Një përplasje me armë zjarri në një klub nate në Brooklyn, Nju Jork, ka lënë tre persona të vdekur dhe tetë të tjerë të plagosur. Policia e NYPD njoftoi se incidenti ndodhi rreth orës 03:30 të mëngjesit të së dielës në Taste Of The City Lounge, në lagjen Crown Heights.

Komisionerja e policisë, Jessica Tisch, konfirmoi se viktimat janë një 27-vjeçar, një 35-vjeçar dhe një burrë tjetër ende i paidentifikuar. Tetë të plagosurit, të moshës 27 deri në 61 vjeç, ndodhen nën kujdes mjekësor.

Hetimet paraprake tregojnë se disa persona të armatosur ishin të përfshirë pas një “mosmarrëveshjeje”, ndërsa në vendngjarje u gjetën të paktën 36 gëzhoja. Policia po vijon kërkimet për autorët.

The post Tre të vrarë dhe tetë të plagosur në një klub nate në Brooklyn appeared first on iconstyle.al.

Tenori i famshëm britanik, Russell Watson, ka rrëfyer për herë të parë momentin më të errët të jetës së tij, kur mendoi t’i jepte fund gjithçkaje pas diagnostikimit me një tumor të madh në tru në vitin 2006.

Artisti 58-vjeçar po regjistronte një album në Los Angeles, kur dhimbjet e padurueshme të kokës e çuan në spitalin Cedars-Sinai. Një skanim MRI zbuloi një tumor benign në hipofizë, me madhësinë e dy topave golfi, që kërkonte operacion urgjent.

Në podkastin “How To Be 60” me Kaye Adams, Watson kujtoi natën dramatike në një hotel të Beverly Hills:

“Dhimbja ishte si një thikë që më shtyhej në mes të kokës dhe rrotullohej. Dola në ballkon dhe për një moment mendova të hidhja poshtë gjithçka. Thjesht nuk durohej më.”

Ajo që e ndali ishte mendimi për fëmijët e tij të vegjël. “Mendova për vajzat e mia, nuk do të mund të përballeshin pa mua. Ajo më ktheu prapë në jetë.”

Pas dy ndërhyrjeve të vështira kirurgjikale, Russell Watson arriti të rikthehej në skenë, duke vazhduar të konsiderohet një nga zërat më të mëdhenj të operës.

The post Russell Watson rrëfen betejën me tumorin në tru: Isha gati të hiqja dorë nga jeta appeared first on iconstyle.al.

Gjatë 24 orëve të fundit janë regjistruar 34 vatra zjarri, nga të cilat 27 janë shuar, 5 janë aktive dhe 2 po mbahen nën monitorim, njofton Ministria e Mbrojtjes.

Për shuarjen e tyre janë angazhuar 54 automjete zjarrfikëse dhe 690 forca operacionale, të mbështetura nga 110 trupa të Forcave të Armatosura, 2 helikopterë të Forcës Ajrore dhe 1 helikopter nga Emiratet e Bashkuara Arabe.

Vatrat aktive janë raportuar në Bulqizë (Tërnovë), Fushë Arrëz (Xeth), Tiranë (Pezë Helmës), Gramsh (Skënderbegas dhe Kukur), Mirditë (Rreja e Zezë) dhe Kolonjë (Parku Natyror Gërmenj). Në shumicën e rasteve situata po mbahet nën monitorim dhe ndërhyrjet po vijojnë me intensitet të kontrolluar.

Vatrat e shuara përfshijnë zonat e Martaneshit, Bulqizës, Matit, Petrelës, Dajtit, Zall Bastarit, Rrogozhinës dhe Skraparit.

Forcat e emergjencës mbeten në terren për të monitoruar dhe parandaluar çdo riaktivizim të mundshëm të zjarreve.

The post 34 vatra zjarri në 24 orët e fundit, disa ende aktive në vend appeared first on iconstyle.al.

