Dashi

Hëna do të ketë ndikim të kundërt tek të lindurit e kësaj shenje, të cilët duhet të veprojnë me diplomaci. Ka shumë mundësi që disa nga mënyrat tuaja të të menduarit dhe ndjenjat, të mos përputhen me ata që keni pranë.

Demi

Kjo fundjavë do të sjellë zhvillime të rëndësishme. Janë ditë të cilat i prijnë një dhjetori të mbarë, gjatë të cilave do të çoni përpara projekte të rëndësishme për shtëpinë dhe lidhur me ndjenjat.

Binjakët

Pas disa ditëve mjaft të tensionuara, gjatë kësaj të shtune do të ndiheni disi të lehtësuar, në sajë të ndikimit të favorshëm të Hënës. Edhe pritshmëritë në punë, do të jenë mjaft pozitive.

Gaforrja

Lini mënjanë çdo ngarkesë dhe vijojeni fundjavën sipas rutinës suaj, duke bërë ato gjëra që kanë vërtetë rëndësi. Edhe pse mund t’iu kushtojë, duhet ta bëni patjetër.

Luani

Kjo fundjavë do të jetë shumë e mirë, duke prirë një javë pozitive. Konfirmime të rëndësishme do të keni në dashuri, të cilat do ju prijnë takimeve të rëndësishme.

Virgjëresha

E shtuna është mjaft e rëndësishme sa i takon dashurisë. Lini mënjanë ndrojtjen dhe guxoni mbi gjithë çfarë doni. Njerëzit që keni pranë ju duan, ndaj duhet që t’ua ktheni.

Peshorja

Hëna do të ketë ndikim të rëndësishëm tek të lindurit e kësaj shenje, pas problemeve që keni pasur me pabesitë, dyshimet dhe pasuritë. Ka ardhur koha për marrjen e vendimeve të rëndësishme dhe do ju duhet të zgjidhni të duhurit dhe ata që do të mbani larg.

Akrepi

Ju pret një fundjavë e rëndësishme, ose thuajse një pikë kthese. Mendimi për paratë dhe shtëpinë, do ju sjellë një lodhje të madhe, ndërkohë që tashmë do i shikoni gjërat me më shummë qetësi.

Shigjetari

Parashikohen kryqëzime të rëndësishme me të lindurit e shenjës së peshores, dashit dhe luanit. Megjithatë do të ndiheni edhe disi të rënduar për shkak të ndjenjës së fajit.

Bricjapi

Dita do të nisë me një ndjesi të re, ndonëse mund të ketë rënie. Megjithatë ekzistojnë rreziqe për gjithë ato çifte që pëlqejnë të bëjnë kaos, shkruan noa.al.

Ujori

Kjo fundjavë do të jetë mjaft e qetë. Parashikohen takime mjaft të favorshme me njerëzit e zemrës, si dhe disa aktivitete premtuese. Po ashtu parashikohet çuarja përpara e projekteve të reja.

Peshqit

Do të ndiheni të lirë dhe të mbushur me gëzim. Pasioni është mjaft i favorizuar, ndonëse do të ndiheni tejet të ndjeshëm. Bëni kujdes ndaj dikujt nga e kaluara që mund t’iu afrohet.

The post Horoskopi 30 Gusht, ja çfarë kanë parashikuar yjet për ju appeared first on Albeu.com.

Një studim i ri ka zbuluar se ekspozimi i zgjatur në temperatura ekstreme përshpejton plakjen biologjike të njeriut. Efekti është i krahasueshëm me dëmet e shkaktuara nga duhani apo alkooli.

Një studim i fundit tregon se jo vetëm duhani, alkooli apo qëndrimi gjatë në diell ndikojnë në një plakje të shpejtë.

Kush jeton në zona me temperatura të larta, plaket më shpejt se pjesa tjetër e njerëzve. Studim i publikuar së fundmi në revistën shkencore Natyra mbi Ndryshimet Klimatike tregon se periudhat e gjata me temperatura ekstreme mund të përshpejtojnë plakjen biologjike të njeriut.

Grupi i studiuesve analizoi të dhënat shëndetësore të rreth 25 mijë të rriturve në Tajvan, për një periudhë 15-vjeçare.

Rezultatet treguan se dy vite ekspozim me temperatura ekstreme mund ta bëjnë trupin të duket mesatarisht 8 deri në 12 ditë më i vjetër, duke ndikuar drejtpërdrejt në qeliza dhe organe.

Sipas profesorit Cui Guo nga Universiteti i Hong Kongut, ky efekt është i krahasueshëm me dëmet që shkakton duhanpirja ose përdorimi i alkoolit.

