Klubi katalunas, Barcelona ka njoftuar zyrtarisht se blinduar me kontratë të re mbrojtësin Jules Kounde.

Kounde nënshkroi zgjatjen e kontratës së tij deri në vitin 2030 këtë të enjte.

Mbrojtësi i Barçës, i veshur shumë elegant, tregoi ambicien e tij, teksa pranoi se Liga e Kampionëve nuk është një obsesion, por është objektivi dhe, siç thonë në Francë, qielli është limiti.

Jules Kounde signs his new contract for FC Barcelona

— FC Barcelona (@FCBarcelona) August 21, 2025

“Jam shumë i lumtur që rinovova kontratën. Ishte mjaft e thjeshtë. Jam shumë i lumtur”, ka thënë fillimisht Kounde.

“Qëllimet? Qielli është limiti, siç themi në Francë. Jemi me fat që jemi në një klub që garon për çdo titull. Do të synojmë më shumë për të fituar, madje edhe më shumë se sezonin e kaluar”, përfundoi mbrojtësi francez. /Telegrafi/

Jules’ words after signing his new contract pic.twitter.com/bTVdIN4rVu

— FC Barcelona (@FCBarcelona) August 21, 2025

The post Barcelona blindon Kounden, francezi zbulon objektivat appeared first on Telegrafi.

Newcastle United thuhet se i ka vendosur çmimin e largimit sulmuesit Alexander Isak, por gjithashtu shitja do të ndodhte vetëm në rast se arrijnë t’i transferojnë dy sulmues si zëvendësues të rij.

Sipas The Telegraph, Newcastle nuk i ka ndryshuar kushtet për shitjen e sulmuesit Alexander Isak.

“Magpies” janë të gatshëm ta lënë të lirë suedezin 25-vjeçar nëse sjellin dy sulmues të rinj për ta zëvendësuar atë, ku njëri prej tyre duhet të jetë në nivelin e Ligës së Kampionëve.

Përveç kësaj, Newcastle pret një ofertë afër 173 milionë eurove nga klubet e interesuara.

Lexo po ashtu Liverpooli po përgatit një ofertë të re rekorde për Alexander Isak

Transferimet e mundshme të Yoanne Wissa nga Brentford ose Jorgen Larsen nga Wolverhampton nuk do të përmbushnin nevojat e skuadrës të Eddie Howe.

Për më tepër, oferta prej 127 milionë eurosh e Liverpoolit për Isak u konsiderua e pamjaftueshme nga klubi anglez.

Newcastle pret që nëse të dy kushtet nuk përmbushen para përfundimit të afatit kalimtar të verës, një shitje nuk do të ndodhë. /Telegrafi/

The post Newcastle gati ta shesë Isakun nëse nënshkruan me dy sulmues, i vendos çmim të ‘kripur’ suedezit appeared first on Telegrafi.

E ardhmja afatgjatë e Manchester United nën pronësinë e familjes Glazer ka marrë një kthesë të re, sipas një raporti të ri.

United është në pronësi të familjes Glazer që nga viti 2005, kur Malcolm Glazer arriti të financojë një blerje të klubit me anë të levave financiare për të blerë 98 për qind të aksioneve.

Glazer ndërroi jetë në moshën 85 vjeçare në vitin 2014, duke ia kaluar prej kohësh përgjegjësinë e përditshme bijve të tij, Joel dhe Avram.

Gjashtë anëtarë të familjes Glazer janë të përfshirë në Old Trafford dhe aktualisht mbajnë aksione afërsisht të barabarta, megjithëse këto përqindje u ulën pasi Sir Jim Ratcliffe dhe INEOS blenë 25% të aksioneve të klubit në dhjetor të 2023.

Në të njëjtin muaj, The Telegraph raportoi ekzistencën e një sërë klauzolash që lidhen me marrëveshjen, përfshirë refuzimin e parë 12-mujor të Ratcliffe nëse Glazerët do të vendosnin ndonjëherë të shisnin aksionet e tyre të Klasit B në United.

Por klauzola e dytë ishte më e rëndësishme – një marrëveshje “tërheqëse” që mund ta detyronte Ratcliffe të shiste aksionet e tij pas 18 muajsh te United.

Kjo do të ndodhte vetëm nëse Glazerët do t’i ofronin atij një shumë parash me vlerë 26 funte për aksion, me klauzolën në fuqi për të ndaluar Ratcliffe të ishte në gjendje të bllokonte një shitje nëse pronarët e shumicës e dëshironin këtë.

Sipas Daily Mail, që nga e mërkura, 13 gusht, klauzola e ‘tërheqjes së të tjerëve’ ishte bërë aktive.

Por, ata pretendojnë se konsorciumi i Katarit i udhëhequr nga Sheikh Jassim nuk ka interes apo ka ‘zero interes’ për të rishikuar një blerje të mundshme pasi dështoi në përpjekjet e tij herën e fundit, mes pikëpyetjeve të raportuara nëse Jassim kishte fondet për të blerë United.

The significant clause became active last week and is a major twist in the ownership of Man Utd. pic.twitter.com/Ca1leTYovV

— SPORTbible (@sportbible) August 21, 2025

Sipas The Athletic, Ratcliffe ka deklaruar privatisht, se dokumentet ligjore që lidhen me klauzolën ‘tërheqëse’ nuk do të ‘dalin nga sirtari i tij ‘.

“Sir Jim ka investuar 300 milionë dollarë [223 milionë funte] nga paratë e tij, të cilat kanë paguar për përmirësimin prej 50 milionë funtesh të qendrës në Carrington.”

