Një deputet ukrainas dhe zyrtarë tjerë janë arrestuar pasi agjencitë shtetërore kundër korrupsionit kanë zbuluar atë që e kanë quajtur skemë të gjerë ryshfeti gjatë blerjes së dronëve dhe sistemeve tjera elektronike për luftë.

Presidenti ukrainas, Volodymyr Zelensky ka thënë përmes një postimi në X se një deputet ukrainas, krerë distriktesh dhe administratash civile dhe disa pjesëtarë të Gardës Kombëtare janë përfshirë në rastin që ka të bëjë me kontratat shtetërore me furnizuesit, të cilat dyshohet se janë nënshkruar me çmim 30 për qind më të lartë.

Zelensky ka shkruar se do të ketë “zero tolerancë” për korrupsion në Ukrainë, dhe i ka falënderuar agjencitë për punën e tyre.

Pavarësia e agjencive ukrainase kundër korrupsionit është rikthyer të enjten, pas protestave mbarëkombëtare.

Qeveria e Zelenskyt është përballur me kritika të ashpra pas prezantimit të një projektligji që do t’ua hiqte pavarësinë Byrosë Kombëtare kundër korrupsionit dhe Zyrës së Prokurorit të Specializuar për çështje kundër korrupsionit.

Presidenti pati thënë se agjencitë duhet të pastrohen fillimisht nga ndikimi rus dhe ka tentuar t’i japë autoritet prokurorit të përgjithshëm për të vendosur se kush duhet gjykuar në rastet e korrupsionit në nivele të larta.

Ky hap është parë si kthim mbrapa në luftën kundër korrupsionit në Ukrainë, duke rezultuar me protestat më të mëdha kundër Qeverisë, prej kur Rusia e ka nisur luftën në Ukrainë më 2022.

Duke parë zemërimin e publikut, Zelensky e ka propozuar një projektligj të ri për të rikthyer pavarësinë e këtyre dy trupave, dhe ai më pas është votuar në parlament.

Autoritetet kanë thënë më vonë se Zelensky e ka dëgjuar “thirrjen e publikut”. Ky hap është përshëndetur nga aleatët evropianë, të cilët patën shprehur shqetësime për propozimin fillestar. REL

 

Sot është dita e fundit e raundit të parë për të gjithë maturantët që duan të vijojnë studimet e larta, për të përzgjedhur deri në 10 programe studimi për në universitetet publike dhe private.

Ministrja e Arsimit dhe Sportit, Ogerta Manastirliu, përmes një postimi në rrjetet sociale u ka bërë thirrje të gjithë maturantëve që ende nuk kanë përfunduar aplikimin e tyre, të mos humbasin afatin: “Të dashur maturantë! Sot është dita e fundit për të përzgjedhur 10 programet e studimit në raundin e parë të aplikimit në universitetet tona. Apliko tani në https://ualbania.al/“

Aplikimi bëhet vetëm online në portalin “U-Albania”

Procesi i aplikimit dhe regjistrimit realizohet online në portalin zyrtar ualbania.al, ku maturantët duhet të përzgjedhin deri në 10 programe studimi sipas preferencave të tyre.

Para aplikimit, çdo kandidat duhej të kryente pagesën prej 2000 lekësh, në një nga zyrat e Postës Shqiptare apo bankat e nivelit të dytë, duke përdorur faturën e shkarkuar nga portali “U-Albania”. Pagesa duhej të ishte konfirmuar nga sekretaritë shkollore deri më 28 korrik.

Çfarë ndodh pas aplikimit?

Pas mbylljes së fazës së aplikimeve (29 korrik – 3 gusht), procesi vijon me:

-Publikimin e renditjes në 7 faza 48-orëshe, përgjatë periudhës 29 gusht – 11 shtator.

-Fazën e regjistrimit në Institucionet e Arsimit të Lartë zhvillohet paralelisht me publikimin e renditjes.

-Faza e çregjistrimit, për ata që duan të ndryshojnë mendje pas regjistrimit, do të jetë më 12-13 shtator.

 

Aksioni për lirimin e hapësirave publike si trotuaret dhe ambientet e përbashkëta vazhdon me intensitet në të gjithë vendin.

Si pjesë e vizionit të qeverisë shqiptare për “Rilindjen Urbane 2.0”, kjo nismë ka si qëllim rikthimin e hapësirave publike për qytetarët dhe komunitetet.

Po kështu sot kryeministri Edi Rama ndau në rrjetet sociale pamje nga një prej aksioneve të ndërmarra në një subjekt privat, ku u liruan zona të zëna në mënyrë të paligjshme.

Në një mesazh të shkurtër, ai theksoi progresin me fjalën “ecim”.

Tashmë ka përfunduar faza e parë në terren, në kuadër të përpjekjes së vazhdueshme të forcimit të ligjshmërisë fiskale në sektorin e produkteve bujqësore dhe blegtorale.

Kështu shkruan në një postim në rrjetin social Facebook, ministri i Financave, Petrit Malaj, i cili në këtë postim me anë të një fotoje tregon se nga përpjekja 20 ditore për të formalizuar tregun e produkteve bujqësore edhe blegtorale dhe rritjen e sigurisë ushqimore rezultuan 103 ton mallra të bllokuara edhe 223 subjekte të inspektuara.

Administrata Tatimore do të nisë fazën e dytë të monitorimit, që synon verifikimin në vazhdimësi shoqërimin e produkteve me faturë tatimore.

‘Qëllimi është formalizim i tregut, rritje e sigurisë ushqimore dhe mbrojtje e konsumatorit!

 Zero Tolerancë ndaj subjekteve, pjesë e zinxhirit të tregut të produkteve bujqësore dhe blegtorale, që nuk respektojnë ligjin!’ shkruan ministri Malaj.

