Në një kohë kur bota pretendon të jetë më e përparuar, më e vetëdijshme dhe më e barabartë, lajmet që vijnë nga Pakistani sjellin një tronditje të thellë për çdo njeri me ndërgjegje. Sidra Bibi, vetëm 18 vjeç, u vra në mënyrë makabre nga njerëzit që duhej ta donin më shumë: nga babai dhe ish-bashkëshorti i saj. Faji i saj? Zgjodhi të martohej me njeriun që dashuronte, pa lejen e të tjerëve. Me pak fjalë: guxoi.

Me urdhër të një këshilli lokal pleqsh në qytetin e Rawalpindit, ajo u mbyt me një jastëk dhe më pas u varros fshehurazi. Toka u rrafshua për të zhdukur çdo provë. Asnjë shenjë dhembjeje. Asnjë pendesë. Autopsia, e kryer pas zhvarrosjes së trupit, konfirmoi torturën dhe mënyrën çnjerëzore të vdekjes. Një dëshmitar i arrestuar pranoi të tregonte gjithçka. Por çfarë vlere ka e vërteta, kur jeta është flijuar për një koncept të shpërfytyruar si “nder”?

Në vitin 2024, sipas Komisionit për të Drejtat e Njeriut në Pakistan, 405 gra u vranë për arsye të tilla. Po, në vitin 2024. Ky është vetëm numri i regjistruar, realiteti është me siguri edhe më i errët, për shkak të heshtjes, frikës dhe turpit që shoqëria u imponon viktimave. Nuk është një problem vetëm i Pakistanit; është një problem universal, që vesh fytyra të ndryshme në kultura të ndryshme.

Fatmirësisht, Shqipëria, ndonëse një shoqëri patriarkale, rrallë herë mund të ketë parë raste kaq brutale. Por kjo nuk duhet të na bëjë të ndjehemi të përjashtuar nga përgjegjësia. Rastet e dhunës në familje, vajza që detyrohen të martohen të mitura, gratë që rrihen, fyhen apo kontrollohen në çdo hap, të gjitha janë pjesë të të njëjtës mendësi mizore që çon drejt vrasjeve për “nder”.

Nuk ka traditë që justifikon torturën. Nuk ka njeri që fiton respekt duke zhdukur jetën e një tjetri. “Nderi” nuk qëndron në trupin e një vajze, por në shpirtin e një shoqërie që nuk hesht përballë padrejtësisë.

Në Pakistan, në Shqipëri, kudo në botë, vrasja për “nder” është vrasje. Në këtë shoqëri, që shpesh i ngatërron burrninë me mizorinë dhe nderin me kontrollin, ne kemi një detyrë: të flasim. Të reagojmë. Të edukojmë. Të shkundim sistemin dhe mendësinë që i justifikon këto krime, qoftë edhe vetëm me heshtje.

Sepse nesër, ajo që guxon të jetë vetvetja, mund të jetë vajza jote, motra jote, shoqja jote. Dhe asnjëra prej tyre nuk duhet të ketë frikë nga vetë jeta. Asnjëra!

The post 18 vjeç, vritet “për nder” nga babai dhe ish-burri/ Një plagë që ende kullon në vitin 2025 appeared first on iconstyle.al.

Shkarkimi i gazetarëve Erion Dushi dhe Alba Alishani nga A2 CNN është një akt i pastër politik që flet shumë më tepër sesa një ndryshim emrash në një studio lajmesh. Dy zëra të qartë, kritikë dhe profesionistë, u larguan nga ekrani në një kohë kur liria e shprehjes në Shqipëri po goditet nga të gjitha anët: nga pushteti, nga ligji dhe nga një sistem mediatik i kapur.

Paralelisht me këtë zhvillim, qeveria ka propozuar një seri ndryshimesh në Kodin Penal që në thelb synojnë të heshtin çdo formë kritike ndaj institucioneve të drejtësisë dhe të pushtetit. Neni 536 parashikon dënim me burg deri në 3 vjet për çdo koment që perceptohet si presion ndaj vendimeve gjyqësore. Në praktikë, ky nen i jep gjykatësve dhe prokurorëve mbrojtje totale ndaj çdo llogaridhënieje publike.

Ndërsa neni 517 dënon publikimin e të dhënave hetimore, një nen që godet drejtpërdrejt gazetarët investigativë, duke i bërë ata të ndëshkueshëm për çdo raportim mbi abuzimet e drejtësisë.