“Ka kaluar shumë kohë që kur dikush ka investuar para në Manchester United në vend që t’i tërheqë ato. Thënë thjesht, nëse jeni Glazers, çfarë nuk është për t’u pëlqyer?”, deklaroi një burim i brendshëm. /Telegrafi/

The post Man Utd mund të shitet nga familja Glazers pasi aktivizohet një klauzolë appeared first on Telegrafi.

Mesfushori shqiptar, Kristjan Asllani pritet të vazhdoj karrierën te Torino, duke kompletuar transferimin e tij nga Interi.

Eksperti i transferimeve, Fabrizio Romano ka njoftuar se të gjitha plët kanë arritur marrëveshje për kalimin e Asllanit te Torino.

“Kristjan Asllani te Torino, ja ku jemi! Marrëveshje e arritur për mesfushorin shqiptar që do t’i bashkohet për një tarifë huazimi prej 1.5 milion eurosh”.

“Torino do të ketë gjithashtu klauzolë me opsion blerjeje prej 12 milion eurosh dhe klauzolë shitjeje të përfshirë në marrëveshje.

“Nëse ai qëndron në vitin 2026, kontratë 3-vjeçare me Torinon”, ka shkruar Romano në profilin e tij në X.

Kristjan Asllani to Torino, here we go! Deal in place for Albanian midfielder to join for €1.5m loan fee.

Torino will also have €12m buy option clause and sell-on clause included in the deal.

If he stays in 2026, 3 year deal at Torino. pic.twitter.com/zs6FP5twO1

— Fabrizio Romano (@FabrizioRomano) August 21, 2025

Tutje, Romano ka njoftuar që Interi do të ketë klauzolë shitjeje prej 20% për Asllanin nëse ai përfundon të qëndrojë te Torino me marrëveshje të përhershme në verën e vitit 2026.

Kjo do të ishte përveç klauzolës së opsionit të blerjes prej 12 milionë eurosh. /Telegrafi/

The post E kryer, Kristjan Asllani te Torino appeared first on Telegrafi.

Ylli i Baselit, Xherdan Shaqiri i ka bërë disa kritika ndaj trajnerit të tij, Ludovic Magnin, në lidhje me vonesën e një ndryshimi në skuadër, pas barazimit zhgënjyes 1-1 kundër Copenhagen në shtëpi të mërkurën mbrëma.

Baseli nuk arriti ta shfrytëzoj terrenin vendas në ndeshjen e parë të ‘play-off’-it ndaj Copenhagen, pasi lëshoi epërsinë prej 1-0 me golin e Shaqirit dhe në fund ndeshja u mbyll baras 1-1.

Është pikërisht ylli shqiptar, Shaqiri, i cili pati kritika ndaj trajnerit të tij, Magnin, në lidhje me mungesën e fitores dhe mungesën e një zëvendësimi të Jonas Adjei Adjetey, i cili u ndëshkua me të verdhë në minutën e 43-të dhe pastaj me të kuq në minutën e 82-të.

𝗨𝗻𝘀𝗲𝗿 𝗚𝗼𝗼𝗹 𝗴𝗲𝗴𝗲 𝗱𝗿 𝗙.𝗖. 𝗞𝗼𝗽𝗲𝗻𝗵𝗮𝗴𝗲𝗻 #FCBasel1893 #AlliZämme #imRotblaueRusch #rotblaulive @XS_11official pic.twitter.com/fB3NbswTpO

— FC Basel 1893 (@FCBasel1893) August 21, 2025

“Ndoshta duhet të reagojmë ndryshe dhe ta largojmë më herët”, tha fillimisht kapiteni i Baselit për Jonas Adjetey.

“Nëse një lojtar merr një karton të verdhë në fillim, kjo rrit mundësinë që ai të përjashtohet. Duhet të mësojmë nga kjo dhe ndoshta të bëjmë një zëvendësim më shpejt herën tjetër”, përfundoi Shaqiri.

Pas këtij prononcimi, mediat zvicerane e pyeten edhe trajnerin Magnin dhe i treguan për kritikat e Shaqirit drejt tij, kritika të cilat i mori me sportivitet.

“Nuk jam dakord. Nuk mendoj se duhet ta largoj menjëherë një lojtar nëse merr një karton të verdhë. Do ta bëja përsëri. Një karton i verdhë nuk është i pazakontë për një mbrojtës”, tha fillimisht Magnin.

“E di marrëdhënien time me Shaqirin. Nuk është aspak problem. Shaqiri është vetëm në fillim të karrierës së tij si trajner. Ai ka ende shumë për të mësuar”, përfundoi trajneri duke qeshur. /Telegrafi/

Nach dem 1:1 im Playoff-Hinspiel gegen Kopenhagen kritisiert Xherdan Shaqiri (33) FCB-Trainer Ludovic Magnin (46). Dieser reagiert gelassen und erklärt, warum er Pechvogel Adjetey auf dem Platz liess. https://t.co/ebnwJiDOtp

— Blick  (@Blickch) August 21, 2025

The post “Është vetëm në fillim të karrierës së tij si trajner”, trajneri i Baselit i përgjigjet kritikave të Shaqirit appeared first on Telegrafi.

AC Milan ka vendosur ta nxjerrë në shitje sulmuesin Santiago Gimenez vetëm dy javë para mbylljes së afatit kalimtar evropian. Ky vendim vjen në përputhje me performancat e tij të dobëta që nga mbërritja në San Siro.

