Revista prestigjioze, France Football ka shpallur sot (e enjte) gjatë ditës kandidatët për Topin e Artë 2025.

Ceremonia e Topit të Artë 2025 do të zhvillohet në Paris më 22 shtator. Aty do të merren parasysh vetëm performancat në sezonin paraprak.

Fituesi i mëparshëm është Rodri i Manchester Cityt, i cili këtë vit nuk gjendet fare në listë, por ka shumë yje tjerë që përbejnë listën pre 30 lojtarëve të nominuar.

Në listë nuk mungojnë emra si favoritët e përmendur tashmë si Lamine Yamal, Ousmane Dembele, Gianluigi Donnarumma, Vitinha, Mohamed Salah dhe Raphinha.

Here are the 2025 Ballon d’Or nominees!#ballondor pic.twitter.com/tehmbU4R0j

— Ballon d’Or (@ballondor) August 7, 2025

Përveç tyre lista përfshin edhe yje tjerë si Kylian Mbappe, Jude Bellingham, Lautaro Martinez, Harry Kane, Pedri, Erling Haaland dhe Achraf Hakimi.

Më poshtë keni listën më të gjithë 30 emrat e nominuar për Topin e Artë 2025:

– Ousmane Dembele (Paris Saint-Germain);

– Gianluigi Donnarumma (Paris Saint-Germain);

– Jude Bellingham (Real Madrid)

– Desire Doue (Paris Saint-Germain)

– Denzel Dumfries (Inter)

– Serhou Guirassy (Dortmund)

– Erling Haaland (Man City)

– Viktor Gyokeres (Arsenal)

– Achraf Hakimi (Paris Saint-Germain)

– Harry Kane (Bayern Munich)

– Khvicha Kvaratskhelia (Paris Saint-Germain)

– Robert Lewandowski (Barcelona)

– Alexis Mac Allister (Liverpool)

– Lautaro Martinez (Inter)

– Scott McTominay (Napoli)

– Kylian Mbappe (Real Madrid)

– Nuno Mendes (Paris Saint-Germain)

– Joao Neves (Paris Saint-Germain)

– Pedri (Barcelona)

– Cole Palmer (Chelsea)

– Michael Olise (Bayern Munich)

– Raphinha (Barcelona)

– Declan Rice (Arsenal)

– Fabian Ruiz (Paris Saint-Germain)

– Virgil van Dijk (Liverpool)

– Vinicius Jr (Real Madrid)

– Mohamed Salah (Liverpool)

– Florian Wirtz (Liverpool)

– Vitinha (Paris Saint-Germain)

– Lamine Yamal (Barcelona)

/Telegrafi/

The post France Football zbulon emrat e 30 lojtarëve të nominuar për Topin e Artë 2025 appeared first on Telegrafi.

Real Betis u përball me ekipin e Serie A, Como, në një ndeshje miqësore para-sezonale të mërkurën, por ndeshja në Cadiz ishte gjithçka përveçse miqësore.

Një numër lojtarësh nga të dyja ekipet u përfshinë në një përleshje masive, gjatë së cilës u qëlluan edhe me grushte.

Pasi fishkëllyeu përfundimin e pjesës së parë, në të cilën pikë Como po udhëhiqte 2-0 falë golave të ish-lojtarit të Betis, Assane Diao dhe Lucas de Cunha, shpërtheu një sherr pasi Pablo Fornals dhe Massimo Perrone shkëmbyen grushte.

Things got heated between Cesc Fàbregas’ Como and Manuel Pellegrini’s Betis… in a preseason friendly! #como #betis pic.twitter.com/ps1kuz6ymR

— MARCA in English (@MARCAinENGLISH) August 6, 2025

Pati edhe një moment mjaft komik pak më vonë kur sulmuesi i Los Verdiblancos, Cucho Hernandez, hyri me shpejtësi, por në vend që të godiste një lojtar të Comos, ai goditi shokun e skuadrës Natan.

Pas kësaj përleshje, gjyqtari kryesor vendosi t’i përjashtoj Fornals nga Betis dhe Perrone nga Como.

Grindja mund të ketë pasoja negative për të dy klubet

Betis dhe Como, të cilët përballen me Barcelonën në miqësoren e tyre të radhës para-sezonale, treguan shumë luftë, megjithëse në këtë rast, shkuan shumë larg.

Kjo mund të ketë një efekt negativ për ata që janë përfshirë në sherr, nëse gjyqtari vendos ta çojë çështjen më tej – gjë që mund të rezultojë në pezullime për fillimin e sezonit të ri, i cili fillon për Betisin pas 12 ditësh kur ata përballen me Elchen e sapongjitur në kategori.

The preseason friendly between Real Betis and Como wasn’t so friendly pic.twitter.com/GsndxRloom

— B/R Football (@brfootball) August 6, 2025

Nëse do të ketë ndonjë pezullim nga kjo për Betisin, me kandidatët e mundshëm Hector Bellerin, Fornals dhe Cucho, ky do të ishte një lajm i tmerrshëm për trajnerin Manuel Pellegrini.

Njësoj mund të ketë efekt edhe për Comon, duke humbur ndonjë lojtar për ndeshjet e fillimit të Serie A, pasi këto miqësore janë miqësore zyrtare, të cilat lajmërohen në UEFA. /Telegrafi/

Intercambio de

Por favor, no más amistosos con el @Como_1907 pic.twitter.com/dYmKKqAphP

— 𝙊𝙧𝙜𝙪𝙡𝙡𝙤 𝘽𝙚𝙩𝙞𝙨 (@OrgulloBetis) August 6, 2025

The post Kur ndeshja miqësore eskalon plotësisht, lojtarët e Real Betis dhe Como u sqaruan me grushte e shqelma appeared first on Telegrafi.

Revista prestigjioze, France Football, ka shpallur gjatë ditës së sotme (e enjte), 7 gusht, kandidatët për Trofeun Kopa 2025.

Ceremonia e Topit të Artë 2025 do të zhvillohet në Paris më 22 shtator. Aty do të merren parasysh vetëm performancat e sezonit të fundit.

