Një kolonel i shërbimit sekret ukrainas, SBU, ka mbetur i vrarë në një atentat me armë zjarri në lagjen Holosivskij të Kievit.

Lajmin e kanë konfirmuar vetë autoritetet ukrainase, sipas të cilave ngjarja ka ndodhur rreth orës 9 të paradites së të enjtes, kur një person i është afruar kolonelit Ivan Voronych dhe ka qëlluar 5 herë ndaj tij me një pistoletë.

Oficeri i lartë ka ndërruar jetë menjëherë, ndërsa vrasësi ka arritur të arratiset.

Në rrjetet sociale janë publikuar pamje të atentatit, të filmuara nga kamerat e sigurisë, në një parking automjetesh.

Në pamje mund të shihet viktima teksa ecën me një çantë në dorë, si dhe momenti kur ndaj tij vrapon një person që hap zjarr në një distancë shumë të afërt.

Më pas, autori, i veshur me të zeza dhe pantallona të gjata deri tek gjuri, arratiset me vrap.

Ndërkohë, në mbarë Ukrainën kanë vazhduar sulmet ruse. Të paktën dy persona humbën jetën si pasojë e një sulmi intensiv të kryer ndaj Kievit gjatë natës.

I njëjti agresion, sipas autoriteteve lokale, la edhe 16 të plagosur.

Vërshimi i dronëve dhe raketave vijoi për disa orë, njoftoi ndërkohë kryebashkiaku i kryeqytetit ukrainas, Vitali Klitschko.

Ndërsa gazetarë të agjencisë “AFP” raportuan se kishin dëgjuar shpërthime të fuqishme në qytet përgjatë gjithë natës mes së mërkurës dhe së enjtes.

The post Vritet koloneli i shërbimit sekret ukrainas, ekzekutohet në një atentat në Kiev appeared first on Euronews Albania.

Një person është gjetur pa shenja jete pranë liqenit të Shkopetit në fshatin Madhesh të Ulëzës në Mat. Autoritetet policore raportojnë se viktima është shtetasi R. D., 23 vjeç. Babai i viktimës, shtetasi R. D. kishte bërë kallëzim në komisariatin e Matit mbrëmjen e djeshme se kishte humbur kontaktet me të birin dhe kërkonte ndihmë […]

The post Dyshohet se është vrarë me armë zjarri një 23-vjeçar në Mat appeared first on BoldNews.al.

Shtetet e Bashkuara e kanë dënuar sulmin rus të kryer përgjatë natës në Kiev, ka thënë zëdhënësja e Departamentit amerikan të Shtetit, Tammy Bruce të martën, duke konfirmuar vdekjen e një shtetasi amerikan në Ukrainë.

“Ne jemi në dijeni për sulmet e natës së mbrëmshme në Kiev, që kanë rezultuar me shumë viktima, përfshirë vdekjen tragjike të një shtetasi amerikan. Ne dënojmë këto sulme dhe u shprehim ngushëllime familjarëve të të prekurve”, ka thënë Bruce në një konferencë për media.

Kryetari i Kievit, Vitali Klitschko, ka thënë të martën se shtetasi amerikan, një 62-vjeçar, ka vdekur si pasojë e sulmeve në qytet, pa dhënë më shumë hollësi.

Rusia e ka rrafshuar një pjesë të një blloku apartamentesh të martën në Kiev, duke shënuar sulmin më vdekjeprurës në kryeqytetin ukrainas këtë vit, pasi qindra dronë dhe dhjetëra raketa kanë vrarë të paktën 16 persona dhe kanë plagosur 134 të tjerë.

Zyrtarët ukrainas kanë shpallur të mërkurën ditë zie.

Presidenti ukrainas, Volodymyr Zelensky e ka përshkruar sulmin si ndër më të tmerrshmit në kryeqytet, prej nisjes së luftës më 2022.

Trupat ushtarake ruse janë duke bërë përpjekje për të depërtuar në thellësi të rajonit lindor të Ukrainës dhe kanë hapur një front të ri në rajonin Sumi, në verilindje, pavarësisht thirrjeve për armëpushim prej presidentit amerikan, Donald Trump.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

LEXONI GJITHASHTU:

• “E papranueshme!” OKB: Qindra viktima në Gaza u qëlluan kur kërkonin ushqim
• Irani paralajmëron banorët e Tel Avivit dhe Haifës: Evakuohuni për të shpëtuar jetën

The post DASH konfirmon vdekjen e një shtetasi amerikan në Ukrainë dhe dënon sulmet ruse appeared first on Euronews Albania.

