Listerioza është një infeksion i rrallë që njerëzit zakonisht e marrin pasi hanë ushqim të kontaminuar.

Franca ka lëshuar një urdhër tërheqjeje në të gjithë vendin për disa lloje djathërash, pasi dy persona vdiqën nga infeksione bakteriale.

Tërheqja vlen për djathërat e butë nga marka Chavegrand, të tilla si brie dhe camembert, që shiten në supermarkete. Njëzet e një persona të moshës 34 deri në 95 vjeç janë sëmurë me listeriozë, sipas agjencisë franceze të shëndetit publik. Dy persona kanë vdekur.

Zyrtarët e shëndetësisë thanë se kanë krijuar “një lidhje të mundshme midis këtyre rasteve të listeriozës dhe konsumit të djathrave të pasterizuar me qumësht të prodhuar nga kompania Chavegrand”.

Listerioza është një infeksion i rrallë që njerëzit zakonisht e marrin duke ngrënë ushqime të kontaminuara me bakterin listeria. Është e pazakontë që listeria të gjendet në djathërat e pasterizuar, por është e mundur sepse është shumë e përhapur në mjedis, tha agjencia shëndetësore.

The post Alarm ushqimor! Dy viktima nga helmimi, Franca ndërpret shitjen e djathërave appeared first on iconstyle.al.

Zjarret në Delvinë vijojnë të përpijnë sipërfaqe të tëra me pyje dhe jo vetëm. Situata apokaliptike ka bërë pjesë të bilancit të saj dramatik edhe shtëpi të djegura, përfshi edhe një kishë.

Bilanci paraprak i dëmeve në territorin e bashkisë së Delvinës, ka 3 banesa të djegura në qytetin e Delvinës, 2 banesa të djegura në fshatin Kakodhiq, kisha si dhe 1 banesë në fshatin Lefterhor.

Zjarrfikësit, ushtria dhe emergjencat vijojnë operacionin e tyre nga toka dhe ajri për shuarjen e flakëve masive, për të mos lejuar daljen e situatës jashtë kontrollit.

Shtëpitë e djegura në fshatrat e Gramshit:

Në fshatin Bletëz – 5 banesa
Në fshatin Zenelaj- 3 banesa
Në fshatin Skënder – 8 banesa
Në fshatin Shimer – 3 banesa
Në fshatin Harunas – 5 banesa
Në fshatin Kullollas – 15 banesa

The post Bilanci i zjarreve në Delvinë: digjen banesa dhe kisha appeared first on iconstyle.al.

Kreu i Konferencës Ipeshkvore të Shqipërisë, Dom Gjergj Meta, përmes një postimi në rrjete sociale ka bërë një thirrje në lidhje me zjarret që kanë përfshirë Shqipërinë. Ai thotë se përgjegjësit e zjarreve do të japin llogari para Zotit për këtë krim mjedisor ndërsa thekson se të gjithë duhet të kujdesemi për vendin.

Deklarata e Dom Gjergj Metës:

NJË THIRRJE NGA ZEMRA

Zjarret që në këto ditë po rrezikojnë jetën e banorëve, shtëpitë e tyre, florën dhe faunën që gjendet në male dhe në pyje, në pjesën më të madhe janë të qëllimshme. Ky është një krim që kërkon përgjigje para njerëzve e para Zotit.

Krijimi na është dhënë në roje dhe jo për ta prishur apo për të abuzuar me të duke e shkatërruar. Zjarret rrezikojnë edhe mundin dhe djersën e shumë njerëzve dhe familjeve të tyre. Kemi përgjegjësi të gjithë për të ruajtur si sytë e ballit çdo pëllëmbë vend tonin nga shkatërrimi.

Edhe në emër të të gjithë ipeshkvinjëve, ju bëj thirrje nga zemra të gjithëve, individë dhe institucione, të përballemi me situatën me veprime konkrete, por sidomos me shqyrtimin e ndërgjegjes tonë, në mënyrê që të dalim nga këto situata e të mos krijojmë të tjera.

Përgjegjêsve ju them se një ditë do të japim llogari para Zotit. Askush nuk ia ka pa hajrin abuzimit me ambientin, shkatërrimit të tij, pasi është njëkohësisht edhe shkatërrimi ynë e i të ardhmes tonë mbi planet. Thirrini zërit të ndërgjegjes, ndaleni dorën tuaj! Dërguesit dhe dorasët kanë përgjegjësi njësoj para njerëzve e para Zotit.