 

Në ditën e parë të muajit gusht, ka hyrë në fuqi ligji i ri Nr. 55/2025 “Për administrimin e bashkëpronësisë në ndërtesa”, i cili synon të vërë rregull në një vend ku bashkëjetesa në pallate shpesh ka qenë burim konfliktesh.

Mbajtja në gjendje funksionale e një ndërtese nuk është më çështje vullneti apo fqinjësie të mirë, me ligjin e ri, ajo bëhet detyrim i ligjshëm, i kontrolluar, i sanksionuar dhe, në fund, i përmbarueshëm. A është ky një hap përpara drejt një Shqipërie urbane më të organizuar?

Duke nisur që nga mirëmbajtja e ashensorëve e deri tek krijimi i një “libri” digjital, ligji synon të imponojë standarde të reja për administrimin e përditshëm të banesave të përbashkëta. Por më kryesorja është që çdo ndërtesë ku ka më shumë se një pronar nuk mund të jetë më “pa zot”, por duhet të ketë një administrator, individ ose shoqëri të certifikuar nga bashkia dhe një strukturë funksionale të bashkëpronësisë.

Sipas ligjit të ri, çdo hapësirë e përbashkët si shkallët, ashensorët, bodrumet, fasadat apo tarracat, do të regjistrohen si pasuri në bashkëpronësi në dokumentacionin kadastral, duke i dhënë fund abuzimeve dhe interpretimeve të ndryshme mbi pronësinë.

Çfarë sjell ligji i ri?

Ligji vendos detyrime të qarta për të gjitha palët e përfshira: pronarët, administratorët, shoqëritë e administrimit dhe vetë bashkitë. Ligji i ri i jep një rol kyç administratorit të ndërtesës, i cili është përgjegjës për mirëmbajtjen, menaxhimin financiar dhe përfaqësimin ligjor të pallatit, me kontratë të detyrueshme dhe afat trevjeçar. Bashkia, nga ana tjetër, merr një rol më aktiv dhe ka detyrën të certifikojë administratorët, të mbikëqyrë procesin, të përditësojë dokumentacionin e bashkëpronësisë dhe të vendosë gjoba në rast shkeljesh, duke garantuar funksionimin dhe transparencën në jetën komunitare.

Disa nga ndryshimet kyçe që ai sjell:

1. Ashensorët, ventilimi dhe rrjetet kabllore

Nga 1 gushti, çdo ndërtesë duhet të sigurojë mirëmbajtjen periodike të ashensorëve, sistemeve të ngrohjes, ftohjes dhe rrjeteve të komunikimit elektronik. Nëse këto detyra nuk kryhen nga asambleja e banorëve, bashkia ka të drejtë të ndërhyjë dhe të kontraktojë një subjekt tjetër nga një listë të certifikuar.

“Në rast se konstatohet nga bashkia se standardet e administrimit, të parashikuara në pikën 1 të këtij neni, nuk zbatohen brenda afateve të parashikuara, bashkia urdhëron kryerjen e tyre nga një subjekt tjetër i përzgjedhur nga lista e subjekteve që kryejnë këto shërbime. Bashkia krijon dhe përditëson një listë me subjekte që ofrojnë dhe kryejnë shërbimet e renditura në pikën 1 të këtij neni.”-thuhet në nenin 30 të këtij ligji.

Këto shpenzime do t’u faturohen banorëve dhe përbëjnë titull ekzekutiv, që do të thotë, detyrime që mund të përmbarohen me force: “Akti i lëshuar nga bashkia, që përmban shpenzimet për realizimin e shërbimeve nga ana e subjekteve, sipas procedurës së parashikuar në pikën 3 të këtij neni, përbën titull ekzekutiv në kuptimin e shkronjës ‘e’, të nenit 510 të Kodit të Procedurës Civile, dhe ekzekutohet nga zyra e përmbarimit, në ngarkim të bashkëpronarëve, që nuk kanë përmbushur vullnetarisht detyrimin.”

2. Tarifa më të larta për bizneset

Pronarët e njësive që përdoren për qëllime tregtare do të paguajnë tarifa më të larta administrimi, duke pasur parasysh dëmtimin më të shpejtë të hapësirave të përbashkëta dhe përdorimin më intensiv të pajisjeve si ashensorët.

3. Më shumë fuqi për administratorin dhe bashkinë

Në rast vonese pagese nga një pronar, pas tre muajsh mospagesë, administratori ka të drejtë ta afishojë emrin e debitorit në ambientet e përbashkëta.

“Nëse bashkëpronari nuk e ka shlyer pagesën e tarifave të prapambetura as në muajin e tretë, bashkë me kamatat përkatëse, administratori ose shoqëria e administrimit informon me shkrim kryesinë dhe asamblenë e bashkëpronarëve, si dhe afishon në ambientet e ndërtesës listën e bashkëpronarëve që nuk kanë paguar dhe vlerën që detyrohen të paguajnë. Kryesia verifikon dhe përcakton vlerën e detyrimit për pagimin e tarifave të prapambetura dhe kamatëvonesave përkatëse.”, thuhet në ligj.

Pas një viti mospagese, mund të kërkohet vendosja e një kufizimi mbi pronën në Kadastër, duke e bllokuar pronën nga shitja apo dhënia me qira, deri në shlyerjen e detyrimit.

4. Fondi rezervë i detyrueshëm

Çdo ndërtesë do të krijojë një fond rezervë të detyrueshëm, i cili ndahet në:

-Fond emergjence për riparime të menjëhershme;

-Fond për mirëmbajtje të zakonshme dhe përmirësime të mëdha;

-Fond për mbulim të detyrimeve të papaguara.

