Sunny Hill Festival, një prej ngjarjeve më të mëdha muzikore në Kosovë do të mbahet në datat 1,2,3 gusht dhe gjithçka nën lupën nga Dua Lipa. Por babai i saj, që është edhe menaxheri i sah, Dukagjin Lipa ka reaguar ashpër në rrjetet sociale për fenomenin e kërkesave të shumta për bileta falas ose siç i quan ai, “belesh”. Përmes një sërë storjesh në Instagram, drejtuesi i festivalit dhe babai i…

Source

Në prag të festivalit Sunny Hill, Dukagjin Lipa ka reaguar ashpër ndaj kërkesave të shumta për bileta falas, duke publikuar një sërë storiesh në Instagram ku i drejtohet hapur atyre që i ka quajtur “Belesha”.

Në deklaratën e tij ai shprehet: “Krejt ju që po lypni bileta falas, ASNJË prej jush nuk jeni rast social, përkundrazi, çdo të premte i hipni kerreve e aeroplanëve për Europë, për qejf, eksportoni kesh jashtë Kosovës (shuma të konsiderueshme), e me ble bileta për me e kalu nji vikend në Kosovë që ASNJË prej qyteteve europiane nuk ju ofron një vikend ksi soji, koka shpenzim për ju!!!!

N’vend se me i thirrë miqtë e juaj europianë me ardhë me e kalu nji vikend me juve n’Prishtinë, me e promovu vendin edhe me ndihmu në pamjen edhe imazhin e Kosovës, ju kqyrni qysh me ardhë n’festival belesh!!!!

Krejt Kosovën nuk e nxen n’VIP!!! Provo qysh osht me hargju a me u knaqë nji vikend n’Prishtinë, se kur po nisesh për Europë, as nuk po i thirrë avio kompanitë për biletë belesh, as hotelin për dhomë belesh, as restoranin me hongër belesh e as bileta t’koncerteve belesh!!!!

MOS THIRRNI PËR BILETA!!!!!”

Ky reagim i Lipës është bërë menjëherë viral, duke hapur debat për kulturën e kërkimit të biletave falas dhe vlerësimin e ngjarjeve të mëdha kulturore që zhvillohen në Kosovë. /Telegrafi/

The post Dukagjin Lipa shpërthen ndaj kërkesave për bileta falas: N’vend se t’i thirrni miqtë tuaj europianë, ju këqyrni si të vini në festival ‘belesh’ appeared first on Telegrafi.

Faqja zyrtare e ‘Sunny Hill Festival’ ka publikuar sot një video të artistes shqiptare me famë botërore, Dua Lipa, e cila i drejtohet fansave të saj me një mesazh të ngrohtë dhe emocionues në prag të edicionit të sivjetshëm të festivalit që mbahet në Prishtinë.

Në videon e shpërndarë në rrjetet sociale, Dua shfaqet entuziaste, ndërsa thekson: “Jam shumë e entuziazmuar të vij në shtëpi, në Prishtinë, javën e ardhshme, për festivalin Sunny Hill. Do të jetë edicioni më i madh deri tani dhe jam shumë krenare sa shumë është rritur si festival. Mezi po pres, ju dua shumë shumë”.

Ajo nuk heziton të përfundojë mesazhin e saj në gjuhën shqipe, duke shtuar: “Mezi po pres, ju dua shumë!”

@sunnyhill_festival A special message from @dualipaofficial When Dua says she’s excited, you KNOW it’s going to be special! #Sunnyhill #sunnyhillfestival #Dualipa #kosovo #viral #viraltiktok ♬ original sound – Sunny Hill Festival

Dua Lipa është një nga emrat kryesorë të këtij edicioni të festivalit “Sunny Hill”, i cili organizohet çdo vit nga babai i saj, Dukagjin Lipa.

Prania e saj këtë vit në Prishtinë ka ngjallur një interes të jashtëzakonshëm tek publiku, me pritje të mëdha për performancën e saj në skenë.

Festivali, që tashmë ka fituar një reputacion ndërkombëtar, pritet të sjellë sërish në Kosovë emra të mëdhenj të muzikës botërore dhe të vazhdojë të afirmojë Prishtinën si një pikë të rëndësishme në hartën e festivaleve evropiane. /Telegrafi/

The post Dua Lipa emocionon fansat para nisjes së festivalit ‘Sunny Hill’ me mesazhin e saj në shqip: Mezi po pres, ju dua shumë appeared first on Telegrafi.

Këngëtarja me famë botërore, Dua Lipa, është fotografuar së fundmi në një nga rrugicat karakteristike të Palermos, teksa shijonte disa ditë pushimi mes pjesëve të turneut të saj ndërkombëtar “Radical Optimism”.

Në një video të shpërndarë në rrjet, 29-vjeçarja shihet ulur thjesht në një trotuar nën diellin italian, me një gotë verë në dorë dhe një cigare, duke qeshur me të fejuarin e saj, aktorin britanik Callum Turner, 35 vjeç, shkruan DailyMail, transmeton KultPlus.

Pamjet bënë bujë të menjëhershme në rrjetet sociale, me fansat që e përgëzuan Duan për natyrshmërinë dhe qetësinë që e karakterizon, ndryshe nga yjet e tjerë të nivelit të saj. “Thjesht është ulur në rrugë me verë në dorë… E adhuroj!”, shkroi një ndjekës në TikTok. Të tjerë komentuan: “Ka famën, pasurinë dhe suksesin por nuk duket aspak e përfshirë në botën e luksit bosh.”

