Real Madridi ka zbuluar shifrat përfundimtare për projektin e madh të rimodelimit të stadiumit “Santiago Bernabéu”, një investim i cili ka arritur në 1.347 miliardë euro deri më 30 qershor 2025.

Kjo shumë përfaqëson thuajse të gjithë koston përfundimtare të projektit, që nisi në vitin 2019. Punimet kryesore tashmë kanë përfunduar: çatia e re, fasada moderne dhe fusha tërheqëse janë ndërtuar me sukses.

Aktualisht, zhvillimi është fokusuar në zonat komerciale si hapësirat VIP, eksperienca “RM Experience”, zona për evente, gastronomi dhe një dyqan të ri zyrtar – që sipas klubit janë pjesë thelbësore të modelit të ri të të ardhurave përtej futbollit.

Financimi dhe kthimi i investimit

Një pjesë e madhe e investimit u financua përmes një kredie prej 1.17 miliardë eurosh, e cila ishte tërhequr e gjitha deri në nëntor 2023.

Pas disa vitesh pagesash vetëm për interesin, Real Madridi ka nisur shlyerjen e kapitalit, duke paguar 15 milionë euro në sezonin 2023/24 dhe 23 milionë euro të tjera në 2024/25. Borxhi i mbetur deri më 30 qershor 2025 është 1.132 miliardë euro.

Koncerte, NFL dhe të ardhura jashtë fushës

Stadiumi i ri është projektuar për shumë më tepër se futboll. Pas mbajtjes së koncerteve të mëdha, përfshirë atë të Taylor Swift, Madridi po punon për përfundimin e hapësirave për restorante dhe uljen e zhurmës gjatë ngjarjeve të tilla, për të përmbushur kërkesat ligjore dhe shqetësimet e komunitetit.

Klubi synon që në të ardhmen të rikthejë koncertet, të cilat janë një nga shtyllat e strategjisë së re, dhe po planifikon organizimin e një ndeshjeje të NFL në Bernabéu, që do të ishte një hap gjigant drejt ndërkombëtarizimit të stadiumit si një hapësirë globale multifunksionale. /Telegrafi/

The post Real Madridi zbulon shumën e saktë të investimit për rinovimin e “Santiago Bernabeut” appeared first on Telegrafi.

Partizani eliminohet nga Liga e Konferencës në turin e parë pas humbjes 0-1 ndaj Kalju në “Arenën Kombëtare”

Partizani u eliminua që në raundin e parë të kualifikimeve të Ligës së Konferencës, pas humbjes 0-1 në “Arenën Kombëtare” ndaj Kaljut, vetëm në kohën shtesë. Ndeshja e parë në Estoni përfundoi në barazim 1-1.

Gjatë 90 minutave të rregullta, skuadra e Partizanit ishte më e kërkueshme dhe krijoi disa raste për të kaluar në avantazh.

Në minutën e 80’, ata patën një mundësi të artë për të shënuar nga pika e bardhë e penalltisë, por Xhulio Skuka dështoi, pasi portieri kundërshtar arriti të ndalojë gjuajtjen e tij.

Në kohën shtesë, pavarësisht disa përpjekjeve të “Demave” për të ndryshuar rezultatin, në minutën e 104’, Ivanov shfrytëzoi një kundërsulm dhe shënoi golin vendimtar që i dha kalimin më tej skuadrës estoneze.

Me këtë humbje, Partizani e mbyll aventurën e tij evropiane. /Telegrafi/

The post Partizani eliminohet nga Liga e Konferencës pas humbjes në kohën shtesë ndaj Kalju appeared first on Telegrafi.

Trajneri i Prishtinës, Arsim Thaçi, vlerësoi lojën e skuadrës së tij në ndeshjen ndaj Sheriff Tiraspolit, por theksoi se mungesa e fatit ishte faktor kyç që nuk lejuan kalimin tutje në garë.

Prishtina fitoi 2-1 në ndeshjen e kthimit, por kjo nuk mjaftoi për të kompensuar humbjen e thellë 4-0 në ndeshjen e parë. Tani, skuadra kryeqytetase do të vazhdojë aventurën evropiane në Ligën e Konferencës kundër ekipit Larne.

“Nëse lojtarët tanë përsërisin lojën e sotme, jam i sigurt që do të kalojmë tutje në Ligën e Konferencës. Në futboll ka shumë rëndësi fati. Nuk e patëm fatin as sonte as në ndeshjen e kaluar”.

“I përgëzoj lojtarët për qasjen në ndeshje, karakterin dhe disiplinën taktike. Është shumë me rëndësi të mbajmë këtë ritëm, këtë intensitet. Si skuadër duhet të kalojmë të paktën kundërshtarin e parë në Ligën e Konferencë”, ka thënë ai.

Lexo po ashtu Pas elimimit nga Liga e Evropës, Prishtina mëson emrin e kundërshtarit për rrethin e dytë në Ligën e Konferencës

Trajneri i Prishtinës e shikon sfidën ndaj Larnes si një mundësi të re për të kaluar tutje në garat evropiane. /Telegrafi/ 

The post “Na mungoi fati ndaj Sheriffit, por besoj te kalimi në Ligën e Konferencës” – Arsim Thaqi flet pas eliminimit appeared first on Telegrafi.

Zyrtarizohet përballja e FC Prishtinës në raundin e dytë të Ligës së Konferencës – skuadra kryeqytetase do të ndeshet me Larne FC nga Irlanda e Veriut.

