Kreu i PD, Sali Berisha ka paraqitur para gazetarëve faktet që sipas tij tregojnë manipulimin me patronazhistë të votimeve të diasporës. Sipas Berishës mjafton një kërkim në profilin e Sinan Patozit, një prej patronazhistëve që merrnin pjesë në takimet e Taulant Ballës në Itali dhe kuptohet manipulimi gjigand që është bërë me votën e emigrantëve.

Berisha: Sot këtu kemi sjellë disa foto dhe video, që faktojnë se patronazhisti është personi që merr në dorë votën e diasporës. I cili drejtohet direkt nga famëziu Taulant Begojaris. Ja ku e keni. Krenar njëri me tjetrin për krimin që kryejnë. Ja ku është. Votat në duart e partisë së krimit.

Ky është vetëm një episod, ose një dëshmi, një fakt. Ekzistojnë të tjera në të cilat votat e diasporës u shtetëzuan dhe u manipuluan në shkallën që deshi, partia e krimit.

Në shkelje të plotë të kontratës, dhe sigurisht ka vetëm një konkluzion: këto zgjedhje nuk mund të njihen kurrë.

Detyra themelore e çdo demokrati dhe demokrateje është, rikthimi i të drejtës së votës së lirë, largimi i Edi Ramës nga pushteti, qeveria teknike dhe vota e lirë.

The post Denoncimi/ Votat e diasporën në krahët e patronazhistit Sinan Patozi appeared first on Lapsi.al.

Berisha denoncon “masakrën” me votat e diasporës: E implikuar është edhe Posta Shqiptare!

Aq vulgar dhe aq banal, saqë u doli tërësisht jashtë çdo kontrolli dhe tani, ndër të tjera, dora e zezë e Postës Shqiptare, është një nga faktorët e tjerë që u shtri mbi votën e diasporës. Imagjinoni ju magazinat e Postës Shqiptare, se si lukunia e patronazhistëve ribëri nga e para votat siç deshi. Ky është një proces i kriminalizuar në shkallën më të lartë, që kurrë nuk do njihet dhe nuk do pranohet. Për të ilustruar këto që them, kemi sjellë vetëm disa shembuj. Kemi sjellë këtu disa shembuj, ku në Lezhë vota të numëruara janë 12.290, kurse të dërguara janë 11.872.

Kjo sepse ata që kanë plotësuar zarfet, ata nuk kanë pasur të ndalur, kanë tejkaluar edhe këtë të dhënë. Këtu në Dibër, nga 7733 zarfe të numëruar, janë dërguar vetëm 7547 zarfe në total. Edhe këtu janë shtuar 200 zarfe për të ndihmuar partinë. Në Durrës janë shtuar 560 zarfe më shumë.

Në Fier, 27.191 zarfe janë numëruar, në fakt kanë qenë gjithsej 26.212, pra pothuajse 1 mijë zarfe më shumë. Në Kukës, 3003 zarfe, kanë gjithsej 2917 në total.

Në Shkodër, janë numëruar 13.959 zarfe, kanë qenë gjithsej 13.533 zarfe në total. Në Tiranë, janë numëruar 43.773 zarfe nga 42.400 në total, pra 1300 më shumë. E shihni pra që nuk janë ngopur së futuri zarfe në kutitë që kanë ardhur, në postë, në magazinë apo kudo. Tani kemi sjellë disa shembuj të votimit si në Korenë e Veriut ose si në vitet ’80 në Shqipëri, ku 97 përqind i ka PS, 3 përqind i ka ASHM. Rikthehen rekordet e Koresë së Veriut në Shqipëri.

93.8 përqind, rezultat rus e quan këtë një demokrate e vendosur. Tjetër. 28 vota me 371 vota, rreth 90 përqind. Këtu 16 vota me 272 vota, nuk ngopen patronazhistët, ata kanë një urrejtje të tmerrshme për armikun, për kundërshtarin, saqë nuk dinë se ç’bëjnë. Kjo pra është fytyra e vërtetë e votës së diasporës.

