Policia e Kosovës ka bërë të ditur se sot është arrestuar një person i dyshuar për përfshirje në një rast të vjedhjes së rëndë që kishte ndodhur një ditë më parë në qytetin e Gjilanit.

Sipas zëdhënësit të Policisë për Rajonin e Gjilanit, Valon Osmani, njësitet e Hetimeve të Stacionit Policor në Gjilan, pas një hetimi intensiv dhe veprimeve të koordinuara, kanë arritur ta identifikojnë dhe arrestojnë të dyshuarin A.Sh. (1986, mashkull kosovar), për përfshirje në këtë rast.

“Arrestimi është bërë pas sigurimit të provave të besueshme se i njëjti më 22 qershor 2025 kishte depërtuar me forcë në një objekt ndërtimi në rrugën ‘Marie Shllaku’ në Gjilan dhe kishte vjedhur disa mjete pune”, tha Osmani për Telegrafin.

Mjetet e vjedhura janë gjetur dhe janë konfiskuar nga Policia, ndërsa më pas janë kthyer tek pronari legjitim. Ndaj të dyshuarit është iniciuar kallëzim penal për veprën penale “Vjedhje e rëndë”, ndërsa rasti është proceduar në Prokurorinë Themelore./Telegrafi/

The post Arrestohet një person në Gjilan për vjedhje të rëndë, konfiskohen mjetet e vjedhura appeared first on Telegrafi.

Anamorava po përjeton një javë me mot të luhatshëm, por kryesisht të qëndrueshëm pranveror. Temperaturat në të gjitha komunat e rajonit do të shënojnë rritje të lehtë gjatë ditëve në vijim, me reshje të pakta dhe alternime mes diellit dhe vranësirave.

Ndërkohë që mëngjeset mbeten të freskëta, dita premton ngrohtësi, duke e bërë javën e fundit të majit të përshtatshme për aktivitete në ambient të hapur dhe punë bujqësore.

Moti në Gjilan

Në Gjilan, java nis me mot të kthjellët dhe temperatura që do të arrijnë deri në 21°C, ndërsa mëngjeset do të jenë më të freskëta me rreth 6-8°C. Nga mesi i javës parashihen vranësira të herëpashershme, por pa reshje të konsiderueshme.

Moti në Kamenicë

Kamenica do të përjetojë ngjashëm me Gjilanin një javë me alternime mes diellit dhe vranësirave. Temperaturat maksimale do të shkojnë deri në 20-21°C, ndërsa ato minimale do të sillen rreth 7°C. Priten ditë të qeta pa ndikime të theksuara atmosferike.

Moti në Kllokot

Në Kllokot moti do të jetë pjesërisht i vranët përgjatë javës, me temperatura që luhaten mes 8°C në mëngjes dhe 19-20°C gjatë ditës. Parashikimet nuk tregojnë reshje të mëdha, megjithëse vranësirat do të jenë prezente në disa ditë.

Moti në Partesh

Edhe në Partesh moti do të pasqyrojë një pamje të ngjashme – fillimi i javës sjell kthjellime dhe temperatura të këndshme, ndërsa në vijim parashihen alternime me vranësira. Termometri do të shënojë deri në 20°C, ndërsa orët e hershme të mëngjesit do të sillen rreth 8°C.

Moti në Ranillug

Moti në Ranillug parashihet të jetë stabil, me pak ndryshime përgjatë javës. Temperaturat do të variojnë nga 8°C në mëngjes në 19-20°C gjatë ditës. Vranësirat do të shfaqen kryesisht pasditet, por nuk priten reshje domethënëse.

Moti në Viti

Vitia do të ketë një javë me kushte të mira atmosferike. Nga dita e hënë, temperatura do të shënojë rritje graduale deri në 20°C, ndërsa mëngjeset do të mbeten të freskëta në rreth 8°C. Moti i pjesshëm me re mund të shoqërohet me reshje të lehta në fundjavë. /Telegrafi/

The post Java e fundit e majit sjell kthjellime dhe ngrohtësi të lehtë appeared first on Telegrafi.

Ka përfunduar sezonin 2024/25 në Albi Mall Superligën e Kosovës, me disa nga skuadrat e mëdha që befasuan të gjithë në këtë sezon.

Drita si kampione e mbylli sezonin me fitore, duke triumfuar 4-1 në shtëpi përballë Feronikeli ’74.

Ballkani që e mbyll këtë edicion në vendin e dytë barazoi përballë rivalit lokal Suharekës, me rezultat 2-2, ndërsa ishte me një lojtar më pak në fushë, pasi Bernard Karrica u përjashtua me kartonin e dytë të verdhë në minutën e 43-të.

Malisheva ia doli të siguronte kualifikimin në fazën kualifikuese të ligës në Ligën e Konferencës, duke i mjaftuar barazimin 2-2 me Prishtinën në stadiumin “Fadil Vokrri”.

Gjilani dhe Ferizaj po ashtu i ndanë pikë, duke barazuar 2-2, përkundër se mysafirët kërkonin kualifikimin në Evropë, por që atë vend e mori Malisheva.

