Arben Taravari ka caktuar se kë do të propozojë për kryetar komunash në Saraj, Tearcë, Gostivar dhe Vrapçisht, merr vesh Telegrafi Maqedoni.

Në Saraj, Blerand Ramadani do të garojë për të fituar besimin e qytetarëve. Në Tearcë, Nazmi Taipi edhe një herë do të provojë fatin. Në Gostivar, Valbon Limani do të kërkojë mandatin për të vazhduar udhëheqjen e marrë në fund të mandatit nga Taravari dhe në Vrapçisht, Isen Shabani do të tentojë për mandatin e tretë.

Përndryshe, sot brenda ditës BDI shpalosi emrat e kandidatëve për Tetovë me Bajram Rexhepin, në Çair do garojnë me Bujar Osmanin dhe në Zhelinë me Emir Sulejmanin.

Ndryshe, koalicioni i udhëhequr nga BDI pret propozimet edhe nga Ziadin Sela për Haraçinën, Dibrën dhe Strugën. /Telegrafi/

The post Këta janë kandidatët e Taravarit për kryetar komunash appeared first on Telegrafi.

BDI përmes një kominikate për media ka njoftuar se pret nominim të kandidaturave në shtatë komuna nga ASH e Selës dhe ASH e Taravarit.

“Në ditët në vijim, pas përfundimit të procesit të brendshëm partiak dhe me partnerët e koalicionit, do të konfirmohen edhe kandidatët tjerë për komunat e mbetura.

Gjithashtu, njoftojmë opinionin se nga Aleanca për Shqiptarët, të Ziadin Sela, presim propozime për kandidatë për kryetarë në komunat Strugë, Haraçinë dhe Dibër, ndërsa nga Arben Taravari, presim propozime për Gostivarin, Vrapçishtin, Tearcën dhe Sarajin.

BDI mbetet e përkushtuar ndaj një procesi zgjedhor të ndershëm, gjithëpërfshirës dhe me oferta të fuqishme programore për qytetarët në të gjitha komunat”, thuhet në njoftimin e BDI-së.

Nga atje shtojnë se qytetarët si në referendum do të shënojnë fitoren e radhës në këto zgjedhje lokale./Telegrafi/

The post BDI: Taravari dhe Sela të propozojnë kandidat për komunat Gostivar, Strugë, Dibër appeared first on Telegrafi.

Bujar Osmani ka shpallur zyrtarisht kandidaturën e tij për kryetar të Komunës së Çairit.

Osmani përmes një njoftimi në profilin e tij në Facebook theksoi se vendimi është marrë pas konsultimesh të gjata dhe një reflektimi të thellë me bashkëpunëtorët dhe familjarët e tij.

“Nuk bëhet fjalë për një funksion, por për përgjegjësinë ndaj shtëpisë sonë,” tha Osmani, duke shtuar se qytetarët e Çairit meritojnë kushte më të mira jetese dhe një udhëheqje që i përfaqëson denjësisht.

Në mesazhin e tij Osmani theksoi përkushtimin e tij të plotë për ta ndryshuar komunën në mënyrë të thellë dhe njerëzore. Ai premtoi një qasje të ndershme, profesionale dhe me vullnet për punë të përditshme.

“Çairit i duhen ndryshime të vërteta, të thella dhe njerëzore,” tha ai. “Unë nuk iu shmangem misioneve, sado të vështira qofshin ato”, shkruan Osmami

Osmani falënderoi të gjithë ata që i dhanë mbështetje gjatë kësaj periudhe, duke përmendur në veçanti Kryetarin, kryesinë, strukturat partiake dhe qindra qytetarë që ka takuar.

The post Osmani: Nuk bëhet fjalë për një funksion, por për përgjegjësinë ndaj shtëpisë sonë appeared first on Telegrafi.

Nga Bashkimi Demokratik për Integrim shprehin indinjatën dhe shqetësim për siç thonë, vendimin e Qeverisë aktuale OBRM-VLEN për mosdhënien e pëlqimit për marrëdhënie të përhershme pune për 155 motra medicinale në Spitalin Klinik të Tetovës, gra profesioniste, nëna dhe shtylla të qindra familjeve, të cilat me vite të tëra shërbyen me përkushtim ndaj pacientëve dhe sistemit shëndetësor të vendit.

Nga BDI thonë se “një vendim i tillë është jo vetëm i padrejtë dhe politikisht i motivuar, por bart në vete edhe elemente të diskriminimit të hapur etnik dhe gjinor”.

“Në vend që të vlerësohet profesionalizmi dhe sakrifica e këtyre punonjëseve, shumë prej të cilave ishin në vijën e parë të përballjes me pandeminë, atyre u është kthyer shpina në mënyrën më të padenjë të mundshme. BDI, si parti shtetformuese që ka kontribuar në ndërtimin e sistemit të barabartë dhe të drejtë për të gjithë qytetarët e Maqedonisë së Veriut, e konsideron këtë vendim një precedent të rrezikshëm, që dëmton seriozisht besimin në institucionet shtetërore, minon themelet e bashkëjetesës dhe rikthen logjikën përjashtuese të së kaluarës”.

“Është e papranueshme që në një shtet që aspiron integrimin evropian, të përjashtohen me një të rënë të lapsit 155 nëna e motra shqiptare, për shkak të një qasjeje të mbyllur, të politizuar dhe të verbër ndaj realitetit shoqëror të vendit. BDI kërkon shfuqizimin e menjëhershëm të këtij vendimi dhe rivendosjen e punonjëseve në vendet e tyre të punës me karakter të përhershëm”.