Policia e Balit ka arrestuar dy persona në lidhje me një të shtënat me armë zjarri që vranë një australian dhe plagosën rëndë një tjetër.

Ngjarja ndodhi në Munggu, një zonë turistike në jug të ishullit indonezian, kur dy burra hynë me forcë në vilën e Zivan Radmanoviç, 32 vjeç, dhe e qëlluan atë për vdekje menjëherë pas mesnatës të shtunën. Gruaja e tij u zgjua nga britmat e tij dhe më pas gjeti trupin e tij në banjo.

Sanar Ghanim, 34 vjeç, u plagos gjithashtu gjatë sulmit dhe po merr trajtim në spital për plagët e tij. Policia ka mbledhur 17 gëzhoja plumbash, dy predha të paprekura dhe 55 fragmente plumbash nga vendi i ngjarjes. Dëshmitarët kanë raportuar se autorët flisnin anglisht me theks të fortë australian.

Njëri nga të dyshuarit u arrestua në Xhakarta, kryeqyteti i Indonezisë, ndërsa tjetri u kap jashtë vendit. Policia tha se hetimet janë ende në zhvillim dhe po shqyrtojnë motivet e mundshme të sulmit. Mediat australiane kanë raportuar se Sanar Ghanim kishte lidhje me vajzën e adoptuar të të ndjerit Carl Williams, një figurë e njohur e botës së krimit në Melburn.

LEXONI GJITHASHTU:

• EMRI/ Kapet në Tiranë i dënuari për drogë në Milano, do të ekstradohet në Itali
• Trump hedh poshtë pretendimet: Dalja nga G7 s’ka të bëjë me armëpushimin Izrael-Iran

The post Hynë me forcë në vilën e tij, vritet me armë zjarri një australian në Indonezi appeared first on Euronews Albania.

Kryetarja e një fshati në shtetin jugor meksikan të Oaxacës u vra në një breshëri të shtënash të dielën, pasi katër persona të armatosur sulmuan zyrën e saj në bashki. Raportohet se nga të shtënat u vra edhe një këshilltar.

Kryetarja e bashkisë Lilia Garcia u vra herët të dielën në komunitetin e San Mateo Pina. Katër sulmues që udhëtonin me skuterë, hynë në bashki dhe e vranë Garcian duke hyrë me forcë në zyrën e saj, ku ndodhej edhe viktima e dytë këshilltari i qytetit Eli Garcia.

The post Meksikë/ 4 persona futen me forcë në bashki, ekzekutojnë kryebashkiaken appeared first on Lapsi.al.

Autoritetet iraniane kanë konfirmuar vrasjen e shefit të njësisë së inteligjencës së Gardës Revolucionare Islamike (IRGC), gjeneral Mohammad Kazemi, gjatë sulmeve ajrore izraelite të së dielës në Teheran.

Sipas agjencisë iraniane Tasnim dhe televizionit shtetëror të Iranit, në të njëjtin sulm humbën jetën edhe zëvendësi i tij, Hassan Mohaqeq, si dhe një tjetër komandant i lartë, Mohsen Baqeri.

Lajmi është konfirmuar edhe nga vetë kryeministri izraelit Benjamin Netanyahu, i cili në një intervistë për Fox News tha: “Mund t’ju them me siguri që kemi eliminuar shefin e inteligjencës së tyre dhe zëvendësin e tij, në zemër të Teheranit.”

Gjeneral Kazemi ishte një figurë kyçe në Gardën Revolucionare dhe kishte marrë drejtimin e njësisë së inteligjencës së IRGC në vitin 2022, duke zëvendësuar Hossein Taeb.

The post Sulmet izraelite/ Eleminohet shefi i inteligjencës së forcave të armatosura iraniane appeared first on Sot News | Lajme.

Minnesota është tronditur nga një sulm i rëndë me armë që dyshohet të ketë pasur motive politike, ku humbi jetën përfaqësuesja e shtetit Melissa Hortman dhe bashkëshorti i saj Mark, ndërsa një tjetër çift politikanësh u plagos rëndë. Guvernatori i Minnesotës, Tim Walz, konfirmoi në një konferencë për shtyp të shtunën se Hortman dhe bashkëshorti […]

The post Tronditet Minnesota! Atentat ndaj dy senatorëve, vritet ligjvënësja demokrate dhe bashkëshorti i saj / appeared first on BoldNews.al.

