Ndërsa Mickoski analizon, qytetarët mezi po ia dalin mbanë. Konkretisht, të dhënat thonë se në tre muajt e fundit shporta e konsumatorit është rritur me mbi 2 mijë denarë. Domethënë, çdo qytetar në Maqedoni është më i varfër me 2 mijë denarë brenda tre muajve, thuhet në reagimin e LSDM-së.

“Vetëm muajin e kaluar, Maqedonia regjistroi inflacion prej rreth 5 përqind, që do të thotë se vlera e pagave dhe pensioneve që marrin qytetarët e vendit po ulet jashtëzakonisht shumë nga muaji në muaj.

Në të njëjtën kohë, Qeveria nuk po merr asnjë masë për të përmirësuar standardin e jetesës së qytetarëve. Mickoski jo vetëm që nuk ofron zgjidhje, por ai gjithashtu hodhi poshtë zgjidhjen e ofruar nga LSDM për të rritur pagën minimale në 500 euro.

Qeveria po i gënjen edhe pensionistët, të cilëve u ka ulur rritjen ligjore të pensioneve.

Në një kohë kur qytetarët mezi po ia dalin mbanë, mijëra euro po shpenzohen për shpenzime joproduktive si anketa, aeroplanë me qira dhe ushqime ekzotike”, thonë nga LSDM.

Për ta bërë ironinë edhe më të madhe, shtojnë nga atje, sot Mickoski ofendoi të gjithë qytetarët duke theksuar se pagat në Maqedoni nuk po rriten sepse produktiviteti i punëtorit në vend nuk po rritet. /Telegrafi/

The post LSDM: Mickoski deklaroi qartë se pagat nuk do të rriten appeared first on Telegrafi.

Ministri i Bujqësisë, Pylltarisë dhe Ekonomisë së Ujërave, Cvetan Tripunovski njofton se pas 6 vjetësh ndërprerje Liqeni i Ohrit do të shumohet me rreth një milion njësi të peshkut të Ohrit

“Sot ndodhem në Institutin Hidrobiologjik – Ohër, me rastin e shumimit me peshqi të Liqenit të Ohrit, në përputhje me marrëveshjen që kemi nënshkruar në Ministri me Institutin Hidrobiologjik – Ohër dhe Institutin për Blegtori dhe Peshkim, sipas Programit për vitin 2024”, theksoi Tripunovski.

“Detyrimi është që Liqeni i Ohrit të shumohet me peshqi me të paktën 400,000 njësi të peshkut të Ohrit, të cilat janë rritur në Institutin Hidrobiologjik – Ohër, dhe 200,000 njësi nga Instituti për Blegtori dhe Peshkim”, shtoi ministri.

Ai theksoi se është informuar nga Instituti Hidrobiologjik – Ohër se, edhe pse minimumi ishte 400,000 njësi, në fakt janë rritur 620,000 njësi të cilat do të përdoren për shumimin e Liqenit të Ohrit në periudhën e ardhshme. Nga Instituti për Blegtori dhe Peshkim njoftuan se nga minimumi i parashikuar prej 200,000 njësi, janë rritur rreth 350,000 njësi të peshkut Ohri.

“Kjo është tregues se pas gjashtë vjetësh ndërprerje, po vazhdojmë me shumimin e peshqive të asaj që përbën pasurinë tonë më të madhe, që është peshku i Ohrit”, theksoi ministri Tripunovski./Telegrafi/

“Ka një rritje të mjeteve në lidhje me Programin për Peshkim dhe Akuakulturë. Marrëveshjet për vitin e ardhshëm me Institutin Hidrobiologjik – Ohër janë në vlerë prej 3,3 milion denarë, ndërsa me Institutin për Blegtori dhe Peshkim janë 1,7 milion denarë. Numri total i peshqve që duhet të rritet nga Instituti Hidrobiologjik – Ohër është rreth 1,1 milion njësi me peshë mesatare prej 3 gram. Ndërsa Instituti për Blegtori dhe Peshkim ka detyrimin të rrisë rreth 570,000 njësi”, shtoi ministri Tripunovski./Telegrafi/

The post Tripunovski: Pas 6 vjetësh ndërprerje Liqeni i Ohrit do të shumohet me rreth një milion njësi të peshkut të Ohrit appeared first on Telegrafi.