The post Zgjedhjet e 11 majit/ Berisha denoncon “masakrën” me votat e diasporës: E implikuar është edhe… appeared first on Sot News | Lajme.

Procesi i numërimit të votave të ardhura nga jashtë vendit për kandidatët në listat e hapura ka përfunduar për 11 qarqe të vendit, ndërsa vijon ende në qarkun Elbasan.

Kjo është hera e parë që diaspora shqiptare merr pjesë në votim, duke kontribuar drejtpërdrejt në përzgjedhjen e kandidatëve brenda listave zgjedhore. Diaspora konfirmoi në Kuvend Olta Xhaçkën, e cila kishte humbur në raport me Blerina Gjylametin sipas votave brenda vendit. Emigrantët ndikuan edhe listën e PD. Isuf Celaj fitoi mandat duke mundur Shkëlqim Shehun në Kukës. Në Lezhë me 27 vota më shumë nga kandidatja Marjeta Neli, diaspora i siguroi vendin në parlament Admir Kadelit. Arriti të hyjë edhe kandidatja e PS në qarkun e Fierit, Zegjine Çaushi.

Sipas të dhënave zyrtare, numërimi është finalizuar për qarqet: Kukës, Shkodër, Dibër, Durrës, Fier, Tiranë, Berat, Lezhë, Vlorë, Gjirokastër, Korçë.

Komisioni Qendror i Zgjedhjeve (KQZ) ka njoftuar se procesi i numërimit të votave të preferencës vazhdon në qarkun Elbasan, ku ende po vlerësohen rezultatet.

Ndërkohë, KQZ ka urdhëruar gjithashtu numërimin fillestar të votave të panumëruara për dy qendra votimi:

QV nr. 1352/01, KZAZ nr. 21, qarku Durrës

QV nr. 2777/00, KZAZ nr. 54, qarku Elbasan

Ky proces do të zhvillohet më 20 maj 2025, në orën 12:00, në ambientet e Komisionit Qendror të Zgjedhjeve. Rezultatet nga këto qendra do të përfshihen në Tabelën Përmbledhëse të Rezultatit përkatës të zonës zgjedhore.

The post Përfundon numërimi i votave të diasporës për kandidatët në 11 qarqe, vijon në Elbasan appeared first on Lapsi.al.

Partia Demokratike, përmes Sekretarit për Çështjet Ligjore dhe Zgjedhore, Ivi Kaso, i ka kërkuar zyrtarisht Komisionit Qendror të Zgjedhjeve të kryejë një audit të thelluar dhe të pavarur mbi procesin e votimit të diasporës.

Sipas PD-së, auditimi duhet të mbulojë çdo fazë të procesit, nga regjistrimi i votuesve deri te shpallja e rezultateve për çdo qark. Në deklaratën zyrtare, Kaso kërkoi që KQZ të ndalojë shpalljen e çdo rezultati derisa auditi të përfundojë dhe të bëjë transparencë të plotë.

PD akuzon për parregullsi të rënda në Greqi dhe qarqe të tjera, duke theksuar raste me zarfe bosh, fletë të përziera dhe vota të paidentifikuara, ndërsa procesin e quan “të dështuar dhe të kompromentuar në palcë”.

Deklarata e plotë:

Teksa po numërohen votat e fundit të diasporës, procesi jo vetëm që po bëhet gjithnjë e më shumë qesharak, por qartazi u ka dalë nga duart atyre që projektuan këtë masakër elektorale.

Dështimi katastrofik i këtij procesi ngado, po veçanërisht në Greqi, shpaloset përditë, me prova, para syve të qytetarëve.