Një ngjarje e rëndë ka ndodhur ne Tale të Lezhës, ku mësohet se ende në rrethana të paqarta është ekzekutuar me armë, 57-vjeçari Pjetër Kaza në oborrin e banesës së tij.

Nga veprimet e para hetimore, dyshohet se ngjarja ka ndodhur para banesës së tij, në kohën që shtetasi Kaza po kthehej për në banesë me automjetin e tij.

Sipas burimeve paraprake, autori i krimit është ende i paidentifikuar dhe nuk dihen motivet e vrasjes.

Forcat e policisë kanë mbërritur menjëherë në vendin e ngjarjes dhe po punojnë për grumbullimin e provave dhe marrjen në pyetje të familjarëve dhe banorëve të zonës.

Menjëherë pas marrjes së njoftimit, në vendngjarje janë nisur shërbimet e Policisë vendore të mbështetura nga Forca Kombëtare e Sigurisë, Njësia Shkodër.

Grupi hetimor po ndjek disa pista për zbardhjen e rrethanave të krimit.

The post Ngjarje e rëndë/ Ekzekutohet me armë zjarri në oborrin e banesës 57-vjeçari në Lezhë (EMRI) appeared first on Albeu.com.

Një burrë është gjetur pa shenja jete mëngjesin e kësaj të enjte në banesëmn e tij në Shkodër. Ngjarja ka ndodhur rreth orës 07:20, në fshatin “Bardhaj”. Autoritetet policore raportojnë se viktima është shtetasi L. D., 55 vjeç, i cili dyshohet se është vetëvrarë me armë gjahu. Policia thotë se grupi hetimor po punon për […]

The post Gjendet i vrarë një 55-vjeçar në Shkodër, çfarë dyshohet appeared first on BoldNews.al.

Është zbardhur identiteti i shqiptarit, i dyshuar si autor i vrasjes së 41-vjeçarit Altin Arapaj, i cili u ekzekutua me armë zjarri ë zonën bregdetare të Rafinës në Athinë të Greqisë. Mediat raportojnë se bëhet fjalë për shtetasin Mikel Selimaj, 46 vjeç nga Vlora, person me precedentë penalë për trafik droge. Po ashtu edhe viktima […]

The post EMRI/ Ky është shqiptari i dyshuar si autor i vrasjes së Altin Arapajt në Greqi appeared first on BoldNews.al.

Mbrëmjen e djeshme, një ngjarje e rëndë ka ndodhur në lagjen 18 në Durrës, ku 29-vjeçari Ermir Dedja, ka humbur jetën si pasojë e të shtënave me armë zjarri.

Sipas informacioneve policore, Dedja mësohet se ka qenë një person me precedentë penalë, pasi në vitin 2017 ai është arrestuar në Durrës, për një bashkëpunim me Ismail Nuredinin në plagosjen e një të riu në Shijak.

Durrës/Informacion paraprak

Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital.

Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.

Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.

The post Të shtëna me armë zjarri në Durrës, humb jetën 29-vjeçari (EMRI) appeared first on Albeu.com.

Një ngjarje e rëndë ka ndodhur në orët e para të mëngjesit të sotëm në Institucionin e Ekzekutimit të Vendimeve Penale në Fushë-Krujë, ku një i paraburgosur është vetëvarur. Viktima është identifikuar si Qani Hamit Muça, 57 vjeç, i arrestuar për “vrasje e funksionarëve publikë” e mbetur në tentativë dhe “mbajtje pa leje e armëve”.

Sipas njoftimit zyrtar të Drejtorisë së Përgjithshme të Burgjeve, ngjarja ka ndodhur rreth orës 03:34 të mëngjesit në sektorin 2, kati i dytë, godina B e burgut, ku i ndjeri qëndronte në një dhomë me pesë të paraburgosur të tjerë. Trupi i pajetë u zbulua nga një prej të burgosurve, pasi Muça kishte qëndruar më gjatë se zakonisht në tualet. Ai u gjet i vetëvarur në grilën e dritares së ajrimit.

