Ish-mbrojtësi i Kombëtares, Hysen Memolla, i është bashkuar Al Jahrës. 33-vjeçari, ka vendosur ta vazhdojë karrierën në Kuvajt.

Memolla ishte për herë të fundit pjesë e Suharekës. Ai ka luajtur deri tani vetëm me Egnatian në Shqipëri.

Në Kuvajt për të do të jetë eksperienca e parë.

Al Jahra, është rikthyer në elitë ku do luajë edicionin e ardhshëm. Kështu po punon për një skuadër sa më kompetitive.

Aktualisht, Memolla është lojtari i tretë i huaj tek Al Jahra. Në vazhdim merkato tregon se do të afrohen edhe të tjerë.

The post ZYRTARE/ Ish-futbollisti i Kombëtares Hysen Memolla, zgjedh për herë të parë eksperiencën në… appeared first on Albeu.com.

Në datën 8 korrik, Shkodra u trondit nga një ngjarje e rëndë, teksa një punonjës i Bashkisë humbi jetën, pasi tentoi që të shpëtonte dy turistë që kishin rënë në ujë.

Kapiten Arben Anamali i shpëtoi dy turistët izraelitë duke sakrifikuar jetën e tij në një akt të mirëfilltë heroik. Por ngjarja e 8 korrikut ngre një sërë pikëpyetjesh të forta mbi përgjegjësitë e tragjedisë.

Kapitali do të përpiqet të hedhë sadopak dritë mbi një ngjarje, të cilën autoritetet duket sikur duan ta mbajnë në errësirë.

Anija e përfshirë në tragjedinë e 8 korrikut quhet Drini. Ajo është në pronësinë e Fondit Shqiptar të Zhvillimit, i cili ja ka dhënë në hua-përdorim Bashkisë së Shkodrës.

Kjo e fundit, ja ka lënë në administrim ndërmarjes së saj “Bio Strajca”, që së fundmi e ka ndryshuar emrin në Skodrinon.

Skodrinon, është një shoqëri aksionare në pronësi të Bashkisë së Shkodrës. Objekti i aktivitetit të saj, është ofrimi i shërbimeve në fushën e zhvillimit ekonomik për mirëfunksionimin e tregjeve publike dhe rrjetit të tregtisë, organizimi i shërbimeve në mbështetje të zhvillimit ekonomik vendor, aktivitetet e operatorit turistik dhe operatorit turistik detar… etj.

Kur kompania mori në përdorim dy anijet e para, Drini dhe Buna, ato u përuruan nga Benet Beci si një zhvillim historik për Shkodrën.

““Varkat turistike janë sot një realitet në Liqenin e Shkodrës, duke rikthyer lundrimin në këtë pasuri të të gjithëve. Falë mbështetjes së Fondit Shqiptar të Zhvillimit dhe Qeverisë Shqiptare, pranë molit të Shirokës janë ankoruar tashmë dy varkat e para turistike me kapacitet 33 vende secila që janë një mundësi për vizitorët në Shirokë për të shijuar magjinë e liqenit më të madh në Ballkan”, shkroi Beci në profilin e tij në facebook në prill të vitit të kaluar.

Por nuk kaloi shumë dhe Skodrinon bashkë me varkat pollën hatanë. Një tragjedi, e cila ngre shumë pikëpyetje.

1.A kanë anijet e Skodrinon liçencë lundrimi? Cilat janë numrat e liçencave?

2.A kanë anijet vend ankorimi të kolauduar?

3.A ka liqeni i Shkodrës një hartë lundrimi të miratuar, përfshirë vijën dhe planin e miratuar të lundrimit?

4.A kishte anija e tragjedisë edhe ndihmës kapiten ashtu siç e kërkon Rregullorja Shqiptare për Sigurinë Detare për anijet me më shumë se 12 pasagjerë?

Prokuroria duhet të kërkojë përgjigjen e këtyre pyetjeve dhe të mos përpiqet për të mbyllur në heshtje, atë që mund të jetë një krim i rëndë shtetëror dhe jo aksident, siç po përpiqen ta bëjnë.

The post Pikëpyetjet e ngjarjes së rëndë/ Ana e errët e Skodrinon, kompanisë së Benet Becit, që mbolli tragjedi appeared first on Albeu.com.

Detajet e reja kanë dalë në dritë për ngjarjen e 8 korrikut ku si pasojë ndërroi jetë Renis Dobrës.

Uniformat blu, kanë mundur të konfirmojnë me pamje filmike, se katër personat Atjon Bushgjoka (i arrestuar) Aleksandër Bushgjoka, Kristi Bushgjoka si dhe i Petrit Çakrri, kanë marrë pjesë në rrëmbimin e 23-vjeçarit.

Bëhet me dije se Aleksadër Bushgjoka rezulton që ka dalë jashtë vendit, duke përdorur kufirin e Kosovës një ditë pas ngjarjes.

Ndërsa vëllai i tij Kristi Bushgjoka, dyshohet se ndodhet në Kosovë edhe po fshihet atje.

Ndërkohë Petrit Çakrri, është arrestuar në hyrje të Tropojës.

Policia shqiptare, është në bashkëpunim me autoritetet e Kosovës për kapjen e tyre.