“Edhe pse duket si një ndikim i vogël, me kalimin e kohës dhe në shkallë popullsie, ai mund të ketë pasoja të mëdha për shëndetin e njeriut ”, theksoi ai.

Studimi u mbështet në një sërë testesh mjekësore, përfshirë matjen e presionit të gjakut, nivelin e inflamacionit, kolesterolin dhe funksionin e mushkërive, mëlçisë dhe veshkave, për të përcaktuar moshën biologjike të pjesëmarrësve.

Edhe Universitetit i Kalifornisë Jugore arriti në përfundimin se personat që jetojnë në zona me mbi 140 ditë nxehtësie ekstreme në vit plaken deri në 14 muaj më shpejt biologjikisht, krahasuar me ata që përjetojnë më pak ditë të tilla.

Mjekët theksojnë se nxehtësia ekstreme, përveç plakjes së parakohshme, përkeqëson edhe probleme ekzistuese si sëmundjet e zemrës, astma dhe çrregullimet neurologjike.

Ndërkohë, shkencëtarët paralajmërojnë se më të rrezikuar janë punëtorët në terren, banorët e zonave rurale dhe familjet që nuk kanë ajër të kondicionuar, të cilët përballen më shpesh me temperatura ekstreme.

Sipas Agjencisë Amerikane për Mbrojtjen e Mjedisit, SHBA përjetojnë sot mesatarisht gjashtë valë nxehtësie në vit, nga vetëm dy që ishin në vitet 1960. Çdo vit, rreth 2 mijë persona humbin jetën nga pasojat e të nxehtit, por ekspertët besojnë se numri real është më i lartë.

The post Trondit studimi i ri/ Temperaturat e larta ju plakin më shpejt, ja paralajmërimi i shkencëtarëve appeared first on Albeu.com.

Ben Affleck, 53 vjeç, debutoi me një pamje të re, pas përjashtimit të tij nga lista e “aktorëve më tërheqës mbi 50 vjeç” nga AARP.

Ish-bashkëshorti i Jennifer Lopez u shfaq i rruar pastër dhe me flokë më të shkurtë se zakonisht, duke veshur një kostum gri të zbehtë me këmishë të bardhë.

Affleck ka qenë aktiv në prodhimin e filmave të rinj, duke përfshirë një version të ri të “Kiss of the Spider Woman”, ku bashkëpunon me Lopez, shkruan DailyMail

Ndërkohë, miku dhe bashkë-ylli i tij Matt Damon u rendit në listë, së bashku me aktorë të tjerë si Brad Pitt dhe George Clooney.

Lista e AARP përmban aktorë të moshës 50–70 vjeç dhe thekson ndikimin e tyre në kinematografi, duke përfshirë 215 nominime për çmime Oscar, Golden Globe dhe Emmy dhe 35 fitore.

Ajo vlerëson magnetizmin, gjallërinë dhe cilësitë e veçanta që i bëjnë këta aktorë të dallohen.

Në krye të listës u rendit Idris Elba, 52 vjeç, i ndjekur nga Pedro Pascal, Noah Wyle dhe Denzel Washington.

Qëllimi i AARP është të promovojë aktorë që sfidojnë stereotipet e plakjes dhe të theksojë historitë dhe talentin e tyre.

Noah Wyle, George Clooney, Colman Domingo, Morris Chestnut dhe Rob Lowe janë disa nga emrat e përmendur për personalitetin, disiplinën dhe energjinë që i dallon në industrinë e filmit.

The post I përjashtuar nga lista e më tërheqshmëve, Ben Affleck ndryshon stilin appeared first on Albeu.com.

Forcat e Mbrojtjes së Izraelit kanë konfirmuar eliminimin e një figure të lartë të organizatës terroriste ISIS në Rripin e Gazës, gjatë një sulmi ajror të kryer nga Komanda Jugore dhe Inteligjenca Ushtarake.

Lajmi u bë i ditur përmes një deklarate në rrjetin social X, ku IDF njoftoi se Muhammad Abd al-Aziz Abu Zayda, i njohur si kreu i distriktit “Palestinë”, është vrarë në zonën e Al-Bureij.

Sipas deklaratës zyrtare, Abu Zayda ishte figura më e lartë e ISIS-it në Gaza, përgjegjës për përcaktimin e politikave, planifikimin dhe ekzekutimin e operacioneve të grupit në disa rajone, përfshirë Judenë, Samarainë, Gazën dhe gadishullin e Sinait.