Për këtë kanë përgjegjësi edhe organet shtetërore që të mos jenë neglizhentë, por të forcojnë ruajtjen e pyjeve, të përmirësojnë dhe përforcojnë strukturat me mjete ndërhyrëse. Të merret më seriozisht kjo gjë se vjen shpejt edhe viti tjetër e duhet të shkojmë përtej retorikave.

Zoti bekoftë çdokend që e ka për zemër ruajtjen e mjedisit, të gjithë ata që në këto ditë po luftojnë me zjarret e qoftë pranë të dëmtuarve nga flakët. Me shpresën se sadopak këto fjalë do të dëgjohen i uroj secilit paqe në zemër e dashuri për këtë vend, për Shqipërinë tonë, që e kemi shumë të shtrenjtë.

Dom Gjergj Meta

Presidenti i KISH

The post Thirrja e Dom Gjergj Metës: Kujdesuni për Shqipërinë! Përgjegjësit do të japin llogari para Zotit appeared first on iconstyle.al.

Shumë pronarë qensh besojnë se kafsha e tyre e dashur i kupton më mirë se kushdo tjetër, e ndjen kur je i mërzitur, i gëzuar apo kur ke nevojë për ngushëllim. Por, a e kuptoni ju në të vërtetë sjelljen e qenit tuaj?

Ekspertët e sjelljes së kafshëve shpjegojnë disa nga veprimet më të zakonshme që shpesh keqkuptohen nga pronarët:

Kontakti me sy – Kur qeni juaj ju shikon thellë në sy, nuk është rastësi: është një shenjë dashurie dhe lidhjeje të fortë emocionale.

Gërhitja e ulët – Nuk është gjithmonë shenjë agresiviteti; shpesh është reagim ndaj frikës apo shqetësimit.

Pëlqimi për përqafime – Jo të gjithë qentë ndihen rehat kur mbahen në krahë. Disa e shijojnë, të tjerët ndihen të kufizuar.

Pse ju ndjek në banjë? – Si kafshë që jetojnë në grup, qentë ndihen më të sigurt afër njeriut të tyre, edhe në momente intime.

Pse nuk duhet t’i jepni çokollatë – Theobromina, një substancë toksike për ta, mund të jetë fatale.

A kanë kujtesë qentë? – Po, por ndryshe nga njerëzit. Ata kujtojnë përmes përvojave të ngjashme, jo duke “menduar” për të kaluarën.

A kuptojnë fjalë? – Studimet tregojnë se mund të njohin mbi 160 fjalë, madje disa më shumë se 250.

Pse ulen mbi këmbët tuaja? – Kjo është mënyra e tyre për të treguar afërsi dhe për t’u ndjerë të sigurt.

A shohin natën? – Po, qentë kanë shikim më të mirë se njerëzit në errësirë.

Pse mund të kafshojnë? – Frika, dhimbja ose ndjesia e kërcënimit janë disa nga arsyet. Shpesh, kafshimi paraprihet nga paralajmërime si gërhitje apo tërheqje.

Njohja e këtyre sjelljeve ju ndihmon të krijoni një lidhje më të thellë dhe të kuptueshme me mikun tuaj me katër putra. Qentë mund të mos flasin, por gjithmonë po ju tregojnë diçka, mjafton të dini si t’i dëgjoni.

The post Nga sytë, te gërhitja! Çfarë flet qeni pa fjalë appeared first on iconstyle.al.

Sara Hoxha, po shijon një periudhë të bukur pushimesh me partnerin e saj të ri, biznesmenin Erik Fullani, në një nga destinacionet më të frekuentuara të jugut të Shqipërisë.

Çifti, i cili ka qenë në qendër të vëmendjes për lidhjen e tyre, duket se e ka bërë të ditur marrëdhënien e tyre, duke ndarë me ndjekësit pamje të lumtura nga pushimet luksoze.

Edhe pse nuk ka asnjë deklaratë zyrtare prej tyre, pamjet që kanë shpërndarë në rrjetet sociale nuk lënë më dyshime për romancën e tyre dhe për periudhën e qetë që po kalojnë së bashku.

