Në 25 muajt e fundit, vetëm katër prej tyre nuk e kanë tejkaluar mesataren e temperaturës prej 1.5 gradë Celsius mbi nivelet para-industriale. A do të thotë kjo ka dështuar se Marrëveshja e Klimës në Paris?

Duke parë valët e të nxehtit që kanë përfshirë pjesë të mëdha të Evropës gjatë javëve të para të verës, gjetjet e buletinit të klimës për muajin korrik, të publikuara nga shërbimi i klimës së Bashkimit Evropian, Copernicus, nuk janë befasi.

Muaji i kaluar ishte korriku i katërt më i nxehtë i regjistruar ndonjëherë në Evropë, me temperatura mesatare që arritën në 21.12 gradë Celsius, ose 1.30 gradë Celsius mbi mesataren e korrikut për periudhën 1991-2020.

“Patëm disa kontraste rajonale, siç ndodh shpesh në Evropë”, tha Julien Nicolas, shkencëtar i lartë në Copernicus, për Euronews.

Lexo po ashtu Zjarri i shkakton probleme Spanjës, gjendje e rëndë në Madrid

Muaji filloi jashtëzakonisht i nxehtë në shumicën e pjesëve të Evropës, veçanërisht në perëndim, transmeton Telegrafi.

“Ndërsa muaji përparoi, temperaturat ranë dhe kushtet u bënë më të lagështa në pjesën perëndimore dhe qendrore të Evropës”, shtoi ai

Anomalitë që ranë në sy gjatë korrikut ishin temperaturat shumë mbi mesataren në Skandinavi, ku temperaturat arritën në 30 gradë Celsius për disa javë.

“Kjo është mjaft domethënëse dhe nuk është moti që do të prisnim të zgjaste në këto gjerësi gjeografike”, pohoi Nicolas.

Ndërkohë, në Turqi temperatura arriti në 50 gradë Celsius.

Tendencë afatgjatë e ngrohjes

Një nga gjetjet kryesore të raportit thekson se, në shkallë globale, korriku 2025 ishte 1.25 gradë Celsius mbi mesataren e vlerësuar të periudhës 1850-1900, e cila përdoret për të përcaktuar nivelin para-industrial. Në 21 nga 25 muajt e fundit, temperatura mesatare globale ka qenë 1.5 gradë Celsius ose më shumë mbi këtë nivel.

Kjo ngre pyetjen: A do të thotë kjo se Marrëveshja historike e Parisit, e ratifikuar nga të gjitha shtetet anëtare të BE-së dhe që synon të kufizojë rritjen afatgjatë të temperaturës mesatare në maksimum 1.5 gradë Celsius mbi nivelin para-industrial, ka dështuar?

“Kjo është një çështje që po diskutohet për momentin. Mendoj se duhet mbajtur mend se Marrëveshja e Parisit i referohet një mesatareje afatgjatë prej 1.5 gradë Celsius që nuk duhet të tejkalohet në mënyrë që të shmangen pasojat më katastrofike dhe të pakthyeshme të ndryshimeve klimatike. Ajo që kemi parë gjatë viteve të fundit janë tejkalime të përkohshme të këtij kufiri”, deklaroi Nicolas.

Ai shpjegoi se, në përgjithësi, mesatarja afatgjate konsiderohet e tejkaluar vetëm kur niveli është kapërcyer në një mesatare 20-vjeçare – një kohëzgjatje që konsiderohet e përshtatshme për të karakterizuar klimën dhe për të zbutur luhatjet natyrore të temperaturës globale.

Lexo po ashtu Viti 2024 ishte më i nxehti në histori të Evropës - cili vend u prek më rëndë nga zjarret?

“Vetëm kur të kemi një mesatare 20-vjeçare të temperaturave globale mbi 1.5 gradë Celsius, atëherë mund të themi se kemi tejkaluar kufirin e Marrëveshjes së Parisit”, shtoi ai.

Parashikimet më të fundit nga modelet klimatike tregojnë se ky kufi mund të arrihet që në vitin 2030.

“Kjo është vetëm disa vite larg. Por ende nuk kemi arritur atje”, pohoi shkencëtari.

Shkencëtarët e Copernicus theksuan se seria e rekordeve të temperaturës globale është ndërprerë – për momentin. Do të ketë periudha “ftohjeje”, si në korrik 2025, kur temperatura mesatare globale ishte “vetëm” 1.25 gradë Celsius mbi mesataren e vlerësuar të periudhës 1850-1900. Kjo ndodh për shkak të luhatjeve natyrore në klimë.

“Por, kjo ndodh mbi një tendencë afatgjatë ngrohjeje, e cila lidhet drejtpërdrejt me grumbullimin e gazrave serrë në atmosferë”, tha Nicolas.

Me fjalë të tjera, ndryshimet klimatike nuk kanë ndalur.

Efekte katastrofike

Në këtë drejtim, shkencëtarët e klimës vazhdimisht i referohen efekteve të një bote që po ngrohet, të cilat po shfaqen në të gjitha cepat e Evropës. Në muajin korrik, përmbytje të menjëhershme dhe fatale goditën pjesë të Rumanisë, ndërsa një valë ekstreme të nxehti shkaktoi humbje jete në plazhet e Italisë.

“Një gjë që duhet mbajtur mend është se këto ngjarje ekstreme klimatike nuk kanë nisur para dy vitesh; i kemi parë duke ndodhur prej shumë vitesh. Ne kemi parë pasojat e ndryshimeve klimatike. Kjo përfshin edhe shkrirjen e akullnajave dhe rritjen e nivelit të detit. Por, fakti që temperaturat mesatare globale kanë arritur nivele rekord i bën më të mundshme këto ngjarje klimatike ekstreme”, tha Nicolas.

Ai theksoi se kjo tendencë afatgjatë e ngrohjes dhe pasojat e saj katastrofike nuk do të ndalen përderisa gazrat serrë vazhdojnë të grumbullohen në atmosferë.

Për këtë arsye, shkencëtarët e klimës vazhdojnë të bëjnë thirrje për masa që do ta kundërshtojnë këtë trend.

Lexo po ashtu Pamje tronditëse që tregojnë radhë vilash luksoze të shndërruara në hi – nga zjarret vdekjeprurëse në Qipro

“Ne e shohim urgjencën e vazhdimit të veprimeve klimatike për të ulur emetimet e gazrave serrë në shkallë globale. Dhe kjo është qartësisht diçka që nuk duhet të ndalet”, tha Nicolas.

Kjo mbetet e vërtetë edhe nëse tejkalohet kufiri prej 1.5 gradë Celsius i vendosur nga Marrëveshja e Parisit.

“Ne duhet të vazhdojmë të bëjmë gjithçka që mundemi për të ulur emetimet e gazrave serrë, sepse siç themi shpesh, çdo fraksion shkalle ka rëndësi”, përfundoi shkencëtari.