Ai kishte rol kyç në transferimin e armëve dhe pajisjeve luftarake si dhe në sigurimin e fondeve për veprimtarinë terroriste të grupit në rajon.

Krahas operacionit në Gaza, forcat izraelite kanë ndërmarrë edhe një tjetër sulm ajror të koordinuar në Libanin jugor, duke eliminuar Ahmed Na’im Matuk, një komandant i lartë i Forcës “Radwan” të Hezbollahut.

Sipas IDF-së, Matuk ishte kreu i një shtabi batalioni dhe ka qenë i përfshirë në planifikimin e disa komploteve kundër Izraelit që nga nisja e konfliktit.

The post Gjatë një sulmi ajror në Rripin e Gazës, Izraeli vret dhe kreun e ISIS appeared first on Albeu.com.

Kryetarja e komanduar e bashkisë së Tiranës, Anuela Ristani ka bërë një thirrje për qytetarët që të tregojnë kujdes për shkak të motit të përkeqësuar që pritet në ditët në vijim.

Sipas buletinit të Shërbimit Meteorologjik Ushtarak, nga data 29 gusht deri më 2 shtator vendi do të përballet me situata të vështira atmosferike, me reshje shiu me intensitet të lartë.

“Të dashur qytetarë. Sipas Buletinit Meteorologjik të Shërbimit Meteorologjik Ushtarak, për periudhën 29 Gusht 2 Shtator priten situata të vështira atmosferike me reshje shiu me intensitet të lartë.

Ju këshillojmë të tregoni kujdes gjatë këtyre ditëve, të shmangni lëvizjet e panevojshme në zonat me rrezik përmbytjeje dhe të merrni masat e nevojshme për sigurinë tuaj dhe të familjeve tuaja”, shprehet Ristani.

Ajo garantoi se strukturat e bashkisë së Tiranës dhe emergjencat civile janë në gatishmëri të shtuar për menaxhimin e situatës.

“Strukturat e Bashkisë dhe Emergjencat Civile janë në gatishmëri të shtuar për menaxhimin e situatës.

Për çdo rast emergjent, mund të kontaktoni në numrat:

112 – Emergjencat Civile

127 – Urgjenca Mjekësore

128 – Policia

The post Reshjet e shiut, edhe Tirana në alarm: Evitoni lëvizjet e panevojshme, bashkëpunim me emergjencat civile appeared first on Albeu.com.

Një zjarr është regjistruar mbrëmjen e sotme në Nikël. Mësohet se zjarri ka rënë në një kanal i cili është i mbushur me mbeturina dhe me shkurre. Zjarri dyshohet se ka qenë i qëllimshëm. Zjarri është përhapur me shpejtësi për shkak të mbetjeve që ndodheshin në zonë. Në afërsi të vatrës së zjarrit ka disa banesa të cilat rrezikohen nga flakët.

Gjithashtu bëhet me dije se pranë zjarrit është edhe një kabine elektrike. Në vendngjarje kanë mbërritur zjarrikësit të cilët po ndërhyjnë për izolimin e flakëve. Sipas raportimeve zjarri po përparon pasi është në disa vatra. Autoritetet gjithashtu kanë nisur hetimet në lidhje me zjarrin dhe kapjen e personave që mund të kenë shkaktuar zjarrin nëse rezulton i qëllimshëm.

The post Përfshihet nga flakët një kanal me mbeturina në Nikël, dyshohet për zjarrvënie, në rrezik banesat përreth appeared first on Albeu.com.

Kapiteneria e Portit Sarandë ka dalë me një njoftim lidhur me ndryshimet e motit që priten të ndodhin në fundjavë. Në njoftim bëhet me dije se për shkak të përkeqësimit të kushteve atmosferike dhe detare do të ndalohet çdo dalje në det e mjeteve lundruese, përfshirë mjetet turistike, peshkarexhat dhe skafet e vogla.

Ky ndalim vlen për të gjithë gjirin dhe zonën bregdetare të Sarandës, Ksamilit dhe Borshit. Sipas njoftimit ndalimi i daljes në det të mjeteve hy në fuqi nesër në orën ora 06:00. Ky udhër ndalimi do të jetë aktiv deri në një përmirësim të kushteve detare i cili më pas do të njoftohet me një reagim tjetër.

The post Ndryshimi i motit në fundjavë, Kapiteneria e Portit Sarandë: Ndalohet çdo dalje në det e mjeteve lundruese! appeared first on Albeu.com.

