Kategoritë e dala nga lufta e UÇK-s si OVLe UÇK-së, SHIL, SHFD, Shoqata e të Burgosurve Politikë dhe Shoqëria “Lëvizja”  kanë reaguar ndaj përdhosjes së flamurit kombëtar në Suharekë.

Sipas një postimi në rrjetin social në Facebook thuhet se ky akt përbën, fyerje të rëndë ndaj kujtimit të dëshmorëve.

“Ne, kategoritë e dala nga lufta e UÇK-së, reagojmë me indinjatë të thellë dhe dënim të ashpër ndaj aktit të përdhosjes së flamurit kombëtar nga disa individë të papërgjegjshëm në qytetin e Suharekës. Flamuri kuq e zi është simboli i gjakut dhe sakrificës, simboli që frymëzoi një popull të tërë për liri, që u ngrit mbi barrikada, e në zemrën e çdo shqiptari që nuk u përkul para pushtuesit. Ky akt përbën, fyerje të rëndë ndaj kujtimit të Dëshmorëve tanë, përbuzje të vlerave të luftës çlirimtare dhe provokon  rëndë moralin kombëtar, që nuk mund të kalojë pa përgjegjësi”, thuhet në reagim.

Tutje në njoftim thuhet se kërkojnë reagim të menjëhershëm nga institucionet e rendit dhe drejtësisë, për të identifikuar dhe ndëshkuar autorët e këtij akti të shëmtuar.

“Bëjmë thirrje publike që ky rast të mos relativizohet, sepse ai është pasqyrë e një krize të thellë morale që duhet trajtuar me seriozitet dhe jo me indiferencë. Theksojmë se flamuri kuq e zi nuk është vetëm simbol i një shteti apo kohe, ai është vetë identiteti ynë kombëtar”, thuhet ndër të tjera në njoftim.

Ndryshe, zëdhënësi i Policisë për rajonin e Prizrenit, Shaqir Bytyqi, ka konfirmuar se të miturit janë identifikuar dhe intervistuar nga policia në prani të prindërve të tyre.

“Me datë 23.07.2025, Policia ka pranuar një informacion dhe video-regjistrim që lidhen me një veprim të papërshtatshëm ndaj flamurit kombëtar nga dy të mitur në Studençan, Suharekë. Pas reagimit të menjëhershëm, të miturit janë intervistuar nga policia në prani të prindërve dhe kanë pranuar veprimin, duke theksuar se nuk kanë pasur qëllim nënçmimi dhe janë penduar”, ka thënë Bytyqi. /Telegrafi/

The post Përdhosja e flamurit kombëtar në Suharekë, reagojnë kategoritë e përbashkëta të dala nga lufta appeared first on Telegrafi.

Policia e Kosovës ka bërë të ditur se një grua në rrethana të panjohura ka ndërruar jetë.

Rasti ka ndodhur të premten, në ora 10:03.

“Viktima femër kosovare, në rrethana të panjohura ka ndërruar jetë. Ekipi mjekësor ka konstatuar vdekja e viktimës”, thuhet në raport.

Me vendim të prokurorit, trupi i pa jetë i viktimës është dërguar në IML për obduksion.

Ndryshe, po të enjten në Suharekë një person dyshohet se ka kryer vetëvrasje brenda stacionit policor në Suharekë në orët e para të mëngjesit të së premtes.

Rastin për Telegrafin e kishte konfirmuar, kryeprokurori i Prizrenit, Petrit Kryeziu.

Sipas tij, ai ka qenë duke u mbajtur në ndalim për shkak të dyshimit se kishte ushtruar dhunë ndaj vajzës së tij.

“Rreth orës 03:40 një person dyshohet se ka bërë vetëvrasje në dhomat e ndalimit në stacionin policor në Suharekë. I njëjti ka qenë i ndaluar për shkak të dyshimit se ka ushtruar dhunë në familje ndaj vajzës së tij”, tha Kryeziu. /Telegrafi/

The post Gjendet pa shenja jete një grua në Suharekë appeared first on Telegrafi.

Kulmi i Shkollës së Mesme Teknike “Skënder Luarasi” në Suharekë është përfshirë nga flakët, ndërkohë që organet përgjegjëse kanë dal në vendin e ngjarjes.