Megjithatë, jo të gjithë ishin pozitivë. Disa përdorues shprehën kritika për pirjen e duhanit, duke u shqetësuar për ndikimin që kjo mund të ketë në zërin dhe karrierën e saj si këngëtare.

Kujtojmë se turneu “Radical Optimism”, që nisi në maj, e ka çuar këngëtaren në Australi dhe Britaninë e Madhe, ku së fundmi performoi në stadiumin Wembley. Turneu do të rifillojë në fillim të gushtit në Amerikën e Veriut dhe do të përfundojë më 5 dhjetor në Mexico City.

Në një intervistë për British Vogue, Dua Lipa konfirmoi fejesën me Callum Turner, duke shtuar se e sheh këtë kapitull si një hap të rëndësishëm drejt ndarjes së jetës me dikë që e quan “mikun më të mirë përgjithmonë”.

“Do të doja të kem fëmijë një ditë. Por gjithmonë mbetet pyetja: kur është koha e duhur? Mendoj se është një nga ato gjëra që do të ndodhin kur t’i vijë koha,” – u shpreh ajo./KultPlus.com/

Një këngëtare shqiptare mund të jetë për herë të parë protagoniste e shfaqjes së pushimit të SuperBowl. Dua Lipa është një nga kandidatet kryesore për të qenë pjesë e asaj që cilësohet si një nga shfaqjet më të mëdha e rëndësishme muzikore në botë, ku kanë kënduar ikonat më të mëdha të muzikës. Sipas “BILD”, bëhet fjalë për një treshe këngëtaresh që mund të këndojnë së bashku në shfaqjen e…

Source

Një këngëtare shqiptare mund të jetë për herë të parë protagoniste e shfaqjes së pushimit të SuperBowl. Sipas mediave ndërkombëtare, Dua Lipa është një nga kandidatet kryesore për të qenë pjesë e asaj që cilësohet si një nga shfaqjet më të mëdha e rëndësishme muzikore në botë, ku kanë kënduar ikonat më të mëdha të muzikës.

Sipas “BILD”, bëhet fjalë për një treshe këngëtaresh që mund të këndojnë së bashku në shfaqjen e SuperBowl 60 që zhvillohet më 8 shkurt 2026 në “Levi’s Stadium”, në Santa Klara, Kaliforni. Përkrah 28-vjeçares Dua Lipa, pritet të jenë edhe Sabrina Karpenter dhe Çapëll Roan.

Prej javësh ka pasur bisedime të vazhdueshme, me këtë treshe që shihet si një zgjidhje e mundshme për shfaqjen e këtij edicioni. Treshja është favorite, por kompania “Roc Nation” që është përgjegjëse bashkë me sponsorin “Apple Music” për shfaqjen ikonike në pushimin e ndeshjes, po bisedon edhe me artistë të tjerë.

Për Dua Lipën, kjo do të ishte shfaqja e dytë e madhe sportivë në të cilën merr pjesë, pas asaj të finales së Ligës së Kampioneve në vitin 2018. Por shfaqja në pushimin e SuperBowl, është në një nivel komplet tjetër dhe për shumë artistë cilësohet ndër kulmet e karrierës së tyre muzikore.

The post Një shqiptare në spektaklin e SuperBowl/ Dua Lipa bëhet kandidate për një nga shfaqjet më të mëdha në botë appeared first on Albeu.com.

Një nga yjet më të mëdhenj të muzikës pop, Dua Lipa, ka shijuar një darkë të veçantë në restorantin e njohur “Cicciotto a Marechiaro” në Napoli.

Këngëtarja shqiptare, me mbi 87 milionë ndjekës në rrjetet sociale zgjodhi restorantin e drejtuar nga Vincenzo dhe Gianluca Capuano për darkën e saj napolitane, e cila rezultoi të ishte një përvojë e paharrueshme si për të, ashtu edhe për mikpritësit.

Menuja përfshinte një meze me karkaleca deti dhe scampi të freskët, pasta paccheri me karavidhe dhe një gotë të mirë vere Fiano. E përkëdhelur nga vetë Vincenzo Capuano, Dua Lipa shijoi gjithçka me finesë dhe vëmendje për detajet.

Sipas burimeve, ajo mbërriti me avion privat në aeroportin e Foggias, për të vijuar më pas me helikopter drejt Napolit, përpara se të nisej për në Capri, përcjellë KultPlus.

“Ishte një ndjesi e mrekullueshme të shihja Dua Lipën në restorantin tim,” u shpreh Vincenzo Capuano, duke përshkruar emocionet e tij gjatë vizitës së këngëtares. “Ajo mori tartar me ton dhe kalamar të skuqur. Donte karkaleca deti të gjallë dhe e dinte ndryshimin mes atyre sicilianë dhe kalabrezë. Unë dua ato vjollcë. Linguine me scampi për pjatën e parë,” – vazhdoi ai.

Capuano shpjegoi se nuk ishte njoftuar për identitetin e mysafires së veçantë përpara ardhjes së saj.

“Na telefonuan, por nuk thanë për kë ishte rezervimi. Kur e pashë të ulur në tavolinë, nuk mund t’u besoja syve të mi. Ishte një emocion i madh dhe i sinqertë.”