Heyy njerëz, Arbana Osmani do të rikthehet sërish pranë jush! Moderatorja ka ndarë me ndjekësit së fundmi lajmin e mirë se sezoni i dytë i “Mirëmbrëma yje” do të nisë së shpejti.

Ndryshe nga sezoni i parë, ky sezon do të mbahet në një shtëpi të re, me më shumë të ftuar dhe me shumë supriza.

“A jeni gati? Sezoni i dytë i “Mirëmbrëma yje” nis së shpejti në një shtëpi të re, me më shumë të ftuar, me më shumë të papritura…

Klikoni “Subscribe” në kanalin tim në Youtube për të mos humbur programin që bën bashkë yjet, ashtu siç nuk i keni parë kurrë më parë. Sa qejf që do shihemi sërish, më shpesh dhe më gjatë. Ju dua”, shkruan Arbana.

Kujtojmë se sezoni i parë i “Mirëmbrëma yje” u prit mjaft mirë nga shikuesit dhe fansat e Arbanës të cilët u “çmallën” me moderatoren e cila prej muajsh ishte larg ekranit.

Shumë të ftuar, shumë tregime, lot, buzëqeshje dhe këngë e valle u përcollën përmes puntatave të sezonit të parë.

The post Arbana Osmani shumë shpejt pranë shikuesve! Moderatorja paralajmëron surpriza me “Mirëmbrëma Yje” appeared first on Albeu.com.

INSTAT raportoi se në tremujorin e dytë të vitit 2025, janë miratuar 352 leje ndërtimi për ndërtesa të reja, duke shënuar një ulje prej 0,6 %, krahasuar me të njëjtën periudhë të vitit 2024, ku u miratuan 354 leje.

Po sipas INSTAT, sipërfaqja totale e parashikuar për ndërtimet në këtë tremujor, është 278.389 m², duke shënuar një ulje prej 67,0 %, në krahasim me tremujorin e dytë të vitit 2024 (844.137 m²). Vlera e përafërt e projekteve të miratuara (që përfshin si ndërtesat ashtu edhe punimet inxhinierike) arriti në 18,4 miliardë lekë, duke shënuar një ulje prej 45,5 %, krahasuar me një vit më parë (33,7 miliardë lekë). Qarku i Durrësit mban peshën kryesore me 156 leje ndërtimi të reja dhe sipërfaqe ndërtimi 129.617 m². Ka rritje domethënëse e vlerës së projekteve ndërtimore u regjistrua në qarqet Durrës, Korçë dhe Shkodër.

Megjithatë, të dhënat e INSTAT nuk tregojnë situatën reale. Vetë instituti i statistikave sqaron se Botimi i statistikave mbi lejet e ndërtimit mbështetet aktualisht vetëm në të dhënat e siguruara nga bashkitë, të cilat janë autoritetet kryesore për dhënien dhe raportimin e këtyre lejeve. Megjithatë, VKM nr. 408, datë 13.5.2015 “Për miratimin e rregullores së zhvillimit të territorit”, i ndryshuar, përcakton se në procesin e miratimit të lejeve të ndërtimit përfshihen edhe institucione të tjera përgjegjëse, përveç bashkive. Duke qenë se ende nuk ka një raportim të standardizuar dhe të plotë nga të gjitha këto ente pranë INSTAT, të dhënat e publikuara për tremujorin e dytë bazohen vetëm në burimet bashkiake. Për këtë arsye, publikimi aktual nuk mund të krahasohet plotësisht me periudhat e ardhshme, deri në momentin që të gjitha institucionet përgjegjëse do të përfshihen në mënyrë të unifikuar në procesin e raportimit statistikor.

Gjatë vitet të fundit Këshilli Kombëtar i Territorit që është institucioni kryesor që jep lejet për projektet e mëdha dhe ndërtesat shumëkatëshe ka dhënë leje të shumta, si për qiell gërvishtës në kryeqytet, ashtu dhe resortet turistike në bregdet. Këto të dhënat duket se mbahen “sekret” dhe do të duhet kohë që të kuptohet situata reale me ndërtimet në vend.

Në vitin 2024, vetëm në kryeqytet u dha për leje ndërtimi një sipërfaqe rekord prej gati 2 milionë metra katror, më i madhi historik për kryeqytetin. Këto leje duan të paktën 1-2 vjet kohë që të reflektohen në punime në terren. Që nga viti 2018, kur ka filluar vala e re e ndërtimeve në kryeqytet janë dhënë mbi 10 milionë metra katror leje ndërtimi. Ndërkohë projekte të tjera pritet të fillonë bazuar në lejet e fundit të dhëna nga Këshillit Kombëtar i Territorit./ Monitor

The post Ndërtime kudo, por Institucionet “fshehin” lejet, raportohen vetëm bashkitë appeared first on Albeu.com.

