UEFA ka paguar më shumë se 10.8 milionë euro në fonde “solidariteti” për klubet ruse të futbollit që kur atyre iu ndalua të merrnin pjesë në turnetë evropiane pas pushtimit të Ukrainës nga Kremlini, zbulon The Guardian. Sipas The Guardian, pagesat u bënë pavarësisht se pesë klube ukrainase nuk arritën të merrnin fonde të ngjashme, […]

The post Investigimi i The Guardian: UEFA i dha ekipeve ruse 10.8 mln euro pas pushtimit të Ukrainës appeared first on BoldNews.al.

Egnatia do të luajë një nga ndeshjet më të rëndësishme në Conference League. Më 14 gusht, rrogozhinasit do të presin në “Egnatia Arena” Olimpija Ljubjana. Takim që është programuar të startojë në orën 21:00 dhe është i vlefshëm për raundin e 3-të, me duelin e parë mes tyre që ka përfunduar 0-0. Për këtë përballje […]

The post Egnatia-Olimpija Ljubjana, UEFA cakton gjyqtarin e ndeshjes appeared first on BoldNews.al.

Komiteti i Kontrollit, Etikës dhe Disiplinës së UEFA-s (CEDB) ka njoftuar vendimet e marra pas mbledhjes së 31 korrikut 2025, ku Barcelona ka marrë disa sanksione si pasojë e mosrespektimit të rreggulave në ndeshjen e kthimit të Champions League, në “Giuseppe Meazza”, kundër Interit. Trajneri Hansi Flick është dënuar me një ndeshje pezullim në edicionin […]

The post UEFA gjobit Yamal dhe Lewandowskin për shkelje të rregullave në kontrollin antidoping appeared first on BoldNews.al.

UEFA ka gjobitur Lamine Yamal dhe Robert Lewandowski me nga 5,000 euro secilin për shkelje të rregulloreve antidoping, pas ndeshjes së kthimit të Ligës së Kampionëve midis Barcelonës dhe Interit në Itali, raporton Marca.

Të dy lojtarët nuk respektuan Nenin 21.8 të Rregullores Anti-Doping, i cili kërkon që futbollistët të paraqiten menjëherë në pikën e kontrollit të caktuar pas përfundimit të ndeshjes.

Sipas raportit, dyshja nuk u drejtuan menjëherë drejt zonës së kontrollit antidoping, çka çoi në masa disiplinore.

Lexo po ashtu Barcelona në garë me kohën për të regjistruar shtatë lojtarë

Dyshohet se kjo mund të ketë ndodhur për shkak të zhgënjimit nga humbja dramatike, pasi Barcelona u mposht nga Interi në kohën shtesë me rezultatin 4-3.

Katalanasit ishin vetëm dy minuta larg fitores 3-2 në kohën e rregullt, përpara se Francesco Acerbi të barazonte rezultatin, duke e çuar sfidën në shtesë. /Telegrafi/

The post UEFA gjobit Yamalin dhe Lewandowskin për shkelje të rregullores anti-doping appeared first on Telegrafi.

TIRANË, 7 gusht/ATSH/ Egnatia barazoi me rezultatin e bardhë 0-0 sfidën e parë ndaj Olimpijas, e luajtur mbrëmjen e sotme në stadiumin “Stocize”, e vlefshme për raundin e tretë kualifikues të UEFA Conference League.

Trajneri Edlir Tetova e nisi ndeshjen me këtë formacion titullar: Dajsinani (GK), Zliyev, Xhemajli, Sota, Fangaj, Medeiros, Aleksi, Lushkja, Gruda, Bakayoko, Selmani.

Pjesa e parë ishte e ekuilibruar për të dyja skuadrat, që tentuan disa herë portat përkatëse, por nuk finalizuan dot. Edhe në pjesën e dytë, portat qëndruan të paprekura si nga rrogozhinasit, ashtu edhe nga Olimpija. Sllovenët humbën edhe një penallti në minutën e 68-të, me Tam qe gaboi dhe e çoi topin jashtë.

Egnatia e mbylli ndeshjen me 10 lojtarë, pas ndëshkimit me karton të kuq të Fangaj.

Takimi Olimpija-Egnatia u mbyll me rezultatin 0-0. Ndeshja e dytë mes dy ekipeve do të luhet më 14 gusht në “Arena Egnatia”.

