Kryeplaku i fshatit Gështenjas të Pogradecit ka folur për ngjarjen e rëndë ku humbi jetën në krye të detyrës elektriçisti Agim Beqiri.
Ai tha se 60-vjeçari ishte njoftuar mbrëmjen e së shtunës për defektin. Pasi kishte mbërritur mbrëmë dhe kishte konstatuar problemin, Beqiri e kishte lënë që të kthehej për ta riparuar këtë të dielë, sapo të zbardhte dita, edhe pse ishte ditë pushimi.
Sipas kryeplakut, elektriçisti ishte një person i respektuar në komunitet, i njohur për korrektësinë dhe përkushtimin në punë.
“Ishte burrë i mirë, i rregullt dhe i sinqertë. Pasi e konstatoi mbrëmë defektin, erdhi sot për ta rregulluar, edhe pse në ditë pushimi. Ishte njeri shumë punëtor dhe i komunikueshëm. Na erdhi shumë keq, ngushëllime familjes”, tha kryeplaku i fshatit Gështenjas.
Rikthimi i temperaturave të larta ka sjellë një fluks të madh pushuesish në plazhet e Palasës dhe në të gjithë bregdetin e jugut të Shqipërisë.
Vendas dhe turistë të huaj kanë zgjedhur këtë të diel brigjet jugore për të kaluar fundjavën e fundit të korrikut, duke shijuar detin e pastër, diellin dhe temperaturat e favorshme për pushime.
Plazhi i Palasës vijon të mbetet një nga destinacionet më të preferuara të sezonit veror. Ujërat e kristalta dhe ngjyra karakteristike blu e kanë kthyer këtë zonë në një pikë tërheqëse për vizitorë nga Shqipëria dhe vende të ndryshme të botës.
Fluksi i lartë i pushuesve pritet të vijojë edhe në ditët në vazhdim, ndërsa temperaturat e larta do të mbeten prezente në të gjithë bregdetin shqiptar, duke e kthyer jugun në një nga destinacionet më të frekuentuara të këtij sezoni veror.
Një elektriçist ka humbur jetën këtë të dielë në fshatin Gështenjas të Pogradecit, teksa ishte duke punuar për riparimin e një defekti në rrjetin elektrik.
Viktima është identifikuar si 60-vjeçari Agim Beqiri, i cili dyshohet se ka rënë në kontakt me rrymën elektrike gjatë kryerjes së detyrës, duke pësuar dëmtime fatale.
Pavarësisht ndërhyrjes së menjëhershme, nuk ka qenë e mundur shpëtimi i jetës së tij.
Në vendngjarje kanë mbërritur shërbimet e Policisë dhe grupi hetimor, të cilët po kryejnë veprimet procedurale për zbardhjen e plotë të rrethanave të incidentit.
Tensionet vijojnë të mbeten të larta në kufirin lindor të NATO-s, pasi Rumania njoftoi se një avion luftarak F-16 ka rrëzuar një tjetër dron që kishte hyrë pa autorizim në hapësirën ajrore të vendit.
Ky është incidenti i tretë i këtij lloji brenda tre ditësh, duke rritur shqetësimet në Bukuresht për përshkallëzimin e situatës në rajon, në kushtet kur lufta në Ukrainë vijon dhe kufiri rumun ndodhet pranë zonave të prekura nga sulmet ruse.
Sipas Ministrisë së Mbrojtjes së Rumanisë, droni u zbulua duke fluturuar në hapësirën ajrore rumune dhe u rrëzua të dielën në mëngjes nga një pilot i Forcave Ajrore Rumune, i cili drejtonte një avion luftarak F-16.
Autoritetet thanë se mjeti pa pilot u rrëzua mbi ujërat territoriale të Rumanisë, rreth 12 kilometra në verilindje të Sulinës.
“Pilotët tanë rrëzuan një dron të tretë që hyri në hapësirën ajrore rumune. Këtë mëngjes, në orën 10:13, një pilot rumun që fluturonte me një avion luftarak F-16 rrëzoi dronin që kishte shkelur hapësirën ajrore kombëtare”, njoftoi Ministria rumune e Mbrojtjes.
Autoritetet rumune vijojnë hetimet për identifikimin e origjinës së dronëve të rrëzuar ditët e fundit. Sipas prokurorëve që po analizojnë mbetjet e dronit të parë, i rrëzuar të premten, dyshohet se bëhet fjalë për një mjet të tipit Shahed, të përdorur nga Rusia në operacionet ushtarake në Ukrainë.
Presidenti rumun Nicușor Dan përgëzoi pilotët dhe personelin e Forcave Ajrore për reagimin e shpejtë, duke theksuar se ata kontribuuan në mbrojtjen e sovranitetit kombëtar dhe sigurisë së qytetarëve.
Ai deklaroi gjithashtu se Bukureshti do të vijojë me një demarsh diplomatik ndaj Federatës Ruse, bazuar në përfundimet e hetimeve.
“Çdo shkelje e hapësirës ajrore rumune është e papranueshme”, tha presidenti rumun, duke theksuar se bëhet fjalë për hapësirë ajrore të një vendi anëtar të NATO-s dhe Bashkimit Evropian.
Incidentet e përsëritura kanë bërë që forcat e armatosura rumune të rrisin nivelin e gatishmërisë, ndërsa autoritetet po monitorojnë nga afër situatën dhe po presin përfundimet e hetimeve për të përcaktuar hapat e mëtejshëm diplomatikë.
Our pilots have shot down a third drone that entered Romanian airspace!
This morning at 10:13 a.m., a Romanian pilot flying a Romanian Air Force F-16 fighter jet shot down a third drone that had entered the Romanian airspace.#WeAreNATOpic.twitter.com/nqRJBLojKE
Mbi 550 atletë amatorë dhe profesionistë nga 40 vende të botës morën pjesë në edicionin e pestë të Enkelana Marathon, aktivitetit më të madh të atletikës që zhvillohet në qytetin e Pogradecit.
Gjysmë-maratona u zhvillua në dy disiplina, 21 kilometra dhe 11 kilometra, duke bërë bashkë pjesëmarrës nga grupmosha të ndryshme, nga 15 vjeç deri mbi 60 vjeç. Edhe këtë vit, një paraqitje të mirë patën atletët nga Kosova.
