Një video e publikuar së fundmi në media shihen se si dy të mitur kanë një veprim të papërshtatshëm ndaj flamurit kombëtar.

Ngjarja ka ndodhur në fshatin Studençan të Suharekës, ndërsa rasti është trajtuar nga Policia e Kosovës.

Zëdhënësi i Policisë për rajonin e Prizrenit, Shaqir Bytyqi, ka konfirmuar se të miturit janë identifikuar dhe intervistuar nga policia në prani të prindërve të tyre.

“Me datë 23.07.2025, Policia ka pranuar një informacion dhe video-regjistrim që lidhen me një veprim të papërshtatshëm ndaj flamurit kombëtar nga dy të mitur në Studençan, Suharekë. Pas reagimit të menjëhershëm, të miturit janë intervistuar nga policia në prani të prindërve dhe kanë pranuar veprimin, duke theksuar se nuk kanë pasur qëllim nënçmimi dhe janë penduar”, ka thënë Bytyqi.

Bytyqi po ashtu theksoi se prokurori përgjegjës, pas shqyrtimit të rastit, ka vlerësuar se nuk ka bazë për hetim penal, pasi veprimi është kryer pa vetëdije dhe pa qëllim nxitjeje të urrejtjes. Rasti është mbyllur me raport njoftues. /Telegrafi/

Policia e Kosovës ka bërë të ditur se një grua në rrethana të panjohura ka ndërruar jetë.

Rasti ka ndodhur të premten, në ora 10:03.

“Viktima femër kosovare, në rrethana të panjohura ka ndërruar jetë. Ekipi mjekësor ka konstatuar vdekja e viktimës”, thuhet në raport.

Me vendim të prokurorit, trupi i pa jetë i viktimës është dërguar në IML për obduksion.

Ndryshe, po të enjten në Suharekë një person dyshohet se ka kryer vetëvrasje brenda stacionit policor në Suharekë në orët e para të mëngjesit të së premtes.

Rastin për Telegrafin e kishte konfirmuar, kryeprokurori i Prizrenit, Petrit Kryeziu.

Sipas tij, ai ka qenë duke u mbajtur në ndalim për shkak të dyshimit se kishte ushtruar dhunë ndaj vajzës së tij.

“Rreth orës 03:40 një person dyshohet se ka bërë vetëvrasje në dhomat e ndalimit në stacionin policor në Suharekë. I njëjti ka qenë i ndaluar për shkak të dyshimit se ka ushtruar dhunë në familje ndaj vajzës së tij”, tha Kryeziu. /Telegrafi/

The post Gjendet pa shenja jete një grua në Suharekë appeared first on Telegrafi.

Sulmuesin Mevlan Zeka është përforcimi më i ri i klubit rumun UTA Arad, me të cilin ka firmosur kontratë deri në vitin 2027.

Sulmuesi kosovar, i cili spikati me 22 gola në sezonin e kaluar për FC Suharekën, vjen si një nga emrat më të mirë të kampionatit kosovar, shkruan faqja zyrtare e klubit.

Zeka ka qenë kapiten dhe golashënuesi kryesor i Suharekës, dhe me një gjatësi prej 1.82 metrash, ai pritet të shtojë forcë dhe efikasitet në repartin ofensiv të skuadrës rumune.

Në karrierën e tij, sulmuesi ka luajtur për disa nga klubet më të njohura në Kosovë si: Vëllaznimi, Liria, Feronikeli, Gjilani dhe Ballkani, me të cilin ka fituar edhe trofe dhe ka përfaqësuar vendin në garat evropiane.

Zeka ka përvojë në fazat kualifikuese të Ligës së Konferencës, Ligës së Evropës dhe Ligës së Kampionëve, ndërsa në trofetë e fituara përfshihen 3 tituj kampioni të Kosovës, kupa dhe superkupa.

Transferimi i tij shihet si një hap i madh për UTA Arad, që kërkon të rrisë cilësinë dhe ambiciet në elitën e futbollit rumun. /Telegrafi/ 

The post Zyrtare: Mevlan Zeka firmos me klubin rumun, kontratë dy vjeçare për top shënuesin e Superligës së Kosovës appeared first on Telegrafi.

Edhe pse Suhareka nuk arriti të mbijetojë në Superligë këtë sezon, një nga pikat më të ndritura të skuadrës ka qenë padyshim Fuad Ajvazi. Qendërmbrojtësi 20-vjeçar bëri debutimin e tij në elitën e futbollit kosovar gjatë edicionit 2024/25 dhe zhvilloi 16 ndeshje, duke treguar pjekuri, vendosmëri dhe cilësi të larta në çdo paraqitje.

Ajvazi, që iu bashkua Suharekës verën e kaluar nga Llapi, është formuar në shkollën e futbollit Kurda dhe më pas kaloi dy vite te Ramiz Sadiku. Një kapitull i rëndësishëm në karrierën e tij ishte edhe përvoja ndërkombëtare në Suedi, ku veshi fanellën e Karlstad. Kjo eksperiencë, bashkë me paraqitjet e mira në Kosovë, e çuan atë deri te përfaqësimi në grupmoshat e reja të Kombëtares së Kosovës.

