Prokuroria Themelore në Gjakovë, Departamenti i Krimeve të Rënda, ka ngritur aktakuzë, kundër të pandehurve S.T., E.B., dhe B.P.
Në njoftim thuhet se sipas aktakuzës të pandehurit kanë tentuar që të privojnë nga jeta të dëmtuarit B.K dhe I.K.
“Sipas aktakuzës, ndër të tjera ceket se më datë 20.01.2025, rreth orës 16:54 minuta, rruga ” B.K “në Gjakovë tek K.C., me dashje dhe në bashkëveprim kanë tentuar ti privojnë nga jeta të dëmtuarit B.K., dhe I.K., që të dy nga Gjakova, në atë mënyrë si shkak i një mosmarrëveshje të muajit Dhjetor 2024 në mes të dëmtuarit I.K., dhe të pandehurit S.T., të pandehurit si shok të ngusht që janë, mirrën vesh që së bashku për rreth dy javë t’i përcjellin lëvizjet e të dëmtuarit I.K., po ashtu dhe ditën kritike vazhdojnë me përcjellje ndaj tijë, të paisur me armë pistoletë e llojit TT, dhe me të arritur tek vendi i cekur më lartë sapo vërejnë të dëmtuarit I.K së bashku me të dëmtuarin B.K., që futen në automjetin e tyre të llojit Audi A6 me targa ..,shkojnë në drejtim të tyre me tu afruar i pandehuri E.B., hap dritarën e pasme të automjetit dhe shtënë me armë disa herë në drejtim të tyre, i pandehuri S.T., drejton automjetin me një shpejtësi shumë të ngadalësuar, ndërsa i pandehuri B.P., me të telefon incizon rastin dhe po ashtu që të dy të pandehurit S.T., dhe B.P., për deri sa i pandehuri E.B., ishte duke shtënë me armë degjohen duke i thënë të pandehurit E.B., “edhe njo, edhe njo fryje”, të gjitha këto veprime të koordinuara mirë janë marr nga tre të pandehurit, mirëpo edhe pse automjeti nga të shtënat qëllohet disa herë fatmirësisht këto të shtëna nuk arrijnë të qëllojnë në trup të dëmtuarit”, thuhet në njoftim.
Tutje bëhet e ditur se me këto veprime të pandehurit S.T., E.B., dhe B.P., në bashkryerje kanë kryer veprën penale Vrasja e rëndë në tentativë nga neni 173 par.1 nënpar.1.5 e lidhur me nenin 31 dhe nenin 28 të KPRK-së.
Gjithashtu sipas aktakuzës të pandehurit S.T., E.B., dhe B.P., secili veç e veç kanë kryer veprën penale, Mbajtja në pronësi, kontroll ose posedim të paautorizuar të armëve nga neni 366 par.1 të KPRK-së.
Prokurori i çështjes me rastin e ngritjes së aktakuzës, i ka propozuar gjykatës që të pandehurit të shpallën fajtor dhe të dënohen sipas ligjit për veprat penale të cilat u vihen në barrë. /Telegrafi/
Në dy raste të ndara, zyrtarët policorë në kuadër të Drejtorisë Rajonale të Policisë në Gjakovë kanë ndërmarr veprime operative dhe hetimore me ç’rast kanë sekuestruar dy armë zjarri dhe kanë arrestuar dy persona të dyshuar.
Sipas një njoftimi për media bëhet e ditur se në rastin e parë më datë 24.07.2025, rreth orës 20:50, Njësia për Reagim të Shpejtë (NJRSH) në kuadër të Drejtorisë Rajonale të Policisë në Gjakovë, gjatë realizimit të detyrave policore në pikën e kontrollit në rrugën “Gjergj Sokoli” në Gjakovë, ka ndaluar për kontroll një automjet me targa vendore. Gjatë kontrollit, tek shoferi i automjetit, një person i gjinisë mashkullore, i moshës madhore, është gjetur dhe sekuestruar një armë zjarri e llojit revolver, me 7 fishekë dhe 5 gëzhoja, për të cilat i dyshuari nuk posedonte leje përkatëse.
Ndërsa në rastin e dytë, siç thuhet në njoftim më datë 24.07.2025, rreth orës 11:00, Stacioni Policor në Malishevë, pas pranimit të një informate për të shtëna me armë zjarri në rrugën “Idriz Ajeti” në Malishevë, ka dalë menjëherë në vendin e ngjarjes. Në konsultim me prokurorin, është kryer kontroll në vendbanimin e një personi të dyshuar, mashkull kosovar i moshës së mitur. Gjatë kontrollit është gjetur dhe sekuestruar një pistoletë për sinjalizim me zë me një karikator dhe 5 gëzhoja të po të njëjtës armë, të cilat janë konfiskuar si prova materiale.
“Në të dy rastet, me vendim të Prokurorit të Shtetit, personat e dyshuar janë liruar në procedurë të rregullt, ndërkohë që ndaj tyre janë iniciuar rastet penale për veprën ‘Mbajtje në pronësi dhe kontroll të paautorizuar të armëve’. Drejtoria Rajonale e Policisë në Gjakovë mbetet e përkushtuar për të garantuar sigurinë publike, si dhe për të parandaluar dhe luftuar veprimtaritë e kundërligjshme që cenojnë rendin dhe sigurinë e qytetarëve”, thuhet në njoftim. /Telegrafi/
Kosova po përballet me një situatë alarmante për shkak të zjarreve që kanë përfshirë gjithë territorin e vendit. Vetëm gjatë javës së fundit janë regjistruar mbi 320 vatra zjarri, ndërsa si pasojë kanë humbur jetën dy persona. Një zjarrfikës nga Gjakova dhe një qytetar nga komuna e Klinës janë viktimat e fundit të këtyre zjarreve […]
Edhe pse Komuna e Gjakovës ka ndërtuar rreth 4 mijë metra kanale për ujitje në katër vjetët e fundit, fermerët e disa fshatrave si Dobroshi dhe Rracaj, ende përballen me mungesë uji për kulturat bujqësore. Ata detyrohen të përdorin pompa për të siguruar ujë, duke e quajtur këtë proces të kushtueshëm dhe të lodhshëm. Zyrtarët komunalë premtojnë se do ta përfundojnë edhe pjesën e mbetur të rrjetit të ujitjes për ta rritur rendimentin dhe lehtësuar punën e fermerëve.
