TIRANË, 20 gusht /ATSH/  Ministrja e Shtetit për Sipërmarrjen dhe Klimën e Biznesit, Delina Ibrahimaj, vlerësoi sot historinë frymëzuese të sipërmarrësit Bujar Bakiu dhe kompanisë së tij Solaris Nexus, si një shembull konkret të inovacionit shqiptar në fushën e energjisë së rinovueshme.

Ibrahimaj ndau në rrjete sociale historinë e Bujarit, teksa bëri të ditur se, “falë mbështetjes nga Grant 2024, projekti i tij për integrimin e inteligjencës artificiale në impiantet diellore kaloi nga faza MVP (produkt minimal i vlefshëm) në një zgjidhje funksionale që tashmë po përdoret nga klientë të rëndësishëm”.

Sipas saj, Solaris Nexus ka sjellë optimizim të kostove të prodhimit të energjisë dhe rritje të ndjeshme të efikasitetit, duke e kthyer Shqipërinë në një aktor premtues në tranzicionin e gjelbër teknologjik.

Lidhur me atë se çfarë e motivoj Bujarin për këtë projekt, ai tregon se motivimi për Solaris Nexus, erdhi nga pasioni i tij dhe i skuadrës për energjinë e rinovueshme.

“Dëshira jonë për të pasur një impakt pozitiv në ambient dhe në energinë e rinovueshme, na motivon ta vazhdojmë zhvillimin e Solaris Nexus. Vështirësia më e madhe ka qënë bindja e klientëve të parë testues për të na dhënë një shans. Shumë prej tyre ishin ose shumë të vegjël, ose duke përdorur një zgjidhje tjetër konklurrente”, u shpreh ai.

Sot, kompania po synon të zgjerojë veprimtarinë në 3 kontinente, ndërsa motivimi i themeluesit Bakiu mbetet i qartë: “Të lëmë një gjurmë pozitive në mjedis dhe të përshpejtojmë kalimin drejt energjisë së pastër”.

1 nga 2

/e.xh//a.f/

The post Ibrahimaj: “Solaris Nexus”, fituese e grantit 2024 dhe shembull inovacioni në energji appeared first on Agjencia Telegrafike Shqiptare.

TIRANË, 20 gusht /ATSH/ Ministri i Financave, Petrit Malaj, bëri të ditur se buxhetimi gjinor është tashmë pjesë e pandashme e procesit të hartimit të projektbuxhetit vjetor, me synimin për të lehtësuar ose eliminuar pabarazitë gjinore në fusha të ndryshme të jetës shoqërore dhe ekonomike.

Malaj tha se, “për vitin 2025, janë parashikuar 89 miliardë lekë për mbështetjen e politikave me bazë gjinore, të shpërndara në 77 programe në rritje të ndjeshme krahasuar me 39 programe që ishin në vitin 2019”.

Sipas tij, buxheti i përgjithshëm gjinor zë 10,8% të shpenzimeve totale të buxhetit 2025.

Ky progres reflekton angazhimin e qeverisë për ndërtimin e një sistemi buxhetor gjithëpërfshirës, ku nevojat dhe prioritetet e grave dhe burrave të trajtohen në mënyrë të barabartë, përmes politikave të drejta dhe të mirë-targetuara.

1 nga 4

/a.f/

The post Malaj: 10,8% e shpenzimeve buxhetore në mbështetje të politikave me bazë gjinore appeared first on Agjencia Telegrafike Shqiptare.

TIRANË, 19 gusht /ATSH/ Ministria e Bujqësisë dhe Zhvillimit Rural ka hapur zyrtarisht konsultimin publik për projektligjin “Për kontrollet zyrtare”, një nismë e rëndësishme që synon forcimin e sigurisë ushqimore dhe mbrojtjen e shëndetit publik në Shqipëri.

Qëllimi i ligjit është të garantojë standarde të larta të sigurisë në të gjithë zinxhirin ushqimor,  nga prodhimi deri te konsumi, duke përfshirë produkte me origjinë shtazore, bimët, OMGJ-të dhe ushqimin për kafshë.

Ligji parashikon risi në protokollet e kontrollit: Kontroll i bazuar në vlerësimin e riskut, jo në supozime; Inspektime pa njoftim paraprak për të reflektuar realitetin në terren; Procedura të detajuara për therjen, inspektimin dhe mbikëqyrjen veterinare; Rregulla të veçanta për produktet OMGJ dhe etiketimin.

