Olympique Lyonnais do të vazhdojë të luajë në Ligue 1 edhe sezonin e ardhshëm, pasi ka fituar me sukses apelimin ndaj vendimit të mëparshëm për zbritjen në Ligue 2 nga autoritetet financiare të futbollit francez.

Muajin e kaluar, Drejtoria Kombëtare për Kontrollin dhe Menaxhimin (DNCG) vendosi që Lyon të zbresë në një kategori më poshtë, duke vlerësuar se klubi nuk kishte përmirësuar në mënyrë të mjaftueshme gjendjen e tij financiare.

Në nëntor të vitit të kaluar, DNCG kishte paralajmëruar përjashtimin e përkohshëm të klubit për shkak të një borxhi të konsiderueshëm, i cili arrinte në 505 milionë euro (592 milionë dollarë amerikanë).

Megjithatë, Lyon apeloi këtë vendim, duke sjellë në vëmendje disa elemente kyç, përfshirë transferimet e fundit të lojtarëve dhe një marrëveshje nga pronari i klubit, John Textor, për të shitur aksionet e tij në klubin anglez Crystal Palace te pronari i New York Jets, Woody Johnson, për një shumë të raportuar prej 190 milionë paundësh (259 milionë dollarë amerikanë).

Si pjesë e reformave të brendshme, Textor dha dorëheqjen si president i klubit, me Michele Kang – pronare e ekipit të femrave të Lyon – që u emërua në vend të tij.

“Vendimi i Komisionit Federal të Ankesave të DNCG është një lehtësim i madh për të gjithë të përfshirët në klub, por veçanërisht për tifozët dhe lojtarët,” deklaroi presidentja Kang.

“Jam mirënjohëse për të gjithë ata që na mbështetën gjatë këtyre kohërave të vështira. Ky është një fillim i ri për Lyon.”

Ajo shtoi se ndryshimet në drejtim dhe qeverisje janë një hap drejt ndërtimit të një strukture më të fortë për sukses brenda dhe jashtë fushës.

Ndikimi në garat evropiane: Palace në Ligën e Konferencës, jo më në Europa League

Vendimi për rikthimin e Lyon në Ligue 1 ka ndikim të drejtpërdrejtë edhe te përfaqësimi i klubeve angleze në garat evropiane.

Crystal Palace, që fitoi Kupën FA duke mposhtur Manchester City-n, shpresonte të siguronte një vend në UEFA Europa League.

Por me Lyonin që ruan statusin në elitën franceze, Palace pritet të zhvendoset në Ligën e Konferencës.

UEFA kishte shtyrë marrjen e një vendimi për këtë çështje deri në përfundimin e procesit të apelimit të Lyon.

Tashmë, pas vendimit të DNCG, një deklaratë zyrtare nga UEFA pritet të bëhet publike në ditët në vijim.

Burime pranë institucionit evropian bënë të ditur se nuk janë konstatuar shkelje të rregullores për pronësinë e shumë klubeve në rastin konkret, edhe pse hetimet mbi ndikimin e investimeve të përbashkëta vazhdojnë.

Ndërkohë, Nottingham Forest – klubi që u përmend si kandidat për të zëvendësuar Palace në Europa League – mund të mos marrë pjesë, pasi vendi në këtë garë mbetet i Crystal Palace, ndonëse në një nivel më të ulët kompeticioni.

Sipas nenit 5 të rregullores së UEFA-s për garat e klubeve, nga data 1 mars 2024, asnjë individ apo subjekt nuk mund të ushtrojë ndikim ose kontroll mbi më shumë se një klub që merr pjesë në të njëjtën garë evropiane.

LEXONI GJITHASHTU:

• Skuadra e Lyon përjashtohet nga liga e parë franceze
• Ekskluzive/Ish-asistenti te Lyon e sugjeroi, zbulohen lidhjet e Sylvinho me Botafogo

The post Lyon fiton apelimin, do të luajë në Ligue 1 sezonin e ardhshëm appeared first on Euronews Albania.

Lyon merr frymë lirisht dhe mbetet në Ligue 1. Komisioni i Apelit i DNCG-së, organi i kontrollit financiar të futbollit francez, ka përmbysur plotësisht vendimin fillestar për të rrëzuar klubin për shkak të problemeve të mëdha ekonomike të konstatuara, duke e rikthyer në fakt në kategorinë më të lartë. Duoja e përbërë nga amerikania Michèle Kang dhe gjermani Michael Gerlinger, të emëruar urgjentisht presidente dhe drejtor i përgjithshëm i OL-së, bënë të pamundurën duke arritur të bindin Komisionin e Apelit të Federatës Franceze të Futbollit (FFF), në rrethin e 15-të të Parisit, për aftësinë e tyre për të shlyer borxhet e klubit.