The post Vrasja e 23-vjeçarit Renis Dobra në Mat/ Policia zbulon ku po fshihen dy vëllezërit Bushgjoka appeared first on Albeu.com.

Në një intervistë që ai ka dhënë për “ReportTV”, zëvendësdrejtori i Burgjeve, Femi Sufaj, e ka pranuar takimin e të dënuarit me burg përjetë, Laert Haxhiut, me modelen nga Kosova, Ziza Pajaziti.

Sufaj është shprehur se takimi ka ndodhur, por ka zgjatur shumë pak.

E ndërkohë që në media qarkullojnë edhe iniciale të vajzave të tjera të ekranit që futen brenda institucioneve të vuajtjes së dënimit, zv.drejtori i Burgjeve, mohon të ketë raste të tjera.

Sufaj thotë se vetëm gjatë muajit qershor në burgje janë bërë 100 takime intime, duke iu referuar vetëm takimeve të të burgosurve me bashkëshortet ose bashkëjetueset, takime të cilat lejohen me ligj.

Ndërkohë, sa i takon rastit të Haxhiut, Sufaj thotë se modelja në fjalë ka ardhur si e afërme dhe është futur në takim.

Sipas tij, nuk bëhet fjalë për një takim të zgjatur, por është zhvilluar në dhomat e vizitave, duke theksuar se Drejtoria e Burgjeve, ka marrë masa administrative pas këtij rasti.

“Në qershor janë bërë shumë takime ku 7 mijë e ca takime janë me familjarët, mbi 1 mijë me avokatët dhe 100 janë intime. Sipas ligjit këto takimet intime janë takime, që duhet që të jenë bashkëshortët, ose bashkëjetuesit e të dënuarit. U konstatua një shkelje e procedurave në burgun e Korçës, e cila vjen si e afërme dhe futet në takim. Dhe ne kemi marr qëndrimet tona administrative dhe nuk është konstatuar që të jetë një rast i dytë. Nuk ishte takim i zgjatur, por takim në dhomën e vizitave. Gjithë kjo zhurmë nuk dihet pse po bëhet”,- tha ai.

The post Zv.drejtori i Burgjeve konfirmon takimin e Laert Haxhisë me modelen: Është e vërtetë, por nuk zgjati shumë appeared first on Albeu.com.

Këtë të premte, një histori rrëqethëse është bërë publike në emisionin “Me Zemër të Hapur” në News24, ku një 24-vjeçare shtatzënë në muajin e shtatë ka treguar mes lotësh realitetin dramatik që po përjeton.

E reja rrëfeu se ishte martuar në moshën 16-vjeçare për vetëm 700 mijë lekë të vjetra dhe sot jeton në kushte ekstreme, duke lypur çdo ditë në rrugët e Tiranës me vajzën e saj 4-vjeçare.

“Dal çdo ditë dhe lyp me vajzën time sepse nuk kemi çfarë të hamë. Nuk kam mundësi as të blej rroba për foshnjën që pres”, tha 24-vjeçarja mes lotësh.

Historia e saj bëhet edhe më e dhimbshme kur tregon se bashkëshorti i saj ndodhet në burg, pasi u kap duke vjedhur një monopatinë elektrike në përpjekje për të siguruar të ardhura minimale për familjen.

“Nuk kërkoj luks. Dua vetëm një vend të sigurt për të lindur dhe një vakt të ngrohtë për vajzën time, që në vend të kopshtit endet në rrugë”, u shpreh ajo.

Ajo tha se ndihma ekonomike është e papërfillshme, ndërsa institucionet shtetërore nuk janë kujdesur për të, pavarësisht se ajo përmbush të gjitha kriteret për mbështetje bazike sociale.

The post Historia tronditëse e 24-vjeçares shtatzënë që lyp në rrugët e Tiranës me vajzën e saj: Më martuan që 16 vjeçe për 70 mijë lekë appeared first on Albeu.com.

Një 28-vjeçar, është arrestuar nga policia e Tiranës, pasi akuzohet për veprën penale “Vjedhja”.

Sipas policisë, shtetasi A.M, më datë 17.07.2025, dyshohet se ka vjedhur në Astir, një automjet të parkuar në pronësi të një shtetaseje dhe është larguar me të në drejtim të bulevardit “Bajram Curri”.

Në momentin e lokalizimit nga Policia, ai nuk është bindur urdhrit për ndalim dhe ka tentuar të largohet, por është ndaluar nga punonjësit e Policisë.

The post Arrestohet 28-vjeçari në Tiranë, vodhi makinën në Astir dhe tenton t’i arratiset policisë në momentin e ndalimit appeared first on Albeu.com.

Ivan Rakitiç, vendosi të varte këpucët në gozhdë dhjetë ditë më parë dhe dje u njoftua si drejtori i ri teknik i Hajduk Split.

Ish-ylli kroat i bashkohet kështu ekipit drejtues të klubit dalmat, ku do të punojë drejtpërdrejt me drejtorin sportiv Goran Vuçeviç, duke u përqendruar në ekipin e parë dhe stafin e trajnerëve.

Me një të kaluar të shquar duke përfshirë Seviljen, Barcelonën dhe ekipin kombëtar kroat, Rakitiç sjell një përvojë të pasur ndërkombëtare, një rrjet të gjerë kontaktesh dhe një kuptim të thellë të futbollit të nivelit të lartë.

