Kryetari i Prishtinës, Përparim Rama, ka ndarë një mesazh të veçantë nga lokacioni i Sunny Hill Festival, ku këtë fundjavë pritet të mblidhen mbi 40 mijë mysafirë nga vendi dhe bota.

Në një video të publikuar në rrjete sociale, Rama tha se Prishtina është ‘full’, me të gjitha kapacitetet e hoteleve të mbushura, duke dëshmuar ndikimin e jashtëzakonshëm që festivali ka në jetën kulturore dhe ekonomike të kryeqytetit.

“Sunny Hill i dha zë Prishtinës. Prishtina i dha shpirt festivalit,” ka shkruar Rama në postimin e tij, duke nënvizuar lidhjen e veçantë mes qytetit dhe këtij festivali ndërkombëtar.

Ai i bëri thirrje qytetarëve dhe vizitorëve që të mos humbin këtë përvojë unike:

“Prishtina e Sunny Hill-it e Sunny Hill-i i Prishtinës. Ju ftoj të gjithëve që të vini e të kënaquni me artistë të mrekullueshëm si Dua jonë e mrekullueshme, me Fatboy Slim e shumë të tjerë që në këto tri ditët në vijim do të krijojnë një atmosferë si asnjëherë më parë.”

Me emra të njohur ndërkombëtarë dhe një program të pasur artistik, Sunny Hill Festival ka rikthyer në kryeqytet emocionin e një ngjarjeje që tejkalon kufijtë e muzikës duke e kthyer Prishtinën në një qendër kulturore evropiane./KultPlus.com

TIRANË, 24 korrik/ATSH/ Në hapësirën e jashtme të Bibliotekës Kombëtare të Kosovës, mbrëmjen e djeshme, publiku pati kënaqësinë të përjetojë një natë magjike në kuadër të Festivalit Ndërkombëtar të Operës “Ramë Lahaj & Friends”.

Festivali operistik e nisi rrugëtimin e tij me një mbrëmje kushtuar këngëtares së madhe Nexhmije Pagarusha.

Artistë të njohur si mezzosopranoja nga Egjipti Gala El Hadidi, Edona Reshitaj, Adhurim Grezda si edhe arbëreshë, të shoqëruar nga Gent Rushi Group, sollën emocione të veçanta për publikun.

Me moton “Ëndrra pa kufi, Opera pa mure”, ky edicion i festivalit përçoi mesazhin e bashkimit përmes artit, duke e shndërruar natën në një përvojë të paharrueshme për qytetarët e Prishtinës.

“Kryeqyteti është krenar që mbështet këtë ngjarje të veçantë, e cila promovon kulturën, talentin dhe historinë tonë muzikore në skenën ndërkombëtare”, shkroi në rrjetet sociale kryebashkiaku i Prishtinës, Përparim Rama.

Festivali do t’i sjellë publikut një numër të madh artistësh të vlerësuar ndërkombëtarisht. Kulminacionin ky festival do ta ketë me shfaqjen në sheshin Skënderbeu të Prishtinës, natën e 2 gushtit, kur do të interpretojë Orkestra Simfonike e RTSH-së. Ky do të jetë i pari koncert i saj ku bashkëpunon me “Ramë Lahaj & Friends”. /j.p/

1 nga 8

The post Nisi në Prishtinë festivali operistik “Ramë Lahaj & Friends” appeared first on Agjencia Telegrafike Shqiptare.

Në hapësirën e jashtme të Bibliotekës Kombëtare në Prishtinë, mbrëmë (e mërkurë) ka nisur edicioni i pestë i Festivalit Ndërkombëtar të Operës Rame Lahaj, nën moton “Ëndrra pa kufi, Opera pa mure”.

Kjo mbrëmje iu kushtua këngëtares së madhe shqiptare, Nexhmije Pagarusha, duke sjellë performanca unike dhe nostalgji përmes disa prej këngëve më të njohura të saj.

E për eventin magjik u bë një reagim edhe nga kryetari i Prishtinës, Përparim Rama.

Thekson se është më shumë se një akt përkujtimor, një rikthim i shpirtit të saj në jetën tonë kulturore.

Lexo po ashtu Nis Festivali i Operës Rame Lahaj me mbrëmjen kushtuar Nexhmie Pagarushës

Më poshtë ndiqni të plotë postimin e Ramës (pa ndërhyrje):

“Nexhmije Pagarusha bashkonte finesën muzikore me një ndjeshmëri njerëzore të rrallë. Njejtë ishte edhe mbrëmë në qendër të Kryeqytetit – finesë dhe ndjeshmëri e rrallë.

Në këtë dritë, mirënjohja i takon “Fondacionit Rame Lahaj”, i cili me kujdes, ndjeshmëri dhe vizion artistik e ka sjellë sërish në vëmendjen publike figurën dhe trashëgiminë e saj të pashlyeshme.

Përmes festivalit “Netët e Nexhmije Pagarushës”, ky fondacion jo vetëm që ka nderuar një emër të artit tonë, por ka krijuar një hapësirë të re kulturore ku ndërthuren kujtesa historike, edukimi artistik dhe frymëzimi për brezat e rinj.

Ky festival është më shumë se një akt përkujtimor – është një rikthim dinjitoz i shpirtit të saj në jetën tonë kulturore, një vazhdimësi e ëndrrës që ajo mishëroi me aq përkushtim dhe dashuri”. /Telegrafi/

The post Festivali i Operës Rame Lahaj me mbrëmjen dedikuar Nexhmije Pagarushës, Rama: Një rikthim dinjitoz i shpirtit të saj në jetën tonë kulturore appeared first on Telegrafi.

Kryetari i Komunës së Prishtinës, Përparim Rama, ka njoftuar sot se ka nënshkruar një vendim të rëndësishëm që garanton siguri afatgjatë për familjet e dëshmorëve të Republikës së Kosovës.

