Beteja ligjore e Blake Lively kundër specialistes së PR-it në mediat sociale, Jed Wallace, ka marrë një kthesë të rëndësishme, pasi pretendimet e saj që akuzonin Wallace-in për ndihmë të ekipit të PR-it të Justin Baldonit në një fushatë të dyshuar shpifjeje u rrëzuan. Gjykatësi Lewis Liman vendosi të mërkurën se Wallace dhe kompania e tij, Street Relations, Inc., nuk mund të paditen në Nju Jork për shkak të mungesës së juridiksionit.

“Mocioni i të Paditurit Wallace për të pushuar çështjen duhet të miratohet sepse Gjykata nuk ka juridiksion personal mbi ta “, zbuluan dokumentet e gjykatës të siguruara nga Page Six. Wallace jeton në Teksas, jo në Nju Jork, ku Lively fillimisht ngriti padinë e saj. Dokumentet e gjykatës sqaruan më tej se Lively nuk ka demonstruar ndonjë veprim nga Wallace që do ta nënshtronte atë ndaj procedurave ligjore në Nju Jork.

Lively kishte pretenduar se Wallace “e përdori si armë një ushtri dixhitale” për të “krijuar, mbjellë dhe promovuar” përmbajtje denigruese rreth saj, pasi u punësua nga ekipi i PR-it i Baldonit, një pretendim që Wallace e ka mohuar vazhdimisht.

Kjo dramë ligjore buron nga një konflikt më i gjerë që përfshin Lively dhe bashkë-yllin e saj në It Ends With Us, Justin Baldoni. Në dhjetor 2024, Lively ngriti një padi për të drejtat civile në Departamentin e të Drejtave Civile të Kalifornisë duke e akuzuar Baldonin për ngacmim seksual dhe përpjekje për të dëmtuar reputacionin e saj si hakmarrje.

The post Blake Lively pëson një tjetër pengesë në betejën e saj ligjore appeared first on iconstyle.al.

Justin Baldoni pretendon se Blake Lively po përpiqet të shfrytëzojë famën e saj për të fituar një avantazh në dëshminë e saj. Avokatët e aktorit thonë se Lively po përpiqet të imponojë kushtet e dëshmisë së saj të ardhshme “thjesht sepse është e famshme”.

Ekipi ligjor i Baldonit paraqiti një përgjigje të premten, më 11 korrik, ndaj kërkesës së aktores që dëshmia e saj, e planifikuar për të enjten në New York, të mbahet në zyrën e avokatit të saj, sepse ajo ka frikë nga paparacët jashtë zyrave të avokatëve të Justin Baldonit.

Megjithatë, përfaqësuesit e tij ligjorë kundërshtojnë duke thënë se nuk ka prova për këtë pretendim dhe theksojnë se zyrat e dy avokatëve janë mjaft afër në distancë, sipas peticionit të cituar nga “TMZ”.

Ekipi i Baldonit argumenton gjithashtu se mbajtja e dëshmisë së Lively në zyrën e saj ligjore i vë ata në disavantazh, pasi ata mund të kenë nevojë për një hapësirë private për diskutime gjatë saj. Siç thuhet në peticion: “Ndërsa Lively , duke shkelur këmbën dhe duke përdorur famën e saj, mund të ketë arritur të fitojë kontrollin e filmit – i cili është fokusi i kësaj mosmarrëveshjeje -, shpërthimi i avokatit të saj nuk ka vend në këtë gjykatë” , thanë avokatët e aktorit.

Aktorja ka ngritur padi kundër kolegut të saj në film për ngacmim të dyshuar seksual gjatë xhirimeve të filmit “It Ends With Us” . Ajo ka ndërmarrë gjithashtu veprime ligjore kundër menaxherëve të marrëdhënieve me publikun të aktorit, duke i akuzuar ata për organizimin e një fushate shpifjeje kundër saj.

The post “Po e përdor famën si armë”/ Baldoni kundër Lively në çështjen gjyqësore appeared first on iconstyle.al.

Blake Lively ka nisur veprime të reja ligjore në betejën e saj kundër aktorit dhe regjisorit Justin Baldoni, të cilin ajo e akuzon për ngacmim seksual dhe hakmarrje, akuza që ai i mohon.

Sipas TMZ, avokatët e Lively kanë nisur thirrje zyrtare ndaj tre emrave të njohur në rrjet: Perez Hilton, Candace Owens dhe Andy Signore, për të mbledhur prova për një fushatë të mundshme njollosjeje nga Baldoni.

Candace Owens reagoi duke thënë se nuk ka marrë ende asnjë thirrje zyrtare dhe ironizoi faktin që lajmi u publikua para se ajo të njoftohej. Ndërsa Hilton dhe Signore nuk kanë komentuar ende.

Ndërkohë, padia kundërpërgjigje prej 400 milionë dollarësh e Baldonit ndaj Lively dhe bashkëshortit të saj, Ryan Reynolds, u hodh poshtë muajin e kaluar nga gjykata.

Çështja vazhdon të përfshijë edhe emra të tjerë të njohur, përfshirë Scooter Braun, Taylor Swift dhe Hugh Jackman, të cilët janë përfshirë përmes thirrjeve ose komunikimeve të përmendura në proces.

The post Nga Hollywood-i në YouTube: Përplasja e Lively përfshin emra të famshëm të rrjeteve appeared first on iconstyle.al.

Justin Baldoni, i njohur për rolin dhe regjinë e tij në “It Ends With Us”, është parë këtë fundjavë duke shijuar një ditë relaksuese në Disneyland, larg zhurmës së gjyqeve dhe tensioneve me aktoren Blake Lively.