“Qeveria aktuale duhet të kuptojë se luajtja me fatin e njerëzve dhe me dinjitetin e gruas nuk do të kalojë pa pasoja politike. Heshtja nuk është më opsion. Reagimi qytetar është i pashmangshëm, dhe ai do të jetë masiv dhe i drejtë në mbrojtje të barazisë, dinjitetit dhe të drejtës për të punuar në vendin tënd, pa frikë dhe pa përjashtim”, thonë nga BDI.

The post BDI: Largimi i 155 motrave medicinale nga Spitali i Tetovës është akt i turpshëm diskriminues dhe politikisht i motivuar appeared first on Telegrafi.

“Vazalët shqipfolës të OBRM-PDUKM-së edhe sot vazhduan me manipulimet e tyre ndaj opinionit publik. Kësaj radhe bëhet fjalë për Autostradën Shkup-Bllacë, një projekt me rëndësi strategjike për shqiptarët dhe për lidhjet me Republikën e Kosovës”, reagojnë nga Bashkimi Demokratik për Integrim.

Nga BDI janë revoltuar me njoftimin e VLEN-it se “Ndërmarrja Publike ‘Rrugët Shtetërore’ ka hapur procedurat për prokurim publik për fazën përgatitore të projektit final për ndërtimin e kësaj rruge”.

“Edhe pse janë përfunduar më shumë se dy kilometra të para të këtij aksi, projekti qëllimisht po zvarritet dhe refuzohet të lëshohet në përdorim. Fillimisht, Qeveria paralajmëroi gjoja një revision teknik, ndërsa sot deklarojnë se po e nisin nga e para procedurën për prokurim publik – një skenar i qartë për të bllokuar hapjen e Autostradës. Qëllimi i kësaj Qeverie është i lexueshëm: sabotimi sistematik i çdo projekti jetik që ka të bëjë me shqiptarët, duke u përpjekur të anulojë investimet që janë iniciuar nga BDI gjatë qeverisjes së kaluar. Në të njëjtën kohë, VLEN, në vend që të mbrojë interesin shqiptar, po zbaton pa diskutim urdhrat politikë të OBRM-PDUKM-së dhe po përqafon çdo vendim me prapavijë antishqiptare”, thuhet në reagimin e BDI-së.

BDI shton se pas tetorit, kur do të rikthehet si faktor udhëheqës, do të përfundojë me prioritet projektet e nisura që sot po bllokohen nga “Qeveria e re dhe aleatët e saj shqipfolës. Autostrada Shkup-Bllacë do të bëhet realitet – jo për inat të dikujt, por për të ardhmen tonë euroatlantike dhe për respektin që shqiptarët meritojnë në këtë shtet”.

The post BDI: Autostrada Shkup-Bllacë, peng i lojërave politike të Qeverisë appeared first on Telegrafi.

Nga VLEN në një kumtesë për media thonë se me miratimin e Projektligjit për Lojërat e Fatit nga Qeveria, kanë nisur ofensivën më vendimtare kundër karteleve të lojërave të fatit që sipas tyre, prej vitesh e kanë shndërruar varfërinë e shqiptarëve në valutën e tyre.

Nga VLEN thonë se kanë “trashëguar një shoqëri në të cilën çdo cep, nga rrugët e fshatrave deri në qendrat e qyteteve, ishte i shënuar nga vitrinat ndriçuese të kazinove dhe pikave të basteve”.

“Mbi 7,000 aparate VLT zbrazën pa mëshirë xhepat e qytetarëve tanë, ndërsa qeveria e mëparshme betohej për “zhvillim ekonomik”. Ne po e thyejmë atë rreth vicioz: me këtë ligj, 4,000 aparate do të hiqen, duke e zvogëluar infrastrukturën e lojërave të fatit me të paktën 70%. Ky është vetëm hapi i parë, por i madh drejt një pastrimi të plotë të terrenit. Ligji ndalon reklamat e lojërave të fatit, s’ka më vende agresive që joshin mendjet e të rinjve me premtime verbuese për “fat të shpejtë”. Kazinotë dhe dyqanet e basteve po zhduken nga lagjet ku jetojnë të rinjtë”.

“Po krijojmë një zonë mbrojtëse prej 500 metrash rreth çdo objekti arsimor, në mënyrë që fëmijët të mund të arrijnë pragun e shkollës pa kaluar nëpër një korridor lojërash fati. Gjithashtu po u mbyllim derën licencave lakmitare: që tani e tutje, nuk do të ketë më një licencë për degë të pafundme. Detyrimet tatimore dhe tarifat e licencave po rriten në mënyrë dramatike, dhe çdo përpjekje për të anashkaluar sistemin do të përfundojë me konfiskim dhe përgjegjësi penale”.

“Lufta jonë nuk ndalet vetëm te adresat fizike, po e zgjerojmë atë edhe në internet. Deri më tani, kemi bllokuar më shumë se 200 faqe interneti të paligjshme që janë infiltruar në heshtje në shtëpitë e qytetarëve, duke e shndërruar jetën e tyre private të përditshme në një kazino pa mure”, thonë nga VLEN.

“Kemi filluar të çmontojmë perandorinë e lojërave të fatit që BDI ndërtoi mbi mjerimin e njerëzve. Ky është fillimi i një epoke të re në të cilën VLEN do të mbetet fort në pozicionet e saj derisa kanceri i lojërave të fatit të zhduket plotësisht nga shoqëria jonë”, thonë nga VLEN./Telegrafi/

The post VLEN: Jemi në ballë të betejës kundër lojërave të fatit, kemi filluar të çrrënjosim të keqen e mbjellë nga BDI appeared first on Telegrafi.