Lajmi u konfirmua pas përfundimit të ndeshjes së kthimit ndaj Sheriff Tiraspol, ku Prishtina fitoi 2-1 në “Fadil Vokrri”, duke u eliminuar nga raundi i parë të Ligës së Evropës me rezultat të përgjithshëm 5-2.

Ndërkohë, Larne e kishte siguruar kalimin në raundin e dytë të Ligës së Konferencës të mërkurën, pasi eliminoi skuadrën letoneze Audas pas penalltive.

Dy takimet përfunduan fillimisht pa fitues (0-0 dhe 2-2), por Larne triumfoi me qetësi nga pika e bardhë.

Tani, me të dyja ekipet që vijnë nga eliminimi në raundet e para të garave respektive, përballja mes Prishtinës dhe Larne është zyrtarizuar: ndeshja e parë do të luhet më 25 korrik në Irlandën e Veriut, ndërsa ajo e kthimit më 1 gusht në stadiumin “Fadil Vokrri”.

Larne nuk është emër i panjohur për futbollin kosovar. Në vitin 2023 u eliminua nga Ballkani me rezultat të thellë 7-1 në total, ndërsa në vitin pasues, në një surprizë të madhe, e eliminoi kampionin e Kosovës, duke marrë revanshin.

Këtë herë është Prishtina ajo që do të tentojë të vazhdojë më tej, në një duel ku cilësia në letër është në anën e saj – vlera e skuadrës arrin në 5.6 milionë euro krahasuar me 2.85 milionë euro të kundërshtarit.

Por historia ka treguar se Larne është një kundërshtar i fortë, që nuk duhet nënvlerësuar. Prishtina tashmë ka përpara një sfidë vendimtare për të përmbushur ambiciet evropiane dhe për të shkruar një faqe të re në aventurën ndërkombëtare. /Telegrafi/ 

The post Pas elimimit nga Liga e Evropës, Prishtina mëson emrin e kundërshtarit për rrethin e dytë në Ligën e Konferencës appeared first on Telegrafi.

Prishtina ka zhvilluar një pjesë të parë shumë pozitive ndaj Sheriffit, që u mbyll 0-0, me kryeqytetasit që kishin më shumë nga loja.

Ndeshja e parë e zhvilluar në Tiraspoli, i takoi Sheriffit me rezultat 4-0.

Që në rastin e parë, Leotrim Kryeziu u rrëzua në zonë nga një mbrojtës, por që gjyqtari nuk mendoi për penallti.

Valmir Veliu kishte rast të mirë pas tij, por gjuajtja e bukur e sulmuesit shkoi ngjitur me shtyllën. Pas kësaj nuk ia doli nga afër të gjejë rrjetën.

Build-Up
Finishing pic.twitter.com/BhMP77hfQD

— Kosovo Football (@FootballKosovo) July 17, 2025

Nga distanca me një gjuajtje të fortë provoi edhe Hamdi Namanin, por goditja shkoi jashtë.

Në kohën shtesë të pjesës së parë Prishtina ka mundur të marr epërsinë, pas një aksioni shumë të bukur, por gjuajtja e Blend Baftiut në fund u ndal nga një mbrojtës në vijën e portës.

Prishtina kërkoi penallti, por që gjyqtari armen Henrik Nalbandyan , nuk mendoi ashtu, duke i quar skuadrat në pushim me rezultatin 0-0. /Telegrafi/

The post Prishtina kërkon golin, por i mungon fati ndaj Sheriffit appeared first on Telegrafi.

Kanë mbetur vetëm 50 ditë deri te një nga përballjet më të shumëpritura për kualifikimet e Kupës së Botës 2026, ajo mes Zvicrës dhe Kosovës, që do të luhet më 5 shtator, në stadiumin “St. Jakob-Park” të Bazelit, nga ora 20:45.

Atmosfera pritet të jetë e zjarrtë në Bazel, me interesim të madh nga shqiptarët që jetojnë në Zvicër, të cilët pritet të jenë në numër të madh për të përkrahur Kosovën në këtë ndeshje vendimtare.

Të enjten, Federata Zvicerane e Futbollit kujtoi se ndeshja zhvillohet fiks pas 50 ditësh, dhe njëkohësisht njoftoi se biletat do të dalin në shitje më 31 korrik, përmes platformës zyrtare ticketmaster.ch.

Kosova dhe Zvicra janë pjesë e të njëjtit grup kualifikues së bashku me Suedinë dhe Slloveninë.

Tre ditë pas ndeshjes në Bazel, më 8 shtator, Kosova do të përballet me Suedinë, ndërsa Zvicra pret Slloveninë. /Telegrafi/ 

The post Edhe 50 ditë nga ndeshja Zvicër – Kosovë, vjen lajmin për biletat appeared first on Telegrafi.

Juventusi ka hapur negociatat për të transferuar Marcus Rashford dhe Jadon Sancho nga Manchester United, në një përpjekje për të forcuar repartin ofensiv. Dy sulmuesit anglezë janë pjesë e një grupi prej pesë lojtarësh që klubi anglez kërkon t’i largojë këtë verë.

Sipas raportimeve të “Sky Sports Italia”, Sancho është më afër një marrëveshjeje. Juventus ka zhvilluar bisedime pozitive me përfaqësuesit e tij të mërkurën dhe tashmë është afër mbylljes së transferimit për rreth 15 milionë euro – një shifër shumë më e ulët sesa që Mn United pagoi për të në vitin 2021.