“Falenderoj Presidentin Ivan Biliç dhe Drejtorin Sportiv Goran Vuçeviç për besimin e tyre. Dua ta ndihmoj Hajdukun: ky është motivimi im i vetëm. Jam gati të punoj me përkushtim të plotë për të ndihmuar klubin të rritet. Do të ofroj aftësitë, përvojën dhe kontaktet e mia në botën e futbollit. U premtoj tifozëve se e njëjta djersë dhe përkushtim që tregova si lojtar do të vazhdojë në këtë rol të ri”, tha Rakitiç pas nënshkrimit të kontratës.

Hajduk kështu ruan një nga figurat më ikonike në futbollin kroat.

The post ZYRTARE/ Ivan Rakitiç merr detyrën e rëndësishme në klubin kroat appeared first on Albeu.com.

Aktori i njohur turk Emre Törün ka ndërruar jetë më 16 korrik, pas një lufte të gjatë me sëmundjen e kancerit. Artisti 52-vjeçar la pas një karrierë të pasur në teatër, televizion dhe kinematografi, duke lënë gjurmë në një sërë produksionesh të njohura.

Aktori turk ka qenë i njohur edhe për publikun shqiptar. Ai është shfaqur në ekranin e Vizion Plus nëpërmjet serialit Dünyaya Hükümdar Olmaz (Familja e Madhe) ku fitoi popullaritet me rolin e Nevzat Çankırılı, në Tring në serialin Üç Kız Kardeş” (Tri mortrat) dhe jo vetëm.

Në kujtim të tij, këtë të enjte u mbajt një ceremoni përkujtimore ku morën pjesë familjarë, kolegë dhe dashamirës të artit, të cilët i dhanë lamtumirën e fundit aktorit me emocione dhe lot. Një nga momentet prekëse ishte kur vajza 15-vjeçare e Emre Törün, Delfin, përqafoi arkivolin e babait të saj dhe derdhi lot.

 

View this post on Instagram

 

A post shared by @muhur_magazin

The post Ndahet nga jeta aktori i famshëm në moshën 52-vjeçare, momentet prekëse të familjarëve (VIDEO) appeared first on Albeu.com.

Ditën e sotme, dy persona janë arrestuar në flagrancë nga Policia e Tiranës, pasi u kapën duke kryer punime ndërtimi pa leje në zonën e “Kodrës së Diellit”, në kryeqytet.

Bëhet fjalë për një inxhinier ndërtimi dhe një punonjës, përkatësisht Noel Vata, 37-vjeç dhe Arion Dyli 28-vjeç, të cilët po punonin për ndërtimin e një objekti të ri pas një banese ekzistuese, pa dokumentacionin përkatës ligjor.

Policia bën me dije se është shpallur në kërkim edhe pronari i objektit, shtetasi S. I., 37-vjeç, në emër të të cilit po kryheshin punimet.

Ndërkohë, ndaj babait të tij, B. I., ka nisur procedimi penal në gjendje të lirë, pasi po mbikëqyrte punimet e paligjshme në terren.

Të arrestuarit janë identifikuar si:

Noel Vata, 37-vjeç, inxhinieri që drejtonte punimet;

Arion Dyli, 28-vjeç, një nga punonjësit që ndodhej në vendin e ndërtimit.

Policia e Komisariatit Nr. 1 ka nisur hetimet dhe po vijon punën për të lokalizuar dhe ndaluar shtetasin në kërkim, ndërkohë që kontrollet për evidentimin e ndërtimeve pa leje dhe zënies së hapësirave publike në Tiranë do të vijojnë në mënyrë të pandërprerë.

Materialet procedurale janë referuar në Prokurorinë e Tiranës për veprime të mëtejshme.

The post Punime pa leje në “Kodrën e Diellit”/ Arrestohen inxhinieri dhe punëtori, shpallet në kërkim pronari i objektit (EMRAT) appeared first on Albeu.com.

Zbardhet përgjimi i punonjëses së Komisionit të Prokurimeve Publike, Lindita Skeja, e cila implikon drejtuesin e këtij institucioni, Jonaid Myzyri për aferën e tenderit 2.3 mln euro, të mirëmbajtjes së rrugës 58.7 km, “Rrëshen (Ura e Fanit) – Shpal, Shpal – Ura e Repsit”.

Hetimi nisi pas dyshimeve se Myzyri kishte diktuar veprimet e anëtarëve të tjerë të KPP, në rastet e shqyrtimit të ankesave ndaj procedurave të prokurimit.

Disa muaj pasi u pyet si person nën hetim, SPAK mori në 24 qershor zyrtarisht të pandehur Jonaid Myzyrin, duke i komunikuar akuzën e shpërdorimit të detyrës dhe shkeljes së barazisë në tenderin për mirëmbajtjen e rrugës së lartpërmendur.

Siç edhe rezulton nga dosja hetimore, një rol të rëndësishëm në artikulimin e akuzave nga ana e Prokurorisë së Posaçme, ndaj Myzyrit ka patur edhe biseda telefonike e përgjuar e punonjëses së KPK, Lindita Skeja, e cila implikon titullarin në procedurat abuzive të tenderit.