I veshur thjesht, me një bluzë Star Wars dhe buzëqeshje të sikletshme, aktori u ndal për të përshëndetur një fanse që e filmoi papritur, moment që u shpërnda gjerësisht në rrjetet sociale dhe u vlerësua për natyrshmërinë e tij. Një ndalim i vogël, por i mjaftueshëm për të rikthyer simpatinë e publikut në një kohë të ndjeshme për të.

Ndërkohë, padia e ngritur nga Baldoni kundër Lively dhe bashkëshortit të saj Ryan Reynolds, për një konflikt mbi projektin filmik, u rrëzua nga gjykata. Sipas gjyqtarit, akuzat për “zhvatje” ishin të pabazuara dhe më shumë i ngjanin një tentative për të rifituar kontroll mbi projektin.

Avokati i Baldonit konfirmoi se nuk do të ndjekin më të njëjtën rrugë ligjore, por theksoi se kjo nuk është fundi i betejës. Nga ana tjetër, përfaqësuesit e Lively e përshkruan këtë zhvillim si një fitore të pastër, duke e konsideruar padinë si një “spektakël të pavend”.

The post Justin Baldoni nuk e ndryshon padinë ndaj Blake Lively, paralajmëron hapa të tjerë ligjorë appeared first on iconstyle.al.

Mesazhet mes Blake Lively dhe Taylor Swift mund t’i dorëzohen Justin Baldoni-t si pjesë e betejës së tij ligjore në vazhdim me aktoren, ka vendosur një gjyqtar.

Sipas Variety, gjyqtari i Gjykatës Federale të SHBA, Lewis Liman, vendosi të mërkurën se komunikimet mes Lively dhe mikes së saj, Taylor Swift, lidhur me atmosferën në setin e filmit It Ends With Us janë të rëndësishme për rastin në fjalë, shkruan BBC.

Ekipi ligjor i Lively kishte kërkuar që Baldoni të mos lejohej t’i merrte këto mesazhe, duke argumentuar se ato nuk kishin lidhje me çështjen.

Lively e paditi Baldoni-n dhe studion e tij në dhjetor, duke e akuzuar për ngacmim seksual në set dhe për udhëheqjen e një fushate për të “shkatërruar” reputacionin e saj.

Baldoni ngriti një padi kundër saj për shpifje, por kjo padi u rrëzua nga një gjyqtar javën e kaluar.

Në maj, avokatët e Baldoni-t tentuan të siguronin mesazhet drejtpërdrejt nga Taylor Swift, duke i dërguar asaj dhe ekipit të saj ligjor thirrje zyrtare (subpoena).

Megjithatë, ato u tërhoqën pasi avokatët e Swift kundërshtuan duke i cilësuar si një “gjueti e pajustifikuar për prova”.

Pas kësaj, Lively tentoi të ndalonte marrjen e mesazheve edhe nëpërmjet rrugës normale të procesit të zbulimit në gjyq.

Por gjyqtari Liman vendosi të mërkurën:

“Duke qenë se Lively ka pohuar që Swift kishte dijeni për ankesa apo diskutime në lidhje me ambientin e punës në set, ndër të tjera, kërkesa për komunikime me Swift lidhur me filmin dhe këtë çështje është e arsyeshme dhe e përshtatur për të zbuluar informacione që mund të provojnë ose hedhin poshtë pretendimet e Lively për ngacmim dhe hakmarrje”.

Në një deklaratë për Billboard, një zëdhënës i Lively u shpreh se aktorja ka “dorëzuar shumë më tepër dokumente në këtë rast” se sa Baldoni.

Ata shtuan gjithashtu se Baldoni dhe ekipi i tij i marrëdhënieve me publikun kanë tentuar që “të përfshijnë Taylor Swift në këtë histori që nga vera e kaluar”.

“Ne do të vazhdojmë të denoncojmë përpjekjet e pandalshme të Baldoni-t për të shfrytëzuar famën e zonjës Swift, që nga dita e parë ka qenë vetëm një mënyrë për të devijuar vëmendjen nga akuzat serioze për ngacmim seksual dhe hakmarrje, për të cilat ai dhe kompania Wayfarer Studios po përballen,” – thuhet në deklaratë.

Megjithatë, gjyqtari Liman theksoi se pretendimi i Lively se Baldoni po përfshin Swift-in për qëllime publiciteti “nuk është arsye e mjaftueshme për të mohuar palës tjetër të drejtën për të kërkuar prova të rëndësishme për çështjen”.

Një përfaqësues i Baldoni-t nuk pranoi të komentojë vendimin, ndërsa përfaqësuesit e Taylor Swift nuk janë përgjigjur ende ndaj kërkesave për koment. /Telegrafi/

The post Mesazhet e Blake Lively-t me Taylor Swift mund të dorëzohen si prova në çështjen ligjore me Justin Baldonin appeared first on Telegrafi.

Taylor Swift është përfshirë sërish në përplasjen ligjore mes Justin Baldoni dhe Blake Lively lidhur me filmin “It Ends With Us”, pasi një gjykatës federal hodhi poshtë kërkesën për ta thirrur atë si dëshmitare në gjyq.

Sipas dokumenteve të siguruara nga Page Six, Gjykatësi i Distriktit të SHBA-së, Lewis Liman, vendosi të mërkurën që aktori i “Jane the Virgin” ka të drejtë të kërkojë komunikimet mes Swift dhe Lively në lidhje me filmin e vitit 2024 që trajton dhunën në familje.