Në garën e 21 kilometrave, për kategorinë e meshkujve triumfoi atleti profesionist Timon Mamusha, ndërsa në kategorinë e femrave vendin e parë e fitoi Gresa Bakraqi. Të dy fituesit vlerësuan organizimin, duke theksuar se maratona po rritet nga viti në vit dhe po fiton gjithnjë e më shumë prestigj ndërkombëtar.
Në garën e 11 kilometrave, vendin e parë për meshkuj e fitoi Albert Abazi nga Kërçova, ndërsa për femra triumfoi Kristina Pura nga Prrenjasi, e cila arriti të mbrojë titullin për të dytin vit radhazi.
Një moment i veçantë i kësaj maratone ishte pjesëmarrja e një babai, i cili zgjodhi të vrapojë së bashku me fëmijën e tij, duke e marrë me karrocë gjatë garës në Pogradec.
Pjesë e aktivitetit ndërkombëtar ishin sportdashës nga Shtetet e Bashkuara të Amerikës, Rusia, Japonia, Greqia, Suedia dhe shumë vende të tjera. Përveç pasionit për vrapimin, pjesëmarrësit u shprehën të mahnitur nga bukuritë e liqenit të Ohrit dhe mikpritja pogradecare.
“Kam qenë këtu disa herë për aktivitete të ndryshme dhe çdo herë kam kaluar shumë bukur. Atmosfera është gjithmonë e këndshme dhe argëtuese, gjithçka është shumë mirë e organizuar dhe mua më pëlqen jashtëzakonisht ky vend. Është vërtet fantastik!”, tha Kristina Shichkova nga Rusia.
“Kemi ardhur me një grup nga Janina për të vrapuar këtu, në Pogradecin e bukur. Personalisht vij për herë të tretë. Mjaftoi të vija vetëm një herë dhe u dashurova me këtë vend. Më pëlqen jashtëzakonisht shumë”, tha një pjesmarrës.
“Edhe pse jam 60 vjeç, për aq kohë sa Zoti do të më japë mundësi, do të vazhdoj të vij këtu për të vrapuar në këtë itinerar të mrekullueshëm dhe për të takuar miq. Na presin me shumë ngrohtësi, ne i presim po ashtu kur vijnë tek ne dhe e konsiderojmë pothuajse si detyrim moral të vijmë këtu për të takuar miqtë tanë.”. tha një nga pjesmarrësit.
Enkelana Marathon është vlerësuar nga Ministria e Ekonomisë, Kulturës dhe Inovacionit me çmimin e parë si një nga eventet sportive më të mira në Shqipëri.
Organizatorët kanë marrë gjithashtu garancinë se kjo maratonë do të vijojë të zhvillohet në Pogradec edhe për pesë vitet e ardhshme, duke e kthyer qytetin në një destinacion të rëndësishëm të turizmit sportiv.
Ndarja e re territoriale dhe mundësia e bashkimit të Bashkisë Prrenjas me Librazhdin, kanë nxitur reagimin e qytetarëve, të cilët janë organizuar në një Aleancë për Mbrojtjen e Bashkisë.
Intelektualë, sipërmarrës, fermerë dhe të rinj i janë bashkuar kësaj nisme, duke nisur hartimin e një dokumenti argumentues që synon të mbështesë ruajtjen e statusit aktual të Prrenjasit si njësi më vete.
Drafti, i cili pritet të përfundojë në muajin shtator, do t’u dërgohet Komisionit Parlamentar për Reformën Territoriale, Kryeministrisë, Kuvendit dhe institucioneve ndërkombëtare.
Në dokument pritet të përfshihen argumente që lidhen me potencialin ekonomik të zonës, burimet natyrore, trashëgiminë historike dhe vlerat kulturore të Prrenjasit, të cilat sipas nismëtarëve përbëjnë arsye për ruajtjen e bashkisë si njësi administrative më vete.
Takimi i parë i Aleancës u shoqërua me pjesëmarrje të gjerë të qytetarëve. Organizatorët theksuan se kjo nismë do të jetë jashtë ndikimeve politike, duke e cilësuar mbrojtjen e Prrenjasit si një kauzë qytetare që lidhet me identitetin dhe zhvillimin ekonomik, social e kulturor të zonës.
Një operacion i gjerë kërkim-shpëtimi vijon në Detin e Kinës Jugore për gjetjen e 23 personave të zhdukur, pas mbytjes së një anijeje vietnameze me 62 persona në bord.
Sipas transmetuesit shtetëror kinez CCTV, deri tani 39 persona janë shpëtuar nga ekipet e emergjencës.
Autoritetet e provincës jugore kineze Hainan bënë të ditur se anija e mallrave “Khoi Nguyen 18” dërgoi një sinjal shqetësimi pranë zonës detare të Fiery Cross Reef.
Në operacionin e kërkim-shpëtimit janë angazhuar gjashtë anije kineze, një helikopter dhe një anije vietnameze, ndërsa vijojnë kërkimet për personat e mbetur të zhdukur.
Anija, e regjistruar në Vietnam, është rreth 70 metra e gjatë dhe ka një tonazh bruto prej 999 tonësh.
Zona ku ndodhi incidenti ndodhet pranë Ishujve Spratly, një rajon i diskutueshëm në Detin e Kinës Jugore, i përbërë nga ishuj të vegjël, shkëmbinj nënujorë dhe atole, i cili konsiderohet me rëndësi strategjike dhe i pasur me burime natyrore.
Kina pretendon sovranitet mbi pjesën më të madhe të Detit të Kinës Jugore, përfshirë Ishujt Spratly, ku ka ndërtuar pista ajrore dhe struktura të militarizuara.
Megjithatë, pretendimet e Pekinit kundërshtohen nga disa vende të rajonit, përfshirë Vietnamin, Filipinet, Tajvanin, Malajzinë dhe Brunein.
