Kryetari i Komunës së Prishtinës, Përparim Rama ka thënë se për herë të parë brenda kabinetit të tij është krijuar një sektor i posaçëm për çështje të kategorive të dala nga lufta e UÇK-së.

Rama përmes një postimi në rrjetin social në Facebook ka shkruar se Prishtina do t’i bashkohet protestës së OVL-UÇK-së për drejtësi për mbrojtjen e vlerave të luftës

Ai tha se në mbështetje të kësaj protestë kanë marrë vendim që më 7 gusht transporti urban të jetë falas për të gjithë qytetarët.

“Parking falas prapa Pallatit të Rinisë, nga ora 16:00 deri në 18:00, për autobusët e protestuesve”, ka shkruar Rama. /Telegrafi/

The post Rama: Prishtina i bashkohet protestës së OVL e UÇK-së, më 7 gusht autobusët urban falas appeared first on Telegrafi.

Dy drejtorë të Komunës së Prishtinës janë liruar nga detyra.

Kështu kanë konfirmuar për Telegrafin, zyra për komunikim në Komunën e Prishtinës.

“Ju njoftojmë se Vigan Kastrati, Drejtor i Kadastrit, dhe Donjeta Dragusha, Drejtoreshë e Bujqësisë, janë liruar nga detyra”, thuhet në përgjigjen e tyre.

Po ashtu, ata njoftuan se përkohësisht, udhëheqja e drejtorive do të organizohet si më poshtë:

Drejtorinë e Kadastrit do ta udhëheq u.d z. Florent Maliqi dhe ushtrimin e detyrës në Drejtorinë e Bujqësisë do ta kryejë përkohësisht shefi i sektorit, Fexhri Hyseni. /Telegrafi/

The post Lirohen nga detyra dy drejtorë në Komunën e Prishtinës appeared first on Telegrafi.

Komuna e Kryeqytetit ka bërë të ditur se rreth orës 18:30, një kamion i peshave të rënda dhe me lartësi mbi kufirin e lejuar, ka hyrë në mënyrë të paligjshme në shtegun e biçikletave dhe automjeteve në tunelin te Kurrizi.

Tuneli ka kufizim të qarkullimit për mjete me lartësi deri në 3.2 metra, ndërsa hyrja e këtij kamioni ka shkaktuar disa pasoja të konsiderueshme:

Shkelje të rregullave të trafikut rrugor;

Rrezikim të sigurisë publike, sidomos për këmbësorët dhe çiklistët që frekuentojnë këtë zonë të dedikuar;

Dëmtim të pronës publike komunale, përfshirë pajisjet e ventilimit dhe ato përcjellëse të instaluara rishtazi gjatë këtij viti.

Kryeqyteti e ka dënuar ashpër këtë veprim të papërgjegjshëm dhe ka njoftuar se rasti i është përcjellë menjëherë autoriteteve përkatëse për hetim dhe trajtim të mëtejmë ligjor.

Në reagimin zyrtar thuhet se: “Tuneli është i destinuar për qarkullim të kontrolluar të automjeteve dhe kamionëve me lartësi deri në 3.2 metra. Çdo tejkalim i këtij kufiri përbën shkelje ligjore dhe rrezik të drejtpërdrejtë për infrastrukturën dhe sigurinë publike.”

Komuna ka publikuar edhe fotografi nga vendi i ngjarjes, duke paralajmëruar se do të ndjekë penalisht çdo rast të ngjashëm në të ardhmen.

The post Kamion i peshave të rënda futet në mënyrë të paligjshme në tunelin te Kurrizi – dëmtohet infrastruktura komunale appeared first on Telegrafi.

Uran Ismaili ka mbajtur tubimin e tij të parë elektoral në Sheshin “Adem Jashari” në Prishtinë, ku para një numri të madh qytetarësh ka shpalosur vizionin dhe arsyet që e kanë shtyrë të rikandidojë për kryetar të kryeqytetit.

Gjatë fjalimit të tij, Ismaili u kthye te zgjedhjet e kaluara, duke kujtuar porositë që ka marrë nga qytetarët pas humbjes së asaj gare: “Pas fushatës, kudo që më keni pa – edhe ata që më kanë votu, edhe ata që atëherë kanë hezitu, ma keni dhanë një porosi rrugës: ‘Mos u dorëzo’,” tha ai.

Ai theksoi se vendimi për të hyrë sërish në garë nuk ka qenë i lehtë, por është udhëhequr nga besimi i thellë se Prishtina ka nevojë për një mënyrë të re të të bërit politikë – një politikë që vendos qytetarin në qendër.

“Prishtinë, unë nuk jam dorëzu. Ti je një për mu. E unë kam me qenë gjithmonë me ty,” u shpreh Ismaili me tone emocionale.

Duke kritikuar qeverisjen aktuale, ai tha se kryeqyteti është udhëhequr nga një grup i vogël njerëzish, të izoluar në zyra dhe të shkëputur nga realiteti i qytetarëve: “Qytetari i Prishtinës nuk ka qenë në qendër as të investimeve, as të shërbimeve, as të vendimeve.”

Ai premtoi një qeverisje të hapur, të përkushtuar dhe në kontakt të përhershëm me qytetarët: “Askush s’ka me hy mes meje dhe qytetarëve. Do t’i shërbej Prishtinës 24/7.”

Ismaili tha se shpresat që ndjen nga qytetarët e tij i japin motiv dhe përgjegjësi të shtuar për të nxjerrë Prishtinën nga, siç e quajti ai, “kaosi që ka kapluar çdo lagje dhe çdo rrugë”.

Në fund, ai u bëri thirrje qytetarëve që të bashkohen në këtë rrugëtim të ri: “Bashkë mund ta përfundojmë epokën e zhgënjimit në Prishtinë. Bashkë mund ta ndërtojmë një qytet të pastër, të gjelbër, të sigurt, me mundësi për të gjithë.”