/r.e/

The post UEFA Conference League, Egnatia barazon 0-0 me Olimpijan në transfertë appeared first on Agjencia Telegrafike Shqiptare.

Një skandal është regjistruar në ndeshjen e Ligës së Kampionëve mes Lech Poznan dhe Yllit të Kuq të Beogradit, ku tifozët polakë kanë shpalosur banerin: “Kosova është Serbi”. Veprimi i tyre u përshëndet nga skuadra serbe në rrjetet sociale.

Provokimet apo thirrjet antishqiptare në eventet e Uefas janë kthyer në diçka krejt normale, me qeverinë evropiane të futbollit që nuk ka marrë masat e duhura, ndërsa një tjetër skandal është regjistruar në duelin e Ligës së Kampionëve mes Lech Poznan dhe Crvena Zvezdës.

Ishin tifozët polakë ata që shfaqën banerin: “Kosova është Serbi”, duke e shoqëruar edhe me thirrje provokuese për shqiptarët e Kosovës.

Skandali u thellua edhe më tepër, kur në faqen zyrtare të ekipit serb, Ylli i Kuq i Beogradit, u postua fotoja e banerit, duke falënderuar tifozët polakë. E gjithë kjo ngjarje ndodhi në sytë e vëzhguesve të Uefas, ndërsa edhe më herët ka pasur sjellje të ngjashme në përballje të Champions, por edhe në Europa dhe Conference League.

Mbetet për t’u parë se cili do të jetë reagimi i këtij institucioni dhe masa që do të merret ndaj tifozërisë polake, e cila duket se u kënaq me banerin, pasi ndeshjen e humbi me shifrat 3-1. Ishak ishte shënuesi i vetëm për Lech Poznan, ndërsa Rade Krunić ishte heroi i Crvena Zvezdës me një dopietë dhe goli tjetër erdhi nga Bruno Duarte.

The post UEFA “mbyll” sytë, tifozët polakë provokojnë Kosovën në ndeshje appeared first on Albeu.com.

UEFA ka zyrtarizuar axhendën e ndeshjes së parë të turit të tretë të Ligës së Konferencës mes Olimpija Ljubljanës dhe Egnatias. Rrogozhinasit luajnë ndeshjen e parë në transfertë të enjten e ardhshme përballë kampionëve të Sllovenisë. UEFA ka zyrtarizuar orën 20:00 për fillimin e sfidës, që do të luhet në “Stadion Stožice”, impiantin prej 16 […]

The post Olimpija Ljubljana-Egnatia/ UEFA zyrtarizon stadiumin, orarin dhe gjyqtarin e sfidës appeared first on BoldNews.al.

Enea Jorgji do të gjykojë për herë të parë në këtë sezon në arenën ndërkombëtare një ndeshje në turin e tretë të Ligës së Europës. Gjyqtari ndërkombëtar shqiptar është caktuar të drejtojë një sfidë në Bosnjë Hercegovinë. Ai do të drejtojë ndeshjen mes Zrinjskit vendas dhe Breidablik, skuadrës e cila eliminoi Egnatian nga Liga e […]

The post I vë ndihmës gjyqtarin e Premier Ligës, UEFA cakton Jorgjin për duelin kualifikues të Europa League appeared first on BoldNews.al.

Paris Saint Germain është gjobitur për sjellje të pahijshme nga tifozët e klubit gjatë fitores në finalen e Champions League kundër Inter-it në maj, siç bëri të ditur organi qeverisës i futbollit europian UEFA. Kampionët francezë, të cilët e shkatërruan Interin 5-0 në Allianz Arena në Mynih, u akuzuan për një pushtim të fushës nga […]

The post UEFA nuk fal, gjobit PSG-në për incidentet në finalen e Champions League appeared first on BoldNews.al.

Drita do të përballet me FCSB (ish-Steaua Bukuresht) në rrethin e tretë të Ligës së Evropës.

Kampioni i Kosovës, ka një arsye më shumë për të synuar kualifikimin ndaj FCSB-së në raundin e tretë të Ligës së Evropës. Nëse arrin të eliminojë ekipin rumun, Drita do të jetë në mesin e skuadrave të favorite (të renditura më lart) në fazën Play-Off.

