Pas sulmeve, pati zhvendosje të njerëzve në të dyja anët e kufirit.

Të dyja palët mbyllën gjithashtu shkollat.

Përplasja e fundit ndodhi një ditë pasi një ushtar tajlandez humbi këmbën në një shpërthim mine tokësore. Ushtria e Tajlandës akuzoi trupat kamboxhiane se qëlluan në një bazë ushtarake tajlandeze në një zonë pranë Tempullit të lashtë Ta Muen Thom, i cili shtrihet në territorin e diskutueshëm në jug të provincës Surin të Tajlandës.

Kamboxhia dhe Tajlanda kanë ulur marrëdhëniet diplomatike në nivelin e tyre më të ulët në dekada pasi tensionet midis dy vendeve filluan të rriten që nga 28 maji, kur trupat shkëmbyen zjarr pranë kufirit, duke rezultuar në vdekjen e një ushtari kamboxhian.

Dy fqinjët e Azisë Juglindore kanë një kufi të diskutueshëm që shtrihet përgjatë provincës Preah Vihear të Kamboxhias dhe provincës verilindore Ubon Ratchathani në Tajlandë.

Nëse dëshironi të udhëtoni dhe zbuloni vende që ende nuk janë prekur nga turizmi masiv, ju rekomandojme destinacionin evropian, Shqipërinë, shkruan Alba Solé Ingla në një artikull të botuar në revistën katalanase “El Nacional.cat”.

Shqipëria është e rrethuar nga Mali i Zi, Kosova, Maqedonia e Veriut dhe Greqia. Vendi jetoi i izoluar nga bota nën regjimin diktatorial deri në vitet 1990.

Plazhe parajsore

Ky vend ballkanik po fiton titullin si parajsa e panjohur e Mesdheut.

Riviera Shqiptare shtrihet nga veriu në jug të vendit. Parku Kombëtar Arkeologjik i Butrintit ka një sipërfaqe prej 15 hektarësh dhe ndodhet në lartësitë 30-50 metra mbi nivelin e detit.

Një nga zonat më të famshme të plazhit në jug të vendit është Ksamili – me rërën e tij të bardhë dhe ujërat e kristalta që magjepsin çdo vizitor.

Shumica e plazheve në Shqipëri janë private, dhe për t’i shijuar ato, duhet të merrni me qira një shezlong dhe një ombrellë dielli. Çmimi zakonisht është midis 5 dhe 8 euro gjatë gjithë ditës; komoditeti ia vlen!

Ksamili ndodhet pranë ishullit grek, Korfuzit dhe është i njohur si për turistët vendas ashtu edhe për ata ndërkombëtarë, veçanërisht nga Italia.

Ksamili është vendi ideal për të eksploruar atraksione të tjera shqiptare, siç është Syri i Kaltër – një atraksion turistik popullor, me ujëra bruz që mund të shihet nga një thellësi mbi 50 metra.

Gjithashtu, ju mund të vizitoni Parkun Natyror të Butrintit, një Vend i Trashëgimisë Botërore të UNESCO-s.

Ecje malore dhe fshatra magjepsës

Nëse jeni adhurues të maleve, janë me fat, sepse Shqipëria veriore është gjithashtu një parajsë për alpinistët.

Shqipëria është një nga vendet më malore në botë, me dy të tretat e territorit të saj të mbuluara nga male. Prandaj, mos e humbisni Thethin.

Ky fshat, i vendosur në zemër të Alpeve Shqiptare, ju lejon të zbuloni thelbin e vërtetë të banorëve të tij.

Thethi është një fshat i vogël që për vite me radhë mbeti i izoluar – falë vendndodhjes së tij të largët dhe një rruge – praktikisht e pa-aksesueshme për shumicën e turistëve.

Në ditët e sotme, është më e lehtë të shkosh atje, dhe shumë turistë udhëtojnë atje për të bërë ecje malore – nga Valbona në Theth.

Nëse nuk keni dëshirë të bëni shëtitje të gjata, ju rekomandojmë gjithashtu të vizitoni dy qytete mahnitëse, Gjirokastrën dhe Beratin.

Gjirokastra, është një qytet i bukur me një qendër historike – që është pjesë e Trashëgimisë Botërore të UNESCO-s, një kështjellë spektakolare dhe një pazar ku do të humbisni mes dyqaneve të vogla.

Berati, më pak se dy orë larg nga kryeqyteti, Tirana, njihet si “qyteti i një mbi një dritareve”.

I vendosur pranë lumit Osum, Berati është qyteti më i vjetër në Shqipëri dhe shquhet për qendrën e tij historike – të përbërë nga tre lagje të vjetra që ruajnë arkitekturën osmane dhe bizantine në ndërtesa, xhami dhe kisha të shumta.

Gjithashtu, Berati është shpallur pjesë e Trashëgimisë Botërore të UNESCO-s.