Në rast shitjeje të apartamentit, depozitat në këtë fond nuk kthehen, por kalojnë tek pronari i ri.

5. Rregulla të reja për ndërhyrje në pamjen e jashtme

Pronari i një njësie nuk mund të ndryshojë fasadën apo të ndërtojë mbi ndërtesë pa miratimin e shumicës së asamblesë. Në rastet e ndërtimeve shtesë, kërkohet miratim nga 75% e pronarëve, për të shmangur keqpërdorimin e pronës së përbashkët.

“Përmirësimet e mëdha ose rinesimet e pronës së përbashkët, siç janë lyerja, mirëmbajtja e fasadës, mirëmbajtja e çatisë, vendosja e sistemeve për ujë të ngrohtë, e sistemeve të ngrohjes apo ftohjes qendrore, e depozitave të ujit, gjeneratorëve, ashensorëve dhe përmirësime të tjera të kësaj natyre, ndërmerren nga asambleja vetëm nëse miratohen nga të paktën 75 për qind e kuotave pjesëmarrëse.”– thotë neni 39 i këtij ligji.

6. Zgjidhja e mosmarrëveshjeve: Jo më gjykata?

Për të shmangur proceset e gjata gjyqësore, ligji krijon një Komitet të Ndërmjetësimit dhe Zgjidhjes së Mosmarrëveshjeve pranë çdo bashkie. Vendimi i këtij komiteti është i detyrueshëm dhe përbën titull ekzekutiv, duke e thjeshtuar zbatimin.

“Komiteti për Ndërmjetësim dhe Zgjidhjen e Mosmarrëveshjeve vendos në lidhje me zgjidhjen e mosmarrëveshjeve brenda 30 (tridhjetë) ditëve nga dita e paraqitjes së kërkesës, në funksion të sigurimit të harmonisë sociale, në përputhje me parashikimet e Kodit Civil dhe të këtij ligji.”, thuhet në nenin 45.

Një “libër” për çdo ndërtesë

Çdo ndërtesë do të ketë një Libër të Bashkëpronësisë digjital, ku regjistrohen të gjitha të dhënat: vendimet e asamblesë, përbërja e kryesisë, mënyra e administrimit, tarifat dhe aktet e ndërhyrjeve. Ky libër do të jetë i aksesueshëm për banorët dhe palët e treta.

Kreditë për rikonstruksion dhe përfshirja e bashkive

Ligji i ri u jep mundësi bashkëpronarëve të marrin kredi për rikonstruksion, nëse 90% e tyre japin miratim.

Po ashtu, bashkia mund të kontribuojë financiarisht, veçanërisht në raste të nevojshme si: përmirësimi i efikasitetit energjetik, përshtatje për persona me aftësi të kufizuara apo restaurimi i ndërtesave në rrugë të frekuentuara./tvklan.al

Identifkohet dhe shpallet në kërkim autori i plagosjes me armë zjarri të 28-vjeçarit, ndodhur dje në mbrëmje në zonën e Freskut.

Si pasojë  e veprimeve të thelluara hetimore për zbardhjen dhe dokumentimin e plotë ligjor të ngjarjes, arrestohet njëri prej bashkëpunëtorëve të tij, shpallet në kërkim tjetri.

‘Në vijim të veprimeve intensive hetimore për zbardhjen e plotë të ngjarjes së ndodhur mbrëmjen e djeshme, në rrugën “Thoma Filipeu”, në Fresk, ku mbeti i plagosur me armë zjarri 28-vjeçari J. A., specialistët e Sektorit për Hetimin e Krimeve të Rënda kundër Jetës dhe Pronës kanë identifikuar autorin e dyshuar dhe dy bashkëpunëtorët e tij.

Në vijim të veprimeve proceduriale:

-U shpall në kërkim autori i dyshuar i plagosjes, shtetasi K. C. (L.), 26 vjeç, banues në Tiranë, për veprat penale “Vrasje me dashje” e mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”;

-U arrestua në flagrancë shtetasi Xh. Q., 27 vjeç, banues në Tiranë, për veprën penale “Përkrahje e autorit të krimit”;

-U shpall në kërkim shtetasi A. G., 26 vjeç, banues në Tiranë, për veprën penale “Përkrahje e autorit të krimit”. Nga veprimet hetimore dyshohet se shtetasit Xh. Q. dhe A. G. kanë ndihmuar autorin e dyshuar të largohet nga vendngjarja’, thuhet në njoftimin e policisë.

Vijon puna për kapjen e shtetasve të shpallur në kërkim dhe dokumentimin e plotë ligjor të kësaj ngjarjeje. Materialet procedurale i kaluan Prokurorisë, për veprime të mëtejshme

Një 32 vjeçar është arrestuar nga Policia e Vlorës, pasi dyshohet se është përfshirë në një konflikt të dhunshëm mbrëmjen e djeshme, ku dy persona mbetën të plagosur me thikë.

Sipas njoftimit të policisë, shtetasi I. H., 32 vjeç, banues në Vlorë, u konfliktua për motive të dobëta në dy zona të qytetit: në lagjen “10 Korriku” dhe në lagjen “Pavarësia 2”, ku sulmoi me mjet prerës (thikë) dy shtetas.

Gjithashtu thuhet se nga përplasja mbetën të lënduar shtetasit M. F., 39 vjeç dhe K. K., 32 vjeç, të cilët morën ndihmë mjekësore dhe ndodhen jashtë rrezikut për jetën. Edhe vetë autori, I. H., është trajtuar për dëmtime të marra gjatë konfliktit.

Policia thotë se ngjarja u dokumentua plotësisht falë pamjeve filmike të siguruara nga vendi i ngjarjes. Në cilësinë e provës materiale u sekuestrua thika e përdorur nga autori gjatë sulmit.