Është në këtë kontekst që organizata të ndryshme të shoqërisë civile dhe bota akademike kanë shprehur shqetësim dhe kundërshtim ndaj propozimit të Komisionit Evropian për të lejuar përdorimin e kompensimeve ndërkombëtare të karbonit si mënyrë për të përmbushur objektivat klimatike të BE-së për vitin 2040.

Ky propozim ka ngritur shqetësime se veprimet për reduktimin e emetimeve po “outsourcohen” (delegohen jashtë), gjë që sipas kritikëve e zbut në mënyrë efektive ambicien klimatike. /Telegrafi/

The post Një premtim global po shuhet në heshtje – nxehtësia po djeg marrëveshjet appeared first on Telegrafi.

Presidenti amerikan, Donald Trump dhe homologu rus, Vladimir Putin pritet të takohen gjatë ditës së premte për të folur rreth përfundimit të luftës në Ukrainë, por mediat britanike tashmë kanë nisur të zbardhin disa skenarë se si mund të ndalet konflikti.

“The Times” ka paraqitur katër skenarë të mundshëm për përfundimin e konfliktit.

Skenari i parë, i favorizuar nga shumë vende evropiane, parashikon ngrirjen e luftës në vijat aktuale të frontit, që shtrihen për rreth 680 milje (1049 kilometra), pa asnjë ndryshim territorial.

Four potential map scenarios for ending the war in Ukraine, according to The Times:

1. European preference: Freeze the war at the current front lines (~680 miles), with no more land changing hands.
2. Putin’s price: Ukraine gives up the entire Donbas (Donetsk + Luhansk), losing… pic.twitter.com/HlAVniswSB

— Clash Report (@clashreport) August 12, 2025

Skenari i dytë i referohet “çmimit” që Rusia kërkon, ku Ukraina do të dorëzojë të gjithë rajonin e Donbasit – përfshirë Donetskun dhe Luhanskun – duke humbur pozicione kyçe strategjike.

Skenari i tretë parashikon koncesione më të mëdha nga Kievi, me dorëzimin e Luhanskut, Donetskut, Zaporizhzhias dhe Khersonit, përfshirë edhe zona që Rusia nuk i kontrollon plotësisht ende.

Skenari i katërt flet për një shkëmbim territoresh, ku Rusia do të marrë gjithë Donbasin, ndërsa Ukraina do të rikuperojë pjesë të Khersonit, megjithatë ky skenar shihet si i pamundur, pasi Khersoni është një zonë kyçe për lidhjen e Rusisë me Krimenë.

Këto opsione përbëjnë bazën e diskutimeve diplomatike dhe ushtarake që do të përcaktojnë fatin e rajonit dhe paqen në Evropë. /Telegrafi/

The post Katër skenarët e mundshëm të përfundimit të luftës në Ukrainë appeared first on Telegrafi.

Irani ka arrestuar rreth 21 mijë persona gjatë një lufte 12-ditore kundër Izraelit.

Mes të ndaluarve, 261 persona janë arrestuar nën dyshimin për spiunazh, ndërsa 172 të tjerë për fotografim dhe xhirim video pa autorizim, tha zëdhënësi i policisë, gjenerali Said Montazerolmahdi, cituar nga radioja shtetërore.

Ai nuk dha detaje për pjesën më të madhe të arrestimeve. Gjatë konfliktit, mbi 40 mijë policë ishin të vendosur në rrugë, shtoi Montazerolmahdi.

Sipas raportit, në mbarë vendin u ngritën mbi 1000 pika kontrolli.

Në muajin qershor, Izraeli, së bashku me Shtetet e Bashkuara, bombardoi objektet kyçe bërthamore në Iran.

Megjithëse është arritur një armëpushim, konflikti themelor mes këtyre armiqve të betuar vazhdon, pa ndonjë zgjidhje diplomatike në horizont. /Telegrafi/

The post Irani burgosi gati 21 mijë persona gjatë luftës 12 ditore me Izraelin appeared first on Telegrafi.

Sekretarja e shtypit e shtëpisë së Bardhe, Karoline Leavitt ka folur për takimin mes presidentit amerikan, Donald Trump dhe homologut rus, Vladimir Putin.

Ajo thotë se bisedimet për përfundimin e luftës në Ukrainë do të zhvillohen në Anchorage – qyteti më i madh i Alaskës.

“Presidenti Trump është i vendosur të përpiqet t’i japë fund kësaj lufte dhe të ndalojë vrasjet”, tha Leavitt.

Lexo po ashtu Zelensky: Trump e di mirë se pa ne nuk ka marrëveshje me Putinin

Ndërkohë, Alyeska Resort ndodhet në malet piktoreske pranë qytetit Anchorage, në fshatin e vogël dhe të qetë të Girdwoodit, raporton skynews.

Lokacioni i tij i veçantë, i rrethuar nga natyra dhe pamje mahnitëse, e bën atë një vend ideal për takime private dhe të rëndësishme.

Për më tepër, në afërsi ndodhet edhe një aeroport i vogël që mundëson fluturime me aeroplanë të lehtë, duke e bërë të lehtë arritjen në këtë vend edhe për mysafirët e veçantë.

Hoteli është i njohur për luksin dhe privatësinë që ofron, dhe ka tre suita presidenciale, të cilat janë të dizajnuara për komoditet maksimal dhe shërbim të nivelit më të lartë.

Lexo po ashtu Bild zbulon detaje tronditëse: Witkoff e keqkuptoi Putinin, Rusia nuk do të heqë dorë nga territoret e pushtuara

Këto suita janë të pajisura me të gjitha lukset moderne dhe ofrojnë një ambient të qetë dhe ekskluziv për mysafirët me rëndësi të veçantë.

Në përgjithësi, Alyeska Resort është një vend i përshtatshëm dhe strategjik për një takim të tillë të rëndësishëm dhe pritet të luajë një rol kyç në organizimin e kësaj ngjarje diplomatike. /Telegrafi/

Putin Went Begging and Invited Himself to a Meeting with Trump

White House Press Secretary Karoline Leavitt said that it was Putin himself who asked Donald Trump for a personal meeting.

When asked why Trump wouldn’t also invite Zelensky to Alaska, Leavitt replied that the… pic.twitter.com/SEpigaaXzF

— NEXTA (@nexta_tv) August 12, 2025

The post Ky është hoteli ku pritet të takohen Trump dhe Putin? appeared first on Telegrafi.

Pas tre vitesh lufte brutale dhe rraskapitëse, një marrëveshje e mundshme midis presidentit amerikan, Donald Trumpit dhe homologur rus, Vladimir Putinit në takimin e së premtes mund ta vërë Ukrainën në një situatë pa rrugëdalje.

