Në këtë kontekst akademik e profesional të lartë, Ass. Dr. Sc. Visar Disha sjell publikimin e tij të tretë në një libër ndërkombëtar, si pjesë e një serie të gjerë kontributesh në shkencë

Ai ka botuar më herët dy libra të tjerë dhe ky botim përfshin një kapitull të veçantë në një botim shkencor me reputacion ndërkombëtar. Përveç librave, Dr. Disha ka publikuar edhe një numër të konsiderueshëm punimesh shkencore në revista të njohura globalisht.

Si ligjërues i ftuar, ai ka prezantuar punën dhe përvojën e tij në konferenca shkencore në Zvicër, Itali, Kroaci, Londër dhe vende të tjera evropiane, duke përfaqësuar denjësisht shkencën dhe mjekësinë shqiptare në arenën ndërkombëtare. Kapitulli i tij “Postoperative Care” në librin “Surgical Techniques and Procedures” trajton me profesionalizëm dhe detaj aspektet kyçe të kujdesit pas operacionit – nga menaxhimi i dhimbjes dhe kujdesi për plagët, te monitorimi i shenjave jetësore, parandalimi i infeksioneve, dhe strategjitë e rehabilitimit.

Dr. Disha Ai i kushton rëndësi edhe aspekteve psikologjike të shërimit dhe edukimit të pacientit, duke theksuar rolin vendimtar të kujdesit post-operator në uljen e komplikacioneve dhe përmirësimin e rezultateve afatgjata.

Në fushën e kirurgjisë ndërkombëtare, një ndër emrat më të respektuar dhe me ndikim është padyshim Prof. Dr. Georgios Tsoulfas. Ai mori diplomën e mjekësisë nga Brown University School of Medicine dhe përfundoi specializimin në kirurgjinë e përgjithshme në University of Iowa Hospitals and Clinics. Përvojën e tij e thelloi me kërkime dhe trajnime të avancuara në disa nga institucionet më elitare në botë, përfshirë Massachusetts General Hospital të lidhur me Harvard Medical School. Aktualisht Profesor i Kirurgjisë dhe Shef i Departamentit të Kirurgjisë në Aristotle University of Thessaloniki, ai ka mbi 200 publikime shkencore, 35 kapituj librash dhe
8 libra të edituar. Me mbi 7,500 citime dhe pjesëmarrje në bordet editoriale të disa prej revistave më prestigjioze, Prof. Tsoulfas gëzon reputacion ndërkombëtar për kontributet e tij në zhvillimin e kirurgjisë moderne dhe edukimit mjekësor.

Ky botim merr një rëndësi të veçantë pasi është pjesë e një vepre ku kontribuojnë shumë mjekë eminentë nga e gjithë bota, duke ofruar një panoramë gjithëpërfshirëse të teknikave kirurgjikale dhe kujdesit pas operacionit. Për profesionistët e shëndetit – qoftë kirurgë, mjekë të përgjithshëm apo specialistë të kujdesit post-operator – ky libër është një burim i çmuar i dijes dhe përvojës së akumuluar.

“Postoperative Care” nga Dr. Visar Disha nuk është thjesht një kapitull informativ, por një udhërrëfyes praktik për të reduktuar komplikacionet, për të përmirësuar përvojën e pacientit dhe për të optimizuar rezultatet afatgjata pas operacionit. Nëpërmjet këtij publikimi, Dr. Disha dëshmon edhe njëherë përkushtimin e tij për të kontribuar në zhvillimin e shkencës mjekësore dhe për të ndarë njohuritë e tij me komunitetin global.

Botimi është realizuar nga IntechOpen, një ndër shtëpitë botuese lider në botimin librave shkencorë, teknologjikë dhe mjekësorë, me bazë në Londër. Që nga themelimi në vitin 2004, IntechOpen ka publikuar mbi 7,600 libra dhe ka bashkëpunuar me mbi 197,000 autorë nga universitetet më prestigjioze në botë, përfshirë fitues të çmimeve Nobel. Me misionin për të bërë dijen të qasshme për të gjithë, ajo është kthyer në një platformë globale për shkencën dhe përparimin njerëzor. /Telegrafi/

The post Emri shqiptar që shkëlqen në kirurgji: Dr. Sc. Visar Disha në librin prestigjioz ‘Surgical Techniques and Procedures’ appeared first on Telegrafi.

Nga inflamacioni tek ndryshimet degjenerative: Diagnostikimi, grupet e rrezikuara dhe qasjet terapeutike

Dr. Nexhmedin Duriqi, Specialist i Ortopedisë – Kirurg spinal
383 44 233 485; Nex68@yahoo.com; Dr.duriqi@gmail.com
Dr. Adnan Duriqi, Specializant i Ortopedisë
Adnanduriqi0@gmail.com

Shtylla kurrizore është struktura qendrore që mban trupin në ekuilibër dhe lejon lëvizje të lira në përditshmëri. Rajoni cervical dhe torakolumbal është një zonë kyçe për shpërndarjen e forcave biomekanike gjatë çdo aktiviteti fizik. Në këtë rajon, pikat ku tendinat, ligamentet dhe kapsulat artikulare fiksohen në kockë, luajnë një rol kritik në stabilitetin e shtyllës kurrizore.

Enthesopathia thoracolumbalis është një gjendje patologjike ku pësojnë ndryshime inflamatore ose degjenerative, shpesh si pasojë e mbingarkesës mekanike, mikrotraumave të përsëritura ose sëmundjeve sistemike si spondiloartropatitë. Ndërkohë që në dukje mund të duket si një problem “lokal”, pasojat e saj ndikojnë drejtpërdrejt në cilësinë e jetës së pacientit, duke e kufizuar në aktivitetet e punës, sportit dhe madje edhe në lëvizjet më të thjeshta të përditshme.

Enthesopathia cervicalis përbënë një nga arsyet më të zakonshme të konsultimeve mjekësore dhe është një problem i shpeshtë që ndikon në cilësinë e jetës së shumë pacientëve. Ato mund të jenë pasojë e ndryshimeve inflamatore, degjenerative ose mekanike, të cilat ngjajnë dhe ndërlidhen shpesh me proceset patologjike që ndodhin edhe në rajonin torakolumbal.

Entezat janë struktura të përbëra nga fibra kolagjeni që kalojnë gradualisht në kockë, duke vepruar si ‘amortizatorë’ ndaj forcave të tërheqjes dhe kompresionit. Në enthesopatinë cervicale apo torakolumbale:

Mikrotraumat e përsëritura çojnë në inflamacion lokal (enthesitis).
Inflamacioni i vazhdueshëm mund të shkaktojë kalcifikim ose formim osteofitesh.
Në sëmundjet inflamatore (p.sh., spondiloartropatitë), ky proces shoqërohet me reaksione autoimune që përshpejtojnë dëmtimin.
Ndryshimet degjenerative lidhen me moshën, humbjen e elasticitetit dhe ngarkesën kronike mbi strukturat.

Ankesat e pacientëve

Pacientët me enthesopati torakolumbale shpesh paraqiten me një dhembje të thellë dhe të bezdisshme në rajonin torakolumbal, e cila rritet gjatë aktivitetit fizik dhe mund të bëhet aq e mprehtë sa të ndërpresë punën apo aktivitetet e përditshme. Ata e përshkruajnë ndjesinë si një ‘ngurtësi’ që i shoqëron sidomos në mëngjes, duke e bërë të vështirë ngritjen nga shtrati ose përkuljen për të kryer detyra të thjeshta. Lëvizjet si përkulja përpara, kthimi i trupit në anë apo ngritja e peshave shpesh shkaktojnë një përkeqësim të menjëhershëm të dhembjes, ndërsa qëndrimi për kohë të gjatë në një pozicion, qoftë ulur apo në këmbë, e intensifikon ndjesinë e parehatshme. Shpesh ata shfaqin lodhje të muskujve paravertebralë dhe ndjeshmëri të theksuar në prekje, gjë që i bën të shmangin lëvizjet spontane.

Në mënyrë të ngjashme, pacientët me enthesopati në rajonin e qafës përjetojnë dhembje të vazhdueshme dhe ngurtësi që kufizon lëvizshmërinë e kokës dhe shpinës së sipërme. Këto dhembje shpesh intensifikohen gjatë aktiviteteve të përditshme si kthimi i kokës, qëndrimi në pozicione të tensionuara në punë me kompjuter, apo gjatë ngritjes së objekteve. Ngurtësia e mëngjesit është gjithashtu e zakonshme, duke e bërë fillimin e ditës sfidues. Në raste më të rënda, dhembja mund të përhapet drejt shpatullave dhe krahëve, duke sjellë ndjesi shpimi ose mpirje. Kjo gjendje ndikon dukshëm në cilësinë e jetës, duke vështirësuar kryerjen e detyrave të thjeshta dhe duke shkaktuar lodhje të përgjithshme. Në raste më të avancuara, dhembja nuk kufizohet vetëm në kohën e aktivitetit, por vazhdon edhe gjatë pushimit, duke ndikuar në cilësinë e gjumit dhe duke sjellë një ndjenjë ankthi e pasigurie për përkeqësimin e mëtejshëm të gjendjes.

Cilët persona janë më të atakuar nga enthesopathia cervicale dhe torakolumbale?

