Tregtarët e kafesë po garojnë për të importuar sasi sa më të mëdha të kafesë braziliane në Shtetet e Bashkuara përpara se të hyjë në fuqi tarifa e re prej 50% ndaj produkteve braziliane, e vendosur nga administrata presidentit Donald Trump.

Tarifa, e cila do të zbatohet nga data 1 gusht, ka shkaktuar një valë të madhe kërkese nga importuesit amerikanë që po përpiqen të shmangin rritjen e kostove. Brazili është furnizuesi më i madh i kafesë për SHBA-në, dhe ky zhvillim pritet të ketë ndikim të ndjeshëm në treg.

Sipas të dhënave më të fundit, çmimet për konsumatorët amerikanë u rritën në muajin qershor, pjesërisht për shkak të ndikimit të tarifave të mëparshme të vendosura nga administrata Trump. Konsumatorët tashmë po ndiejnë efektin, përfshirë edhe në çmimin e një filxhani kafeje.

Analistët paralajmërojnë se pas hyrjes në fuqi të tarifës, çmimi i kafesë në SHBA mund të rritet ndjeshëm, duke goditur direkt konsumatorët dhe industrinë e restoranteve dhe kafeneve.

/ abcnews.al

Parlamenti i Ukrainës ka miratuar një shtesë buxhetore prej 9.8 miliardë dollarësh për ushtrinë dhe sektorin e mbrojtjes, në përpjekje për të përballuar vazhdimin e luftës me Rusinë, e cila po zgjat më shumë se dy vjet pa shenja përfundimi.

Sipas njoftimit të ligjvënësve dhe Ministrisë së Financave, ndryshimet e reja në buxhet rrisin shpenzimet totale të mbrojtjes për vitin 2025 në 2.2 trilionë hryvnia (rreth 53.2 miliardë dollarë) një nivel rekord për Ukrainën që nga fillimi i agresionit rus.

Shtesa prej 412 miliardë hryvnash synon të mbulojë nevojat urgjente për armatim, pajisje ushtarake dhe mbështetje logjistike për forcat e armatosura në vijën e frontit.

Qeveria ukrainase është përballur me presion në rritje për të siguruar më shumë burime financiare për ushtrinë, teksa luftimet në lindje dhe jug të vendit vazhdojnë me intensitet të lartë dhe ndihma perëndimore shpesh vonohet.

Amendamentet pritet të kalojnë edhe në leximin e dytë në javët e ardhshme për t’u bërë zyrtarisht pjesë e buxhetit të shtetit. / abcnews.al

Sulme të fuqishme ajrore tronditën kryeqytetin sirian Damask në orët e para të mëngjesit të së mërkurës, duke pasur si objektiv Ministrinë e Mbrojtjes, ndërsa Izraeli paralajmëroi veprime të forta kundër forcave qeveritare siriane që po kryejnë sulme ndaj komuniteteve druze në jug të vendit.

Sipas dëshmitarëve dhe raportimeve, avionë luftarakë izraelitë fluturuan në lartësi të ulët mbi Damask dhe realizuan një seri goditjesh intensive në zonën qendrore të qytetit. Një sërë shpërthimesh të fuqishme u dëgjuan në afërsi të ndërtesave qeveritare, ndërsa një re e dendur tymi u ngrit nga zona ku ndodhet Ministria e Mbrojtjes.

Autoritetet izraelite kanë deklaruar se nuk do të lejojnë që forcat e Presidentit Bashar al-Assad të vazhdojnë ofensivën kundër pakicës druze dhe kanë kërkuar tërheqjen e menjëhershme të trupave siriane nga jugu i vendit.

Zhvillimet vijnë në një kohë tensionesh në rritje përgjatë kufirit siriano-izraelit, ku përplasjet mes grupeve lokale, forcave qeveritare dhe interesave rajonale kanë krijuar një situatë të ndërlikuar dhe të rrezikshme.

SHQIPËRI- Harta e dorëheqjeve të drejtuesve vendorë është zgjeruar këtë të martë. Në Bashkinë Belsh, janë larguar një sërë administratorësh dhe drejtorësh lokale, duke i hapur rrugë një faze të re, të përzgjedhjes së drejtuesve të rinj mbi bazën e meritës dhe performancës.