Sipas SPAK, një pjesë e këtyre komunikimeve lidhen me akuzën për të cilën dyshohet personi nën hetim, Jonaid Myzyri, kreu i Komisionit të Prokurimeve Publike i pezulluar nga detyra dhe me masë detyrim paraqitje nga GJKKO.

Gazetarja Klodiana Lala, ka mësuar detaje nga dosja hetimore, ku në një bisedë të përgjuar, punonjësja Skeja i ankohet bashkëbiseduesit në telefon se kishte firmosur siç i ishte kërkuar nga Myzyri, ndërsa tani asaj i duhej të paraqitej për t’u marrë në pyetje.

Në një moment të bisedës ajo thotë gjithashtu se; “punonjësit firmosin letrat, ndërsa lekët i marrin të tjerët”.

“Vajta i shërbeva si qeni. I shërbeva me sy mbyll… e du edhe pikë. E du kshtu…firmos ne, të gjith si delet. Ime veme ku të n’a thërrasin. Rresht. Firmën ne e lekët ata”, shprehet gjatë bisedës telefonike punonjësja e KPK, Lindita Skeja.

PËRGJIMI I SPAK:

Speaker A (Lindita): Ai na majti kshu… që krijum besim që ne jemi miqtë e atij…ene rrimë të qetë. N’a ofroi mori informacione. Unë vajta dhe i shërbeva si qeni.

Speaker B: Hej zot!

Speaker A (Lindita): Vajta i shërbeva si qeni. I shërbeva me sy mbyll… e du edhe pikë. E du kshtu…firmos ne, të gjith si delet. Ime veme ku të n’a thërrasin. Rresht. Firmën ne e lekët ata.

Speaker B: A mos i hongert o Zot.

Speaker A (Lindita): Bojna se e dini ju se ç’ju boj unë, bojna… Më pas

Speaker A (Lindita): Amin…ata hop mrap ere… hop mrapa… hop mrapa me e çoi mu në KPP… më çoi mu në KPP, përballem atje me lloj lloj pislliku…

Speaker B: Pi hiç ere un sve po ene tha Dashi motrës tha mos shko…

Në dosjen hetimore, Prokuroria e Posaçme, thekson se; “nga rezultati i përgjimeve ngrihen dyshime të arsyeshme që në vendimmarrjen e KPP për shqyrtimin e ankesës me objekt: “Mirëmbajtje rutinë me performancë rruga Rrëshen (Ura e Fanit) – Shpal, Shpal-Q.Bene – Hadroj, Shpal – Ura e Repsit”, me fond limit 219.866.693 lekë pa TVSH si dhe në vendimmarrje të tjera, ekzistojnë elementë të veprimeve të kundraligjshme që mund të kenë ndikuar në këto vendime”.

Në kërkesën drejtuar GJKKO-së për masën ndaj Myzyrit, prokurori i SPAK, Elvin Gogaj, ka argumentuar se; “masa e sigurimit duhet të caktohet pasi ekziston rreziku i cenimit të provave, ai i ikjes, si dhe ai i kryerjes së veprave të jera penale nga personi nën hetim Jonaid Myzyri”.

“Ka dyshime të arsyeshme që ai mund të vërë në rrezik marrjen e provës apo vërtetësinë e saj, duke ndërhyrë tek personat që kanë dijeni për kryerjen e veprës penale dhe që nukj janë pyetur deri në këto momente, megjithëse veprimet po kryhen në dinamikë nga ana e Prokurorisë së Posaçme”.

Gjithashtu, SPAK është duke hetuar procedurat e tenderëve përgjatë viteve 2020-2023, pasi ka dyshime të forta se janë zhvilluar pa garë, pasi në shumë raste rezulton pjesëmarrëse vetëm një kompani, e në raste të tjera, shoqëritë janë skualifikuar në mënyrë të padrejtë.

Jonaid Myzyri, u emërua në krye të Komisionit të Prokurimit Publik (KPP) në vitin 2020, për një mandat 5-vjeçar, me propozim të Këshillit të Ministrave dhe votim në Parlament.

The post Tenderi 2.3 mln euro/ Zbardhet përgjimi i punonjëses që “fundosi” Jonaid Myzyrin: Ne firmosim, ata marrin lekët, i shërbeva si qeni dhe tani… appeared first on Albeu.com.

Prokuroria e Posaçme kundër Korrupsionit dhe Krimit të Organizuar (SPAK), ka bërë të ditur se gara për kreun e ri të Byrosë Kombëtare të Hetimit (BKH), vijon me një fazë të re.

Shtatë kandidatët që kanë kaluar në raundin e mëparshëm, janë thirrur të paraqiten më 22 korrik, në ora 09:00, në zyrat qëndrore të SPAK.

Në këtë fazë, kandidatët do t’i nënshtrohen provimit me ese, i cili është pjesë e procedurës përzgjedhëse të drejtuesit të ardhshëm të këtij institucioni kyç në luftën kundër krimit të organizuar.

Komisioni i Përzgjedhjes, publikoi më 26 qershor rezultatet e fazës së parë të shqyrtimit paraprak të aplikimeve për pozicionin e Drejtorit të Byrosë Kombëtare të Hetimit (BKH).

Në total, u shqyrtuan aplikimet dhe dokumentacioni i 13 kandidatëve, ndërsa vetëm 7 prej tyre kaluan në fazën tjetër të konkurimit.