Po spekulohet se të dy udhëheqësit mund të arrijnë një të ashtuquajtur marrëveshje “tokë për paqe”, sipas së cilës Ukraina do të detyrohej të heqë dorë nga një pjesë e territorit të saj në këmbim të ndalimit të konfliktit, shkruan skynews.

Një marrëveshje e tillë, në praktikë, do të nënkuptonte aneksimin nga Rusia të territorit sovran të Ukrainës, të ligjëruar me forcë.

Lexo po ashtu Zelensky: Trump e di mirë se pa ne nuk ka marrëveshje me Putinin

Nuk dihet ende nëse presidenti ukrainas, Volodymyr Zelensky apo ndonjë përfaqësues tjetër i Ukrainës do të lejohet të marrë pjesë drejtpërdrejt në samit dhe në çfarë kushtesh.

Rusia aktualisht pushton rreth 19 për qind të territorit ukrainas. Kjo përfshin gadishullin e Krimesë dhe pjesë të rajonit të Donbasit, të cilat i ka pushtuar që përpara fillimit të pushtimit të gjithanshëm në shkurt të vitit 2022.

Trump ka deklaruar se shpreson që t’i kthejë Ukrainës “territor të vlefshëm”, por mbetet e paqartë se për çfarë do të ishte vërtet dakord Putin.

Ekspertët po analizojnë se çfarë do të nënkuptojë ky takim i shumëpritur mes dy liderëve botërorë për të ardhmen e vendit të goditur nga lufta dhe për situatën në vijat e frontit. /Telegrafi/

The post Cilat territore mund të detyrohet t’i dorëzojë Ukraina? appeared first on Telegrafi.

Një trend i ri po përhapet në Evropë: çifte që po shesin bileta për dasmat e tyre te të huajt për të mbuluar shpenzimet e ngjarjeve. Kjo ide ka lindur nga një startup në Paris, i quajtur Invitin, i themeluar nga Katia Lekarski.

Ajo e pati këtë mendim kur po jepte shtëpinë e saj me qira në juglindje të Francës për disa njerëz që po merrnin pjesë në një dasmë.

Kur vajza e saj pesëvjeçare pyeti “Pse ne nuk jemi të ftuar në dasma?”, ajo e kuptoi se ndoshta ka njerëz që dëshirojnë të përjetojnë një dasmë, por nuk janë të ftuar shpesh.

Kështu, ajo krijoi një platformë ku çiftet mund të shesin bileta për dasmat e tyre dhe të ndihmojnë në mbulimin e kostove, duke fituar një komision për shërbimin.

Në këtë platformë, çiftet mund të shesin bileta për dasmën e tyre, duke lejuar të huajt të marrin pjesë në ngjarje dhe të përjetojnë traditat dhe atmosferën e një dasme.

Çiftet mund të kontrollojnë profilin e të ftuarve të mundshëm dhe të vendosin kush mund të marrë pjesë. Të ftuarit duhet të respektojnë rregulla të caktuara, si veshja e përshtatshme, mbajtja e sjelljes së duhur dhe ndalimi i ndarjes së fotove pa leje.

Ky model është ende në fazë të hershme në Francë, me rreth gjashtë dasma të regjistruara deri tani. Çiftet që kanë shprehur interes për këtë mundësi janë kryesisht të moshës 25 deri 35 vjeç, dhe të ftuarit që paguajnë janë të gatshëm të respektojnë rregullat dhe të kontribuojnë në atmosferën e ngjarjes.

Ky trend ka tërhequr vëmendjen e disa çifteve dhe individëve që dëshirojnë të përjetojnë një dasmë, por nuk kanë mundësinë të ftohen shpesh. Për më tepër, disa kompani në Itali po ofrojnë mundësinë për të marrë pjesë në dasma tradicionale si një përvojë luksoze, duke u mundësuar të huajve të përjetojnë traditat dhe ritualet e dasmës italiane.

Ky fenomen po ndryshon mënyrën se si njerëzit shohin dhe përjetojnë dasmat, duke ofruar mundësi të reja për ata që dëshirojnë të jenë pjesë e këtyre ngjarjeve speciale. /Telegrafi/

The post Trend i ri në Francë – shesin biletat e dasmave për njerëzit që nuk i njohin appeared first on Telegrafi.

Ministria e Industrisë dhe Teknologjisë së Informacionit në Kinë ka publikuar detaje rreth veturës elektrike hipersportive Yangwang U9 Track Edition.

Ky model, i klasifikuar si automjet sportiv elektrik, ka katër motorë elektrikë, një në çdo rrotë, secili me fuqi prej 555 kW. Fuqia totale arrin në 2220 kW ose 3019 kuaj/fuqi, me një shpejtësi maksimale të kufizuar në 350 km/h. Për krahasim, modeli aktual i prodhimit U9 ofron gjithsej 960 kW dhe çmimi i tij është rreth 210,000 euro.

U9 Track Edition ruan kryesisht dizajnin e jashtëm të modelit ekzistues. Pajisjet standarde përfshijnë rrota 20-inç me goma 325/35 R20, tavan prej fibrash karboni, një krah të madh të pasmë fikse prej fibrash karboni dhe një difuzor të pasmë të pajisur me flapsa të rregullueshëm për optimizim aerodinamik.

Në dokumentet e paraqitjes përmenden pjesë opsionale aerodinamike, si splitter-i standard ose ai i përmirësuar i përparmë prej fibrash karboni dhe krah elektrik i pasmë. Dimensionet janë 4966 ose 4991 mm gjatësi, 2029 mm gjerësi dhe 1311 ose 1351 mm lartësi, me një distancë ndërmjet boshteve prej 2900 mm. Pesha e veturës është 2480 kg, ndërsa gomat e përparme dhe të pasme kanë dimension 325/30 R20 (112Y). Pesha totale e makinës arrin në 2630 kg.

Modeli aktual përdor një paketë baterish litium-zhivë-fosfat prej 80 kWh, që siguron një distancë prej 450 km sipas standardit kinez CLTC. Përfshihet mundësia e karikimit të shpejtë me rrymë të barabartë deri në 500 kW, duke mundësuar ngarkim nga 30 për qind në 80 për qind brenda rreth 10 minutash.

Suspensoni është konfiguruar si sistem me dy krahë të dyfishtë në pjesën e përparme dhe multilink në pjesën e pasme, në kombinim me sistemin inteligjent të kontrollit të karroserisë DiSus-X të BYD. U9 është produkti kryesor i markës Yangwang të BYD.

Veturës i është regjistruar vitin e kaluar një shpejtësi maksimale prej 391.94 km/h, duke vendosur rekordin kinez të shpejtësisë për produkte serike, si dhe ka arritur kohën e xhiros 7:17,900 në pistën gjermane Nürburgring Nordschleife. Në qershor të këtij viti, Yangwang njoftoi planet për shkatërrim rekordi të ri, dhe tani po shohim me çfarë konfigurimi do të fillojnë veprimin.

