Chelsea dhe Crystal Palace janë duke u përballur në xhiron e parë të Ligës Premier, dhe që në minutën e 13-të u shënua një episod mjaft i diskutueshëm.

Nga një goditje dënimi rreth 17 metra larg portës, Eberechi Eze ekzekutoi saktë duke dërguar topin në cepin e portës.

Portieri i Chelseat, Robert Sánchez, tentoi të reagonte me një pritje , por topi përfundoi gjithsesi në rrjetë, duke e bërë golin edhe më të bukur në pamje të parë.

 

As we are busy yapping for Union

Check out the Eberechi Eze goal on the Chelsea game#CHECRY https://t.co/KuF9GpT5mT pic.twitter.com/xPUpMuITdB

— Benalpha (@0xBenalpha) August 17, 2025

Megjithatë, festimi i Crystal Palace nuk zgjati shumë. Loja u ndërpre për gati tre minuta për kontroll në VAR, ku gjyqtari Darren England u thirr të shikonte vetë pamjet në monitor. Pas shqyrtimit, ai vendosi që goli nuk do të njihej.

Arsyeja ishte Marc Guehi, i cili, para se Eze të gjuante, iu afrua murit të lojtarëve të Chelseat në një distancë më të vogël se një metër – veprim i ndaluar sipas rregullave të FIFA-s.

 

The reason why Eberechi Eze’s free-kick was disallowed… pic.twitter.com/tPj0Iz4Pwx

— Sky Sports Premier League (@SkySportsPL) August 17, 2025

Vendimi u komunikua edhe publikisht në stadium përmes altoparlantit, ndërsa më pas u konfirmua nga organizata e gjyqtarëve.

Chelsea përfitoi një goditje indirekte, ndërsa Crystal Palace mbeti pa avantazhin që do ta kishte marrë me golin e Ezes. /Telegrafi/ 

The post Pse u anulua goli i bukur nga goditja e dënimit i Eze ndaj Chelseat appeared first on Telegrafi.

Pas dy muajsh pushim dhe ndeshjeve të klubeve tona në garat ndërkombëtare, Superliga e Kosovës kthehet në aksion me edicionin 2025/26, një edicion që pritet të jetë sërish i fortë, pasi që diferenca mes klubeve mbetet i ngushtë.  

Në edicionin e shkuar, favorit kryesor llogariteshin Drita dhe Ballkani, që sërish janë në mesin e më të mirëve dhe do të tentojë të luftojnë për titullin e kampionit. 

Drita shihet si më e favorizuar, pasi që edhe të ardhurat nga garat evropiane janë më të mëdha për dallim me të tjerat, ndërsa do të luajë në play-off të Ligës së Konferencës, për të tentuar fazën e grupeve.  

Gjilani ka bërë përforcime të mëdha dhe shihet si një nga ekipet që mund t’iu prish punë Dritës dhe Ballkanit. 

Llapi dhe Prishtina, kanë bërë ndryshime, por shihet si më të dobëta se sa sezonin e shkuar, ndërsa Ferizaj ka arritur të ruaj boshtin. 

Malisheva dhe Dukagjini, po ashtu kanë ruajtur boshtin, ndërsa kanë bërë edhe goditje në pozitë të rëndësishme.  

Në elitë është kthyer Drenica, që gjithmonë i jep hijeshi kampionatit, ndërsa për herë të parë në këtë nivel do të luajë edhe Prishtina e Re. Kjo bën që Superliga e Kosovës të jetë shumë e paparashikueshme dhe me përballje tepër të forta.  

Telegrafi Sport ua sjell një analizë për secilin skuadër, ku përfshihet formacioni i mundshëm, përforcimet, vitet në elitë, trajneri dhe lojtari kryesor. 

Drita, kampioni aktual, do ta luajë sezonin e 23-të në elitë, ndërsa në Evropë vazhdon të garojë në raundin e play-offit të Ligës së Konferencës, ku do të pëballet më Dundelaggen për një vend në fazën e grupeve. 

Drita shihet sërish si favoriti kryesor për titull edhe këtë sezon, ndërsa sezonin e shkuar tubuan 74 pikë. 

Trajner mbetet Zekirija Ramadani, që tashmë e njeh ambientin në klub, pasi është në vitin e tretë dhe solli titullin e kampionit deri disa xhiro para fundit, sezonin e shkuar. 

Skuadra është përforcuar me emra si Vesel Limaj, Liridon Balaj, Endrit Morina, Kristal Abazaj dhe Leutrim Rexhepi.   

Nga skuadra janë larguar emra si Kastriot Selmani, Melos Zenuaj, Florjan Smakiqi dhe Ensar Huruglica.  

Si lojtari kryesor i gjilanasve është Ron Broja, ndërsa aty janë edhe emra si Arb Manaj, Besnik Krasniqi, Egzon Bejtullahi dhe Albert Dabiqaj. 

Vlera e Dritës në transfermakt llogaritet të jetë 6.6 milionë euro. 

---

 Tri herë kampioni i Kosovës, shihet si favorit edhe këtë vit pasi ka pasur afrime të rëndësishme këtë afat kalimtar, ndërsa ky kampionat do të jetë sezoni i tyre i dhjeti në elitë e futbollit kosovar. 

Sezonin e shkuar ata e mbyllën me 62 pikë, ndërsa në Evropë kanë arritur deri në rrethin e tretë të fazës eliminatore të Ligës së Konferencës, ku u eliminuan nga Shamrock Rovers.   

Trajneri mbetet Orges Shehi, i cili erdhi sezonin e shkuar, duke sjell qetësis në skuadër. Këtë vit ka tension në klub, pasi kërkohet të kthehet te titulli i kampionit që e humben sezonin e shkuar.  

Klubi ka larguar lojtar si Queven, Bernard Karrica, Eris Abedini, Elamando Gjini, Astrit Thaqi, Altin Aliji dhe Uheid Hoxha.  

Ballkani është përforcuar me emra si  Diar Vokrri, Adnan Golubovic, Ardit Deliu, Elvis Letaj dhe Ivica Batarel, ndërsa ka vazhduar huazimet e Albert Diene dhe Valentin Serebe. 

Ballkani vazhdon të ketë një organik të pasur, me emra si Bajram Jashanica, Gentrit Halili, Almir Kryeziu, Ëahlid Hamidi dhe Sunday Adetunji. 

Vlera e Ballkanit në transfermakt llogaritet të jetë 5.5 milionë euro 

---

Për Malishevën do të jetë sezonin i pestë në elitë, ndërsa sezonin e shkuar e mbylli në vendin e tretë me 53 pikë, duke arritur për herë të dytë garat evropiane, ku u eliminua nga Vikinguri në raundin e parë të Ligës së Konferenecës. 

Skuadra do të drejtohet nga Qatip Osmani, i cili zëvendësoi Bekim Isufin, ndërsa klubi ka humbur disa nga lojtarët kryesorë të skuadrës, ndërsa kanë afruar edhe lojtarë të ri. 

