Lamine Yamal, ka befasuar tifozët me pamjen e tij të re para ndeshjes për Trofeun Joan Gamper kundër Como 1907. Sulmuesi i talentuar u pa te stilisti i tij i flokëve, ku përveç prerjes së flokëve, ndryshoi edhe modelin e tyre, duke treguar një look krejt ndryshe nga ai i mëparshmi.

Ndjekësit në rrjetet sociale reaguan me komente të ndryshme për ndryshimin e papritur. Disa shprehën shqetësim se lyerja e shpeshtë mund të ndikojë në flokët e tij, duke e paralajmëruar për rrezikun e tullacërisë, ndërsa të tjerë i sugjeruan që të përqendrohet më shumë në performancën në fushë sesa në pamjen e jashtme.

The post Lamine Yamal dhe ndryshimi që ndezi rrjetin para Gamper appeared first on iconstyle.al.

Pas mbi dy ditë ndërhyrjesh intensive nga toka dhe ajri, situata e zjarreve në Bashkinë Finiq është stabilizuar, megjithëse disa vatra mbeten aktive. Flakët, që nga e premtja kanë rrezikuar zona si Dhrovjani dhe Parku Natyror “Syri i Kaltër”, u fuqizuan mesditën e sotme nga era dhe terreni i vështirë pranë fshatrave Krane dhe Fitore, duke iu afruar banesave. Reagimi i shpejtë i zjarrfikësve dhe ushtrisë arriti të frenojë përhapjen.

Në terren vijojnë 10 ekipe zjarrfikësish dhe ushtarakësh për shuarjen e plotë dhe parandalimin e riaktivizimeve, teksa temperaturat arrijnë deri në 40°C.

Bilanci i dëmeve është i rëndë: në fshatin Krongj është shkatërruar një banesë dhe kisha, ndërsa në Velahovë e Livinë janë djegur ullishtet dhe pemëtaria. Zona pyjore në Ardhasovë, Bistricë dhe përreth Dhrovjanit është prekur gjerësisht, duke dëmtuar edhe infrastrukturën rurale dhe mjetet bujqësore. Autoritetet mbeten në gatishmëri deri në shuarjen përfundimtare të çdo vatre.

The post 48 orë mes flakëve, vihen në kontroll zjarret në Finiq dhe zonat përreth appeared first on iconstyle.al.

Një studim i fundit zbuloi se gratë përjetojnë dy herë më shumë stres nga bashkëshortët sesa nga fëmijët.

Pjesëmarrëset raportuan nivele stresi mesatarisht 8.5 nga 10, ndërsa gati gjysma thanë se partneri kontribuon më shumë në stresin e tyre të përditshëm sesa prindërimi.

Shkaku kryesor? Pabarazia në ndarjen e përgjegjësive të shtëpisë dhe ngarkesa mendore e emocionale që bie shpesh mbi gratë.

Zgjidhja? Më shumë komunikim, ndarje e barabartë e punëve dhe mbështetje reciproke, jo vetëm për të ulur stresin, por edhe për të forcuar marrëdhënien.

The post Studimi: Burrat i stresojnë gratë dyfish më shumë se fëmijët appeared first on iconstyle.al.

Walt Disney dhe aktorja Gina Carano kanë arritur një marrëveshje pas një mosmarrëveshjeje ligjore që nisi pas largimit të saj nga seriali i suksesshëm “The Mandalorian”. Lajmin e konfirmoi një zëdhënës i Lucasfilm, dega e Disney që prodhon serialin.

Carano u largua nga projekti në vitin 2021, pas postimeve në rrjetet sociale që Disney i cilësoi si “të neveritshme dhe të papranueshme”, duke i konsideruar ato si poshtërim ndaj njerëzve bazuar në identitetin e tyre kulturor dhe fetar. Në vitin 2024, aktorja paditi Disney për “diskriminim gjinor” dhe pushim të padrejtë nga puna, duke argumentuar se ajo u penalizua për shprehjen e pikëpamjeve konservatore, ndërsa kolegët meshkuj me qëndrime të ngjashme nuk pësuan masa.

Pas përfundimit të padisë, Lucasfilm shprehu gatishmërinë për bashkëpunim të mëtejshëm me Carano në të ardhmen. Nga ana e saj, aktorja e quajti zgjidhjen “rezultatin më të mirë për të gjitha palët” dhe falënderoi Elon Musk për mbështetjen gjatë këtij procesi.