Vendimtare pra ishin argumentet dhe dokumentacionet që lidhen me forcën e klubit për të arritur të shlyejë atë që i detyrohet, duke filluar me një ulje drastike të pagave të skuadrës duke shmangur gjithashtu investime të mëdha në merkato. Nuk përjashtohen në fakt shitje të tjera pikërisht në merkato edhe me çmime mjaft të ulëta. Në fakt hapet një epokë e re për Lyonn që do të marrë pjesë edhe në Europa League-n e ardhshme edicionin 2025/2026.

Si do t’i rregullojë Lyon financat e klubit

Drita jeshile për të marrë pjesë në kompeticionin e dytë evropian për klube do të vijë pasi UEFA të ketë studiuar çështjen e pronësisë së shumëfishtë me Crystal Palace, i cili është nxjerrë në shitje nga John Textor dhe që gjithashtu është kualifikuar për kompeticionin. Në këtë pikë hapen edhe skenarë të tjerë për klubin anglez që do të duhet të kuptojë nëse mund të marrë vërtet pjesë edhe ai në Europa League.

Lexo më tej: Lyon ka nevojë për 200 milionë euro brenda një jave për të mos rënë në Ligue 2

Për momentin, të gëzuar janë megjithatë Lyon që përfundoi në greminë vetëm disa javë më parë dhe që tani e gjen veten të përballet sërish me Ligue 1 por duke u tkurrur në mënyrë të ndjeshme dhe duke u përpjekur të futet brenda kostove të parashikuara për t’u rreshtuar financiarisht brenda afateve të caktuara. Frymëmarrje lehtësimi edhe për Paulo Fonseca i cili, pikërisht pasi u largua nga Milani, kishte pranuar ofertën e Lyont duke e çuar atë në Europa League.

The post Lyon në Ligue 1, për Europën vendos… Crystal Palace: anulohet rënia nga kategoria appeared first on Lapsi.al.

Olympique Lyon do të vazhdojë të luajë në Ligue 1. Apeli ka pranuar ankesën e këtij klubi, duke e bërë të pavlefshëm vendimin e marrë nga organi i kontrollit financiar të futbollit francez, që rrëzonte këtë ekip një kategori më poshtë për shkak të problemeve financiare. Pasi u mor në shqyrtim çështja, u pa e […]

The post Lyoni fiton apelin, klubi mbetet pjesë e kampionatit elitar francez appeared first on BoldNews.al.

Olympique Lyon po kalon ditë dramatike pasi DNCG, organi i kontrollit financiar të futbollit francez, ka vendosur rënien e klubit në Ligue 2 për shkak të çekuilibrave të mëdha në bilanc: klubi francez duhet të gjejë 200 milionë euro para seancës së apelimit të caktuar për më 10 korrik për të qëndruar në Ligue 1, por situata është shumë e ndërlikuar.

Sipas asaj që raportojnë mediat franceze, 100 milionë do të duhet të shkojnë drejtpërdrejt në arkën e klubit ndërsa 100 të tjerë duhet të garantohen si mbulim financiar për të gjithë sezonin e ardhshëm. Një shumë e konsiderueshme dhe jo e lehtë për t’u siguruar.

Lyon i duhen 200 milionë për të shmangur rënien në Ligue 2

Presidentja e re Michele Kang po kërkon zgjidhje për të shpëtuar klubin, ndërsa John Textor, ish-presidenti, ka paraqitur ankesë për vendimin e DNCG-së dhe ka dashur të theksojë se Eagle Football Holdings ka futur 83 milionë euro likuiditet.

Një plan për uljen e kostove është vënë tashmë në zbatim me shkurtim personeli dhe shitje lojtarësh të rëndësishëm që kanë lehtësuar disi bilancin e klubit: por për DNCG-në këto masa janë ende të pamjaftueshme. Qëllimi i drejtuesve të rinj është të ulin masën totale të pagave në 75 milionë euro, prag që gjithsesi mund të sjellë kufizime të tjera, edhe në rast të riametimit në Ligue 1.

Lexo më tej: Lyon mund të luajë në Europa League pavarësisht rënies në Ligue 2, vetëm në një rast

Ndërkohë po punohet për shitje të tjera, pas atyre të Cherki dhe Caqueret, me një listë që përfshin emra si Matić, Caleta-Car, Veretout, Perri, Tessmann, Fofana dhe Kumbedi: objektivi është të mblidhet sa më shumë për të lehtësuar bilancin.

Lyon një hap larg Ligue 2: po punohet për një plan uljeje kostosh

Në qendër të problemit të Olympique Lyon do të ishte edhe shpërndarja e brendshme e burimeve nga Eagle Football: autoritetet kërkojnë qartësi për prejardhjen dhe shpërndarjen e fondeve.

