Gjykata e Apelit ka kthyer në rigjykim çështjen penale ndaj Muhamet Alidemajt, i akuzuar për pjesëmarrje në kryerjen e masakrës së Izbicës më 28.03.1999, të kryer nga forcat serbe.

“APROVOHET si e bazuar ankesa e mbrojtësit të akuzuarit Muhamet Alidemaj, av Millosh Deleviq,.. ANULOHET aktgjykimi i Gjykatës Themelore në Departamentin Special i datës 12.07.2024 dhe çështja kthehet në rigjykim” – thuhet në vendimin e Apelit.

Apeli ka vendosur që aktgjykimi i Themelores ndaj Ademajt në pikën III të dispozitivit të mbetet i paprekur, dhe të njëjtit i vazhdohet masa e paraburgimit deri në vendimin e ardhshëm nga Gjykata e Prishtinës.

Prokuroria Speciale po akuzon Muhamet Alidemajn se së bashku me ushtrinë dhe policinë serbe kishin shkuar te livadhi ku ishin të grumbulluar popullsia civile, duke përdorur dhunë, kishin bërë ndarjen e grave dhe fëmijëve nën moshën 12-vjeç e dhunshëm i kishin detyruar që të shkojnë në Shqipëri.

Ndërsa burrat i kishin ndarë në grupe. Sipas dosjes, rreth 130 persona ishin ekzekutuar me armë automatike, ndërsa kishin arritur që të shpëtojnë vetëm 12.

Muhamet Alidemaj në korrik të vitit 2024 ishte dënuar nga Gjykata e Prishtinës me 15 vjet burg.

Ky vendim ishte marrë nga trupi gjykues i përbërë nga Vesel Ismaili – kryetar dhe anëtarët Kushtrim Shyti dhe Violeta Namani.

Kundër vendimit të Themelores ankesë kishte ushtruar mbrojtësi i të akuzuarit Muhamet Alidemaj, avokati Millosh Deleviq, me pretendimin se kishte pasur shkelje esenciale të dispozitave të procedurës penale, shkelje të ligjit penal, vërtetimit të gabuar dhe jo të plotë të gjendjes faktike dhe vendimit mbi saksionin penal.

Avokati Deleviq kishte propozuar që Gjykata e Apelit ta aprovojë ankesën dhe ta ndryshojë aktgjykimin e ankimuar ashtu që të nxjerrë aktgjykim lirues ose të anulojë aktgjykimin dhe ta kthejë çështjen në rigjykim.

Ndërsa Prokuroria e Apelit me parashtresën e datës 09.01.2025 kishte propozuar që ankesa e mbrojtësit të të akuzuarit të refuzohet si e pabazuar.

Gjetjet e Gjykatës së Apelit

Gjykata e Apelit pas analizimit dhe vlerësimit të ankimuar dhe pretendimeve ankimore të mbrojtjes ka gjetur se aktgjykimi i Gjykatës së shkallës së parë është i përfshirë me shkelje esenciale të dispozitave të procedurës penale, të pretenduara në ankesën e mbrojtësit të të akuzuarit.

Në gjetjet e Gjykatës së Apelit thuhet se aktgjykimit të shkallës së parë i mungojnë arsyet për faktet vendimtare, nuk janë vlerësuar në mënyrë të plotë dhe gjithëpërfshirëse dëshmitë dhe provat, nuk janë dhënë shpjegimet e nevojshme lidhur me kontradiktat në përmbajtjen e tyre gjë që aktgjykimin e bëjnë të pakuptueshëm dhe kundërthënës e që domosdoshmërisht kushtëzojnë anulimin e aktgjykimit të ankimuar dhe kthimin e çështjes në rigjykim.

Sipas pikëpamjes së kolegjit të Apelit, ekzistojnë edhe shkelje në relacion me vërtetimin e gjendjes faktike në raport me faktet vendimtare që kanë të bëjnë me identifikimin e të akuzuarit Muhamet Alidemaj.