“Kërkesat për mesazhet me Swift lidhur me filmin dhe këtë çështje janë të përshtatura në mënyrë të arsyeshme për të zbuluar informacione që do të vërtetonin ose përgënjeshtronin pretendimet e Lively për ngacmim dhe hakmarrje”, tha gjykatësi Liman.

Ndërkohë, ekipi ligjor i Lively kishte kërkuar që të mbroheshin mesazhet e saj me këngëtaren e njohur, duke argumentuar se ato nuk janë të rëndësishme për çështjen.

Kujtojmë që aktorja e “Gossip Girl” paditi Baldonin në dhjetor për ngacmim seksual dhe për orkestrimin e një fushate për të dëmtuar reputacionin e saj.

Nga ana tjetër, avokatët e Baldonit kanë refuzuar një marrëveshje që do të shmangte përfshirjen e mesazheve të Swift, në këmbim të videove dhe komunikimeve të plota të prodhimit të filmit.

Në dokumentet gjyqësore thuhet se aktori ka akuzuar Blake se ka përdorur ndikimin e Taylor Swift dhe bashkëshortit të saj Ryan Reynolds për të marrë kontroll mbi projektin filmik. Madje, ai pretendon se është ftuar në shtëpinë e çiftit për të diskutuar ndryshime në skenar, ku ishte e pranishme edhe Swift.

Avokati i Baldonit, Bryan Freedman, ka përmendur ekzistencën e mesazheve ku Lively i referohej Swift dhe Reynolds si “dragonjtë” e saj – duke lënë të kuptohet se ishin njerëzit që do ta mbronin dhe do ta ndihmonin të përballej me produksionin.

Swift ishte zyrtarisht thirrur me fletëthirrje në maj për të dëshmuar në gjyqin që pritet të zhvillohet në mars 2026, por më vonë kërkesa u tërhoq.

Megjithatë, burime për Page Six thonë se këngëtarja është “thellësisht e mërzitur” me Lively për përfshirjen e saj në këtë çështje ligjore dhe se marrëdhënia e tyre është në krizë.

The post Taylor Swift përfshihet në betejën ligjore mes Lively dhe Baldoni appeared first on Lapsi.al.

Blake Lively ka dorëzuar një kërkesë në gjykatë për një “urdhër mbrojtës” që të ndalohet Justin Baldoni të ketë qasje në mesazhet e saj me Taylor Swoft.

Aktorja ka paraqitur dokumentet para gjykatësit Lewis J. Liman në Nju Jork të premten, duke pretenduar se përpjekjet e regjisorit dhe ekipit të tij për të marrë komunikimet e saj me këngëtaren janë pjesë e një “taktike” të planifikuar prej kohësh për të përdorur ndikimin e Swift dhe fansave të saj.

Sipas dokumenteve të siguruara nga Page Six, Lively thotë se komunikimi i saj me Swift është “jo thelbësor” për padinë kundër aktorit dhe “i parëndësishëm” për pretendimet e kompanisë së produksionit të Baldoni, Wayfarer.

Gjatë procesit ligjor, veçanërisht gjatë muajit të fundit, palët e Wayfarer kanë përdorur emrin e Swift si pjesë të strategjisë së tyre mediatike, thuhet në letër.

Ndërkohë që ekipi i Justin ka hequr dorë nga kërkimi i mesazheve mes Swift dhe Lively, duke thënë se kanë marrë informacionin që donin, avokatët e Lively kërkojnë që të mos vazhdohet më me këtë kërkesë, pasi ajo do të ishte “e përsëritur, e panevojshme dhe e tepruar.”

Një zëdhënës i Blake tha për Page Six se përpjekjet e vazhdueshme për të përfshirë Taylor Swift në këtë çështje janë një “taktikë e PR-së” dhe po shpërqendrojnë nga fakti se paditë e Baldoni kundër Lively, Ryan Reynolds, publikuesit të tyre dhe New York Times janë rrëzuar tërësisht.

Në janar, aktori kishte përfshirë Swift në betejën ligjore, duke nisur një kundërpadi prej 400 milionë dollarësh kundër Blake  dhe Ryan, ku pretendonte se këngëtarja ishte pjesë e një takimi të rëndësishëm mes tyre dhe se Lively po shfrytëzonte miqësinë me artisten për të marrë kontrollin e xhirimeve të filmit.

Por pasi Baldoni tërhoqi fletëthirrjen ndaj Swift në maj, Lively dhe ekipi i saj e cilësuan këtë si një fitore kundër përpjekjeve “ngacmuese” ndaj këngëtares.

Çështja mes Lively dhe Baldoni pritet të shkojë në gjykatë në mars 2026, duke paralajmëruar një betejë të gjatë ligjore.

The post Blake Lively kërkon ndalimin e aktorit nga mesazhet me Swift appeared first on Lapsi.al.

Blake Lively ka kërkuar ndërhyrjen e gjykatës për të mbrojtur privatësinë e saj, duke e konsideruar të papranueshme përfshirjen e komunikimeve të saj personale me Taylor Swift në një çështje ligjore që po zgjatet më shumë sesa pritej.

Sipas Daily Mail, ekipi i saj ligjor i është kundërpërgjigjur Justin Baldonit, duke e akuzuar për një “manovër mediatike” që synon të përfshijë emra të njohur si Swift dhe të nxisë vëmendje publike përmes një narrative që, sipas tyre, ka humbur seriozitetin.

Në dokumentet e dorëzuara në gjykatë thuhet se paditë për shpifje të ngritura nga Baldoni ndaj Lively, Ryan Reynolds dhe New York Times janë hedhur poshtë. Ndërkohë, avokatët e aktores kanë thirrur në gjyq Scooter Braun dhe kompaninë e tij HYBE, për të siguruar dokumente që lidhen me Melissa Nathan, një PR-iste e përmendur në dosjen kundër Baldonit.