Situata është kritike: brenda një jave OL do të duhet t’i thotë lamtumirë Ligue 1 nëse nuk sigurohen 200 milionë eurot.

The post Lyon ka nevojë për 200 milionë euro brenda një jave për të mos rënë në Ligue 2 appeared first on Lapsi.al.

Tifozët e Lyon janë irrituar së tepërmi, pasi panë ekipin e tyre të dënohej me zbritje në Ligue 2, për shkak të parregullsive financiare dhe borxheve të mëdha. Në këtë situatë, ata janë ngritur në protestë, duke pushtuar rrugët e qytetit. Protesta ka qenë kundër pronarit amerikan të klubit, John Textor, menaxhimi i të cilit […]

The post “Zhduku”, tifozët e Lyon protestojnë kundër pronarit amerikan (Video) appeared first on BoldNews.al.

Rasti i Lyon ka krijuar shumë bujë, por situata mund të përmbyset në çdo moment: klubi në pronësi të Textor është zbritur zyrtarisht në Ligue 2 për shkak të një borxhi të vlerësuar në 500 milionë euro dhe një plani rimëkëmbjeje që nuk e ka bindur organin mbikëqyrës. Aktualisht, pra, skuadra e drejtuar nga Paulo Fonseca mund të luajë vetëm në kategorinë e dytë franceze, por pavarësisht gjithçkaje nuk e ka humbur ende të drejtën për të marrë pjesë në Europa League sezonin e ardhshëm.

Europa League e arritur nga kampionati

Në kampionatin e kaluar, në fakt, OL u rendit në vendin e gjashtë dhe për rrjedhojë siguroi kualifikimin në kompeticionin europian, një vend që e ka ruajtur pavarësisht situatës së rëndë financiare. Për momentin asnjë skuadër tjetër nuk do të zërë vendin e tij, por vetëm me një kusht. Klubi, në fakt, ka arritur një marrëveshje me Uefa-n që do t’i lejojë pjesëmarrjen, por vetëm me një kusht të saktë.

L’Olympique Lyonnais a signé un accord avec l’instance de contrôle financier des clubs de l’UEFA

Le communiqué

— Olympique Lyonnais (@OL) June 27, 2025

Si do të mund të marrë pjesë Lyon në Europa League

Francezët kanë shpërndarë një komunikatë zyrtare ku shpjegojnë mënyrat e marrëveshjes së nënshkruar sot me Uefa-n. Në praktikë, do të mund të ruajnë të drejtën për të marrë pjesë në Europa League sezonin e ardhshëm, të fituar falë renditjes së kampionatit të kaluar, por vetëm nëse DNCG do të pranojë ankesën e paraqitur nga Lyon. Pra, francezët do të shkojnë në Europë vetëm nëse do të marrin mundësinë për të qëndruar në Ligue 1.

Për ta bërë këtë, do të duhet të fitojnë ankimimin e paraqitur dhe të bindin organin mbikëqyrës se plani i tyre i rimëkëmbjes do të jetë efektiv. Uefa tashmë ka miratuar procedurën e qëndrueshmërisë financiare të paraqitur nga klubi, por do të duhet të presë gjithashtu rezultatin e ankesës dhe rrjedhimisht ri-pranimin e Lyon në kampionatin më të lartë francez, një mundësi që ende ekziston.

The post Lyon mund të luajë në Europa League pavarësisht rënies në Ligue 2, vetëm në një rast appeared first on Lapsi.al.

Situata te Lyoni është kthyer në një kaos të vërtetë dhe gjithçka që po ndodh me klubin historik francez duket si një paradoks sportiv dhe financiar. Pavarësisht se u rendit në vendin e gjashtë në Ligue 1, duke siguruar kështu një vend në Europa League, Lyoni është zbritur zyrtarisht në Ligue 2 për shkak të […]

The post Paradoks në Francë, Lyoni bie në Ligue 2, por do të luajë në Europa League appeared first on BoldNews.al.

Olympique Lyon ka vendosur të apelojë menjëherë vendimin e marrë të martën në mbrëmje nga Drejtoria Kombëtare e Kontrollit dhe Menaxhimit (DNCG), që e zbriti klubin në Ligue 2.

Klubi ka vetëm shtatë ditë kohë për të paraqitur ankesën formale, dhe e ka bërë të qartë se do të përdorë këtë të drejtë pa vonesë.

Lyon, një nga klubet më të mëdha në historinë e futbollit francez, ka fituar shtatë tituj kampion radhazi, me të fundit në vitin 2008.

Lexo po ashtu Tronditje në futbollin francez: Lyon zbret në Ligue 2

“Olympique Lyonnais ka marrë aktvendimin e pakuptueshëm të dhënë nga DNCG këtë mbrëmje dhe konfirmon se do të bëjë menjëherë ankesë”.