Semi Jaupaj ka zgjedhur të ndajë me ndjekësit një moment të ngarkuar me simbolikë.

Ajo ka postuar një foto me dy trëndafila të kuq, por ndryshe nga ç’pritet zakonisht, ata nuk ishin të shoqëruar me mesazhe romantike.

Në vend të tyre, Semi kishte shkruar “Grua e pavarur”.

Ky detaj të lë të kuptosh se lulet nuk ishin dhuratë nga një partner, por një zgjedhje e vetë këngëtares për të afirmuar fuqinë dhe pavarësinë e saj.

Për më tepër, sfondi muzikor i postimit ishte kënga “Flowers” e Miley Cyrus, ku dëgjohet vargu i njohur “Unë mund t’i blej vetes lule”, një mesazh i qartë për vetëdashurinë dhe refuzimin për të varur lumturinë tek dikush tjetër.

The post FOTO/ Trëndafila për Semi Jaupajn me një mesazh ndryshe appeared first on Albeu.com.

Mbrëmjen e sotme, rreth orës 19:00, një vatër zjarri ka shpërthyer në një zonë me shkurre dhe pemë në afërsi të banesave në fshatin Kodër Lumë, pjesë e njësisë administrative Shtiqën.

Reagimi i menjëhershëm i banorëve që njoftuan autoritetet, si dhe ndërhyrja profesionale e forcave zjarrfikëse nga Kukësi, bëri të mundur shuarjen e flakëve në kohë të shkurtër, duke parandaluar përhapjen e mëtejshme të zjarrit dhe rrezikun për banesat e afërta.

Sipas informacioneve nga vendngjarja, zjarri përfshiu një sipërfaqe me bimësi të thatë, por fatmirësisht nuk shkaktoi dëme në ndërtesa apo rrezik për jetën e banorëve, falë veprimit të koordinuar të zjarrfikësve.

The post Kukës, ndalohet në kohë përhapja e zjarrit të rënë në Kodër Lumë appeared first on Albeu.com.

75-vjeçari i cili është gjetur i pajetë dhe i dekompozuar në banesën e tij në Korçë është identifikuar. Viktima ëshë Islam Fixha. Vëllai i 75-vjeçarit është shprehur se ai kishte probleme kardiake dhe trajtohej me kemp.

Ai shtoi se i vëllai jetonte i vetëm dhe se nuk kishin pasur komunikim prej muajsh. Në qershor të këtij viti, ka qenë bashkëshortja e viktimës që ka kallëzuar pranë komisariatit të Korçës se kishte humbur kontaktet me bashkëshortin e saj. Sipas të dhënave të para nga hetimet dhe analizat mjeko-ligjore, dyshohet se i moshuari vuante nga probleme të kujtesës dhe ka ndërruar jetë për shkaqe natyrale.

The post EMRI/ U gjet i dekompozuar brenda banesës së tij në Korçë, identifikohet 75-vjeçari appeared first on Albeu.com.

Kryeministri Edi Rama përmes një postimi në “X” ka reaguar në lidhje me deklaratën e KLGJ-së për akuzat që ai ka hedhur ndaj gjyqtarëve që kanë dhënë vendimet për subjektet e ndërtuara pa leje në hapësira publike. Rama në reagim është shpehu se e ka lexuae me vëmendjen reagim teksa theksoi se kjo deklaratë e KLGJ-së ka ardhur pasi ai ka folur lidhur me disa vendome skandaloze të gjyqtarëve.

Ai u shpreh se KLGJ ka harruar se roli i saj themelor është të shqetësohet për cilësinë e drejtësisë, si edhe të garantojë publikun se vendimet që merren nga gjykatësit. Nga reagimi i KLGJ-së, Rama u shpreh se bie dakord me pjesën se çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse. Kryeministri gjithashtu tha se anëtarët e KLGJ nuk duhet të mos harxhojnë kohën e tyre për të gjykuar se si e ai e bën punën

“Lexova reagimin e KLGJ, organi më i lartë i vetëqeverisjes së gjyqësorit, lidhur me çka unë kam ndarë me publikun për disa vendime skandalozisht brutale gjykatësish, të cilët u kanë dalë në mbrojtje të zaptuesve të hapësirës publike, në dëm të rendit ligjor, interesit publik si edhe komuniteteve të cënuara drejtëpërdrejt nga këto vendime.