Këngëtarja britanike Jessie J ka treguar se diagnoza me kancer të gjirit i ka ndryshuar tërësisht perspektivën për jetën, duke e shtyrë të realizojë ëndrrat dhe projektet që gjithmonë i kishte lënë pezull. Artistja 37-vjeçare iu nënshtrua në qershor një mastektomie të plotë pasi mjekët zbuluan sëmundjen në fazë të hershme dhe aktualisht është në proces rikuperimi.

Në një video të publikuar në Instagram, ajo rrëfeu disa nga synimet e saj të reja:

“Dua të shkruaj libra. Të bëj një album për fëmijë. T’i heq të gjitha tatuazhet. Të marr familjen time me pushime. Dua të mësoj të ngas biçikletën. Do të kisha dashur të mësoj edhe një gjuhë të huaj, por e di që s’ka për të ndodhur. Dua gjithashtu të gjej trajtimin e duhur për ADHD dhe OCD”.

Jessie shtoi:

“Kur kalon nëpër diçka të tillë, njerëzit thonë ‘je ndryshuar’. Por në fakt unë këto mendime i kam pasur gjithmonë. Thjesht kanceri të bën të veprosh, sepse kupton se jeta është e shkurtër. Dhe unë dua t’i bëj tani”.

Pak kohë më parë, ajo ndau edhe momentin e vështirë pas operacionit:

“Mami po më masazhon gjoksin sepse unë s’mund t’i prek plagët. Fillova të qaja dhe thashë ‘Nuk mund ta besoj që më ka ndodhur mua kjo’. Ajo më tha ‘Do doja të isha unë në vendin tënd’ dhe ne të dyja shpërthyem në lot… jam e lumtur që nuk është ajo,” tregoi Jessie në një intervistë për The Sunday Times.

Mjekët i kishin thënë se falë zbulimit të hershëm nuk do t’i duhej as radioterapi apo kimioterapi, por për shkak të madhësisë së tumorit iu desh të kryente një mastektomi të plotë.

Në një postim të gjatë në Instagram, Jessie sqaroi se nuk do të lejojë që operacionet apo problemet shëndetësore ta ndalin si nënë dhe artiste:

“Mund të pushoj, të kujdesem për djalin dhe të publikoj muzikë të re. Kam 18 vite që lashë pas një label të madh, pikërisht që të mos frikësohem të shkruaj rregullat e mia dhe ta përshtas jetën me shëndetin tim. Një tjetër operacion më pret këtë vit por unë mund ta përballoj. Po rris një fëmijë të vogël, mund ta bëj. Po sjell muzikë të re, mund ta bëj”.

Jessie shtoi gjithashtu:

“Jeta kurrë nuk është e përsosur. Ka ulje-ngritje dhe thjesht duhet të vazhdojmë të jetojmë mes tyre. Kështu jam unë sot – duke jetuar dhe dua që ju të keni muzikën time.”.

The post Jessie J: Kanceri më shtyu të ndjek ëndrrat e lëna pezull appeared first on iconstyle.al.

Një studiues ka zhvilluar një kondom inovativ që ndryshon ngjyrë kur zbulon infeksione seksuale si klamidia, gonorrea ose sifilisi. Lubrifikanti i tij përmban agjentë specialë që reagojnë me proteinat e infeksionit, duke shkaktuar një ndryshim të dukshëm ngjyre, që tregon përdoruesit për rrezikun e mundshëm.

Ky projekt vjen pas ideve të nxënësve britanikë që propozuan një kondom me ngjyra për IST-të, i frymëzuar nga testet shtëpiake për HIV. Nxënësit fituan çmimin TeenTech, që përfshinte një shpërblim financiar dhe një vizitë në Pallatin Buckingham.

Studiuesi që zhvilloi versionin profesional thotë se kondomi do të dalë së shpejti në treg, duke ofruar përdoruesve një mënyrë të shpejtë dhe të qartë për të kontrolluar rreziqet seksuale.

The post Kondom që ndryshon ngjyrë: paralajmërim i drejtpërdrejtë për infeksionet seksuale appeared first on iconstyle.al.