Llapi ia doli të siguronte zonën e barazhit me fitoren 3-1 në shtëpi përballë Dukagjinit, ndërsa pas pak ditësh do të përballet me Vushtrrinë, nëse do të qëndrojë në elitë apo do të garojë në Ligën e Parë.

Drita do të luajë në kualifikimet për në fazë të ligës së Ligën e Kampionëve, Ballkani dhe Prishtina që fitoi Kupën e Kosovës, do të luajnë në kualifikimet për në fazën e ligës në Ligën e Evropës dhe Malishva që luanë në kualifikimet për në fazën e ligës në Ligën e Konferencës.

Nga liga kanë rënë Suhareka dhe Feronikeli ’74, derisa promovimin e kanë siguruar direkt Prishtina e Re dhe Drenica. /Telegrafi/

The post Përfundon sezonin 24/25 në Superligën e Kosovës: Përcaktohen vendi për Evropë dhe ai për barazh appeared first on Telegrafi.

Në stadiumin e Gjilanit së shpejti pritet të fillojnë punimet për vazhdimin e rindërtimit.

Organi Shqyrtues i Prokurimit ka marrë vendim lidhur me ankesat e paraqitura për tenderin e stadiumit në Gjilan, duke refuzuar njërën dhe miratuar pjesërisht tjetrën.

E tanimë nuk do të ketë pengesa, pasi kontrata është nënshkruar dhe së shpejti pritet të nisin punimet.

Ka qenë i pari i Komunës së Gjilanit, Alban Hyseni që ka konfirmuar se kontrata është nënshkruar dhe së shpejti do të shihemi në stadiumin e ri.

Njoftimi i plotë nga Alban Hyseni (pa ndërhyrje):

U NËNSHKRUA KONTRATA për Stadiumin e Gjilanit!

Shumë shpejt nisin punimet dhe nis edhe një epokë e re për sportin në Gjilan.

Urime të gjithë sportdashësve dhe sportistëve, ky është stadiumi që e kemi meritu prej kohësh!

Shpejt, shumë shpejt… shihemi në stadiumin e ri! /Telegrafi/

The post “Shumë shpejt, shihemi në stadiumin e ri” – Alban Hyseni i jep lajmin e madh gjilanasve për stadiumin e qytetit appeared first on Telegrafi.

Anamorava do të përjetojë një javë pranverore me mot të ndryshueshëm. Alternimi mes ditëve me diell dhe reshjeve të shkurtra pritet të jetë karakteristikë e kësaj periudhe. 

Në vazhdim keni analizën e motit për rajonin e Anamoravës;

Moti në Gjilan

Gjilani do të përjetojë mot të ngrohtë dhe të alternuar. Temperaturat ditore luhaten nga 10°C në mëngjes deri në 23°C gjatë ditës. Moti fillon me ditë të kthjellëta, ndërsa në mesjavë priten vranësira dhe reshje lokale, kryesisht pasdite. Fundjava sjell përmirësim me kthjellime dhe mot të qëndrueshëm.

Moti në Kamenicë

Në Kamenicë, moti është i qëndrueshëm me temperatura mes 9°C – 22°C. Reshjet janë të mundshme në ditën e katërt apo të pestë, ndërsa në pjesën tjetër të javës dominon dielli. Vranësirat kalimtare nuk pritet të ndikojnë ndjeshëm në ndjesinë termike.

Moti në Kllokot

Kllokoti karakterizohet nga një klimë më e qetë. Temperaturat ditore sillen rreth 10°C në mëngjes dhe deri në 21°C gjatë ditës. Reshjet e shkurtra priten vetëm një ditë gjatë javës. Klima mbetet e përshtatshme për aktivitete të jashtme, me lagështi të ulët dhe erë të lehtë.

Moti në Partesh

Në Partesh, temperaturat janë të ngjashme me ato të Kllokotit: nga 9°C në mëngjes deri në 21°C gjatë ditës. Reshjet janë të pranishme për një apo dy ditë, ndërsa pjesa tjetër e javës dominohet nga mot i kthjellët. Rrezatimi diellor pritet të jetë i fortë, andaj këshillohet kujdes gjatë orëve të mesditës.

Moti në Ranillug

Ranillugu përjeton mot pak më të paqëndrueshëm. Temperaturat variojnë nga 9°C – 22°C, me reshje të mundshme në mesin e javës dhe kthjellim pas saj. Pritet lagështirë e shtuar gjatë mëngjeseve, ndërsa pasditet janë më të ngrohta.

Moti në Viti

Vitia qëndron në krye të listës për temperaturat më të larta – nga 11°C në mëngjes deri në 24°C në ditët më të nxehta. Reshjet janë të pakta, të përqendruara në ditën e katërt, ndërsa pjesa tjetër e javës mbetet nën ndikimin e diellit dhe motit stabil.

The post Anamorava nën ndikimin e motit të ndryshueshëm – temperaturat rriten gradualisht appeared first on Telegrafi.

Sot (e shtunë) është planifikuar të zhvillohen të gjitha ndeshjet e vlefshme për xhiron e 35-të në Albi Mall Superligën e Kosovës.