KLGJ i ka rënë shumë gjatë, duke harruar se roli i saj themelor është të shqetësohet për cilësinë e drejtësisë, si edhe të garantojë publikun se vendimet që merren nga gjykatësit në dëm të tij, nuk kalojnë pa u analizuar dhe gjykatësit nuk janë maliqër që bëjnë ç’të duan me ligjin në emër të pavarësisë.

KLGJ ka harruar gjithashtu se si instanca më e lartë e vetëqeverisjes së gjyqësorit, ka jo vetëm të drejtën po edhe detyrën të marrë seriozisht shqetësimet e palëve të cënuara nga vendime qorre të gjykatësve, të cilat në këtë rast janë të ububushme për nga mungesa e ndjeshmërisë ndaj interesit publik.

KLGJ ka harruar edhe të tjera gjëra më shumë rëndësi, por të paktën ka thënë një të vërtetë që më gjen shumë dakord, duke nënvizuar se “çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse”, gjë për të cilën e kam informuar në çdonjërin nga rastet publikun, se do të bëjmë duke iu drejtuar pikërisht KLGJ dhe ILD si “institucionet përkatëse”.

Duke e mbyllur me kaq për sot, u them anëtarëve të KLGJ të mos harxhojnë kohën e tyre për të gjykuar se si e bëj unë punën për të cilën më ka votuar populli shqiptar – gjykatësi im i përditshëm të cilit unë nuk kam se si të mos ia shpjegoj hapur pse nuk largohen njësoj si të tjerat ca ngrehina të paligjshme në mes të rrugës, që marrin mbrojtjen e pajustifikueshme të ca gjykatësve të pandjeshëm ndaj interesit publik – po të përqëndrohet tek puna e vet, që gjermësot le shumë për të dëshiruar në funksion të Shqipërisë 2030 në BE”, shkruan Rama.

The post “Të shqetësohet për cilësinë e drejtësisë”, Rama i përgjigjet KLGJ-së: Të mos harxhojnë kohën e tyre për të gjykuar se si e bëj unë punën appeared first on Albeu.com.

Turqia ka ndërmarrë një hap të paprecedent duke ndërprerë plotësisht të gjitha marrëdhëniet tregtare dhe ekonomike me Izraelin dhe duke mbyllur hapësirën ajrore për aeroplanët izraelitë, njoftoi të enjten Ministri i Jashtëm turk, Hakan Fidan.

Ky vendim vjen si vazhdim i masave të mëparshme që Ankaraja ka ndërmarrë ndaj Izraelit, në përgjigje të operacioneve ushtarake të këtij të fundit në Rripin e Gazës.

Ndërkohë, mbyllja e hapësirës ajrore turke pritet të ketë pasoja të drejtpërdrejta për fluturimet izraelite në drejtim të vendeve si Gjeorgjia dhe Azerbajxhani, duke zgjatur kohën e udhëtimit me gati dy orë.

Zyrtarë izraelitë janë shprehur skeptikë ndaj seriozitetit të këtij veprimi, duke kujtuar se Turqia më parë ka paralajmëruar ndërprerje të marrëdhënieve ekonomike, por tregtia ka vijuar në mënyrë joformale.

Ndërkohë, në sektorin e transportit detar, autoritetet turke po ushtrojnë presion ndaj agjentëve të portit që të deklarojnë me shkrim se anijet nuk kanë lidhje me Izraelin dhe nuk transportojnë mallra të rrezikshme apo ushtarake të destinuara për këtë shtet. Megjithatë, ende nuk është lëshuar ndonjë dokument zyrtar për këtë udhëzim verbal.

Kjo lëvizje shihet si pjesë e një strategjie më të gjerë të Turqisë për të shtrënguar presionin diplomatik dhe ekonomik ndaj Izraelit për shkak të konfliktit në Gaza.

The post Turqia i mbyll dyert Izraelit, ndërpritet tregtia dhe bllokohet hapësira ajrore appeared first on Albeu.com.

Më 30 gusht 2025, duke filluar nga ora 12:00, jashtë gjirit të Vlorës priten kushte të përkeqësuara hidrometeorologjike me erë 15 m/s dhe dallgë me lartësi 1.0 – 1.5 metra.

Autoritetet detare njoftojnë se do ndalohen nisjet e mjeteve të vogla lundruese dhe të peshkimit drejt detit të hapur. duke nisur nga ora 10:00 e paradites.