A Vietnamese vessel sank after encountering distress in waters near Yongshu Reef in the Nansha Islands in the #SouthChinaSea, with 39 people rescued so far, authorities of #China's Sansha City said. All those rescued are Vietnamese nationals from the distressed vessel "Khoi… pic.twitter.com/H4cGgrReY0
— CCTV Asia Pacific (@CCTVAsiaPacific) July 26, 2026
Të paktën 34 persona, mes tyre shumë fëmijë, kanë mbetur të plagosur të shtunën në një aksident të rëndë në autostradën A9 në Turingi, në Gjermaninë qendrore.
Sipas policisë gjermane, një karvan ka përplasur disa automjete që ishin ndalur në një kolonë trafiku. Gjendja e të plagosurve nuk paraqitet e rëndë, ndërsa ata kanë marrë ndihmë mjekësore në vendngjarje.
Dyshohet se drejtuesi i karvanit, në të cilin udhëtonin edhe dy fëmijë, nuk ka vënë re bllokimin e trafikut përpara dhe është përplasur me automjetet e ndalura.
Si pasojë e aksidentit janë dëmtuar rëndë nëntë automjete, mes tyre edhe dy minibusë që transportonin 11 fëmijë me nevoja të veçanta dhe tetë kujdestarë.
Policia ka vlerësuar dëmet materiale në rreth 350 mijë euro.
Bllokimi i trafikut në autostradë ishte shkaktuar më herët nga një tjetër aksident në korsinë e kundërt, ku një rimorkio për kuaj ishte përmbysur dhe kishte sjellë ndërprerjen e qarkullimit në atë segment të rrugës.
Autoritetet kanë nisur hetimet për të përcaktuar shkaqet e plota të aksidentit.
Një aksident i rëndë rrugor ka ndodhur mëngjesin e kësaj të diele në aksin Vlorë–Llogara, pranë fshatit Fushë Dukat, ku një person ka humbur jetën dhe katër të tjerë kanë mbetur të plagosur.
Ngjarja është regjistruar rreth orës 06:15, furgoni me targa AC 701 AJ, i drejtuar nga S.R, që transportonte punëtorë të cilët po shkonin në punë nga Tirana drejt zonës së bregdetit, ka dalë nga rruga dhe ka përfunduar në një kanal anës saj.
Si pasojë e aksidentit, drejtuesi i mjetit dhe katër pasagjerë kanë mbetur të plagosur, ndërsa paraprakisht dyshohet se një person ka humbur jetën. Viktima është identifikuar si I.H, 52 vjeç.
Për shkak të deformimit të furgonit nga përplasja, disa prej personave që ndodheshin brenda mjetit mbetën të bllokuar mes llamarinave dhe hekurave. Ekipet e zjarrfikësve ndërhynë për të prerë pjesë të mjetit dhe për të bërë të mundur nxjerrjen e të plagosurve.
Të plagosurit janë identifikuar si S.H, 22 vjeç; Q.H, 44 vjeç dhe S.R, rreth 22 vjeç, si dhe një person tjetër, identiteti i të cilit ende nuk është bërë i ditur.
Ata u transportuan me ambulanca drejt Spitalit Rajonal të Vlorës për të marrë ndihmën mjekësore, ndërsa trupi i viktimës u dërgua në morgun e spitalit.
Sipas dyshimeve paraprake, shkak i aksidentit mund të ketë qenë përgjumja e drejtuesit të mjetit ose një problem shëndetësor i papritur, por grupi hetimor po punon për të përcaktuar shkaqet e plota të ngjarjes.
Në vendngjarje ndodhen shërbimet e Policisë Rrugore, të cilat kanë nisur hetimet dhe po kryejnë veprimet procedurale për zbardhjen e rrethanave të aksidentit.
Njoftimi i policisë
“Rreth orës 06:10, në aksin rrugor Vlorë–Llogora, në vendin e quajtur “Fushë Dukat”, një automjet tip furgon, me drejtues shtetasin S. R., 22 vjeç, dyshohet se ka humbur kontrollin mbi drejtimin e mjetit dhe ka dalë nga rruga.
Si pasojë e aksidentit, ka humbur jetën në vendngjarje njëri prej pasagjerëve, shtetasi I. H., 52 vjeç.
Drejtuesi i mjetit dhe 3 pasagjerët e tjerë janë transportuar në spital, ku ndodhen nën kujdesin e mjekëve.
Grupi hetimor ndodhet në vendngjarje dhe, nën drejtimin e Prokurorisë, po kryen veprimet procedurale për zbardhjen e plotë të shkaqeve dhe rrethanave të aksidentit”, njofton policia.
Policia gjermane ka nisur kërkimin me të gjitha mjetet për Abdul B., 21 vjeç, i dyshuar si autor i sulmit të rëndë gjatë aktivitetit “Christopher Street Day” (Krenaria e Berlinit), ku një grua humbi jetën dhe 14 persona mbetën të plagosur.
Sipas autoriteteve, i riu, i njohur më herët për policinë gjermane për lidhje me skenën islamiste në Berlin, dyshohet se drejtoi një furgon drejt turmës së njerëzve në parkun qendror Tiergarten, gjatë aktivitetit të organizuar për të drejtat e komunitetit LGBTQ+.
Pas përplasjes, automjeti u përplas me një pemë dhe drejtuesi e braktisi atë, duke u larguar nga vendngjarja. Deri më tani, ai nuk është arrestuar.
Sipas agjencisë gjermane të lajmeve dpa, i dyshuari ishte liruar nga një qendër paraburgimi për të mitur në maj të këtij viti. Policia ka kontrolluar edhe apartamentin e tij në Berlin, por pa gjetur gjurmë të tij.
Autoritetet kanë publikuar fotografinë dhe të dhënat e të dyshuarit, duke kërkuar ndihmën e qytetarëve. Ai përshkruhet si një person rreth 1.90 metra i gjatë, me trup të dobët dhe flokë të zinj. Në momentin e fundit kur është parë, dyshohet se mbante një bluzë të zezë me kapuç dhe pantallona të bardha.
Policia u ka bërë thirrje qytetarëve të mos afrohen nëse e shohin, pasi ai mund të jetë i armatosur dhe i rrezikshëm.
“Kushdo që ka qenë dëshmitar i diçkaje që mund të lidhet me ngjarjen, ose ka informacion për vendndodhjen e tij, duhet të kontaktojë menjëherë policinë. Nëse e takoni, mos iu afroni në asnjë rrethanë”, thuhej në njoftimin e autoriteteve.
