Analisti Fatos Lubonja ka komentuar me tone të ashpra procesin e rinumërimit të votave dhe kulturën politike në vend, pas zbulimeve për manipulime në Qarkun e Fierit. I ftuar në studion e “News24”, Lubonja tha se figura si Ceno Klosi nuk fitojnë nga vlerat, por përmes ndikimit të institucioneve dhe klientelizmit, duke përmendur Tatimet si […]

The post Rinumërimi në Fier, Lubonja: Ceno Klosi mori vota me pushtet e shantazh appeared first on BoldNews.al.

Komisioni i Ankimimeve dhe Sanksioneve (KAS) pritet të vendosë sot për vlefshmërinë e zgjedhjeve në 4 qarqet: Tiranë, Durrës, Fier dhe Elbasan pas rinumërimit të votave. KAS do të mblidhet paraditen e sotme në orën 11:00.

Partia Demokratike-ASHM ankimoi rezultatet e zgjedhjeve në qarqe duke kërkuar pavlefshmëri dhe përsëritje të zgjedhjeve, por në 8 prej qarqeve, kërkesa u rrëzua. Javën e kaluar u mbyll rinumërimi i kutive të Durrësit, 85 prej të cilave ishin të diasporës, ku nuk u prodhua ndryshim në rezultat.

Nga procesi i rinumërimit në Tiranë u gjetën gabime të konsiderueshme, ndërsa në Fier ky proces i dha mandatin me 10 vota diferencë Maldrita Bardhos. Kjo e fundit e refuzoi, duke ia lënë Zegjine Çaushit, e cila kishte fituar në raundin e parë.

The post Përfundimi i rinumërimit, KAS vendos sot për vlefshmërinë e zgjedhjeve në 4 qarqet appeared first on Lapsi.al.

Kreu i grupit parlamentar të Partisë Demokratike, Gazment Bardhi ka reaguar pas procesit të rinumërimit të votave në 3 qarqet kryesore të vendit, duke theksuar se “SPAK nuk ka arsye pse të vonojë hetimet për Ceno Klosin”, i cili në qarkun e Fierit rezultoi me rreth 800 vota më shumë nga zgjedhjet e 11 majit.

Sipas tij, rinumërimi nxori në sipërfaqe se janë trafikuar edhe mandate në tavolinë, hapur dhe në sy të kamerave e opinionit publik.

Postimi i Bardhit:

“Rinumërimi i rreth 2000 kutive në 3 qarqet kyesore të vendit, nxorri në sipërfaqe vetëm atë që të gjithë e dinim: sa e pangopur në vjedhje është Belinda Balluku alias Zeqine Balluku.

Vota të trafikuara që arrinin deri aty sa kishin trafikuar edhe mandate në tavolinë, në mënyrë të panevojshme, hapur dhe në sy të kamerave e opinionit publik, provon qartë se çfarë ka qenë në gjendje të bëjë larg kamerave dhe vëmendjes së opinionit publik.

Vjedhja e votave masivisht deri në trafikimin e mandateve është “gabim njerëzor” aq sa është “gabim njerëzor” vjedhja e:

80 milion eurove me dy TEC-et lundruese në Vlorë;

180 milion eurove në aferën e shitblerjes së energjisë elektrike;

50 milion eurove në aferën e Tunelit të Llogarasë.

Vjedhjet në çdo drejtim duhet të ndëshkohen dhe SPAK nuk ka asnjë arsye të vonojë hetimet për Belinda Ballukun dhe Ceno Klosin. Nëse vjedhjet në ushtrimin e detyrës mbeten të pandëshkuara, atëherë kalohet lehtësisht tek vjedhja dhe deformimi i vullnetit të qytetarëve, me shpresën që janë të paprekshëm.

The post Rinumërimi i votave në Fier, Bardhi: Vjedhje në çdo drejtim, hetoni Ceno Klosin appeared first on Lapsi.al.