Sipas projeksioneve të publikuara, fituesi i përballjes FCSB / Drita është renditur me koeficient 22,500, çka është më i lartë se shumica e kundërshtarëve potencialë që janë ‘unseeded’.

Kjo do të thotë se në fazën Play-Off, Drita do të shmangte përballje me emra të njohur si Shakhtar Donetsk, Legia Varshavë, Malmo, Copenhagen, Braga, Panathinaikos, PAOK, Young Boys apo Anderlecht, të cilët ndodhen në anën e skuadrave të favorizuara në short.

Në vend të tyre, skuadra kosovare do të përballej me ekipe më të kalueshme si Sigma Olomouc, Lincoln / Noah, Samsunspor, apo edhe RFS/Kups, që kanë koeficient shumë më të ulët dhe nuk janë në mesin e skuadrave të mëdha evropiane.

Ky pozicion i favorshëm në short është një mundësi historike për Dritën që, në rast të kalimit të FCSB-së, të ketë një rrugë më të lehtë drejt fazës së grupeve të Ligës së Evropës.

Ndeshja e parë ndaj FCSB-së luhet në Rumani, ndërsa takimi i kthimit zhvillohet në Kosovë, ku Drita do të ketë përkrahjen e zjarrtë të tifozëve të saj.

Kualifikimi do të ishte jo vetëm një sukses për klubin, por edhe një moment historik për futbollin kosovar në arenën evropiane.

Kujtojmë që vetëm nëse arrin të eliminojë Steauan e Bukureshtit do të jetë një sukses për Dritën, pasi gjilanasit automatikisht do të siguronin grupet e Ligës së Konferencës dhe pastaj në Play-Off do të kërkonin të futeshin në grupet e Ligës së Evropës. /Telegrafi/ 

The post Nëse eliminon Steauan, Drita do të shmangë emrat e mëdhenj në Play-Off të Ligës së Evropës appeared first on Telegrafi.

UEFA ka gjobitur Athletic Bilbaon me 80,000 euro për sjellje të pahijshme të tifozëve gjatë gjysmëfinales së Ligës së Evropës kundër Manchester United.

Sanksionet janë ndarë si më poshtë:

30,000 euro për ndeshjen e parë në “San Mamés” më 1 maj:

20,000 euro për hedhjen e sendeve në fushë;

10,000 euro për thirrje të paligjshme nga tribuna;

20,000 euro për ndeshjen e kthimit në “Old Trafford” më 8 maj:

10,000 euro për përdorim të fishekzjarrëve;

10,000 euro për brohoritje të mëtejshme të papranueshme.

Përveç kësaj, mbrojtësi Yeray Alvarez është pezulluar përkohësisht pasi ka rezultuar pozitiv për një substancë të ndaluar në testin antidoping pas ndeshjes së parë. Sipas raportimeve, rezultati pozitiv lidhet me një trajtim për rënien e flokëve, të cilin lojtari pretendon se e ka përdorur pa dijeni gjatë procesit të rikuperimit nga kanceri në testikuj.

UEFA ka hapur një proces disiplinor ndaj futbollistit dhe çështja mbetet në shqyrtim.

Athletic Bilbao ka lëshuar një komunikatë zyrtare duke shprehur keqardhje për incidentet dhe duke theksuar angazhimin për të nxjerrë mësime nga kjo situatë. Klubi gjithashtu u ka bërë thirrje tifozëve për më shumë përgjegjësi dhe respekt në stadiume.

Pavarësisht se gjatë shumicës së sezonit tifozët kanë treguar sjellje shembullore, incidentet e shënuara në këtë përballje kanë ndikuar negativisht në imazhin e klubit dhe kanë sjellë pasoja disiplinore.

Manchester United fitoi gjysmëfinalen me rezultat të përgjithshëm 7–1 ndaj Athletic Bilbaos, para se të mposhtej në finale 1–0 nga Tottenham Hotspur. /Telegrafi/

The post Athletic Bilbao dënohet rëndë nga UEFA appeared first on Telegrafi.

Shtëpia evropiane e futbollit, UEFA nuk mbështet ndryshimet e mundshme në rregullat e futbollit, për t’i dhënë më shumë fuqi VAR-it.

Më parë, u raportua se Bordi i Federatës Ndërkombëtare të Futbollit (IFAB) mund të lejojë që VAR të ndërhyjë në rastet që përfshijnë kartonë të dytë të verdhë dhe goditje nga këndi të dhëna gabimisht.

