Jurgen Klopp është një nga trajnerët më të respektuar në botën e futbollit, i njohur për aftësinë e tij për të zbuluar dhe zhvilluar talentet më të mëdha të futbollit botëror.

Me një sy të jashtëzakonshëm për talentin dhe një ndjeshmëri të veçantë për të nxjerrë më të mirën nga lojtarët e tij, ai ka qenë udhëheqësi pas sukseseve të emrave si Robert Lewandowski, Mohamed Salah dhe Virgil van Dijk.

Por, edhe Klopp nuk ka qenë imun ndaj gabimeve apo rasteve të humbura – disa yje të mëdhenj i kanë shpëtuar nga duart në momentet vendimtare të karrierës së tyre.

Gjatë një mbledhjeje fondesh në Cape Town, Klopp zbuloi tre emra të mëdhenj të cilët kishte pasur mundësinë t’i transferonte herët në karrierë, por për arsye të ndryshme nuk ndodhi kurrë.

Sadio Mane – një rast i dytë i shpëtuar

Një nga bashkëpunimet më të suksesshme të Klopp ishte padyshim me Sadio Manen në Liverpool, ku të dy fituan Premier League dhe Champions League. Por bashkëpunimi i tyre mund të kishte nisur shumë më herët. Klopp pranoi se kishte pasur mundësinë ta sillte senegalezin te Borussia Dortmund, por kishte hezituar.

“Ka disa tifozë të Dortmundit këtu, ndaj më duhet të kërkoj falje që nuk e transferova Sadio Manen. Ishte një gabim. Mund të them se isha i ri dhe naiv, por nuk isha aq i ri dhe as aq naiv,” – tha ai me humor.

“E kuptova kur e sollëm në Liverpool. Mendova: ‘O Zot, këto janë shumë para për një djalë që mund ta kisha marrë tri vite më parë për shumë më pak’.”

Heung-min Son – një tjetër rast i humbur

Një tjetër emër që i ka mbetur peng Klopp-it është ai i Heung-min Son. Ai pranoi se e kishte ndjekur koreano-jugorin që në kohën kur luante për Hamburgun në Bundesliga. Edhe pse ishte në radarët e Dortmundit, marrëveshja nuk u realizua dhe Klopp nuk është i sigurt pse.

“Nuk e transferova Sonin – atëherë ishte te Hamburgu, mendoj. Nuk më kujtohet pse nuk e sollëm” – tha ai.

“Sapo u përballa me të në Premier League, mendova: ‘Zot i madh, çfarë budallai'”.

Kevin De Bruyne – goditja e dyfishtë

Emri i tretë në listën e pengjeve të Klopp është Kevin De Bruyne. Sot një nga mesfushorët më të mirë në botë dhe lider i dominimit të Manchester Cityt, De Bruyne dikur u konsiderua si dështim te Chelsea. Pasi rifilloi karrierën me sukses te Wolfsburgu, Klopp kishte mundësinë ta sillte te Dortmund – por ajo mundësi shkoi huq.

“Për tifozët e Dortmundit – Kevin De Bruyne ishte shumë afër. Pastaj na shkatërroi në finalen e Kupës me Wolfsburgun. Kjo ishte një goditje e dyfishtë” – kujtoi ai me ironi. /Telegrafi/

The post Klopp rrëfen për tre yjet që i shpëtuan nga dora: Mendova, o Zot, çfarë budallai isha appeared first on Telegrafi.

Kevin De Bruyne ka zbuluar në detaje arsyet që e çuan të bashkohej me Napolin si lojtar i lirë, pas një periudhe të gjatë dhe të suksesshme në Ligën Premier me Manchester Cityn. 

Gjatë prezantimit të tij zyrtar si lojtar i ri i klubit napolitan, De Bruyne foli edhe për momentin e veçantë kur iu dhurua fanella me numrin legjendar 10, që ishte pensionuar në nder të Diego Armando Maradonës. 

Ai pranoi se kishte disa mundësi të tjera për të vazhduar karrierën, në Evropë, në Arabinë Saudite dhe madje edhe në Shtetet e Bashkuara, por zgjedhja përfundimtare ra mbi Napolin, një vend me rëndësi personale për mesfushorin belg, pasi ai dhe bashkëshortja e tij u martuan aty disa vite më parë. 

“Nga ana sportive, është një vend shumë interesant për të qenë. Ata fituan titullin një vit më parë, treguan se kanë shumë cilësi”. 

“Natyrisht është diçka shumë ndryshe nga ajo që kam pasur në Angli, por pikërisht kjo më ngacmon dhe më emocionon”. 

“Ndjej që ende kam motivim dhe cilësi për të dhënë diçka në këtë nivel. Napoli ishte një zgjedhje shumë, shumë e mirë. Edhe moti është shumë ndryshe nga ai në Angli”. 

“Arsyeja kryesore është se doja të vazhdoja të luaja në nivelin më të lartë. Kur drejtori sportiv erdhi në Angli dhe më prezantoi projektin që po ndërtojnë, më emocionoi shumë”. 

“Shikuam gjithçka në detaje dhe vendosëm që ky ishte vendi më i mirë për mua”, ka thënë De Bruyne./Telegrafi/

The post De Bruyne zbulon arsyen pse e zgjodhi Napolin pas largimit nga Manchester City appeared first on Telegrafi.