“Gjithashtu përshkrimi i fakteve inkriminuese në dispozitiv të aktgjykimit siç janë veprimet e përshkruara në pikën I (ndarja e grave/fëmijëve, ndarja e burrave në 3 grupe, dërgimi në vendin e caktuar dhe ekzekutimi i personave) si dhe në pikën II (trajtimi çnjerëzor, cenimi i integritetit trupor, zhvendosja, grabitja dhe shkatërrimi i pasurisë civile,… djegia e shtëpive dhe dëbimi i civilëve drejt Klinës dhe pastaj për në Shqipëri), nuk janë të konkretizuara në aspektin e rolit dhe veprimeve konkrete të të akuzuarit dhe nuk është arsyetuar se me cilat prova të administruara në shqyrtim gjyqësor janë vërtetuar këto veprime konkrete lidhur me të akuzuarin Muhamet Alidemaj.” – thuhet në vendim.

Kolegji i Apelit gjen se Gjykata e shkallës së parë nuk ka paraqitur arsye të qarta dhe të mjaftueshme në lidhje me gjendjen faktike të vërtetuar.

“Nuk mjaton që në arsyetimin e aktgjykimit të listohen thjesht provat e administuara në shqyrtim gjyqësor; gjykata duhet të sqarojë se çfarë është vërtetuar me secilën provë dhe si ka ardhur në përfundimin për shpalljen fajtor të të akuzuarit.” – thuhet në vendimin e Apelit.

Më tej në këtë vendim thuhet se Gjykata e shkallës së parë ka dështuar të identifikojë me saktësi veprimet konkrete të ndërmarra nga i akuzuari Alidemaj.

“Gjykata e shkallës së parë e ka shpallur fajtor të akuzuarin për krime lufte kundër popullatës civile, por ka dështuar të identifikojë me saktësi veprimet konkrete të ndërmarra prej tij, mënyrën e kontributit të tij në bashkëkryerje në realizimin e krimeve si dhe shkallën e pjesëmarrjes në bashkëkryerje” – thuhet në vendimin e Gjykatës së Apelit.

Më tej në vendim thuhet se arsyetimi i Gjykatës së shkallës së parë mbetet i përgjithësuar.

“Arsyetimi i gjykatës mbetet i përgjithësuar dhe nuk i përgjigjet kërkesave të nenit 370 paragrafi 7 të KPP-së për arsyetim të qartë dhe të plotë të vendimit” – thuhet në vendim.

Në vendim thuhet se kolegji i Apelit nuk e konteston faktin e ekzekutimit të 130 civilëve në ditën kritike, i cili rezulton i pranuar dhe i mbështetur në provat e administruara gjatë shqyrtimit gjyqësor.

“Megjithatë, në pikën I të dispozitivit të aktgjykimit të shkallës së parë thuhet se “secilin grup i dërguan në një vend të caktuar dhe i ekzekutuan me armë automatike”, por nuk sqarohet se ku dhe cili ishte ky vend, kush i ka dëguar grupet atje dhe në ç’mënyrë është vërtetuar prania e të akuzuarit në atë vend dhe moment në ekzekutimin 130 civlëve” – thuhet në vendim.

Në vendim thuhet se Gjykata e shkallës së parë nuk ka arsyetuar se me cilat prova konkrete ka konstatuar se i akuzuari ka ndërmarrë ndonjërën nga këto veprime.

“… përkatësisht nuk ka dhënë një arsyetim faktik dhe juridik që do të mundësonte ndërlidhjen e tij me ndarjen e burrave apo me aktin e ekzekutimit.” – thuhet në vendim.

Sipas Apelit kjo mungesë e arsyetimit e bën aktgjykimin e ankimuar të mangët, të pakuptueshëm dhe kundërthënës ndërmjet dispozitivit dhe arsyetimit.

Në vendimin e Apelit thuhet se provat janë thjesht të renditura, pa analizë dhe pa arsyetim që të tregojë se çfarë vërtetojnë në mënyrë konkrete si dhe mungesa e këtij arsyetimi e bën aktgjykimin të paqëndrueshëm.

Në gjetjet e Gjykatës së Apelit thuhet se mangësi thelbësore e aktgjykimit të Themelores është mungesa e arsyetimit lidhur me kontradiktat evidente në deklarimet e dëshmitarëve, sidomos ato që lidhen me kohën dhe mënyrën e pranisë së të akuzuarit Alidemaj në fshatin Izbicë.