Pas mbërritjes së Massimiliano Allegrit, sulmuesi ka humbur rëndësinë në skuadër  dhe largimi i tij do të ishte çelësi për financimin e nënshkrimit të Victor Boniface, sulmuesit të Bayer Leverkusen i cili ka dhënë dritën jeshile për t’u bashkuar me Rossonerët.

Sulmuesi meksikan, Gimenez mbërriti në San Siro gjatë afatit kalimtar të dimrit për 32 milionë euro, por vetëm në gjashtë muaj, performanca e tij nuk ka qenë plotësisht bindëse. Statistikat e tij pasqyrojnë gjashtë gola dhe katër asistime në 20 ndeshje, shifra nën pritje për një lojtar të profilit të tij.

Me ardhjen e afërt të Boniface, klubi beson se Gimenez nuk do të ketë kohë të mjaftueshme loje dhe tashmë ka autorizuar agjenten e tij, Rafaela Pimenta, për të dëgjuar ofertat.

Çmimi i kërkuar vlerësohet në 28 milionë euro, një shumë që do t’i lejonte Milanit të balanconte llogaritë dhe të bënte nënshkrime të reja.

Allegri nuk mbështetet te Gimenez

Kthimi i Allegrit te Milani ka shënuar një ndryshim në planifikimin e ekipit të tij. Trajneri e ka bërë të qartë se po kërkon një sulmues më të lëvizshëm për sistemin e tij, një profil që i përshtatet më mirë Bonifacet.

Lexo po ashtu Victor Boniface përfundon në listën e dëshirave të Milanit

“Prioriteti është të forcohet sulmi me një lojtar që ofron fuqi dhe ekuilibër në zonën e kundërshtarit”, thanë burime pranë stafit të trajnerëve.

Kjo e lë Gimenezin pa një rol të përcaktuar, pavarësisht se aktualisht është i vetmi numër nëntë i pastër pas largimit të menjëhershëm të Noah Okafor te Leeds United. /Telegrafi/

The post U transferua me shumë bujë, por Milani e nxjerr tani në shitje appeared first on Telegrafi.

FC Prishtina ka arritur marrëveshje me mbrojtësin holandez Christopher Mamengi, i cili sipas tyre vjen për të forcuar repartin e mbrojtjes me përvojën dhe cilësitë e tij.

Mamengi, 24-vjeçar, është produkt i akademisë së FC Utrecht, ku kaloi një periudhë të rëndësishme zhvillimi dhe bëri paraqitjet e para si profesionist me Jong Utrecht në Eerste Divisie (liga e dytë në Holandë).

Në vitin 2023, ai iu bashkua Almere City, ekip i Eredivisie-s, ku grumbulloi përvojë të vlefshme në një kampionat shumë konkurrues. Me Almere City, Mamengi u shqua si një mbrojtës i qetë me topin, i aftë në ndërtimin e lojës dhe i disiplinuar në aspektin mbrojtës.

Po ashtu, ai ka përfaqësuar Holandën , në grupmoshat e reja U15, U16, U17 dhe U19. Me kombëtaren holandeze, U17 kishte arritur ta fitoj vendin e parë në kampionatin evropian.

“Jam i gatshëm për ti arritur objektivat të cilat i ka klubit më të madh në Kosovë. Me padurim pres të ftuem në fushë dhe ta jap maksimumin për tifozët e zjarrtë të klubit Plisat. Shihemi të dielën”, ka thwnw Mamengi për faqen zyrtare të klubit. /Telegrafi/

The post Zyrtare: Christopher Mamengi, lojtar i ri i Prishtinës appeared first on Telegrafi.

Julian Alvarez mbërriti te Atletico Madridi si një nga transferimet më të përfolura të tregut të transferimeve. Argjentinasi erdhi me statusin e një ylli dhe shpejt konfirmoi se është një nga sulmuesit më vendimtarë në planet.

Megjithatë, kalimi i kohës solli nuanca të papritura. Alvarez shkëlqeu me fanellën e Atltico Madridit, por rezultatet e ekipit nuk ishin të qëndrueshme dhe zhgënjimet sportive shënuan sezonin.

Në Argjentinë, ka raportime se lojtari ka disa dyshime. Alvarez nuk e fsheh lumturinë e tij personale te Atletico, megjithëse mendon se projekti bardh e kuq nuk i ka dhënë avantazhin konkurrues që ëndërronte.

Sezoni 2024/25 përfundoi pa shumë sukses në Metropolitano. Alvarez luftoi deri në fund me Atleticon, por mungesa e trofeve ia prishi vitin dhe ngjalli thashetheme për një ndryshim të mundshëm të situatës.

Fillimi i sezonit të ri nuk ndihmon në zhdukjen e çdo dyshimi. Sulmuesi shënoi një gol mahnitës në humbjen e Atleticos ndaj Espanyol, një ndeshje që shkaktoi shqetësim midis bordit dhe tifozëve.

Ndërkohë, klubet kryesore të kontinentit po e mbajnë situatën nën vëzhgim edhe përkundër se lojtari mbetet nën kontratë me Atleticon, pasi talenti dhe mosha e re e tij kanë ngjallur interesin e gjigantëve evropianë.

Midis të gjithë pretendentëve, njëri duket se është në një pozicion të favorshëm. Alvarez gjithmonë ka treguar admirim për Barcelonën dhe klubi katalunas po e shqyrton seriozisht mundësinë e nënshkrimit të tij.

Operacioni nuk do të ishte i lehtë për shkak të madhësisë së transferimit. Alvarez vlerësohet jashtëzakonisht shumë te Atletico, megjithëse Barcelona është e bindur se dëshira e vetë lojtarit mund ta ndryshojë ekuilibrin.