Banesat komunale, të cilat më herët ishin ndarë për këto familje për periudha të shkurtra kohore, tani do të jepen për shfrytëzim për një periudhë prej 99 vjetësh.

“Ne kemi vlerësuar se është koha që këto familje të kenë jo vetëm strehë, por siguri të plotë e afatgjatë”, theksoi Rama, duke shtuar se ky veprim nuk është një akt favori, por një hap institucional drejt drejtësisë dhe kujtesës kolektive.

Ai vuri në dukje se ky vendim është një vazhdimësi e një politike të nisur vite më parë dhe e miratuar në Kuvendin Komunal të Prishtinës, por tani përforcohet me një afat që garanton stabilitet dhe trajtim të qëndrueshëm për familjet që kanë sakrifikuar më shumë se gjithçka për lirinë e vendit.

“Prishtina u detyrohet familjeve të dëshmorëve jo vetëm nderim moral, por edhe trajtim dinjitoz dhe të qëndrueshëm”, tha ai, duke shprehur mirënjohjen e thellë për kontributin e tyre.

The post Rama nënshkruan vendimin: Banesat komunale për familjet e dëshmorëve, në shfrytëzim për 99 vjet appeared first on Telegrafi.

Pishina e Gërmisë, një prej destinacioneve më të frekuentuara gjatë verës nga qytetarët e Prishtinës dhe më gjerë, është hapur më 8 korrik për sezonin veror, pas një vonese të shkaktuar nga mungesa e ujit.

Megjithatë, vizitorët po përballen me kushte të papërmirësuara dhe ndotje të dukshme në ambientet e saj.

Qytetarët që sot (e diel) kanë frekuentuar këtë pishinë kanë dërguar pamje në adresë të Telegrafit, ku janë shprehur të pakënaqur me kushtet.

Ata gjithashtu janë ankuar për çmimet e shtrenjta, ky hyrja për person është 5 euro ndërkaq çmimet e çadrave sillen nga 5 më të thjeshtat deri në 15 euro tek ato më të mëdha.

Edhe pse çmimet shihet se janë dukshëm më të larta, infrastruktura e pishinës nuk është përmirësuar në krahasim me vitet e kaluara.

Përveç kësaj, qytetarët kanë ngritur shqetësime për nivelin e papastërtisë në ujë dhe në hapësirat përreth.

Por një anë tjetër të kësaj pishine ka paraqitur kryetari i Prishtinës, Përparim Rama.

Rama ka shpërndarë një video nga Pishina e Gërmisë duke ftuar qytetarët që ta vizitojnë.

“Pishina e Gërmisë – për krejt ju që jeni n’Prishtinë këto ditë. NPL Sport Marketing”, ka shkruar Rama.

Qytetarët kërkojnë që të bëhen investime serioze në këtë hapësirë rekreative dhe të rritet kontrolli sanitar, në mënyrë që Pishina e Gërmisë të mos mbetet vetëm simbol i verës në kryeqytet, por edhe shembull i standardeve moderne për shërbime publike. /Telegrafi/

The post Simbol i verës në Prishtinë, por pa standarde – qytetarët ankohen për kushtet dhe çmimet në Pishinën e Gërmisë appeared first on Telegrafi.

Në përplasjet tashmë disamujore mes Komunës së Prishtinës dhe Qeverisë në detyrë të Kosovës, kryesisht për buxhetin e së parës, u inkuadrua – nga ministri në detyrë i Financave – edhe inteligjenca artificiale. Përdorimi i ChatGPT-së nga Hekuran Murati për ta përcaktuar fajtorin u përqesh gjerësisht në rrjetet sociale.

Ku, realisht, qëndron problemi? Kush ia hapi rrugën kaosit?

“Hakmarrje politike”, “rrenë”, “gjej punë tjetër pas tetorit” dhe “zhbllokoje buxhetin” janë vetëm disa prej shprehjeve që i kanë përdorur publikisht kryetari i Komunës së Prishtinës, Përparim Rama, dhe zyrtarë të Qeverisë në detyrë të Kosovës, në disa episode zënkash mes tyre në muajt e fundit.

Buxheti komunal duket se është kryefjala e mosdurimit mes pushtetit qendror, që udhëhiqet nga Lëvizja Vetëvendosje, dhe pushtetit lokal në kryeqytet, që drejtohet nga Lidhja Demokratike e Kosovës. Por, për të kuptuar fillin e tij, le të kthehemi mbrapa në kohë.

Ligji për menaxhimin e financave publike në Kosovë përcakton se komunat kanë afat deri më 30 shtator për ta miratuar buxhetin e vet për vitin pasues fiskal. Nëse nuk e respektojnë këtë afat, ato humbin të drejtën për ta propozuar vetë buxhetin për vitin e ardhshëm, ndërsa Ministria e Financave e harton një version të buxhetit për to, i cili zakonisht bazohet në shifrat e buxhetit ekzistues.

Çfarë ka bërë Komuna e Prishtinës? Më 9 dhjetor të vitit 2024 – pra me vonesë – e ka miratuar buxhetin për vitin 2025 në vlerë prej 128 milionë eurosh, rreth 6 milionë euro më i lartë sesa ai i vitit paraprak.

Edhe Gjilani dhe Zubin Potoku janë vonuar njëjtë, dhe bashkë me Prishtinën janë komunat e vetme në këtë situatë. Buxhetet e reja të tyre nuk janë përfshirë në Ligjin mbi ndarjet buxhetore për vitin 2025, i cili është miratuar paraprakisht në nëntor nga Kuvendi i Kosovës.

Bekim Salihu, nga Instituti për Studime të Avancuara (GAP), thotë për Radion Evropa e Lirë se këtu nis “historia e buxhetit”.

Sipas tij, “gabimi ka rrjedhur nga një lloj papjekurie e këtyre komunave, të cilat kanë insistuar të marrin shumën e buxhetit në total, dhe jo të miratojnë buxhetin paraprak. Nëse do ta ndiqnin rrugën e dytë, do ta shmangnin procedurën e Qeverisë dhe Kuvendit”.