BDI përshëndet entuziazmin me të cilin Qeveria e tanishme po promovon realizimin e projekteve strategjike të vendit, siç është Korridori 8, një projekt i jashtëzakonshëm i përmasave kombëtare dhe ndërkombëtare, që përfaqëson interes strategjik për Republikën e Maqedonisë së Veriut, si dhe për aleancën euroatlantike dhe rrjetin e korridoreve trans-evropiane të NATO-s, thuhet në kumtesën e sotme të BDI-së.

Nga BDI thonë se pikërisht ata që dikur e sabotonin, e bllokonin dhe e stigmatizonin këtë projekt, sot përpiqen të përvetësojnë meritën për një iniciativë që u mundësua dhe u jetësua falë vullnetit politik, angazhimit institucional dhe vizionit strategjik të BDI-së dhe liderit të saj, Ali Ahmeti.

“Qytetarët nuk harrojnë se Korridori 8 është rezultat i një beteje të fuqishme politike, në të cilën BDI qëndroi në anën e zhvillimit dhe të integrimit. Ata që sot e shpallin “projekt historik”, janë të njëjtit që dikur e cilësonin si “projekt me krim epik”, e kundërshtonin me ashpërsi dhe e penguan me çdo mjet. Madje një nga vendimet e para të kësaj qeverie pa legjitimitet etnik, ishte anulimi i ndërtimit të tunelit mes Gostivarit dhe Kërçovës, e pastaj duke e bllokuar për muaj të tërë ecurinë e punimeve në terren.

Sot, kur frytet e përpjekjeve të BDI-së janë të dukshme, kur punët kanë hyrë në fazën e pandalshme të realizimit, shohim të njëjtët që dje e përqeshnin këtë projekt, të dalin para kamerave dhe të flasin me patetizëm për rëndësinë e tij. E vërteta është se ky projekt mban firmën e BDI-së, si në vizion, si në vendimmarrje, si në investim politik.

Korridori 8 është projekt i BDI-së. Është investim i BDI-së në të ardhmen evropiane të këtij vendi dhe pjesë e pandashme e vizionit tonë për integrim dhe zhvillim të barabartë. Ne i urojmë suksese çdo institucioni dhe çdo faktori që është i përfshirë në përmbylljen e këtij projekti, sepse për ne, rëndësi ka që ai të realizohet për qytetarët, për zhvillimin ekonomik, për lidhjen rajonale dhe për konsolidimin e shtetit multietnik”, thuhet në kumtesën e BDI-së./Telegrafi/

The post BDI: Ata që e sabotonin, sot krenohen, korridori 8 mban firmën tonë appeared first on Telegrafi.

“Ngjarjet e fundit tregojnë qartë një devijim alarmant të kursit shtetëror të Maqedonisë së Veriut drejt një projekti ideologjik që e largon vendin nga vlerat euroatlantike dhe e kthen në një zgjatim institucional të “Botës serbe”;, kështu reaguan sot përmes një komunikate për media nga Bashkimi Demokratik për Integrim.

Nga BDI thonë se “ndërkohë që Parlamenti Evropian në raportin e tij më të fundit shpreh shqetësimin për thellimin e ndikimit serb në strukturat shtetërore dhe diskursin publik të vendit, autoritetet në Shkup, me mbështetje të plotë shtetërore, organizojnë përkujtimin e 111-vjetorit të pushtimit serb të Maqedonisë në Shtip, duke e kthyer një ngjarje historike të dhunshme në një manifestim “festi” të përbashkët me Beogradin zyrtar”.

“Në të njëjtën kohë, ambasadori i Shqipërisë në Shkup, z. Mejdani, i cili ndërhyri për të zgjidhur një çështje konkrete në një shkollë shqipe në fshatin Nerovë të Krushevës aty ku shteti dështoi u bë objekt i një sulmi verbal të ashpër nga përfaqësuesit shqiptarë të qeverisë, të cilët në vend që të japin llogari për paaftësinë e tyre, u hodhën në agresion të turpshëm ndaj atyre që e mbajnë gjallë përgjegjësinë institucionale për shqiptarët. Të gjitha këto janë pjesë të një narrative të qëllimshme: përjashtimi i shqiptarëve nga shteti, Kjo nuk është më politikë, është projekt. Një projekt që e sfidon Marrëveshjen e Ohrit, e minon bashkëjetesën, dhe e orientojnë vendin drejt një modeli shtetëror etnik, nën ndikimin serb.BDI kërkon reagim të menjëhershëm nga faktori ndërkombëtar dhe u bën thirrje qytetarëve që besojnë në një Maqedoni të barabartë dhe evropiane të mos qëndrojnë indiferentë”, thuhet në kumtesën e BDI-së.

The post BDI: Në Shtip u kremtua 111 vjetori i pushtimit serb të Maqedonisë, dëshmi që jemi larguar nga vlerat euroatlantike dhe afruar me “Botën serbe” appeared first on Telegrafi.

Në hije të debaklit të madh në Parlamentin Evropian, po kalon në heshtje lajmi se shteti ka humbur pothuajse 40 milionë euro nga Plani për Rritje i Bashkimit Evropian. Këto mjete nuk ishin simbolike, akuzojnë nga BDI.

“Ato ishin të destinuara për mbështetjen e reformave që ndikojnë drejtpërdrejt në ekonominë, energjetikën, arsimin dhe standardin jetësor të qytetarëve. Por paaftësia, mungesa e koordinimit dhe kaosi institucional u bënë pengesë edhe për tërheqjen e fondeve tashmë të aprovuara.