Superliga e Kosovës po shkon drejt fundit pasi sot zhvillohet xhiro e parafundit dhe garat është ende shumë e hapur dhe e zjarrtë për një vend që dërgon në Evropë, për pozitën e barazhit dhe për mbijetesë.

Në këtë kontekst, ndeshja mes Malishevës dhe Suharekës mund të jetë më interesantja, pasi vendasit synojnë të bëjnë thuajse hapin final për të siguruar pozitën e tretë dhe Evropën, teksa mysafirët me një fitore do të shpresonin shumë të kapnin pozitën e barazhit.

Po kaq interesant është situata edhe në ndeshjen mes Dukagjinit dhe Ferizajt, ku klinasit synojnë fitore për të siguruar thuajse qind për qind mbijetesën, ndërsa ferizajasit duan tri pikët për të pritur pastaj gabimin e Malishevës për t’ia rrëmbyer pozitën e tretë.

Prishtina do të synoj vetëm fitoren në udhëtim te Feronikeli ’74 pasi tri pikët do t’ia siguronin përfundimisht mbijetesën, ndërsa mysafirët tash e disa javë veçse kanë rënë matematikisht nga kategoria.

Sot zhvillohet edhe derbi i madh i Anamoravës mes Gjilanit dhe Dritës, ku fitorja është imperativ vetëm për vendasit e kuq pasi janë ende në garë për pozitën e tretë që i dërgon në Evropë, ndërsa bardhekaltrit tashmë janë shpallur kampion të Kosovës këtë edicion.

Në ndeshjen e fundit, por jo nga rëndësia, Llapi do të kërkoj pikë jetike në udhëtim te Ballkani, i cili ka siguruar pozitën e dytë, ndërsa për llapjanët një humbje do ta rrezikonte shumë qëndrimin e tyre në elitë.

Të gjitha ndeshjet është paraparë të fillojnë nga ora 16:00. /Telegrafi/

The post Luhet për Evropë, barazh dhe mbijetesë – sot zhvillohen të gjitha përballjet e xhiros së 35-të appeared first on Telegrafi.

Rajoni i Anamoravës pritet të përjetojë një mot të ndryshueshëm gjatë javës së ardhshme.

Parashikimet tregojnë për ditë të ngrohta pranverore me diell, të ndërprera herë pas here nga reshje të lehta dhe rrebeshe lokale, veçanërisht në mesjavë.

Moti në Gjilan

Në Gjilan, moti do të jetë i ngrohtë dhe me diell në fillim të javës, me temperatura që arrijnë deri në 22°C. Megjithatë, nga e marta priten reshje shiu dhe rrebeshe të shkurtra, me temperatura që zbresin në 16°C. Ka paralajmërime për stuhi lokale dhe reshje intensive në mesjavë, ndaj rekomandohet kujdes i shtuar gjatë kësaj periudhe.

Moti në Kamenicë

Kamenica do të përjetojë një mot të qëndrueshëm në fillim të javës, me temperatura që variojnë nga 17°C në mëngjes deri në 21°C në mesditë. Reshje të pakta janë të mundshme në fundjavë, por pjesa më e madhe e ditëve do të jetë me diell dhe me erëra të lehta.

Moti në Kllokot

Në Kllokot, moti do të jetë stabil dhe i ngrohtë për shumicën e ditëve, me temperatura që luhaten midis 18°C dhe 23°C. Rrebeshe të izoluara janë të mundshme rreth ditës së 6-të, por pa ndikim serioz në aktivitetet ditore. Dielli do të dominojë shumicën e periudhës.

Moti në Partesh

Parteshi do të ketë mot të butë dhe pjesërisht të vranët përgjatë kësaj periudhe, me temperatura që variojnë nga 18°C deri në 22°C. Reshje të shkurtra parashikohen rreth ditës së 7-të, ndërsa ditët e tjera mbeten kryesisht të thata dhe të përshtatshme për aktivitete në natyrë.

Moti në Ranillug

Ranillugi pritet të ketë mot të butë, me temperatura që qëndrojnë kryesisht ndërmjet 17°C dhe 21°C. Reshje të pakta mund të shfaqen në ditën e 5-të dhe të 9-të, kryesisht në formë të rrebesheve të shkurtra. Pjesa tjetër e ditëve mbetet me diell ose pjesërisht të vranët.

Moti në Viti

Në Viti, moti do të jetë i ngrohtë pranveror, me temperatura që kapin deri në 24°C në ditët më të ngrohta. Vetëm dy herë gjatë këtyre 10 ditëve priten reshje të lehta, ndërsa pjesa tjetër e periudhës do të karakterizohet me mot të kthjellët dhe erë të lehtë. /Telegrafi/

The post Parashikimi i motit për Anamoravën – ditë të ngrohta dhe reshje të papritura appeared first on Telegrafi.

Java e 33-të e Superligës së Kosovës solli disa barazime të rëndësishme dhe një fitore në udhëtim, duke e bërë edhe më të paqartë luftën për garat evropiane dhe mbijetesë.

