TIRANË, 4 gusht /ATSH/ – Lart në qiell, linjat e njohura të udhëtimeve botërore ajrore po zhduken. Aty, ku dikur pilotët fluturonin në rrugë të drejtpërdrejta transkontinentale, tani ata po navigojnë në një qiell që duket si xham i thyer – miliona fluturime që po realizohen përmes korridoreve të mbipopulluara.

Në të njëjtën kohë, hapësira të mëdha ajrore, çuditërisht, mbeten bosh ose gumëzhijnë nga raketat dhe dronët.

Ky ndryshim nuk është i rastësishëm. Përhapja e luftërave, armiqësive rajonale dhe përshkallëzimeve ushtarake vitet e fundit i ka bërë qiejt e botës më të rrezikshëm dhe më të paparashikueshëm se në çdo kohë që nga Lufta e Ftohtë.

Nga Rusia te Lindja e Mesme e deri në Afrikë, “zonat e ndalim-fluturimit” janë rritur, duke e futur aviacionin ndërkombëtar në krizë dhe duke e riformësuar ekonominë, sigurinë dhe fluturimet.

Kaosi ajror i Rusisë

Në fillim të korrikut të vitit 2025, kaosi përfshiu aeroportet në mbarë Rusinë. Vetëm gjatë fundjavës së 5 dhe 6 korrikut, mbi 2 000 fluturime u anuluan ose u shtyn pas një sërë sulmesh me dronë të kryer nga Ukraina, që shkaktuan mbylljen e një pjese të madhe të hapësirës ajrore ruse.

Në aeroportin Sheremtjevo të Moskës, pasagjerja Tatyana e përshkroi situatën si “një katastrofë”. Vendet e pritjes ishin të mbingarkuara, me njerëz të shtrirë në dysheme dhe shërbimet bazë, sikurse uji i pijes ishin të harxhuara.

“Nuk kishte ku të uleshe dhe njerëzit po flinin nëpër pllaka”, tha ajo.

Në Shën Petërburg, taksistët kërkonin deri në 80 000 rubla (1 025 dollarë) për udhëtimet drejt Moskës, pasi biletat e trenit u shitën të gjitha pas mbylljeve në aeroportin ”Pulkovo”.

Vetëm më 6 korrik, më shumë se 15 000 pasagjerë mbetën të bllokuar në ”Sheremetjevo”, ndërsa aeroportet më të vogla në Kaluga, Tambov dhe Pskov pezulluan të gjitha operacionet.

Zyrtarët rusë të mbrojtjes pretenduan se kishin rrëzuar deri në 120 dronë atë natë, disa prej të cilëve u rrëzuan vetëm disa kilometra larg Moskës. Autoritetet përmendën “ndërhyrje të jashtme” si arsye për mbylljet e përsëritura të hapësirës ajrore, që tani janë bërë gjë e zakonshme. Në Rusi aeroportet janë mbyllur mbi 600 herë që nga nisja e pushtimit rus të Ukrainës më 2022.

Të bllokuar në qiell

Por, nëse bllokimi në një aeroport është i tmerrshëm, imagjinoni nëse mbesni të bllokuar në qiell. Në qershor të këtij viti, pasi Irani lëshoi raketa drejt bazës amerikane ”Al Udeida” në Katar, shtetet përreth menjëherë mbyllën hapësirat e tyre ajrore. Një aeroplan i kompanisë Qantas, nga Perthi në Paris qëndroi 15 orë në ajër duke bërë ecejake përpara se të kthehej në Australi. Një tjetër u detyrua që të devijonte fluturimin për në Singapor.

Tensionet Indi-Pakistan në maj të vitit 2025 çuan në mbylljen e korridoreve kyç ajrore, duke detyruar që fluturimet mes Evropës dhe Azisë Juglindore të përshkonin rrugë më të gjata dhe më të shtrenjta. Kohëzgjatja e fluturimeve u shtua deri në dhjetë orë, ndërsa ndalesat e paparashikuara për furnizim me karburant në aeroporte të panjohura u bënë rutinë.

Të dhënat nga ”Flightradar24” tregojnë se pilotët tani përballen me “korridore super të ngarkuara” – rrugë të ngushta të mbushura me aeroplan dhe me zona, në të dyja anët, ku ka ndalesë fluturimi. Fluturimet në një trafik të tillë të rënduar rrisin ndjeshëm rrezikun e aksidenteve, ndërkohë që kontrollorët e trafikut ajror bëjnë përpjekje të jashtëzakonshme për ta menaxhuar situatën.

Mbi Detin e Kuq, Libinë, Sudanin, Sirinë dhe në disa pjesë të Afrikës Sub-Sahariane, fluturimet po devijohen gjithnjë e më shumë për shkak të shqetësimeve për sigurinë. Kontrolli ajror në zonat e konfliktit shpesh është i çrregullt ose nuk ekziston fare, dhe pilotët detyrohen të koordinojnë devijimet në ajër duke përdorur kanale të vjetruara ose rrugë alternative komunikimi.

Pasojat mjedisore dhe ekonomike

Të gjitha këto devijime të fluturimeve kanë një kosto të madhe për mjedisin. Sipas një studimi të fundit të kryer nga Universiteti Reading në Mbretërinë e Bashkuar dhe Institut Pierre-Simon Laplace në Francë, shmangia e hapësirës ajrore ruse ka shkaktuar një rritje prej 8.2 milionë tonësh në emetimet e CO2 brenda një viti. Fluturimet që janë prekur nga ky devijim kanë djegur mesatarisht 13 për qind më shumë karburant, dhe rritja më e madhe është regjistruar në rrugët ajrore ndërmjet Evropës dhe Azisë si dhe Amerikës së Veriut dhe Azisë.

Një hulumtim tjetër, i kryer më 2024 nga Viktoriia Ivannikova, studiuese e njohur në fushën e aviacionit në Universitetin City të Dublinit, gjeti se fluturimet e devijuara nga Evropa drejt Azisë tani i kushtojnë linjave ajrore deri në 39 për qind më shumë për karburant dhe lëshojnë deri në 40 për qind më shumë dyoksid karboni – shifra të mëdha për një industri që tashmë po përballet me presion të madh për dekarbonizim.

Fituesit dhe humbësit në luftërat e qiellit

Transportuesit ajrorë kinezë kanë përfituar nga mundësia për të përdorur hapësirën ajrore ruse. Rrugët e tyre nga Evropa drejt Azisë janë më të shpejta dhe më të lira, duke rritur konkurrencën për kompanitë perëndimore që nuk kanë qasje në të njëjtat korridore.