Një burrë 76-vjeçar nga Nju Xhersi, Thongbue “Bue” Wongbandue, vdiq në mars ndërsa po shkonte për të takuar një chatbot të Meta Platforms me pamje të Kendall Jenner, i quajtur “Big Sis Billie”. Familja e tij thotë se Bue u ndikua nga bisedat me botin, i cili herë pas here pretendonte se ishte një person real dhe i dha një adresë takimi.

Sipas familjes, Bue kishte pasur më parë një goditje në tru, dhe për këtë arsye nuk po mendonte qartë kur shkoi të takohej me botin. Ai ra në një parking pranë Rutgers University dhe u dërgua në spital, ku u shpall pa jetë cerebrale. Familja mori vendimin për të ndërprerë mbështetjen mjekësore.

Gruaja dhe vajza e tij thanë për Reuters se nuk janë kundër përdorimit të AI-së, por shqetësohen për mënyrën sesi chatbot-i i drejtohet përdoruesve, duke pretenduar se është person real dhe mund të takohet fizikisht me njerëzit.

Meta Platforms nuk ka komentuar rreth pretendimeve se chatbot-i i dha përdoruesve mesazhe romantike ose pretendoi të ishte një person real.

The post Burri ndërron jetë duke shkuar të takohet me një chatbot që duket si Kendall Jenner appeared first on iconstyle.al.

Aktori Drake Bell, 39 vjeç, ka ndërmarrë hapat e fundit për të finalizuar divorcin nga bashkëshortja e tij Janet Von Schmeling, 31 vjeç.

Dokumentet e reja janë depozituar të enjten, më 14 gusht, në Seminole County, Florida, pas procesit fillestar të nisur nga Von Schmeling në Los Angeles në 2023, për shkak të “dallimeve të pakapërcyeshme”.

Menaxheri i Bell, Juan José Rovirosa, theksoi për PEOPLE se aktorët po përfundojnë thjesht procesin ligjor dhe se prioriteti i tyre mbetet mirëqenia e djalit 4-vjeçar, Jeremy.

Sipas tij, dyshja po mbyll një kapitull të bukur të jetës së tyre “nga vendi i dashurisë dhe respektit”.

The post Drake Bell përfundon procesin e divorcit me Janet Von Schmeling appeared first on iconstyle.al.

Pas një takimi miqësor në një festë në Los Angeles, këngëtari skocez Lewis Capaldi tregoi se u ndje i injoruar nga Justin Bieber.

Në një intervistë për Capital FM të premten më 15 gusht, Capaldi, 28 vjeç, kujtoi momentin kur Bieber, 31 vjeç, i tha se e njihte, por nuk i ktheu përgjigje mesazhit të mëvonshëm:
“Bieber më afrohet dhe më thotë, ‘Hej, ç’kemi?’ Dhe unë i them, ‘Ti nuk e di kush jam unë?’ Ai më tha, ‘Sigurisht që e di — Lewis Capaldi.’ Kaluam një natë fantastike bashkë… unë mendova se do të bëheshim shokë të ngushtë.”

Capaldi vazhdoi: “I dërgova një mesazh të këndshëm: ‘Thjesht doja të të shkruaja, vëlla, dhe të thoja që nata e kaluar ishte kaq speciale, je një djalë fantastik…’ Ai e pëlqeu mesazhin, por nuk më ktheu përgjigje. Pra, nëse je aty, Bieber, më shkruaj përsëri.”

Këngëtari skocez u rikthye gjithashtu në qershor për një performancë surprizë në Festivalin Glastonbury, dy vjet pasi kishte pasur vështirësi për të përfunduar setin e tij në festival.

The post Upss! Lewis Capaldi i befasuar nga injorimi i Justin Bieber appeared first on iconstyle.al.

Një tërmet me magnitudë 6.0 goditi rajonin e Sulawesit Qendror në Indonezi herët këtë mëngjes, duke shkaktuar lëndime tek dhjetëra persona. Sipas raporteve zyrtare, 29 njerëz u lënduan, dy prej të cilëve ndodhen në gjendje kritike. Fatmirësisht, nuk ka raportime për viktima.