Ndeshja kryesore ndërmjet Ballkanit dhe Dritës përfundoi 1-1, një rezultat që nuk ndryshoi shumë, pasi gjilanasit u shpallën kampion më herët.

Po ashtu, Llapi dhe Ferizaj ndanë pikët me rezultat të njëjtë 1-1, ku kësaj radhe dy skuadrat kanë pretendime të ndryshime.

Gjilani dhe Malisheva nuk arritën të gjenin rrjetën duke përfunduar 0-0, ku në fundin e ndeshjes, Oltion Bilalli i Gjilani u lëndua dhe vazhdon të jetë në QKUK për trajtim.

Edhe takimi mes Dukagjinit dhe Prishtinës mbaroi pa gola, edhe pse rastet nuk munguan.  Fitore e vetme e javës u regjistrua në Drenas, ku FC Suhareka triumfoi 3-1 ndaj Feronikelit 74, për të shpresuar për mbijetesë.

Në renditje, Drita vazhdon të kryesojë me 70 pikë, e ndjekur nga Ballkani me 58. Malisheva dhe Ferizaj ndajnë vendin e tretë me nga 49 pikë, ndërsa Gjilani (46) dhe Prishtina (44) qëndrojnë pas tyre.

Dukagjini dhe Llapi janë në luftë për t’i ikur barazhit me 42 dhe 41 pikë respektivisht.

Suhareka, me fitoren e fundit, ka grumbulluar 36 pikë. Në fund të tabelës mbetet Feronikeli 74 me vetëm 15 pikë.

Në xhiron e 34-të takohen: Prishtina – Gjilani, Drita – Dukagjini, Suhareka – Llapi, Ferizaj – Ballkani, Malisheva – Feronikeli 74. /Telegrafi/ 

The post Rezultatet dhe renditja pas javës së 33-të në Superligën e Kosovës: Katër barazime e bëjnë të paqartë luftën për kreun dhe mbijetesën appeared first on Telegrafi.

Mesfushori i Gjilanit, Oltion Bilalli është zgjuar sot (e enjte) me vetëdije dhe gjendje të përmirësuar shëndetësore.

Bilalli ka pësuar një lëndim serioz gjatë ndeshjes ndërmjet Gjilanit dhe Malishevës të martën, pas një dueli në ajër me portierin Ilir Avdyli.

Ai është detyruar të largohet nga fusha me autoambulancë, duke u dërguar menjëherë në spitalin e qytetit të Gjilanit, për trajtim të mëtutjeshëm dhe pastaj në QKUK në Prishtinë.

Lexo po ashtu “Forca Olti, të gjithë jemi me ty” - të gjitha klubet njëzëri i urojnë shërim lojtarit të Gjilanit 

Ai pësoi një gjakderdhje të brendshme në kokë dhe këto dy ditë kanë qenë të vështira për të, edhe pse është raportuar se ai është jashtë rrezikut për jetën.

Megjithatë, gjatë ditës së sotme (e enjte) ka ardhur një lajm pozitiv, ku lojtarit të ri i është kthyer vetëdija dhe ka njoftuar të afërmit e tij.

“Po, Oltioni është zgjuar, tani ka vetëdije dhe ka njoftuar të afërmit e tij. Momentalisht ende gjendet në intensive”, ka thënë një burim i afërt i lojtarit për Telegrafin. /Telegrafi/

The post Përmirësohet gjendja e Oltion Bilallit, i kthehet vetëdija appeared first on Telegrafi.

Gjilani dhe Malisheva do të përballen në kuadër të xhiros së 33-të në Albi Mall Superligë.

Dy skuadrat kanë vetëm një objektiv, daljen në Evropë përmes vendit të tretë dhe diferenca është vetëm tre pikë me Gjilanin që ndodhet pas Malishevës.

Fitorja vlen shumë, si për vendasit ashtu edhe për mysafirët.

Bardhekuqët synojnë tre pikët për t’u barazuar me Malishevën, derisa mysafirët duan pikët e plota për ta blinduar pozitën e tretë.

Tanimë dy trajnerët, Ardian Nuhiu dhe Bekim Isufi kanë publikuar formacionet zyrtare me të cilët do të luajnë në këtë sfidë.

Formacionet zyrtare:

Gjilani: Bllaca, Kqiku, Roganovic, Arago, Ibrahimi, Shabani, Taipi, Prapashtica, Basa, Jarovic, Aganspahic.

Malisheva: Avdyli, Pira, Xhaka, Prekazi, Veliu, Brruti, Ndjigi II, Vitija, Hazrollaj, Xhylani, Bunjaku.

/Telegrafi/

The post Gjilani dhe Malisheva kërkojnë fitore për Evropën, formacionet zyrtare appeared first on Telegrafi.

Janë zhvilluar të gjitha ndeshjet e javës së 32-të në Albi Mall Superligën e Kosovës në futboll, me disa rezultate që ndikuan drejtpërdrejt në renditjen përfundimtare të sezonit.

Ndeshja kryesore e javës doli të jetë ajo mes Dritës dhe Llapin, ku gjilanasit fituan me rezultat 1-0, falë golit të Iljesa Zylfiut, duke e konfirmuar titullin e kampionit matematikisht.