Enthesopathia cervicale dhe torakolumbale zakonisht prekin persona që ushtrojnë aktivitete me ngarkesa fizike të përsëritura, mbajnë pozicione të zgjatura statike, ose kanë lëvizje të përsëritura që stresojnë zonën e qafës dhe shpinës së mesme e të poshtme. Profesionet më të rrezikuara përfshijnë punonjësit e ndërtimit, stafin e kujdesit shëndetësor, shoferët që qëndrojnë shumë orë në pozicion ulur, punonjësit në sektorin e teknologjisë që përdorin kompjuter për periudha të gjata, si dhe sportistët që ushtrojnë aktivitete me lëvizje të përsëritura ose ngarkesa të mëdha në këto rajone. Gjithashtu, personat me obezitet, ata që kanë posture të dobët, dhe ata që kanë patologji të tjera muskulore ose kockore janë më të predispozuar për zhvillimin e enthesopathisë në zonat torakolumbale dhe cervicale.

Ekzaminimi fizik

Gjatë ekzaminimit shpesh vërehet qëndrimi i kujdesshëm të pacientit, i cili përpiqet të shmangë çdo lëvizje të papritur që mund t’i shkaktojë dhembje. Palpacioni mbi zonën cervicale apo torakolumbale zbulon pikë të ndjeshme, sidomos mbi vendet e fiksimit të ligamentit supraspinal dhe interspinal, ku pacienti shpesh reagon me një kontraksion të lehtë refleks për shkak të dhembjes. Lëvizjet e shtyllës janë shpesh të kufizuara, përkulja përpara, ekstensioni dhe rotacioni kryhen me ngadalë dhe shpesh me ndihmën e muskujve të tjerë për të kompensuar segmentin e prekur. Në disa raste, tensioni i muskujve paravertebralë është i dukshëm, si një mur mbrojtës që trupi ngre për të kufizuar lëvizjen e dhembshme. Vërehet gjithashtu se pacienti ruan një posturë të ndryshuar, herë me lehtësim të lordozës lumbale dhe herë me një tendencë për të mbajtur shpinën më të drejtë se normalisht, për të minimizuar shtrirjen e strukturave të dhembshme.

Diagnostika

Diagnoza e enthesopatisë cervicale dhe torakolumbale kërkon një vlerësim të kujdesshëm, ku përfshihen të dhënat e historisë klinike me gjetjet objektive dhe imazherike. Mjeku nis duke ndërtuar një tablo të plotë nga rrëfimi i pacientit, duke vlerësuar natyrën e dhembjes, kohëzgjatjen e saj, faktorët që e përkeqësojnë ose lehtësojnë, si dhe ndikimin që ka në jetën e përditshme. Më pas, ekzaminimi fizik konfirmon dyshimet klinike dhe orientohet drejt analizave të mëtejshme.

Radiografia e shtyllës cervicale apo torakolumbale shpesh është hapi i parë në hetim, duke zbuluar prani të osteofiteve, kalcifikime në zonat e entezave apo shenja të hershme të spondilozës. Nëse dyshohet për proces inflamator aktiv ose dëmtime të indeve, përdorimi i rezonancës magnetike (MRI) ofron një pamje të detajuar, ku mund të dallohet edemë, inflamacion ose ndryshime të hershme që radiografia nuk i kap. Në disa raste, ekografia muskuloskeletale shërben si një mjet i shpejtë dhe praktik, sidomos për të vlerësuar sipërfaqet e prekura ose për të udhëhequr injeksionet terapeutike.

Nëse ekziston dyshimi për një sëmundje inflamatore sistemike, kërkohen analiza laboratorike si ESR, CRP dhe testi HLA-B27, të cilat ndihmojnë në identifikimin e patologjive si spondiloartropatitë. Në këtë mënyrë, diagnostika nuk kufizohet vetëm në konstatimin e një lezioni lokal, por shikon të gjithë pacientin, duke u përpjekur të zbulojë jo vetëm pasojën, por edhe shkakun e saj.

Trajtimi

Menaxhimi i enthesopatisë cervicale dhe torakolumbale kërkon një qasje të kujdesshme dhe të individualizuar, sepse çdo pacient ka një histori, stil jete dhe pritshmëri të ndryshme. Qëllimi kryesor është lehtësimi i dhembjes, rikthimi i funksionit normal dhe parandalimi i përsëritjes së problemit.

Në shumicën e rasteve, trajtimi nis me masa konservative. Mjeku këshillon pushim relativ, duke shmangur ngarkesat e rënda dhe lëvizjet që provokojnë dhembjen, por pa e imobilizuar plotësisht pacientin. Përdorimi i medikamenteve antiinflamatore jo-steroidalë (NSAIDs) është një nga mjetet kryesore për të ulur inflamacionin dhe për të përmirësuar lëvizshmërinë. Nëse tensioni muskulor është i madh, mund të rekomandohen edhe relaksues muskulorë për një periudhë të shkurtër.

Kur masat e thjeshta nuk japin rezultat, mund të rekomandohet ndërhyrje më të avancuara, si injeksionet lokale me kortikosteroide për të qetësuar inflamacionin, ose përdorimin e PRP (plasma e pasur me trombocite) për të stimuluar rigjenerimin e indeve të dëmtuara. Në rastet kur shkaku është një sëmundje inflamatore sistemike, përfshihet trajtimi specifik me medikamente antireumatike ose biologjike.

Një pjesë thelbësore e trajtimit është edukimi i pacientit. Tregohen teknikat e duhura të qëndrimit, mënyrën korrekte të ngritjes së peshave, rëndësinë e mbajtjes së peshës trupore në kufijtë normalë dhe rolin e aktivitetit fizik të moderuar në parandalimin e dëmtimeve të reja. Trajtimi nuk përfundon me largimin e dhembjes akute, ai vazhdon me ndryshimin e zakoneve të përditshme, duke siguruar që shëndeti i shtyllës kurrizore të ruhet afatgjatë.

Përfundimi

Enthesopathia cervicalis dhe thoracolumbalis nuk është vetëm një term mjekësor, por një realitet i dhembshëm për shumë pacientë që e ndjejnë çdo ditë në trupin e tyre. Dhembjet në qafë dhe në zonën torakolumbale nuk janë thjesht dhembje muskulore; ato mund të jenë shenjë e patologjive të ndryshme që kërkojnë vëmendje të veçantë. Prandaj, një ekzaminim i saktë dhe i plotë, duke filluar nga kontrolli klinik deri te ekzaminimet radiologjike, është thelbësor për të identifikuar natyrën e dhembjes dhe për të vendosur trajtimin më të përshtatshëm. Kujdesi ndaj kësaj patologjie duhet të jetë gjithëpërfshirës, duke kombinuar njohuritë shkencore me ndjeshmërinë njerëzore, sepse mjekësia nuk ka të bëjë vetëm me shërimin e trupit, por edhe me rikthimin e jetës që dhembja ia ka marrë pacientit. /Telegrafi/

The post Dhimbjet e qafës dhe shpinës nga Enthesopathia: Shkaqet, simptomat dhe trajtimi appeared first on Telegrafi.

Metoda të thjeshta për qetësimin e trupit dhe mendjes, që ju ndihmojnë të pushoni menjëherë

Shumë njerëz e kanë të vështirë të flenë sapo shtrihen. Orët e gjata duke u rrotulluar në shtrat jo vetëm që janë të lodhshme, por edhe e dëmtojnë cilësinë e gjumit.

Një zgjidhje e thjeshtë dhe pa ilaçe mund të jetë joga relaksuese para gjumit, e cila ndihmon në uljen e tensionit dhe përgatit trupin për pushim.

Këto gjashtë pozicione mund t’i bëni pa u ngritur nga shtrati, duke shfrytëzuar jastëkët për rehati dhe duke i kombinuar me frymëmarrje të thellë.

1. Këmbët lart në mur

Si bëhet: Shtrihuni pranë murit me një jastëk nën bel. Ngrini këmbët lart derisa thembrat dhe gjunjët të jenë në një vijë të drejtë. Duart shtrini pranë trupit, me pëllëmbët lart.

Kohëzgjatja: 2 minuta.

Përfitimi: Zvogëlon lodhjen e këmbëve, përmirëson qarkullimin dhe relakson muskujt.

2. Shtrirje me bark

Si bëhet: Shtrihuni me bark mbi një jastëk të butë. Bashkoni gishtat e duarve pas shpinës dhe merrni frymë thellë, duke ngritur gjoksin dhe shtrirë shpatullat.

Përsëritje: 5–10 herë.

Përfitimi: Çliron tensionin në shpinë dhe qafë, ndihmon në hapjen e gjoksit për frymëmarrje më të thellë.

3. Shtrirë me këmbët hapur

Si bëhet: Shtrihuni dhe hapni këmbët në një kënd të rehatshëm. Vendosni një jastëk përpara, drejtoni shpinën, merrni frymë thellë dhe, duke e nxjerrë frymën ngadalë, shtrihuni mbi jastëk me krahët përpara.

Cikli: 10 frymëmarrje të plota.

Përfitimi: Relakson muskujt e shpinës së poshtme dhe këmbëve, ndihmon në lirimin e presionit nga legeni.

4. Pozicioni i fluturës

Si bëhet: Shtrihuni mbi shpinë, me një jastëk nën shtyllën kurrizore dhe bashkoni shputat e këmbëve, ndërsa gjunjët bien natyrshëm anash.

Kohëzgjatja: 3 minuta.

Përfitimi: Hapja e legenit, qetësimi i muskujve të barkut dhe relaksimi i sistemit nervor.

5. Rrotullimi anash

Si bëhet: Shtrihuni me gjunjët e përkulur dhe këmbët bashkë. Rrotullojini gjunjët ngadalë në njërën anë dhe mbajeni për 1 minutë, pastaj në anën tjetër.

Përsëritje: 2 herë në secilën anë.

Përfitimi: Relakson shtyllën kurrizore dhe ul tensionin në shpinën e poshtme.

6. Pozicioni i qetësisë

Si bëhet: Shtrihuni drejt me një jastëk poshtë shpinës, këmbët pak të hapura, duart anash me pëllëmbët lart. Mbani shtyllën dhe kokën në një vijë të drejtë.

