Gjykata e Posaçme e Apelit ka ndryshuar vendimin e Shkallës së Parë të GJKKO-së dhe ka rikthyer masën e arrestit ndaj avokatit Armand Tragaj, në lidhje me operacionin “Ura”, ku u godit banda e Elvis Doçit i njohur ndryshe si “Visi i Pojës”. Fillimisht Armand Tragaj u arrestua fillimisht nga SPAK duke përfunduar në qeli, […]

The post “Babain e sëmurë, vëllain në psikiatri”/ Apeli i GJKKO rikthen arrestin për avokatin Armand Tragaj appeared first on BoldNews.al.

Olympique Lyon do të vazhdojë të luajë në Ligue 1. Apeli ka pranuar ankesën e këtij klubi, duke e bërë të pavlefshëm vendimin e marrë nga organi i kontrollit financiar të futbollit francez, që rrëzonte këtë ekip një kategori më poshtë për shkak të problemeve financiare. Pasi u mor në shqyrtim çështja, u pa e […]

The post Lyoni fiton apelin, klubi mbetet pjesë e kampionatit elitar francez appeared first on BoldNews.al.

Gjykata e Posaçme e Apelit për Korrupsionin dhe Krimin e Organizuar njoftoi të premten se kishte ndryshuar pjesërisht një vendim të Gjykatës së Posaçme të Shkallës së Parë dhe kishte pranuar kërkesën e SPAK për tre prej të pandehurve, duke ashpërsuar edhe dënimet ndaj tyre. Braniol Liço, Lulzim Selimi dhe Dhimitër Nina u gjetën fajtorë […]

The post Apeli ashpërson dënimet ndaj grupit të trafikantëve të drogës appeared first on Reporter.al.

Gjykata e Apelit e Kosovës e ka mbajtur në fuqi të mërkurën një dënim prej 12 vjetëve burgim për Ekrem Bajroviçin, për krime lufte kundër popullatës civile në fshatra të Istogut gjatë luftës së fundit në Kosovë më 1998-‘99. Apeli njoftoi se e hodhi poshtë si të pabazuar ankesën e mbrojtësit së Bajroviëit, duke e […]

The post I dënuar me 12 vjet burg për krime lufte ndaj popullatës civile, Apeli në Kosovë vendos për Bajroviç appeared first on BoldNews.al.

Gjykata e Posaçme e Apelit ka shpallur vendimin lidhur me ankimimin e ish-gjyqtarit Guxim Zenelaj, i cili ankimoi vendimin e GJKKO-së që e dënoi me gjashtë muaj burg për fshehje pasurie, dënim që iu konvertua në shërbim prove. Por Apeli vendosi ta dënojë Zenelajn me 100 orë pune në shërbim të komunitetit.

Zenelaj akuzohet për veprën penale të “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, kryer në formën e deklarimit të rremë.

The post Apeli jep 100 orë punë publike ish-anëtarin e Gjykatës së Lartë, Guxim Zenelaj appeared first on Lapsi.al.

Gjykata e Apelit të Juridiksionit të Përgjithshëm në Tiranë ka rrëzuar vendimin e dhënë nga Gjykata e Shkallës së Parë në Korçë për çështjen e vrasjes së 26-vjeçarit Martin Çeço, duke e kthyer atë për rigjykim. Vendimi i Apelit u mor më 24 qershor 2025 nga trupa gjykuese e përbërë nga relatore Marsela Pepi dhe […]

The post Apeli rrëzon dënimet për vrasjen e Martin Çeços, çështja kthehet për rigjykim në Korçë appeared first on BoldNews.al.

Gjykata e Posaçme e Apelit vendos të shtyjë seancën për Vangjush Dakon. Kjo për shkak se Adrian Bulku, njeri nga të pandehurit, kishte njoftuar gjykatës se sot ishte në pamundësi për të marrë pjesë në seancë dhe kërkonte të caktohej një datë tjetër pasi dëshironte që të ishte i pranishëm. Seanca e radhës në datën […]

The post Apeli i GJKKO shtyn seancën për Vangjush Dakon appeared first on BoldNews.al.