Në një intervistë për Telegrafin, Ajvazi foli për sezonin e tij të parë në Superligë, të cilin e konsideroi si një hap të madh për karrierën.

“Ishte një vit sfidues, por njëkohësisht shumë i vlefshëm. U përballa me ritme dhe përgjegjësi të reja, dhe mësova shumë si në aspektin teknik ashtu edhe në atë taktik. Ky sezon ishte një themel i fortë për të ndërtuar më tej”, ka thënë fillimisht Ajvazi për Telegrafin.

Ai është përshkruar nga njohësit e futbollit si një nga mbrojtësit me më shumë potencial në Kosovë. Vetë Ajvazi thotë se këto vlerësime i sheh si motiv shtesë për të punuar më shumë.

“E di që ky është vetëm fillimi dhe nuk dua të mbështetem vetëm në fjalë — kam ende shumë për të mësuar dhe për të përmirësuar”.

Ndërkohë, një moment krenarie për të ishte edhe ftesa nga Kosova U21 për miqësoret ndaj Maqedonisë së Veriut në nëntor të vitit të kaluar, ku luajti në të dy ndeshjet.

“Të përfaqësosh vendin tënd është ndër nderimet më të mëdha që mund të ketë një futbollist”, shtoi ai, duke theksuar emocionin që ndjeu në atë përvojë.

Sa i përket së ardhmes, Ajvazi është i qartë në synimet e tij për sezonin e ri.

“Dua të rris performancën time, të fitoj një rol sa më konstant në formacion dhe të kontribuoj në suksesin e skuadrës. Gjithashtu, dëshiroj të jem pjesë e rregullt e përfaqësueses U21 dhe pse jo, në të ardhmen, edhe në ekipin A”, përfundoi 20-vjeçari.

Me disiplinën, pasionin dhe përkushtimin që e karakterizojnë, Fuad Ajvazi po rritet si një emër premtues i futbollit kosovar – një qendërmbrojtës modern që kombinon forcën fizike me saktësinë teknike. Ai është një prej atyre lojtarëve që e ndriçojnë të ardhmen e futbollit në vend. /Telegrafi/

The post Fuad Ajvazi – qendërmbrojtësi 20-vjeçar që po rritet me hapa të mëdhenj në futbollin kosovar appeared first on Telegrafi.

Llapi e ka mbyllur një nga sezonet më të dobëta në histori të tyre në Superligën e Kosovës.

Klubi nga Podujeva do të luajë në barazh, për të siguruar qëndrimin në elitën e futbollit kosovar.

Skuadra e drejtuar prej Tahir Batationës kishte një formë të tmerrshme këtë edicion, ndërsa fitorja 3-1 përballë Dukagjinit ua siguroi edhe një mundësi për të vazhduar në Superligë.

Por, Llapi e di se do të ketë shumë punë për të siguruar qëndrimin në Superligën e Kosovës, pasi përballë do të ketë një Vushtrri tejet të motivuar që mposhti Lirinë.

Batatina e humbi edhe finalen e Kupës së Kosovës përballë Prishtinës, me këta të fundit që luajnë në kualifikimet për në fazën e ligës së Ligës së Evropës.

Llapi shpreson që të triumfojë përballë Vushtrrisë për të vazhduar garën në elitën e futbollit tonë, ndërsa Tahiri e di se nëse e realizon duhet shumë punë për të mos e lënë skuadrën në këtë gjendje.

Nga liga ra një skuadër si Suhareka që bëri shumë transferime, por që nuk arriti të komponojë skuadrën dhe nga edicioni i ri do të luajnë në Ligën e Parë.

Befasi nuk është edhe Feronikeli ’74, që pas shumë probleme me emrin dhe drejtësinë me UEFA-n, do të luajë në Ligën e Parë.

Skuadra nga Drenasi nuk arriti pothuajse asnjë skuadrës t’i bëjë ballë, duke kaluar nëpër një formë skandaloze nga fillimi deri në fund.

Në Superligën e Kosovës nga Liga e Parë inkuadrohen direkt Prishtina e Re dhe Drenica, me këta të fundit që shijuan për herë të parë rënien nga liga në sezonin e kaluar. /Telegrafi/

The post Llapi përballë Vushtrrisë në barazh, Suhareka dhe Feronikeli ’74 bien nga liga, ngjiten Drenica e Prishtina e Re appeared first on Telegrafi.

Ka përfunduar sezonin 2024/25 në Albi Mall Superligën e Kosovës, me disa nga skuadrat e mëdha që befasuan të gjithë në këtë sezon.

Drita si kampione e mbylli sezonin me fitore, duke triumfuar 4-1 në shtëpi përballë Feronikeli ’74.