Rikuperimet apo goditjet e dyta pas pritjeve të penalltive nga portierët gjithashtu mund të ndalohen.

Megjithatë, sipas The Times, drejtuesit e UEFA-s do të kundërshtojë zgjerimin e kompetencave të VAR-it, pasi organizata beson se më shumë vonesa do të anulonin çdo përfitim nga ndërhyrjet shtesë të VAR-it.

Lexo po ashtu IFAB shqyrton disa ndryshime drastike në VAR, pritet t'i shtojë kompetenca në ndërhyrje

UEFA është gjithashtu kundër ndryshimit të propozuar në rregullat e ekzekutimit të penalltive.

Vërehet se zyrtarët e UEFA-s janë të pakënaqur që në mars të këtij viti IFAB prezantoi një numër ndryshimesh në rregulla pa u konsultuar me ta.

Një ndryshim i tillë është se një goditje nga këndi tani do të jepet nëse një portier mban topin në duar për më shumë se tetë sekonda. /Telegrafi/

The post UEFA kundërshton zgjerimin e fuqive të VAR për shkak të rritjes së mundshme të vonesave appeared first on Telegrafi.

Egnatia do të përballet me Dinamo Minsk më 24 korrik në turin e dytë të Ligës së Konferencës. UEFA ka caktuar gjyqtarët, që njësoj si për Vllazninë, janë nga Greqia. Ndeshja me bjellorusët do të luhet në “Municipal Stadium Mezokovesd” të Hungarisë. Kryesor është vendosur greku Ioanis Papadopulos. Asistentët e tij janë Polykronis Kostaras dhe […]

The post Dinamo Minsk-Egnatia, UEFA cakton gjyqtarët për sfidën kualifikuese të Ligës së Konferencës appeared first on BoldNews.al.

UEFA ka përjashtuar një klub nga të gjitha garat e saj për një periudhë prej dhjetë vitesh dhe e ka gjobitur me 500 mijë euro, pas akuzave për manipulim të ndeshjeve dhe shkelje të rregullave të integritetit.

Organi më i lartë i futbollit evropian ka ndëshkuar klubin malazez KF Arsenal Tivat, i cili mori pjesë në Ligën e Konferencës për sezonin 2023/24, pas një hetimi mbi dyshimet për trukim të ndeshjes së zhvilluar kundër Alashkert FC në korrik të vitit 2023.

Vendimi i UEFA-s nënkupton se FK Arsenal Tivat nuk do të mund të marrë pjesë në asnjë garë të organizuar nga UEFA – përfshirë Ligën e Kampionëve, Ligën e Evropës dhe Ligën e Konferencës – deri në sezonin 2034/35.

Breaking: UEFA bans FK Arsenal Tivat from its competitions for TEN YEARS for match fixing linked to Conference League matches

— Rob Harris (@RobHarris) July 16, 2025

Në deklaratën zyrtare të publikuar të mërkurën, UEFA sqaroi: “Pas një hetimi dhe procedurave disiplinore kundër FK Arsenal Tivat dhe individëve të tjerë, lidhur me shkelje të dyshuara të Rregullores Disiplinore të UEFA-s gjatë ndeshjes së Ligës së Konferencës mes Alashkert FC dhe FK Arsenal Tivat në korrik 2023, Organi i Kontrollit, Etikës dhe Disiplinës (CEDB) ka marrë këto vendime:

Akuzat ndaj FK Arsenal Tivat:

Shkelje të parimeve të përgjithshme të sjelljes (Neni 11).

Manipulim i ndeshjeve dhe shkelje të integritetit të garave (Neni 12).

Vendimi:

FK Arsenal Tivat dënohet me një gjobë prej 500,000 eurosh.

FK Arsenal Tivat përjashtohet nga të gjitha garat e UEFA-s për dhjetë vjet, deri në sezonin 2034/35.

FIFA kërkohet të zgjasë këtë ndalim në të gjitha kompeticionet në nivel global”, thuhet në njoftimin e shtëpisë së futbollit evropian.

Përveç klubit, disa individë të përfshirë janë dënuar rëndë. Lojtari Nikola Celebic është ndaluar përjetësisht nga çdo aktivitet i lidhur me futbollin, ndërsa Cetko Manojlovic është pezulluar për dhjetë vjet.