Menjëherë pas konstatimit, u njoftuan autoritetet përkatëse dhe u morën masat e para mjekësore, ndërsa grupet hetimore kanë nisur punën për zbardhjen e plotë të rrethanave të ngjarjes. Drejtoria e Burgjeve shpreh ngushëllimet familjarëve të të ndjerit.

The post Detaje/ 57-vjeçari i jep fund jetës në burgun e Fushë-Krujës appeared first on Lapsi.al.

Një grua është gjetur e pajetë brenda një automjeti në zonë e Liqenit të Thatë në kryeqytet.

Sipas policisë, 38-vjeçarja është gjetur e vetëvrarë brenda një makine tip Volvo.

Burime bëjnë me dije se viktima ka qenë me babanë në makinë në momentin e ngjarjes, e ulur në vendin e pasagjerit.

Ka qenë ky i fundit që ka lajmëruar policinë për atë që ka ndodhur.

Ende janë të paqarta motivet e kësaj ngjarjeje.

LEXONI GJITHASHTU:

• EMRI| Sherr mes shqiptarëve në Itali, vritet me thikë në zemër 37-vjeçari
• Roje në një objekt në ndërtim, vritet me armë zjarri 58-vjeçari në Vlorë

The post Vetëvritet me pistoletë brenda në makinë një grua te Liqeni i Thatë appeared first on Euronews Albania.

KOSOVË- Krim në qytetin e Prishtinë! Policia e Kosovës ka njoftuar se një 34-vjeçar ka humbur jetën në rrugën “B” në Prishtinë, kurse një vajzë 30-vjeçare është plagosur.

Paraprakisht dyshohet se 34-vjeçari ka plagosur fillimisht të dashurën, ndërsa më pas ka vrarë veten.

Lajmi konfirmohet nga  Flora Ahmeti, zëdhënëse e Policisë së Kosovës për rajonin e Prishtinës. Ahmeti ka njoftuar se fillimisht rasti është raportuar rreth orës 15:00 për dy persona të lënduar në një ndërtesë në rrugën “B” në Prishtinë.

“Hetuesit policorë po ndërmarrin të gjitha veprimet e duhura hetimore që do t’i kontribuonin hetimit të ngjarjes”,  ka thënë Ahmeti.

Një nxënës u vra dhe dy të tjerë u plagosën në një sulm me thikë jashtë Shkollës së Mesme Santa Ana në qytetin me të njëjtin emër në Kalifornian Jugore, tha policia lokale.

Tre studentë, të gjithë meshkuj, u dërguan në spital, ku njëri prej tyre vdiq, ndërsa dy të tjerët janë në gjendje të qëndrueshme, tha zëdhënësja e policisë Natalie Garcia, sipas Associated Press.

Incidenti ndodhi ndërsa nxënësit po largoheshin nga shkolla pasi mbaroi mësimi, tha zëdhënësi i distriktit shkollor Fermin Leal.

Sipas zyrtarëve, në sulm morën pjesë edhe persona që nuk ishin nxënës të shkollës.

Policia është duke kërkuar të paktën dy persona të dyshuar për sulmin, dhe lidhja e tyre me shkollën dhe motivi i sulmit janë aktualisht të panjohura.

Pas incidentit, të gjitha programet jashtëshkollore dhe aktivitetet sportive u anuluan.

Santa Ana, një qytet me rreth 300,000 banorë, ndodhet 50 kilometra në juglindje të Los Anxhelosit.

LEXONI GJITHASHTU:

• Kalifornia padit Trump: Tarifat doganore janë të paligjshme dhe shkaktojnë dëme
• Tërmeti 5.2 ballë godet Kaliforninë afër San Diegos

The post Kaliforni, 1 nxënës vritet para shkollës, 2 të tjerë plagosen appeared first on Euronews Albania.

Në orët e para të mëngjesit të së dielës, një i ri 26-vjeçar, Riccardo Claris, tifoz i rregullt i Atalanta ‘Curva Nord’, u qëllua për vdekje me thikë në Bergamo. Vrasja ndodhi në zonën e stadiumit ‘Geuiss’, në rrugë, me sa duket në kulmin e një debati midis tifozëve të ekipit të Atalantës dhe Interit.

