Heyy njerëz, Arbana Osmani do të rikthehet sërish pranë jush! Moderatorja ka ndarë me ndjekësit së fundmi lajmin e mirë se sezoni i dytë i “Mirëmbrëma yje” do të nisë së shpejti.

Ndryshe nga sezoni i parë, ky sezon do të mbahet në një shtëpi të re, me më shumë të ftuar dhe me shumë supriza.

“A jeni gati? Sezoni i dytë i “Mirëmbrëma yje” nis së shpejti në një shtëpi të re, me më shumë të ftuar, me më shumë të papritura…

Klikoni “Subscribe” në kanalin tim në Youtube për të mos humbur programin që bën bashkë yjet, ashtu siç nuk i keni parë kurrë më parë. Sa qejf që do shihemi sërish, më shpesh dhe më gjatë. Ju dua”, shkruan Arbana.

Kujtojmë se sezoni i parë i “Mirëmbrëma yje” u prit mjaft mirë nga shikuesit dhe fansat e Arbanës të cilët u “çmallën” me moderatoren e cila prej muajsh ishte larg ekranit.

Shumë të ftuar, shumë tregime, lot, buzëqeshje dhe këngë e valle u përcollën përmes puntatave të sezonit të parë.

The post Arbana Osmani shumë shpejt pranë shikuesve! Moderatorja paralajmëron surpriza me “Mirëmbrëma Yje” appeared first on Albeu.com.

INSTAT raportoi se në tremujorin e dytë të vitit 2025, janë miratuar 352 leje ndërtimi për ndërtesa të reja, duke shënuar një ulje prej 0,6 %, krahasuar me të njëjtën periudhë të vitit 2024, ku u miratuan 354 leje.

Po sipas INSTAT, sipërfaqja totale e parashikuar për ndërtimet në këtë tremujor, është 278.389 m², duke shënuar një ulje prej 67,0 %, në krahasim me tremujorin e dytë të vitit 2024 (844.137 m²). Vlera e përafërt e projekteve të miratuara (që përfshin si ndërtesat ashtu edhe punimet inxhinierike) arriti në 18,4 miliardë lekë, duke shënuar një ulje prej 45,5 %, krahasuar me një vit më parë (33,7 miliardë lekë). Qarku i Durrësit mban peshën kryesore me 156 leje ndërtimi të reja dhe sipërfaqe ndërtimi 129.617 m². Ka rritje domethënëse e vlerës së projekteve ndërtimore u regjistrua në qarqet Durrës, Korçë dhe Shkodër.

Megjithatë, të dhënat e INSTAT nuk tregojnë situatën reale. Vetë instituti i statistikave sqaron se Botimi i statistikave mbi lejet e ndërtimit mbështetet aktualisht vetëm në të dhënat e siguruara nga bashkitë, të cilat janë autoritetet kryesore për dhënien dhe raportimin e këtyre lejeve. Megjithatë, VKM nr. 408, datë 13.5.2015 “Për miratimin e rregullores së zhvillimit të territorit”, i ndryshuar, përcakton se në procesin e miratimit të lejeve të ndërtimit përfshihen edhe institucione të tjera përgjegjëse, përveç bashkive. Duke qenë se ende nuk ka një raportim të standardizuar dhe të plotë nga të gjitha këto ente pranë INSTAT, të dhënat e publikuara për tremujorin e dytë bazohen vetëm në burimet bashkiake. Për këtë arsye, publikimi aktual nuk mund të krahasohet plotësisht me periudhat e ardhshme, deri në momentin që të gjitha institucionet përgjegjëse do të përfshihen në mënyrë të unifikuar në procesin e raportimit statistikor.

Gjatë vitet të fundit Këshilli Kombëtar i Territorit që është institucioni kryesor që jep lejet për projektet e mëdha dhe ndërtesat shumëkatëshe ka dhënë leje të shumta, si për qiell gërvishtës në kryeqytet, ashtu dhe resortet turistike në bregdet. Këto të dhënat duket se mbahen “sekret” dhe do të duhet kohë që të kuptohet situata reale me ndërtimet në vend.

Në vitin 2024, vetëm në kryeqytet u dha për leje ndërtimi një sipërfaqe rekord prej gati 2 milionë metra katror, më i madhi historik për kryeqytetin. Këto leje duan të paktën 1-2 vjet kohë që të reflektohen në punime në terren. Që nga viti 2018, kur ka filluar vala e re e ndërtimeve në kryeqytet janë dhënë mbi 10 milionë metra katror leje ndërtimi. Ndërkohë projekte të tjera pritet të fillonë bazuar në lejet e fundit të dhëna nga Këshillit Kombëtar i Territorit./ Monitor

The post Ndërtime kudo, por Institucionet “fshehin” lejet, raportohen vetëm bashkitë appeared first on Albeu.com.

Semi Jaupaj ka zgjedhur të ndajë me ndjekësit një moment të ngarkuar me simbolikë.

Ajo ka postuar një foto me dy trëndafila të kuq, por ndryshe nga ç’pritet zakonisht, ata nuk ishin të shoqëruar me mesazhe romantike.

Në vend të tyre, Semi kishte shkruar “Grua e pavarur”.

Ky detaj të lë të kuptosh se lulet nuk ishin dhuratë nga një partner, por një zgjedhje e vetë këngëtares për të afirmuar fuqinë dhe pavarësinë e saj.

Për më tepër, sfondi muzikor i postimit ishte kënga “Flowers” e Miley Cyrus, ku dëgjohet vargu i njohur “Unë mund t’i blej vetes lule”, një mesazh i qartë për vetëdashurinë dhe refuzimin për të varur lumturinë tek dikush tjetër.