Radule Zivkovic dhe Dushan Puletic janë gjithashtu pezulluar për dhjetë vjet për përfshirje në manipulim të ndeshjeve.

Drejtori sportiv i klubit, Ranko Krgovic, është dënuar me përjashtim të përjetshëm nga çdo aktivitet i lidhur me futbollin.

Ky është dënimi më i rëndë që UEFA ka dhënë për një klub që nga viti 2009, kur FK Pobeda nga Maqedonia e Veriut u përjashtua për tetë vjet për trukim të ndeshjeve. /Telegrafi/

The post UEFA përjashton një klub për 10 vjet nga garat evropiane për trukim ndeshjesh – dy lojtarë përjashtohen nga futbolli përgjithmonë appeared first on Telegrafi.

UEFA ka njoftuar një ndryshim të rëndësishëm në mënyrën se si përcaktohet avantazhi i ekipit vendas në fazat me eliminim direkt të Ligës së Kampionëve.

Deri tani, renditja e ndeshjeve të kthimit përcaktohej me short, por me formatin e ri, kjo do të bazohet në pozitat përfundimtare në fazën e ligës.

Sipas rregullave të reja, ekipet që përfundojnë në katër vendet e para të fazës së ligës do të kenë të drejtën të presin ndeshjet e kthimit në 1/16 e finales dhe çerekfinale — nëse kualifikohen tutje. Për më tepër, nëse një ekip i tillë eliminohet, kundërshtari trashëgon avantazhin e fushës në raundin tjetër.

Megjithatë, për gjysmëfinalet, vetëm dy skuadrat më të mira të fazës së ligës do ta kenë të garantuar të luajnë ndeshjen e dytë në shtëpi, pavarësisht ecurisë së kundërshtarit.

Shembulli më ilustrues është ai i sezonit të kaluar: Liverpooli, i cili përfundoi në dy vendet e para, do të kishte pritur të gjitha ndeshjet e kthimit.

Por pasi u eliminua nga PSG, parisienët — ndonëse kishin përfunduar të 15-tët — do ta kishin përfituar ndeshjen gjysmëfinale si vendas, sipas skemës së re.

Lexo po ashtu Katër klubet që UEFA i ndaloi të merrnin pjesë në Ligën e Kampionëve - mesin e tyre një gjigant evropian dhe ekipi maqedonas

Kjo formulë e re e avantazhit vlerëson përfundimin në dy pozitat më të larta, por njëkohësisht ndëshkon ekipet që përfundojnë të tretët apo të katërtët, edhe nëse arrijnë deri në fazat e fundit.

Ndryshimi është pritur me kritika, pasi krijon pabarazi të mundshme në fazat vendimtare të kompeticionit, duke ndikuar potencialisht në skuadra si Liverpooli apo të tjera që synojnë trofeun në vitet e ardhshme. /Telegrafi/

The post UEFA bën një ndryshim kontrovers në Ligën e Kampionëve — ja si do të ndikojë në Liverpoolin appeared first on Telegrafi.

PSG pa limite. Sezoni rekord i djemve të Luis Enrique po rishkruan historinë e klubit: nga ana sportive, duke mbushur vitrinën me trofe, por edhe nga ana ekonomike me të ardhura që këtë vit, vetëm nga Champions League dhe Botërori për Klube, mund të kapërcejnë kufirin e 300 milionëve.

150 MILIONË NGA CHAMPIONS: ËSHTË REKORD

Ajo që ka shtyrë të ardhurat e parisienëve ka qenë në radhë të parë Champions me formatin e ri. Dembelé dhe shokët me marshimin e jashtëzakonshëm që kulmoi me triumfin e Monakos kundër Inter-it, sollën në vitrinë trofeun që Nasser Al-Khelaifi e ndiqte që kur kishte ardhur në hijen e Kullës Eiffel dhe në arkat e klubit një shumë afër 150 milionëve.