Xhemajl Ibishi, Samuel Opeh, Krenar Dulaj dhe Omer Bajraktari janë transferuar nga Malisheva në këtë afat kalimtar. 

Nga klubi është larguar një lojtar i rëndësishëm si Drilon Hazrollaj, ndërsa po ashtu boshëllak kanë lënë edhe Farjon Bunjaku dhe Vesel Limaj. Emra të tjerë që janë larguar janë Hadis Veseli, Ibrahim Cervadiku, Jerin Hadergjinaj, Arber Prekazi dhe Amrush Bujupi. 

Lider i skuadrës pritet të jetë edhe këtë vit kapiteni Dren Kryeziu, i ndihmuar nga Etrnik Brruti që tashmë është kthyer në lojtarë të rëndësishëm në Superligën e Kosovës. 

Vlera e Malishevës në transfermarkt llogaritet të jetë 4  milionë euro.   

---

Sezonin e shkuar Gjilani e zunë venin e katërt me 51 pikë, ndërsa sezoni aktual do të jetë i 21-ti për Gjilanin në elitën e futbollit të Kosovës. 

Me ardhjen e kryesisë së re, klubi është stabiluzar dhe ka afruar lojtarë me emër, duke u llogarit edhe këtë vit si njëri nga pretendentët për vendet e para. 

Trajneri i njohur shkupjan Ardian Nuhiu, kishte batica dhe zbatica sezonin e shkuar, por që kryesia e klubit arriti t’i besojë deri në fund. 

Klubi gjilanas ka afruar emra si Lorik Bosnjaku, Ennur Totre, Besart Krivanjeva, Mevlan Adili, Mario Zebic, Mehdi Çoba, Vokli Laroshi, Redi Kasa, Astrit Thaqi, si dhe të riun Haris Isufi.  

Nga klubi janë larguar emra si Kushtrim Shabani, Kenan Haxhihamza, Besir Ramadani, Marko Roganovic dhe Jamal Arago. 

Lojtari kryesor llogaritet Armend Thaqi, por aty janë edhe Lorik Boshnjaku dhe Edi Basa, ndërsa ka edhe emra të tjerë si Robert Rrahmani dhe Ylli Ibrahimi që do të vazhdojnë shpërthimin edhe këtë kampionat. 

Vlera e Gjilani në transfermarkt llogaritet të jetë 5.31 milionë euro. 

---

Ishte kthye në elitë sezonin e shkuar dhe ia arriti të bëjë një futboll të fortë, duke e mbyllur në vendin e pestë, ndërsa ky do të jetë sezoni i 18-të i Ferizajt në elitën e futbollit kosovar. 

Ferizaj arriti të tubojë 50 pikë, duke qenë në garë për vendin e tretë deri në xhiron e fundit. 

Trajneri do të jetë Arsim Abazi, që i drejtoi edhe në vitin e shkuar, ndërsa klubi ka në gjirin e saj një miks lojtarët intersantë, me 12 transferime që erdhën vetëm në këtë afat kalimtar. 

Betim Haxhimusa vazhdon të jetë kapiten dhe lider i ekipit, ndërsa në skuadër ka edhe emra si Valmir Nafiu, Qlirim Abduli dhe Ardit Topallaj. 

Jakup Berisha, Refikfaik Selmani, Harhys Steëart, Ardit Ilazi, Ergys Peposhi, Mexhit Neziti, Gabriel Groznica, Alban Shabani, Rejan Thaçi, Hardis Aliu dhe Riad Murseli janë afrimet e ferizajasve. 

Nga klubi janë larguar emra si Arlind Shabani, Edon Sadriu, Albion Kurtaj, Enhar Cakolli dhe Marko Musulini. 

Vlera e Ferizajt në transfermarkt llogaritet të jetë 3.21 milionë euro. 

---

Sezonin e shkuar Prishtina e mbyll në vendin e gjashtë me 48 pikë, por fituan Kupën e Kosovës nga Llapi, duke luajtur në garat evropiane. 

Në krye të skuadrës është Arsim Thaqi, ndërsa janë larguar dhe ofruar shumë lojtarë në këtë afat kalimtar. 

Janë afruar emra si Mario Ilievski, Djordje Saletic, Hamdi Namani, Valmir Veliu, Blend Baftiu, Akileu Ndreca, Gjelbrim Taipi, Drin Bajraktari, Dren Zeqiri, Luis Mota dhe së fundmi Gladwin Curiel.  

Por largimet ishin të dhimbshme dhe me shumë kualitet, pasi katër lojtarë tashmë kanë zgjehdur klube jashtë vendit si Albin Krasniqi, Drilon Islami, Ron Raçi dhe Dion Gallapeni.  Po ashtu janë larguar edhe Roland Soboëale, Alex Gnapi, Dashmir Elezi dhe Junior Ngatta. 

Lider në skuadrën llogariten dyshja Ardian Limani dhe Leotrim Kryeziu. 

Vlera e Prishtinë sipas tranfermakt është 5 milionë euro.  

---

Dukagjini do ta zhvillojë sezonin e tetë në total në elitën e futbollit kosovar, ku edhe këtë vit në krye të skuadrës do të jetë trajneri Ismet Munishi. 

Sezonin e shkuar ata e mbyllën në vendin e shtatë me 48 pikë, ku me mund e siguruan mbijetesën pak para fundi. 

Klubi ka ruajtur boshtin e sezonit të shkuar, ndërsa ofruar në skuadër emra si Kushtrim Gashi, Redon Syla, Eldonit Shaqiri, Hektor Krasniqi, Egzon Lekaj dhe Norik Krasniqi. 

Largimet janë të shumta dhe disa prej tyre ishin me rëndësi për Dukagjinin si Hekuran Berisha dhe Faton Neziri. Po ashtu janë larguar edhe Vlad Khomutov, Elbrima Jatta, Leart EMini, Etienne Tare dhe Ilir Syla.   

Lider i skuadrës në fushë është kapiteni Altin Merlaku, por edhe emra si Elton Basriu, Mërgim Pefqeli dhe Hugo vazhdojnë të jenë aty për ta thënë fjalën e tyre. 

Vlera e Dukagjinit në transfermakt është diku mbi 2 milionë euro. 

---

Llapi sezonin e shkuar e mbylli në pozitën e tetë me 47 pikë duke luajtur në barazh ku shpëtoi me penallti ndaj Vushtrrisë. 

Ky do të jetë sezonin e 15-të i Llapit në elitën e futbollit kosovar, ndërsa klubi ka investuar sërish në skuadër të që paktën të arrihen garat evropiane. 

Tahir Batatina vazhdon të mbetet trajner, ndërsa klubi po ashtu ka larguar disa lojtarë me emër. 