Ministria e Energjisë ka marrë vlerësim negativ nga Brukseli për reformat që duhej të zbatoheshin deri në dhjetor 2024, duke e lënë shtetin pa 2.1 milionë euro. E njëjta ministri nuk i ka përmbushur as detyrimet për qershor 2025, duke humbur edhe të paktën 10 milionë euro të tjera. Ndërkohë, edhe Ministria e Financave ka dështuar në të njëjtën mënyrë, duke humbur pjesën më të madhe të 4.2 milionëve të parashikuara. Tre ministri, tre institucione kyçe dhe asnjë ndjenjë urgjence apo përgjegjësie.

Maqedonia e Veriut duhej të merrte 17 milionë euro për reformat deri në dhjetor dhe edhe 70 milionë euro për obligimet e qershorit. Në vend të kësaj, kemi një arkë reformash bosh, kredibilitet të humbur dhe një përulje të rëndë para partnerëve evropianë. Në një kohë kur rajoni përparon, shteti ynë vetë po i vë pengesa vetes, duke bllokuar rrugën jo vetëm drejt BE-së, por edhe drejt normalitetit.

Ky është një model qeverisjeje që prodhon ngecje, pasiguri dhe dëm ekonomik. Qeveria nuk e ka humbur vetëm besimin e Brukselit, ajo po e humb edhe besimin e vet qytetarëve. Askush nuk mund të flasë për zhvillim dhe mirëqenie, ndërkohë që bllokon fondet që janë të merituara, jo të dhuruara”, thuhet në kumtesën e sotme të BDI-së.

BDI kërkon një sqarim urgjent: “kush është përgjegjës për këtë humbje dhe çfarë do të ndërmarrë Qeveria për të mos lejuar një katastrofë tjetër? Sepse një shtet që nuk di t’i shfrytëzojë mundësitë, nuk ka të drejtë të ankohet për pengesat”.

The post BDI: Qeveria një etnike ka marrë peng të ardhmen evropiane të vendit appeared first on Telegrafi.

BDI në një kumtesë për media thotë se OBRM-PDUKM dhe ZNAM kanë nisur fushatë të re kundër regjistrimit të popullsisë.

Nga BDI thonë se “nuk ka ndodhur më parë që për politika kaq haptazi antishqiptare, partitë maqedonase të përdorin si “mashë” partitë shqiptare për të përgatitur terrenin për ndërhyrje institucionale”.

“Po shohim një model të rrezikshëm që po përsëritet me një skenar të qartë: Fillimisht, partitë e vogla shqiptare dalin dhe relativizojnë ose kritikojnë një shtyllë të Marrëveshjes së Ohrit; Më pas, OBRM-PDUKM dhe partnerët e saj e shfrytëzojnë këtë për ta sulmuar ose anuluar tërësisht. Kështu ndodhi me Balancuesin: u quajt me “defekte”, pastaj u shfuqizua. Kështu ndodhi me përdorimin e gjuhës shqipe: u përkufizua si “gjuhë e përkthyer”, dhe menjëherë pasoi sulmi ndaj ligjit”.

“Tani ka nisur edhe me regjistrimin: krijohet narrativa se procesi ka qenë i manipuluar, me qëllim që nesër të hidhet poshtë nga OBRM-PDUKM dhe ZNAM. BDI e denoncon me forcë këtë qasje si një strategji të mirëkoordinuar për të dobësuar themelet e barazisë në këtë shtet. I bëjmë thirrje qytetarëve shqiptarë dhe gjithë faktorëve të përgjegjshëm që ta kuptojnë rrezikun e këtij modeli të ri që prodhon ndasi, mohim dhe tension”, thonë nga BDI./Telegrafi/

The post BDI: OBRM-PDUKM dhe ZNAM përdorin partitë shqiptare për të çmontuar barazinë appeared first on Telegrafi.

Bashkimi Demokratik për Integrim e akuzon  koalicionin VLEN se po legjitimojnë dhe zbatojnë një politikë nacionaliste antishqiptare të udhëhequr nga OBRM-PDUKM dhe Mickoski.

Sipas BDI-së, përmes institucioneve të kapura, po tentohet rrënimi i barazisë etnike, heqja e gjuhës shqipe nga institucionet, dhe përjashtimi i shqiptarëve nga pozitat kyçe.

Reagimi i plotë:

Që në vitin 2022, lideri i opozitës, Hristijan Mickoski, refuzoi publikisht t’i pranojë rezultatet e regjistrimit të popullsisë, duke aluduar veçanërisht në faktin se shqiptarët përbëjnë 29.5% të popullsisë së përgjithshme. Ai atëherë premtoi se, sapo të vinte në pushtet, do të organizonte një “regjistrim elektronik” për të “korrigjuar” rezultatet. Kjo nuk është një rast i izoluar, por pjesë e një sërë premtimesh nacionaliste të përmbledhura nën sloganin “t’iu tregohet vendi shqiptarëve”. Prandaj nuk na befasojnë as hapat e këtij segmenti të qeverisë, e as institucionet që ata kanë arritur t’i kapin, siç janë Gjykata Kushtetuese, Prokuroria Publike etj. Secila prej tyre po punon aktivisht për zbatimin e programit elektoral të OBRM-PDUKM-së dhe premtimeve të Mickoskit: përmes shfuqizimit të Balancuesit, rrënimit të mekanizmave kundër majorizimit, heqjes së gjuhës shqipe nga institucionet, si dhe përjashtimit të shqiptarëve nga pozitat e larta në administratë, në shërbimet e sigurisë, në mbrojtje, etj.

Të shantazhuar dhe të kapur, ata krijojnë përshtypjen e rreme se qeveria është multietnike dhe se brenda saj dikush po i mbron interesat e shqiptarëve.
Shqiptarët nuk janë naivë dhe nuk do të pranojnë kurrë të bëhen subjekt i një “inxhinieringu digjital” nga ana e pushtetit, pa marrë parasysh që në këtë operacion po marrin pjesë aktive edhe shqiptarët e VLEN-it. Keto perpjekje nuk do te kalojne. Për kete i sigurojme edhe shqiptaret por edhe ata qe jane duke i bere keto perpjekje te rrezikshme per ardhmërinë e shtetit”, thonë nga BDI.