The post Foto/ Sara Hoxha dhe Erik Fullani shijojnë pushimet në jug të Shqipërisë appeared first on iconstyle.al.

Pamjet shqetësuese nga Lagjja Kasapaj në Delvinë tregojnë për përhapjen e flakëve që po i afrohen banesave. Zjarri, i cili ka dalë jashtë kontrollit, ka krijuar një situatë alarmante, duke bërë që forcat zjarrfikëse të punojnë intensivisht për neutralizimin e flakëve.

Në momentet e fundit, banorët e zonës janë evakuuar nga zonat e rrezikuara, për të shmangur çdo pasojë të mundshme. Megjithatë, disa prej tyre po bëjnë rezistencë dhe refuzojnë të largohen, duke përkeqësuar kështu situatën.

Për fat të keq, përhapja e zjarrit ka bërë që autoritetet dhe ekipet emergjente të mobilizohen në terren, ndërkohë që shumë zona janë ende të rrezikuara nga flakët që vazhdojnë të përhapen. Aktivitetet janë duke vijuar pa ndërprerje për të mbajtur situatën nën kontroll dhe për të siguruar që nuk ka jetë të humbura.

The post Zjarri rrethon shtëpitë në Kasapaj të Delvinës, flakët përhapen me shpejtësi appeared first on iconstyle.al.

Një fenomen shqetësues që ka bërë jehonë së fundmi është zhvillimi i pyodermës faciale, një gjendje e cila prek kryesisht gratë e reja dhe shpesh lidhet me ndryshimet hormonale gjatë shtatzënisë. Një rast i tillë, i shpërndarë përmes një videoje virale në TikTok nga një grua nga Malajzia, ka tërhequr vëmendjen e shumë njerëzve, pasi ajo ka përjetuar një ndryshim të papritur në lëkurën e saj gjatë periudhës së shtatzënisë.

@ayyitslala

Survived 9 months of chaos, cried over my face more than I’d like to admit, and now I’m officially someone’s mom Healing in progress…

♬ The Winner Is… – DeVotchKa Version – DeVotchKa

Çfarë është Pyoderma Faciale?

Pyoderma faciale, e njohur ndryshe si rosacea fulminans, është një gjendje e rrallë që ndodh te gratë e reja, dhe shpesh mund të ngatërrohet me akne të rënda. Kjo gjendje shkakton shfaqjen e akneve të mëdha të kuqe, nodulave dhe plasaritjeve në lëkurën e fytyrës, dhe mund të lërë shenja pas përkeqësimit. Ndryshe nga aknet dhe rosacea, pyoderma faciale ndodhet vetëm në fytyrë dhe është më e rëndë, duke e bërë pamjen e personit të ndryshojë drastikisht.

Pse ndodh gjatë shtatzënisë?

Në rastin konkret, gruaja nga Malajzia, pas shtatzënisë, filloi të vërejë se lëkura e saj po përkeqësohej, duke u bërë e kuqe dhe me shenja të dukshme. Pavarësisht që kjo është një gjendje e rëndë, ajo është një pasojë e ndryshimeve të forta hormonale që ndodhin gjatë shtatzënisë, kur trupi i gruas përjeton shpërthime të ndryshimeve që ndodhin në nivel hormonal. Kjo gjendje mund të shpërthejë në mënyrë të papritur dhe të zgjasë vetëm disa muaj, duke u përmirësuar pas lindjes së fëmijës.

Rastet dhe studimet

Mjekët shpjegojnë se pyoderma faciale shpesh mund të jetë një efekt i hormonëve të shtatzënisë dhe mund të shkaktojë reagime të papritura në lëkurë. Është një nga shumë simptomat që mund të shoqërojnë gratë gjatë periudhës së shtatzënisë, duke përfshirë ndryshime në lëkurë, flokë dhe shëndetin mendor. Pjesa më e madhe e grave që preken nga kjo gjendje, nuk e kanë diagnozën menjëherë, pasi nuk është një gjendje shumë e njohur dhe shpesh ngatërrohet me kushte të tjera.

Çfarë thonë ekspertët?