Gjykata e Posaçme e Apelit lë në fuqi vendimin e sekuestros së apartamentit në “Kodrën e Diellit” në pronësi të kompanisë ndërtuese “Agikons”, por hetimet e autoriteteve dyshojnë se apartamenti është një pasuri e fshehur dhe në fakt është përdorur nga çifti i bashkëshortëve Erion Veliaj, kryetar i Bashkisë së Tiranës, dhe bashkëshortja e tij, […]

The post Dyshohet se i përket Veliajt dhe Xoxës, Apeli lë në fuqi sekuestron për apartamentin te Kodra e Diellit appeared first on BoldNews.al.

Apeli i GJKKO ka lënë në fuqi vendimin për sekuestrimin e një apartamenti në zonën e Kodrës së Diellit, që dyshohet se i përket kryebashkiakut të Tiranës, Erion Veliaj dhe bashkëshortes së tij, Ajola Xoxës.

Apeli i GJKKO rrëzoi ankimimin e bërë nga kompania “AgiKons” sh.p.k., e cila kishte kundërshtuar vendimin e marrë në muaj majin ku ishte vendosur masa e sekuestros pasurore mbi pasurinë e paluajtshme në fjalë. Gjykata vendosi të miratojë në tërësi vendimin e mëparshëm, duke e konsideruar të ligjshëm sekuestrimin e apartamentit.

Gjithashtu sot në GJKKO, Prokuroria e Posaçme do të prezantojë raportin 2-mujor të hetimeve ndaj kryebashkiakut Veliaj. Prezantimi i raportit do të mbahej ditën e premte më datë 13 qershor, por u shty për shkak se në seancë mungonte biznesmeni Elman Abule, i cili është nën masën “arrest në shtëpi”.

Në seancën e sotme, Veliaj nuk është paraqitur në GJKKO, por është përfaqësuar vetëm nga avokati i tij mbrojtjes. Ndërkohë që në seancën e sotme, biznesmeni Abule ka marrë pjesë.

The post Apeli i GJKKO lë në fuqi sekuestron e apartamentit të Erion Veliajt appeared first on Lapsi.al.

Ka përfunduar seanca gjyqësore në Apelin e Gjykatës së Posaçme për kryebashkiakun në detyrë të Tiranës, Erion Veliaj. Trupa gjykuese vendosi të lërë në fuqi masën e sigurisë “arrest me burg”, të dhënë më herët ndaj tij.

Sa i përket kërkesës për zëvendësimin e masës me garanci pasurore, avokatët e Veliajt nuk ofruan një shumë të caktuar, duke ia lënë vendimmarrjen gjyqtares.

Në përfundim, gjykata nuk pranoi ndryshimin e masës dhe vendimi për “arrest me burg” mbetet në fuqi.

Veliaj ndodhet në paraburgimin e Durrësit që prej 10 shkurtit të këtij viti.

Ai po hetohet për korrupsion pasiv në 9 episode dhe për pastrim parash, për veprat penale të “korrupsionit pasiv të funksionarëve të lartë shtetërorë ose të zgjedhurve vendorë” dhe “pastrimit të produkteve të veprës penale ose veprimtarisë kriminale”.

SPAK ka zgjeruar hetimet edhe ndaj bashkëshortes së tij, Ajola Xoxa, e cila dyshohet për korrupsion pasiv, pastrim parash dhe fshehje pasurie.

Sipas SPAK Veliaj së bashku me bashkëshorten dhe kompanitë në emër të saj kanë ngritur një skemë komplekse për përvetësimin e fondeve të Bashkisë Tiranë.

Po ashtu, nën akuzë janë vënë pesë biznesmenë, të cilët, sipas hetimeve, kanë paguar ryshfet për të siguruar fonde publike dhe leje ndërtimi nga Bashkia Tiranë.

LEXONI GJITHASHTU:

• GJKKO la në fuqi sekuestron e celularit, GJL prish vendimin për Arbër Veliajn
• Erion Veliaj rekurs në Gjykatën e Lartë, kërkon lirimin nga burgu

The post Kërkoi lirinë kundrejt garancisë pasurore, Apeli i GJKKO merr vendimin për Veliajn appeared first on Euronews Albania.