Të ardhurat që do të vijnë nga UEFA janë strukturuar kështu:

Kuotë pjesëmarrjeje: 18,6 milionë
Pozicionim dhe performanca League Phase: 17,5 milionë
Kualifikim në playoff: 1 milion
Kualifikim në të 1/8-at: 11 milionë
Kualifikim në çerekfinale: 12,5 milionë
Kualifikim në gjysmëfinale: 15 milionë
Kualifikim në finale: 18,5 milionë
Fitore: 6,5 milionë
Kualifikim në Superkupën Europiane: 4 milionë
Të drejta TV UEFA dhe market pool: 34 milionë
Koeficienti dhjetëvjeçar UEFA: 11 milionë
TOTAL: 149,6 MILIONË

Me një total prej 149,6 milionë euro të arkëtuara, PSG ka vendosur rekordin e ri të të ardhurave nga një fushatë e vetme e Champions League. Rekordi i mëparshëm i përkiste Real Madrid-it që kishte arritur kuotën 138 milionë.

TË PAKTËN 100 MILIONË NGA BOTËRORI

Pasi pushtoi Europën, PSG zbriti në SHBA me dëshirën për të marrë botën. Luis Enrique dhe djemtë e tij fshinë të gjitha (ose pothuajse, shih humbjen me Botafogo-n) skuadrat që u shfaqën në rrugën e tyre. Demonstrata e fundit e forcës, gjysmëfinalja me Real Madrid-in e fituar 4-0, hapi dyert e finales dhe shtoi më tej arkën e francezëve që do të marrin nga FIFA një çek prej të paktën 100 milionësh.

Ja si janë strukturuar fitimet e PSG-së në Botërorin për Klube:

Kuotë Pjesëmarrjeje: 39,2 milionë
Performanca: 1,8+1,8+0 = 3,6 milionë
Kualifikim në të 1/8-at: 7,5 milionë
Kualifikim në çerekfinale: 13,1 milionë
Kualifikim në gjysmëfinale: 21 milionë
Kualifikim në finale: 30 milionë
TOTAL: 114,4

Lexo më tej: PSG, çfarë bukurie: dërrmon 4-0 Real Madrid e shkon në finale kundër Chelsea

Kësaj shume, nëse fitohet finalja kundër Chelsea, do t’i shtoheshin edhe 40 milionë dollarë të tjerë që do ta çonin çekun e Infantino-s në kuotën 154 milionë. Një shi milionash që mund të përdoret për të përforcuar një makineri që duket tashmë perfekte. PSG i bën me dije botës: me një skuadër kaq të re, një trajner kaq të zoti dhe gjithë këta para për të shpenzuar në merkato mund të nisë një dinasti.

The post PSG i merr të gjitha: deri në 300 milionë të ardhura nga Champions dhe Botërori appeared first on Lapsi.al.

Debutimi i formatit të ri të Champions League ishte një sukses për UEFA-n që pa të realizohej gjithçka që priste. Zgjerimi i kompeticionit në 36 skuadra dhe futja e fazës kampionat e ka bërë kompeticionin shumë më të paparashikueshëm, deri në ditën e fundit që mund të ndikonte në gjithë renditjen dhe rrjedhimisht edhe në kualifikimet për në të tetat. Në prag të sezonit të ri është futur një ndryshim i një rregulli që e favorizoi shumë PSG-në, fitues i kupës në finalen kundër Inter-it, të cilit iu shtuan disa kushte të koklavitura por që duhet të shmangin disa padrejtësi të vëna re në edicionin e parë.

Gjithçka rrotullohet rreth caktimit të fushave të ndeshjeve të fazës me eliminim direkt dhe, në veçanti, se cila skuadër mund të përfitojë nga kthimi në shtëpi. Nuk do të veprohet më me short, siç është bërë deri sezonin e kaluar, por e drejta do të caktohet në bazë të meritës dhe renditjes në fazën kampionat. E gjitha kjo dihej tashmë, por detaji që UEFA ka shtuar lidhet me mundësinë për të “vjedhur” këtë privilegj në rast eliminimi të një prej skuadrave që arrijnë ta fitojnë atë.