ASh, krahu i Arben Taravarit, denoncon aktin më të ulët politik të këtij viti: shantazhin e hapur elektoral të bërë nga ministri i Shëndetësisë, Azir Aliu, dhe ortakët e tij politikë në VLEN, ndaj 155 mjekëve, motrave medicinale dhe punonjësve administrativë të Spitalit Klinik të Tetovës.

Nga ASh thonë se ky nuk është thjesht abuzim politik – ky është krim i mirëfilltë elektoral, është korrupsion i pastër dhe përdhunim i dinjitetit të profesionistëve të shëndetësisë.

“Më 22 korrik 2025, Aliu doli para kamerave me një shfaqje teatrale, duke shpallur me bujë se “problemi është zgjidhur” dhe punësimet janë të garantuara. Ai e quajti “turp” dhe “jo njerëzore” çdo vonesë. Tre javë më pas, më 14 gusht, ky ministër pa skrupuj ndryshon fjalën: punësimet shtyhen për pas zgjedhjeve, me arsyetimin qesharak “për shkak të standardeve dhe ligjeve”.
Leximi politik i këtij veprimi është brutal në thjeshtësinë e tij: “Votoni për VLEN ose harroni vendin e punës.”

Në Spitalit Klinik të Tetovës me të madhe flitet se kandidatëve u është bërë presion i drejtpërdrejtë, duke u lënë të kuptohet se vetëm një votë për VLEN është bileta për të hyrë në punë. Ky është një akt i neveritshëm i shantazhit politik – një tradhti ndaj betimit të çdo mjeku dhe infermieri për t’i shërbyer jetës, jo politikës së pistë.

Aleanca për Shqiptarët kërkon nga Prokuroria Publike dhe Komisioni Shtetëror për Parandalimin e Korrupsionit të hapin menjëherë hetime penale dhe të ndëshkojnë pa mëshirë çdo zyrtar të përfshirë në këtë skemë të pistë. Punësimet duhet të bëhen tani, menjëherë, pa kushte politike, pa pazare zgjedhore, pa blerje votash”, thonë nga ASh./Telegrafi/

The post ASh, Taravari: Spitali i Tetovës nuk është treg elektoral, VLEN dhe Azir Aliu kalojnë çdo vijë të kuqe appeared first on Telegrafi.

VLEN sot i ka reaguar BDI-së në lidhje me kërkesën për dorëheqjen e ministrit të Shëndetësisë, Azir Aliu. Nga VLEN thonë se reagimi i BDI-së ndaj ministrit të Shëndetësisë, Azir Aliu, është hipokrizia më e madhe që mund të prodhojë një parti që për mbi dy dekada e ka shkatërruar sistemin shëndetësor, e në veçanti Spitalin e Tetovës, të cilin e ka lënë në gjendje mjeruese dhe të padenjë për qytetarët.

“Nëse sot kemi nevojë për një Qendër Klinike moderne në Tetovë, kjo është pikërisht për shkak të neglizhencës dhe dështimit të BDI-së, e cila 20 vite ka marrë pushtetin me votat e qytetarëve dhe ka kthyer vetëm zhgënjim.

Le të mos harrojmë: kur Arben Taravari ishte ministër i Shëndetësisë, në vetëm një vit nuk solli asnjë projekt madhor, por la pas vetëm skandale, nga tenderët e dyshimtë me firmën e Gjokës e deri te abuzimet me licencat për kanabisin mjekësor. Sot, ky tandem BDI–Taravari kërkon të japë leksione morali.

Ndryshe nga ata, Qeveria ku bën pjesë VLEN ka marrë vendim historik: mbi 70 milionë euro do të investohen në ndërtimin e Qendrës Klinike më moderne në rajon, në Tetovë, një investim që do t’i shërbejë jo vetëm qytetarëve të Pollogut, por gjithë Maqedonisë së Veriut. Po ashtu, po modernizojmë pajisjet, po përmirësojmë kushtet dhe po hapim vende pune për profesionistët e mjekësisë.