Tifozët bardhekuq po e ndjekin historinë me njëfarë shqetësimi, pasi hija e Barcelonës bëhet më e madhe me kalimin e javëve.

Shtypi spanjoll po nxit gjithashtu debatin rreth të ardhmes së tij, edhe përkundër se përfaqësuesit e lojtarit janë të qetë, megjithëse askush nuk e përjashton një transferim në vitin 2026.

Alvarez mbetet i përkushtuar ndaj Atletico Madridit, por opsioni i Barcelonës po bëhet gjithnjë e më i qartë. /Telegrafi/

The post Barcelona do të përpiqet të nënshkruajë me Julian Alvarez appeared first on Telegrafi.

Alejandro Garnacho është bërë një nga emrat më të spikatur në tregun anglez. Pasi ka luajtur 144 ndeshje për Manchester United, sulmuesi duket se është gati të bëjë një hap të ri në karrierën e tij në Ligën Premier.

Futbollisti argjentinas beson se e ka përfunduar kohën e tij në Old Trafford. Prandaj, ai po kërkon sfida të reja dhe në këtë skenar, Chelsea duket të jetë klubi i tij i preferuar.

Garnacho ia ka bërë të qartë rrethit të tij se Londra do të ishte një destinacion ideal. Chelsea, e vetëdijshme për këtë predispozitë, po punon për të akomoduar një ofertë tërheqëse, megjithëse oferta nuk e kalon limitin prej 25 milionë funtesh (29 milionë eurosh) që Blutë e kanë vendosur.

Lexo po ashtu Garnacho u thotë miqve se do t'i bashkohet Chelseat

United, nga ana e tyre, nuk pajtohet me këtë vlerësim. Për drejtuesit e Djajve të Kuq, Garnacho është një lojtar i talentuar me potencial dhe përvojë në nivelin më të lartë, kështu që ata besojnë se Chelsea duhet të rrisë ofertën e tyre nëse dëshiron ta sigurojë atë.

Mosmarrëveshja midis dy klubeve mund të vazhdojë për disa javët e ardhshme. United ka nevojë për para, por ata gjithashtu nuk duan të ndahen nga Garnacho me një çmim që e konsiderojnë më të ulët se ai i tregut.

Nga ana tjetër, Chelsea ka treguar vendosmëri në qëndrimin e tyre fillestar. Klubi nga Stamford Bridge e kupton që argjentinasi është një lojtar me një të ardhme të ndritur, por ata nuk janë të gatshëm të bien në një negociatë të ekzagjeruar.

Situata është komplekse sepse lojtari ka dhënë tashmë miratimin e tij për të ndërruar fanellën. Garnacho e sheh Chelsean si një mundësi për të çuar përpara karrierën e tij, në një projekt që kërkon të konsolidohet pas viteve të tëra mospërputhjeje.

Ndërkohë, disa anëtarë të Unitedit po bëjnë presion për ta bindur atë të qëndrojë. Garnacho është ende i ri, ka vend për përmirësim dhe mund të jetë një pjesë e rëndësishme e rindërtimit sportiv të klubit.

Nga ana tjetër, Chelsea këmbëngul se oferta e tyre financiare është e drejtë. Ata argumentojnë se Garnacho ende nuk e ka vendosur veten si një yll i rregullt dhe se tarifa prej 29 milionë eurosh përfaqëson një shpenzim më shumë se të konsiderueshëm.

Në Old Trafford, negociatat nuk kanë të bëjnë vetëm me aspektin sportiv, por edhe financiar. United beson se shitja e Garnachos nën vlerën e tij të vërtetë do të dërgonte një sinjal të dobët në treg, duke e komplikuar më tej marrëveshjen me Chelsean.

Koha luan një rol kyç. Nëse Chelsea nuk e rrit ofertën e saj, shanset që sulmuesi të vazhdojë të veshë fanellën e kuqe rriten, megjithëse dëshira e tij për të veshur blunë mund të krijojë një atmosferë të tensionuar në dhomën e zhveshjes.

Me tregun e transferimeve të hapur, gjithçka tregon për një negociatë të vështirë. Chelsea ka nevojë për përforcime në sulm dhe Garnacho e dëshiron këtë sfidë. United, nga ana tjetër, do të lërë vend vetëm nëse arrijnë një çmim më afër pritjeve të tyre financiare. /Telegrafi/

The post Zbulohet oferta e Chelseat për Garnachon, cilësohet e papranueshme nga Man Utd appeared first on Telegrafi.

Ylli kosovar, Edon Zhegrova thuhet se i ka thënë ‘po’ Juventusit, duke arritur një marrëveshje personale për transferimin e tij këtë verë.

Zhegrova pritet ta vazhdoj karrierën në Serie A, pasi eksperti italian i transferimeve Nicolo Schira raporton se palët kanë arritur një marrëveshje pesëvjeçare me vlerë 2.5 milionë euro në vit plus bonuse.

Sipas Schiras, Bianconerët tani po e detyrojnë Lillen ta pranoj ofertën e tyre, duke pasur parasysh se kontrata e lojtarit po skadon dhe ai tashmë ka njoftuar vendimin e tij për të mos rinovuar me klubin francez.

“Edon Zhegrova i ka dhënë mundësinë e tij Juventusit për një kontratë deri në vitin 2030 (2,5 milionë euro/vit + bonuse)”.