Para ndarjes së Topit të Artë, aty do të jetë edhe Trofeu Kopa, i cili i jepet lojtarit më të mirë të ri të sezonit.

They are the best U21 footballers in the world… here are our 2025 Kopa Trophy nominees! #ballondor pic.twitter.com/m9muaKCqkE

— Ballon d’Or (@ballondor) August 7, 2025

France Football tashmë ka zbuluar se kush janë kandidatët për ta fituar këtë çmim dhe me të vërtet të gjithë këta emra e meritojnë, pasi kanë pasur super-sezone me skuadrat dhe kombëtaret e tyre.

Pau Cubarsi (Barcelona, Spanjë), Ayyoub Bouaddi (Lille, Francë), Desire Doue (PSG, Francë), Estevao (Chelsea, Brazil), Dean Huijsen (Real Madrid, Spanjë), Myles Lewis-Skelly (Arsenal, Angli), Rodrigo Mora (Porto, Portugali), Joao Neves (PSG, Portugali), Lamine Yamal (Barcelona, Spanjë), Kenan Yildiz (Juventus, Turqi) janë emrat që luftojnë për çmimin e madh individual.

Myles Lewis-Skelly
Rodrigo Mora
Joao Neves
Lamine Yamal
Kenan Yildiz

2/2#ballondor pic.twitter.com/RV05G4ZUpc

— Ballon d’Or (@ballondor) August 7, 2025

Megjithatë, Lamine Yamal nuk do të jetë në gjendje ta fitojë çmimin për shkak se e kishte fituar atë herën e kaluar.

Këtë çmim më parë e kanë fituar edhe emra si Jude Bellingham, Gavi dhe Pedri. /Telegrafi/

The post Nga Cubarsi te Huijsen e Douse – emërohen kandidatët për Trofeun Kopa 2025 appeared first on Telegrafi.

Fillimi i sezonit të ri po afron gjithnjë e më shumë në ligat më të forta evropiane, dhe pak para fillimit të La Ligës, të gjithë u befasuan pozitivisht nga transformimi i yllit të ri të Real Madridit, Arda Guler.

20-vjeçari turk është dikush nga i cili pritet shumë në Madrid, veçanërisht tani pas largimit të Luka Modric, dhe ai bëri shumë përpjekje këtë verë për të përmirësuar formën e tij.

Pas një pune të palodhur, Guler duket vërtet fenomenal, dhe gazeta AS shkruan se turku shtoi tetë kilogramë masë muskulore gjatë pushimeve të verës.

Today’s AS front page

“The New Güler”
• The Turk has gained 10 kilos of muscle mass since arriving 2 years ago.
• He lives with a fitness coach, physiotherapist, and cook. pic.twitter.com/NWDysZ746u

— Arda Güler (fan) (@iHQGuler) August 6, 2025

Pas Guler janë dy sezone në të cilat ai ishte në prapavijë, pasi u pengua shumë nga dëmtimet e shpeshta. Në sezonin e parë, ai grumbulloi vetëm 440 minuta në fushë, por arriti të shënonte gjashtë gola, dhe në sezonin e mëparshëm luajti më shumë – 2,200 minuta, gjatë së cilës kohë shënoi gjashtë gola dhe dha 11 asistime.

Turku është i vetëdijshëm se sezoni i ardhshëm është më i rëndësishmi në karrierën e tij deri më tani dhe se duhet t’i imponohet trajnerit Xabi Alonso.

Guler luajti në Kampionatin Botëror për Klube të mbajtur së fundmi, ku Real Madridi u eliminua në gjysmëfinale, dhe ishte titullar në pesë ndeshje.

L’évolution physique folle d’Arda Güler. pic.twitter.com/5tsWDQY43u

— Güler Fr (@ArdaGuler_Fr) August 6, 2025

Krahasuar me fundin e sezonit të kaluar, Guler hyn në sezonin e ri tetë kilogramë më i rëndë, pasi tani peshon 70 kilogramë dhe e ka rikompozuar trupin e tij, i cili tani duket shumë më muskuloz.

Ndryshe, Real Madridi e nis sezonin e La Ligës më 19 gusht me një duel me Osasunën në stadiumin Santiago Bernabeu. /Telegrafi/

The post Ylli i Real Madridi bëri një mrekulli me trupin e tij gjatë pushimeve verore, shtoi tetë 8 kg masë muskulore appeared first on Telegrafi.

Portieri i Paris Saint-Germain, Gianluigi Donnarumma mund të jetë ylli i madh i tregut të transferimeve në Ligën Premier.

Sipas mediumit Fichajes, portieri italian ka tërhequr interesin e tre prej klubeve më të fuqishme të Anglisë: Manchester United, Chelsea dhe Manchester City, të cilët thuhet se janë të gatshëm të përfitojnë nga situata e tensionuar kontraktuale e portierit me ekipin parisien.

Marrëdhënia midis Donnarummas dhe PSG-së po kalon një periudhë të vështirë. Pavarësisht se ka një kontratë deri në vitin 2026, portieri 26-vjeçar nuk është i gatshëm të rinovojë sipas kushteve të reja të klubit, të cilat përfshijnë një strukturë page të bazuar në bonuse performance.

Rrethimi i lojtarit e konsideron këtë formulë të papranueshme, duke kërkuar garanci page në përputhje me statusin e tij si një nga portierët më të mirë në botë.

Lexo po ashtu PSG nuk dëshiron ta përsërisë gabimin që bëri me Mbappen, mund ta shesë njërin nga yjet e tyre kryesorë

Bordi i PSG-së, ende i lënduar nga transferimi i lirë i Kylian Mbappes, nuk dëshiron ta përsërisë të njëjtin gabim dhe ka vendosur t’ia hapë derën një shitjeje këtë verë.

Ardhja e të riut Lucas Chevalier nga Lille ka hedhur gjithashtu dyshime mbi rolin e padiskutueshëm të Donnarummas.