Ka përfunduar procesi i rinumërimit të votave për qarkun e Durrësit, si pjesë e verifikimeve paszgjedhore nga Komisioni i Ankesave dhe Sanksioneve. Partia Demokratike ka humbur 18 vota, ndërsa Partia Socialiste ka humbur 5 vota. Ndryshimet janë të vogla dhe nuk ndikojnë në ndarjen e mandateve, por vijnë si pjesë e një procesi transparence dhe kontrolli për mbarëvajtjen e zgjedhjeve.

Source

Ka përfunduar pak minuta më parë rinumërimi i pjesshëm i kutive të Qarkut të Durrësit, ku përfshiheshin edhe 85 kuti të diasporës. Rinumërimi, pavarësisht lëvizjeve të vogla në rezultat, nuk ka sjellë ndryshime në mandate mes subjekeve politike, apo në emrat e kandidatëve që do të marrin mandatin e deputetit për legjislaturën e ardhshme që […]

The post Përfundon rinumërimi për Durrësin, nuk sjell asnjë ndryshim në mandate appeared first on BoldNews.al.

Ka përfunduar procesi i rinumërimit të votave për qarkun e Durrësit, si pjesë e verifikimeve paszgjedhore nga KAS.

Sipas rezultateve zyrtare, Partia Demokratike ka humbur 18 vota, ndërsa Partia Socialiste ka humbur 5 vota.

Ndryshimet janë të vogla dhe nuk ndikojnë në ndarjen e mandateve, por vijnë si pjesë e një procesi transparence dhe kontrolli për mbarëvajtjen e zgjedhjeve.

The post Përfundon rinumërimi në Durrës, nuk ndryshon ndarja e mandateve appeared first on Lapsi.al.

TIRANË- Në Pallatin e Sportit “Farie Hoti” në Tiranë vijon procesi i rinumërimit të votave të 11 majit për qarkun e Durrësit, si për subjektet politike ashtu dhe për kandidatët.

Gazetari i ABC News, Andon Kello, raporton se deri tani partia që po humbet më shumë vota është Partia Demokratike.

Sipas projeksioneve të deritanishme nuk ka ende asnjë ndryshim rezultati sa i takon subjekteve politike, ndërsa shfaqet në horizont një “garë” të vogël mes kandidateve të PD, përkatësisht mes Arjan Ndojës dhe Aulon Kalasë, me këtë të fundit që ka shkurtuar diferencën me Ndojën.

Deri tani janë hapur 130 kuti votimi për qarkun e Durrësit, nga 290 që janë në total dhe sipas projeksioneve nuk pritet të ndryshojë asgjë në rezultat./abcnews.al

Ka nisur zyrtarisht rinumërimi i pjesshëm për qarkun e Durrësit. Në total do të numërohen 290 kuti votimi ku nga 11 kutitë e para të hapura, PS-së i janë shtuar padrejtësisht 3 vota. Partisë Demokratike dhe Nismës SHB u është hequr nga 1 votë.

Në këtë qark, konkurojnë për PD kandidatët Aulon Kalaja dhe Arjan Ndojës. Ish-prokurori fitoi me një diferencë prej 1047 votash në numërimin fillestar. Nga këto 11 kuti të rinumëruara, rezulton se Ndoja ka humbur 3 vota ndërsa Kalasë i shtohet 1 votë.

Nga ky rinumërimi i pjesshëm për qarkun e Durrësit janë gjetur 4 fletë votimi më pak, 1 votë më shumë të pavlefshme dhe rënie të votave të vlefshme.

The post Nis rinumërimi i votave të Durrësit/ Hapen 11 kutitë e para, hiqen vota për PS appeared first on Lapsi.al.

Zegjine Çaushi e humbi mandatin e deputetit me 10 vota nga rinumërimi në Qarkun e Fierit, por brenda pak orësh, kandidatja e cila i mori mandatin, Maldrita Bardhi njoftoi se do jepte dorëheqjen dhe do i linte vendin në Kuvend personazhit që u bë viral gjatë fushatës elekorale me videot ironizuese kundër Gazment Bardhit. Analisti […]

The post “Pazari i Roskovecit”/ Andi Bushati: Zegjineja, bibë e pilotuar nga Rama! appeared first on BoldNews.al.