Sancho, i cili u huazua te Chelsea sezonin e kaluar, nuk është paraqitur më për ekipin e parë të Man United që nga gushti 2023. Blutë paguan 6 milionë euro për të mos e nënshkruar përfundimisht.

Ai është lejuar të stërvitet vetëm pas orës 17:00 në qendrën stërvitore të klubit, së bashku me lojtarët e tjerë të përjashtuar nga planet e trajnerit të ri, Ruben Amorim.

Ndërkohë, Juventusi ka hapur edhe kontaktet e para për Rashfordin, i cili gjithashtu nuk bën pjesë në planet e trajnerit portugez. 26-vjeçari u huazua te Aston Villa në janar, ku rigjeti formën, por vendosi të mos qëndrojë përfundimisht në “Villa Park”.

Lexo po ashtu Kërkohet nga klubet angleze, Juventusi i vendos çmimin e largimit Douglas Luizit

Barcelona mbetet destinacioni i preferuar i Rashford, por pas dështimit për të transferuar Nico Williams, katalanasit janë fokusuar tek Luis Diaz i Liverpoolit. Kjo mund t’i hapë rrugën “Zonjës së Vjetër” për të bindur Rashfordin me një rol qendror në projektin e saj të ri.

Man United tashmë ia ka dhënë fanellën me numër 10 lojtarit të sapoardhur Matheus Cunha nga Wolves – një tjetër shenjë se koha e Rashford në “Old Trafford” po mbyllet.

Juventusi synon të përfundojë dy marrëveshjet brenda javëve në vijim, me prioritet Sanchon dhe me Rashfordin, në varësi të zhvillimeve. /Telegrafi/ 

The post Juventus më anglez – Zonja e Vjetër e ka Sanchon në dorë, tani sulmon për Rashfordin appeared first on Telegrafi.

Me përfundimin e sezonit, në Paris ka nisur faza përgatitore dhe disa prej lojtarëve që nuk janë më në planet e klubit janë rikthyer në stërvitje këtë javë në Kampusin e Poissy (Yvelines).

Pas testeve mjekësore të zakonshme, lojtarët si Milan Skriniar, Marco Asensio, Nordi Mukiele, Carlos Soler, Ilyes Housni dhe Lucas Lavallée janë bashkuar me skuadrën U21 të PSG-së, më 16 korrik.

Renato Sanches dhe Randal Kolo Muani pritet t’u bashkohen më 23 korrik, pasi përfaqësuan Benficën dhe Juventusin në Kupën e Botës për Klube dhe përfituan disa ditë shtesë pushimi, shkruan Le Parissien.

Por pranisë së tyre në stërvitje nuk i mungon një notë e qartë: asnjëri prej tyre nuk pritet të qëndrojë në klub për sezonin e ardhshëm. PSG po kërkon mënyra për t’i larguar përfundimisht, me prioritet për të realizuar shitje të qëndrueshme financiarisht, e jo vetëm huazime.

Në veçanti, Kolo Muani, i cili ka kontratë me PSG deri në vitin 2028, është pranë largimit pas një huazimi të suksesshëm te Juventusi, ku realizoi 10 gola dhe 2 asiste në gjashtë muaj.

Francezi ka shprehur dëshirën për të qëndruar në Torino dhe Juve ka bërë disa oferta huazimi me blerje të detyrueshme. Megjithatë, PSG kërkon që pagesa të realizohet menjëherë, jo në vitin e ardhshëm.

Përveç Juventusit, disa klube angleze janë duke monitoruar situatën, duke pritur që tregu i sulmuesve të nisë të lëvizë.

Një nga prurjet që mund të hapë “valën e parë” është transferimi i Hugo Ekitike, që ndodhet në bisedime të avancuara me Liverpoolin. /Telegrafi/ 

The post PSG i dërgon te ekipi U21 disa nga yjet e skuadrës – dy prej tyre ishin në Kupën e Botës për Klube appeared first on Telegrafi.

Kontrata e Gianluigi Donnarumma me Paris Saint-Germain skadon verën e ardhshme dhe e ardhmja e portierit italian mbetet e pasigurt.

Edhe pse ndihmoi klubin francez të fitonte Ligën e Kampionëve në sezonin 2024/25, rinovimi i kontratës së tij nuk është i sigurt, për shkak të kërkesave të larta për pagë.

Sipas raportimeve nga Tuttosport, disa klube të mëdha evropiane si Bayern Munich dhe Manchester City janë të interesuara për shërbimet e 26-vjeçarit.

Megjithatë, rikthimi në Serie A mbetet i vështirë, për shkak të kushteve financiare që kërkon Donnarumma, të cilat shumica e klubeve italiane nuk mund t’i përmbushin.

PSG, nga ana tjetër, ka shprehur gatishmëri të vazhdojë me portierin, por me kushte të reja financiare. Në vend të 12 milionë eurove në sezon që ai përfiton aktualisht, kampionët e Francës po planifikojnë t’i ofrojnë një pagë bazë prej 8 deri në 9 milionë euro, ndërsa pjesa tjetër do të mbulohet përmes bonuseve të lidhura me objektiva individualë dhe të ekipit.

Dilema e Donnarumma-s mbetet: të pranojë ofertën më të ulët për të vazhduar me PSG-në apo të kërkojë një aventurë të re në një tjetër klub evropian, ku oferta financiare mund të jetë më e favorshme.