The post FOTO/ Trëndafila për Semi Jaupajn me një mesazh ndryshe appeared first on Albeu.com.

Mbrëmjen e sotme, rreth orës 19:00, një vatër zjarri ka shpërthyer në një zonë me shkurre dhe pemë në afërsi të banesave në fshatin Kodër Lumë, pjesë e njësisë administrative Shtiqën.

Reagimi i menjëhershëm i banorëve që njoftuan autoritetet, si dhe ndërhyrja profesionale e forcave zjarrfikëse nga Kukësi, bëri të mundur shuarjen e flakëve në kohë të shkurtër, duke parandaluar përhapjen e mëtejshme të zjarrit dhe rrezikun për banesat e afërta.

Sipas informacioneve nga vendngjarja, zjarri përfshiu një sipërfaqe me bimësi të thatë, por fatmirësisht nuk shkaktoi dëme në ndërtesa apo rrezik për jetën e banorëve, falë veprimit të koordinuar të zjarrfikësve.

The post Kukës, ndalohet në kohë përhapja e zjarrit të rënë në Kodër Lumë appeared first on Albeu.com.

75-vjeçari i cili është gjetur i pajetë dhe i dekompozuar në banesën e tij në Korçë është identifikuar. Viktima ëshë Islam Fixha. Vëllai i 75-vjeçarit është shprehur se ai kishte probleme kardiake dhe trajtohej me kemp.

Ai shtoi se i vëllai jetonte i vetëm dhe se nuk kishin pasur komunikim prej muajsh. Në qershor të këtij viti, ka qenë bashkëshortja e viktimës që ka kallëzuar pranë komisariatit të Korçës se kishte humbur kontaktet me bashkëshortin e saj. Sipas të dhënave të para nga hetimet dhe analizat mjeko-ligjore, dyshohet se i moshuari vuante nga probleme të kujtesës dhe ka ndërruar jetë për shkaqe natyrale.

The post EMRI/ U gjet i dekompozuar brenda banesës së tij në Korçë, identifikohet 75-vjeçari appeared first on Albeu.com.

Kryeministri Edi Rama përmes një postimi në “X” ka reaguar në lidhje me deklaratën e KLGJ-së për akuzat që ai ka hedhur ndaj gjyqtarëve që kanë dhënë vendimet për subjektet e ndërtuara pa leje në hapësira publike. Rama në reagim është shpehu se e ka lexuae me vëmendjen reagim teksa theksoi se kjo deklaratë e KLGJ-së ka ardhur pasi ai ka folur lidhur me disa vendome skandaloze të gjyqtarëve.

Ai u shpreh se KLGJ ka harruar se roli i saj themelor është të shqetësohet për cilësinë e drejtësisë, si edhe të garantojë publikun se vendimet që merren nga gjykatësit. Nga reagimi i KLGJ-së, Rama u shpreh se bie dakord me pjesën se çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse. Kryeministri gjithashtu tha se anëtarët e KLGJ nuk duhet të mos harxhojnë kohën e tyre për të gjykuar se si e ai e bën punën

“Lexova reagimin e KLGJ, organi më i lartë i vetëqeverisjes së gjyqësorit, lidhur me çka unë kam ndarë me publikun për disa vendime skandalozisht brutale gjykatësish, të cilët u kanë dalë në mbrojtje të zaptuesve të hapësirës publike, në dëm të rendit ligjor, interesit publik si edhe komuniteteve të cënuara drejtëpërdrejt nga këto vendime.

KLGJ i ka rënë shumë gjatë, duke harruar se roli i saj themelor është të shqetësohet për cilësinë e drejtësisë, si edhe të garantojë publikun se vendimet që merren nga gjykatësit në dëm të tij, nuk kalojnë pa u analizuar dhe gjykatësit nuk janë maliqër që bëjnë ç’të duan me ligjin në emër të pavarësisë.

KLGJ ka harruar gjithashtu se si instanca më e lartë e vetëqeverisjes së gjyqësorit, ka jo vetëm të drejtën po edhe detyrën të marrë seriozisht shqetësimet e palëve të cënuara nga vendime qorre të gjykatësve, të cilat në këtë rast janë të ububushme për nga mungesa e ndjeshmërisë ndaj interesit publik.

KLGJ ka harruar edhe të tjera gjëra më shumë rëndësi, por të paktën ka thënë një të vërtetë që më gjen shumë dakord, duke nënvizuar se “çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse”, gjë për të cilën e kam informuar në çdonjërin nga rastet publikun, se do të bëjmë duke iu drejtuar pikërisht KLGJ dhe ILD si “institucionet përkatëse”.

Duke e mbyllur me kaq për sot, u them anëtarëve të KLGJ të mos harxhojnë kohën e tyre për të gjykuar se si e bëj unë punën për të cilën më ka votuar populli shqiptar – gjykatësi im i përditshëm të cilit unë nuk kam se si të mos ia shpjegoj hapur pse nuk largohen njësoj si të tjerat ca ngrehina të paligjshme në mes të rrugës, që marrin mbrojtjen e pajustifikueshme të ca gjykatësve të pandjeshëm ndaj interesit publik – po të përqëndrohet tek puna e vet, që gjermësot le shumë për të dëshiruar në funksion të Shqipërisë 2030 në BE”, shkruan Rama.

The post “Të shqetësohet për cilësinë e drejtësisë”, Rama i përgjigjet KLGJ-së: Të mos harxhojnë kohën e tyre për të gjykuar se si e bëj unë punën appeared first on Albeu.com.