Ballkani që e mbyll këtë edicion në vendin e dytë barazoi përballë rivalit lokal Suharekës, me rezultat 2-2, ndërsa ishte me një lojtar më pak në fushë, pasi Bernard Karrica u përjashtua me kartonin e dytë të verdhë në minutën e 43-të.

Malisheva ia doli të siguronte kualifikimin në fazën kualifikuese të ligës në Ligën e Konferencës, duke i mjaftuar barazimin 2-2 me Prishtinën në stadiumin “Fadil Vokrri”.

Gjilani dhe Ferizaj po ashtu i ndanë pikë, duke barazuar 2-2, përkundër se mysafirët kërkonin kualifikimin në Evropë, por që atë vend e mori Malisheva.

Llapi ia doli të siguronte zonën e barazhit me fitoren 3-1 në shtëpi përballë Dukagjinit, ndërsa pas pak ditësh do të përballet me Vushtrrinë, nëse do të qëndrojë në elitë apo do të garojë në Ligën e Parë.

Drita do të luajë në kualifikimet për në fazë të ligës së Ligën e Kampionëve, Ballkani dhe Prishtina që fitoi Kupën e Kosovës, do të luajnë në kualifikimet për në fazën e ligës në Ligën e Evropës dhe Malishva që luanë në kualifikimet për në fazën e ligës në Ligën e Konferencës.

Nga liga kanë rënë Suhareka dhe Feronikeli ’74, derisa promovimin e kanë siguruar direkt Prishtina e Re dhe Drenica. /Telegrafi/

The post Përfundon sezonin 24/25 në Superligën e Kosovës: Përcaktohen vendi për Evropë dhe ai për barazh appeared first on Telegrafi.

Një nga emrat më premtues në futbollin kosovar është padyshim portieri i talentuar i Suharekës, Eurolind Avdimetaj.

Portieri i talentuar kosovar këtë sezon ka bërë debutimin e tij në Superligën e Kosovës, duke treguar pjekuri dhe cilësi të rralla për moshën që ka.

Avdimetaj u paraqit për herë të parë në një nga ndeshjet më të vështira të mundshme, derbin lokal kundër Ballkanit.

Edhe pse Suhareka u mposht me rezultat 2-0, ai u dallua si më i miri në fushë, duke bërë plot 10 pritje vendimtare.

Gjatë sezonit 2024/25, Avdimetaj ka zhvilluar 10 ndeshje në elitën e futbollit kosovar, duke konfirmuar se është një portier me të ardhme të ndritur.

Siguria që ofron në portë, reflekset dhe vendosja e tij kanë tërhequr vëmendjen e opinionit sportiv në vendin tonë.

Forma e tij e mirë nuk ka kaluar pa u vënë re as nga Kombëtarja, ku Avdimetaj është grumbulluar për herë të parë nga Kosova U21, një hap i madh në rrugëtimin e tij drejt ëndrrës për përfaqësimin e ekipit kombëtar A.

Avdimetaj ka folur për Telegrafin rreth sezonit që po përfundon, ku është shumë i kënaqur që ka debutuar në elitën e futbollit kosovar.

“Sa i përket paraqitjes personale jam shumë i kënaqur, dhe me debutimin tim në Superligë në një moshë të re padyshim i jam mirënjohës kryesisë së klubit dhe stafit të trajnerëve që ma kanë dhënë një mundësi të artë që në një moshë të re të ma besojnë vendin e titullarit”, tha Avdimetaj për Telegrafin.

19-vjeçari  shton se ftesa nga Kombëtarja U21 ka qenë një moment i paharrueshëm deri më tani.

“Ajo ndjenjë nuk do koment, ashtu si çdo futbollist që e ka ëndërr të përfaqësojë vendin e tij. Edhe ëndrra ime ka qenë të përfaqësoj ngjyrat dardane, dhe për këtë ftesë i jam shumë mirënjohës gjithë stafit të grupmoshës U21. Ëndrra ime gjithmonë do të mbetet Kombëtarja A”, vazhdon tutje Avdimetaj.

Për të ardhmen, Avdimetaj ka objektiva të qarta që fillimisht të mbetet në elitë me Suharekën dhe të ardhmen e tij e sheh në Evropë.

“Synimi im është mbetja në elitë me Suharekën, pastaj me shumë punë dhe përkushtim të arrij tek qëllimi im që padyshim është të luaj në ndonjë kampionat evropian”, tha Avdimetaj. /Telegrafi/

The post Eurolind Avdimetaj, zbulimi i sezonit te Suhareka: Portieri i talentuar që ëndërron një ditë të luaj në Evropë appeared first on Telegrafi.

Kryetari i Komunës së Suharekës, Bali Muharremaj, ka njoftuar vendosjen e një pajisjeje teknologjike të avancuar në qendër të qytetit, duke sjellë një frymë moderne dhe funksionale në jetën urbane të qytetarëve.