Në Përrenjas tre administrator kanë dhënë dorëheqjen ndërsa drejtorët do ti nënshtrohen një vlerësimi të thelluar të punës së kryer deri më tani.

Dorëheqjet janë finalizuar edhe në Bashkinë e Gramshit, përkatësisht 9 administratorë, drejtorë dhe sekretari i përgjithshëm i bashkisë.

Përpara kryebashkiakut Kristjan Shkreli, dorëheqjen e kanë paraqitur tre nënkryetarët, pesë administratorët dhe të gjithë drejtorët në Bashkinë e Vaut të Dejës.

Dorëheqjet e administratorëve janë konfirmuar edhe në Bashkinë e Selenicës.

Largime ka edhe në qarkun e Beratit.

Kryetarët e njësive administrative në Polican dhe Kuçovë janë dorëhequr ndërsa në Skrapar, kryebashkiaku Adriatik Mema thotë se nuk do të bëjë lëvizje pasi administratorët dhe drejtorët janë emëruar së fundmi.

Administratorët e njësive Fushë Krujë, Cudhi, Thumanë, Bubq e Nikël, dy nënkryetarët dhe drejtuesit e drejtorive, kanë paraqitur dorëheqjet e tyre tek kryetari i Bashkisë Krujë, Artur Bushi.

4 nga 6 administratorët e njësive në bashkinë e Maliqit janë dorëhequr të martën ndërkohë që 2 administratorë kanë mbushur moshën e pensionit. Deri në këto momente asnjë lëvizje nuk është kryer në Bashkinë e Pogradecit.

Sa i përket bashkive të jugut, të gjithë nënkryetarët, administratorët dhe drejtorët e Bashkisë Sarandë kanë paraqitur dorëheqjen.

Në Konispol nuk ka ende largime ndërsa burime thonë se ka patur një debat mes kryebashkiakut Dule dhe kreut të qeverisë lidhur me shkarkimet e mundshme.

Përjashtim nga e gjithë reforma e vetëpastrimit bën bashkia e Pustecit, aty ku jeton minoriteti maqedonas. Për shkak të numrit të vogël të banorëve dhe numrit të kufizuar të personelit në bashki, nuk ka as administratorë dhe as drejtorë/abcnews.al

Sekretari i Përgjithshëm i PL Tedi Blushi i ftuar ne ‘Real Story’ tha se drejtësia e re është më e korruptuar se më parë. Më tej, ai tha se për mbrojtjen e Metes po ecet në dy shina. Blushi theksoi se gjendja e Metës në burg është shumë e mirë dhe se me këtë cështje do të shkojnë deri në Gjykatën e Strasburgut.

“Gjykatat vendosin afërmendsh cfarë kërkon SPAK. SPAK ka të drejtë të përgjojë të gjithë gjyqtarët, ata janë në kushte presioni, a mund të presësh një gjyqtart që ka përgjime të marrë një vendim? Tani drejtësia është më tepër e korruptuar.

Për mbrojtjen e Metës po ecim në dy shina paralele, e para në studio televizive për akuzat politike dhe shkalla e fundit do të jetë Gjykata e Strasburgut ku kjo ceshtje do te fitohet dhe do të jetë një njollë. Meta nuk ka asnjë shqetësim, gjendja e tij është e shkëlqyer. Ka qenë dy javë më parë kampion i ping pongut atje dhe asnjë shqetësim pë të, nuk e lejojnë deri më tani të ushtrojë asnjë sport.” / abcnews.al

Sekretari i Përgjithshmë i PL Tedi Blushi tha për ‘Real Story’ se kërkojnë shfuqizim të masës së sigurisë së Metës pasi janë shkelur ligjet dhe Konventa për të drejtat e njeriut.

Më tej, Blushi tha se SPAK ka dashur të krijojë një narrativë në publik duke dhënë opsionin që Meta do të arratisej përpara se ai të arrestohej. Sipas Blushit, kjo ka qenë një prej arsyeve të Metës dhe retorikës së tij të ashpër ndaj SPAK.