Vizita e Duas mbetet një vizitë e shkurtër, por mbresëlënëse, që i shton një tjetër moment të paharruar historisë së restorantit legjendar napolitan./rtl102.5/KultPlus.com

Këngëtarja shqiptare me famë botërore, Dua Lipa, ka vendosur të vërë në ankand Porsche-in e saj të personalizuar, në mbështetje të fondacionit që ajo themeloi së bashku me babain e saj, Sunny Hill Foundation. Lajmi është bërë i ditur në mediat ndërkombëtare dhe ka marrë vëmendje të gjerë, jo vetëm për vetë vlerën e makinës, por edhe për kauzën fisnike që ajo përfaqëson.

Makina, një Porsche unike me dizajn të personalizuar sipas stilit të saj, pritet të tërheqë interes të madh në ankand. Me linja elegante, ngjyrime të veçanta dhe detaje të dizajnuara me kujdes, ajo është një përzierje perfekte mes luksit, artit dhe identitetit personal të yllit të muzikës.

Të gjitha të ardhurat nga ankandi do të shkojnë për fondacionin “Sunny Hill”, i cili ka dhënë një kontribut të jashtëzakonshëm në mbështetjen e komuniteteve dhe të rinjve në Kosovë, veçanërisht në fushat e arsimit, artit dhe kulturës. Fondacioni ka organizuar gjithashtu Festivalin e njohur “Sunny Hill”, që ka sjellë emra të mëdhenj të muzikës në Prishtinë dhe Tiranë./tv21/

Dua Lipa ka tërhequr vëmendjen me një seri fotografish të reja në Instagram, ku shfaqet në formë të shkëlqyer fizike.

Këngëtarja 29-vjeçare pozoi me një kostum seksi dhe xhinse të gjera, ndërsa në një video të shkurtë nga palestra tregoi muskujt e barkut me reçipeta të zeza dhe geta të ngushta.

Në albumin me titull “pak nga gjithçka”, ajo ndau gjithashtu momente nga udhëtimet me helikopter dhe darka elegante me miqtë dhe familjen.

Në disa fotografi, Dua pozon me një fustan të zi të ngushtë që i nxjerr në pah linjat trupore.

Ndërkohë, në këtë postim mungon partneri i saj Callum Turner, megjithëse çifti e konfirmoi zyrtarisht fejesën e tyre këtë muaj.

Gjatë fundjavës, ata u panë të përqafuar dhe duke shkëmbyer puthje në Hyde Park, Londër.

Në një intervistë të fundit për Vogue UK, Dua pranoi se dëshiron të ketë fëmijë me Callumin, por është e vetëdijshme për sfidat që sjell balancimi i jetës familjare me karrierën në muzikë. /Telegrafi/

The post Dua Lipa mahnit me format e tonifikuara dhe stilin elegant në postimet e fundit appeared first on Telegrafi.

Gjatë fundjavës së Çmimit të Madh në Monako është prezantuar zyrtarisht një nga makinat më të veçanta të këtij viti: Dua Lipa Rennstall GT3 RS, një version ekskluziv i modelit 2024 Porsche 911 GT3 RS, krijuar në bashkëpunim me këngëtaren e njohur Dua Lipa dhe kompaninë Porsche.

Kjo makinë unike përmban paketën e kërkuar Weissach, me rrota prej magnezi, komponentë prej karboni, frenat Porsche Ceramic Composite, si dhe një motor atmosferik 4.0 litra flat-six, që arrin deri në 9,000 rpm, transmeton.

Pamja e jashtme e makinës është zbukuruar me një dizajn të veçantë dhe ngjyra të gjalla të krijuara nga vetë Dua Lipa, të frymëzuara nga energjia dhe stili vizual i turneut të saj Radical Optimism.

Të gjitha të ardhurat nga ankandi do të shkojnë për Fondacionin Sunny Hill themeluar nga Dua Lipa.

Makina do të ekspozohet në Goodwood Festival of Speed si dhe në #SothebysParis, ndërsa ankandi është i hapur deri më 31 korrik./KultPlus.com

Turneu “Radical Optimism” i Dua Lipës shënon një moment kyç në karrierën e saj si yll i muzikës pop, duke dëshmuar aftësinë e saj për t’u lidhur me audiencën në shkallë globale. I nisur në fund të vitit 2024, ky turne ambicioz tashmë ka thyer rekorde, duke përfituar mbi 112 milionë dollarë nga 44 shfaqjet e para, dhe pritet të vazhdojë me sukses në muajt në vijim teksa zhvendoset drejt Amerikës së Veriut dhe Amerikës Latine.

Turneu “Radical Optimism” është më shumë se një seri koncertesh, është një dëshmi e rritjes së saj si artiste globale dhe një arritje e jashtëzakonshme financiare.

Turneu nisi më 5 nëntor 2024, me 11 koncerte në Azi, duke shënuar kthimin e parë të Lipës në këtë rajon që nga viti 2018. Rritja e përmasave të skenave është domethënëse: në Singapor, ajo kaloi nga 5,000 spektatorë në Star Theater në dy net të shitura në Indoor Stadium me kapacitet prej 18,800 vetash. Në Tokio, nga 2,700 vende në Zepp Tokyo, u zhvendos në Saitama Super Arena me 38,300 vende, duke fituar 21 milionë dollarë nga 166,000 bileta.

Nga 17 marsi deri më 4 prill 2025, Lipa mbajti 10 koncerte në Australi dhe Zelandën e Re, duke siguruar 17.2 milionë dollarë nga 139,000 bileta.

Pjesa europiane e turneut përbën suksesin më të madh deri më tani, dhe dy netët në Wembley Stadium i sollën asaj 19.1 milionë dollarë, duke u kurorëzuar kështu, si shfaqja më fitimprurëse në karrierën e saj.