Gastronomia shqiptare

Kuzhina shqiptare është një ndërthurje unike e ndikimeve turke, ballkanike dhe mesdhetare.

Nga mishi dhe peshku i pjekur në skarë me çmime jashtëzakonisht të përballueshme deri te gjirotë greke, kuzhina shqiptare magjeps çdo vizitor.

Pjata më tipike shqiptare, byreku, mund të jetë një nga më të njohurat midis vizitorëve të huaj dhe vendasve.

Zjarri pyjor që shpërtheu mbrëmë në qytezën Pioppo pranë Palermos në ishullin e Siçilisë akoma vazhdon të jetë aktiv, pavarësisht se brigadat zjarrfikëse kanë luftuar për shuarjen e tij që mbrëmë.

Ekipet zjarrfikëse kanë qenë të angazhuar pa ndërprerje për ta vënë nën kontroll zjarrin në Pioppo, por në disa momente flakët janë afruar në mënyrë të rrezikshme pranë zonave të banuara, duke shkaktuar shqetësim në komunitetet përreth.

Zjarri ka përfshirë një sipërfaqe të konsiderueshme me vegjetacion të dendur, ndërsa për shkak të erërave të forta dhe temperaturave të larta, përhapja e tij ka qenë e shpejtë dhe e vështirë për t’u frenuar.

Autoritetet lokale kanë bërë thirrje për kujdes dhe janë në gatishmëri për evakuime të mundshme nëse situata përkeqësohet. Ende nuk raportohet për të lënduar, por dëmet në mjedis pritet të jenë të konsiderueshme.

Deri më tani, zjarret që kanë përfshirë një pjesë të kontinentit evropian si pasojë e valës ekstreme të të nxehtit, kanë djegur një sipërfaqe sa madhësia e Luksemburgut.

Që nga muaji prill, temperaturat rekord po vazhdojnë të përkeqësojnë situatën me zjarret në pjesë të ndryshme të Evropës. Shumë pjesë të Evropës akoma janë në gjendje alarmi për shkak të kërcënimeve të vazhdueshme nga zjarret dhe valët e të nxehtit.

Sipas Sistemit Evropian të Informacionit për Zjarret në Pyje, që nga fillimi i vitit janë djegur gjithsej 237.153 hektarë tokë, me 1.250 zjarre të zbuluara deri tani. Vitin e kaluar u regjistruan vetëm 861 zjarre.

Shkencëtarët vlerësojnë se rreth 2.300 njerëz humbën jetën për shkak të temperaturave të larta në 12 qytete evropiane gjatë valës së të nxehtit nga 12 qershori deri më 2 korrik.

Dita e Premte do të shënojë edhe kulmin e kësaj vale afrikane në territorin shqiptar duke ngjitur termometrin deri në 43 gradë C.

Përsa i përket kushteve atmosferike, mot i kthjellët dhe i nxehtë do të dominojë në të gjithë territorin e vendit. Orët e pasdites do të sjellin kalime vranësirash të lehta në zonat malore përgjatë shtrirjes Lindore.

Pritet që vlera më të larta të shënohen përkatësisht në Qarqet: Shkodër, Titanë, Elbasan, Berat dhe Gjirokastër ku termometri pritet të shënojë nga 42 – 43 gradë C.

Temperaturat e ajrit mbeten të larta si në mëngjes dhe në mesditë duke luhatur vlerat ditore nga 16°C vlera më e ulët në Peshkopi deri në 43°C pritet vlera maksimale në qarkun e Beratit dhe zona të izoluara të qarkut Elbasan.

Era do të fryjë e lehtë deri mesatare me shpejtësi maksimale mbi 28 km/h nga drejtimi kryesisht Perëndimor duke krijuar në brigjet detare dallgëzim të ulët.

Dashi

Ka shume gjase qe çiftet qe kane pasur prej kohesh probleme te mendojnë te ndahen sot. Për disa do jete zgjidhja me e mire ne fakt. Beqaret serish do jene te pafat ne dashuri. Mundësitë qe do iu jepen për takime nuk do jene aspak interesante. Financat do jene te stabilizuara. Do e mbani gjithë kohës nen kontroll situatën dhe nuk do keni vështirësi.

Demi

Marrëdhënia ne çift do jete shume e mire sot. Nuk do keni për çfarë te ankoheni sepse partneri do ua plotësojë te gjitha dëshirat. Beqaret do fiksohen pas një personi dhe do harrojnë gjithçka tjetër, madje edhe te ushqehen apo te flenë. Financat do jene te mira nëse ju tregoheni te kujdesshëm me shpenzimet apo me transaksionet qe do kryeni.