Vetëm gjatë katërvjeçarit që po e lëmë pas, komuna e Gjakovës ka ndërtuar rreth 4 mijë metra kanale për ujitje. Mirëpo, ato nuk po mjaftojnë pasi që fermerët e disa fshatrave po detyrohen që të gjejnë rrugë tjera për ujitjen e bimëve të tyre.
Njëri prej tyre është Ramadan Fazliu nga Dobroshi i cili ka të mbjella rreth 5 hektarë me misër, thotë se kjo mënyrë e ujitjes përveç që e kushtueshme është tepër e lodhshme.
“Në mungesë të kanaleve për ujitje duhet me motorë për me e marrë prej Trravës me e qit në kodër me vaditë. Siç po e shihni edhe vet ara veç është duke u ujit me vonesë se nuk kemi pas mundësi më herët diku me marrë ujë, se po duhet me u kombinuar me fshatrat tjera deri sa të na vije radha, kështu që po e provojmë edhe shansin e fundit për me marrë diçka prej misrit”, tha Ramadan Fazliu, fermer nga Dobroshi.
Fermerët thonë se Komuna ka hapur shumë kanale mirëpo ata kërkojnë që të përfundojnë edhe pjesa e mbetur e kanaleve për ujitje, në mënyrë që të rritet edhe prodhimi i tyre.
“Ju po e shihni edhe vet se në çfarë gjendje janë arat. Është tokë pjellore për mbi 50-60 hektarë këtej janë të pa bëra”, tha Beqir Beqiraj, fermer nga Rracaj.
E drejtori i drejtorisë për Bujqësi Gani Hajdari tha se në realitet janë bërë punë të mëdha në hapjen e kanaleve për ujitje duke premtuar se në të ardhmen e afërt do të hapen të gjitha kanalet tjera në mënyrë që fermerëve t’iu lehtësohet puna.
“Ne kanalet e bujqësisë i bëjmë në ato regjione ku ka kërkesa edhe ku janë toka lavërtare, me misër, me pemë e perime dhe produkte të tjera. Nuk është kurrë e mjaftueshme, sepse në këtë zonë ka kërkesa, ka edhe fermerë shumë të vyeshëm edhe ne gjithmonë duhet të ju rrimë karshi kërkesave të tyre dhe të vazhdojmë me punimet në kanalet e ujitjes duke e ditur se e rrisim prodhimin e të mbjellave të tyre”, tha Gani Hajdari, drejtor i DBZHR në Gjakovë.
Zyrtarët komunal në Gjakovë thonë se bujqësia dhe blegtoria në këtë komunë janë mbështetur edhe përmes shumë projekteve të tjera zhvillimore./RTK
Shkruan: Vera Pelaj ( Ky shkrim që është realizuar më herët, botohet me shkas, për shënimin e 90-të vjetorit të lindjes së shkrimtarit Agim Gjakova)
Fotografia: Sevdail Sulejmani
Kush (cili) është Agim Gjakova?
U lind më 1935. Bir i dy mësuesve gjakovarë, i Demushit, oficer demokrat në ushtrinë e Fan Nolit si kryeministër, drejtor didaktik arsimor i tri nënprefekturave, Gjakovës, Malësisë dhe Podrimjes, kryetar i Këshillit Nacional Çlirimtar, i burgosur nga Italia fashiste, i torturuar dhe pas demonstratës që u bë në Gjakovë për lirimin e tij, gjatë së cilës u vra Shani Nushi, u plagosën të tjerë, u rrahën e gjakosën njerëzit, u lirua nga burgu që të vdiste në shtëpi në vitin 1943. E ëma Emine Gjakova – Shehdula e rriti në frymën atdhetare, kur spikati edhe axha i tij Haki Taha që vrau Milladin Popoviqin.
Agim Gjakova mbaroi shkollën Normale në Gjakovë dhe shkoi student në Beograd në fakultetin filozofik. Fryma atdhetare nuk e la të qetë edhe atje dhe bashkë me shokët formoi shoqatën e studentëve shqiptarë në Beograd, “Përpjekja”, në gojën e ujkut, në kohën kur sundonte Rankoviqi dhe torturoheshin e vriteshin shqiptarët e Kosovës në reprezaljen e ashtuquajtur aksioni për mbledhjen e armëve.
U burgos tri herë. Me gjithë torturat ku ia thyen edhe dhëmbët, nuk pranoi asgjë]. I thanë “Ti je i ndërgjegjshëm politikisht dhe me ty nuk bën fajde dajaku. Duhet të ta shkatërrojmë sistemin nervor që të dorëzohesh. Kishte metoda edhe për këtë. Por Agim Gjakova nuk firmosi asnjë shkresë.
Megjithëkëtë Agim Gjakova u tha se nuk ishte dhe nuk do të jetë për Jugosllavinë, se Jugosllavia nuk u ka bërë strehë të barabartë shqiptarëve dhe për trajtimi e familjes së tij dhe vetë atë pa bursë… Po theksoj, se studenti Agim Gjakova pothuajse nuk dinte ç’ishte të hante mëngjes se nuk kishte. Paguante vetëm drekën dhe konviktin dhe darkën herë me bukë e herë pa bukë.
Pasi ia hoqën shtetësinë me arsyetimin se kishte lindur jashtë Jugosllavisë, herën e tretë e arrestuan dhe e dërguan në kampin e përqendrimit dhe i thanë se “Nuk del më kurrë i lirë në tokën e Jugosllavisë”. Morën përgjigjen se “nuk më ka marrë malli për tokën e Jugosllavisë, por për Kosovën time.” Dhe me 27 maj të vitit 1960 vetë zyrtarët e UDB-së e nxorën fishek në kufirin shqiptar si person të padëshirueshëm për Jugosllavinë. Ky ishte shkau.