Frymëmarrja: 3 frymëmarrje të thella përmes hundës dhe nxjerrje të ngadalta, pastaj 4 frymëmarrje të zakonshme.

Përfitimi: Aktivizon përgjigjen e relaksimit dhe përgatit trupin për gjumë të thellë.

Këshilla shtesë për efekt maksimal:

Mbani dhomën të freskët dhe të errët.
Largoni telefonin dhe pajisjet elektronike të paktën 30 minuta para gjumit.
Pini një çaj të ngrohtë bimor (si kamomil ose lavandë) rreth 20 minuta para se të filloni ushtrimet.

Praktikoni këto lëvizje çdo natë për të krijuar një rutinë që trupi e njeh si sinjal për gjumë. /Telegrafi/

The post Si të flini më shpejt: Gjashtë lëvizje të thjeshta relaksuese për një gjumë të thellë dhe pa stres appeared first on Telegrafi.

Këshilla praktike për t’i kthyer konkurrencën dhe xhelozinë në lidhje të ngrohta vëllazërore

Marrëdhëniet midis vëllezërve e motrave nuk janë gjithmonë të lehta, sidomos kur në familje vjen një foshnjë e re. Është e natyrshme që fëmija më i madh të përjetojë ndjenja xhelozie, konkurrimi apo distancimi, por me qasje të durueshme dhe të qëndrueshme, lidhja mes tyre mund të forcohet gradualisht.

Mbani parasysh se afërsia nuk lind brenda natës, fëmijët kanë kohë të mjaftueshme për ta ndërtuar këtë marrëdhënie. Roli juaj si prind është ta lehtësoni këtë proces.

1. Jepini vëmendje të dedikuar fëmijës më të madh

Shpesh, pas ardhjes së një fëmije të vogël, vëmendja e prindërve shpërndahet në mënyrë të pabarabartë. Planifikoni çdo ditë të paktën 30 minuta vetëm për të madhin, pa shpërqendrime, ku mund të lexoni një libër, të bëni një aktivitet ose thjesht të bisedoni.

Ky “kohe vetëm për ju të dy” i tregon se është ende po aq i rëndësishëm dhe i dashur, gjë që zvogëlon ndjesinë se po e zëvendëson dikush tjetër, transmeton Telegrafi.

2. Menaxhoni xhelozinë me bisedë të hapur

Mos e minimizoni ndjenjën e xhelozisë – është një reagim normal. Inkurajojeni fëmijën të flasë hapur për emocionet e tij dhe dëgjojeni pa gjykim. Mund t’i thoni:

“E kuptoj që ndonjëherë është e vështirë. Edhe unë ndonjëherë ndihem kështu kur duhet të ndaj kohën dhe vëmendjen time.”

Kjo qasje jo vetëm që e lehtëson tensionin, por edhe forcon besimin mes jush.

3. Forconi rolin e vëllait ose motrës së madhe

Kur fëmija më i madh ndjen se ka një rol të veçantë dhe të vlefshëm në familje, vetëbesimi i tij rritet.

Lavdërojeni për gjeste të vogla ndihme: “Shiko si u qetësua bebja kur i buzëqeshe. Vetëm ti mund ta bësh atë të ndihet kështu.”

Përfshijeni në aktivitete të thjeshta kujdesi: t’i japë pelenat, t’ia mbajë shishen ose t’i zgjedhë rrobat.

Kështu, fëmija jo vetëm që ndjehet i dobishëm, por edhe fillon ta shohë të voglin si një “partner” dhe jo si konkurrent.

4. Mbani pritshmëri realiste

Mos prisni që fëmija më i madh të jetë gjithmonë i lumtur dhe i dashur ndaj të voglit. Ka ditë të mira dhe ditë më sfiduese.

Vazhdoni t’i përforconi sjelljet pozitive dhe të mos e qortoni rëndë për momentet e nervozizmit – ato janë pjesë e procesit të përshtatjes.

Këshillë shtesë:
Shpesh ndihmon edhe krijimi i “ritualit të vëllezërve/motrave” – një aktivitet i vogël që bëhet gjithmonë bashkë (p.sh. të thonë natën e mirë, të këndojnë një këngë ose të ndajnë një lodër të veçantë para gjumit). Ky ritual krijon një ndjenjë përkatësie dhe lidhjeje që rritet me kohën. /Telegrafi/

The post Kur i madhi nuk e duron të voglin: Si ta ktheni rivalitetin e fëmijëve në miqësi appeared first on Telegrafi.

Kjo zakonisht shfaqet në fazat e fundit të jetës, ndonjëherë vetëm disa orë ose ditë para vdekjes

Vdekja është një pjesë e pashmangshme e jetës dhe trupi i njeriut shpesh fillon të dërgojë sinjale të buta, por të dallueshme, që tregon se fundi po afrohet. Këto shenja mund të jenë fizike, emocionale apo edhe ndryshime në sjellje, dhe personeli mjekësor që punon me pacientë në fund të jetës i has shpesh.

Një nga treguesit më të qartë, sipas ekspertëve, janë duart. Sipas organizatës britanike humanitare Marie Curie, e specializuar në kujdesin për personat në fund të jetës, duart, këmbët, parakrahët dhe kërcinjtë shpesh bëhen të ftohta në prekje, pasi qarkullimi i gjakut ngadalësohet dhe trupi e përqendron energjinë në mbrojtjen e organeve jetike.

Ky reduktim i qarkullimit të gjakut mund të shkaktojë edhe një pamje me njolla në lëkurë – në tonet e çelëta të lëkurës këto njolla mund të duken blu ose të kuqe, ndërsa në tonet e errëta marrin ngjyrë vjollcë ose kafe. Këto simptoma shfaqen zakonisht në fazat përfundimtare të jetës, ndonjëherë vetëm disa orë apo ditë para fundit.

Sipas ekspertëve të Marie Curie, këto ndryshime janë një pjesë normale dhe natyrore e procesit të vdekjes dhe zakonisht nuk shkaktojnë dhimbje apo shqetësim te personi, transmeton Telegrafi.

Ndryshimet nuk vërehen vetëm te duart. Shpesh edhe frymëmarrja bëhet më e ngadaltë, e parregullt ose më sipërfaqësore. Në disa raste, grumbullimi i pështymës ose mukusit krijon një tingull të rëndë në fyt ose kraharor.

Gjithashtu, shumë njerëz kalojnë më shumë kohë duke fjetur ose mund të humbasin plotësisht vetëdijen në orët e fundit të jetës, megjithatë mendohet se ata ende mund të dëgjojnë zëra dhe të ndiejnë prekjen. Një tjetër shenjë e zakonshme është pamja dylli dhe zbehja e fytyrës, si dhe një relaksim i menjëhershëm i muskujve të saj.

Përveç këtyre shenjave fizike, disa infermiere kanë vërejtur edhe një fenomen të quajtur “shtrirja e dorës para vdekjes”. Infermierja Katie Duncan, e cila ka punuar në terapi intensive, ka shpjeguar në një video virale në TikTok se shumë persona, pak para se të vdesin, papritur ngrenë duart sikur po përpiqen të kapin diçka lart.

 ♬ original sound – DeathCareCoach

“Kjo është një nga ato dukuri të pashpjegueshme. Në përvojën time, shtrirja e dorës drejt diçkaje apo dikujt mbi ta është mjaft e zakonshme,” shprehet Duncan. Shpesh ky gjest shoqërohet me të ashtuquajturat “vizione të fundit të jetës”, disa pacientë tregojnë se shohin një dritë të ndritshme, një engjëll, ose një të afërm apo kafshë shtëpiake të ndjerë më parë. Ndonjëherë, ata thjesht shtrijnë duart në heshtje, pa shpjegim.

Për të afërmit, kjo mund të jetë një moment befasues dhe emocional, por sipas Duncan, personi nuk ndien dhimbje apo ankth. “Është diçka vërtet e zakonshme,” përfundon ajo. /Telegrafi/

The post Ekspertët tregojnë: Kjo shenjë në duar është paralajmërim se fundi po afrohet appeared first on Telegrafi.

Nga Anne Hathaway te Gwen Stefani – yjet që ruajnë tonin e çelët të lëkurës në simbol elegance dhe kujdesi

Verës, komentet për ngjyrën e lëkurës bëhen pothuajse të pashmangshme. Ndërsa disa gra garojnë se kush do të arrijë ngjyrën më të errët, të tjera përballen me pyetje e gjykime të tipit: “Sa e bardhë je”, ” Je e zbehtë si një leckë”, “Duhet të jesh anemike”, “Pse nuk po rrezitesh?”.

Në kulturën e verës, shpesh duket sikur lëkura e nxirë është “standardi” i bukurisë, dhe ato që zgjedhin ta ruajnë tonin e tyre të çelët shihen si të çuditshme ose jashtë mode. Por disa yje të njohura e sfidojnë hapur këtë ide, duke treguar se bukuria nuk ka një ngjyrë të vetme.

Një shembull i qartë është Anne Hathaway. Aktualisht ajo po xhiron filmin “The Devil Wears Prada 2”, dhe fotot e saj nga seti tërhoqën shumë vëmendje. E veshur me një fustan veror të shtëpisë së modës Rabanne, ajo mori më shumë komente për ngjyrën e lëkurës sesa për zgjedhjen e veshjes.

Shumë vërejtje shkonin nga “Shumë e bardhë” deri tek “Duhet të ishe nxirë nga dielli”, por Anne nuk u ndikua aspak. Prej vitesh, ajo është e kujdesshme ndaj ekspozimit në diell dhe përdor rregullisht krem mbrojtës SPF. Madje, fotot e saj nga pushimet në plazh e tregojnë gjithmonë me të njëjtin ton të çelët të lëkurës.