Në Napolin e ngjyrave, tingujve dhe gëzimit zbarkon një “hero i heshtur”, një nga ata lojtarë që dinë të lënë gjurmë në historinë e futbollit pa pasur nevojë për shumë fjalë. Është fusha ajo që flet për Kevin De Bruyne dhe për një karrierë të shndërruar në një kryevepër falë një inteligjence futbollistike të jashtëzakonshme, të formuar gjatë një adoleshence në të cilën ai u detyrua të luftonte kundër të gjithëve për të afirmuar veten dhe për të hequr të gjitha etiketat që përpiqeshin t’i vinin. Belgu ka qenë gjithmonë tepër i turpshëm: nuk ishte si të tjerët, nuk kishte shumë miq dhe shprehej vetëm përmes futbollit.

Një karakter introvert që ndoshta vë shumë njerëz në siklet, edhe tani që është një nga protagonistët më të shquar të futbollit evropian. Pa teprime, një jetë e qetë shpesh larg reflektorëve, një qëndrim i pandryshueshëm që e ka shoqëruar edhe gjatë orëve të para të tij në Itali. U përball me një turmë tifozësh të emocionuar nga mbërritja e tij, por arriti të dhuronte vetëm ndonjë buzëqeshje mes gjithë asaj konfuzioni ku nuk ndihet rehat. Dhe ishte pikërisht karakteri i tij që e shtyu drejt situatës më të vështirë të jetës së tij, një refuzim i madh prej nga lindi shpagimi që e çoi të bëhej kampion.

De Bruyne i refuzuar nga familja kujdestare

Në moshën 14-vjeçare mori një vendim të guximshëm: të linte shtëpinë e tij dhe të transferohej në Akademinë e Genk, shkollë kampionësh të mëdhenj nga e gjithë Belgjika. Dy orë rrugë, pak a shumë, por një hap i madh për një adoleshent që për herë të parë ndodhet larg familjes. Në qytet të gjithë flisnin një dialekt ndryshe nga i tij, nuk kishte miq, ndihej i vetmuar dhe nuk kishte kohë për të ndërtuar një jetë shoqërore, sepse ritmet e futbollit kërkonin vëmendje dhe përkushtim. De Bruyne ka treguar shpesh se dy vitet e para ishin më të vështirat: zakonisht, djemtë që largohen nga shtëpia strehohen në një konvikt të klubit. Bëhet fjalë për një dhomë të vogël me një shtrat dhe një tryezë pune, minimumi i nevojshëm për të jetuar rehat për një kohë të kufizuar.

Lexo më tej: De Bruyne te Napoli është zyrtare, vjen njoftimi i De Laurentiis: “Mirësevjen Kevin”

Por momenti më i keq ishte kalimi në një familje kujdestare, pra njerëz që ofrojnë shtëpinë e tyre për të strehuar lojtarët e rinj. Belgu vazhdonte të ishte tipi i heshtur: nuk shkaktonte probleme, shkëlqente në fushë dhe edhe në shkollë, qëndronte i mbyllur në dhomën e tij deri sa bëhej pothuajse i padukshëm. Ndihej në elementin e tij në heshtje, një gjendje që nuk pranohet gjithmonë. Shoqëria na do të hapur, gjithmonë të qeshur dhe shoqërorë, ndërsa De Bruyne ishte e kundërta.

Prandaj, kur u kthye nga pushimet verore, e priste lajmi më i dhimbshëm: e ëma e priti duke qarë sepse familja kujdestare nuk e donte më. Tepër i heshtur, një djalë i vështirë për t’u afruar dhe që nuk ia vlente ta strehonin. Shpjegimi i nënës ia preu frymën: “Familja kujdestare nuk të do më atje për shkak të mënyrës si je. Thanë se je shumë i heshtur. Nuk munden të ndërveprojnë me ty. Thanë se je i vështirë.”

Shpagimi te Genk

Një 16-vjeçari fjalë të tilla i shembin botën mbi kokë. Nuk mjafton ashtu siç je, mënyra jote e të qenurit duhet ndryshuar, sepse si introvert nuk do të gjesh kurrë një familje që do të të mirëpresë. Për De Bruyne ishte një dush i ftohtë, sepse edhe Genk mendonte se mund të ishte një problem: nëna e tij qante dhe reagimi i tij ishte të merrte topin dhe të shfryhej në kopsht. Nuk e dinte se ai refuzim i madh do të shndërrohej në karburantin e gjithë karrierës së tij, në atë shpagim që e kishte pritur gjithmonë.

Kthesa erdhi gjatë një ndeshjeje, një të premte mbrëma si gjithë të tjerat. De Bruyne tregon se hyri në pjesën e dytë dhe diçka në kokën e tij ndryshoi. Shënoi pesë gola për pak minuta dhe pas çdo goli i përsëriste vetes ato fjalë që e kishin lënduar aq shumë: “Nuk të duan më për shkak të mënyrës si je. Je shumë i heshtur. Një djalë i vështirë.”

U çlirua nga një barrë e madhe, duke ndezur atë shkëndijë që e nisi drejt një karriere kampioni. Brenda dy muajsh u gjend në ekipin e parë të Genk dhe të gjithë e shihnin si yllin e ardhshëm të futbollit evropian — një parashikim krejtësisht i saktë.

“Më thatë që isha për t’u hedhur. Tani më doni prapë?”