Ekipet e interesuara në Angli kanë nxituar të bëjnë lëvizjet e tyre. Në Old Trafford, United po e konsideron seriozisht ardhjen e italianit si një zëvendësim të mundshëm për Andre Onana, performanca e të cilit ka krijuar pasiguri. Për ta bërë këtë, ata mund të detyrohen të shesin lojtarë me paga të larta, siç është vetë Onana, Jadon Sancho, apo edhe Alejandro Garnacho.

Chelsea po e shqyrton gjithashtu nënshkrimin e tij për shkak të mungesës së besimit në Robert Sanchez. Edhe pse londinezët ende nuk kanë bërë një ofertë zyrtare, Donnarumma do të përshtatej me stabilitetin e portierit që ata kanë kërkuar për disa sezone.

Manchester City nga ana e tyre, po e ndjek me vëmendje lojtarin, pavarësisht se kohët e fundit ka nënshkruar me James Trafford. Guardiola nuk e përjashton forcimin e mëtejshëm të skuadrës së tij në një pozicion kaq kyç si ai i portierit.

Edhe pse portieri ka shprehur publikisht dëshirën e tij për të qëndruar në Paris, qëndrimi i fortë i PSG-së dhe interesi në rritje nga Liga Premier mund ta bëjnë atë të ndryshojë destinacion në javët e ardhshme. /Telegrafi/

The post Tri klubet e mëdha të Ligës Premier në ‘luftë’ për Donnarumman appeared first on Telegrafi.

Darwin Nunez është afër të kompletojë transferimin e tij nga Liverpooli te Al Hilali, por tashmë kanë filluar të qarkullojnë shifrat e pagës së tij vjetore.

Sipas gazetarit Florian Plettenberg, Darwin Nunez do të fitojë rreth 15 milionë euro në vit te Al-Hilal.

Kontrata e tij do të zgjasë deri në vitin 2028, me fitime totale rreth 45 milionë euro, pa përfshirë bonuset.

Fabrizio Romano raporton se transferimi do t’i kushtojë Al-Hilal rreth 53 milionë euro plus bonuse. Kjo e bën atë një nga blerjet më të mëdha të klubit.

Lexo po ashtu Liverpooli pranon ofertën e Al Hilal për Darwin Nunez

Nunez bëhet lojtari i katërt më i shtrenjtë i Al-Hilal, pas Neymar, Malcom dhe Ruben Neves. Klubi vazhdon të investojë në yje të mëdhenj.

Thuhet se Al-Hilal tentoi edhe Victor Osimhen, Ollie Watkins, Alexander Isak dhe Moise Kean përpara se të firmoste me uruguaianin.

Që nga ardhja te Liverpooli, Nunez ka shënuar 40 gola dhe ka dhënë 22 asistime në 143 ndeshje. /Telegrafi/

The post Zbulohet paga që do të fitojë Nunez te Al Hilal appeared first on Telegrafi.

Pas dy vitesh, Barcelona më në fund do të jetë në gjendje të luajë ndeshjet në shtëpi në stadiumin e saj Camp Nou, megjithëse me një kapacitet të reduktuar.

Rinovimi i stadiumit filloi pas përfundimit të sezonit 2022/23, por puna u vonua dhe gjatë asaj kohe Barcelona i luajti ndeshjet e saj si vendas në stadiumin Montjuic.

Edhe pse punimet padyshim nuk kanë përfunduar, klubi dhe autoritetet e qytetit kanë rënë dakord që kampionët spanjollë të mund të kthehen në stadiumin e tyre me një kapacitet të reduktuar.

Kapaciteti në këtë fazë fillestare, derisa stadiumi të kalojë të gjitha kontrollet e mbetura dhe të marrë të gjitha lejet e nevojshme, do të jetë vetëm 27,000 vende.

BREAKING: #FCBarcelona and the City Council of Barcelona are CLOSE to an AGREEMENT for the RETURN to the Spotify Camp Nou with 27,000 capacity. [@QueThiJugues] pic.twitter.com/WK2eZJt770

— infosfcb (@infosfcb) August 5, 2025

Futbollistët e Barcelonës duhet të zhvillojnë ndeshjen e tyre të rikthimit në stadiumin ikonik që të shtunën, kur është planifikuar ndeshja për trofeun “Joan Gaspar” kundër Comos.

Katalunasit do të jenë pritës për herë të parë në kampionat vetëm në ndeshjen e xhiros së katërt, e cila do të luhet më 14 shtator, dhe kur ndeshet me Valencia në Camp Nou. /Telegrafi/

The post Barcelona më në fund kthehet në Camp Nou, por me një kapacitet shumë modest appeared first on Telegrafi.

Liverpooli ka arritur një marrëveshje të plotë me Al Hilal për shitjen e Darwin Nunez, me marrëveshjen që tani varet nga miratimi i lojtarit.

Sipas gazetarit Fabrizio Romano, tarifa e transferimit është vendosur në një shifër fillestare prej 53 milionë eurosh.

Përveç kësaj pritet të ketë edhe bonuse të konsiderueshme që mund të shohin një rritje të ndjeshme të çmimit total të transferimit.

More on Darwin Nunez and Al Hilal exclusive story. The agreement club to club with Liverpool is 100% done.

Understand initial fee will be €53m plus add-ons to reach to bring package higher.

Talks with Darwin ongoing to get green light on personal terms. pic.twitter.com/PrpgX4o5BX

— Fabrizio Romano (@FabrizioRomano) August 6, 2025

Ndërsa marrëveshja midis dy klubeve është përfunduar, diskutimet janë ende duke vazhduar me Nunez në lidhje me kushtet personale.

Liverpooli tani është duke pritur dritën e fundit jeshile nga sulmuesi uruguaian, i cili po e shqyrton ofertën ndërsa bisedimet përparojnë me ekipin e Superigës Saudite.

Lojtari më parë është lidhur edhe me klubet italiane si Milani dhe Napoli. /Telegrafi/

The post Liverpooli pranon ofertën e Al Hilal për Darwin Nunez appeared first on Telegrafi.