Viktima dyshohet se është goditur në shpinë nga një tjetër ultras, i dyshuar si 19-vjeçar i cili më vonë është dorëzuar në polici dhe është në paraburgim duke pritur të merret në pyetje nga gjyqtari hetues. Ai dyshohet se u shpreh se veproi për të mbrojtur vëllanë e tij gjatë një sulmi të dhunshëm që përfshinte gjithsej dhjetë të rinj.

Sherri thuhet se filloi jashtë një bari në Borgo Santa Caterina midis dy grupeve të tifozëve, Interit dhe Atalantës, pasi 19-vjeçari, së bashku me vëllanë e tij dhe disa miq, filluan të brohorisnin. Në vendngjarje, në rrugën Ghirardelli, pak pas orës 1:00 të mëngjesit, mbërritën automjetet e emergjencës, por nuk kishte asgjë që mund të bëhej për të riun e goditur me thikë. Disa banorë raportuan se kanë parë shufra dhe shkopinj, por hetimet janë ende duke vazhduar.

The post Vritet me thikë tifozi 26-vjeçar/ Sherr mes ultrasve të Atalantës dhe Interit… appeared first on Sot News | Lajme.

Një ngjarjee rëndë ka ndodhur në orët e para të mëngjesit të sotëm në provincën e Trevisos në Itali, ku një i ri 20-vjeçar ka humbur jetën pasi u godit me thikë pas një sherri jashtë një klubi nate. Mediat italiane shkruajnë se ngjarja ndodhi rreth orës 04:00 pranë lokalit “Baita a Lago”, ndërsa një […]

The post Itali/ 20-vjeçari vritet pas konfliktit në një klub nate appeared first on BoldNews.al.

VLORË– Detaje të tjera dalin në dritë mbi ekzekutimin e 58-vjeçarit mëngjesin e së dielës në qytetin e Vlorës. Policia e Vlorës thekson se Renato Hoxhaj është qëlluar me një armë tip pistolete.

Ai punonte si roje në një pallat në lagjen “Hajro Çakërri”, objekt ky, i cili ishte në ndërtim e sipër.

Ekzekutimi i tij është kryer në orën 06:00 të mëngjesi, teksa po kthehej në shtëpi. Sipas të dhënave paraprake, 58-vjeçari është goditur nga afër, shumë pranë shtëpisë së tij në Vlorë.

Ai është qëlluar tre herë me armë zjarri pistoletë, ndërsa plumbat e kanë kapur dy në kokë dhe një në trup. Ka qenë bashkëjetuesja e tij, e cila e ka parë të vrarë 58-vjeçarin dhe ka lajmëruar menjëherë policinë.

Dyshohet se autori/ët mund të këtë hyrë edhe nga një rrugë tjetër pas lagjes, e cila ishte si shteg pa kamera sigurie dhe në errësirë totale.

Ai ishte i divorcuar, ndërsa fëmijët e tij jetojnë prej vitesh në Itali. Grupi hetimor ka mbledhur të gjitha provat në vendin e krimit, prova këto, që mund të çojnë në identifikimin dhe kapjen e autorëve./abcnews.al

VLORË– Një 58-vjeçar i identifikuar si Renato Hoxhaj u gjet i vrarë mëngjesin e së dielës në ambientet e një objekti në qytetin e Vlorës, i cili ishte në ndërtim e sipër.

Ai punonte roje në këtë objekt, ndërsa nuk dihen ende rrethanat e krimit.

Burime nga policia konfirmojnë se viktima është qëlluar me tre plumba, dy ne kokë dhe një në gjoks.

Viktima nuk njihej si person problematik në zonë./abcnews.al

VLORË- Një 58-vjeçar i identifikuar si Renato Hoxhaj është gjetur i vrarë me armë zjarri në qytetin e Vlorës.

Ai punonte roje në një objekt, i cili është në proces ndërtimit.

Gazetari i ABC News, Elton Nika, raporton se viktima kishte dy djem, ndërsa jetonte i vetëm dhe i divorcuar.

Sakaq, 58-vjeçari nuk njihej si person problematik në zonë.

“Rreth orës 06:00, në lagjen “Hajro Çakërri”, në rrugë, në afërsi të banesës së tij, është gjetur pa shenja jete, dyshohet i vrarë me armë zjarri, një 58 vjeçar, i cili ishte i punësuar dhe si roje në një objekt në ndërtim pranë banesës së tij. Është ngritur një grup i posaçëm hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.”, njofton policia.