Turneu paraqet gjithashtu një evolucion në performancat live të Dua Lipës. Nga sallat e vogla ku filloi karrierën e saj, ajo tani dominon stadiume të mëdha me shfaqje energjike, koreografi të sofistikuara dhe skena vizualisht tërheqëse. Çdo koncert është konceptuar si një përjetim i plotë tematik me mesazhin qendror të optimizmit dhe shpresës.

Para pjesës tjetër të turneut, Dua Lipa, do të performojë edhe në Kosovë, në natën e parë të festivalit Sunny Hill, më 1 gusht 2025. Para publikut vendas, kjo do të jetë një ndër paraqitjet dhe performancat më të veçanta të verës.

Turnetë globale sjellin sfida, nga koordinimi logjistik deri te përshtatja me normat kulturore lokale, por Lipa ka treguar se është një artiste që kupton kompleksitetin e tregut dhe kërkesën për përvojë të thellë artistike.

“Radical Optimism” është më shumë se një turne, është një lëvizje artistike dhe ekonomike që ripozicionon Dua Lipën në majat e industrisë botërore të muzikës. / KultPlus.com 

Trupa e Teatrit “Aleksandër Moisiu” të Durrësit është në provat përfundimtare përpara shfaqjes “Vendi më i humbur në Shqipëri”, e parashikuar ta ketë premierën më 15 korrik.

“Vendi më i humbur në Shqipëri” është një komedi e shkruar nga Jean Pierre Martinez dhe përkthyer nga Anxhela Çikopano. Ngjarjet zhvillohen në një fshat të harruar i cili rrezikon të fshihet nga harta. Banorët janë të gatshëm të bëjnë gjithçka që fshati të jetojë, por ngjarjet marrin një rrjedhë befasuese dhe të pazakontë, kur në fshat vjen një gazetare e famshme.

Regjisore e shfaqjes është Andia Xhunga, e cila ka vënë në skenë mjaft shfaqje të suksesshme. Komedinë fantastike të Jean Pierre Martinez, Andi Xhunga do ta sjellë në 6 data, përgjatë muajit korrik, në arenën antike të Amfiteatrit të Durrësit me pjesëmarrjen e aktorëve: Gentian Zenelaj, Romir Zalla, Mimoza Marjanaku, Aleksandër Seitaj, Ervin Doko, Alesia Xhemalaj, Adelina Muça, Amos Zaharia, Xheini Fama dhe Jaho Guma.

Skenografia dhe kostumografia mbajnë firmën e Alketa Tragajt Myshketa ndërsa muzika nga kompozitori Endri Sina.

Ky është bashkëpunimi i parë i Teatrit “Moisiu” me dramaturgun francez me prejardhje spanjolle, Jean Pierre Martinez. Karriera e Martinez nisi mbi baza të forta akademike, me diploma në ekonomi, marketing, letërsi spanjolle dhe angleze, gjuhësi e semiologji. Martinez ka eksploruar gjithashtu në zhanre te ndryshme si, duke luajtur në bateri në grupe të ndryshme rroku, semiolog reklamash për disa nga kompanitë më të mëdha të konsulencës, skenarist i mjaft skenarëve televizivë, lektor i gjuhës frënge në një universitet të Teksasit, dhe tani një dramaturg i afirmuar, dramat e të cilit vihen në skenë anembanë botës. Deri më sot, Jean Pierre Martinez ka shkruar 114 vepra teatrale./atsh/KultPlus.com

Dua Lipa ka publikuar një mini-dokumentar emocionues për koncertet e saj të shitura në Londër, të mbajtura në stadiumin legjendar Wembley më 20 dhe 21 qershor.

Gjatë këtyre netëve të paharrueshme, këngëtarja shqiptaro-britanike solli në skenë të ftuar specialë si Jamiroquai dhe Charli XCX, ndërsa publiku i mbi 70 mijë njerëzve këndoi me pasion hitet si “New Rules”, “Houdini”, “Be The One” dhe “Dance The Night”.

Dokumentari, i titulluar “Dua Lipa – The Beat Before (Wembley Stadium)”, sjell pamje të rralla nga prapaskenat dhe intervista me fansat, duke reflektuar emocionet dhe energjinë që e përshkroi këtë moment historik në karrierën e saj.

Gjatë natës së parë në Wembley, Dua Lipa iu drejtua audiencës me fjalë prekëse: “Është ndjesi surreale të jem këtu sonte. Ju falënderoj nga zemra për praninë tuaj. Janë bërë 10 vjet që kur mbajta koncertin tim të parë në Londër për rreth 350 persona – dhe sot jam këtu para 70 mijë vetave. Është një ëndërr e bërë realitet”.

Pas suksesit në Glastonbury Festival verën e kaluar, Dua Lipa konfirmoi dy datat në Wembley dhe më pas mbajti edhe një koncert të veçantë me orkestër në Royal Albert Hall. Turneu i saj vazhdoi në Liverpool dhe Dublin, dhe më vonë këtë vit, ajo pritet të nisë edhe fazën në Amerikën e Veriut.

Në koncertin në Dublin, ajo surprizoi publikun me një interpretim të ndjerë të këngës “Nothing Compares 2 U”, si homazh për legjendën irlandeze Sinéad O’Connor.

“Sonte kam nderin të performoj një këngë të një legjende të ndjerë irlandeze”, tha Lipa para se të niste këngën, e cila u bë e famshme në vitin 1990 nga O’Connor, por u shkrua fillimisht nga Prince për grupin “The Family” në vitin 1985.