Rinumërimi i 586 kutive të votimit në qarkun e Fierit, i kërkuar nga dy anëtarë të Komisionit të Ankimimeve dhe Sanksioneve (KAS), u fokusua në përplasjen mes dy kandidateve të Partisë Socialiste, Zegjine Çaushi dhe Maldrita Bardho, të cilave përkohësisht u ndryshoi e ardhmja e tyre në Kuvend për vetëm 10 vota.

Përtej këtij debati të fokusuar në rrjetet sociale dhe në media (disa nxitur nga klikimet, disa të tjerë nga qëllime të pastra politike), rinumërimi nxori në pah një problematikë më të thellë: zhvendosje votash në favor të kandidatëve të caktuar, praktikë kjo që ngre dyshime për shkelje të standardeve zgjedhore

Gjatë rinumërimit për qarkun Fier, u konstatua se zv.ministri i Infrastrukturës dhe Energjisë, Ceno Klosi, kandidat i PS-së në Fier, kishte përfituar padrejtësisht 831 vota.

Në mënyrë të ngjashme, kandidati tjetër, Klevis Jahaj, drejtor i Ujësjellësit (në varësi të së njëjtës ministri) rezultoi se i ishin hequr 497 vota nga numërimi i parë. Një kandidateje të PD-së, Silva Hasajt, i ishin shtuar në mënyrë fiktive 671 vota gjate numërimit të parë.

Çfarë ka ndodhur?

Në disa kuti votimi, rezulati i rinumërimit sjell diskutim nëse kemi të bëjmë thjesht për gabime njerëzore apo zhvendosje votash në mënyrë të qëllimshme.

Psh, vetëm në katër kuti të rinumëruara, kandidatit të PS-së, Ceno Klosit i rezultojnë 85, 32, 29 dhe 22 vota të tepërta për secilën prej tyre. Ndryshe nga Tirana, ku anëtarë të KAS-it justifikuan lëvizjet e votave si pasojë e gabimeve njerëzore, në Fier situata paraqitet ndryshe.

KAS

Anëtari i KAS-it, Ledion Braho, një nga dy iniciatorët e kërkesës për rinumërim në Fier, deklaroi publikisht se pavarësisht vendimit që do të marrë KAS, ai do t’i përcjellë personalisht Prokurorisë së Fierit të gjithë tabelat dhe procesverbalet me rezultatet e ndryshuara. “Besoj se kjo është indicie e mjaftueshme që Prokuroria të nisë hetimin për trafikimin e votave”, theksoi ai.

Faktoje.al ndërkohë është në pritje të një kërkese për informacion drejtuar SPAK rreth pyetjes se, a është bërë ndonjë denoncim për qarkun Fier dhe nëse jo, a ka nisur ky institucion hetime kryesisht?

Ekspertët

Drejtori i ISP, Afrim Krasniqi, tha në një koment të shkurtër për Faktoje se qarku Fier konfirmoi paralajmërimin e hartës së riskut elektoral (përgatitur nga ISP) lidhur me shqetësimin për parregullsi dhe cenim të standardeve zgjedhore.

“Lëvizjet e mëdha të votave, shumëfish më të larta edhe sesa qarku Tiranë, duke favorizuar kandidatë me pozita të larta ekzekutive dhe lidhje të forta informale, janë tregues të cenimit të votës dhe bazë e mjaftueshme për hetime administrative nga KQZ dhe hetime penale nga organet ligjzbatuese. Gjithashtu paralelisht do të duhej që vetë subjektet politike përgjegjëse të kryenin hetime dhe të deklaronin qëndrimin e tyre, pasi këto akte janë të kundërshtim edhe me betimin dhe deklaratën solemne të depozituar në KQZ nga kryetarët e partive politike respektive dhe me retorikën mbi integritetin e votës të përdorur nga liderit politikë në fushatë”, thotë Krasniqi.