”British Airways”, për shembull, u detyrua të anulonte linjën Londër-Pekin dhe njërën nga fluturimet ditore Londër-Hong Kong gjatë verës së vitit 2024 për shkak të humbjeve të mëdha financiare.

”Finnair”, kompania kryesore e Helsinkit, e ka humbur avantazhin e saj në lidhjen midis Evropës dhe Azisë. Një fluturim për në Shangai, që dikur zgjaste 9,1 orë me kompaninë ajrore kineze ”Juneyao”, tani zgjat 12 orë ose më shumë me ”Finnair”.

Edhe në Shtetet e Bashkuara, kompanitë ajrore po ndiejnë presionin. Kompania ”United Airlines”, për shembull, e ka zhvendosur itinerarin Delhi–Njuark nga një fluturim i drejtpërdrejtë 13-orësh në një udhëtim 15-orësh përmes Evropës dhe Lindjes së Mesme, për shkak të mbylljes së hapësirës ajrore ruse. Kjo përshtatshmëri, megjithëse është përgjigje ndaj vështirësive, është një dëshmi e qëndrueshmërisë së industrisë së aviacionit.

Kompania ”Air India” fillimisht e kapitalizoi këtë situatë, por më pas e humbi avantazhin pas kufizimeve në hapësirën ajrore nga Pakistani, pas sulmit terrorist në prill të këtij viti në Kashmirin e kontestuar.

Raketat në qiell

Në rajonet pranë zonave të luftës, qiejt më nuk janë vetëm domenë për aeroplanët komercialë. Aktiviteti ushtarak tani është edhe në rrugët civile. Në shkurt, Kina zhvilloi stërvitje detare ushtarake pa paralajmërim në Detin Tasman. Aeroplanët komercialë u detyruan të ndryshonin rrugën gjatë fluturimit pasi një pilot i ”Virgin Australia” mori gabimisht një paralajmërim në një frekuencë radioje të papërdorur.

Në dhjetor të vitit 2024, një sistem rus i mbrojtjes ajrore aksidentalisht rrëzoi një fluturim të AZAL nga Azerbajxhani pranë Aktaut në Kazakistan.

Tridhjetë e tetë nga 67 personat në bord humbën jetën./ (REL)  /os/

The post KOMENT – Konfliktet ushtarake po ndryshojnë aviacionin botëror appeared first on Agjencia Telegrafike Shqiptare.

MADRID, 4 gusht /ATSH-ANSA/ – Një fluturim nga Madridi për në Paris u detyrua bënte ulje emergjente, pas një përplasjeje me një shpend të madh menjëherë pas ngritjes duke dëmtuar avionin dhe duke alarmuar pasagjerët.

”Airbus A321XLR”, i ri, në shërbim vetëm prej disa javësh, pësoi dëmtime në një nga motorët e tij dhe në pjesën e përparme, gjatë incidentit të së dielës pasdite.

Media raportoi se në bordin e fluturimit kishte 182 pasagjerë.

”Iberia” theksoi se ekuipazhi veproi menjëherë në përputhje me protokollet e sigurisë dhe nisi një kthim të sigurt në aeroportin e Madridit.

Videot e postuara në internet tregojnë pasagjerë që mbanin maska oksigjeni gjatë incidentit dhe një vrimë në pjesën e përparme të aeroplanit.

”Goditjet me shpendët janë relativisht të zakonshme”, tha kontrollori i trafikut ajror të Madridit, Juan Gómez, në një intervistë me kanalin televiziv RTVE të dielën në mbrëmje.

Ai tha se dëmi ishte më pak serioz nga sa duket në imazhe.

“Pjesa e përparme e aeroplanit është gjithmonë e bërë nga një material shumë i lehtë sepse përmban një radar moti të aftë për të zbuluar stuhitë që afrohen”, theksoi Gómez.

“Shpendët janë një rrezik i njohur dhe i kontrolluar në industrinë e aviacionit”, shkroi portali i specializuar ”Aviacionline”.

Aeroportet marrin masa të ndryshme për të zvogëluar praninë e tyre pranë pistave, por përplasjet nuk mund të shmangen gjithmonë.

Sipas portalit, certifikimi i motorëve reaktivë përfshin testime rigoroze për të siguruar besueshmërinë e tyre./  /os/

The post MADRID – Përplasja me një shpend detyron avionin për ulje emergjente appeared first on Agjencia Telegrafike Shqiptare.

STOKHOLM, 4 gusht /ATSH-ANSA/ – Vendet nordike po përjetojnë një vapë vërtet të paparë.

”The Guardian” raporton se një stacion meteorologjik në pjesën norvegjeze të Arktikut regjistroi temperatura mbi 30 gradë Celsius për 13 ditë në korrik, ndërsa Finlanda pati tre javë radhazi me të njëjtën temperaturë.

Shkencëtarët thonë se kjo është seria më e gjatë e regjistruar që nga viti 1961 dhe 50% më e gjatë se rekordi i mëparshëm.

“Një valë vape vërtet e paparë është ende në kulmin e saj, me temperatura maksimale rreth 32-33°C”, tha Mika Rantanen, një klimatolog në Institutin Meteorologjik Finlandez, në një postim në mediat sociale.

“Rajonet e Arktikut kanë regjistruar gjithashtu tre javë temperatura mbi 25 gradë Celsius dhe mund të barazohen me rekordet e tyre të nxehtësisë së gushtit”, shtoi ai./   /os/

The post METEO – Evropa Veriore goditet nga një valë të nxehti të papërjetuar më parë appeared first on Agjencia Telegrafike Shqiptare.

ANKONA, 4 gusht /ATSH-ANSA/ – Ne jemi “pro njohjes së shtetit palestinez”, por “njohja e diçkaje që nuk ekziston është jorealiste, ndërsa puna për ndërtimin e shtetit palestinez është konkrete”, deklaroi ministri i Jashtëm Italian, Antonio Tajani në një takim në Ankona për të prezantuar masat e qeverisë për rajonin Marche.