Ndaj 32-vjeçarit rëndon akuza për “Plagosje e rëndë me dashje”, ndërsa materialet i janë referuar Prokurorisë së Vlorës, për veprime të mëtejshme ligjore.

Në pikën kufitare të Vërmicës është vënë në pranga një shtetas shqiptar pasi dyshohet se ka tentuar të korruptojë një zyrtarë police dhe një doganier.

Sipas njoftimit të policisë, i dyshuari ka ofruar një kartëmonedhë prej 1000 lekë shqiptare një zyrtari policor dhe një kartëmonedhë prej 10 eurosh një doganieri, gjatë shqyrtimit të dokumenteve.

Ndaj tij kanë nisur hetimet për veprën penale “Dhënie ryshfeti”.

“SPK Vërmicë / 02.08.2025 – 00:50. Është arrestuar i dyshuari mashkull shtetas i Shqipërisë për shkak se i njëjti gjatë legjitimimit të dokumenteve i ka ofruar zyrtarit policor një kartëmonedhë 1000 lekë shqiptare dhe doganierit një kartëmonedhë 10 €. Me urdhër të prokurorit i dyshuari pas inicimit të rastit është dërguar në mbajtje”, thuhet në raportin e policisë.

3 persona janë përfshirë në një konflit të ashmër me njëri tjetrin në Dumnicë të Poshtme të Podujevës të shtunën.

Siç raporton policia në Kosovë, tre persona janë arrestuar pasi për motive të panjohura janë përfshirë në një konflikt me njëri tjetrin, ku dyshohet se gjatë përleshjes ka pasur edhe të shtëna me armë zjarri.

Sipas raportimeve njëri nga të dyshuarit ka pësuar lëndime nga një mjet i fortë sëpatë, ndërsa tjetri është plagosur me armë zjarri.

Të plagosurit janë dërguar për trajtim të specializuar mjekësor QKUK, ndërsa i dyshuari që ka shtënë me armë zjarri është arratisur nga vendi i ngjarjes.

“Në vendin e ngjarjes janë gjetur dhe konfiskuar: dy automjete njëra e dëmtuar, një sëpatë, dy shkopë metali dhe tre zinxhirë dore. Lidhur me rastin është informuar e konsultuar edhe prokurori, ndërsa policia është duke hetuar me imtësi rastin’, thuhet në njoftimin e policisë.

 

TIRANË, 3 gusht /ATSH/ Policia e Shtetit bëri publik sot bilancin e punës dhe të operacioneve përgjatë muajit korrik 2025.

Sipas njoftimit, Policia thekson se janë finalizuar 103 operacione policore, ndërsa janë vënë në pranga 761 persona të akuzuar për vepra të ndryshme penale.

Njoftimi i plotë:

Strukturat e Policisë së Shtetit kanë vijuar me përkushtim, profesionalizëm dhe angazhimin, me qëllim parandalimin dhe goditjen e paligjshmërive, garantimin e rendit dhe sigurisë publike, zhvillimin e operacioneve të përbashkëta me agjencitë ligjzbatuese brenda dhe jashtë vendit në bashkëpunim të ngushtë me partnerët.

Gjithashtu, në pikun e sezonit turistik, është treguar vigjilencë dhe kujdes i shtuar, 24/7, për garantimin e sigurisë në plazhe dhe në hapësirat ujore, për ofrimin e ndihmës ndaj qytetarëve dhe vizitorëve.

Fokusim dhe përkushtim edhe për identifikimin e autorëve të zjarrvënieve dhe menaxhimin e situatave me zjarret duke shpëtuar jetë nga rreziku i përfshirjes nga flakët, evidentimin dhe ndëshkimin e atyre që ndërtojnë pa leje apo zënë hapësirat publike.

Konkretisht, gjatë muajit Korrik: Janë finalizuar 103 operacione policore; Janë finalizuar 25 operacione në bashkëpunim me partnerët, për goditjen e krimeve kibernetike, trafikimit të drogës, si dhe për kapjen dhe ekstradimin e shtetasve të shpallur në kërkim ndërkombëtar; Janë vënë në pranga 761 shtetas të akuzuar/dënuar për vepra penale të ndryshme; Janë asgjësuar 52 934 bimë Cannabisi, si dhe janë sekuestruar rreth 2.5 kg kokainë, 6.2 kg cannabis, qindra doza të këtyre lëndëve dhe sasi amfetaminë;

Janë sekuestruar 33 armë zjarri, 110 kapsolla detonatore, 2 antiplumba dhe silenciatorë; Janë zbardhur 10 ngjarje kriminale, ndër to: vrasje, plagosje me mjete prerëse, shkatërrim prone me eksploziv dhe djegie të qëllimshme pronash; Janë parandaluar ngjarje kriminale në Tiranë, Lezhë, Vlorë, e Sarandë që mund të kryheshin nga shtetas që lëviznin të armatosur.