Meqë buxheti i Komunës së Prishtinës është miratuar pasi është miratuar Ligji për buxhetin, është kërkuar të ndryshohet ky ligj, i cili ka kaluar në Qeveri, por jo edhe në Kuvend të Kosovës. Por, ai tani as nuk mund të kalojë, sepse Kosova vazhdon të mos e ketë të konstituuar institucionin ligjvënës.

A ka mundur Kuvendi t’i miratojë këto ndryshime në periudhën dhjetor 2024 – shkurt 2025? Ish-nënkryetari i Prishtinës, Dardan Sejdiu, beson se po, nëse Qeveria në detyrë nuk do ta kishte stil të veprimit “fërkimin me këdo që i del përpara”.

“Qeveria e ka votuar buxhetin, dhe e kuptoj kur thotë nuk mund ta dërgonte në rishikim në shkurt, por rrethanat kanë qenë të jashtëzakonshme. E kemi ditur që ka zgjedhje, dhe rrjedhimisht është dashur të bëhet një rrugëzgjidhje, para se të shpërbëhej Kuvendi”.

Sipas Sejdiut, e gjithë zhurma e krijuar është më tepër për tërheqje të vëmendjes nga mungesa e performancës.

“E vetmja mënyrë për të krijuar temë publike nuk është përmes punëve që janë kryer apo me të cilat janë marrë, por me akuza, arsyetime dhe në fund ankesa. Siç do të thoshte populli, kapak për tenxhere”.

Qeveria “po luan politikisht”

As Salihu nuk mund t’i drejtojë gishtin vetëm njërës palë.

“Këtu është një e vërtetë: që edhe Qeveria po luan. Këtu nuk ka asnjë diskutim. Por, po luan politikisht, duke u mbuluar ligjërisht”.

Si po e bën këtë?

Sipas Ligjit për menaxhimin e financave publike, kur buxheti i ri i një komune nuk përfshihet në Ligjin për buxhetin, për shkak të vonesës në miratimin e tij, Ministria e Financave autorizon shpenzime mujore në nivelin e një të dymbëdhjetës së buxhetit të vitit të kaluar për çdo muaj, deri në fund të muajit qershor.

Pas kësaj periudhe, nuk mund të autorizohen fonde për kategori të tjera, përveç pagave dhe obligimeve të detyrueshme, dhe ato kërkojnë miratim nga kuvendi komunal çdo muaj.

Kategoritë, si investimet kapitale, mallrat, shërbimet dhe subvencionet, mbesin të bllokuara.

Për Salihun, Qeveria në detyrë po e ndjek logjikën e këtij ligji, duke e harruar që ekziston edhe Ligji për buxhetin, të cilin e ka për detyrim ta zbatojë.

Në këtë ligj, buxheti për Komunën e Prishtinës është i paraparë sikurse ai i vitit 2024, pra bëhet fjalë për vetëm 6 milionë euro më pak, të cilat komuna ka të drejtë t’i shfrytëzojë.

Por, Ministria, sipas tij, po përdor një arsyetim tjetër për mosndryshim të qasjes.

“Ministria po thotë ‘jo, sepse kuvendi komunal ka miratuar buxhet tjetër, e për ta zbatuar Ligjin për buxhetin, duhet të bëhen ndryshime edhe në Kuvend’”.

Për dallim prej fajtorit, viktima identifikohet lehtë.

“Komuna e Prishtinës dhe qytetarët e saj do ta shohin që asnjë investim dhe ndryshim nuk do të mund të bëhet për periudhën tutje, nëse Ministria e Financave nuk e ndryshon kursin. Edhe këto investime që po bëhen në terren do të bllokohen. Do të ketë pasoja zinxhirore, sistemore dhe afatgjata, dhe në fund të ditës do të humbë qytetari”, thotë Salihu.

Për Sejdiun, përveç mospunës, këto ankesa janë edhe sinjale të një fushate të hershme për zgjedhjet lokale.

“Është fatkeqësi që janë bllokuar kështu me njëri-tjetrin, por ndoshta edhe këtu e kemi një lajm të mirë, sepse nuk harxhohen paratë kot në investime kapitale, për t’u dëshmuar që po punohet nga dikush që për tri vjet nuk ka punuar asgjë”.

The post “Kapak për tenxhere”: Për fajin e kujt mund të mbetet Komuna e Prishtinës pa para? appeared first on Telegrafi.

Kryeministri në detyrë, Albin Kurti dhe kryetari i Prishtinës, Përparim Rama u përballën sot me njëri-tjetrin gjatë vendosjes së gurthemelit të çerdhes në Bardhosh.

Ishte i pari i Prishtinës ai që gjatë adresimit për media iu lut kryeministrit në detyrë që ta zhbllokonte buxhetin e kryeqytetit, duke përmendur projektet e mëdha të ngecura për shkak të mungesës së bashkëpunimit.

E Kurti iu kundërpërgjigj, duke e kritikuar Ramën për mënyrën si i cilësoi projektet dhe duke aluduar në humbjen e tij në zgjedhjet lokale, duke thënë se “, kryetari Rama pas vjeshtës duhet të gjejë një punë tjetër”.

Lexo po ashtu "Pas vjeshtës gjej një punë tjetër", Kurti e Rama thumbojnë njëri-tjetrin

E në këtë përplasje mes tyre janë përfshirë edhe deputeti i LDK-së, Paris Guri, ministri në detyrë i Financave, Hekuran Murati dhe drejtoresha e Kulturës në Prishtinë, Sibel Halimi

Deputeti Guri e komentoi me një postim në Facebook deklaratën e sotme të kryeministrit në detyrë, Albin Kurti ku i tha se Rama duhet të gjejë një punë tjetër në vjeshtë.