BDI dhe Taravari le të kujtojnë se qytetarët nuk vuajnë nga amnezia, ata e dinë kush e shkatërroi shëndetësinë dhe kush po e ngre atë nga rrënojat. Ne do ta kurojmë shëndetësinë, por asnjëherë mendjen e prishur të BDI-së dhe Taravarit”, thuhet në reagimin e VLEN-it./Telegrafi/

The post VLEN: Do ta kurojmë shëndetësinë, por kurrë mendjen e sëmurë të BDI-së e Taravarit appeared first on Telegrafi.

Kryeministri i RMV-së, Hristijan Mickoski sot në Shtip, ku mori pjesë në prezantimin e pajisjeve të sapoardhura nga Shtetet e Bashkuara në kazermën “Jane Sandanski”, theksoi se ata absolutisht nuk do të tërhiqen kurrë nga negociatat me Bashkimin Evropian dhe se qëllimi i kësaj qeverie është që vendi të bëhet pjesë e BE.

Mickoski në pyetjen e gazetarëve për të komentuar iniciativën e paraqitur nga ish-deputetja dhe kryetarja e RDM-së, Liljana Popovska në Gjykatën Kushtetuese për të kontestuar Protokollin e takimit të dytë të Komisionit të Përbashkët Ndërqeveritar me Bullgarinë, për të cilin Gjykata Kushtetuese hapi rast, për të cilën tha se është më mirë të pyetet ish-deputetja për këtë, por edhe të pritet vendimi i Gjykatës.

“Absolutisht nuk do të shmangemi kurrë nga negociatat me BE-në, ky nuk është qëllimi i kësaj Qeverie, përkundrazi qëllimi ynë është të jemi pjesë e BE-së. Lidhur me paraqitjen e ish-deputetes Popovska, ajo duhet t’ju japë një përgjigje, le të presim që Gjykata Kushtetuese të marrë një vendim përfundimtar në lidhje me atë iniciativë”, tha Mickoski.

Gjykata Kushtetuese e RMV-së informoi pardje se është ngritur një çështje që konteston Protokollin e takimit të dytë të Komisionit të Përbashkët Ndërqeveritar me Bullgarinë, të miratuar më 17 korrik 2022 në Sofje, për të cilën është duke u zhvilluar një procedurë paraprake në të cilën po shqyrtohen të dhënat dhe njoftimet e nevojshme për marrjen e një vendimi./Telegrafi/

The post Mickoski: Kurrë nuk do të tërhiqemi nga negociatat me BE-në appeared first on Telegrafi.

Një shofer i ISHP “Shtëpia e Shëndetit” – Berovë u arrestua në Vinicë pasi policia i gjeti marihuanë gjatë kontrollit të automjetit zyrtar.

Prokuroria e Koçanit ka dhënë urdhër për ndalimin e tij, ndërsa pas procedurave ndaj tij do të parashtrohet kallëzim penal.

“Më 14.08.2025, rreth orës 22:00, në rrugën “Vëllezërit Miladinov” në Vinicë, zyrtarët e policisë nga SPB Vinicë, në koordinim me SPB Berovë, arrestuan B.R. (29) nga Berova, pasi gjatë kontrollit iu gjetën marihuanë dhe letrat (rizlla). Më konkretisht, pas informacioneve operative të marra paraprakisht, policia ndaloi një automjet “Dacia Sandero” me targa të Berovës, pronë e ISHP “Shtëpia e Shëndetit” – Berovë, i drejtuar nga B.R. Gjatë kontrollit, tek ai u gjet droga, pas çka u njoftua prokurori publik nga Prokuroria Themelore Publike në Koçan, i cili dha udhëzim që ai të arrestohej. Pas dokumentimit të rastit, ndaj B.R. do të parashtrohet kallëzim përkatës”, thonë nga MPB.

The post Kapen lëndë narkotike në automjetin e ISHP “Shtëpia e Shëndetit” – Berovë, ndalohet shoferi appeared first on Telegrafi.

BDI kërkon dorëheqjen e ministrit të Shëndetësisë, Azir Aliu, për shkak, siç thonë nga atje, mashtrim publik dhe manipulim me punësimet në spitalin e Tetovës.