Gina Carano ka qenë subjekt kritikash të shumta për postimet e saj në rrjetet sociale, ku ka sfiduar masat kundër COVID-19 dhe ka përsëritur pretendime të kontestuara për mashtrim zgjedhor në zgjedhjet amerikane të vitit 2020.

The post Disney dhe Gina Carano zgjidhin mosmarrëveshjen ligjore pas largimit nga “The Mandalorian” appeared first on iconstyle.al.

Një person ka humbur jetën dhe disa të tjerë janë plagosur pas një incidenti me armë zjarri që ndodhi sot në Tetovë, Maqedonia e Veriut. Ngjarja e rëndë u regjistrua rreth orës 12:30 në kryqëzimin e rrugës “Ilinden” me rrugën “Bllagoja Toska”, ku dy automjete u përfshinë në një shkëmbim zjarri, i cili përfundoi edhe me një aksident trafiku.

Pas shkëmbimit të zjarrit, të dy automjetet larguan nga vendi i ngjarjes. Njëri prej tyre u drejtuar drejt rrugës “113” dhe është identifikuar si një “Ford Fiesta” me targa të Tetovës, ndërsa tjetri, një “Volkswagen Golf”, u gjet më vonë në rrugën “Bllagoja Toska” me një person të vdekur brenda, i cili kishte plagë nga arma e zjarrit. Pronësia e makinave është lidhur me persona nga Tetova dhe fshati Gajre.

Në incident u plagosën gjithsej katër persona, përfshirë një vajzë të mitur dhe një këmbësor 60-vjeçar që ishte kalimtar i rastit. Tre nga të plagosurit u dërguan për trajtim të specializuar në Shkup, ndërsa njëri mbeti nën vëzhgim në Spitalin e Tetovës.

Njësitë hetimore dhe prokuroria kanë nisur hetimet për zbardhjen e plotë të rrethanave të kësaj ngjarjeje të rëndë.

The post Ngjarje e rëndë në Tetovë! Shkëmbim zjarri mes dy automjeteve, një viktimë dhe katër të plagosur appeared first on iconstyle.al.

Francis dhe Angela Igbo, një çift me ngjyrë nga Nigeria që jeton në Londër, u bënë prindër të një vajze me tipare që habitën mjekët dhe botën.

Megjithëse të dy prindërit kanë ngjyrë të errët lëkure, vajza e tyre lindi me lëkurë të bardhë, flokë bjonde dhe sy blu.

E njohur si “Bebja Mrekulli,” kjo ngjarje e rrallë mbetet mister, me mjekët që mendojnë se shkak mund të jetë një mutacion gjenetik i rrallë ose gjene të fshehura të prejardhjes së largët.

The post Kur fëmija nuk i ngjan prindërve: rasti i pazakontë nga Londra appeared first on iconstyle.al.

Agon Amiga, reperi i njohur dhe ish-anëtari i grupit Babastars, ka ndarë së fundmi një moment shumë të veçantë nga jeta e tij personale me ndjekësit në rrjetet sociale. Përmes një postimi në InstaStory, ai ka bërë të ditur se ka përjetuar një ndryshim të rëndësishëm në familjen e tij.

“Mirë se erdhe Emma, çika ime e vogël”, ka shkruar ai, duke njoftuar ardhjen në jetë të vajzës së tij të dytë. Agon është baba edhe i një djali pesëvjeçar dhe prej kohësh është larguar nga skena muzikore, duke nisur një jetë krejtësisht të re në Gjermani.

The post Ish-anëtari i Babastars bëhet baba për herë të dytë! appeared first on iconstyle.al.

Ndryshe nga pjesa më e madhe e pasurisë që princ William dhe princ Harry morën nga nëna e tyre, Princesha Diana, prona historike familjare, Althorp Estate, nuk do t’u kalojë atyre. Kjo ndodh për shkak të një tradite shekullore të njohur si primogjenitura mashkullore, sipas së cilës titulli dhe prona trashëgohen nga djali më i madh i familjes.

Althorp Estate në Northamptonshire, ku Diana kaloi fëmijërinë dhe ku është varrosur, i takon kushëririt të tyre, Louis Spencer, djalit të vëllait të Dianës, Charles Spencer. Pavarësisht se ka një motër më të madhe, Louis do të jetë trashëgimtari i pronës me vlerë të madhe, sipas kësaj tradite.

Në këtë mënyrë, ndërsa William dhe Harry trashëguan shumicën e pasurisë personale të Dianës, prona historike do të mbetet në duart e një trashëgimtari mashkull, duke reflektuar një praktikë që, megjithëse sfidohet, vazhdon të qëndrojë e pandryshuar në familjen Spencer.