“Gjatë muajve të fundit, kemi punuar në bashkëpunim të ngushtë me DNCG-në, duke përmbushur të gjitha kërkesat e tyre me investime në fonde të veta më të mëdha se shumat e kërkuara. Falë kontributeve nga aksionarët tanë dhe shitjes së Crystal Palace, arkëtimet tona janë përmirësuar ndjeshëm dhe tani kemi burime më se të mjaftueshme për sezonin 2025/26”.

“Me fonde të provuara dhe sukses sportiv që na siguroi një vend në garat evropiane për dy vite radhazi, sinqerisht nuk e kuptojmë si një vendim administrativ mund të rrëzojë një klub të madh francez. Do të apelojmë për të dëshmuar aftësinë tonë për të siguruar resurset e nevojshme financiare për të garantuar qëndrimin e OL në Ligue 1”, thuhet në komunikatën e klubit.

L’Olympique Lyonnais prend acte de la décision incompréhensible rendue par la DNCG ce soir et confirme qu’il fera immédiatement appel

Le communiqué

— Olympique Lyonnais (@OL) June 24, 2025

Megjithatë, gjatë viteve të fundit është përballur me vështirësi të mëdha financiare, pavarësisht se ndodhet nën drejtimin e një pronari të fuqishëm financiarisht – amerikanit John Textor.

Klubi mori një paralajmërim serioz nga DNCG që në nëntor të vitit të kaluar, kur iu dha një “rënie e përkohshme”, duke i lënë mundësinë të shmangte përfundimisht sanksionin nëse përmirësonte gjendjen financiare deri në seancën dëgjimore të 24 qershorit.

Sipas kritereve të përcaktuara, Lyon duhej të shlyente një pjesë të borxheve të mëdha dhe të ulte ndjeshëm faturën e pagave.

Megjithëse presidenti Textor deklaroi së fundmi se “gjithçka është në rregull financiarisht”, klubi nuk arriti të bindte DNCG-në dhe u sanksionua me rënie. /Telegrafi/ 

The post Lyon nuk u mendua dy herë: Vjen vendim i shpejtë pasi ra në divizionin e dytë në Francë appeared first on Telegrafi.

Olympique Lyon ka vendosur të apelojë menjëherë vendimin e marrë të martën në mbrëmje nga Drejtoria Kombëtare e Kontrollit dhe Menaxhimit (DNCG), që e zbriti klubin në Ligue 2.

Klubi ka vetëm shtatë ditë kohë për të paraqitur ankesën formale, dhe e ka bërë të qartë se do të përdorë këtë të drejtë pa vonesë.

Lyon, një nga klubet më të mëdha në historinë e futbollit francez, ka fituar shtatë tituj kampion radhazi, me të fundit në vitin 2008.

“Olympique Lyonnais ka marrë aktvendimin e pakuptueshëm të dhënë nga DNCG këtë mbrëmje dhe konfirmon se do të bëjë menjëherë ankesë”.

“Gjatë muajve të fundit, kemi punuar në bashkëpunim të ngushtë me DNCG-në, duke përmbushur të gjitha kërkesat e tyre me investime në fonde të veta më të mëdha se shumat e kërkuara. Falë kontributeve nga aksionarët tanë dhe shitjes së Crystal Palace, arkëtimet tona janë përmirësuar ndjeshëm dhe tani kemi burime më se të mjaftueshme për sezonin 2025/26”.

“Me fonde të provuara dhe sukses sportiv që na siguroi një vend në garat evropiane për dy vite radhazi, sinqerisht nuk e kuptojmë si një vendim administrativ mund të rrëzojë një klub të madh francez. Do të apelojmë për të dëshmuar aftësinë tonë për të siguruar resurset e nevojshme financiare për të garantuar qëndrimin e OL në Ligue 1”, thuhet në komunikatën e klubit

L'Olympique Lyonnais prend acte de la décision incompréhensible rendue par la DNCG ce soir et confirme qu'il fera immédiatement appel

🗞 Le communiqué 👇

— Olympique Lyonnais (@OL) June 24, 2025

Megjithatë, gjatë viteve të fundit është përballur me vështirësi të mëdha financiare, pavarësisht se ndodhet nën drejtimin e një pronari të fuqishëm financiarisht – amerikanit John Textor.

Klubi mori një paralajmërim serioz nga DNCG që në nëntor të vitit të kaluar, kur iu dha një “rënie e përkohshme”, duke i lënë mundësinë të shmangte përfundimisht sanksionin nëse përmirësonte gjendjen financiare deri në seancën dëgjimore të 24 qershorit.

Sipas kritereve të përcaktuara, Lyon duhej të shlyente një pjesë të borxheve të mëdha dhe të ulte ndjeshëm faturën e pagave.