Po si e priti atdheu si të riatdhesuar? Duke dashur t’i bëjnë luftë nervash e lanë për tre muaj e gjysmë pa punë dhe pa pagë. Familjes (nëna dhe një teze që u dëbuan bashkë me të) i dhanë një ndihmë tre mijë lekë për gjithë atë kohë, që ishte sa gjysma e rrogës mesatare në Shqipëri në atë kohë. Qëlloi që në tre katër ditë në javë të hante bukë me dhallë në gjendje shëndetësore të pasburgurt. Por stoicizmi i Agim Gjakovës, në përballje me buzëqeshje dhe humor, aq karakteristike për të gjatë gjithë jetës edhe sot e kësaj dite, e përballoi edhe atë sfidë. Kërkoi të vazhdonte studimet. Më në fund pas dy vjetësh i dhanë mundësinë të vazhdonte studimet për gjuhën angleze dhe shqipe në Tiranë.
Kam në kompjuter dosjen e Sigurimit të Shtetit për Agim Gjakovën. Drejtoresha e Autoritetit të trajtimit të dosjeve të Sigurimit të Shtetit i tha kur po ia dorëzonin se “Juve do të jua japim dosjen të plotë, pasi nuk keni pisllëqe vetë, por të tjerët kanë për ju. Dhe bashkë me dy të tjerët ju keni qenë, siç themi, gjak e lak me Sigurimin.”
Dhe çfarë dosje se! Për pothuajse mbi njëzet e sa vjet u mbikëqyr, u vëzhgua, u përgjua, u hetua në Shkodër, Kukës, Berat, Lushnjë e Fier, Mirditë, Durrës, Kavajë etj. për ndonjë lidhje të këtij agjenti të rrezikshëm. Një dosje prej njëmijenjëqindenjëzetetetë faqe.
Në dosje figurojnë njëqind e katër emra: drejtorë të Sigurimit të Shtetit, drejtorë drejtorish, oficerë dhe operative, dy ministra, dy zëvendësministra, të cilët janë marrë drejtpërdrejtë apo tërthorazi me Agim Gjakovën, si armik i rrezikshëm kundër partisë e pushtetit, si agjent i mundshëm i UDB-së.
E çka s’ka në këtë dosje! Në një anë Agim Gjakova e në anën tjetër një ushtri e tërë. Sfida e buzëqeshjes, nëse për miq e shokë tejet e përzemërt, për këtë ushtri edhe sfiduese dhe ironike. E pyetëm Agim Gjakovën se si kanë qenë mbikëqyrja, vëzhgimi, përgjimi. “Ishin të egra, banale, vulgare, me presion psikologjik.” Dhe siç thonë u mbush kupa. Në vitet shtatëdhjetë i shkroi letër ministrit të brendshëm ku trajtoi çështje kombëtare, të marrëdhënieve me Kosovën dhe me vëllezërit kosovarë. Kur e lexon atë letër njeriu i bën pyetje vetes: Çfarë guximi vetëvrasës është ky?
Po citoj pak nga shënimi i ministrit të brendshëm, Kadri Hazbiu, që ia dërgon drejtorit të Sigurimit të Shtetit, Rexhep Kolli: “E studiova me vëmendje letrën që më dërgon sh. Agim Gjakova. Mendoj se shqetësimi i tij… është legjitim. Por më duket se ky ka një sërë pakjartësish… Po ashtu tregohet i ngutur e jo me respekt ndaj shokëve që e kanë këshilluar e skjaruar – siç thotë ai vetë. Me sa duket nuk kupton mirë se këto çështje i trajton – si gjithnjë partia dhe organet përkatëse të pushtetit në një gamë të gjerë…”
Po çfarë shkruan, ndër të tjera, në atë letër, Agim Gjakova:
Se politika e Shqipërisë nuk ka qenë në mbrojtje të Kosovës në vitet 1944. Vetëm tani kur ndryshuan rrethanat filloi Shqipëria të interesohet për Kosovën … Shoku Enver nuk është interesuar aq sa duhet për popullin e Kosovës deri tani … në rast të krijimit të situatës së përleshjeve në Jugosllavi nuk besojmë se Shqipëria do të na vijë në ndihmë… sikur mungon vullneti, kjo u pa më katërdhjetekatrën – si mund të pretendohet të krijohet afiniteti, afërsia shpirtërore me kosovarë, kur nuk është krijuar me ne që ndodhemi këtu – se kosovarët në Shqipëri nuk trajtohen mirë e tjerë e tjerë…
Natyrisht se Agimi nuk i kuptonte këto, as ministrin as Enverin, por lëshon batutën ironike se “Nuk mund të lejoj që fjalët e shokut Enver të kthehen në demagogji”. O tempora o mores!
Agim Gjakova nuk kupton kur shtron pyetjen se ç’duhet bërë për Kosovën. Kjo i vë në siklet se si t’i përgjigjen. Dhe në bisedë me drejtorin e Sigurimit të Shtetit, zëvendësministër i brendshëm, Rexhep Kolli nuk merr asnjë përgjigje, por rrotullime fjalësh. Dhe Agim Gjakova, megjithëse e dinte, me buzëqeshjen e tij kupton se Enver Hoxha u ka dhënë urdhër që vetëm të bëhet ndonjë farë propagande për Kosovën dhe asgjë më shumë.
Agim Gjakova nuk kupton kur ua përplasë në fytyrë qëndrimet partiake e shtetërore se “Kosova nuk është pjesë e atdheut, kosovarët janë të gjithë nacionalistë borgjezë” etj.