Sipas tij, “tendenca për të justifikuar numëruesit dhe për të kthyer në normë trafikimin e votës gjatë numërimit është zhvillim shqetësues, praktikë e ndaluar shprehimisht nga legjislacioni zgjedhor, si dhe një akt minues për konceptin e zgjedhjeve, të demokracisë dhe legjitimitetit në përfaqësim”

The post Rinumërimi në Fier vuri në dyshim integritetin e votës appeared first on Faktoje.al.

Pas rinumërimit në qarkun e Tiranës dhe Fierit, sot në orën 09:00, në Pallatin e Sportit “Farie Hoti” pritet të nisë procesi edhe për kutitë e Durrësit. Në total, janë 290 kuti që do të rihapen, ku do të përfshihet edhe vota e diasporës për këtë qark. Në këtë qark, beteja është mes Aulon Kalasë […]

The post Pas Tiranës e Fierit/ Sot hapen kutitë në Durrës, garë brenda PD-së mes Aulon Kalasë dhe Arjan Ndojës appeared first on BoldNews.al.

Pas përfundimit të rinumërimit të votave për qarkun e Tiranës dhe Fierit, sot do të filloi procesi për rinumërimin e votave për Durrësin. Procesi do të nisë në orën 09:00, në Pallatin e Sportit “Farie Hoti”.

Gjatë këtij procesi do të hapen 290 përfshihet edhe vota e diasporës për këtë qark. Aulon Kalaja protestoi dje para Pallatit të Sportit “Farie Hoti”, ku po rinumëroheshin kutitë e fundit të Fierit, duke kërkuar korrektësi nga KAS dhe rinumërim të plotë të Durrësit. Kërkoi gjithashtu paralelisht edhe këqyrjen e pamjeve filmike me pretendimin se i janë transferuar votat brenda partisë.

The post Sot nis procesi i rinumërimit për qarkun e Durrësit, hapen 290 kuti appeared first on Lapsi.al.

Drejtuesja politike e PS në qarkun e Fierit, Belinda Balluku, jep një shpjegim alternativ të tjetërsimit të votave gjatë procesit të numërimit, duke mohuar deformimin e vullnetit të qytetarëve dhe duke e shpjeguar diferencën e madhe në rastin e zëvendësit të saj me numrin e lartë të votave.

Rinumërimi i votave në qarkun e Fierit zbuloi qindra vota të tjetërsuara dhe prodhoi ndryshim rezultati brenda listës së hapur të Partisë Socialiste, ku Zegjine Çaushi humbi vendin e deputes ndaj kandidates tjetër socialiste, Maldrita Bardho.

Por numri 2 i qeverisë, Belinda Balluku, njëherazi drejtuese politike e qarkut të Fierit e konsideron këtë si “produkt të gabimit njerëzor dhe të lodhjes”.

“Është e kuptueshme lodhja dhe si rrjedhojë, gabimi njerëzor”, i tha Balluku BIRN përmes një zëdhënësi, duke shtuar se numëruesit kishin punuar për 7 ditë me radhë. Ajo këmbënguli gjithashtu se nuk kishte pasur deformim të votës duke e vënë theksin te mosndryshimi i rezultatit të partive politike.

“Deformim i vullnetit të votuesve, në kuptimin tim do të thotë, ndikim në ndryshim të rezultatit… Fakti që subjektet politike edhe pas rinumërimit, ruajtën plotësisht renditjen e tyre dhe votat plus apo minus ishin minimale, tregon se nga numëruesit e të gjitha forcave, është bërë një punë e përgjegjshme dhe më e rëndësishmja”, tha Balluku.

Përfituesi kryesor i votave të tjetërsuara rezultoi të ishte zv.ministri i Ballukut, Ceno Klosi, i cili në fund të procesit të rinumërimit kishte 813 vota më tepër sesa në kuti.

Duke iu referuar këtij rasti, Balluku këmbënguli se diferenca e madhe e votave lidhej me numrin e madh të votave që Klosi kishte marrë.