The post Pse djemtë e Princeshës Diana nuk do trashëgojnë pronën familjare? appeared first on iconstyle.al.

Në mëngjesin e sotëm, një shpërthim vullkanik u regjistrua në shpatin jugor të Bocca Nuova, në malin Etna, në lartësinë prej rreth 3,000 metrash. Instituti Kombëtar i Gjeofizikës dhe Vullkanologjisë (INGV), përmes Observatorit të Etnës, ka nisur menjëherë monitorimin dhe studimet në terren.

Rrjedha e lavës po lëviz drejt jugut, ndërsa aktiviteti sizmik mbetet pa ndryshime të konsiderueshme. Burimi i dridhjeve është identifikuar në një lartësi prej 2,800 metrash, ndërmjet humnerës dhe kraterit verilindor. Nuk janë regjistruar dridhje infrasonike të rëndësishme, as emetime hiri, dhe Aeroporti i Katanias po funksionon normalisht.

Megjithatë, autoritetet kanë ngritur nivelin e alarmit të fluturimeve në portokalli, si masë paraprake për sigurinë e trafikut ajror.

The post Etna zgjohet sërish, lava rrjedh dhe aeroporti në alarm appeared first on iconstyle.al.

Një studim i ri nga Supercreator ka zbuluar se gratë më të shkurtra fitojnë deri në 34% më shumë abonentë në OnlyFans sesa ato më të gjata, me fansa që shpenzojnë 30–45% më shumë për ndërveprim dhe qëndrojnë pothuajse dyfishin e kohës.

Një prej shembujve më të njohur është Erika Calabrese, 25 vjeçe nga Tampa, Florida, e cila me vetëm 1.22 metra gjatësi ka ndërtuar një karrierë prej mbi gjashtë shifrash në muaj. Me 809 mijë ndjekës në Instagram, Calabrese thotë se e ka kthyer gjatësinë e saj në avantazh, duke sfiduar stereotipet për personat e shkurtër.

“Unë kisha dy zgjedhje: ose ta përdorja gjatësinë në favorin tim, ose të pranoja atë që shoqëria ka stereotipuar për njerëzit si unë, thjesht një objekt humori,” tha ajo për Jam Press.

Megjithëse faqja po bëhet gjithnjë e më e mbingarkuar me përmbajtje, Calabrese thotë se vazhdon të fitojë “shumë më tepër se gjashtë shifra në muaj”. Por me suksesin vijnë edhe kërkesat e çuditshme nga fansat, nga ftesa për takime dhe udhëtime jashtë vendit, deri tek mesazhe nga “burra të famshëm të martuar” ose studentë që e ftojnë në festa universiteti.

Calabrese, e cila pesë vite më parë la punën e saj në një dyqan mobiliesh ku fitonte 30 mijë dollarë në vit, pranon se fama ka edhe anët e saj të vështira. “Më thonë se fitoj vetëm sepse jam e vogël, gjë që është e vërtetë, por nuk është asgjë për t’u turpëruar,” shprehet ajo, duke shtuar se ndonëse është e lumtur që ka frymëzuar të tjerët si ajo të provojnë platformën, i shqetëson fakti që ata mund të përballen me të njëjtat paragjykime.

The post Pse gratë e shkurtra janë më të kërkuarat në OnlyFa*s? appeared first on iconstyle.al.

Një ngjarje e rëndë ka tronditur sot qytetin e Gjilanit. Rreth orës 12:32, në rrugën “Ibrahim Rugova”, janë dëgjuar të shtëna me armë zjarri që kanë lënë të vdekur tre persona dhe kanë plagosur një tjetër. Fillimisht u raportua për dy viktima, por më pas u konfirmua se edhe një nga të plagosurit kishte ndërruar jetë në spital.

Sipas burimeve të policisë, viktimat dyshohet të jenë babë e bir, ndërsa personi i plagosur po merr trajtim mjekësor. Autori i dyshuar është një shtetas i Kosovës, i njohur për policinë, i cili pas ngjarjes është larguar nga vendi i krimit dhe ndodhet ende në arrati.

Në vendngjarje kanë ndërhyrë njësitë relevante të Policisë së Kosovës, mjekët emergjentë dhe prokurori i shtetit. Hetimet për zbardhjen e motiveve dhe kapjen e autorit po vazhdojnë me intensitet.

The post Masakër në Gjilan, tre të vrarë, autori ende i lirë appeared first on iconstyle.al.