“Ne jemi absolutisht pro njohjes së shtetit palestinez. Procesi, për sa na përket neve, ka kohë që ka filluar. Në të gjitha takimet që kemi zhvilluar me vendet e Gjirit, të gjitha vendet arabe, përfshirë Egjiptin, gjithmonë kemi thënë se Palestina, aktualisht e ndarë në dy pjesë: Bregu Perëndimor dhe Gaza, duhet të rindërtohet. Ne jemi gjithashtu të gatshëm të dërgojmë trupat tona në një mision të mundshëm të Kombeve të Bashkuara të udhëhequr nga arabët për të rindërtuar shtetin palestinez”, deklaroi ai.

“Ne gjithashtu besojmë fuqimisht në propozimet egjiptiane, të miratuara nga e gjithë bota arabe, për të ardhmen e Gazës pas armëpushimit”, theksoi Tajani.

“Asnjë palestinez nuk duhet të largohet nga Gaza: ata duhet të jetojnë në shtëpinë e tyre, në një shtet të ri. Ne kemi bashkëpunuar me vendet e Gjirit dhe Egjiptin për muaj të tërë për të arritur këtë qëllim. Ne do të marrim pjesë në konferencën e ardhshme që do të mbahet në Egjipt, ashtu siç morëm pjesë në të fundit të organizuar për të ardhmen e Gazës dhe rindërtimin e saj. Tani duhet të shtyjmë përpara për t’i dhënë fund bombardimeve. I kemi thënë qeverisë izraelite: jo më bombardime. I themi Hamasit: jo më përdorimin e popullit palestinez si mburoja njerëzore”, shtoi ai.

“Të gjitha pengjet duhet të lirohen: kemi parë imazhe tronditëse nga Gaza. Jo më vdekje, jo më viktima të pafajshme. Jo më të shtëna ndaj të krishterëve. Jo më sulme ndaj fshatrave të krishtera në Bregun Perëndimor. Të krishterët e pranishëm në Lindjen e Mesme janë një element stabiliteti dhe paqeje. Përpjekja për të eliminuar praninë e krishterë në Gaza ose në Bregun Perëndimor është një gabim i rëndë’’, theksoi ai./ /os/

The post ITALI – Tajani: Pro shtetit palestinez, por ai duhet të ndërtohet më parë appeared first on Agjencia Telegrafike Shqiptare.

TEL AVIV, 4 gusht /ATSH/ – Një grup prej rreth 600 zyrtarësh izraelitë të sigurisë, që kanë dale në pension, përfshirë ish-krerë të agjencive të shërbimit sekret, i kanë shkruar presidentit të SHBA-së Donald Trump për të ushtruar presion mbi Izraelin që të përfundojë menjëherë luftën në Gaza, shkruan BBC.

“Është bindja jonë profesionale se Hamasi nuk përbën më një kërcënim strategjik për Izraelin”, theksuan zyrtarët.

“Besueshmëria juaj me shumicën dërrmuese të izraelitëve rrit aftësinë tuaj për të drejtuar kryeministrin Benjamin Netanyahu dhe qeverinë e tij në drejtimin e duhur: për t’i dhënë fund luftës, për të kthyer pengjet dhe për t’i dhënë fund vuajtjeve”, shkruanin ata.

Apeli i tyre vjen në një kohë kur thuhet se Netanyahu po shtyn përpara zgjerimin e operacioneve ushtarake në Gaza, ndërsa bisedimet indirekte për armëpushim me Hamasin kanë ngecur.

Mundësia e një përshkallëzimi të ri në Gaza mund të zemërojë më tej aleatët e Izraelit, të cilët kanë kërkuar një armëpushim të menjëhershëm, ndërsa raportet për palestinezë që vdesin nga uria ose kequshqyerja po tronditin botën.

Grupi kryesor që mbështet familjet e pengjeve dënoi idenë e një ofensive të re ushtarake, duke deklaruar se “Netanyahu po e çon Izraelin dhe pengjet drejt shkatërrimit”.

Ky qëndrim u shpreh në mënyrë të qartë në letrën drejtuar Trump nga ish-shefi i Mossadit, Tamir Pardo, ish-shefi i Shin Bet, Ami Ayalon, ish-kryeministri Ehud Barak dhe ish-ministri i Mbrojtjes, Moshe Yaalon.

“Në fillim, kjo luftë ishte një luftë e drejtë, një luftë mbrojtëse, por kur arritëm të gjitha objektivat ushtarake, kjo luftë pushoi së qeni një luftë e drejtë”, thekson Ayalon.

“Ndalo luftën në Gaza! Në emër të CIS, grupit më të madh të Izraelit të ish-gjeneralëve të IDF-së dhe ekuivalentëve nga Mossadi, Shin Bet, ju nxisim të përfundoni luftën në Gaza. Ju e bëtë në Liban. Është koha ta bëjmë edhe në Gaza”, i shkruan ata presidentit të SHBA-së.

Izraeli përballet me një izolim ndërkombëtar në rritje, ndërsa shkatërrimi i përhapur në Gaza dhe vuajtjet e palestinezëve shkaktojnë zemërim.

Sondazhet në të gjithë botën sugjerojnë se opinioni publik është gjithnjë e më negativ ndaj Izraelit, duke ushtruar presion mbi udhëheqësit perëndimorë për të vepruar./  /os/

The post FOKUS – 600 zyrtarë izraelitë i kërkojnë Trumpit t’i japë fund luftës në Gaza appeared first on Agjencia Telegrafike Shqiptare.

GAZA, 4 gusht /ATSH-ANSA/ – Qeveria australiane ka njoftuar se do të dhurojë 20 milionë dollarë australianë shtesë (rreth 11,2 milionë euro) për organizatat humanitare që punojnë për të shpërndarë ushqim dhe furnizime mjekësore në Gaza.

Që nga fillimi i luftës, më 7 tetor 2023, Kanberra ka dhuruar 130 milionë dollarë australianë në ndihmë humanitare për civilët në Gaza dhe Liban, sipas një njoftimi për shtyp të publikuar në faqen e internetit të Ministrisë australiane të Punëve të Jashtme.

“Australia i është bashkuar vazhdimisht thirrjes ndërkombëtare që Izraeli të lejojë rifillimin e plotë dhe të menjëhershëm të ndihmës për Gazën, në përputhje me urdhrat detyrues të Gjykatës Ndërkombëtare të Drejtësisë”, komentoi ministrja e Jashtme Penny Wong.

“Vuajtjet dhe uria e civilëve në Gaza duhet të marrin fund”, shtoi ajo./ /os/

The post GAZA – Australia dhuron 11 milionë euro ndihma appeared first on Agjencia Telegrafike Shqiptare.