Pajisja e re, e përshkruar si një “stacion i mençur”, është e pajisur me disa shërbime të dobishme për qytetarët:

WiFi falas, për të qëndruar të lidhur pa shpenzime shtesë për internet

Karikim për telefona, tableta dhe biçikleta elektrike, në çdo kohë

Ndriçim modern, për siguri dhe pamje urbane atraktive

Kamera sigurie 24/7, për mbikëqyrje dhe rritje të sigurisë publike

Ekran informues, për njoftime dhe lajme të rëndësishme lokale

Dhe mbi të gjitha – funksionon me energji diellore, 100% ekologjike

Kryetari Muharremaj theksoi rëndësinë e këtij hapi për qytetin, duke shkruar në rrjetet sociale:
“Qëndro i lidhur, qëndro i informuar, dhe mbi të gjitha, qëndro krenar që je pjesë e një qyteti që po ecën me hapin e kohës.”

Ky stacion inteligjent jo vetëm që ndihmon qytetarët në përditshmëri, por përfaqëson edhe përkushtimin e komunës për inovacion, qëndrueshmëri mjedisore dhe përkrahje ndaj rinisë si forcë lëvizëse e zhvillimit.

Pajisja është tashmë funksionale dhe ndodhet në qendër të qytetit – një simbol i qartë se Suhareka po ecën me hap të sigurt drejt së ardhmes digjitale.

The post Suhareka vendos një pajisje inovative në zemër të qytetit appeared first on Telegrafi.

Sot (e shtunë) është planifikuar të zhvillohen të gjitha ndeshjet e vlefshme për xhiron e 35-të në Albi Mall Superligën e Kosovës.

Superliga e Kosovës po shkon drejt fundit pasi sot zhvillohet xhiro e parafundit dhe garat është ende shumë e hapur dhe e zjarrtë për një vend që dërgon në Evropë, për pozitën e barazhit dhe për mbijetesë.

Në këtë kontekst, ndeshja mes Malishevës dhe Suharekës mund të jetë më interesantja, pasi vendasit synojnë të bëjnë thuajse hapin final për të siguruar pozitën e tretë dhe Evropën, teksa mysafirët me një fitore do të shpresonin shumë të kapnin pozitën e barazhit.

Po kaq interesant është situata edhe në ndeshjen mes Dukagjinit dhe Ferizajt, ku klinasit synojnë fitore për të siguruar thuajse qind për qind mbijetesën, ndërsa ferizajasit duan tri pikët për të pritur pastaj gabimin e Malishevës për t’ia rrëmbyer pozitën e tretë.

Prishtina do të synoj vetëm fitoren në udhëtim te Feronikeli ’74 pasi tri pikët do t’ia siguronin përfundimisht mbijetesën, ndërsa mysafirët tash e disa javë veçse kanë rënë matematikisht nga kategoria.

Sot zhvillohet edhe derbi i madh i Anamoravës mes Gjilanit dhe Dritës, ku fitorja është imperativ vetëm për vendasit e kuq pasi janë ende në garë për pozitën e tretë që i dërgon në Evropë, ndërsa bardhekaltrit tashmë janë shpallur kampion të Kosovës këtë edicion.

Në ndeshjen e fundit, por jo nga rëndësia, Llapi do të kërkoj pikë jetike në udhëtim te Ballkani, i cili ka siguruar pozitën e dytë, ndërsa për llapjanët një humbje do ta rrezikonte shumë qëndrimin e tyre në elitë.

Të gjitha ndeshjet është paraparë të fillojnë nga ora 16:00. /Telegrafi/

The post Luhet për Evropë, barazh dhe mbijetesë – sot zhvillohen të gjitha përballjet e xhiros së 35-të appeared first on Telegrafi.

Kulmi i Shkollës së Mesme Teknike “Skënder Luarasi” në Suharekë është përfshirë nga flakët, ndërkohë që organet përgjegjëse kanë dal në vendin e ngjarjes.

Rastin për Telegrafin e ka konfirmuar zëdhënësi i Policisë rajonale të Prizrenit, Shaqir Bytyqi.

“Është raportuar se kulmi i Shkollës Teknike në Suharekë ka marrë flakë. Policia dhe Zjarrfikësit ianë në vendngjarje”, ka thënë ai. /Telegrafi/

The post Kulmi i Shkollës Teknike në Suharekë përfshihet nga flakët appeared first on Telegrafi.

Java e 33-të e Superligës së Kosovës solli disa barazime të rëndësishme dhe një fitore në udhëtim, duke e bërë edhe më të paqartë luftën për garat evropiane dhe mbijetesë.

Ndeshja kryesore ndërmjet Ballkanit dhe Dritës përfundoi 1-1, një rezultat që nuk ndryshoi shumë, pasi gjilanasit u shpallën kampion më herët.

Po ashtu, Llapi dhe Ferizaj ndanë pikët me rezultat të njëjtë 1-1, ku kësaj radhe dy skuadrat kanë pretendime të ndryshime.

Gjilani dhe Malisheva nuk arritën të gjenin rrjetën duke përfunduar 0-0, ku në fundin e ndeshjes, Oltion Bilalli i Gjilani u lëndua dhe vazhdon të jetë në QKUK për trajtim.