Me më shumë se 3000 kuaj/fuqi, U9 tejkalon ndjeshëm fuqinë e makinave elektrike hiper si Lotus Evija (1972 kuaj fuqi) dhe Rimac Nevera (1914 kuaj fuqi). Detajet për lansimin në treg ende nuk janë bërë publike. /Telegrafi/

The post Kjo veturë shkon në ekstrem – automjeti do të zhvillojë 3019 kuaj/fuqi! appeared first on Telegrafi.

Sot nuk është e vështirë të gjenden telefona të rremë që imitojnë markat e njohura.

Megjithatë, ky shembull është i veçantë. Sonny Dickson ka ndarë fotografi të një kloni të supozuar të iPhone 17 Pro, i cili përdor një version të Android-it të modifikuar për të ngjarë me softuerin e iPhone.

Me shumë gjasë, bëhet fjalë për një version të vjetër të softuerit të iPhonet.

iPhone 17 Pro i vërtetë, sigurisht, do të funksionojë me iOS 26 — një sistem i ridizajnuar plotësisht që nuk mund të ngatërrohet me iOS 18, sipas 9to5Mac.

Të paktën, kanë qëlluar me sfondin, që është e vetmja gjë në Android që të kujton iOS 26.

Modeli i vërtetë me gjasë do të ketë një sfond specifik për pajisjen, por shfaqja e pajisjeve të rreme vetëm në bazë të informacionit të rrjedhur dhe thashethemeve nuk është diçka e zakonshme. /Telegrafi/

The post Ky iPhone i rremë në fakt funksionon me Android appeared first on Telegrafi.

Presidenti ukrainas, Volodymyr Zelensky theksoi rëndësinë e përfshirjes së Ukrainës në çdo bisedë apo vendim që lidhet me të ardhmen e vendit të tij.

Ai komentoi takimin e paralajmëruar midis presidentit amerikan, Donald Trump dhe homologut rus, Vladimir Putin duke theksuar se pa Ukrainën nuk mund të merret asnjë vendim për fatin e saj.

“Një bisedë midis Putinit dhe Trumpit mund të jetë e rëndësishme për marrëdhëniet e tyre dypalëshe. Por ata nuk do të bëjnë asgjë për Ukrainën pa ne. Besoj se Trump e kupton këtë”, deklaroi lideri ukrainas.

Zelensky:

A conversation between Putin and Trump may be important for their bilateral track. But they will not make anything about Ukraine without us. I believe that Trump understands this. pic.twitter.com/f3t3Tdt9aD

— Clash Report (@clashreport) August 12, 2025

Zelenksy theksoi gjithashtu se është e pamundur të flitet për Ukrainën pa Ukrainën dhe se vendimet për vendin duhet të merren me pjesëmarrjen aktive të saj.

Lexo po ashtu 'Mbështetje e qartë për pavarësinë tonë' - Zelensky falënderon udhëheqësit evropianë

“Duhet të qëndrojmë pranë së vërtetës sonë”, tha ai, duke shtuar se janë gjëra që jetojnë në zemër dhe të tjera që janë të shkruara në Kushtetutën e vendit, duke nënkuptuar gatishmërinë e Kievit për të mbrojtur me vendosmëri pozicionet e veta.

Ndryshe, Trump dhe Putin pritet të takohen gjatë ditës së premte në Alaska. /Telegrafi/

BREAKING: Zelensky on Trump–Putin talks — “It’s impossible to talk about Ukraine without Ukraine. Without us, they can’t make any decisions

“We have to stand by the truth. Our own truth.

There are things that live in your heart, and there are things that are in your… pic.twitter.com/KhMTEifavG

— NEXTA (@nexta_tv) August 12, 2025

The post Zelensky: Trump e di mirë se pa ne nuk ka marrëveshje me Putinin appeared first on Telegrafi.

Lufta në Ukrainë, e shkaktuar nga pushtimi i plotë i Rusisë në shkurt të vitit 2022, nuk tregon shenja të zbutjes.

Në lindje të Ukrainës, Rusia vazhdon me një avancim të ngadaltë dhe të përgjakshëm. Sulmet ajrore vdekjeprurëse janë një dukuri natën në të gjithë vendin, ndërsa rafineritë dhe objektet energjetike të Rusisë sulmohen rregullisht nga dronët e Kievit.

Në këtë kontekst, Kremlini konfirmoi se po planifikohej dhe do të zhvillohej së shpejti një takim midis Donald Trump dhe Vladimir Putin. “Jam këtu për ta mbyllur [luftën]”, tha lideri amerikan të mërkurën.

Tre raunde bisedimesh midis Rusisë dhe Ukrainës, të mbajtura me iniciativën e tij mes majit dhe korrikut, nuk kanë arritur të afrojnë palët drejt paqes, dhe Trump shpreson që marrja e situatës në duart e tij mund të sjellë në fund një armëpushim, transmeton Telegrafi.

Por, hendeku midis Kievit dhe Moskës është aq i madh sa edhe bisedimet e lehtësuara nga Trump mund të jenë të vështira për t’u mbuluar, raporton bbc.

Në një memorandum që Rusia i paraqiti ukrainasve në qershor, Moska shpjegoi kërkesat e saj maksimale për një “zgjidhje përfundimtare” të konfliktit. Ato përfshijnë njohjen e sovranitetit rus mbi rajonet ukrainase të Krimesë, Donetskut, Luhanskut, Zaporizhzhias dhe Khersonit, si dhe dakordësinë e Ukrainës për demilitarizim, neutralitet, mungesë përfshirjeje ushtarake të huaj dhe zgjedhje të reja.

“Pala ruse mund ta paraqesë këtë në një duzinë mënyrash të ndryshme, duke krijuar përshtypjen se Moska është e hapur për koncesione dhe negociata serioze”, shkroi analistja politike ruse, Tatiana Stanovaya. “Por pozicioni kryesor mbetet i pandryshuar: Rusia dëshiron që Kievi të dorëzohet.”

Pas një takimi midis Putinit dhe përfaqësuesit amerikan Steve Witkoff, Sekretari amerikan i Shtetit, Marco Rubio, tha të mërkurën se Uashingtoni kishte një kuptim më të mirë të kushteve nën të cilat Rusia do të ishte e gatshme të përfundonte luftën.

Nuk e dimë nëse ato kushte kanë ndryshuar. Megjithatë, vetëm javën e kaluar Putini – me gjasë duke iu referuar memorandumit – tha se Rusia kishte bërë të ditura qëllimet e saj në qershor dhe se ato qëllime kishin mbetur të njëjta.