Dhe ajo nuk është e vetmja. Shumë të tjera të famshme e duan tonin e tyre të çelët dhe e mbrojnë me kujdes nga dielli:

Dita Von Teese – e njohur për stilin retro dhe lëkurën porcelani

Krysten Ritter – aktorja që shpesh preferon ngjyra të errëta për të theksuar kontrastin

Kirsten Dunst – e lidhur shpesh me rolet e ëmbla dhe pamjen delikate

Naomi Watts – që prej fillimeve të karrierës, ka ruajtur tonin natyral

Gwen Stefani – gjithmonë me një imazh të kuruar dhe pa ekspozim të tepërt në diell

Amanda Seyfried – e njohur për freskinë rinore dhe lëkurën e pastër si porcelan

Amy Adams – me shkëlqimin delikat të një teni natyral e të ndritshëm

Diane Kruger – e famshme për elegancën e saj dhe tonin e çelët prej aktoreje klasike

Këto yje tregojnë se nuk ka asgjë të gabuar të mbrosh lëkurën dhe ta duash ashtu siç është – edhe nëse nuk është nxirë nga dielli. Në fund të fundit, shëndeti dhe vetëbesimi janë aksesori më i mirë i çdo stili. /Telegrafi/

The post Elegancë pa rrezitje: Yjet që mbrojnë dhe krenohen me tenin e tyre të çelët appeared first on Telegrafi.

Harroni imazhet e vjetra që keni për këpucët transparente

Në vitet 2010, sandalet plastike shpesh dukeshin më shumë si pjesë kostumi sesa si një zgjedhje moderne për stilin tuaj. Por këtë verë, takat transparente rikthehen me fuqinë e tyre më të madhe se kurrë, të rifreskuara, elegante dhe me një stil shumë më të rafinuar.

Nëse keni ndjekur trendet e modës së fundit, nuk mund të mos keni vënë re se yjet si Hailey Bieber dhe Alexa Chung po e bëjnë rikthimin e takave “clear heels” një fenomen që mbizotëon jo vetëm në pistat e modës, por edhe në rrugët e qyteteve dhe në Instagram.

Ky rikthim i fuqishëm nuk është thjesht një modë kalimtare, por një trend që po fiton zemrat e stilistëve dhe adhuruesve të modës në mbarë botën.

Edhe J. Lo i adhuron, pothuajse në çdo kombinim, transmeton Telegrafi.

 

View this post on Instagram

 

A post shared by Jordan Goldberg (@jordan1233)

Gjenerata e re e këtyre këpucëve vjen në versione që tërheqin sytë menjëherë: tekstura të buta, detaje transparente prej rrjeteve dhe kthesa diskrete dizajni i bëjnë ato aksesorin perfekt për çdo veshje verore. Janë njëkohësisht minimaliste, efektive dhe shumë të lehta për t’u kombinuar, por gjithmonë lënë një përshtypje.

 

View this post on Instagram

 

A post shared by IZZI (@izzipoopi)

Kombinojini me fustane të gjata, kostume prej lani, këmisha apo me xhinset tuaja të preferuara – këto modele janë si krijuar për eksperimente stili. Pamja e tyre neutrale krijon bazën ideale për lojë me stilin: shtoni zinxhirë për kyçet, unaza për gishtat e këmbëve apo edhe zbukurime mini të dizajnuara posaçërisht për këpucët.

 

View this post on Instagram

 

A post shared by Adenorah (@annelauremais)

Nuk është çudi që edhe shtëpitë e mëdha të modës kanë përqafuar këtë trend. Brendi Tory Burch solli një model tërheqës me kombinime materiali si druri i natyrshëm dhe ngjyrat e ndezura, ndërsa Mango prezantoi sandale me detaje transparente dhe një linjë të frymëzuar nga modeli ikonë Tabi, në bashkëpunim me dizajneren Supriya Lele. Fryma e takës transparente nuk është më e njëtrajtshme, tani mund të jetë edhe eklektike, edhe sofistikuar.

 

View this post on Instagram

 

A post shared by beautiful_things_10 (@luxandbeautyworld)

Pavarësisht nëse jeni për dasmë, festë në natyrë, darkë në qytet apo shëtitje në ishull, ky lloj këpucësh ju shoqëron me stil. Dhe nëse kërkoni një trend që kombinon nostalgjinë, praktikën dhe modën e lartë, është e qartë: takat transparente janë të duhurat e verës. /Telegrafi/

The post Këpucët me taka që adhuron Jennifer Lopez po dominojnë rrugët dhe pistat – Provojini edhe ju! appeared first on Telegrafi.

Kjo pure është e butë, pa erëza dhe shumë e tretshme për sistemin e brishtë të bebes

Është një ushqim i sigurt dhe natyral për fillimin e ushqimeve të ngurta.

Përbërësit:

1 karotë mesatare e freskët
1 patate e ëmbël (rreth 100-120 gr)
Ujë i zier i ftohur (sipas nevojës)

Përgatitja:

1. Lani dhe qëroni karotën dhe pataten e ëmbël.

2. Prisni në copa të vogla për të zier më shpejt.

3. Vendosni copat në një tenxhere me ujë të pastër dhe ziejini derisa të zbuten plotësisht (rreth 15-20 minuta).

4. Kullojini mirë nga uji dhe vendosini në një blender ose në enë ku do ta shtypni me pirun.

5. Përzieni dhe shtoni pak nga uji i zier (ose ujë të pastër të vluar dhe të ftohur) për ta bërë pure-n me konsistencë të butë dhe të përshtatshme për bebe.

6. Përziejeni mirë derisa të bëhet një masë homogjene dhe pa kokrriza.

Si t’i jepet bebes:

Mund ta jepni të ngrohtë ose në temperaturë ambienti.

Filloni me pak sasi (1-2 lugë gjelle) dhe gradualisht rrisni sasinë sipas pranimit të bebes.

Kjo pure mund të përdoret si ushqim i parë i ngurtë, duke e kombinuar edhe me qumështin e gjirit ose formulën e foshnjës.

Përfitimet:

Karota është burim i shkëlqyer i vitaminës A dhe antioksidantëve, e mirë për shikim dhe imunitet.

Patatja e ëmbël ka karbohidrate të shëndetshme dhe fibra që ndihmojnë në tretje.

/Telegrafi/

The post Pure karote dhe patate e ëmbël për bebe appeared first on Telegrafi.

Këshilla praktike nga terapistët për prindërit që përballen me mosmarrëveshjet midis fëmijëve të tyre të rritur

Kur fëmijët e rritur bien në mosmarrëveshje, edhe nëse prej vitesh nuk jetojnë me prindërit, konflikti mund të krijojë tension në të gjithë familjen. Ata ndërprenë komunikimin, shmangin takimet familjare apo nuk shfaqen fare, dhe prindërit kuptojnë që situata është serioze. Edhe pse e dinë se nuk duhet të marrin pjesë në konflikt apo të marrin palë, dëshira për të ndërhyrë dhe për të ndihmuar në zgjidhjen e problemit shpesh është e madhe.

Psikoterapeutja Charlotte Braithwaite shpjegon: “Kur fëmijët e rritur përplasen, prindërit shpesh ndihen të pafuqishëm dhe nuk dinë nëse duhet të ndërhyjnë apo të distancohen.” Kjo dilemë shtohet nga faktit se kufijtë e rolin e prindërve janë të paqarta, pasi “nuk ka një moment ceremoni që përcakton se kur një fëmijë bëhet plotësisht i pavarur”, ndaj shumë prindër ndihen përgjegjës edhe pasi fëmijët e tyre janë rritur.

Megjithatë, Braithwaite këshillon prindërit që të mos përfshihen shumë në konfliktin midis fëmijëve. Në fund të fundit, ata janë të rritur dhe duhet të jenë në gjendje të zgjidhin mosmarrëveshjet vetë, pa i vënë prindërit në pozitë të vështirë. Prandaj, Braithwaite dhe ekspertë të tjerë për HuffPost ndanë katër këshilla të vlefshme se si të veproni, përcjell Telegrafi.

1. Rezistoni tundimit për të zgjidhur menjëherë problemet

Edhe pse është dhimbje të shikosh fëmijët në grindje, terapeute si Roya Rahmanzadeh paralajmërojnë prindërit të mos përpiqen të ndërmjetësojnë apo të nxitin pajtimin, sepse kjo shpesh dështon. Fëmijët e rritur mund të ndjejnë se dhimbja e tyre nuk merret seriozisht. “Shpesh më e mira që një prind mund të bëjë është të mbajë lidhjen me të dy fëmijët, pa marrë palë, dhe të pranojë se pajtimi nuk mund të nxitet apo detyrohet,” thekson ajo. Këtë mendim e mbështet edhe Adesioye, që nënvizon se ndërmjetësi duhet të jetë neutral, diçka që prindërve shpesh u vështirësohet edhe me më të mirat qëllime.

2. Përpiquni të qëndroni neutralë

Fëmijët e rritur duhet të zgjidhin problemet e tyre në kohën dhe mënyrën e tyre, thotë Warwick. Ajo këshillon prindërit të shmangin marrjen e palëve dhe të mos ndajnë ankesa të njërit fëmijë me tjetrin, sepse kjo shkatërron besimin. Në vend të kësaj, përqendrohuni në marrëdhënien tuaj personale me secilin fëmijë. Edhe pse neutral, nuk do të thotë të injoroni situatën. “Njihni dhimbjen e tyre dhe vështirësitë, pastaj lejoni që ata të përballen vetë me to,” sugjeron Adesioye, duke rekomanduar se mund t’u sugjeroni terapinë individuale ose familjare.