Me vetëm 10 muaj të mbetura nga kontrata, vendimi pritet të merret shumë shpejt. /Telegrafi/ 

The post Dilema e Donnarummas, largim nga PSG pasi e duan dy gjigantë evropianë apo rinovim me kushte të reja? appeared first on Telegrafi.

Lamine Yamal ka emocionuar ndjekësit e tij në rrjetet sociale pasi konfirmoi zyrtarisht se do të mbajë fanellën me numrin legjendar 10 te FC Barcelona. Ylli i ri i katalanasve publikoi një video prekëse në Instagram, ku ndan një moment të veçantë me vëllain e tij të vogël, Keyne.

Në klipin emocional, Keyne shfaqet duke ngjyrosur fanellat historike të Barcelonës që janë mbajtur nga legjenda si Diego Maradona, Ronaldinho dhe Lionel Messi, të gjithë bartës të fanellës me numrin 10.

Lamine, ndërsa i sheh vizatimet, i thotë vëllait të tij: “Të luash mirë nuk mjafton për të veshur këtë fanellë… Disa bënë histori,” – duke iu referuar Maradonës.

pic.twitter.com/ImRIa7QdLa

— Lamine Yamal (@Laminee__yamal_) July 16, 2025

“Të tjerët u argëtuan duke luajtur”, – thotë për Ronaldinhon.

“Dhe ky… kjo është gjëja më e mirë që kam parë ndonjëherë”m – përfundon ai, teksa shikon fanellën me emrin e Messit.

Pastaj, Keyne i dorëzon fanellën me emrin “Lamine Yamal”, dhe vëllai i madh, i emocionuar, i thotë: “Po kjo? Ta shohim?… Do t’i jap gjithçka, të premtoj. Do të krijoj historinë time”.

 

View this post on Instagram

 

A post shared by @lamineyamal

Në fund të videos, prindërit e Lamine Yamal shfaqen teksa reflektojnë mbi këtë moment të ndjerë familjar – një moment që sinjalizon jo vetëm një fanellë, por një përgjegjësi, trashëgimi dhe ëndërr që vazhdon./Telegrafi/

The post Premtimi i Lamine Yamal për vëllain e tij të vogël Keyne appeared first on Telegrafi.

Portali i njohur sportiv amerikan, Bleacher Report, ka publikuar një listë ekskluzive me 100 basketbollistët më të mirë të të gjitha kohërave në NBA, bazuar në një analizë gjithëpërfshirëse që përfshinte emrat e 500 lojtarëve.

Në këtë listë, Michael Jordan zë vendin e parë, përpara LeBron James, duke riforcuar statusin e tij si “GOAT” – më i madhi i të gjitha kohërave.

“Është një detyrë thuajse e pamundur të krahasosh legjendat e epokave të ndryshme. Statistikat ndihmojnë, por nuk ekziston një formulë e saktë që jep një përgjigje përfundimtare. Gjithsesi, kjo është lista jonë më gjithëpërfshirëse, që merr në konsideratë: arritjet individuale dhe kolektive, ndikimin kulturor, madhështinë në parket dhe jashtë tij”, thuhet në sqarimin e Bleacher Report.

Pse Michael Jordan është mbi të gjithë

Bleacher Report thekson se Michael Jordan është lojtari me mesataren më të lartë të pikëve në histori të NBA-së (30.1 për ndeshje) dhe ka një rekord të përkryer 6 nga 6 në finalet e NBA-së, pa humbur asnjë seri për titull.

“Në kulmin e tij, Jordan ishte pothuajse si një Zot në parket. Nuk humbi kurrë në skenën më të madhe dhe dominonte me një intensitet të paarritshëm”, thuhet në analizë.

Ndërkohë, LeBron James mbetet shumë afër në renditje, falë efikasitetit, qëndrueshmërisë dhe jetëgjatësisë së tij të jashtëzakonshme në elitë, duke thyer rekorde të njëpasnjëshme gjatë karrierës së tij.

Në vend të tretë qëndron Kareem Abdul-Jabbar, legjenda me gjashtë tituj dhe gjashtë çmime MVP, një ikonë që la gjurmë të pashlyeshme në historinë e ligës.

Pas Karim vjen Magic Johnson, arkitekti i lojës moderne dhe lideri i “Showtime Lakers”, një nga lojtarët më karizmatikë të të gjitha kohërave. Në vijim është Bill Russell, një tjetër figurë madhështore, me plot 11 tituj kampioni – një rekord që zor se do të thyhet ndonjëherë.

Shaquille O’Neal është mishërimi i dominimit fizik në basketboll – një qendër e pakapërcyeshme dhe një personalitet unikal. Tim Duncan, “The Big Fundamental”, përfaqëson qetësinë, profesionalizmin dhe klasin në lojë. Larry Bird, një legjendë e Boston Celtics, njihet jo vetëm për titujt, por edhe për konkurrencën ikonike me Magicun.

Wilt Chamberlain është statistika vetë – një njeri që shënonte 100 pikë në një ndeshje dhe vendoste rekorde si të ishin pjesë e zakonshme e lojës. Stephen Curry, nga ana tjetër, ndryshoi rregullat e lojës moderne – me shpejtësi, precizion dhe dominimin e epokës së trepikëshit.