Kryetari i Bashkisë së Tiranës, Erion Veliaj, i cili prej muajit shkurt ndodhet në paraburgim në Burgun e Durrësit, do të dalë këtë të hënë përpara Gjykatës së Apelit të Posaçëm, ku do të shqyrtohet kërkesa e tij për ndryshim të masës së sigurisë.

Përmes avokatëve të tij, Veliaj kërkon lirimin nga qelia dhe zëvendësimin e masës me një më të butë, duke ofruar gjithashtu garanci pasurore në mbështetje të kërkesës.

Më herët, ai ka depozituar edhe një rekurs në Gjykatën e Lartë për të njëjtën çështje, por deri më tani nuk është caktuar data e shqyrtimit dhe trupa gjykuese që do ta trajtojë.

Veliaj ndodhet në hetim nga SPAK për çështje që lidhen me shpërdorim detyre dhe korrupsion në ushtrimin e funksioneve publike. Seanca në Apelin e Posaçëm pritet të jetë vendimtare për ecurinë e mëtejshme të procesit ndaj tij.

The post Veliaj kërkon lirimin nga burgu, çfarë pritet të ndodhë në gjykatë të hënën appeared first on Lapsi.al.

Seanca e nesërme do të mbahet pasi ka një ankimim ndaj vendimit të Gjykatës së Shkallës së Parë për vazhdimin e masës së sigurisë. Të hënën në orën 14:00 zhvillohet seanca gjyqësore në Gjykatën e Apelit për kryebashkiakun e arrestuar të Tiranës, Erion Veliaj.

Objekti i kërkesës: “Ankim ndaj vendimit nr. 219 akti, datë 23.04.2025, të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Informacion 2 mujor për zbatimin e masës së sigurimit “arrest në burg”, për personin nën hetim Erion Veliaj lidhur me hetimet paraprake për procedimin penal Nr. 27, të vitit 2024, të Prokurorisë së Posaçme kundër Korrupsionit dhe Krimit të Organizuar”.

Ndaj Veliajt, rëndojnë 12 akuza për 4 vepra penale:

-Korrupsion pasiv i funksionarëve të lartë shtetërore ose i të zgjedhurve vendorë;

-Korrupsion aktiv i funksionarëve të lartë shtetërorë ose të zgjedhurve vendorë;

-Pastrimi i produkteve të veprës penale ose veprimtarisë kriminale;

-Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim.

Gjyqtari i çështjes pritet të jetë sërish Engert Pëllumbi, i njëjti gjyqtar që mbajti në arrest Erion Veliajn, pas ankimimit të vendimit të gjykatës për masën e sigurisë.

Ndërkohë, përmes avokatëve të tij, Veliaj ka kërkuar një masë sigurie më lehtësuese, kundrejt ofrimit të garancisë pasurore.

Në një kohë kur SPAK i ka komunikuar Veliajt se ka konsumuar 9 herë veprën penale të korrupsionit, Veliaj ofron para për lirim nga burgu. Me paratë e kujt do të paguajë garancinë Erion Veliaj, kur Prokuroria e Posaçme po heton pikërisht për këto para.

Kryebashkiaku i Tiranës Erion Veliaj u arrestua më 10 shkurt. Akuza u caktuan edhe për personat e tjerë të përfshirë në këtë hetim: bashkëshortja e Veliajt, Ajola Xoxa dhe biznesmenët: Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha.

The post Kërkesë për lirim në këmbim të pasurisë/ Veliaj nesër para Apelit për masën e sigurisë appeared first on Sot News | Lajme.

Kryetari i Bashkisë së Tiranës, Erion Veliaj, i cili prej muajit shkurt ndodhet në paraburgim në Burgun e Durrësit, do të dalë këtë të hënë përpara Gjykatës së Apelit të Posaçëm, ku do të shqyrtohet kërkesa e tij për ndryshim të masës së sigurisë.