Me këto ndryshime, pushteti po blindon heshtjen. Po kthen opinionin në krim, gazetarinë në rrezik dhe transparencën në kërcënim për autorët. Fjala e lirë po penalizohet haptazi.

Një rrjet oligarkësh qëndron në qendër të çdo vendimmarrjeje strategjike në vend. Ata nuk janë më pas ekranit, janë pronarët e tij. Kanë në dorë ndërtimet, koncesionet, infrastrukturën, tregtinë, energjinë, median. Janë aty kur ndahen lejet e ndërtimit, kur ndahet buxheti, kur ndahen heshtjet.

Ata nuk përmenden, nuk kritikohen, nuk hetohen. Media flet për projekte, jo për pronarë. Politika flet për zhvillim, jo për përfitues. Ndërsa komunitete të tëra humbasin shtëpitë e pronat e tyre “në emër të investimit”, oligarkët rrisin pasurinë në emër të zhvillimit. Asnjë nuk mban përgjegjësi. Asnjë nuk përmend emrat. Sepse në këtë sistem, emrat janë tabu, ndërsa gazetarët që i shqiptojnë, ndëshkohen.

Gazetarët nuk pushohen nga puna sepse janë të dobët, por sepse janë të fortë. Ata që pyesin, përjashtohen. Ata që hetojnë, përbuzën. Ata që emërtojnë, ndëshkohen. Kështu funksionon një regjim që ka frikë nga e vërteta.

Raporti i Progresit i Bashkimit Europian për vitin 2024 e cilëson situatën si “kritike”. Gazetarët nuk kanë mbrojtje ligjore nga kërcënimet dhe dhuna. Dispozitat civile nuk janë të përputhshme me standardet europiane. Por mazhoranca në Kuvend nuk ka marrë asnjë hap për reformim. Përkundrazi, po ndërton ligje për burgosjen e fjalës dhe heshtjen e publikut.

Gazetaria është kthyer në një profesion të rrezikshëm. Jo për shkak të punës, por për shkak të sistemit që e shtyp. Media është bërë arenë shantazhi, jo informacioni. Zëri i lirë është i papranueshëm. Të vërtetat janë të padëshiruara. Gazetarët e vërtetë janë shënjestra.

Shkarkimi i Erion Dushit dhe Alba Alishanit është vetëm një tjetër kapitull i një libri që shkruhet prej vitesh: një sistem që kontrollon gjithçka dhe ndëshkon çdo zë që nuk i shërben.

Në këtë Shqipëri, fjala dënohet. Jo krimi. Dhe kjo është arsyeja pse asnjë prej nesh s’duhet të heshtë më!

The post Dënohet fjala, jo krimi: Shkarkohen dy gazetarë kritikë, Kodi i ri Penal mbyll gojët në emër të drejtësisë appeared first on iconstyle.al.

Pavarësisht mohimeve të vazhdueshme nga Sylvester Stallone, Pamela Anderson qëndron fort pas deklaratave të saj: aktori i kishte ofruar një apartament luksoz dhe një Porsche në këmbim të një lidhjeje.

Në një intervistë në “Watch What Happens Live With Andy Cohen”, 58-vjeçarja kujtoi propozimin që, sipas saj, nuk mund të ishte i trilluar. “Ishte shumë specifik për të qenë sajesë”, tha Pamela, duke theksuar se Stallone i kishte kërkuar të ishte “vajza e tij nr. 1”. Kur ajo e kishte pyetur nëse kishte edhe një “nr. 2”, ai kishte kthyer: “Kjo është oferta më e mirë që do marrësh. Je në Hollywood tani”.

79-vjeçari i “Rocky”-t i ka hedhur poshtë këto akuza më parë, duke i quajtur “të rreme dhe të sajuara”.

Me nota humori, Pamela shtoi se ndoshta do ta kishte menduar ofertën… nëse bëhej fjalë për një “Shelby Cobra”.

Këto deklarata vijnë ndërsa aktorja është rikthyer në vëmendje për shkak të lidhjes së re me Liam Neeson, me të cilin është afruar gjatë xhirimeve të filmit “The Naked Gun”.

The post Pamela Anderson nuk tërhiqet: Stallone më ofroi një apartament dhe një Porsche që të isha vajza e tij nr.1 appeared first on iconstyle.al.

Një ndeshje basketbolli mes Maqedonisë së Veriut dhe Rumanisë është kthyer në skandal ndërkombëtar pas thirrjeve të rënda raciste ndaj shqiptarëve në tribunat e tifozëve.