Nga klubi janë larguar emra Diar Vokrri, Hamdi Namani, Valmir Veliu, Granit Jashari, Blend Baftiu, Ergyn Ahmeti, Vokli Laroshi, Avni Selmani, Albion Miftari, Gentri Limani, Mergim Cërnavërni, Ahmet Januzi, Art Hoti dhe Se-yoon Cheon. 

Por Llapi nuk ka qëndruar duar kryç, pasi ka ofruar mbi  20 lojtarë, ku ndër emrat më të rëndësishëm janë Kushtrim Shabani, Hasan Hyseni, Edon Sadriu, Fuad Ajvazi, Luan Leshi, Axel Gnapi, Bujar Idrizi, Keneth Emeka Okafor dhe Parient Elanga. 

Lojtari kryesor këtë sezon pritet të jetë Arnor Ramadani, i ndihmuar nga shumë të tjerë si Besar Musolli, Ardit Tahiri, Elvri Gashjani dhe  Arianit Hasani. 

Vlera e Llapit në transfermakt është diku mbi 3.71 milionë euro. 

---

Prishtina e Re vjen si kampion i Ligës së Parë, Grupi B, ku me 69 pikë la në vendin e dytë Vushtrrinë, ndërsa do të jetë sezoni i parë në elitën e futbollit kosovar. 

Trajner është Elon Berisha, që arriti t’i fus në elitë, ndërsa drejtor sportiv është emëruar Shpëtim Babaj. 

Prishtina e Re ka ofruar 14 lojtarë në këtë afat kalimtar, ndërsa emrat më interesant janë Arlind Shabani, Adrijan Rudovic, Ergyn Ahmeti, Amos Dabet, Florjan Smakiqi, Elivs Prençi, Donat Hasanaj, Drilon Fazliu, Toni Gomes dhe talenti i madh Aron Babaj. 

Nga klubi janë larguar emra si Bleon Sekiraqa, Vigan Ademi, Fati Ismajli, Kreshnik Bahtiri, Dardan Jashari, Labinot Jetullahu, Egzon Bislimi, Agustin Rojas dhe Suad Sahiti.   

Vlera e skuadrës llogaritet të jetë 1.2 milion euro, por shumë lojtarë nuk janë të vlerësuar, pasi disa prej tyre kanë luajrtur në Ligën e Parë. 

---

Kuqezinjtë u kthye në elitën e futbiollit kosovar pas dy vitesh mungesë, duke dal kampion të Ligës së Parë në Grupin A me 58 pikë. 

Drenica do ta luajë sezonin e 24-të në elitën e futbollit kosovar, dhe mbetet klubi i dytë me më shumë vite në Superligë, por pa ndonjë sukses të jashtëzakonshëm. 

Bylbyl Sokoli që arriti t’i kthejë ne elitë mbetet trajner i skuadër, ndërsa Drenica ka bërë disa afrime cilësore në këtë afat kalimtar.  

Klubi kuqezi ka afruar emra si Ronaldo Chacon, Granit Jashari, Indrit Prodani, Christian, Eneid kodra, Kenan Haxhihamza, Tiago Gomes, Erisildo Smaci dhe Jeton Krasniqi. 

Nga Drenica janë larguar emra si Mohamed Fofana, Ermal Veliqi, Shpresim Zogu, Arjon Ymeri dhe Diellon Beseni. 

Vlera e Drenicës në transfermarket llogaritet të jetë mbi 2 milionë euro.  

---

/Telegrafi/

The post SPECIALE | Fillon Superliga e Kosovës 2025/26 – njihuni me formacionet e mundshme, trajnerët dhe liderët e të gjitha skuadrave elitare për këtë edicion appeared first on Telegrafi.

Nga Dukagjini i Klinës te Dinamo City në Shqipëri, 19-vjeçari Hekuran Berisha po shkruan kapitullin e ri të karrierës së tij me hapa të mëdhenj.

Vetëm pak javë pas transferimit, ai u bë hero në arenën evropiane, duke vulosur me gol në kohën shtesë fitoren 3-1 ndaj Hajduk Splitit.

I formuar nën drejtimin e Ismet Munishit në elitën e futbollit kosovar dhe tani nën urdhrat e strategut Ilir Daja, Berisha po dëshmon se është një talent që ka ardhur për të lënë gjurmë.

Ai për Telegrafin ka folur për momentin e tij në garat evropiane, adaptimin te Dinamo City, punën me trajner si Ismet Munishi dhe Ilir Daja dhe synimet e tij në të ardhmen.

“Goli kundër Hajdukut ishte vërtet një moment me shumë emocione të papërshkrueshme, të cilin nuk do ta harroj kurrë në jetën time”, ka thënë Berisha fillimisht.

 

Tutje, ai shprehet falenderues ndaj Ilir Dajës, të cilin e cilëson si trajnerin më të mirë shqiptar, duke thënë se ai e ka ndihmuar dhe i ka dhënë besim në fushë.

“Të punosh me trajnerin Ilir Daja është vërtet krenari dhe privilegj, sepse ai është trajneri më i mirë shqiptar, me shumë trofe dhe suksese në arenën ndërkombëtare, gjë që e ka dëshmuar me vite radhazi”.

“Ai është një trajner që e bashkon grupin e skuadrës si një zinxhir çeliku të pathyeshëm, si një familje e vërtetë. Për këtë, më ka ndihmuar shumë në përmirësimin tim, duke më mësuar gjëra që më herët nuk i kisha, dhe jam shumë falënderues për besimin që më ka dhënë në fushën e blertë. Jam shumë i lumtur që jam nën urdhrat e tij”, deklaroi Berisha për Telegrafin.

Ishte trajneri Ismet Munishi ai i cili ia dha debutimin Berishës në Superligën e Kosovës me fanellën e Dukagjinit. Për këtë, Berisha thotë se do të jetë gjithmonë falenderues ndaj tij.

“Për trajnerin Ismet Munishi kam shumë kujtime të mira, sa që nuk mund t’i tregoj të gjitha. Ai ishte njeriu që më dha besimin e parë në fushën e blertë dhe më mësoi që duhet të punoj fort, me kokën ulur. Për këtë do t’i jem gjithmonë falënderues”.

Për fund Berisha u shpreh se objektivi i tij personal është të kontribuojë maksimalisht për arritjen e synimeve të klubit.

“Objektivat e mia për të ardhmen janë që ta ndihmoj klubin tim,Dinamo City, në objektivat që kemi si synim, të jap maksimumin dhe të shënoj sa më shumë gola të jetë e mundur”.

“Suksesi nuk do të mungojë, dhe shpresoj që kjo të më ndihmojë të bëj një hap edhe më të madh në karrierën time”, përfundoi 19-vjeçari./Telegrafi/

The post Nga Ismet Munishi te Ilir Daja, deri te goli ndaj Hajduk Split – Hekuran Berisha rrëfehet për të gjitha appeared first on Telegrafi.