Rastin për Telegrafin e ka konfirmuar zëdhënësi i Policisë rajonale të Prizrenit, Shaqir Bytyqi.

“Është raportuar se kulmi i Shkollës Teknike në Suharekë ka marrë flakë. Policia dhe Zjarrfikësit ianë në vendngjarje”, ka thënë ai. /Telegrafi/

The post Kulmi i Shkollës Teknike në Suharekë përfshihet nga flakët appeared first on Telegrafi.

Më datë 04.05.2025, rreth orës 14:24, një qytetar ka raportuar në polici se në fshatin Leshan, komuna e Suharekës, në një vend të njohur si “Tuma”, ishte duke u djegur një veturë, dhe brenda saj ndodhej një person i përfshirë nga flakët.

Menjëherë pas raportimit, patrulla policore ka dalë në vendin e ngjarjes dhe janë njoftuar të gjitha njësitë përgjegjëse për rastin, përfshirë: zjarrfikësit, emergjencën, Sektorin e Hetimeve të Stacionit Policor në Suharekë, Sektorin Rajonal të Hetimeve dhe ekspertin e zjarrvënieve.

Sipas informacioneve paraprake, dyshohet se viktima është M.G., mashkull, 82 vjeç, i cili ndodhej brenda automjetit të tij kur u përfshi nga zjarri.

“Nga informatat e para dyshohet se te vendi i quajtur ‘’Tuma’’ personi M.G. mashkull 82 vjeçar i cili ishte brenda automjetit të tij ishte përfshirë tërësisht nga zjarri, me atë rast personi i cili kishte mbetur brenda ishte i djegur tërësisht me gjithë veturën në vend”, ka deklaruar për Telegrafin zëdhënësi i Policisë së Kosovës për Rajonin e Prizrenit, Shaqir Bytyqi.

Fatkeqësisht, ai ka ndërruar jetë në vendin e ngjarjes dhe është djegur plotësisht së bashku me veturën.

Në konsultim me prokurorin kompetent, është hapur rasti me cilësimin “Hetim i vdekjes”. Hetimet lidhur me këtë rast po vazhdojnë nga Sektori Rajonal i Hetimeve i Drejtorisë Rajonale të Policisë në Prizren./Telegrafi/

The post Policia nis hetimet për vdekjen e 82-vjeçarit në Suharekë, u gjet në veturën e djegur appeared first on Telegrafi.

Një person është gjetur pa shenja jete në banesën e tij në Suharekë, mbrëmjen e së dielës.

Lajmin e ka konfirmuar zëdhënësi i Policisë për rajonin e Prizrenit, Shaqir Bytyqi.

Ai tha se bazuar në të dhënat e para, dyshohet për vetëvrasje.

“Me datë 06.04.2025, rreth orës 19:50, policia është njoftuar nga urgjenca e Suharekës se kanë pranuar një trup të pajetë. Policia, me të arritur në vendngjarje, ka marrë informatën se bëhej fjalë për Sh. M. (1983), mashkull, banues në Suharekë. Sipas dyshimeve të para, viktima është gjetur i varur në banesën e tij nga familjarët,” tha Bytyqi.

Hetuesit policorë kanë dalë në vendngjarje dhe po merren me rastin.

Telegrafi mëson se viktima ishte i punësuar në Qendrën e Mjekësisë Familjare në Suharekë./Telegrafi/

The post Vetëvritet një 42-vjeçar në Suharekë, policia jep detaje appeared first on Telegrafi.

Prokuroria Themelore në Prizren ka kërkuar nga Gjykata Themelore në Prizren caktimin e masës së paraburgimit për dhjetë persona të dyshuar, përfshirë pronarin e një kafeterie dhe nëntë të tjerë, të cilët dyshohen për organizimin e skemave piramidale dhe bixhozit të paligjshëm.

Kërkesa për paraburgim ka ardhur pas një operacioni policor që ka çuar në arrestimin e të dyshuarve të përfshirë në aktivitete të paligjshme në Suharekë.