“BDI dënon me ashpërsinë më të madhe mashtrimin publik të kryer nga Ministri i Shëndetësisë, Azir Aliu, i cili ka manipuluar me vendimet për punësime në Spitalin Klinik të Tetovës, duke mashtruar 155 punonjës dhe gjithë opinionin publik.

Dje kemi dëshmuar një absurditet skandaloz: Azir Aliu e demanton Azir Aliun. Fillimisht njoftoi për punësime, pastaj i mohoi ato, duke dëshmuar se i gjithë procesi ishte një gënjeshtër politike për të fituar pikë elektorale mbi kurrizin e qytetarëve dhe punëtorëve të shëndetësisë.

Nuk mund të relativizojmë gënjeshtrën dhe mashtrimin. Duhet ta hedhim poshtë këtë teori të rrezikshme të manipulimit politik, ku një ministër hapur deklaron se çështja është kryer, madje akuzon të tjerët në atë kohë për gënjeshtarë, për të thënë sot se asgjë nuk është kryer, por “pas prolongimit do të kryhet”. Kjo nuk është politikë e përgjegjshme, kjo është tallje me qytetarët.

Ky duhej të ishte një akt i paprecedent, por fatkeqësisht po bëhet i përditshëm për funksionarët shqiptarë të cilët pa legjitimitet po rijnë në qeveri, gjë që tregon për mungesë përgjegjësie, mungesë transparence dhe përbuzje ndaj qytetarëve dhe gjithë Maqedonisë së Veriut. Ministri Aliu ka humbur çdo kredibilitet dhe nuk mund të qëndrojë më asnjë ditë në krye të Ministrisë së Shëndetësisë”, thonë nga BDI./Telegrafi/

The post BDI: Azir Aliu duhet të japë dorëheqje menjëherë për mashtrimet në Spitalin Klinik të Tetovës appeared first on Telegrafi.

Lidhja Auto-Moto e Maqedonisë njofton se trafiku në rrugët shtetërore po zhvillohet pa probleme, në rrugë të thata.

Nga atje thonë se intensiteti i trafikut në rrugët jashtë zonave urbane është rritur.

“Për shkak të pushimeve verore, ka një frekuencë të shtuar të automjeteve në pikat kufitare. Në pikën kufitare Tabanocë , koha e pritjes për hyrje dhe dalje nga vendi është rreth 15-30 minuta. Në pikat e tjera kufitare, nuk ka vonesa më të gjata gjatë hyrjes ose daljes nga vendi”, thonë nga LAMM./Telegrafi/

The post Në Tabanoc koha e pritjes për hyrje dhe dalja nga RMV është rreth 30 minuta appeared first on Telegrafi.

MPB njofton se janë ndaluar dy persona në Kumanovë dhe Tetovë për shkak se dyshohen se me qëllim kanë shkaktuar zjarr në hapësira të hapura.

“Më (14.08.2025) në orën 18:30, policia nga SPB Kumanovë kanë ndaluar S.S. (57) nga Kumanova për shkak të dyshimit për kryerjen e veprës penale “shkaktim i rrezikut të përgjithshëm”. Konkretisht, në lagjen Rajkova Kuka në drejtim të fshatit Nikulski Pat, ai shkaktoi një zjarr, gjatë të cilit u dogjën bar i thatë, një automjet pasagjerësh “Audi”, një shtëpi e braktisur dhe fusha.

Gjithashtu në orën 20:00, në vendin e quajtur Brest Atar në fshatin Çelopek, policia nga Departamenti i Policisë së Zherovjanit kanë ndaluar I.M. (41) nga fshati Çelopek për shkak të dyshimit për zjarrvënie të qëllimshme. Po ndërmerren masa për sqarimin e rastit, pas së cilës do të pasojë një raport përkatës”, thuhet në njoftimin e MPB-së./Telegrafi/

The post Ndalohen dy persona në Kumanovë dhe Tetovë, dyshohen për zjarrvënie të qëllimshme appeared first on Telegrafi.