TOP 100 NBA PLAYERS OF ALL TIME

1⃣ MJ
2⃣ LeBron
3⃣ Kareem
4⃣ Magic
5⃣ Russell
6⃣ Shaq
7⃣ Duncan
8⃣ Bird
9⃣ Wilt
Steph
11 Kobe
12 Hakeem
13 KD
14 Oscar
15 West
16 KG
17 Jokić
18 Dirk
19 David Robinson
20 Dr J

FULL B/R STAFF RANKINGS HERE: https://t.co/P8hSoAoE1R pic.twitter.com/kq47DdXzYC

— Bleacher Report (@BleacherReport) July 14, 2025

Nga vendin i 11-t deri në vendin e 20-të janë emra si Kobe Bryant, Hakeem Olajuwon, Kevin Durant, Oscar Robertson, Jerry West, Kevin Garnett, Nikola Jokić, Dirk Nowitzki, David Robinson dhe Julius Erving. /Telegrafi/ 

The post BR publikon listën e basketbollistëve më të mirë në histori – Michael Jordan para LeBron James appeared first on Telegrafi.

AC Milan ka hedhur poshtë çdo mundësi për shitjen e yllit portugez, Rafael Leao, duke i bërë të qartë Paris Saint-Germain se sulmuesi nuk është në dispozicion këtë verë.

Sipas Gazzetta dello Sport dhe MilanNews24, drejtuesit e kuqezinjve janë të vendosur të mbajnë 26-vjeçarin si pjesë qendrore të projektit të tyre afatgjatë.

Leao konsiderohet një element kyç në ndërtimin e Milanit të ri, dhe nuk ka asnjë interes për ta larguar atë, pavarësisht zërave që vijnë nga Franca.

Gazeta L’Équipe raportoi se PSG po përgatitej të hapte negociata për Leaon, por përgjigjja nga Milano ka qenë e qartë: “Jo faleminderit”.

Trajneri i ri, Massimiliano Allegri, dhe drejtori sportiv Igli Tare, besojnë fuqishëm në potencialin e Leaos. Sipas raportimeve, Allegri është i bindur se mund ta ndihmojë Leaon të kalojë në një nivel edhe më të lartë, duke u bërë lider i ri i ekipit.

Lexo po ashtu Modric zbulon pse zgjodhi Milanin pas largimit nga Real Madridi

Ndërkohë, Tare po punon në prapaskenë për të siguruar një rinovim të ri afatgjatë të kontratës së portugezit, për të qetësuar spekulimet dhe për të garantuar qëndrueshmëri në skuadër.

Leao ka kontratë me Milanin deri në vitin 2028, por kuqezinjtë kërkojnë ta zgjatin edhe më tej, duke përforcuar lidhjen me lojtarin që ka qenë vendimtar në sukseset e fundit të klubit. /Telegrafi/ 

The post Milani i pakompromis për yllin e tyre, Rossonerët refuzuan menjëherë ofertën e PSG-së për Leaon appeared first on Telegrafi.

Lamine Yamal ka marrë zyrtarisht fanellën me numrin 10 te FC Barcelona – një numër historik, i mbajtur nga legjenda si Messi, Ronaldinho e Maradona.

Ky vendim nuk është i rastësishëm, por një shpërblim për gjithçka që ai përfaqëson. Ja 10 arsyet pse kjo fanellë i takon pikërisht atij.

1. Produkti i akademisë

Lamine është rritur brenda klubit. Ai iu bashkua Barcelonës në moshën 7-vjeçare, duke kaluar nëpër të gjitha grupmoshat e akademisë “La Masia” dhe debutoi me ekipin e parë në moshën 15 vjeç – një shembull i ëndrrës katalanase.

2. Cilësi e jashtëzakonshme

Ai posedon një talent të rrallë: driblim, vizion loje, teknikë të sofistikuar dhe gola spektakolarë. Lamine është lojtari që bën diferencën.

3. Idol i gjeneratës së re

Në fushë, është vendimtar. Jashtë saj, është kthyer në një ikonë për tifozët. Në një moshë kaq të re, ai tashmë ka ndikim të madh në klub dhe shoqëri.

4. Parakohshmëri historike

Ka thyer më shumë se 30 rekorde para se të mbushte 18 vjeç: më i riu që ka luajtur në La Liga, dopietë me Spanjën, fitues i “Kopa Trophy”, “Golden Boy” dhe çmimit “Laureus”.

5. Dashuri për klubin

Lamine e jeton Barcelonën. Gjatë festimeve të titullit, ai e tregoi këtë publikisht duke valëvitur flamurin blaugrana me krenari.

6. ADN-ja e Barçës

Ai është mishërim i stilit katalanas. Pas 11 vitesh në klub, ai përfaqëson më së miri filozofinë “tiki-taka”.

7. E ardhme e ndritur

Ka fituar La Ligan, Kupën e Mbretit, Superkupën dhe Evropianin, por synon edhe më shumë – Ligën e Kampionëve dhe Kupën e Botës.

8. Besnikëri e palëkundur

Në një kohë kur yjet shpesh ndryshojnë klube, Lamine ka qëndruar i përkushtuar ndaj Barçës, duke refuzuar oferta të majme nga jashtë.

9. Fanella më e kërkuar

Numri 10 i tij tashmë është ndër më të shiturat në dyqanet zyrtare të klubit – dëshmi e popullaritetit të tij.