Turqia ka ndërmarrë një hap të paprecedent duke ndërprerë plotësisht të gjitha marrëdhëniet tregtare dhe ekonomike me Izraelin dhe duke mbyllur hapësirën ajrore për aeroplanët izraelitë, njoftoi të enjten Ministri i Jashtëm turk, Hakan Fidan.

Ky vendim vjen si vazhdim i masave të mëparshme që Ankaraja ka ndërmarrë ndaj Izraelit, në përgjigje të operacioneve ushtarake të këtij të fundit në Rripin e Gazës.

Ndërkohë, mbyllja e hapësirës ajrore turke pritet të ketë pasoja të drejtpërdrejta për fluturimet izraelite në drejtim të vendeve si Gjeorgjia dhe Azerbajxhani, duke zgjatur kohën e udhëtimit me gati dy orë.

Zyrtarë izraelitë janë shprehur skeptikë ndaj seriozitetit të këtij veprimi, duke kujtuar se Turqia më parë ka paralajmëruar ndërprerje të marrëdhënieve ekonomike, por tregtia ka vijuar në mënyrë joformale.

Ndërkohë, në sektorin e transportit detar, autoritetet turke po ushtrojnë presion ndaj agjentëve të portit që të deklarojnë me shkrim se anijet nuk kanë lidhje me Izraelin dhe nuk transportojnë mallra të rrezikshme apo ushtarake të destinuara për këtë shtet. Megjithatë, ende nuk është lëshuar ndonjë dokument zyrtar për këtë udhëzim verbal.

Kjo lëvizje shihet si pjesë e një strategjie më të gjerë të Turqisë për të shtrënguar presionin diplomatik dhe ekonomik ndaj Izraelit për shkak të konfliktit në Gaza.

The post Turqia i mbyll dyert Izraelit, ndërpritet tregtia dhe bllokohet hapësira ajrore appeared first on Albeu.com.

Më 30 gusht 2025, duke filluar nga ora 12:00, jashtë gjirit të Vlorës priten kushte të përkeqësuara hidrometeorologjike me erë 15 m/s dhe dallgë me lartësi 1.0 – 1.5 metra.

Autoritetet detare njoftojnë se do ndalohen nisjet e mjeteve të vogla lundruese dhe të peshkimit drejt detit të hapur. duke nisur nga ora 10:00 e paradites.

Anijet e transportit ndërkombëtar do të operojnë normalisht. Përmirësimi i motit pritet pas orës 08:00 të datës 31 gusht 2025. Njoftim për kushtet hidrometeorologjike detare datë 30.08.2025

Në bazë të parashikimit për situatën hidrometeorologjike të përkeqësuar jashtë gjirit të Vlorës, gjatë datës 30.08.2025 duke filluar nga ora 12:00 datë 30.08.2025, kushtet hidrometeorologjike do të jenë në drejtimin JUG-JUG-LINDJE në forcën deri 5-6bft me shpejtësi ere deri 10-15m/s dhe lartësi dallge nga 1.00 deri 1.50 metra, kërkojmë:

1.Është ndaluar pajisja me leje-nisje e mjeteve të vogla lundruese dhe ato të peshkimit të cilat duan të operojnë jashtë gjirit të Vlorës në det të hapur duke filluar nga ora 10:00 datë 30.08.2025.

2.Të gjithë drejtuesit e mjeteve të vogla lundruese dhe anijeve të peshkimit që operojnë brenda gjirit të Vlorës dhe Himarës të marrin në konsideratë kushtet hidrometeorologjike dhe marrjen e masave për sigurimin e tyre.

3.Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve dhe institucioneve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmërisë së ekuipazhit në mjetet lundruese.

4.Anijet e transportit ndërkombëtar detar do të vazhdojnë të operojnë normalisht sipas destinacioneve përkatëse.

5.Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 08:00 të datës 31.08.2025.

The post Pritet përkeqësimi i motit/ Autoritetet detare në Vlorë: Të shtunën ndalohet lundrimi i mjeteve të peshkimit appeared first on Albeu.com.

Kancelari gjerman, Fiedrich Merz, ka deklaruar së fundmi se lufta e Rusisë në Ukrainë mund të vazhdojë për muaj të tërë pavarësisht përpjekjeve të fundit të SHBA për t’i dhënë fund luftës.

Kancelari gjerman gjatë një bisede me Presidentin e Francës, Emmanuel Macron, u zotua se nuk do ta braktisin kurrë Ukrainën.

Friedrich Merz u shpreh se mbajtja e aleatëve të Ukrainës të bashkuar në “koalicionin e vullnetit” është “një nga detyrat tona më urgjente”.

The post Zotohet Friedrich Merz: Lufta në Ukrainë mund të zgjasë, por s’do ta braktisim kurrë appeared first on Albeu.com.

Këshilli i Lartë Gjyqësor, ka reaguar ndaj deklaratave të kryeministrit Edi Rama ndaj gjyqtarëve, lidhur me vendimet që ata kanë dhënë për subjektet e ndërtuara pa leje në hapësira publike.

Në një deklaratë për mediat, KLGJ thotë se gjuha e përdorur nga kryeministri cenon figurën dhe dinjitetin e gjyqtarëve, si edhe minon pavarësinë e pushtetit gjyqësor.

“Këshilli ju bën thirrje gjithë subjekteve publike dhe private të respektojnë pavarësinë e gjyqësorit si një nga themelet e shtetit të së drejtës”, thuhet në reagim.

Më tej, KLGJ shprehet se e vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë.

“KLGJ në përputhje me kompetencat kushtetuese, shpreh mbështetjen e plotë ndaj të gjithë gjyqtarëve dhe përpjekjeve të tyre të përditshme në mbrojtje të të drejtave të qytetarëve dhe në shërbim të interesit publik”, deklaron KLGJ.