Përmes avokatëve të tij, Veliaj kërkon lirimin nga qelia dhe zëvendësimin e masës me një më të butë, duke ofruar gjithashtu garanci pasurore në mbështetje të kërkesës.

Më herët, ai ka depozituar edhe një rekurs në Gjykatën e Lartë për të njëjtën çështje, por deri më tani nuk është caktuar data e shqyrtimit dhe trupa gjykuese që do ta trajtojë.

Veliaj ndodhet në hetim nga SPAK për çështje që lidhen me shpërdorim detyre dhe korrupsion në ushtrimin e funksioneve publike. Seanca në Apelin e Posaçëm pritet të jetë vendimtare për ecurinë e mëtejshme të procesit ndaj tij.

LEXONI GJITHASHTU:

• Imami Ahmet Kalaja, nën akuzë për pengim të drejtësisë
• Vodhën dy vite më parë 600 mijë lekë të reja, vihen në pranga dy autorët

The post Veliaj kërkon lirimin nga burgu, Apeli shqyrton masën e sigurisë të hënën appeared first on Euronews Albania.

Arben Isufaj, i njohur si Ben Qimja, do të vazhdojë të jetë i shpallur në kërkim me vendim të Gjykatës së Apelit në Tiranë, e cila ka refuzuar kërkesën e tij për shfuqizimin e masë së sigurisë “Arrest në burg”. Ai akuzohet se kërcënuar me jetë një gjyqtar në Fier.

Gjyqtari Vladimir Cjapi është marrë mbrojtje të posaçme për një periudhë 6 mujore pas kërcënimeve që ka marrë nga Arben Isufaj, në muajin Shkurt 2025.

Mbi 55 vjeçarin rëndojnë akuzat për veprat penale “Kanosja e gjyqtarit” dhe “Prodhimi dhe mbajtja pa leje e armëve, armëve shpërthyese dhe municionit”. Ka qenë noteri Arben Tahiraj, i cili është mik me gjyqtarin Vladimir Cjapi, që ka treguar në polici gjithë ngjarjen.

Arben Isufaj është shpallur në kërkim për këto dy akuza, por nuk është gjetur në shtëpi gjatë bastisjes së Policisë, ndërkohë që gjykata ka caktuar për të masën paraprake të sigurisë “Arrest në burg”, që Isufaj është përpjekur ta rrëzojë në Apelin e Tiranës por më kot.

“Pasi i thashë që e njoh Ladin dhe e kam shok, Arben Isufaj mu drejtua menjëherë me fjalët kërcënuese: ‘Do tju vras të dyve’. Në këtë moment unë e pyeta; “Përse?’. Por ai më tha: ‘Ju më keni përmendur mua dhe nipat e mi’.

Në këtë moment ai u kthye nga unë duke më thënë që t’i bëj me dije Ladit që: ‘Do ta vras, do ta zhduk, do i vras fëmijët. Nuk kam dashur të vete te gjykata se do ta degjeneroja atje. S’dua tja di për njeri kush është Ladi’. Unë i thashë që:‘Nuk të ka përmendur dhe s’kam punë me ty’.Por ai vazhdoi të më thoshte që: ‘Ke qenë në një tavolinë me të, kur më ka përmendur’”, ka treguar Tahiraj.

Arben Isufaj i njohur ndryshe si “Ben Qimja” u lirua në vitin 2015 nga burgu. Gjykata e Fierit, atëkohë liroi nga akuzat Ben Qimen duke refuzuar kërkesën e Prokurorisë për ekstradimin e tij drejt Italisë.

Ai konsiderohej si një ndër personat më të kërkuar të Policisë italiane, ndërsa u arrestua në Shqipëri në vitin 2014, por kërkesa e tij për ekstradim u rrëzua. Ai është akuzuar gjithashtu nga Prokuroria për një vrasje të ndodhur në vitin 2002, por që nuk është provuar në Gjykatë.

Në maj të 2023, Gjykata e Posaçme konfiskoi 11 pasuri Arben Isufajt. Për llogari të shtetit kaluan: një pulari, kapitalet e shoqërisë “Akili ALB SHPK”, sipërfaqe toke dhe truall si dhe gjashtë automjete. Këto pasuri janë në Fier dhe janë vendosur me të ardhura nga trafiku i drogës.