“Qështu i thojshin edhe para 4 vjete Përparimit, po i vetmi që e ka pas ndërru vendin e punës ka qenë Arben Vitia”, shkroi Guri, duke kujtuar se Arben Vitia, i kthyer në Ministrinë e Shëndetësisë, përkohësisht ishte bërë udhëheqës i një laboratori privat, pasi i kishte humbur zgjedhjet për kryetar të Prishtinës.

E ministri në detyrë, Hekuran Murati tha se opozita është fajtore që ka mbetur pezull edhe ndryshim plotësimi i Ligjit të Buxhetit.

“Për shkak se opozita po e bllokon konstituimin e Kuvendit, ka mbetur pezull edhe ndryshim plotësimi i Ligjit të Buxhetit, që do të përfshinte buxhetet e tri komunave të cilat ishin vonuar në miratimin e buxheteve komunale sipas afateve ligjore – pra buxhetet komunale janë miratuar në asambletë përkatëse tek pas votimit të Ligjit të Buxhetit në Kuvend dhe kësisoj ato buxhete ende nuk janë në fuqi.  Njëra ndër këto komuna që është vonuar me miratim të buxhetit është edhe Prishtina”, ka shkruar Murati.

Murati tha se Rama duhet të ankohet tek partia e tij, LDK-ja e cila po vonon plotësimin e Ligjit të Buxhetit duke mos e votuar.

“Pra kur Përparim Rama kërkon zhbllokimin e buxhetit komunal, adresa e duhur për ankesë është pikërisht partia e tij LDK, e cila duke mos votuar për konstituimin e Kuvendit, po e vonon edhe plotësimin e Ligjit të Buxhetit, për ta përfshirë edhe buxhetin e Komunës së Prishtinës si pjesë përbërëse.  Megjithatë, mos-hyrja në fuqi e Buxhetit të Komunës së Prishtinës, nuk e ka ndalur Përparim Ramën dhe LDK-në që të nënshkruajnë kontrata milionëshe e të shpallin tenderë milionësh pa kurrfarë mbulese në stilin “aksham-pazar”, duke shkelur kështu Ligjin për Financa Publike dhe atë të Prokurimit Publik”, ka shkruar ministri në detyrë i Financave.

Ai ka theksuar se për këto shkelje, do të duhej qëmoti të ishte aktivizuar prokuroria, “por deri më tani nuk kemi parë asnjë veprim nga ana e tyre”.

Në këtë përplasje është përfshirë edhe drejtoresha për kulturë në komunën e Prishtinës, Sibel Halimi e cila e ka quajtur shpellar Albin Kurtin.

“Mendësi shpelle, ky është realiteti që vazhdon të mbysë çdo ide, çdo iniciativë dhe çdo përpjekje për ta bërë Kryeqytetin një vend më të jetueshëm dhe më dinjitoz. Në vend që të mbështesin punën dhe përkushtimin, gjejnë kohë vetëm për cinizëm të paskrupullt dhe bllokada të vazhdueshme. Është e pabesueshme ku kemi përfunduar: pa Parlament, me institucione të paralizuara dhe me barriera të vendosura me qëllim, vetëm për ta mbajtur vendin peng të një mentaliteti të kalbur”, ka shkruar Halimi. /Telegrafi/

The post Përplasjet mes Kurtit e Ramës – përfshihen Murati, Guri dhe Halimi me akuza dhe fyerje appeared first on Telegrafi.

Kryeqyteti i Kosovës do të jetë sërish mikpritës dhe përkrahës i Festivalit të Këngës, një ngjarje e rëndësishme kulturore e organizuar nga Radio Televizioni i Kosovës (RTK). Marrëveshja për mbështetjen e këtij festivali u nënshkrua sot mes kryetarit të Prishtinës dhe drejtorit të RTK-TV, z. Rilind Gërvalla.

Në njoftim thuhet se festivali ka vlera të spikatura artistike dhe kulturore, duke krijuar hapësirë për shprehjen autentike të krijimtarisë vendore dhe për fuqizimin e identitetit kulturor.

Ky bashkëpunim vlerësohet si shprehje e përkushtimit për një kryeqytet që e nxit dialogun artistik dhe e sheh artin si shtyllë thelbësore të zhvillimit shoqëror.

“Besojmë në një kryeqytet që frymon me art, ku kultura nuk është në margjinë, por në qendër,” thuhet në deklaratën e Ramës./KultPlus.com

Presidentja e Kosovës ka shpallur 12 tetorin 2025 si datën zyrtare për mbajtjen e zgjedhjeve lokale në të gjitha komunat e vendit. Në këtë datë, qytetarët do t’u drejtohen kutive të votimit për të zgjedhur udhëheqësit e rinj komunalë.

Partitë politike tashmë kanë filluar përgatitjet intensive për garën lokale, duke zyrtarizuar kandidatët e tyre nëpër komuna, transmeton Telegrafi.

Në komunën e Prishtinës, janë zyrtarizuar tri kandidatura:

Përparim Rama (LDK) – aktualisht kryetar i Prishtinës, kandidon për një mandat të dytë. Besa Shahini (PSD) ish-minstre e Arsimit në Shqipëri dhe Bekë Berisha (AAK) – deputet dhe figurë e njohur e AAK-së, kanë hyrë në garë për kryeqytetin.

Ndërsa, LVV dhe PDK ende nuk kanë zyrtarizuar kandidaturat, por nga LVV si emra të mundshëm janë përmendur; Glauk Konjufca, Hajrulla Çeku, Mefail Bajçinovci dhe Arben Vitia, ndërsa nga PDK kandidati Uran Ismaili.

Telegrafi ka publikuar një sondazh online, ku mbi 8 mijë qytetarë kanë marrë pjesë, duke shprehur preferencat e tyre për kandidatin që do të mbështesin në zgjedhje, dhe rezultati është si më poshtë:

Përparim Rama (LDK) 29%

Besa Shahini (PSD) 8%

Bekë Berisha (AAK) 7%

Kandidat tjetër 57%   /Telegrafi/

The post Sondazhi i Telegrafit për zgjedhjet lokale, cili kandidat po preferohet deri tani për Prishtinën? appeared first on Telegrafi.