Projektligji parashikon tarifa për kontrollet zyrtare dhe gjoba nga 100,000 deri në 2,000,000 lekë për shkelje të rënda, si veprimtaria në njësi të paregjistruara apo të pambikëqyrura.

Konsultimi publik është i hapur deri më 16 shtator 2025, duke i dhënë mundësi qytetarëve, ekspertëve dhe grupeve të interesit të japin kontributin e tyre në përmirësimin e legjislacionit për një ushqim më të sigurt në tryezën e çdo familjeje shqiptare.

/e.xh//a.f/

The post Në konsultim publik ligji i ri “Për kontrollet zyrtare”, forcim i sigurisë ushqimore dhe gjoba për shkelësit appeared first on Agjencia Telegrafike Shqiptare.

TIRANË, 20 gusht /ATSH/ Në fshatin Grabovicë të Pogradecit, familja Caco ka kthyer pasionin për kultivimin dhe përpunimin e rrushit në një histori të vërtetë suksesi.

Ministrja e Bujqësisë dhe Zhvillimit Rural, Anila Denaj, ndau në rrjete sociale historinë e Ersol Cacos, që duke ndjekur traditën familjare, ka ngritur një nga kantinat më të vlerësuara të verës në Shqipëri.

“Vera e prodhuar nga kjo kantinë sot përfaqëson me dinjitet vendin në tregjet ndërkombëtare”, u shpreh Denaj.

Me përkushtim ndaj cilësisë dhe inovacionit, Kantina “Caco” po sjell risi në prodhimin e verërave, si vera rose me bulëza nga rrushi Pamid, një varietet autokton i zonës së Pogradecit.

Ersoli tregon se aktualisht në këtë kantinë prodhohen 6 lloje verërash autoktone dhe po zhvillohen dy drejtime kryesore: zgjerimi i sipërfaqeve të mbjella me vreshta dhe shtimi i vreshtave farë autoktone.

“Në këtë linjë, ne po punojmë për prodhimin e një produkti të ri që përfaqëson territorrin, duke sjellë dhe një teknikë të re për zonën tonë, pasi është një rajon që ka potencial të madh për zhvillimin e verërave me gaz. Pra do të kemi një verë me gaz, e prodhuar me metodë klasike “Roze” që do të përfaqësoj shumë mirë dhe zonën tonë”, tha ai.

Rritja e kërkesës dhe standardet e larta po e kthejnë këtë kantinë në një shembull frymëzues për zhvillimin e agroturizmit dhe përkrahjen e prodhimit vendas.

1 nga 3

/e.xh//a.f/

The post Denaj: Familja Caco në Pogradec, nga tradita në sukses me prodhimin e verërave autoktone appeared first on Agjencia Telegrafike Shqiptare.

TIRANË, 20 gusht /ATSH/ Drejtoria e Përgjithshme e Tatimeve njofton se në gjashtëmujorin e parë të vitit 2025 janë regjistruar 2,138 tatimpagues më shumë për tatimin në burim, krahasuar me të njëjtën periudhë të vitit 2024.

Sipas DPT-së, ky rezultat reflekton: Përmirësimin e procesit të formalizimit të ekonomisë dhe forcimin e bashkëpunimit midis administratës tatimore dhe sipërmarrjes; Rritjen e ndërgjegjësimit të bizneseve për përmbushjen e detyrimeve tatimore.

Tatimi në Burim është një element i rëndësishëm i sistemit tatimor që garanton mbledhjen e të ardhurave në mënyrë të drejtë dhe transparente, duke kontribuar në një ekonomi më të rregullt dhe të qëndrueshme.

Kategoritë e të Ardhurave për të cilat mbahet Tatimi në Burim  janë: dividenti; honoraret, jorezidentet  lojarat e fatit e per qiratë.

/a.f/

The post Rritet numri i tatimpaguesve për tatimin në burim, 2,138 më shumë në gjashtëmujorin e parë 2025 appeared first on Agjencia Telegrafike Shqiptare.

TIRANË, 20 gusht /ATSH/ Ministria e Ekonomisë, Kulturës dhe Inovacionit ka intensifikuar mbështetjen për familjet në nevojë përmes programeve të strehimit social, duke dyfishuar numrin e përfituesve krahasuar me një vit më parë.