– Pas rasteve të panumërta të denoncuara nga bashkëatdhetarët tanë, të zarfeve të mbërritur bosh pa fletë votimi, të zarfeve të shpërndarë nga patronazhistë, paradoksalisht këtej numërohen shumë më shume fletë votimi se sa zarfe të ardhura;

– Pas zarfeve të mbërritur për në qarkun Durrës që përmbanin vota për Gjirokastrën,

– Pasi KQZ ende sot nuk di të na thotë së sa fletë votimi ka vulosur për diasporën, … e sa e sa raste çudirash të tilla,

Ky proces është tashmë i kompromentuar rëndë dhe jo legjitim.

Për më tepër ai reflekton edhe atë që ka ndodhur Brenda vendit, nëpërmjet të njëjtit mekanizëm!

Ne sot i kërkojmë zyrtarisht Komisionit Qendror të Zgjedhjeve, kryerjen e një auditi të plotë, me ekspertë të pavarur, për të gjitha hapat e këtij procesi të korruptuar në palcë, duke filluar nga regjistrimi i zgjedhësve, nga prodhimi i fletës së votimit nga jashtë e të çdo hapi tjetër deri në administrimin e fletës së mbërritur dhe në daljen e rezultatit për çdo qark.

Gjithashtu i kërkojmë KQZ, mosnxjerrjen e asnjë rezultati dhe mosmiratimin përfundimtar të asnjë tabele për diasporën derisa auditi i pavarur të dorëzojë konkluzionet e tij mbi procesin dhe të bëjë transparencë të plotë mbi votën e shqiptarëve.

Ky proces tashmë ka rënë totalisht.

Ne nuk mund të shpëtojmë, për fat të keq, fytyrën e këtij procesi i cili, me këmbënguljen e Partisë Demokratike synonte t`u jepte të drejtën e munguar shqiptarëve jashtë Shqipërisë, por që u korruptua në palcë dhe u disintegruar përpara syve të gjithë shqiptarëve, në saj të vullnetit të mbrapshtë të kësaj mazhorance!

The post ‘Procesi është i kompromentuar’, PD kërkon audit për votat e diasporës: Nuk duhet të certifikohet pa hetim të pavarur appeared first on Sot News | Lajme.

Kryekomisioneri i KQZ-së, Ilirjan Celibashi ka dalë sot në një deklaratë për mediat nga Parku Olimpik ku vijon numërimi i votave të diasporës. Celibashi ka bërë me dije se kanë mbetue ende 50 mijë fletë votimi për t’u numëruar. Më tej ka treguar se nga 201 mijë zarfe me fletët e votimit të dorëzuara nga DHL, 199 824 janë të vlefshme, ndërsa 1 971 fletë votimi janë të pavlefshme. Ai bëri me dije se ka nisur vlerësimi i fletëve të votimit për kandidatët.

“201 956 dërgesa apo dokumentacion zgjedhor unik të dorëzuar nga DHL-ja të KQZ. Zarfe të DHL-së të dërguar në KQZ, unike. Janë zgjedhës që e kanë kthyer mbrapsht fletën e votimit nëpërmjet këtij shërbimi. Janë 353 dërgesa të tjera postare unike, ku zgjedhësit kanë kthyer mbrapsht zarfin jo nëpërmjet DHL-së. Nga 353, 107 janë shqyrtuar e vlerësuar nga Komisioni Qendror i Zgjedhjeve. Në total, janë 202 063 numri i dokumentacionit zgjedhor që ka vlerësuar deri tani KQZ. Pra, kemi evituar termin zarfi A dhe zarfi B, sepse krijuan konfuzion për t’i kuptuar e interpretuar.

Shifra e fundit, është numri i dokumentacionit zgjedhor unik për çdo zgjedhës që ka shqyrtuar KQZ. Numri total i fletëve të votimit, jo çdo zarf ka patur në 100% të rasteve të tij zarfin B apo e anasjellta. Apo edhe zarfe që nuk kanë patur brenda fletën e votimit. 201 795 numri i fletëve të votimit, të vlerësuara, prej të cilave 199 824 janë fletë votimi të vlefshme. 1971 janë fletë votimi të pavlefshme. Janë 201 795 votues nga jashtë! Po ta vëreni dhe ta konstatoni, nga numri total i zarfeve të mbërritur, ato që janë shqyrtuar, ka kuptim logjik”, tha Celibashi.