Policia e Kumanovës ka ndaluar pesë persona të moshës 19 deri në 32 vjeç për një rrahje në një lokal ushqimor në “Garnizon” të Kumanovës, njoftoi sot SPB Kumanovës].

“Sot në orën 00:10, oficerët e policisë së SPB Kumanovë arrestuan R.A. (26), H.R. (21), Z.E. (22), A.R. (32) dhe Sh.Sh. (19), të gjithë nga Kumanova, sepse sulmuan fizikisht disa persona në një lokal ushqimor në rrugën “Goce Delçev” në Kumanovë dhe dëmtuan inventarin në lokal”, njoftojnë nga policia.

Personat janë ndaluar në stacionin policor dhe pas dokumentimit të plotë të rastit, ndaj tyre do të ngrihen akuza përkatëse.

The post Ndalohen pesë persona në Kumanovë, janë përleshur në një lokal appeared first on Telegrafi.

Skandali me skemat e OBRM-PDUKM në Erasmus+ me vlerë miliona euro duhet të sqarohet plotësisht nga Prokuroria dhe duhet të pasohet llogaridhënia, thonë nga LSDM.

“Qeveria ka emëruar një person nën hetim aktiv nga Zyra Evropiane Kundër Mashtrimit (OLAF) si drejtor të përkohshëm të Agjencisë Kombëtare.

Kjo tregon qartë qëllimin e qeverisë për të mbrojtur interesat partiake dhe të biznesit me çdo kusht, për të provuar të ndikojë në çështjen që është në Prokurorinë Publike pasi OLAF dorëzoi raportin me të gjitha gjetjet.

Raporti zyrtar i OLAF nga viti 2023 deklaron ekzistencën e një dyshimi të bazuar për keqpërdorimin e mbi 2.2 milionë eurove të parave evropiane gjatë qeverisjes së Gruevskit, duke filluar nga viti 2016.

Qeveria duhet të shkarkojë menjëherë Ana Mihajllovan, ndërsa Prokuroria Publike duhet të veprojë pa vonesë mbi gjetjet e OLAF”, thonë nga LSDM./Telegrafi/

The post LSDM: Skemat milionëshe të OBRM-PDUKM-së në Erasmus+ duhet të sqarohen dhe duhet të pasohet llogaridhënia appeared first on Telegrafi.

Që nga ora 07:00 e mëngjesit të sotëm, në vend janë regjistruar gjithsej 25 zjarre, dy prej të cilave janë aktive dhe tre janë nën kontroll, njoftojnë nga Qendra e Menaxhimit të Krizave (QMK).

Sipas të dhënave, janë shuar 20 zjarre.

Zjarret janë aktive në zonën e “Jasen”, komuna Makedonski Brod, ku po digjet një mal i përzier, dhe në Oktishka Krasta në Strugë, ku po digjet bimësi e ulët.

Zjarret janë nën kontroll në Komunën Saraj, fshati Radusha drejt fshatit Vorcë ku është prekur bimësia e ulët, Komuna e Haraçinës ku është prekur poashtu bimësia e ulët, dhe në Komunën e Demir Hisarit, fshati Malo Ilino ku zjarri ka prekur një pyll lisi.

The post QMK: Zjarri në Jasen është ende aktiv appeared first on Telegrafi.

Qeveria ka miratuar metodologji të re për llogaritjen dhe ndarjen e mjeteve financiare me të cilat komunat organizojnë arsimin fillor dhe të mesëm, zbatimi i së cilës fillon më 1 janar të vitit 2026. Metodologjia është zhvilluar nga Ministria e Arsimit dhe Shkencës me mbështetjen e UNICEF-it, Bankës Botërore, Ambasadës Zvicerane, shoqatës ZMAI, ZELS dhe qeverive lokale, ndërsa pritshmëria është që ndryshimi të stimulojë proces edukativo-
arsimor me cilësi më të mirë .

Sot në konferencë për shtyp në MASH, ministrja e Arsimit dhe Shkencës Vesna Janevska tha se ndryshimi i formulave për llogaritjen e bllok -granteve ishte i nevojshëm, sepse ato ekzistuese nuk sigurojnë efikasitet në financim. Aktualisht, sa 90% e mjeteve të cilat i marrin komunat përdoren për të paguar pagat dhe shpenzimet e përgjithshme të shkollave, që është dukshëm mbi mesataren e BE-së prej 70% .Bllok -grantet po rriten, por kryesisht vetëm për të mbuluar rritjen e pagave, dhe jo për zhvillimin e shkollave dhe përmirësimin e cilësisë së mësimdhënies.