Ministri Blendi Gonxhja bëri të ditur se në vitin 2025, synohet përmirësimi i kushteve të banimit për 1,253 familje, në krahasim me 650 familje të mbështetura gjatë vitit 2023.

Sipas tij, Programi Kombëtar i Mbështetjes Sociale përfshin: Subvencionimin e qirave; Kreditë e buta për strehim; Rikonstruksionin e banesave ekzistuese; Projekte bashkiake për banesa sociale të reja

“Qëllimi ynë është strehim i përballueshëm, i përshtatshëm dhe i qëndrueshëm për çdo qytetar, duke rritur standardin e jetesës në të gjithë vendin” tha ministri Gonxhja.

Kjo nismë përbën një hap konkret në drejtim të fuqizimit të politikave sociale dhe përfshirjes më të madhe të grupeve në nevojë në zhvillimin e qëndrueshëm urban.

1 nga 7

/e.xh//a.f/

The post Strehimi social, Gonxhja: 1,253 familje përfituese në vitin 2025 appeared first on Agjencia Telegrafike Shqiptare.

TIRANË, 20 gusht /ATSH/ Ministri i Mbrojtjes, Pirro Vengu, bëri të ditur se Kompleksit Muzeal të Forcave të Armatosura në Bërzhitë, të Tiranës, do t’i shtohen hapësira bashkëkohore, që do të lidhin historinë me komunitetin dhe të shkuarën me të ardhmen.

“Ky projekt modern do të kthejë kompleksin në një rrëfim arkitektonik, duke sjellë më pranë qytetarit jo vetëm një muze, por edhe një hapësirë të përbashkët për kujtesë, identitet dhe bashkëjetesë”, theksoi ministri.

Vengu ndau në rrjete sociale pamje të Kompleksit Muzeal të Forcave të Armatosura në Bërzhitë, teksa vuri në dukje se, Pojekti do të respektojë ndërtesat ekzistuese dhe natyrën përreth.

Gjithajshtu nënvizoi ministri, projekti parashikon shtimin e godinave dhe hapësirave funksionale që do të përdoren për aktivitetet e përditshme të Forcave të Armatosura dhe industrisë së mbrojtjes.

Ky zhvillim pritet ta shndërrojë kompleksin në një pikë referimi për publikun dhe një urë lidhëse midis trashëgimisë ushtarake dhe vizionit të ardhshëm të mbrojtjes.

1 nga 12

/e.xh//a.f/

The post Vengu: Projekti muzeal i FA në Bërzhitë, urë mes historisë dhe së ardhmes appeared first on Agjencia Telegrafike Shqiptare.

TIRANË, 20 gusht /ATSH/ Ministrja e Bujqësisë dhe Zhvillimit Rural, Anila Denaj, bëri të ditur se gjatë gjashtëmujorit të parë të vitit 2025, eksportet e verës shqiptare arritën në 17,785 ton, duke shënuar një rritje prej 82% krahasuar me të njëjtën periudhë të një viti më parë.

“Vreshtaria dhe prodhimi i verërave cilësore shqiptare janë kthyer në një sektor kyç për zhvillimin ekonomik rural dhe në një simbol të brandit ‘Made in Albania’”, u shpreh ministrja Denaj.

Verërat shqiptare po fitojnë gjithnjë e më shumë pranueshmëri në tregjet elitare ndërkombëtare, duke marrë çmime dhe vlerësime prestigjioze, dhe duke afirmuar vendin e tyre mes markave të njohura globale.

Ky zhvillim dëshmon për një transformim cilësor në sektorin e bujqësisë dhe agropërpunimit, i cili po reflekton gjithnjë e më shumë potencialin eksportues të produkteve shqiptare në tregjet evropiane dhe botërore.

/a.f/

The post Denaj: Rritje me 82% e eksporteve të verës shqiptare appeared first on Agjencia Telegrafike Shqiptare.

TIRANË, 19 gusht /ATSH/ Shkëmbimet tregtare me vendet e BE-së për shtatëmujorin e këtij viti, zënë 56,7 % të gjithë tregtisë.

Sipas raportit të Institutit të Statistikave për tregtinë e jashtme në periudhën janar-korrik 2025, eksportet drejt vendeve të BE-së zunë 67,3 % të eksporteve gjithsej dhe importet nga vendet e BE-së përbënë 51,8 % të importeve gjithsej.