Janë parandaluar përshkallëzimi i 6 konflikteve me armë apo sende të forta si dhe i 8 rasteve të tentativës për vjedhje;

Janë sekuestruar pasuri dhe cash me vlerë totale rreth 1.6 milionë euro, të përfituara nga krimet;

Gjatë 2 fazave të operacionit “Identiteti”, Policia e qarkut Tiranë zbuloi raste të falsifikimit të pasaportave dhe kartave të identitetit, për të lëvizur ilegalisht ose për të marrë kredi;

Policia e qarkut Kukës goditi 2 raste të trafikimit të armëve nga Kosova dhe 3 raste të trafikimit të automjeteve;

Gjatë planeve të posaçme operacionale policore, për sigurinë ushqimore dhe atë dentare, Drejtoria për Hetimin e Krimeve Ekonomiko-Financiare e DPPSh-së zbuloi raste të përdorimit/tregtimit të produkteve të skaduara, me rrezik për jetën dhe shëndetin e qytetarëve;

Janë finalizuar 16 operacione për zbardhjen e vjedhjeve;

Janë goditur 10 raste në fushën e kontrabandës, 7 raste të transportimit të emigrantëve që synojnë të kalojnë kufirin ilegalisht dhe 6 raste të organizimit të kundërligjshëm të lojërave të fatit;

Janë bllokuar 134 mjete lundruese, pasi drejtuesit e tyre cenuan perimetrin e sigurisë për pushuesit dhe/ose ishin të papajisur me dokumentacionin që kërkon ligji;

Janë konstatuar 34 raste të pushtimit të hapësirave në plazhe, për të cilat, në kuadër të operacionit “Plazhi i lirë”, janë sekuestruar rreth 2700 komplete me çadra dhe shezlongë;

Janë konstatuar 38 raste të tjera të pushtimit të hapësirave publike, për aktivitete fitimprurëse. Në bashkëpunim me shërbimet e Inspektoratit të Mbrojtjes së Territorit, janë liruar hapësirat dhe sekuestruar objektet e përdorura;

Janë konstatuar 12 raste të ndërtimeve pa leje me 16 shtetas të proceduar penalisht, si dhe janë goditur krime të tjera kundër mjedisit, të tilla si: ndotja e ujërave, dëmtimi i shtratit të lumenjve, si dhe hedhja e inerteve ose mbetjeve të tjera;

Në bashkëpunim me shërbimet zjarrfikëse, Forcat e Armatosura dhe homologët, është reaguar menjëherë për 44 raste zjarrvënieje. Hetimet dhe puna policore rezultuan me arrestimin/ndalimin/procedimin e 42 autorëve të dyshuar për zjarrvënie të qëllimshme apo nga pakujdesia;

Janë proceduar penalisht 72 drejtues automjetesh, sepse duke parkuar dyshe, penguan qarkullimin e automjeteve të urgjencës dhe lëvizjen e qytetarëve;

Policia e Tiranës dhe policitë e qarqeve bregdetare kanë kryer kontrolle të përditshme, me mjete teknologjike zhurmëmatëse, te subjektet që gjenerojnë muzikë. Administratorët e subjekteve që u gjetën në tejkalim të nivelit dhe/ose të orarit, u ndëshkuan penalisht dhe/ose administrativisht;

Është dhënë ndihmë për 55 shtetas që u gjendën në vështirësi për shkak të terrenit, temperaturave, mosorientimit në zona të ndryshme ose defekteve në mjetet me të cilat lëviznin.

Shërbimet e Policisë Rrugore, të pajisura me mjete bashkëkohore, kanë intensifikuar kontrollet në të gjitha akset e vendit, me qëllim konstatimin e shkeljeve rrugore që rrezikojnë jetën e përdoruesve të rrugës ose bëhen shkak për ngadalësim apo bllokim të qarkullimit gjatë këtij muaji me fluks të lartë lëvizjeje.

Në këtë kuadër:

– janë vënë në pranga 226 drejtues mjetesh, nga të cilët 139 për drejtim mjeti në gjendje të dehur dhe 87 për drejtim mjeti pa leje drejtimi ;

– janë pezulluar 252 leje drejtimi, për tejkalim të normave të shpejtësisë, drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;

– janë vendosur 22 338 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e gjobës maksimale dhe janë penalizuar me zbritje nga 6 deri në 12 pikë nga leja e drejtimit.

Shërbimet e Policisë Kufitare, krahas menaxhimit të fluksit të lartë të hyrje/daljeve dhe ofrimit të një shërbimi policor të shpejtë dhe me etikë, gjatë këtij muaji kanë shtuar vigjilencën dhe kontrollet, me objektiv goditjen e paligjshmërive në kufi dhe tentativave për lëvizje të paligjshme.

Në këtë kuadër janë goditur:

68 raste të kalimit të paligjshëm të kufijve;

10 raste të tentativës për të kaluar kufijtë me dokumente false;

7 raste të mosdeklarimit të shumave të parave.

Policia e Shtetit garanton qytetarët se është maksimalisht e angazhuar për të rritur forcën parandaluese dhe goditëse ndaj krimit, si dhe për të identifikuar dhe ndaluar shtetasit që cenojnë rendin dhe sigurinë publike.

Me qëllim përmbushjen e këtyre objektivave, ftojmë qytetarët të bashkëpunojnë më ngushtë me Policinë, duke denoncuar menjëherë çdo paligjshmëri që konstatojnë, pranë njësive fizike të Policisë së Shtetit ose në numrin pa pagesë 112.

/e.i//a.f/

The post Policia e Shtetit: 103 operacione, 761 persona të arrestuar gjatë korrikut appeared first on Agjencia Telegrafike Shqiptare.

LONDËR, 3 gusht /ATSH/- Thaddeus Daniel Pierce – emri i të porsalindurit – lindi pasi embrioni, i ngrirë 31 vjet më parë, u vendos në nëntor në mitrën e Lindsey. Lindsey jeton në Ohajo me partnerin e saj, Tim Pierce, sipas “Sky News”.

Foshnja lindi më 26 korrik. Nëna dhe babai biologjikë i fëmijës iu nënshtruan trajtimit të fekondimit in vitro në vitet 1990.

Ata krijuan katër embrione të shëndetshme, por nëna, Linda Archerd, transferoi vetëm një, i cili u bë motra biologjike e Thaddeus, tani 30 vjeç.

Tre embrionet e tjera u ngrinë me shpresën se një ditë do të kishin një fëmijë tjetër.