Prishtina shënoi fitore të rëndësishme në derbi ndaj Ballkanit me rezultat 1-0, duke bërë hap të madh drejt mbijetesës.

Në ndeshjet tjera, Gjilani triumfoi 3-2 ndaj Feronikelit 74, në një ndeshje me shumë kthesa.

Malisheva dhe Dukagjini ndanë pikët me rezultat 1-1, duke mbetur në luftë për objektiva të ndryshëm. Ferizaj fitoi si mysafir ndaj Suharekës me rezultat 2-1, një fitore jetike në garën për Evropë.

Pas 32 javësh, Drita kryeson tabelën me 69 pikë dhe është kampion i Kosovës, kur kanë mbetur edhe katër xhiro deri në fund.

Ballkani ndodhet në vendin e dytë me 57 pikë, pozitë që duket e siguruar. Malisheva dhe Ferizaj ndajnë pozitën e tretë me nga 48 pikë, duke luftuar për biletën evropiane.

Gjilani me 45 pikë dhe Prishtina me 43 pikë ende shpresojnë në garën për Evropë. Dukagjini dhe Llapi me nga 41 dhe 40 pikë do të luftojnë deri në fund për të siguruar mbijetesën dhe për ti ikur barazhit.

Suhareka me 33 pikë është shumë pranë rënies, ndërsa  Feronikeli 74 tashmë ka rënë nga liga, me vetëm 15 pikë.

Në xhiron e ardhshme, atë të 33-të takohen: Gjilani – Malisheva, Dukagjini – Prishtina, Feronikeli 74 – Suhareka, Llapi – Ferizaj, Ballkani – Drita. /Telegrafi/ 

The post Rezultatet dhe renditja pas javës së 32-të në Superligën e Kosovës: Drita kampion matematikisht, luftë e nxehtë për Evropë dhe mbijetesë appeared first on Telegrafi.

Elita e futbollit kosovar, Albi Mall Superliga është futur në fazën finale dhe vazhdon të mbetet gjithçka e paqartë.

Titulli, Evropa dhe mbijetesa vazhdon të jetë ende e hapur me nëntë skuadra që vazhdojnë të jenë brenda objektivave që kishin në fillim të sezonit.

E vetmja skuadër pa objektiva është Feronikeli ’74, që tanimë edhe matematikisht ka rënë nga Superliga, por që po vazhdon të respektoj kampionatin duke luajtur fort ndaj të gjitha skuadrave.

Titulli mund të mbyllet këtë javë, por edhe mund të vazhdoj drama. Drita aktualisht ka nëntë pikë më shumë se Ballkani kur kanë mbetur edhe pesë xhiro për t’u zhvilluar deri në fund të kampionatit.

Gjilanasit shpresojnë ta mbyllin çështjen e titullit këtë xhiro dhe kjo arrihet vetëm nëse mposhtin Llapin dhe Ballkani humbet nga Prishtina. Nëse ndodh e kundërta që Drita të humbas dhe Ballkani të fitoj, atëherë edhe çështja e titullit do të jetë edhe më e zjarrtë, pasi pas dy javëve dy skuadrat takohen në Suharekë.

Drita deri në fund të sezonit do t’i luaj edhe pesë ndeshje, ku tre nga to i luan në shtëpi ndaj Llapit, Dukagjinit dhe Feronikelit ’74, ndërsa ndeshjet në udhëtim i ka ndaj Ballkanit dhe Gjilanit.

Nga ana tjetër Ballkani ka tre ndeshje në udhëtim dhe dy në shtëpi. Kampioni në fuqi i Kosovës që ka 57 pikë, nëntë më pak se lideri Drita luan ndaj Prishtinës, Ferizajt dhe Suharekës në udhëtim dhe para adhuruesve të vet pret Dritën dhe Llapin.

Gara e nxehtë për pozitën e tretë, por edhe për t’i ikur barazhit dhe t’iu shmangur rënies

Përveç Dritës dhe Ballkanit që po luftojnë për titullin, pjesa tjetër e skuadrave po luftojnë për pozitën e tretë, t’i shmangën rënies ose barazhit.

Nga Malisheva që është e treta në tabelë me 47 pikë te Dukagjini që është e teta në tabelë (pozitë që i dërgon skuadrat në barazh) me 40 sosh janë vetëm shtatë pikë diferencë.

Suhareka është e nënta me 33 pikë dhe ndodhet në një pozitë më të vështirë, pasi objektivi është vetëm t’i shpëtoj rënies dhe gjasat për Evropë janë thuajse të pamundura.

Malisheva rrezikun më të madh e ka nga Ferizaj, pasi ndodhet vetëm dy pikë mbrapa, por edhe nga Gjilani me pesë sosh.

Skuadra e Bekim Isufit në pesë ndeshjet e fundit në kampionat luajnë tri në shtëpi ndaj Dukagjinit, Feronikelit dhe Suharekës, derisa në udhëtim përballen me Gjilanin dhe Prishtinën.