The post Celibashi: 1 971 fletë votimi të diasporës janë cilësuar të pavlefshme appeared first on Lapsi.al.

Votat e diasporës për Fierin janë numëruar të tëra. Partia Socialiste ka ruajtur mandatin e 12-të me 80% të votave. Nga qarku i Fierit, PS fut në Kuvend 5 deputetë nga lista e mbyllur, Belinda Balluku, Petrit Malaj, Kiduina Zaka, Erjo Mile dhe Ana Nako. Ndërkohë, nga lista e hapur futen 7 deputetë, 5 burra dhe 2 gra. Në Kuvend futen Ceno Klosi, Klevis Jahaj, Asfloral Haxhiu, Antoneta Dhima, Elton Korreshi, Zegjine Çaushi dhe Dhimitër Kruti. Në këtë qark do futen vetëm 2 gra nga lista e mbyllur.

Nga ana tjetër, PD-ASHM merr në Fier vetëm 4 deputetë nga lista e mbyllur: Gazment Bardhi, Luan Baçi, Brunilda Haxhiu dhe Saimir Korreshi. Procesi i numërimit u krye nga Parku Olimpik me përfaqësues të forcave politike dhe vëzhgues.

The post Numërohen votat e diasporës për Fierin, PS ruan mandatin e 12-të appeared first on Lapsi.al.

Ka përfunduar procesi i numërimit të votave nga Greqia për subjektet zgjedhore në katër qarqe kryesisht Kukës, Durrës, Tiranë dhe Shkodër.

Sipas asaj që njofton Komisioni Qëndror i Zgjedhjeve vijon procesi i numërimit nga Greqia për subjektet zgjedhore në qarqet Korçë, Gjirokastër, Lezhë, Fier, Dibër, Vlorë, Elbasan, Berat.

Ndërkohë ka filluar procesi i numërimit dhe vlerësimit të votave nga jashtë për kandidatët e votimit preferencial në listë “të hapur” në qarqet Durrës, Tiranë, Kukës, Shkodër.

Kujtojmë se në rang kombëtar, nga zgjedhjet e 11 Majit PD mori vetëm 50 mandate. Ndërkohë PS fitoi 83 të tilla, ndjekur nga PSD me 3 mandate, Partia Mundësia me 2 dhe së fundmi dy partitë e reja Nisma Shqipëria Bëhet dhe Lëvizja Bashkë me nga 1 mandat.

The post Votat e Greqisë,përfundon procesi i numërimit për subjektet zgjedhore në katër qarqe appeared first on Albeu.com.

Të shtunën ka nisur numërimi i votave të ardhura nga emigrantët shqiptarë që jetojnë në Greqi. Deri në orën 15:13 janë hapur 23 mijë zarfe nga gjithsej 53 mijë që kanë mbërritur për numërim. Qarku i Kukësit ka përfunduar i pari këtë proces nga votat e Diasporës.

Pritet që në përfundim të numërimit të mbi 50 mijë votave të emigrantëve, të vlerësohet nëse ky rezultat do të sjellë ndryshime në ndarjen e mandateve në Kuvend. Votat nga Greqia mund të sjellin ndryshim mandatesh në Lezhë, Tiranë, Korcë, Fier

Kryetari i KQZ-së, Ilirjan Celibashi, do të mbajë një konferencë për shtyp në orën 16:00 për të informuar mbi zhvillimin e procesit.

The post Vijon numërimi i votave të Diasporës, ja ‘surpriza’ që mund të sjellin në Lezhë, Korçë, Fier e Tiranë appeared first on Sot News | Lajme.