Deputeti i LDK-së, Alban Zogaj,  u shpreh i bindur se LDK-ja do të dalë shumë mirë në zgjedhjet lokale, përfshirë edhe Prishtinën.

Kur u pyet se nëse LVV-ja e kandidon Glauk Konjufcën, Përparim Rama do ta mundë atë.

“Pa asnjë dyshim, me këto punë që janë bërë në Prishtinë, ne jemi të bindur se mandati i dytë i Ramës në Prishtinë… e tregojnë edhe sondazhet që jemi në pozicion shumë të mirë në zgjedhjet lokale”, deklaroi Zogaj në RTV21.

Ai foli edhe rreth takimit të sotëm të Presidentes Osmani me liderët e partive për t’u konsultuar rreth datës së zgjedhjeve lokale.

Sipas tij, ka një pajtim që në mes të tetorit të mbahen këto zgjedhje.

“12 apo 19 tetor nuk kemi problem me këto data ne jemi duke u përgatitur”, u shpreh Zogaj.

Sa i përket konstituimit të Kuvendit,  deputeti i zgjedhur i LDK-së tha se po t’i kishin 48 deputetë si Lëvizja Vetëvendosje aktualisht, do të ishin duke qeverisur.

Ai kritikoi Vetëvendosjen për mungesë të urave të bashkëpunimit.

“Kjo situatë është rezultat i rrënimit të bashkëpunimit të Vetëvendosjes me partitë tjera…”, tha Zogaj.

“Do me qeverisë gjithmonë i vetëm me arrogancë, sistemi politik në Kosovë kërkon bashkëqeverisje. Po t’i kishte LDK-ja 48 deputetë sot, do t’i kishim qenë duke realizuar qëllime. Me 48 numra ne do t’i kishim krijuar institucionet në dy javët e para, sepse kemi ura bashkëpunimi”, u shpreh Zogaj.

The post Zogaj: S’ka asnjë dyshim se Përparim Rama e mund Glauk Konjufcën në Prishtinë appeared first on Telegrafi.

Kryetari i Lidhjes Demokratike të Kosovës (LDK), Lumir Abdixhiku, ka deklaruar se projektet në Prishtinë do të vazhdojnë dhe do të përfundojnë me intensitet të shtuar, pavarësisht pengesave që sipas tij po i bëhen nga pushteti aktual.

Gjatë një vizite në punishtet kryesore të kryeqytetit bashkë me kryetarin e Komunës së Prishtinës, Përparim Rama, Abdixhiku është zotuar për përfundimin e projekteve madhore infrastrukturore.

Në një postim në Facebook, ai ka përmendur projektin e “Rrugës A”, për të cilin ka thënë se do të përfundojë para fundit të muajit shtator. Sipas tij, kjo rrugë, që lidh Veternikun me Bregun e Diellit përmes Rrugës B, do të sjellë një ndryshim të madh në kryeqytet.

Po ashtu, Abdixhiku ka përmendur edhe rrugën e Arbërisë dhe kyçjen në rrethin e madh afër stacionit, që pritet të përfundohet në të njëjtën periudhë kohore. Ai ka theksuar se po punohet me ritëm të ri për ta shkarkuar trafikun në qytet.

Një tjetër projekt që u përmend është “Ishulli Urban” në lagjen Arbëria, për të cilin Abdixhiku tha se po dinamizohet me ekipe shtesë me qëllim që banorët të kenë qasje më të shpejtë në qendër të qytetit.

Abdixhiku ka kritikuar edhe ata që, sipas tij, po tentojnë të pengojnë punën në kryeqytet, duke aluduar në vendime të institucioneve që, siç tha ai, ndalojnë edhe pastrimin e pluhurit në hapësira si Teatri Dodona.

“Kur perdja e pushtetit joligjor bie, krimet mbesin”, ka shkruar ai, duke paralajmëruar se ata që sot e pengojnë punën, mund të përballen me pasojat nesër.

“Kohë për të humbur nuk kemi. Punët do të bëhen. Prishtina po sheh.”

The post Abdixhiku: Prishtina nuk dorëzohet, bllokuesit kanë kohë appeared first on Telegrafi.

Sot, në një konferencë për media, u prezantua bashkëpunimi historik mes KFV Prishtina, KD Events dhe gjigantit italian AC Milan. Ky partneritet i rëndësishëm do të sjellë në kryeqytet kampin veror “AC Milan Junior Camp” nga data 9 deri më 13 korrik, që do të mbahet në Hajvali.

Në këtë konferencë morën pjesë kryetari i Prishtinës, Përparim Rama, Drejtori i Sportit, Kushtrim Mushica, Drejtori i Kampit të AC Milan Junior Camp, Kushtrim Demiri, Bekim Isufi – kryetrajner i kampit – si dhe Genc Mala, anëtar i AC Milan Club Kosova Fan.

Ata shpalosën këtë mundësi të jashtëzakonshme që synon të frymëzojë dhe zhvillojë talentin e të rinjve kosovarë përmes sportit dhe edukimit.

Kushtrim Demiri, drejtori i AC Milan Junior Camp në Kosovë, njëherësh themelues i KD Events që mundësuan kampin, ftojë fëmijët të jenë pjesë e kësaj mundësie fantastike.

Kampi do të ofrojë trajnime të nivelit më të lartë për vajzat dhe djemtë e të gjitha komuniteteve, nën përkujdesjen e pesë trajnerëve profesionistë të AC Milan, të cilët vijnë në Kosovë për të ndarë përvojën dhe metodologjinë e tyre me gjeneratën e ardhshme të futbollistëve.