The post Uran Ismaili mban tubimin e parë elektoral në Sheshin “Adem Jashari” në Prishtinë appeared first on Telegrafi.

Kryetari i Komunës së Prishtinës, Përparim Rama, ka njoftuar sot se ka nënshkruar një vendim të rëndësishëm që garanton siguri afatgjatë për familjet e dëshmorëve të Republikës së Kosovës.

Banesat komunale, të cilat më herët ishin ndarë për këto familje për periudha të shkurtra kohore, tani do të jepen për shfrytëzim për një periudhë prej 99 vjetësh.

“Ne kemi vlerësuar se është koha që këto familje të kenë jo vetëm strehë, por siguri të plotë e afatgjatë”, theksoi Rama, duke shtuar se ky veprim nuk është një akt favori, por një hap institucional drejt drejtësisë dhe kujtesës kolektive.

Ai vuri në dukje se ky vendim është një vazhdimësi e një politike të nisur vite më parë dhe e miratuar në Kuvendin Komunal të Prishtinës, por tani përforcohet me një afat që garanton stabilitet dhe trajtim të qëndrueshëm për familjet që kanë sakrifikuar më shumë se gjithçka për lirinë e vendit.

“Prishtina u detyrohet familjeve të dëshmorëve jo vetëm nderim moral, por edhe trajtim dinjitoz dhe të qëndrueshëm”, tha ai, duke shprehur mirënjohjen e thellë për kontributin e tyre.

The post Rama nënshkruan vendimin: Banesat komunale për familjet e dëshmorëve, në shfrytëzim për 99 vjet appeared first on Telegrafi.

Pishina e Gërmisë, një prej destinacioneve më të frekuentuara gjatë verës nga qytetarët e Prishtinës dhe më gjerë, është hapur më 8 korrik për sezonin veror, pas një vonese të shkaktuar nga mungesa e ujit.

Megjithatë, vizitorët po përballen me kushte të papërmirësuara dhe ndotje të dukshme në ambientet e saj.

Qytetarët që sot (e diel) kanë frekuentuar këtë pishinë kanë dërguar pamje në adresë të Telegrafit, ku janë shprehur të pakënaqur me kushtet.

Ata gjithashtu janë ankuar për çmimet e shtrenjta, ky hyrja për person është 5 euro ndërkaq çmimet e çadrave sillen nga 5 më të thjeshtat deri në 15 euro tek ato më të mëdha.

Edhe pse çmimet shihet se janë dukshëm më të larta, infrastruktura e pishinës nuk është përmirësuar në krahasim me vitet e kaluara.

Përveç kësaj, qytetarët kanë ngritur shqetësime për nivelin e papastërtisë në ujë dhe në hapësirat përreth.

Por një anë tjetër të kësaj pishine ka paraqitur kryetari i Prishtinës, Përparim Rama.

Rama ka shpërndarë një video nga Pishina e Gërmisë duke ftuar qytetarët që ta vizitojnë.

“Pishina e Gërmisë – për krejt ju që jeni n’Prishtinë këto ditë. NPL Sport Marketing”, ka shkruar Rama.

Qytetarët kërkojnë që të bëhen investime serioze në këtë hapësirë rekreative dhe të rritet kontrolli sanitar, në mënyrë që Pishina e Gërmisë të mos mbetet vetëm simbol i verës në kryeqytet, por edhe shembull i standardeve moderne për shërbime publike. /Telegrafi/

The post Simbol i verës në Prishtinë, por pa standarde – qytetarët ankohen për kushtet dhe çmimet në Pishinën e Gërmisë appeared first on Telegrafi.

Komuna e Prishtinës njofton se për shkak të numrit të madh të parkingjeve private pa leje, sidomos ato me qasje direkte në rrugë kryesore, udhëkryqe apo zona të gjelbra, ka ndërmarrë disa masa për vendosje të rregullit.

Sipas njoftimit, çdo parking privat duhet të aplikojë për leje, e cila do të jetë e përkohshme, deri në miratimin e Planit të ri të Mobilitetit, i cili do të përcaktojë standardet dhe lokacionet e lejuara për parking.

Sipas Komunës së Prishtinës, në kuadër të këtyre masave të ndërmarra nuk do të lejohen të operojnë ato parkingje të cilat kanë qasje direkte në rrugë kryesore apo udhëkryqe – që pengon qarkullimin dhe ato parkingje që janë të vendosura në hapësira të gjelbra dhe hapësira publike.

“Qëllimi: më shumë rend, siguri dhe mbrojtje të hapësirave publike e mjedisit.Ftojmë të gjithë operatorët të bashkëpunojnë që të aplikojnë për leje dhe të ndjekin procedurat në fuqi’- thuhet në njoftimin e Komunës të lëshuar më 11.07.2025.

The post Komuna e Prishtinës merr masa ndaj parkingjeve private pa leje appeared first on Telegrafi.

Në përplasjet tashmë disamujore mes Komunës së Prishtinës dhe Qeverisë në detyrë të Kosovës, kryesisht për buxhetin e së parës, u inkuadrua – nga ministri në detyrë i Financave – edhe inteligjenca artificiale. Përdorimi i ChatGPT-së nga Hekuran Murati për ta përcaktuar fajtorin u përqesh gjerësisht në rrjetet sociale.

Ku, realisht, qëndron problemi? Kush ia hapi rrugën kaosit?

“Hakmarrje politike”, “rrenë”, “gjej punë tjetër pas tetorit” dhe “zhbllokoje buxhetin” janë vetëm disa prej shprehjeve që i kanë përdorur publikisht kryetari i Komunës së Prishtinës, Përparim Rama, dhe zyrtarë të Qeverisë në detyrë të Kosovës, në disa episode zënkash mes tyre në muajt e fundit.