Dr. Zachary Rubin, një mjek i njohur në fushën e dermatologjisë, shpjegoi se ky fenomen ndodh në disa raste gjatë shtatzënisë për shkak të ndryshimeve hormonale. Ai ka theksuar se ky lloj i gjendjes është më i zakonshëm te gratë të cilat janë të reja dhe ka pasur raste të ngjashme që janë trajtuar me antibiotikë dhe steroidë për të ulur inflamacionin dhe për të ndihmuar përmirësimin e lëkurës.

Përmirësimi pas lindjes

Pas lindjes së fëmijës, shumë gra vërejnë përmirësime në gjendjen e lëkurës së tyre. Ky është edhe rasti i gruas që ka postuar video në TikTok, e cila ka ndarë me fansat se gjendja e saj ka filluar të përmirësohet pas lindjes. Ajo ka kërkuar mbështetje nga mjekët dhe ka ndjekur trajtime të ndryshme për menaxhimin e kësaj gjendjeje.

@ayyitslala

This is my healing journey. I started my first treatment at @Euphie Malaysia and will update more!

♬ original sound – ayyitslala – ayyitslala

The post Pyoderma faciale dhe ndryshimet hormonale gjatë shtatzënisë: Fenomeni që ndryshon lëkurën e gruas appeared first on iconstyle.al.

Lela Seferi, ish-banorja e njohur e “Big Brother VIP Kosova 3”, ka shpallur një lajm të rëndësishëm për fansat e saj. Ajo ka zbuluar se do të jetë moderatorja e re e programit “Big Talk”.

Lajmi u bë i ditur gjatë një live në TikTok, ku Lela ishte e shoqëruar nga ish-banorja Xheneta Fetahu dhe partneri i saj, Leonardo Gashi.

Në transmetim, Lela u shpreh me shumë entuziazëm: “Keni me më pa shumë shpejt, në Big Talk. Do të jem moderatore. Kështu që mezi po pres me ju pa!” Ajo gjithashtu theksoi se ndihej e lumtur dhe e vlerësuar për këtë mundësi të re në karrierën e saj.

The post Pas suksesit në “BBVK3”, kjo ish-banore do të jetë në krye të moderimit të “Big Talk” appeared first on iconstyle.al.

Adelina Ismajli, një nga figurat më të guximshme të muzikës shqiptare, ka hapur zemrën në emisionin “21 Gradë” në RTV21. Ajo ka folur për vështirësitë dhe përjetimet gjatë karrierës, duke theksuar se ndjenja e vlerësimit ndryshon nga vendi në vend. “Në Shqipëri e ndjej veten më të vlerësuar. Në Kosovë kam pasur rastin që disa mediume m’kanë fut në lloq… Shqipëria më ka nxjerrë nga ajo baltë. Shqipëria ma ka shpëtuar karrierën,” tha ajo.

Adelina e konsideron publikun shqiptar si një faktor kyç për ringritjen e saj artistike dhe përballimin e vështirësive, duke shtuar “Në Shqipëri kam gjetur gjithmonë mbështetje dhe ndihmë që nuk e kam marrë kudo.”

The post Adelina Ismajli rrëfen për sfidat e karrierës: Shqipëria më ka shpëtuar appeared first on iconstyle.al.

Sot festohet Dita Ndërkombëtare e Mëngjarashëve, një grup i minorancës që kryen veprime të ndryshme kryesisht me dorën e majtë. Në këtë kategori përfshihen emra të njohur si Barack Obama, Bill Gates, Oprah Winfrey, Noel Gallagher dhe Princi William.

Studimet tregojnë se mëngjarashët kanë disa cilësi interesante: ata që shkojnë në universitet fitojnë 13% më shumë se homologët e djathtë, ndërsa rreth 50% e maceve janë gjithashtu mëngjarashe. Megjithatë, ky grup mund të jetë më i rrezikuar nga pagjumësia, alkoolizmi dhe skizofrenia, dhe thuhet se jetojnë mesatarisht 9 vite më pak se të tjerët.

Në anën pozitive, mëngjarashët shpesh shquhen në art dhe udhëheqje. Në SHBA, përveç Obamës, mëngjarashë kanë qenë edhe Bill Clinton, George Bush dhe Gerald Ford, duke treguar se të qenit mëngjarash nuk është pengesë për suksesin.

The post Dita e mëngjarashëve: Këtu janë disa fakte që nuk i dinit! appeared first on iconstyle.al.