Megjithëse presidenti Textor deklaroi së fundmi se “gjithçka është në rregull financiarisht”, klubi nuk arriti të bindte DNCG-në dhe u sanksionua me rënie.

The post Lyon nuk u mendua dy herë: Vjen vendim i shpejtë pasi ra në divizionin e dytë në Francë appeared first on Albeu.com.

Pas vendimit për zbritjen në Ligue 2, Olympique Lyon do t’i lirojë vendin e tij në Ligue 1, i cili pritet t’i kalojë Stade de Reims, nëse sanksioni konfirmohet përfundimisht.

Pas këtij vendimi, Stade de Reims, që aktualisht renditet e 16-ta në Ligue 1 këtë sezon, do të përfitojë një vend të lirë në elitën e futbollit francez.

Reims u mposht në ndeshjet play-off nga FC Metz me rezultat 1-3 pas kohës shtesë, duke humbur kështu shansin për t’u shpëtuar rënies nga kategoria.

Reims handed Ligue 1 lifeline 🚨

After Lyon's relegation to Ligue 2 for financial issues, Reims, who lost the play-off to Metz, could now stay up. If OL’s appeal fails, Rems will be reinstated in the top flight.

[Source: GFFN]

Should they get a second chance? 🤔 pic.twitter.com/G4OS6CP6tw

— SleeperFootballNews (@SleeperFootNews) June 24, 2025

Megjithatë, situata mbetet e pasigurtë pasi Olympique Lyon pritet të apelojë vendimin e Drejtorisë Kombëtare të Kontrollit dhe Menaxhimit Financiar (DNCG) në ditët në vijim.

Ndërkaq, Saint-Etienne, e cila përfundoi në vendin e 17-të në Ligue 1 sezonin e kaluar, nuk do të përfitojë nga ky sanksion për t’u ngjitur në tabelë.

The post Nëse Lyon nuk apelon dhe mbetet vendimi, mësohet se cili klub do ta zëvendësojë në Ligue 1 appeared first on Albeu.com.

Lyon është dënuar me rënie nga kategoria. Ky lajm trondit futbollin francez, pasi bëhet fjalë për një klub historik. Sot u mor vendimi, që Lion duhet të luajë në Ligën 2 për shkak të problemeve me financat. Klubi kishte sot seancën për të bindur mbikëqyrësit financiarë të futbollit francez, por nuk ia doli me sukses. […]

The post Zyrtare/ Vendim drastik, Lyon dënohet me rënie nga kategoria appeared first on BoldNews.al.

Një nga klubet më të mëdha të futbollit francez, Olympique Lyon, është zyrtarisht në Ligue 2, pas dështimit për të përmirësuar gjendjen e rënduar financiare. Vendimi është konfirmuar sot nga DNCG. Organi rregullator financiar i futbollit francez muaj më parë kishte dhënë një paralajmërim për rënie të mundshme. Kjo nëse Lyon nuk do të zgjidhte borxhin prej rreth 175 milionë euro përpara fillimit të sezonit 2025/26.

Pavarësisht përpjekjeve të pronarit amerikan John Textor, si shitja e aksioneve të tij në Crystal Palace, transferimi i disa lojtarëve si Rayan Cherki dhe Said Benrahma, dhe përpjekjet për të siguruar kapital të ri, DNCG e ka cilësuar situatën si të pasigurt dhe ka konfirmuar zbritjen në kategorinë e dytë.

Në një përpjekje për të shmangur dënimin, Olympique Lyon kishte bërë edhe manovra brenda rrjetit të klubeve të Textor. Disa prej tyre ishin transferimi i Thiago Almada nga Botafogo me huazim “falas”. Megjithatë, këto veprime nuk ishin të mjaftueshme për të bindur autoritetet.

GJIGANTËT FRANCEZË RRËZOHEN PËR SHKAK TË BORXHEVE

Gazeta franceze L’Équipe e ka cilësuar vendimin si një “rrufe në qiell të hapur” për futbollin francez. Lyon, skuadër me histori të lavdishme dhe tituj të shumtë, për herë të parë pas shumë dekadash, do të luajë në Ligue 2. Textor, që deri pak javë më parë ishte i bindur se klubi do të shpëtonte. “Mos u shqetësoni, kemi para”, kishte deklaruar ai në maj, por tani do të përballet me pasojat e një sezoni katastrofik financiar dhe sportiv.

Pasojat pritet të jenë të mëdha edhe në merkato, pasi shumë lojtarë të rëndësishëm pritet të largohen. Ndër ta, Malick Fofana, një nga talentet më premtues të klubit, është tashmë në radarët e Premier League. Lyon ka të drejtën për të apeluar vendimin. Por për momentin, klubi i njohur francez përballet me realitetin e hidhur: një sezon në Ligue 2.