Bashkë me ta do të jenë edhe 12 trajnerë nga Kosova që do t’i mbikëqyrin 200 fëmijë.

Ky bashkëpunim është një hap i madh për futbollin kosovar dhe një mundësi e artë për të rinjtë e kryeqytetit që të mësojnë nga më të mirët dhe të zhvillojnë potencialin e tyre sportiv.

Të pranishmit i ftuan të gjithë të rinjtë e Prishtinës të përfitojnë nga kjo përvojë unike dhe të bëhen pjesë e këtij rrugëtimi të paharrueshëm me emrin e madh të AC Milan.

Regjistrimi i fëmijëve fillon nga sot. /Telegrafi/ 

The post “AC Milan Junior Camp” nga data 9 deri më 13 korrik në Prishtinë, mundësi unike për të rinjtë appeared first on Telegrafi.

Në Prishtinë sot u festua Dita Ndërkombëtare e Fëmijëve me një atmosferë festive, përplot ngjyra, kreativitet dhe energji pozitive.

Parada “Ec me fëmijët”, e organizuar në zemër të qytetit, mblodhi rreth 230 fëmijë që morën pjesë me punime artistike, performanca dhe aktivitete të ndryshme argëtuese.

Kryetari i Prishtinës, Përparim Rama u shpreh i emocionuar nga pjesëmarrja dhe entuziazmi i fëmijëve.

“Gëzimi i fëmijëve sot e mbushi zemrën e Kryeqytetit! Parada ‘Ec me fëmijët’ solli ngjyra, kreativitet e energji të pastër nëpër rrugët e qytetit tonë,” shkroi ai në një postim në rrjetet sociale.

Rama theksoi se Prishtina është qytet i së ardhmes, dhe se kjo e ardhme ka fytyrën e qeshur të fëmijëve.

“Kjo ditë u shndërrua në një festë të vërtetë për fëmijërinë,” u shpreh ai, duke shtuar se ky është vetëm një nga hapat drejt krijimit të një qyteti më të gëzueshëm dhe gjithëpërfshirës për të vegjlit. /Telegrafi/

The post “Ec me fëmijët” mbush rrugët e Prishtinës me ngjyra e gëzim në Ditën Ndërkombëtare të Fëmijëve appeared first on Telegrafi.

Kryetari i Prishtinës, Përparim Rama, i ka bërë një kërkesë ndaj kryeministrit në detyrë, Albin Kurti, duke e ftuar që të kandidojë vetë për kryetar të kryeqytetit në zgjedhjet e ardhshme.

Rama u shpreh i bindur se do ta mposhtte në një përballje direkte Kurtin.

”Unë i kisha sugjeru Albin Kurtit që të kandidojë se e di që e don shumë pozitën e kryetarit të kryeqytetit. Kështu që mos me shti dikë aty veç me humb me djeg po vetë me kandidu ma s’miri. Unë mendoj që Albin Kurtit nuk i intereson zhvillimi i kryeqytetit, zhvillimi ekonomik apo urban i një zone. I intereson historia, i intereson filozofia, kështu që nuk kam asnjë dyshim se e mundi në kryeqytet”, tha Rama.

Rama ka konfirmuar zyrtarisht se do të rikandidojë për një mandat të dytë në krye të kryeqytetit.

Rama tha se pavarësisht sfidave dhe pengesave politike, është i vendosur të vazhdojë punën dhe projektet për zhvillimin e qytetit.

”Unë qytetarëve ju kërkoj me reflektu dhe me pa që përkundër këtyre problemeve nuk ka pasur zhvillim më shumë. Ne nuk ndalim dhe askush nuk ka që na ndal përveç votës së qytetarëve. Po, do të jem kandidat për kryetar të Prishtinës. Unë i besoj elektoratit besoj që ata shohin”, tha Rama, teksa u shpreh i bindur në fitore.

”Patjetër që do të bëhem”, tha ai.

Rama ka akuzuar ministrin e Kulturës në detyrë, Hajrulla Çekun, për shpërndarje të gënjeshtrave dhe mungesë bashkëpunimi në projekte kyçe për kryeqytetin.

“Ky njeri, kur ka ardh tek ne me kërku hapësira për teatrin. Ne kemi qenë të hapur dhe i kemi ofru hapësira dhe kemi bashkëpunuar, por edhe për disa projekte tjera. Ne e presim për disa kohë dhe ky nuk i realizon ato projekte. Por ja që ky ministër, që ne i kemi ndihmuar për çdo send, del flet gënjeshtra të cilat normal që e shpërfillin karakterin e tij. Ka gënjyer edhe për gjëra të tilla,” tha Rama.

Ai ka thënë se përkundër thirrjeve për bashkëpunim rreth projekteve strategjike si Unaza e Kryeqytetit dhe Fshati Olimpik, kryeministri në detyrë Albin Kurti e ka kushtëzuar atë gjithçka me përfshirje politike në Vetëvendosje.

”Po, normal ishte takimi. Unë kam kërkuar që çdo herë të takohem me Kurtin për çështjen e kryeqytetit. Në shtator të vitit 2023, kur ne e morëm drejtimin që të jemi nikoqir të Lojërave Mesdhetare, i thashë dhe ju luta që tash e kemi për detyrë që të bashkëpunojmë. Na vyn unaza e kryeqytetit. Na vyn fshati olimpik. Na vyjnë zhvillimet e infrastrukturës dhe ju lutem mos i bllokoni. Tha: ‘Eja me neve dhe s’ka problem’. I thashë: ‘Si me neve? Unë jam me neve. Kush është neve? Neve jemi të gjithë. Unë nuk po du me bisedu me kryetarin e VV-së, por me kryeministrin e Kosovës. Atu shihet se kryeministri në detyrë nuk sheh as Kosovë, as Shqipëri, as shqiptarë, as asgjë përtej ku është VV-ja. Deri ku është VV-ja është Kosova, deri ku është VV-ja është Shqipëria. Kjo është një ideologji e mangët, një ideologji që i ka kaluar koha. Është autokraci. Ai nuk don demokraci, por autokraci. Kjo është rrezik i madh për vendin tonë,” tha Rama.