Procesi i numërimit të votave të diasporës vijon ende prej 6 ditësh. Ndërkohë gjatë këtij procesi janë konstatuar disa probleme, të cilat janë evidentuar edhe nga përfaqësues të Partisë Demokratike.

Në faqen e Komisionit Qendror të Zgjedhje, rezulton se për qarkun e Tiranës janë numëruar rreth 43 mijë fletë votimi të diasporës, ndërkohë që zyrtarisht ishin regjistruar vetëm 42 mijë votues nga diaspora në këtë shtet.

The post Votat e diasporës/ 43 mijë fletë të numëruara, 42 mijë votues të regjistruar appeared first on Lapsi.al.

Numërimi i votave të Greqisë për qarkun e Lezhës po ngushton diferencën mes koalicionit të PD-së që deri tani ka 4 mandate dhe PS-së e cila ka marrë 3 mandate.

Nga numërimi i 10695 zarfave nga 11841 që janë në total, PD-ja është përpara me 621 vota, ndërkohë që me votat e Shqipërisë diferenca ishte rreth 1500 vota.

Kjo ka bërë që në Parkun Olimpik të shtohet interesi për kutitë e Lezhës.

Kandidati i PD-së, Kastriot Piroli është ai që rrezikon nëse PD-ja humbet mandatin në Lezhë, pasi është renditur i dyti në listën e hapur pas Gjin Gjonit.

The post PD rrezikon mandatin në Lezhë, PS e ngushton diferencën në 621 vota appeared first on Lapsi.al.

Drejtuesja politike e PD-së për diasporën, Jozefina Topalli është shprehur se gjatë numërimit të votave të Diasporës, janë konstatuar sipas saj disa vota me shkrim të njëjtë.

“Gjatë numërimit të votave të Diasporës janë konstatuar një numër votash për Partinë Socialiste, të cilat duken të jenë të plotësuara nga e njëjta dorë qoftë për nga forma e shenjës “+” ose “x”, ashtu edhe për nga ngjyra e stilolapsit.

Në rast se vëreni raste të tilla të përsëritura brenda të njëjtës kuti, do t’ju kërkonim që të ndërprisni procesin, të kontestoni fletën e votimit, ta mbani shënim në procesverbal dhe t’ia kaloni KZAZ-së për vendimmarrje, e cila po ashtu duhet të mbajë të njëjtin qëndrim si numëruesit që kemi të bëjmë me votim më shumë se një herë të një individi, që përbën vepër penale dhe si të tilla nuk mund t’i nënshtrohet numërimit dhe vlerësimit”-thuhet në reagimin e Topallit.

Partia Demokratike ka vendosur të kontestojë çdo votë të ardhur nga emigrantët shqiptarë në Greqi.

The post Votat e diasporës, Topalli: Disa fletë të plotësuara nga e njëjta dorë appeared first on Lapsi.al.

Ka nisur mëngjesin e kësaj të shtune hapja e kutive të votimit të diasporës nga Greqia, pas vendimit të dhënë të premten nga kryekomisioneri Ilirjan Celibashi, i cili urdhëroi nisjen e numërimit të votave të ardhura nga emigrantët shqiptarë në shtetin grek.

Kutitë e votimit nga Greqia kishin mbetur të bllokuara që prej së dielës, si pasojë e ankesës së Partisë Demokratike, e cila pretendon se ka pasur manipulime në këtë proces.

Votat e ardhura nga Greqia janë gjithsej rreth 53 mijë, ndërsa qarku i Tiranës është i pari që u hap dhe ka filluar të numërohet ndërsa përfaqësuesit e PD nuk po shprehin kundërshti për momentin.

Në sallën e numërimit të votave në Parkun Olimpik në Tiranë këtë të shtunë, janë parë edhe Ulsi Manja i PS-së dhe Agron Gjekmarkaj i PD-së, të dy drejtues politik, duke ndjekur numërimin e votave të diasporës për qarkun e Lezhës.