Edhe takimi mes Dukagjinit dhe Prishtinës mbaroi pa gola, edhe pse rastet nuk munguan.  Fitore e vetme e javës u regjistrua në Drenas, ku FC Suhareka triumfoi 3-1 ndaj Feronikelit 74, për të shpresuar për mbijetesë.

Në renditje, Drita vazhdon të kryesojë me 70 pikë, e ndjekur nga Ballkani me 58. Malisheva dhe Ferizaj ndajnë vendin e tretë me nga 49 pikë, ndërsa Gjilani (46) dhe Prishtina (44) qëndrojnë pas tyre.

Dukagjini dhe Llapi janë në luftë për t’i ikur barazhit me 42 dhe 41 pikë respektivisht.

Suhareka, me fitoren e fundit, ka grumbulluar 36 pikë. Në fund të tabelës mbetet Feronikeli 74 me vetëm 15 pikë.

Në xhiron e 34-të takohen: Prishtina – Gjilani, Drita – Dukagjini, Suhareka – Llapi, Ferizaj – Ballkani, Malisheva – Feronikeli 74. /Telegrafi/ 

The post Rezultatet dhe renditja pas javës së 33-të në Superligën e Kosovës: Katër barazime e bëjnë të paqartë luftën për kreun dhe mbijetesën appeared first on Telegrafi.

Janë zhvilluar të gjitha ndeshjet e javës së 32-të në Albi Mall Superligën e Kosovës në futboll, me disa rezultate që ndikuan drejtpërdrejt në renditjen përfundimtare të sezonit.

Ndeshja kryesore e javës doli të jetë ajo mes Dritës dhe Llapin, ku gjilanasit fituan me rezultat 1-0, falë golit të Iljesa Zylfiut, duke e konfirmuar titullin e kampionit matematikisht.

Prishtina shënoi fitore të rëndësishme në derbi ndaj Ballkanit me rezultat 1-0, duke bërë hap të madh drejt mbijetesës.

Në ndeshjet tjera, Gjilani triumfoi 3-2 ndaj Feronikelit 74, në një ndeshje me shumë kthesa.

Malisheva dhe Dukagjini ndanë pikët me rezultat 1-1, duke mbetur në luftë për objektiva të ndryshëm. Ferizaj fitoi si mysafir ndaj Suharekës me rezultat 2-1, një fitore jetike në garën për Evropë.

Pas 32 javësh, Drita kryeson tabelën me 69 pikë dhe është kampion i Kosovës, kur kanë mbetur edhe katër xhiro deri në fund.

Ballkani ndodhet në vendin e dytë me 57 pikë, pozitë që duket e siguruar. Malisheva dhe Ferizaj ndajnë pozitën e tretë me nga 48 pikë, duke luftuar për biletën evropiane.

Gjilani me 45 pikë dhe Prishtina me 43 pikë ende shpresojnë në garën për Evropë. Dukagjini dhe Llapi me nga 41 dhe 40 pikë do të luftojnë deri në fund për të siguruar mbijetesën dhe për ti ikur barazhit.

Suhareka me 33 pikë është shumë pranë rënies, ndërsa  Feronikeli 74 tashmë ka rënë nga liga, me vetëm 15 pikë.

Në xhiron e ardhshme, atë të 33-të takohen: Gjilani – Malisheva, Dukagjini – Prishtina, Feronikeli 74 – Suhareka, Llapi – Ferizaj, Ballkani – Drita. /Telegrafi/ 

The post Rezultatet dhe renditja pas javës së 32-të në Superligën e Kosovës: Drita kampion matematikisht, luftë e nxehtë për Evropë dhe mbijetesë appeared first on Telegrafi.

Elita e futbollit kosovar, Albi Mall Superliga është futur në fazën finale dhe vazhdon të mbetet gjithçka e paqartë.

Titulli, Evropa dhe mbijetesa vazhdon të jetë ende e hapur me nëntë skuadra që vazhdojnë të jenë brenda objektivave që kishin në fillim të sezonit.

E vetmja skuadër pa objektiva është Feronikeli ’74, që tanimë edhe matematikisht ka rënë nga Superliga, por që po vazhdon të respektoj kampionatin duke luajtur fort ndaj të gjitha skuadrave.

Titulli mund të mbyllet këtë javë, por edhe mund të vazhdoj drama. Drita aktualisht ka nëntë pikë më shumë se Ballkani kur kanë mbetur edhe pesë xhiro për t’u zhvilluar deri në fund të kampionatit.

Gjilanasit shpresojnë ta mbyllin çështjen e titullit këtë xhiro dhe kjo arrihet vetëm nëse mposhtin Llapin dhe Ballkani humbet nga Prishtina. Nëse ndodh e kundërta që Drita të humbas dhe Ballkani të fitoj, atëherë edhe çështja e titullit do të jetë edhe më e zjarrtë, pasi pas dy javëve dy skuadrat takohen në Suharekë.