Binjaket

Dite tërësisht e mbrojtur kjo e sotmja për te dashuruarit. Tensioni do mbaroje njëherë e mire dhe do filloni t’i kuptoni edhe gabimet qe keni bere. Beqaret do afrohen mjaft pas një miku te afërm dhe do e shihi nate me një sy tjetër. Ne planin financiar nuk do keni te drejte te gaboni. Dyfishojeni maturinë dhe vigjilencën qe te mos keni te papritura.

Gaforrja

Pas një periudhe jo shume te mire për jetën tuaj ne çift, me ne fund do pajtoheni me partnerin dhe do filloni tjetër etape. Beqaret do ndihmohen nga Venusi dhe do arrijnë ta gjejnë princin e tyre te kaltër. Nuk do ndihen me te vetmuar dhe nuk do vuajnë ne heshtje. Plutoni do iu mbështesë ne planin financiar dhe do i zgjidhni te gjitha problemet.

Luani

Perspektivat janë te mira sot për jetën sentimentale te te dashuruarve. Dielli dhe Merkuri do iu bëjnë me sharmante dhe do kaloni momente fantastike me partnerin. Beqaret do kenë shume kërkesa dhe nuk kane për ta gjetur as sot personin qe kane ne mendje. Me paratë nuk duhet te bëni çmenduri. Shpenzoni aq sa mundeni nëse doni te ruani qëndrueshmërinë.

Virgjeresha

Do jeni ne humor shume te mire sot ju te dashuruarit dhe do i shprehni pa fund ndjenjat ndaj partnerit. Momentet romantike gjithashtu nuk do mungojnë. Beqaret do përzgjedhin shume dhe nuk do e kenë te lehte te gjejnë personin ideal. Ne planin financiar çdo gjë do shkoje me se miri. Situata jo vetëm qe nuk do tronditet, por mund te keni edhe përmirësime te ndjeshme.

Peshorja

Do i kaloni pak nga pak vështirësitë qe iu kishin dale sot ne jetën tuaj ne çift dhe do i shihni gjerat me një sy edhe me pozitiv. partneri do tregohen me tolerant se kurrë. Beqaret do pëlqejnë dike jashtë mase, por do kenë vështirësi për ta bere për vete për shkak te konkurrencës se forte. Financat do jene shume me te mira se kohe me pare.

Akrepi

Çiftet do i kenë gjerat shume te qarta sot dhe nuk d hedhin asnjë hap te nxitur. Bashkëpunimi, toleranca dhe mirëkuptimi do mbizotërojnë gjate gjithë kohës. Beqaret do kenë një dite te zakonshme dhe pa ndonjë takim interesant. Financat nuk do jene aspak ne gjendjen me te mire. Do keni goxha vështirësi për te ruajtur ekuilibrin.

Shigjetari

Dite e animuar dhe plot surpriza kjo e sotmja për te dashuruarit. Do përjetoni emocione pa fund dhe shpesh do iu duket sikur jeni ne ëndërr. Beqaret do ndihen gati për te filluar një lidhje te qëndrueshme. Mundësitë do jete te shumta. Me financat do keni disa vështirësi te vogla, te cilat me pak durim dhe përkujdesje do arrini t’i zgjidhni.

Bricjapi

Çiftet do kenë një dite shume te paqëndrueshme dhe here pas here te mbushur me debate. Kujdes me fjalët qe do thoni sepse po e preket partnerin ne pikat e tij te dobëta mund te shkatërroni gjithçka qe keni dertuar. Beqaret do ndihen mire edhe ashtu si janë prandaj nuk do kërkojnë me ngulm një person ne krah. Me financat çdo gjë do shkoje me se miri.

Ujori

Dite e begate kjo e sotmja për te gjithë ata qe janë ne një lidhje. Marrëdhënia me partnerin do jete e ngrohte dhe nuk do ketë asnjë te papritur te pakëndshme. Beqaret duhet te dalin neper takime, por jo t’iu besojnë te gjithë atyre qe do i joshin. Financat do kërkojnë me shume se kurrë vëmendje prej jush. Mos lejoni qe situata t’iu dale jashtë kontrollit.

Peshqit

Ambienti ne lidhjen tuaj do jete goxha i tendosur sot. Nuk do kuptoheni si duhet me atë qe keni ne krah dhe debatet here pas here do jene te zjarrta. Beqareve do iu rendoje pa fund vetmia, por nuk do kenë çfarë te bëjnë. Duhet ende durim për te gjetur personin ideal. Ne Me financat do jeni shume te kujdesshëm dhe nuk do bini pre e tundimit për te shpenzuar pa fund.

 

Presidenti i SHBA-së Donald Trump tha dje se Shtetet e Bashkuara janë të përgatitura të ulin tarifat e kërcënuara për mallrat evropiane nëse Bashkimi Evropian hap më tej tregun e tij për kompanitë amerikane.