The post Tronditet futbolli francez: Olympique Lyon, nga Kupat e Europës rrëzohet në Ligue 2 appeared first on Lapsi.al.

I gjithë futbolli francez është në ankth për Daniel Congré: ish-futbollisti i Montpellier u gjet në shtëpinë e tij në Pérols pa ndjenja pasditen e djeshme, më 9 qershor. Burri kishte humbje gjaku për shkak të një plage me mjet prerës në zonën e zemrës dhe ishte pa ndjenja kur hynë ndihmat e shpejta për ta transportuar me urgjencë në Spitalin Universitar të Montpellier, ku ndodhet ende i shtruar.

Francezi për momentin është jashtë rrezikut për jetën dhe mjekët raportojnë se gjendja e tij është e qëndrueshme. Lajmi u raportua nga media franceze actu.fr, dhe më pas u konfirmua nga Le Parisien, i cili kontaktoi prokurorinë e Montpellier: autoritetet konfirmojnë se bëhet fjalë për një tentativë vetëvrasjeje dhe jo për një sulm, siç ishte menduar fillimisht kur u hapën hetimet, edhe pse sipas L’Équipe rrethanat janë ende në fazë verifikimi.

Tentativë vetëvrasjeje për Daniel Congré

E gjithë komuniteti i futbollit francez është pranë futbollistit në këto orë ankthi të madh pas lajmit për tentativën e tij për vetëvrasje. Mbrojtësi ishte tërhequr nga futbolli vetëm një vit më parë dhe që nga muaji tetor ishte emëruar koordinator sportiv i OL (Olympique Lyonnais), rol që e mban ende sot. Dje, rreth orës 19:00, Congré u gjet në banesën e tij i plagosur rëndë: po gjakderdhte nga zona e kraharorit dhe u gjet nga ndihmat e shpejta pa ndjenja për t’u transportuar menjëherë në spital.

Policia gjyqësore lokale ka hapur një hetim për të zbardhur rrethanat e incidentit, por prokuroria e Montpellier-it ka konfirmuar se bëhet fjalë për një tentativë vetëvrasjeje. Ish-lojtari u shtrua në spitalin universitar të Montpellier dhe ndodhet ende atje, fatmirësisht në gjendje të qëndrueshme. Nuk janë ende të qarta rrethanat në të cilat ka ndodhur tentativa për vetëvrasje, por plaga që ka në nivelin e zemrës është shkaktuar nga një prerje që dyshohet ta ketë kryer vetë.

The post Daniel Congré gjendet pa ndjenja me një plagë thike në gjoks: ka tentuar vetëv*asjen appeared first on Lapsi.al.

Nuk kanë fund telashet për futbollistët që jetojnë në Francë. Pasi u raportua se apartamenti i Kvicha Kvaratskhelia u grabit para pak netësh, një ish-lojtar i Montpellier ka hasur probleme konkrete.

Bëhet fjalë për Daniel Congre i cili është gjetur pa ndjenja me një plagë të rëndë. Siç raporton “L’Equipe”, ish-futbollisti ka marrë një goditje me thikë pranë zemrës, ku u gjet në shtëpinë e tij pa ndjenja.

Por fatmirësisht, gjendja e 40-vjeçarit është tashmë e stabilizuar pas asaj goditjeje të rëndë. Hetimet policore në Francë për të gjetur autorët po vazhdojnë. Kujtojmë se Daniel Congre është koordinator sportiv tek Olympique Lyon.

The post E RËNDË/ Zyrtari i gjigantit europian GODITET me thikë, gjendet në shtëpi pa ndjenja appeared first on Albeu.com.

Olympique Lyon ka refuzuar ofertën e parë të Manchester Cityt për Rayan Cherki. Sipas gazetarit Sacha Tavolieri, oferta ishte rreth 23 milionë euro, por nuk u pranua nga klubi francez.

Cherki, është një produkt i akademisë së Lyonit dhe ka spikatur me paraqitjet e tij. Në sezonin 2024–25, ai kontribuoi me 12 gola dhe 20 asistime, duke tërhequr vëmendjen e klubeve të mëdha evropiane.

Manchester City e ka identifikuar si një objektiv të rëndësishëm për merkaton e verës, me synimin për të shtuar thellësi në repartin ofensivë. Performancat e Cherkit e kanë bërë atë një prej lojtarëve më të kërkuar në Ligue 1.

Megjithëse oferta fillestare u refuzua, City dhe Cherki raportohet se kanë arritur marrëveshje për kushtet personale me kontratën e mundshme që pritet të jetë pesë vjeçare.

Negociatat midis klubeve vazhdojnë, me tarifën e transferimit që pritet të jetë ndërmjet 30 dhe 40 milionë euro. Lyon është e gatshme të negociojë nëse oferta reflekton vlerën reale të lojtarit.