Janevska shpjegoi se formula e re për financimin e arsimit fillor ka dy komponentë – bazë dhe variabël.

Komponenti bazë do të mbulojë shpenzimin e standardizuar për nxënës, të cilën e kemi përcaktuar të jetë 112,747 denarë në vit. Këtu përfshihen pagat dhe kontributet e punonjësve, zhvillimi i tyre profesional dhe shpenzimet e përgjithshme të shkollës. Ky komponent merr parasysh nivelin e zhvillimit të shkollave, i cili llogaritet me koeficient që varion nga 0.75 deri në 2.55. ”

“Kështuqë , shkollat më të zhvilluara do të marrin një shumë më të vogël, dhe shkollat më pak të zhvilluara, në përputhje me normën e përcaktuar për hapsirat dhe pajisjet, do të marrin një shumë më të madhe, për të përshpejtuar zhvillimin e tyre.

Komponenti variabël është për shpenzimet e transportit të nxënësve, mbështetja për nxënësit me nevoja të veçanta arsimore, për nxënësit që vijojnë mësimin në gjuhën turke, boshnjake dhe serbe dhe për nxënësit që vijojnë mësimin në shkollat rajonale”, tha Ministrja.

The post MASH-Maqedoni: Metodologjia e re për financimin e arsimit fillor dhe të mesëm do të stimulojë procesin edukativo-arsimor me cilësi më të mirë appeared first on Telegrafi.

Zëvendëskryeministri i parë, Izet Mexhiti në seancën solemne me rastin e 24-vjetorit nga nënshkrimi i Marrëveshjes Kornizë të Ohrit tha se qeveria aktuale është e angazhuar për të siguruar barazi reale, pasi sipas tij, pasojat e barazisë formale po ndjehen tani, përcjell TV21. Duke shtjelluar çështjen e barazisë formale, respektivisht kontestimin e Ligjit për Përdorimin e Gjuhëve dhe shfuqizimin e Balancuesit nga Gjykata Kushtetuese, Mexhiti dërgoi mesazh deri te Kushtetuesja, për të cilën tha se duhet të respektojë marrëveshjet paqësore dhe mekanizmat që dalin nga këto marrëveshje.

“Qeveria që përfaqësoj, është e përkushtuar në ndërtimin e një sistemi ligjor dhe institucional që garanton barazi reale dhe jo vetëm formale. Kjo nuk është thjesht një detyrë ligjore, por një mision politik dhe moral, sepse pasojat e barazisë formale po i ndjejmë të gjithë sot. Pasojë e barazisë formale është ligji gjysmak për përdorimin e gjuhës shqipe i cili po kontestohet në Gjykatën Kushtetuese, por edhe mekanizmi i Balancuesit të cilin e shfuqizoi Gjykata Kushtetuese. Dhe ku jemi të gjykata, më lejoni të theksoj se në një shtet multietnik, Gjykata Kushtetuese ka një mision shumë më delikat strategjik sesa në një shtet homogjen etnikisht, sepse nuk e mbron vetëm rendin kushtetues në kuptimin formal, por edhe kohezionin shtetëror dhe paqen ndërmjet komuniteteve.

Gjykata Kushtetuese në vendin sikur i joni, duhet të jetë garantues i barazisë kushtetuese. Ajo duhet të jetë mbrojtëse e marrëveshjeve politike themelore, pra mekanizmave që burojnë nga një marrëveshje paqësore. Ajo duhet t’i respektojë dhe interpretojë me qëllim ruajtjen e balancit etnik në shtet. Gjykata Kushtetuese si gardian i Kushtetutës, ka për qëllim thelbësor të kontribuojë në ndërtimin e besimit ndëretnik, pra të sjell vendime të argumentuara, transparente dhe që flasin në gjuhën e të gjitha komuniteteve. Gjykata Kushtetuese duhet t’i interpretojë ligjet komform Kushtetutës dhe frymës së saj, dhe jo vetëm të bëjë leximin bardh e zi të neneve të saj”, tha mes tjerash Mexhiti.