“Ndryshimet në rinumërim nuk kanë afektuar renditjen e kandidatëve dhe marzhi i gabimit padyshim është relativ me numrin e votave,” tha ajo.

Zëvendëskryeministrja Balluku minimizoi edhe ndryshimin e rezultatit mes dy kandidateve Çaushi e Bardho, duke thënë se vendimmarrja se si do të procedohej ishte në dorën e këtyre të fundit.

“Rasti i 10 votave diferencë mes Maldrita Bardhos dhe Zegjine Caushit, sigurisht do të jetë një çështje që do të mbetet në diskrecionin e plotë të kandidateve për të proceduar më tej,” tha ajo, ndërsa shtoi se rinumërimi provoi fitoren e Partisë Socialiste.

Rihapja e kutive të votimit për zgjedhjet parlamentare të 11 majit në qarkun Fier, që u mbyll të mërkurën zbuloi tjetërsim të votave brenda listave të hapura të subjekteve zgjedhore, duke kaluar me qindra vota në favor të kandidatëve të caktuar të Partisë Socialiste dhe koalicionit të drejtuar nga Partia Demokratike.

Pothuajse gjysma e votave të tepërta të Klosit ishin devijuar nga kandidati tjetër socialist, Klevis Jahjaj. Nga krahur tjetër, kandidatja demokrate Silvana Hasaj ka rezultuar se ka marrë afro 700 vota plus në mënyrë të padrejtë, ndërsa kandidatët e tjerë në listën e përbashkët të koalicionit “Aleanca për Shqipërinë Madhështore” rikuperuan dhjetra vota që nuk u janë njohur gjatë procesit të numërimit.

Organizatat e shoqërisë civile që monitorojnë procesin zgjedhor i konsiderojnë rezultatet e rinumërimit në Fier si shtrembërim të vullnetit të votuesve me urdhër politik të partive dhe kërkojnë hetim penal.

“Rinumërimi i Fierit duhet të shoqërohet me një hetim penal për KZAZ-të problematike, për të vendosur përpara ligjit trafikuesit partiakë të votave, të cilët në thelb kanë shtrembëruar vullnetin e qytetarëve, pasi në këtë rast nuk kemi të bëjmë me një gabim njerëzor, por me një urdhër politik,” tha Rigels Xhemollari, drejtues i “Qendresa Qytetare”. /Marrë nga Reporter.al

The post BIRN: Balluku fajëson lodhjen e numëruesve për tjetërsimin e qindra votave në Fier appeared first on Lapsi.al.

Hoxha theksoi se Rama do jetë i kujdesshëm me qeverinë e re, sepse duke parë hetimet e SPAK ndaj ministrave dhe zyrtarëve këto vite, do përpiqet që të zgjedhë një qeveri me sa më shumë njerëz teknikë dhe jo partiakë, me motiv integrimin në BE.

I ftuar në një studio televizive gazetari Poli Hoxha foli për zhvillimet më të fundit politike për paszgjedhjet parlemantare dhe procesin e rinumërimit. Ai tha se nuk pret më që Sali Berisha të ndryshojë dhe as që PD-ja të përmirësohet, sepse do të shkojë edhe më keq. Kurse për mazhorancën u shpreh se humbja e mandatit të Zegjine Çaushit nga rinumërimi në Fier nuk përbënte lajm.

Rinumërimi i votave në Fier tregoi se jo vetëm mandatet nuk ndryshuan për partitë, por PD-ja doli me profil më të ulët nga çfarë ishte pas 11 majit, kurse inicuesi i procesit, Adriatik Lapaj i Nismës Shqipëria Bëhet, teksa kërkonte t’i merrte mandatin PS-së, doli edhe më keq nga numërimi i parë.