Por, më pas Linda dhe bashkëshorti i saj u ndanë, dhe kur ajo arriti në menopauzë, vendosi të rivlerësonte të ardhmen e embrioneve, duke vendosur të mos ia dhuronte ato shkencës ose një çifti anonim.

Në vend të kësaj, ajo zgjodhi “adoptimin e embrioneve”, gjë që i lejoi asaj të kishte të drejtën për të vendosur në lidhje me prindërit e ardhshëm, me procesin e mbikëqyrur nga një agjenci fetare.

“Nightlight Christian Adoptions” mori përsipër embrionet dhe ua besoi ato Lindsey dhe Tim Pierce, të cilët përmbushnin kriteret që kishte caktuar Linda – një çift i martuar i krishterë kaukazian. //a.i/

The post “Foshnja më e vjetër” në botë lindi në SHBA nga një embrion i ngrirë në vitin 1994 appeared first on Agjencia Telegrafike Shqiptare.

TIRANË, 3 gusht /ATSH/ Ndryshimet në ligjin “Për tatimet mbi të ardhurat”, parashikon kthimin e regjimit të tatimeve në një sistem të unifikuar dhe progresiv taksimi për të gjitha bizneset, përfshirë edhe sektorin e teknologjisë së informacionit, akomodimin apo bizneset sezonale.

Sektori i teknologjisë së informacionit, strukturave akomoduese apo bizneset sezonale, për vite me radhë ka përfituar nga skemat preferenciale, ndërsa sipas ministrisë së Financave, pritet që “politikat preferenciale tatimore  të jenë të përkohshme, të targetuara dhe jo diskriminuese për sektorë të tjerë. Trajtimi preferencial për sektorë si akomodimi, IT, apo bizneset sezonale do të hiqet gradualisht”.

Sipas dokumentit zyrtar të Strategjisë Afatmesme të të Ardhurave, vetëm për vitin 2022, përjashtimet dhe normat e ulëta tatimore kanë sjellë një mungesë të ardhurash prej mbi 101 miliardë lekësh, ose 4.76% të Prodhimit të Brendshëm Bruto.

Pothuajse 83% e kësaj humbjeje i atribuohet shkallëve të reduktuara të TVSH-së dhe përjashtimeve.

“Tatimi mbi fitimin korporativ në normën 0% për bizneset e vogla përbën burimin e dytë më të madh të humbjeve, duke kontribuar me 0.77% të PBB-së. Këto përjashtime nuk do të jenë të përhershme, ato janë parashikuar të shfuqizohen plotësisht deri në vitin 2029”, deklaron Ministria e Financave.

Reforma tatimore është zhvilluar në bashkëpunim me Fondin Monetar Ndërkombëtar dhe synon të afrojë Shqipërinë me standardet fiskale të Bashkimit Evropian. Mbështetja për startup-et pritet të vazhdojë, ndërsa trajtimi preferencial për sektorët e tjerë do të hiqet hap pas hapi./klan/

The post Ndryshimet në ligjin “Për tatimet mbi të ardhurat”, regjim i unifikuar dhe progresiv taksimi për të gjitha bizneset appeared first on Agjencia Telegrafike Shqiptare.

TIRANË, 3 gusht /ATSH/ Drafti i Kodit të ri Penal parashikon masa të rrepta për mbrojtjen e shëndetit publik, duke përfshirë dënime për shkaktimin e epidemive, përhapjen e sëmundjeve infektive dhe prodhimin e barnave të rrezikshme.

Në draftin e propozuar për Kodin e ri Penal, një kapitull të veçantë i është kushtuar edhe mbrojtjes së shëndetit publik.

Sipas draftit, jo më pak se njëzetë e pesë vjet dhe deri në burgim të përjetshëm parashikohet në nenin 441 të draftit, nëse dikush shkakton qëllimisht një epidemi përmes shpërndarjes së viruseve apo baktereve patogjenë.

“Dënim shumë i rëndë parashikohet edhe për rastet kur kjo ndodh nga pakujdesia, 10 deri në 20 vjet heqje lirie. Kodi aktual nuk ka asnjë nen që lidhet me shkaktimn e epidemisë”, thuhet në këtë draft.

Sipas draftit, “neni 444 sanksionon se zyrtarët publikë që nuk raportojnë sëmundjet infektive apo pandemike, sipas detyrimeve ligjore, do të përballen me gjoba apo edhe masa administrative plotësuese. Nga ana tjetër, mosrespektimi i rregullave të karantinës, urdhrave shëndetësorë apo masave gjatë gjendjes së jashtëzakonshme konsiderohen në kundërshtim me ligjin dhe mund të dënohet me burg deri në 3 vjet, në varësi të rrezikut të krijuar”.

Transmetimi i sëmundjeve seksualisht të transmetueshme duke qenë i vetëdijshëm për infektimin, do të përbëjë vepër penale që dënohet nga 2 deri në 6 vjet.

Në draftin e ri janë parashikuar masa të forta edhe për kontrollin e tregut farmaceutik. Prodhimi, importimi ose tregtimi i barnave pa leje, të skaduara, ose që paraqesin rrezik për shëndetin, do të dënohet me burgim deri në 8 vjet, në varësi të rrezikut.

Gjithashtu, mashtrimi në përmbajtjen, përbërjen apo dokumentacionin e barnave, si dhe çdo veprim që cenon sigurinë, efikasitetin apo cilësinë e produkteve mjekësore, do të ndëshkohet me dënime që variojnë nga 2 deri në 8 vjet burgim.

Sipas draftit të Kodit të ri Penal, edhe reklamimi “mashtrues” apo shpërndarja e produkteve të dëmshme për shëndetin, veçanërisht kur i drejtohen fëmijëve apo personave vulnerabël, dënohet me gjobë ose burgim deri në 4 vite.