Prandaj, pavarësisht se Kremlini ka pranuar një takim midis Trump dhe Putin, nuk ka arsye të besohet se Moska është gati të bëjë lëshime për kushtet e saj të rrepta paraprake.

Atëherë, përse do të pranojë Putin të zhvillojë bisedime në këtë fazë?

Një mundësi është se ai shpreson që angazhimi në dialog të shmangë sanksionet dytësore që Trump ka kërcënuar t’i imponojë partnerëve tregtarë të Moskës që nga dita e premte. Kremlini gjithashtu mund të ndjejë se mund ta bindë Trumpin për vlefshmërinë e kushteve të tij për përfundimin e luftës.

Në fillim të mandatit të dytë në detyrë, Trump dukej më i afërt me Rusinë sesa me Ukrainën, duke e quajtur Zelenskyn “diktator” dhe duke sugjeruar se ai ishte fajtor për luftën me Rusinë.

Megjithëse më pas ka shfaqur pakënaqësi ndaj Putinit – “ai më mbërthen vetëm,” tha në prill – Trump gjithashtu ka refuzuar të thotë nëse mendonte se udhëheqësi rus i kishte gënjyer për gatishmërinë e tij për të shkuar drejt një armëpushimi.

Qoftë për shkak të një afërsie personale apo për shkak të një pikëpamjeje të përbashkët, Trump ka qenë i paqartë për t’i dënuar plotësisht veprimet e Putinit.

Kur të dy u takuan në Helsinki në vitin 2018 – gjatë mandatit të parë të Trump si president – shumë u habitën nga mbështetja e Trump për Kremlin ndaj akuzave për ndërhyrje ruse në zgjedhjet amerikane të 2016-ës dhe nga marrja e përgjegjësisë për tensionin në marrëdhëniet SHBA-Rusi.

Ndoshta pjesërisht për të shmangur mundësinë që Trump të ndikojë nga Putini, Kievi dëshiron të jetë i përfshirë në çdo bisedë për armëpushim.

Përmes përfaqësuesit të tij Steve Witkoff, Trump ka sugjeruar gjithashtu mbajtjen e një takimi trepalësh me Putin dhe Zelenskyn. Por presidenti rus ka hedhur poshtë këto sugjerime, duke thënë se kushtet për një takim janë ende larg.

Tani disa në Ukrainë shqetësohen se një takim Trump-Putin mund të rezultojë në dorëzimin e presidentit amerikan ndaj kërkesave të Putinit.

Deputetja ukrainase, Iryna Herashchenko tha se po bëhet e qartë se do të kërkohen koncesione territoriale nga Ukraina dhe shtoi se mungesa në tryezën e bisedimeve do të ishte “shumë e rrezikshme” për Kievin.

“Ukraina nuk ka frikë nga takimet dhe pret të njëjtën qasje të guximshme nga pala ruse”, tha Zelensky të enjten.

Por, hendeku midis Rusisë dhe Ukrainës mbetet.

Dhe nëse Kremlini në fund do të pranojë një takim trepalësh, kërkesat e Moskës për armëpushim kanë rezultuar kaq të pamundura për t’u përmbushur saqë nuk është e qartë se çfarë mund të arrijë një takim ballë për ballë mes Zelenskyt dhe Putinit. /Telegrafi/

The post Pse një takim Trump-Putin nuk do të sjellë përfundimin e luftës në Ukrainë? appeared first on Telegrafi.

Ministri amerikan i Mbrojtjes, Pete Hegseth, ka shkaktuar reagime të forta në rrjetet sociale pasi ka shpërndarë një video ku pastorë të krishterë deklarojnë se grave duhet t’u hiqet e drejta e votës.

Sipas agjencisë Associated Press, ky postim kontrovers zbulon lidhjet e thella të Hegseth me një lëvizje nacionaliste të krishterë që mbron qëndrime ekstreme për rolin e fesë dhe të grave në shoqëri.

Hegseth ka shpërndarë në platformën X një video gati shtatëminutëshe nga CNN, që heton aktivitetet e Doug Wilsonit, bashkëthemelues i Komunitetit të Kishave të Reformuara Ungjillore (CREC).

Në video, njëri prej pastorëve nga kisha e Wilsonit flet hapur për heqjen e të drejtës së votës për gratë, ndërsa një tjetër thotë se në botën e tij ideale do të votonte i gjithë familja si një njësi e vetme.

All of Christ for All of Life. https://t.co/QqXhqZFStv

— Pete Hegseth (@PeteHegseth) August 8, 2025

Gjithashtu, një anëtare e komunitetit deklaron se i bindet plotësisht burrit të saj. Hegseth e shoqëroi videon me komentin e shkurtër “i gjithë Krishti për gjithë jetën”. Postimi i tij mori mbi 12 mijë pëlqime dhe 2000 shpërndarje, me reagime të ndara – disa e mbështetën, ndërsa të tjerë u shprehën thellësisht të shqetësuar që një zyrtar i lartë shtetëror promovon ide të tilla.

Doug Pagitt, pastor dhe drejtor ekzekutiv i organizatës progresive ungjillore “Vote Common Good”, theksoi se këto ide përfaqësojnë “një grup të vogël të krishterësh” dhe e cilësoi “shumë shqetësuese” përfshirjen e Hegseth në përhapjen e tyre.

Zëdhënësi kryesor i Pentagonit, Sean Parnell, konfirmoi të premten se Hegseth është “anëtar krenar i një kishe” të lidhur me CREC-në dhe se “vlerëson shumë veprat dhe mësimet e zotit Wilson”. Kjo nuk është hera e parë që Hegseth përdor pozitën për të promovuar bindjet e veta fetare.

Në maj, ai ftoi pastorin e tij personal, Brooks Potteiger, që të udhëhiqte një shërbesë lutjeje brenda Pentagonit gjatë orarit të punës, me ftesa të dërguara në adresat zyrtare të punonjësve.

Vetë Wilson, në një deklaratë për CNN, përmblodhi synimet e lëvizjes që mbështet Hegseth, “do të doja që kombi të ishte një komb i krishterë dhe që bota të ishte një botë e krishterë”. /Telegrafi/

The post “Gratë nuk duhet të votojnë” – shefi i Pentagonit përhap mesazhe tronditëse appeared first on Telegrafi.

Me siguri e keni vënë re opsionin e ri Repost në Instagram, që ndodhet në të njëjtin rresht ku janë butonat Like dhe Share poshtë postimeve. Si bëhet repostimi, ku mund ta shihni dhe si ta çaktivizoni nëse nuk ju nevojitet?

Opsioni Repost këtu funksionon njësoj si në aplikacionet e tjera – mund të ripostoni postimet tuaja të preferuara dhe të shihni çfarë kanë ripostuar miqtë tuaj.