Ndërkohë, policia gjermane ka deklaruar se ende nuk ka informacion përfundimtar mbi motivimin e sulmit, rrjedhën e saktë të ngjarjeve apo rolin e të dyshuarit.
Ngjarja ndodhi rreth orës 22:15 të shtunën, kur mijëra persona po merrnin pjesë në aktivitetet e “Christopher Street Day” në Tiergarten, një prej eventeve më të mëdha të Pride në Evropë.
Një furgon i bardhë hyri në zonën e turmës, duke goditur disa persona. Një grua humbi jetën nga plagët e marra, ndërsa 14 të tjerë u plagosën. Sipas disa dëshmitarëve, autori mund të ketë pasur edhe një objekt të mprehtë me vete pas përplasjes.
Disa dëshmitarë okularë kanë deklaruar për mediat gjermane se panë persona me plagë të shkaktuara nga një mjet prerës, por ky informacion ende nuk është konfirmuar zyrtarisht nga autoritetet.
#BREAKING : #Berlin , #Germany police release photo of 21-year-old Abdul B., the man who drove his vehicle into a crowd at CSD Pride Parade, killing 1 person and injuring 16 others. Several people suffered stab wounds.
The Berlin Police Department has confirmed that a vehicle drove into a crowd in the Großer Tiergarten area during the Christopher Street Day (CSD/Berlin Pride) celebrations on the evening of July 25, 2026, injuring multiple people.
Një ngjarje e rëndë ka tronditur Berlinin mbrëmjen e së shtunës, pasi një automjet u përplas me një turmë njerëzish gjatë aktivitetit “Christopher Street Day” (Krenaria e Berlinit), duke lënë një person të vdekur dhe të paktën 16 të plagosur.
Ngjarja ndodhi pak pas orës 22:00 me orën lokale, në zonën Tiergarten, pranë vendit ku mijëra persona po merrnin pjesë në aktivitetet e organizuara në kuadër të Berlin Pride.
Sipas Policisë së Berlinit, një furgon i vogël i bardhë hyri me shpejtësi në zonën e eventit, goditi disa persona dhe më pas u përplas me një pemë, ndërsa drejtuesi i mjetit braktisi automjetin dhe u largua në këmbë.
Autoritetet nisën një operacion të gjerë për kapjen e shoferit. Mediat gjermane raportuan fillimisht për arrestimin e një të dyshuari, por policia e mohoi këtë informacion, duke sqaruar se pamjet e shpërndara në rrjetet sociale lidhen me arrestime të tjera gjatë ditës, për incidente të ndodhura gjatë festimeve.
Policia konfirmoi se një person humbi jetën si pasojë e plagëve të marra, pavarësisht përpjekjeve për ta rikthyer në jetë në vendngjarje. Më vonë u bë e ditur se viktima ishte një grua.
Ndërkohë, të paktën 16 persona të tjerë mbetën të plagosur, ndërsa sipas shërbimeve zjarrfikëse më shumë se dhjetë prej tyre ndodhen në gjendje të rëndë.
Autoritetet e shpallën ngjarjen si një incident me viktima masive, duke angazhuar më shumë se 150 zjarrfikës dhe ekipe shpëtimi. Për të plagosurit rëndë u krijua një pistë e përkohshme uljeje për helikopterë, ndërsa ambulancat i transportuan të dëmtuarit nga zona e Tiergarten drejt zonës së Reichstag, prej nga u dërguan në spitale.
Pas përplasjes, organizatorët e Christopher Street Day dhe policia vendosën ndërprerjen e aktiviteteve dhe evakuimin e zonës pranë Portës së Brandenburgut. Pjesëmarrësve iu kërkua të largoheshin në mënyrë të qetë dhe të shmangnin zonën e Kolonës së Fitores (Siegessäule) dhe parkut Tiergarten.
Më herët gjatë ditës, qindra mijëra persona kishin marrë pjesë në marshimin e Krenarisë së Berlinit, në kushte të temperaturave të larta. Gjatë aktivitetit ishte regjistruar edhe një incident tjetër, ku një person i panjohur kishte qëlluar me pushkë ajrore nga një apartament drejt marshimit. Katër pjesëmarrës pësuan plagë të lehta, ndërsa dy efektivë policie nuk u lënduan.
Për sigurinë e aktivitetit ishin angazhuar rreth 2 mijë e 200 efektivë policie.
Kancelari gjerman Friedrich Merz e dënoi ngjarjen, duke e cilësuar një “akt të neveritshëm”. Ai deklaroi se është në kontakt me Ministrin e Brendshëm Federal dhe strukturat e sigurisë për të ndjekur zhvillimet dhe për të garantuar hetimin e plotë të rastit.
Edhe kryebashkiaku i Berlinit, Kai Wegner, e dënoi incidentin, duke e cilësuar një sulm ndaj “shoqërisë së lirë dhe të hapur”. Ai theksoi se autoritetet kishin marrë masa për mbrojtjen e aktivitetit, por shtoi se “nuk ka kurrë siguri 100%”.
The Berlin Police Department has confirmed that a vehicle drove into a crowd in the Großer Tiergarten area during the Christopher Street Day (CSD/Berlin Pride) celebrations on the evening of July 25, 2026, injuring multiple people.
Anthony Joshua është rikthyer në ring me një fitore me nokaut ndaj boksierit shqiptar Kristjan Prenga, në duelin e zhvilluar në Jeddah Superdome, në Arabinë Saudite.
Ish-kampioni i dyfishtë i botës në peshat e rënda e mbylli sfidën në raundin e dytë, por përballja nisi në mënyrën më të papritur për britanikun.
Prenga zhvilloi një raund të parë të jashtëzakonshëm, duke e vendosur disa herë në vështirësi Joshuan dhe duke e rrëzuar atë në tapet. Sipas raportimeve, shqiptari e hodhi dy herë në kanavacë kundërshtarin, përfshirë një goditje të fortë që erdhi vetëm 20 sekonda pas nisjes së duelit.