Në rrjetet sociale kanë qarkulluar spekulime se Taylor Swift ka fshirë foto të mëparshme me Lively-n, por fansat e këngëtares kanë sqaruar se kjo ndodhi vite më parë gjatë një faze të strategjisë promocionale të albumit Reputation.

Situata ka marrë një kthesë edhe më të ndërlikuar me përfshirjen e emrave si Scooter Braun, i përfolur prej kohësh për konfliktin mbi të drejtat e albumeve të para të Swift, të cilat ajo tashmë i ka ri-marrë në zotërim dhe po i riboton me markën “Taylor’s Version”.

Seanca të tjera pritet të mbahen në javët në vazhdim, ndërsa opinioni publik e ndjek me interes një përplasje ku përzihen marrëdhënie të vjetra, strategji PR dhe shumë prapaskena nga bota e yjeve.

The post Blake Lively kërkon urdhër mbrojtës për Taylor Swift, nga përfshirja në çështjen ligjore me Justin Baldonin appeared first on iconstyle.al.

Aktorja e njohur Blake Lively po përgatitet për të çuar në gjykatë padinë e saj për ngacmim seksual kundër Justin Baldoni, dhe sipas burimeve të Deadline, ajo planifikon të thërrasë në gjyq edhe publicistin e njohur dhe CEO-n e HYPE America, Scooter Braun.

Thuhet se Braun do të thirret zyrtarisht të enjten, pasi avokatët e Lively kërkojnë të marrin informacion nga kompania e tij për Melissa Nathan – menaxherja e krizave në fushën e marrëdhënieve me publikun, e cila u punësua nga Baldoni në gusht 2024.

Në padi, Lively e akuzon Baldoni jo vetëm për ngacmim seksual, por edhe për nisjen e një fushate denigruese me qëllim shkatërrimin e reputacionit të saj në publik.

Baldoni punësoi Nathan menjëherë pasi nisën të përhapen lajmet se aktorja ishte ndjerë “e parehatshme” gjatë xhirimeve. Një nga aludimet më të diskutuar ishte se Baldoni kishte komentiar trupin e Lively duke pyetur një trajner për peshën e saj, në mënyrë që të përgatitej për një skenë ku duhej ta ngrinte.

Pas kësaj, video të vjetra ku Lively përdorte një fyerje ndaj personave transgjinorë dhe ofendonte një gazetar, u bënë virale, duke i shkaktuar asaj reagime të forta nga publiku.

Ajo u kritikua gjithashtu për përgjigjet e saj të dobëta ndaj pyetjeve mbi dhunën në familje, një temë që trajtohet në filmin It Ends With Us.

Në padinë e saj, Lively pretendon se Baldoni ka orkestruar këtë fushatë negative përmes “manipulimit social”, me synim t’i “shkatërronte karrierën”.

Përfaqësuesit e Baldoni e mohuan kategorikisht çdo akuzë, duke pretenduar se Nathan u thirr për të menaxhuar situatën pasi aktorja kishte bërë “kërcënime të shumta” për të mos marrë pjesë në xhirime apo për të mos promovuar filmin nëse kërkesat e saj nuk plotësoheshin.

Në janar 2025, Justin kundërpaditi aktoren, por padia e tij u hodh poshtë këtë javë. Ekipi i tij ligjor ka njoftuar se do të paraqesin një version të ndryshuar të padisë.

The post Scooter Braun, i përfshirë në betejën ligjore të Lively dhe Baldoni appeared first on Lapsi.al.

Aktorja Blake Lively ka reaguar për herë të parë pasi gjykata hodhi poshtë padinë për shpifje dhe shantazh prej 400 milionë dollarësh, të ngritur nga bashkëpunëtori i saj në filmin It Ends With Us, Justin Baldoni.

Në një deklaratë të fuqishme të publikuar në Instagram, Lively, 37 vjeçe, shprehu mirënjohje për 19 organizatat që u bashkuan në mbështetje të saj dhe të së drejtës së grave për të folur për sigurinë e tyre.

“Ashtu si shumë të tjera, edhe unë kam ndier dhimbjen e një padie hakmarrëse,” – shkroi ajo. “Edhe pse rasti ndaj meje u hodh poshtë, shumë gra nuk kanë mundësinë për t’u mbrojtur.”

Pas një viti të trazuar ligjor, ylli i Gossip Girl, e cila ka katër fëmijë me aktorin Ryan Reynolds, u shfaq në mbrëmjen Tribeca Artists Dinner në New York, duke reflektuar qetësi dhe vendosmëri.

Ajo premtoi se do të vazhdojë të mbrojë të drejtën e grave për të folur, për dinjitetin dhe historinë e tyre, ndërsa falënderoi publikisht të gjithë ata që qëndruan në krah të saj, miq, ndjekës e organizata.

Lively publikoi edhe një listë të plotë të organizatave që e mbështetën ligjërisht me amicus briefs, përfshirë: California Women’s Law Center, Equal Rights Advocates, Her Justice dhe Coalition Against Trafficking in Women.

Një zëdhënës i saj theksoi se këto grupe janë bashkuar për të kundërshtuar përpjekjen e Justin Baldoni për të “shkatërruar një ligj që mbron gratë që ngrejnë zërin, thjesht për të mbrojtur veten.”

The post Blake Lively reagon pas fitores në gjyqin 400 milionë dollarësh ndaj Justin Baldoni appeared first on iconstyle.al.