Sipas Prokurorisë, më 28 shkurt 2025, në orën 23:00, gjatë një operacioni në kafeterinë “R.G.Z” në Suharekë, janë gjetur prova të aktivitetit të paligjshëm të lojërave të fatit.

Pronari i kafeterisë, L.R., dyshohet se ka organizuar dhe marrë pjesë në organizimin e lojërave të fatit, duke përdorur lokalin për këtë qëllim, në kundërshtim me Ligjin Nr. 06/L-155 për ndalimin e lojërave të fatit.

Gjatë kontrollit, zyrtarët policorë kanë sekuestruar 208 letra, 96 kartela me mbishkrimin AliExpress me barcode,  të cilat dyshohet se janë kartela për lojërat e fatit online si dhe një shumë prej 15.260 eurosh dhe 1.200 franga zvicerane.

“Gjithashtu, tek i pandehuri L.R., – pronari i lokalit të lartcekur janë gjetur letra në sasi prej tremijë e treqind e njëzet e gjashtë (3326 copë), të cilat janë përdorur për lojë bixhozi natën kritike”, thuhet në njoftimin e Prokurorisë.

Të dyshuarit, përfshirë L.R., P.B., B.Q., F.C., B.K., P.Sh., N.R., S.B., R.A., dhe M.Sh., janë arrestuar dhe ndodhen në ndalim 48-orësh që nga 1 marsi 2025.

Ata dyshohet se kanë vepruar në bashkëkryerje dhe kanë shkelur rregullat e ligjit për organizimin e lojërave të fatit të paligjshme.

Prokuroria Themelore në Prizren ka theksuar angazhimin e saj të vazhdueshëm në luftën kundër kriminalitetit dhe forcimin e sundimit të ligjit, duke e siguruar se do të vazhdojë të ndërmarrë hapa të tjera për ndëshkimin e atyre që bien ndesh me ligjin. /Telegrafi/

The post Konfiskohen mbi 15 mijë euro dhe kartela për lojëra të fatit – Prokuroria kërkon paraburgim për 10 të dyshuar në Suharekë appeared first on Telegrafi.

Policia e Kosovës ka njoftuar për një rast të privimit të kundërligjshëm të lirisë në Suharekë.

Rasti ka ndodhur të premten në ora 18:10.

“Janë arrestuar dy të dyshuar meshkuj kosovarë, pasi të njëjtit kishin privuar nga liria e lëvizjes viktimën mashkull  kosovar duke e mbajtur atë në një kafiteri. Të dyshuarit kishin sulmuar fizikisht duke e goditur me grushte si dhe kanosur viktimën”, thuhet në raport.

Motivi i incidentit dyshohet të jetë një borxh të cilin viktima ua kishte personave të dyshuar.

Me vendim të prokurorit të dyshuarit janë dërguar në mbajtje. /Telegrafi/

The post E mbajtën në kafiteri për një borxh dhe e sulmuan fizikisht, arrestohen dy të dyshuar në Suharekë appeared first on Telegrafi.

Diellza Daka, 9-vjeçarja nga fshati Shirokë i Suharekës, e cila ishte sulmuar para disa javësh nga një qen në ambientet e shkollës “17 Shkurti”, i është rikthyer bankave shkollore pas trajtimit mjekësor.

Kështu bëhet e ditur në njoftimin e Shkollës Fillore të Mesme të Ulët “17 shkurti” në Shirokë, transmeton Telegrafi.

“E dashur Diellza, jemi shumë të lumtur që je rikthyer mes nesh! Ke qenë në mendimet dhe lutjet tona gjatë gjithë kësaj kohe. Je një vajzë e fortë dhe e guximshme, dhe kthimi yt sot është një dëshmi e forcës tënde. Shkolla nuk ishte e njëjtë pa ty, dhe mezi presim të vazhdojmë të mësojmë dhe të rritemi së bashku. Mirë se u ktheve”, thuhet në njoftimin e shkollës.

Lexo po ashtu Sulmoi nxënësit brenda shkollës në Suharekë, publikohet momenti kur polici vrau qenin

Ndryshe, para disa javësh, një qen kishte sulmuar disa nxënës në shkollë, e ku Diellzës i kishte shkaktuar lëndime në kokë.