Partnerët kryesorë tregtarë për këtë periudhë janë: Italia me 26,9 %, Kina me 9,3 %, Greqia me 7,6 % dhe Turqia me 7,1 %.

Përtej BE-së, gjatë kësaj periudhe u shënua rritje e ndjeshme e eksporteve drejt Kosovës me 72,5%, ndërsa importet nga Turqia dhe Kina vijojnë të rriten.

INSTAT bën të ditur se, në shtatëmujorin janar–korrik 2025, eksportet totale arritën 239 miliardë lekë, ndërsa importet 515 miliardë lekë, duke sjellë një ulje të deficitit tregtar me gati 6 për qind.

Tregtia e jashtme mbetet një nga indikatorët kyç të zhvillimit ekonomik dhe integrimit europian të Shqipërisë.

/a.f/

The post Eksportet drejt BE-së zënë 67,3 % të totali, Italia partner kryeson appeared first on Agjencia Telegrafike Shqiptare.

/e.xh//a.f/

The post Leku forcohet në tregun valutor, rënie për dollarin, euron dhe paundin appeared first on Agjencia Telegrafike Shqiptare.

TIRANË, 19 gusht /ATSH/ Këshilli i Lartë i Prokurorisë (KLP) ka reaguar lidhur me ndërprerjen e përkohshme të faqes së tij zyrtare, duke sqaruar se bëhej fjalë për një proces krejtësisht teknik dhe të planifikuar, pa ndikim mbi sigurinë e të dhënave apo proceset institucionale.

Sipas KLP-së, migrimi i infrastrukturës teknologjike nga serveri ekzistues në platformën moderne dhe të sigurtë Microsoft Azure ishte arsyeja e ndërprerjes, e cila tashmë është zgjidhur dhe faqja është rikthyer në funksion.

Gjatë këtij procesi, siguria e informacionit ka qenë e garantuar, ndërsa Autoriteti Kombëtar për Sigurinë Kibernetike ka qenë i informuar, duke monitoruar infrastrukturën 24/7.

KLP thekson se ky hap është pjesë e përmirësimit të cilësisë, sigurisë dhe stabilitetit të shërbimeve ndaj publikut dhe institucioneve.

Në përfundim, Këshilli fton median të kontribuojë në informimin e drejtë të qytetarëve dhe në shmangien e çdo dezinformimi që mund të lindë gjatë proceseve të tilla teknike.

/e.xh//a.f/

The post Ndërprerja e përkohshme e faqes zyrtare, KLP: Proces teknik i planifikuar, jo problem sigurie appeared first on Agjencia Telegrafike Shqiptare.

TIRANË, 19 gusht /ATSH/ Agjencia Shtetërore e Kadastrës bën me dije se Drejtoria Vendore ASHK Kukës po vijon me intensitet punën për përpunimin dhe trajtimin e vetëdeklarimeve të banorëve, të kryera ndër vite.

ASHK-ja njofton qytetarët se pranë njësive administrative janë afishuar listat me emrat e vetëdeklaruesve që duhet të plotësojnë dosjen për të vijuar procedurën e legalizimit.

Dokumentet e nevojshme përfshijnë certifikatën familjare të datës së deklarimit dhe një numër kontakti për evidentimin në terren.

Kadastra i bën thirrje qytetarëve që nëse e kanë emrin në listë, të dorëzojnë dokumentet brenda afatit të përcaktuar për të përmbyllur procedurën e legalizimit të objektit tyre.

Kadastra nxit qytetarët të bashkëpunojnë për të përfituar të drejtën e pronësisë dhe për të hedhur një hap më tej drejt formalizimit të pronës private.

/e.xh/a.f/

The post Kadastra vijon procesin e legalizimit të ndërtimeve informale në Kukës appeared first on Agjencia Telegrafike Shqiptare.

TIRANË, 19 gusht /ATSH/ Ministri i Financave Petrit Malaj, njoftoi se, Drejtoria e Përgjithshme e Doganave ka hapur një pyetësor të ri për të dëgjuar mendimin e bizneseve lidhur me cilësinë e shërbimeve që ofron administrata doganore.

“Zëri juaj është i rëndësishëm për të ndërtuar një administratë më të hapur, moderne dhe në shërbim të tregtisë së ndershme”, u shpreh Malaj.