The post Apeli nuk pranon kërkesën e Ben Qimes, e do pas hekurave për kërcënimin me jetë të gjyqtarit në Fier appeared first on Albeu.com.

Apeli i Gjykatës së Posaçme Kundër Korrupsionit dhe Krimit të Organizuar ka lënë në fuqi masën e sigurisë “arrest me burg” për shefin e Komisariatit të Policisë Rrugore Tiranë, Roven Zeka, ndërsa ka zbutur masën për shefin e hetimit të aksidenteve, Sokol Novaku, duke e kaluar atë në “arrest në shtëpi” për shkak të rrethanave familjare.

Vendimi është marrë nga gjyqtari Engert Pëllumbi ndërsa dy zyrtarët policorë u arrestuan si pjesë e një hetimi të nisur nga SPAK, për veprën penale “korrupsion pasiv i personave që ushtrojnë funksione publike”, e kryer në bashkëpunim.

Akuzat: Marrje ryshfeti për të shmangur ndalimin

Sipas SPAK, më 16 prill 2025, në Tiranë, një grua me inicialet A.V. u përfshi në një aksident rrugor, ku u plagosën pesë persona që udhëtonin në një tjetër automjet.

Shoferja, bashkëshortja e shtetasit E.V., i dyshuar për korrupsion aktiv, dyshohet se i ka dhënë ryshfet dy zyrtarëve të policisë për të shmangur ndalimin.

Hetimet tregojnë se efektivët i kanë kërkuar familjarëve të saj një shumë prej 2 mijë eurosh për të mos arrestuar A.V. Paratë janë siguruar nga bashkëshorti i saj, me ndihmën e personave të tjerë, dhe janë dorëzuar njërit prej efektivëve të policisë rrugore – fakt që, sipas SPAK, është provuar gjatë hetimeve.

Operacioni u krye nga Byroja Kombëtare e Hetimit në bashkëpunim me Agjencinë e Mbikëqyrjes Policore.

LEXONI GJITHASHTU:

• GJKKO burg për shefat e “Rrugores” në Tiranë, Zeka dhe Novaku mohojnë akuzat
• U arrestua nga SPAK, ja kush e zëvendëson shefin e qarkullimit në Tiranë

The post Dyshohet se mori ryshfet, Apeli i GJKKO lë në burg shefin e Rrugores së Tiranës appeared first on Euronews Albania.

Gjykata e Posaçme e Apelit për Korrupsionin dhe Krimin e Organizuar, ka liruar nga qelia shefin e sektorit të aksidenteve në Policinë Rrugore, Sokol Novakun.

Shkalla e dytë e gjyqësorit caktoi ndaj tij masën “arrest në shtëpi”.

Ndërsa ish-shefi i Rrugores, Roven Zeka, do të vijojë qëndrimin në qeli.

HETIMET

Shef i Komisariatit të Policisë Rrugore të Tiranës Roven Zeka bashkë me Sokol Novakun shef i hetimit të aksidenteve dhe oficerin e policisë rrugore Edison Tabaku, ranë në pranga disa javë më parë (19 prill) në kuadër të një hetimit të SPAK, dhe dyshohet se kanë marrë 2 mijë euro ryshfet, për manipulimin e provave për një aksident rrugor, të shkaktuar nga bashkëshortja e biznesmenit Erges Vrioni.

GJKKO ka dhënë edhe masat e sigurisë arrest me burg për të tre të dyshuarit.

Gjykata e Posaçme ka caktuar masën arrest me burg më 22 prill për dy shefat e Rrugores së Tiranës, Roven Zeka dhe Sokol Novaku, teksa për Tabakun ishte dhënë një ditë më herët. Të dy oficerët e lartë akuzohen nga SPAK për veprën penale të korrupsionit, ndërsa burime bëjnë me dije se ata kanë mohuar akuzat.