Kevin De Bruyne, maestro 34-vjeçar i mesfushës, po përqafon një sfidë të re te Napoli, duke u përshtatur me filozofinë e strukturuar dhe të bazuar në mentalitet të Antonio Contes, pas shumë viteve nën sistemin e fokusuar në posedim të topit të Pep Guardiolës.

De Bruyne theksoi kontrastin midis dy trajnerëve të njohur dhe ky ndryshim është i dukshëm .

“Pep është ndoshta pak më i përqendruar në kontrollin dhe posedimin e topit, ndërsa Conte është pak më i strukturuar në lojën e tij dhe përqendrohet shumë në mentalitet”, ka thënë fillimisht De Bruyne.

Lexo po ashtu De Bruyne zbulon arsyen pse e zgjodhi Napolin pas largimit nga Manchester City

Pasi iu bashkua Napolit në verën e vitit 2025, pas një dekade të mbushur me trofe te Manchester City, De Bruyne po i afrohet rolit të tij të ri me entuziazëm rinor, duke iu përkushtuar plotësisht vizionit taktik të Contes.

“Ka disa gjëra që janë të ndryshme, por çdo trajner ka parimet dhe karakteristikat e veta”, shtoi ai, duke shfaqur inteligjencën dhe përshtatshmërinë e tij në futboll.

Kalimi nga qasja zonale e Guardiolës, e cila ishte e fokusuar kryesisht në posedim të topit, te theksi i Contes te disiplina dhe qëndrueshmëria mendore shënon një ndryshim të rëndësishëm për veteranin belg. /Telegrafi/

The post De Bruyne tregon dallimin me Guardiolas dhe Contes appeared first on Telegrafi.

Luis Enrique ka filluar të marrë vendime të prera te Paris Saint-Germain përpara sezonit të ri dhe dy emra janë tashmë në rrugë të largimit: Arnau Tenas dhe Presnel Kimpembe.

Trajneri asturian, i bindur se skuadra e tij ka nevojë për rregullime specifike për të arritur përsosmëri, ka qenë i qartë në lidhje me ata që nuk përputhen me vizionin e tij të futbollit.

Rasti i portierit të ri spanjoll është veçanërisht mbresëlënës. Pasi mbërriti si një lojtar premtues me shumë hapësirë për t’u rritur, Arnau Tenas duket se e ka shteruar periudhën e pritjes.

Edhe pse e ardhmja e Gianluigi Donnarumma mbetet e paqartë, Enrique ka vendosur që Tenas duhet të kërkojë kohë loje larg Parc des Princes. Celta Vigo duket të jetë destinacioni i tij më i mundshëm, megjithëse transferimi nuk është finalizuar ende.

Në mbrojtje, historia e Presnel Kimpembe me PSG-në po i afrohet gjithashtu kapitullit të saj të fundit.

Në moshën 29 vjeçare, mbrojtësi fitues i Kupës së Botës nuk ka arritur të bindë pas problemeve të tij të fundit fizike, dhe stafi i trajnerëve ka zgjedhur të bëjë një ndryshim që i lejon ata të forcojnë atë zonë me gjak të ri. Ardhja e afërt e Ilia Zabarnyi tregon në këtë drejtim.

Nga ana tjetër, Enrique ka vendosur ta mbajë Kang-In Lee.

Mesfushori koreano-jugor, i cili pati një sezon të fortë me gjashtë gola dhe gjashtë asistime, do të mbetet pjesë e bërthamës sulmuese për sezonin e ri. Kjo tregon se trajneri i vlerëson ata që kontribuojnë përmes përkushtimit dhe qëndrueshmërisë.

Rindërtimi i PSG-së po ecën përpara në heshtje, por në mënyrë të qëndrueshme. Ndërsa po merren në konsideratë përforcime si portieri Lucas Chevalier dhe Zabarnyi i lartpërmendur, po shfaqen edhe largime të nevojshme.

Me këto vendime, Enrique vazhdon të formësojë një ekip të përshtatur sipas nevojave të tij, duke pasur parasysh jo vetëm kampionatin vendas, por edhe një shtytje të re në Evropë. /Telegrafi/

The post Luis Enrique i lodhur, dy yje drejt largimit nga PSG appeared first on Telegrafi.

Liverpooli thuhet se po ndjek në mënyrë aktive një numër të mbrojtësve të rinj qendrorë më premtues në të gjithë Evropën.

Sipas gazetarit të njohur Paul Joyce, Reds kanë një sy të veçantë te Giovanni Leoni i Parmës dhe interes të vazhdueshëm për Marc Guehi të Crystal Palace.

Midis lojtarëve që po merren në konsideratë është Leoni, qendërmbrojtësi 18-vjeçar italian i cili u transferua te Parma nga Sampdoria në qershor të vitit 2024 për pak më shumë se 10 milionë euro.

Leoni tani kuptohet të jetë një objektiv serioz për Liverpoolin, të cilët rivalizohen nga Newcastle dhe Tottenhamin, megjithëse Parma është e etur ta mbajë atë edhe për një kohë.

Liverpooli po monitoron gjithashtu Marc Guehin, i cili po hyn në vitin e fundit të kontratës së tij me Crystal Palace.

Çmimi i kërkuar nga Palace do të jetë një faktor kyç nëse ata vendosin të vazhdojnë, por interesi mbetet i qartë.

Aktualisht, duke u përballur me sfida në thellësinë e mbrojtjes pas largimeve të Jarell Quansah dhe të ardhmes së pasigurt të Joe Gomez, ndjekja e Reds për mbrojtës të nivelit të lartë pasqyron planifikimin e tyre strategjik nën drejtimin e trajnerit Arne Slot. /Telegrafi/

The post Liverpooli po kërkon një qendërmbrojtës, dy emra shihen si favoritë appeared first on Telegrafi.

Barcelona u gjend në një situatë të ndërlikuar ligjore dhe financiare për shkak të trajtimit të Marc-Andre ter Stegen pas operacionit në shpinë.