Kampionia e Shqipërisë, Egnatia, u eliminua nga raundi i tretë kualifikues i UEFA Conference League, pas një ndeshjeje dramatike ndaj Olimpija Lubjanës që përfundoi 4-2 pas kohës shtesë.

Ndeshja në Rrogozhinë nisi në mënyrën më të mirë për skuadrën shqiptare, me golin e hershëm të Redi Lushkjës në minutën e 6-të, që ndezi shpresat për kualifikim pas barazimit 0-0 në ndeshjen e parë në Slloveni.

Megjithatë, Olimpija reagoi shpejt me Jelenkovic që barazoi rezultatin në minutën e 32-të.

Në pjesën e dytë, tensioni u rrit, dhe Olimpija kaloi në epërsi në minutën e 79-të me golin e Marin.

Megjithatë, Egnatia nuk u dorëzua. Edhe pse u penalizua me karton të kuq për Yahaya M. në minutën e 81-të, skuadra e trajnerit Edlir Tetova arriti të barazojë rezultatin në 2-2 me një gol tjetër të Lushkjës në minutën e 86-të, duke çuar sfidën në kohën shtesë.

Në shtesë, lodhja dhe mungesa e një lojtari u ndjen. Olimpija shënoi edhe dy herë të tjera, me Durdov në minutën e 99-të dhe Blanco në minutën e 107-të, duke vendosur fatin e ndeshjes dhe duke i dhënë fund ëndrrës evropiane të Egnatias për këtë sezon. /Telegrafi/ 

The post Përfundon në kohën shtesë ëndrra evropiane për Egnatian, kampionët e Shqipërisë eliminohen nga Olimpija Lubjanës appeared first on Telegrafi.

Pas humbjes 2-1 në ndeshjen e parë në Split dhe avantazhit 1-0 në kohën e rregullt në Tiranë, Dinamo shfrytëzon shtesën për të kaluar tutje me rezultatin përfundimtar 3-1.

Ndeshja nisi në mënyrë spektakolare për Dinamon, me golin e parë në minutën e 14′.

Baton Zabërgja kaloi ekipin në avantazh pas një aksioni perfekt dhe një kombinimi të shkëlqyer me Dejvi Bregun, duke ndezur festën në stadium.

Gjatë pjesës së parë, Dinamo City krijoi disa raste të pastra për të dyfishuar avantazhin, por portieri i Hajduk Split shpëtoi disa herë ekipin kroat.

Abdoulie Sanyang u ndëshkua me karton të kuq në minutën e 78-të, duke i lënë kroatët me 10 veta në fushë.

Pjesa e dytë nuk solli gola të tjerë dhe skuadrat shkuan në vazhdime.

Gjatë shtesës së parë, Hajduk barazoi në minutën e 99-të me golin e Karacic, i cili shfrytëzoi një harkim nga këndi dhe gjuajti saktë me kokë për të vendosur 1-1.

Dinamo reagoi menjëherë, me golin e dytë të Eridon Qardakut në minutën e 109′, një eurogol që i dha përsëri avantazh skuadrës shqiptare dhe shpërtheu festën në “Air Albania”.

Vetëm dy minuta më vonë, në minutën e 111-të, Hekuran Berisha vulosi rezultatin me golin e tretë, duke siguruar fitoren 3-1 dhe kualifikimin e Dinamos për në play-off të Ligës së Konferencës. /Telegrafi/ 

The post Dinamo e Ilir Dajës eliminon Hajduk Splitin – Zabërgja dhe Berisha gjejnë rrjetën appeared first on Telegrafi.

Pas pjesës së parë, FCSB po fiton ndaj Dritës me rezultat 2-0 në ndeshjen e kthimit të raundit të tretë të Ligës së Evropës.

Goli i parë për ekipin rumun u shënuan nga Juri Cisotti, i cili realizoi me kokë pas një krosimi perfekt, vetëm pas 30 sekondash lojë.

Nuk vono shumë, David Miculescu, në minutën e 18-të mposhti portierin gjilanas Faton Maloku duke e çuar topin në këndin e poshtëm të djathtë të portës për 2-0.

Me këtë rezultat dhe fitoren 3-2 në Bukuresht një javë më parë, rezultati i përgjithshëm shkon në 5-2, duke i pakësuar gjasat e kampionit tonë gjithçka për kualifikimin.

Drita pati një mundësi për penallti në minutën e 24-t, por gjyqtari nuk e dha.

Gjilanasit duhet të reagojnë në pjesën e dytë për të rikthyer shanset, ndërsa mysafirët rumunë synojnë të ruajnë avantazhin dhe të sigurojnë një fitore vendimtare për të kaluar më tej në garë. /Telegrafi/ 

The post FCSB shkon në pushim me dy gola epërsi ndaj Dritës – goli i parë erdhi pas 30 sekondash appeared first on Telegrafi.

Alexander Isak vazhdon të qëndrojë i vendosur për transferimin te Liverpooli, duke refuzuar të jetë pjesë e skuadrës për ndeshjet e ardhshme ndaj Aston Villa këtë javë, ndërsa Arne Slot e pranon publikisht se i duhet edhe një sulmues. 

Sulmuesi suedez ka hedhur poshtë edhe tentativat e klubit për rinovimin e kontratës, ndërsa dëshira e tij mbetet e qartë – të bashkohet me Reds sa më shpejt që të jetë e mundur.

Situata ka krijuar tension të hapur mes lojtarit dhe Newcastle, me të ardhmen e tij që duket gjithnjë e më larg “St James’ Park”.

 

Alexander Isak plans remain clear: no intention to be part of the squad against Aston Villa, same against Liverpool next week.

Isak keeps rejecting new deal approaches as his clear desire remains to join Liverpool asap. pic.twitter.com/BqL7CJcMxb

— Fabrizio Romano (@FabrizioRomano) August 14, 2025

Nga ana tjetër, trajneri i Liverpoolit, Arne Slot, ka theksuar se procesi i rindërtimit të repartit ofensiv nuk ka përfunduar ende, pavarësisht nënshkrimit me Hugo Ekitike më herët këtë verë. Ai do edhe një sulmues.

“E shoh Hugon kryesisht si një numër 9, i cili mund të luajë edhe nga e majta ose së bashku me një numër 9 tjetër”.

“Na duhet të kemi të paktën edhe një sulmues”, deklaroi Slot për Sky Sports.

Deklaratat e tij janë një sinjal i qartë se Liverpooli është gati të bëjë një tjetër lëvizje për të siguruar shërbimet e Isakut, duke parë te ai lojtarin ideal për të kompletuar sulmin.

Nëse marrëveshja finalizohet, kjo do të ishte një nga transferimet më të bujshme të verës në Ligës Premier. /Telegrafi/ 

The post Isak nuk pranon të luajë për Newcastle, mendon për Liverpoolin – Arne Slot kërkon me çdo kusht një sulmues shtesë appeared first on Telegrafi.