Dhe i mëshon pohimit: “E them haptazi se ka pasur individë që kanë thartuar fytyrat kur më kanë parë me shokët kosovarë. Unë kam guximin ta them, ashtu siç e kam thënë edhe më parë, të gjitha pakënaqësitë apo padrejtësitë e shkaktuara nga qëndrimi i personave të ndryshëm ndaj meje”. E thërrasin dhe ministri i thoë se “je shprehur pa respekt për oficerët e sigurimit”, dhe ky u përgjigjet “ jo për të gjithë, jua jap emrat”.
Ku e ka marrë gjithë këtë guxim që të provokojë deri në sferat më të larta të diktaturës!
E pyesim: Si ke guxuar ta provokosh një shtet diktatorial me aq e aq krime? “Platforma e mbrojtjes sime ka qenë ”qëndroj dhe nisem nga pozicioni që Shqipëria të zhvillohet, të ecë përpara, duke theksuar si vërejtjet e mangësitë, si shtrembërimet e tendencat negative, si edhe provokimet, për të cilat kisha përgatitur edhe kundërpërgjigje në rast se do të më akuzonin, të paktën mos të më zinin në fjalë, pasi dihej se e kishin dorën e gjatë shtatë pash për të bërë ç’iu tekej e ç’të donin”.
Po bërtas edhe një herë: O tempora, mores! Siç thonë në Shqipëri të gjithë këta po bënin një vërë në ujë. E kishin nga ethet për karrierë, për përfitime partiake dhe nga urrejtja, që, siç janë shprehur në ministrinë e brendshme, “po na duket toka rëndë kah po shkel ai në Tiranë!”.
Sfida ironike bëhet edhe më e mprehtë e Agim Gjakovës. Më lejoni të tregoj vetëm një rast: Në hotel “Dajti” në Tiranë, që ishte vetëm për të huajt, ku nuk guxonin kurrsesi të hynin vendësit, Agim Gjakova nuk ka pyetur për Sigurimin. Ka takuar vëllezërit e tij. Një rast tek po priste pranë sportelit që të zbriste në holl nga dhoma një shok i tij i ardhur nga Kosova, i afrohet një operativ i Sigurimit dhe zhvillohet kjo bisedë:
– Kosovar je ti? – Po. – Ke ardhur nga Çerma? (Vend ku ndodhej kampi i kosovarëve) – Po. (Agim Gjakova nuk ka qenë atje). – Sa ke në Çermë? – Gjashtë muaj. – E paske mësuar mirë gjuhën shqipe. – Po. Unë jam gjeni dhe e mësoj një gjuhë të huaj shumë mirë për gjashtë muaj.
Pas raportimit të këtij e thërrasin dhe i thonë: “Pse tallesh me oficerët e Sigurimit?” “Nuk tallem unë, por ata me vetveten.”
Hiç më mirë edhe ministrin e dytë, Hekuran Isai, dhe drejtorin e dytë të Sigurimit të Shtetit, Zylyftar Ramizi, një kriminel sadist.
Agim Gjakova kërkon të shkojë në Gjermani për temën e një romani me subjekt nga jeta e shqiptarëve të Kosovës. Dhe ku se? Kërkon nga regjimi i një shteti që e kishte mbyllur vendin në karantinë. Por natyrisht shënohet: “Kjo kërkesë mund të jetë një tentativë për të matur pulsin e organeve tona ndaj tij… shpreson se duke shkuar jashtë shtetit edhe mund të mos kthehet më këtu.”
E pyesim Agim për këtë nëse vërtetë besonte se do ta linin. Si zakonisht buzëqesh dhe përgjigjet: “Ata nuk i linin as anëtarët e partisë, madje edhe me përgjegjësi, pa le mua! Por edhe sikur të më lëshonin nuk e kisha ndërmend të largohesha nga Shqipëria.” Dhe këtë provokim e bën edhe në Byronë Politike, letër drejtuar Ramiz Alisë, e cila është në dosjet e Komitetit Qendror të PPSH-së. Dhe i vjen përgjigja që aparati i Byrosë Politike i kishte dërguar kërkesën Ministrisë së Brendshme, e cila. nëpërmjet të Zylyftar Ramizin, i thuhet Agimit se “nuk kemi siguri për të”, pra insinuata se Agimi do ta tradhtojë Shqipërinë, kurse ia interpretojnë se mund ta eliminojë UDB-ja. Kjo e dyta përgjigje ironike. Pra, dhe dyshohet si agjent i saj edhe paskan frikë se ajo ta eliminojë.
Por sfida e Agim Gjakovës, një sfidë që mund të karakterizohet përsëri guxim vetëvrasës, sido që të jetë kuptohet edhe nga Sigurimi. Po citoj drejtorin e Sigurimit: “Kuptohet se qëllimi i tij ishte për të matur pulsin, për të mësuar nëse qëndrimi i shokëve të Degës së Veçantë ishte si individë, apo qëndrim i instancave më të larta.”
Renditen pseudonimet e dyzetekatër spiunëve, të ashtuquajtur bashkëpunëtorë. Disa prej tyre Agim Gjakova i njihte dhe nëpërmjet tyre bënte edhe lojë me Sigurimit. se ata kishin frikë nga ndonjë farë organizimi jashtë partisë dhe jashtë strukturave shtetërore dhe Agim Gjakova i sfidon me atë guximin vetëvrasës, duke iu thënë se “dëgjojeni shefin ju” për veten, se duhet kështu e ashtu e të tjera që t’ua çonin fjalët e tij Sigurimit, por në disa raste shënimi është se Agim Gjakova e ka kuptuar spiunin.
Por hiç më lehtë nuk e ka pasur edhe në botën letrare: me refuzime për botim, me akuza deri në të përbindshmet që mund ta çonin në pushkatim ose burgim dhjetëvjeçar. Dhe përsëri buzëqeshja sfiduese, hera herë ironike. Në plenumin e Lidhjes së Shkrimtarëve dhe Artistëve të Shqipërisë në vitin 1967 Agim Gjakova diskutoi për trajtimin në letërsi me subjekt nga jeta e shqiptarëve të Kosovës, për të cilën jetë ju e dini se si ka qenë. Iu ndërpre fjala, sepse Agim Gjakova shtroi para të pranishmëve tezën se “atdheu është më i madh se shteti”. U prit me kënaqësi e miratim të heshtur në sall se – kush guxonte ndryshe – por u sulmua nga elita partiake se “shfaqte dyshime” ndaj politikës së partisë dhe se kufijtë e shtetit, pra edhe të atdheut, i paskësh përcaktuar saktë Stalini.