Sipas tij, kjo iniciativë është pjesë e përpjekjeve për përmbushjen e standardeve të Bashkimit Evropian dhe përparimin në Kapitullin 29 – Bashkimi Doganor, si pjesë e procesit të integrimit të Shqipërisë në BE.

Ministri Malaj u bën thirrje të gjithë operatorëve ekonomikë të marrin pjesë në këtë proces për të ndihmuar në përmirësimin e mëtejshëm të transparencës dhe efikasitetit në shërbimet doganore.

/a.f/

The post “Doganat” pyetësor për biznesin, Malaj: Synojmë rritjen e cilësisë së shërbimeve appeared first on Agjencia Telegrafike Shqiptare.

TIRANË, 19 gusht /ATSH/ Në kuadër të Skemës Kombëtare të Investimeve 2025, fermerët në qarkun e Gjirokastrës kanë filluar të tregojnë një interes gjithnjë e më të madh për të përfituar nga fondet mbështetëse që ofron kjo nismë.

Skema vjen me një fond prej 20 milionë eurosh, e ndarë në 9 masa mbështetëse, duke ofruar mundësi të gjera për zhvillim dhe rritje të kapaciteteve prodhuese.

Sipas specialistëve të bujqësisë, disa prej masave kanë rezultuar më tërheqëse për aplikuesit, veçanërisht ato që lidhen me modernizimin e infrastrukturës bujqësore dhe investimet në sektorin e blegtorisë.

“Është hapur thirrja që në 30 korrik dhe mbyllet në 30 shtator. Janë disa masa me mjaft interes për fermerët e rajonit tonë, si masa për mbjellje drufrutorësh; masa për ujitje me pika në blloqe me drufrutorë; masa për mbështetje për makineri bujqësore, traktorë, agregatë dhe pajisje; masa për vendosjen e rrjetave antibreshër; mbështetja për ndërtimin e ambienteve të strehimit për blegtori; masa për blerjen e pajisjeve, për ambalazhimin dhe paketimin e prodhimit të fruta-perimeve; dhe masa për mbështetjen e agroturizmit. Janë dy masa për të cilat ka pak interes: masa për ndërtimin e serrave, ndërsa masa e akuakulturës është pothuajse e përjashtuar,” thotë specialisti i bujqësisë, Balil Bineri.

Skema i jep mundësinë çdo aplikanti të përfitojë nga më shumë se një masë, duke ndërtuar një plan investimi të personalizuar që i përgjigjet nevojave konkrete të fermës apo sipërmarrjes. (TVSH)

/e.xh/a.f/

The post Skema Kombëtare e Investimeve 2025, në Gjirokastër interes për modernizimin e mekanikës bujqësore appeared first on Agjencia Telegrafike Shqiptare.

TIRANË 19 gusht /ATSH/ Dita Botërore e Fotografisë festohet çdo vit më 19 gusht për të festuar artin e fotografisë dhe rrënjët e saj në mbarë botën.

Në këtë ditë, fotografë dhe adhurues nga e gjithë bota mblidhen së bashku për të bërë homazhe për karrierën e tyre apo hobi të fotografisë.

Fotot edhe të momenteve kalimtare mund të ringjallin emocione të forta dhe të na ndihmojnë të ruajmë kujtimet që zënë një vend të veçantë në jetën tonë.

Historia e fotografisë

Gjatë viteve, fotografia ka pasur periudhën e saj të evolucionit – me një origjinë shkencore që kombinon fizikën dhe kiminë.

Një nga momentet e para revolucionare për fotografinë daton që nga Daguerreotipi, një proces i hershëm fotografik i zhvilluar në 1837 nga Louis Daguerre, një vendas francez.

Procesi ishte tepër popullor në vitet 1840 dhe 1850 duke përcaktuar një pikë referimi për fotografinë sot.

Dita Botërore e Fotografisë shënohet më 19 gusht pasi është data kur shpikja e Daguerre u publikua zyrtarisht në Paris nga Akademia Franceze e Shkencave në 1839.

Pas blerjes së patentës për procesin inovativ, qeveria franceze e shpalli shpikjen e Daguerreotipit një dhuratë falas për botën.

Nga portretet më tradicionale te një stil i ri i fotografisë reportazhi që dokumenton Luftën e Dytë Botërore në 1939, fotografia evoluoi shpejt gjatë dy shekujve të fundit.