Për të ripostuar një foto ose një Reels, mjafton të klikoni në ikonën me dy shigjeta që formojnë një rreth, poshtë postimit. Gjithashtu mund të shtoni një mesazh në ripostimin tuaj duke shkruar tekstin në flluskën e vogël që shfaqet në ekran dhe duke shtypur Ruaj (Save). Nëse e keni ripostuar diçka gabimisht, ose nëse ndërroni mendje, mund ta anuloni lehtësisht duke shtypur sërish ikonën e Repost.

Ripostimet tuaja do të shfaqen në një skedë të veçantë në profilin tuaj, që ndodhet midis skedave Reels dhe Fotot ku jeni etiketuar (Tagged photos). Ato do të jenë gjithmonë të atribuuara autorit origjinal, edhe kur shfaqen në profilin tuaj.

Mund të ripostoni pothuajse çdo gjë në Instagram, për sa kohë që postimi vjen nga një llogari publike. Nuk mund të ripostoni përmbajtje nga llogaritë private.

Kur ripostoni diçka, ajo do t’u rekomandohet miqve dhe ndjekësve tuaj në fidin e tyre. Kjo do të thotë se kur të tjerët ripostojnë diçka, ajo mund të shfaqet edhe në ‘feed’ tuaj.

Si të çaktivizoni funksionin Repost?

Mund të parandaloni të tjerët të ripostojnë përmbajtjen tuaj, por nuk mund ta hiqni krejtësisht funksionin Repost. Ripostimet e të tjerëve do të vazhdojnë të shfaqen në fidin tuaj.

Për të çaktivizuar mundësinë që të tjerët të ripostojnë fotot dhe Reels-et tuaja, ndiqni këto hapa:

Zgjidhni foton e profilit tuaj në këndin e poshtëm djathtas.

Klikoni në Menu në këndin e sipërm djathtas.

Shtypni Sharing (Ndarja).

Çaktivizoni opsionin Allow reposts (Lejo ripostimin). /Telegrafi/

The post Si funksionon funksioni i ri Repost në Instagram? appeared first on Telegrafi.

Meksika njoftoi se ushtria amerikane nuk do të hyjë në territorin e tij pas raportimeve se presidenti amerikan, Donald Trump kishte urdhëruar Pentagonin të synojë kartelët e drogës latino-amerikane.

“Shtetet e Bashkuara të Amerikës nuk do të vijnë me ushtri në Meksikë. Ne bashkëpunojmë, por nuk do të ketë invazion. Kjo është përjashtuar, absolutisht përjashtuar”, tha të premten presidentja Claudia Sheinbaum.

New York Times raportoi të premten se Trump në fshehtësi kishte nënshkruar një direktivë për fillimin e përdorimit të forcës ushtarake në tokë të huaj.

Në një deklaratë për BBC, Shtëpia e Bardhë nuk iu përgjigj direkt kësaj direktive, por tha se “prioriteti më i rëndësishëm i Trump është mbrojtja e atdheut”.

Duket se kjo direktivë ndjek një urdhër ekzekutiv që lideri amerikan kishte nënshkruar më herët gjatë vitit, me të cilin tetë kartelë droge janë shpallur zyrtarisht entitete terroriste – nga të cilët gjashtë janë meksikanë.

Duke iu drejtuar gazetarëve, Sheinbaum tha se qeveria meksikane është njoftuar për këtë urdhër lidhur me kartelët dhe se “kjo nuk ka lidhje me pjesëmarrjen e ndonjë personeli ushtarak”.

“Kjo nuk është pjesë e ndonjë marrëveshjeje, aspak. Nëse do të diskutohej kjo çështje, ne gjithmonë do të thonim ‘Jo’,” tha ajo.

Më herët gjatë vitit, Sheinbaum kishte thënë për gazetarët se vendimi i Trump për të shpallur kartelët si terroristë “nuk mund të jetë një justifikim për SHBA që të sulmojnë sovranitetin tonë.”

Të enjten, sekretari shtetëror Marco Rubio deklaroi se kjo shpallje do t’i ndihmojë SHBA në luftën kundër kartelëve, duke përfshirë edhe ato që menaxhohen nga agjencitë e inteligjencës dhe Ministria e Mbrojtjes.

Raporti i New York Times thotë se direktiva që Trump nënshkroi jep “bazën zyrtare për mundësinë e operacioneve të drejtpërdrejta ushtarake” kundër kartelëve, si në det ashtu edhe në tokë të huaj.

Meksika në muajt e fundit ka bashkëpunuar me SHBA për të luftuar kalimet ilegale të migrantëve dhe drogës në kufirin mes SHBA dhe Meksikës. /Telegrafi/

The post Meksika hedh poshtë planin e Trumpit për aksion ushtarak kundër karteleve të drogës appeared first on Telegrafi.

Sllovenia nga 1 janari i vitit të ardhshëm vendos javë pune më të shkurtër për punëtorët mbi 58 vjeç ose ata me të paktën 35 vite përvojë pune.

Këta punëtorë do të kenë mundësinë të zgjedhin mes të premtes së lirë, fundjavës së zgjatur ose ditës së shkurtuar të punës prej gjashtë orësh.

“E premtja e lirë, fundjava e zgjatur ose gjashtë orë punë në ditë. Punëtorët mbi 58 vjeç ose ata me të paktën 35 vite përvojë pune do të mund të bien dakord me punëdhënësit e tyre për një javë pune të tillë”, njoftoi sekretari shtetëror i Ministrisë së Punës, Dan Juvan.

Bëhet fjalë për një model që Ministria e Punës e quan “80-90-100”, që do të thotë se punonjësit do të punojnë 80 për qind të orarit standard të punës, do të marrin 90 për qind të pagës, ndërsa kontributet do të paguhen në masën e plotë, 100 për qind.

Kjo mundësi do të jetë në dispozicion të punëtorëve nga 1 janari i vitit të ardhshëm dhe ligji që e mundëson këtë është tashmë miratuar.

Iniciativa është krijuar me qëllim përmirësimin e kushteve të punës dhe produktivitetit, veçanërisht për punonjësit më të moshuar dhe ata me përvojë më të gjatë pune.

Sllovenia kështu i bashkohet një numri vendesh evropiane që po eksperimentojnë me orar më fleksibël dhe më të shkurtër pune, si Suedia, Finlanda, Islanda dhe Holanda. /Telegrafi/

The post Sllovenët miratojnë ligjin – njerëzit që janë afër daljes në pension, do të punojnë më pak appeared first on Telegrafi.

Pas vendimit të Izraelit për pushtimin e Gazës, kancelari gjerman, Friedrich Merz këtë të premte ka njoftuar se Gjermania nuk do t’i furnizojë më Izraelit pajisje ushtarake “që mund të përdoren në Rripin e Gazës”.