Zëvendëskryeministri Mexhiti tha se pavarësisht sfidave, qeveria aktuale po përforcon përdorimin e gjuhës shqipe dhe përfaqësimin e drejtë dhe adekuat.

The post Mexhiti: Jemi të përkushtuar për barazi reale, pasojat e barazisë formale po i ndjejmë të gjithë appeared first on Telegrafi.

Kryetari i Kuvendit të Maqedonisë së Veriut, Afrim Gashi, ka përkujtuar sot 24-vjetorin e nënshkrimit të Marrëveshjes së Ohrit, duke e cilësuar atë si një dokument historik që i dha fund konfliktit të vitit 2001 dhe hapi rrugën për paqe, barazi dhe bashkëjetesë në vend.

“Sot përkujtojmë 24-vjetorin e nënshkrimit të Marrëveshjes së Ohrit, një marrëveshje e cila jo vetëm që i dha fund një konflikti, por hapi rrugën për paqe, barazi dhe bashkëjetesë në Republikën e Maqedonisë së Veriut”, u shpreh Gashi në një reagim publik.

Ai theksoi se Marrëveshja e Ohrit nuk duhet të trajtohet thjesht si një simbol historik, por duhet të shndërrohet në një standard praktik që garanton funksionimin demokratik të shtetit.

“Është koha që Marrëveshja e Ohrit të mos jetë më vetëm simbol i paqes, por një standard praktik i barazisë, përfaqësimit dhe drejtësisë. Duhet të kalojmë nga një respektim minimal, në një avancim të saj që i shërben zhvillimit demokratik, në përputhje me realitetin dhe aspiratat tona europiane”, tha ai.

Gashi bëri thirrje për unitet ndërmjet të gjithë qytetarëve të vendit, duke e cilësuar Marrëveshjen si një themel të përbashkët për një shtet që i përket të gjithëve.

The post Gashi: Marrëveshja e Ohrit, themel për barazi dhe paqe appeared first on Telegrafi.

Më 13 gusht 2001, në rezidencën presidenciale në Ohër, u nënshkrua Marrëveshja Kornizë e Ohrit – një dokument historik që i dha fund konfliktit të armatosur në Maqedoninë e Veriut dhe hapi një kapitull të ri për avancimin e të drejtave të shqiptarëve në vend.

Sot, në 24-vjetorin e nënshkrimit, rikujtohet rëndësia e kësaj marrëveshjeje, e cila u arrit mes përfaqësuesve të qeverisë së atëhershme, liderëve politikë të shqiptarëve dhe ndërmjetësve ndërkombëtarë nga Bashkimi Evropian dhe Shtetet e Bashkuara të Amerikës.

Marrëveshja garantoi: Përdorimin zyrtar të gjuhës shqipe në institucionet shtetërore dhe administratë; Përfaqësim proporcional të shqiptarëve në ushtri, polici dhe administratë; Decentralizim dhe kompetenca të zgjeruara për vetëqeverisjen lokale; Ndryshime kushtetuese, me qëllim sigurimin e barazisë së komuniteteve etnike; Qëllimi i Marrëveshjes Kornizë ishte ndërtimi i një shoqërie të qetë dhe të harmonizuar qytetare, me respekt të plotë për identitetin etnik dhe të drejtat e çdo qytetari.

Nënshkrues të kësaj marrëveshjeje ishin: kryetari i atëhershëm i Maqedonisë, Boris Trajkovski, kryeministri i atëhershëm, Ljubço Georgievski, liderët e LSDM-së Branko Cërvenkovski, të PPD-së, Imer Imeri dhe ai i PDSH-së, Arbën Xhaferi.

The post 24 vjet nga Marrëveshja e Ohrit appeared first on Telegrafi.

Tre zjarre janë aktive në hapësira të hapura nga gjithsej 33 të regjistruara në 24 orët e fundit në territorin e vendit, deri në orën tetë të mëngjesit të sotëm. Dy janë nën kontroll, ndërsa të tjerat janë shuar, njoftojnë nga Qendra për Menaxhim me Kriza (QMK).