Drita deri në fund të sezonit do t’i luaj edhe pesë ndeshje, ku tre nga to i luan në shtëpi ndaj Llapit, Dukagjinit dhe Feronikelit ’74, ndërsa ndeshjet në udhëtim i ka ndaj Ballkanit dhe Gjilanit.

Nga ana tjetër Ballkani ka tre ndeshje në udhëtim dhe dy në shtëpi. Kampioni në fuqi i Kosovës që ka 57 pikë, nëntë më pak se lideri Drita luan ndaj Prishtinës, Ferizajt dhe Suharekës në udhëtim dhe para adhuruesve të vet pret Dritën dhe Llapin.

Gara e nxehtë për pozitën e tretë, por edhe për t’i ikur barazhit dhe t’iu shmangur rënies

Përveç Dritës dhe Ballkanit që po luftojnë për titullin, pjesa tjetër e skuadrave po luftojnë për pozitën e tretë, t’i shmangën rënies ose barazhit.

Nga Malisheva që është e treta në tabelë me 47 pikë te Dukagjini që është e teta në tabelë (pozitë që i dërgon skuadrat në barazh) me 40 sosh janë vetëm shtatë pikë diferencë.

Suhareka është e nënta me 33 pikë dhe ndodhet në një pozitë më të vështirë, pasi objektivi është vetëm t’i shpëtoj rënies dhe gjasat për Evropë janë thuajse të pamundura.

Malisheva rrezikun më të madh e ka nga Ferizaj, pasi ndodhet vetëm dy pikë mbrapa, por edhe nga Gjilani me pesë sosh.

Skuadra e Bekim Isufit në pesë ndeshjet e fundit në kampionat luajnë tri në shtëpi ndaj Dukagjinit, Feronikelit dhe Suharekës, derisa në udhëtim përballen me Gjilanin dhe Prishtinën.

Në pozitën e katërt është Ferizaj me 45 pikë, por kjo skuadër do t’i luaj tre ndeshje në udhëtim ndaj Suharekës, Llapit dhe Dukagjinit, derisa pret në shtëpi Ballkanin dhe në fund Gjilanin.

Gjilani është një tjetër skuadër që kërkon Evropën, por edhe t’i shmanget barazhit. ‘Skifterat’ do të përballen me Feronikelin, Prishtinën dhe Ferizajn në udhëtim, por para adhuruesve të vet presin Malishevën dhe Dritën.

Llapi, Prishtina dhe Dukagjini ndajnë pozitat, gjashtë, shtatë dhe tetë me nga 40 pikë.

Llapjanët në pesë duelet e ardhshme luajnë ndaj Dritës në udhëtim, presin Ferizajn, përballen me Suharekën dhe Ballkanin jashtë shtëpisë dhe në fund kanë duelin direkt me Dukagjinin.

Prishtina do të luaj tre sfida në shtëpi dhe dy të tjera në udhëtim. Kryeqytetasit presin Ballkanin, Gjilanin dhe Malishevën, derisa luajnë jashtë shtëpisë me Dukagjinin në Klinë dhe Feronikelin ’74 në Drenas.

Ndeshje të vështira e presin edhe Dukagjinin, ku skuadra e udhëhequr nga Ismet Munishi përballet në udhëtim me Malishevën, Dritën dhe Llapin, derisa në shtëpi luajnë me Prishtinën dhe Ferizajn.

Suhareka është skuadra që u fut në Superligë me ambicie të mëdha, por tani i duhen pesë fitore në pesë xhirot e fundit për t’iu shmangur rënies. Të besuarit e Mirel Josës do të luajnë në shtëpi me Ferizajn, Llapin dhe Ballkanin, derisa sfidat jashtë shtëpisë i kanë me Feronikelin ’74 dheMalishevën. /Telegrafi/ 

The post Gara për titullin, Evropën dhe mbijetesën – Kush me kë luan në pesë xhirot e fundit në Superligë appeared first on Telegrafi.

Gjilani dhe Suhareka kanë publikuar tashmë formacionet zyrtare për ndeshjen e vlefshme për javën e 31-të në Albi Mall Superligën e Kosovës.

Gjilanasit janë nikoqir të therandasve në ndeshjen që pritet të zhvillohet në stadiumin me bari artificial, me fillim nga ora 15:00.

Ekipi i Ardian Nuhiut vjen nga një seri negative prej dy humbjeve dhe një barazimi, kështu që synon t’i kthehet fitores për t’i ikur zonës së rrezikshme.

Në anën tjetër, ekipi i Mirel Josës ka tri humbje dhe një barazim në katër ndeshjet e fundit, por do të shpresojë për pikë pasi me një humbje do humbte thuajse gjasat për shpëtim nga kategoria.

Trajnerët e të dyja ekipeve kanë vendosur të startojnë me formacionet më të mira të mundshme.

Gjilani: Bllaca, Thaqi, Arago, Roganovic, Besa, Prapashtica, Rrahmani, Shabani, Taipi, Ibrahimi, Jarovic. 