Arrestimet e tyre u bënë më 19 prill, pas ngjarjes së ndodhur më 16 prill, ku u shkaktua aksidenti dhe u kërkuan 2 mijë euro që të mos arrestohej gruaja e biznesmenit.

Sipas dosjes hetimore dhe përgjimeve, duke qenë se oficeri Tabaku e njihte biznesmenin Erges Vrioni, bashkëshortin e gruas që bëri aksidentin, i ka kërkuar shuma monetare për të mos e arrestuar Anisa Vrionin.

Një mijë euro i janë dhënë punonjësit të Policise Edison Tabaku, pranë banesës së tij. Vetë Tabaku e ka takuar sërish Erges Vrionin në një lokal pranë komisariatit të Policisë Rrugore dhe i ka kërkuar edhe një mijë euro të tjera, pasi i thotë “kam persona të tjerë mbi kokë”.

The post U arrestua për “ryshfetin 2 mijë euro”, Apeli liron nga qelia ish-shefin e aksidenteve Sokol Novakun, Roven Zeka mbetet në burg appeared first on Albeu.com.

Gjykata e Lartë ka liruar nga burgu Kreshnik Farrukun alias Kreshnik Budlla, i konsideruar si kreu i një organizate kriminale që akuzohej për trafik ndërkombëtar të lëndëve narkotike. Ai u vetëdorëzua në Polici më 7 Janar të këtij viti, pasi ishte shpallur në kërkim ndërkombëtar nga Italia nën akuzat për veprat penale “Organizata kriminale” dhe […]

The post Gjykata e Lartë liron nga qelia Kreshnik Farrukun appeared first on BoldNews.al.

Gjykata e Apelit te Juridiksionit të Përgjithshëm vendosi të hënën ndryshimin e vendimit për vendin e ekzekutimit të dënimit të ish-kryebashkiakut Safet Gjici, duke pranuar kërkesën e avokatit të tij për të lejuar Gjicin të vuaj pjesën e mbetur të dënimit në shtëpi. Safet Gjici, ish-kryebashkiaku i Kukësit, u gjet fajtorë për korrupsion  i kishin […]

The post Apeli nxjerr nga burgu ish-kryebashkiakun Safet Gjici appeared first on Reporter.al.

Gjykata e Posaçme e Apelit, ka shfuqizuar vendimin e Shkallës së Parë, që detyronte SPAK të hetonte Olta Xhaçkën dhe bashkëshortin e saj, Artan Gaçi.

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, sot më 14.05.2025, shpalli vendimin mbi çështjen penale nr. 90 akti, datë 08.04.2025 regjistrimi, regjistruar mbi ankimin e Prokurorisë së Posaçme kundër Korrupsionit dhe Krimit të Organizuar, kundër vendimit nr. 58, datë 28.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar që ka vendosur:

“1. Pranimin e ankimit të bërë nga ankuesi Dh.A.B.

2. Detyrimin e Prokurorisë së Posaçme kundër Korrupsionit dhe Krimit të Organizuar për regjistrimin e procedimit penal dhe për vazhdimin e hetimeve për veprën penale “Shpërdorimi i detyrës”, “Falsifikimi i dokumenteve” dhe “Pastrimi i produkteve të veprës penale”, kryer në bashkëpunim, parashikuar nga nenet 248 186 287 të Kodit Penal, mbi parashtrimin e kallëzimit penal nr. 181, datë 04.09.2023, sipas pikës 42 të këtij vendimi.

3. Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 10 (dhjetë) ditëve duke filluar ky afat nga e nesërmja e njoftimit të këtij vendimi.”

Në përfundim, Gjykata e Posaçme e Apelit për Korrupsionin dhe Krimin e Organizuar vendosi:

Shfuqizimin e vendimit nr. 58, datë 28.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar.

Rrëzimin e ankimit të ankuesit Dh.A.B., me objekt “Shfuqizimin e vendimit/shkresës nr. 22920/1 Prot., datë 27.12.2024 të Prokurorisë së Posaçme kundër Korrupsionit dhe Krimit të Organizuar. Urdhërimin e regjistrimit të procedimit penal për veprën penale të kallëzuar dhe kryerjen e veprimeve hetimore përkatëse”, thuhet në vendimin e Apelit.