Sikur të mos mjaftonte kjo, belgu kujton se gjithçka ndryshoi përnjëherë. Suksesi i bën njerëzit të ndryshojnë mendje, nga oportunizmi ose për të marrë një pjesë nga ajo famë në të cilën kurrë nuk kishin besuar. Kështu që në derën e tij u paraqitën sërish prindërit kujdestarë, duke e paraqitur gjithë historinë si një keqkuptim të madh. Tani që ishte xhevahiri i skuadrës, e donin prapë. Por ishte shumë vonë. De Bruyne ndihej i plagosur: “Jo. Më thatë që isha për t’u hedhur në plehra. Tani që jam mirë, më doni sërish?”

Një përgjigje e prerë që i dha mundësinë të lehtësonte barrën që mbante mbi supe: djali shumë i turpshëm dhe i heshtur ishte bërë një yll dhe gjatë gjithë karrierës së tij është ndjerë krenar për mënyrën e tij të të qenit i tërhequr dhe introvert — por magjitë që dhuron në fushë vlejnë shumë më tepër se një mijë fjalë.

The post De Bruyne i braktisur nga familja kujdestare kur ishte 16 vjeç: “Nuk të duan më” appeared first on Lapsi.al.

Kevin De Bruyne është lojtar i Napolit. Tashmë është zyrtare. Ka ardhur njoftimi i Aurelio De Laurentiis: “Mirësevjen Kevin”. Mesfushori belg do t’i bashkohet kampionëve të rinj të Italisë dhe do të jetë pjesë e skuadrës që Antonio Conte do të ketë në dispozicion për sezonin 2025-2026. Një goditje e madhe nga ana e klubit napolitan, që ka siguruar një lojtar të nivelit absolut dhe që do të jetë jashtëzakonisht i dobishëm edhe për rikthimin e SSC Napolit në Ligën e Kampionëve.

“Kevin është krenar që është njëri prej nesh!”. Kështu kampionët e Italisë e kanë zyrtarizuar blerjen e mesfushorit belg.

Benvenuto Kevin! pic.twitter.com/0SCeSfY2f2

— AurelioDeLaurentiis (@ADeLaurentiis) June 12, 2025

Shifrat dhe detajet e marrëveshjes

Kevin De Bruyne do të transferohet te Napoli pasi ka lënë Manchester City dhe do të përfitojë një pagë totale – mes rrogës dhe bonusit të firmës – që i afrohet 10 milionë eurove në vit. Negociatat janë përmbyllur në ditët e fundit dhe gjithçka ka pasur një përfundim pozitiv pas arritjes së marrëveshjes për menaxhimin e të drejtave të imazhit të futbollistit belg.

KDB ka firmosur një kontratë për tre sezonet e ardhshme dhe struktura e marrëveshjes parashikon një pagesë vjetore prej 6 milionë euro për dy vitet e para të kontratës, e cila do të reduktohet në 5 milionë euro në rast se ushtrohet opsioni për një vit të tretë shtesë.

Kevin is proud to be one of us!

#ProudToBeNapoli | #ForzaNapoliSempre | #WelcomeKevin pic.twitter.com/e5nufsC7Iu

— Official SSC Napoli (@sscnapoli) June 12, 2025

De Bruyne te Napoli: si do të luajë me Conte

Ish-kapiteni i Manchester City është përdorur në të gjitha rolet e mesfushës nga Pep Guardiola dhe ka treguar të gjithë repertorin e tij, si në aspektin teknik ashtu edhe në atë fizik. Në vitet e fundit, zona e tij e veprimit është spostuar disa metra më pas, por aftësitë dhe cilësitë e tij karakteristike i kanë mundësuar të shkëlqejë si në rolin e trekuartistit, ashtu edhe si mezzala në një mesfushë me tre.

Aftësia e tij për të vepruar mes linjave në fazën ofensive dhe për të ndërtuar lojën në fazën e ndërtimit do t’i japë teknikut Antonio Conte më shumë zgjidhje për një sezon të ngarkuar siç pritet të jetë ai i 2025-2026 për Napolin.

KING KEV IS HERE

#ProudToBeNapoli | #ForzaNapoliSempre | #WelcomeKevin pic.twitter.com/7lh3BDGues

— Official SSC Napoli (@sscnapoli) June 12, 2025

The post De Bruyne te Napoli është zyrtare, vjen njoftimi i De Laurentiis: “Mirësevjen Kevin” appeared first on Lapsi.al.

Napoli e ka zyrtarizuar transferimin e Kevin De Bruynes.

Kampioni i Italisë e njoftoi këtë para disa minutash në rrjetet e tyre sociale, shkruan Gazeta Express.

Madje, forma në të cilën e prezantuan ishte unike.

Napolitanët e shfaqën De Bruynen si mbret dhe të ulur në fron.

KING KEV IS HERE 👑

💙 #ProudToBeNapoli | #ForzaNapoliSempre | #WelcomeKevin pic.twitter.com/7lh3BDGues

— Official SSC Napoli (@sscnapoli) June 12, 2025

The post Napoli prezanton si mbret Kevin De Bruynen appeared first on Albeu.com.

Pas javësh të tëra zërash, mohimesh dhe konfirmimesh të pjesshme, mbërritja e Kevin De Bruyne te Napoli është zyrtarisht në fazën përfundimtare. Mesfushori belg ka arritur një marrëveshje me klubin kampion të Italisë për një kontratë dyvjeçare deri më 30 qershor 2027, me një opsion për të vazhduar edhe për sezonin pasardhës.