Partia Demokratike ka ankimuar vendimin e Celibashit pranë Komisionit të Ankesave dhe Sanksioneve (KAS), duke kërkuar pezullimin e procesit, por deri në një vendim të KAS-it, numërimi vijon.

Nis hapja e kutive për Diasporën e Greqisë
Ka nisur hapja e kutive të zarfeve që kanë brenda votën e diasporës nga Greqia. Kjo, pas vendimit që mori ditën e djeshme kreu i KQZ Ilirjan Celibashi. Qarku i Tiranës, do të numërohet i pari. pic.twitter.com/Xi795x9S3w

— Euronews Albania (@EuronewsAlbania) May 17, 2025

Nis numërimi i votave të Greqisë! Asnjë kundërshti nga numëruesit e PD! pic.twitter.com/Y77X7ZnOJk

— Euronews Albania (@EuronewsAlbania) May 17, 2025

LEXONI GJITHASHTU:

• PD ankimon në KAS vendimin e Celibashit për nisjen e numërimit të votave nga Greqia
• KQZ publikon shifrat paraprake, sa shqiptarë votuan brenda dhe jashtë vendit

The post Zhbllokohet situata/ Hapen kutitë me votat e emigrantëve nga Greqia, nis numërimi appeared first on Euronews Albania.

Komisioni Qendror i Zgjedhjeve, do të marrë sot vendim për votat e diasporës së Greqisë, e cila ka krijuar probleme në procesin e numërimit.

Për këtë arsye, KQZ ka revokuar të gjithë vëzhguesit nga Parku Olimpik, me përjashtim të medias dhe vëzhguesve ndërkombëtarë.

Në vendimin e ditës së djeshme (15 maj), KQZ thotë se ka anuluar akreditimin e të gjithë vëzhguesve në vendin e numërimit (Parku Olimpik) me përjashtim të atyre ndërkombëtarë.

(Organizatat e shoqërisë civile, duhet të riparaqesin kërkesën për akreditimin e vëzhguesve pranë Komisionit Qendror të Zgjedhjeve përmes Portalit të Vëzhguesve, jo më vonë se ora 12:00 e datës 16 maj.

Kërkesat për akreditimin e vëzhguesve nga partitë politike pranë KQZ, duhet të paraqiten jo më vonë se ora 24:00”, thuhet në vendimin e KQZ.

The post Votat e Diasporës/ Mbeten edhe 49,448 zarfa të panumëruara, KQZ merr sot vendimin për votat e Greqisë appeared first on Albeu.com.

Janë numëruar 130,452 zarfe nga 194889 në total sa i përket votës së Diasporës.

Sipas të dhënave të publikuara nga KQZ, rezultatet janë si më poshtë:

PD-ASHM-29021 vota

PS-55533 vota

Diferenca mes dy partive më të mëdha në vota është 26,512 vota.

The post Vijon numërimi i votave të Diasporës, ja çfarë po ndodh me diferencen mes PS dhe PD-së appeared first on Sot News | Lajme.

Mëngjesin e sotëm, ka rinisur procesi i numërimit të votave të diasporës për zgjedhjet parlamentare të 11 majit, ku deri më tani janë numëruar 38,806 zarfe nga gjithsej 194,889, që përbën rreth 20% të totalit. Deri më tani vetëm 243 vota kanë rezultuar të pavlefshme.

Të dhënat paraprake tregojnë se PS kryeson bindshëm edhe në votën e emigrantëve, duke marrë 21,305 vota ose 55.3% të totalit të deritanishëm.

Në vend të dytë renditet Koalicioni Partia Demokratike – Aleanca për Shqipërinë e Madhe me 10,951 vota (28.42%), ndërsa Koalicioni Nisma Shqipëria Bëhet, vijon të ketë mbështetje të konsiderueshme me 3,161 vota (8.20%).