Rasti kishte ndodhur rreth orës 09:50, ku më pas kishte intervenuar policia duke e asgjësuar qenin./Telegrafi/

The post Suharekë, kthehet në shkollë vajza e cila ishte sulmuar nga qeni appeared first on Telegrafi.

Një vajzë është larguar nga shtëpia më 14.02.2025 dhe nuk dihet për vendndodhjen e saj.

Sipas raportit 24 orësh të Policisë së Kosovës bëhet e ditur se rasti është raportuar më 17.02.2025 në Suharekë.

Tutje thuhet se rasti është nën hetime.

“Suharekë 14.02.2025-13:00. Me 17.02.2025 ankuesja femër kosovare, ka raportuar se vajza e saj, është larguar nga shtëpia dhe nuk dihet për vendndodhjen e saj. Rasti nën hetime”, thuhet në raport. /Telegrafi/

The post Zhduket një vajzë në Suharekë, rasti po hetohet appeared first on Telegrafi.

Rezultatet preliminare të KQZ-së për zgjedhjet për Kuvendin e Kosovës tregojnë se Lëvizja Vetëvendosje në Suharekë është partia më e votuar në raport me subjektet tjera politike.

KQZ në platformën e saj ka raportuar se në Suharekë janë numëruar 97.70% të votave, ku LVV ka marrë 34.32%, LDK ka marrë 27.08%, AAK-Nisma ka marrë 18.43% të votave dhe PDK ka marrë 18.15%,

Vëzhguesit nga Demokracia në Veprim kanë bërë të ditur se zgjedhjet janë zhvilluar në frymë demokratike pa ndonjë parregullsi të theksuar. /Telegrafi/

The post Sipas KQZ-së, LVV-ja është partia më e votuar në Suharekë appeared first on Telegrafi.

Një ngjarje e rëndë dhe e pazakontë ka ndodhur në shkollën “17 Shkurti” në fshatin Shirok, në Suharekë, ku një qen pitbull ka hyrë në ambientet e shkollës dhe ka sulmuar disa nxënës dhe zyrtarë policorë. Sipas informacionit të dhënë nga policia, incidenti ka ndodhur më 22 janar 2025, rreth orës 09:50 minuta, kur qeni ka arritur të hyjë brenda objektit të shkollës dhe ka shkaktuar lëndime tek disa individë.

Në momentin e sulmit, disa nxënës dhe zyrtarë policorë kanë marrë lëndime të ndryshme, ndërkohë që është ndërhyrë menjëherë për të menaxhuar situatën. Policia ka nisur hetimet dhe ka dhënë detaje të mëtejshme rreth ngjarjes. Ky incident ka shkaktuar shqetësim të madh tek komuniteti dhe ka ngritur pyetje rreth sigurisë në shkolla dhe menaxhimit të situatave të tilla.

“Patrullat policore i janë përgjigjur rastit me urgjencë, ku kanë arritur në shkollë. Kanë vërejtur një qen brenda shkollës, i cili kishte sulmuar nxënësit e shkollës dhe paraqiste rrezik potencial ende. Qeni ka sulmuar edhe policët, mirëpo në shpejtësi është asgjësuar, duke e mënjanuar rrezikun e mëtutjeshëm.” – ka thënë zëdhënësi i Policisë në Prizren, Vesel Gashi.

The post E RËNDË, Pitbulli futet në shkollë! Sulmon nxënësit dhe policët që erdhën për ndihmë appeared first on iconstyle.al.

Të mërkurën një qen i tërbuar rreth orës 09:40 ka sulmuar katër persona duke ju shkaktuar lëndime trupore në një shkollë të Suharekës.

Në raportin 24 orësh të Policisë së Kosovës bëhet e ditur se të lënduarit janë dërguar për tretman mjekësor.

“Është raportuar se një qen që dyshohet se është i tërbuar ka sulmuar dy persona duke ju shkaktuar lëndime trupore. Po ashtu lëndime trupore gjatë ikjes kanë pësuar edhe dy persona tjerë, me ç’rast të lënduarit janë dërguar për trajtim mjekësor”, thuhet në raport.