Ish-lojtari 33-vjeçar i Manchester City do të përfitojë një pagë totale – mes rrogës dhe bonusit të firmës – afërsisht 10 milionë euro në vit, një shumë e rëndësishme që pasqyron vlerën dhe cilësinë e lojtarit. Negociatat, që kërkuan kohë veçanërisht për menaxhimin e të drejtave të imazhit, janë mbyllur në çdo detaj, me kapërcimin e një prej pengesave kryesore falë punës së presidentit Aurelio De Laurentiis dhe stafit të tij.

Data e vizitave mjekësore

Hapi i radhës do të jenë vizitat mjekësore, të cilat janë parashikuar të zhvillohen në Romë brenda fundit të kësaj jave, saktësisht të enjten. Nëse gjithçka do të shkojë sipas parashikimeve, nënshkrimi do të formalizohet së shpejti, duke vulosur një goditje të bujshme merkatoje për Napolin, që është i thirrur të përforcojë skuadrën për një sezon të ngarkuar në disa fronte. Gjithashtu, është edhe goditja e parë me peshë për Serie A në këtë sesion merkatoje.

Lexo më tej: Guardiola nuk mban lotët gjatë lamtumirës së De Bruyne: shikon një video emocionuese

Fjalët e presidentit të Napolit

Presidenti De Laurentiis e kishte paralajmëruar këtë tratativë disa javë më parë, duke theksuar rëndësinë e operacionit: “Operacioni De Bruyne ka lindur tre muaj më parë. Nuk është më i rëndësishmi. Pse? De Bruyne është një futbollist klasi, këtë e dimë, edhe pse me një moshë të caktuar. E dimë shumë mirë që është një pjesë që i shtohet një skuadre që duhet të përforcohet, kemi për të përballuar katër kompeticione. Është një çështje matematikore. Do të ketë shumë shtesa. Na pëlqen të punojmë mirë, na pëlqen të mos lëmë asgjë rastësie”, kishte thënë presidenti i klubit napolitan. Klubi ka punuar me përpikëri për të finalizuar një përforcim të nivelit ndërkombëtar, që zgjeron grupin e talenteve dhe përvojën e skuadrës, në një perspektivë konkurruese totale.

De Bruyne në super formë

Gjithashtu, futbollisti ka shënuar së fundmi golin vendimtar në fitoren e Belgjikës ndaj Uellsit në kualifikueset për Botërorin, duke treguar se është ende në formë të shkëlqyer. Në mënyrë interesante, pikërisht te kjo kombëtare belge ai do të gjejë edhe një tjetër shok të ri skuadre te Napoli, Romelu Lukaku, me të cilin ka pasur përplasje të forta në Premier League, por që tani do të veshin së bashku fanellën napolitane.

The post Napoli, De Bruyne fikson datën e vizitave mjekësore: shifrat e formula e akordit appeared first on Lapsi.al.

Pas javësh negociatash intensive, transferimi i Kevin De Bruyne te Napoli është drejt finalizimit. Mesfushori belg ka arritur marrëveshjen me kampionët e Italisë dhe pritet të nënshkruajë një kontratë dyvjeçare, me opsion për zgjatje deri në sezonin 2027–2028. Vizitat mjekësore janë caktuar për fundjavën në Romë dhe, nëse gjithçka shkon sipas planit, firma do të […]

The post Kevin De Bruyne drejt finalizimit të marrëveshjes Napolin appeared first on BoldNews.al.

Kevin De Bruyne me gjasë do të transferohet te Napoli si lojtar i lirë. Sipas asaj që shkruajnë mediat, aktualisht po bëhet shkëmbimi i dokumenteve pasi është arritur marrëveshja mes palëve. Napoli, siç ishte paralajmëruar edhe më parë, shpreson që testet mjekësore për mesfushorin të kryhen sa më shpejt të jetë e mundur, me kontratën […]

The post E kryer/ De Bruyne te Napoli, palët gjejnë akordin appeared first on BoldNews.al.

Kevin De Bruyne ka vendosur të transferohet te Napoli gjatë kësaj merkatoje verore. Mesfushori i Kombëtares belge nuk rinovoi kontratën me Manchester Cityn dhe do ta vijojë karrierën në Serie A.

33-vjeçari do të firmosë një kontratë dy-vjeçare me Napolin, nga e cila do të përfitojë një pagë prej 6 milionë eurosh në sezon. Zyrtarizimi pritet të bëhet shumë shpejt.

Sipas mediave italiane, De Bruyne mund të mbërrijë në Itali ditën e hënë. Më pas, ai do të udhëtojë drejt Belgjikës, ku është grumbulluar me Kombëtaren për ndeshjet kualifikuese të Kupës së Botës.

The post Gati kontrata 2-vjeçare për t’u firmosur, transferimi i De Bruyne çështje kohe appeared first on Albeu.com.

“The Telegraph” raporton se Manchester City është futur në garë për të transferuar Rayan Cherki, mesfushorin e Lyon. Me përfundimin e sezonit në Ligue 1, 21-vjeçari ka bërë të ditur vendimin e tij për t’u larguar nga klubi francez dhe për të nisur një aventurë të re. Për mesfushorin franko-algjerian ka një interes të madh […]

The post Guardiola gjen “mjeshtrin” e mesfushës që do zëvendësojë De Bruyne, është vetëm 21 vjeç appeared first on BoldNews.al.