“PD është pa profil të lartë politik nga ky rinumërim, kurse humbja e Zegjine Çaushit nuk është lajm. Inicuesi i këtij rinumërimi, Adriatik Lapaj, rezultoi se doli edhe më keq se çfarë ishte nga ky rinumërim. Ndërsa Gazmend Bardhi u pa se ishte i kënaqur nga humbja e Zegjine Çaushit. Lajmi është se do fillojë hetim për numëruesit dhe komisionerët për votat që u gjetën të devijuara. Pamë se mandatet për partitë nuk ndryshuan as në Tiranë dhe as në Fier, teksa edhe në Durrës nuk pritet të ketë ndryshim”.

Por ai e sheh raportin e OSBE-ODIHR si një gjysmë kushte për integrimin, me qëllim reformën elektorale dhe korrigjimet e sistemit të gabuar zgjedhor. Justifikimet e Berishës për farsën elektorale i quan të kota, sepse edhe Primaret në PD ishin skandaloze.

“Nga raporti i OSBE-ODIHR duket se ka një gjysmë kusht për integrimin në lidhje me rezlizimin e Reformës Zgjedhore. Nuk ka analizë të punës nga PD-ja. Këta justifikohen vetëm me farsën, për të justifikuar dështimin, Berisha pretendon por nga ana tjetër nuk kërkoi asnjë reformë për këto gjetje, kur e kishte rastin që korrikun e kaluar me kodin zgjedhor. Primaret madje ishin skandaloze, PD-ja i zgjodhi vetë kandidatët. Nuk pres nga Berisha që të kërkojë diçka ndryshe sepse ajo është rruga e tij kryesore, ajo që kishte për të marrë e ka marrë. Unë mendoj se nuk do ndryshojë gjë te opozita, do vejë keq e më keq, sepse nuk mendon për çlirimin e votës. Këtu vota është kapur, ndaj e nis analizën që nga viti 1991 apo 2001 e më pas”, tha gazetari.

Hoxha ndau mendimin se tani as Rama dhe as Berisha nuk e kontrollojnë dot SPAK, por informacionet i disponojnë. Por kreu i mazhorancës do përpiqet që këtë herë të mos emërojë ministra njerëz që janë në shënjestrën e SPAK-ut.

“Unë i qëndroj mendimit se këta nuk e kontrollojnë dot SPAK-un, as Rama dhe as Berisha. Ndaj them se Rama ashtu sikurse Berisha i kanë informacionet se çfarë do bëjë Prokuroria. Ndaj edhe ata e kanë informacionin për ministrat që hetohen apo zyrtarët, ndaj do jetë i kujdesshëm në zgjedhje. Hetimet deri tani nga SPAK të njerëzve të tij e kanë cenuar Ramën dhe kjo punë nuk mund të vazhdojë pa fund. Ndaj mendoj se Rama këtë herë do bëjë një qeveri sa më shumë teknike këtë herë, mundësisht tërësisht teknike, me idenë e integrimit, pse jo duke i vënë edhe emër asaj. Mund të fusë edhe emra teknikë, jashtë partisë, jo se nuk e ka bërë, por e ka pasur të përzier”, tha Hoxha.

The post Përmbysja e rezultatit në qarkun Fier, flet gazetari: Rinumërimi, i nxori PD-në dhe Lapajn më keq, Berisha… appeared first on Sot News | Lajme.

Ka përfunduar procesi i rinumërimit për të gjitha kutitë e Qarkut të Fierit, si për votat e subjekteve politike ashtu edhe për ato preferenciale. Ndryshimi i vetëm është humbja e mandatit të Zegjine Çaushit, ku pas rinumërimi i kalon kandidates tjetër socialiste Maldrita Bardho. Pas rinumërimit të 586 kutive në total, rezulton se Partisë Demokratike […]

The post Përfundon rinumërimi në Fier: Zegjine Çaushi humbet mandatin, shpresa tek SPAK-u appeared first on BoldNews.al.