“Juventusi tani po përpiqet të arrijë një marrëveshje me Lille. Kontrata e Zhegrovës skadon në qershor 2026 dhe ai tashmë i ka njoftuar LOSC vendimin e tij për të mos e zgjatur”, ka shkruar Schira.

Excl. – Edon #Zhegrova has given his availability to #Juventus for a contract until 2030 (€2,5M/year + bonuses). #Juve are now working to try to reach a deal with #Lille. Zhegrova’s contract expires in June 2026 and he has already announced to #LOSC his decision not to extend

— Nicolò Schira (@NicoSchira) August 19, 2025

Sipas mediave italiane, marrëveshja mes klubeve mund të jetë midis 18 dhe 20 milionë eurove.

Ndryshe, 26-vjeçari prej janarit të vitit 2022 është pjesë e Lillet kur iu bashkua nga Baseli dhe në 80 paraqitje në Ligue 1, Zhegrova ka shënuar 15 gola dhe ka bërë 13 asistime. /Telegrafi/

The post Edon Zhegrova i thotë ‘po’ Juventusit, arrijnë marrëveshje appeared first on Telegrafi.

Klubi bullgar, CSKA Sofia FC ka njoftuar ndarjen e rrugëve me sulmuesin anësor të Kosovës, Zymer Bytyqi.

Bytyqi nuk do të jetë më pjesë e klubit të Superligës së Bullgarisë, pasi kanë vendosur të ndahen pas një marrëveshje të dyanshme.

Njoftimi ka ardhur nga vet klubi bullgar ma anë të faqeve të tyre zyrtare.

“Futbollisti ofensiv Zymer Bytyqi nuk është më pjesë e skuadrës së CSKA-së”.

“Sot, klubi dhe lojtari i dhanë fund marrëdhënies së tyre kontraktuale me marrëveshje të ndërsjellë”.

“Me fanellën e kuqe, Bytyqi luajti 20 ndeshje në të cilat shënoi 5 gola. CSKA i uron Zymer Bytyqit suksese në sfidat e ardhshme”, thuhet në njoftim. /Telegrafi/

The post CSKA Sofia njofton ndarjen me Zymer Bytyqin appeared first on Telegrafi.

Mesfushori i Barcelonës, Marc Casado, është shfaqur si objektiv i disa klubeve të Ligës Premier, përfshirë West Ham United dhe Wolverhampton Wanderers.

Sipas gazetari Matteo Moretto, dy klubet po e monitorojnë nga afër situatën e tij, me një ofertë të mundshme prej 30 milionë eurosh që pritet para mbylljes së afatit kalimtar.

Pavarësisht interesit në rritje, Casado mbetet i përkushtuar ndaj Barcelonës. 21-vjeçari vazhdon të stërvitet me ekipin e parë nën drejtimin e Hansi Flick dhe nuk ka treguar asnjë dëshirë për t’u larguar nga klubi.

Burime pranë lojtarit thonë se ai e ka përparësi zhvillimin e tij te Barcelona dhe është i përqendruar në vendosjen e tij në skuadrën e parë.

Barcelona thuhet se është e hapur për të shqyrtuar oferta në rangun e 30 milionë eurove, megjithëse çdo lëvizje e mundshme do të varet nga gatishmëria e Casados për t’u larguar dhe vlerësimi i klubit për propozimin.

Me konkurrencën për pozicionet në mesfushë dhe rikthimin e lojtarëve të tjerë nga lëndimet, klubi mund të vlerësojë nëse shitja e Casados përputhet me planet e tyre financiare dhe të skuadrës. /Telegrafi/

The post Klubet e Ligës Premier monitorojnë yllin e Barcelonës appeared first on Telegrafi.

Sipas shumë njerëzve, futbollisti më i mirë në botë, Lionel Messi, është 38 vjeç dhe ka fituar gjithçka që mund të fitohet, ndërsa karrierën e tij të pasur e kurorëzoi duke fituar Kupën e Botës me Argjentinën, të cilën e çoi në “krye të botës” në Katar në vitin 2022.

Është e qartë se Messi do ta veshë fanellën kombëtare në një tjetër garë të madhe – kampionatin botëror, i cili do të mbahet vitin e ardhshëm në Shtetet e Bashkuara, Kanada dhe Meksikë, dhe mediat argjentinase tashmë po flasin për ndeshjen e fundit të Messit para tifozëve vendas.

Sipas DSports, kjo do të ndodhë më 4 shtator, kur është planifikuar ndeshja kualifikuese kundër Venezuelës në stadiumin Monumental në Buenos Aires, dhe pesë ditë më vonë është planifikuar ndeshja në Ekuador.

Everything indicates that Argentina’s next match vs Venezuela will be the last official match Leo Messi will play in his country.

After that, the Finalissima and the World Cup to end his international career. pic.twitter.com/YAb6uXyVEH

— The Touchline | 𝐓 (@TouchlineX) August 19, 2025

“Na vjen keq me gjithë zemër, por nëse asgjë nuk ndryshon, do të jetë hera e fundit që Messi luan një ndeshje zyrtare me ekipin kombëtar argjentinas në Buenos Aires”.

“Nuk kemi më ndeshje zyrtare në Argjentinë dhe në vitin 2027, nëse plotësohen kushtet, do të jetë një ndeshje miqësore sepse nuk ka ndeshje zyrtare në plan”, shkruan mediumi argjentinas.

Ata theksuan se do të jetë një goditje e rëndë për të gjithë tifozët e tij dhe dashamirësit e futbollit të pranojnë se kjo është hera e fundit që Messi do të shkelë në Monumental në një ndeshje zyrtare. /Telegrafi/

The post Zbulohet se ku dhe kur Messi do t’i thotë lamtumirë ekipit kombëtar appeared first on Telegrafi.