Drita do të përballet sonte me FCSB në ndeshjen e kthimit të raundit të tretë të Ligës së Evropës, ku pas paraqitjes inkurajuese në Bukuresht një javë më parë, gjilanasit janë të vendosur të shkruajnë histori para tifozëve të tyre në “Fadil Vokrri”.

Në duelin e parë, kampioni i Kosovës kishte befasuar me epërsi 0-2, por rumunët përmbysën gjithçka në pjesën e dytë, duke fituar 3-2 dhe duke lënë të hapur garën për kualifikim.

Trajneri Zekirija Ramadani për këtë ndeshje ka vendosur të luajë në portë me Faton Maloku, ndërsa mbrojtja përbëhet nga Besnik Krasniqi, Egzon Bejtullai, Raddy Ovouka dhe Blerton Sheji.

Në mesfushë treshja e zakonshme, Ron Broja, Albert Dabiqaj dhe Vesel Limaj, që tashmë ka fituar besimin e trajnerit.

Sulmi përbëhet nga Arb Manaj në qendër, ndërsa kah krahët vijnë Veton Tusha dhe Liridon Balaj.

Në anën tjetër, te FCSB luajnë në sulm Miculescu, Edjouma, Cisotti dhe Birligea.

---

Drita: Maloku, Be. Krasniqi, Bejtullai, Ovouka, Sheji, Broja, Dabiqaj, Limaj, Balaj, Tusha, Manaj.

FCSB: Tarnovanu, Cretu, M, Popescu, Ngezana, Pantea, Sut, Chiriches, Miculescu, Edjouma, Cisotti. Birligea.

---

/Telegrafi/ 

The post Formacionet zyrtare, Drita – FCSB: Ramadani ndryshon rreshtim, kërkohet fitorja historike appeared first on Telegrafi.

David Raya është shndërruar në një nga transferimet më të suksesshme të Arsenalit. Fillimisht i ardhur në formë huazimi njëvjeçar nga Brentford, ai bindi drejtuesit e klubit me paraqitjet e tij dhe në verën e vitit 2024 u transferua përfundimisht në “Emirates” për 32 milionë euro.

Në sezonin 2023/24, portieri spanjoll regjistroi 41 paraqitje dhe e mbajti portën e paprekur plot 20 herë. Në edicionin pasues, ai e ngriti edhe më lart nivelin e lojës, duke u konfirmuar si një nga portierët më të mirë të Ligës Premier dhe një faktor vendimtar në kualifikimin e Arsenalit në çerekfinalet e Ligës së Kampionëve.

Por rruga e tij drejt majës nuk ka qenë aspak e lehtë, madje me një dëmtim të rëndë në hundë.

Dëmtimi i rëndë që ndryshoi gjithçka

Raya ka treguar forcë të jashtëzakonshme mendore për të kapërcyer një dëmtim serioz, të cilin e pësoi në vitin 2018 gjatë kohës që luante për Blackburn Rovers. Në një ndeshje kundër West Bromwich Albion, ai u përplas fort me sulmuesin Jay Rodriguez dhe pësoi një frakturë të rëndë të hundës.

Situata ishte aq serioze sa atij iu dha oksigjen në fushë dhe u transportua me urgjencë në spital. Trajneri i atëhershëm i Rovers, Tony Mowbray, e përshkroi dëmtimin si tronditës. “Kocka në majë të hundës ishte pothuajse shtyrë në kafkë. Hunda i varej fjalë për fjalë. Disa lojtarë nuk mund ta shikonin skenën – ishte shumë e rëndë”, deklaronte ai.

Rodriguez, i cili u përfshi pa dashje në përplasje, e pranoi se e kishte përjetuar keq momentin.

“Po ndiqja topin dhe u përpoqa t’i shmangesha, por e godita. Kur dëgjova se përfundoi në spital, ndjeva keqardhje të madhe”, deklaronte sulmuesi.

Rikthimi i shpejtë dhe vendosmëria

Megjithë ashpërsinë e dëmtimit, Raya vendosi të shtynte operacionin deri në fund të sezonit, në mënyrë që të mos humbiste ndeshje. Ai u rikthye në fushë vetëm dy javë pas incidentit, duke luajtur me një maskë mbrojtëse.

“Gjëra të tilla mund t’i ndodhin kujtdo. Nuk do të më bëjnë të ndryshoj mënyrën se si luaj”, deklaroi ai në atë kohë.

Vendosmëria dhe karakteri i fortë i ndihmuan të kapërcente jo vetëm atë dëmtim, por edhe të ndërtonte karrierën që e çoi deri te posti i portierit të parë te Arsenali, nën drejtimin e Mikel Artetës. /Telegrafi/ 

The post Pse portieri i Arsenalit, David Raya duket ndryshe nga viti 2018 – faji është te një dëmtim i tmerrshëm në hundë appeared first on Telegrafi.

Juventusi ka intensifikuar përpjekjet për të rikthyer në skuadër sulmuesin francez Randal Kolo Muani, në pronësi të Paris Saint-Germain, dhe transferimi i tij nuk varet nga largimi i Dusan Vlahovicit.

Pjesën më të madhe të verës, “Bianconerët” kanë synuar rikthimin e Kolo Muanit në Torino, pas një huazimi të suksesshëm në gjysmën e dytë të sezonit 2024-25, ku ai shënoi një gol në çdo dy ndeshje nga 16 paraqitjet në Serie A.

Juventusi ka afruar këtë verë edhe sulmuesin kanadez Jonathan David, duke rritur konkurrencën në repartin ofensiv.

Megjithatë, klubi po kërkon të shesë Vlahovicin, i cili ndodhet në 11 muajt e fundit të kontratës dhe rrezikon të largohet si lojtar i lirë verën e ardhshme. Ish sulmuesi i Fiorentinës, nuk arriti të tregojë pritshmëritë prej ardhjes te Juve.

Sipas Gianluca Di Marzio, Juventusi është i gatshëm të nënshkruajë me Kolo Muanin edhe nëse Vlahovic mbetet në skuadër. Madje, nëse ai vendos ta çojë kontratën deri në fund, ai mund të përfundojë si zgjedhja e tretë për pozitën e qendërsulmuesit në “Allianz Stadium”.

PSG vazhdon të kërkojë një shumë të lartë për 25-vjeçarin francez, me raportime që variojnë nga 50 deri në 65 milionë euro.

Aktualisht, të dy klubet po negociojnë për një marrëveshje që mund të përfshijë detyrim blerjeje, dhe Juventusi shpreson ta finalizojë transferimin në një të ardhme të afërt. /Telegrafi/ 

The post Juventusi do ta marr Kolo Muanin pavarësisht se a largohet sulmuesi që dështoi për disa sezone appeared first on Telegrafi.

Situata rreth të ardhmes së Lumbardh Dellovës te CSKA Sofia ka marrë një kthesë të re, pasi mbrojtësi mungoi në stërvitjen e djeshme, por sot është rikthyer me ekipin.