Nga tre zjarret aktive, siç u tha, dy janë në territorin e komunës së Makedonski Brod, dhe një në zonën e Sarajit. Në “Jasen” po digjet një mal i përzier, ndërsa në territorin e fshatit Krapa është djegur bimësi e ulët dhe mal me kërcell të ulët. Zjarri në territorin e komunës së Sarajit është në rajonin e fshatit Radushë drejt fshatit Vorcë. Atje po digjet bimësi e ulët.

Zjarri në zonën e fshatit Nerav, vendi i quajtur “Biljino”, komuna e Kriva Pallankës, ku u dogj bimësi e ulët dhe pyll, është vënë nën kontroll. Zjarri i dytë i vënë nën kontroll është në territorin e komunës së Kërçovës, në zonën e fshatit Çelopeci, dhe është djegur mal me kërcell të ulët./Telegrafi/

The post QMK: Janë regjistruar 33 zjarre, tre ende janë aktiv appeared first on Telegrafi.

Lidhja Auto-Moto e Maqedonisë njofton se për shkak të zjarrit në “Jasen” komunikacioni në rrugën R1106 Makedonski Brod – Shkup është e mbyllur për të gjitha llojet e automjeteve.

Nga atje thonë se komunikacioni në vend po zhvillohet pa pengesa dhe në rrugë të thata.

“Komunikacioni jashtë mjediseve urbane po zhvillohet me intensitet të rritur.

Për shkak të pushimeve verore, ka një frekuencë të shtuar të automjeteve, por nuk ka vonesa më të gjata në pikat kufitare për hyrje dhe dalje nga vendi”, thonë nga LAMM./Telegrafi/

The post LAMM: Për shkak të zjarrit në “Jasen” ndërpritet komunikacioni në rrugën Makedonski Brod – Shkup appeared first on Telegrafi.

Në vitin e fundit MPB-ja kumtoi se ka shkatërruar 14 grupe kriminale të organizuara, në të cilat kanë marrë pjesë 201 persona fizikë dhe 18 persona juridikë.

Janë zbuluar 64 raste të kontrabandës të migrantëve me rreth 430 persona, dhe janë parandaluar 6,000 përpjekje për tranzit ilegal – pothuajse 50% më pak se viti i kaluar.

Në bashkëpunim me FRONTEX, janë kryer kontrolle në kufij, dhe janë zbuluar raste të lidhura me falsifikim parash, terrorizëm, prostitucion, korrupsion të lartë me vlerë mbi 16 miliardë denarë, trafik droge dhe rrjete ndërkombëtare për kontrabandës.

MPB-ja paralajmëron vazhdimin e luftës pa kompromis kundër krimit.

The post MPB: Shkatërrohen 14 grupe kriminale, 201 persona në hetim appeared first on Telegrafi.

SPB Tetovë sot ka dhënë detaje për vrasjen që ndodhi ditën e diel në Tetovë. Nga atje thonë se për rastin janë kryer bastisje në disa lokacione, me çka janë ndaluar katër të dyshuar.

“Më 11.08.2025, në periudhën prej orës 12:50 deri në orën 15:00, në fshatin Gajre të Tetovës, në bazë të urdhrit të gjykatës dhe në lidhje me shkëmbimin e zjarrit që ndodhi më 10.08.2025 në Tetovë, është kryer bastisje në disa lokacione në fshatin Gajre të Tetovës, ku u gjetën sende me interes për hetimin.

Gjatë bastisjeve, u arrestuan dy femra, A.M. (41) dhe E.M. (19), si dhe dy të mitur të moshës 15 dhe 17 vjeç, të gjithë nga fshati Gajre.

Po ndërmerren masa dhe aktivitete për zbardhjen e plotë të rastit dhe për gjetjen e personave të tjerë të përfshirë në shkëmbimin e zjarrit”, thonë nga SPB Tetovë./Telegrafi/

The post Policia jep detaje për vrasjen në Tetovë, janë ndaluar katër persona appeared first on Telegrafi.