Politikani i CDU-së mori këtë vendim pasi u bë e qartë se Izraeli po përgatit “veprime ushtarake edhe më të ashpra në Rripin e Gazës”.

Me ofensivën e planifikuar, qeveria izraelite po merr përgjegjësi edhe më të madhe sesa më parë për furnizimin e popullsisë civile.

Qeveria izraelite duhet të sigurojë qasje të plotë për ndihmën humanitare, si për organizatat e OKB-së, ashtu edhe për organizata të tjera joqeveritare.

Çfarë furnizon Gjermania për Izraelin?

Për shembull, armë kundër tankeve dhe municion – të cilat gjithashtu mund të përdoren në Gaza.

Në një përgjigje të qeverisë gjermane në fillim të qershorit ndaj një pyetjeje parlamentare nga partia e Majtë, u bë e ditur se furnizimet për Izraelin përfshinin “ndër të tjera armë zjarri, municion, pjesë armësh, pajisje të veçanta për ushtrinë tokësore dhe marinën, pajisje elektronike si dhe automjete të blinduara speciale”.

Kjo deklaratë i referohet periudhës nga 7 tetori 2023 deri më 13 maj 2025. Pajisjet ushtarake nuk janë specifikuar më tej.

Janë përmendur disa të ashtuquajtura pozicione të listave të eksportit (A0001 deri A0022), të cilat sipas Rregullores për Tregtinë e Jashtme ndahen më tej në nënkategori.

Në të kaluarën, Gjermania ka furnizuar edhe nëndetëse, të cilat nuk përdoren në Gaza. Gjithashtu, armët që mund të përdoren për mbrojtje nga sulmet nga Irani nuk do të përfshihen në ndalimin e furnizimit. /Telegrafi/

The post Çfarë armësh nuk do t’i dërgojë më Gjermania Izraelit? appeared first on Telegrafi.

Në një deklaratë të fortë, presidenti ukrainas Volodymyr Zelensky theksoi se çdo vendim që merret pa pjesëmarrjen e Ukrainës është një akt kundër paqes dhe se këto vendime janë të destinuara të dështojnë.

“Janë vendime të vdekura; nuk do të funksionojnë kurrë”, tha ai.

Lexo po ashtu Trump zbuloi vendin dhe kohën e takimit me Putinin, lokacioni ka rëndësi simbolike

Lideri ukrainas nënvizoi gjithashtu se përgjigjja për çështjen territoriale të Ukrainës është e qartë dhe e garantuar në Kushtetutën e vendit, duke theksuar se askush nuk do të tërhiqet nga kjo dhe as nuk ka mundësi.

“Ukrainasit nuk do t’ia japin tokën e tyre pushtuesve,” deklaroi presidenti.

Lexo po ashtu "Do të ketë shkëmbim territoresh", Trump flet për një marrëveshje paqeje Rusi-Ukrainë

Këto fjalë vijnë në një kohë kur diskutimet ndërkombëtare për statusin e territoreve të diskutueshme vazhdojnë, duke theksuar qëndrimin e palëkundur të Ukrainës në mbrojtje të sovranitetit dhe integritetit territorial.

Ndryshe, presidenti amerikan, Donald Trump deklaroi gjatë ditës së djeshme se do të ketë shkëmbim territoresh mes Ukrainës dhe Rusisë për të ndalur luftën 3-vjeçare. /Telegrafi/

Zelensky responded to Trump: “Ukrainians will not give their land to the occupier”

The President of Ukraine responded to Donald Trump’s words about a possible “territory exchange.”

“The answer to the Ukrainian territorial issue is already in the Constitution of Ukraine.… pic.twitter.com/yTWPSrw5mD

— NEXTA (@nexta_tv) August 9, 2025

The post Trump tha se do të ketë shkëmbim territoresh Ukrainë-Rusi, vjen reagimi i Zelenskyt appeared first on Telegrafi.

Asistenti i Google, Gemini AI, tani ka një modalitet “mësim i udhëhequr”, i cili synon të ndihmojë përdoruesit që të kuptojnë vërtet atë që po përpiqen të mësojnë, në vend që thjesht të marrin një përgjigje.

Mësimi i udhëhequr “funksionon si një shok mësimi”, i cili udhëheq përdoruesin “me pyetje dhe mbështetje hap pas hapi”, tha CEO-ja Sundar Pichai.

Përgjigjet nga modaliteti i mësimit të udhëhequr mund të përfshijnë fotografi, video dhe kuize interaktive. Kompania ka bashkëpunuar me studentë, edukatorë, studiues dhe ekspertë të mësimit për të siguruar që modaliteti “është i dobishëm për kuptimin e koncepteve të reja dhe është mbështetur në shkencën e mësimit,” shtoi Pichai.

2/ First up: Guided Learning

With Guided Learning, Gemini will answer questions in a way that makes it easier to understand and retain the information. Think: more visuals, intuitive formats, and conversational explanations to help the topics stick.

Select Guided Learning from… pic.twitter.com/yPvRb5mirJ

— Google Gemini App (@GeminiApp) August 6, 2025

Kompani të teknologjisë së inteligjencës artificiale po hyjnë gjithnjë e më shumë në fushën e arsimit, ndoshta pjesërisht për t’u përpjekur të luftojnë reputacionin që kanë marrë mjetet e AI-së, të cilat akuzohen se ndihmojnë studentët të kopjojnë.

Funksione si modaliteti i mësimit të udhëhequr i Geminit dhe mënyra e ngjashme e mësimit e ChatGPT, e prezantuar javën e kaluar, në teori mund të ndihmojnë në mësim, por mbetet pyetja nëse studentët do të duan t’i përdorin këto mënyra në vend që thjesht të marrin përgjigje nga chatbot-et e AI-së.

Google i ka lejuar studentët nga SHBA, Japonia, Indonezia, Koreja e Jugut dhe Brazili, të cilët janë 18 vjeç e lart, të aplikojnë për Planin AI Pro prej 12 muajsh plotësisht falas deri më 6 tetor të këtij viti.

Kompania ka alokuar një miliard dollarë për financimin trevjeçar të “arsimit amerikan, duke përfshirë programe të alfabetizimit në fushën e inteligjencës artificiale, financim kërkimor dhe burime kompjuterike në cloud. /Telegrafi/

The post Google dëshiron që përdoruesit të mësojnë me Gemini, jo ta përdorin për të mashtruar appeared first on Telegrafi.

Donald Trump ka deklaruar se javën e ardhshme do të takohet me Vladimir Putinin për të biseduar rreth luftës në Ukrainë, duke thënë se përfundimi i luftës tre vjeçare e gjysmë do të duhej të përfshinte “një shkëmbim të caktuar territoresh”.