Buxheti komunal duket se është kryefjala e mosdurimit mes pushtetit qendror, që udhëhiqet nga Lëvizja Vetëvendosje, dhe pushtetit lokal në kryeqytet, që drejtohet nga Lidhja Demokratike e Kosovës. Por, për të kuptuar fillin e tij, le të kthehemi mbrapa në kohë.

Ligji për menaxhimin e financave publike në Kosovë përcakton se komunat kanë afat deri më 30 shtator për ta miratuar buxhetin e vet për vitin pasues fiskal. Nëse nuk e respektojnë këtë afat, ato humbin të drejtën për ta propozuar vetë buxhetin për vitin e ardhshëm, ndërsa Ministria e Financave e harton një version të buxhetit për to, i cili zakonisht bazohet në shifrat e buxhetit ekzistues.

Çfarë ka bërë Komuna e Prishtinës? Më 9 dhjetor të vitit 2024 – pra me vonesë – e ka miratuar buxhetin për vitin 2025 në vlerë prej 128 milionë eurosh, rreth 6 milionë euro më i lartë sesa ai i vitit paraprak.

Edhe Gjilani dhe Zubin Potoku janë vonuar njëjtë, dhe bashkë me Prishtinën janë komunat e vetme në këtë situatë. Buxhetet e reja të tyre nuk janë përfshirë në Ligjin mbi ndarjet buxhetore për vitin 2025, i cili është miratuar paraprakisht në nëntor nga Kuvendi i Kosovës.

Bekim Salihu, nga Instituti për Studime të Avancuara (GAP), thotë për Radion Evropa e Lirë se këtu nis “historia e buxhetit”.

Sipas tij, “gabimi ka rrjedhur nga një lloj papjekurie e këtyre komunave, të cilat kanë insistuar të marrin shumën e buxhetit në total, dhe jo të miratojnë buxhetin paraprak. Nëse do ta ndiqnin rrugën e dytë, do ta shmangnin procedurën e Qeverisë dhe Kuvendit”.

Meqë buxheti i Komunës së Prishtinës është miratuar pasi është miratuar Ligji për buxhetin, është kërkuar të ndryshohet ky ligj, i cili ka kaluar në Qeveri, por jo edhe në Kuvend të Kosovës. Por, ai tani as nuk mund të kalojë, sepse Kosova vazhdon të mos e ketë të konstituuar institucionin ligjvënës.

A ka mundur Kuvendi t’i miratojë këto ndryshime në periudhën dhjetor 2024 – shkurt 2025? Ish-nënkryetari i Prishtinës, Dardan Sejdiu, beson se po, nëse Qeveria në detyrë nuk do ta kishte stil të veprimit “fërkimin me këdo që i del përpara”.

“Qeveria e ka votuar buxhetin, dhe e kuptoj kur thotë nuk mund ta dërgonte në rishikim në shkurt, por rrethanat kanë qenë të jashtëzakonshme. E kemi ditur që ka zgjedhje, dhe rrjedhimisht është dashur të bëhet një rrugëzgjidhje, para se të shpërbëhej Kuvendi”.

Sipas Sejdiut, e gjithë zhurma e krijuar është më tepër për tërheqje të vëmendjes nga mungesa e performancës.

“E vetmja mënyrë për të krijuar temë publike nuk është përmes punëve që janë kryer apo me të cilat janë marrë, por me akuza, arsyetime dhe në fund ankesa. Siç do të thoshte populli, kapak për tenxhere”.

Qeveria “po luan politikisht”

As Salihu nuk mund t’i drejtojë gishtin vetëm njërës palë.

“Këtu është një e vërtetë: që edhe Qeveria po luan. Këtu nuk ka asnjë diskutim. Por, po luan politikisht, duke u mbuluar ligjërisht”.

Si po e bën këtë?

Sipas Ligjit për menaxhimin e financave publike, kur buxheti i ri i një komune nuk përfshihet në Ligjin për buxhetin, për shkak të vonesës në miratimin e tij, Ministria e Financave autorizon shpenzime mujore në nivelin e një të dymbëdhjetës së buxhetit të vitit të kaluar për çdo muaj, deri në fund të muajit qershor.

Pas kësaj periudhe, nuk mund të autorizohen fonde për kategori të tjera, përveç pagave dhe obligimeve të detyrueshme, dhe ato kërkojnë miratim nga kuvendi komunal çdo muaj.

Kategoritë, si investimet kapitale, mallrat, shërbimet dhe subvencionet, mbesin të bllokuara.

Për Salihun, Qeveria në detyrë po e ndjek logjikën e këtij ligji, duke e harruar që ekziston edhe Ligji për buxhetin, të cilin e ka për detyrim ta zbatojë.

Në këtë ligj, buxheti për Komunën e Prishtinës është i paraparë sikurse ai i vitit 2024, pra bëhet fjalë për vetëm 6 milionë euro më pak, të cilat komuna ka të drejtë t’i shfrytëzojë.

Por, Ministria, sipas tij, po përdor një arsyetim tjetër për mosndryshim të qasjes.

“Ministria po thotë ‘jo, sepse kuvendi komunal ka miratuar buxhet tjetër, e për ta zbatuar Ligjin për buxhetin, duhet të bëhen ndryshime edhe në Kuvend’”.

Për dallim prej fajtorit, viktima identifikohet lehtë.

“Komuna e Prishtinës dhe qytetarët e saj do ta shohin që asnjë investim dhe ndryshim nuk do të mund të bëhet për periudhën tutje, nëse Ministria e Financave nuk e ndryshon kursin. Edhe këto investime që po bëhen në terren do të bllokohen. Do të ketë pasoja zinxhirore, sistemore dhe afatgjata, dhe në fund të ditës do të humbë qytetari”, thotë Salihu.

Për Sejdiun, përveç mospunës, këto ankesa janë edhe sinjale të një fushate të hershme për zgjedhjet lokale.