“Nëse ata bien dakord të hapin unionin për bizneset amerikane, atëherë ne do t’i lejojmë ata të paguajnë një tarifë më të ulët”, tha Trump në një aktivitet të fokusuar në inteligjencën artificiale, duke iu referuar negociatave të vazhdueshme me BE-në.
Ai shtoi se bisedime serioze ishin aktualisht duke u zhvilluar.

SHBA ka negociuar me BE-në për javë të tëra për një marrëveshje tregtare për të parandaluar që tarifat amerikane prej 30% për importet nga blloku të hyjnë në fuqi më 1 gusht.

Ndërkohë, kancelari gjerman, Friedrich Merz dhe presidenti francez, Emmanuel Macron paraqitën një front të bashkuar gjatë bisedimeve në Berlin të mërkurën, duke sinjalizuar se BE është e përgatitur të përgjigjet nëse negociatat me Uashingtonin dështojnë.

Zëdhënësi i qeverisë gjermane Stefan Kornelius tha se të dy udhëheqësit ranë dakord të mbanin në tryezë opsionin e masave shtesë tregtare nëse bisedimet me SHBA-në dështojnë.

Ai shtoi se Merz dhe Macron ishin gjithashtu të përgatitur të hartonin instrumente të reja, nëse është e nevojshme.

Kornelius tha se Gjermania dhe Franca gjithashtu planifikojnë të koordinohen ngushtë me Italinë dhe Komisionin Evropian, ndërsa bisedimet me Uashingtonin hyjnë në fazën e tyre përfundimtare.

[...]

Read More...

Një zjarr i madh që po përhapet me shpejtësi pranë qytetit jugor qipriot të Limasolit ka vrarë të paktën dy persona dhe ka detyruar evakuime të banorëve.

Zjarri shpërtheu në një fshat malor rreth 20 kilometra në veri të Limasolit dhe u përhap me shpejtësi, i nxitur nga erërat e forta.

Policia tha se trupat e dy viktimave u zbuluan në një makinë të djegur në një rrugë rurale, me sa duket të bllokuar nga flakët që po përparonin.

”Gjashtëmbëdhjetë të tjerë u plagosën dhe u dërguan në spitale në Limasol”, tha një zëdhënës i shërbimit të shpëtimit për transmetuesin shtetëror RIK.

Shërbimi i zjarrfikësve tha se flakët dogjën rreth 100 kilometra katrorë pyll, shkurre dhe tokë bujqësore. Dhjetëra shtëpi u shkatërruan dhe mediat lokale raportuan vdekjen e bagëtive dhe kafshëve shtëpiake.

Resortet turistike përgjatë bregdetit të Limasolit thuhet se nuk u prekën.

Autoritetet urdhëruan evakuimin e 16 fshatrave, tre kampeve dhe disa kampeve rinore ndërsa zjarri u përhap me shpejtësi.

Mediat lokale thanë se shumë banorë ikën nga shtëpitë e tyre në panik. Qiproja ka kërkuar ndihmë emergjente nga Bashkimi Evropian dhe vendet fqinje. Avionë zjarrfikës nga Spanja dhe Jordania thuhet se janë në rrugë për të ndihmuar ekipet lokale.

Gazeta prestigjioze amerikane ”New York Times” ka përzgjedhur dhe Dhërmiun ndër destinacionet më të mira turistike globale.

”Një tjetër verë me temperatura përvëluese në të gjithë Evropën i ka nxitur turistët dhe vendasit të kërkojnë mënyra krijuese për të mposhtur vapën”, shkruan Gabe Castro-Root për ”New York Times”.

Kur temperaturat rriten ndjeshëm, Akropoli apo maja e Kullës Eiffel ndonjëherë mund të mbyllen, por plazhet janë të hapura dhe në formën e tyre më të mirë.

Mund të vallëzoni gjithë natën në rërë në Shqipëri, të bëni windsurf në Sardenjë ose të bëni ecje në një dunë gjigante në Francë. Ose mund të shijoni ditët e gjata të diellit arktik në Norvegji.

Por, plazhi i Dhërmiut, në Rivierën Shqiptare, tërheq adhuruesit e diellit dhe turistët e shumtë me festivale të shumta muzikore gjatë gjithë verës.

Riviera Shqiptare është vendosur si një alternativë ndaj brigjeve të mbushura me njerëz të Kroacisë dhe Greqisë, falë plazheve si Dhërmiu.

Pak më shumë se një kilometër i gjatë, me shezlongë në dispozicion dhe gjire shkëmbore të izoluara, që shpërndahen në skajin jugor të plazhit, Dhërmiu është gjithashtu një destinacion kryesor për ata që duan të festojnë, pasi zona organizon disa festivale të mëdha muzikore gjatë gjithë verës.