“Një mangësi thelbësore e aktgjykimit të shkallës së parë është mungesa e arsyetimit lidhur me kontradiktat evidente në deklarimet e dëshmitarëve, sidomos ato që lidhen me kohën dhe mënyrën e pranisë së të akuzuarit Muhamet Alidemaj në fshatin Izibicë dhe ndërlidhjen e kësaj me aktet e ekzekutimit”.

“Një tjetër kontradiktë lidhet me çështjen e uniformës. Përveç se dëshmitarët kanë dhënë deklarime të ndryshme, disa duke thënë se i akuzuari ditën kritike ka qenë me uniformë ushtarake, të tjerë me veshje civile, kolegji gjen se vetë aktgjykimi i shkallës së parë përmban paqartësi të mëdha” – thuhet ndër të tjera në vendim.

Në fund Gjykata e Apelit i ka rekomanduar Themelores që në mënyrë të veçantë të vlerësojë sërish dhe me kujdes të shtuar besueshmërinë e dëshmive mbi identifikimin e të akuzuarit dukë marrë parasysh periudhën e gjatë kohore ndërmjet ngjarjes dhe deklarimeve,  paqartësitë apo ndryshimet ndërmjet deklarimeve të dhëna në hetuesi dhe atyre në shqyrtim gjyqësor dhe mospërputhjet kohore lidhur me momentin e pranisë së të akuzuarit në vendin e ngjarjes.

Ky vendim është marrë nga kolegii gjykues i përbërë nga Vaton Durguti (kryetar i kolegjit), Mentor Bajraktari dhe Bashkim Hyseni (anëtarë).

Seanca në Gjykatën e Apelit për këtë rast ishte mbajtur më 23.01.2025, ndërsa aktgjykimi mban datën 23.04.2025.

Për çka akuzohet Muhamet Alidemaj?

Sipas aktakuzës së Prokurorisë Speciale, i akuzuari Muhamet Alidemaj ka kryer veprën penale – krime kundër popullatës civile në Kosovë gjatë kohës së luftës.

I njëjti sipas aktakuzës më 28 mars 1999 së bashku me forcat ushtarake dhe policore serbe kishin zbritur nga mali për t’u nisur në drejtim të fshatit Izbicë, me të arritur në fshat të njëjtit shkuan në shtëpinë e të dëmtuarës Xh. O., ku nga kjo e fundit morën shumën prej 1,000 marka gjermane e më pas i vunë flakën pasurisë së të dëmtuarës. Nën kërcënim të armës të njëjtën e kanë detyruar që t’i prijë gjatë kontrollit të shtëpisë së saj.

Tutje dosja thotë se Alidemaj së bashku me ushtrinë dhe policinë serbe shkojnë te livadhi ku ishin të grumbulluar popullsia civile, duke përdorur dhunë, bëjnë ndarjen e grave dhe fëmijëve nën moshën 12-vjeç e dhunshëm i detyrojnë që të shkojnë në Shqipëri.

Ndërsa burrat i ndajnë në grupe dhe bëhet ekzekutimi i tyre me armë automatike, duke vrarë rreth 130 persona, ndërsa kishin arritur që të shpëtojnë vetëm 12 civilë.

Gjykimet për krime lufte

Për masakrat dhe krimet e tjera të luftës dhe krimet kundër njerëzimit të kryera në Kosovë nga forcat serbe e jugosllave gjatë luftës së viteve 1998/1999 ishin gjykuar, e disa edhe dënuar, ish-udhëheqësit më të lartë politikë dhe ushtarakë të Jugosllavisë së mbetur dhe të Serbisë.

Ish-presidenti i Jugosllavisë, Sllobodan Millosheviq ishte akuzuar për “krime lufte” dhe për “krime kundër njerëzimit”, të kryera nga forcat serbe e jugosllave në Kosovë. Millosheviq ishte akuzuar për “krime lufte” dhe “krime kundër njerëzimit”, të kryera edhe në luftërat në Bosnjë dhe Hercegovinë, si dhe në Kroaci.

Gjykimi i tij në Gjykatën Ndërkombëtare Penale për ish-Jugosllavinë (ICTY), me seli në Hagë, nuk kishte marrë epilog, pasi Millosheviq kishte vdekur më 11.03.2006 në qeli, teksa po mbahej në paraburgim.