Tërmeti, që goditi në një thellësi prej 10 km, ishte ndjerë edhe në zonat përreth Poso-s. Autoritetet lokale bëjnë me dije se nuk ka paralajmërim për cunami.

Indonezia ndodhet në të ashtuquajturën “Unaza e Zjarrit të Paqësorit”, një zonë shumë aktive sizmike, ku pllakat tektonike ndërveprojnë dhe shkaktojnë shpesh lëkundje të fuqishme të tokës.

BMKG, agjencia e meteorologjisë, klimatologjisë dhe gjeofizikës e Indonezisë, po monitoron situatën dhe ka bërë thirrje për qetësi tek qytetarët.

The post Shkundje të fuqishme në Indonezi: Tërmeti lëndon dhjetëra persona appeared first on iconstyle.al.

Naun Shundi, po përballet me një betejë me shëndetin e tij që e ka detyruar të lërë punën në teatrin që ka themeluar vetë dhe që për të është vetë jeta.

Familjarët e aktorit kanë reaguar në rrjete sociale, duke bërë të ditur se gjendja e tij shëndetësore është përkeqësuar. Ata shprehen se trajtimi mjekësor në Francë ka kosto shumë të larta dhe tashmë nuk arrijnë dot ta përballojnë financiarisht.

Në një thirrje publike, të afërmit kanë ndarë numrin e llogarisë bankare, duke u kërkuar mbështetje miqve, kolegëve dhe publikut.

“Ju falenderojmë pa fund për mesazhet dhe lutjet tuaja. Naun Shundi po kalon një moment të vështirë dhe financat tona nuk e përballojnë dot. Nëse mund të jeni me ne në këtë luftë me sëmundjen, duke ndihmuar me aq sa mundeni, kjo betejë do të jetë më e lehtë për t’u fituar. Ju faleminderit dhe paçi vetëm gëzime,” thuhet në reagimin e familjarëve.

The post Familjarët e Naun Shundit kërkojnë ndihmë: Është në gjendje të rëndë shëndetësore appeared first on iconstyle.al.

Romanca mes Kylie Jenner dhe Timothée Chalamet vijon të jetë në formë, pavarësisht dyshimeve të fansave pas mungesës së aktorit në ditëlindjen e saj të 28-të.

Një burim i afërt për PEOPLE ka konfirmuar se çifti nuk është ndarë, por distanca dhe angazhimet e shumta i kanë mbajtur larg njëri-tjetrit kohët e fundit.
“Timothée ka qenë në Budapest për xhirimet e Dune, ndërsa Kylie ka qenë e angazhuar me punë në Los Angeles,” shpjegon burimi, duke zbuluar se ajo e vizitoi aktorin në korrik.

Megjithëse Jenner ka avion privat, udhëtimi deri në Hungari zgjat rreth 12 orë, një pengesë e vështirë për t’u kapërcyer për një nënë me kaq shumë përgjegjësi.

“E megjithatë, ata e bëjnë të funksionojë. Flasin pothuajse çdo ditë në FaceTime, u mungon njëri-tjetri dhe janë krejtësisht mirë,” thekson burimi.

Ndërkohë, udhëtimet e Chalamet do të vijojnë, pasi aktori pritet të zhvendoset në Jordani dhe Abu Dhabi për fazën e radhës të projektit kinematografik.

The post Fansat të shqetësuar: Kylie dhe Timothée s’janë parë prej javësh, a po kalon lidhja krizë? appeared first on iconstyle.al.

Të dielën vendi ynë do të ndikohet nga kushte atmosferike të paqëndrueshme.
Paraditja do të jetë kryesisht me kthjellime dhe kalime vranësirash, ndërsa nga mesdita deri në orët e pasdites pritet shtim i tyre deri në vranësira të dendura.

Reshje shiu me intensitet të ulët do të shfaqen në një pjesë të madhe të territorit, më të dukshme në zonat kodrinore dhe malore. Në periudha të shkurtra kohore, lokalisht priten edhe shtrëngata shiu shoqëruar me breshër, kryesisht në relievet malore.