“Shqiptari i mirë është shqiptari i vdekur”, “Dhoma gazi për shqiptarët” dhe “Maqedoni e pastër” ishin disa nga thirrjet që u dëgjuan në sallë, ku të pranishëm ishin edhe zyrtarë të lartë të shtetit, përfshirë kryeministrin Hristijan Mickoski, i cili pretendoi se “nuk i kishte dëgjuar”.

FIBA ka nisur hetim zyrtar dhe dënoi ashpër gjuhën e urrejtjes, ndërsa reagime të forta kanë ardhur nga Kosova dhe Shqipëria. Presidentja Vjosa Osmani e quajti ngjarjen të papranueshme, ndërsa Elisa Spiropali theksoi se “gjuha e urrejtjes nuk ka vend në sport”.

Kodi Penal i Maqedonisë së Veriut parashikon burg deri në 5 vjet për nxitjen e urrejtjes etnike, por mbetet për t’u parë nëse do të ketë ndëshkim konkret.

The post “Shqiptari i mirë është shqiptari i vdekur”/ FIBA nis hetim për korin racist në ndeshjen Maqedoni–Rumani appeared first on iconstyle.al.

Reperi i njohur shqiptar, Fero, ka prekur ndjekësit me një mesazh emocional drejtuar vajzës së tij, Ninës, të cilën thotë se nuk e ka parë prej gati një viti.

Në një postim në InstaStory, ai shkruan:

“Gati një vit pa të parë. Ndoshta ke harruar se kush është babai yt, ose ndoshta po të mungoj. Mendoj shumë për ty, na kanë bërë padrejtësi.”
#shtetikorruptuar

Kjo s’është hera e parë që Fero ngre akuza për padrejtësi në çështjen e kujdestarisë, duke aluduar se ish-bashkëshortja e tij, modelja Arbenita Ismajli, ka shkelur marrëveshjen për takimet me të bijën.

The post “Ndoshta ke harruar kush është babai yt” – Fero prek me dedikimin për vajzën appeared first on iconstyle.al.

Fotoja që bëri xhiron e rrjetit, Krenar Çoçaj dhe Endi Demneri shumë pranë në një resort në Ibiza, shkaktoi edhe shumë trazira. Jo vetëm në rrjet. Bëri zhurmë tek ata që nuk durojnë dot të shohin realitetin pa filtra. Dhe kur nuk funksionuan presionet, ofertat për para, ndërmjetësit dhe kërcënimet nga “gangot prej kartoni” që u rropatën për të na ndalur, kaluan në tjetër fazë: denoncime e raportime për të na çuar drejt penalizimit të llogarisë tone në Instagram.

Ndaj, po: jemi detyruar ta fshijmë postimin. Jo sepse u tërhoqëm. Jo sepse u shitëm. Por sepse llogaria e IconStyle në Instagram po përpiqet të sulmohet. Ky është realiteti shqiptar i mediave: kur nuk mund të blejnë lajmin, përpiqen të zhdukin vetë mediumin.

Çifti në fjalë mund të mos jetë zyrtarisht në një lidhje dashurie, por është mëse e qartë që kanë një lidhje interesi, si çdo marrëdhënie tjetër e këtij lloji që njihni. Interes edhe për të kontrolluar narrativën, për të pastruar imazhin, për të treguar atë që u shërben dhe për të heshtur çdo zë që ua prish këtë plan.

Media të tjera? Heshtin. Bëjnë sikur s’e panë. Apo më keq: i shesin si çift simpatik. Pse? Sepse në Shqipëri jo të gjithë paguhen për të thënë të vërtetën. Disa paguhen për ta fshehur.

Ndaj, për të gjithë ata që pyesin pse IconStyle fshiu foton: Për të mbrojtur praninë tonë në një platformë që po përdoret si armë kundër lirisë së fjalës. Jo sepse u tërhoq, por sepse ka beteja që nuk fitohen në Instagram, por në këmbëngulje, transparencë dhe zgjuarsi.

Dhe për këtë, po ju themi qartë: fjalën tonë nuk do ta heshin dot. As me presion. As me raportime. As me para.
Na gjeni në Telegram. Na gjeni në Twitter/X. Aty ku lajmet nuk fshihen sepse dikujt i prishen hesapet.
E vërteta nuk ka nevojë për filtër. Vetëm për zë. Dhe zëri ynë nuk ka ndërmend të pushojë ndonjëherë.