“Ne kërkojmë shfuqizim të masës arrest me burg sepse janë shkelur ligjet dhe konventa europiane e të drejtave të njeriut. Meta nuk është kundër hetimeve, por t’i kushtëzosh lirinë pa pasur asnjë provë. Meta ka shkuar në SPAK sa herë e kanë thirrur.

Meta është shprehur kundër mënyrës autokrate. Retorika e Metës ndaj SPAK ka qenë e ashpër sepse jo më pak se dy vite para momentit të rrëmbimit të tij ka pasur një fushatë mediatike të sponsorizuar nga SPAK duke nxjerrë disa elementë të dosjes duke nxjerrë që Meta është fajtor.

SPAK ka dashur të krijojë një narrativë në publik duke i dhënë dhe opsionin e arrastisjes, Meta madje e ka denoncuar. Meta ka qenë gati për ccdo skenarë, i përgatitur.” / abcnews.al

Read More...

Analisti Ergys Mërtiri komentoi për ‘Real Story’ qëndrimin e Metës në qelinë e paraburgimit dhe masat shtrenguese që janë marrë për të. Sipas burimeve, Metës nuk i është lejuar takimi me familjarët, avokatin e tij si dhe me deputetët. Mërtiri tha se ky vendimi nga ana e institucioneve mund të jetë ndërmarrë në mënyrë që i dyshuari të mos ushtrojë presion ndaj drejtësisë. Më tej, ai tha se të gjithë personazhet e rëndësishëm që janë pas hekurave janë shantazhues ndaj drejtësisë.

” Kjo kategori njerëzish që kanë qenë të fuqishëm ndeshen me një institucion ë të fut në burg, është shokuese për ta. Një nga arsyet që ata zgjedhin këtë masë është që mund të ushtrojnë presion mbi drejtësinë, ndaj këtë masë e marrin. Mund ta ketë nivelin  e presionit shumë të madh. Berisha e ka nivelin e presionit të lartë sa dorëzohen dhe institucionet.

Të gjithë personazhet janë shantazhues ndaj drejtësisë. Kjo është drejtësi e re dhe jemi të bindur, por diskutojmë çfarë niveli palëkundshmërie ka. Ne duhet dhe ta mbrojmë dhe këtë gjë që kemi nisur.” / abcnews.al

Sekretar i përgjithshëm i Partisë së Lirisë Tedi Blushi i ftuar në ‘Real Story’ zbuloi fakte të reja nga qëndrimi i Metës në qelinë e paraburgimit, ku tha se prej një muaji nuk po komunikon me Metën. Blushi shtoi më tej se masat represive janë ndërmarrë edhe për takimet me familjarët, avokatët dhe deputetët e tjerë. Gjithashtu, Blushi tha se Metës i është privuar liria pa fakte.

” Prej një muaji nuk takoj Metën edhe pse kam lejen. Për arsye që ende nuk i di, ndërkohë që unë kam leje nga SPAK, u bë më shumë se 1 muaj që nuk e takoj pa arsye. Dhe bisedat telefonike janë ndërprerë. Jemi në një terr komunikimi, masat represive janë shtuar. Dhe familjarët janë ndaluar të takohen prej 2 javësh, edhe avokatit i është kufizuar takimi.

Meta ndodhet në kushte izolimi. Ka një arsye, duan t’i mbyllin gojën për të vërtetat në këtë proces farsë politikë. Nuk ka asnjë arsye tjetër.

Edhe deputetëve i është ndaluar takimi. Shkak është bërë komunikimi i Metës me dy gazetarë, që janë marrë masat represive. Nuk ka një rregullore që i ndërpretë të drejtën e fjalës.  Kanë kufizuar lirinë fizike pa fakte dhe prova.”, tha Blushi. / abcnews.al

Kengetarja Beyoncé ka rënë pre e një grabitje, pasi pak ditë para ndalesës se saj katerditore ne Atlanta me turneun e saj “Cowboy Carter”, disa hajdute kane vjedhur nje nje automjet I stafit te saj disa USB qe permbanin kenge te papublikuara te artistes.