Deklaratë

Këshilli i Lartë Gjyqësor, duke marrë shkas nga deklaratat e fundit të subjekteve publike apo private, rithekson edhe njëherë se deklarata të tilla cënojnë figurën dhe dinjitetin e gjyqtarëve si dhe minojnë pavarësinë e pushtetit gjyqësor.

Në çdo shoqëri demokratike, gjyqtarët janë garantues të barazisë së palëve përpara ligjit. Për rrjedhojë, ushtrimi i funksionit të tyre duhet të jetë i pavarur dhe i çliruar nga çdo formë ndikimi, duke ju nënshtruar vetëm Kushtetutës dhe ligjeve. Në një shtet të së drejtës, ndarja dhe balancimi i pushteteve përbën parim themelor dhe gjyqtari ushtron funksionet në mënyrë të pavarur, duke vlerësuar faktet dhe interpretuar ligjin, i lirë nga çdo ndikim i jashtëm.

Këshilli ju bën thirrje gjithë subjekteve publike dhe private të respektojnë pavarësinë e gjyqësorit si një nga themelet e shtetit të së drejtës. E vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë. Po ashtu, çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse.

KLGJ në përputhje me kompetencat kushtetuese, shpreh mbështetjen e plotë ndaj të gjithë gjyqtarëve dhe përpjekjeve të tyre të përditshme në mbrojtje të të drejtave të qytetarëve dhe në shërbim të interesit publik. Po ashtu i inkurajon ata të ushtrojnë funksionin e tyre, në mënyrë të përgjegjshme dhe të pavarur nga çdo ndikim i jashtëm.

Në një shtet të së drejtës – i cili sot është më pranë se kurrë aspiratës për t’u bërë pjesë e Bashkimit Evropian – vetëm përmes një sistemi gjyqësor të pavarur mund të sigurohet barazia para ligjit dhe një drejtësi efektive, e cila meriton besimin e publikut.

The post Akuzat e kryeministrit ndaj gjyqtarëve, reagon KLGJ: Cenojnë figurën dhe dinjitetin tonë! Të respektohet pavarësia e gjyqësorit! Ankesat dërgojini në Gjykatë appeared first on Albeu.com.

Shtëpia e Bardhë deklaron se Donald Trump i ka kërkuar Kongresit Amerikan të miratojë një shkurtim shtesë prej 4.9 miliardë dollarësh për ndihmën ndërkombëtare, një veprim që rrit ndjeshëm shanset për një mbyllje federale në fund të shtatorit.

Shkurtimet “përfshijnë programe në Departamentin e Shtetit, si dhe Agjencinë e Kombeve të Bashkuara për Zhvillim Ndërkombëtar dhe programet e ndihmës ndërkombëtare”, thuhej në letrën drejtuar kryetarit republikan të Dhomës së Përfaqësuesve dhe të publikuar nga Zyra e Buxhetit të Shtëpisë së Bardhë.

Presidenti Trump “gjithmonë do ta vërë Amerikën në vend të parë”, shkruante zyra në letër.

Demokratët kishin njoftuar së fundmi se çdo qëllim nga ana e presidentit amerikan për të anuluar fondet e miratuara tashmë nga Kongresi do të shkatërronte çdo mundësi për të negociuar me ta në mënyrë që të shmangej mundësia e paralizës fiskale, e ashtuquajtura “mbyllje”, pas 30 shtatorit.

Sipas New York Post, e cila zbuloi këtë informacion mbrëmë, shumica dërrmuese e shkurtimeve, 3.2 miliardë dollarë, kanë të bëjnë me fonde për Agjencinë Amerikane për Zhvillim Ndërkombëtar (USAID).

Donald Trump ka pezulluar tashmë miliarda dollarë fonde për ndihmë ndërkombëtare që nga kthimi në Shtëpinë e Bardhë dhe ka shpërbërë zyrtarisht USAID-in, i cili tani është nën Departamentin e Shtetit.

The post Trump kërkon shkurtimin e rreth 5 miliardë dollarëve ndihma ndërkombëtare appeared first on Albeu.com.

Presidenti i Ukrainës Volodymir Zelensky ka deklaruar se bisedimet mbi garancitë e sigurisë së Ukrainës duhet të trajtohen në lartësinë e duhur.

Ai nënvizoi se Ukraina do të presë deri më 1 shtator, duke qenë në të njëjtën linjë me aleatët për të parë nëse presidenti rus Vladimir Putin do të ulet në tryezë ose jo për t’i dhënë fund luftës.

“Ne duam të shohim gatishmërinë e vërtetë të Rusisë për të marrë pjesë në bisedime. Nëse nuk e bën, presim një reagim nga partnerët tanë”, tha ai.

The post Zelensky: Rusia të tregojë gatishmëri për t’i dhënë fund luftës, afat deri më 1 shtator! appeared first on Albeu.com.

Dita e shtunë pritet të sjellë përkeqësim të motit në të gjithë territorin. Prej orës 10:00 të paradites e përgjatë gjithë ditës në të gjithë territorin do të ketë shtrëngata shiu, ku në disa zona do të jenë në formën e stuhive.

Po ashtu raportohet se gjatë ditës së shtunë në disa zona të vendit të ketë stuhi breshëri.

Pritet që moti gjatë ditës së nësërme të sjellë edhe ulje të ndjeshme të temperaturave krahasuar me dy ditët e fundit.

Temperaturat maksimale pritet të arrijnë deri në 27 gradë celcius, ndërsa ato minimale në 12 gradë celcius.