“Nëse i dini fjalët, ju lutem këndoni me mua”, u shpreh ajo për publikun.

Ndërkohë, në një zhvillim tjetër të rëndësishëm për jetën personale të artistes, Dua Lipa ka konfirmuar zyrtarisht fejesën e saj me aktorin Callum Turner, pas muajsh spekulimesh nga fansat.

Në një intervistë për kopertinën e re të British Vogue, ajo deklaroi: “Po, jemi të fejuar. Është diçka shumë emocionuese. Vendimi për të ndarë jetën me dikë, për të u rritur bashkë dhe për të qenë miqtë më të mirë gjithmonë – është një ndjesi vërtet e veçantë”.

Ajo zbuloi gjithashtu se Callum e kishte përgatitur unazën e fejesës enkas për të, pas konsultimeve me motrën dhe shoqet më të afërta të saj: “Jam e fiksuar pas saj. Është fiks unaza që më përfaqëson. Është shumë bukur kur e di që personi me të cilin do të ndash jetën të njeh kaq mirë”.

Dua Lipa vazhdon të shkëlqejë, si në skenë ashtu edhe në jetën personale, duke frymëzuar me suksesin, sinqeritetin dhe lidhjen e ngushtë me fansat në mbarë botën. /Telegrafi/

The post Dua Lipa publikon një mini-dokumentar për koncertet madhështore në Wembley appeared first on Telegrafi.

Këngëtarja me famë botërore, Dua Lipa, dhe aktori britanik Callum Turner, janë fotografuar tejet të dashuruar gjatë pushimeve të tyre romantike në bregdetin magjepsës të Amalfit.

Çifti, që tashmë ka zyrtarizuar fejesën e tyre, nuk i kursente momentet e përzemërta, teksa ndanin një puthje pasionante nën rrezet e diellit, shkruan DailyMail.

Dua, 29 vjeç, tregoi linjat e saj trupore në një bikini të vogël me pika bardh e zi, ndërsa flokët e saj të gjata dhe të zeza ishin të lagura nga freskimi në detin kristalor.

Nga ana tjetër, Callum, 35 vjeç, u pa me trup të djegur nga dielli dhe veshur me rroba banje portokalli të ndezura.

Këngëtarja shqiptare me famë ndërkombëtare do të mbushë 30 vjeç në gusht dhe për herë të parë ka folur publikisht për emocionet pas fejesës.

“Po, jemi të fejuar. Është shumë emocionuese”, tha ajo në një intervistë për British Vogue, ku pozoi për kopertinën e revistës me një veshje delikate rozë që i vinte në pah figurën.

Në të njëjtën intervistë, Dua foli edhe për dëshirën për të pasur fëmijë, por shprehu edhe shqetësimet për mënyrën se si kjo do të përputhej me karrierën e saj të ngjeshur.

“Do të doja të kisha fëmijë një ditë, por gjithmonë e kam pyetur veten: kur do të ishte momenti i duhur? Si do të funksiononte me turnetë e mia dhe sa gjatë do të më duhej të mungoja? Mendoj se është diçka që thjesht do të ndodhë kur të vijë koha. E dua fëmijët, por të rritësh një fëmijë kërkon shumë më shumë se vetëm dashuri për ta”.

Dua u shpreh gjithashtu se ende nuk ka filluar të planifikojë martesën, por ka nisur të mendojë për fustanin e nusërisë. “Nuk kam qenë ndonjëherë tipi që ëndërron për martesën, por tani po mendoj: ‘Çfarë do të vesh?’,” tha ajo. Ajo shtoi se dëshiron ta përfundojë turneun dhe që Callum të mbarojë xhirimet para se të organizojnë dasmën.

Dua dhe Callum filluan lidhjen në fillim të vitit 2024 dhe, sipas raportimeve, u fejuan gjatë festave të fundvitit. Ajo është parë shpesh me një unazë diamanti që shkëlqen në gishtin e saj.

Çifti rrëfeu se kanë pasur “shumë momente të tipit Sliding Doors”, ku ishin në të njëjtin vend në të njëjtën kohë pa e ditur.

Ata u prezantuan për herë të parë në River Cafe në Londër, ndërsa një vit më vonë u takuan rastësisht sërish në një darkë në Los Angeles. “Mendova: ‘Ah, ky është ai tipi i pashëm nga River Cafe’,” kujton Dua me buzëqeshje.

Gjatë bisedës së parë, zbuluan se të dy po lexonin të njëjtën novelë: Trust nga Hernan Diaz. Pyetur nëse beson se ishin të destinuar për njëri-tjetrin, Dua tha: “Një mijë për qind, po”.

Përpara se të bënte publike lidhjen me Callum, Dua kishte rrëfyer në intervistën për Apple Music 1 me Zane Lowe se kishte kaluar nëpër lidhje që e kishin lënduar dhe i kishin cenuar vetëbesimin.

“Në marrëdhënie, më është dashur të rritem dhe të fal veten për të ecur përpara. Kam mësuar se çfarë më lëndon, çfarë pres dhe çfarë duhet të jap. Kjo lidhet me shkëmbimin e ndjeshmërisë”.

Ajo shtoi: “Kam qenë në marrëdhënie ku jam ndjerë si e pamjaftueshme dhe më është dashur ta rigjej vetëbesimin tim. Tani e di çfarë nuk pranoj më. Nuk ka të bëjë vetëm me personin e duhur, por me marrëdhënien e duhur”. /Telegrafi/

The post Dua Lipa dhe Callum Turner publikojnë fotografi nga pushimet verore në Itali – çifti i fejuar po e shijojnë në maksimum kohën së bashku appeared first on Telegrafi.