The post BDI: Mickoski erdhi në pushtet me premtimin që “t’iu tregohet vendi shqiptarëve”, VLEN-i po i ndihmon në zbatimin e këtyre politikave diskriminuese appeared first on Telegrafi.

Koalicioni VLEN përmes një press konference ka reaguar ndaj temës aktuale për regjistrimin e popullsisë në vitin 2021, informon Telegrafi Maqedoni.

Ata akuzojnë ish-qeverisjen LSDM-BDI, duke shtuar se me urdhëra të asaj qeveria Enti Shtetëror i Statistikave ka manipuluar duke i ndarë shqiptarët në rezidentë dhe jorezidentë.

Reagimi i plotë:

Jemi mbledhur sot për të hedhur dritë mbi një nga padrejtësitë më të mëdha institucionale që i është bërë ndonjëherë popullit shqiptar në Maqedoninë e Veriut: regjistrimi i popullsisë i vitit 2021. Ky nuk ishte një proces statistikor. Ky ishte projekt politik, i ideuar për të zvogëluar shqiptarët në letra, për t’i fshirë nga statistikat, për t’i nxjerrë jashtë vendimmarrjes.
Me firmën e BDI-së dhe me zbatimin teknik të LSDM-së, Enti Shtetëror i Statistikave u shndërrua në instrument të manipulimit, duke ndarë shqiptarët në “rezidentë” dhe “jorezidentë”, një ndarje e paimagjinueshme, që kishte vetëm një synim: të përjashtojë nga llogaritja mijëra shqiptarë të diasporës. Diaspora jonë, që e ka mbajtur në këmbë ekonominë e këtij vendi për dekada, u trajtua si e padukshme, si statistikisht e pavlefshme, si problem për t’u shmangur.
Por pse? Sepse diaspora nuk mund të kontrollohej nga BDI-ja. Nuk mund të frikësohej, nuk mund të blinte vota, nuk mund të manipulohej. Kështu lindi mashtrimi më i madh i regjistrimit: etiketimi i qëllimshëm si “jorezidentë”. Kjo nuk ishte gabim, ishte kalkulim cinik tribal: Sa më pak shqiptarë në numra, aq më pak rrezik për pushtetin tonë.
Pyesim publikisht: Si është e mundur që në Reçicë të Vogël regjistrimi të numërojë vetëm 1.653 shqiptarë mbi 18 vjeç, ndërsa në zgjedhjet e fundit të dalin mbi 2.400 vota vetëm për partitë shqiptare?

Pyesim:
Si është e mundur që në fsh. Zhelinë të ketë 3432 banorë e 4103 votues? Si është e mundur që në fsh.Strimnic të ketë 1937 banorë të regjistruar e 2644 votues? Dhe kjo gjendje vazhdon edhe ne shume fshatra tjerë? A ka përdorur BDI lista të fryra për të mbushur kutitë? Apo ka shpërngulur njerëzit në “botën e statistikave të fshehta”? Dhe si në çdo skemë mashtrimi, në fund u shtua edhe “qershia mbi tortë”: një kategori fantazmë, “persona për të cilët të dhënat janë marrë nga burime administrative”. Kjo kategori nuk ekziston në asnjë ligj, por prodhoi mbi 132.000 banorë të panjohur, shumica maqedonas, ndërsa shqiptarët e vërtetë, ata të diasporës, u zhdukën qëllimisht nga numrat.
Dhe më në fund, Gjykata Kushtetuese, para dy ditësh, e rrëzoi këtë mashtrim të ligjshëm, duke shpallur antikushtetues ndarjen “rezident/jorezident”. Kjo është fitore e së vërtetës, dhe dënim moral për tradhtarët e interesit kombëtar”.

Nga VLEN shtojnë se janë për përfaqësim të drejtë dhe adekuat, duke potencuar se edhe mërgimatarët janë rezidentë.

The post VLEN: Me ndikimin e LSDM-së dhe BDI-së, Enti Shtetëror i Statistikave manipuloi duke i ndarë shqiptarët në rezidentë dhe jorezidentë appeared first on Telegrafi.

Bashkimi Demokratik për Integrim ka reaguar ndaj siç thonë, përpjekjeve të fundit për të delegjitimuar procesin e regjistrimit të popullsisë të vitit 2021, një proces që, për herë të parë pas vitit 2002, nxori shqiptarët në shtet: 29,5%, krahasuar me 25,17% në vitin 2002.

Sipas BDI-së, akuzat për paligjshmëri “janë një përpjekje e qëllimshme për të mbuluar vendimin e turpshëm, të padrejtë dhe antikushtetues të kësaj qeverie, e cila pa asnjë legjitimitet politik shqiptar, zvogëloi përqindjen e shqiptarëve në 24,3% përmes përjashtimit të mërgatës nga përllogaritjet zyrtare, pra duke i nxjerrë edhe më pak se në vitin 2002.”

Lexo po ashtu Andonovski: Qeveria por përgatitet për regjistrim elektronik të popullsisë për vitin e ardhshëm

Reagimi i BDI-së:

“Ky veprim, tashmë i rrëzuar si i kundërligjshëm, nuk është thjesht një gabim teknik apo administrativ, por një akt politik i rëndë që synon zvogëlimin e përfaqësimit të shqiptarëve në mënyrë sistematike, duke anashkaluar kontributin, praninë dhe të drejtat e diasporës.