3. Merrni përgjegjësinë tuaj

Edhe pse nuk është detyrë e prindërve të rregullojnë marrëdhëniet mes fëmijëve, “pranimi i rolit që mund të keni pasur në formësimin e këtyre dinamikave mund të jetë një akt i fuqishëm përgjegjshmërie”, thekson Braithwaite. Për shembull, nëse ndjeni se keni favorizuar një fëmijë më shumë apo keni marrë palë në të kaluarën, është e rëndësishme ta pranoni këtë. Një reflektim i tillë vetjak mund të zbusë tensionet afatgjata dhe të hapë rrugën për shërim.

4. Kujdesuni për veten tuaj

Kjo periudhë mund të sjellë shumë trishtim dhe emocione të rënda, ndaj është thelbësore të kujdeseni edhe për mirëqenien tuaj. “Të shikosh fëmijët që përplasen është shumë stresuese. Është e rëndësishme të kujtojmë që tashmë nuk është roli juaj të zgjidhni gjithçka, siç mund të keni bërë kur ata ishin të vegjël,” thotë Warwick. Nëse ndiheni të lodhur emocionalisht, biseda me një profesionist mund të jetë ndihmuese. Mos humbni shpresën: “Marrëdhëniet mund të ndryshojnë me kohën. Edhe periudhat e gjata të largimit mund të pasohen nga rikthimi i lidhjes, ndaj qëndroni të hapur ndaj ndryshimeve,” përfundon ajo. /Telegrafi/

The post Fëmijët tuaj të rritur nuk flasin me njëri-tjetrin? Terapeutet këshillojnë si të veproni appeared first on Telegrafi.

Udhëzime të thjeshta dhe të sigurta për përdorimin efektiv të zbardhuesit në dezinfektimin e shtëpisë

Zbardhuesi është një solucion i fuqishëm dhe i dobishëm për dezinfektimin e sipërfaqeve të ndryshme në ambientet e brendshme të shtëpisë. Ai përmban hipoklorit natriumi në përqindje prej 4 deri në 5%, që korrespondon me rreth 40 gram klor aktiv në një litër lëngu.

Udhëzime për përdorim në larjen me dorë të rrobave:

Për të dezinfektuar rrobat, përdorni një përzierje prej 100 ml zbardhues në 10 litra ujë. Kujdes: nuk duhet të përzihet me detergjentet, pasi kjo mund të shkaktojë reaksione të padëshiruara. Pas larjes së rrobave me detergjent, lërini të qëndrojnë në këtë tretje për rreth 10 minuta dhe më pas shpërlajini mirë me ujë të pastër.

Kujdes me ngjyrat!

Zbardhuesi ka efekt të fuqishëm zbardhues dhe mund të dëmtojë ngjyrat e rrobave. Prandaj, rrobat me ngjyra duhet të zhytën shumë shkurt dhe me kujdes të veçantë në përzierjen me zbardhues, për të shmangur dëmtimin, transmeton Telegrafi.

Përdorimi në makinat larëse:

Zbardhuesi mund të përdoret edhe në rrobalarëse duke shtuar rreth 50 ml në pjesën e paralarjes së makinës, ndërkohë që detergjenti përdoret si zakonisht.

Eliminimi i njollave të vështira:

Nuk rekomandohet të hidhni zbardhues direkt mbi rroba. Për njollat më të vështira, përgatitni një tretje më të përqendruar (rreth 50 ml zbardhues në 1 litër ujë), zhytni rrobat në të dhe lërini të qëndrojnë për 5 minuta para larjes normale.

Dezinfektimi i sipërfaqeve sanitare:

Për larjen dhe dezinfektimin e sipërfaqeve në banjo dhe kuzhinë, tretni 200 ml zbardhues në 5 litra ujë. Lani mirë sipërfaqet, lini tretjen të veprojë të paktën 10 minuta dhe më pas shpëlani me ujë të bollshëm. Në rastin e sipërfaqeve prej pllakash qeramike, shpëlarja mund të mos jetë e domosdoshme.

Dallimi midis dezinfektimit dhe sterilizimit:

Është e rëndësishme të kuptohet se dezinfektimi dhe sterilizimi nuk janë të njëjta gjë. Sterilizimi nënkupton eliminimin total të të gjitha mikroorganizmave, ndërsa dezinfektimi i ul ato në nivele që nuk paraqesin rrezik për shëndetin në përdorim normal. Për shembull, garniturat metalike të përdorura për ngrënie mund të dezinfektohen me temperatura të larta për një periudhë të shkurtër, por instrumentet kirurgjikale duhet të jenë gjithmonë sterile. /Telegrafi/

The post Si të përdorni zbardhuesin pa rrezik dhe me efekt maksimal në shtëpi appeared first on Telegrafi.

Natyrisht, Kendall Jenner dhe Hailey Bieber ishin në të njëjtën linjë stili

Më 10 gusht, Kylie Jenner festoi ditëlindjen e saj të 28-të ashtu siç do ta bënte çdo Luan tipik: e veshur nga koka te këmbët me firmë luksoze, në një darkë të hapur nën qiellin e verës. Mbrëmja u organizua nga Kendall Jenner, e cila krijoi një tavolinë me frymëzim italian, të stolisur me trëndafila dhe domate, ndërsa vetë festuesja ndau në Instagram pamje nga kjo festë që meriton një vend në Pinterest.

Pas darkës, Kylie Jenner fryu qirinjtë mbi tortën e saj të mbuluar me mjedra, e veshur me një kombinim të zi nga koka te këmbët. Crop top-i me dantellë, i hapur te shpatullat dhe fundi midi në të njëjtin stil, përputheshin në mënyrë perfekte me atmosferën e dekorit. Pamja ruante tiparet karakteristike të stilit të saj: seti ishte i tëri transparent, duke zbuluar sytjenat ngjyrë nude, transmeton Telegrafi.

Për aksesorë, Jenner zgjodhi vathët e saj karakteristikë – kombinim i vathëve me diamante Maria Tash dhe unazave në vesh. Manikyri i saj “almond French” shërbente si një aksesor më vete. Nuk u bë e ditur se cilat këpucë kishte zgjedhur për këtë paraqitje, por duke e njohur, me gjasë ka vazhduar “serinë” e saj me flip-flop-et luksoze Manolo Blahnik me takë të ulët.

Pamjet në Instagram treguan se lista e të ftuarve ishte e kufizuar – jo më shumë se 20 miq e familjarë të afërt rreth tavolinës. Përkrah festueses kryesore, Hailey dhe Justin Bieber u panë buzëqeshur gjatë këngës “Happy Birthday”. Hailey, themeluese e markës Rhode, ndoqi po ashtu frymën retro-italiane me një fustan të bardhë, të shkurtër, me supe të zbuluara dhe me pika të zeza. Si edhe Jenner, ajo kishte një bust të mbledhur dhe mëngë të grumbulluara, me efekt gjysmë-transparent. Edhe pse fustani nuk u identifikua ende, çanta e telefonit të saj ishte qartë nga koleksioni Rhode në të verdhë limoni, një tjetër inspirim ushqimor i saj i fundit.

Të zgjedhësh një veshje për ditëlindje që të jetë verore nuk është detyrë e lehtë. Por Kylie Jenner gjithmonë di t’i kthehet paletës së saj të sigurt. Vitin e kaluar, ajo pushonte në Karaibe me një bluzë të zezë me shpinë të hapur. Këtë vit, seti me dantellë ishte më “hot” dhe, me siguri do të frymëzojë të gjitha Luaneshat tjera ta ndjekin shembullin e saj. /Telegrafi/

The post Veshja transparente me dantellë e Kylie Jenner për ditëlindjen e 28-të – e denjë për Rivierën Italiane appeared first on Telegrafi.

Mos e bëni këtë gabim me lulet tuaja, ndryshe nuk do të çelin

Ndonjëherë, pavarësisht përpjekjeve tona, ujitjes së rregullt, plehërimit dhe kujdesit të përditshëm, lulet vazhdojnë të refuzojnë të çelin. Edhe kur mendojmë se po bëjmë gjithçka siç duhet, ka shumë gjasa që pa vetëdije po përsërisim një gabim që i pengon bimët të arrijnë potencialin e tyre të plotë.

Dashamirët e kopshtarisë e dinë mirë se duhet shumë punë për t’i dhënë hapësirës së jashtme pamjen më të mirë. Kjo është veçanërisht e vërtetë gjatë muajve të verës, kur kalojmë më shumë kohë duke shijuar diellin në kopsht. Një gjë që mund të prishë pamjen e përgjithshme është kur lulet nuk çelin siç duhet.

Sipas Michaelit, i njohur si “Kopshtari Mesdhetar” në TikTok, një gabim i zakonshëm mund të jetë pikërisht fajtori. Në një video të fundit, ai tha se njerëzit e bëjnë këtë gabim “gjithë kohën” dhe lidhet me mënyrën se si hiqni lulet e thata nga bimët.

Heqja e luleve të thata do të thotë largimi i luleve të vdekura ose të vyshkura për t’i dhënë bimës mundësinë të çelë më shumë dhe më bukur. Edhe pse tingëllon e thjeshtë, një gabim që shumë njerëz bëjnë mund të ketë efekt të kundërt.

Duke e bërë demonstrimin, Michaeli shpjegoi: “Heqja e luleve të vyshkura nuk është e njëjta gjë me prerjen e të vyshkurave dhe nuk do të inkurajojë rritjen e më shumë luleve.” Ai theksoi se kur hiqni vetëm petalet (fletët ngjyrë të lules) me dorë, mbetet pjesa e brendshme që prodhon farat (sythi). Kjo i tregon bimës se ka përmbushur ciklin e saj dhe nuk ka nevojë të prodhojë më shumë lule, transmeton Telegrafi.