The post Olta Xhaçka dhe bashkëshorti i saj nuk do të hetohen, Apeli i Posaçëm shfuqizon vendimin e Shkallës së Parë appeared first on Albeu.com.

Kreu i Komisionit Qendror të Zgjedhjeve, Ilirjan Celibashi, ka dhënë një deklaratë të fortë dhe të qartë lidhur me procesin e numërimit të votave preferenciale, duke iu drejtuar me një apel të veçantë anëtarëve të grupeve të numërimit dhe të KZAZ-ve. Ai ka kërkuar respektimin strikt të ligjit dhe ka paralajmëruar masa të ashpra për çdo tentativë për manipulim të votës së kandidatëve në listat e hapura.

Në deklaratën e tij, Celibashi theksoi se cënimi i votës së kandidatëve përbën “një shkelje të rëndë të integritetit zgjedhor” dhe se çdo përgjegjës do të përballet me pasoja serioze ligjore.

“Dëshirojmë të sjellim në vëmendje të të gjithëve se cënimi i votës së çdo kandidati në listën ‘e hapur’ përbën një shkelje të rëndë të integritetit zgjedhor dhe sjell pasoja ligjore serioze për përgjegjësit,” u shpreh Celibashi.

Ai sqaroi se ligji ndalon rreptësisht rivlerësimin e votave që janë shprehur vetëm për partinë apo koalicionin, në një kohë kur ka filluar numërimi për kandidatët. Sipas tij, këto fletë votimi duhet të ruhen në një zarf të veçantë dhe nuk duhet të përfshihen në procesin e rivlerësimit për kandidatët.

“Çdo shkelje e këtij rregulli do të konsiderohet si tentativë për të manipuluar rezultatin zgjedhor dhe do të ndiqet me masa të rrepta ligjore,” paralajmëroi ai.

Komisioneri Shtetëror nënvizoi gjithashtu se KQZ ka në dispozicion filmimet e procesit të numërimit për të gjitha KZAZ-të, si një instrument kontrolli dhe transparence në funksion të zbatimit të ligjit.

Deklarata e plotë:

Për anëtarët e grupeve të numërimit dhe të KZAZ-ve

Duke falënderuar të gjithë anëtarët e Grupeve të Numërimit të Votave dhe të KZAZ-ve që po e kryejnë detyrën me profesionalizëm, në përputhje me ligjin dhe udhëzimet e KQZ-së, dëshirojmë të sjellim në vëmendje të të gjithëve:

Cënimi i votës së çdo kandidati në listën “e hapur” përbën një shkelje të rëndë të integriteti zgjedhor e që sjell pasoja ligjore serioze për përgjegjësit.

Në këtë kuadër, rikujtojmë se është e ndaluar të bëhet një rivlerësim i votave për partitë politike apo koalicionet, tani që ka filluar procesi i numërimit dhe i vlerësimit të votave për kandidatët në listën “e hapur”.

Ligji përcakton qartë se, fletët e votimit, në të cilat vota është shprehur vetëm për partinë apo koalicionin, ruhen në një zarf të veçantë dhe nuk i nënshtrohen rivlerësimit gjatë procesit të numërimit dhe të vlerësimit të votave për kandidatët.

Çdo shkelje e këtij rregulli do të konsiderohet si tentativë për të manipuluar rezultatin zgjedhor dhe do të ndiqet me masa të rrepta ligjore.

Komisioni Qendror i Zgjedhjeve disponon filmimet e procesit të numërimit dhe vlerësimit të votave për partitë dhe koalicionet për të gjitha KZAZ.

LEXONI GJITHASHTU:

• Tiranë: Garë e fortë për mandatin e vetëm nga lista e hapur e PD, emrat që kryesojnë
• Përfundon numërimi i votës së kandidatëve në Vlorë, kush janë më të votuarit

The post Celibashi apel të fortë numëruesve: Mos cenoni votën e kandidatëve, do ndëshkoheni appeared first on Euronews Albania.