Një valë zjarresh me përmasa të mëdha ka përfshirë disa zona të vendit, duke shkaktuar dëme të konsiderueshme dhe duke vënë në rrezik jetën e banorëve. Në Gramsh, veçanërisht në Skënderbegas, flakët kanë djegur 39 banesa dhe kanë shkaktuar një viktimë, ndërsa situata mbetet jashtë kontrollit me vatra të reja që hapen gjatë gjithë natës. Forcat e ushtrisë dhe emergjencës po punojnë intensivisht për të parandaluar përhapjen e flakëve drejt fshatit Nartë, ndërsa po monitorohen edhe zonat e Sulovës dhe Cërrikut.

Në Qarkun Vlorë, zjarret kanë prekur fshatrat Pecë, Sirakat dhe Kardhikaq në Delvinë, duke djegur 5 shtëpi dhe duke u shtrirë drejt Vllahatit dhe Kakodhiqit. Operacionet po mbështeten edhe nga ajri me helikopterë çek dhe sllovak. Gjithashtu, situata mbetet kritike në Tepelenë, Fushë Arrëz, Tiranë, Dibër dhe Kolonjë, ku vatrat e zjarrit po monitorohen dhe ndërhyhet me forca vendore, zjarrfikëse, policore dhe ushtarake.

Gjatë 24 orëve të fundit janë evidentuar 64 vatra zjarri, nga të cilat 24 janë ende aktive. Mbi 10 mijë forca emergjencash, nën koordinimin e Agjencisë së Mbrojtjes Civile, ndodhen në terren për të stabilizuar situatën. Autoritetet bëjnë thirrje të gjithë banorëve të ndjekin udhëzimet e emergjencës dhe të evakuohen menjëherë drejt zonave të sigurta, ndërsa kujdesi për veten dhe raportimi i çdo vatre të re konsiderohet jetik për parandalimin e përhapjes së mëtejshme të zjarreve.

The post Situatë kritike me zjarret: Evakuim i menjëhershëm për Nartë, Skënderbegas dhe Delvinë appeared first on iconstyle.al.

Sot klima astrologjike është më e ndjeshme, me Hënën në shenjën e Dashit, që krijon tension përmes ndikimit të saj me Jupiterin dhe Afërditën në Gaforre. Do të ndjehet një rritje e fortë e emocioneve dhe dëshirave, që mund të sjellë mosdurim, reagime të tepërta dhe pakënaqësi.

Të prekurit kryesorë të ditës janë Dashi dhe Gaforrja, që rrezikojnë të “rrëshqasin poshtë” emocionalisht dhe profesionalisht. Çështje praktike dhe pune mund të lihen pas dore, ndërsa ndjenja e mungesës së vlerësimit mund të rritet ndjeshëm.

Mos u çudisni nëse sot nuk keni dëshirë për dalje apo udhëtime – yjet favorizojnë qëndrimin në shtëpi dhe reflektimin. Kujdes me fjalët dhe vendimet e nxituara, sidomos në marrëdhënie personale dhe profesionale.

The post Parashikimi i sotëm: Dy shenja në sfida dhe pasiguri appeared first on iconstyle.al.

Një valë e nxehti ekstreme ka përfshirë vendet e Mesdheut, duke shkaktuar viktima dhe përhapje masive zjarresh. Të paktën tre persona kanë humbur jetën dhe mijëra banorë janë detyruar të largohen nga shtëpitë e tyre në Spanjë, Itali, Mal të Zi, Greqi dhe vende të tjera të rajonit.

Në Spanjë, një burrë rumun humbi jetën duke tentuar të shpëtonte kuajt nga një stallë në flakë afër Madridit. Në Itali, një fëmijë 4-vjeçar vdiq në Romë pas goditjes nga të nxehtit, pasi ishte lënë në makinë në Sardenjë. Ndërkohë, në Mal të Zi, një ushtar u vra dhe një tjetër mbeti i plagosur gjatë përpjekjeve për të ndalur zjarret.

Temperaturat kanë kaluar 40°C, ndërsa erërat e forta po e përkeqësojnë situatën. Zjarre të mëdha janë regjistruar në Spanjë, ku mbi 3,700 persona janë evakuuar dhe janë dëmtuar zona të mbrojtura nga UNESCO. Situata mbetet kritike edhe në Greqi, ku është kërkuar ndihmë nga BE, si dhe në Portugali, Shqipëri, Kroaci dhe Turqi.