Lamine’s legacy starts here

— FC Barcelona (@FCBarcelona) July 16, 2025

10. Model për sponsorë dhe marka

Rritja e tij ka tërhequr interes të madh nga kompani të mëdha. Ai është kthyer në një ambasador të jashtëzakonshëm për brezin e ri. /Telegrafi/ 

The post Dhjetë arsye pse Lamine Yamal meriton fanellën me numrin 10 te Barcelona appeared first on Telegrafi.

Kosova është renditur përfundimisht e dyta në Grupin D të FIBA U20 Kampionatit Evropian, Divizioni B.

Dardanët e rinj në ndeshjen e katërt dhe të fundit pësuan nga liderja Turqia me shifrat 88:44 (26:10, 24:0, 16:16, 22:18).

Sfida u vendos në pjesën e parë, kur basketbollistët e Turqisë ishin më të mirë, ku e fituan çerekun e parë 26:10, derisa të dytin 24:0.

Pjesa e dyta ishte e baraspeshuar, ku periudha e tretë përfundoi 16:16, derisa ajo e fundit 22:18.

Ndaj Turqisë, Erolt Rrahmani kishte 12 pikë e tetë kërcime, derisa Orges Shatri shtoi 11 pikë.

Kosova në grup kishte tri fitore radhazi, ndaj Suedisë, Shqipërisë dhe Hungarisë.

Dardanët për herë të parë u kualifikuan në çerekfinale të Evropianit, Divizioni B, që shënon edhe suksesin më të madh te gjeneratat e reja.

The post Kosova pëson keq nga Turqia – në çerekun e dytë nuk shënuan asnjë pikë appeared first on Telegrafi.

Ademola Lookman është kthyer në objektivin kryesor të Interit, ndërsa klubi zikaltër synon të përforcojë repartin ofensiv pas largimeve të Joaquin Correa dhe Marko Arnautovic në fund të sezonit 2024/25.

Sipas Corriere dello Sport, drejtuesit e Interit tashmë kanë arritur një marrëveshje personale me sulmuesin nigerian, i cili është shpallur së fundmi edhe Lojtari Afrikan i Vitit, por bisedimet me Atalantën për çmimin e kartonit të tij mbeten ende në zhvillim.

Atalanta ka vendosur një çmim prej 50 milionë eurosh për 27-vjeçarin, por Interi shpreson ta mbyllë marrëveshjen për rreth 40 milionë euro – një shumë që klubi është i gatshëm ta paguajë pa qenë nevoja të shesë ndonjë lojtar të ekipit të parë.

Sipas Sky Sport Italia, kjo shumë është në dispozicion menjëherë dhe nuk do të ndikohet nga lëvizjet e tjera të afatiti kalimtar. Megjithatë, pa një marrëveshje me Atalantën, pavarësisht akordit me lojtarin, transferimi nuk mund të zyrtarizohet.

Shpejtësia, driblimi dhe ndjesia për golin e bëjnë atë një nga sulmuesit më të kërkuar në Itali këtë verë.

Në rast se nuk arrihet marrëveshja për Lookmanin, Interi ka në listë edhe disa alternativa. Sipas përditësimit të së mërkurës, emrat që po shqyrtohen janë: Christopher Nkunku (Chelsea), Nico Gonzalez (Juventus) dhe Jadon Sancho (Manchester United).

Interi mbetet optimist për të mbyllur me sukses operacionin për Ademola Lookman, një lojtar që do të shtonte eksplozivitet dhe cilësi në repartin sulmues të kampionëve të Italisë. Negociatat me Atalantën pritet të vazhdojnë intensivisht në ditët në vijim. /Telegrafi/ 

The post Interi ka arritur marrëveshje personale me Ademola Lookman – kërkohet nga Atalanta që të ulet çmimi appeared first on Telegrafi.

Liga Profesionale e Futbollit e Arabisë Saudite po planifikon të rrisë ndjeshëm numrin e lojtarëve të huaj për ekip – nga tetë në dhjetë – duke paralajmëruar një valë të re transferimesh me shuma të mëdha parash në skenën globale.

Ky veprim, i nxitur nga suksesi i Cristiano Ronaldos, pritet të trondisë më tej tregun e futbollit dhe ta bëjë ligën edhe më konkurruese në nivel ndërkombëtar.

E gjitha filloi me mbërritjen e Cristiano Ronaldos te Al Nassr në janar të vitit 2023, transferim që u shndërrua në pikë kthese për gjithë futbollin saudit. Ardhja e tij shkaktoi menjëherë ndryshime në rregullore, kur numri i të huajve u rrit nga shtatë në tetë, me synimin e qartë për të tërhequr emra të mëdhenj nga bota në Lindjen e Mesme.

Rezultati nuk vonoi të vinte. Ronaldo u pasua shpejt nga fituesi i Topit të Artë, Karim Benzema, nga superylli brazilian Neymar, kampioni i botës N’Golo Kanté, si dhe nga emra të njohur të futbollit europian si Sadio Mané, Riyad Mahrez, Sergej Milinković-Savić, Rúben Neves dhe shumë të tjerë.

Revolucioni i tregut: Numri i të huajve rritet në 10

Tani liga është gati për një hap tjetër të madh. Sipas gazetarit me ndikim në futbollin saudit, Alshenaif, të cilin e citon gazeta spanjolle AS, federata po përgatitet ta zyrtarizojë rritjen e numrit të të huajve në 10 për çdo skuadër.