I kemi parë të varura në çantat e Rihannës, Dua Lipës dhe Chiara Ferragni, në krahët e yjeve koreanë të muzikës pop (duke filluar me Lisën dhe Rosé nga BLACKPINK) dhe në videot e dhjetëra e dhjetëra krijuesve. Italia i është nënshtruar gjithashtu manisë për Labubu, një lodër me një shprehje paksa shqetësuese e krijuar nga stilisti nga Hong Kongu, Kasing Lung dhe të prodhuara nga Pop Mart.

Një pjesë e sharmit të Labubu është se ato shpesh shiten në kuti të mbuluara, domethënë në kuti të mbyllura ku ti nuk e di se cili personazh do të jetë brenda.

Çfarë janë Labubu?

Duket se frymëzimi i Kasing Lung për krijimin e Labubu-ve erdhi nga dashuria e tij për përrallat. Kafshët e vogla kanë dhëmbë të mprehtë të dalë, veshë të mprehtë, një trup me qime, sy të mëdhenj dhe një buzëqeshje që është në mes të keqdashjes dhe talljes.

Të lindura në vitin 2015, ato filluan të kenë gjithnjë e më shumë sukses që kur Pop Mart i mirëpriti në familjen e saj të lodrave dhe më pas shpërthyen nga viti 2024 e më pas.

Ekzistojnë disa variacione, por seria tematike më e popullarizuar nga të gjitha është “The Monsters” e disponueshme në formate të ndryshme, nga varëse çelësash prej pelushi deri te figura vinili. Jashtë dyqaneve Pop Mart ato janë shumë të vështira për t’u gjetur, por në internet mund të gjeni diçka.

Të famshmit e çmendur pas Labubu

Sekreti i tyre është të jenë të koleksionueshëm, paksa të personalizueshëm – ekziston një treg dytësor rrobash dhe aksesorësh për Labubu, madje edhe ato firmato – dhe mbi të gjitha të lehtë për t’u varur në çanta dhe kuleta.

Kjo është arsyeja pse emra si Rihanna, Emma Roberts, Dua Lipa janë dashuruara me to, pa harruar reperen tajlandeze Lisa, yllin e White Lotus dhe grupit të vajzave Blackpink, e cila kohët e fundit shpërtheu në bum duke i thënë Vanity Fair se i shpenzon “të gjitha paratë e saj” për Labubu dhe aksesorë.

Edhe Alcaraz mori një si dhuratë nga Zheng Qinwen, tenistja kineze që fitoi pesë tituj WTA. Shkurt, një fenomen i vërtetë. ©LAPSI.al

The post Nga Dua Lipa te Rihanna/ Pse të gjithë VIP-at po çmenden për kukullat Labubu appeared first on Lapsi.al.

Dua Lipa dhe Callum Turner, çifti i sapo fejuar, po përjetojnë momente mjaft të nxehta së bashku – aq sa u desh deti për t’i freskuar!

Ylli i popit dhe i fejuari i saj u fotografuan teksa shkëmbenin përqafime e puthje plot pasion mbi një dërrasë lundruese përgjatë bregdetit të mrekullueshëm të Amalfit në Itali, ndërmjet zhytjeve në ujërat e kristalta të Mesdheut, shkruan TMZ.

Sa i përket Duas, ajo u pa e veshur me një palë bikini me pika mjaft të vogla për nga përmasa – duke zbuluar shumë dhe lënë pak vend për imagjinatë.

Çifti që po përflitet shumë për lidhjen e tyre zyrtarizoi fejesën më herët gjatë këtij muaji, duke ndarë lajmin emocionues përgjatë një interviste për revistën “British Vogue”. Dua zbuloi se unaza e fejesës ishte dizajnuar enkas për të, pasi Callum kishte marrë këshilla nga shoqet e saj më të mira dhe motra.

Këngëtarja e hitit “One Kiss” tha se aktualisht po shijojnë emocionet e fejesës dhe nuk kanë filluar ende me planet për dasmën. Ajo është e përqendruar tek turneu muzikor, ndërsa Callum është i angazhuar me xhirimet e tij.

Koha e saktë e fejesës mbetet mister, por çifti – që filluan lidhjen në janar të vitit 2024 – u bë objekt diskutimi në fund të vitit kur Dua u pa me një unazë në gishtin e fejesës.

Mes diellit dhe dashurisë së tyre… duket se ishte me të vërtetë “Hotter Than Hell” në atë platformë lundruese!

The post Dua Lipa fotografohet në momente intime me të fejuarin Callum Turner gjatë pushimeve në brigjet italian appeared first on Albeu.com.

Dua Lipa dhe Callum Turner, çifti i sapo fejuar, po përjetojnë momente mjaft të nxehta së bashku – aq sa u desh deti për t’i freskuar!

Ylli i popit dhe i fejuari i saj u fotografuan teksa shkëmbenin përqafime e puthje plot pasion mbi një dërrasë lundruese përgjatë bregdetit të mrekullueshëm të Amalfit në Itali, ndërmjet zhytjeve në ujërat e kristalta të Mesdheut, shkruan TMZ.

Sa i përket Duas, ajo u pa e veshur me një palë bikini me pika mjaft të vogla për nga përmasa – duke zbuluar shumë dhe lënë pak vend për imagjinatë.