Era do të fryjë nga verilindja dhe veriperëndimi me shpejtësi mesatare rreth 5 m/s, ndërsa përgjatë vijës bregdetare dhe në lugina herë pas here do të arrijë deri në 8 m/s.

Deti pritet i qetë deri mesatarisht i lëkundur, me valëzim 1–2 ballë.

The post Parashikimi i motit për të dielën, sa do të shkojnë temperaturat? appeared first on iconstyle.al.

DASHI

Ndjeni diçka që ndryshon brenda jush. Jeni më të gatshëm të përfshiheni dhe më pak të duruar me situatat që ju ngadalësojnë. Në dashuri, nëse ka pasur një debat, mund të sqaroheni. Në punë, gjërat nuk po shkojnë mirë, por energjia juaj është arma juaj sekrete.

DEMI

Sipas horoskopit të Paolo Fox (e premte, 15 gusht 2025), ka mundësi të mrekullueshme përpara, por është më mirë të mos i detyroni gjërat. Në dashuri, nëse jeni beqarë, mund të merrni një mesazh të papritur. Ata që janë në një lidhje të rëndësishme do të gjejnë një lidhje të re.

BINJAKËT

Mërkuri ju mbështet dhe kjo do të thotë fjalët e duhura në kohën e duhur. Sot mund të bindni, shpjegoni, madje edhe të fitoni dikë. Por kini kujdes të mos e teproni: një fjalë e tepërt mund të keqkuptohet.

GAFORRJA

Është koha të kuptoni se çfarë dëshironi vërtet. Në dashuri, dita sjell emocione intensive dhe, për disa, një vendim të rëndësishëm. Në punë, përpiquni të shmangni stresin e panevojshëm: përqendrohuni te prioritetet tuaja.

LUANI

Sipas horoskopit të Paolo Fox (e premte, 15 gusht 2025), dita fillon me njëfarë tensioni, por ju, si Luan, do të shëroheni shpejt. Në dashuri, mund ta surprizoni partnerin tuaj me një gjest të papritur. Në punë, një ide e re mund të hapë dyer interesante, por nevojitet durim.

VIRGJËRESHA

Mos e nënvlerësoni energjinë që ju rrethon sot. Edhe nëse ndiheni pak të shqetësuar, aftësitë tuaja organizative do t’ju lejojnë ta shndërroni një problem në një avantazh. Në dashuri, dëshira për të folur dhe për të sqaruar çështjet kthehet.

PESHORJA

Mund të të kërkohet të ndërmjetësosh midis dy pozicioneve të kundërta. Je i mirë në gjetjen e ekuilibrit, por mos sakrifiko nevojat e tua. Në dashuri, dëshiron qetësi dhe bashkëpunim.

AKREPI

Sipas horoskopit të Paolo Fox (e premte, 15 gusht 2025), është një ditë intensive: mund të arrini shumë, por vetëm nëse nuk e lini veten të rrëmbeheni nga emocione tepër të forta. Në dashuri, mund të përjetoni një moment pasioni të papritur. Në punë, ka një sfidë që ju ndez.

SHIGJETARI

Mund të ndihesh pak nervoz, veçanërisht nëse gjërat nuk po shkojnë aq shpejt sa do të dëshiroje. Në dashuri, ndershmëria është çelësi. Në punë, është më mirë të shtysh vendimet e nxituara.

BRICJAPI

Mund të vendosni themele të forta për të ardhmen. Në dashuri, dikush mund t’ju surprizojë me një gjest konkret. Në punë, angazhimi juaj do të njihet, edhe nëse nuk është menjëherë i dukshëm.

UJORI

Sipas horoskopit të Paolo Fox (e premte, 15 gusht 2025), je gati të thyesh modelin: sot, një zhvillim i ri mund të prishë planet e tua, por në një mënyrë pozitive. Në dashuri, ka vend për njohje të reja ose për të ringjallur një marrëdhënie.