Megjithatë, Joshua u rikuperua mes raundeve dhe në raundin e dytë reagoi fuqishëm. Britaniku e goditi disa herë Prengën, e çoi në cep të ringut dhe më pas e mbylli përballjen me një nokaut të fuqishëm me dorën e djathtë.
Dueli ishte parashikuar të zhvillohej për 12 raunde, por zgjati vetëm pak minuta. Për Kristjan Prengën kjo ishte sfida më e madhe e karrierës, ndërsa Joshua e konsideron si një rikthim të rëndësishëm pas një periudhe shtatëmujore larg ringut.
Kjo ishte ndeshja e parë profesionale e Joshuas pas përballjes me Jake Paul në dhjetor të vitit 2025. Britaniku tashmë synon një tjetër përballje të madhe, atë ndaj ish-kampionit të botës Tyson Fury, e planifikuar për muajin nëntor.
Sipas raportimeve, fondi total i shpërblimeve për këtë duel ishte rreth 5 milionë paund, ku Joshua përfitoi afërsisht 4 milionë paund, ndërsa pjesa tjetër shkoi për boksierin shqiptar.
Pavarësisht humbjes, Prenga fitoi vëmendje të madhe me paraqitjen e tij, veçanërisht pas fillimit spektakolar ku vuri në vështirësi një nga emrat më të mëdhenj të boksit botëror.
Si sot 26 vite më parë, në një pasdite të zakonshme korriku në Paris, moti ishte i kthjellët dhe në aeroportin “Charles de Gaulle” rreth 100 pasagjerë po prisnin me emocion fluturimin e tyre me Concorde, avionin më të shpejtë të pasagjerëve në botë, shkruan Protothema.gr.
I quajtur “zogu i bardhë”, avioni supersonik premtonte t’i çonte udhëtarët nga Parisi në Nju Jork për pak më shumë se tre orë, një kohë e paarritshme për avionët tradicionalë.
Shumica e pasagjerëve në bord ishin gjermanë dhe do të udhëtonin drejt Nju Jorkut, ku më pas do të nisnin një udhëtim turistik drejt Ekuadorit. Atmosfera në kabinë ishte e qetë, me biseda dhe buzëqeshje, ndërsa askush nuk e dinte se pak minuta më vonë do të ndodhte një nga tragjeditë më të rënda në historinë e aviacionit.
Pesë minuta para ngritjes së Concorde, një avion DC-10 i kompanisë Continental Airlines, gjatë ngritjes në pistë, humbi një copë metali titaniumi rreth 40 centimetra të gjatë. Ajo pjesë ra në pistë dhe u kthye në shkakun e një zinxhiri fatal ngjarjesh.
Në orën 16:41, Concorde mori autorizimin për ngritje dhe nisi përshpejtimin në pistë. Kur arriti një shpejtësi prej rreth 185 miljesh, njëra nga rrotat kaloi mbi copën e metalit. Goma shpërtheu dhe një pjesë e saj, me peshë rreth 4.5 kilogramë, u përplas me forcë në rezervuarin e karburantit nën krahun e avionit.
Karburanti u derdh dhe u përfshi nga flakët, sipas hetimeve, si pasojë e një harku elektrik pranë sistemit të uljes ose kontaktit me pjesë të nxehta të motorit.
Në atë moment Concorde kishte kaluar pikën kritike të ngritjes, të njohur si V1, pas së cilës pilotët nuk mund ta anulonin më fluturimin. Avioni u ngrit në ajër me një motor të përfshirë nga flakët, por problemet teknike u përkeqësuan menjëherë.
Sistemet elektrike nisën të dështojnë, pajisjet e uljes nuk u tërhoqën dhe kontrolli i avionit u bë pothuajse i pamundur. Pavarësisht përpjekjeve të ekuipazhit, Concorde u përplas pak minuta më vonë me një hotel pranë aeroportit.
Nga aksidenti humbën jetën të 109 personat që ndodheshin në bord dhe katër persona në tokë.
Pamjet e avionit me bishtin e përfshirë nga flakët tronditën botën. Dëshmitarët në zonë përshkruan momentet e fundit të Concorde, ndërsa një 21-vjeçar që e pa avionin para rrëzimit tregoi: “Ai fluturoi rreth 30 metra mbi kokat tona dhe e gjithë pjesa e pasme ishte në flakë. Pastaj filloi të kthehej dhe papritur gjithçka u errësua”.
Tragjedia tronditi industrinë e aviacionit, pasi Concorde deri në atë ditë konsiderohej një nga avionët më të sigurt në botë. Që nga fluturimi i parë në vitin 1969 dhe deri në vitin 2000, ai nuk kishte regjistruar asnjë aksident fatal.
Pas rrëzimit, Air France dhe British Airways ndaluan përkohësisht fluturimet e Concorde për kontrolle të plota. Avioni u rikthye në qiell edhe për tre vite të tjera, por aksidenti kishte nisur fundin e tij.
Pavarësisht shpejtësisë revolucionare dhe faktit se shkurtoi distancat mes kontinenteve, Concorde nuk arriti suksesin ekonomik të parashikuar nga Franca dhe Britania e Madhe, që bashkëpunuan për ndërtimin e tij.
Një nga arsyet ishte edhe kostoja e lartë e udhëtimit. Një biletë me Concorde kushtonte rreth 10 mijë dollarë, duke e bërë atë një luks të paarritshëm për shumicën e udhëtarëve.
Aksidenti i korrikut 2000 shënoi fillimin e fundit për “zogun e bardhë”, avionin që dikur simbolizonte të ardhmen e udhëtimit ajror supersonik.
Presidenti i Francës, Emmanuel Macron, ka garantuar se shteti do të jetë i pranishëm për të rindërtuar dhe riparuar zonat e prekura nga zjarret e ditëve të fundit, veçanërisht në rajonet Gironde dhe Landes.
Në një postim në rrjetet sociale, Macron tha se autoritetet do të qëndrojnë në terren “për aq kohë sa të jetë e nevojshme”, ndërsa vlerësoi solidaritetin e qytetarëve përballë situatës së rëndë.
“Në këto orë kur flakët po e vënë në provë të rëndë vendin tonë, Franca po zbulon se çfarë është: një popull i bashkuar, që mbështet njëri-tjetrin”, shkroi Macron.