The post “Stuhi të forta me vetëtima…”, moti bënë kthesën drastike këtë fundjavë, ja çfarë pritet të ndodh appeared first on Albeu.com.

UEFA është testuar nga disa klube në Europë, që në mënyrë jo zyrtare kanë kërkuar të mos luajnë përballë Makabi Tel Avivit. Këto të fundit janë të vetmit përfaqësues nga Izraeli, që do të luajnë në grupet e një kompeticioni europian.

Sot u hodh shorti për Ligën e Europës dhe Makabi “peshkoi” Aston Vilën, Dinamo Zagrebin, Lionin, Paokun, Midtjilland, Freiburgun, Bolonjën, Shtutgartin.

Makabi do të luajë dy transferta në Gjermani, si dhe në Angli e Greqi. “The Times” ka publikuar shqetësimet që po lindin në futboll për shkak të luftës me Izrael-Gaza. Klubet e Izraelit nuk ndalohet, që të luajnë në Europë. Shqetësimi i raportuar nga Anglia sa vjen dhe shtohet.

The post Ekipi më i padëshiruar në Europë, UEFA përballet me kërkesë të veçantë nga disa klube appeared first on Albeu.com.

Kryeministri në detyrë i Kosovës, Albin Kurti, është deklaruar rreth një punimi që kishte përmbajtje kundër Ushtrisë Çlirimtare të Kosovës, në të cilin bashkautor është kreu i ri i Kuvendit, Dimal Basha.

I pyetur nga gazetarët më 29 gusht rreth këtij punimi të publikuar më 2012, Kurti tha se ka “deformim” dhe “keqinterpretim” të punimit, pasi Basha nuk ka shkruar pjesët e artikullit që flasin për UÇK-në.

“Dimal Basha e ka dhënë sqarimin për atë publikim që është bërë para më shumë se një dekade. Ai ka sqaruar se kapitulli që e ka shkruar nuk ka të bëjë me UÇK-në”, tha ai.

Kurti tha se problemet që ka sot Kosova nuk janë nga ky artikull, por nga vendimet e qeverive të kaluar.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ [v.j. Asociacioni i komunave me shumicë serbe] më 2013, kur janë amnistuar kriminelët serbë në veri po ashtu më 2013, problemet i kemi kur është votuar Gjykata Speciale më 2015, kur është themeluar Lista Serbe në bashkëpunim me Beogradin më 2013. Problemet i kemi kur politikanët e Kosovës kanë bërë qeveri duke u varur nga Lista Serbe, problemet i kemi apo kur kanë hyrë në pazare për ndarje të Kosovës, jo te ky artikull ku manipulohet një kapitull për të cilin ky s’ka fare autorësi”, deklaroi Kurti.

Kreu i ri i Kuvendit, Dimal Basha, më herët gjatë javës është distancuar nga përmbajtja kundër UÇK-së në punimin me titullin: “Globalizmi në Ballkanin Perëndimor: Krimi transnacional, islami fundamentalist dhe aleancat e padrejta”.

Në këtë punim, thuhej se “sipas rasteve të hetuara, fondet për UÇK-në erdhën nga shqiptarë të zakonshëm në diasporë, por edhe nga trafikantët e drogës që operonin në gjithë Evropën Perëndimore dhe në Shtetet e Bashkuara”.

Basha tha më 27 gusht – dhe e përsëriti sërish një ditë më vonë – se kontributi i tij në këtë punim është vetëm në Kapitullin 3, “i cili trajton depërtimin e Islamit fundamentalist në Evropën Juglindore, me fokus Kosovën”.

Këtë pohim të Bashës e ka mbështetur edhe bashkautorja e këtij punimi, Jana Arsovska. Basha ka thënë se e çmon lart luftën e UÇK-së dhe asnjëherë nuk ka shkruar kundër UÇK-së. Raportimet se Basha ishte bashkautor në këtë punim nxitën reagime të shumta. Organizata e Veteranëve të Ushtrisë Çlirimtare të Kosovës ka kërkuar që deputetët të ndërmarrin hapa të menjëhershëm për shkarkimin e Bashës nga posti i kryeparlamentarit – post në të cilin u zgjodh më 26 gusht. Kjo organizatë po ashtu ka kërkuar që Prokuroria të nisë hetimet dhe që autoritetet të ndërmarrin veprime të menjëhershme nga autoritetet për “ mbrojtjen e të vërtetës dhe nderin e luftës së UÇK-së”.

Reagime të ashpra ka pasur edhe nga partitë e tjera politike, që mandatin e kaluar ishin në opozitë. Në punimin e publikuar më 2012 thuhet se përveç se UÇK-ja është “financuar nga trafikantët e drogës”, mbështetja nuk përfshinte vetëm para.

“Por, trafikantët e drogës dërguan persona të armatosur për të luftuar së bashku me UÇK-në dhe blinin armë në emër të UÇK-së”.

“Teksa lidhja midis UÇK-së dhe krimit të organizuar është e vështirë për t’u matur, ekzistojnë raste gjyqësore të njohura nga Gjermania, Italia, Belgjika dhe Republika Çeke, të cilat sugjerojnë fuqishëm një lidhje midis trafikantëve të drogës dhe UÇK-së”, u tha në këtë punim.

Sipas punimit, në Belgjikë bosi i “të ashtuquajturës mafi shqiptare la fishekë para dyerve të anëtarëve të diasporës shqiptare si kujtesë se taksat ‘vullnetare’ që ata kishin paguar për mbështetjen e Qeverisë në hije dhe UÇK-në, në të vërtetë nuk ishin ‘vullnetare’”.