Kevin de Bruyne pritet të jetë transferimi i bujshëm i Napolit në merkaton e verës. Mesfushori belg mbylli bashkëpunimin me Manchester City-n dhe është gati t’i bashkohet napoletanëve, pasi fituan titullin kampion. Vetë presidenti i Napolit, De Laurentis, ka konfirmuar zërat, ndërsa në Itali po festojnë për titullin e fituar. “E di që ndoshta ka […]

The post Presidenti i Napolit konfirmon transferimin e bujshëm, De Laurentis: Ai bleu një vilë të bukur appeared first on BoldNews.al.

Dhuruata e parë e Aurelio De Laurentiis për Napolin (dhe për Conten) pas fitores së titullit të Serie A 2024/2025 është Kevin De Bruyne. Pas thashethemeve të javëve të fundit, duket se belgu është me të vërtetë një hap larg veshjes së fanellës së Napolit që nga sezoni i ardhshëm. Nga një ëndërr në realitet. Heshtje totale menjëherë pas vërshëllimës së fundit në sfidën kundër Cagliarit në “Maradona”, që ndezi festën napolitane. Asnjë fjalë për këtë çështje, madje as nga presidenti. Lukaku, bashkëkombësi i tij, u përgjigj thjesht: “No comment”.

Një përgjigje që vlen më shumë se njëmijë konfirmime. Sipas “Sky Sport” dhe gazetarit të merkatos Matteo Moretto, De Bruyne fillimisht ka qenë i hapur për të biseduar me Napolin për një transferim në Kampani dhe më pas ka pranuar ofertën e klubit. Futbollisti ka marrë tashmë edhe shtëpi në Napoli, aq sa avokatët e tij do të jenë në qytet mes të hënës dhe të martës për të finalizuar blerjen e një vile. Tani mbetet të përmbyllen vetëm detajet e fundit financiare për të mbyllur blerjen e parë të madhe të merkatos për sezonin e ardhshëm.

Detajet e ofertës së Napolit për De Bruyne: sa do të përfitojë nga paga

Oferta e Napolit për Kevin De Bruyne është një kontratë trevjeçare: 10 milionë euro bonus në momentin e nënshkrimit, plus 6 milionë euro neto në vit për dy vitet e para dhe një opsion për vitin e tretë me 5 milionë euro. Belgu pritet të shpallë së shpejti vendimin përfundimtar, edhe pse duket se tashmë e ka marrë. Alternativa që ende qëndron në tryezë është kalimi në MLS te Chicago Fire. Por gjithçka tregon se e ardhmja e tij është e lidhur me Napolin, që është i vendosur të mbyllë marrëveshjen me lojtarin e lirë nga Manchester City.

Lexo më tej: Guardiola nuk mban lotët gjatë lamtumirës së De Bruyne: shikon një video emocionuese

Napoli ka planifikuar kontakte të mëtejshme për të mbyllur marrëveshjen në fillim të javës së ardhshme, menjëherë pas ndeshjes së fundit të De Bruyne me Manchester City sot në orën 17:00 në fushën e Fulham. Në tavolinë është një marrëveshje me vlerë totale 27 milionë euro për tre vjet, përfshirë bonusin në nënshkrim. Vendimi pritet javën e ardhshme. Sipas “Sky”, është zgjidhur edhe çështja familjare: fëmijët do të ndjekin një shkollë amerikane. Tani, përveç ndonjë përmbysjeje të papritur, mbetet vetëm zyrtarizimi i marrëveshjes.

The post De Bruyne po merr shtëpi në Napoli, akordi pranë: detajet e ofertës së De Laurentiis appeared first on Lapsi.al.

Pas dhjetë vitesh, Kevin De Bruyne i jep lamtumirën Manchester City dhe ndeshja e fundit në shtëpi shndërrohet në një festë madhështore: belgu u nderua si një nga ikonat e mëdha të klubit, iu dha një abonim i përjetshëm për të kthyer në stadium kur të dojë, dhe shumë legjenda të skuadrës i kushtuan atij disa fjalë mirënjohjeje. Ishte një mbrëmje shumë emocionuese dhe Pep Guardiola nuk arriti t’i mbante lotët gjatë videos së shfaqur në ekranet gjigante të stadiumit.

Një kamera fiksoi lamtumirën e gjatë, duke kapur disa herë trajnerin në lot. Spanjolli kishte sytë e njomur dhe faqet e lagura, i prekur thellësisht nga një lamtumirë shumë e ndjerë. I kishte ndodhur diçka e ngjashme pas ndeshjes së fundit të luajtur nga Sergio Aguero për City: ai lë veten të pushtohet nga emocionet në një moment kaq të rëndësishëm për historinë e skuadrës që po përgatitet t’i thotë lamtumirë një prej yjeve më të mëdha të viteve të fundit.

Guardiola i emocionuar për De Bruyne

Mbrëmja ishte një moment i madh feste kushtuar mesfushorit që pas dhjetë vitesh do t’i japë fund aventurës së tij me Manchester City. Ai vendosi të mos rinovojë kontratën dhe të kërkojë një aventurë të re, duke mbyllur një kapitull që zgjati një dekadë. Për këtë arsye, pas ndeshjes së fundit të luajtur në shtëpi, klubi vendosi t’i bëjë homazh me një festë: shokët e skuadrës i bënë nderim me një gardë nderi, ai mori disa dhurata dhe u transmetua një video që përfshinte edhe dëshmi të disa ish-lojtarëve.