Eksperti i prindërimit Steve Biddulph beson se tezet luajnë një rol të rëndësishëm në rritjen e vajzave, veçanërisht gjatë adoleshencës, kur ato shpesh mund të kundërshtojnë këshillat nga nënat. Gjatë një interviste në podcastin Parental As Anything të ABC, psikologu dhe autori i librit Raising Girls e cilësoi tezen, ose figurat e besuara si “teze”, si një “kolonë të shëndetit mendor”, që mund të ofrojnë udhëzime pa të njëjtën ngarkesë emocionale.

Biddulph rekomandon fillimin e këtij raporti që në moshën 8-vjeçare dhe ruajtjen e tij përmes vizitave të rregullta ose aktiviteteve së bashku. Sipas tij, tezet mund të krijojnë një hapësirë të sigurt për vajzat, ku ato mund të flasin për marrëdhëniet, zgjedhjet e jetës dhe sfidat, duke i ndihmuar ato të shmangin mbështetjen e tepruar në grupet e shokëve dhe ndikimin e mundshëm të mediave sociale.

The post Ekspertët e prindërimit: Tezet janë po aq të rëndësishme sa nënat në rritjen e vajzave appeared first on iconstyle.al.

Presidenti Donald Trump pritet të vizitojë Britaninë këtë shtator, dhe vëmendja ka kaluar edhe te Zonja e Parë, Melania.

Burimet britanike sugjerojnë se ajo ka një ndikim të madh në vendimet e presidentit, madje edhe në çështjet e politikës së jashtme.

Ndikimi i saj ka qenë evident në ndryshimin e qëndrimeve të Trumpit ndaj krizës në Gaza dhe qëndrimit ndaj Putinit për paqe në Ukrainë.

Pavarësisht profilit të saj të ulët, Melania ka ndërhyrë në çështje humanitare, përfshirë mbrojtjen e fëmijëve dhe të drejtën për abort, duke krijuar përplasje me bashkëshortin e saj.

The post Melania Trump: Po ndikon ajo në politikat e Donald Trump? appeared first on iconstyle.al.

Një studim i fundit ka zbuluar se një hobi i veçantë e bën një mashkull të jashtëzakonshëm tërheqës për femrat.

Sipas kërkimeve, gratë janë veçanërisht tërhequr nga meshkujt që lexojnë, pasi ky aktivitet flet për aftësi, kreativitet dhe një personalitet të balancuar.

Leximi dhe aktivitetet artistike janë renditur në krye të listës së hobive që shoqërohen me intelektin dhe mundësinë për të krijuar lidhje emocionale të forta, cilësi që shumë gra i lidhin me marrëdhënie afatgjata.

The post Zbuloni hobin e meshkujve që femrat “çmenden” pas tij appeared first on iconstyle.al.

Kylie Jenner feston ditëlindjen e 28-të sot, duke reflektuar për një karrierë të jashtëzakonshme që ka transformuar jo vetëm industrinë e bukurisë, por edhe mënyrën se si perceptohet ndikimi në mediat sociale.

Gjatë viteve, Kylie ka arritur të ndërtojë një perandori të suksesshme, duke u shndërruar në një ndër figurat më të ndikuara në botë.

Pas suksesit të markës së saj, “Kylie Cosmetics”, dhe shfaqjeve të saj televizive, ajo vazhdon të jetë një nga personalitetet më të kërkuara dhe të admiruar nga fansat. Ky vit është gjithashtu një vit i rëndësishëm për të, pasi është arritur edhe një tjetër pikë kulmore në jetën e saj profesionale dhe personale.

Sot, Kylie është jo vetëm një simbol i modës dhe bukurisë, por edhe një nga influencueset më të fuqishme në botë, duke mbajtur një ndikim të jashtëzakonshëm mbi tregjet dhe kulturën popullore globale.

The post Kylie Jenner është gati për një vit të ri! Po sa vjeçe bëhet? appeared first on iconstyle.al.

Aktori britanik Zack George ka rrëfyer dhimbjen e tij pas humbjes tragjike të djalit të tij të porsalindur, Leo. Djali lindi para kohe në javën e 23-të të shtatzënisë më 26 mars dhe pas disa ditësh në njësinë e kujdesit intensiv, gjendja e tij u stabilizua për disa orë, duke dhënë shpresë. Mjekët e hoqën nga ventilatori, por më pas u shfaqën komplikime të rënda.