Suhareka: Avdimetaj, Zeka, Hasanaj, Memolla, Boshnjaku, Susuri, Berisha, Rexhaj, Kodra, Fetahaj, Stijepovic 

/Telegrafi/

The post Gjilani dhe Suhareka synon pikët jetike, formacionet zyrtare appeared first on Telegrafi.

Ka përfunduar xhiro e 30-të në Albi Mall Superligën e Kosovës, ku edhe këtë javë nuk munguan rezultatet befasuese. 

Lideri Drita mori një fitore të rëndësishme në udhëtim ndaj Suharekës me rezultat 2-1, duke i dhënë këtyre të fundit një goditje të fortë në luftën për mbijetesë. 

Kampioni në fuqi i Kosovës, Ballkani, u ndal me barazim 3-3 në Drenas nga Feronikeli ‘74 që tashmë është përshëndetur me elitën e futbollit kosovar. 

Malisheva u mposht në shtëpi nga Llapi me rezultat 3-1 me djelmoshat e Tahir Batatinës që ishin tejet të disponuar për lojë. 

Prishtina e Arsim Thaçit luajti baras pa gola në stadiumin ‘Fadil Vokrri’ ndaj Ferizajt që po tregohet arrë e fortë këtë edicion. 

Me barazim përfundoi edhe dueli mes Gjilanit dhe Dukagjinit, me këta të parët që barazuan krejt në fund të takimit me Armend Thaçin. 

Drita po vazhdon me hapa të sigurt drejt tiullit me 66 pikë të grumbulluara, ndërsa pas tyre renditet Ballkani me 54 sosh. 

Luftë e madhe po zhvillohet në pjesën e poshtme të tabelës, ku shumë ekipe po tentojnë t’i shmangen barazhit. 

Dukagjini gjendet në pozitën e barazhit apo në të shtatën me 37 sosh, por ata i ndajnë vetëm dy pikë me ekipet e tjera si Gjilani, Llapi dhe Prishtina që kanë nga 39 pikë secila./Telegrafi/

The post Përfundon xhiro e 30-të në Albi Mall Superligë: Drita edhe më afër titullit, luftë e madhe për ikje nga barazhi appeared first on Telegrafi.

Nuk ka pushim në elitën e futbollit kosovar, pasi xhiro e 30-të do të fillojë të shtunën.

Tanimë është publikuar orari, por edhe është hedhur shorti për gjyqtarët.

Ndeshja e parë zhvillohet të shtunën mes Malishevës dhe Llapit me fillim nga ora 15:00.

Ndërkohë të dielën lideri aktual Drita luan në udhëtim te Suhareka nga ora 15:00.

E nga ora 20:00 në stadiumin ‘Fadil Vokrri’, Prishtina pret Ferizajn.

Të hënën në program janë dy ndeshje për t’u zhvilluar, ku Gjilani pret Dukagjinin dhe Ballkani luan në udhëtim te Feronikeli ’74. /Telegrafi/

The post Orari i xhiros së 30-të në Superligë: Luhet të shtunën, dielën dhe të hënën appeared first on Telegrafi.

Këshilli Komunal për Siguri në Bashkësi i Komunës së Suharekës ka mbajtur mbledhjen e radhës, me ç’rast janë diskutuar çështjet si siguria e përgjithshme në këtë komunë, ndërgjegjësimi i nxënësve për mjetet e pashpërthyera, hapësirat për qasjen e PAK-ve dhe masat për parandalimin e lëmshëkërkuesve.

Në takimin e kryesuar nga nënkryetarja Mihrije Suka, sipas njoftimit të Komunës pas diskutimeve rreth këtyre temave janë adresuar disa rekomandime, raporton Telegrafi.

“Të rritet bashkëpunimi qytetarë-polici dhe të lajmërohen rastet e dyshimta në polici”, ka qenë rekomandimi i parë thuhet në njoftim.

Pastaj është rekomanduar që “Komuna ta bëjë shenjëzimin dhe sinjalizimin e rrugëve në qytet dhe në fshatra, sidomos afër shkollave (ku në shumë raste mungojnë shenjat paralajmëruese)”.

“Drejtoria e Arsimit, përmes Ministrisë ta kërkojë nga FSK-ja të mbahen ligjërata nëpër shkolla”, është rekomandimi i tretë, raporton Telegrafi.

Rekomandimi i radhës ka qenë që PAK-ve tu krijohen kushte për lëvizje të lirshme nëpër objektet institucionale dhe të shtohet kujdesi edhe më shumë për fëmijët nxënës nga ky komunitet.

“Të lajmërohen në polici personat që hasën duke kërkuar lëmoshë, të bëhet identifikimi i tyre (pasi dyshohet që i sjell dikush nga jashtë)”, ka qenë rekomandimi i pestë i anëtarëve të KKSB-së. /Telegrafi/

The post KKSB-ja në Suharekë adreson rekomandime për siguri dhe gjithëpërfshirje appeared first on Telegrafi.