Një gjykatë të hënën hodhi poshtë padinë prej 350 milionë eurosh të Justin Baldonit kundër Blake Lively dhe bashkëshortit të saj, Ryan Reynolds.

Lewis J. Liman pranoi një mocion për të rrëzuar atë padi, si dhe padinë e veçantë prej 240 milionë eurosh të Baldonit kundër New York Times për shpifje, sipas dokumenteve të siguruara nga Page Six.

Gjykatësi Liman tha se Baldoni dhe kompania e tij e prodhimit, Wayfarer Studios, “nuk kanë pretenduar se Lively është përgjegjëse për ndonjë deklaratë tjetër përveç atyre në padinë e saj drejtuar Departamentit të të Drejtave Civile të Kalifornisë, të cilat mbrohen me ligj”.

Baldoni akuzon Reynolds, zëdhënësen dhe NYT

Kujtojmë që Blake Lively ngriti një padi kundër Baldonit në dhjetor 2024, duke e akuzuar atë për ngacmim seksual gjatë xhirimeve të filmit “It Ends With Us”.

Baldoni pretendoi në padinë e tij se Reynolds, zëdhënësja e Lively-t, Leslie Sloane, dhe New York Times e akuzuan atë gjithashtu për sjellje të pahijshme seksuale dhe drejtimin e një fushate shpifjeje.

Por gjykatësi Liman arriti në përfundimin se Baldoni nuk kishte paraqitur asnjë provë që Reynolds, Sloane ose Times dyshonin në vërtetësinë e pretendimeve, gjë që është e nevojshme për përgjegjësinë për shpifje sipas ligjit në fuqi.

Ekipi i Baldonit mund ta ndryshojë padinë

Ekipi ligjor i Baldonit ka afat deri më 23 qershor për të ndryshuar padinë në pjesën që lidhet me shkeljen e kontratës së nënkuptuar dhe ndërhyrjen në marrëdhëniet kontraktuale.

Avokatët e Blake Lively, Esra Hudson dhe Mike Gottlieb, e përshëndetën vendimin si një “fitore të plotë” për aktoren. “Që nga dita e parë kemi argumentuar se kjo padi prej 350 milionë eurosh është e pavlerë dhe gjykata e ka pranuar këtë”, thanë ata në një deklaratë.

Ata theksuan se më pas do të kërkojnë tarifat e avokatëve, dëmshpërblim të trefishtë dhe dëmshpërblim ndëshkues për “shpërdorim të sistemit ligjor”.

Gazetari ndryshon deklaratën mbi të cilën bazohej padia e Baldonit

Interesante është se padia e Baldonit bazohej kryesisht në një deklaratë të gazetarit James Vituscka, i cili pretendoi se zëdhënësi i Blake Lively i tha atij se Baldoni e kishte “sulmuar seksualisht” aktoren.

Megjithatë, Vituscka më vonë e tërhoqi deklaratën dhe e korrigjoi veten, duke thënë: “Doja të thoja ‘ngacmuar seksualisht’. Më vjen keq për atë gabim”. /Telegrafi/

The post Gjykata rrëzon padinë 350 milionë euroshe të Justin Baldonit kundër Blake Lively për shpifje appeared first on Telegrafi.

Një gjykatës federal ka hedhur poshtë paditë e Justin Baldoni ndaj Blake Lively, Ryan Reynolds, publicistes së tyre Leslie Sloane dhe gazetës The New York Times.

Më 9 qershor, gjykatësi Lewis J. Liman pranoi kërkesën për të hedhur poshtë padinë prej 400 milionë dollarësh të ngritur nga Baldoni dhe kompania e tij Wayfarer ndaj Lively dhe Reynolds për shpifje dhe shantazh, si dhe padinë prej 250 milionë dollarësh kundër gazetës “The New York Times” për shpifje.

Megjithatë, gjykatësi i dha ekipit ligjor të Baldoni-t afat deri më 23 qershor për të ndryshuar disa pretendime ligjore të tjera, si shkelja e marrëveshjeve të nënkuptuara dhe ndërhyrja e qëllimshme në kontrata.

“Wayfarer nuk ka paraqitur prova që Lively të ketë bërë ndonjë deklaratë tjetër përveç atyre në ankesën e saj zyrtare, të cilat janë të mbrojtura ligjërisht,” shkruhet në vendimin gjyqësor.

Avokatët e Lively-t e përshkruan vendimin si një “fitore totale dhe rehabilitim të plotë” për aktoren dhe palët e tjera të përfshira:

“Kjo padi ‘400 milionë dollarëshe’ ishte një mashtrim që gjykata e kuptoi menjëherë,” thanë ata, duke paralajmëruar se tani do të kërkojnë shpenzimet gjyqësore dhe dëmshpërblime të trefishta nga Baldoni dhe Wayfarer për “abuzim të procesit ligjor.”

Avokatja e publicistes Leslie Sloane, Sigrid McCawley, tha:

“Leslie Sloane nuk ka shpifur kurrë ndaj Baldoni-t dhe është përfshirë padrejtësisht në këtë proces. Vendimi i sotëm provon pafajësinë e saj.”

“The New York Times” ka mbrojtur raportimin e vet që nga fillimi, duke deklaruar:

“Artikulli ynë ishte i raportuar në mënyrë të kujdesshme dhe profesionale.”

Blake Lively ka depozituar padinë e saj në dhjetor 2024, duke akuzuar Baldoni për ngacmim seksual dhe hakmarrje, akuza që ai i mohon. Pasi ajo u padit nga Baldoni, ekipi i saj ligjor e quajti kundërpadinë e tij “hakmarrëse dhe pa bazë”.