BDI rikujton se ata që sot flasin për procesin e regjistrimit të vitit 2021, janë të njëjtët që në vitin 2024 votuan dhe legalizuan përjashtimin e mbi 300 mijë shqiptarëve jashtë vendit. Nga 29,5% që ishte përqindja e shqiptarëve, me vendime politike dhe diskriminuese, u soll në 24,3%, çka nënkupton më pak se edhe vetë rezultati i regjistrimit të vitit 2002.

Nëse dikush sot duhet të mbajë përgjegjësi për manipulime, atëherë janë funksionarët e kësaj qeverie dhe bashkëpunëtorët e tyre shqiptarë që votuan dhe zbatuan vendime që dëmtojnë shqiptarët në mënyrë të drejtpërdrejtë dhe afatgjate.

BDI rithekson se nuk do të lejojë që shqiptarët të trajtohen si qytetarë të padukshëm në vendin e tyre dhe do të përdorë të gjitha mjetet demokratike, ligjore dhe politike për të mbrojtur realitetin demografik dhe të drejtën e përfaqësimit të drejtë dhe adekuat”.

The post BDI: Pushteti po tenton të delegjitimojë procesin e regjistrimit të popullsisë të vitit 2021, ku shqiptarët dolën me 29,5 për qind appeared first on Telegrafi.

Bashkimi Demokratik për Integrim në një kumtesë për media thotë se në Fondin për Sigurim Shëndetësor janë realizuar 19 avancime, prej të cilëve 19 maqedonas, 1 turk dhe asnjë shqiptar.

Nga BDI thonë e ky është tregues i qartë i përjashtimit etnik dhe shkeljes së parimit kushtetues të përfaqësimit të drejtë dhe adekuat.

“Vetëm në një rast, Fondi për Sigurim Shëndetësor i RMV-së, janë realizuar 19 avansime, prej të cilave 18 për maqedonas, 1 për turq dhe asnjë për shqiptarë. Ky është një tregues i qartë i përjashtimit etnik dhe shkeljes së parimit kushtetues të përfaqësimit të drejtë dhe adekuat, si dhe një dëshmi e vazhdimësisë së politikave diskriminuese që po zbaton kjo qeveri”.

“Kjo qeveri për çdo ditë në praktikë vepron si një regjim i izolimit etnik, duke i kthyer institucionet publike në mure për shqiptarët. Në vend të barazisë, kjo qeveri po vendos një sistem përjashtues që avancon vetëm të përzgjedhurit etnikisht, duke anashkaluar profesionistët shqiptarë dhe duke i mohuar atyre të drejtën për rritje profesionale dhe institucionale”.

“E filluan me heqjen e balancuesit në mënyrë antikushtetuese nga Kushtetuesja, për të krijuar mundësitë që shqiptarëve t’ua japin statusin e të padëshiruarve në administratën shtetërore dhe publike. U bëjmë thirrje të gjitha institucioneve për transparencë dhe përgjegjësi, dhe paralajmërojmë se BDI nuk do të lejojë që shqiptarët të trajtohen si qytetarë të dorës së dytë në shtetin e tyre”, thonë nga BDI.

The post BDI: Vazhdon diskriminimi sistematik i shqiptarëve appeared first on Telegrafi.

“Vendimi i Gjykatës Kushtetuese konfirmon atë që ne në VLEN e kemi thënë me kohë: regjistrimi i fundit i popullsisë, i udhëhequr nga qeverisja e atëhershme BDI-LSDM, ishte një ndër veprimet më të dëmshme dhe fyese për diasporën shqiptare”, kështu reagua nga koalicioni VLEN.

Sipas tyre, qeverisja e kaluar, përmes Entit të Statistikave dhe në koordinim të plotë me strukturat politike të BDI-së, krijoi kategori “popullsi rezidente” dhe “jorezidente”, duke i trajtuar mërgimtarët tanë si qytetarë të dorës së dytë.

“Kjo ishte akt i qëllimshëm politik për ta minimizuar peshën reale të shqiptarëve në shtet. Kjo ishte përpjekje për ta zhbërë kontributin dhe peshën politike të diasporës shqiptare, për interesa të ulëta partiake. Në një përpjekje të dëshpëruar për të larë duart nga përgjegjësia, BDI nxjerr një deputet për të mbrojtur padrejtësinë që ia bëri mërgatës shqiptare, me argumente të stërholluara por të zbrazëta. Ne në VLEN e themi qartë: dëmi është bërë, por ne do ta korrigjojmë kudo ku është e mundur! Vendimi i Gjykatës Kushtetuese është fitore e së drejtës, fitore e diasporës shqiptare dhe dëshmi se shteti nuk mund të sillet me arrogancë ndaj qytetarëve të vet.
VLEN është i përkushtuar që të vendos dinjitetin e mërgatës shqiptare, ta përfshijë plotësisht në jetën politike e institucionale dhe të korrigjojë çdo padrejtësi të trashëguar nga qeverisjet e kaluara”, thuhet në komunikimin e VLEN-it.

The post VLEN: Regjistrimi i popullsisë nga qeverisja LSDM-BDI ishte ndër veprimet më të dëshme dhe fyese për diasporën shqiptare appeared first on Telegrafi.

Koordinuesi i grupit të deputetëve të VLEN-it, Bekim Qoku, sot në konferencë tha se nuk do të ketë zgjedhje të parakohshme parlamentare së bashku me lokalet në vjeshtë, pasi që paraprakisht koordinuesi i grupit të deputetëve të Frontit evropian, Blerim Bexheti u bëri thirrje VLEN-it dhe OBRM-PDUKM-së në pushtet për zgjedhje të parakohshme.