Kajaku dhe zhytja me maskë janë aktivitete të njohura dhe rrënojat e një aeroplani luftarak të epokës sovjetike vetëm disa qindra metra larg bregut të plazhit të afërt të Dhrimadhes janë një atraksion i veçantë për zhytësit.

Shtigjet e ecjes dhe ullishtat në zonë ofrojnë pamje panoramike të detit dhe malet Kerautine, që ngrihen në lindje, janë piktoreske si nga plazhi ashtu edhe gjatë ecjeve përgjatë rrugës dredha-dredha bregdetare.

TIRANË- Detaje të reja zbardhen nga shpërthimi me tritol në portën hyrëse të një garazhi në kryeqytet.

Gazetari i ABC News, Ervin Leka, raporton se kamerat e sigurisë kanë fiksuar një person të maskuar, i cili është afruar pranë garazhit ka hedhur lëndën plasëse dhe më pas është larguar në këmbë drejt Liqenit të Thatë, aty ku mendohen se pritej nga persona të tjerë.

Garazhi është në pronësi të Elvis Kosovës, një emër me precedent penal dhe i njohur nga Policia e Shtetit.

Sipas gazetarit Leka, Elvis Kosova është pyetur nga grupi hetimor për ngjarën, por nuk ka dhënë asnjë informacion të vlefshëm, që mund të çojë në zbardhjen e ngjarjes.

“Dëshmia e Elvis Kosovës nuk e ka ndihmuar grupin hetimor për të dhënë ndonjë pistë për problemet që ka pasur. Kamerat e sigurisë kanë fiksuar një person të maskuar, i cili hedh lëndën plasëse dhe më pas është drejtuar drejt “Liqenit të Thatë”, ku mund të jetë pritur nga persona të tjerë”, raportoi Leka.

Grupi hetimor ka nisur punën për zbardhjen e ngjarjes dhe arrestimin e autorit, që ka hedhur lëndën plasëse./abcnews.al

TIRANË– Kryeministri i vendit, Edi Rama mbledh sot kabinetin qeveritar në një analizë të gjithë dikastereve, lidhur me realizimin e objektivave dhe reformave të nisura në terren.

Çdo ministër do të raportojë për ecurinë në sektorin përkatës dhe për përmbushjen e detyrave të ngarkuara.

Ky takim vjen pas aksionit për lirimin e hapësirave të zëna në mënyrë të paligjshme dhe në kushtet kur ka nisur reformimi i të gjitha njësive të qeverisjes vendore.

Kryefjalë e mandatit të katërt pritet të jetë reforma e thelle territoriale në përmbushje edhe të objektivave për Shqipërinë Europiane.

Ndërsa në gusht, socialistët pritet të mbledhin edhe strukturat më të larta për të formalizuar drejtimin e ri politik të qeverisë.

Këtu Edi Rama duhet të përzgjedhë skuadrën me të cilën do të çojë përpara reformat e nisura, që siç thotë ai, me barrën e madhe të 83 mandateve./abcnews.al

Ka shkuar në dy numri i viktimave nga aksidentit i një nate më parë në aksin rrugor Shkodër-Lezhë, në afërsi të fshatit Dajç. Në aksident u përfshinë një automjet dhe një trajler, ndërsa viktima kanë mbetur një 56-vjeçare dhe një 63-vjeçar.

Ky i fundit ka humbur jetën në Spitalin e Traumës si pasojë e plagëve të marra.

Po ashtu kanë mbetur të lënduar edhe tre persona të tjerë, që ndodheshin në automjet. Autoritetet kanë shoqëruar drejtuesin e trajlerit, i cili rezulton me banim në Serbo. Grupi hetimor vijon punën  për zbardhjen e shkaqeve të ngjarjes.

 

 

Tirana, një destinacion i jashtëzakonshëm – për pushime në qytet – që ofron kulturë autentike, peizazhe piktoreske, kuzhinë të shijshme dhe çmime të përballueshme, në zemër të Shqipërisë, sipas “Travel and Tour World” (TTW).

Një thesar i fshehur për turistët me buxhet të kufizuar

Tirana, kryeqyteti i gjallë i Shqipërisë, po fiton shpejt popullaritet në mesin e vizitorëve që duan të eksplorojnë pa shpenzuar shumë.

Ndërsa vendi shpesh vlerësohet për bregdetin e tij mahnitës, ky xhevahir urban i vendosur në zemër të Shqipërisë po vendoset në qendër të vëmendjes.

Ndërsa shumë turistë po bëhen më të kujdesshëm me shpenzimet e tyre dhe kërkojnë përvoja kuptimplote, Tirana ofron një ndërthurje perfekte të kulturës, çmimeve të përballueshme dhe sharmit natyror.

Ripërcaktimi i një udhëtimi miqësor me buxhetin

Ndërsa kostot e udhëtimeve vazhdojnë të rriten në të gjithë botën, shumë turistë po e zhvendosin fokusin e tyre nga pikat tradicionale turistike në qytete më pak të njohura që ofrojnë po aq shumë – por me më pak para.