The post Nuk jemi të shitur, por të sulmuar: e vërteta vazhdon, edhe pa foto appeared first on iconstyle.al.

Një reklamë e re nga kompania “American Eagle” ka ndezur një debat të zjarrtë në Shtetet e Bashkuara dhe në qendër të gjithçkaje është aktorja Sydney Sweeney.

Në spotin televiziv, Sweeney dëgjohet duke thënë: “My jeans are blue” (Xhinset e mia janë të kaltërta), ndërsa slogani që shoqëron reklamën është: “Sydney Sweeney has great jeans”, që në anglisht mund të tingëllojë si “genes” (gjene), duke hapur një fushë të tërë interpretimesh.

Disa e kanë parë si një lojë fjalësh të zgjuar. Të tjerë kanë shkuar shumë më larg, duke e interpretuar si një mesazh me nuanca raciste, madje duke e lidhur me ideologji të së djathtës ekstreme.

Në këtë valë polemikash, presidenti Donald Trump vendosi të ndërhyjë me një postim ku e mbështet haptazi aktoren:

“Sydney Sweeney, një republikane e regjistruar, e bëri reklamën më të nxehtë të kohëve të fundit. Shko, bjeru, Sydney!”

Komentet e tij vetëm sa kanë shtuar zhurmën rreth reklamës, që nga një spot për xhinse, është kthyer në temë kombëtare.

The post Nga një fjali në reklamë, në një deklaratë të Trump-it: “Shko, bjeru Sydney!” appeared first on iconstyle.al.

Në një zonë të qetë në kodrat e Hongcheon-it ndodhet një vend i pazakontë i quajtur “Prison Inside Me”, një “burg” ku njerëzit hyjnë me dëshirë për të pushuar nga jeta e zhurmshme.

Pa telefona, pa pasqyra, pa orë. Thjesht një uniformë, një dyshek, çaj dhe ushqim që të dorëzohet nëpërmjet një dere të vogël.

Qëndrimi zgjat zakonisht 24 ose 48 orë dhe kushton rreth 90 dollarë për një ditë. Por vizitorët nuk ndihen të mbyllur, përkundrazi, shumë e përshkruajnë përvojën si çliruese për mendjen dhe shpirtin.

Ideja lindi nga një ish-prokuror që dikur kishte deklaruar: “Më mirë të futem në burg sesa të përballoj stresin e punës pa pushim.” Sot, shumë të tjerë i bashkohen këtij “burgimi me vullnet të lirë” për të rikthyer balancën e brendshme.

The post Pushim nga jeta… në një qeli? Ja eksperienca më e pazakontë e relaksit appeared first on iconstyle.al.

Një seri mesazhesh të pazakonta në Telegram kanë ndezur sërish spekulimet rreth Louisa Rozova-s, e njohur ndryshe edhe si Elizaveta Krivonogik, 22-vjeçarja që prej vitesh është përfolur si vajza e fshehtë e Vladimir Putinit.

Për herë të parë, ajo është shprehur publikisht me tone të forta kundër presidentit rus, duke dënuar haptazi luftën në Ukrainë dhe lënë të kuptohet se pas gjithë kësaj dhimbjeje qëndron një njeri shumë i afërt me të.

“Burri që mori miliona jetë dhe shkatërroi timen,” shkruan ajo në një postim në Telegram, që ka ngjallur reagime të shumta ndërkombëtare.

Rozova, e cila prej kohësh jeton në Paris dhe është aktive në fushën e artit, ka qenë larg vëmendjes publike për vite me radhë. Por këtë herë, ajo ka zgjedhur ta tregojë fytyrën dhe zërin e saj:

“Është çliruese të jem në gjendje t’ia tregoj përsëri fytyrën time botës. Më kujton kush jam dhe kush ma shkatërroi jetën,” shkroi ajo bashkë me një selfie të publikuar në rrjet.

"The man who took the lives of millions and destroyed mine as well" — Putin’s alleged illegitimate daughter has released personal photos and publicly criticized her dictator father, according to the German outlet BILD.

Luiza Rozova was born on March 3, 2003, in Saint… pic.twitter.com/HJmF8j7vBn

— Visioner (@visionergeo) August 4, 2025

The post “Njeriu që më shkatërroi jetën” – Vajza që përflitet si e bija e Putinit thyen heshtjen appeared first on iconstyle.al.