. #gardening ♬ original sound – Michael – Gardening tips

Si të bëni heqjen e luleve të vyshkura siç duhet

Fatmirësisht, është shumë e lehtë të shmangni këtë gabim dhe nuk ju duhen as gërshërë kopshti. Sipas Michaelit, mjafton të përdorni gishtin e madh dhe treguesin për të kapur me kujdes dhe saktësi gjithë kokën e lules, duke e hequr të plotë në një tërheqje, në vend që të hiqni vetëm petalet.

Këtë mund ta bëni me çdo lule që duket e zbehur ose e tharë. Është një mënyrë e shkëlqyer për t’i dhënë bimës një nxitje dhe për të stimuluar rritjen e luleve të reja. Sa shpesh duhet ta bëni varet nga lloji i bimës: për disa mund të jetë çdo ditë (si te lulet e verës në saksitë e jashtme), ndërsa për të tjera (si bimët shumëvjeçare) mjafton një herë në javë.

Sipas Shoqatës Mbretërore të Hortikulturës, është më mirë të hiqni çdo lule që fillon të vyshket sa më shpejt, pavarësisht stinës. Por nëse nuk keni kohë për ta bërë shpesh, mos u shqetësoni – një vonesë prej disa ditësh apo edhe një jave nuk do të ndikojë shumë në shëndetin dhe bukurinë e luleve tuaja. /Telegrafi/

The post Lulet nuk po çelin? Ndoshta po dëmtoni sythat – pa e kuptuar appeared first on Telegrafi.

Çfarë do të thotë të kesh gjinjtë me densitet të lartë, si ndikon kjo në skrining dhe kur duhet të filloni kontrollet e rregullta?

Shëndeti i gjirit është pjesë e rëndësishme e shëndetit të përgjithshëm të çdo gruaje, por shumë ende nuk janë të vetëdijshme se çfarë do të thotë të kesh gjinjtë me densitet të lartë dhe si kjo mund të ndikojë në zbulimin e kancerit. Sipas fjalëve të Dr. Aditya Vidushi, specialiste onkologjie dhe shefe e Departamentit III në spitalin Asian në Nju Delhi, gjinjtë me densitet të lartë janë shumë të zakonshëm dhe, vetë në vetvete, nuk janë arsye për shqetësim, por kërkojnë më shumë kujdes.

Çfarë janë gjinjtë me densitet të lartë?

Kjo thjesht do të thotë se në gjinj ka më shumë ind të fortë – gjëndëror dhe lidhës dhe më pak ind dhjamor. Kjo është shumë e zakonshme dhe normale tek shumë gra, ndërsa nuk përbën asnjë anomali. Megjithatë, gratë me këtë strukturë gjiri duhet të kontrollojnë gjoksin e tyre më rregullisht, shpjegon Dr. Vidushi.

Me fjalë të tjera, densiteti i gjirit i referohet përbërjes së indit të gjirit. Densiteti më i lartë nuk mund të ndjehet me prekje, por zbulohet përmes mamografisë. Gjinjtë me densitet të lartë kanë më shumë ind gjëndëror dhe lidhës dhe më pak dhjam, gjë që mund ta vështirësojë dallimin e ndryshimeve si nyjet ose tumoret në imazhet e mamografisë, transmeton Telegrafi.

Pse është më e vështirë të zbulohet kanceri tek gjinjtë me densitet të lartë?

Sipas të dhënave të Shoqatës Amerikane për Luftën kundër Kancerit (American Cancer Society -ACS), gratë me strukturë gjiri të dendur kanë rrezik më të lartë për kancer të gjirit krahasuar me ato që kanë ind më pak të dendur. Përveç kësaj, indi i dendur e vështirëson punën e radiologëve për të zbuluar kancerin në mamografi.

– Tek gjinjtë me densitet të lartë, si indi normal ashtu edhe tumori i mundshëm duken të bardhë në imazhin e mamografisë, ndaj mjekët shpesh nuk mund të dallojnë ndryshimet e vogla, pasi ato ‘humbasin’ në densitet. Për këtë arsye, tek këto paciente nevojitet kujdes i shtuar, veçanërisht gjatë kontrolleve parandaluese për kancerin e gjirit, shpjegon Dr. Vidushi.

Meqenëse si tumori ashtu edhe indi i dendur duken në mënyrë të ngjashme në mamografi, ndryshimet mund të mbeten të pazbuluara. Për këtë arsye, është e rëndësishme që gratë me gjinj të dendur të bisedojnë me mjekun e tyre për mundësitë shtesë të skriningut, këshillon ajo.

Mamografia dhe kontrollet shtesë

Pavarësisht kufizimeve, Dr. Vidushi thekson se mamografia mbetet ende një mjet kyç.

– Mamografia e zakonshme ende mund të zbulojë shumë ndryshime tek gjinjtë me densitet të lartë. Mund të mos japë një pamje të plotë, por mund të tregojë shenjat e hershme të problemeve. Prandaj nuk duhet anashkaluar edhe nëse nuk e zbulon gjithçka, mund të jetë një hap i parë i rëndësishëm, thekson ajo, duke shtuar:

– Krahas mamografisë, mjeku mund të rekomandojë ekon e gjirit ose edhe rezonancën magnetike (MRI), nëse është e nevojshme. Ekoja përdoret shpesh dhe ndihmon për të parë më qartë nëpër indin e dendur, ndërsa, në varësi të moshës, rrezikut dhe faktorëve të tjerë shëndetësorë, mjeku do të sugjerojë llojin e kontrollit, thotë mjekja onkologe.

Këto ekzaminime shtesë ofrojnë një pamje më të qartë, veçanërisht tek gratë me rrezik të lartë ose rezultate jo të qarta nga mamografia. Ekoja është jo invazive, lehtësisht e disponueshme dhe ndihmon në zbulimin e nyjeve që nuk shihen në mamografi.

Kur duhet të fillojnë gratë me gjinj të dendur kontrollet?

Dr. Vidushi thekson rëndësinë e kontrolleve të hershme, sidomos tek gratë me rrezik të shtuar.

– Rekomandimi i përgjithshëm është që gratë të fillojnë kontrollet e rregullta të gjirit nga mosha 40 vjeç. Megjithatë, nëse ka histori familjare të kancerit të gjirit ose dihet se gjinjtë janë të dendur, kontrollet mund të fillojnë që nga mosha 35 vjeç. Zbulimi i hershëm rrit ndjeshëm mundësinë e trajtimit të suksesshëm, përfundon ajo. /Telegrafi/

The post A mund të zbulojë mamografia kancerin tek gjinjtë me densitet të lartë? Onkologia shpjegon faktet kryesore appeared first on Telegrafi.

Rivitalizoni lëkurën dhe përmirësoni vetëbesimin me një rutinë të thjeshtë ditore

Celuliti është një sfidë e zakonshme estetike që prek shumë gra dhe shpesh ndikon në vetëbesimin dhe ndjesinë për trupin. Por, nuk është e nevojshme të mbështeteni tek kremrat, xhelët apo trajtimet e shtrenjta që premtojnë rezultate të shpejta. E vërteta është se një rutinë e thjeshtë ushtrimesh, e kombinuar me zgjedhje të shëndetshme ushqimore, mund të bëjë ndryshime të dukshme.

Në vetëm 10 minuta në ditë, këto ushtrime janë krijuar për të targetuar zonat ku celuliti është më i shpeshtë – si kofshët, vithet dhe pjesa e poshtme e trupit. Ato jo vetëm që tonifikojnë dhe forcojnë muskujt, por gjithashtu përmirësojnë qarkullimin e gjakut dhe ndihmojnë në reduktimin e yndyrës së tepërt nën lëkurë, duke e bërë lëkurën tuaj më të fortë dhe më të lëmuar.

Për t’i kryer këto ushtrime, ju duhet vetëm një shirit elastik, i cili është një pajisje e thjeshtë por shumë efektive për të shtuar rezistencë dhe për të maksimizuar efektin e çdo lëvizjeje, transmeton Telegrafi.

Përveç ushtrimeve, mos harroni të mbani një dietë të ekuilibruar, të pasur me ushqime anti-inflamatore, siç janë perimet jeshile, fruta të freskëta dhe ujë i mjaftueshëm për të ndihmuar në largimin e toksinave që ndikojnë në formimin e celulitit.

Nuk ka nevojë të kaloni orë të tëra në palestër; këto ushtrime të përqendruara do t’ju ndihmojnë të përmirësoni dukshëm gjendjen e lëkurës, duke përgatitur trupin për sezonin e verës dhe duke rritur besimin në veten tuaj.

Filloni sot dhe përjetoni transformimin gradual që do të sjellë jo vetëm pamjen e jashtme, por edhe mirëqenien tuaj të përgjithshme.

Telegrafi/

The post 10 minuta në ditë kundër celulitit – ushtrime që transformojnë lëkurën tuaj appeared first on Telegrafi.

Si të përdorni kupën menstruale në mënyrë të sigurt dhe çfarë të bëni në rast harrese

Kupat menstruale janë zgjidhje të përshtatshme dhe ekologjike për menaxhimin e menstruacioneve, të cilat mund të qëndrojnë brenda trupit për orë të gjata, duke u ndjerë të rehatshme dhe të sigurta. Megjithatë, përdorimi i tyre kërkon kujdes dhe disiplinë për të shmangur komplikacionet shëndetësore.

Koha e rekomanduar e përdorimit dhe rreziqet e mbajtjes së zgjatur

Ekspertët gjinekologë rekomandojnë që kupat menstruale të hiqen brenda 8 deri në 12 orësh, në varësi të rrjedhjes dhe materialit të kupës. Kupat prej silikoni, materiali më i zakonshëm sot, mund të qëndrojnë deri në 12 orë pa rrezik të madh, ndërsa kupat prej materiale të tjera mund të kërkojnë heqje më të shpeshtë.