Në një mbledhje në Lidhjen e Shkrimtarëve ku duhej të kritikohej Agim Gjakova për veprën “Në kërkim të së vërtetës”, ku u tha, ndër të tjera,“Ti do ta gjesh të vërtetën? Të vërtetën e ka gjetur Partia”, etj. njëri prej kolegëve e krahasoi veprën e tij me mullarë të kashtës që i merr era dhe Agimi iu përgjigj: “Ata nuk janë mullarë kashte të Myzeqesë, por të Kosovës.” Kjo vepër u akuzua në plenumin e Lidhjes së Shkrimtarëve si ahistorike dhe që nxin realitetin.
Në këtë vazhdë për përmbledhjen me poezi “Rrënjët përtërihen” së cilës iu ndalua botimi, me porosi të Plenumit të Komitetit të Partisë së Punës të Shqipërisë, me porosi të Sektorit ideologjik të Byrosë Politike të KQ të PPSH, u organizua një takim i ngushtë prej tetë vetash, ku u akuzua se është kundër ideologjisë së Partisë, politikës së Partisë, ndërtimit të socializmit, si edhe për hermetizëm e luftënxitës, se paska dashur që Shqipërinë ta shtinte në sherr me Jugosllavinë, siç iu tha, dhe Agim Gjakova u përgjigj: Çudi se si qenkam kaq i fortë që të shti në sherr dy shtete!
E ç’të ju them, e ç’të ju them! Të përballësh me një ushtri të tërë… Ç’i thuhet kësaj!?
Agim Gjakovës i pëlqen të pijë kafe të fortë, na ka ndaluar që në tavolinë të bëjmë biseda serioze, se thotë se i kanë ardhur në maje të hundës, pasi për tridhjetë vjet çdo muaj ka dëgjuar shtatë tetë mbledhje gjoja serioze, për të mos përmendur aksion e të tjera edhe ditën e diele.
Është një hazerxhevap i madh, nuk di të shajë, nuk merr nëpër gojë askënd, bën humor mirëdashës me shokët e shoqet, tregon anekdota që i di me thes e të tjera. Nuk i dhimbsen paret që shpenzon me shoqërinë.
Unë nuk mund t’ia shpërblej kurrë ndihmën që më ka dhënë, vetëm se kur shkoj në katund në shtëpinë time, më porositë që t’i sjell bukë kallamoqe të gatuar mirë. Ky është shpërblimi që ia bëj. E them me mburrje që kam nderin dhe kënaqësinë që të jem në shoqëri me të. / KultPlus.com
Më 18, 19, 25 dhe 26 korrik dhe më 1, 2 dhe 8 e 10 gusht do të jenë datat e festivalit “Ditët e shqiptarit” që do të prezantojnë mbrëmje artistike në Gjakovë.
“Skena e Çarshisë së Madhe sjell një përzgjedhje të veçantë të artistëve shqiptarë — emra që sjellin emocion, energji dhe atmosferë që mbetet gjatë”, thuhet në njoftimin e organizatorëve, e që në këto mbrëmje do të performojnë këngëtarët: Eda Zari, Jericho, Elina Duni, Eugent Bushpepa, Vlashent Sata e shumë të tjerë.
KultPlus ju sjell linkun zyrtar të këtij festivali ku mund edhe ti shihni përditësimet rreth këtij organizimi./ KultPlus.com
Gjakova ka nisur sot aktivitetet për nder të 15 Qershorit – Ditës së Çlirimit të qytetit, me një atmosferë të ngrohtë dhe plot frymë artistike.
Aktivitetet u hapën me një performancë emocionuese nga kori fëmijëror “Lyra”, i cili solli tingujt e pastër dhe të gëzueshëm të fëmijërisë në qendër të qytetit.
Pas koncertit, u hap edhe ekspozita personale e artistes së re Alsea Ymeri, një emër premtues në skenën e artit pamor.
Ekspozita personale e artistes së re Alsea Ymeri
Punimet e saj paraqesin një ndërthurje të freskët mes kreativitetit rinor dhe ndjeshmërisë artistike, duke sjellë një perspektivë të re në shprehjen vizuale.
Këto aktivitete po organizohen me përkushtim nga Drejtoria për Kulturë, Rini dhe Sport në Gjakovë, si pjesë e programit festiv që do të vazhdojë edhe përgjatë ditëve në vijim.
Kompania Rajonale e Mbeturinave “Çabrati” njofton të gjithë konsumatorët se, për shkak të festës së Kurban Bajramit, sektori për mbledhjen e mbeturinave nuk do të operojë të premten, më 6 qershor 2025.
Nga qytetarët kërkohet që të mos i nxjerrin mbeturinat para shtëpive apo oborreve gjatë kësaj dite, për të shmangur grumbullimin dhe ndotjen e ambientit.
Të gjitha lagjet dhe zonat që sipas planit operativ duhej të shërbeheshin më 6 qershor, do të mbulohen të premten, më 13 qershor 2025, gjatë javës së ardhshme.
KRM “Çabrati” falënderon qytetarët për mirëkuptimin dhe bashkëpunimin.
Komuna e Gjakovës ka nisur asfaltimin e segmentit të parë rrugor në fshatrat Firzë dhe Brekoc, si pjesë e një projekti më të gjerë që përfshin edhe katër segmente të tjera, të cilat pritet të realizohen gjatë ditëve në vijim.
Ky projekt infrastrukturor ka një vlerë investimi prej 148 mijë eurosh dhe përfshin një gjatësi totale prej 1890 metrash.