Trump tha se planifikon të takohet me presidentin rus të premten e ardhshme (15 gusht) në Alaskë. Vendndodhjen e bëri të ditur në një postim të shkurtër në platformën Truth Social.

Agjencia shtetërore ruse e lajmeve, TASS, konfirmoi datën dhe vendin e takimit, duke cituar ndihmësin e Kremlinit, Jurij Ushakov, raporton bbc.

Lexo po ashtu "Do të ketë shkëmbim territoresh", Trump flet për një marrëveshje paqeje Rusi-Ukrainë

Ushakov deklaroi se në Alaskë dhe Arktik interesat ekonomikë të SHBA-së dhe Rusisë përplasen dhe ekzistojnë mundësi për zbatimin e projekteve të mëdha. Ai gjithashtu shtoi se pret që takimi i ardhshëm të mbahet në territorin e Rusisë.

Më herët gjatë ditës, Trump u tha gazetarëve në Shtëpinë e Bardhë se takimi “do të ishte mbajtur më herët, por supozoj se ka masa sigurie që njerëzit, fatkeqësisht, duhet t’i marrin”.

Presidenti amerikan gjithashtu tha se do të ketë “një shkëmbim të caktuar territoresh në të mirë të të dyja palëve – Ukrainës dhe Rusisë” dhe se kjo çështje do të diskutohet së shpejti, por nuk dha më shumë detaje.

Agjencia Bloomberg raportoi të premten se marrëveshja mund të forcojë disa nga përfitimet territoriale të Putinit në Ukrainë, duke ngrirë në fakt vijat e frontit në rajonet Kherson dhe Zaporizhzhia. Putin ka pretenduar në tërësi katër rajone të Ukrainës, megjithëse pjesa më e madhe e tyre është ende nën kontrollin ukrainas.

Zyrtarë amerikanë dhe rusë kanë punuar në një marrëveshje sipas së cilës Rusia do të ndalte ofensivën e saj në këmbim të lëshimeve territoriale – gjë që ka bërë që propozimi të jetë politikisht i ndjeshëm në Ukrainë.

Lexo po ashtu Zelensky: Tani është e mundur të arrihet një marrëveshje për paqe

Trump më parë ka shprehur gatishmëri për t’u takuar me Putinin privatisht, pa parakushte, duke përfshirë edhe negociata të drejtpërdrejta mes Putinit dhe presidentit ukrainas, Volodymyr Zelenskyt – gjë që ka nxitur frikën se Ukraina mund të përjashtohet nga diskutimet për një marrëveshje të mundshme paqeje.

Nëse mbahet, ky do të jetë samiti i parë SHBA-Rusi që nga viti 2021, kur ish-presidenti amerikan, Joe Biden u takua me Putinin në Gjenevë.

Zgjedhja e Alaskës është interesante edhe për shkak të aspektit historik, duke marrë parasysh që këtë territor e ka blerë Uashingtoni nga Moska në vitin 1867 për 7.2 milionë dollarë. /Telegrafi/

The post Trump zbuloi vendin dhe kohën e takimit me Putinin, lokacioni ka rëndësi simbolike appeared first on Telegrafi.

Izraeli mund ta marrë nën kontroll ushtarak Gazën, por kjo do t’i kushtojë në afat të gjatë.

Ofer Guterman, hulumtues i lartë në Institutin Izraelit për Studime të Sigurisë Kombëtare, tha se ndërsa Izraeli ka kapacitetin ushtarak për të marrë nën kontroll Gazën, plani mund të bëhet i komplikuar nëse përfshin një okupim të gjatë.

Udhëheqja izraelite do të duhet të marrë parasysh një numër faktorësh, duke përfshirë mosmarrëveshjet politike, vështirësitë ekonomike dhe pakënaqësinë publike, tha Guterman, i cili më parë ka shërbyer si analist për degën e inteligjencës së ushtrisë.

Lexo po ashtu Cilat pjesë të Gazës kanë mbetur pa u pushtuar nga Izraeli?

Megjithatë, kryeministri izraelit, Benjamin Netanyahu është nën presion të madh nga baza e djathtë për të marrë një qëndrim më të ashpër ndaj luftës, të cilin Guterman tha se kryeministri ka tendencë ta ndjekë gjatë gjithë konfliktit, shkruan cnn.

Para miratimit nga kabineti i sigurisë izraelite të një plani për të marrë nën kontroll qytetin e Gazës, anëtarët ekstremë të qeverisë po kërkonin okupimin e Gazës dhe po propozonin masa për të inkurajuar popullsinë e saj që të largohet plotësisht nga territori.

Lexo po ashtu Si do të zhvillohet pushtimi i Gazës - plani izraelit pritet të zgjasë pesë muaj

Por nga një perspektivë ushtarake, tha Guterman, okupimi i të gjithë enklavës është i mundur.

“Ne e kemi bërë më parë. Ne kemi qenë në Gaza për dekada”, shtoi ai.

Ndryshe, Izraeli thotë se kontrollon 75 për qind të Gazës, ndërsa OKB vlerëson se rreth 87 për qind e territorit është ose në zona të militarizuara ose nën urdhra evakuimi. /Telegrafi/

The post Marrja nën kontroll e Gazës – sa mund të bëhet në realitet? appeared first on Telegrafi.

Kievi është i gatshëm të diskutojë një armëpushim përgjatë vijës aktuale të frontit, por nuk pranon të humb asnjë pjesë e territorit si rezultat i pushtimit rus.

Kjo është bërë e ditur nga burime ndërkombëtare dhe raportohet nga gazeta britanike The Telegraph.

Sipas raportit, Kushtetuta e Ukrainës ndalon presidentin dhe parlamentin të ndryshojnë kufijtë e vendit pa një konsensus të gjerë, duke e bërë të pamundur njohjen e humbjeve territoriale.

Lexo po ashtu Zbulohet oferta sekrete e Trumpit për Putinin - këto janë detajet e marrëveshjes për armëpushim

Presidenti ukrainas, Volodymyr Zelensky ka pranuar se lirimi i plotë i të gjitha territoreve të pushtuara me forcë ushtarake nuk është më realist, duke nënvizuar nevojën për të eksploruar opsione diplomatike për zgjidhjen e konfliktit.

Raporti shton se çështja e njohjes territoriale ka penguar tashmë përpjekjet për paqe, pasi në pranverë SHBA kishte konsideruar njohjen e Krimesë si pjesë “de facto” e Rusisë, një propozim që u kundërshtua fuqishëm nga Kievi.

Kjo situatë tregon kompleksitetin e negociatave dhe sfidat që Ukraina përballet në përpjekjet për të ruajtur integritetin territorial ndërsa kërkon paqe. /Telegrafi/

The post Ukraina e hapur për armëpushim, por jo për humbjen e territoreve appeared first on Telegrafi.