Federata e Futbollit të Kosovës dhe sponsori i Superligës, Albi Mall, edhe këtë kanë vazhduar të ndajnë çmimin “Ylli i Javës”. Ky çmim, për javën e parë në Albi Mall Superligë, i është ndarë futbollistit të FC Prishtina, Valmir Veliu.

Vlerësimi i më të mirit të javës është bërë nga Komisioni i Veteranëve të Futbollit, në përbërje të Enes Shosholli, Lulzim Berisha dhe Naim Kodraliu.

Ky komision vendosi që çmimi “Ylli i Javës” për xhiron e parë në këtë edicion kampional t’i takojë Valmir Veliut, i cili asistoi në një gol dhe shënoi një gol në ndeshjen kundër FC Dukagjinit (2-3), duke qenë vendimtar që skuadra kryeqytetase ta nisë edicionin kampional me fitore.

Pasi mori këtë çmim, Veliu u shpreh i lumtur që u vlerësua si lojtari më i mirë i javës.

“Të luash për Prishtinën është ëndërr e çdo lojtari. Jam ambientuar shumë mirë dhe shumicën e lojtarëve i kam njohur më herët. Të luash në Dukagjin është gjithmonë e vështirë, por ia dolëm të shënojmë fitore. Personalisht gëzohem që e kam ndihmuar ekipin me gol dhe me asistim”.

“Ky çmim për mua është motiv të punoj dhe të ushtroj më tutje, si dhe të vazhdoj ta ndihmoj ekipin çdo javë. Prishtina, çdo vit, synim e ka titullin kampion ose daljen në Evropë”, ka thënë Veliu për faqen zyrtare të FFK-së. /Telegrafi/

The post Valmir Veliu zgjidhet ‘Ylli i Javës’ në Superligën e Kosovës    appeared first on Telegrafi.

Pas një pushimi dyvjeçar, Leeds United u rikthye me sukses në Ligën Premier, por goli i fitores 1-0 kundër Evertonit ngriti shumë pluhur në publikun anglez.

Leeds priti dy vjet për t’u futur në Ligën Premier, vendi ku i përket një klub me një reputacion të tillë. Fitorja e fundit që Leeds arriti në nivelin më elitar të futbollit anglez ishte më 4 prill 2023.

Megjithatë, numërimi mbrapsht ka mbaruar. Xhiro e parë e sezonit të ri në ligën më të fortë në botë ishte tashmë e suksesshme, dhe Evertoni u mposht me rezultatin 1-0, që është një tregues i një sezoni të mirë në klubin nga Yorkshire.

Në fillim të sezonit të rikthimit, një penallti ishte e mjaftueshme për Leeds, e cila ngriti shumë pluhur në Angli. Ajo u akordua në minutën e 84-të.

Leeds were awarded a penalty against Everton due to a handball from James Tarkowski.

Correct decision? pic.twitter.com/hMg6KOSQHl

— Football on TNT Sports (@footballontnt) August 18, 2025

Gjuajtja nga distanca, e cila shkonte në portën e Evertonit, goditi James Tarkowskin në gjoks dhe në pjesën e sipërme të krahut në të njëjtën kohë. Shumë gjyqtarë nuk do ta cilësonin penallti.

Gjyqtari Chris Kavanagh fillimisht as nuk tregoi me gisht nga pika e bardhë, por ai shikoi pamjet e VAR-it pas një thirrjeje nga dhoma e asistentëve dhe më pas akordoi një penallti për Leeds United.

Lojtari gjerman Lukas Nmecha, i cili hyri në lojë vetëm gjashtë minuta më parë, ishte një lojtar i besueshëm dhe arriti të shënoj golin e fitores 1-0.

Sigurisht, vendimi i gjyqtarit Kavanagh shkaktoi protesta të ashpra nga lojtarët, stafi dhe tifozët e Evertonit në rrjetet sociale. Më i zhurmshmi ishte Tarkowski, i cili nuk mund ta pranonte vendimin duke ditur se në cilin vend të trupit të tij ndjeu kontaktin me topin. /Telegrafi/

The post Dy vjet e gjysmë pritje për fitoren e diskutueshme, penalltia në Ligën Premier shkaktoi shumë debat appeared first on Telegrafi.

Pasi dukej se ishte në prag të largimit nga Atalanta, Ademola Lookman tani është e vendosur të qëndrojë me klubin La Dea deri pas sezonit 2025/26.

Sipas Sky Sport, Lookman mund të jetë i disponueshëm për trajnerin e ri Ivan Juric që në ndeshjen hapëse të sezonit të Serie A të skuadrës nga Bergamo këtë fundjavë kundër Pisas.

Për më tepër, Interi, i cili ishte lidhur fort si favorit për të nënshkruar me Lookman, ia ka komunikuar zyrtarisht vendimin e tyre Atalantës për t’u tërhequr nga gara për sulmuesin nigerian.

Eksperti i transferimeve Fabrizio Romano konfirmon gjithashtu se përfaqësuesit e lojtarit tani janë të informuar plotësisht mbi situatën.

Romano sugjeron që ndërsa Atletico Madrid ende ka interes për ish-sulmuesin e Fulham, aktualisht nuk ka bisedime midis klubeve ose përfaqësuesve.

Prandaj, Lookman do të kthehet te Atalanta dhe pavarësisht se deklaroi publikisht dëshirën e tij për t’u larguar nga klubi këtë verë, nuk duket më se do ta bëjë këtë.