“Kjo nuk është vetëm një punë ndërtimi, por një zotim i kthyer në realitet”, ka deklaruar kryetari i Komunës së Gjakovës, Ardian Gjini.
Sipas tij, ky investim sjell një qasje më të lehtë dhe një lëvizje më të sigurt për banorët, duke ndikuar pozitivisht në jetën e përditshme të familjeve në këto fshatra.
Tutje u bë e ditur që përmirësimi i infrastrukturës rrugore në zonat rurale është pjesë e strategjisë së komunës së Gjakovës për të përmirësuar qasjen për banorët e këtyre zonave si dhe për të nxitur zhvillimin lokal.
Prokuroria Themelore në Gjakovë ka bërë të ditur se ka filluar hetimet dhe ka paraqitur kërkesë për caktimin e masës së paraburgimit prej 30 ditësh ndaj pesë personave të arrestuar më 31 maj 2025 në fshatin Rogovë të Gjakovës.
Sipas Prokurorisë, të arrestuarit me inicialet S.H., L.H., F.H., A.H. dhe Sh.H., dyshohen për përfshirje në të shtëna me armë zjarri gjatë një ahengu familjar. Të dyshuarit fillimisht janë ndaluar për 48 orë dhe tashmë ndaj tyre është paraqitur kërkesa për paraburgim në Gjykatën Themelore në Gjakovë.
Prokuroria njofton se ndaj të dyshuarve rëndojnë një sërë veprash penale, përfshirë: Përdorim i armës apo mjetit të rrezikshëm (neni 367), Shkaktim i rrezikut të përgjithshëm (neni 356), Mbajtje në pronësi, kontroll ose posedim i paautorizuar i armëve (neni 366), Manipulim me prova (neni 389), Moslajmërim i veprave penale apo kryesve të tyre (neni 378).
Në kuadër të hetimeve, Policia e Kosovës ka sekuestruar një sasi të konsiderueshme armësh dhe municioni në vendin e ngjarjes, përkatësisht:
Dy armë automatike,
Një pushkë gjuetie,
Një pistoletë,
463 fishekë të kalibrave të ndryshëm,
Disa gëzhoja të gjetura në vendin e ngjarjes.
Hetimet për këtë rast janë në vazhdim, ndërkohë që autoritetet po shqyrtojnë provat dhe dëshmitë për të proceduar më tej me çështjen.
Ishte paraparë që sonte me fillim nga ora 20:00 në teatrin “Hadi Shehu” në Gjakovë të jipej shfaqja “Menaxheria e Qelqtë” e interpreruar nga trupa e aktorëve të Teatrit “Muharrem Qena” nga Mitrovica, mirëpo sipas një njoftimi të bërë nga Teatri “Hadi Shehu” si shkak i disa problemeve teknike, shfaqja e kësaj shfaqjeje anulohet.
Në njoftimin e bëë nga Teatri “Hadi Shehu” nuk është bërë e ditur ndonjë datë, apo orë tjetër se kur pritet të jipet kjo shfaqje në skenën e teatrit të Gjakovës.
Theksojmë që premiera e shfaqjes “Menaxheria e Qelqtë” ishte dhënë fillimisht në teatrin e Mitrovicës me datë 27 shkurt 2025.
Komuna e Gjakovës, ka ndarë 140 mijë euro për përkrahjen e zhvillimit ekonomik lokal, përmes granteve që do të shpërndahen për 26 biznese ekzistuese dhe start-up-e.
Ky lajm wshtw bwrw i ditur nga Kryetari i Komunws sw Gjakovws, Ardian Gjini, i cili pwrmes kwtij njfotimi bwri tw ditur se kjo përkrahje është realizuar nga Drejtoria për Zhvillim Ekonomik në komunën e Gjakkows, me qëllim të fuqizimit të ndërmarrjeve vendore, rritjes së kapaciteteve të tyre dhe krijimit të vendeve të reja të punës në k
“Jam veçanërisht i lumtur që si institucion po arrijmë të ofrojmë ndihmë për ndërmarrësit tanë, të cilët me shumë punë, ide dhe përkushtim po kontribuojnë çdo ditë në zhvillimin e ekonomisë,” theksoi Gjini.
Në njoftimin e tij Gjini po ashtu bëri të ditur që komuna e Gjakovës do të vazhdojë të përkrahë çdo iniciativë që sjell zhvillim ekonomik dhe një jetë më të mirë për qytetarët kësaj komune.
Kjo iniciativë vjen si pjesë e strategjisë së Komunës së Gjakovës për të stimuluar rritjen e sektorit privat në Komunën e Gjakovës.
KRU “Gjakova” edhe gjatë ditës së sotme ka vazhduar aksionin në terren për shkyçjen nga rrjeti i ujësjellësit të konsumatorëve që nuk kanë shlyer detyrimet financiare ndaj kësaj kompania, pavarësisht vërejtjeve të dërguara me kohë nga kompania ndaj këtyre konsumatorëve.
Sipas njoftimit zyrtar, pas shpërndarjes së paralajmërimeve për borxhet e papaguara, ekipet operative kanë dalë në terren për të ndërprerë shërbimin ndaj atyre konsumatorëve të cilët nuk janë i janë përgjigjur thirrjeve të KRU “Gjakova” për pagesë të shërbimeve që kjo kompani ofron.
Në njoftimin e bërë nga KRU “Gjakova” thuhet se ky aksion do të vazhdojë në të gjitha zonat në të cilat kjo kompani ofron shërbime.
“Ky aksion do të vazhdojë pa ndërprerje në të gjitha zonat e mbuluara me shërbim, në përputhje me planin e paraparë, derisa të realizohet shlyerja e detyrimeve nga të gjithë konsumatorët debitorë,” thuhet në njoftim e kompanisë.
Tutje, KRU “Gjakova” u bën thirrje të gjithë konsumatorëve që ende nuk i kanë përmbushur obligimet e tyre financiare që të veprojnë sa më parë, në mënyrë që të shmangin masat e mëtejshme, përfshirë shkyçjen nga shërbimet e ujësjellësit.