De Bruyne ishte i shoqëruar nga familja e tij dhe ishte dukshëm i emocionuar, por më shumë se të gjithë ishte Guardiola ai që nuk arriti të mbante lotët përpara imazheve të transmetuara në ekranet gjigante: ai filloi të qante, i filmuar nga kamerat që fiksonin momentin e lamtumirës ndaj një futbollisti të jashtëzakonshëm që ka lënë gjurmë në një epokë me fanellën e Manchester City.

Pep Guardiola crying at KDB’s farewell I’m hurt pic.twitter.com/DVxLLAy8za

— (@Priceless_MCI) May 20, 2025

The post Guardiola nuk mban lotët gjatë lamtumirës së De Bruyne: shikon një video emocionuese appeared first on Lapsi.al.

Trajneri i Manchester Cityt, Pep Guardiola u përlot gjatë fjalimit të lamtumirës së Kevin De Bruyne nga Etihad Stadium të martën mbrëma.

Mesfushori 33-vjeçar belg do të largohet nga Manchester City në fund të sezonit si lojtar i lirë, pasi kaloi 10 vjet në klub dhe fitoi 16 trofe.

Të martën mbrëma, “Citizens” mposhtën Bournemouth me rezultatin 3-1 në shtëpi në javën e 37-të të Ligës Premier dhe kjo ishte ndeshja e fundit e De Bruyne në stadiumin Etihad.

Pas ndeshjes, City mbajti një ceremoni lamtumire në nder të De Bruyne, e cila përfshinte një video nderimi nga ish-shokët e ekipit (Sergio Aguero, Fernandinho, Raheem Sterling, Leroy Sane, si dhe familja e tij), dhe belgu mbajti një fjalim emocionues.

An emotional Pep Guardiola as Kevin De Bruyne bids farewell to his home for the past 10 seasons #MCIBOU pic.twitter.com/TejLdioFDt

— Premier League (@premierleague) May 20, 2025

Gjatë fjalëve të De Bruyne, trajneri i Cityt, Guardiola, nuk mundi t’i mbante lotët duke shprehur dukshëm emocionet me largimin e njërit prej lojtarëve më të mirë që ai ka stërvitur.

Vetëm para disa ditës, Guardiola e cilësoi De Bruynen si lojtarin e dytë më të mirë në botë, pas Lionel Messit. /Telegrafi/

Pep Guardiola in tears as Man City say goodbye to Kevin De Bruyne pic.twitter.com/k5tdQbVD0Y

— ESPN FC (@ESPNFC) May 20, 2025

Pep Guardiola sheds a tear as Man City bid farewell to Kevin De Bruyne pic.twitter.com/mQNLYA0tlq

— Football on TNT Sports (@footballontnt) May 20, 2025

The post Guardiola u përlot gjatë fjalimit lamtumirës të De Bruyne appeared first on Telegrafi.

Ylli belg i Manchester Cityt, Kevin De Bruyne, ka luajtur sonte ndeshjen e tij të fundit në stadiumin Etihad, duke mbyllur një epokë të artë që zgjati plot 10 vite me Citizens.

Mesfushori 33-vjeçar ka qenë një nga figurat kyçe në sukseset e klubit, duke u shndërruar në një legjendë të vërtetë për skuadrën e kaltër nga Manchesteri.

De Bruyne kishte njoftuar më shumë se një muaj më parë se do të largohej nga klubi në fund të sezonit, dhe sonte ai i dha lamtumirën tifozëve në një mbrëmje emocionuese në Manchester.

Thank you, @KevinDeBruyne pic.twitter.com/L2ZFrr0HsN

— Manchester City (@ManCity) May 20, 2025

Manchester City fitoi ndaj Bournemouth 3-1 në xhiron e parafundit të Ligës Premier, por e gjithë vëmendja ishte te ylli belg .

Para ndeshjes, De Bruyne hyri në fushë i shoqëruar nga tre fëmijët e tij, djemtë Mason Milian dhe Romeo, si dhe vajza Suri.

Tifozët e Manchester Cityt i kushtuan De Bruyne një koreografi madhështore, duke krijuar një atmosferë të veçantë në Etihad për të nderuar një nga ikonat më të mëdha të historisë së klubit duke shpalosur një fotografi gjigante dhe duke shkruar “Mbreti Kev”.

Gjatë qëndrimit të tij në City, De Bruyne ka zhvilluar 420 ndeshje, ka shënuar 108 gola dhe ka dhuruar plot 177 asistime, statistika që e vendosin mes më të mirëve të gjeneratës së tij.

33-vjeçari me Cityn ka fituar 18 trofe, duke përfshirë 6 Liga Premier, një Ligë të Kampionëve, një Kupë bote për klube, 2 FA Cup, 3 Kupa të Ligës dhe 3 Superkupa angleze.

Për të ardhmen e tij ka pasur shumë spekulime. Së fundmi është përmendur një interesim nga Liverpooli, ndërsa më herët ishte raportuar për një mundësi transferimi në Arabinë Saudite, por edhe në SHBA. /Telegrafi/

Victory at our final home game of the season

Join our Matchday Live team for post match reaction and celebrations of Kevin De Bruyne’s City career https://t.co/FLfdsjS366

— Manchester City (@ManCity) May 20, 2025

The post Lamtumira emocionuese e Kevin de Bruyne në Etihad Stadium – 10 vite qëndrim, legjenda më e madhe e Cityt appeared first on Telegrafi.