Këto rezultate konfirmojnë avantazhin e qartë të PS në shumicën dërrmuese të territorit, duke siguruar një bazë të fortë elektorale në jug dhe qendër të vendit, ndërsa opozita arrin të mbajë vetëm dy bastione në veri.

Sipas të dhënave zyrtare, PS del forcë e parë në 10 nga 12 qarqe, me përqindje të theksuara në disa prej tyre:

Berat: PS 69%, PD 14%

Fier: PS 65%, PD 17%

Durrës: PS 65%, PD 25%

Dibër: PS 64%, PD 27%

Elbasan: PS 61%, PD 21%

Vlorë: PS 60%, PD 15%

Gjirokastër: PS 57%, PD 24%

Korçë: PS 56%, PD 27%

Lezhë: PS 49%, PD 36%

Tiranë: PS 47%, PD 35%

Si renditen forcat e tjera:

Koalicioni Nisma Shqipëria Bëhet ka siguruar 8.20%.

Partia Mundësia ka marrë 3.05% të votave.

Lëvizja Bashkë rezulton me 2.42%.

Partia Socialdemokrate (PSD) ka marrë 0.94%.

Partia Koalicioni Euroatlantik ka arritur 0.64%.

Partia Aleanca Kombëtare Shqiptare ka marrë 0.59%.

Koalicioni Djathtas për Zhvillim ka marrë 0.26%.

Lëvizja Atdheu ka marrë 0.13%.

Sakaq, procesi i numërimit të votave të mbërritura nga Greqia është bllokuar për shkak se KQZ pranoi kërkesën e PD, e cila kërkoi që çdo zarf me fleta votimi nga emigrantët në shtetin fqinj të vendoset mënjanë dhe të mos numërohet me pretendimin se nuk janë plotësuar nga votuesit.

Procesi i numërimit të votave të mbërritura nga Greqia, është bllokuar për shkak se KQZ pranoi kërkesën e PD , e cila kërkoi që çdo zarf me fleta votimi nga emigrantët në shtetin fqinj të vendoset mënjanë dhe të mos numërohet me pretendimin se nuk janë plotësuar nga votuesit.

Në konferencë për mediat, kreu i KQZ, Ilirjan Celibashi tha se PD nuk ka dërguar asnjë provë për shkelje të ligjit me votat në Greqi.

Por, gjithsesi Komisioni Qendror i Zgjedhjeve, ka vendosur të pranojë kërkesën e Partisë Demokratike, për të bllokuar procesin e numërimit të votave të diasporës nga Greqia.

The post Votat e diasporës/ Kryeson PS, ja si renditen partitë e tjera appeared first on Albeu.com.

Në Parkun Olimpik vijon numërimi i votave të diasporës. Aktualisht nga 194.889 zarfe të mbërritura, janë numëruar 38.806 zarfe. Sipas rezultateve nga KQZ, PS ka marrë kryesimin me 21.305 vota, e ndjekur nga PD me 10.951.

Koalicioni Nisma Shqipëria Bëhet numëron 3161 vota, Lëvizja Bashkë 934 vota, Partia Mundësia 1176 vota, kurse Partia Social Demokrate nga 361 vota.

The post Votat e diasporës/ PS merr mbi 21 mijë vota, PD rreth 11 mijë appeared first on Lapsi.al.

Kreu i KQZ në një komunikim që kishte me gazetarët këtë pasdite foli për situatën e numërimit të votave.

Sa i përket numërimit të votave të diasporës ai tha se procesi është i ngadaltë jo për shkak të mungesës së dëshirës, por sepse është proces për herë të parë si dhe se numëruesit janë lodhur për shkak se kanë rreth 48 orë pa ndërprerje,si dhe se vonesa dje pas diskutimeve për votat e Greqisë, mori shumë kohë dhe i la pas.

“Qartazi është duke marrë shumë kohë procesi i vlerësimit dhe numërimit të dokumentacionit të votuesve nga jashtë.