Çfarë ndryshon me rregullin e ri të Champions

Rregulli u fut në qershor dhe sjell ndryshime që favorizojnë të parat e renditura të fazës kampionat: kush do të përfundojë në katër vendet e para do të ketë garancinë të luajë në shtëpi ndeshjen e kthimit të të tetave dhe çerekfinaleve (nëse do të arrijnë deri aty), ndërsa e para dhe e dyta në renditje do të luajnë në shtëpi edhe ndeshjen e kthimit të gjysmëfinales. Është një ndryshim i madh krahasuar me sezonin e kaluar kur PSG përfitoi nga caktimi rastësor: parisienët u desh të kalonin playoff-et kundër Brest pasi përfunduan të 15-tët, por pastaj arritën në gjysmëfinale ku u përballën me Arsenal duke e eliminuar falë fitores në shtëpi. Shumë e quajtën skandal, sepse anglezët e kishin përfunduar fazën kampionat në vendin e tretë dhe sipas tifozëve duhej të kishin përfituar nga ai avantazh.

Nga viti i ardhshëm shorti do të zhduket për t’i lënë vendin një sistemi meritokratik. Katër të parat do të luajnë ndeshjen e kthimit në shtëpi në të tetat dhe çerekfinale, por skuadrat që i eliminojnë ato mund t’ua vjedhin këtë privilegj. Praktikisht kush do të përfundojë i 7-ti, 8-ti, 9-ti, 10-ti, 15-ti, 16-ti, 17-ti, 18-ti, 23-ti, 24-ti (dhe për rrjedhojë mund të përfundojë potencialisht në tabelë kundër një prej katër të parave) mund ta trashëgojë këtë të drejtë në rast kalimi të turit.

Lexo më tej: Debutim ëndërrash në Champions,Gruda i jep fitoren Egnatias: Breidablik bie në shtesë

Ky detaj do t’u lejojë klubeve që përfundojnë më prapa në renditje të fitojnë gjithsesi një avantazh duke ia “vjedhur” kundërshtarit, duke e bërë fazën me eliminim direkt më të ashpër. Vetëm i pari, i dyti, i shtati, i teti, i nënti, i 10-ti, i 15-ti, i 16-ti, i 17-ti, i 18-ti, i 23-ti, i 24-ti do të mund të luajnë ndeshjen e kthimit në shtëpi edhe në gjysmëfinale, një përzgjedhje e diktuar nga çiftimet e parashikuara nga tabela. Ndryshimi i rregullores do të zbatohet jo vetëm në Champions League, por edhe në Europa League, Conference League dhe gjithashtu në Women’s Champions League.

The post Rregulli i ri i Champions: nga çerekfinalet mund të “vidhet” vendi i kundërshtarëve appeared first on Lapsi.al.

Federata Evropiane e Futbollit (UEFA) vazhdon të përmirësojë formatin e ri të garës elitare të futbollit të klubeve në Evropë dhe ka njoftuar një ndryshim të rëndësishëm në formatin e saj të garës.

Ndryshimi do të zbatohet nga ky sezon në të gjitha garat e klubeve të UEFA-s – duke përfshirë Ligën e Kampionëve, Ligën e Evropës, Ligën e Konferencës dhe Ligën e Kampionëve të Grave.

Konkretisht, UEFA vendosi të anulojë shortin që përcaktonte se kush do të priste ndeshjet e kthimit në fazën eliminatore. Në vend të kësaj, avantazhi i vendit të origjinës në ndeshjet e kthimit do t’i jepet ekipit që renditet më lart në fazën e ligës së garës.

NEW: UEFA are ‘set to confirm’ a long-awaited change to the Champions League knockout phase – while adding a controversial new rule https://t.co/oQoGxCDK36 pic.twitter.com/HVktpkUapI

— Mirror Football (@MirrorFootball) July 8, 2025

Me fjalë të tjera, skuadra që renditet më mirë në tabelë pas fazës së grupeve do të ketë avantazhin e të luajturit ndeshjen e dytë në shtëpi.

Ky rregull ka një veçori tjetër interesante – privilegji mund të “trashëgohet”. Nëse skuadra me renditje më të ulët eliminon vendin e parë, ajo merr pozicionin e saj për fazën tjetër të garës, duke përfshirë të drejtën për të pritur ndeshjen e dytë.

Për shembull, sezonin e kaluar Real Madrid luajti ndeshjen e dytë të çerekfinales kundër Arsenalit në Santiago Bernabeu, pavarësisht se “Topçinjtë” përfunduan dukshëm më mirë në fazën e ligës (vendi i tretë) sesa klubi mbretëror (vendi i 11-të). Sipas rregullave të reja, ndeshja e kthimit do të ishte luajtur në Londër. Një situatë e ngjashme u regjistrua në ndeshjen midis Barcelonës dhe Borussia Dortmund.