Përfaqësuesi i tij, Rrezart Kashtanjeva, ka konfirmuar se pas bisedimeve me udhëheqjen e klubit, është arritur marrëveshje që Dellova t’i bashkohet sërish seancave stërvitore dhe të jetë në dispozicion të trajnerit Dusan Kerkez.

“Po, ka pasur një ndryshim nga ajo që komentova më herët. Lumbardhi mungoi në stërvitje, por pas bisedimeve me klubin ramë dakord që ai të marrë pjesë në aktivitete dhe ndeshje”.

“Megjithatë, negociatat me ekipin saudit Al Najma vazhdojnë. Arabët mbeten shumë këmbëngulës në dëshirën e tyre për ta transferuar atë”.

“Ai do të stërvitet me ekipin dhe do të jetë gati për ndeshjen e ardhshme, përveç nëse ka ndonjë zhvillim në transferim,” ka deklaruar Kastanjeva për “Blits”.

Sipas mediave bullgare, zgjidhja e kësaj sage pritet të ndodhë brenda orëve të ardhshme. /Telegrafi/ 

The post Lumbardh Dellova rikthehet në stërvitje te CSKA Sofia, por negociatat me Al Najma vazhdojnë appeared first on Telegrafi.

Ndeshja përgatitore e Juventusit të Torinos kundër ekipit të të rinjve nën 23 vjeç të Zonjës së Vjetëru që njihen si Next Gen, u ndërpre në minutën e 52-të të ndeshjes.

Konkretisht, tifozët vrapuan në fushën e Allianz dhe “sulmuan” lojtarët e Zonjës së Vjetër, kështu që ndeshja u desh të ndërpritej.

Tifozët donin një foto me lojtarët e gjigantit torinez të cilët u gjendën në një situatë të pazakontë.

Ata gjithashtu u përpoqën të merrnin fanellat e lojtarëve të Juventusit, dhe çfarë ndodhi mund ta shihni në videoklipin e përfshirë në tekst.

Juventusi do ta hapë sezonin në Itali më 24 gusht në shtëpi, kur do të presë Parmën. /Telegrafi/ 

The post Ndeshja miqësore e Juventusit u ndërpre, tifozët vërshuan fushën dhe donin fanellat e lojtarëve appeared first on Telegrafi.

Pas dy vjetësh të kaluar te Bayer Leverkuseni, Granit Xhaka u largua këtë afat kalimtar veror nga skuadra gjermane, me legjendën gjermane, Lothar Matthaus, që kritikon trajneri Erik ten Hag për largimin e liderit. 

Kapiteni i Zvicrës u transferua te Sunderlandi, skuadra e sapo promovuar në Ligën Premier, duke mbyllur aventurën e tij në Gjermani.

Për largimin e tij nga Bayer Leverkuseni, foli legjenda e futbollit gjerman, Lothar Matthaus në një intervistë për “Sportbild”, ku ka shprehur habinë dhe pakënaqësinë e tij për vendimin e klubit.

“Shumica e largimeve janë të kuptueshme. Unë nuk mund ta pranoj çështjen për Xhakën! Erik ten Hag duhet ta pranojë fajësinë sepse nuk ka luftuar shumë për të”.

“Xhaka ka qenë strategu dhe zemra e ekipit”, ka deklaruar Matthäus.

Transferimi i Xhakës te Sunderlandi u realizua për shifrën prej 15 milionë eurosh. Mesfushori është produkt i akademisë së Baselit dhe gjatë karrierës së tij ka luajtur edhe te Borussia Mönchengladbachu dhe Arsenali.

Me Bayer Leverkusenin, Xhaka ishte pjesë e sezonit historik në të cilin skuadra fitoi Bundesligën pa pësuar asnjë humbje, ndërsa me golin e tij në finale, ndihmoi ekipin të fitonte edhe Kupën e Gjermanisë.

Në total, me fanellën e Bayer Leverkusenit, Xhaka zhvilloi 99 ndeshje, duke shënuar gjashtë gola dhe dhënë nëntë asistime. /Telegrafi/ 

The post “Xhaka ka qenë strategu dhe zemra e ekipit” – Matthaus kritikon Ten Hagun dhe Bayer Leverkusenin për shitjen e shqiptarit appeared first on Telegrafi.

Trajneri i Shamrock Rovers, Stephen Bradley, ka kërkuar qetësi dhe përqendrim maksimal nga skuadra e tij për ndeshjen e kthimit ndaj Ballkanit.

Pas humbjes 1-0 në Prishtinë, ai beson se ekipi i tij ka ende shanse për kualifikim, nëse shfrytëzon mundësitë që i krijohen.

“E dimë që krijojmë raste dhe shënojmë gola, por kësaj here duhet të jemi të qetë dhe të relaksuar. Nuk ka nevojë të ngutemi prej minutës së parë. Duhet ta respektojmë kundërshtarin, por kur t’i kemi momentet tona, duhet t’i ndëshkojmë. Fokusi është të provojmë ta fitojmë ndeshjen”, ka deklaruar Bradley.

Në rrethin e dytë kualifikues, Ballkani eliminoi Floriana FC të Maltës me rezultatin e përgjithshëm 5-3. Nigerianin Sunday Adetunji shënoi tre gola dhe dha një asistim në dy takime, ndërsa Bleart Tolaj realizoi dy gola.

Adetunji ishte vendimtar edhe në ndeshjen e parë kundër Shamrock Rovers, duke shënuar golin e vetëm të sfidës.

Nga ana tjetër, Shamrock Rovers kaloi St Joseph’s të Gjibraltarit në turin e dytë. Fituesi i këtij dueli do të përballet me fituesin e çiftit Santa Clara (Portugali) – Larne (Irlanda e Veriut), ku portugezët kanë fituar 3-0 në ndeshjen e parë.

Shamrock Rovers është skuadra më e titulluar në historinë e futbollit irlandez. /Telegrafi/ 

The post Trajneri i Shamrock, Bradley kërkon qetësi para ndeshjes me Ballkanin, kërkon gola në momentin e duhur appeared first on Telegrafi.

Trajneri i Ballkanit, Orges Shehi, ka kërkuar angazhim dhe përqendrim maksimal nga futbollistët e tij për ndeshjen kthyese të raundit të tretë kualifikues në Ligën e Konferencës ndaj Shamrock Rovers.

Ballkani, që ka marrë pjesë dy edicione rresht në fazën grupore të kësaj gare, e fitoi 1-0 ndeshjen e parë në stadiumin “Fadil Vokrri” në Prishtinë. Tani i duhet një tjetër rezultat pozitiv për të siguruar kalimin në fazën e “play-off”-it të garës së tretë më të rëndësishme të UEFA-s.

Përballja Shamrock Rovers – Ballkani zhvillohet të enjten, nga ora 21:00, në stadiumin “Tallaght” të Dublinit.