Pas verifikimit të dokumentacionit dhe përmbushjes së kritereve ligjore, kandidatët që vijonin garën janë: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta.

Procesi i përzgjedhjes zhvillohet në bazë të nenit 148/dh të Kushtetutës dhe ligjit për organizimin e institucioneve kundër korrupsionit dhe krimit të organizuar.

Faza e ardhshme përfshin testime të mëtejshme profesionale dhe vlerësime të integritetit.

The post Gara për kreun e BKH/ SPAK njofton 7 kandidatët e mbetur për fazën e radhës së testimit appeared first on Albeu.com.

Pak më parë, një aksident i rëndë ka ndodhur në aksin Tiranë–Fushë-Krujë, në afërsi të hyrjes së qytetit të Fushë-Krujës.

Dy automjete, një tip Audi dhe një Mercedes, janë përplasur me njëri-tjetrin, duke lënë të plagosur rëndë tre persona.

Të lënduarit janë transportuar me urgjencë drejt Spitalit të Traumës në Tiranë, ku ndodhen nën kujdesin intensiv të mjekëve.

Sipas informacioneve paraprake, dyshohet se shkak i aksidentit ka qenë shpejtësia e lartë dhe një parakalim i gabuar.

Grupi hetimor ndodhet në vendngjarje dhe po punon për të zbardhur plotësisht rrethanat e përplasjes.

The post Aksident i frikshëm në Fushë-Krujë/ Tre persona në gjendje kritike, dërgohen me urgjencë në spitalin e Traumës (VIDEO) appeared first on Albeu.com.

Gjatë 24 orëve të fundit në vend, janë raportuar 24 vatra zjarri në të gjithë vendin. Aktualisht, katër prej tyre mbeten aktive në qarqet Dibër, Fier dhe Vlorë, me dëme të konsiderueshme në sipërfaqe të mëdha toke.

Sipas raportimeve nga Emergjencat Civile, në total janë djegur mbi 154 hektarë me shkurre dhe bimësi, si dhe më shumë se 3,000 rrënjë ullinj.

Zjarri më i përhapur vijon të jetë në Parkun Kombëtar të Lurës në Dibër, ku dy vatra janë ende aktive njëra në afërsi të Gurë Lurës dhe tjetra pranë kanalit të ujit të HEC-it, e cila po monitorohet.

Një vatër tjetër në krahun e Malit të Dejës, po përhapet me shpejtësi drejt bashkisë Mat.

Në Bulqizë, në zonën e Malit të Peladhisë, flakët kanë përfshirë rreth 32 hektarë, ndërsa një vatër aktive mbi fshatin Vlash po mbahet nën kontroll.

Në Fier dhe Mallakastër, zjarri në zonën Drenovë–Gorishovë, vijon të jetë sfidues për shkak të erës dhe terrenit të thyer, duke rrezikuar ullishtet e fshatit Gorishovë.

Në Borsh të Himarës, flakët që përfshinë një sipërfaqe pyjore nuk janë izoluar plotësisht.

Instituti i Gjeoshkencave, njofton se nuk priten reshje, ndërsa rreziku për zjarre mbetet i lartë në qarqet Tiranë, Elbasan, Fier, Berat, Korçë dhe Gjirokastër.

The post Zjarret në vend, 24 vatra në 24 orët e fundit appeared first on Albeu.com.

Megan Kerrigan Byron, e ka gjetur veten në qendër të një stuhie në internet, pas një videoje virale që përfshinte bashkëshortin e saj, Andy Byron, drejtor ekzekutiv i firmës teknologjike Astronomer me seli në Cincinnati.

Sipas mediave te huaja, Megan e ka hequr mbiemrin “Byron” nga emri i saj i plotë në platformat sociale.

Ky veprim, ka çuar në pyetje rreth statusit aktual të martesës së saj me Andyn.

Polemika filloi në një koncert të Coldplay në stadiumin Gillette të Bostonit, ku Andy Byron u kap nga kamerat me Kristin Cabot, drejtuesen e Burimeve Njerëzore të kompanisë.

Megan, e cila jeton në Nju Jork me bashkëshortin dhe dy fëmijët e saj, punon në Shkollën Bancroft në Worcester, Massachusetts. Aktualisht ajo shërben si Drejtoreshë e Asociuar e Shkollës së Ulët dhe Pranimeve për Programin Hope Graham, i cili mbështet nxënësit me dallime në të nxënë të bazuara në gjuhë.

The post Bashkëshorti i saj u bë viral duke u përqafuar me punonjësen, gruaja e biznesmenit Andy Byron “merr masa” appeared first on Albeu.com.

Kryeministri Edi Rama, zhvilloi një takim në Berat me përfaqësues të sektorit të teknologjisë, ku në fokus ishte rritja e kapaciteteve mbrojtëse ndaj sulmeve kibernetike në vend.

Gjatë diskutimit, Rama theksoi përparimin që po bëhet në sektorin publik, por ngriti shqetësimin për boshllëqet e theksuara në sektorin privat.

“Ekspozimi ndaj sulmeve kibernetike është një realitet me të cilin përballemi çdo ditë. Ndërkohë që po përforcojmë mbrojtjen tonë në sektorin publik, jemi të shqetësuar se sektori privat nuk po ecën me të njëjtin ritëm. Kjo lë hapësira të mëdha për ndërhyrje të rrezikshme”, u shpreh kryeministri.