Pas një fundjave të mbushur me muzikë, energji dhe emocione të forta, Dua Lipa ka ndarë emocionet e saj pas përfundimit të edicionit të këtij viti të Sunny Hill Festival. Në një postim të gjatë dhe të ndjerë në rrjetet sociale, artistja shqiptare me famë botërore shprehu falënderime për të gjithë ata që e bënë festivalin e sivjetshëm kaq të veçantë, nga familja dhe ekipi organizator, te artistët pjesëmarrës, e deri te fansat që ndezën atmosferën në Prishtinë.

“Jam e mbushur me mirënjohje dhe dashuri për familjen time të mrekullueshme dhe për ekipet e jashtëzakonshme që dhanë zemrën për këto net të paharrueshme. Për të gjithë artistët dhe miqtë tanë të dashur – faleminderit që ndriçuat çdo moment. Dhe për fansat tanë të bukur – WOW – ju e bëtë këtë festival të paharrueshëm. Ju falënderojmë. Ju duam pafund. Deri vitin tjetër!” – shkroi Dua ndër të tjera.

Këngëtarja ishte kryeartiste në natën hapëse të festivalit dhe solli një performancë të jashtëzakonshme që elektrizoi skenën.

 

View this post on Instagram

 

A post shared by DUA LIPA (@dualipa)

The post Mesazhi i Dua Lipës pas përmbylljes së Festivalit Sunny Hill appeared first on iconstyle.al.

Dy persona u vranë dhe gjashtë të tjerë u plagosën pas një të shtëne me armë në një festë rrugore në qendër të Los Angeles gjatë natës.

Sipas informacionit nga autoritetet e Los Angeles të cituara nga FOX News, incidenti thuhet se lidhet me bandat që veprojnë në zonë.

Dëshmitarët raportuan se të shtënat erdhën nga një sedan i kuq, megjithatë, kjo nuk është konfirmuar nga autoritetet dhe deri më tani nuk ka pasur arrestime të lidhura drejtpërdrejt me incidentin.

Oficerët e policisë së Los Anxhelosit që patrullonin zonën nxituan në vendngjarje dhe bllokuan zonën ku po zhvillohej festa, pranë një depoje. Në festë ishin rreth 60 persona, të cilët u thanë autoriteteve se po festonin ditëlindjen.

The post Dy të vdekur dhe gjashtë të plagosur nga të shtënat në Los Angeles appeared first on iconstyle.al.

Pas videos virale ku Jozi dhe Stresi u shfaqën në një situatë që ndezi rrjetin, nuk ka munguar as reagimet. Gjesti hoqi Stresin nga lista e ndjekësve në Instagram.

Ky veprim u komentua gjerësisht në rrjet, pasi dihet që gjatë kohës së BBVIP, Stresi ishte një ndër mbështetësit më të zëshëm të Gjestit, duke e përkrahur hapur në çdo dalje publike.

Por duket se “unfollow”-i nuk mbeti pa përgjigje. Stresi reagoi shpejt, duke ia kthyer me të njëjtën mënyrë: ai hoqi Gjestin nga ndjekësit e tij, duke e bërë situatën edhe më të tensionuar.

Ende nuk dihet çfarë ka ndodhur në prapaskenë mes dy artistëve, por një gjë është e sigurt, marrëdhënia e tyre nuk është më si më parë.

The post Gjesti i bëri unfollow në Instagram, reagon Stresi appeared first on iconstyle.al.

Një studim i ri i udhëhequr nga Northwestern Medicine ka zbuluar se zemrat e shumicës së të rriturve janë më të vjetra se mosha e tyre aktuale, deri në 10 vjet. Dallimi është më i theksuar tek burrat dhe njerëzit me të ardhura ose nivele arsimimi më të ulëta.

Gjetjet, të botuara në JAMA Cardiology , nxjerrin në pah kërcënimin e heshtur, por të përhapur të sëmundjeve kardiovaskulare dhe synojnë të riformësojnë mënyrën se si pacientët dhe mjekët i qasen problemeve kardiovaskulare.

Tradicionalisht, rreziku kardiovaskular përshkruhet në përqindje: Për shembull, një mjek mund të thotë: “Keni një shans prej 8% për të pasur një atak në zemër në 10 vitet e ardhshme.” Megjithatë, studiuesit e Northwestern kanë prezantuar një metodë të re që shpresojnë se do të ketë më shumë jehonë te pacientët: Mosha e Zemrës.