Zjarret kanë detyruar autoritetet franceze të evakuojnë rreth 200 mijë persona nga banesat dhe strukturat turistike në zonat e rrezikuara.
Ministri i Brendshëm Laurent Nunez bëri të ditur se fronti i zjarrit ndodhet rreth 30 kilometra larg Bordosë, ndërsa qeveria ka kërkuar kufizimin e lëvizjeve rrugore dhe hekurudhore në zonat e prekura. Aeroporti i Bordosë vijon të jetë i hapur, por transporti publik është prekur nga situata.
Mes personave të evakuuar janë edhe shumë banorë që u larguan me nxitim nga shtëpitë e tyre. Bernadette, 71 vjeçe, tregoi se u largua gjatë natës vetëm me dy nipërit e saj të vegjël.
“Nuk u largova absolutisht pa asgjë, vetëm dy fëmijët e mi të vegjël. Harrova shumë gjëra, ilaçin tim për sytë, gjithçka”, tha ajo, ndërsa aktualisht është strehuar në një qendër pritjeje në Bordo të kthyer në strehë për personat e prekur nga zjarret.
Situata mbetet e rëndë edhe në Spanjë, ku mijëra persona janë evakuuar nga zonat pranë Madridit dhe Ávilës për shkak të zjarreve të mëdha.
Ndërkohë, në rajonin Gironde të Francës, autoritetet kanë lejuar kthimin e rreth 3 mijë banorëve në shtëpitë e tyre, në zona që konsiderohen të stabilizuara, si qyteti Biscarrosse. Megjithatë, zjarri ende nuk është shpallur plotësisht nën kontroll.
Dans ces heures où les flammes éprouvent durement notre pays, la France révèle ce qu’elle est : un peuple uni, qui se serre les coudes.
Merci à nos sapeurs-pompiers, à nos militaires, aux forces de sécurité civile, à nos gendarmes et policiers, ainsi qu’aux agriculteurs… pic.twitter.com/DFzPt8vSYM
Një ekspeditë speleologjike në shpellën “Sterra e Kujunxhiut”, pjesë e Parkut Kombëtar të Llogarasë, ka zbuluar një zgavër të re me thellësi rreth 70 metra, pothuajse tërësisht vertikale.
Sipas eksploruesve, në fund të kësaj hapësire është gjetur një grumbull i madh gurësh, i cili dyshohet se ka bllokuar vazhdimin e mëtejshëm të galerisë së shpellës.
Gjatë ekspeditës është konstatuar gjithashtu prania e një numri të madh eshtrash të kafshëve të egra, mes të cilave të derrit të egër, drerit, ujkut, dhelprës dhe specieve të tjera.
Zbulimi pritet të shërbejë si bazë për ekspedita dhe studime të mëtejshme, me qëllim përcaktimin nëse shpella vijon më tej, si dhe dokumentimin e vlerave të saj natyrore dhe speleologjike.
I ftuar në emisionin “Review” me Greta Topjanën, gazetari i kronikës Ervin Leka ka sjellë detaje të reja nga ngjarja e rëndë në Vidhisht të Roskovecit, ku mbetën të vrarë nga ish-dhëndi i tyre, çifti Kosta dhe Belere Plaku.
Sipas gazetarit, grupi hetimor dyshon se gjithçka ka nisur me një telefonatë që 35-vjeçari, Refit Buzi, ndërsa tha se vajza ka qenë dëshmitare e momentit kur prindërit e saj u qëlluan me armë dhe më pas u mor peng nga ish-partneri i saj.
“Vajza ka parë gjithçka, dy prindërit që janë qëlluar nga personi me të cilin ajo ka qenë e fejuar”, tha ai.
Sipas komunikimeve me Policinë e Fierit dhe grupin negociator të RENEA-s, gazetari tha se e reja ka qenë në gjendje ekstreme, pasi dyshohet se është dhunuar si brenda banesës së prindërve të saj, ashtu edhe gjatë rrugës drejt zonës malore ku u mbajt për rreth shtatë orë.
“Ka pasur dëmtime në pjesën e fytyrës, në këmbë, por do t’i nënshtrohet edhe ekzaminimeve të tjera. Gjatë rrugës ka qenë jashtëzakonisht i dhunshëm dhe agresiv, pavarësisht se kërkonte bashkimin me të”, u shpreh Ervin Leka.
Gazetari tha gjithashtu se gjatë negociatave me RENEA-n, autori ka përmendur edhe pretendime për çështje financiare, duke pretenduar se i kishte dërguar familjes shuma parash kur ndodhej në Britaninë e Madhe.
“Çështja e parave është vetëm një pretendim dhe sigurisht nuk mund të justifikojë as ndjekjen, as dhunën, as marrjen peng dhe as aktin më tragjik, vrasjen e prindërve të saj. Problemi kryesor ka qenë babai i vajzës, i cili e ka kundërshtuar që në momentet e para, pasi kishte shfaqur shenja agresiviteti. Konflikti me familjarët ka vijuar për shkak se ata ishin kundër kësaj marrëdhënieje”, tha gazetari.
Leka theksoi se Refit Buzi ishte një person i denoncuar më herët për dhunë dhe se ndaj tij kishte pasur referime në polici. Ai tha se grupi hetimor po verifikon gjithashtu edhe të shkuarën e tij, përfshirë periudhën kur ka jetuar në Britaninë e Madhe, ku dyshohet për përfshirje në veprimtari të kundërligjshme.
Presidenti i Serbisë, Aleksandar Vuçiç, deklaroi se Kosova dhe Metohia janë pjesë e Serbisë, gjatë ceremonisë së promovimit të oficerëve të rinj të Forcave të Armatosura Serbe, të zhvilluar në kazermën “Gjenerali Jovan Mishkoviç” në Banjica të Beogradit.
“Ne nuk kemi asgjë më të shenjtë dhe më të rëndësishme. Kosova është pjesë e atdheut tonë, pjesë e Serbisë, si sipas Kushtetutës ashtu edhe sipas drejtësisë së Zotit”, tha ai.