Sigurisht, kanë mbetur edhe dy javë deri në afatin e transferimeve dhe dëshira e lojtarit për t’u larguar mund ta mbajë derën hapur për një klub të interesuar për ta rrëmbyer atë, nëse ata përmbushin çmimin e kërkuar nga Atalanta. /Telegrafi/

The post Interi njofton Atalantan me vendimin përfundimtar rreth Lookman appeared first on Telegrafi.

Falë largimeve të një numri të madh lojtarësh, Barcelona arriti të çlirojë një sasi të konsiderueshme parash në buxhet, gjë që do të mundësojë regjistrimin e lojtarëve të rinj.

Inigo Martinez është lojtari i pestë që largohet nga klubi dhe ai do ta zëvendësojë Kataluninë me Arabinë Saudite.

Duke marrë parasysh që rregulli 1 me 1 ende nuk vlen për klubin, d.m.th. që çdo shpenzim që zgjidhet mund të llogaritet si pjesë e buxhetit, Barcelona nuk do të jetë në gjendje ta përfshijë plotësisht pagën e tij prej 14 milionë eurosh në “fair play”, por do të jetë në gjendje të llogarisë 60 për qind të asaj shume ose rreth 8.4 milionë euro.

Pau Victor u solli katalunasve pothuajse tre milionë euro me transferimin e tij te Braga, Pablo Torre 3.5 milionë euro me largimin e tij te Mallorca, Ansu Fati me rreth 8 milionë euro me transferimin e tij te Monaco, me kursime shtesë në pagën e Clement Lenglet pas transferimit të tij te Atletico Madrid.

Lexo po ashtu Ter Stegen nënshkruan raportin mjekësor që i lejon Barcelonës të regjistrojë lojtarë – klubi ia kthen shiritin e kapitenit

Hapat e fundit për të regjistruar lojtarë të rinj varen nga gjëra që nuk janë më nën kontrollin e klubit, siç është miratimi i auditorëve për të dhënë llogari për 100 milionë euro nga vendet VIP ose ndonjë marrëveshje e minutës së fundit.

Gjithashtu interesante është ndihma nga Republika Demokratike e Kongos, e cila do t’i sjellë klubit dhjetë milionë euro në vit për katër vitet e ardhshme. /Telegrafi/

The post Barcelona doli nga problemet financiare falë transferimeve dhe të ardhurave nga Kongo appeared first on Telegrafi.

Sulmuesi kosovar, Fatjon Bunjaku, në një intervistë për portalin Telegrafi.com, ka rrëfyer prapaskenat e transferimit të tij nga FC Malisheva te AF Elbasani, pritjen që i është bërë në klubin shqiptar dhe pritshmëritë e trajnerit Ivan Gvozdenovic. Ai ka folur gjithashtu për synimet ambicioze këtë sezon, arsyet pse nuk u realizuan ofertat nga Rumania, idhullin e tij në futboll dhe ëndrrën për të veshur fanellën e Kombëtares A të Kosovës.

Pas një sezoni të shkëlqyer me FC Malishevën dhe paraqitjeve të spikatura në Ligën e Konferencës, por edhe më parë në futbollin e Kosovës, Fatjon Bunjaku ka nisur aventurën e tij të parë jashtë Kosovës me fanellën e AF Elbasanit.

Bunjaku ka treguar se transferimi te AF Elbasani ishte rezultat i punës së tij të palodhur dhe formës së mirë që tërhoqi vëmendjen e drejtuesve shqiptarë. Pas bisedimeve mes klubeve dhe përfaqësuesit të tij, marrëveshja u finalizua shpejt, duke i hapur rrugën një kapitulli të ri në karrierën e tij. Ai u prit me krahë hapur nga shokët e skuadrës, stafi dhe trajneri Gvozdenovic, i cili pret shumë nga ai.

Lexo po ashtu Konfirmohet lajmi i Telegrafit, Fatjon Bunjaku prezantohet te Elbasani

“Transferimi im te Elbasani erdhi si rezultat i paraqitjeve të mira individuale me klubin e FC Malishevës, duke shtyrë drejtorin sportiv të AF Elbasanit, Elton Guranjakun të kontaktoj me mua qysh para përfundimit te sezonit. Por, pasi përfunduam ndeshjet në Ligën e Konferencës me skuadrën e Malishevës, unë lajmërova përfaqësuesin tim, Labinot Talla, që të flas me klubin e Malishevës dhe të gjejmë një zgjidhje që i kënaq të dyja palët. Pas bisedimeve me klubin e FC Malishevës dhe AF Elbasanit, ne gjetëm një rrugë së bashku dhe finalizuam transferimin”, ka thënë fillimisht Bunjaku për Telegrafin.

“Pritja në ekipin e AF Elbasanit ishte tepër e mire si nga lojtarët, stafi i trajnerëve, drejtuesit e klubit, por po ashtu edhe nga trajneri Ivan Gvozdenovic, i cili ka pritshmëri mjaft të mëdha nga unë këtë sezon”, shtoi vushtrriasi.

Synimet e tij janë të qarta: pjesëmarrja në garat evropiane për të tretin vit radhazi dhe, pse jo, lufta për titullin kampion me Elbasanin. Me ofertat e dështuara nga Rumania pas Ligës së Konferencës, Bunjaku ka zgjedhur të fokusohet te projekti i ri në Shqipëri, duke u frymëzuar nga idhulli i tij Cristiano Ronaldo, por duke ruajtur stilin personal.