Pronari i Lyonit, John Textor, ka theksuar më parë se dëshiron ta mbajë Cherkin, duke refuzuar oferta edhe nga klube si Borussia Dortmund dhe Paris Saint-Germain.

Megjithatë, duke qenë se Cherki është në vitin e fundit të kontratës, Lyon mund të detyrohet të shesë për të mos rrezikuar largimin e tij si lojtar i lirë në verën e ardhshme. /Telegrafi/ 

The post Refuzohet oferta e parë e Cityt për Rayan Cherkin appeared first on Telegrafi.

Manchester City është shumë pranë arritjes së marrëveshjes personale me Rayan Cherki, sipas gazetarit Florian Plettenberg.

Mesfushori ofensivë i Lyonit shihet si një përforcim i rëndësishëm për kampionët e Anglisë, veçanërisht për Kupën e Botës për Klube.

Negociatat për pagën dhe kushtet personale janë pothuajse përfunduar, duke e afruar edhe më shumë lojtarin me kalimin në Ligën Premier.

Lexo po ashtu Guardiola forcon mesfushën dhe sulmin - Man City së shpejti do të përfundojë dy transferime për 100 milionë euro

Pengesa kryesore mbetet tarifa e transferimit mes Cityt dhe Lyonit, e cila vlerësohet të jetë nga 35 deri në 40 milionë euro.

Megjithatë, të dy klubet janë optimiste dhe besojnë se një marrëveshje mund të arrihet shumë shpejt.

Lexo po ashtu Man City ka zgjedhur 10-shin e ri të skuadrës, ka filluar kontaktet me të

Aktualisht, Cherki është i përqendruar në grumbullimin me ekipin kombëtar të Francës, ku pritet të bëjë debutimin.

City dëshiron ta mbyllë transferimin sa më parë, për ta integruar Cherkin në skuadër për sfidat ndërkombëtare që e presin. /Telegrafi/ 

The post Gjiganti anglez po e përfundon marrëveshjen personale me Rayan Cherkin appeared first on Telegrafi.

“The Telegraph” raporton se Manchester City është futur në garë për të transferuar Rayan Cherki, mesfushorin e Lyon. Me përfundimin e sezonit në Ligue 1, 21-vjeçari ka bërë të ditur vendimin e tij për t’u larguar nga klubi francez dhe për të nisur një aventurë të re. Për mesfushorin franko-algjerian ka një interes të madh […]

The post Guardiola gjen “mjeshtrin” e mesfushës që do zëvendësojë De Bruyne, është vetëm 21 vjeç appeared first on BoldNews.al.

Ndërsa Juventusi vazhdon të ëndërrojë një transferim veror për Victor Osimhen, në pronësi të Napolit, mediat në Itali besojnë se ekzistojnë katër opsione alternative që Bianconerët kanë në konsideratë përpara afatit të ardhshëm të transferimeve.

Juventusi po kërkon të ripërtërijë repartin e sulmit në afatin kalimtar të verës, me Dusan Vlahovic dhe Randal Kolo Muani që pritet të largohen në fund të sezonit 2024/25.

Osimhen, aktualisht i huazuar te Galatasaray nga Napoli, është qendërsulmuesi i zgjedhjes së parë për Zonjën e Vjetër, por duke pasur parasysh çmimin e tij prej 75 milionë eurosh dhe faktin se ka një numër klubesh në Evropë dhe Azi që shtyjnë për nënshkrimin e tij, Juventusi mund të duhet të kërkojë diku tjetër.

Raportet e fundit sugjerojnë gjithashtu se Mateo Retegui i Atalantës dhe qendërsulmuesi i Ipswich Town, Liam Delap, janë gjithashtu ndër opsionet e mundshme.

Megjithatë, gazeta Tuttosport sugjeron se ekzistojnë katër opsione të tjera alternative që Juventusi duhet të marrë në konsideratë përpara afatit kalimtar të verës.

Midis tyre është kolegu i Osimhen, lojtari i kombëtares nigeriane, Victor Boniface. Raporti i së premtes pohon se drejtori sportiv i Bianconerëve, Cristiano Giuntoli, e ka monitoruar sulmuesin e Bayer Leverkusen për disa muaj.

Një tjetër opsion i Bundesligës është sulmuesi i RB Leipzig, Lois Openda, i cili shënoi 29 gola dhe regjistroi shtatë asistimee sezonin e kaluar. Megjithatë, ai nuk pritet të jetë i lirë, duke pasur parasysh se RB Leipzig shpenzoi 40 milionë euro për ta sjellë atë nga Lens në verën e vitit 2023.

Sipas raportimeve të së premtes, lojtari i kombëtares gjeorgjiane, Goerges Mikautadze, mund të jetë gjithashtu një alternativë në krye të Juventusit.