Ai ka paralajmëruar se mosfunksionimi i institucioneve dhe bllokimi i projekteve infrastrukturore nga ana e Qeverisë mund të rrezikojë seriozisht mbajtjen e Lojërave Mesdhetare në Kosovë.

”Edhe për Lojërat Mesdhetare, sepse me këtë mos krijimin e institucioneve edhe kjo mundet me qenë në rrezik, kjo infrastrukturë na duhet nga dje, por këta po luajnë lojëra. Normal që nëse vazhdon ky proces dhe ne nuk krijojmë institucione, janë në rrezik”, tha Rama. /RTV21/

The post Rama i bindur: Do ta mundja edhe Albin Kurtin për kryetar të Prishtinës, le të del si kandidat appeared first on Telegrafi.

Kryetari i Prishtinës, Përparim Rama, ka reaguar sërish lidhur me situatën alarmante të krijuar nga ndërprerja e shërbimeve për grumbullimin e mbeturinave nga Ndërmarrja “Pastrimi”.

Në një deklaratë të publikuar të dielën, Rama e ka cilësuar këtë krizë si “kulmin e papërgjegjësisë institucionale” dhe ka akuzuar për përdorim të ndërmarrjes si instrument shantazhi për interesa politike.

“Po shfrytëzojmë të gjitha kapacitetet alternative që kemi në dispozicion për të menaxhuar situatën”, ka shkruar Rama, duke shtuar se ekipet komunale kanë qenë të angazhuara në terren gjatë gjithë vikendit, 24 orë në ditë, për të rikthyer kontrollin mbi situatën.

Kryetari ka theksuar se, pavarësisht miliona eurove të investuara ndër vite në “Pastrimi”, shërbimet e kësaj ndërmarrjeje kanë qenë të paqëndrueshme dhe të shfrytëzuara për qëllime politike.

“Qytetarët nuk do të penalizohen për shkak të kalkulimeve politike të askujt”, ka garantuar ai, duke njoftuar se nga dita e hënë pritet rikthimi i shërbimit në normalitet.

Në mesazhin e tij, Rama ka qenë i ashpër ndaj praktikave të politikës lokale, duke theksuar se nuk ka ardhur në krye të Prishtinës për të bërë “pazare politike” apo për të negociuar në takime të fshehta. Ai ka paralajmëruar për një qasje të re ndaj menaxhimit të ndërmarrjeve publike dhe ka premtuar se “epoka e sabotimeve dhe e keqpërdorimit të parasë publike merr fund tani, përfundimisht”.

Në fund, ai ka falënderuar qytetarët për mirëkuptimin dhe mobilizimin e tyre për të ruajtur pastërtinë në kryeqytet, duke theksuar se sabotimet janë tashmë të zbuluara dhe nuk do të tolerohen më./Telegrafi/

The post Përparim Rama: Nuk bëj pazare politike, epoka e sabotimeve nga “Pastrimi” përfundon tani appeared first on Telegrafi.

Mospajtimet ndërmjet Komunës së Prishtinës dhe kompanisë “Pastrimi” kanë bërë që ditëve të fundit kryeqyteti të ‘mbulohet’ nga mbeturina.

“Pastrimi” ka ndërprerë grumbullimin e mbeturinave për shkak të borxheve nga ana e Komunës, e kjo e fundit thotë se nuk e ka asnjë cent borxh.

Mbeturina të shumta janë parë edhe sot rrugëve të lagjeve të ndryshme, pasi askush nuk ka dalë t’i largojë.

Kryetari Përparim Rama kishte paralajmëruar ditë më herët në Facebook se do të fillojnë me largimin e mbeturinave pas ndërprerjes së shërbimeve nga ana e Pastrimit, por nuk ka theksuar se kush do të angazhohet në këtë drejtim.

Ndërkohë, Kompania Rajonale “Pastrimi” Sh.A. sot përmes një reagimi publik thekson se është thellësisht shqetësuese qasja e Komunës së Prishtinës ndaj ndërmarrjes publike, e cila është në pronësi të saj.

Lexo po ashtu Kriza me mbeturina, KRM "Pastrimi" kërkon takim me autoritetet komunale - thotë se komuna ka negociuar marrëveshje me kompani private

Në reagimin e tyre thuhet se borxhet e komunës ndaj tyre vazhdojnë të mbesin të papaguara, transmeton Telegrafi.

The post Kryeqyteti frymon në bërllok appeared first on Telegrafi.

Kryetari i Prishtinës, Përparim Rama ka njoftuar se në shtator do të fillon faza e dytë e zbatimit të mësimit tërëditor.

Rama ka shkruar se reforma më e madhe e arsimit kishte filluar në shtator të vitit 2024.

Këtë vit, mësimi tërëditor do të shtrihet edhe në këto shkolla: “Zenel Hajdini” – Prishtinë,  “Ganimete Terbeshi” – Llukar,  “Pjetër Bogdani” – Prishtinë,  “Avni Rrustemi” – Mramur,  “Teuta” – Grashticë. “Ditët e Minatorit” – Kishnicë (model i plotë për klasat 1–9)

Nxënësit do të përfitojnë: Mësim të strukturuar gjatë gjithë ditës; Shujta të ngrohta dhe të shëndetshme; Ambiente të rinovuara dhe moderne;  Tabela të mençura dhe pajisje digjitale; Aktivitete zhvillimore dhe kreative

“Sot vizituam shkollën “Pjetër Bogdani”, një nga institucionet që do të përfshihet në këtë proces transformues. Renovimet tashmë janë përfunduar, dhe po bëhen përgatitjet e fundit për fillimin e vitit të ri shkollor me mësim tërëditor”, ka shkruar Rama në Facebook./Telegrafi/

The post Mësimi tërëditor, Rama njofton se në shtator fillon faza e dytë e zbatimit të kësaj reforme appeared first on Telegrafi.