Rregulli i ri, që pritet të hyjë në fuqi në fillim të gushtit, do të lejojë që tetë lojtarë të huaj të jenë në fushë në çdo moment, ndërsa dy të tjerë të jenë në stol – pa kufizime moshe.

Ky është një sinjal i qartë se klubet po përgatiten për një tjetër “sulm” gjatë afatit kalimtar të verës, i cili në Arabinë Saudite zgjat nga 20 korriku deri më 10 shtator.

Një klub i ri me ambicie të mëdha

Valës së re të investimeve i është shtuar edhe një prurje interesante në elitën saudite: klubi NEOM SC. Bëhet fjalë për një ekip të sapoformuar që vjen nga një projekt futurist – një qytet inteligjent që po ndërtohet në bregdetin e Detit të Kuq. Klubi ka ambicie të qarta për të qenë konkurrues që nga viti i parë dhe po ndërton një skuadër me emra të rëndësishëm.

NEOM ka konfirmuar tashmë dy transferime të forta: Alexandre Lacazette nga Lyon dhe portierin Marcin Bulka nga Nice. Po flitet edhe për një transferimit të Granit Xhakës në këtë klub.

Ndërkohë, mediat raportojnë se Theo Hernández ka arritur marrëveshje me Al Hilal, ndërsa Mateo Retegui, sulmuesi i kombëtares italiane, përmendet si ylli i radhës që mund të transferohet në Arabinë Saudite. /Telegrafi/

The post Superliga e Arabisë Saudite përgatit një goditje të re për futbollin evropian sa i përket blerjeve appeared first on Telegrafi.

Bayern Munich ka shprehur interes të madh për transferimin e yllit të Real Madridit, Rodrygo Goes, dhe është i gatshëm të ofrojë 100 milionë euro për të siguruar shërbimet e tij. Lajmi është raportuar nga gazetari Eduardo Burgos i AS.

Fillimisht, gjigantët bavarezë po tentonin të transferonin Luis Diaz nga Liverpool, por një ofertë prej 70 milionë eurosh është refuzuar nga klubi anglez. Nëse Liverpool vazhdon të rezistojë, drejtuesit e Bayern Munich janë të gatshëm të zhvendosin fokusin te Rodrygo.

Klubi gjerman e vlerëson lart brazilianin, duke marrë parasysh moshën e tij të re, shpejtësinë dhe aftësinë për të luajtur në disa pozicione në sulm. Sipas vlerësimeve të brendshme, Rodrygo ka potencial më të madh afatgjatë sesa Diaz.

Edhe Arsenali raportohet se është i interesuar për Rodrygon, megjithatë, londinezët ende nuk kanë ndërmarrë hapa konkretë për ta transferuar atë.

Nëse Real Madrid do të jetë i gatshëm të dëgjojë oferta, pritet një garë e fortë mes klubeve të mëdha evropiane për shërbimet e sulmuesit 23-vjeçar./Telegrafi/ 

The post Bayern Munich gati 100 milionë euro për Rodrygon appeared first on Telegrafi.

Fitorja në Prishtinë dhe fitorja në Luksemburg – një rrugëtim i dyfishtë, por me një qëllim të qartë: të shkruhet historia e futbollit kosovar. Dhe Drita e bëri pikërisht këtë. Kjo e ka gëzuar presidentin e Dritës, Flamur Bunjakun.  

Pas një paraqitjeje të disiplinuar dhe plot karakter në të dyja ndeshjet kundër kampionëve të Luksemburgut, Differdange 03, kampionia e Kosovës ka siguruar kualifikimin historik për në raundin e dytë të Ligës së Kampionëve, duke u bërë klubi i parë nga Kosova që kalon këtë fazë të garës më prestigjioze të klubeve evropiane.

Pas këtij suksesi, presidenti i klubit, Flamur Bunjaku, ka shprehur emocionet dhe krenarinë e tij për këtë arritje që i tejkalon kufijtë sportivë.

“Drita është klubi që të gjithë e duam – një skuadër që dominon kudo që luan, që ka shpirt, krenari dhe guxim. Fitore në Prishtinë dhe fitore në Luksemburg, kjo është Drita që jep gjithçka për ngjyrat e saj. Urime futbollistëve tanë për dy ndeshje të shkëlqyera ndaj Differdange dhe për dy fitore të merituara nga fillimi në fund. Ata ishin të palëkundur, të përqendruar dhe të bindur se ky ekip meriton më shumë se sa thjesht një fazë të parë”.

“Një urim i veçantë për stafin teknik, për punën e mrekullueshme, për përgatitjen taktike dhe për qasjen profesionale që solli rezultat”.

Lexo po ashtu FC Copenhagen, kundërshtari i FC Dritës nga elita e Evropës - detaje për gjigantin danez

“Dhe nuk mund të mos falënderoj zemrën e Dritës – tifozët tanë të jashtëzakonshëm, Intelektualët – që nuk e lanë skuadrën asnjëherë vetëm, madje udhëtuan deri në Luksemburg për ta përkrahur klubin me një energji të jashtëzakonshme. Ata janë ndriçimi ynë në çdo betejë evropiane”.

“Ky kualifikim nuk është thjesht një fitore e klubit tonë, është një moment historik për futbollin e Kosovës. Asnjë klub nga vendi ynë nuk kishte kaluar më parë në raundin e dytë të Ligës së Kampionëve – por ne e bëmë!”.