Duke përdorur të dhëna nga tregues të zakonshëm shëndetësorë, siç janë presioni i gjakut, kolesteroli, zakonet e pirjes së duhanit dhe diabeti, ekipi i kërkimit zhvilloi një kalkulator falas online që vlerëson moshën e zemrës së një personi. Ky mjet i ri bazohet në ekuacionet e rrezikut PREVENT të Shoqatës Amerikane të Zemrës dhe riformulon të dhënat komplekse të rrezikut në diçka më të rëndësishme: Sa e vjetër është zemra juaj krahasuar me moshën tuaj aktuale.

“Shpresojmë që ky mjet do t’i ndihmojë mjekët dhe pacientët të menaxhojnë në mënyrë më efektive rrezikun e sëmundjeve të zemrës”, tha Dr. Sadiya Khan, autore kryesore e studimit dhe profesoreshë e epidemiologjisë kardiovaskulare në Shkollën e Mjekësisë Feinberg të Universitetit Northwestern. “Duke e kuptuar rrezikun në një mënyrë që ndihet personal dhe i prekshëm, ne mund t’i orientojmë më mirë vendimet rreth parandalimit.”

Çfarë tregojnë të dhënat

Për të vërtetuar mjetin, studiuesit analizuan të dhënat shëndetësore nga më shumë se 14,000 të rritur të moshës 30-79 vjeç që morën pjesë në Anketën Kombëtare të Ekzaminimit të Shëndetit dhe të Ushqyerjes nga viti 2011 deri në vitin 2020. Asnjëri nuk kishte një histori të sëmundjeve kardiovaskulare.

Rezultatet ishin zhgënjyese: Mesatarisht, mosha e zemrës së grave ishte 55.4 vjeç, ndërsa mosha aktuale e grave ishte mesatarisht 51.3 vjeç. Për burrat, diferenca ishte edhe më e madhe: Zemrat e tyre ishin rreth 56.7 vjeç, krahasuar me 49.7 vjeç.

Sëmundjet e zemrës kanë qenë shkaku kryesor i vdekjes për më shumë se një shekull. Ndërsa përpjekjet e shëndetit publik kanë bërë përparim, shumë njerëz që mund të përfitonin nga kujdesi parandalues – siç janë ilaçet për uljen e presionit të gjakut ose kolesterolit – nuk po e prekin atë.

The post Sa vjeç është zemra e një 50-vjeçari? Përgjigja nuk është ajo që mendoni appeared first on iconstyle.al.

Gaforrja
Sado e çuditshme që mund t’ju duket, Gaforret nuk ndihen në siklet ose keq kur lihen vetëm. Atyre u pëlqen shtëpia e tyre dhe ka raste kur bota e jashtme u duket si një barrë. Në të njëjtën kohë, për shkak se i duan shumë njerëzit, një mundësi zhgënjimi ose sjelljeje që do t’i lëndojë i bën ata të “qëndrojnë” më lehtë të mbyllur në guaskën e tyre. Ata me të vërtetë pëlqejnë të argëtohen dhe mund të dalin shumë shpesh, por nuk kanë frikë të jenë vetëm dhe marrin kohën e tyre kur është e nevojshme.

Virgjëresha
Virgjëreshat lodhen shumë lehtë nga të qenit pranë njerëzve. Ata e shijojnë vetminë e tyre dhe u pëlqen të humbasin në mendimet e tyre. Meqenëse kanë tendencë të jenë të turpshëm dhe të rezervuar, nëse nuk ndihen rehat në një situatë shoqërore, do të preferojnë të qëndrojnë vetëm në shtëpi. Vetëm nëse një ngjarje ose situatë u sjell dobi, do ta shtyjnë veten ta marrin pjesë në të. Ata përpiqen gjithmonë të jenë më të mirë, prandaj përfitojnë nga situatat ose koha e kaluar me veten.

Akrepi
Akrepi preferon të jetë i zhytur në mendimet e tij, megjithëse i pëlqen të ketë njerëz përreth. Ai kënaqet duke dëgjuar mendimet e tij, pa shpërqendrime. Në fakt, kur vendos një qëllim ose fiksohet pas një personi ose projekti, mbyllet në vetvete, planifikon dhe përqendrohet shumë në të. Pra, ai ka tendencë të mos kërkojë shoqërinë e njerëzve të tjerë, veçanërisht gjatë kësaj periudhe.

The post Shenjat e zodiakut që e duan vetminë, nuk kanë frikë kur nuk kanë askënd pranë appeared first on iconstyle.al.

Calvin Harris është bërë baba!