Në Shqipëri, autoritetet raportojnë mbi 40 vatra zjarri, nga të cilat më shumë se 12 janë ende aktive, ndërsa mbi 34,000 hektarë tokë janë djegur prej korrikut. Policia ka arrestuar mbi 20 persona për zjarrvënie të qëllimshme.

Ndërkohë, shkencëtarët paralajmërojnë se valët e të nxehtit dhe zjarret janë një tjetër dëshmi e qartë e krizës klimatike, që po godet gjithnjë e më fort çdo vit.

Autoritetet në të gjithë rajonin kanë bërë thirrje për vigjilencë dhe bashkëpunim, teksa reshjet e pritshme mbeten të pakta dhe situata meteorologjike nuk jep shenja përmirësimi në ditët në vijim.

The post Tragjedi dhe alarm në Mesdhe: Zjarre, evakuime masive dhe temperatura ekstreme appeared first on iconstyle.al.

Aktorja britanike Ambika Mod (29 vjeçe), e njohur për rolin e saj në serialin e suksesshëm të Netflix-it One Day, ka folur hapur për pabarazitë në industrinë e filmit pas shpërthimit të famës.

Në një intervistë për The Times, Mod u shpreh se, ndonëse seriali i solli njohje ndërkombëtare, mundësitë e saj nuk kanë qenë të krahasueshme me ato të bashkë-yllit të saj, Leo Woodall. Ky i fundit ka siguruar tashmë një rol në filmin biografik Tony, për jetën e shefit të ndjerë Anthony Bourdain.

“Nuk më vjen keq për atë që kam thënë më herët. Është thjesht e vërteta. Ia thashë këtë edhe Leos në sy – nuk ka të bëjë me të personalisht, por me realitetin e industrisë dhe shoqërisë,” u shpreh Mod. Ajo shtoi se gratë me ngjyrë dhe pa lidhje në këtë industri duhet të punojnë shumë më tepër për të arritur gjysmën e suksesit që të tjerët mund ta kenë më lehtë.

Deklaratat e saj kanë nxitur reagime të shumta në rrjetet sociale, ku më herët ajo kishte theksuar se pavarësisht popullaritetit, aktoret me “ngjyrë tjetër lëkure” nuk përfitojnë të njëjtat oferta si kolegët e tyre të bardhë.

One Day, drama romantike që preku miliona shikues në mbarë botën, mbetet një nga prodhimet më të suksesshme të Netflix për vitin që lamë pas.

The post Ambika Mod: Aktoret me ngjyrë nuk marrin të njëjtat mundësi si kolegët e bardhë appeared first on iconstyle.al.

Fansat e “Camp Rock” mund të kenë arsye për të shpresuar. Joe Jonas ndezi thashethemet për një film të tretë gjatë paraqitjes së tij në “Hot Ones Versus” me vëllezërit Nick dhe Kevin Jonas më 12 gusht.

Gjatë lojës, Nick i kërkoi Joe-s të lexonte shënimin e fundit në aplikacionin Notes të telefonit. Pasi u mendua pak, Joe lexoi: “Camp Rock 3”, duke shkaktuar reagime të habitura dhe të qeshura nga të pranishmit. “Është e vërtetë,” tha ai, duke treguar ekranin e telefonit, dhe më pas shtoi me humor: “Më fal, Disney.”

Filmi i parë “Camp Rock” u shfaq në Disney Channel në 2008, duke sjellë në qendër Demi Lovato dhe Jonas Brothers. Pas suksesit të madh, në vitin 2010 u publikua vazhdimi “Camp Rock 2: The Final Jam”. Që prej asaj kohe nuk ka pasur njoftime zyrtare për një film të tretë.

The post “Camp Rock 3”? Joe Jonas ngre dyshimet tek fansat appeared first on iconstyle.al.

Ditën e mërkurë vendi ynë do të ndikohet nga kushte atmosferike të qëndrueshme.

Moti parashikohet i kthjellët dhe me kohëzgjatje të orëve me diell në të gjithë territorin, ku edhe sot temperaturat mbi 41 gradë C.