Gjykimi i pritshëm midis Lively dhe Baldoni-t, në të cilin pritet të dëshmojnë të dy, është planifikuar për mars 2026.

The post Gjykata rrëzon padinë 400 milionë dollarëshe të Justin Baldoni appeared first on Lapsi.al.

Gjykata ka vendosur të rrëzojë padinë e ngritur nga regjisori dhe aktori Justin Baldoni kundër çiftit të njohur të Hollywood-it, Blake Lively dhe Ryan Reynolds, si dhe kundër publicistes së tyre dhe gazetës “The New York Times”.

Vendimi i gjykatës u dha të hënën, më 9 qershor, nga gjykatësi Lewis J. Liman, i cili miratoi kërkesën për të hedhur poshtë padinë e Baldonit dhe kompanisë së tij Wayfarer, e cila pretendonte shantazh dhe shpifje. Po ashtu, u rrëzua edhe padia tjetër prej 250 milionë dollarësh ndaj gazetës “The New York Times” për shpifje.

Sipas gjykatësit, ekipi ligjor i Baldonit mund të përpiqet ta ndryshojë padinë deri më 23 qershor, por akuzat shtesë për shkelje kontrate dhe ndërhyrje të qëllimshme mbeten të pavlefshme në formën aktuale.

Gjykatësi shtoi gjithashtu se paditësit nuk kanë paraqitur prova të mjaftueshme që tregojnë se Blake Lively, Ryan Reynolds, apo publicistja Leslie Sloane dhe gazeta Times e dinin që deklaratat që akuzonin Baldonin për sjellje të pahijshme seksuale ishin të rreme, siç kërkohet nga ligji për të mbështetur një rast shpifjeje.

Avokatët e Baldonit nuk kanë dhënë ende një koment për këtë vendim.

Padia vjen në vazhdën e ankesës së ngritur nga Lively në dhjetor të vitit 2024, ku ajo akuzonte Baldonin për ngacmim seksual dhe hakmarrje. “The New York Times” ka qëndruar gjithmonë pas raportimit të saj për këtë çështje.

The post Blake Lively dhe Ryan Reynolds çlirohen nga akuzat e Justin Baldonit appeared first on iconstyle.al.

Blake Lively është vënë në qendër të kritikave pasi një fanse ndau një përvojë të pakëndshme me të në një dyqan të New York.

Të shtunën, një vajzë me emrin Landon publikoi një video në TikTok përpara më shumë se 197 mijë ndjekësve të saj, ku tregoi se çfarë ndodhi në dyqanin Stoney Clover Lane, gjatë një vizite për të blerë me mamanë dhe motrën e saj – ndërkohë që edhe aktorja e njohur nga “Gossip Girl” ndodhej aty.

“Ishte një përvojë e tmerrshme. Nuk e kuptoj si ka ende fansa,” u shpreh ajo.

Landon tha se fillimisht nuk e kishte vënë re Lively-n, por më pas kishte dëgjuar mënyrën e ashpër me të cilën ajo po fliste me punonjësit e dyqanit.

“Ajo tha: ‘Dua një të re nga këto — jo të prekur nga klientët e tjerë. … A ka një banjo private?’”

Sipas saj, Lively ishte “shumë e ftohtë” dhe madje po injoronte edhe fëmijët e saj dhe mbesën, ndërsa zgjidhte dekorimet për çantën e personalizuar.

“Ishte kaq përçmuese. Si mund të trajtosh kështu njerëzit që po punojnë me orë të tëra në një dyqan si ky?” tha ajo.

Sapo dolën nga dyqani, Landon pretendon se truproja e Lively u vendos para hyrjes dhe e shikonte nga rruga, duke krijuar një ndjesi tensioni.

“Nëse dikush ende është fans i Blake Lively, ndoshta duhet ta rishikojë atë vendim,” përfundoi ajo.

Në të njëjtën ditë, ajo publikoi një video në Instagram Story ku shfaqej brenda dyqanit, duke treguar një çantë rozë me emra të personalizuar “B” për Blake dhe “R” që supozohet të jetë për bashkëshortin e saj, Ryan Reynolds.

“@stoneyclover = parajsa ime. Jo reklamë. Thjesht jam një fëmijë i viteve ’90 që s’do rritet kurrë kur bëhet fjalë për pastelë me shkëlqim të personalizuar,” shkroi ajo në video.

Kjo ngjarje ndodhi në kohën kur Lively është përfshirë në një betejë ligjore me aktorin/regjisorin Justin Baldoni.

Në dhjetor 2024, ajo e paditi atë për ngacmim seksual gjatë xhirimeve të filmit “It Ends With Us”, ndërsa Baldoni mohoi akuzat dhe në janar 2025 paditi Blake, bashkëshortin e saj dhe publicisten për shpifje dhe shantazh, duke kërkuar 400 milionë dollarë dëmshpërblim.

Gjykimi për këtë çështje pritet të nisë në mars 2026.

The post Blake Lively akuzohet nga fansja: Arrogante me punonjësit appeared first on Lapsi.al.

Taylor Swift dhe Blake Lively po përpiqen të jenë sërish në marrëdhënie të mira, por miqësia e tyre nuk është më si dikur. Një burim për People ka treguar se dyshja nuk po kalon më aq kohë bashkë dhe se besimi mes tyre është ende në proces rindërtimi.

Raportohet se Swift u përfshi pa dëshirë në betejën ligjore të Lively-t me Justin Baldoni, regjisorin dhe aktorin e filmit It Ends With Us, çka ndikoi në ftohjen e tyre. Megjithatë, thuhet se ato kanë rifilluar kontaktet në prill, por miqësia e ngushtë e dikurshme mbetet ende në hije.