Xhepat ajri që po formoheshin rreth mushkërive të Leos ishin shkaktuar nga një tub që kishte dëmtuar trakenë e tij, një rrezik i njohur në këto raste. Ky komplikim e bëri të pamundur për Leon që të mbijetonte, duke çuar në vdekjen e tij pas 13 ditësh, më 7 prill. Mjekët i kishin paralajmëruar se shanset për mbijetesë ishin të ulëta, por problemi i shkaktuar nga ventilimi përshpejtoi fundin tragjik.

Në kujtim të tij, Zack ka nisur një fushatë bamirësie për foshnjat e lindura para kohe dhe për rritjen e ndërgjegjësimit për kujdesin neonatal intensiv.

The post Aktori i ‘Gladiator’ Zack George rrëfen tragjedinë e humbjes së djalit të tij appeared first on iconstyle.al.

Situata e zjarrit në territorin e Bashkisë Finiq është përkeqësuar ndjeshëm, me flakët që po i afrohen rrezikshëm zonave të banuara. Dëmet më të mëdha janë regjistruar në fshatin Velahovë, ku dy banesa janë djegur plotësisht. Ekipet e emergjencës janë angazhuar intensivisht për të parandaluar përhapjen e mëtejshme të flakëve dhe për të evakuuar banorët që ndodhen në rrezik.

Në orët e para të mëngjesit, u arrit të parandaloheshin flakët që kërcënonin Hidrocentralin e Bistricës. Pritet ndërhyrje ajrore për të kontrolluar situatën. Për arsye sigurie, qarkullimi i mjeteve në aksin Muzinë – Bistricë mbetet i kufizuar deri në përmbyllje të operacioneve.

Për momentin, ekipi i emergjencës dhe forcat anti-zjarr po punojnë pa pushim për të shmangur katastrofa të tjera dhe për të mbajtur nën kontroll flakët që vijojnë të kërcënojnë jetën dhe pasuritë e banorëve të zonës.

The post Situatë kritike nga zjarret në Finiq, digjen dy banesa! Evakuohen banorët appeared first on iconstyle.al.

Pas raportimeve që këngëtari Shpat Kasapi u rrah nga disa dasmorë gjatë një dasme, vetë artisti ka reaguar përmes një postimi në rrjetet sociale. Në një InstaStory, Kasapi ka sqaruar se është mirë me shëndet dhe ka theksuar se lajmet janë ekzagjeruar.

Ai ka shpjeguar se gjithçka ka qenë një keqkuptim me disa nga të ftuarit e dasmës dhe ka kërkuar që të mos shqetësohen për situatën. “Të dashur miq, unë jam mirë me shëndet, falë Zotit. Ju lutem mos e ekzagjeroni shumë lajmin, ishte një keqkuptim me dasmorët, asgjë tjetër për t’u shqetësuar,” shkruan ai.

The post Pas raportimeve për rrahje nga dasmorët, reagon Shpat Kasapi! appeared first on iconstyle.al.

Ditën e diel, vendi ynë do të jetë nën ndikimin e kushteve atmosferike të qëndrueshme, me mot të kthjellët dhe të nxehtë në të gjithë territorin. Temperatura pritet të arrijë deri në 42°C, duke bërë që dita të jetë shumë e ngrohtë.

Era do të fryjë me drejtim veriperëndim, me shpejtësi mesatare 7 m/s, ndërsa përgjatë vijës bregdetare dhe zonat luginore era do të arrijë deri në 10-12 m/s.

Për ata që planifikojnë të kalojnë ditën pranë detit, vala do të jetë 1-2 ballë, duke ofruar kushte të mira për aktivitete në ujë.

The post Temperatura përvëluese deri në 42 gradë C, si parashikohet moti për këtë të diel appeared first on iconstyle.al.

Kylie Minogue ka rikthyer magjinë në skenë në Buenos Aires pas 17 vitesh mungesë, duke performuar përpara 14,000 fansave në Movistar Arena. Artistja 57-vjeçare mahniti publikun me një kostum lëkure rozë dhe një paraqitje dramatike, ndërsa interpretoi hite si “In Your Eyes”, “Get Outta My Way” dhe “Spinning Around”.

Performanca ishte pjesë e “Tension Tour”, dhe Kylie e përshkroi shfaqjen si një ëndërr të realizuar. Pas një pauze të shkurtër për shkak të laringjitit, këngëtarja po vazhdon turneun me energji të re. Me suksesin e “Padam Padam” dhe albumit “Tension”, Kylie ka shpallur synimin për të depërtuar në tregun amerikan.

The post Kylie Minogue kthehet pas 17 vitesh: performanca që mahniti Buenos Aires appeared first on iconstyle.al.