Sipas mediave spanjolle, portieri gjerman refuzoi të nënshkruante formularin me anë të të cilit klubi mund të dërgonte një raport mjekësor në komisionin e La Ligës, i cili është një hap i nevojshëm për të vlerësuar dëmtimin dhe ndoshta për të liruar një pjesë të pagës së tij si pjesë e Fair Play Financiar.

Ky veprim i habiti drejtuesit e Barcelonës, të cilët menjëherë përfshinë ekipin e tyre ligjor. Klubi po shqyrton nisjen e një procedure të brendshme disiplinore dhe një padie kundër Ter Stegen, me mundësinë e sanksioneve, nëse avokatët arrijnë në përfundimin se refuzimi i tij dëmton seriozisht interesat e klubit – si sportive ashtu edhe financiare.

Menaxhmenti beson se, megjithëse Ter Stegen ka të drejtë ligjore për mbrojtjen e të dhënave të tij shëndetësore, si punonjës i klubit ai ka edhe detyrime të caktuara kontraktuale ndaj klubit që e paguan. Nëse përcaktohet se sjellja e tij bllokon drejtpërdrejt regjistrimin e një lojtari tjetër dhe prish stabilitetin e ekipit, kjo mund të ketë pasoja ligjore.

Lexo po ashtu Barcelona përballet me pengesë për limitin e pagave, pas refuzimit të Ter Stegen

Nëse La Liga konfirmon se është një dëmtim afatgjatë (pesë muaj ose më shumë), Barcelona mund të përdorë 80 për qind të pagës së tij vjetore për të nënshkruar zëvendësuesin e tij, Joan Garcia.

Një skenar i ngjashëm ndodhi verën e kaluar kur lëndimet e Andreas Christensen dhe Ronald Araujo mundësuan regjistrimin e Dani Olmos dhe Inigo Martinezit pas konfirmimit të La Ligës.

Megjithatë, pa firmën personale të Ter Stegen, i gjithë procesi është aktualisht i bllokuar. Raportet mjekësore janë ligjërisht private dhe nuk mund të ndahen pa pëlqimin e lojtarit.

Situata ndërlikohet edhe më tej nga fakti se qëndrimet e klubit dhe lojtarit në lidhje me ashpërsinë e dëmtimit janë krejtësisht të ndryshme. Ter Stegen njoftoi më parë nëpërmjet rrjeteve sociale se pret të kthehet në fushë pas tre muajsh, ndërsa mjekët e klubit vlerësojnë se rikuperimi do të zgjasë të paktën katër deri në pesë muaj.

| BREAKING: Marc-André ter Stegen has REFUSED to let Barça submit his post-surgery medical report to La Liga’s medical commission — a key requirement for registering him as a long-term injury and freeing up FFP space.

The club has now launched a disciplinary case, viewing… pic.twitter.com/0mB3gHMe1w

— Managing Barça (@ManagingBarca) August 5, 2025

Në raportin e tij zyrtar, klubi e etiketoi operacionin si një “përsëritje” në të njëjtën rajon lumbar ku Ter Stegen iu nënshtrua operacionit në vitin 2023 – duke sugjeruar ashpërsinë e dëmtimit.

Barcelona tashmë u përpoq të organizonte një bisedë me portierin pas kthimit të tij nga turneu, por përgjigjja e tij ishte e drejtpërdrejtë – ai nuk dëshiron të nënshkruajë asnjë dokument.

Nuk ka frustrim të fshehur në klub – ata besojnë se refuzimi i Ter Stegen ka një efekt negativ jo vetëm në klub, por edhe te shokët e tij të ekipit – veçanërisht Joan Garcia, i cili ende nuk mund të regjistrohet për shkak të kësaj.

Se çfarë do të ndodhë përfundimisht me Ter Stegen dhe Barcelonën, do ta mësojmë së shpejti. /Telegrafi/

The post Barcelona në telashe serioze, klubi po shqyrton padi kundër Ter Stegenit appeared first on Telegrafi.

Një faqe interneti me të dhëna futbolli ka ekzekutuar një milion simulime të sezonit të ardhshëm të Ligës Premier për të përcaktuar se sa herë secila skuadër do të fitonte ligën elitare të Anglisë, me Manchester United që dështon përsëri.

Jemi vetëm 10 ditë larg ndeshjes hapëse të Ligës Premier për sezonin 2025/26, ku kampionët në fuqi Liverpooli do të përballen me Bournemouth.

Skuadra e Arne Slot është favorite për të ruajtur trofeun e tyre ndërsa hyjnë në ndeshjen e këtij muaji me një mori nënshkrimesh të reja, përfshirë Florian Wirtz dhe Hugo Ekitike, ndërsa Arsenal, Manchester City dhe Chelsea janë gjithashtu pretendentë.

Ndërkohë, faqja e të dhënave të futbollit, Fusion Sim, ka kryer një eksperiment për të parë se sa herë secila skuadër e Ligës Premier do ta fitonte titullin pas një milion simulimesh.

Siç pritej, Liverpooli, skuadra që shpenzoi më së shumti, është në krye me 36.37% mundësi të triumfit, që përkthehet në 363,744 fitore nga 1,000,000 simulime.

Ishte një rezultat mjaft i ngushtë midis vendit të dytë dhe të tretë, pasi tetë herë fituesit e Manchester Cityt morën medaljen e argjendtë me 315,617 [31.56%] fitore krahasuar me Arsenalin e Mikel Artetas, i cili regjistroi pak më shumë se 300,000 fitore [30.02%].

Chelsea i Enzo Marescas është i katërti në renditje duke fituar vetëm 8,518 tituj [0.85%], gjë që nxjerr në pah ndryshimin e habitshëm midis tre ekipeve të para të përmendura më parë dhe pjesës tjetër të ligës.

Po pjesa tjetër? Sipas studimit të aaronw_data nga Fusion Sim, Aston Villa e Unai Emery do ta sillte në shtëpi trofeun e Ligës Premier në 5,136 raste [0.51%] në të gjithë simulimin, ndërsa Neëcastle United e ngrit titullin 4,618 herë, që rezulton në 0.46%.