Nëse këto vepra penale kryhen nga personel shëndetësor, mësues, zyrtarë publikë apo punonjës të institucioneve publike, ato konsiderohen rrethana të rënduara dhe dënimi mund të rritet deri në 50%.

Nëse përgjegjëse janë kompani apo institucione, ato mund të përballen me mbyllje të përhershme, gjobë të shumëfishtë apo konfiskim të pronës dhe të ardhurave të paligjshme.

/e.i//a.f/

The post Drafti i Kodit të ri Penal, deri në 8 vite burg për tregtimin e ilaçeve pa leje dhe të skaduara appeared first on Agjencia Telegrafike Shqiptare.

UASHINGTON, 3 gusht / ATSH/- Prokurori amerikan Jack Smith, i njohur për ngritjen e aktakuzave ndaj ish-presidentit të Kosovës Hashim Thaçi dhe krerëve të UÇK-së në Gjykatën Speciale të Hagës, po përballet me një hetim zyrtar në SHBA, sipas “The New York Post”.

Ndërsa “Associated Press”, “NBC News” dhe media të tjera amerikane raportuan se hetimi po zhvillohet nga Zyra e Këshilltarit të Posaçëm në Shtetet e Bashkuara të Amerikës.

Kjo agjenci federale e pavarur ka hapur hetimin ndaj Smith bazuar në “Aktin Hatch”, ligjin federal që ndalon përfshirjen e zyrtarëve në veprimtari politike, për akuzat e përdorimit të detyrës në mënyrë të paligjshme gjatë fushatës presidenciale të vitit 2024.

Smith, i emëruar nga Prokurori i Përgjithshëm, Merrick Garland në nëntor 2022, drejtoi dy çështje kundër Donald Trump: për trajtimin e dokumenteve të klasifikuara dhe për rolin në ngjarjet e 6 janarit 2021.

Të dyja rastet janë rrëzuar nga gjykatat pas rikthimit të Trump në Shtëpinë e Bardhë.

Senatori republikan, Tom Cotton ka qenë ndër zërat kryesorë që ka kërkuar nisjen e hetimit.

Ai e ka cilësuar veprimin e Smith si “abuzim të pastër me pushtetin” dhe e ka akuzuar për përdorim të ligjit si armë kundër kandidatit republikan.

Në një postim në platformën X, Cotton tha se Smith është një “demokrat partizan” që ka përshpejtuar hetimet në momente kyçe të fushatës, për të ndikuar në zgjedhje.

Smith nuk ka komentuar për hetimin, por më herët ka deklaruar se veprimet e tij kanë qenë të pavarura dhe në përputhje me ligjin.

Ai dha dorëheqjen në janar 2025, pas rikthimit të Trump në detyrë. //a.i/

The post SHBA – Autoritetet amerikane hetojnë ish-prokurorin e Trump, Jack Smith appeared first on Agjencia Telegrafike Shqiptare.

TIRANË, 3 gusht /ATSH/ Njësia Policore Detare dhe Policia Kufitare gjatë monitorimeve për rritjen e sigurisë detare gjatë kësaj jave, ka bllokuar 20 mjete lundruese, 8 prej tyre për shkelje të perimetrit të sigurisë.

Policia e Shtetit njofton se janë shpëtuar në det 11 shtetas (shqiptarë dhe të huaj), falë ndërhyrjes së menjëhershme të Policisë Kufitare dhe Njësisë Policore Detare.

Policia Kufitare, në bashkëpunim me Njësinë Policore Detare, po vijon kontrollet dhe monitorimet intensive në gjithë hapësirën detare, nga Velipoja në Ksamil, si dhe në zonat liqenore e lumore, për të evidentuar shkeljet që lidhen me: përdorimin e mjeteve lundruese pa dokumentacion përkatës, shkeljen e perimetrit të sigurisë, zhvillimin e aktiviteteve jashtë zonave të lejuara.

Policia njofton se gjatë javës janë kontrolluar 316 mjete lundruese, nga të cilat 20 janë bllokuar për shkelje të ndryshme.

“Konkretisht 12 jet ski, 4 skafe, 2 gomone dhe 2 varka metalike me motor uji të instaluar. 8 prej mjeteve lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative prej 100.000 lekësh secili”, thuhet në njoftim.

Ndërkohë, nga Ksamil në Velipojë, Policia Kufitare ka ndërhyrë në 8 raste emergjente, për t’u ardhur në ndihmë 11 shtetasve, që kishin mbetur në rrezik për shkak të dallgëve të forta apo defekteve në mjetet e tyre lundruese.

Policia Kufitare apelon për respektimin me rigorozitet të rregullave të përdorimit të mjeteve lundruese: Mos shkelni perimetrin e sigurisë; Lundroni vetëm në zonat e lejuara;

Pajisuni me mjetet e nevojshme të shpëtimit.

Policia e Shtetit fton qytetarët dhe pushuesit të denoncojnë çdo shkelje të rregullave të lundrimit apo të perimetrit të sigurisë në numrin pa pagesë 112, duke i garantuar reagim të menjëhershëm dhe masa konkrete ndaj çdo shkelësi.

/e.i//a.f/

The post Bllokohen 20 mjete lundruese, shpëtohen 11 persona appeared first on Agjencia Telegrafike Shqiptare.

Poezi nga Pablo Neruda

Nëse do të dish të më rrish pranë,
dhe të mund të jemi të ndryshëm,
nëse Dielli do të na ndriçojë të dy,
pa u mbivendosur hijet tona,
nëse do arrijmë të jemi “Ne”, në mesin e kësaj botë
dhe bashkë në botë, të qajmë, të qeshim, të jetojmë.