24-vjeçari ka 16 gola dhe 11 asistime këtë sezon dhe potencialisht mund të jetë i disponueshëm për një tarifë transferimi dukshëm më të ulët, rreth 25 milionë euro.

Sulmuesi 23-vjeçar i Rennes, Arnaud Kalimuendo, mund të jetë gjithashtu një opsion për Juventusin.

Ai ka shënuar 14 gola dhe ka dhënë tri asistime nga 30 paraqitje në Ligue 1 këtë sezon. /Telegrafi/

The post Juventusi ka katër yje të sulmit si alternativa nëse dështon transferimi i Osimhen appeared first on Telegrafi.

Lajmi që gjatë pushimit të ndeshjes së Europa League mes Manchester United dhe Lyon, dy futbollistë të “Djajve të Kuq” kishin lënë me nxitim Old Trafford “për arsye urgjente familjare”, kishte shkaktuar shqetësim. Tani mësohet arsyeja për njërin prej tyre, Victor Lindelof, i cili ishte në stol (ndërsa tjetri, Noussair Mazraoui, ishte në fushë dhe u zëvendësua në fillim të pjesës së dytë nga Luke Shaw).

Arsyeja e “ikjes” së mbrojtësit 30-vjeçar duhej të ishte patjetër shumë e rëndësishme, duke qenë se United luante një ndeshje shumë të rëndësishme në çerekfinalet e kthimit të kupës, që më pas u fitua në mënyrë të pabesueshme 5-4, duke siguruar kualifikimin në gjysmëfinale (do të përballet me Athletic Bilbao). Dhe në fakt, bëhej fjalë për djalin e tij, i cili kishte “çarë kokën”, për të përdorur fjalët e bashkëshortes së tij, Maja.

Djali i vogël i Lindelof, që është 3 vjeç, u transportua urgjentisht në spital pasi kishte pësuar një traumë të rëndë në kokë, duke e detyruar futbollistin e kombëtares suedeze të largohej me nxitim nga stadiumi për të shkuar në spital te djali i tij i vogël.

Rrëfimi dramatik: “Djali ynë kishte kokën e çarë”

Maja rrëfeu se çfarë ndodhi: “Një orë para fillimit të ndeshjes me Lyon-in, dadoja jonë na telefonoi dhe tha se ishin në ambulancë duke shkuar drejt spitalit. Djali ynë më i vogël, Francis, kishte çarë kokën. Po ndiqte vëllain e madh, Ted Louie, në shtëpi dhe ra nga shkallët prej xhami.”

“E kishte ballin e çarë më dysh – vazhdoi gruaja në rrëfimin e saj dramatik – Ishte në spital të enjten dhe të premten. Duhej t’i nënshtrohej një operacioni në kirurgjinë plastike për të bashkuar ballin. Iu bë anestezi. Është hera e parë që më ndodh diçka e tillë me një nga fëmijët e mi. Ishte tepër e dhimbshme dhe nuk dua ta përjetoj më. Operacioni shkoi mirë dhe Francis është rikthyer në normalitet. Është një viking, është kthyer si më parë. Të gjithë ishin kaq të shqetësuar, por ai vazhdon jetën sikur nuk ka ndodhur asgjë. Mjekët thonë se do të ketë një plagë të madhe në ballë. Por nuk ka rëndësi, jam thjesht e lumtur që gjithçka shkoi mirë.”

Një ngjarje që të fut drithma vetëm duke e dëgjuar, dhe kuptohet shumë mirë se përballë dramacitetit të lajmit që i ishte dhënë, Lindelof la gjithçka dhe vrapoi drejt spitalit tek i biri, e vetmja gjë që kishte rëndësi në atë moment. Për fat të mirë gjithçka shkoi mirë dhe Victor u rikthye titullar te United të dielën si kapiten ndaj Wolves, ndeshje e humbur nga skuadra e Amorim, në këtë sezon të mallkuar ku i ka mbetur vetëm Europa League.

The post Lindelof braktisi sfidën me Lyon, e shoqja zbulon arsyen: “Djali ynë çau keq kokën” appeared first on Lapsi.al.

Në Francë, këtë sezon, tensionet mes klubeve dhe arbitrave po arrijnë nivele shqetësuese. Rasti më i fundit vjen nga ndeshja mes Saint-Étienne dhe Olympique Lyonnais, ku një ndërhyrje e ashpër e Lucas Stassin ndaj Corentin Tolisso ka ndezur polemika të mëdha. Fillimisht, arbitri François Letexier e ndëshkoi sulmuesin e Saint-Étienne me karton të kuq, por […]

The post Lyon kritikon arbitrimin në Ligue 1: Ky është gabimi i tetë kundër nesh! appeared first on BoldNews.al.