Për shumicën, edhe ditët e zhvillimit të filmit në një dhomë të errët janë kryesisht prapa nesh që kur epoka dixhitale u prezantua në vitet 1970.

Në ditët e sotme pothuajse të gjithë kanë akses të shpejtë në një aparat fotografik dixhital.

Qoftë nga një telefon inteligjent ose një aparat fotografik dixhital kompakt ultra-portativ, nuk duhet të humbisni kurrë një foto kur jeni jashtë.

Si e tillë, fotografia është bërë një mjet vërtet unik për vetëshprehje, e vlerësuar në mbarë botën.

Në Shqipëri, rrënjët e fotografisë janë të lidhura ngushtë me studion “Marubi” në Shkodër, e cila përfaqëson një nga pasuritë më të vyera të kujtesës kombëtare dhe që sot njihet zyrtarisht si trashëgimi botërore.

Fototeka “Marubi” përmban një pasuri të rrallë me fotografi që i përkasin më shumë se 150 viteve më parë, të realizuara nga pionierët Pietro dhe Kel Marubi.

Kjo arkivë është shpallur zyrtarisht pjesë e Regjistrit Ndërkombëtar “Memory of the World” nga UNESCO, duke u kthyer në një pasuri kulturore me rëndësi globale.

“Marubi”  ka përjetësuar imazhin, jetën dhe shpirtin e shqiptarëve ndër shekuj.

Arti i fotografisë është padyshim i veçantë. Në hisotrinë e popullit shqiptar, ka hyrë fotografia e cila u shkrep na Bllacë të Maqedonisë dhe u bë simbol i refugjatëve të Kosovës, gjatë vitit 1999.

Në kolonën e mijëra njerëzve, që u detyruan të largoheshin me dhunë nga vendlindjet e tyre, ndër ta ishte edhe Sherife Luta, nga fshati Ivajë i Kaçanikut, fotoja e së cilës kishte goditur botën.

Evolucioni i Fotografisë

Duke qenë se fotografia është një proces shkencor, ajo vazhdimisht po evoluon dhe po nxitet më shumë nga teknologjia dhe inovacioni.

Në vitin 2023, në një kthesë interesante ngjarjesh, fotografi Boris Eldagsen fitoi një çmim në “Sony World Photography Awards” duke përdorur një imazh të krijuar tërësisht nga IA-ja, duke ndezur biseda në të gjithë komunitetin e artit.

Artikujt e gazetave dhe kritikët e artit në mbarë botën thanë se një imazh fitues i çmimeve i krijuar nga IA-ja kishte sfiduar perceptimin tradicional të fotografisë.

Me këtë përparim, fotografët e kanë të vështirë të përshtaten me skenarin në ndryshim. Nga ana tjetër, mund të na ndihmojë t’i përdorim këto risi në aventurat tona krijuese.

Ndërsa kjo është një sfidë që duhet ta kapërcejmë, është thelbësore të kujtojmë se asgjë nuk mund të zëvendësojë thelbin e artit.

Fotografia ka të bëjë me kapjen e momenteve, tregimit dhe emocioneve. Asnjë teknologji nuk mund të lidhet me njerëzit si një fotograf njerëzor me një aparat fotografik. Edhe gjatë ngjarjeve të rëndësishme, ne do të punësojmë fotografë dhe jo IA-në.

Inteligjenca artificiale mund të na ndihmojë ta bëjmë fotografinë më efikase, por sigurisht që nuk mund të zëvendësojë kreativitetin dhe prekjen njerëzore.

Duhet të pranojmë mundësitë e reja dhe ta bëjmë procesin më efikas pa humbur thelbin.

Është e rëndësishme të festojmë perspektivat, qasjet dhe teknikat e ndryshme të fotografisë, ndërkohë që lundrojmë në të njëjtën kohë në bashkëpunimin e artit dhe teknologjisë.

/e.xh//a.f/

The post Dita Botërore e Fotografisë, Shqipëria krenohet me trashëgiminë e “Marubit” appeared first on Agjencia Telegrafike Shqiptare.

TIRANË, 19 gusht /ATSH/ Ministri i Drejtësisë, Ulsi Manja, bëri të ditur se gjatë periudhës janar–korrik 2025, Shërbimi Përmbarimor ka ekzekutuar mbi 6,800 vendime gjyqësore, duke garantuar zbatimin e tyre dhe forcimin e shtetit të së drejtës.