Mbajtja e kupës për më shumë kohë se rekomanduar mund të shkaktojë grumbullim të baktereve dhe rritje të rrezikut për infeksione, përfshirë edhe sindromën e shokut toksik (TSS), një gjendje serioze, edhe pse e rrallë, transmeton Telegrafi.

Çfarë të bëni në rast se harroni ta hiqni kupën?

Nëse e keni harruar dhe ka kaluar koha e rekomanduar:

Nxirrni kupën menstruale menjëherë dhe pastrojeni me ujë të ngrohtë dhe sapun të butë antibakterial.

Përdorni pastrues të posaçëm për kupat menstruale nëse dëshironi, të cilët janë të sigurta dhe ndihmojnë në largimin e mbetjeve.

Sterilizoni kupën duke e zier në ujë të valë për 3-5 minuta ose duke përdorur kuti sterilizimi me avull (p.sh. në mikrovalë).

Kupat menstruale nuk janë absorbues, kështu që nuk ofrojnë një ambient të favorshëm për baktere si tamponët, por mbajtja për periudha shumë të gjata (disa ditë) mund të çojë në rritje të baktereve dhe irritime.

Si të parandaloni problemet dhe të përdorni kupën në mënyrë të sigurt?

Vendosni një kujtesë në telefon ose përdorni aplikacione për menaxhimin e menstruacioneve që ju paralajmërojnë për heqjen e kupës.

Nëse keni rrjedhje të forta, mos e lini kupën më shumë se 8 orë.

Pasi ta hiqni, shpëlajeni me ujë të ngrohtë para se ta rivendosni.

Pas çdo cikli menstrual, bëni një pastrim më të thellë duke e zier kupën për sterilizim.

Kontrolloni kupën për dëmtime, çarje ose shenja të ndryshme; nëse e vëreni, zëvendësojeni menjëherë.

Simptomat që nuk duhet t’i injoroni

Nëse pas përdorimit të kupës përjetoni ndonjë nga këto simptoma, kontaktoni menjëherë mjekun:

Dhimbje të forta abdominale ose pelvike
Ethe të larta ose dridhje
Shkarkime me erë të keqe ose ngjyrë jo normale
Dhembje gjatë urinimit
Dëmtim ose irritim i zonës intime

Përfitimet e kupës menstruale në krahasim me tamponët dhe peshqirët higjenikë

Kupat menstruale janë më ekologjike, sepse janë të ripërdorshme dhe zvogëlojnë mbetjet plastike. Gjithashtu, ato mund të qëndrojnë më gjatë brenda trupit pa rrezik të thatësisë apo irritimit që shpesh shkaktojnë tamponët. Megjithatë, përdorimi i tyre kërkon njohuri dhe kujdes të veçantë për higjienën dhe kohën e heqjes.

Mbajni mend!

Për ta përdorur kupën menstruale në mënyrë të sigurt dhe të shëndetshme, është thelbësore që t’i respektoni udhëzimet për kohën e mbajtjes dhe higjienën.

Vendosni mekanizma që t’ju ndihmojnë të mos harroni heqjen, pastroni dhe sterilizoni rregullisht kupën, dhe mos neglizhoni asnjë simptomë të dyshimtë. Kjo do t’ju lejojë të përfitoni nga përparësitë e kësaj metode natyrale dhe ekonomike pa rrezikuar shëndetin tuaj. /Telegrafi/

The post Çfarë duhet të bëni nëse harroni ta hiqni kupën menstruale për një periudhë më të gjatë? appeared first on Telegrafi.

Një recetë e lehtë që kombinon shijen delikate të troftës me aromat e freskëta të limonit dhe erëzave

Përbërësit:

2 fileto trofte të freskëta (rreth 150-180 gr secila)
1 limon (lëngu + lëkura e grirë)
2 thelpinj hudhër, të grirë hollë
2 lugë gjelle vaj ulliri ekstra virgjin
kripë dhe piper i zi i sapobluar
1 degë rozmarinë e freskët ose rigon
1 kungulleshkë e vogël, i prerë në feta të holla
1 karotë, e prerë në shirita
10 kokrra domate qershi, të prera në gjysmë
1 degë selinoje e freskët, e grirë hollë (opsionale)
1 tufë majdanoz i freskët, i grirë për zbukurim
50 ml verë e bardhë (opsionale)

Përgatitja:

Përgatitja e peshkut:

Lani dhe thajeni mirë filetat e troftës me letër kuzhine.

Në një tas të vogël, përzieni vajin e ullirit, hudhrën e grirë, kripën, piperin, lëngun dhe lëkurën e limonit dhe rozmarinën (ose rigonin).

Lyejini filetat nga të dyja anët me këtë marinadë dhe lëreni të marinohen për 15-20 minuta në temperaturë ambienti.

Përgatitja e perimeve:

Vendosni kungulleshkën, karotën dhe domatet qershi në një tavë të madhe pjekjeje. Spërkatini me pak vaj ulliri, kripë dhe piper.

Nëse përdorni, shtoni edhe selinon e grirë. Përziejini mirë që të përhapen erëzat.

Piqini në furrë të nxehur më parë në 200°C për rreth 15 minuta derisa të zbuten.

Pjekja e troftës:

Shtoni filetat e marinuara mbi perimet e pjekura në tavë.

Nëse dëshironi, hidhni mbi to verën e bardhë për aromë shtesë.

Piqini në furrë në 180°C për 12-15 minuta, derisa mishi i peshkut të jetë i bardhë dhe lehtësisht i ndarë me pirun.

Shërbimi:

Nxirrni nga furra dhe spërkatni me majdanozin e freskët.

Shërbejeni menjëherë, mundësisht me një gotë verë të bardhë të freskët.

Si garniturë mund të shërbeni edhe një sallatë të freskët me rukola dhe limon ose një pure të lehtë patatesh.

Këshilla:

Për një aromë më të thellë, mund t’i shtoni edhe pak arrëmyshk të grirë në marinadë.
Nëse preferoni, mund ta zëvendësoni verën me lëng limoni ose supë perimesh.

Ju bëftë mirë, – transmeton Telegrafi.

The post Troftë në furrë me salcë limoni dhe garniturë perimesh appeared first on Telegrafi.

Këshilla praktike për ta bërë kontrollin dentar pa stres

Shumë fëmijë përjetojnë ankth kur dëgjojnë fjalën “dentist”. Kjo është krejt e kuptueshme për ta, kontrolli dentar është një situatë e panjohur, që shpesh lidhet me frikën nga dhimbja ose tingujt e pajisjeve.

Por lajmi i mirë është se, me qasje të duhur dhe përgatitje të hershme, kjo frikë mund të mos zhvillohet fare. Prindërit kanë një rol kyç për ta kthyer vizitën te dentisti në një eksperiencë të zakonshme, madje edhe pozitive.

Nëse fëmija ka pasur përvoja të këqija më parë, mos e detyroni menjëherë në një kontroll të plotë. Filloni me vizita të shkurtra “njohjeje” në klinikë, vetëm për t’u ulur në karrige dhe për të parë pajisjet, pa ndërhyrje mjekësore. Kjo metodë graduale ndihmon që frika të shuhet me kohë, transmeton Telegrafi.

Më poshtë gjeni disa strategji të thjeshta dhe praktike që funksionojnë në çdo moshë:

1. Filloni herët

Specialistët e shëndetit oral sugjerojnë që fëmijët të bëjnë kontrollin e parë dentar rreth moshës 1-vjeçare. Vizitat e hershme ndihmojnë fëmijën të ambientohen me mjedisin e klinikës dhe ta shohin si një gjë të zakonshme, jo si diçka për t’u frikësuar.

2. Zgjidhni një dentist pediatrik

Një dentist i specializuar për fëmijë ka jo vetëm njohuritë mjekësore, por edhe mjetet e duhura për të krijuar atmosferë miqësore: dhoma me ngjyra të gjalla, lodra, dekor argëtues dhe komunikim të përshtatur për moshën e fëmijës. Kjo bën diferencë të madhe në mënyrën si ata e përjetojnë vizitën.

3. Jini shembull pozitiv

Fëmijët vëzhgojnë dhe imitojnë. Nëse ju shfaqni frikë ose tregoni histori negative për vizitat tuaja, ka gjasa që ata ta marrin këtë si një sjellje normale. Flisni me tone pozitive dhe tregoni se kujdesi dentar është pjesë e zakonshme e jetës.

4. Inkurajoni pyetjet

Kur fëmija ka mundësi të pyesë dhe të marrë përgjigje, ndjenja e pasigurisë zvogëlohet. Nëse është kureshtar për instrumentet, kërkoni që dentisti t’ia tregojë dhe t’i shpjegojë me fjalë të thjeshta funksionin e tyre. Librat me ilustrime dhe videot edukative janë gjithashtu mjet i shkëlqyer për t’i përgatitur.

5. Shpjegoni rëndësinë e kujdesit oral

Kur fëmija kupton pse duhet të kujdeset për dhëmbët, për shembull, për të pasur një buzëqeshje të bukur, për të ngrënë ushqimet që pëlqen pa dhimbje, ai bëhet më bashkëpunues gjatë kontrollit.

6. Krijoni imazh pozitiv për dentistin

Përdorni fjali motivuese si: “Dentisti do të gëzohet shumë kur të shohë sa bukur po i pastron dhëmbët”. Kjo e ndihmon fëmijën ta shohë dentistin si mik dhe jo si kërcënim.