Taylor dhe Blake janë bërë mikesha në vitin 2015, kur aktorja postoi një foto që i referohej klipit “Bad Blood”. Që atëherë, janë parë shpesh bashkë, por mesa duket, jo më me të njëjtin intensitet.

The post Taylor dhe Blake po flasin sërish, por diçka ka ndryshuar appeared first on iconstyle.al.

Blake Lively po tenton të heqë akuzat se Justin Baldoni shkaktoi stres emocional te ajo gjatë punës në filmin e tyre të vitit 2024, “It Ends With Us”.

Dokumenti i gjykatës i marrë nga Page Six të hënën zbuloi se aktorja e “Gossip Girl” kërkoi të tërhiqte akuzat për “shkaktimin e qëllimshëm të stresit emocional” dhe “shkaktimin e neglizhencës së stresit emocional” si pasojë e pretendimeve për keqbërje nga Baldoni.

Kërkesa e Lively erdhi pasi ekipi ligjor i Baldoni kërkoi që ajo të firmoste një formular leje për të aksesuar regjistrat e saj mjekësorë dhe të shëndetit mendor.

Përgjigjja e ekipit ligjor të Baldoni theksonte se regjistrat ishin të nevojshme për të provuar akuzat e aktorës për stres emocional në padinë e saj të dhënë në dhjetor 2024.

“Në vend që të përmbushnim kërkesat për regjistrat mjekësorë, avokatët e zonjës Lively kohët e fundit na informuan me shkrim se ajo po tërheq akuzat për [shkaktimin e stresit emocional]“, thotë ekipi ligjor i Baldoni në një dokument të parë të siguruar nga Page Six.

Gjykata do të vendosë nëse kërkesa e Lively do të miratohet.

Avokatët e aktores “Another Simple Favor” i thanë Page Six përmes një deklarate se kërkesa e saj ishte një pjesë e zakonshme e procesit të ligjit dhe po përdorej si një manovër për shtyp. Ata shtuan se ekipi ligjor i Baldoni po kërkonte me dëshpërim vëmendje nga mediat.

“Strategjia Baldoni-Wayfarer për të ngritur akuza hakmarrëse i ka hapur atyre mundësinë për kërkesa të reja dëmshpërblyese sipas ligjit të Kalifornisë, duke bërë që disa nga akuzat e zonjës Lively të mos jenë më të nevojshme,” tha deklarata.

“Zonja Lively vazhdon të akuzojë për stres emocional, si pjesë e shumë akuzave të tjera në padinë e saj, si ngacmim seksual dhe hakmarrje, dhe kërkon dëmshpërblime të mëdha për të gjitha akuzat e saj.”

Lively ka akuzuar Baldoni për shkaktimin e “stresit emocional të rëndë dhe dhimbje, turpërim, përçmim, frustrim dhe mundim mendor” në një paditë për ngacmim seksual.

Sipas dokumenteve, u mbajt një takim me Lively, Baldoni dhe ekipin e produksionit të filmit për të diskutuar sjelljen e tij të dyshuar, përfshirë si ai i kishte shfaqur Lively “video ose imazhe nudo të grave” dhe kishte diskutuar për varësinë e tij të kaluar nga pornografia.

Ajo akuzoi Baldoni për nisjen e një fushate shpifjeje për të shkatërruar reputacionin e saj si pasojë e denoncimeve për ngacmim seksual.

Lively më vonë tha se fëmijët e saj dhe të Ryan Reynolds — James, 10 vjeç, Inez, 8 vjeç, Betty, 5 vjeç dhe Olin, 2 vjeç — ishin gjithashtu “traumatizuar” nga drama që po zhvillohej.

The post Blake Lively tërheq disa akuza ndaj Justin Baldoni appeared first on Lapsi.al.

Aktorja e njohur Blake Lively ka bërë një hap të papritur në përballjen e saj ligjore me Justin Baldonin, duke tërhequr padinë për shkaktim të qëllimshëm dhe të pakujdesshëm të stresit emocional. Vendimi vjen mes një përplasjeje mes ekipeve ligjore, ku pala e Baldonit kishte kërkuar dokumentacion të detajuar mjekësor që mbështeste pretendimet e saj.

Sipas burimeve të afërta me çështjen, Lively ka kërkuar që padia të tërhiqet “pa paragjykim”, çka do të thotë se ajo mban të drejtën për ta riaktivizuar atë në të ardhmen. Avokatët e saj nënvizojnë se ky veprim është bërë për të mbrojtur privatësinë e të dhënave shëndetësore të aktores, dhe nuk përfaqëson një tërheqje përfundimtare apo dorëzim.

Nga ana tjetër, përfaqësuesit ligjorë të Baldonit kanë reaguar me kritika të ashpra, duke akuzuar Lively-n për shmangie të transparencës dhe përpjekje për të manipuluar procesin gjyqësor. Sipas tyre, kërkesa për tërheqje në këtë fazë synon të shmangë paraqitjen e provave kyçe në proces.

Megjithëse kjo akuzë specifike është pezulluar, pretendimet për ngacmim seksual, hakmarrje dhe shpifje ndaj Baldonit mbeten aktive në dosjen ligjore të Lively-t.

The post Tërhiqet një padi, ngrihet një tjetër, çfarë po ndodh mes Blake dhe Baldonit? appeared first on iconstyle.al.

Blake Lively ka bërë një lëvizje befasuese ligjore duke tërhequr akuzat për shkaktim të qëllimshëm dhe të pakujdesshëm të stresit emocional kundër Justin Baldonit, pas presionit të ekipit të tij ligjor për të paraqitur prova mjekësore që mbështesnin pretendimet.