Duke folur për forcimin e ushtrisë, neutralitetin ushtarak dhe ruajtjen e integritetit territorial, Vuçiç tha se Serbia duhet të jetë mjaftueshëm e fortë për të mbrojtur veten, por pa kërcënuar apo sulmuar askënd.
Vuçiç deklaroi gjithashtu se Serbia ka nisur modernizimin e ushtrisë dhe pajisjen e saj me armatimet më të avancuara, duke argumentuar se kjo bëhet për mbrojtjen e vendit dhe jo për të kërcënuar të tjerët.
“Jemi armatosur dhe pajisur, jemi bërë një ushtri shumë më e fortë. Jo sepse duam të kërcënojmë dikë, por sepse kemi nxjerrë mësime të hidhura nga historia”, u shpreh presidenti serb.
Në ceremoninë e sotme u graduan 130 kadetë në gradat e para të oficerëve, 102 prej tyre nga Akademia Ushtarake dhe 28 nga Fakulteti i Mjekësisë i Akademisë Ushtarake Mjekësore.
Protesta e aktivistëve dhe qytetarëve në Tiranë ka hyrë në ditën e saj të 56-të, me tubimin e radhës të zhvilluar pasditen e kësaj të shtune.
Protestuesit u mblodhën fillimisht në sheshin “Skënderbej”, ku vijuan me thirrjet e tyre kundër qeverisë dhe kryeministrit Edi Rama. Më pas, turma u zhvendos drejt Bulevardit “Dëshmorët e Kombit”, duke u ndalur përpara godinës së Kryeministrisë.
Gjatë protestës u mbajtën fjalime nga pjesëmarrës të ndryshëm ndërsa aktivisti Edison Lika njoftoi nga podiumi se qytetarët do të rikthehen sërish të hënën para Parlamentit.
“Në fillim seanca ishte parashikuar për në datën 30 korrik, por ata e ndryshuan për në datën 27, të hënën. Ne u themi siç ia bëmë që në mëngjes, ne përsëri aty do të jemi”, deklaroi Lika.
Ai ftoi në podium edhe një protestues të ardhur nga Britania e Madhe, i cili sipas organizatorëve ishte dhunuar gjatë protestës së së enjtes para Parlamentit.
“Ka ardhur nga Britania e Madhe, ia dogjën trupin krejt në protestën e kaluar, por flamurin e mbajti në krah. Ja kështu e sulmojmë ne Parlamentin, me flamur”, tha Lika.
Një emigrant i ardhur posaçërisht për protestën foli para Kryeministrisë, duke kërkuar largimin e kryeministrit Edi Rama dhe qeverisë së tij. Ai deklaroi se protestuesit nuk do të tërhiqen dhe se do të vijojnë rezistencën.
“Besa nuk është për ty o mashtrues. Na ke mashtruar, me delirin tënd dhe me kod moral zero, na ke fyer, na ke quajtur sorra, terroristë, të pashpresë dhe tani vjen e na kërkon besën. Ndaj nesh që jemi 56 ditë në shesh, paqësisht dhe që kërkojmë largimin tënd pa kushte”, u shpreh ai.
Protestuesi akuzoi gjithashtu klasën politike për korrupsion dhe kërkoi dorëheqjen e kryeministrit si, sipas tij, “e vetmja rrugëzgjidhje për popullin”.
Kërkesa kryesore e kësaj lëvizjeje vijon të jetë largimi i kryeministrit Edi Rama dhe qeverisë aktuale, ndërsa protestuesit shprehen se do të vijojnë tubimet edhe në ditët në vijim.
Kosta dhe Belere Plaku u përcollën këtë të shtunë për në banesën e fundit, një ditë pas ngjarjes tragjike në fshatin Vidhisht të Roskovecit, ku u qëlluan me armë zjarri nga ish-dhëndri i tyre, Refit Buzi.
Në një prononcim për gazetaren e Euronews Albania, Matilda Braho, në emisionin Review, vëllai i Kostës rrëfeu momentet e para të ngjarjes dhe ngriti akuza ndaj institucioneve, duke pretenduar se kërcënimet e vazhdueshme nga autori ishin denoncuar prej kohësh.
“Kam qenë në gjumë në shtëpi. Ishte rreth orës 05:20-05:30 kur dëgjova krismat. U zgjova menjëherë, dyshova se kishte ndodhur diçka e rëndë, njoftova Policinë dhe mora makinën për të shkuar atje. Kur mbërrita, ai kishte qëlluar, kishte marrë mbesën dhe ishte larguar. Më pas erdhën ambulanca dhe Policia”, tha ai.
Sipas tij, konflikti kishte më shumë se një vit që kishte nisur dhe familja kishte bërë disa kallëzime ndaj autorit.
“Është një histori e gjatë, të paktën prej më shumë se një viti. Mbesa e kishte denoncuar në Tiranë, sepse i dilte përpara dhe i zinte rrugën. Ajo mori urdhër mbrojtjeje, i cili është ende në fuqi deri në dhjetor. Ne u përpoqëm ta zgjidhnim me mirëkuptim, me shpresën se nuk do të kishte më probleme, por sapo doli, për rreth 40 ditë dërgonte çdo ditë mesazhe kërcënuese në forma të ndryshme”, u shpreh ai.
Më tej, ai tha se pavarësisht kallëzimeve, autori u la i lirë nga drejtësia.
“Mbesa, bashkë me vëllanë tim, bënë denoncim. Policia e ndaloi, Prokuroria kërkoi masën e ndalimit, por Gjykata e la në arrest shtëpie. Ditën që doli, pa kaluar as një ose dy orë, kërcënimet vazhduan. I thashë inspektorit se ai po lëvizte lirshëm. Më tha: ‘Mbani kërcënimet dhe bëni ndonjë foto’. I thashë se nuk jam fotoreporter, por hajdeni se do e kap dhe merreni. Më tha se nuk lejohej”, rrëfeu ai.
I pyetur për gjendjen e mbesës, ai tha se ende nuk kishte mundur të fliste me të.
“Me mbesën, Rozalidën, ende nuk kam folur. Do të ulem ta dëgjoj, por është e traumatizuar.”
Në fund, vëllai i viktimës shprehu zhgënjimin e tij ndaj institucioneve, duke theksuar se tragjedia mund të ishte parandaluar.