“Ky rezultat tregon përkushtimin e strukturave përmbarimore dhe punën e pandërprerë të Ministrisë së Drejtësisë në garantimin e drejtësisë për qytetarët,” u shpreh Manja.

Sipas tij, përforcimi i efikasitetit të përmbarimit është një element kyç për besimin në sistemin e drejtësisë dhe barazinë përpara ligjit.

Ministria e Drejtësisë vijon punën për modernizimin e shërbimit përmbarimor dhe dixhitalizimin e procedurave, me qëllim ofrimin e një shërbimi më transparent dhe efektiv për qytetarët.

/e.xh/a.f/

The post Manja: Përmbarimi ekzekuton mbi 6,800 vendime gjyqësore në 7 muajt e parë të vitit appeared first on Agjencia Telegrafike Shqiptare.

TIRANË, 19 gusht /ATSH/ Në Institucionin e Ekzekutimit të Vendimeve Penale (IEVP) Pojskë, në Pogradec ka nisur zyrtarisht kursi i Gjuhës Shqipe për të dënuarat e huaja që ndodhen në këtë institucion.

Ky program ka si synim kryesor të lehtësojë komunikimin, të përmirësojë përfshirjen në jetën institucionale dhe të mbështesë procesin e rehabilitimit dhe riintegrimit të të dënuarave në shoqëri.

Kursi përfshin: Mësim praktik të gjuhës shqipe; Mbështetje psiko-sociale; Aktivizim të të dënuarave në procesin arsimor dhe social.

Drejtoria e Përgjithshme e Burgjeve e cilëson këtë nismë si një hap të rëndësishëm drejt një trajtimi më gjithëpërfshirës dhe dinjitoz për çdo individ, pavarësisht prejardhjes së tyre.

Ky projekt përforcon qasjen humane të sistemit penitenciar shqiptar dhe nxit ndërtimin e urave të integrimit për të gjithë të dënuarit.

Për realizimin e këtij projekti po bashkëpunojnë, Drejtoria e Përgjithshme e Burgjeve, Ministria e Drejtësisë, Shërbimi i Provës, Shërbimi i Kontrollit të Brendshëm në Sistemin e Burgjeve, Qendra Spitalore e Burgjeve, Ievp-të: Fier, Rrogozhinë, Pojskë Pogradec, Vlorë, Elbasan, Lushnje, Lezhë, Tepelenë, Fushë-Krujë, Tiranë, Burel, Durrës, Berat, Shkodër, Korçë, Peqin.

1 nga 2

/e.xh//a.f/

The post “Kurs i Gjuhës Shqipe” për të huajat në IEVP Pojskë – Një hap drejt rehabilitimit dhe riintegrimit appeared first on Agjencia Telegrafike Shqiptare.

TIRANË, 18 gusht /ATSH/ Zëvendëskryeministrja dhe ministre e Infrastrukturës dhe Energjisë, Belinda Balluku, u shpreh sot se viti 2026 do të shënojë një hap të rëndësishëm për zhvillimin e sistemit hekurudhor në Shqipëri, me disa projekte të reja që do të financohen nga fondet e Hekurudhës Shqiptare.

“Gjatë vitit 2026 do të kemi mundësi t’i japim jetë projekteve të reja, që nuk janë të bazuara në fondet e donarorëve pasi Hekurudha Shqiptare tashmë do të mbaj një peshë zhvilluese të projekteve” u shpreh Balluku, gjatë inspektimit të kantierit të hekurudhës Tiranës-Rinas-Durrës, ku po punohet për ndërtimin e stacioneve të kësaj linje hekurudhore.

Balluku veçoi në kuadër të këtyre projekteve: Hekurudhën e Kombit, që do të lidhë Shkodrën me Gjakovën, si pjesë e një linje strategjike Kosovë–Shqipëri.

Ndërtimi i linjës hekurudhore Vlorë – Aeroporti Ndërkombëtar i Vlorës, përbën një investim tjetër të rëndësishëm për lehtësimin e transportit drejt dhe nga aeroporti i ri.

Rivitalizimi i linjës Rrogozhinë – Fier – Vlorë do të jetë një tjetër projekt për të përmirësuar lëvizjen rajonale dhe integrimin me projektet e reja.