Çifti që po përflitet shumë për lidhjen e tyre zyrtarizoi fejesën më herët gjatë këtij muaji, duke ndarë lajmin emocionues përgjatë një interviste për revistën “British Vogue”. Dua zbuloi se unaza e fejesës ishte dizajnuar enkas për të, pasi Callum kishte marrë këshilla nga shoqet e saj më të mira dhe motra.

Këngëtarja e hitit “One Kiss” tha se aktualisht po shijojnë emocionet e fejesës dhe nuk kanë filluar ende me planet për dasmën. Ajo është e përqendruar tek turneu muzikor, ndërsa Callum është i angazhuar me xhirimet e tij.

Koha e saktë e fejesës mbetet mister, por çifti – që filluan lidhjen në janar të vitit 2024 – u bë objekt diskutimi në fund të vitit kur Dua u pa me një unazë në gishtin e fejesës.

Mes diellit dhe dashurisë së tyre… duket se ishte me të vërtetë “Hotter Than Hell” në atë platformë lundruese! /Telegrafi/

 

 

 

 

 

 

The post Dua Lipa fotografohet në momente intime me të fejuarin Callum Turner gjatë pushimeve në brigjet italiane appeared first on Telegrafi.

Me bukurinë e saj natyrale, stilin e sofistikuar dhe ngjashmërinë e pabesueshme me vajzën e saj të famshme, Anesa Lipa – nëna e Dua Lipës – duket se ka gjithçka që i nevojitet për të qenë vetë një yll popi.

Në moshën 52-vjeçare, ajo është kthyer në një sensacion më vete, duke mbledhur mbi 200 mijë ndjekës në Instagram, teksa ndjek Duan në çdo cep të botës, shkruan DailyMail.

Me një gardërobë që përfshin minifunde nga Versace, xhaketa lëkure dhe fustane elegante koktejsh, profili i saj në rrjete sociale mund të ngatërrohej lehtë me atë të një influencueseje të njohur – aq më tepër kur shoqërohet me udhëtime të njëpasnjëshme.

Sot, Anesa është jo vetëm fansja më e madhe e Duas, por edhe shoqëruesja e saj më besnike, duke marrë pjesë në çdo ngjarje madhore – nga Grammy, në performancën historike në Glastonbury, deri te çmimet Brit.

Fundjavën e kaluar, kur Dua realizoi ëndrrën e saj të madhe dhe mbushi plot Wembley Stadium në Londër, nënë e bijë qëndruan krah për krah – dukshëm thuajse identike.

Dikur një juriste në praktikë, Anesa së bashku me bashkëshortin e saj Dukagjin Lipa, jetonin në Kosovë – atëherë pjesë e Jugosllavisë – derisa shpërtheu lufta në Bosnje në vitin 1992.

Tashmë të zhvendosur për shkak të regjimit të Slobodan Milosheviqit, ata mbërritën në Londër si refugjatë, duke punuar si kamarierë në kafene e bare, para se Anesa të rikualifikohej në fushën e turizmit.

Është e qartë se prej tyre Dua e ka trashëguar etikën e saj të fortë të punës. Vetë ajo ka treguar për British Vogue se zgjohet në orën 6:30 të mëngjesit për Pilates, ushtrime me pesha, prova vallëzimi, seanca në studio dhe trajnime – pa harruar pasionet e shumta jashtë muzikës.

“Kam parë prindërit e mi të punojnë çdo ditë të jetës sime”, i tha ajo The Guardian në vitin 2018. “Babai im gjithmonë më thoshte: Duhet të punosh shumë, shumë fort vetëm për të pasur një pikë fati”.

Dua lindi tre vjet pas mbërritjes së prindërve në Londër, por kur Kosova shpalli pavarësinë në vitin 2008, familja Lipa u kthye në Prishtinë. Vetëm pak vite më vonë, ajo mori një vendim të guximshëm: në moshën 15-vjeçare, u kthye e vetme në Mbretërinë e Bashkuar për të ndjekur ëndrrën e saj për të qenë një yll i muzikës.

Në një intervistë për British Vogue, Anesa kujtoi: “Kemi kaluar shumë sfida dhe situata të vështira në jetë, por si familje gjithmonë i kemi tejkaluar bashkë”.

Sa i përket vendimit për të lënë Duan të kthehej vetëm në Londër, ajo pranoi: “Mendoj se është gjëja më e vështirë që kam bërë ndonjëherë, por ajo ishte kaq e vendosur dhe plot ëndrra. Që e vogël e dinte çfarë donte. Ishte shumë e pjekur dhe ne besuam tek ajo.”

Dua e ka përshkruar gjithnjë marrëdhënien me familjen si thelbësore për stabilitetin e saj emocional në mes të gjithë ‘çmendurisë’ së famës.

Në një paraqitje te Graham Norton vitin e kaluar, ajo tha: “Jam shumë e lidhur me prindërit e mi, që më kanë besuar gjithmonë dhe kjo më ka bërë të jem sa më e mirë e mundshme. Familja më mban me këmbë në tokë”.

Në një postim për Ditën e Nënës në vitin 2021, Anesa deklaroi se “të qenit nënë” është arritja e saj më e madhe. Dhe ajo është në çdo hap pranë Duas – si në sallat madhështore të Grammy-ve, ashtu edhe në turneun aktual Radical Optimism, që arriti kulmin me një koncert spektakolar në Wembley.