“Është fatkeqësi që janë bllokuar kështu me njëri-tjetrin, por ndoshta edhe këtu e kemi një lajm të mirë, sepse nuk harxhohen paratë kot në investime kapitale, për t’u dëshmuar që po punohet nga dikush që për tri vjet nuk ka punuar asgjë”.

The post “Kapak për tenxhere”: Për fajin e kujt mund të mbetet Komuna e Prishtinës pa para? appeared first on Telegrafi.

Përplasjet mes Vetëvendosjes e Lidhjes Demokratike janë duke vazhduar tash e disa ditë në Prishtinë, tani për çështjen e buxhetit.

Dy palët, akuzojnë njëra tjetrën për propagandë, e nga shoqëria civile thonë se vetëm miratimi i ndryshimeve të Buxhetit nga Kuvendi i Kosovës, mund ta zhbllokojnë buxhetin.

Për çerdhe pa ushqim për fëmijët, shkruante këtë të hënë kryetari i Prishtinës Përparim Rama.

Këtë mes tjerash e kishte përmendur në një postim ku numëronte ndikimin e asaj që i pari e Prishtinës, e konsideron bllokadë të qëllimshme të nivelit qendror.

Buxheti i miratuar me vonesë për një numër arsyesh, në dhjetor të vitit të kaluar, nuk ka arritur të përfshihet në Ligjin për Buxhetin, pa një kuvend të konstituuar.

Por, kjo nuk ka penguar dy partitë, LDK-në me kryetarin Rama që udhëheq me kryeqytetin e Vetëvendosjen, që synon këtë komunë, të akuzojnë njëra tjetrën për propagandë.

Me fjalën e njëjtë, asambleistë të LDK-së, flasin edhe për deklaratat që vijnë nga Vetëvendosje, për rritje të shpenzimeve për mbi 2 milionë euro.

“Shihet ashiqare se ka qenë e qëllimshme. Qëllimi kryesor është se Prishtina udhëhiqet nga një subjekt tjetër dhe Vetëvendosja ashiqare, ka qëllime që ta marrë udhëheqjen e Prishtinës. Bllokimi i buxhetit rrezikon çdo sferë të komunës, shërbimet, mallrat, shërbimi në çerdhe, urgjenca, si tash që kemi nevojë për automjete për zjarrfikësit, derivatet. Komuna s’ka mjete për ti paguar. Është tërsisht propoagandë e LVV. Ato pagesa janë ekzekutuar siç ka kërkuar raporti i auditorit për qëllime gjyqësore. E dini se konkrata koletkive e obligon komunën të paguajë shujtën dha pagat jubilare për arsim. Këto pagesa janë bërë nga komuna”, ka theksuar Fiknete Bejta, asambliste e LDK-së në Prishtinë.

Por, edhe një herë tjetër, nga dega e Vetëvendosjes në Prishtinë, situatën, nuk e shohin si të ndikuar nga niveli qendror.

“Pyetja logjike në këtë rast është: nëse paska bllokadë nga qeveria, ku po i merr Komuna e Prishtinës gjithë këto miliona euro për t’i shpenzuar? Edhe më shumë se në periudhën e njëjtë të vitit 2024. Përgjigjja është e thjeshtë dhe konkrete: nuk ka bllokadë nga niveli qendror. Ka dezinformata dhe të pavërteta nga niveli lokal. E gjithë kjo propagandë e LDK-së dhe Përparim Ramës në Prishtinë është akti i fundit i një qeverisjeje që do të mbahet mend si njëra nga më të dobëtat që ka pasur ndonjëherë kryeqyteti”, ka deklaruar Gëzim Sveçla, shef i asamblistëve të LVV-së.

Përderisa dy palët vazhdojnë akuzat e kundër-akuzat, në këtë situatë organizatat monitoruese të punës së Komunës, e vlerësojnë si hap thelbësor zhbllokimi e ngërçit në  Kuvendin e Kosovës.

“Vonesa në miratimin e buxhetit komunal nga Asambleja e Prishtinës në dhjetor të vitit 2024 ka krijuar një pengesë serioze, pasi ky buxhet nuk ka mundur të reflektohet përmes amandamenteve në Ligjin e Buxhetit nga Kuvendi i Kosovës. Roli i Kuvendit është kyç, pasi është institucioni përfundimtar që duhet të miratojë dhe harmonizojë ligjin e buxhetit për të mundësuar zbatimin efektiv të projekteve në nivel lokal. Por, për shkak se Kuvendi ende nuk është konstituar, procesi ka mbetur pezull. Për këtë arsye, është jetike që Kuvendi të konstituohet sa më parë dhe të amandamentohet Ligjii për Buxhetin për vitin 2025, në mënyrë që komunat, përfshirë Prishtinën, por edhe disa tjera, të mund të zbatojnë prioritetet e tyre pa pengesa”, ka theksuar Ardit Dragusha, nga organizata “D+”.

Tash e një kohë, kryetari Përparim Rama dhe Ministri në detyrë i Financave, Hekuran Murati janë ballafaquar në rrjete sociale me Ramën që pretendon se po sabotohet dhe ministrin, që ngulë këmbë se komuna s’respektoi dispozitat ligjore dhe LDK-në, që po bllokon konstitutimin e Kuvendit, raporton RTVDukagjini.

The post “Propagandë e LDK-së, apo e LVV-së”, cila është e vërteta për buxhetin e kryeqytetit? appeared first on Telegrafi.

Komuna e Prishtinës ka bërë një njoftim të rëndësishëm për banorët e lagjes Dardania.

Komuna ka njoftuar se nga sot do të fillojë largimi i rrethojave të vendosura në hapësirat publike.

Qëllimi i këtij veprimi është: Lirimi i hapësirave publike të uzurpuara; Krijimi i ambienteve më të hapura dhe të qasshme për të gjithë; Përmirësimi i infrastrukturës dhe pamjes urbane.