“BDI me kërkesën për zgjedhje të parakohshme parlamentare edhe njëherë dëshmon se janë shndërruar në parti politike pa ide dhe vizion. Të vetëdijshëm e çdo ditë e më shumë po ngushtohen si subjekt politik, të përballur me largime të vazhdueshme nga anëtarësia e tyre, shpëtimin e shohin në gënjeshtra të trilluara ndaj simpatizuesve të vet se gjoja qeveria po bie dhe BDI po kthehet, por atë nuk e beson as rrethi i tyre më i ngushtë. Me VLEN-in në Qeveri nuk do të ketë më persona me 20 vite përvojë pune dhe akoma të jesh bashkëpunëtor i ri. Sot kemi shqiptarë të cilët gëzojnë dinjitet që në vitin e parë të sundimit tonë. VLEN-i e prezanton legjitimitetin e plotë të popullit shqiptar, diçka që fuqishëm dhe qartë e përjetuam në zgjedhjet e fundit parlamentare me 107 mijë vota, ndërkaq akoma më qartë do ta dëshmojmë me fitore absolute në zgjedhjet lokale”, theksoi Qoku.

Lexo po ashtu Bexheti: Fronti Europian kërkon zgjedhje të parakohshme parlamentare së bashku me ato lokale

Në pyetjen e gazetarëve lidhur me Ligjin për përfaqësim të drejtë, Qoku theksoi se nesër do të gjendet në mbledhje të Qeverisë dhe se së shpejti pritet të hyjë në procedurë parlamentare.

Ndërsa për atë nëse dihen kandidatët për kryetarë të komunave për zgjedhjet e ardhshme lokale dhe nëse janë sjellë vendime për ndonjë koalicionim parazgjedhor, Qoku tha se ende po zgjasin bisedimet dhe anketat, duke cekur se VLEN-i së shpejti do ta kumtojë kandidatin e pavarur për kryetar të Komunës së Strugës.

The post Qoku: Ligji për përfaqësim të drejtë nesër kalon në Qeveri, nuk do të ketë zgjedhje të parakohshme parlamentare appeared first on Telegrafi.

Deputeti i BDI-së, Arbër Ademi e ka quajtur skandaloz ligjin për përfaqësim të drejtë dhe adekuat.

“Me të vërtetë janë skandaloz! Sa mendoj se e kan prek fundit, më demantojnë! Shkojnë edhe më poshtë.

Ligji për përfaqësim të drejtë dhe adekuat, i hartuar nga OBRM-PDUKM, e i mbështetur në mënyrë skandaloze dhe me pompozitet nga VLEN, qenka për ta vajtuar.
Drafti që po qarkullon në media: nuk parasheh kuota etnike, që dmth ne prap do të vazhdojmë si para vitit 2001 kur shqiptarët ishin vetem 0,2 % në administratë; nuk parasheh obligim për institucionet që ti identifikojë në bazë etnisë qytetarët me rastin e punësimit apo avancimit; nuk parasheh dispozita sanksionuese.

Thanë që balancuesin do ta avancojnë, do ta bëjnë me ligj, megjithëse me ligj ishte. Tani asnjë zgjidhje e e këtij drafti nuk e operacionalizon politikën afirmative të përmbajtur në amendamentin VI të Kushtetutës.

Na kanë kthyer para vitit 2001! Po, po të nderuar miq.

Dhe më e dhimbshmja? Këtij drafti i vihen firma shqiptare. Ky është një alarm për të gjithë”, shkruan Ademi.

Ademi kërkon që të distancohet të shqiptarët nga kjo politikë e çmendur etnicentriste./Telegrafi/

The post Ademi: Ligji për përfaqësim të drejtë dhe adekuat është skandaloz, na kthenë para vitit 2001 appeared first on Telegrafi.

Bashkimi Demokratik për Integrim ka vijuar me ciklin e press konferencave me titullin “Një Vit Pa Dinjitet.”

“Një titull që fatkeqësisht reflekton realitetin e hidhur të këtij njëviti qeverisës: një vit pa barazi, pa përfaqësim të drejtë dhe pa respekt institucional ndaj shqiptarëve dhe vlerave themelore të bashkëjetesës në këtë shtet, për të cilat jemi zotuar si shoqëri dhe si shtet multietnik”, tha deputetja Rina Ajdari nga BDI.

Nga BDI sot reaguan për siç thonë ata, shtypjen institucionale që po ndodh në fushën e sigurisë dhe mbrojtjes — në zemrën e institucioneve që kanë për detyrë të garantojnë rendin, drejtësinë dhe barazinë për të gjithë qytetarët pa dallim.

“Ka një vend ku padrejtësia nuk duhet të ketë vend.

Ka një fushë ku barazia nuk është luks, por domosdoshmëri.

Ky vend është siguria e shtetit.

Por, për fat të keq, ajo që po ndodh sot është e kundërta.

Në Ministrinë e Punëve të Brendshme, zëvendësministri shqiptar është i injoruar, i margjinalizuar, sikur të mos ekzistojë fare. Në rastin e Koçanit, as që u pa. Zëvendësdrejtori shqiptar i Byrosë për Siguri Publike dha dorëheqje për shkak të mospërfilljes sistematike.

Ndihmësministrat shqiptarë janë zëvendësuar nga kuadro të OBRM-PDUKM-së. Ndërkohë, një polic që përdhosi flamurin shqiptar nuk u ndëshkua, por përkundrazi – u avancua.

Skandali që turpëroi shtetin ndodhi në Aeroportin e Shkupit, ku ndaj Presidentes së Kosovës, znj. Vjosa Osmani, u shkel çdo protokoll ndërkombëtar dhe kombëtar i sigurisë.