Kryetari i Prishtinës, Përparim Rama, ka reaguar ashpër ndaj situatës së krijuar me ndërprerjen e mbledhjes së mbeturinave në kryeqytet, duke akuzuar ndërmarrjen publike “Pastrimi” për sabotim të hapur politik dhe keqmenaxhim.

Në një deklaratë publike, Rama tha se sonte do të nisë aksioni për largimin e mbeturinave nga qyteti, duke shfrytëzuar të gjithë mekanizmat alternativë që Komuna ka në dispozicion.

“Sabotazha nuk kalon! Situata e krijuar rrezikon shëndetin publik dhe nuk do të tolerohet më. Qytetarët e Prishtinës meritojnë shërbim të denjë – jo shantazh politik,” u shpreh kryetari Rama.

Sipas tij, përkundër mbështetjes financiare të konsiderueshme nga Komuna për ndërmarrjen “Pastrimi”, menaxhmenti i saj ka keqpërdorur fondet publike për interesa të ngushta.

Mbështetja financiare për “Pastrimin”:

11.5 milionë euro të hyra direkte nga Komuna,

1.4 milionë euro për blerjen e kamionëve të rinj,

3,800 kontejnerë të rinj të financuar nga Komuna,

400,000 euro në subvencione shtesë.

Rama akuzon menaxhmentin për rritje të pagave për drejtuesit, punësime politike dhe refuzim të qëllimshëm të nënshkrimit të kontratës së shërbimeve me Komunën, edhe pse janë ftuar zyrtarisht që në dhjetor 2024 dhe shkurt 2025.

Ai kujtoi se kishte ftuar një seancë të jashtëzakonshme më 13 maj për të subvencionuar pagat e punëtorëve të “Pastrimi”-t me 300,000 euro, por seanca dështoi për shkak të mospjesëmarrjes së opozitës.

Kryetari i Prishtinës mohon pretendimet për borxhe

Deklaratat e menaxhmentit të “Pastrimi”-t se Komuna i ka borxh 2.7 milionë euro u cilësuan si “të pavërteta” nga Rama, i cili theksoi se Komuna ka zero borxh ndaj ndërmarrjes.

“Skandaloz është fakti se kjo ndalesë e shërbimeve vlen vetëm për Kryeqytetin – kjo tregon qartë motivet politike pas vendimit,” tha Rama.

Ai njoftoi se Komuna është duke shqyrtuar të gjitha mundësitë ligjore për të parandaluar përsëritjen e situatave të tilla në të ardhmen.

“Aksioni për pastrim të qytetit do të nis sonte”, tha Rama./Telegrafi/

The post Rama i reagon kompanisë “Pastrimi”: Sonte nis pastrimi i qytetit – sabotazha nuk kalon appeared first on Telegrafi.

Gipsy Kings do të paraqitet me koncert në Prishtinë, dhe kryetari i Komunës së Prishtinës Përparim Rama kishte paraparë që të organizonte një pritje zyrtare për këtë grup të njohur por kjo pritje është anuluar.

Sipas një njoftimi zyrtar thuhet se kryetari Rama e ka anuluar këtë pritje për shkak të përshkallëzimit të situatës me mbeturinat në kryeqytet.

KultPlus ju sjell të plotë njoftimin.

Njoftim për anulim – pritja e Gipsy Kings

Ju njoftojmë se pritja e paralajmëruar për sot, më 14 maj 2025, në ora 16:00, e bendit të njohur ndërkombëtar Gipsy Kings tek Kryetari i Kryeqytetit Përparim Rama, është anuluar.

Anulimi vjen si pasojë e prioritizimit të zhvillimeve të fundit lidhur me problemin emergjent të menaxhimit të mbeturinave dhe ndërmarrjes “Pastrimi”, që ka kërkuar vëmendjen e menjëhershme të Kryetarit.

Faleminderit për mirëkuptimin./ KultPlus.com

Kryetari i Prishtinës, Përparim Rama thotë se komuna që ai drejton u vlerësua për vizionin dhe karakterin e saj unik, para kryetarëve të 120 qyteteve të botës në forumin “Arab European Cities Dialogue”.

Kreu i kryeqytetit ka renditur pikat në të cilën Prishtina, sipas tij,  mori vlerësime.

“Prishtina po pozicionohet fuqishëm në hartën globale, duke u vlerësuar për vizionin dhe karakterin e saj unik. Para kryetarëve të 120 qyteteve të botës, Prishtina u vlerësua për vizionin tonë: Qytetari i parë – një qytet që vendos qytetarin në qendër të zhvillimit të tij!. Arti dhe kultura si motor për rritjen ekonomike – duke i dhënë qytetit një dimension të fuqishëm kulturor dhe ekonomik!. Festivalet si faktori kyç në branding-un e qytetit – duke e shndërruar çdo ngjarje në një promovim global të identitetit dhe vlerave të Prishtinës!”, ka shkruar Rama.

Ka thënë se pati mundësinë të dëgjonte nga kryetarët e Bukureshtit, Amanit, Sarajevës, Madridit dhe Bejrutit përshtypjet e tyre mbi karakteristikat dhe zhvillimin e kryeqytetit.

“Prishtina ishte shembull ndër 120 qytetet e Evropës dhe Arabisë, që morën pjesë në forumin “Arab European Cities Dialogue. Ne po forcojmë diplomacinë urbane dhe po zhvillojmë ide të reja për të mirën e qytetarëve tanë. Ky është vizioni i Prishtinës, që na nevojitet: një qytet i hapur, i zhvilluar dhe një referencë në agjendat globale”, shkroi kryetari i Prishtinës.

The post Rama: Prishtina, shembull ndër 120 qytetet e Evropës dhe Arabisë appeared first on Telegrafi.