AMSTERDAM, 4 gusht /ATSH-DPA/ – Më shumë se 10 000 hotele evropiane po i bashkohen një padie kolektive kundër Booking.com, me seli në Amsterdam, për të kërkuar kompensim për humbjet e shkaktuara nga përdorimi nga agjencia e udhëtimeve online i të ashtuquajturave klauzola të “çmimit më të mirë”.

Klauzolat i ndalojnë hotelet të ofrojnë dhoma në faqet e tyre të internetit me një çmim më të ulët dhe shihen prej tyre si të paligjshme.

Qëllimi është të parandalohen të ashtuquajturat rezervime “freerider” ku klientët e gjejnë hotelin në Booking.com dhe më pas shkojnë në faqen e internetit të hotelit për të bërë rezervimin e tyre.

Hotelet citojnë një vendim të Gjykatës Evropiane të Drejtësisë të datës 19 shtator 2024 që në thelb thotë se klauzola e çmimit më të mirë është e paligjshme.

Gjykata zbuloi se platforma si Booking.com mund të vepronin pa rregulla të këtij lloji.

Kjo bëri pak ndryshim për udhëtarët.

Booking.com i kishte shfuqizuar klauzolat në Evropë pas Aktit të Tregjeve Digjitale të Bashkimit Evropian të vitit 2024./   /os/

The post AMSTERDAM – Më shumë se 10 000 hotele evropiane kërkojnë dëmshpërblim nga Booking.com appeared first on Agjencia Telegrafike Shqiptare.

MOSKË, 4 gusht /ATSH-AA/ – Një vullkan në gadishullin Kamçatka të Rusisë shpërtheu sot për herë të parë pas gjashtë shekujsh, duke hedhur një re të madhe hiri drejt lindjes, në oqeanin Paqësor, njoftuan autoritetet.

Duke cituar të dhënat nga Ekipi i Reagimit ndaj Shpërthimeve Vullkanike të Kamçatkës (KVERT), zyra rajonale e Ministrisë ruse të Situatave Emergjente tha se vullkani Krasheninnikov, i vendosur në Lindjen e Largët të vendit, ka lëshuar një re shpërthimi që është ngritur deri në 6 000 metra.

“Nuk ka zona të banuara përgjatë rrugës së resë së hirit”, thuhet në deklaratën e ministrisë në Telegram duke shtuar se nuk është raportuar rënie hiri në vendbanimet përreth dhe se aktualisht nuk ka grupe turistësh në zonë.

Vullkani, me lartësi 1 856 metra, tani është klasifikuar me kodin e rrezikut ajror “portokalli”, që sinjalizon rrezik të shtuar për avionët për shkak të hirit vullkanik në atmosferë.

Autoritetet kanë këshilluar të shmanget udhëtimi në zonë ose ngjitja në vullkan.

“Ky është shpërthimi i parë historik i vullkanit Krasheninnikov në 600 vjet”, tha Olga Girina, drejtuese e KVERT-it, për agjencinë shtetërore ruse të lajmeve RIA.

Girina ka thënë se shpërthimi mund të jetë i lidhur me tërmetin e fuqishëm me magnitudë 8,8 ballë Rihter, që goditi të mërkurën brigjet e Kamçatkës duke shkaktuar paralajmërime për cunami në gjithë Paqësorin, përfshirë Kilin.

Akademia Ruse e Shkencave tha se ky ishte tërmeti më i fuqishëm në rajon që nga viti 1952.

Po atë ditë, akademia raportoi një shpërthim në vullkanin Klyuchevskoy, një nga më aktivët në Euroazi, i vendosur rreth 160 kilometra në veri të Krasheninnikovit./    /os/

The post RUSI – Shpërthen pas 600 vitesh vullkani Krasheninnikov appeared first on Agjencia Telegrafike Shqiptare.

KIEV, 4 gusht /ATSH-ANSA/ – Një gjendje gatishmërie është shpallur në të gjithë Ukrainën pas ngritjes së një avioni luftarak, tip ”MiG-31K” në Rusi, raporton Ukrinform.

“E gjithë Ukraina është në rrezik nga raketat! Një MiG-31K është regjistruar duke u ngritur”, njoftoi Forca Ajrore e Kievit në Telegram.

Lufta me dronë midis Ukrainës dhe Rusisë vazhdon gjatë natës, ndërsa Zelensky bën thirrje për një takim të ri me Moskën në Stamboll.

Trenat u ndaluan këtë mëngjes në stacionin rus në Volgograd, i cili u godit gjatë natës nga një sulm me dronë ukrainas.

“Mbrojtja ajrore zmbrapsi një sulm masiv me dronë në rajonin jugor rus të Volgogradit”, tha guvernatori Andrey Bocharov.

Disa dronë u rrëzuan në fusha, duke shkaktuar zjarre në shkurre, por një zjarr më i madh shpërtheu në stacionin e trenit ”Archeda” në qytetin Frolovo.

Dritaret e ndërtesave të banimit aty pranë u shkatërruan, por infrastruktura e pasagjerëve të stacionit mbeti e paprekur.

Mbetjet e dronëve që binin shkaktuan vonesa dhe anulime trenash në rajon.

Drejtoria rajonale e Hekurudhave Ruse tha se po bën gjithçka që është e mundur për të rivendosur trafikun hekurudhor sa më shpejt të jetë e mundur./   /os/

The post KIEV – Rusia dhe Ukraina përfshihen në luftë dronësh appeared first on Agjencia Telegrafike Shqiptare.

ROME, 2 gusht /ATSH/ – Dëshironi të dini si ta zvogëloni fryrjen e barkut? Së pari, duhet të kuptoni shkaqet e një barku të fryrë dhe të fortë. Për shembull, nëse hani shumë shpejt dhe nuk e përtypni ushqimin siç duhet, rrezikoni të gëlltisni shumë ajër, gjë që mund të çojë në vështirësi në tretje dhe në një bark të fortë, shkruan melarossa.it.

Mos u habitni nëse, në fund të ditës, përveç ndjenjës së lodhjes, barku juaj ndihet i fryrë si një tullumbace.

Kjo ndodh gjithashtu sepse një dietë e pabalancuar, zakoni i të ngrënit me nxitim dhe një mënyrë jetese sedentare çojnë në një çekuilibër në florën tuaj të zorrëve, duke shkaktuar fryrje të barkut, rëndim dhe tretje të dobët.