Ai shtoi se qeveria është e angazhuar për të ndërtuar mekanizma të përbashkëta, duke bashkëpunuar me kompanitë e teknologjisë për të garantuar sigurinë dixhitale në të gjithë sistemin ekonomik dhe institucional të vendit.

The post Rama takon përfaqësues të teknologjisë: Përballemi çdo ditë me realitetin e sulmeve kibernetike të rrezikshme appeared first on Albeu.com.

Ish-Drejtori Juridik në bashkinë e Tiranës, Alban Dokushi, një ditë më parë i është përgjigjur thirrjes së Prokurorëve të Posaçëm, duke u paraqitur në SPAK.

Mësohet se për disa minuta, ai ka ka qëndruar në zyrat e Byrosë Kombëtare të Hetimit.

Sipas “Ora News”, është paraqitur për të marrë disa akte hetimore ,duke qenë pjesë e ekipit mbrojtës të Erjon Veliajt.

Por, nuk përjashtohet mundësia që ai të jëtë marrë në pyetje mbi hetimet që po kryhen.

Në muajin mars, Dokushi u paraqit në SPAK për të dëshmuar mbi hetimet e dosjes, pasi ishte personi që ka takuar Erjon Veliaj në qeli.

Lidhur me këtë ngjarje, ai u shpreh në atë kohë se: “Unë e kam takuar kryebashkiakun Erion Veliaj me autorizim të prokurorisë”.

The post Takoi Erion Veliajn në burg/ Ish-drejtori Juridik në Bashkinë e Tiranës, Alban Dokushi, rikthehet në SPAK appeared first on Albeu.com.

Policia e Sarandës, ka zbardhur konfliktin me armë në Sarandë të një dite më parë, ku mbetën të plagosur dy të rinj nga Kamza.

Sipas informacioneve policore, në kërkim janë shpallur 4 persona si të përfshirë.

Gjithashtu, në pranga është vënë edhe njëri prej të plagosurve, pasi iu gjet një armë.

Njoftimi i Policisë Sarandë:

Zbardhet dhe dokumentohet ngjarja e ndodhur ditën e djeshme, në Sarandë, ku dy shtetas mbetën të plagosur me armë zjarri.

Shpallen në kërkim 4 shtetas të përfshirë në këtë ngjarje, njëri prej të cilëve tentoi të vriste me armë zjarri dy shtetasit.

Vihet në pranga edhe një prej të plagosurve, pasi gjatë kontrollit iu gjet dhe iu sekuestrua një armë zjarri pistoletë.

Në vijim të hetimeve për zbardhjen dhe dokumentimin e ngjarjes së ndodhur më datë 17.07.2025, rreth orës 15:00, në një lokal, në lagjen nr. 3, Sarandë, specialistët për Hetimin e Krimeve të Rënda në DVP Vlorë, në bashkëpunim me specialistët për Hetimin e Krimeve në Komisariatin e Policisë Sarandë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, kryen të gjitha veprimet hetimore dhe procedurale të nevojshme për dokumentimin e plotë ligjor të ngjarjes, ku si rezultat u shpallën në kërkim katër shtetas:

Erjon Canaj, Artan Murtaj, Klaus Jaçaj dhe Ramadan Zoto. 

Ramadan Zoto., 43-vjeç, banues në Sarandë, për veprën penale “Vrasja në rrethana të tjera cilësuese”, e mbetur në tentativë.

Eejon Canaj., 36-vjeç, Artan Murtaj., 43-vjeç, dhe Klaus Jaçaj., 31-vjeç, të tre banues në Sarandë, për veprën penale “Përkrahja e autorit të krimit”.

Nga veprimet hetimore ka rezultuar se për motive të dobëta, këta shtetas janë konfliktuar fizikisht me shtetasit G. H., 33-vjeç, dhe E. L., 25-vjeç, të dy banues në Tiranë dhe gjatë këtij konfliktit, shtetasi R. Z. dyshohet se ka qëlluar drejt tyre me armë zjarri, duke i plagosur rëndë të dy. Shtetasit G. H, dhe E. L, ndodhen në Spitalin e Traumës, Tiranë, nën kujdesin e mjekëve.

Gjatë hetimeve dhe kontrolleve të ushtruara në kuadër të zbardhjes së kësaj ngjarjeje, shtetasit G. H. iu gjet dhe iu sekuestrua një armë zjarri pistoletë. Në vijim të veprimeve u bë arrestimi në flagrancë i tij, për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Në vendngjarje u sekuestruan, në cilësinë e provës materiale, 4 gëzhoja arme zjarri, një armë zjarri pistoletë tip “Beretta” dhe një krehër me 9 fishekë.

Vijon puna për kapjen e personave të shpallur në kërkim dhe vënien e tyre përpara përgjegjësisë ligjore.

Materialet procedurale iu referuan Prokurorisë për veprime të mëtejshme.

The post Të shtënat me armë zjarri në Sarandë/ Policia zbardh ngjarjen, shpallen në kërkim 4 persona (EMRAT) appeared first on Albeu.com.

“Avioni është në duart e tua”. Me këto fjalë, komandanti Sumeet Sabharwal, i besoi zëvendëskomandantit Clive Kunder drejtimin e ngritjes së fluturimit Air India 171 nga Ahmedabad drejt Londrës Gatwick.