Komuna ka kërkuar nga qytetarët mirëkuptim dhe bashkëpunim tuaj gjatë këtij procesi./Telegrafi/

The post Komuna e Prishtinës: Sot në Dardani fillon largimi i rrethojave të vendosura në hapësirat publike appeared first on Telegrafi.

Ministri në detyrë i Kulturës, Rinisë dhe Sportit, Hajrulla Çeku, ka folur për herë të parë pas zyrtarizimit të kandidaturës së tij për kryetar të Prishtinës në zgjedhjet lokale të 12 tetorit.

Duke e cilësuar këtë kandidaturë si pjesë të një angazhimi të përbashkët politik, Çeku theksoi se politikën nuk e sheh si veprimtari individuale, por si një punë ekipore.

“Unë politikën nuk e shoh as nuk e kam ushtruar më herët si aktivitet individual, për ta huazuar prej terminologjisë sportive. Unë e shoh politikën si punë ekipore. Në atë ekip ka shumë lojtarë dhe ka një staf teknik drejtues ku merren disa vendime. Dhe lojtarët luajnë sipas strategjisë më të mirë për të fituar. Kjo është një punë ekipore. Më është kërkuar dhe jemi dakorduar për të luajtur për një pozicion të caktuar. Kjo është pjesë e kësaj beteje të përgjithshme”, deklaroi Çeku.

Lëvizja Vetëvendosje ka zyrtarizuar dje kandidaturën e tij për të udhëhequr garën për kryeqytetin. Zgjedhjet e rregullta komunale në Kosovë do të mbahen më 12 tetor, ndërsa gara për Prishtinën pritet të jetë një nga më të fortat.

Çeku aktualisht mban postin e ministrit të Kulturës, Rinisë dhe Sportit dhe është një prej figurave të afërta me kryeministrin në detyrë, Albin Kurti.

The post Hajrulla Çeku: Kandidatura ime për Prishtinën është pjesë e betejës së përgjithshme appeared first on Telegrafi.

Lëvizja Vetëvendosje ka zyrtarizuar sot kandidaturën e ministrit aktual të Kulturës, Rinisë dhe Sportit, Hajrulla Çeku, për kryetar të Komunës së Prishtinës në zgjedhjet lokale të tetorit.

Lajmi është bërë i ditur nga kryetari i degës së VV-së në Prishtinë, Arben Vitia, i cili tha se vendimi është marrë unanimisht nga strukturat e partisë në kryeqytet.

“Hajrulla Çeku do të jetë kandidati ynë për Prishtinën. Kjo u vendos unanimisht nga qendra e VV-së në kryeqytet”, deklaroi Vitia.

Kandidatura e Çekut ka marrë mbështetjen edhe nga kryetari i LVV-së, Albin Kurti, i cili e cilësoi atë si “njeri të kulturës dhe patriotizmit”.

Vetëvendosje synon të rikthehet në krye të Prishtinës, pas humbjes në zgjedhjet e vitit 2021, kur kandidati i saj, Arben Vitia, u mposht në balotazh nga Përparim Rama i Lidhjes Demokratike të Kosovës.

Në garën për të parin e Prishtinës pritet të jenë edhe Përparim Rama (LDK), Uran Ismaili (PDK), Bekë Berisha (AAK), si dhe Besa Shahini (PSD).

Zgjedhjet lokale në Kosovë pritet të mbahen më 12 tetor./Telegrafi/

The post Vetëvendosje zyrtarizon Hajrulla Çekun kandidat për kryetar të Prishtinës appeared first on Telegrafi.

Asamblisti në Komunën e Prishtinës, Leutrim Retkoceri ka thënë se edhe “Kuzhina Qendrore” është në krizë financiare.

Retkoceri thotë se përveç Kuzhinës, gati krejt ndërmarrjet publike në probleme të rënda financiare, transmeton Telegrafi.

“Po, ajo ndërmarrje publike që ushqen me mijëra fëmijë në kopshte. Largon punëtorë nga komuna, sepse Komuna s’ka bërë pagesat. Kështu funksionon reforma e përjetimeve sipas Përparim Ramës: nuk paguan, i çon në faliment, pastaj ankohet që “e sabotojnë”. E keqja është që veç Kuzhinës janë gati krejt ndërmarrjet publike në probleme të rënda financiare”, ka shkruar ai.

Mes tjerash, asamblisti ka pohuar se edhe “Trafiku Urban është në krizë, sepse Komuna s’ia ka dhënë asnjë cent që dy muaj”.

“Autobusët rrezikojnë të ndalen, mendja e tij thotë: Kush ka nevojë për transport publik në kryeqytet? E pishina e Gërmisë? S’e dimë nëse do të hapet këtë verë. Si duket, edhe ujin do na e mbyllin. Prishtina Parkingu fal inicimit të rregulloreve të jashtligjshme të qeverisjes së Perparimit poashtu është në krizë financiare e ligjore”, ka pohuar ai.

Ai ka shkruar “Ky është vizioni i Përparimit për Prishtinën: as ushqim, as transport, as relaks. Vetëm arrogancë, justifikime dhe dorëzim total”.

“E po, fajin e ka “Pastrimi”, “trashëgimia”, “koha”, “hëna e plotë”… veç jo ai vetë. Jo Përparim, ti nuk je zgjidhja, ti ske as ndjeshmërin minimale për Prishtinën. Nuk të sabotoi askush. Ti e sabotove vetveten. E mbi të gjitha – e SABOTOVE PRISHTINËN”./Telegrafi/

The post Asamblisti Retkoceri: Edhe “Kuzhina Qendrore” në Prishtinë është në krizë financiare appeared first on Telegrafi.

Presidentja e Kosovës ka shpallur 12 tetorin 2025 si datën zyrtare për mbajtjen e zgjedhjeve lokale në të gjitha komunat e vendit. Në këtë datë, qytetarët do t’u drejtohen kutive të votimit për të zgjedhur udhëheqësit e rinj komunalë.