Era do të fryjë me drejtim veriperëndim – verilindje me shpejtësi mesatare 6 m/s, ndërsa në zonat luginore dhe përgjatë vijës bregdetare hera-herës do të fitojë shpejtësi 7-14 m/s.

The post Parashikimi i motit, edhe sot temperaturat mbi 41 gradë C appeared first on iconstyle.al.

Ashley Biden, vajza e ish-presidentit amerikan Joe Biden dhe Jill Biden, ka paraqitur kërkesën për divorc nga bashkëshorti i saj, mjeku Howard Krein, pas 13 vitesh martesë. Sipas The Philadelphia Inquirer, 44-vjeçarja dorëzoi dokumentet më 11 gusht në Gjykatën Bashkiake të Filadelfias.

Po atë ditë, Ashley ndau në Instagram një foto duke ecur në park me këngën Freedom të Beyoncé në sfond dhe një citat motivues për fillimet e reja, të cilin e fshiu më vonë.

Çifti u martua më 2 qershor 2012 në Greenville, në një ceremoni me rreth 200 të ftuar, ku Joe Biden e shoqëroi personalisht të bijën drejt altarit. As Ashley dhe as Krein nuk kanë komentuar mbi ndarjen.

The post Vajza e Joe Biden, Ashley, i jep fund martesës pas 13 vitesh appeared first on iconstyle.al.

Dashi (21 mars – 19 prill)

Kjo ditë do t’ju gjejë plot energji dhe dëshirë për veprim të shpejtë. Në punë mund të përballeni me vendime të rëndësishme – veproni, por mos e teproni me nxitimin. Në dashuri, kujdesni fjalët dhe dëgjoni me vëmendje për të shmangur tensionet. Beqarët mund të kenë një rast të mirë për njohje të re, por çelësi është sinqeriteti dhe qasja direkte.

Demi (20 prill – 20 maj)

Qetësia do të jetë aleatja juaj kryesore. Në punë, analizoni me gjakftohtësi çdo propozim, pa u ndikuar nga ngutja. Në dashuri mund të lindin disa tensione, por me durim dhe bisedë të hapur do t’i zgjidhni. Për beqarët, kjo ditë ofron më pak mundësi takimesh, pasi yjet nuk favorizojnë shumë njohjet e reja.

Binjakët (21 maj – 21 qershor)

Do të keni mendje të kthjellët dhe kreative, duke gjetur zgjidhje jashtë skemave. Në punë, paraqiten mundësi interesante – mos kini frikë të rrezikoni. Marrëdhëniet në çift do të jenë të qeta dhe të favorshme për të sqaruar apo forcuar lidhjet. Nëse prisni diçka, është më mirë ta diskutoni hapur se sa ta mbani për vete.

Gaforrja (22 qershor – 22 korrik)

Do të ndiheni të sinqertë me veten dhe të qëndrueshëm në vendime. Në punë mund të ketë ndonjë situatë të papritur, por do ta menaxhoni mirë nëse ruani qetësinë. Në dashuri, sinqeriteti do të jetë thelbësor për të shmangur keqkuptime. Beqarët mund të përjetojnë një takim me ndjeshmëri të fortë emocionale.

Luani (23 korrik – 23 gusht)

Qielli ju mbështet, ndërsa Venusi dhe Merkuri ju japin shkëlqim dhe karizëm. Çiftet mund të forcojnë lidhjen dhe ta çojnë në një fazë më të pjekur. Beqarët mund të përjetojnë një takim të fuqishëm dhe të papritur, ndoshta falë një situate spontane.

Virgjëresha (24 gusht – 22 shtator)

Dita është e përshtatshme për të gjetur ekuilibrin e brendshëm dhe për të rikuperuar energjinë e harxhuar ditët e fundit. Tensionet e muajit korrik po lehtësohen. Në punë dhe në dashuri lëvizni me diplomaci, duke shmangur kritikat e tepruara. Edhe emocionalisht kjo ditë do t’ju sjellë pak qetësi.

Peshorja (23 shtator – 22 tetor)

Do të ndjeni nevojën për të rifituar ekuilibrin, i cili ndonjëherë është i brishtë. Dialogu, nëse nuk e shtyni për më vonë, do të jetë më i lehtë. Krijimtaria është në rritje dhe një ide e mirë mund të kthehet në një projekt konkret, veçanërisht në punë.