Një eksperte e udhëtimeve nga Britania e Madhe vizitoi së fundmi Tiranën.

Në vend që të vizitonte qytete të mbipopulluara me çmime marramendëse, ajo eksploroi kryeqytetin shqiptar – i cili ofron akomodim dhe ushqim të përballueshëm.

Vizitorët mund të eksplorojnë kuzhinën tradicionale shqiptare dhe të shijojnë ëmbëlsirat ballkanike për vetëm 45 qindarka.

Një ndërthurje e kulturës dhe kuzhinës

Ajo që e bën Tiranën një vend kaq magjepsës nuk është vetëm çmimi i përballueshëm, por edhe mënyra se si vizitorët njihen me jetën e përditshme autentike, mjedisin e bukur dhe kulturën ushqimore.

I fshehur midis kodrave dhe vargmaleve, ky qytet ofron një arratisje paqësore së bashku me energjinë e gjallë urbane.

Një destinacion i spikatur për adhuruesit e natyrës është Mali i Dajtit, i vendosur jashtë qytetit, i cili ofron ecje fantastike, pamje panoramike dhe një mënyrë të shkëlqyer për të përjetuar bukurinë natyrore të Shqipërisë.

Kultura e kafeneve të kryeqytetit është një tjetër pikë referimi. Rrugët janë të mbushura me vende për t’u ulur në natyrë, ku vendasit pushojnë në diell, pinë kafe dhe bisedojnë me miqtë.

Ndër vendet më të mira për një vakt të shijshëm vendas është “Kernace Zgare Fatosi”, një vend i njohur që ofron qofte të shijshme, bukë të freskët dhe gatime tradicionale me bazë kosi.

Vendasit sugjerojnë ta vizitoni gjatë muzgut, kur mjedisi bëhet vërtet magjik dhe ushqimi është në formën e tij më të mirë.

“Restorant GjinoKastra” shërben pjata tradicionale, për turistët që janë të hapur ndaj përvojave unike kulinare.

Dhe sigurisht, asnjë vizitë në Tiranë nuk do të ishte e plotë pa provuar një filxhan kafe autentike turke.

Megjithatë, udhëtarët duhet të dinë se kafenetë e qytetit janë gjithmonë plot jetë, një shenjë se sa të rëndësishme janë këto kafene në jetën e përditshme.

Eksploroni zemrën e qytetit

Përtej ushqimit, Tirana është e pasur me vende kulturore dhe monumente historike. Vizitorët mund të zbulojnë një ndërthurje të ndikimeve osmane, italiane dhe të epokës socialiste, të gjitha në një vend.

Disa atraksione që duhen vizituar me patjetër përfshijnë:

Sheshi Skënderbej, qendra e qytetit, që mban emrin e heroit kombëtar të Shqipërisë, e rrethuar nga institucione kulturore.

Kalaja e Tiranës ofron një pamje të rrënjëve osmane të qytetit – e shndërruar në një qendër kulturore dhe kulinare.

Pazari i Ri, një treg në ambient të hapur, plot me prodhime të freskëta, produkte të punuara me dorë dhe shije lokale.

Sofra e Ariut – një vend vërtet unik ku vizitorët mund të darkojnë në një mjedis të qetë që i sjell ata afër natyrës dhe jetës së egër.

Këto vende jo vetëm që pasqyrojnë thellësinë e historisë shqiptare, por gjithashtu u lejojnë vizitorëve të lidhen më thellë me mënyrën lokale të jetesës.

Jeta e gjallë e natës

Një nga transformimet më dramatike të Tiranës ka ndodhur në lagjen e Bllokut.

Dikur një zonë e kufizuar për zyrtarët komunistë, tani është lagjja më e gjallë e qytetit, ku ndodhen disa nga baret, restorantet dhe kafenetë më të mira.

Nëse dëshironi të provoni kokteje, birrë artizanale apo thjesht një ekspres të mirë pas darkës, Blloku i ofron me stil dhe shpirt.

Për një mbrëmje më të relaksuar dhe piktoreske, tarraca në “Hotel Xheko Imperial” ofron pamje marramendëse të horizontit të qytetit.

Është vendi i përsosur për t’u çlodhur dhe për të bërë foto të paharrueshme, veçanërisht gjatë perëndimit të diellit.

Kombinimi i flladit të freskët, pijeve dhe pamjeve panoramike e bën atë një vend të preferuar si për vendasit ashtu edhe për vizitorët e huaj.

Tirana, një nga opsionet më të mira në Evropë

Gjithnjë e më shumë, turistët po kërkojnë destinacione që ofrojnë përvoja autentike, mundësi të përballueshme dhe që janë të paprekura nga turizmi masiv – krahasuar me qytetet tradicionale evropiane. Tirana është pikërisht qyteti që i plotëson këto dëshira.