Ministrja theksoi se këto investime synojnë të modernizojnë infrastrukturën hekurudhore, të lehtësojnë lëvizjen e qytetarëve dhe të forcojnë lidhjet me vendet e rajonit, veçanërisht me Kosovën, teksa theksoi se “dallëndyshja e parë do të jetë hekurudha Tiranë-Rinas-Durrës”.

Këto projekte pritet të kontribuojnë ndjeshëm në zhvillimin ekonomik, turizmin dhe transportin e qëndrueshëm në vend.

/r.e/

The post Balluku: Projekte të reja për zhvillimin e sektorit hekurudhor në Shqipëri appeared first on Agjencia Telegrafike Shqiptare.

TIRANË, 18 gusht /ATSH/ Autoriteti Rrugor Shqiptar, njofton se në bashkëpunim me Universitetin Politeknik të Tiranës, përfunduan në një kohë të shkurtër hartimin e projektit për ndërhyrje emergjente në Urën e Milotit, me qëllim hapjen sa më parë për trafikun e mjeteve me peshë deri në 3,5 tonë.

ARRSH bën të ditur se, gjithashtu brenda kësaj jave do të mbyllë edhe fazën e përgatitjes së procedurës së përshpejtuar për tenderim.

Ura autohekurudhore e Milotit, mbi lumin Mat, u mbyll gjatë muajit të kaluar për arsye sigurie, bazuar në njoftimin e ARRSH datë 25.07.2025.

ARRSH kërkon mirëkuptimin dhe bashkëpunimin e qytetarëve dhe përdoruesve të rrugës për këtë ndërhyrje.

/r.e/

The post ARRSH: Përfundon projekti për ndërhyrje emergjente në urën e Milotit appeared first on Agjencia Telegrafike Shqiptare.

TIRANË, 18 gusht /ATSH/ Zëvendëskryeministrja, njëherësh ministre e Infrastrukturës dhe Energjisë, Belinda Balluku, inspektoi sot punimet për ndërtimin e hekurudhës Tiranë-Rinas-Durrës, ku po punohet për ndërtimin e stacioneve të kësaj linje hekurudhore.

Balluku tha se “tashmë kemi hyrë në një fazë të avancuar të punimeve për ndërtimin e stacioneve, që e bën këtë projekt më afër realizimit të tij me kushte bashkëkohore dhe sipas standardeve më të mira”.

Sipas saj, aktualisht po punohet në 8 kantiere për ndërtimin e Stacionit të ri të Trenit në Tiranë (që po ndërtohet në vendin ku ka qenë dikur ky stacion); stacioni në Kashar, në Vorë, Sukth, Shkozet dhe stacioni në Durrës, që do të rikonstruktohet.

Balluku bëri të ditur se, risi e këtij projekti është ndërtimi i stacionit të ri në Rinas sipas të gjithë parametrave, që do të krijojë lidhjen e aeroportit me Stacionin e Trenit, ndërsa stacioni Epoka është stacion me një strehë që krijohet për të lehtësuar studentët.

“Projekti në Stacionin e Trenit në Tiranë, parashikon një ndërtesë qendrore me peronët nëntokë, katin zero, që do të jetë komercial dhe kati i dytë dhe i tretë ku do të zhvendosen zyrat e Hekurudhës Shqiptare. Kjo do të jetë një qendër bashkëkohore e dizenjuar nga arkitektë e huaj sipas standardeve më të mira”, u shpreh Balluku.

Pas mbylljes së kësaj kontrate brenda këtij viti, do të nisë puna për sinjalistikën dhe telekomunikacionin.

Balluku bëri të ditur se hekurudha Tiranë-Rinas-Durrës dorëzohet si gjurmë brenda 3-mujorit të parë 2026 dhe vijohet më pas me elektrifikimin, një projekt me vlerë 27 milionë euro, ndërsa paralelisht do të vijohet me ngritjen e kapaciteteve të burimeve njerëzore në këtë sektor, ashtu siç është bërë me stafet e trajtuara në Aviacionin Civil e sektorë të tjerë.

“Ndërtimi i linjës hekurudhore Tiranë-Durrës-Rinas përfundon vitin e ardhshëm, ndërkohë që elektrifikimi dhe mbërritja e trenave për nisjen e operimeve synohet të përmbyllet në 3-mujorin e parë 2027”.

/r.e/

The post Balluku inspekton punimet në hekurudhën Tiranë-Durrës: Stacione të reja nga Kashari në Rinas appeared first on Agjencia Telegrafike Shqiptare.