Pra, çfarë duhet të hani për të zvogëluar fryrjen e barkut? Ka disa ushqime që shkatërrojnë barkun që mund t’i përfshini në dietën tuaj që mund t’ju ndihmojnë të rifitoni një bark të sheshtë, por është thelbësore të ngadalësoni dhe të rizbuloni kënaqësinë e të ngrënit!

1 – Si ta zvogëloni fryrjen e barkut dhe barkut? Hani shëndetshëm!

Të ushqyerit shëndetshëm është çelësi për t’u ndjerë mirë, por është edhe rituali i përditshëm që shpesh sakrifikoni më shumë. Sa shpesh hani vakte të shpejta larg shtëpisë, duke kapur çdo gjë që mund të gjeni vetëm për të shmangur marrjen e kohës nga angazhimet tuaja të përditshme?

Kjo përkthehet në një dietë monotone dhe të pabalancuar nga ana ushqyese, shumë të pasur me disa ushqime dhe të varfër me të tjera.

Një dietë e pasur me yndyrë dhe kripë, dhe një tepricë ushqimesh të paketuara dhe të paragatuara në kurriz të ushqimeve të freskëta dhe të shëndetshme, është një nga shkaqet kryesore të një barku të fryrë.

Për të zvogëluar fryrjen, është e rëndësishme të ndryshoni prioritetet tuaja duke ngrënë një dietë të shëndetshme dhe të ekuilibruar. Prandaj, mësoni të përcaktoni përparësinë e cilësisë së asaj që vendosni në pjatën tuaj.

2 – Hani ngadalë dhe përtypni mirë

Të ngrënit ngadalë ndihmon tretjen sepse një kafshatë e shtypur mirë tretet më lehtë nga lëngjet gastrike. Të ngrënit ngadalë ju ndihmon të përthithni më mirë lëndët ushqyese dhe i jep trurit tuaj kohë për të marrë sinjalin e ngopjes nga stomaku juaj.

Rezultati? Nuk rrezikoni të hani më shumë ushqim dhe kalori sesa keni nevojë, dhe nuk do të ndiheni të fryrë në fund të një vakti.

3 – Hani pesë vakte në ditë

Nëse po mendoni se si ta zvogëloni fryrjen e barkut, duhet të dini se nuk ka asgjë më të keqe sesa të anashkaloni vaktet. Përveç stresit të trupit tuaj dhe privimit të tij nga energjia dhe lëndët ushqyese që i nevojiten, rrezikoni të keni uri deri në vaktin tjetër.

Në vend të kësaj, është e rëndësishme ta ndani dietën tuaj në vakte dhe ushqime të shumta, duke filluar me mëngjesin, i cili ju rimbush dhe ju jep energjinë për të filluar ditën pas një agjërimi gjatë natës.

Këshilla është të hani vakte të vogla dhe të shpeshta, dhe në mëngjes dhe pasdite, të krijoni zakonin e ngrënies së frutave, perimeve të gjalla ose kosit. Kjo do t’ju ndihmojë të shmangni ngrënien e tepërt në vaktet kryesore dhe të ndjerit të rëndë më pas.

4 – Bishtajoret
Bishtajoret janë një aleat në luftimin e ngadalësisë së zorrëve sepse, falë celulozës që përmbajnë, ato nxisin eliminimin e mbeturinave përmes jashtëqitjes.

Ato janë një ushqim i rëndësishëm për t’u përfshirë në dietën tuaj për të rifituar mirëqenien, rregullsinë dhe një bark të sheshtë.

5 – Hidratimi
Nëse doni të kuptoni se si të zvogëloni fryrjen, duhet të kuptoni se sa duhet të pini në ditë sepse uji lejon që fibra e tretshme të kryejë funksionin e saj: duke e thithur atë, ajo tenton të fryhet, shtyp muret e zorrëve dhe nxit tranzitin e zorrëve.

Nëse nuk pini mjaftueshëm, funksioni i zorrëve dhe thithja e lëndëve ushqyese ngadalësohen.

Uji gjithashtu ka një efekt kullues dhe pastrues, duke ju ndihmuar të eliminoni toksinat dhe të luftoni mbajtjen e ujit, duke e bërë atë dyfish të dobishëm për të luftuar fryrjen dhe rëndesën.

Kjo është arsyeja pse duhet të pini të paktën 1.5-2 litra në ditë.

6 – Ushtrime për të zvogëluar fryrjen e barkut
Ushtrimet fizike kontribuojnë në mirëqenien tuaj të përgjithshme, ju tonifikojnë, lirojnë muskujt dhe nyjet tuaja, dhe gjithashtu ju ndihmojnë të tretni më mirë.

Për të zvogëluar fryrjen e barkut, është e rëndësishme të kombinoni ushtrimet fizike të synuara me një stil jetese të shëndetshëm, duke përfshirë një dietë të ekuilibruar dhe hidratim të mirë. /os/

The post FOKUS – Si të humbisni fryrjen e barkut: Ja disa këshilla të shëndetshme për t’u ndjekur appeared first on Agjencia Telegrafike Shqiptare.

SEUL, 2 gusht /ATSH-AFP/ – Fundi i një epoke me Tottenhamin, pasi sulmuesi i Koresë së Jugut dhe kapiteni i klubit, Son Heung-min njoftoi qëllimin e tij për t’u larguar këtë verë, pas 10 sezonesh dhe vetëm një trofeu.

“Para se të filloja konferencën për shtyp, doja të thoja se kam vendosur të largohem nga klubi këtë verë”, u tha ai gazetarëve në Seul, duke shtuar se Tottenham po e mbështeste në këtë përpjekje.

33-vjeçari i Koresë së Jugut, i cili u bashkua nga Bayer Leverkusen (Bundesliga) në vitin 2015, ka bërë mbi 450 paraqitje për Tottenhamin, por vetëm një trofe, Europa League.

Golashënuesi i Spurs me 173 gola nuk e ka zbuluar destinacionin e tij të ardhshëm dhe ishte shumë emocional.

“Ishte vendimi më i vështirë i karrierës sime. Kujtime kaq të pabesueshme”, tha ai përkrah Thomas Frank, trajnerit të ri të Tottenhamit, i cili po përgatitet për sezonin me një ndalesë në Korenë e Jugut.

“Kam nevojë për një mjedis të ri për të shtyrë veten përpara. Kam nevojë për pak ndryshim, pasi 10 vjet është një kohë e gjatë. Erdha në Londër fëmijë, 23 vjeç, kaq i ri. Po largohem nga ky klub si burrë, një burrë vërtet krenar”, shpjegoi Son./ /os/

The post FUTBOLL – Son shpall fundin e një kapitulli me Tottenhamin appeared first on Agjencia Telegrafike Shqiptare.