Millan Millutinoviq, ish-Kryetari i Serbisë, ishte liruar nga akuzat për “krime lufte gjatë konfliktit në Kosovë”.

Nikolla Shainoviq, Zëvendëskryeministër i Republikës Federale të Jugosllavisë, ishte dënuar me 18 vjet burg për “krime kundër njerëzimit” dhe “shkelje të ligjeve apo zakoneve të luftës”.

Dragolub Ojdaniq, ish-Shefi i Shtabit të Përgjithshëm të Ushtrisë jugosllave, ishte dënuar me 15 vjet burg për “krime kundër njerëzimit”.

Nebojsha Pavkoviq, ish-Komandanti i Armatës së Tretë të Ushtrisë jugosllave, ishte dënuar me 22 vjet burg për “krime kundër njerëzimit” dhe “shkelje të ligjeve apo zakoneve të luftës”.

Vlladimir Llazareviq, ish-Komandanti i Korpusit të Prishtinës të Ushtrisë jugosllave, ishte dënuar me 14 vjet burg për “krime kundër njerëzimit”.

Sreten Llukiq, ish-Shefi i stafit të Ministrisë së Punëve të Brendshme të Serbisë për Kosovë, ishte dënuar me 20 vjet burg për “krime kundër njerëzimit” dhe “shkelje të ligjeve apo zakoneve të luftës”.

Aktgjykimin të plotë, në gjuhën angleze, e gjeni këtu, raporton Kallxo.

The post Gjykata e Apelit e kthen në rigjykim rastin e Muhamet Alidemajt, i akuzuar për masakrën e Izbicës appeared first on Telegrafi.

Sekretari i Ministrisë së Kulturës, Rinisë dhe Sportit, Bislim Bislimi, ka mbajtur një konferencë për media lidhur me aktakuzën e ngritur për keqpërdorim të pozitës zyrtare ndaj dy zyrtarëve të Drejtorisë së Urbanizmit në Prizren.

Bislimi tha se të akuzuarit kanë lejuar rrënimin e një objekti i cili është në mbrojtje.

“Sikurse është njoftuar opinioni publik, dje Prokuroria Themelore në Prizren ka ngritur aktakuzë ndaj dy personave në cilësinë zyrtare të zyrtarëve publik të Komunës së Prizrenit për shkak të lejimit të rrënimit të objekteve me status ligjor të mbrojtjes së përhershme si asete të trashëgimisë kulturore arkitekturore, gjegjësisht rrënimi i ish-kompleksit Sarajet e Vjetra në Prizren.”, tha Bislimi.

Ai shtoi gjithashtu se nuk është hera e parë që një gjë e tillë po ndodh, por ministria ka marrë masa që të zvogëlojë shkatërrimin e objekteve që janë në mbrojtje dhe ata që lejojnë të ndodhë diçka e tillë, nuk do të mbesin pa u ndëshkuar.

“Vite me radhë, institucionet kompetente profesionale të trashëgimisë kulturore janë ballafaquar me raste të shumta të dëmtimit të qëllimshëm, shkatërrimit apo tjetërsimit të objekteve që gëzojnë status ligjor të mbrojtjes, të cilat dëme janë bërë në emër të përfitimit privat, duke shpërfillur kufizimet ligjore që ekzistojnë mbi këto objekte, sipas Kushtetutës së Republikës së Kosovës, Ligjit për Trashëgimi Kulturore, Ligjit për Qendrën Historike të Prizrenit dhe ligje e akte tjera juridike në fuqi… MKRS përtej programit masiv të konzervimit dhe restaurimit që po e zbaton aktualisht, vitet e fundit është angazhuar shumë që përmes instrumentit të funksioneve ekzekutive administruese të institucioneve të saj me theks të veçantë Inspektoratit për Trashëgimi Kulturore, ka rritur ndjeshëm aktivitetin në drejtim të parandalimit të dukurive të kundërligjshme të shkatërrimit dhe humbjes së të mirave kulturore dhe historike që mbrohen me Kushtetutë dhe me ligj.”, tha ai.