Ne mesin e sendeve te vjedhura jane edhe planet e shfaqjeve dhe listat me këngë për koncertet e kaluara dhe ato të ardhshme u morën nga një makinë me qira, e cila përdorej nga koreografisti i këngëtares dhe një prej balerinëve të saj.

Vjedhja ndodhi më 8 korrik, vetëm dy ditë përpara performancës së parë të Beyoncé në Atlanta. Policia e Atlanta-s thotë se është lëshuar një urdhër arrest, por emri i dyshuarit nuk është bërë publik.

Sipas raportit të policisë, koreografisti Christopher Grant dhe balerini Diandre Blue parkuan automjetin dhe hynë në një supermarket. Pasi u kthyen, panë dritaren e pasme të thyer dhe dy çanta u mungonin.

Ata raportuan se në çanta ndodheshin pesë drive USB me këngë të papublikuara, planet e skenarëve për shfaqje të kaluara dhe të ardhshme, dhe lista të tjera këngësh, sipas policisë.

Më tej, u mor edhe një laptop, rroba dhe kufje Apple AirPods. Autoritetet përdorën gjurmimin nepermjet ketye paisjeve teknologjike per te identifikuar hajdutet, per te cilet nuk ka detaje nese jane arrestuar. / abcnews.al

Zjarret pyjore kanë përfshirë disa rajone të Mesdheut këtë muaj, duke detyruar mijëra njerëz të mbyllen në shtëpitë e tyre në Kataloninë e Spanjës dhe duke rrezikuar qytetin e dytë më të madh të Francës, Marsejën. Ekspertët paralajmërojnë se ndryshimet klimatike po luajnë një rol gjithnjë e më të madh në përhapjen dhe intensifikimin e zjarreve në të gjithë kontinentin.

Si paraqitet situata këtë vit?

Sipas Sistemit Evropian të Informacionit për Zjarret Pyjore, që nga fillimi i vitit janë djegur mbi 227,000 hektarë tokë më shumë se dyfishi i mesatares për këtë periudhë gjatë 20 viteve të fundit. Edhe pse kjo shifër është shumë më e lartë se normalja, ajo nuk e tejkalon rekordin e viteve më të këqija si 2003 dhe 2017, kur u dogjën mbi 1.1 milionë hektarë.

Numri i zjarreve gjithashtu ka shënuar rritje të ndjeshme: 1,118 vatra janë regjistruar deri më 8 korrik, krahasuar me 716 në të njëjtën periudhë të vitit të kaluar.

Zjarret kanë përfshirë rajone të Mesdheut, përfshirë Sirinë, ku janë djegur mbi 3% e pyjeve të vendit, si dhe ishujt grekë Evia dhe Kretë, ku mijëra banorë janë detyruar të evakuohen.

Çfarë i shkakton këto zjarre?

Shkencëtarët thonë se verat më të nxehta dhe më të thata në rajonin e Mesdheut e bëjnë atë veçanërisht të ndjeshëm ndaj zjarreve. Njëherë që zjarret shpërthejnë, bimësia e tharë dhe erërat e forta ndihmojnë përhapjen e shpejtë dhe të pakontrolluar të flakëve.

Ndryshimet klimatike përkeqësojnë situatën duke krijuar kushte më të nxehta dhe më të thata. Ngrohja globale – e nxitur nga djegia e qymyrit, naftës dhe gazit – ka rritur temperaturat globale me rreth 1.3°C që nga koha paraindustriale. Sipas Organizatës Botërore Meteorologjike, Evropa është ngrohur dy herë më shpejt se mesatarja globale që nga vitet 1980.

Kjo rritje e temperaturave i bën valët e të nxehtit më të forta dhe më të shpeshta, duke e rritur ndjeshëm rrezikun për zjarre të mëdha.

Çfarë pritet për pjesën tjetër të verës?

EFFIS parashikon temperatura mbi mesataren për muajin gusht në të gjithë Evropën, gjë që do të mbajë nivelin e rrezikut të zjarreve të lartë, sidomos në Evropën Jugore dhe Lindore. Ndërsa vendet mesdhetare pritet të kenë reshje normale, pjesa tjetër e kontinentit mund të përballet me thatësira, duke përkeqësuar më tej situatën.