MILANO, 2 gusht /ATSH-ANSA/ – Kanceri i mushkërive vazhdon të jetë një nga sëmundjet malinje më të zakonshme dhe vdekjeprurëse në mbarë botën.

Çdo vit, 44 831 raste të reja diagnostikohen vetëm në Itali, dhe afërsisht 12% janë kancer i mushkërive me qeliza të vogla (SCLC), një formë agresive dhe me përparim të shpejtë të sëmundjes për të cilën opsionet e trajtimit kanë qenë prej kohësh të kufizuara.

Megjithatë, në vitet e fundit, përparimet në trajtimin e SCLC kanë hapur rrugë të reja.

Midis tyre është një përbërës sintetik detar, i nxjerrë nga invertebrori Ecteinascidia turbinata, i cili ka treguar rezultate premtuese në kombinim si një terapi mirëmbajtjeje e linjës së parë për pacientët me SCLC në fazë të gjerë (ES-SCLC), një nga kanceret më agresive me nevojën më të madhe të paplotësuar mjekësore.

Kohët e fundit, të dhënat e paraqitura në takimin vjetor të ASCO 2025 në Çikago, dhe të botuara njëkohësisht në “The Lancet”, nga studimi i fazës 3 IMforte treguan se përbërja sintetike detare, kur kombinohet me imunoterapi, uli rrezikun e përparimit të sëmundjes ose vdekjes me 46%, me një mbijetesë mesatare të përgjithshme prej 13,2 muajsh krahasuar me 10,6 muaj vetëm me imunoterapi.

“Kanceri i mushkërive me qeliza të vogla është një nga format më agresive dhe më të vështira për t’u trajtuar të kancerit të mushkërive. Në shumicën e rasteve, diagnoza ndodh kur sëmundja është tashmë e avancuar dhe opsionet e trajtimit në dispozicion janë të kufizuara”, komentoi Silvia Novello, drejtoreshë e Njësisë së Onkologjisë Mjekësore në spitalin “San Luigi” në Orbassano dhe profesoreshë e Onkologjisë Mjekësore në Universitetin e Torinos.

“Rezultatet e studimit IMforte përfaqësojnë zhvillime të rëndësishme: kombinimi i ri demonstroi përfitim të konsiderueshëm klinik, me mbijetesë të përgjithshme të përmirësuar dhe mbijetesë pa përparim”, shtoi ajo./ /os/

The post FOKUS – Një substancë detare jep shpresë kundër kancerit të mushkërive appeared first on Agjencia Telegrafike Shqiptare.

TOKIO, 2 gusht /ATSH-AFP/ – Japonia përjetoi korrikun e saj më të nxehtë që nga viti 1898, tha Agjencia Kombëtare Meteorologjike (JMA), ndërsa ndryshimi i klimës nxit valë të nxehta përvëluese në të gjithë globin.

“Ky është viti i tretë radhazi që arkipelagu ka regjistruar temperaturën mesatare mujore më të lartë për muajin korrik”, vuri në dukje ajo.

“Temperaturat në të gjithë vendin ishin 2,89°C mbi normalen”, tha JMA, duke thyer rekordin e korrikut 2024 prej 2,16°C.

Të mërkurën, Japonia regjistroi një rekord prej 41.2°C në rajonin perëndimor të Hyogos, pasi vendi kishte përjetuar tashmë qershorin e tij më të nxehtë të regjistruar ndonjëherë.

“Muaji i ardhshëm pritet të vazhdojë të sjellë nxehtësi të madhe në të gjithë vendin”, paralajmëroi Agjencia Meteorologjike e Japonisë.

“Arkipelagu gjithashtu përjetoi reshje të pakta në shumë rajone në korrik, veçanërisht në pjesën veriore të arkipelagut dhe veçanërisht në zonat përgjatë vijës bregdetare të Detit të Japonisë”, shtoi ajo.

Këtë vit, sezoni i shirave përfundoi në perëndim rreth tre javë më herët se zakonisht.
Shkencëtarët thonë se ndryshimet klimatike të shkaktuara nga njeriu po i bëjnë valët e nxehtësisë më intensive, më të shpeshta dhe më të përhapura./ /os/

The post METEO – Japonia thyen rekordin e nxehtësisë që nga 1898-a appeared first on Agjencia Telegrafike Shqiptare.

ROME, 1 gusht /ATSH/ – Të gjithë mendojnë se Panteoni në Romë ka kupolën më të madhe në botë. Në realitet, kjo nuk është plotësisht e vërtetë, shkruan quelochenonsapevi.it.

Ekzistojnë kupola moderne që janë shumë më të mëdha: Stadiumi Kombëtar i Singaporit ka një diametër prej 310 metrash, krahasuar me 44 metrat e Panteonit. Pra, ku është rekordi?

Ja e vërteta: Panteoni ende mban rekordin botëror për kupolën më të madhe të bërë ndonjëherë nga betoni i paarmatosur. Dhe kjo është e pabesueshme.

Mendoni vetëm: në vitin 126 pas Krishtit, nën Perandorin Adrian, tomakët ndërtuan një kupolë me diametër 44 metra duke përdorur vetëm beton, rërë dhe zgjuarsi. Asnjë çelik, asnjë teknologji moderne. Vetëm mjeshtëri të pastër teknike.

Gjëja e pabesueshme është se pas pothuajse 1 900 vjetësh, ajo është ende aty, krejtësisht e paprekur. Asnjë kupolë e lashtë nuk e ka tejkaluar kurrë atë në madhësi, dhe asnjë kupolë moderne nuk e ka krahasuar ndonjëherë këtë arritje teknike.

Ndërsa ne përdorim çelik dhe polimere për strukturat tona sot, Romakët kishin vetëm zgjuarsinë e tyre. Dhe rezultati? Një kryevepër që ka rezistuar për dy mijë vjet dhe vazhdon të na mahnisë. /os/

The post ITALI – Edhe 1 900 vjet më vonë kupola e Panteonit mbetet një mister inxhinierik appeared first on Agjencia Telegrafike Shqiptare.

MOSKE, 1 gusht /ATSH-AA/ – Duke iu përgjigjur shprehjes së “zhgënjimit” nga presidenti i SHBA-së, Donald Trump për mungesën e përparimit të procesit të paqes në Ukrainë, presidenti rus Vladimir Putin i kërkoi atij të shmangë “pritjet e tepërta” dhe të rifillojë bisedimet për këtë çështje.