PESHQIT

Qielli është në anën tuaj. Sot ndiheni të frymëzuar, gati për të thënë dhe bërë gjërat e duhura. Në dashuri, dita është perfekte për një takim të veçantë ose për të sqaruar një çështje. Në punë, ndiqni instinktet tuaja: ato do t’ju udhëzojnë mirë.

The post Horoskopi për ditën e sotme, 17 gusht 2025 appeared first on iconstyle.al.

Këngëtarja e njohur, Perrie Edwards, ka treguar në një intervistë për The Telegraph se agorafobia e saj u përkeqësua vitin e kaluar, duke e bërë thuajse të pamundur daljen nga shtëpia. Ish-anëtarja e Little Mix, 32 vjeçe, tha se i është më lehtë të performojë në skenë sesa të përballet me situata të përditshme jashtë shtëpisë.

“Kur jam në skenë si yll pop, jam plotësisht në elementin tim: e guximshme dhe e fuqizuar. Por sapo kthehem në shtëpi, ankthi fillon dhe jam thjesht unë sërish,” shpjegoi Perrie. Ajo shtoi se gjëra të thjeshta, si të hipë në makinë dhe të udhëtojë deri në Londër, shpesh i bëhen të vështira.

Perrie ka pranuar gjithashtu se frikësohet të mbetet vetëm, duke u shqetësuar se mund të përjetojë një sulm paniku kërcënues për jetën pa askënd për ta ndihmuar. Agorafobia përfshin frikën dhe shmangien e vendeve ose situatave që mund të shkaktojnë ndjenja paniku, pafuqie ose turpi.

The post Perrie Edwards zbulon përkeqësimin e agorafobisë: Gati nuk mund të dilja nga shtëpia appeared first on iconstyle.al.

Një ngjarje e rëndë ka ndodhur në Milano, ku një grua 64-vjeçare, Nunzia Antonia Mancini, dyshohet se ka vrarë partnerin e saj 73-vjeçar, Vincenzo Ferrigno, me të cilin ishte prej më shumë se 40 vitesh.

Sipas hetimeve paraprake, Mancini e goditi disa herë Ferrignon me thikë ndërsa ai ishte në gjumë dhe më pas e mbyti me jastëk. Pas ngjarjes, ajo zbriti në rrugë dhe telefonoi policinë duke pranuar krimin: “E vrava, nuk ia dilja më.”

Viktima, ish-shitës gazete, kishte pasur probleme të shumta shëndetësore dhe goditje në tru gjatë viteve të fundit. Në dëshminë e saj, Mancini ka thënë para prokurores: “Nuk mundesha më të kujdesesha për të.” Gruaja është arrestuar dhe po mbahet në paraburgim, ndërsa hetimet për rrethanat e sakta të ngjarjes vazhdojnë.

The post Milano tronditet: Gruaja vret partnerin pas 40 vitesh bashkëjetesë appeared first on iconstyle.al.

Princi dhe Princesha e Uellsit, William dhe Kate, do të vendosen së shpejti në rezidencën e re Forest Lodge, brenda Windsor Great Park, ku do të jetojnë me fëmijët e tyre, George, Charlotte dhe Louis. Shtëpia ka tetë dhoma gjumi dhe ndodhet pranë rezidencës aktuale të çiftit, Adelaide Cottage, si dhe pranë shkollës Lambrook, ku studiojnë fëmijët.

“Familja do të bëjë zhvendosjen gjatë këtij viti,” ka bërë të ditur një zëdhënës i Kensington Palace. Sipas gazetës The Sun, shpenzimet për rinovimin e shtëpisë po mbulohen personalisht nga William dhe Kate.

The post William dhe Kate zhvendosen në shtëpinë e re luksoze në këtë vend appeared first on iconstyle.al.

Situata e zjarreve në Shqipëri është përmirësuar ndjeshëm, pasi aktive kanë mbetur vetëm 10 vatra, ndërsa tre të tjera janë nën monitorim.