Në pozitën e katërt është Ferizaj me 45 pikë, por kjo skuadër do t’i luaj tre ndeshje në udhëtim ndaj Suharekës, Llapit dhe Dukagjinit, derisa pret në shtëpi Ballkanin dhe në fund Gjilanin.

Gjilani është një tjetër skuadër që kërkon Evropën, por edhe t’i shmanget barazhit. ‘Skifterat’ do të përballen me Feronikelin, Prishtinën dhe Ferizajn në udhëtim, por para adhuruesve të vet presin Malishevën dhe Dritën.

Llapi, Prishtina dhe Dukagjini ndajnë pozitat, gjashtë, shtatë dhe tetë me nga 40 pikë.

Llapjanët në pesë duelet e ardhshme luajnë ndaj Dritës në udhëtim, presin Ferizajn, përballen me Suharekën dhe Ballkanin jashtë shtëpisë dhe në fund kanë duelin direkt me Dukagjinin.

Prishtina do të luaj tre sfida në shtëpi dhe dy të tjera në udhëtim. Kryeqytetasit presin Ballkanin, Gjilanin dhe Malishevën, derisa luajnë jashtë shtëpisë me Dukagjinin në Klinë dhe Feronikelin ’74 në Drenas.

Ndeshje të vështira e presin edhe Dukagjinin, ku skuadra e udhëhequr nga Ismet Munishi përballet në udhëtim me Malishevën, Dritën dhe Llapin, derisa në shtëpi luajnë me Prishtinën dhe Ferizajn.

Suhareka është skuadra që u fut në Superligë me ambicie të mëdha, por tani i duhen pesë fitore në pesë xhirot e fundit për t’iu shmangur rënies. Të besuarit e Mirel Josës do të luajnë në shtëpi me Ferizajn, Llapin dhe Ballkanin, derisa sfidat jashtë shtëpisë i kanë me Feronikelin ’74 dheMalishevën. /Telegrafi/ 

The post Gara për titullin, Evropën dhe mbijetesën – Kush me kë luan në pesë xhirot e fundit në Superligë appeared first on Telegrafi.

Rajoni i Anamoravës do të përballet me një mot të ndryshueshëm gjatë 10 ditëve të ardhshme. Përgjithësisht, pritet mot i ngrohtë pranveror, me periudha të alternuara të diellit dhe reshjeve të shkurtra lokale. 

Më poshtë paraqitet parashikimi për secilin qytet.

Gjilan

Në Gjilan, 10 ditët e ardhshme pritet të karakterizohen me mot të butë dhe periudha të diellta. Temperaturat do të lëvizin nga 18°C deri në 24°C. Rrebeshe të lehta shiu mund të paraqiten gjatë ditëve të 4-ta dhe 8-ta, kryesisht në pasdite. Shumica e ditëve do të jenë të përshtatshme për aktivitete jashtë.

Kamenicë

Kamenica do të përjetojë mot të qetë dhe të qëndrueshëm, me temperatura që variojnë nga 17°C në mëngjes deri në 22°C në mesditë. Vetëm dy ditë gjatë kësaj periudhe pritet të ketë reshje të shkurtra. Pjesa tjetër e ditëve do të jetë kryesisht me diell dhe me erëra të lehta.

Kllokot

Në Kllokot, moti do të jetë stabil dhe i ngrohtë për shumicën e ditëve. Temperaturat do të luhaten midis 18°C dhe 23°C. Rrebeshe të izoluar janë të mundshme rreth ditës së 6-të, por pa ndikim serioz në aktivitetet ditore. Dielli do të dominojë shumicën e periudhës.

Ranillug

Ranillugu pritet të ketë mot të butë, me temperatura që qëndrojnë kryesisht ndërmjet 17°C dhe 21°C. Reshje të pakta mund të shfaqen në ditën e 5-të dhe të 9-të, kryesisht në formë të rrebesheve të shkurtra. Pjesa tjetër e ditëve mbetet me diell ose pjesërisht të vranët.

Partesh

Në Partesh, moti do të jetë i butë dhe pjesërisht i vranët përgjatë kësaj periudhe. Temperaturat do të variojnë nga 18°C deri në 22°C. Reshje të shkurtra parashikohen rreth ditës së 7-të, ndërsa ditët e tjera mbeten kryesisht të thata dhe të përshtatshme për aktivitete në natyrë.

Viti

Vitia do të shijojë mot të ngrohtë pranveror, me temperatura që kapin deri në 24°C në ditët më të ngrohta. Vetëm dy herë gjatë këtyre 10 ditëve priten reshje të lehta, ndërsa pjesa tjetër e periudhës do të karakterizohet me mot të kthjellët dhe erë të lehtë.

Në përgjithësi, moti në Anamoravë për 10 ditët e ardhshme paraqitet i favorshëm, me shumë ditë të ngrohta dhe me diell, të ndërprera herë pas here nga reshje të lehta dhe të shkurtra. /Telegrafi/

The post Anamorava ndërmjet diellit dhe reshjeve – parashikimi i motit që do të shënojë ditët e ardhshme appeared first on Telegrafi.