Ajo madje e ka mbështetur hapur vajzën e saj në çdo arritje – si në vitin 2020, kur Dua mori gjashtë nominime për Grammy dhe Anesa shkroi në Instagram: “URIME PËR 6 NOMINIME!!! JAM SHUMË KRENARE PËR TY! TË DUA!”

Përveç anës mbështetëse, Anesa ka luajtur rol edhe në organizimin profesional të karrierës së Duas. Ajo është e regjistruar si drejtoreshë në Companies House, ndërkohë që vetë Dua ka themeluar bashkë me të atin Festivalin Sunny Hill.

Në një intervistë për Wired në vitin 2020, Dua tregoi me mall për nënën e saj: “Nëna ime është një engjëll i dërguar nga lart. Quhet Anesa, dhe është shkëmbi dhe superheroinë ime”.

Ajo zbuloi gjithashtu se kënga e parë që ka shkruar në jetë – në moshën katërvjeçare – ishte një këngë në gjuhën shqipe, kushtuar Anesës. “Kur të rritem, a mund ta vesh fustanin tënd? A mund të marr këpucët e tua? A mund të jem po aq e bukur sa ti?”, thuhej në tekstin e vogël. “Ende e këndojmë në shtëpi dhe qeshim me të”.

Sot, Anesa është e pranishme në çdo moment të rëndësishëm të jetës së Duas – qoftë në koncertet e mëdha, festivalet ndërkombëtare apo turnetë që e çojnë anembanë globit. Me hijeshinë e saj, përkushtimin dhe dashurinë e pakushtëzuar për vajzën, ajo është më shumë se një nënë – është forca e heshtur që qëndron pas suksesit të një prej yjeve më të ndritur të muzikës pop. /Telegrafi/

The post ‘DailyMail’ shkruan për nënën e Dua Lipës: Njihuni me Anesën, e cila i shpëtoi luftës në Bosnjë dhe u trajnua për t’u bërë avokate appeared first on Telegrafi.

Dua Lipa i ka bërë një urim të veçantë dhe emocional nënës së saj, Anesa Lipa, me rastin e ditëlindjes së saj të 52-të.

Këngëtarja me famë botërore publikoi në Instagram një përzgjedhje fotografish të bukura që shfaqin marrëdhënien e ngushtë dhe dashurinë mes nënës dhe vajzës ndër vite.

Në disa prej fotografive, Anesa shihet si një nënë e re që përkëdhel Duan foshnje, ku ngjashmëria mes tyre bie menjëherë në sy.

Në të tjera, ato shfaqen në momente më të fundit, të buzëqeshura dhe të relaksuara, përfshirë edhe një selfie me rroba banje gjatë një dite me diell.

Në një tjetër imazh, Dua pozon me një kostum spektakolar argjendi, ndërsa Anesa e shfaq stilin dhe hijeshinë e saj me një fustan të zi me xixa dhe një veshje verore me bikini dhe sarong.

Në mbishkrimin që shoqëronte postimin, Dua shkroi me përzemërsi: ‘Gëzuar ditëlindjen mamasë sime të bukur @anesalipa.

Jeta e festës (duke kërcyer zgjuar deri në orën 4 të mëngjesit shumicën e netëve) dhe zëri i arsyes, në një farë mënyre të dyja mund të ekzistojnë në të njëjtën kohë, të dua, të dua, të dua’.

Anesa, e prekur nga urimi, komentoi në postim: ‘TË DUA DUA!!!’.

Ky dedikim i ëmbël vjen pak ditë pas performancës së Duas në stadiumin Anfield të Liverpool-it, si pjesë e turneut të saj ‘Radical Optimism’.

The post FOTO/ Dua Lipa uron nënën e saj për ditëlindjen me fotografi të veçanta appeared first on Albeu.com.

Dua Lipa i ka bërë një urim të veçantë dhe emocional nënës së saj, Anesa Lipa, me rastin e ditëlindjes së saj të 52-të.

Këngëtarja me famë botërore publikoi në Instagram një përzgjedhje fotografish të bukura që shfaqin marrëdhënien e ngushtë dhe dashurinë mes nënës dhe vajzës ndër vite.

Në disa prej fotografive, Anesa shihet si një nënë e re që përkëdhel Duan foshnje, ku ngjashmëria mes tyre bie menjëherë në sy.

Në të tjera, ato shfaqen në momente më të fundit, të buzëqeshura dhe të relaksuara, përfshirë edhe një selfie me rroba banje gjatë një dite me diell.

Në një tjetër imazh, Dua pozon me një kostum spektakolar argjendi, ndërsa Anesa e shfaq stilin dhe hijeshinë e saj me një fustan të zi me xixa dhe një veshje verore me bikini dhe sarong.

Në mbishkrimin që shoqëronte postimin, Dua shkroi me përzemërsi: “Gëzuar ditëlindjen mamasë sime të bukur @anesalipa. Jeta e festës (duke kërcyer zgjuar deri në orën 4 të mëngjesit shumicën e netëve) dhe zëri i arsyes, në një farë mënyre të dyja mund të ekzistojnë në të njëjtën kohë, të dua, të dua, të dua”.

Anesa, e prekur nga urimi, komentoi në postim: “TË DUA DUA!!!”.

Ky dedikim i ëmbël vjen pak ditë pas performancës së Duas në stadiumin Anfield të Liverpool-it, si pjesë e turneut të saj “Radical Optimism”. /Telegrafi/

The post Dua Lipa uron nënën e saj për ditëlindjen me fotografi të veçanta appeared first on Telegrafi.