7. Shpërbleni guximin

Pas një vizite të suksesshme, lavdërojeni fëmijën për guximin dhe sjelljen e mirë. Një shpërblim i vogël, si një libër me ngjyrosje ose një aktivitet i preferuar, mund të përforcojë ndjenjën pozitive ndaj kontrolleve të ardhshme. /Telegrafi/

The post Si ta bëni vizitën te dentisti një përvojë pa frikë për fëmijët appeared first on Telegrafi.

Raporti analizon ujërat për not në 22,127 lokacione në 27 vende anëtare, përfshirë Shqipërinë dhe Zvicrën

Nëse po mendoni të gjeni sa më shpejt një plazh për t’u larë, dy vendet evropiane me ujë jashtëzakonisht të pastër nuk do t’ju vijnë të parat në mendje.

Ndoshta nuk do t’ju vijnë fare në mendje, por ndoshta duhet.

Çfarë po ndodh me një fshat në Alpe që është fshirë plotësisht nga harta? Banorët përballen me një vendim të dhimbshëm.

Agjencia Evropiane për Mbrojtjen e Mjedisit (EEA) ka publikuar një vlerësim të ri mbi pastërtinë e ujërave në Evropë gjatë sezonit të verës, ku Sllovenia dhe Lituania kanë zënë vendin e parë për cilësinë.

Raporti analizon ujërat për not në 22,127 vende në 27 vende anëtare, përfshirë Shqipërinë dhe Zvicrën. Sipas raportit, 85 për qind e vendeve të testuara kanë përmbushur kushtet dhe kanë marrë vlerësimin “shkëlqyeshëm”.

Lokacionet përfshijnë plazhe, lumenj, liqene dhe vende të tjera ku mund të laheni gjatë verës, ndërsa mostrat janë testuar për baktere. U konstatua se uji i detit kishte cilësi më të mirë se uji i lumenjve apo liqeneve.

Duhet theksuar se, edhe pse Sllovenia dhe Lituania dolën mirë në renditje, në këto dy vende është testuar një numër relativisht i vogël vendesh – 21 në Slloveni dhe 16 në Lituani, transmeton Telegrafi.

Edhe pse ka dalje të shkurtër në Detin Adriatik, Sllovenia ka arritur të mbajë cilësi të lartë në të gjitha 21 vendet e testuara. Ky rezultat lidhet me menaxhimin e rreptë të mbetjeve, monitorimin e vazhdueshëm dhe mungesën e industrisë së rëndë pranë bregdetit.

Përveç ujit të pastër, vizitorët mund të shijojnë destinacionet bregdetare si Pirani, Portorozhi dhe Izola, të njohura për arkitekturën mesdhetare, kuzhinën e pasur dhe atmosferën e qetë.

Nga ana tjetër, Lituania, nga 16 vendet e testuara, Lituania gjithashtu ka dalë me cilësi të lartë të ujit, sidomos në zonat bregdetare të Detit Baltik. Plazhet e Palangës, Neringës dhe Klaipedës ofrojnë jo vetëm ujë të pastër, por edhe peizazhe të veçanta me dunat e rërës dhe pyjet bregdetare.

Sipas Raportit Botëror të Lumturisë, Lituania është shpallur vendi më i lumtur në Evropë për të rinjtë nën 30 vjeç, një faktor që reflektohet edhe në energjinë pozitive të qyteteve bregdetare. /Telegrafi/

The post Dy vende në Evropë me ujin më të pastër për not – kënaqësia pranë plazhit ju pret appeared first on Telegrafi.

Simbolet e zodiakut që kërkojnë vëmendje të veçantë për shkak të natyrës së tyre

Çdo shenjë horoskopi ka cilësitë dhe dobësitë e veta, por disa prej tyre kanë nevojë për trajtim të veçantë dhe shpesh nuk funksionojnë mirë pa këtë. Ndërsa shfrenimi nuk është gjithmonë diçka negative, shpesh është shprehje e nevojës për vëmendje, ngrohtësi ose një vetëdije e lartë për veten – tek disa shenja është veçanërisht e dukshme dhe ndikon në mënyrën si lidhen me të tjerët.

Mos i nënvlerësoni shenjat e zodiakut, secila ka karakteristikat e saj unike dhe mënyrën e vet të kërkimit të vëmendjes.

Luani

Luani pëlqen të jetë në qendër të vëmendjes dhe privilegjet janë pjesë e natyrshme e tij. Ai gjithmonë pret që të trajtohet me admirim dhe respekt, madje edhe kur nuk ka arsye të dukshme. Nëse ndjen se nuk po i kushtohet vëmendja e duhur, mërzitet dhe ofendohet. Ai thjesht adhuron luksin, shkëlqimin dhe ekskluzivitetin dhe pret të trajtohet si një person me status të veçantë, sepse beson se e meriton këtë.

Dashi

Dashi gëzon gjërat e mira dhe rutinën, ndërsa e ka vështirësi të pranojë ndryshimet që prishin ndjenjën e tij të sigurisë. Kur diçka nuk i pëlqen, nuk heziton ta shprehë hapur. Lakmia e Dashit shpesh manifestohet në nevojën për komoditet material: një vakt i mirë, një shtrat i butë dhe qetësi. Çdo gjë më pak prej kësaj e sheh si një sulm ndaj paqes së tij, transmeton Telegrafi.

Gaforrja

Edhe pse përshkruhet si e butë dhe e kujdesshme, Gaforrja është emocionalisht shumë e prirur për t’u mbrojtur. Nëse ndjen se nuk po i jepet dashuri dhe mbështetje e mjaftueshme, tërhiqet dhe mërzitet, shpesh pa treguar se çfarë e ka prekur. Ndjeshmëria e saj e theksuar e bën të marrë gjithçka shumë personalisht, dhe pastaj vepron sikur bota duhet të përshtatet me emocionet e saj.

Peshorja

Peshoret duan harmoni dhe estetikë, por edhe që t’u plotësohen dëshirat. Shpesh presin që të tjerët të marrin vendime për ta, t’i përkëdhelin dhe që gjithçka rreth tyre të duket perfekte. Peshorja vështirë pranon kompromise nëse nuk ndjen se po fiton diçka. Edhe pse duket e qetë, mund të bëhet shumë pasive-agresive kur gjërat nuk shkojnë sipas dëshirës së saj.

Peshqit

Peshqit janë ëndërrimtarë, emocionalë dhe të thellë, por edhe të prirur për dramë kur ndihen të keqkuptuar. Tekat e tyre nuk janë materiale, por emocionale, ata kërkojnë vëmendje të vazhdueshme, ngrohtësi dhe kuptim. Nëse i injoroni ose nuk u jepni hapësirë për të shprehur emocionet, mund të ofendohen dhe “zhduken” në botën e tyre të heshtjes dhe trishtimit. /Telegrafi/

The post Mendojnë se gjithçka duhet të jetë sipas tyre: Pesë shenjat më të ‘përkëdhelura’ të horoskopit appeared first on Telegrafi.

Me vetëm një balon në sifon, mund të shmangni një shqetësim të shpeshtë në ambientet tuaja të banjës

Të hyni në shtëpi në çdo orë të ditës apo natës dhe të shihni inseket që ecin lirshëm brenda ambientit shtëpiak sigurisht nuk është aspak e këndshme. Prandaj, të gjithë kërkojnë vazhdimisht zgjidhjet më të mira për t’i dhënë fund këtij problemi njëherë e mirë.

Më parë, insektet tjera shfaqeshin kryesisht në verë, kur kërkonin një ambient më të freskët dhe të lagësht për shkak të vapës së madhe. Por tani gjërat kanë ndryshuar dhe ato kërkojnë fshehje të përsosur për të jetuar të qeta gjatë gjithë vitit.

Situata gradualisht po bëhet gjithnjë e më shqetësuese. Në 90% të rasteve, ato shihen në banjë, veçanërisht në kabinën e dushit, vaskë ose lavaman. Këto insekte preferojnë ambient të ngrohtë, të lagësht dhe me ndriçim të dobët ku mund të ushqehen dhe të mbijetojnë, edhe për vetëm disa ditë.

Gjëja e parë që duhet të bëni për të parandaluar ardhjen e tyre është të ruani standardet e duhura të higjienës. Pra, asnjëherë mos lini enë të pista në lavaman, as krimba ose ushqim në tryezë dhe as paketim të hapur në depo, sepse insektet tërhiqen nga aroma që del edhe nga vrima më e vogël në shtëpi.

Pas kësaj, duhet të përdoren metoda efikase dhe 100% të sigurta, që nuk nënkupton domosdoshmërisht përdorimin e kimikateve, pasi ato mund të jenë të rrezikshme për kafshët shtëpiake dhe shëndetin e njerëzve.

Ndryshe nga sa mendohet, zbardhuesi nuk jep rezultat. Nuk mjafton të dezinfektoni shtëpinë, duhet të luftoni praninë e tyre duke vepruar drejtpërdrejt nëpër tubacione për t’ua vështirësuar kalimin, transmeton Telegrafi.

Si ta zgjidhni këtë problem?

Mjafton të vendosni një balon në sifon të dyshemesë, ta prerë në fund ose nga pjesa ku fryhet. Prerja lejon kalimin e ujit, por ngushton hapjen e kanalit nga ku insektet dalin në çdo stinë të vitit.

Ky zgjidhje mund të aplikohet në çdo kanal në shtëpi ku është e mundur. Kur tualetet nuk përdoren, është mirë që kanalizimet të mbyllen me kapakë të përshtatshëm. Nga çdo sifon, madje edhe nga lavamani, dalin erëra të pakëndshme që mbushin shtëpinë për disa minuta, duke krijuar një ambient aspak të këndshëm.

/Telegrafi/

The post Një balon i thjeshtë që zgjidh problemin më të bezdisshëm në banjë appeared first on Telegrafi.