“Ajo që kërkoj unë nuk kthehet më, por institucionet janë të buta, fasadë. Kishte mbi 40 ditë kërcënime dhe përsëri e nxorën. Kur një person është përsëritës, masat duhet të ashpërsohen, jo ta lëshosh. Kjo tragjedi nuk erdhi vetëm nga veprimet e një njeriu, por edhe nga dështimi për të zbatuar ligjin. Nëse shoqëria nuk reagon dhe ligjet nuk zbatohen, raste të tilla do të përsëriten”, tha ai.
Ai kritikoi gjithashtu disa portale për mënyrën se si, sipas tij, kanë raportuar ngjarjen.
“Jam i pakënaqur me disa portale. Nuk i kam lexuar vetë, por më kanë treguar familjarët. Po shkruajnë gjëra që nuk ekzistojnë fare. Informacionet duhet të verifikohen përpara se të publikohen.”
Kosta Plaku humbi jetën në vendngjarje, ndërsa bashkëshortja e tij, Belere Plaku, ndërroi jetë në spital si pasojë e plagëve të marra. Pas krimit, autori mori peng ish-bashkëshorten e tij, të cilën e liroi më pas pas negociatave me Policinë, ndërsa në fund i dha fund jetës.
Zjarret e fuqishme pyjore kanë përfshirë ditët e fundit Spanjën dhe Francën, duke shkaktuar dëme të mëdha dhe duke detyruar qindra mijëra njerëz të largohen nga banesat e tyre.
Në Spanjë, situata është përkeqësuar veçanërisht në zonën e Madridit dhe provincat përreth. Frontet e zjarrit janë shtrirë në një perimetër prej rreth 200 kilometrash, ndërsa deri tani raportohet se janë djegur afërsisht 450 mijë hektarë tokë.
Rreth 87 mijë persona janë prekur nga zjarret në Spanjë, shumica prej të cilëve janë evakuuar nga banesat e tyre, ndërsa të tjerë janë këshilluar të kufizojnë lëvizjet për shkak të tymit dhe ndotjes së ajrit.
Kryeministri spanjoll Pedro Sánchez deklaroi se prioriteti i autoriteteve është shpëtimi i jetëve dhe mbrojtja e zonave të banuara, por paralajmëroi se vendi përballet me “kohë të vështira”.
Presidentja e rajonit të Madridit, Isabel Díaz Ayuso, tha se situata është “e paprecedentë” dhe paralajmëroi se ndryshimet e pritshme të motit mund ta përkeqësojnë më tej përhapjen e flakëve.
Mbi 2 700 efektivë të Gardës Civile, Forcave të Armatosura dhe shërbimeve të emergjencës janë angazhuar në terren, ndërsa në operacione janë përfshirë qindra mjete dhe dhjetëra avionë e helikopterë zjarrfikës.
Ndërkohë, në Francë situata mbetet kritike në jugperëndim të vendit, veçanërisht në rajonin e Girondës pranë Bordosë. Rreth 200 mijë persona janë detyruar të largohen nga zonat e prekura nga zjarret.
Vetëm gjatë natës, rreth 60 mijë banorë janë evakuuar nga zonat përreth Bordosë, ndërsa shumë prej tyre janë strehuar përkohësisht në palestra dhe ambiente sportive.
Autoritetet franceze thonë se situata ka shfaqur përmirësime të lehta në disa zona, por theksojnë se zjarret janë ende larg kontrollit të plotë. Era e fortë mbetet një nga faktorët kryesorë që favorizon përhapjen e flakëve.
Sipas të dhënave zyrtare, rreth 1 milion hektarë sipërfaqe janë djegur në Francë që prej fillimit të vitit, ku një pjesë e konsiderueshme ndodhet në rajonin e Bordosë.
Në të dyja vendet, autoritetet kanë rritur masat e emergjencës, ndërsa ekipet e shpëtimit vijojnë betejën me flakët për të kufizuar dëmet dhe për të mbrojtur zonat e banuara.
INCENDIES | 2026 bat déjà le record de 2022
Selon les données satellitaires, la France a déjà brûlé plus de surfaces cette année que lors de l’année noire 2022.
Des milliers d’hectares partis en fumée, des centaines de pompiers mobilisés chaque jour, et la saison n’est pas… pic.twitter.com/iwUqrJ0u5f
Los incendios de Madrid y Ávila dejan 63.000 afectados. El de Madrid ya está fuera de capacidad de extinción.
El incendio de Burgohondo (Ávila) ha arrasado casi 9.000 hectáreas y ha obligado a evacuar o confinar a más de 13.000 personas. pic.twitter.com/arCEMvD8sH
España enfrenta una de las PEORES TEMPORADAS de incendios.
Las llamas ya han arrasado más de 20.000 hectáreas y avanzan hasta las cercanías de Madrid. Las autoridades declararon el estado de emergencia y califican la situación como la más grave en la historia de la capital. pic.twitter.com/gkbZCpKesI
Apocalyptic skies over Las Rozas de Madrid, Community of Madrid, Spain. More than 9,000 hectares have burned in the Madrid region’s wildfires. This is nothing short of a climate emergency. pic.twitter.com/NVgBscyRfO
"Que vuelvan todos sanos y salvos a sus casas": bomberos de Madrid se adentran en el corazón del incendio con visibilidad nula. pic.twitter.com/0DhN15Rkso
Para hacernos una idea de la dimensión que está tomando el incendio en la Sierra Oeste de Madrid, es espeluznante el mapa. Mirar la dimensión… pic.twitter.com/XcMyr9ittU
Les fumées des #incendies envahissent une grande partie de la France ce samedi. Des feux qui ont parcouru/brûlé plus de 30.000 hectares en seulement quelques jours. pic.twitter.com/S95pLrCOw0
Login
Our pilots have shot down a third drone that entered Romanian airspace! 
INCENDIES | 2026 bat déjà le record de 2022
España enfrenta una de las PEORES TEMPORADAS de incendios.
"Que vuelvan todos sanos y salvos a sus casas": bomberos de Madrid se adentran en el corazón del incendio con visibilidad nula. 
(@AnthoGrillon) 