Punimi pretendon se mbijetesa e UÇK-së “varej nga financimi që ofronin banditët patriotë, që operonin përtej kufijve. Të ashtuquajturat taksa vullnetare u dërgoheshin organizatave humanitare sikurse Vendlindja Thërret”.

Në punim, lufta në Kosovë më 1998-99 vlerësohet si “konflikt etnik”, teksa aty pretendohet se agjencitë perëndimore të inteligjencës “shpesh mbyllën sytë ndaj bashkëpunimit mes krimit dhe politikës në Kosovë”.

“Që nga fillimi i viteve 1990, shumë ishin të vetëdijshëm për lidhjen midis UÇK-së dhe trafikantëve të drogës. Pas konfliktit, UÇK-ja vetë u shpërbë formalisht, megjithatë shumë ish-komandantë të UÇK-së u përfshin në politikë. Me politikën erdhi edhe krimi”, thuhet në këtë punim.

UÇK-ja ishte forcë politiko–ushtarake e cila ka luftuar për çlirimin e Kosovës nga sundimi serb në periudhën 1990-1999./ REL

The post Kurti: Problemet që kemi sot në Kosovë nuk i kemi nga artikulli ku bashkautor është Dimal Basha appeared first on Albeu.com.

Dashi

Zjarri: 21 mars – 20 prill Horoskopi i Paolo Fox për nesër tregon një qiell që pulson me emocione të reja. Hëna ndriçon zemrën tënde dhe të shtyn të përballesh me guxim me një çështje të mbetur pezull. Dashuria dhe puna ndërthuren: dikush mund të të ofrojë një mundësi të rëndësishme, por ti do të duhet të vendosësh nëse ta pranosh tani apo të presësh momente më të përshtatshme. Në çift, tensionet e vogla do të zgjidhen përmes një dialogu të sinqertë. Beqarët do të ndiejnë thirrjen e një takimi që duket si i shkruar nga fati. Energjia jote është e fortë, por duhet kanalizuar për të mos u shpërdoruar. Përqendrohu tek një projekt i vetëm e konkret. Nesër do të jetë momenti për të dëgjuar më shumë zemrën se mendjen: yjet flasin për rilindje. Paolo Fox të këshillon t’i besosh intuitës.

Demi

Toka: 21 prill – 20 maj Sipas horoskopit ditor të Paolo Fox, nesër Demi do të përjetojë një zgjim të brendshëm. Dielli forcon stabilitetin tënd, ndërsa Hëna të shtyn të guxosh më shumë. Në dashuri, mund të lindë nevoja për të sqaruar një keqkuptim të fundit: një gjest i thjeshtë, si një përkëdhelje apo një fjalë e sinqertë, do të mjaftojë për të ringjallur afërsinë. Beqarët do të ndiejnë dëshirën të hapen ndaj njohjeve të reja, duke lënë pas frikërat e së shkuarës. Në punë, këmbëngulja do të shpërblehet, por shmang konfliktet me ata që nuk ndajnë vizionin tënd: lëri faktet të flasin. Nesër do të ndihesh i mbushur me një energji të qetë dhe ndërtuese, që mund ta shndërrojë pasigurinë në siguri. Paolo Fox këshillon të kultivosh durimin dhe besimin.

Binjakët

Ajri: 21 maj – 21 qershor Horoskopi i Paolo Fox për nesër paraqet një qiell dinamik për Binjakët. Mendja jote, gjithmonë në lëvizje, do të marrë sinjale të reja që mund të hapin rrugë të ndryshme. Në dashuri, do të ndiesh dëshirën për liri, por ki kujdes të mos injorosh ata që ke pranë. Çiftet duhet të shmangin diskutimet e kota që lindin nga keqkuptime të vogla, ndërsa beqarët do të kenë shansin të jetojnë një takim stimulues e plot surpriza. Në punë, një lajm i papritur mund të hapë horizonte të reja, por do të duhet maturi para se të marrësh vendime përfundimtare. Energjia jote do të jetë e luhatshme: përpiqu të mos shpërndash veten në shumë angazhime njëkohësisht. Horoskopi i Paolo Fox të fton t’i besosh intuitës: nesër fjala jote do të jetë arma fituese.

Gaforrja

Uji: 22 qershor – 22 korrik Sipas horoskopit ditor të Paolo Fox, nesër Gaforrja do të jetojë emocione të thella. Hëna ndez ndjeshmërinë dhe të fton të dëgjosh mesazhet e shpirtit. Në dashuri, do të rizbulosh butësinë që forcon lidhjen me partnerin, ndërsa beqarët do të tërhiqen nga një person që prek thellësisht shpirtin e tyre. Në punë, yjet të këshillojnë të ecësh ngadalë, duke shmangur vendimet e nxituara. Mund të të përfshijë një ndjenjë nostalgjie, por mos lejo që e shkuara të të mbajë peng: e ardhmja pret hapat e tu. Një telefonatë ose një mesazh do të ketë fuqinë të ndryshojë humorin. Paolo Fox tregon se forca jote do të jetë ndjeshmëria, që kthen brishtësinë në dritë.

Luani

Zjarri: 23 korrik – 22 gusht Horoskopi i Paolo Fox i ditës parashikon një të premte intensive për Luanin. Energjia jote do të jetë në maksimum, gati të pushtosh hapësira të reja. Në dashuri, pasioni do të rikthehet në qendër: çiftet do ta ringjallin marrëdhënien me gjeste të papritura, ndërsa beqarët mund të përjetojnë një takim që i merr në befasi. Në punë, vendosmëria jote do të të sjellë vlerësime dhe ndoshta një projekt i ri do të marrë formë. Ki kujdes të mos imponosh tepër mendimin tënd, për të mos u dukur autoritar. Nesër do të kesh dëshirë të ndriçosh, dhe yjet do të të japin skenën e duhur. Shëndeti është në përmirësim: jepi kohë trupit për t’u rigjeneruar. Paolo Fox këshillon të ndjekësh zjarrin e brendshëm pa u lënë rob i krenarisë.