Zjarret më problematike raportohen në Bulqizë, Fushë Arrëz, Mirditë, Tiranë, Pezë, Gramsh dhe Elbasan, ku terreni i vështirë dhe pyjet e dendura e bëjnë ndërhyrjen sfiduese. Në disa raste është angazhuar edhe Forca Ajrore me helikopterë për shuarjen e flakëve.

Autoritetet konfirmojnë se banesat nuk rrezikohen, ndërsa qindra efektivë zjarrfikës, forca ushtarake, bashkiake e vullnetarë vijojnë punën për neutralizimin e plotë të vatrave.

The post Situata e zjarreve në vend, ende 10 vatra aktive! Tre të tjera nën monitorim appeared first on iconstyle.al.

Këngëtari Shpat Kasapi ka reaguar ndaj raportimeve se ishte përfshirë në një rrahje gjatë një dasme, duke i quajtur ato thashetheme. Në emisionin Weekend në Klan Kosova, ai shpjegoi se kishte pasur vetëm një debat për shkak të vonesës dhe pagesës.

“U bë bujë e madhe, u rrah Shpati, u rrahën dasmorët. Jam nis pak me vonesë sepse ka pasë kolonë. Kur kam mbërritur, dasmori më ka thënë: ‘Shpat je vonu por këndo’, unë i thashë se do të këndoj më shumë tash sepse jam vonu dhe ai ishte i agravuar normal. Në fund të dasmës ishte puna e pagesës, thanë ‘ti s’ke kënduar, s’do e marrësh pagesën’. Unë pak u agravova, ata u agravuan, u bë një debat i vogël dhe kaq ka qenë. Kërkush nuk më ka prek, as nuk më ka ngacmu”, tha Kasapi.

Ndër të tjera ai komentoi dhe reagimin e ish-partneres së tij teksa u shpreh se nuk i interesonte dhe se së bashku janë vetëm për hir të djalit të tyre.

“Unë me Selvijen nuk jemi më bashkë, jemi shokë të mirë por nuk jemi bashkë, rrimë për hatër të djalit dhe nuk më intereson shkrimi i saj.”

@klankosovaofficial

Shpat Kasapi zbulon prapaskenat e dasmës së BUJSHME dhe raportin me SELVIJEN!

♬ original sound – Klan Kosova – Klan Kosova

The post Shpat Kasapi sqaron sërish zërat për “rrahjen” në dasmë: Kërkush nuk më ka prek appeared first on iconstyle.al.

Ish-anëtarja e Little Mix, Jade Thirlwall, ka rrëfyer se edhe pse është krenare për arritjet e grupit, shpesh e ka pyetur veten pse nuk arritën të bëhen edhe më të mëdha. “Shikoj performancat tona dhe mendoj: ishim fantastike,” u shpreh ajo.

Artistja 32-vjeçare, e cila së shpejti do të publikojë albumin e parë solo, ka pranuar gjithashtu se presioni i skenës dhe performancave intensive e ka çuar deri te përdorimi i Ozempic, duke e përmendur me humor si një “sekret energjie”.

Përveç kësaj, Thirlwall ka treguar se karriera solo është një mënyrë për të dalë nga kufizimet e grupit dhe për të krijuar sipas rregullave të saj, duke mos u trembur të flasë hapur për sfidat personale e profesionale.

The post Jade Thirlwall pranon vështirësitë: nga presioni i suksesit te përdorimi i Ozempic appeared first on iconstyle.al.

Arbenita Ismajli ka reaguar në rrjete sociale, vetëm pak ditë pas lajmit për lëshimin e një urdhërarrestit ndërkombëtar. Ajo ka zgjedhur një ton ironik në postimin e saj, teksa ka publikuar në Instastory një tufë me lule ku shkruan: Dërgesat në burg janë kështu…

Rikujtojmë se së fundmi është bërë publik urdhërarresti që lidhet me mosrespektimin e vendimit të gjykatës mbi takimet e reperit Fero me vajzën e tij. Sipas vendimit, e mitura ndodhet nën kujdestarinë e modeles.

The post Pas urdhërarrestit ndërkombëtar, Arbenita Ismajli: Dërgesat në burg janë kështu… appeared first on iconstyle.al.