Komandanti i Stacionit Policor në Suharekë, Afrim Sylaj në kuadër të takimit për koordinimin lokal të sigurisë ka njoftuar se zyrtarët policorë kanë shtuar masat e kontrollit, veçanërisht gjatë orëve të natës.

Në këtë takim ai ka raportuar për gjendjen e sigurisë në Komunën e Suharekës, duke e vlerësuar si të qetë dhe stabile.

“Për gjendjen e sigurisë në Komunë, ka raportuar komandanti i  Stacionit Policor në Suharekë, kapiten Afrim Sylaj, i cili fillimisht ka bërë të ditur që Policia e Kosovës ka shtuar masat e kontrollit sidomos gjatë orëve të natës”, thuhet në njoftimin e Komunës, raporton Telegrafi.

Aty thuhet se Sylaj ka paraqitur edhe numrin e rasteve që kanë ndodhur gjatë dy javëve të shkuara, duke theksuar se gjithsejtë janë shqiptuar 540 tiketa për kundërvajtje, teksa janë realizuar edhe 29 urdhëresa të Gjykatës.

Nënkryetarja e Komunës, Mihrije Suka gjatë kryesimit të takimit ka njoftuar edhe për aktivitetet që janë zhvilluar gjatë kësaj periudhe kohore në këtë komunë. /Telegrafi/

The post Policia në Suharekë ka shtuar masat e kontrollit gjatë natës appeared first on Telegrafi.

Nuk ka pushim në elitën e futbollit kosovar, pasi xhiro e 29-të do të luhet në mesjavë.

Sa kalojnë xhirot kampionati vazhdon të bëhet edhe më interesant, ku thuajse 90 për qind e skuadrave janë brenda objektivave, përjashtim bën vetëm Feronikeli ’74 që tanimë thuajse mund të quhet skuadër e Ligës së Parë.

Xhiro e 29-të fillon të martën me fillim nga ora 15:00 ku ndeshja e parë luhet mes Dukagjinit dhe Suharekës.

Të mërkurën në program janë dy ndeshje për t’u zhvilluar, Ferizaj – Malisheva ku drejtohet nga Genc Nuza dhe Llapi – Feronikeli ’74.

Padyshim që ndeshjet kryesore të kësaj xhiro zhvillohen ditën e enjte.

Drita pret Prishtinën në Gjilan në një sfidë që do të ndajë drejtësinë Alban Shala, derisa sfida tjetër është ajo mes Ballkanit dhe Gjilanit ku do të gjykojë Mervan Bejtullahu.

Të gjitha ndeshjet e xhiros së 29-të fillojnë nga ora 15:00. /Telegrafi/

The post Orari dhe gjyqtarët e xhiros së 29-të në Albi Mall Superligë – ndeshjet kryesore të enjten appeared first on Telegrafi.

Janë mbyllur të pesë takimet e javës së 28-të të Superligës së Kosovës, ku nuk munguan golat dhe përballjet spektakolare, ku mysafirët morën katër fitore. 

Ballkani ka shkarkuar energjinë ndaj Dukagjinit, duke shënuar fitore me rezultat 5-0. 

Fitore ka marr edhe Ferizaj, që ka trimfuar ndaj Feronikelit 74 me rezultat 1-0.  Prishtina është kthyer te fitoret në kampionat, ku ka mposhtur Suharekën me rezultat 4-0, duke u ngjitur në renditje. 

Malisheva ka ndal Dritën, duke e mposhtur me rezultat 1-0, ku gjilanasit humbën dy penallti.  Fitore të madhe me rikthim ka marr edhe Llapi, duke mposhtur si mysafir Gjilanin me rezultat 3-2. 

Drita edhe përkundër humbjes mbetet lider me 60 pikë, dhjetë më shumë se sa Ballkani që ka 50 pikë. 

Malisheva mbetet e treta me 47 pikë, që duket e sigurt në këtë pozitë pasi ka nëntë pikë epërsi me ndjekësit. 

Prishtina është e katërta, Gjilani i pesti dhe Ferizaj i gjashti, që të tria me 38 pikë.  Dukagjini aktualisht mban vendin e shtatë me 35 pikë, ku aktualisht është jashtë rrezikut. 

Llapi del nga zona e rënies, duke u ngjitur në pozitën e tetë, atë të barazhit, ku ka 33 pikë.  Suhareka tani është e nënta me 32 pikë, duke rrezikuar dukshëm më shumë se sa të tjera. 

Feronikeli mbetet në pozitën e fundit me 14 pikë të tubuara.  

Në xhiron e 29-të, do të takohen: Ballkani – Gjilani, Dukagjini – Suhareka, Llapi – Feronikeli 74, Ferizaj – Malisheva, Drita – Prishtina. /Telegrafi/  

The post Rezultatet dhe renditja pas javës së 28-të: Drita gabon ndaj Malishevës, Prishtina ringjallet, Llapi merr pikët e shpresës  appeared first on Telegrafi.