Biseda është ndër të parat e regjistruara nga një prej “kutive të zeza” në orën 12:39 të datës 12 qershor, tregojnë për Corriere della Sera dy burime perëndimore të njohura me përmbajtjen.

Nuk është një procedurë e pazakontë, sqarojnë ato; kjo vendoset rast pas rasti. Por mund të jetë bërë qëllimisht nga veterani Sabharwal.

Me 330 kilometra në orë

Në orën 13:38 e 42 sekonda, tre sekonda pasi avioni ishte shkëputur nga pista me një shpejtësi prej 330 kilometrash në orë, komandanti ngriti dorën e djathtë, e çoi drejt dy levave të konsolës qendrore të Boeing 787 dhe ndërpreu, me radhë dhe me shpejtësi, rrjedhën e karburantit për motorin e majtë e më pas për atë të djathtë, duke ndjekur atë që pilotët e quajnë “memorie muskulore”.

Misteri i motiveve

Pse Sabharwal, i vlerësuar dhe pa asnjë njollë në karrierën e tij, vendosi të përplasë një avion me 241 persona të tjerë në bord, mbetet i vetmi mister i një tragjedie që i kushtoi jetën 260 personave (përfshirë 19 që ndodheshin në një ndërtesë të shkatërruar nga përplasja). Mund të duhen muaj e vite për ta kuptuar. Një gjë është e sigurt: sipas tre pilotëve të pyetur, ai zgjodhi të vetmen hapësirë kohore për të vepruar “pa u penguar”.

Befasia

Raporti paraprak ka konstatuar — pa shpjeguar si — që ndërprerësit janë zhvendosur nga “Run” në “Cutoff”. Siç ka zbuluar kjo gazetë, ishte një nga pilotët që e bëri këtë, me atë që dy burimet perëndimore e kanë cilësuar si “gjest i qëllimshëm”. Ishte komandanti Sabharwal ai që i lëvizi, ka konfirmuar Wall Street Journal. Zëvendëskomandanti Kunder, fillimisht i befasuar, u kap nga paniku dhe e pyeti disa herë e me ngulm eprorin e tij për arsyen e këtij veprimi, ndërsa komandanti e mohoi dhe më pas heshti.

Ngritja

Zyra për Hetimin e Aksidenteve Ajrore të Indisë, autoriteti që po drejton hetimin, ka bërë thirrje që “të mos nxirren përfundime të nxituara mbi atë që ndodhi”, duke theksuar se raporti përfundimtar do të përfshijë shkaqet kryesore dhe rekomandimet. Por për palët perëndimore nuk ka dyshim mbi dinamikën. Ditët e fundit, një pilot indian ka zbuluar për gazetat se komandanti vuante prej kohësh nga depresioni. Hetimi do të tregojë nëse kjo ka pasur një rol kyç në tragjedi.

Pyetja

Por çfarë ndodhi me fluturimin? Ja përmbledhja më e detajuar deri më tani. Në orën 13:38 e 39 sekonda, avioni shkëputet nga pista, siç konfirmon raporti paraprak. Por në orën 13:38 e 42 sekonda motorët privohen nga karburanti, kur avioni po udhëtonte me 180 nyje (333 kilometra në orë). Në orën 13:38 e 44 sekonda — tregojnë burimet — mikrofoni i lidhur me sediljen e zëvendëskomandantit regjistron Kunder duke pyetur, me shumë habi: “Pse i fiket motorët?”. Një sekondë më vonë, mikrofoni tjetër, ai i vendosur në pozicionin e komandantit, regjistron një “nuk isha unë”. Kunder nuk bindet dhe e pyet disa herë të tjera, për gjashtë sekonda të tjera.

Zhurma e levave

Zëvendëskomandanti po drejtonte avionin, ndërsa eprori i tij ishte në rol mbikëqyrës dhe ndihmës. Duart e Kunder ishin të zëna me komandën e timonit dhe përqendrimi i tij ishte në mbajtjen e parametrave të shpejtësisë, drejtimit dhe ekuilibrit. Nëse nuk e pa, zëvendëskomandanti me siguri e ndjeu që komandanti kishte lëvizur ndërprerësit: “tingulli i krijuar nga lëvizja prej sipër poshtë është i padiskutueshëm”, konfirmojnë pilotët e pyetur.

Ndihma e mikrofonëve

Jo vetëm kaq. Burimet perëndimore kujtojnë se mikrofonët e shumtë të instaluar në kabinë mundësojnë jo vetëm identifikimin e zërave dhe tingujve të ndryshëm — përfshirë ato të ndërprerësve të karburantit — por edhe mundësinë për të përcaktuar me “siguri të arsyeshme” se kush ka kryer manovrën. Edhe ky kombinim i regjistrimeve audio ka çuar në identifikimin e përgjegjësisë.

Ekranet e fikur

Ndërkohë, kutia tjetër e zezë, “Regjistruesi i të Dhënave të Fluturimit”, regjistron fikjen e monitorëve në pjesën e zëvendëskomandantit. Kjo sepse — tregojnë pilotët — për të ulur konsumin e energjisë në emergjencë, lihet i ndezur vetëm ekrani i komandantit (i furnizuar me bateri). Në orën 13:38 e 47 sekonda, në pjesën e pasme të avionit aktivizohet “Turbina Ajrore Ram” (Rat), një pajisje emergjence që ndizet automatikisht në rast të humbjes së energjisë elektrike dhe/ose presionit hidraulik të shkaktuar nga ndërprerja e motorëve.