“Vijmë këtu pas fitores 1-0 në ndeshjen e parë dhe e dimë që na pret një përballje vendimtare. Duhet të ruajmë të njëjtin angazhim dhe përqendrim, për të qenë sa më afër kualifikimit,” deklaroi Shehi për faqen zyrtare të klubit.

Tekniku konfirmoi se vetëm qendërmbrojtësi Ivica Batarelo, i lënduar në ndeshjen e parë, mungon për këtë takim.

Shehi pret një ndeshje të fortë: “Presim një kundërshtar më agresiv që do të kërkojë të shfrytëzojë avantazhin e fushës, por kemi marrë masat e duhura për t’iu përgjigjur”.

Ballkani merr pjesë në kualifikimet e garave evropiane që nga sezoni 2022/23, kur debutoi dhe arriti menjëherë fazën grupore të Ligës së Konferencës.

Suksesi u përsërit edhe sezonin pasues, ndërsa në edicionin e kaluar skuadra u ndal në raundin e tretë nga Larne i Irlandës së Veriut. /Telegrafi/ 

 

The post Orges Shehi kërkon përqendrim maksimal te Ballkani para ndeshjes vendimtare me Shamrock Rovers appeared first on Telegrafi.

La Liga ka rënë dakord që dëmtimi i Marc Andre Ter Stegen është një dëmtim afatgjatë, duke i lejuar Barcelonës të kompensojë 80% të pagës së tij për të regjistruar një lojtar tjetër.

Barcelona e konfirmoi lajmin në një deklaratë, ndërsa konfirmoi se portieri Joan Garcia është lojtari që do të regjistrohet.

“Barcelona njofton me anë të kësaj se Komiteti Mjekësor i LaLigas ka vendosur që dëmtimi i portierit Marc-André ter Stegen përmbush kriteret e dëmtimit afatgjatë të përcaktuara nga rregulloret aktuale”.

“Klubi do të vazhdojë nesër për të zyrtarizuar menjëherë regjistrimin e lojtarit Joan García”, thuhet në komunikatë.

Trajneri Hansi Flick, aktualisht nuk do të jetë në gjendje të llogarisë te Wojciech Szczesny dhe Marcus Rashford, pasi ende nuk janë regjistruar.

Në këtë fazë, është shumë e pamundur që Rashford dhe Szczesny të jenë gati për t’u përballur me Mallorcën të shtunën, dhe koha po mbaron për të krijuar hapësirën e nevojshme të pagave për të regjistruar të dy lojtarët. /Telegrafi/ 

 

The post La Liga pranon se dëmtimi i Ter Stegen është afatgjatë – Barcelona konfirmon regjistrimin e Joan Garcias appeared first on Telegrafi.

Lumbardh Dellova është në radarët e klubit saudit Al-Najma SC, që është gati të paguajë klauzolën e tij prej 900 mijë eurosh, ndërsa mbrojtësit kosovar t’i ofrojë një pagë vjetore që shkon nga 70 deri në 80 mijë euro.

Nëse transferimi realizohet, Dellova do të luante në të njëjtin kampionat me yje botërorë si Cristiano Ronaldo, Sadio Mané, Karim Benzema, N’Golo Kanté, Darwin Núñez e shumë të tjerë.

Lumbardh Dellova, padyshim është një nga yjet e CSKA-së dhe titullar i pazëvendësueshëm. Ai ka refuzuar të stërvitet me ekipin, duke kërkuar largimi, pasi tri klube janë vënë pas tij, me Al Najma që e do me çdo kusht. 

Vendi, stadiumi, Liga dhe situata aktuale

Al-Najma SC, i njohur si “Ylli i Unaizah”, ka bazën në qytetin Unaizah, në provincën al-Qasim të Arabisë Saudite. Stadiumi i tyre, Al-Najma Club Stadium, ka kapacitet prej vetëm 3,000 vendesh, me bar natyral dhe është hapur që në vitin 1985.

Skuadra u ngrit në Saudi Pro League për sezonin 2025/26, pasi përfundoi e dyta në divizionin e parë, duke siguruar një rikthim të madh në elitën e futbollit saudit.

Trajneri

Në stol është Mário Silva, trajner portugez me përvojë në punën me akademitë dhe në drejtimin e ekipeve të para.

Ai mori drejtimin e Al-Najma në vitin 2023 dhe ka luajtur rol kyç në ringritjen e klubit.

Historiku dhe rivaliteti

I themeluar në vitin 1960, klubi mban ngjyrat të verdhë, të gjelbër dhe të bardhë. Rivaliteti më i madh është ai me Al-Arabi, në një ndeshje të njohur si Derbi i Unaizah, që gjithmonë ndez atmosferën lokale. /Telegrafi/

The post Çfarë duhet të dini për klubin Al-Najma, që e do me çdo kusht Lumbardh Dellovën appeared first on Telegrafi.

Në sezonin 2015-16 të NBA-së, vetëm 10 lojtarë arrinin të fitonin më shumë se 20 milionë dollarë në sezon, me Kobe Bryant që kryesonte listën.

Sot, situata është krejt ndryshe: në sezonin 2025-26, 91 lojtarë pritet të fitojnë mbi 20 milionë dollarë.

Nga këta, 61 do të arrijnë 30 milionë, 27 do të fitojnë të paktën 40 milionë, dhe 15, të udhëhequr nga Stephen Curry, do të kalojnë 50 milionë dollarë.

Stephen Curry dhe rekordi i pagës

Stephen Curry do të jetë lojtari më i paguar për sezonin 2025-26, me një pagë prej 59.6 milionë dollarësh, duke qëndruar në krye të listës për dhjetë sezonet e fundit, që nga 2017-18. Kjo shifër tejkalon edhe limitin e pagave që ekzistonte në vitin 2014 (58.6 milionë).

Rritja e pagave është nxitur nga kontratat Supermax, të krijuara në vitin 2017, që i mundësojnë lojtarëve më të mirë të fitojnë deri në 35% të limitit të pagave të ekipit të tyre.

Kontratat më fitimprurëse në histori

Kontratat më të mëdha të nënshkruara deri më tani përfshijnë Jayson Tatum me 314 milionë dollarë për pesë vjet, Jaylen Brown me 304 milionë për pesë vjet, dhe Shai Gilgeous-Alexander me 285 milionë për katër vjet.

Për krahasim, Kobe Bryant arriti të fitonte 328 milionë dollarë gjatë gjithë karrierës së tij.

Paga për një sezon dhe rekordet që vijnë

Devin Booker, që ka rinovuar kontratën me Suns, pritet të marrë 75.4 milionë dollarë në sezonin 2029-30, ndërsa Shai Gilgeous-Alexander pritet të arrijë 78.9 milionë dollarë vitin pasardhës, ose mesatarisht mbi 963,000 dollarë për ndeshje. NBA po i afrohet gjithnjë e më shumë pagës së parë prej 82 milionë dollarësh për një sezon.