Partitë politike tashmë kanë filluar përgatitjet intensive për garën lokale, duke zyrtarizuar kandidatët e tyre nëpër komuna, transmeton Telegrafi.

Në komunën e Prishtinës, janë zyrtarizuar tri kandidatura:

Përparim Rama (LDK) – aktualisht kryetar i Prishtinës, kandidon për një mandat të dytë. Besa Shahini (PSD) ish-minstre e Arsimit në Shqipëri dhe Bekë Berisha (AAK) – deputet dhe figurë e njohur e AAK-së, kanë hyrë në garë për kryeqytetin.

Ndërsa, LVV dhe PDK ende nuk kanë zyrtarizuar kandidaturat, por nga LVV si emra të mundshëm janë përmendur; Glauk Konjufca, Hajrulla Çeku, Mefail Bajçinovci dhe Arben Vitia, ndërsa nga PDK kandidati Uran Ismaili.

Telegrafi ka publikuar një sondazh online, ku mbi 8 mijë qytetarë kanë marrë pjesë, duke shprehur preferencat e tyre për kandidatin që do të mbështesin në zgjedhje, dhe rezultati është si më poshtë:

Përparim Rama (LDK) 29%

Besa Shahini (PSD) 8%

Bekë Berisha (AAK) 7%

Kandidat tjetër 57%   /Telegrafi/

The post Sondazhi i Telegrafit për zgjedhjet lokale, cili kandidat po preferohet deri tani për Prishtinën? appeared first on Telegrafi.

Kryetari i Lidhjes Demokratike të Kosovës (LDK), Lumir Abdixhiku, ka deklaruar se projektet në Prishtinë do të vazhdojnë dhe do të përfundojnë me intensitet të shtuar, pavarësisht pengesave që sipas tij po i bëhen nga pushteti aktual.

Gjatë një vizite në punishtet kryesore të kryeqytetit bashkë me kryetarin e Komunës së Prishtinës, Përparim Rama, Abdixhiku është zotuar për përfundimin e projekteve madhore infrastrukturore.

Në një postim në Facebook, ai ka përmendur projektin e “Rrugës A”, për të cilin ka thënë se do të përfundojë para fundit të muajit shtator. Sipas tij, kjo rrugë, që lidh Veternikun me Bregun e Diellit përmes Rrugës B, do të sjellë një ndryshim të madh në kryeqytet.

Po ashtu, Abdixhiku ka përmendur edhe rrugën e Arbërisë dhe kyçjen në rrethin e madh afër stacionit, që pritet të përfundohet në të njëjtën periudhë kohore. Ai ka theksuar se po punohet me ritëm të ri për ta shkarkuar trafikun në qytet.

Një tjetër projekt që u përmend është “Ishulli Urban” në lagjen Arbëria, për të cilin Abdixhiku tha se po dinamizohet me ekipe shtesë me qëllim që banorët të kenë qasje më të shpejtë në qendër të qytetit.

Abdixhiku ka kritikuar edhe ata që, sipas tij, po tentojnë të pengojnë punën në kryeqytet, duke aluduar në vendime të institucioneve që, siç tha ai, ndalojnë edhe pastrimin e pluhurit në hapësira si Teatri Dodona.

“Kur perdja e pushtetit joligjor bie, krimet mbesin”, ka shkruar ai, duke paralajmëruar se ata që sot e pengojnë punën, mund të përballen me pasojat nesër.

“Kohë për të humbur nuk kemi. Punët do të bëhen. Prishtina po sheh.”

The post Abdixhiku: Prishtina nuk dorëzohet, bllokuesit kanë kohë appeared first on Telegrafi.

Me rastin e Ditës Ndërkombëtare të Fëmijëve, Komuna e Prishtinës ka organizuar një program të pasur me aktivitete artistike dhe sportive, shkruan KultPlus.

Komuna e Prishtinës përmes një njoftimi në rrjetin social “Facebook” ka njoftuar se me 1 Qershor kryeqyteti do të shëndrrohet në një hapësirë të veçantë për aktivitete të ndryshme.

“Dita Ndërkombëtare e Fëmijëve po vjen me plot ngjyra, dhe një program i pasur me aktivitete artistike dhe sportive që sjellin shumë gëzim për më të vegjlit tanë.

Ju ftojmë të na bashkoheni këtë të diel për një ditë të veçantë, plot argëtim, krijimtari dhe dashuri për fëmijët tanë”, thuhet në njoftimin e Komunës./ KultPlus.com

Tash e pesë ditë, po vazhdon greva e punëtorëve të kompanisë rajonale “Pastrimi”, para objektit të Komunës së Prishtinës, të cilët kanë deklaruar se do të qëndrojnë aty derisa t’u plotësohen kërkesat e tyre.

Sipas tyre komuna e Prishtinës u ka borxh kësaj kompanie dy pikë shtatë milionë euro. Ata, kërkojnë po ashtu që t’u kthehet borxhi për derivate e kamionë.

Njëri nga punëtorët e kësaj kompanie, Ilaz Rexhepi ka thënë për KosovaPress se “vetëm me kufomë do mund të na nxjerrin, nuk do dorëzohemi”.

Rexhepi, ka thënë se nëse nuk do plotësohen kushtet e tyre atëherë do marrin edhe masa të tjera përveç grevës.

“Problemin e kanë këta te drejtori jonë, gjoja për keq menaxhim. Unë kam dalë më e me mbrojt punën time e familjen, sepse me këtë pagë mbaj familjen time, i kam fëmijët në shkollë, mirëpo përveç kësaj page nuk kam të tjera të ardhura, mirëpo këta e kanë problemin që nuk e kanë njeriun e LDK-së tek ne, sepse me pas (kjo parti) moti edhe si kompani “Pastrimi” i kishte humbur emri se e kishin privatizua…8:23 Vetëm me ardhur me kufomë me na nxjerrë, nuk kemi me u dorëzua, vetëm po na matin durimin tonë, do të ndërmarrim masa”, ka thënë Rexhepi.