Lexo po ashtu Sulmoi nxënësit brenda shkollës në Suharekë, publikohet momenti kur polici vrau qenin

Ndërkaq, lidhur me rastin patrulla policore ka intervenuar dhe i është përgjigjur rastit me ç’rast zyrtarët policor janë ballafaquar me rrezikun nga qeni i cili u është vërsulur edhe zyrtarëve policor.

Tutje thuhet se me qëllim të eliminimit të rrezikut një zyrtar policor ka përdor pajisjen zyrtare (armën zyrtare) në drejtim të qenit duke e asgjësuar qenin.

Po ashtu, pas inicimit të rastit është arrestuar i dyshuari kosovar (pronari i qenit) nën dyshimin se e ka lënë qenin pa përkujdesje.

“Me vendim të prokurorit i dyshuari është dërguar në mbajtje”, thuhet në raport. /Telegrafi/

The post Sulmi në një shkollë të Suharekës nga një qen i tërbuar, policia jep detaje appeared first on Telegrafi.

Një ngjarje e pazakontë dhe e rëndë është regjistruar në shkollën e fshatit Shirok të Suharekës në Kosovës, ku një qen ka hyrë në ambientet e shkollës dhe ka sulmuar katër nxënës. Policia e Kosovës konfirmoi se, përveç nxënësve, qeni sulmoi edhe zyrtarët policorë që ndërhynë për të menaxhuar situatën. Si rezultat, qeni u asgjësua […]

The post VIDEO/ E pazakontë në Kosovë! Qeni futet në shkollë dhe sulmon 4 nxënës, vritet nga Policia appeared first on BoldNews.al.

Një person është gjetur pa shenja jete në fshatin Grejkovc të Suharekës të hënën.

Policia e Kosovës ka njoftuar se viktima, i lindur në vitin 1954, është gjetur në rrugën “Përparimi”, derisa më pas është dërguar në Qendrën e Mjekësisë Familjare në Suharekë.

Zëdhënësi i policisë për rajonin e Prizrenit, Shaqir Bytyqi, deklaroi se fillimisht viktima ishte dërguar në QKMF-në në Suharekë.

“Aty mjekët e kanë konstatuar vdekjen. Me vendim të prokurorit, trupi i pajetë i viktimës është dërguar në IML për obduksion. Rasti është iniciuar si hetim i vdekjes dhe se Policia ka marr të gjitha veprimet e nevojshme për rastin”, tha Bytyqi./Telegrafi/

The post Gjendet i vdekur një 70-vjeçar në Suharekë appeared first on Telegrafi.

PRISHTINE, 19 janar/ATSH/ Zjarr i madh ka kapluar sot qendrën tregtare të ETC-së në Suharekë.

Zëdhënësi i policisë për rajonin e Prizrenit, Shaqir Bytyqi ka thënë se rreziku që zjarri të përhapet është eliminuar, megjithëse ka shkaktuar dëme të mëdha materiale.

“Sot me datë 19.01.2025 ,rreth orës 06:17  është raportuar se ka shpërthyer një zjarr në qendrën tregtare ETC në Suharekë. Zjarrfikësit, policia dhe KEDS kanë dal në vendngjarje.  Zjarri ka marr përmasa të mëdha. Zjarrfikësit po punojnë në shuarjen e tij. Për momentin është arrit të eliminohet rreziku që zjarri të përhapet më tutje. Si pasoj e zjarrit janë shkaktuar dëme të mëdha materiale, por të lënduar nuk ka të raportuar deri më tani. Policia do ta hetoj rastin si incident zjarri”, tha Bytyqi.

E kryetari i kësaj komune, Bali Muharremaj ka shkruar në Facebook se po mundohet që ky zjarr të lokalizohet me aq kapacitete sa ka qyteti, transmeton klankosova.tv.

Zjarrfikësit janë ende në vendngjarje dhe pritet të qëndrojnë aty, pasi që ka zjarre të vogla që po shperthejnë brenda Q.T ETC si dhe për shkak se në aferis gjendet Q.T Ben-CENTER dhe Restoranti GAMA. /KosovaPress/

The post Digjet ETC në Suharekë, dëme të mëdha materiale dhe rrezikohen biznese të tjera appeared first on Agjencia Telegrafike Shqiptare.