Me këtë vendim, UEFA dëshiron të theksojë më tej rëndësinë e fazës së ligës së garës. Të luash një ndeshje vendimtare para tifozëve vendas sjell një avantazh të konsiderueshëm – qoftë për të ruajtur epërsinë ose për të tentuar ta përmbysë atë. /Telegrafi/

The post UEFA ndryshoi një rregull të rëndësishëm në Ligën e Kampionëve dhe anuloi shortin përpara fazës eliminatore appeared first on Telegrafi.

Barcelona është gjobitur me një shumë marramendëse prej 15 milionë eurosh nga UEFA për shkelje të rregullave të Fair Play Financiar (FFP).

Gjoba lidhet me praktikat kontabël të klubit në lidhje me disa asete, të cilat UEFA i konsideron të parëndësishme, sipas rregulloreve të saj.

Kjo nuk është hera e parë që Barcelona penalizohet për shkelje të FFP-së. Në vitin 2023, klubi ishte gjobitur me 500 mijë euro për shkelje të ngjashme. Gjoba e fundit është dukshëm më e madhe, duke nxjerrë në pah ashpërsinë e shkeljeve.

Çështja në fjalë lidhet me përdorimin e të ashtuquajturave “leva” financiare, përmes të cilave Barcelona ka tentuar të lehtësojë vështirësitë e saj ekonomike.

Klubi ka mbledhur fonde duke shitur përqindje të të ardhurave nga të drejtat televizive, aksione në kompaninë e vet mediatike, si dhe të ardhura të ardhshme nga biletat VIP në Spotify Camp Nou.

Ndërsa këto praktika pranohen nga La Liga, UEFA ka një qasje më të rreptë, gjë që ka çuar në këtë ndëshkim të rëndë financiar.

Lexo po ashtu Zeniti kërkon kthimin e parave pasi Nico Williams nënshkroi kontratë të re me Athletic Bilbaon

Gjoba është pjesë e një fushate më të gjerë të UEFA-s kundër parregullsive financiare në futbollin evropian.

Chelsea është gjobitur gjithashtu me 20 milionë euro për shkelje të rregullave të monitorimit financiar. Të dy klubet rrezikojnë penalitete shtesë nëse nuk arrijnë të përmbushin objektivat financiarë të vendosur nga UEFA në sezonet e ardhshme. /Telegrafi/

The post UEFA gjobit Barcelonën për shkelje të rregullave të Fair Play-it Financiar appeared first on Telegrafi.

Barcelona është gjobitur me një shumë marramendëse prej 15 milionë eurosh nga UEFA për shkelje të rregullave të Fair Play Financiar (FFP).

Gjoba lidhet me praktikat kontabël të klubit në lidhje me disa asete, të cilat UEFA i konsideron të parëndësishme, sipas rregulloreve të saj.

Kjo nuk është hera e parë që Barcelona penalizohet për shkelje të FFP-së. Në vitin 2023, klubi ishte gjobitur me 500 mijë euro për shkelje të ngjashme. Gjoba e fundit është dukshëm më e madhe, duke nxjerrë në pah ashpërsinë e shkeljeve.

Çështja në fjalë lidhet me përdorimin e të ashtuquajturave “leva” financiare, përmes të cilave Barcelona ka tentuar të lehtësojë vështirësitë e saj ekonomike.

Klubi ka mbledhur fonde duke shitur përqindje të të ardhurave nga të drejtat televizive, aksione në kompaninë e vet mediatike, si dhe të ardhura të ardhshme nga biletat VIP në Spotify Camp Nou.

Ndërsa këto praktika pranohen nga La Liga, UEFA ka një qasje më të rreptë, gjë që ka çuar në këtë ndëshkim të rëndë financiar.

Gjoba është pjesë e një fushate më të gjerë të UEFA-s kundër parregullsive financiare në futbollin evropian.

Chelsea është gjobitur gjithashtu me 20 milionë euro për shkelje të rregullave të monitorimit financiar. Të dy klubet rrezikojnë penalitete shtesë nëse nuk arrijnë të përmbushin objektivat financiarë të vendosur nga UEFA në sezonet e ardhshme.

The post UEFA gjobit Barcelonën për shkelje të rregullave të Fair Play-it Financiar appeared first on Albeu.com.