Ylli belg, Kevin De Bruyne emëroi një legjendë të Manchester Cityt si lojtarin më të nënvlerësuar me të cilin ka luajtur ndonjëherë.

De Bruyne do të largohet nga Man City kur kontrata e tij të skadojë këtë verë, pasi ka shijuar një karrierë ikonike në Etihad, duke fituar 16 trofe të mëdhenj, përfshirë gjashtë tituj të Ligës Premier dhe Ligën e Kampionëve në vitin 2023.

Mesfushori kreativ ka luajtur 416 herë për Cityn dhe së fundmi ka frymëzuar skuadrën e tij për një fitore të madhe ndaj Crystal Palace, duke i treguar Pep Guardiolës se çfarë do t’i mungojë sezonin e ardhshëm.

Ai ka luajtur me disa lojtarë të mëdhenj të City, duke përfshirë Vincent Kompany, David Silva dhe Sergio Aguero, ndër shumë të tjerë.

Për të mos përmendur Fernandinhon, i cili kaloi nëntë sezone prej ylli në City pas transferimit të tij nga Shakhtar Donetsk në verën e vitit 2013.

Dhe De Bruyne e cilësoi Fernandinhon si lojtarin më të nënvlerësuar me të cilin ka luajtur ndonjëherë.

Lexo po ashtu “Më bëre të dashurohem sërish me futbollin”, publikohet video e bisedës së fundit e Fernadinhos me Guardiolën

“Lojtari më i nënvlerësuar është Fernandinho. Shumë njerëz nuk e dinë se çfarë bën ai nëse nuk luani me të”, ka thënë De Bruyne në një intervistë në vitin 2020.

Fernandinho, i cili i kushtoi 34 milionë funte Cityt, luajti 383 ndeshje për klubin dhe fitoi pesë tituj të Ligës Premier gjatë periudhës së tij plot trofe.

Çfarë ndodhi me Fernandinhon pasi u largua nga Man City?

Pasi Fernandinho mbylli karrierën e tij në City, ai u kthye në Brazil, ku ri-nënshkroi për Athletico Paranaense.

Ai erdhi përmes akademisë së të rinjve të klubit brazilian dhe më pas hyri në ekipin e parë përpara se të shkonte në Evropë.

39-vjeçari ka bërë 117 paraqitje për Paranaense në periudhën e tij të dytë. /Telegrafi/

The post De Bruyne emëroi lojtarin më të nënvlerësuar me të cilin ka luajtur ndonjëherë appeared first on Telegrafi.

Pas disa vitesh te Manchester City, De Bruyne do të largohet, në kërkim të një aventure të re. Disa ekipe kërkojnë shërbimet e belgut, por ende nuk ka diçka konkrete. Sipas asaj që raportohet nga The Athletic, në gjurmët e tij janë edhe dy klube të tjera amerikane. Kalimi te Neë York City është i […]

The post E ardhmja e De Bruyne, dy klube amerikane në garë për shërbimet e tij appeared first on BoldNews.al.

Futbollisti i njohur belg Kevin de Bruyne së fundmi i ka dhënë lamtumirën Manchester Cityt me një deklaratë për mediat, por tashmë belgët kanë bërë të ditur detaje të panjohura që askush nuk i priste. 

De Bruyne i tha lamtumirë Manchester Cityt pas 10 vitesh. Gjatë dekadës së kaluar, ai ishte motori kryesor i fitimit të të gjithë trofeve dhe deri tani lojtari më i mirë që kishte Manchester City, ndoshta në të gjithë historinë e tij. 

Në një letër të publikuar për tifozët, ai i tha zyrtarisht lamtumirë klubit, por gazeta më e respektuar belge De Standaard dhe gazetari i saj Bart Lagae publikuan detaje ekskluzive të ndarjes mes dy palëve. 

Domethënë, De Bruyne ka mbetur i befasuar dhe i zhgënjyer nga lëvizja e Man Cityt. Edhe pse është 33 vjeç, De Bruyne priste të qëndronte te Manchester City dhe mendonte se do të qëndronte në klub me vazhdimin e kontratës. 

Madje kjo ishte menduar të ndodhte, por, sipas kësaj gazete, afati kalimtar dimëror që kishte Manchester City bëri që drejtuesit të ndryshojnë vendimin e tyre. 

Lexo po ashtu Katër skuadrat e mëdha angleze duan ta mbajnë De Bruynen në Ligën Premier

Përkatësisht, pasi Manchester City shpenzoi para serioze për të sjellë katër përforcime të mëdha gjatë dimrit, mundësitë financiare të klubit u zvogëluan dhe ata në Etihad vendosën të mos i ofrojnë legjendës së tyre më të madhe një kontratë të re.  

Më saktësisht, Man City kishte paratë e nevojshme, por nuk mundi t’i “përshtaste” në “fair play” financiar. 

Mesfushori do të shqyrtojë opsionet për të ardhmen në të ardhmen e afërt, por ajo që bëjnë të ditur belgët është se ai nuk dëshiron të shkojë në Arabinë Saudite apo jashtë Evropës dhe beson se mund të luajë ende në nivelin më të lartë. 