Crystal Palace tronditën botën me më shumë se 1,500 fitore [0.15%] dhe Brighton ishte tjetër pas tyre, pasi arriti 394 fitore [0.04%].

Për sa i përket atyre që dështuan në përpjekjen e tyre për titullin e Ligës Premier, skuadrat e sapongjitura në kategorinë e parë, Burnley, Leeds dhe Sunderland, nuk kanë asnjë shans për të ngritur trofeun së bashku me West Ham dhe Wolves.

Ata mund ta kenë forcuar linjën e tyre sulmuese këtë verë me shtimet e Matheus Cunha dhe Bryan Mbuemo, por skuadra e Ruben Amorim mundi ta fitoj Ligën Premier në vetëm në 163 raste [0.016%] nga një milion të mundshëm.

Ndërkohë, Tottenhami i Thomas Frank arriti vetëm 16 fitore [0.0016%], ndërsa Brentford [11], Bournemouth [3], Everton [3], Nottingham Forest [2] dhe Fulham [1]. /Telegrafi/

@aaronw_data

How many times in 1 million sims of the Premier League does every team become Champions?! (As of 1st Aug 2025) #premierleague #prem #epl #liverpool #arsenal #manchesterunited #mancity #chelsea

♬ original sound – AaronW

The post Simulohet 1 milion herë sezoni 2025/26 për titullin e Ligës Premier, rezultatet janë shumë interesante appeared first on Telegrafi.

Lojtarët e Real Madridit po përshtaten me një regjim më të rreptë nën drejtimin e trajnerit të ri, Xabi Alonsos.

Sipas El Chiringuito TV, Alonso ka urdhëruar që skuadra të mbërrijë një orë para fillimit të seancave stërvitore, një ndryshim nga kërkesa gjysmë ore nën drejtimin e ish-trajnerit Carlo Ancelotti.

Ndryshimi, i zbatuar ndërsa stërvitja parasezonale filloi të hënën në Valdebebas, nënvizon theksin e Alonsos në disiplinë dhe përgatitje ndërsa ai formëson ekipin për sezonin 2025/26 të La Ligës.

NUEVAS REGLAS en los ENTRENAMIENTOS del REAL MADRID:

Con Ancelotti los jugadores tenían que llegar media hora antes al entrenamiento.

Xabi Alonso cita a los jugadores una hora antes del inicio de la sesión. pic.twitter.com/amNcnn1C6I

— El Chiringuito TV (@elchiringuitotv) August 5, 2025

Rregulli i ri i Alonsos vjen ndërsa Real Madridi po kalon një parasezon sfidues, me lojtarët kyç si Ferland Mendy, Endrick dhe Jude Bellingham që munguan në seancën e së hënës për shkak të problemeve fizike, dhe nënshkrimi i ri Franco Mastantuono jashtë fushave deri më 14 gusht.

Ora e mbërritjes më e hershme është projektuar për të nxitur një mjedis më të fokusuar, duke lejuar ngrohje shtesë, informime taktike dhe lidhje midis ekipit. /Telegrafi/

The post Xabi Alonso shtrëngon disiplinën te Real Madridi, vendos një rregull të ri stërvitjeje appeared first on Telegrafi.

Të shesësh për të blerë. Por, edhe të shesësh pa nxitim dhe sipas kushteve të tua – kushte që i vendos Juventusi pa u kapluar nga ethet e një merkatoje largimesh që, sidoqoftë, bëhet vendimtare për operacionet hyrëse. Sidomos kur koha fillon të shtrëngohet.

Kanë mbetur njëzet ditë deri në fillimin e kampionatit – më 24 gusht, debutimi i Juves në ‘Allianz Stadium’ ndaj Parmës dhe ndonëse Comolli nuk është tipi që ndikohet nga ankthi i një kalendari që përpin ditët, mbetet fakt që koha nuk do të luajë edhe për shumë gjatë në favor të Zonjës së Vjetër.

Sigurisht, afati kalimtar përfundon më 1 shtator (gongu bie në orën 20:00), por në mënyrë ideale përforcimet që i nevojiten Igor Tudorit do të duhej të mbërrinin në Continassa përpara ndeshjes së parë të sezonit. Të paktën ata që janë menduar si titullarë; për rastet e minutës së fundit, ka gjithmonë kohë.

pic.twitter.com/UZ8xBNMVaG

— JuventusFC (@juventusfcen) August 5, 2025

Njëzet ditë, pra, për të arritur kuotën 100 milionë euro gjithsej, një milion më shumë a më pak, dhe natyrisht jo të gjitha menjëherë dhe, mbi të gjitha, për të nisur lëvizjen vendimtare për ambiciet e Juventusit.

100 milionë euro në këtë periudhë është një objektiv i arritshëm për Zonjën e Vjetër, nëse do të arrinte të realizonte të gjitha këto shitje me çmimet që kërkon: Timothy Weah për 18 milionë euro (është gati, mungon vetëm zyrtarizimi i kalimit te Marseille), Fabio Miretti për 15 milionë euro (Napoli është në pritje), Duas Vlahovic për 25 milionë dhe Douglas Luiz për 40 milionë euro.

Llogaritja bëhet lehtë. Dhe kjo shumë pritet të rritet nëse ndodhin edhe largime të tjera, si ajo e Arthur Melo, apo lojtarë me kontrata që përfundojnë në vitin 2026, si Daniele Rugani, Tiago Djalo, Filip Kostic dhe Weston McKennie.

Për momentin, lista e largimeve ku përmenden vetëm Alberto Costa dhe Samuel Mbangula nuk ka qenë e mjaftueshme për të plotësuar të gjitha nevojat hyrëse.