“Mayday” dhe përplasja

“Rat”-i fillon të furnizojë me pak energji disa sisteme kritike. Në orën 13:38 e 52 sekonda, zëvendëskomandanti kthen levën e karburantit të motorit 1 (ai i majti) nga “Cutoff” në “Run”, i cili më pas fillon të riaktivizohet, por jo në mënyrë të mjaftueshme. Në orën 13:38 e 56, Kunder rikthen në “Run” edhe motorin 2. Por situata është e pashpresë. Dhe në orën 13:39 e 5 sekonda lëshohet sinjali “Mayday”. Në orën 13:39 e 11 sekonda kutitë e zeza ndalojnë regjistrimin. Boeing 787 ishte përplasur me disa ndërtesa./Corriere della sera

The post Tragjedia ajrore në Indi, kapiteni Sumeet Sabharwal i ngriti një kurth kolegut: Avioni është në duart tuaja appeared first on Albeu.com.

Marrëdhënia mes Ardon Jasharit dhe Milanit nuk është mbyllur ende. Pavarësisht mungesës së zhvillimeve të fundit konkrete në negociatat mes klubit italian dhe Klub Bryzhit, shpresat në kampin kuqezi janë ende të gjalla.

Sinjalet vijnë drejtpërdrejt nga vetë lojtari, mesfushori zviceran nuk ka pozuar për fotografinë zyrtare të ekipit belg, një detaj që, për shumëkënd, është tregues i qartë i dëshirës së tij për t’u transferuar në Milano.

OBJEKTIVI- I lindur në vitin 2002, Jashari është bërë tashmë një objektiv i deklaruar i Milanit. Mesfushori, sipas burimeve të afërta me klubin, ka arritur një marrëveshje parimore me klubin italian. Por problemi qëndron te kërkesat e Bryzhit. Klubi belg nuk heq dorë nga shifra prej 40 milionë eurosh pa bonuse, ndërsa oferta e Milanit ndalet në 32.5 milionë plus bonuse, që do ta çonin shumën totale në rreth 35-36 milionë euro.

NGËRÇI- Përplasja financiare ka sjellë një ngërç që, sipas portalit belg “HLN”, mund ta afrojë Jasharin më shumë me një qëndrim të mundshëm në Belgjikë. “Gjasat që Jashari të qëndrojë te Bryzhi janë rritur pak”, shkruan portali, duke shtuar se Milani për momentin e ka vendosur mesfushorin në pritje.

DËSHIRA- Megjithatë, dëshira e Jasharit mbetet e qartë dhe mungesa e tij në ndeshjen miqësore kundër Lokomotiv Zagrebit, duket më shumë si një mesazh për drejtuesit kuqezinj, Tare dhe Furlani, sesa një masë ndëshkuese nga klubi belg.

IRONIA- Në një kthesë ironike të fatit, zgjidhja për këtë çështje mund të vijë… nga rivali historik, Interi. Nëse zikaltrit arrijnë të mbyllin transferimin përfundimtar të Aleksandër Stankoviç, mesfushori që konsiderohet si pasuesi i Jasharit te Bryzhi, atëherë hapet rruga për kalimin e zviceranit te Milani. Interi kërkon një klauzolë riblerjeje maksimale prej 25 milionë eurosh për Stankoviç, ndërsa Bryzhi këmbëngul për 30 milionë. Diferenca prej 5 milionësh po negociohet, me synimin për të arritur marrëveshjen përfundimtare. Nëse palët bien dakord, atëherë ëndrra e Jasharit për të veshur fanellën kuqezi mund të bëhet realitet. Për momentin, topi është ende në fushën e negociatave.

The post Ardon Jashari ndan rrugët me Bryzh, Igli Tare nuk e ndryshon ofertën për shqiptarin appeared first on Albeu.com.

Në orët e para të mëngjesit të sotëm, një shpërthim me lëndë plasëse është regjistruar në Rrugën e Durrësit në Tiranë.

Pronari i lokalit, Arbër Sinani, ka deklaruar në polici se nuk e ka idenë se kush mund të jenë autorët që i kanë vendosur sasinë e tritolit në lokalin e tij.

Sipas tij, ai nuk ka konflikte me persona të tjerë. A2 CNN, raporton se në Shqipëri ai nuk figuron me precedentë penalë.

Sinani prej disa kohësh ka jetuar në Gjermani, ku dyshohet se mund të ketë qenë i përfshirë në paligjshmëri dhe përplasjet me persona të tjerë për drogën, mund të jetë motivi për vendosjen e eksplozivit.

Dy kamera që ka lokali, nuk kanë DVR ç`ka e bën të vështirë punën për hetuesit për identifikimin e aktorëve të dyshuar.

Ndërkohë, janë sekuestruar kamerat e bizneseve të tjera për t’i ndihmuar grupin hetimor.

The post Tritoli në qendër të Tiranës/ Dyshimet e para të policisë, flet pronari: Nuk kam konflikte appeared first on Albeu.com.