“Synimet e mia me klubin e Elbasanit janë sigurisht dalja në Evropë pasi që kam dy vite radhazi që e arrij këtë gjë me ekipin që kam qenë dhe pse jo të synojmë  diçka shumë të madhe për klubin që është titulli kampion. Për synimet e mia individuale ashtu si çdo sulmues pretendoj të shënoj gola dhe ti ndihmoj ekipit me asistime”.

“Kisha marrë dy oferta nga Rumania pas ndeshjes se parë në Ligën e Konferencës kundër Vikingur nga përfaqësuesi im Labinot Talla, nga klubi UTA në Superligë dhe Sepsi në Ligën e Parë, por që dështuan pasi që klubi UTA nuk kishte mundësi të paguante kartonin tim të plotë pa mundësi përqindjeje kurse pas bisedave të gjata me përfaqësuesin tim Labinot Talla ne vendosem që mos të shkoj në Sepsi pasi ka qenë në Ligën e Parë”, nënvizoi 21-vjeçari.

“Lojtari im i preferuar është Cristiano Ronaldo, dhe gjatë gjithë karrierës sime kam përcjell atë si luan, por që nuk e kam kopjuar dhe aq shumë. Unë jam Fatjoni, kam stilin tim të të luajturit dhe dua te mbahem mend për lojën time dhe si Fatjon Bunjaku”.

Paraqitjet me Kosovën U21 i kanë dhënë shtysë për të ëndërruar një thirrje nga Kombëtarja A në të ardhmen e afërt.

“Po kam bërë paraqitje të mira me Kosovën U21 dhe jam krenar, dhe po në të ardhmen pres ftesë edhe nga Kombëtarja A për ndeshje zyrtare apo miqësore”, përfundoi sulmuesi kosovar. /Telegrafi/

The post Fatjon Bunjaku: Nga Malisheva te Elbasani – synon Evropën dhe ëndërron Kombëtaren e Kosovës appeared first on Telegrafi.

Mesfushori i Paris Saint-Germain, Vitinha, beson se shoku i tij i skuadrës, Ousmane Dembele, është kandidati më i merituar për Topin e Artë këtë vit.

Topi i Artë 2025 ka ngjall shumë debat në mesin e dashamirëve të futbollit, të cilat kanë mendime të ndryshme rreth fituesit.

Revista prestigjioze, France Football, e cila e ndan çmimin më të madh individual ka publikuar tashmë 30 futbollistët e nominuar për Topin e Artë.

PSG përfaqësohet me nëntë lojtarë, pasi fituan Ligën e Kampionëve dhe trofetë vendor dhe një futbollistë i tyre shihet si fituesi më i mundshëm.

Lexo po ashtu Ronaldo befason me përgjigjen kur pyetet se kush do ta fitojë Topin e Artë 2025

“Të gjithë ëndërrojnë që një ditë të fitojnë Topin e Artë. Nëse e fitoj këtë çmim, do të jetë e pabesueshme. Do të ishte e mrekullueshme ta ngrija trofeun”, ka thënë fillimisht Vitinha për Ligue 1+.

“Por, mendoj se Ousmane Dembele e meriton më shumë. Ai ishte lojtari që na frymëzoi dhe na udhëhoqi drejt trofeve sezonin e kaluar. Ai është një nga ata që me të vërtetë e meriton çmimin”, përfundoi mesfushori portugez.

Ndryshe, ceremonia e Topit të Artë 2025 do të mbahet me 22 shtator në Théâtre du Châtelet të Parisit. /Telegrafi/

The post Vitinha e do Topin e Artë, por mendon se një futbollist i PSG-së e meriton më shumë appeared first on Telegrafi.

Klubi anglez, Manchester United ka konfirmuar zyrtarisht transferimin e sulmuesit Benjamin Sesko nga RB Leipzig.

Djajtë e Kuq kanë kryer edhe transferimin e tretë në fazën sulmuese këtë verë, duke përforcuar shumë këtë repart.

Pas Mattheus Cunha dhe Bryan Mbeuema, Unitedi ka transferuar edhe Seskon, me njoftimin që ka ardhur zyrtarisht sot (e shtunë) nga faqet zyrtare.

Transferimi i Seskos thuhet se ka kushtuar 76.5 milionë euro plus 8.5 milionë euro bonuse.

Welcome to United, Benjamin!

@Snapdragon x #ShotOnSnapdragon https://t.co/lORWhh0teQ pic.twitter.com/HeC2TB2gO9

— Manchester United (@ManUtd) August 9, 2025

“Manchester United ka kënaqësinë të konfirmojë se Benjamin Sesko i është bashkuar klubit, me kusht që të përfundojë regjistrimi”.

“Slloveni ka nënshkruar një kontratë deri në qershor të vitit 2030”, thuhet në njoftim.

He’s here!

Benjamin Sesko is officially a Manchester United player!

— Manchester United (@ManUtd) August 9, 2025

Ndryshe, gjatë dy sezoneve të fundit, Sesko ka shënuar më shumë gola se çdo lojtar nën moshën 23 vjeç në pesë ligat kryesore të Evropës. 22-vjeçari shënoi 21 gola dhe regjistroi gjashtë asistime për RB Leipzig gjatë sezonit të fundit.

Ai ka luajtur 41 ndeshje dhe ka shënuar 16 gola për Slloveninë që kur u bë debutuesi më i ri i vendit të tij në vitin 2021. /Telegrafi/

The post Zyrtare: Benjamin Sesko, lojtar i ri i Man Utd appeared first on Telegrafi.