Në kuadër të një vizite miqësore, një delegacion i veçantë nga Italia qëndroi sot në Gjakovë për të shënuar 25-vjetorin e ndërtimit të Aeroportit të Gjakovës, një nga projektet më të rëndësishme infrastrukturore pas luftës në Kosovë.
Delegacioni i përbërë nga ish-komandanti i KFOR-it Italian në Kosovë, z. Salvatore Raimondo, dhe gjeneralët Francesco Noto e Carmelo Giardina, vizituan qytetin për të rikthyer kujtimet nga periudha kur u realizua ky projekt madhor.
Raimondo ka qenë një nga figurat kyçe në udhëheqjen e punimeve për ndërtimin e aeroportit, i cili për vite me radhë ka shërbyer si nyje e rëndësishme logjistike dhe simbol i bashkëpunimit ndërkombëtar.
Gjatë qëndrimit të tyre në Gjakovë, delegacioni u prit nga kryetari i komunës së Gjakoës, Ardian Gjini me bashkëpunëtorë, ku gjatë kësaj vizite ata u informuan për zhvillimet e fundit në qytet dhe projektet që po realizohen.
Gjatë një ecjeje në qendër të qytetit, mysafirët vlerësuan lart transformimet pozitive që ka përjetuar Gjakova ndër vite.
Vizita u mbyll në një ambient miqësor ku delegacionit italian iu bashkua edhe ish-kryetari i Komunës së Gjakovës, z. Mazllom Kumnova, duke e bërë takimin një moment përkujtimor dhe bashkimi për kontributin e dhënë në ndërtimin e qytetit të Gjakovës pasluftës.
Gjatë muajit prill, Spitali Rajonal “Isa Grezda” në Gjakovë, ka vazhduar të ofrojë një gamë të gjerë shërbimesh shëndetësore për qytetarët, duke reflektuar angazhimin e stafit mjekësor në përmbushjen e nevojave të pacientëve.
Sipas të dhënave zyrtare, gjatë këtij muaji janë realizuar gjithsej 10674 vizita mjekësore dhe ekzaminime të ndryshme, ndërsa janë ofruar edhe 333 shërbime të CT-së dhe 1306 shërbime radiologjike (rentgen i thjeshtë), ndërsa raporti muajit prill bënë të ditur se në Njësinë e Mjekësisë Fizikale dhe Rehabilitimit janë trajtuar 1028 pacientë.
Sipas të dhënavë zyrtare, thuhet se gjatë muajit prill janë hospitalizuar 1176 pacientë, ndërsa janë kryer gjithsej 200 operacione, ku po gjatë këtij muaji janë shënuar 98 lindje, nga të cilat 55 djem dhe 43 vajza.
Shërbime laboratorike në kuadët të Spitalit “Isa Grezda” kanë marrë 2811 pacientë, në Repartin e Hemodializës janë kryer 795 seanca dialize, duke siguruar kujdes të vazhdueshëm për pacientët që kanë nevojë për këtë shërbim.
Kryetari i Komunës së Gjakovës, Ardian Gjini, ka zhvilluar një vizitë zyrtare në Shtetet e Bashkuara të Amerikës me ftesë të organizatës prestigjioze rinore YMCA, një prej organizatave më të vjetrav dhe më me ndikim në botë.
Gjatë qëndrimit në SHBA, kryetari Gjini, i shoqëruar nga drejtoresha e YMCA në Kosovë, Dorina Lluka – Davies, realizoi disa takime të rëndësishme në Chicago, Iowa dhe veçanërisht në Fort Dodge, i njohur si qytet mik i Gjakovës.
Gjatë vizitës së tij në këtë qytet, kryetari Gjini, u shprej tejet lumtur që lidhjet e këtyre dy qyteteve po forcohen çdo vit.
“Falënderoj përzemërsisht kryetarin e Fort Dodge, Matt Bemrich dhe stafin e tij për mikpritjen. Jam tejet i lumtur që lidhjet tona po forcohen çdo vit.” u shpreh fillimisht Gjini.
Ai gjithashtu vlerësoi kontributin e konsullatës së Kosovës në Des Moines, Iowa, duke përmendur veçanërisht pritjen e ngrohtë dhe angazhimin e vazhdueshëm të stafit, me në krye Drilon Zogajn, në përfaqësimin dinjitoz të shtetit të Kosovës në SHBA.
Në kuadër të vizitës, delegacioni pati mundësinë të vizitojë edhe disa nga kampet dhe aktivitetet më përfaqësuese të YMCA-së, ku u diskutua rritja e nivelit të bashkëpunimit mes kësaj organizate dhe Komunës së Gjakovës, ku Gjini potencoi që kampi i organizatës YMCA në Gjakovë do të shërbejë si një shembull i shkqlqyer bashkëpunimi në të ardhmen.
“Komuna e Gjakovës dhe YMCA kanë një histori të gjatë bashkëpunimi, e cila po thellohet çdo ditë e më tepër. Jam i bindur se kampi i YMCA-së në Gjakovë do të shërbejë si një shembull i shkëlqyer në të ardhmen.” shtoi tutje Gjini.
Mungesa e trotuareve vazhdon të jetë një shqetësim i vazhdueshëm në disa zona të Komunës së Gjakovës, përfshirë edhe fshatin Rogovë.
Sipas banorëve të këtij fshati, edhe pse rrugët janë të asfaltuara, lëvizja e këmbësorëve në disa pjesë të fshatit është e rrezikshme, pasi mungojnë trotuaret që janë të dedikuara për ta.
Duke marrë parasysh edhe afërsinë e pjesës së rrugës me objektin e shkollës së fshatit Rogovë, një kërkesë tjetër e banorëve, është që në këtë pjeë të intervenohet, duke u vendour pengesa që ndryshe njihen si “policë të shtrirë”, në mënyrë që lëvizja e nxënësve në afërsi të shkollës të jetë sa më e sigurtë.