Analisti Ben Andoni, flet për procesin e rinumërimit. Andoni tha se në procesin e rinumërimit u vërejt se ka tjetërsim vote. Ai u shpreh se lëvizjet me mbi 800 vota për kandidatët janë shumë. Për të shqetësimet e Berishës për zgjedhjet janë të drejta. ”Rinumërimi duket se nuk ka gabime njerëzore, por ka tjetërsim vote. Mbi 800 vota janë shumë dhe kanë të bëjnë me moralin e individit…

Source

Merr fund ëndrra e Zegjine Çaushit për t’u bërë deputete. Në përfundim të procesit të rinumërimit të votave në Fier ka rezultuar se për 10 vota diferencë mandate i ka kaluar një deputeteje tjetër të Partisë Socialiste.

Zegjineja u bë e famshme për shkak të vënies së lojë të Gazment Bardhit përmes videove në rrjeteve sociale ku bërtiste emrin e rivalit politik duke e ftuar për drekë me shoqet.

Në bazë të rezultatit pritet që Madrita Bardho të sigurojë vendin në Kuvend me vetëm 10 vota më shumë në radhët e PS.

The post Zegjineja e Roskovecit humb mandatin e deputetes për 10 vota ne Fier appeared first on Lapsi.al.

Ndryshe nga Tirana, procesi i rinumërimit për qarkun Fier nxjerr në dukje një tjetër specifike, ku kandidantë të caktuar si Ceno Klosi nga PS dhe Silva Hasaj nga PD, rezultojnë me qindra vota fiktive. Sipas anëtarit të KAS, Ledio Braho të dhënat gjatë këtyre dy ditëve tregojnë se nuk jemi në kushtet e gabimeve njerëzore, […]

The post Ceno Klosi “namin” me vjedhje votash në Fier, Braho: Jo gabime njerëzore, por favorizim kandidatësh appeared first on BoldNews.al.

Është mbyllur numërimi për 456 kuti nga 587 që ka në total qarku i Fierit. Nga e dhëna paraprake rezulton se PS i janë hequr 15 vota ndërsa koalicionit ASHM i janë shtuar 102 vota. Koalicionit Nisma Shqipëria Bëhet që pretendon të marrë mandatin e parë n qarkun e Fierit i janë shtuar pa të drejte 10 vota.

Kjo bën që diferenca mes PS dhe NSHB të thellohet. Koalicionit Nisma Shqipëria Bëhet i duheshin 519 vota për të marrë mandatin por nga rinumërimi rezulton qe jo vetëm nuk ka rikuperuar votat por i janë shtuar në mënyrë të padrejte.

Kur kanë mbetur edhe 131 kuti për t’u rinumëruar, duket e vështirë që koalicioni Nisma Shqipëria Bëhet të fitojë një mandat, i cili do t’i hiqej PS, i 12-ti. Edhe nga rinumërimi i votës preferenciale, nuk ka asnjë ndryshim mandatesh brenda Partisë Socialiste.

Rinumërimi i votës për qarkun e Fierit, ndryshe nga ai i Tiranës, prodhoi një numër më të madh votash të shtuara ose te hequra padrejtësisht kandidatëve në listë të hapur. Rinumërimi i qarkut Fier mbyllet nesër, për të vazhduar me rinumërimin e 257 kutive per qarkun Durres. Ndryshe nga dy qarqet e tjera Fieri dhe Tirana, për Durrësin nga e para do te rinumërohen edhe votat e diasporës për këtë qark.

 

The post Rinumërohen 456 kuti të qarkut Fier, si ndryshon rezultati i kandidatëve appeared first on Euronews Albania.

Vijon procesi i rinumërimit për Qarkun e FIerit, ku sa i përket subjekteve politike, KQZ ka përditësuar rezultatin për 361 kuti nga 557 në total. Deri më tani, sa u përket dy subjekteve politike kryesore, Partisë Demokratike i janë hequr 142 vota, ndërsa Partisë Socialiste i janë shtuar 63 vota. Ndërkohë, sa i përket koalicionit […]

The post Rinumërimi në Fier/ Ceno Klosi nga PS dhe Silva Hasaj nga PD rezultojnë me qindra vota të paqena appeared first on BoldNews.al.