Ndërsa turistët vazhdojnë t’i japin përparësi komoditetit dhe cilësisë – qytete si Tirana ka të ngjarë të gëzojnë një rritje të vazhdueshme të popullaritetit.

Kjo gjithashtu mund të ndihmojë në lehtësimin e barrës së qyteteve të mbipopulluara si Parisi, Roma ose Barcelona, duke lejuar që turizmi të shpërndahet në mënyrë më të barabartë dhe të qëndrueshme, në të gjithë kontinentin.

Territori Shqipëtar në orët e para të mëngjesit dhe mesditës parashikohet që në të gjithë vendin tonë të ketë dominim të intervaleve të gjata me diell, ku më të dukshme do të jenë në zonat jugore.

Ndërsa pjesa e dytë e ditës pritet të sjellë kalime të lehta vranësirash kryesisht në zonat malore, por nuk do të mund të krijojnë mundësi për reshje.

Vija bregdetare dhe pjesërisht qytetet e zonës së ulët gjatë pasdites dhe mbrëmjes do të vijojnë të jenë nën ndikimin e kthjellimeve.

Temperaturat e ajrit do të pësojnë rënie në mëngjes por rriten në mesditë duke luhatur vlerat ditore nga 11°C vlera minimale deri në 41°C maksimalja në rang territori.

Organizata Botërore e Shëndetësisë (OBSH) ka bërë një thirrje urgjente për të parandaluar rikthimin e epidemisë së virusit chikungunya, i cili transmetohet përmes pickimeve të mushkonjave dhe kishte shkaktuar shpërthime të mëdha globale rreth 20 vite më parë.

Shqetësimi aktual lidhet me shpërthime të reja në rajonin e Oqeanit Indian, të cilat tashmë janë duke u përhapur edhe në Evropë dhe kontinente të tjera.

Sipas zyrtares së OBSH-së, Diana Rojas Alvarez, mbi 5.6 miliardë njerëz në 119 shtete jetojnë në zona me rrezik të lartë nga ky virus, i cili shkakton ethe të forta dhe dhimbje të vazhdueshme në nyje, duke çuar edhe në paaftësi afatgjate tek shumë të infektuar.

“Po shohim përsëritjen e historisë,” tha Alvarez, duke krahasuar situatën aktuale me epideminë e viteve 2004-2005, që fillimisht preku rreth gjysmë milioni njerëz në ishujt e vegjël të Oqeanit Indian, para se të përhapej në mbarë botën.

Sipas saj, vala e fundit ka filluar në fillim të vitit 2025, me shpërthime në të njëjtët ishuj të prekur më parë, përfshirë La Reunionin dhe Mauritiusin. Në La Reunion, raportohet se virusi ka infektuar tashmë rreth një të tretën e popullsisë.

Përveç këtyre, raste të shumta janë regjistruar edhe në Madagaskar, Somali, Kenia, Indi dhe Azinë Juglindore.

Një shqetësim i veçantë është rritja e rasteve të importuara në Evropë. Vetëm në Francë, që nga 1 maji, janë raportuar rreth 800 raste të importuara.

Virusi chikungunya nuk ka trajtim specifik dhe ka potencial për shpërthime të shpejta nëse nuk merren masa parandaluese, thekson OBSH-ja. Parandalimi mbetet thelbësor, përmes përdorimit të insekticidëve dhe veshjeve mbrojtëse me mëngë të gjata, pasi mushkonjat pickojnë gjatë ditës.

 

Dashi

Dashuria: Kjo është një ditë e keqe, por që do përmirësohet në vijim. Do të shtyheni të flisni me të dashurin, sepse qielli është vërtet magjik për ju. Nëse jeni beqarë dhe keni qëndruar vetëm për një kohë të gjatë, do të keni mundësi për njohje.

Puna: Lajm i mirë në frontin e punës, së shpejti do të ketë lajme të tjera që do t’ju bëjnë shumë të lumtur.

Demi

Dashuria: Sot shanset për të gjetur dashurinë nëse jeni beqar ose po e jetoni atë në një mënyrë më të pakujdesshme nëse po jetoni një marrëdhënie solide mund të rriten. Dita ju fton të përjetoni marrëdhënie në një mënyrë shumë më spontane. Venusi është në anën tuaj.

Puna: Dikush mund të ju bëjë një ofertë tërheqëse për punë, por shmangni lënien e të sigurtës.

Binjakët

Dashuria: Ditë interesante falë Hënës në aspekt të mirë. Një periudhë vërtet pozitive do të fillojë për ju, do të gjeni zgjidhje për problemet që dukeshin të pamundura për t’u zgjidhur. Suksese në dashuri për zemrat e vetmuara.