Qeveritë po marrin masa për t’u përballur me situatën. Greqia, për shembull, ka angazhuar një numër rekord prej 18,000 zjarrfikësish për vitin 2025 dhe ka ndryshuar taktikat e zbulimit dhe reagimit për të parandaluar përhapjen e zjarreve.

Në përfundim, ndërsa Evropa përgatitet për një verë gjithnjë e më të nxehtë, ekspertët theksojnë nevojën për veprime të menjëhershme ndaj ndryshimeve klimatike dhe forcimin e strategjive të parandalimit të zjarreve.

Aksioni për paisjen e produkteve blegtorale me faturë nuk është një nismë që ka për qëllim gjobitjen e fermerëve.Ministria e Bujqësisë dhe Zhvillimit Rural bën me dije se kontrollet për sigurinë ushqimore dhe pajisjen me faturë tatimore nuk janë aksion kundër fermerëve, por një hap për ta formalizuar, forcuar dhe mbështetur sektorin bujqësor.

Shqipëria ka një sërë detyrimesh në rrugën drejt integrimit dhe formalizimi  si dhe garantimi i sigurisë ushqimore mbeten thelbësore në këtë drejtim.

“Qëllimi ynë nuk është të vendosim gjoba, por të krijojmë një sistem ku çdo hallkë e zinxhirit të prodhimit dhe tregtimit të produkteve bujqësore të jetë e pastër, e kontrollueshme dhe në shërbim të qytetarit.”

Që prej dy ditësh në vend ka nisur një aksion që synon që asnjë produkt blegtoral si qumësht apo mish të mos shitet pa pasur një faturë fiskale.Kjo do të garantonte gjurmueshmërinë  e produkteve  për të rritur sigurinë ushqimore.Mw herwt administrate tatimore sqaroi se shitwsit ambulantw nuk kanw detyrimin tw paisin mallin me faturw  por duhet tw regjistrohen si shitws ambulante.

/ abcnews.al

Vijojne doreheqjet e administratoreve ne rajonin e Korçes. Sot kane paraqitur doreheqjet 4 nga 6 administratoret e njesive ne Bashkine e Maliqit. I pyetur, kreu i Bashkise ka thene se ne tryezen e tij kane ardhur 4 doreheqje, nderkohe qe 2 administratore kane mbushur moshen e pensionit. Pritet qe ne ditet e ardhshme te shihet nese do te japin doreheqjen dhe dy nenkryetaret e bashkise. Kreu i Bashkise Gezim Topçiu u shoreh se nuk do te kete levizje drejtoresh momentalisht.

Nje dite me.pare kane dhene doreheqjen administratoret e bashkive Korçe, Kolonje, Devoll. Deri ne keto momente asnje levizje nuk eshte kryer ne Bashkine e Pogradecit. / abcnews.al

Një në 10 fëmijë të kontrolluar në klinikat e drejtuara nga agjencia e Kombeve të Bashkuara për refugjatët në Gaza që nga viti 2024 ka qenë i kequshqyer, njoftoi agjencia.

“Ekipet tona shëndetësore po konfirmojnë se shkalla e kequshqyerjes po rritet në Gaza, veçanërisht që kur rrethimi u shtrëngua më shumë se katër muaj më parë, më 2 mars”, tha drejtoresha e komunikimit e UNRWA, Juliette Touma, raportojnë mediat e huaja.

Që nga janari i vitit 2024, UNRWA thotë se ka kontrolluar më shumë se 240,000 djem dhe vajza nën moshën pesë vjeç në klinikat e saj, duke shtuar se para luftës, kequshqyerja akute shihej rrallë në Rripin e Gazës.

“Një infermiere tha se i kishte parë këto raste të kequshqyerjes vetëm në tekstet shkollore dhe dokumentarët”, tha Touma.

“Ilaçet, furnizimet ushqimore, materialet higjienike, karburanti po mbarojnë me shpejtësi.”

Më 19 maj, Izraeli hoqi një bllokadë 11-javore të ndihmës në Gaza, duke lejuar rifillimin e dërgesave të kufizuara të OKB-së.