DJ dhe producenti muzikor, 41 vjeç, mirëpriti fëmijën e tij të parë, një djalë të quajtur Micha, me gruan e tij Vick Hope. Harris njoftoi lajmin emocionues në Instagram me një seri fotosh të ëmbla.

Në foton e parë, Harris mund të shihej duke mbajtur djalin e tij të vogël në krah dhe duke buzëqeshur ndërsa ishte ulur në një divan jashtë në diell. Ai gjithashtu përfshiu një foto të tij dhe gruas së tij duke takuar të voglin e tyre për herë të parë në një lindje në ujë në shtëpi.

“20 korrik, djali ynë erdhi në jetë. Micah është këtu!” shkroi Harris në mbishkrimin e tij. Gruaja ime është një superheroinë dhe jam plotësisht i mahnitur nga mençuria e saj e lashtë! Thjesht kaq mirënjohës. Të duam shumë Micah ”, shkroi ai në mbishkrimin e postimit të tij.

 

View this post on Instagram

 

A post shared by Calvin Harris (@calvinharris)

The post “Micah është këtu”/ Calvin Harris bëhet baba për herë të parë appeared first on iconstyle.al.

Një ngjarje e pazakontë ka ndodhur në Ohio të Shteteve të Bashkuara më 26 korrik 2025, kur erdhi në jetë një djalë i quajtur Thaddeus Daniel Pierce – nga një embrion që ishte ngrirë që në maj të vitit 1994. Ky fakt e bën atë foshnjën më të njohur ndonjëherë të lindur nga një embrion i ngrirë për kaq shumë vite.

Embrioni ishte krijuar fillimisht nga Linda Archerd, e cila solli në jetë një vajzë përmes IVF-së dhe më pas vendosi të dhurojë embrionet e mbetura. Pas shtatë viteve përpjekjesh për të mbetur shtatzënë, Lindsey dhe Tim Pierce zgjodhën të adoptonin një nga këto embrione.

Ky rast nënvizon suksesin e teknologjisë së ngrirjes afatgjatë të embrioneve dhe rritjen e interesit për adoptimin e embrioneve si një zgjidhje reale për shumë çifte që përballen me infertilitetin.

The post Foshnja më “e vjetër” lind nga një embrion i ngrirë në vitin 1994 appeared first on iconstyle.al.

Erik Menendez është rikthyer në burg pasi u transferua përkohësisht në një spital të Kalifornisë për t’u trajtuar për gurët në veshka. Në një postim në Instagram Stories të ndarë të shtunën, më 2 gusht, vajza e adoptuar e Erikut, Talia, tregoi se 54-vjeçari kishte dalë nga spitali pasi iu nënshtrua një operacioni.

“Babai im ka dalë nga spitali dhe është kthyer në burg, duke u përgatitur për seancën tonë të ardhshme dëgjimore për lirimin me kusht”, shkroi Talia, e cila është vajza e Tammi Saccoman, gruas që u martua me Erikun ndërsa ai ishte në burg në San Diego.

ABC News raportoi më parë se Eriku ishte transportuar nga Qendra Korrektuese Richard J. Donovan në San Diego në një spital lokal për të trajtuar një gjendje mjekësore. Talia më vonë zbuloi në mediat sociale se ai po përjetonte “komplikime me të dyja veshkat që kishin gurë të shumtë të mëdhenj”.

Avokati i Erikut dhe vëllait të tij, Lyle Menendez, Mark Geragos, i tha TMZ më 22 korrik se Eriku ishte në spital për rreth një javë, duke shtuar se bëhej fjalë për një “gjendje të rëndë mjekësore”. Geragos i tha gjithashtu medias se Eriku duhet të lirohet nga burgu menjëherë pasi të dolën lajmet për gjendjen e tij.

“Ligjet e privatësisë mjekësore na kufizojnë nga dhënia e detajeve”, tha Departamenti i Korrektimeve dhe Rehabilitimit i Kalifornisë në një email drejtuar PEOPLE në atë kohë.

Diagnoza erdhi rreth një muaj përpara një seance dëgjimore të bordit të lirimit me kusht për Erikun dhe 57-vjeçarin Lyle – të cilët të dy u dënuan për vrasjet famëkeqe të prindërve të tyre në vitin 1989, më 21 dhe 22 gusht.

The post Iu nënshtrua një operacioni për gurë në veshka, çfarë po ndodh me Erik Menendez? appeared first on iconstyle.al.

G-Bani ka folur hapur në një intervistë per ‘Andale’ për marrëdhëniet e tensionuara me Top Channel, duke hedhur dritë mbi disa situata të pazakonta që kanë ndodhur pas përfundimit të “Big Brother VIP”.