Dhe kemi humbur gati gjysmën e kohës për shkak të debateve dhe diskutimit për votat për ardhura nga Greqia. Procesi eci ngadalë dhe për shkak se ishte për herë të parë. Administrimi teknik, dhe në moment është dashur të vlerësojmë si duhej të vendosnim.

Ritmet janë të uulta për shka të perfomancës jo për shka të mungesës së dëshirës, janë të lodhur, ka prej tyre që janë 48 orë pothuajse nonstop dhe ndaj meriton të merret në konsideratë thirrja për partitë politike”, tha ai.

The post Votat e diasporës, Celibashi tregon pse po vonohet numërimi appeared first on Lapsi.al.

Mbi 10 mijë zarfe të diasporës janë numëruar deri më tani. Konkretisht 10 056 zarfë janë numëruar nga gjithsej 194 889. Sipas rezultateve të deritanishme PS ka marrë 5 573 vota, që përbëjnë 55.80% të votave të numëruara deri tani. Ndërsa PD ka marrë 2 814 vota ose 28.17% të votave.

Koalicioni Nisma Shqipëria Bëhet ka arritur të sigurojë 811 vota (8.12 %), ndërsa subjektet e tjera kanë marrë mbështetje më të vogël:

Partia Mundësia (301 vota, 3.01 %)

Lëvizja Bashkë (217 vota, 2.17 %)

The post Numërohen mbi 10 mijë zarfe të diasporës/ PS kryeson me 55.80% të votave, PD me 28.1 %! Ja si paraqiten partitë e tjera appeared first on Albeu.com.

Procesi i numërimit të votave të diasporës në Parkun Olimpik të Tiranës është ndërprerë përkohësisht, pasi numëruesit kanë kërkuar një pushim deri në orën 10:30

Kërkesa e tyre është miratuar nga Komisioni Qendror i Zgjedhjeve.

The post Pushim në numërimin e votave të diasporës në Parkun Olimpik, rifillimi në orën 10:30 appeared first on Lapsi.al.

Deputeti i PD, Flamur Noka, dhe përfaqësuesi ligjor Marsh Logu ishin të pranishëm në Parkun Olimpik, aty ku do të numërohen votat e diasporës.

Ata urdhëruan numëruesit e tyre që asnjë votë nga Greqia të mos numërohet dhe të mos futet në proces, por të veçohet dhe t’i kalojë KZAZ-së ose KQZ-së.

Ky urdhër vjen pasi Partia Demokratike kërkon që të gjitha votat e ardhura nga Greqia të grupohen dhe të ketë një proces monitorimi dhe vëzhgimi nga KQZ, pasi pretendon se ka parregullsi në procesin e votimit të diasporës në Greqi.

“Çdo votë që vjen nga Greqia kontestohet dhe nuk futet në proces, pikë. Numërimi t’i kalojë KZAZ dhe t’i kalojë KQZ,” i thanë Noka dhe Logu komisionerit të PD-së.

Noka foli më pas dhe për mediat ku tha se do numërohet çdo votë e diasporës por asnjë votë e emigrantëve në Greqi. Ai hodhi akuza ndaj Taulant Ballës për proçesin e votës së diasporës në Greqi. Por nga ana tjetër, sekretari për diasporën në Partinë Socialiste, Taulant Balla e ka kundërshtuar propozimin e Partisë Demokratike dhe ka akuzuar komisionerët se po shkelin ligjin duke veçuar votat e diasporës.

“Kush është prova që e konteston. Cila është arsyeja. Edhe ti nuk mund ta shkelësh ligjin edhe pse je përfaqësues e KQZ. Ti s’ke asnjë kompetencë. Ti po shkel ligjin dhe ne ruajmë të drejtën të bëjmë kallëzim penal”, tha Balla.

The post PD bllokon numërimin e votave nga Greqia, tensione në Parkun Olimpik në Tiranë appeared first on Lapsi.al.