Deputetja e ‘Nisma’ në Kosovë Arbëreshë Krasniqi, e ftuar në ‘Ballkan Update’ u shpreh se janë të gatshëm për zgjidhjen e ngërçit politik në Kosovë e cila po irriton qytetarët dhe ka pasoja të pariparueshme.

Më tej Krasniqi tha se  Limaj ka shprehur interesim për bashkëpunim me Kurtin për formimin e qeverisë së re të Kosovës.

“Duke marrë parasysh zhvillimet e fundit meriton që të kemi një qasje konstruktive në drejtim të kësaj situate. Nisma është e gatshme të jap ndihmën e saj. Limaj ka shprehur interesim për bashkëpunim me Kurtin. Kjo situatë ka kaluar të gjitha pritshmëritë dhe është irrituese për popullin e Kosovës. Krijimi i institucioneve është përgjegjësi sidomos për ata që kanë dalë të parët në zgjedhje.

Situata është e kushtueshme dhe e pariparueshme sepse nuk sjellë asnjë në të gjitha nivelet në vendin tonë.” / abcnews.al

“E Albania është falas, e aksesueshme për të gjithë qytetarët dhe çdo zyrë avokatie që ofron shërbim kundrejt pagesës po shkel ligjin. Duke ditur që moshat e thyera duhet të mbështeten nga Bashkitë. 

Dhe në njësitë administrative duhet të kemi dhe një punonjës që ofron asistencë për E Albania. Duam ta promovojmë këtë shërbim dhe qytetarët të kuptojnë që nuk i detyrohen askujt asnjë qindarkë.”

Një mjek gjerman 40-vjeçar, i identifikuar si Johannes M nga mediat gjermane qe nuk kane zbuluar mbiemtin e tij, është vënë në bankën e të akuzuarve në një gjyq që ka tronditur opinionin publik në Gjermani dhe më gjerë. Ai akuzohet për vrasjen me paramendim të 15 pacientëve rëndë të sëmurë, por që nuk ishin në prag të vdekjes, gjatë periudhës shtator 2021 – korrik 2024.

Prokuroria gjermane e ka cilësuar këtë rast si vrasje me paramendim në rrethana cilësues dhe kërkon dënimin me burgim të përjetshëm pa të drejtë lirimi me kusht, një masë e rrallë në sistemin gjerman të drejtësisë, që përdoret vetëm për rastet më të rënda.

Sipas akuzës, mjeku u ka injektuar pacientëve një përzierje anestezie dhe relaksuesi të muskujve, e cila bllokon frymëmarrjen dhe çon në vdekje brenda pak minutash. Viktimat, të moshës nga 25 deri në 94 vjeç, ndodheshin në trajtim mjekesor në shtëpitë e tyre dhe nuk kishin dhënë asnjëherë pëlqimin për eutanazi. Në disa raste, mjeku dyshohet se iu ka vënë zjarrin banesave të pacientëve, për të shkatërruar gjurmët dhe provat.

Autoritetet kanë zbuluar se Johannes M. ka qenë i përfshirë në rreth 395 raste vdekjesh, dhe nga këto, 95 janë tashmë objekt hetimi. Prej tyre, 75 mbeten ende çështje të hapura, dhe në 5 raste është urdhëruar ekshumimi i trupave për analizë mjeko-ligjore. Një nga rastet që po hetohet është edhe vdekja e vjehrrës së tij në Poloni në fillim të vitit 2024.

Gjyqi në Berlin ka nisur këtë javë dhe pritet të zgjasë deri në janar 2026, me rreth 35 seanca të planifikuara. Janë parashikuar rreth 150 dëshmitarë, ndërsa 13 të afërm të viktimave janë paraqitur si palë civile. I akuzuari ka refuzuar të flasë gjatë seancës dhe nuk ka pranuar të bëjë një ekzaminim psikiatrik, por sjellja e tij do të vëzhgohet nga një ekspert i caktuar nga gjykata. Ky rast ka sjellë kujtime të errëta nga çështja e infermierit gjerman Niels Högel, i dënuar në vitin 2019 për vrasjen e 85 pacientëve në spital. Ashtu si Högel, edhe Johannes M. mund të përballet me ndalim të përjetshëm për ushtrimin e profesionit të mjekut dhe mbajtje në paraburgim të posaçëm edhe pas përfundimit të dënimit, nëse gjykata arrin në përfundimin se paraqet rrezik për shoqërinë.