E Sedat Rukovci, ka shtuar se kjo kompani ka vite që keqtrajtohet e është lënë “mbas dore” nga Komuna e Prishtinës.

“Mirë po shkon greva nuk kemi ndërmend me u doreza deri në plotësim të kërkesave të punëtorëve..4:39 Nuk është çështja vetëm sot, këtë kompani e kanë lënë mbas dore me vite të tëra, investime të dobëta edhe punëtorit dikur i vjen një moment kur çka është mjaft është mjaft, dhe jemi detyrua me ardhur këtu”, ka shtuar Rukovci.

Ndërsa, nënkryetari i sindikatës të punëtorëve, Shpend Qosa ka potencuar se “Pastrimi” ia ka parë “sherrin” komunës së Prishtinës që nga momenti kur ka lajmëruar qytetarët që të paguajnë mbeturinat në komunë e jo në kompani.

Qosa ka thënë se nëse mbesin pa rroga siç kanë mbetur pa derivate, atëherë sipas tij, kompania do falimentoj.

“Edhe në vikend ka vazhduar greva 24 orë dhe sot vazhdon dhe do vazhdojë dhe nuk do të ndalet deri në plotësimin e kushteve tona të cilat janë bazike dhe primare, asgjë nuk janë diçka të pa plotësueshme.. Duke pasur parasysh se ne prej 14 maj kemi mbetur pa derivate, ne mundemi me mbet edhe pa rroga dhe nëse mësim atëherë edhe kompania është në falimentim… 1:48 Komuna na ka dëmtuar, rastin e parë të cilën kanë thënë mos paguani në Pastrim por në komunë, janë bërë disa pagesa në komunë dhe qytetarët nuk kanë paguar hiç dhe këtu kemi ardhur te mungesa e financave”, ka potencuar Qosa.

Dejtori i Shërbimeve Publike, Bekim Brestovci ka thënë se punëtorët e “Pastrimit” janë të “manipuluar”, dhe sipas tij nuk e kanë të qartë se “çka po duan pasi që nuk po mendojnë me mendjen e tyre”.

Tutje, Brestocvi komuna nuk i ka as edhe një euro të vetme borxh ndërmarrjes “Pastrimi”.

“Një narrativë, tregim e ndërtuar mbi një të pavërtetë të madhe gjoja se komuna i ka borxh Pastrimit prej 2.7 milionë euro, e që e vërteta qëndron se komuna nuk i ka as edhe një euro të vetme borxh ndërmarrjes Pastrimi..5:02 Në asnjë formë, asnjë moment dhe asnjë veprim, ne nuk kemi rrezikuar ekzistencën e “Pastrimit” dhe nuk pretendojmë e as nuk dëshirojmë ta vëmë në pikëpyetje ekzistencën e saj… Punëtorët nuk e kanë të çartë se çka po duan, janë të manipuluar, orkestruar e dirigjuar dhe nuk kanë mundësi të mendojnë me mendjen e tyre”, ka thënë Brestovci.

Kompania “Pastrimi” ka nënshkruar një kontratë nga komuna e Prishtinës prej një pikë pesë milion euro në të cilën u ofrohet punëtorëve një e treta e zonës së kryeqytetit dhe dy kamionë shtesë, por këtë kontratë nuk po e pranojnë punëtorët pasi që sipas tyre nuk i plotëson kushtet që ata po i kërkojnë.

Ndërkaq, Komuna e Prishtinës ka angazhuar dy kompani private për të pastruar kryeqytetin nga mbeturinat. Ato sot janë parë në disa legje të Prishtinës, si në “Tophane” dhe tek “Muhaxherët”.

Përveç grevës së punëtorëve nën tendë para komunës së Prishtinës, ata kanë vendosur edhe kamionët e tyre tash e pesë ditë pran komunës. Këtyre automjeteve janë bërë edhe të bezdisshme për qytetarët me erën e tyre. Mësohet se për ndalimin e automjeteve, policia e Kosovës ka filluar edhe ti gjobisë.

The post ​“Vetëm të vdekur mund të na nxjerrin nga greva”, punëtorët e “Pastrimit” vazhdojnë protestën appeared first on Telegrafi.

Kompania Regjionale e Mbeturinave “Pastrimi”, ka njoftuar se tashmë me Komunën e Prishtinës kanë nënshkruar kontratën për mirëmbajtje të hapësirave sipërfaqësore.

KRM “Pastrimi” në reagimin e tyre thotë se vlerëson çdo përpjekje për fillimin e bashkëpunimit dhe angazhimit në adresimin e situatës së krijuar me largimin e mbeturinave.

Megjithatë, ata thonë se kjo kontratë nuk e adreson problemin themelor, i cili ka të bëjë me shërbimin primar të largimit të mbeturinave nga qytet.

Po ashtu, ata kanë dhënë edhe disa sqarime për kontratën.

“Sqarojmë që Kontrata për mirëmbajtje të hapësirave sipërfaqësore e nënshkruar nga dy palët ka të bëjë mirëmbajtjen dhe pastrimin e hapësirave sipërfaqësore, si parqet, hapësirat publike të lagjeve dhe zona të tjera të ngjashme, dhe përbënë shërbim krejtësisht tjetër nga problematika bazë. Në dakordim me përfaqësuesit e punëtorëve, është vendosur të nënshkruhet kjo kontratë, si një shërbim shtesë”, thuhet në reagimin e tyre.

Lexo po ashtu Punëtorët e "Pastrimit" edhe sot vazhdojnë grevën para komunës së Prishtinës

Megjithatë, ata theksojnë se “kjo kontratë nuk e adreson problemin themelor, i cili ka të bëjë me shërbimin primar të largimit të mbeturinave nga qyteti, si dhe me pagesat e papaguara për më shumë se katër muaj”.