Kevin De Bruyne voelt zich nog niet klaar voor de woestijn. #mcfc #RodeDuivels https://t.co/LXbZi6FuYP

— Bart Lagae (@BartLagae) April 16, 2025

De Bruyne është i bindur se në fillim të verës do të marrë një ofertë të përshtatshme nga një prej klubeve të forta evropiane dhe duke qenë se aktualisht është i shëndetshëm dhe në formë mjaft të mirë, nuk duhet të habitemi nëse ai bën një transferim shumë të zhurmshëm. /Telegrafi/  

The post Detaje të papritura dalin nga Man City, De Bruyne pëson goditjen më të rëndë të karrierës së tij me vendin e klubit appeared first on Telegrafi.

Ylli i Manchester Cityt, Kevin De Bruyne, ka zbuluar se kush ka qenë motivimi kryesor që fshihet prapa paraqitjes së tij fantastike ndaj Crystal Palace të shtunën në Ligën Premier.

Crystal Palace mori një epërsi prej dy golash brenda 21 minutave të para të ndeshjes përmes Eberechi Eze dhe Chris Richards.

Kjo ishte e tëra që mund të bënin mysafirët në këtë sfidë pasi City të udhëhequr nga Kevin De Bruyne ia dolën të përmbysin gjithçka dhe të triumfojnë me rezultat 5-2.

De Bruyne, i cili pritet të largohet nga City në fund të sezonit, ka zbuluar se ai dëshiron ta shohë klubin e tij teksa përfundon në një pozitë e cila siguron kualifikimin në Ligën e Kampionëve sezonin e ardhshëm.

Me këto tri pikë të fituara, kampioni në fuqi i Anglisë ka tejkaluar Chelsean për të kaluar në vendin e katërt në tabelë me 55 pikë nga 32 ndeshje.

“Dua të largohem me një vend në Ligën e Kampionëve për këtë ekip pasi ata e meritojnë këtë. Ne kemi qenë në Ligën e Kampionëve për nëntë, dhjetë vite sa kam qenë këtu”.

Lexo po ashtu Zbulohet klubi favorit për transferimin e De Bruyne

“Kështu që shpresojë se do ta bëjmë këtë për ekipin vitin e ardhshëm dhe unë do të mundohem të luajë futboll të mirë siç kam bërë gjithmonë”, ka thënë De Bruyne.

Ekipi i Pep Guardiolës do të rikthehet në aksion në Ligën Premier javën e ardhshme ku do të luajnë ndaj Evertonit në udhëtim./Telegrafi/

The post De Bruyne zbulon se si u motivua për paraqitjen fantastike ndaj Crystal Palace appeared first on Telegrafi.

Mohamed Salah është ngjitur mbi disa yje në listën e fituesve më të mëdhenj të Ligës Premier pasi nënshkroi një marrëveshje të re fitimprurëse me Liverpoolin.

Salah më në fund ka nënshkruar një kontratë të re me Liverpoolin, duke zgjatur qëndrimin e tij legjendar në Anfield përtej sezonit 2024/25.

Kjo i jep fund spekulimeve disa muajshe, me 32-vjeçarin që ka lidhur një kontratë të vlefshme deri në vitin 2027.

Lexo po ashtu Salah i jep fund spekulimeve, rinovon kontratën me Liverpoolin

Ylli egjiptian thuhet se ishte në një marrëveshje me vlerë 350,000 funte (418,525 euro) në javë përpara se të nënshkruante kontratën e re me Liverpoolin.

Ai tani besohet se ka një kontratë me vlerë 400,000 funte (478,315 euro) në javë, edhe pse është pretenduar se do të merrte një ulje page.

Kjo do të thotë se ai tani është i dyti së bashku me Kevin De Bruyne në dhjetëshen me fituesit më të lartë në Ligën Premier.

De Bruyne gjithashtu fiton 400,000 funte (478,315 euro) në javë pasi ai do të largohet nga Manchester City kur kontrata e tij të skadojë këtë verë.

Sipas faqes së specializuar të pagave Capology, vetëm Erling Haaland fiton më shumë se Salah. Sulmuesi i City fiton momentalisht 525,000 funte (627,788 euro) në javë.

Emra tjerë si Casemiro, Bernardo Silva, Bruno Fernandes, Jack Grealish, Omar Marmoush, Kai Havertz dhe Gabriel Jesus përbëjnë dhjetëshen e parë.

10 fituesit më të mëdhenj në Ligën Premier

Erling Haaland (Manchester City) – 525,000 funte (627,788 euro) në javë

Mohamed Salah (Liverpool) – 400,000 funte (478,315 euro) në javë

Kevin De Bruyne (Manchester City) – 400,000 funte (478,315 euro) në javë

Casemiro (Manchester United) – 350,000 funte (418,525 euro) në javë

Bernardo Silva (Manchester City) – 300,000 funte (358,736 euro) në javë

Jack Grealish (Manchester City) – 300,000 funte (358,736 euro) në javë

Bruno Fernandes (Manchester United) – 300,000 funte (358,736 euro) në javë

Omar Marmoush (Manchester City) – 295,000 funte (352,757 euro) në javë

Kai Havertz (Arsenal) – 280,000 funte (334,820 euro) në javë

Gabriel Jesus (Arsenal) – 265,000 funte (316,883 euro) në javë

/Telegrafi/

The post Salah ngjitet në listën e pagave më të larta në Ligën Premier – Haaland i prinë dhjetëshes së fituesve appeared first on Telegrafi.