Mbi tre milionë euro, është dëmi material nga djegia e sotme e objektit të qendres tregtare në komunën e Suharekës.

Kështu konfirmon, pronari i biznesit, Ramiz Kelmendi, në një reagim të tij, ndërsa shton se fatmirësisht nga kjo ngjarje, nuk ka dëme në njerëz.

‘’Të nderuar kolegë; sot, e Diel 19.01.2025 në orët e hershme të mëngjesit (sikurse edhe herave tjera), filloi zjarri në ETC Suharekë dhe atë duke filluar nga Depo (sikur në të tre rastet).

Fatmirësisht, nga kjo e keqe e madhe, dëme në njerëz nuk ka, ndërsa dëmet materiale janë të konsiderueshme, (mbi 3 milion), ku siperfaqja e objektit është rreth 10 mijë metra katror.

Kam një pikëpyetje se si të mbrohem nga keto dëme në vazhdimësi, si ti përballoi emocionalisht si personale ashtu edhe në familje.

Si ti përballoi dëmet financiare (e mira nga kjo fatkeqësi është se nuk ka dëme në njerëz, në të punësuarit).

Mbetem me shpresë që Organet e rendit dhe sigurisë të merren me këto raste, sepse duhet larguar dyshimet e qëllimta dhe ato të paqëllimta.

Është për të ardhur keq papërgjegjësia, në tre rastet, e Monirorimit vizual qëndror me mbikqyrje 24 orë, 2 persona në vazhdimësi – (ku shifet qartë në Kamera, zanafilla dhe mundësia për intervenim).

Jam në pozitë të vështirë, se si të mos ndodhin më këto raste!

Ramiz Kelmendi’’

The post Djegia e qendrës tregtare, flet pronari: Mbi tre milionë euro dëmi material, nuk ka dëme në njerëz appeared first on Sot News | Lajme.

Një qendër tregtare në Suharekë të Kosovës është përfshirë nga flakët.

Raportohet se janë djegur disa dyqane, ndërsa forcat zjarrfikëse kanë shkuar në vendngjarje.

Në pamjet e publikuara shihen flakët që kanë përfshirë qendrën tregtare dhe shtëllunga të zeza tymi.

The post Përfshihet nga flaka një qendër tregtare, shkrumbohen disa dyqane appeared first on Sot News | Lajme.

Një qendër tregtare në Suharekë të Kosovës është përfshirë nga flakët gjatë mëngjesit të kësaj të diele. Raportohet se janë djegur disa dyqane, ndërsa forcat zjarrfikëse kanë shkuar në vendngjarje. Në pamjet e publikuara shihen flakët që kanë përfshirë qendrën tregtare dhe shtëllunga të zeza tymi.  

The post Foto/ Përfshihet nga flakët qendra tregtare në qytetin shqiptar appeared first on BoldNews.al.

Pesë persona kanë mbetur të plagosur pas një aksidenti të ndodhur në Suharekë në Kosovë.

Mediat në Kosovë raportojnë se në aksident janë përfshirë dy automjete. Të plagosurit janë transportuar në spital ku edhe po marrin trajtim mjekësor.

“Policia e trafikut kanë dalë në vendngjarje dhe kanë menaxhuar situatën e krijuar me trafikun pas aksidentit”, ka thënë zëdhënësi i Policisë për rajonin e Prizrenit, Shaqir Bytyqi.

/abcnews.al/

Një aksident mes dy veturave në fshatin Dubravë të Suharekës.

Zëdhënësi i Policisë për rajonin e Prizrenit, Shaqir Bytyqi,  ka njoftuar se si pasojë e aksidentit 5 persona kanë mbetur të lënduar.

“Me datë 02.01.2025 rreth orës 16:00 është raportuar një aksident trafiku në fshatin Dubravë të  Suharekës. Në aksident janë të përfshira dy automjete. Si pasojë e aksidentit janë shkatuar dëme materiale dhe 5 persona kanë pësuar lëndime trupore”, ka deklaruar ai.

Policia e trafikut kanë dal në vendngjarje dhe po merren me rastin./Telegrafi/

The post Aksident trafiku në Dubravë të Suharekës, pesë të lënduar appeared first on Telegrafi.