“Këto mjete janë thelbësore për të siguruar furnizimin me naftë dhe për të rifilluar menjëherë operimin e rregullt, duke garantuar gjithashtu edhe stabilitet financiar afatgjatë.

Prandaj, kërkojmë nga Komuna që të ulemi urgjentisht për të zgjidhur çështjen themelore – kontratën për shërbimet bazë dhe obligimet financiare të papaguara deri tani – në mënyrë që t’i kthehemi sa më parë normalitetit dhe ofrimit të shërbimeve për qytetarët e Prishtinës. Qëndrojmë të hapur dhe të gatshëm për bashkëpunim, në çdo kohë”, vijon reagimi.

Ndryshe, KRM “Pastrimi”, tash e disa ditë ka ndërprerë shërbimet për shkak të krizës financiare, e që sipas tyre është shkaktuar nga Komuna e Prishtinës”./Telegrafi/

The post KRM “Pastrimi” dhe Komuna e Prishtinës nënshkruajnë kontratën për mirëmbajtje të hapësirave sipërfaqësore appeared first on Telegrafi.

Drejtori i Shërbimeve Publike në Komunën e Prishtinës, Bekim Brestovci, ka bërë të ditur se pas një takimi me përfaqësuesit e Sindikatës së Ndërmarrjes “Pastrimi” është arritur një marrëveshje për nënshkrimin e një kontrate të re në vlerë prej 1.5 milion euro.

“Jemi dakorduar që nga sot, me një person të autorizuar nga ndërmarrja ‘Pastrimi’, ta nënshkruajmë kontratën prej 1.5 milion euro për punën shtesë,” deklaroi Brestovci pas takimit.

Ai theksoi se kjo marrëveshje hap rrugë që “Pastrimi” të marrë përsipër një pjesë më të madhe të mbulimit të territorit të kryeqytetit, duke rritur kapacitetin krahas dy operatorëve aktualë që janë aktivë në Prishtinë.

Lexo po ashtu Punëtorët e “Pastrimit”, nisin protestën para Komunës së Prishtinës

“Nëse krijohen kushtet nga ndërmarrja ‘Pastrimi’ dhe ata kanë mundësi të dalin e të operojnë për të kryer shërbimin, do t’i japim 1/3 e rajonit të Prishtinës. Aktualisht kemi vetëm dy operatorë ekonomikë dhe kemi nevojë për zgjerim të shërbimit,” tha ai.

Brestovci gjithashtu u shpreh se komuna është e gatshme të bëjë hapa konkretë për të përmirësuar kushtet e punëtorëve, përfshirë edhe mbështetjen financiare për pagat.

“Ne shprehëm gatishmërinë që të thërrasim një seancë të jashtëzakonshme për ta sjellë sërish vendimin për subvencionimin e pagave për punëtorët. Natyrisht, duhet të punojmë bashkërisht për këtë,” theksoi drejtori i Shërbimeve Publike.

Marrëveshja vjen pas shumë përplasjeve mes Komunës së Prishtinës dhe kompanisë “Pastrimi” rreth menaxhimit të mbeturinave në kryeqytet. /Telegrafi/

The post Menaxhimi i mbeturinave, arrihet marrëveshja në vlerë 1.5 milion euro mes komunës dhe “Pastrimit” appeared first on Telegrafi.

Kryetari i LDK-së, Lumir Abdixhiku, ka reaguar për situatën e krijuar me grumbullimin e mbeturinave në kryeqytet, duke e cilësuar këtë si një sabotazh të organizuar në kuadër të një fushate politike të ulët.

Në një postim publik, Abdixhiku shkruan se “fushata në Prishtinë paska nisur, me mbeturina”, duke e quajtur këtë një përpjekje të lodhur dhe të pavlerë për të dëmtuar imazhin e Komunës.

“Me sabotazhë në njërën anë e me mendimtarë parapolitik gishtvënës në anën tjetër – krejt në sinkron. Një përpjekje e thatë, e ulët, që ngjall vetëm keqardhje”, tha ai.

Sipas tij, sabotimi ka ardhur nga vetë ata që kontrollojnë Ndërmarrjen “Pastrimi”, duke e lënë me qëllim qytetin të mbuluar nga mbeturinat. Ai akuzon se kjo ndërmarrje, ndonëse formalisht komunale, nuk është nën menaxhimin e Komunës, por po përdoret politikisht për të krijuar krizë artificiale.

Lexo po ashtu Përparim Rama: Nuk bëj pazare politike, epoka e sabotimeve nga “Pastrimi” përfundon tani

“Bërllog plot, por ndërmarrja refuzon të punojë. E sa për të mos mjaftuar, mblidhen sërish në asamble, sërish bllok, për të ndaluar – besoni ose jo – angazhimin e dikujt tjetër për pastrim”, shkruan Abdixhiku.

Megjithatë, ai njofton se Komuna ka ndërmarrë veprime të menjëhershme dhe ka angazhuar kompani të tjera për pastrimin e qytetit. Ai garanton se për një javë Prishtina do të pastrohet tërësisht.

“Nuk e ndaloni LDK-në e Përparimin kështu. Prishtina ecë. Sabotazhi juaj zgjat vetëm pak ditë”, ka deklaruar kryetari i LDK-së, duke shtuar se qytetarët janë të vetëdijshëm për këtë “politikë të vjetër e primitive”.

“Prishtina sheh. Këtu sabotazhi kriminal moti ka vdekë”, përfundon reagimin e tij Lumir Abdixhiku./Telegrafi/

The post Abdixhiku: Fushata në Prishtinë paska nisur me mbeturina, nuk e ndaloni LDK-në e Përparimin kështu appeared first on Telegrafi.