Zgjerimi i kësaj liste do të thotë rritje e numrit të përforcimeve: Randal Kolo Muani për të përmbyllur çështjen e sulmit, Mortel Hjulmand, Matt O’Riley apo ndonjë ‘mister X’ tjetër me cilësi për mesfushën (pavarësisht kthimit të mundshëm të Teun Koopmeiners në qendër), si dhe një zgjidhje shtesë apo mundësi për mbrojtjen. /Telegrafi/

The post Juventusi ka objektiv t’i fitojë 100 milionë brenda 20 ditësh – katër largime për të zhbllokuar përforcimet appeared first on Telegrafi.

Real Madridi ka vendosur që në verën e vitit 2026 të tentojë transferimin e Ibrahima Konates. Klubi synon të forcojë mbrojtjen për të ardhmen dhe e sheh qendërmbrojtësin francez si lojtarin ideal për projektin e ri që pritet të udhëhiqet nga Xabi Alonso. Trajneri i ardhshëm i Realit e pëlqen shumë stilin e lojës së Konatés dhe e konsideron si lider të mbrojtjes për vitet e ardhshme.

Në fillim është marrë në konsideratë edhe William Saliba i Arsenalit, por klubi londinez nuk ka ndërmend ta shesë. Për këtë arsye, drejtuesit e Real Madridit kanë përqendruar vëmendjen te Konate, i cili ka treguar nivel të lartë në Premier League dhe ka përvojë në ndeshje të rëndësishme ndërkombëtare.

Sipas Defensa Central, madrilenët po përgatisin një plan për ta bindur Konaten që të mos rinovojë kontratën me Liverpoolin, e cila përfundon në verën e vitit 2026.

Nëse nuk rinovon, ai do të mund të largohet si lojtar i lirë dhe Real Madridi do të kishte mundësi ta marrë pa paguar asnjë tarifë transferimi.

Nga ana tjetër, Liverpooli po përpiqet ta mbajë, duke përgatitur një ofertë rinovimi. Megjithatë, vetë lojtari nuk e përjashton mundësinë e largimit, sidomos nëse merr një ofertë joshëse nga Real Madridi, klub që çdo lojtar do të donte të luante.

Konate është një lojtar me fizik të fortë, shumë i zgjuar në aspektin taktik dhe me cilësi udhëheqëse në fushë. Këto janë pikërisht tiparet që kërkon Xabi Alonso në mbrojtjen e tij të re. Ai do të ishte një zëvendësim i shkëlqyer për lojtarë si Davi Alaba dhe Antonio Rudiger, të cilët po i afrohen fundit të karrierës së tyre.

Për Real Madridin, kjo është një mundësi e rrallë për të siguruar një mbrojtës të klasit botëror pa shpenzuar për kartonin e tij. Klubi do të bëjë gjithçka për ta bindur Konaten që të zgjedhë Real Madridin si hapin e radhës në karrierën e tij. /Telegrafi/

The post Real Madridi ka finalizuar tashmë nënshkrimin e parë për vitin 2026 appeared first on Telegrafi.

Fondacioni “Drejtësi për Lojtarët” nga Danimarka ngriti një padi kolektive penale në emër të 100,000 futbollistëve, pasi një vendim i Gjykatës Evropiane të Drejtësisë gjeti shkelje të rënda të të drejtave të punës dhe të tregut.

Konkretisht, pesë organizata të tjera futbolli janë përfshirë në padi, dhe fondacioni po kërkon kompensim në emër të lojtarëve që mund të kenë humbur të ardhura ose një pjesë të të ardhurave për shkak të politikave dhe rregulloreve të transferimeve.

Fondacioni lëshoi një deklaratë duke u bërë thirrje të gjithë futbollistëve që kanë luajtur në Bashkimin Evropian ose Mbretërinë e Bashkuar që nga viti 2002 të bashkohen me veprimin kolektiv.

Fondacioni e sheh bazën për fillimin e procedurës në vendimin e vitit të kaluar të Gjykatës Evropiane të Drejtësisë në rastin e ish-lojtarit të Real Madridit, Lassana Diarra.

Demandan a FIFA en nombre de 100.000 futbolistashttps://t.co/5AHE2ppyZ5

— Mundo Deportivo (@mundodeportivo) August 4, 2025

FIFA, siç thuhet në atë vendim, ka shkelur Aktin e Konkurrencës të Bashkimit Evropian për vite me radhë dhe se është shkelur edhe e drejta e lëvizjes së lirë të punëtorëve.

Filloi kur Diarra donte të ndërpriste kontratën e tij me Lokomotiv Moskën dhe të transferohej te Charleroi, por FIFA kishte mundësinë ta parandalonte këtë transferim sipas rregullave të kohës.

Gjykata Evropiane e Drejtësisë i shpalli rregullat e FIFA-s të paligjshme sepse ato i kufizojnë lojtarët nga ndërprerja e kontratave të tyre pa shkak të drejtë, gjë që shkel drejtpërdrejt të drejtat themelore të tregut të punës në Bashkimin Evropian.

Fondacioni thotë se me këtë padi po përpiqet të luftojë për të drejtat e lojtarëve të cilëve u janë mohuar të ardhurat ose një pjesë e të ardhurave si rezultat i rregullave kufizuese të FIFA-s për ndërprerjen e kontratave dhe transferimeve. /Telegrafi/

The post FIFA paditet në emër të 100,000 futbollistëve, një revoltë e nisur në Danimarkë appeared first on Telegrafi.

Presidenti i Barcelonës, Joan Laporta, ka dhënë një përditësim pozitiv në lidhje me përpjekjet e vazhdueshme të klubit për të regjistruar lojtarët përpara sezonit të ri të La Ligës.

Duke folur me gazetarët, Laporta tha: “Po ecën mirë. Është më mirë të punohet sesa të publikohet”.

“Ne po bëjmë punën tonë dhe jemi të bindur se do të jemi në gjendje t’i regjistrojmë të gjithë”, përfundoi presidenti i Barcelonës.

Lexo po ashtu Laporta zbulon se a do të ketë më transferime te Barcelona këtë verë

Klubi katalunas është përballur me sfida të vazhdueshme me rregulloret strikte të Fair Play Financiar të La Ligës në sezonet e fundit, duke kërkuar shpesh lëvizje të minutës së fundit ose manovra financiare për të përfunduar regjistrimet e lojtarëve.