Virgjëresha

Toka: 23 gusht – 22 shtator Sipas horoskopit të Paolo Fox, nesër Virgjëresha do të përjetojë një ditë reflektimi dhe qartësie. Qielli të fton të vendosësh rregull në mendime dhe të planifikosh të ardhmen me kthjelltësi. Në dashuri, marrëdhëniet e konsoliduara do të kenë nevojë për më shumë vëmendje: gjestet e vogla do të forcojnë besimin. Beqarët do të ndiejnë dëshirën për stabilitet, por duhet të shmangin idealizimin e personave të rinj. Në punë, nesër është dita e duhur për të rishikuar detajet: saktësia do të jetë arma jote më e fortë. Mund të marrësh një mesazh që do të sqarojë një situatë të mbetur pezull. Energjia jote do të jetë e qetë dhe e thellë, e përshtatshme për të përballuar detyra të ndërlikuara. Paolo Fox të fton të shohësh përpara me besim, duke lënë pas dyshimet.

Peshorja

Qielli i kësaj dite flet për mundësi të reja dhe nevojë për të rivendosur ekuilibrin e brendshëm. Do të ndiesh një dëshirë të fortë për harmoni dhe yjet do të të ndihmojnë ta gjesh atë, veçanërisht në marrëdhënie. Në dashuri, një gjest i thjeshtë do të ketë vlerë të madhe dhe do të forcojë afërsinë me partnerin. Beqarët mund të marrin një ftesë që ndez emocionet e zemrës. Në punë, bashkëpunimi do të jetë çelësi: një projekt i përbashkët do të japë rezultate më të mira nga sa mendon. Megjithatë, nesër shmang shtyrjen e vendimeve të rëndësishme: yjet këshillojnë të veprosh me vendosmëri. Energjia jote do të jetë e butë, por njëkohësisht e qëndrueshme – e përshtatshme për të ndërtuar siguri të reja. Paolo Fox të këshillon t’i besosh rrjedhës natyrore të ngjarjeve.

Akrepi

Nesër do të jetë një ditë plot intensitet dhe emocione të forta. Yjet të shtyjnë të përballesh me guxim me gjëra që deri tani i ke shmangur. Në dashuri, pasioni do të jetë shumë i lartë, por ki kujdes të mos e kthesh në xhelozi: një bisedë e sinqertë do ta forcojë lidhjen. Beqarët mund të përjetojnë një takim magnetik, pothuajse të paracaktuar nga fati. Në punë, intuita jote do të jetë një dritë udhëzuese: do të arrish të parashikosh lëvizjet dhe situatat, por duhet diplomaci për të shmangur tensionet. Energjia jote është e fuqishme, por duhet përdorur me urtësi. Yjet paralajmërojnë për një rilindje që vjen nga shpirti. Paolo Fox të këshillon të ndjekësh zemrën pa frikë nga brishtësia.

Shigjetari

Kjo e premte ndriçon horizontin tënd me perspektiva të reja dhe dëshirë për aventura. Energjia e ditës të shtyn të tejkalosh kufijtë, qoftë përmes një udhëtimi, një takimi të papritur apo një ideje të re. Në dashuri, çiftet do të rizbulojnë afërsinë me gjeste spontane, ndërsa beqarët do të ndihen të tërhequr nga persona të pazakontë, që sjellin freski dhe emocion. Në punë, një zhvillim i ri mund të hapë mundësi interesante, por nuk është koha për të nxituar: analizo çdo detaj me kujdes. Energjia jote do të jetë e gjallë, dhe trupi do të reagojë pozitivisht ndaj aktiviteteve të reja. Nesër është një ditë që premton rritje dhe zbulim, duke sjellë entuziazëm dhe hapësira të reja. Paolo Fox të fton të besosh tek ëndrrat e tua dhe t’i kthesh ato në realitet.

Bricjapi

Yjet të ftojnë nesër të tregosh forcën tënde të brendshme. Në punë, durimi do të jetë arma më e madhe: një përgjigje që pret do të vijë, por jo menjëherë. Në dashuri, stabiliteti do të jetë pika jote e fortë: çiftet do të përjetojnë momente intime dhe të thella, ndërsa beqarët do të ndiejnë nevojën për lidhje të forta e të qëndrueshme. Mund të ndiesh një lodhje të lehtë, por mos lejo që të të pushtojë: gjej kohë për pushim dhe rigjenerim. Në aspektin profesional, serioziteti yt do të shpërblehet së shpejti. Paolo Fox të kujton se suksesi ndërtohet hap pas hapi, dhe besimi në rrugën tënde është thelbësor.

Ujori

Nesër do të jetë një ditë e mbushur me ide dhe frymëzim të ri. Mendja jote do të jetë e hapur, gati të transformojë mendimet në projekte konkrete. Në dashuri, do të kërkosh liri, por edhe autenticitet: çiftet duhet të gjejnë balancën mes afërsisë dhe hapësirës personale, ndërsa beqarët mund të përjetojnë një takim të veçantë e tërheqës. Në punë, një propozim i papritur mund të të befasojë: merr kohë për ta vlerësuar me kujdes. Energjia jote kreative do të të ndihmojë të çlirohesh nga skema të vjetra. Paolo Fox të këshillon të ndjekësh intuitën dhe të kthesh vizionet në mundësi reale.