Këshilli i Bashkimit Evropian njoftoi të martën vendosjen e sanksioneve ndaj tetë individëve dhe një enti nga Irani, përfshirë në shkelje të rënda të të drejtave të njeriut dhe represion transnacional.

Sipas deklaratës zyrtare të BE-së, të sanksionuarit akuzohen për kryerje të abuzimeve në emër të institucioneve shtetërore iraniane jashtë territorit të Iranit. Ata janë përgjegjës për ekzekutime jashtëgjyqësore, përmbledhëse dhe arbitrare, si dhe për zhdukje të detyruar të personave të konsideruar kritikë ose kundërshtarë të regjimit iranian.

“Veprimet e tyre përbëjnë shkelje të rënda të të drejtave themelore të njeriut dhe përfaqësojnë një përpjekje për të shtypur zërat kritikë edhe jashtë kufijve të Iranit,” thuhet në deklaratë.

Sanksionet përfshijnë ngrirjen e aseteve dhe ndalimin e hyrjes në territorin e Bashkimit Evropian për personat e përfshirë. Emrat e tyre do të publikohen në gazetën zyrtare të BE-së.

Ky vendim vjen në kuadër të angazhimit të vazhdueshëm të BE-së për të luftuar shkeljet e të drejtave të njeriut dhe për të mbështetur aktivistët dhe qytetarët që përballen me represion politik dhe dhunë shtetërore. / abcnews.al

Jam i zhgënjyer, por nuk kam mbaruar ende punë me të. Ky ishte komenti i Presidentit Amerikan Donald Trump në një intervistë telefonike për BBC, vetëm disa orë pasi Kreu i Shtëpisë së Bardhë I vuri ultimatum Presidentit Rus Vladimir Putin që të mbyllte luftën në Ukrainë  brenda 50 ditëve, ose në të kundërt Rusia do të përballej me tarifa 100%. Trump tha se ka qenë 4 herë pranë arritjes së një marrëveshje me Kreun e Kremlinti, por kur u pyet nëse kishte besim tek Vladimir Putin, Trump tha se ai nuk I beson askujt.

“Kam qenë katër here pranë një marrëveshje paqeje me Vladimir Putin. Duket si diçka e thjeshtë, por nuk është. Jam i zhgënjyer prej tij. Ne arritëm në parim një marrëveshje për paqe të paktën 4 herë dhe pastaj kur mbyll telefonatën çfarë të shohësh, ai bombardon një azil të moshuarish në Kiev. Nuk i besoj askujt!”

Presidenti Amerikan tha në intervistën e tij telefonike për BBC se puna për të ndalur gjakderdhjen në luftën Rusi Ukrainë do të vijojë.
Kreu i Shtëpisë foli edhe për bashkëpunimin e Washingtonit me Vendet e NATO-s, aleancë të cilën më parë e kishte quajtur  të vjetëruar.Trump tha se mendimi i tij për NATO-n, tashmë ka ndryshuar ndërsa shtoi se Aleanca Veri Atlantike po ia del të paguaj vetë faturat e saj. / abcnews.al

Berisha nuk flet më për vjedhje votash. Tani, doktori thotë se fermerët u blenë para zgjedhjeve.

“Edi Rama bleu fermerët para zgjedhjeve, duke u ndarë 250 milionë euro, grante, subvencione, kredi nga data 10 shkurt në shkelje të ligjit elektoral.”

Doktori thotë se fermerët u mashtruan, sepse Rama i ndau në të qeverisë dhe të opozitës.

“Shihni si i gënjeu, 70 mijë aplikime. 16 mijë u pranuan. 54 mijë të tjerë ende presin aprovimin nga patronazhisti. I dha e jep, apo se jep votën”

Po kush janë fermerët oligarkë e biznesmenë që përfituan?

“Kjo meriton një analizë, e drejtë. Kjo meriton një analizë si IPARDI. Se nuk e heton SKAP-I” / abcnews.al