Përveç banorëve janë edhe nxënësit ata të cilët kërkojnë që të bëhët vendosja e “policëve të shtrirë” në afërsi të shkollës, dhe të krijiohet hapësira e trotuareve në mënyrë që të bëhet parandalimi i aksidenteve eventuale.
Sot në Gjakovë shënohet 26 vjetori i Betejës së Çabratit, betejë e cila vazhdon të cilësohe si simbol i qëndresës, guximit dhe dashurisë për lirinë e vendit tonë.
Datat 7, 8 dhe 9 maj të vitit 1999, për shumë nga qytetarët e Gjakovës, që atëbotë ishin në qytet, kujtojnë momentet e luftimeve të ashpra mes forcave të UÇK-së dhe policisë, ushtrisë dhe paramilitarëve serbë.
Kjo betejë ishte e rëndësishme për faktin se misioni i luftëtarëve të lirisë ishte mbrojtja e mijëra civilëve në qytetin e Gjakovës.
Në nderim dhe përkujtim të kësaj dite, pranë varrezave të viktimave të kësaj beteje, ka bërë homazhe edhe kryetari i Komunës së Gjakovës, Ardian Gjini, i cili këtë betejë e vlersoi si një symbol i qëdresës e dashurisë për liri.
“7 Maji 1999 nuk është thjesht një datë – është simbol i qëndresës, i guximit dhe i dashurisë për liri. Në lagjen Çabrat të Gjakovës, luftëtarët e UÇK-së u përballën me forcat serbe në një nga betejat më të ashpra dhe heroike të luftës.”, shkroi Gjini në postimin e tij në Facebook.
Tutje Gjini potencoi që përmes kësaj beteje u mbrojt qyteti ynë, duke shkruar me gjak një kapitull të pavdekshëm në historinë tonë.
Në këtë betejë kanë rënë 7 dëshmorë dhe 41 civilë. Po ashtu, më 7-8 maj janë rrëmbyer dhe zhdukur 43 qytetarë të kësaj lagje. /Telegrafi/
Nën kryesimin e Kryesueses së Kuvendit, Arbënesha Kuqi, sot është mbajtur mbledhja e katërt e rregullt e Kuvendit të Komunës së Gjakovës për këtë vit, ku u diskutuan dhe u miratuan pikat e parapara në rend të ditës, si dhe dy pika shtesë të propozuara në fillim të mbledhjes .
Pas shqyrtimit dhe miratimit të procesverbalit të mbledhjes së kaluar, mbledhja vazhdoi me pikën e dytë, pyetje për ekzekutivin.
Anëtarët e kuvendit parashtruan pyetje të cilat kryesisht ishin të natyrës infrastrukturore dhe shërbimeve publike, përgjigjet për të cilat i dha Nënkryetari i Komunës së Gjakovës Flamur Fetahaj, dhe drejtorët e drejtorive përkatëse z. Shkumbin Kastrati dhe z. Nikollë Lleshi.
Më pas u diskutua lidhur me pikën shtesë- Propozim vendimin për këmbimin e pronës së paluajtshme komunale me pronën e paluajtshme në pronësi të Prenk Nikolla, i cili propozim u votua pro nga shumica e anëtarëve prezent.
Më pas u diskutua lidhur me pikën tjetër shtesë Rishqyrtim i rregullores per bonuset e zonimit – sqarimet për të cilat i dha udhëheqësja e sektorit për ndërtim Elida Bejtullahu. Kjo pikë kaloi me 14 vota pro, 7 kundër dhe 3 abstenime.
Mbledhja vazhdoi me pikën pasuese- shqyrtimi i informatës financiare të Komunës së Gjakovës për periudhën Janar- Mars 2025, për të cilën pikë fjalën e mori drejtori për Buxhet dhe Financa z. Durim Halilaj.
Ai mes tjerash tha se totali i buxhetit komunal i alokuar për këtë periudhë kohore është mbi 21 milion , ndërsa janë shpenzuar gjithsej 8, 281, 418.00 €. Ai shtoi se gjatë kësaj përiudhe komuna ka siguruar dhe te ardhura vetanake me vlerë 1, 386, 965.29 €.
Gjatë mbledhjes u dha dhe Raporti per gjendjen e rrugëve Urbane dhe Rurale ne Komunën e Gjakovës, informatat të cilat i dha drejtori për Infrastrukturë z. Shkumbin Kastrati.
Ai përmendi disa nga projektet të cilat janë në zhvillim dhe ato të cilat janë planifikuar.
Ndërkaq, informatat për Ndriçimin Publik ne Komunën e Gjakovës i dha drejtori i Shërbimeve Publike z. Nikollë Lleshi.
Ai përmendi marrëveshjen me KRM “Çabrati” për mirëmbajtje të ndriçimit publik, duke theksuar se shumë shpejtë do të sanohen të gjitha defektet egzistuese, Kastrati tutje shtoi se komuna po punon edhe në aspektin e zgjerimit të rrjetit të ndriçimit publik.
Policia e Kosovës ka bërë të ditur se për 24 orë janë raportuar dy raste të dhunimit në Malishevë dhe në Gjakovë.
Sipas raportit bëhet e ditur se rasti ka ndodhur të mërkurën rreth orës 12:00 ku një person dyshohet se e ka dhunuar një grua.
“Malishevë / 23.04.2025 – 12:00. Është raportuar se i dyshuari mashkull kosovar kishte kryer veprën e lartcekur ndaj viktimës femër kosovare. Viktima është dërguar për ekzaminim mjekësor. I dyshuari ndodhet në kërkim policor, rasti në procedurë hetimore”, thuhet në raport.
Po ashtu në rastin e dytë është raportuar se një person kishte dhunuar një grua dhe rasti është duke u kryer.
“Gjakovë / 23.04.2025 – 19:00. Është raportuar se një i dyshuar mashkull kosovar kishte kryer veprën e lartcekur ndaj viktimës femër kosovare. Rasti është duke u hetuar”, thuhet në raport. /Telegrafi/
Login