Peshqit

Peshqit nesër do të ndihen të mbështjellë nga një vorbull emocionesh. Hëna rrit ndjeshmërinë tënde dhe të bën të perceptosh më fort gjithçka ndodh përreth. Në dashuri, është momenti i duhur për të hapur zemrën: çiftet do të rizbulojnë butësinë dhe intimitetin, ndërsa beqarët do të tërhiqen nga njerëz që duket sikur i njohin prej kohësh. Në punë, një çështje e mbetur pezull do të gjejë zgjidhje, falë intuitës tënde. Energjia do të jetë e butë, por intensive: dëgjo mesazhet e ëndrrave, mund të mbajnë përgjigje të rëndësishme. Paolo Fox të kujton se forca jote qëndron tek aftësia për ta kthyer ndjeshmërinë në dritë dhe forcë.

The post Horoskopi 29 Gusht, ja çfarë kanë parashikuar yjet për ju appeared first on Albeu.com.

Sezoni i ri i “Për’puthen” po troket, dhe lajmi se kësaj here nuk do të ketë kufi moshe u përhap me shpejtësi rekord.

Por kjo nuk është e vetmja risi. Ndryshime ka edhe në staf, tek ata që e bëjnë të mundur realizimin e formatit. Moderatorja Megi Pojani ka marrë “frenat” në dorë, duke u bërë jo vetëm prezantuese, por edhe autore e reality-show-t.

Nga ana tjetër, Neda Balluku, e cila deri vonë ishte opinioniste, tani do të mbajë postin e kryeredaktores. Ndërkohë, risia e madhe që po ngjall kureshtje janë opinionistët e rinj.

Në këto karrige do të ulen aktori Laert Vasili dhe blogerja Arba Gramo. Laerti njihet për kulturën e tij, temperamentin impulsiv dhe batutat plot humor, ndërsa Arba ka krijuar një profil të fortë me mendimet e saj të drejtpërdrejta në panele të ndryshme.

The post “Për`puthen” e merr Neda Balluku dhe Megi Pojani, ja cilët janë dy opinionistët e rinj appeared first on Albeu.com.

Inteligjenca ushtarake e Ukrainës ka realizuar një sulm të suksesshëm në rrjetin hekurudhor të Rusisë, duke shkatërruar një pjesë të rëndësishme të logjistikës ruse.

Një mjet shpërthyes u vendos poshtë cisternave të karburantit, dhe shpërthimi i fuqishëm që shpërtheu shpërtheu flakët, duke përfshirë menjëherë të gjithë stacionin kryesor të Tverit. Ky sulm shkaktoi dëme të mëdha materiale dhe ndikoi rëndë në transportin dhe furnizimet hekurudhore në rajonin strategjik të Tverit.

Dëmi i shkaktuar pengoi rëndë operacionet ruse, duke vënë në provë logjistikën e tyre. Veprimi i fundit tregon aftësinë dhe vendosmërinë e inteligjencës ushtarake të Ukrainës për të goditur objektiva kyçe dhe për të rritur presionin ndaj forcave ruse. Ky sulm është pjesë e një strategjie më të gjerë të Ukrainës për të ndikuar në infrastrukturën strategjike të armikut, një element i rëndësishëm i luftës që po zhvillohet që nga fillimi i pushtimit rus të Ukrainës në shkurt 2022.

Lufta ka përfshirë jo vetëm përballje të drejtpërdrejta, por edhe përpjekje për të shkatërruar burimet e furnizimit të palës kundërshtare. Goditja e stacionit hekurudhor në Tver është një tjetër hap që ka ndryshuar dinamikën e konfliktit.

The post Pas viktimave në Kiev, Ukraina hakmerret me një goditje ndaj infrastrukturës ruse appeared first on Albeu.com.

Universiteti i Tiranës është zgjedhur nga mbi 60% e maturantëve për vitin e ri akademik 2024–2025.

Vetëm një ditë para shpalljes së kandidatëve fitues nga shkollat e larta, rektor i Universitetit të Tiranës, Artan Hoxha, bëri të ditur se ka një rritje të ndjeshme të numrit të studentëve që kanë aplikuar në këtë universitet.

Megjithatë, problem mbeten degët e mësuesisë, veçanërisht ato të Fakultetit të Shkencave të Natyrës, ku këtë vit ka rreth 600 aplikime më pak. Rënie e interesit pritet të ketë edhe në Fakultetin e Gjuhëve të Huaja, si dhe në Fakultetin e Histori-Filologjisë në profilet e mësuesisë.

Nesër nisin regjistrimet e studentëve të rinj sipas degëve ku kanë fituar në raundin e parë. Ky raund është i ndarë në 7 faza 48-orëshe dhe do të zgjasë dy javë, për t’i hapur më pas rrugë raundit të dytë, me synim plotësimin e kuotave të mbetura bosh.

The post Universiteti i Tiranës mbetet më i preferuari për maturantët, 60% studentëve kanë zgjedhur të aplikojnë në shtet appeared first on Albeu.com.

Hedhësja e shtizës Elina Xhengo fitoi medaljen e saj të parë të artë në finalen e Diamond League në Zyrih, një provë perfekte gjenerale për Kampionatin Botëror të Atletikës në Tokyo.

Kampionia evropiane e vitit 2022 hodhi shtizën në 64.57 metra, një performancë që rezultoi më se e mjaftueshme për ta çuar drejt fitores dhe një finaleje mahnitëse në serinë e Diamond League.

The post Shqiptarja që garon për Greqinë fiton medaljen e artë appeared first on Albeu.com.