Në Presidencën e shtetit, nuk ka asnjë këshilltar shqiptar për çështje të sigurisë. I vetmi shqiptar në Këshillin për Siguri është një figurë që publikisht ka akuzuar UÇK-në për krime. Në Agjencinë për Zbulim – drejtori dhe zëvendësdrejtori janë maqedonas. Nuk ka asnjë këshilltar special shqiptar.

Në Armatën e Republikës, Gjeneral Besnik Emini – më i kualifikuari për Shef të Shtabit Gjeneral – anashkalohet. Një tjetër ngjitet brenda natës për dy grada dhe emërohet nga Presidentja. Ndërsa gjenerali Emini degradohet dhe zhvendoset në administratë.

Në Ministrinë e Mbrojtjes, shërbimi ushtarak për inteligjencë, që ishte në duart e një profesionisti shqiptar, i kalon kuadrove maqedonase. Sot, asnjë nga tre zëvendësdrejtorat nuk është shqiptar. Asnjë ndihmësministër shqiptar. Në punësime të reja – 120 maqedonas dhe vetëm 14 shqiptarë.

Në Agjencinë për Siguri Kombëtare, që nga nëntori i vitit 2024 nuk ka më zëvendësdrejtor shqiptar. Ndërkohë, mbi 100 të punësuar rishtas – pothuajse asnjë shqiptar.

Të gjitha këto nuk janë raste të izoluara. Kemi të bëjmë me një plan të qartë: një përpjekje të organizuar për të zhveshur shqiptarët nga çdo rol kyç në siguri, në mbrojtje dhe në presidencë.

Por një gjë duhet ta dinë të gjithë: ne nuk do të heshtim. Sepse siguria është për të gjithë. Barazia është e panegociueshme”, reaguan nga BDI.

The post BDI: “Një vit pa dinjitet”, pa përfaqësim të drejtë në fushën e sigurisë dhe mbrojtjes appeared first on Telegrafi.

BDI denoncon praktikat diskriminuese të punësimeve, kësaj radhe në Qendrën për Menaxhim me Kriza, ku në konkursin e fundit janë pranuar 12 maqedonas dhe vetëm 3 shqiptarë, në një institucion që udhëhiqet nga një drejtor me përkatësi shqiptare, por në shërbim të politikave të OBRM-PDUKM-së.

“Kjo situatë është alarmante dhe e papranueshme. Për shqiptarët nuk ka asnjë kuptim nëse një drejtues është shqiptar në emër, por jo në vepra, duke diskriminuar shqiptarët dhe duke shkelur barazinë. Kur menaxhimi është thjesht zbukurim etnik për të mbuluar dominimin sistematik të një etnie në institucione, atëherë kemi të bëjmë me shërbim ndaj padronit dhe jo ndaj interesit publik apo barazisë etnike.

BDI nuk do të heshtë përballë kësaj hipokrizie politike, ku në emër të përfaqësimit shqiptar, bëhen pazare të pista për pushtet, ndërsa shqiptarët vazhdojnë të diskriminohen edhe në institucionet që udhëhiqen gjoja nga shqiptarë, por që shkelin mbi interesin e shqiptarëve dhe karakterin multietnik të shtetit.

E rikujtojmë opinionin se fryma e Marrëveshjes së Ohrit nuk mund të zbatohet me shqiptarë dekorativë në krye të institucioneve, që zbatojnë urdhra nga qendrat anti-shqiptare të vendimmarrjes”, thuhet në kumtesën e BDI-së./Telegrafi/

The post BDI: Shqiptarët janë të diskriminuar në punësimet në QMK appeared first on Telegrafi.

Nga BDI në një kumtesë për media thonë se “shprehin shqetësim të thellë ndaj zhvillimeve të fundit, me të cilat Qeveria, sipas tyre, përmes një sërë hapash institucionalë, po e largon në mënyrë sistematike gjuhën shqipe nga sfera publike”.

Nga BDI thonë se Gjykata Kushtetuese është në fazën përfundimtare të përgatitjeve për shfuqizimin e Ligjit për përdorimin e gjuhëve.

“Paralelisht, Inspektorati për zbatimin e ligjit është faktikisht i bllokuar, i është marrë autonomia, inspektorët nuk marrin pagë tash e gjashtë muaj dhe nuk kanë kushte bazë për punë, përfshirë edhe qasjen në automjetet zyrtare. Vetë drejtori, i emëruar nga Qeveria, publikisht pranoi se automjetet përdoren për nevojat e tij personale, ndërsa institucioni nuk funksionon”.

“Skandali u thellua nga vetë Ministri për marrëdhënie mes etnive, Stoilkovic, i cili dje deklaroi se do ta shkarkojë drejtorin e Inspektoratit, jo për mosfunksionim, por për t’ia treguar vendin inspektoratit. Kjo deklaratë është shfaqje e drejtpërdrejtë e presionit institucional dhe e poshtërimit ndaj përdorimit zyrtar të gjuhës shqipe”.

“U bëjmë thirrje të gjithë faktorëve shoqërorë shqiptarë, përfshirë edhe mbetjet e VLEN-it që kanë mbetur pjesë e Qeverisë, të marrin përgjegjësi ndaj votuesve shqiptarë dhe të kundërshtojnë qartë këto kërcënime sistematike ndaj gjuhës shqipe. Gjuha shqipe nuk është privilegj politik, ajo është kategori kushtetuese dhe pjesë e themeleve të Marrëveshjes së Ohrit”, thonë nga BDI.

The post BDI: Qeveria po vazhdon me largimin e organizuar dhe sistematik të gjuhës shqipe nga sistemi shtetëror appeared first on Telegrafi.