Anijet e transportit ndërkombëtar do të operojnë normalisht. Përmirësimi i motit pritet pas orës 08:00 të datës 31 gusht 2025. Njoftim për kushtet hidrometeorologjike detare datë 30.08.2025

Në bazë të parashikimit për situatën hidrometeorologjike të përkeqësuar jashtë gjirit të Vlorës, gjatë datës 30.08.2025 duke filluar nga ora 12:00 datë 30.08.2025, kushtet hidrometeorologjike do të jenë në drejtimin JUG-JUG-LINDJE në forcën deri 5-6bft me shpejtësi ere deri 10-15m/s dhe lartësi dallge nga 1.00 deri 1.50 metra, kërkojmë:

1.Është ndaluar pajisja me leje-nisje e mjeteve të vogla lundruese dhe ato të peshkimit të cilat duan të operojnë jashtë gjirit të Vlorës në det të hapur duke filluar nga ora 10:00 datë 30.08.2025.

2.Të gjithë drejtuesit e mjeteve të vogla lundruese dhe anijeve të peshkimit që operojnë brenda gjirit të Vlorës dhe Himarës të marrin në konsideratë kushtet hidrometeorologjike dhe marrjen e masave për sigurimin e tyre.

3.Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve dhe institucioneve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmërisë së ekuipazhit në mjetet lundruese.

4.Anijet e transportit ndërkombëtar detar do të vazhdojnë të operojnë normalisht sipas destinacioneve përkatëse.

5.Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 08:00 të datës 31.08.2025.

The post Pritet përkeqësimi i motit/ Autoritetet detare në Vlorë: Të shtunën ndalohet lundrimi i mjeteve të peshkimit appeared first on Albeu.com.

Kancelari gjerman, Fiedrich Merz, ka deklaruar së fundmi se lufta e Rusisë në Ukrainë mund të vazhdojë për muaj të tërë pavarësisht përpjekjeve të fundit të SHBA për t’i dhënë fund luftës.

Kancelari gjerman gjatë një bisede me Presidentin e Francës, Emmanuel Macron, u zotua se nuk do ta braktisin kurrë Ukrainën.

Friedrich Merz u shpreh se mbajtja e aleatëve të Ukrainës të bashkuar në “koalicionin e vullnetit” është “një nga detyrat tona më urgjente”.

The post Zotohet Friedrich Merz: Lufta në Ukrainë mund të zgjasë, por s’do ta braktisim kurrë appeared first on Albeu.com.

Këshilli i Lartë Gjyqësor, ka reaguar ndaj deklaratave të kryeministrit Edi Rama ndaj gjyqtarëve, lidhur me vendimet që ata kanë dhënë për subjektet e ndërtuara pa leje në hapësira publike.

Në një deklaratë për mediat, KLGJ thotë se gjuha e përdorur nga kryeministri cenon figurën dhe dinjitetin e gjyqtarëve, si edhe minon pavarësinë e pushtetit gjyqësor.

“Këshilli ju bën thirrje gjithë subjekteve publike dhe private të respektojnë pavarësinë e gjyqësorit si një nga themelet e shtetit të së drejtës”, thuhet në reagim.

Më tej, KLGJ shprehet se e vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë.

“KLGJ në përputhje me kompetencat kushtetuese, shpreh mbështetjen e plotë ndaj të gjithë gjyqtarëve dhe përpjekjeve të tyre të përditshme në mbrojtje të të drejtave të qytetarëve dhe në shërbim të interesit publik”, deklaron KLGJ.

Deklaratë

Këshilli i Lartë Gjyqësor, duke marrë shkas nga deklaratat e fundit të subjekteve publike apo private, rithekson edhe njëherë se deklarata të tilla cënojnë figurën dhe dinjitetin e gjyqtarëve si dhe minojnë pavarësinë e pushtetit gjyqësor.

Në çdo shoqëri demokratike, gjyqtarët janë garantues të barazisë së palëve përpara ligjit. Për rrjedhojë, ushtrimi i funksionit të tyre duhet të jetë i pavarur dhe i çliruar nga çdo formë ndikimi, duke ju nënshtruar vetëm Kushtetutës dhe ligjeve. Në një shtet të së drejtës, ndarja dhe balancimi i pushteteve përbën parim themelor dhe gjyqtari ushtron funksionet në mënyrë të pavarur, duke vlerësuar faktet dhe interpretuar ligjin, i lirë nga çdo ndikim i jashtëm.

Këshilli ju bën thirrje gjithë subjekteve publike dhe private të respektojnë pavarësinë e gjyqësorit si një nga themelet e shtetit të së drejtës. E vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë. Po ashtu, çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse.