Kjo verë nuk ka qenë ndryshe, me nënshkrime të reja si Joan Garcia, Marcus Rashford dhe rinovime të mundshme për lojtarë kyç që presin të marrin lejen.

Me përgatitjet parasezonale që po përfundojnë dhe planifikimin e skuadrës që po i afrohet përfundimit, Barca do të gjendet në një situatë të vështirë nëse fjalët e Laportës nuk janë të vërteta. /Telegrafi/

The post Joan Laporta konfirmon se regjistrimi i lojtarëve është në rrugën e duhur appeared first on Telegrafi.

Zlatan Ibrahimovic e bëri të qartë në një intervistë të kohëve të fundit se identifikohet ekskluzivisht me Suedinë, duke u distancuar nga origjina e tij boshnjake dhe kroate.

Ibrahimovic, një nga sulmuesit më të mëdhenj të epokës moderne, nxori një përfundim në lidhje me identitetin e tij kombëtar duke deklaruar se ai përfaqëson vetëm Suedinë – pavarësisht origjinës së tij nga Bosnja dhe Hercegovina dhe Kroacia.

I lindur në Malmo, Zlatan lindi nga një baba boshnjak dhe një nënë kroate, gjë që e bëri atë të përshtatshëm për të luajtur për tre ekipe të ndryshme kombëtare. Bosnja dhe Hercegovina dikur ishte vëzhguar në mënyrë aktive nga vëzhguesit, dhe Kroacia ishte një opsion në vitet e tij të para. Megjithatë, ai në fund zgjodhi Suedinë, vendin ku lindi dhe u rrit.

Pasi i dha fund karrierës së tij ndërkombëtare, Ibrahimovic theksoi më tej trashëgiminë e tij suedeze në një intervistë me GQ Hong Kong.

“Jam krenar dhe i lumtur që mund ta përfaqësoj Suedinë kudo që shkoj në botë dhe që jam suedez. Kur tregoj Suedinë në hartë, të gjithë e dinë se ku ndodhet. Jam shumë i lumtur për këtë”, ka thënë Ibrahimovic.

Edhe pse Zlatani shpesh fliste me nostalgji për pushimet e tij në Adriatik dhe edukimin e tij në Ballkan – duke përfshirë muzikën dhe zakonet që ia kishte trashëguar i ati, Shefiku – ai e bëri të qartë se zemra e tij i përkiste Suedisë.

Në autobiografinë e tij, Zlatan kujtoi fëmijërinë e tij të vështirë në Suedi si fëmijë emigrantësh, por theksoi krenarinë që ndjeu për kapërcimin e këtyre pengesave. Edhe pasi statuja e tij u vandalizua jashtë stadiumit të Malmos, ai mbeti sfidues dhe besnik ndaj kombit të tij të lindjes.

Ai luajti 122 ndeshje për Suedinë, shënoi 62 gola dhe u votua 15 herë Lojtari Suedez i Vitit. Për shumë suedezë, ai është lojtari më i madh që ka veshur ndonjëherë fanellën e verdhë dhe blu. /Telegrafi/

The post Ibrahimovic: Jam krenar që jam suedez dhe jam pa masë i lumtur për këtë appeared first on Telegrafi.

Atletja e famshme amerikane, Sha’Carri Richardson u arrestua në Aeroportin Ndërkombëtar të Seattle Tacoma pas një incidenti me të dashurin e saj, atletin Christian Coleman.

Kampionia olimpike në stafetën 4×100 metra me ekipin e Shteteve të Bashkuara të Amerikës nga Parisi iu desh të kalonte 19 orë në qendrën korrektuese Score South, pasi u filmua duke goditur të dashurin e saj.

Sipas një raporti policor të marrë nga mediumit The Athletic nga Departamenti i Policisë së Seattle, Richardson dhe Coleman ishin të përfshirë në një grindje në një pikë kontrolli të sigurisë në aeroport.

Në atë rast, atletja amerikane e shtyu dhe e goditi vazhdimisht të dashurin e saj, me të cilin është në një lidhje prej dy vitesh, megjithëse çifti nuk foli për lidhjen deri në shkurt.

Sha’Carri Richardson arrested in alleged domestic violence incident, police say https://t.co/NvQn7q2WQo

— USA TODAY (@USATODAY) August 1, 2025

Pamjet u kapën nga kamerat e sigurisë dhe u konsideruan mjaftueshëm të besueshme për të justifikuar arrestimin. Vepra penale u listua si dhunë në familje e shkallës së katërt.

I dashuri i saj, një kampion i shumëfishtë bote, refuzoi të ngrinte padi dhe e shpëtoi të zgjedhurën e tij nga një dënim më i rëndë.

Pasi kaloi 19 orë në Qendrën Korrektuese Score South, Sha’Carri Richardson u lirua dhe çështja u mbyll.

OLYMPIC SPRINTER SHA’CARRI RICHARDSON WAS REPORTEDLY ARRESTED IN CONNECTION WITH AN ALLEGED DOMESTIC INCIDENT INVOLVING FELLOW SPRINTER CHRISTIAN COLEMAN. pic.twitter.com/xV5GrdihIz

— Poetik Flakko (@FlakkoPoetik) August 2, 2025

Në Lojërat Olimpike të Parisit, Sha’Carri fitoi medaljen e artë në stafetë me Ekipin e SHBA-së dhe fitoi medaljen e argjendtë individualisht. Ajo është fituese e shumëfishtë e medaljeve nga kampionatet botërore.

Nga ana tjetër, i dashuri i saj Christian Coleman është pesë herë kampion bote. /Telegrafi/

Sha’Carri Richardson arrested at Seattle airport over domestic violence incident https://t.co/1JeZjQhhla pic.twitter.com/AApImjjAxy

— New York Post (@nypost) August 2, 2025

The post Kampionia olimpike arrestohet në aeroport: Rrahu të dashurin e saj, i cili është gjithashtu një atlet i famshëm appeared first on Telegrafi.