Akrepi (23 tetor – 21 nëntor)

Intensiteti juaj karakteristik do të jetë në kulm. Diçka po merr formë ngadalë, por në mënyrë vendimtare. Në punë, vendosmëria ju afron me objektivat, por është e rëndësishme të qëndroni të fokusuar. Në dashuri, mund të lindë ndonjë xhelozi, por sinqeriteti do të jetë mbrojtja juaj më e mirë.

Shigjetari (22 nëntor – 21 dhjetor)

Do të keni dëshirë për aventura dhe për të zbuluar rrugë të reja. Edhe nëse nuk mund të udhëtoni, mund ta ushqeni mendjen me plane dhe ide të reja. Në punë, mund të hapen horizonte të freskëta. Në dashuri, kërkoni bashkëpunim dhe mirëkuptim, jo vetëm praninë e tjetrit. Kujdes me premtimet e mëdha që mund të bëni nën efektin e entuziazmit.

Bricjapi (22 dhjetor – 19 janar)

Përqendrimi do të jetë maksimal dhe këmbëngulja do të shpërblehet. Në dashuri, konkretizoni ndjenjat me gjeste të thjeshta, por domethënëse. Nëse ndiheni të larguar ose të mërzitur me dikë, merrni kohë për të qartësuar mendimet dhe për të rikthyer qetësinë tuaj të brendshme.

Ujori (20 janar – 19 shkurt)

Kreativiteti do të dalë në pah dhe puna do të jetë e hapur për idetë tuaja. Projektet në grup apo bashkëpunimet do të ecin mirë. Në dashuri, lidhjet do të forcohen përmes sinqeritetit dhe mirëkuptimit. Beqarët do të tërheqin vëmendjen, por është mirë të kontrollojnë impulsivitetin.

Peshqit (20 shkurt – 20 mars)

Do të ndiheni të qetë dhe të orientuar drejt harmonisë. Në punë, instinkti juaj i mirë do t’ju mbrojë nga zgjedhjet e gabuara. Në dashuri, një qasje e butë dhe e sjellshme do të ndihmojë për të kapërcyer çdo keqkuptim. Beqarët do të spikasin për simpati dhe hapje, dikush mund të tregojë interes të sinqertë për ju.

The post Horoskopi për ditën e sotme, 13 gusht 2025 appeared first on iconstyle.al.

Musikanti Machine Gun Kelly i bëri një dhuratë të veçantë vajzës së tij Casie për ditëlindjen e 16-të. Gjatë eventit të tij “MGK Day” në Cleveland, Ohio, artisti 35-vjeçar i dhuroi asaj një makinë Acura TLX të zezë, makinën e ëndrrave të saj.

Në një video emocionuese që u përhap shpejt në rrjetet sociale, Casie shfaqet e befasuar dhe menjëherë përqafon babain. Para se të hipte në makinë, Kelly i kujtoi rregullin numër një: “Mos nga si unë,” të cilës ajo iu përgjigj me humor: “Saktë.”

Casie u shpreh se tani i mbetet vetëm të nxjerrë patentën për të mundur të ngasë makinën e re.

The post Surpriza luksoze e Machine Gun Kelly për ditëlindjen e vajzës së tij appeared first on iconstyle.al.

Aktorja Cheryl Hines ka folur hapur për martesën me Robert F. Kennedy Jr. dhe reagimet negative që ka marrë pas qëndrimit pranë tij, veçanërisht pas largimit të tij nga Partia Demokratike dhe afrimit me Donald Trumpin.

Në një intervistë për The Wall Street Journal, Hines shprehu habinë për zemërimin e ish-miqve dhe të panjohurve: “Disa as nuk duan të flasin për këtë.” Ajo gjithashtu pranoi se qëndrimet e saj për vaksinat janë më të afërta me ato të bashkëshortit, duke theksuar se “shkenca ndryshon gjithmonë.”

Intervista nuk preku skandalin e fundit të Kennedy-t me gazetaren Olivia Nuzzi, e cila u pezullua nga puna për shkak të marrëdhënies së tyre personale gjatë fushatës presidenciale.

The post Cheryl Hines reagon për martesën me RFK Jr. dhe skandalet rreth tij appeared first on iconstyle.al.