“Lidhur me çdo zhgënjim që vjen nga kushdo, të gjitha zhgënjimet lindin nga pritjet e tepërta. Ky është një rregull i përgjithshëm i njohur”, tha Putin në një konferencë për media në qytetin Valaam.

Ai shtoi se “qasja ndaj zgjidhjes së problemeve në mënyrë paqësore kërkon diskutime të plota, qoftë publikisht ose në heshtje në izolimin e proceseve të negociatave”, duke sinjalizuar nevojën për t’u rikthyer në bisedime.

Putin gjithashtu përsëriti angazhimin e Rusisë për një zgjidhje paqësore të krizës ukrainase, duke vënë në dukje se Moska ka propozuar krijimin e tri grupeve të punës me Kievin për këtë qëllim.

I pyetur nëse Ukraina i është përgjigjur propozimit të Rusisë për këto grupe, Putin konfirmoi se reagimi fillestar i Kievit ka qenë pozitiv. Lidhur me rëndësinë e vazhdimit të dialogut, ai theksoi se bisedimet janë “gjithmonë të rëndësishme dhe të kërkuara”.

“Në parim, mund të presim. Nëse udhëheqja ukrainase beson se tani nuk është koha e duhur dhe se pritja është e nevojshme, ju lutemi ta bëni këtë, ne jemi gati të presim”, shtoi ai.

Presidenti rus theksoi gjithashtu rezultatet e tri raundeve të bisedimeve me Ukrainën të mbajtura në Stamboll që nga maji, duke thënë se “shumë probleme humanitare u zgjidhën falë këtyre bisedimeve”.

Më 14 korrik, Trump tha se SHBA-ja do të vendosë tarifa importi deri në 100 për qind për Rusinë dhe partnerët e saj tregtarë, nëse Moska dhe Kievi nuk arrijnë marrëveshje për të zgjidhur krizën ukrainase brenda 50 ditëve.

Këtë të hënë, ai njoftoi se ka vendosur ta reduktojë këtë afat në vetëm 10 ditë.

Lidhur me raketën “Oreshnik” të Rusisë, e cila tani është në prodhim serik, Putin tha se ajo mund të vendoset në Bjellorusi deri në fund të këtij viti.  /os/

The post FOKUS – Putin i kërkon Trumpit të shmangë “pritjet e tepërta” për zgjidhjen e konfliktit në Ukrainë appeared first on Agjencia Telegrafike Shqiptare.

ROME, 1 gusht /ATSH-ANSA/ – Kam respekt të madh për presidentin e Republikës Italiane, mikun tim Sergio Mattarella. Pikërisht për këtë arsye, u trishtova nga disa aspekte të deklaratave të tij të fundit mbi situatën në Gaza dhe ndjeva nevojën për të sqaruar faktet. Izraeli nuk ka ‘qëllim të vrasë pa dallim. Ne vetëm duam të jetojmë në paqe dhe siguri, shkroi në një postim të gjatë në X presidenti izraelit Isaac Herzog.

”Presidenti Mattarella kishte të drejtë të thoshte se Izraeli u sulmua brutalisht më 7 tetor. Midis qindra njerëzve të pafajshëm të marrë peng nga Hamasi në atë ditë të errët, 50 prej tyre ende mbahen robër në kushte çnjerëzore në tunelet e Hamasit. Vuajtjet e tyre të patolerueshme, ankthi i familjeve të tyre dhe vuajtjet e civilëve të Gazës – të cilat nuk i dëshirojmë – mund të mbaronin sot nëse të gjithë pengjet do të liroheshin”, shton Herzog.

“Izraeli ka pranuar propozime të shumta për armëpushim përmes ndërmjetësimit. Hamasi i ka refuzuar vazhdimisht ato dhe ka vazhduar të refuzojë lirimin e pengjeve. Po, gabimet mund të ndodhin në luftë dhe ne nuk jemi indiferentë ndaj dhimbjes së civilëve palestinezë në Gaza”, theksoi ai.

”Ne po bëjmë çdo përpjekje për të përmirësuar situatën. Ne po veprojmë sipas ligjit ndërkombëtar në kushte pothuajse të pamundura ndryshe nga armiku ynë, i cili shkel hapur dhe me krenari konventat dhe ligjet e të drejtave të njeriut”, shtoi ai.

Italia ndërkohë nuk po qëndron indiferente ndaj luftës në Gaza.

”Nisja operative pritet në orët e ardhshme, me dërgimin e një grupi paraprak, i cili do të merret me aktivitetet përgatitore dhe koordinimin me autoritetet lokale. Dërgesat tona të para nga ajri janë planifikuar dhe mund të zhvillohen që më 9 gusht”, njoftoi nga ana e tij ministri italian i Mbrojtjes Guido Crosetto. /os/

The post FOKUS – Herzog i justifikohet Mattarellës, ndërkohë që Italia fillon ndihmat nga 9 gushti appeared first on Agjencia Telegrafike Shqiptare.

BRUKSEL, 1 gusht /ATSH-AA/ – Ndërsa temperaturat e larta po vazhdojnë në disa rajone të Evropës, veçanërisht në vendet me dalje në Detin Mesdhe, shumë shtete vazhdojnë të përballen me zjarre pyjore për shkak të të nxehtit.

Sipas mediave kombëtare në Portugali, rreth 2 mijë zjarrfikës po luftojnë aktivisht me zjarret në mbarë vendin. Autoritetet raportojnë se zjarri në Ponte da Barca nuk është vënë ende nën kontroll dhe dhjetëra persona janë evakuuar nga zona.

Kryetari i Bashkisë së Ponte da Barcas, Augusto Marinho në një deklaratë për televizionin shtetëror RTP, tha se të paktën 19 persona janë lënduar si pasojë e zjarrit. Ai theksoi se operacionet e shuarjes po vazhdojnë dhe se situata mbetet shumë e rrezikshme.

Sipas të dhënave të publikuara nga Instituti i Deteve dhe Atmosferës i Portugalisë (IPMA), deri më 6 gusht parashikohet një valë e fortë e të nxehtit në gjithë vendin, me temperatura që pritet të lëvizin nga 36 deri në 44 gradë Celsius.