Gjilani dhe Suhareka kanë publikuar tashmë formacionet zyrtare për ndeshjen e vlefshme për javën e 31-të në Albi Mall Superligën e Kosovës.

Gjilanasit janë nikoqir të therandasve në ndeshjen që pritet të zhvillohet në stadiumin me bari artificial, me fillim nga ora 15:00.

Ekipi i Ardian Nuhiut vjen nga një seri negative prej dy humbjeve dhe një barazimi, kështu që synon t’i kthehet fitores për t’i ikur zonës së rrezikshme.

Në anën tjetër, ekipi i Mirel Josës ka tri humbje dhe një barazim në katër ndeshjet e fundit, por do të shpresojë për pikë pasi me një humbje do humbte thuajse gjasat për shpëtim nga kategoria.

Trajnerët e të dyja ekipeve kanë vendosur të startojnë me formacionet më të mira të mundshme.

Gjilani: Bllaca, Thaqi, Arago, Roganovic, Besa, Prapashtica, Rrahmani, Shabani, Taipi, Ibrahimi, Jarovic. 

Suhareka: Avdimetaj, Zeka, Hasanaj, Memolla, Boshnjaku, Susuri, Berisha, Rexhaj, Kodra, Fetahaj, Stijepovic 

/Telegrafi/

The post Gjilani dhe Suhareka synon pikët jetike, formacionet zyrtare appeared first on Telegrafi.

Ertan Demiri nuk është më drejtor sportiv i Gjilanit.

Ish-futbollisti i famshëm ka qenë pjesë e strukturave të Gjilanit që nga fillimi i sezonit dhe pas rezultateve negative ka dhënë dorëheqje morale.

Ka qenë vet Demiri që ka konfirmuar se është larguar nga Gjilani dhe se këtë dorëheqje ia ka kumtuar edhe presidentit të klubit Fatlum Pirevës.

Njoftimi i plotë nga Ertan Demiri:

Dorëheqje morale!

Të nderuar miq dhe dashamirë të futbollit, në veçanti e nderuara kryesi e klubit SC Gjilani, tifozë, përkrahës dhe mbështetës të klubit. Pas një viti angazhim në postin e drejtorit sportiv – kur përjetuam shumë momente gëzimi, por edhe sfida në ndërtimin dhe hapërimin e klubit drejt përmbushjes së synimeve tona – për shkak të rezultateve të fundit kam vendosur të jap dorëheqje. Këtë
ia kam kumtuar edhe kryetarit të klubit, z. Fatlum Pirevës në takimin e mbrëmshëm.

Mbi të gjitha e falënderoj Zotin e pastaj presidencën e klubit për mbështetjen dhe bashkëpunimin në drejtimin e këtij klubi të madh me tifozeri të jashtëzakonshme.

Ndaj bindjen se me këtë kryetar dhe me këtë tifozëri, SC Gjilani ka para vetes një të ardhme të artë!

Njashtu besoj se puna ime do të japë frytet në të ardhmen dhe do të ngelë një shtyllë shtesë drejt suksesit të klubit.

Forca Gjilan dhe mirupafshim. /Telegrafi/

The post Rezultatet negative, Ertan Demiri jep dorëheqje nga posti i drejtorit sportiv te Gjilani appeared first on Telegrafi.

Ka përfunduar xhiro e 30-të në Albi Mall Superligën e Kosovës, ku edhe këtë javë nuk munguan rezultatet befasuese. 

Lideri Drita mori një fitore të rëndësishme në udhëtim ndaj Suharekës me rezultat 2-1, duke i dhënë këtyre të fundit një goditje të fortë në luftën për mbijetesë. 

Kampioni në fuqi i Kosovës, Ballkani, u ndal me barazim 3-3 në Drenas nga Feronikeli ‘74 që tashmë është përshëndetur me elitën e futbollit kosovar. 

Malisheva u mposht në shtëpi nga Llapi me rezultat 3-1 me djelmoshat e Tahir Batatinës që ishin tejet të disponuar për lojë. 

Prishtina e Arsim Thaçit luajti baras pa gola në stadiumin ‘Fadil Vokrri’ ndaj Ferizajt që po tregohet arrë e fortë këtë edicion. 

Me barazim përfundoi edhe dueli mes Gjilanit dhe Dukagjinit, me këta të parët që barazuan krejt në fund të takimit me Armend Thaçin. 

Drita po vazhdon me hapa të sigurt drejt tiullit me 66 pikë të grumbulluara, ndërsa pas tyre renditet Ballkani me 54 sosh. 

Luftë e madhe po zhvillohet në pjesën e poshtme të tabelës, ku shumë ekipe po tentojnë t’i shmangen barazhit. 

Dukagjini gjendet në pozitën e barazhit apo në të shtatën me 37 sosh, por ata i ndajnë vetëm dy pikë me ekipet e tjera si Gjilani, Llapi dhe Prishtina që kanë nga 39 pikë secila./Telegrafi/

The post Përfundon xhiro e 30-të në Albi Mall Superligë: Drita edhe më afër titullit, luftë e madhe për ikje nga barazhi appeared first on Telegrafi.