Puna: Sot do të jetë e rëndësishme të punoni për gjërat që mund të bëni. Kushdo që ka një biznes të vetin mund të ketë një kënaqësi shtesë.

Gaforrja

Dashuria: Dita ju fton të lidheni me të tjerët në një mënyrë pozitive dhe të fitoni një sfidë në sferën emocionale. Do të jetë mirë t’i jepeni pasionit pa hezitim. Edhe për beqarët sot është një ditë e ngjarjeve të shkëlqyera, shumë takime.

Puna: Rritja e biznesit për ata që kanë vendosur të mos ndalen dhe të vazhdojnë rrugën e tyre. Ndonjëherë dëgjimi i instinktit shërben.

Luani

Dashuria: Para se të bëni polemikë për diçka që nuk ka themel, hapni sytë. Mos e derdhni zemërimin që keni me dikë tjetër në dashuri. Beqarët do luftojnë për të imponuar zërin e tyre dhe dikush do të jetë në gjendje të keqkuptojë disa fjali të paqarta.

Puna: Në këtë periudhë jeni mjaft nervoz, mbase një marrëveshje nuk shkoi mirë dhe kjo ju bën të hutoheni.

Virgjëresha

Dashuria: Sot disa ide mund t’ju vijnë në kokë. Kushdo që ka përjetuar një krizë ose ka qenë gabim mund të zemërohet. Mos harroni të dëgjoni ndjenjat tuaja. Beqarët do duhet të qëndrojnë pranë një personi që nuk dëshiron të heqë dorë.

Puna: Sot do t’ju duhet t’i kushtoni vëmendje marrëdhënieve profesionale. Disa marrëveshje duhet të trajtohen me kujdes që të jenë në gjendje të kalojnë.

Peshorja

Dashuria: Në këtë ditë ju mund të përfitoni nga më pak angazhime për t’ju kushtuar më shumë kohë planifikimit të gjërave që duhet të bëni. Dashuria vazhdon në mënyrë paqësore. Nëse jeni beqarë dhe doni të takoni njerëz të rinj, thjesht duhet të kapni mundësitë!

Puna: Reflektoni për atë që nuk është e mirë për ju dhe do të jeni në gjendje të përpunoni një pikë kthese. Me kundërshtimin e Jupiterit nuk është e thjeshtë të gjesh zgjidhje.

Akrepi

Dashuria: Sot disa nga ju do të rizbulojnë dëshirën për të dashur dhe do të jenë më të prirur ta lini veten të lirë. Mos u tregoni shumë të kujdesshëm ndaj të tjerëve. Beqarët do duhet të shtyjnë një takim të rëndësishëm për shkak të një pengese.

Puna: Perspektiva të mira profesionale, surpriza të reja dhe kontrata pune fitimprurëse janë në rrugë e sipër.

Shigjetari

Dashuria: Dita e mahnitshme, erosi është duke u rritur dhe keqkuptimet me partnerin janë ulur. Midis kaq shumë butësive ju do të keni sukses të bëni të harroni disa nga dështimet tuaja! Për beqarët do jetë një ditë e këndshme plot lajme, takime të shkëlqyera në mbrëmje.

Puna: Dita do të dëshmojë të jetë e rëndësishme financiarisht, sot do të keni të ardhura të shkëlqyera që do t’ju kënaqin.

Bricjapi

Dashuria: Nuk mund të përjashtohet që sot dikush të ndjehet mire. Marsi nuk do të jetë më në kundërshtim në shenjën tuaj. Sot do të jetë dita e duhur për të folur me partnerin. Gjërat po bëhen më të mira për beqarët, diçka e re për të gjithë sot.

Puna: Dikush do të marrë lajme të mira në frontin e punës, më mirë të marrë atë që ofron jeta e mirë.

Ujori

Dashuria: Me Hënën në shenjën tuaj, kjo ditë duket vërtet interesante. Së shpejti Marsi nuk do të jetë më në kundërshtim dhe për këtë arsye do të keni dritën e gjelbër në marrëdhënie dhe takime. Edhe ata që janë beqarë mund të kenë më shumë zgjidhje.

Puna: Aspekti pozitiv i yjeve mund të ju ndihmojë financiarisht. Lajme të rëndësishme edhe për ata që duhet të kalojnë teste ose provime.

Peshqit

Dashuria: Një ditë e karakterizuar nga një hënë e mirë. Nëse përballeni me diskutime të rënda ose nëse dikush ju kundërshton, është më mirë të flisni tani dhe të mos shtyni diskutimet deri të dielën. Perspektiva të mëdha në jetën private të zemrave të vetmuara, mbase nuk do të jeni më vetëm!

Puna: Ka gjëra që mund të shkaktojnë fërkime të lidhura me punën. Megjithatë ju jeni duke fituar, kështu që mos u shqetësoni