Nëse çdo ditë do të zbulojmë se cilët jemi
dhe jo të kujtojmë se cilët ishim,
nëse do të dijmë t’i jepemi njëri-tjetrit
pa e ditur kush do jetë i pari dhe kush i fundit,
nëse trupi yt do të këndojë me timin, se së bashku është gëzimi…

Atëherë do të jetë dashuri
dhe nuk do të ketë qenë e kotë, kjo pritje e gjatë./KultPlus.com

Thënie nga Volteri

-Asnjë flokë bore në një ortek nuk ndjen se ka përgjegjësi.

-Triumfi i vërtetë i arsyes është se ne aftëson të vazhdojmë rrugën me ata që nuk e kanë.

-Ka njerëz që nuk mendojnë më thellë se një fakt.

-Gjithkush që ka pushtetin të të bëjë të besosh absurditete ka pushtetin të të bëjë të marrësh përsipër padrejtësi.

-Çdo gjë shumë koti për t’u thënë këndohet.

-Me anë të vlerësimit, e bëjmë përsosmërinë e të tjerëve pronën tonë.

-Qeveritë duhet të kenë edhe barinj edhe kasapë.

-Kur bëhet fjalë për paratë, të gjithë kanë të njëjtën fe.

-Paragjykimet janë ato që budallenjtë përdorin për arsye.

-Nëse Perëndia nuk do të ekzistonte, do të ishte e nevojshme ta shpiknim.

-Çdo njeri është fajtor për të gjitha të mirat që s’ka bërë.

Përmes një fotografie të vajzës së saj të vogël pranë një tavoline shahu, Sara ndau me ndjekësit një fakt surprizues për të kaluarën e saj.

Pak e dinin që përveç ekranit, Sara Gjordeni ka shkëlqyer edhe në një tjetër fushë krejt ndryshe: atë të shahut.

“A e dini se mami i Neas ka qenë 12 herë kampione për të rinjtë në rrethin e Beratit, brenda 6 viteve?”, shkruan ajo, duke treguar se pasioni për lojën e mendjes ka qenë një pjesë e rëndësishme e rinisë së saj./kb

Jozefin Marku ka qenë i ftuar në dasmën e motrës së Danja Koka, ish banore e Big Brother Albania Vip 4.

Në videot e ndara në rrjetet sociale nga vetë modelja, shihet Jozefin Marku duke kënduar. “Joz Marku e mbajte fjalën”, shkruan Danja krahas videos së postua në insta-story.

Edhe pse ish-banori goditi me shpullë Gjesin, fituesin e edicionit të katërt, Danja e ftoi atë në dasmë. Në shtëpinë e Big Brother dyshja ka pasur marrëdhënie relativisht të mira me njëri-tjetrin./kb

Në vitin 1908, në një shpellë pranë La Chapelle-aux-Saints, në jugperëndim të Francës, vëllezërit Bouyssonie – Amédée dhe Jean, të dy priftërinj dhe arkeologë amatorë – bënë një nga zbulimet më të rëndësishme të paleoantropologjisë: skeleton e plotë fosil të një individi të Homo neanderthalensis, i cili besohet se ka jetuar rreth 60,000 vjet më parë.

Ky zbulim kishte rëndësi të madhe, sepse për herë të parë u gjet një skelet thuajse i plotë i një Neandertali, në pozicion varrimi, me gjymtyrët e përkulura dhe të vendosur me kujdes, duke sugjeruar se ishte një varrim i qëllimshëm – një tregues i hershëm i sjelljeve kulturore dhe rituale.

Kush ishin Neandertalët?

Neandertalët përfaqësojnë një nënlloj të zhdukur të gjinisë Homo, të afërt me njeriun modern (Homo sapiens). Ata kanë jetuar në Evropë dhe pjesë të Azisë për rreth 400,000 deri në 40,000 vjet më parë. Emri i tyre vjen nga lugina Neander në Gjermani, ku për herë të parë, më 1856, u zbuluan mbetje të tilla fosile pranë qytetit Düsseldorf.

Lugina Neander e kishte marrë emrin nga Joachim Neander, një pastor protestant dhe autor himnesh i shekullit të 17-të, i cili kishte predikuar në atë zonë. Emri i tij i vërtetë ishte Neumann – që në gjermanisht do të thotë “njeri i ri”, ndërsa “Neander” është forma e latinizuar.

Ngjashmëria me njeriun modern

Neandertalët kanë qenë për dekada subjekt debatesh shkencore rreth pozicionit të tyre evolucionar. Sot dihet se ata ndanin shumë karakteristika me njeriun modern: kishin tru të madh, trup të fuqishëm, përdornin vegla guri të sofistikuara, kontrollonin zjarrin, gjuanin në grup, dhe siç sugjeron edhe skeleti i gjetur në 1908 – kishin praktika funerale.

Studimet gjenetike moderne tregojnë se njerëzit e sotëm jashtë Afrikës mbartin një përqindje të vogël të ADN-së së Neandertalit, gjë që sugjeron se ka pasur ndërveprim dhe përzierje midis tyre dhe Homo sapiens.

Rëndësia e zbulimit në 1908

Zbulimi i vëllezërve Bouyssonie nuk ishte thjesht një gjetje arkeologjike – ai ndryshoi mënyrën si shkenca shihte parahistorinë njerëzore. Për herë të parë, Neandertalët nuk u panë thjesht si krijesa të egra e primitive, por si qenie me ndjeshmëri sociale, të afta për kujdes ndaj të sëmurëve, për ndërtim bashkësish dhe për ndarje simbolike të jetës dhe vdekjes.

Përgatiti: L.Veizi