Në NBA, çdo ekip luan 82 ndeshje në sezonin rregullator: 41 ndeshje në shtëpi dhe 41 jashtë. Nëse ekipi kualifikohet për play-off-et, numri i ndeshjeve mund të rritet, varësisht nga sa shumë seri fiton ose humb në secilin rund. Mund të shkojë deri në 100 ndeshje në sezon.

Kandidatët për kontrata Supermax

Në listën e kandidatëve për kontrata të reja Supermax janë Anthony Edwards, Cade Cunningham, Evan Mobley, Jalen Williams, Chet Holmgren, Paolo Banchero dhe Victor Wembanyama.

Kjo tregon se trendi i rritjes së pagave do të vazhdojë, veçanërisht pas kontratës së re televizive, e cila vlen 76 miliardë dollarë për 11 vitet e ardhshme.

Kufiri i pagave pritet të arrijë 154 milionë dollarë këtë sezon dhe mund të rritet deri 10% në vit, duke e afruar mundësinë e nënshkrimit të kontratës së parë prej 100 milionë dollarësh për një sezon. /Telegrafi/ 

The post NBA po i afrohet kontratës së parë marramendëse – një lojtar do të paguhet një milion dollarësh për ndeshje appeared first on Telegrafi.

Pas fitores 3-2 në Bukuresht, kampioni i Rumanisë, FCSB ka zbarkuar sot në Prishtinë, ku do të përballet me kampionin tonë Dritën në ndeshjen e kthimit në Stadiumin “Fadil Vokrri” në Prishtinë.

Biletat për këtë ndeshje e vlefshme për raundin e tretë eliminator të Ligës së Evropës, po shiten me ritme të larta, deri tani mbi 6 mijë, ku me gjasë në ditën e ndeshjes do të kemi stadiumin e mbushur.

Edhe këtë herë, sikurse në Bukuresht, tifozët mysafir mungojnë, por megjithëse presidenti i FCSB-së, Gigi Becali, nuk e mori lehtë çështjen e sigurisë, gjë që në Kosovë duket qesharake.

Ai dërgoi rreth 20 truproja në Kosovë për të shoqëruar ekipin, duke e cilësuar si një masë të nevojshme pas disa “fjalëve të dëgjuara” për të, shkruan Sport.ro, gjë që e bën edhe me qesharake situatën, pasi çdo klub që ka ardhur në Kosovë është pritur dhe përcjell me respekt.

“Nuk dua t’i turpëroj, por e kuptova që ata folën për mua. Nuk thashë asgjë dhe nuk do të them asgjë, sepse nuk dua të nxis dhunë. Thjesht vendosa të dërgoj rreth 20 truproja në Kosovë, sepse kështu duhet të jetë”, kishte deklaruar Becali, disa ditë më parë për Fanatik.

Presidenti i FCSB, Becali, njihet për veprime dhe deklarata skandaloze, ku pothuajse në të gjitha ndeshjet vendos për formacionin startues. Ai edhe vendimin e truprojave e ka marr pasi ka “dëgjuar diçka”, pa pasur ndonjë fakt që në Prishtinë nuk ka siguri për klubet mysafire që udhëtojnë këtu.

Megjithatë, FCSB do të zbresë në fushë pa dy lojtarë të rëndësishëm: Risto Radunovic dhe Denis Alibec, të cilët mungojnë për këtë përballje vendimtare.

Në Prishtinë pritet një atmosferë e nxehtë sportive, me Dritën që ka një rast të artë që të fitojë dhe ta shoh vetën minimalisht në fazën e grupeve të Ligës së Konfernecës. /Telegrafi/

The post FCSB duket e përgatitur, por paksa edhe qesharake – presidenti i klubit rumun dërgoi në Prishtinë 20 truproje për ekipin e tij appeared first on Telegrafi.

Klubi rumun UTA Arad ka njoftuar se do të paraqesë një ankesë në FIFA dhe do të kërkojë kompensim në rastin e Mevlan Zeka, i cili është larguar nga skuadra pa u kthyer më, ndërsa agjenti i sulmuesit, Arjanit Kuqi, ka zbuluar edhe sëmundjen e gruas së lojtarit, që ka bërë që ai të mos kthehet në Rumani.

Situata e tij u bë publike nga mediat rumune në ditët e fundit, ndërsa agjenti i lojtarit, Arjanit Kuqi, ka shpjeguar arsyen e vërtetë të këtij vendimi.

Zeka u transferua këtë verë te UTA nga FC Suhareka, ku sezonin e kaluar ishte golashënuesi më i mirë i Superligës së Kosovës me 22 gola. Pas vetëm disa ditësh në kampin stërvitor në Slloveni, ai u kthye në Kosovë duke përmendur arsye personale dhe nuk u rikthye më në Arad.

Sipas menaxherit Kuqi, gjatë kohës që sulmuesi ishte në Slloveni, bashkëshortja e tij, Gentiana, u diagnostikua me kancer në stomak.

“Ajo nuk ia tha menjëherë, sepse nuk donte ta shqetësonte. Por pasi u kthye nga kampi, e mori vesh dhe vendosi të kthehej në shtëpi. Ai duhej të ishte pranë saj dhe djalit të tyre 5-vjeçar,” shpjegoi Kuqi.

Menaxheri theksoi se Zeka është shtylla kryesore e familjes, pasi nuk ka më baba, vëllai i tij jeton në Zvicër dhe ai kujdeset edhe për nënën e moshuar.

“Gruaja e tij ka filluar trajtimin, nuk është e transportueshme, dhe viza për në Rumani është e kufizuar në 90 ditë. Ndërrimi i mjekëve do ta komplikonte situatën”, deklaroi ai.

UTA, sipas menaxherit, është ofruar të mbulojë kujdesin mjekësor të bashkëshortes së lojtarit nëse ai kthehet në Arad, por pengesat janë të mëdha.

“Mevlani ia kushton gjithë kohën familjes së tij. Nuk është se ka një ofertë tjetër apo po kërkon arsye për t’u larguar nga UTA. Ky rast është përtej futbollit, është çështje jete dhe familjeje”, u shpreh Kuqi.

Ai konfirmoi se Zeka nuk është stërvitur me ndonjë klub që nga kthimi në Kosovë, por në të ardhmen mund të luajë sërish, vetëm për ndonjë ekip vendas, për të qenë pranë familjes çdo ditë, edhe pse pagat janë shumë më të ulëta se në Rumani.

“Nuk jemi në luftë me UTA-n. Nëse duan të shkojnë në FIFA, është e drejta e tyre. Mevlani është i gatshëm të pranojë çdo vendim. Por duhet kuptuar se këtu nuk bëhet fjalë për kontrata e para, por për jetën e njeriut”, përfundoi menaxheri i tij. /Telegrafi/ 

The post “Gruaja e tij ka kancer në stomak – ai nuk mund ta lërë atë dhe fëmijën e tyre 5-vjeçar” – menaxheri i Mevlan Zekës ndan detaje për mediat rumune appeared first on Telegrafi.