Në Spanjë, zjarri në rajonin Las Hurdes është vënë nën kontroll pas ndërhyrjes së ekipeve edhe gjatë natës së kaluar. Megjithatë, operacionet po vazhdojnë për të parandaluar rindezjen e zjarreve në disa zona të vendit.

Në Bullgari, brenda 24 orëve të fundit ka pasur ndërhyrje në 60 vatra të vogla zjarri.

– Rreth 292 mijë hektarë tokë e djegur në Evropë

Paralajmërimet thonë se rreziku nga zjarret në pyje do të vazhdojë edhe në ditët në vijim, veçanërisht në vendet që kanë dalje në Detin Mesdhe.

Sipas të dhënave nga Sistemi Evropian i Informacionit për Zjarret Pyjore (EFFIS) dhe Shërbimi i Ndryshimeve Klimatike Copernicus, që nga fillimi i vitit 2025 janë regjistruar 1.339 zjarre në Evropë, një rritje krahasuar me 900 zjarret në të njëjtën periudhë të vitit të kaluar.

Këtë vit, rreth 292 mijë hektarë tokë janë djegur si pasojë e zjarreve pyjore në kontinent, ndërsa vitin e kaluar kjo shifër ishte rreth 139 mijë hektarë.

– Shumë vende në nivel “shumë ekstrem” rreziku

Sipas Hartës së Rrezikut nga Zjarret të përgatitur nga Indeksi i Kushteve të Motit për Zjarret (FWI) për periudhën 28 korrik-4 gusht, shumë vende janë të kategorizuara në nivele rreziku “shumë ekstrem”, “ekstrem”, “shumë i lartë” dhe “i lartë”, të paraqitura me ngjyra të kuqe.

Sipas të dhënave të hartës, parashikohet që rreziku i zjarreve të ulet në Italinë e jugut, Ballkan, Greqi, Bullgari, Rumani dhe Turqi, por në disa rajone do të mbetet ende në nivele “ekstreme” ose “shumë ekstreme”.

Gjithashtu, parashikohet që rreziku i zjarreve të rritet në lindje të Finlandës, Portugali, Spanjë dhe në jug të Francës.   /os/

The post FOKUS – Evropa vazhdon të përballet me temperatura të larta dhe zjarre appeared first on Agjencia Telegrafike Shqiptare.

BUDAPEST, 1 gusht /ATSH-AA/ – Emocionet e Kampionatit Botëror të Formula 1 do të vazhdojnë me fazën e 14-të të sezonit, me Çmimin e Madh (Grand Prix) të Hungarisë.

Gara, e cila do të zhvillohet në pistën 4,3-kilometrëshe Hungaroring në kreqytetin e Belgjikës, Budapest, do të zhvillohet në 70 xhiro.

Raundet kualifikuese do të fillojnë nesër në orën 16:00. Gara do të zhvillohet të dielën, më 3 gusht, në orën 15:00.

Deri më tani në sezon, piloti i McLaren, Oscar Piastri, ka fituar 6 gara, Lando Norris 4 gara, piloti i Mercedes George Russell 1 garë, ndërsa kampioni në fuqi i Red Bull, Max Verstappen, ka 2 fitore në gara.

Renditja e 5 pilotëve dhe ekipeve më të mira përpara Çmimit të Madh të Hungarisë është si më poshtë:

Pilotët:

1. Oscar Piastri (Australi): 266 pikë

2. Lando Norris (Britani e Madhe): 250

3. Max Verstappen (Holandë): 185

4. George Russell (Britani e Madhe): 157

5. Charles Leclerc (Monako): 139

Ekipet:

1. McLaren: 516

2. Ferrari: 248

3. Mercedes: 220

4. Red Bull: 192

5. Williams: 70   /os/

The post F1 – Hungaria, ndalesa e radhës appeared first on Agjencia Telegrafike Shqiptare.

STAMBOLL, 1 GUSHT /ATSH-AA/ – Presidenti i Turqisë, Recep Tayyip Erdoğan priti kryeministren italiane Giorgia Meloni dhe kryeministrin e Qeverisë së Unitetit Kombëtar të Libisë, Abdulhamid Dibeybe, në kuadër të Samitit të Bashkëpunimit Turqi-Itali dhe Libisë.

Presidenti Erdoğan priti kryeministren italiane Meloni dhe kryeministrin e Qeverisë së Unitetit Kombëtar të Libisë, Dibeybe, me ceremoni zyrtare të ndara në Zyrën Presidenciale Dolmabahçe.

Në takimin me dyer të mbyllura, presidentin Erdoğan e shoqëruan ministri i Jashtëm Hakan Fidan, drejtori i Agjencisë Kombëtare të Inteligjencës, İbrahim Kalın dhe këshilltari kryesor për Politikë të Jashtme dhe Siguri i presidentit, Akif Çağatay Kılıç.   /os/

The post STAMBOLL – Nis punimet samiti Turqi-Itali-Libi appeared first on Agjencia Telegrafike Shqiptare.

ROME, 31 korrik /ATSH/ – Evropa po bezdiset gjithnjë e më shumë nga ata që ecin me rroba banje jashtë plazhit: Malaga ka vendosur të gjobisë deri në 750 euro, Capri 500, dhe së fundmi qyteti francez Les Sables d’Olonne 150 euro për këdo që ecën nëpër qytet zhveshur ose me rroba banje në supermarkete, tregje dhe në rrugët e qendrës së qytetit, shkruan adnkronos.it.

Masa u vendos në një urdhëresë nga kryetari i bashkisë Yannick Moreau, i cili njoftoi një ndalim sa banal aq edhe të diskutueshëm në një postim në Facebook.

“Është çështje respekti për banorët. Në dyqanet tona, tregjet tona dhe rrugët tona, ne vishemi bukur. Me fjalë të tjera: rrobat e plazhit, jashtë plazhit, konsiderohen problem. Një problem i elegancës, por edhe i integritetit urban”, shkruan ai.

Çështja, megjithatë, nuk është vetëm rregullatore. Është kulturore. Italia ka një marrëdhënie të paqartë me trupin dhe me informalitetin veror.

Veshjet e plazhit konsiderohen pjesë e identitetit turistik, pothuajse folklorike. Por kjo fleksibilitet rrezikon të shpërthejë kur shifrat e turizmit bëhen të papërballueshme dhe qendrat urbane mbingarkohen. /os/

The post FOKUS – Europa ndëshkon me gjobë ata që shëtisin me rroba banje në rrugë appeared first on Agjencia Telegrafike Shqiptare.