“Jam shumë i lumtur dhe krenar për futbollistët, për stafin dhe për të gjithë ata që janë pjesë e kësaj familjeje të madhe që quhet Drita. Por ky është vetëm fillimi. Përpara na presin sfida edhe më të mëdha, edhe më të bukura. Drita është krenaria e Gjilanit, e Kosovës dhe së shpejti – do të jetë edhe krenaria e Evropës”, ka shkruar Bunjaku.

Drita tashmë përgatitet për përballjen ndaj kampionëve të Danimarkës, FC Copenhagen, me ndeshjen e parë që zhvillohet më 22 korrik në Danimarkë dhe atë kthyese më 29 korrik në stadiumin “Fadil Vokrri” në Prishtinë. /Telegrafi/ 

The post “Kjo është Drita që të gjithë e duam” – presidenti i klubit, Flamur Bunjaku krenar për suksesin historik appeared first on Telegrafi.

Dardanët e rinj shënuan fitore të madhe dhe historike ndaj Hungarisë me rezultat 78:73 (25:17, 16:21, 19:9, 18:26).

Me këtë fitore Kosova U20 te meshkujt u kualifikua në çerekfinale të FIBA U20 EuroBasket, Divizioni B. Njëkohësisht është suksesi më i madh te gjeneratat e reja më tani.

Dardanët e nisën ndeshjen për mrekulli, me një seri të jashtëzakonshme 19:2, derisa më pas hungarezët u rikthyen paksa, sidoqoftë, çereku i parë përfundoi 25:17, në të mirë të Kosovës U20. Edhe periudha e dytë u takoi hungarezëve, 16:21, për të shkuar në pushim me rezultat 41:38.

Kosova e nisi për mrekulli pjesën e dytë, përkatësisht periodën e tretë, ku u shkëput në 54:38, ndërsa shifrat pas 30 minutash në semafor ishin 60:47.

Në periudhën e fundit, u zhvillua dramë, ku pesë minuta nga fundi, Dardanët po fitonin 73:56, por një seri e Hungarisë 0:15 afroi shifrat në 73:71, por në momentet vendimtare Kosova U20 te meshkujt ruajti epërsinë dhe shënoi fitore shumë të madhe ndaj Hungarisë 78:73.

Te Kosova, Erolt Rrahmani kishte 21 pikë e 11 kërcime, ndërsa Jon Ismajli dhe Hadis Durguti shënuan nga 17, kurse Rron Dahsyla 15.

Fitorja ndaj Hungarisë ishte e treta radhazi për Kosovën, pas Suedisë dhe Shqipërisë.

Kosova të mërkurën (nesër) luan ndaj Turqisë për vendin e parë në Grupin D. Kosova dhe Turqia kanë nga tri fitore. /Telegrafi/ 

The post Fitore fantastike e Dardanëve, kualifikohen në çerekfinale të Kampionatit Evropian appeared first on Telegrafi.

Kampioni i Kosovës, Drita, ka arritur një sukses historik në arenën ndërkombëtare, duke u bërë klubi i parë kosovar që kalon raundin e parë të Ligës së Kampionëve. Skuadra gjilanase triumfoi në ndeshjen kthyese si mysafire e Differdange 03 me rezultat 3-2, duke kaluar tutje me rezultat të përgjithshëm 4-2.

Pas fitores 1-0 në “Fadil Vokrri”, Drita udhëtoi në Luksemburg me qetësi dhe përqendrim maksimal. Me dy gola të Arb Manajt dhe një tjetër nga Veton Tusha në fund të ndeshjes, gjilanasit siguruan kalimin në raundin e dytë kualifikues.

Tani, përballja e radhës për skuadrën e Zekirija Ramadanit është shumë më e madhe: FC Copenhagen, kampionët aktualë të Danimarkës dhe një nga klubet më të fuqishme në Evropën Veriore.

Një sfidë e nivelit të lartë kundër gjigantit danez

FC Copenhagen është klubi më i suksesshëm në Danimarkë, me 16 tituj kampioni dhe 10 Kupa të Danimarkës. Vlera aktuale e skuadrës së tyre arrin në rreth 92.6 milionë euro, çka tregon qartë diferencën në buxhet dhe përvojë.

Në radhët e klubit danez aktivizohen emra të njohur dhe me vlerë të lartë në treg si:

Dominik Kotarski – portier kroat, vlera 9 milionë euro

Gabriel Pereira – mbrojtës brazilian, 6 milionë euro

Rodrigo Huescas – mesfushor me profil sulmues, 6 milionë euro

Victor Froholdt – përfaqësues danez, 12 milionë euro

Youssoufa Moukoko – talenti i ardhur nga Borussia Dortmund, me vlerë 10 milionë euro

Përballja e parë mes këtyre dy skuadrave do të zhvillohet më 22 korrik në Danimarkë, ndërsa ndeshja e kthimit do të luhet më 29 korrik në stadiumin “Fadil Vokrri” në Prishtinë.

Pavarësisht emrit të madh të kundërshtarit, Drita tashmë ka dëshmuar karakter dhe guxim ndaj ekipeve të mëdha – dhe do të kërkojë të vazhdojë ëndrrën evropiane përballë një prej emrave më të mëdhenj të këtij edicioni kualifikues. /Telegrafi/ 

The post FC Copenhagen, kundërshtari i FC Dritës nga elita e Evropës – detaje për gjigantin danez appeared first on Telegrafi.