Gjilani është nikoqir i Dukagjinit në kuadër të xhiros së 30-të në Albi Mall Superligë.

Dy skuadrat janë në pjesën e poshtme të tabelës dhe nuk iu lejohen gabimet pasi mund të bien nga liga ose të mbesin në barazh.

Vendasit synojnë të rikthehen te fitorja pas dy humbjeve radhazi.

Në anën tjetër klinasit pas barazimit me Suharekën kërkojnë të marrin pikë në Gjilan.

Formacionet zyrtare:

Gjilani: Ballaca, Thaqi, Roganovic, Arago, Ibrahimi, Shabani, Taipi, Basa, Morina, Prapashtica, Jaroviic.

Dukagjini:Margono, Bardhoku, Sinani, Basri, Syla, Xhemajli, Hugo, Pefqeli, Isufi, Merlaku, Elzeaj,

/Telegrafi/

The post Gjilani dhe Dukagjini duan vetëm fitoren, formacionet yrtare appeared first on Telegrafi.

Gjatë dhjetë ditëve të ardhshme, Anamorava do të përjetojë një mot të qëndrueshëm dhe të favorshëm, me temperatura pranverore dhe pa luhatje të mëdha atmosferike. 

Moti në Gjilan

Në Gjilan, parashikimi për dhjetëditëshin e ardhshëm tregon mot të kthjellët me temperatura që do të sillen mes 12°C dhe 24°C. Dita do të jetë e ndriçuar nga dielli, ndërsa netët relativisht të freskëta, pa reshje të dukshme në horizont.

Moti në Kllokot

Kllokoti do të ketë mot të ngjashëm me Gjilanin, me temperatura që do të variojnë nga 14°C deri në 28°C. Qielli do të jetë kryesisht i pastër, ndërsa era e lehtë do të sjellë freski të lehtë gjatë pasditeve.

Moti në Partesh

Në Partesh, temperaturat do të ngjiten deri në 30°C gjatë ditës, ndërsa mëngjeset do të jenë të buta me rreth 16°C. Mungesa e reshjeve dhe kthjelltësia e motit do të krijojnë kushte të mira për bujqësi dhe qëndrime të gjata në natyrë.

Moti në Ranillung

Ranilluni do të përjetojë mot të qëndrueshëm, me temperatura midis 15°C dhe 29°C. Ndonëse pritet ndonjë vranësirë e lehtë, reshje nuk janë të parashikuara, duke mbajtur ditët të thata dhe të ngrohta.

Moti në Viti

Vitia do të ketë mot më të butë krahasuar me komunat e tjera, me temperatura që sillen nga 11°C në mëngjes deri në 23°C gjatë ditës. Kthjelltësia do të mbizotërojë, duke krijuar kushte të favorshme për punë dhe pushim.

Anamorava pritet të kalojë një dhjetëditësh të qëndrueshëm dhe të thatë, me kushte ideale për angazhime bujqësore, lëvizje të lirë dhe organizime në natyrë. Ky parashikim pozitiv atmosferik i jep kohës një ritëm të qetë, duke i mundësuar rajonit të ecë me vrull drejt përgatitjeve për sezonin e verës.

The post Anamorava përgatitet për një javë të qetë – mot pa reshje në horizont appeared first on Telegrafi.

Nuk ka pushim në elitën e futbollit kosovar, pasi xhiro e 30-të do të fillojë të shtunën.

Tanimë është publikuar orari, por edhe është hedhur shorti për gjyqtarët.

Ndeshja e parë zhvillohet të shtunën mes Malishevës dhe Llapit me fillim nga ora 15:00.

Ndërkohë të dielën lideri aktual Drita luan në udhëtim te Suhareka nga ora 15:00.

E nga ora 20:00 në stadiumin ‘Fadil Vokrri’, Prishtina pret Ferizajn.

Të hënën në program janë dy ndeshje për t’u zhvilluar, ku Gjilani pret Dukagjinin dhe Ballkani luan në udhëtim te Feronikeli ’74. /Telegrafi/

The post Orari i xhiros së 30-të në Superligë: Luhet të shtunën, dielën dhe të hënën appeared first on Telegrafi.

Sot (e enjte) janë në program për t’u zhvilluar dy ndeshjet e fundit të xhiros së 29-të në Albi Mall Superligën e Kosovës.

Xhiro 29 filloi të martën me një ndeshje, për të vazhduar dje (e mërkurë) me dy tjera dhe sot zhvillohen dy takimet e fundit të kësaj xhiros.

Ndeshja e parë është ajo në mes të Dritës dhe Prishtinës, me gjilanasit që i presin kryeqytetasit në stadiumin me bari artificial.

Në ndeshjen tjetër, Ballkani është nikoqir i Gjilanit në përballjen që do të luhet në stadiumin e qytetit.

Të dy takimet janë paraparë të fillojnë nga ora 15:00, teksa janë të rëndësishme për secilën skuadër në luftën e tyre për të arritur objektivat. /Telegrafi/

The post Dita e ndeshjeve: Sot mbyllet xhiro e 29-të me dy përballje të forta appeared first on Telegrafi.