KLGJ në përputhje me kompetencat kushtetuese, shpreh mbështetjen e plotë ndaj të gjithë gjyqtarëve dhe përpjekjeve të tyre të përditshme në mbrojtje të të drejtave të qytetarëve dhe në shërbim të interesit publik. Po ashtu i inkurajon ata të ushtrojnë funksionin e tyre, në mënyrë të përgjegjshme dhe të pavarur nga çdo ndikim i jashtëm.

Në një shtet të së drejtës – i cili sot është më pranë se kurrë aspiratës për t’u bërë pjesë e Bashkimit Evropian – vetëm përmes një sistemi gjyqësor të pavarur mund të sigurohet barazia para ligjit dhe një drejtësi efektive, e cila meriton besimin e publikut.

The post Akuzat e kryeministrit ndaj gjyqtarëve, reagon KLGJ: Cenojnë figurën dhe dinjitetin tonë! Të respektohet pavarësia e gjyqësorit! Ankesat dërgojini në Gjykatë appeared first on Albeu.com.

Shtëpia e Bardhë deklaron se Donald Trump i ka kërkuar Kongresit Amerikan të miratojë një shkurtim shtesë prej 4.9 miliardë dollarësh për ndihmën ndërkombëtare, një veprim që rrit ndjeshëm shanset për një mbyllje federale në fund të shtatorit.

Shkurtimet “përfshijnë programe në Departamentin e Shtetit, si dhe Agjencinë e Kombeve të Bashkuara për Zhvillim Ndërkombëtar dhe programet e ndihmës ndërkombëtare”, thuhej në letrën drejtuar kryetarit republikan të Dhomës së Përfaqësuesve dhe të publikuar nga Zyra e Buxhetit të Shtëpisë së Bardhë.

Presidenti Trump “gjithmonë do ta vërë Amerikën në vend të parë”, shkruante zyra në letër.

Demokratët kishin njoftuar së fundmi se çdo qëllim nga ana e presidentit amerikan për të anuluar fondet e miratuara tashmë nga Kongresi do të shkatërronte çdo mundësi për të negociuar me ta në mënyrë që të shmangej mundësia e paralizës fiskale, e ashtuquajtura “mbyllje”, pas 30 shtatorit.

Sipas New York Post, e cila zbuloi këtë informacion mbrëmë, shumica dërrmuese e shkurtimeve, 3.2 miliardë dollarë, kanë të bëjnë me fonde për Agjencinë Amerikane për Zhvillim Ndërkombëtar (USAID).

Donald Trump ka pezulluar tashmë miliarda dollarë fonde për ndihmë ndërkombëtare që nga kthimi në Shtëpinë e Bardhë dhe ka shpërbërë zyrtarisht USAID-in, i cili tani është nën Departamentin e Shtetit.

The post Trump kërkon shkurtimin e rreth 5 miliardë dollarëve ndihma ndërkombëtare appeared first on Albeu.com.

Presidenti i Ukrainës Volodymir Zelensky ka deklaruar se bisedimet mbi garancitë e sigurisë së Ukrainës duhet të trajtohen në lartësinë e duhur.

Ai nënvizoi se Ukraina do të presë deri më 1 shtator, duke qenë në të njëjtën linjë me aleatët për të parë nëse presidenti rus Vladimir Putin do të ulet në tryezë ose jo për t’i dhënë fund luftës.

“Ne duam të shohim gatishmërinë e vërtetë të Rusisë për të marrë pjesë në bisedime. Nëse nuk e bën, presim një reagim nga partnerët tanë”, tha ai.

The post Zelensky: Rusia të tregojë gatishmëri për t’i dhënë fund luftës, afat deri më 1 shtator! appeared first on Albeu.com.

Dita e shtunë pritet të sjellë përkeqësim të motit në të gjithë territorin. Prej orës 10:00 të paradites e përgjatë gjithë ditës në të gjithë territorin do të ketë shtrëngata shiu, ku në disa zona do të jenë në formën e stuhive.

Po ashtu raportohet se gjatë ditës së shtunë në disa zona të vendit të ketë stuhi breshëri.

Pritet që moti gjatë ditës së nësërme të sjellë edhe ulje të ndjeshme të temperaturave krahasuar me dy ditët e fundit.

Temperaturat maksimale pritet të arrijnë deri në 27 gradë celcius, ndërsa ato minimale në 12 gradë celcius.

The post “Stuhi të forta me vetëtima…”, moti bënë kthesën drastike këtë fundjavë, ja çfarë pritet të ndodh appeared first on Albeu.com.