“Marrëdhëniet e Topit në këto momente janë të këqija. Kam nja 3-4 gjëra që dyshoj pse janë të këqija,” tha ai, duke lënë të kuptohet se nuk bëhet fjalë për një keqkuptim të vogël, por për një ftohje serioze.

Artisti tregoi se nuk është në listën e zezë të televizionit, por gjithsesi nuk është ftuar në evente të rëndësishme:

“Kur ishte finalja dhe prime-i pas Big-ut, unë nuk isha në listë të zezë, kishte njerëz që ishin… por nuk isha ftuar. Kush nuk ishte? Jozi dhe jo vetëm.”

Ai foli edhe për një turne të trupës së “Portokallisë”, ku ishte vetëofruar të merrte pjesë falas, por asnjëherë nuk mori konfirmim. “U vetofrova pa pagesë për të marrë pjesë me nja dy këngë… po nuk erdhi konfirmimi asnjëherë nga sipër. Dhe kjo tregon që marrëdhëniet nuk janë të mira.”

Në fund, G-Bani rrëfeu edhe një pendesë personale që lidhet me një postim në Instagram:

“Postova diçka që isha shumë i mërzitur me një njeri dhe ai postim më erdhi boomerang. Humba mundësinë të flas me dikë që tani nuk flas dot më.”

The post G-Bani zbulon prapaskenat me Top Channel: Jam jashtë loje. Marrëdhëniet nuk janë të mira appeared first on iconstyle.al.

Një tjetër humbje e madhe për sportin elbasanas dhe atë shqiptar.

Ka ndërruar jetë Xhevahir Taushani, një nga emblemat më të njohura të futbollit në Elbasan dhe në gjithë Shqipërinë në vitet ‘60.

Figura e tij mbetet e paharrueshme në historinë e sportit vendas dhe më gjerë. Taushani nisi karrierën e tij futbollistike në moshë të re, duke u afirmuar shpejt si një mbrojtës i fortë, i disiplinuar dhe me personalitet të veçantë në fushën e lojës.

Për dy sezone, ai veshi edhe fanellën e Dinamos së Tiranës, duke dhënë kontribut në elitën e futbollit shqiptar dhe duke fituar respekt e vlerësim të madh. Për më tepër, talenti dhe aftësitë e tij e bënë të përfshihej edhe në ekipet Kombëtare të Shqipërisë, ku përfaqësoi vendin me dinjitet dhe përkushtim.Pas përfundimit të karrierës së tij si lojtar, Xhevahir Taushani nuk u largua nga fusha e sportit.

The post Elbasani humbet legjendën e futbollit, ndërron jetë Xhevahir Taushani appeared first on iconstyle.al.

Turbulenca është një nga përvojat më të zakonshme dhe shpesh shqetësuese për pasagjerët gjatë një fluturimi. Por çfarë e shkakton atë dhe a është vërtet për t’u frikësuar?

Sipas ekspertëve të aviacionit, turbulenca ndodh kur aeroplani kalon nëpër rrjedha të paqëndrueshme ajri që shkaktohen nga faktorë të ndryshëm si: ndryshimet në temperaturë, lëvizjet vertikale të ajrit, malet, stuhitë, apo zonat ku dy masa ajrore me temperatura të ndryshme përplasen. Edhe avioni i njëjtë, në dy fluturime të ndryshme, mund të përjetojë nivele të ndryshme turbulence për shkak të kushteve atmosferike.

Megjithatë, edhe pse mund të ndihet si “rrëzim” ose lëkundje e fortë, në shumicën dërrmuese të rasteve turbulenca nuk është e rrezikshme. Aeroplanët modernë janë të ndërtuar për t’i përballuar pa problem këto lëvizje. Pilotët janë të trajnuar të monitorojnë dhe shmangin zonat me turbulence të fortë dhe shpesh paralajmërojnë ekuipazhin dhe pasagjerët për të qëndruar të ulur me rripin e sigurisë të vendosur.

E vetmja rrezikshmëri reale lind nëse një pasagjer nuk është i lidhur dhe mund të lëndohet nga lëvizjet e papritura. Prandaj, mbajtja e rripit të sigurimit gjatë gjithë fluturimit është një masë e thjeshtë që mund të parandalojë incidente.

The post Çfarë shkakton turbulenca në një aeroplan dhe sa e rrezikshme është në të vërtetë? appeared first on iconstyle.al.