Sipas dokumenteve të siguruara nga DailyMail.com, 37-vjeçarja është përpjekur të shmangë ekspozimin e të dhënave të saj shëndetësore, ndërsa kërkoi të tërhiqte paditë “pa paragjykime”, duke lënë hapur mundësinë që ato të ngrihen sërish në të ardhmen.

Por, ekipi ligjor i Baldonit, 41 vjeç, ka reaguar ashpër, duke i cilësuar veprimet e saj si përpjekje për të manipuluar procesin dhe për të shmangur transparencën, shkruan DailyMail.

“Ne po bëjmë atë që bëjnë avokatët – po përgatitemi për gjyq dhe po përqendrojmë çështjen tonë”, u shpreh një përfaqësues i Lively-t, duke mohuar çdo spekulim se tërheqja ishte një shenjë dobësie. Megjithatë, pretendimet për ngacmim seksual, hakmarrje dhe shpifje ndaj Baldonit mbeten aktive në dosjen e saj.

Në anën tjetër, Baldoni ka ngritur një kundërpadi prej 400 milionë dollarësh (372 milionë euro), duke e akuzuar Lively-n për shpifje dhe dëmtim të reputacionit profesional.

Përplasja ligjore ka përfshirë edhe emra të njohur si Taylor Swift dhe Ryan Reynolds, me pretendime se Lively kishte kërcënuar të përfshinte çiftin në mosmarrëveshje nëse Baldoni nuk do të pranonte ndryshimet në një skenë të filmit “It Ends With Us”.

Thirrjet në gjyq ndaj Swift dhe Reynolds janë rrëzuar ndërkohë, por tensioni mbetet i lartë, veçanërisht pasi u zbulua se një padi fiktive ishte përdorur nga kompania e Lively-t për të siguruar akses në prova kyçe.

Situata është komplikuar më tej nga pretendimet kontradiktore për një incident në xhirime, ku Lively e akuzoi Baldonin për një koment joprofesional. Pamje të papërpunuara zbuluan një version të ndryshëm të ngjarjes, duke vënë në dyshim saktësinë e akuzave të saj.

Baldoni, nga ana e tij, ka përforcuar ekipin ligjor me avokaten e njohur Ellyn S. Garofalo, e cila ka punuar më parë me firmën e përfaqësuar nga Swift, duke ngritur pikëpyetje të reja për rolin e këngëtares në këtë konflikt gjithnjë e më të ndërlikuar.

Përplasja mes dy aktorëve kryesorë të filmit “It Ends With Us” duket se është larg fundit – ndërsa drama ligjore, mediatike dhe personale vazhdon të tërheqë vëmendjen e publikut dhe të trazojë botën e Hollywood-it. /Telegrafi/

The post Blake Lively bën një lëvizje tronditëse, heq dorë nga akuzat për stres emocional ndaj Justin Baldonit appeared first on Telegrafi.

Taylor Swift dhe Blake Lively ende nuk flasin, pavarësisht se Justin Baldoni hoqi thirrjen ligjore ndaj artistes.

Sipas revistës Us Weekly, burime të afërta  kanë pohuar se “ka pasur heshtje totale mes Taylor dhe Blake që kur thirrja u hoq”, duke shtuar se “ato nuk do të vazhdojnë aty ku e lanë për shkak të të gjithë ngarkesës emocionale.”

Gjithçka nisi kur Baldoni e përfshiu Swift në kundërpadinë ndaj Lively, të cilën e akuzon për shpifje dhe shantazh në lidhje me xhirimet e filmit “It Ends With Us”. Ai pretendoi se aktorja kishte sjellë në një takim për skenarin  bashkëshortin e saj, Ryan Reynolds dhe Taylor Swift – të cilët ajo i quante “dragonjtë” e saj – për të ushtruar presion ndaj tij që të pranonte ndryshimet në skenar.

Swift u thirr zyrtarisht në gjykatë në fillim të majit, por përfaqësuesit e saj mohuan çdo përfshirje  në procesin krijues të filmit.

Pak javë më vonë, thirrja u tërhoq papritur, dhe burime për Page Six thanë se babai i Swift, Scott Swift, kishte ndihmuar në arritjen e një marrëveshjeje me avokatët e Baldonit për të shmangur përfshirjen ligjore të këngëtares.

Burimi shtoi se Taylor “ndihet e lehtësuar që kjo është pas saj”, por shtoi se miqësia me Lively nuk pritet të rikthehet së shpejti.

The post Drama e “It Ends With Us” prish miqësinë mes Swift dhe Lively appeared first on Lapsi.al.

Avokati i Baldonit, Bryan Freedman, ka kërkuar që dëshmia e Lively-t të transmetohet drejtpërdrejt dhe të ardhurat t’i dhurohen viktimave të dhunës në familje.

Reagimi vjen pasi aktorja është shprehur e gatshme të dëshmojë në gjyqin për ngacmim seksual ndaj Baldonit, me të cilin ka punuar në filmin It Ends With Us.

Ekipi i saj thekson se ajo e trajton çështjen me seriozitet dhe nuk bie pre e lojërave publike. Ndërkohë, Freedman e akuzon se po përdor miqtë e famshëm – përfshirë Taylor Swift dhe Ryan Reynolds – për të ndikuar opinionin publik.

Paditë për shpifje dhe ngacmim janë në proces. Situata mbetet në zhvillim…

The post Blake Lively sfidohet publikisht nga avokati i Justin Baldonit: Dëshmo live appeared first on iconstyle.al.