Lidhur me hapat e mëtejmë institucional, Bislimi theksoi se i bëjnë thirrje Prokurorisë në Prizren që të merret me rastin dhe të ndëshkojnë zyrtarët përgjegjës dhe se ju bën thirrje edhe të akuzuarve që të japin dorëheqje nga pozita zyrtare dhe tregoi se për rikonstruktimin e objektit të rrënuar duhet ndarë 15 milion euro, një shumë e konsiderueshme nga buxheti i shtetit.

“MKRS rikujton edhe me këtë rast se koordinimi mes MKRS-së, Policisë, Prokurorisë dhe gjyqësorit do të thellohet edhe më tej dhe se çdo rast ku konstatohen veprime të paligjshme në asete apo zona mbrojtëse, do të procedohen penalisht, qoftë kjo për zyrtarë publikë të nivelit qendror apo lokal, qoftë për palët tjera që përfshihen në shkatërrimin apo humbjen e vlerave që mbrohen me Kushtetutë dhe me ligj. Për shkak se vërejmë një angazhim negativ gjithnjë në rritje të zyrtarëve të pushtetit lokal që shkon në drejtim të cenimit të Ligjit për Trashëgimi Kulturore dhe në favor të interesave të paligjshme private apo grupore, i ftojmë ata të heqin dorë nga kjo praktikë, të koordinohen maksimalisht me institucionet kompetente të trashëgimisë kulturore dhe të sigurojnë zbatimin e legjislacionit sektorial në këtë fushë të interesit publik, siç detyrohemi të gjithë ne që ushtrojmë autoritet publik.”, tha ai.

Për rikonstruktimin e objektit të rrënuar duhet ndarë afro 16 milionë euro, një shumë e konsiderueshme nga buxheti i shtetit.

The post ​MKRS: Zyrtarët që lejojnë rrënimin e objekteve të mbrojtura do të ndiqen penalisht appeared first on Telegrafi.

Seanca e mbyllur gjyqësore ndaj të akuzuaritpër krime lufte në Kosovë, Sinisha Spasiq, ka përfunduar pa praninë e mediave.

I akuzuari është larguan nga policia. Ndërkohë, Ljubomir Pantoviq, avokat i të akuzuarit Spasiq, tha se kërkesa që Prokuroria Speciale e ka dorëzuar sot, nuk i plotëson kushtet themelore që të pranohet dhe që mbi bazën e saj të caktohet paraburgimi.

Pantoviq tha se hetimi për krime lufte në komunën e Vushtrrisë, ka filluar që në vitin 1999 nga hetuesit e Tribunalit të Hagës, UNMIK-ut dhe Prokuroria e Kosovës, e sipas tij, askund nuk është përmendur Spasiq si i dyshuar për krime lufte.

Sipas tij, “kujtesa” e një dëshmitari pas 26 vitesh se Spasiq ka marrë pjesë në këto krime lufte është e çuditshme.

“Hetimi për atë krim që i vihet në barrë zotit Spasiq ka filluar që në verën e vitit 1999, pra para 26 vitesh. Dhe atë hetim e kanë zhvilluar hetuesit e Tribunalit të Hagës, pastaj hetuesit e Prokurorisë së UNMIK-ut, të EULEX-it dhe hetuesit kosovarë. Dhe në kuadër të atij hetimi janë marrë në pyetje me siguri dhjetëra dëshmitarë. Gjatë atyre 26 viteve askush, asnjëherë, në asnjë kontekst që ka të bëjë me atë krim, nuk e ka përmendur Sinisha Spasiq. Deri para një muaji e gjysmë, kur një dëshmitar u kujtua se Sinisha kishte marrë pjesë në atë krim, por e kishte harruar ta thoshte për plot 26 vite. Pas kësaj iu “rifreskua”, që të them kështu, kujtesa edhe disa dëshmitarëve të tjerë, dhe edhe ata deklaruan se Sinisha kishte qenë pjesëmarrës në atë, siç e quajnë tani, krim lufte”, tha ai.

Pantoviq tha se do të paraqesë ankesë, pasi siç tha kërkesa e Prokurorisë Speciale nuk i plotëson kushtet themelore që të pranohet dhe të caktohet masa e paraburgimit.

“Thjesht jemi në një situatë të tillë ku njerëzit po arrestohen, po ndiqen penalisht pa asnjë provë. Kjo kërkesë që Prokuroria Speciale e ka dorëzuar sot, unë po ju them, nuk i plotëson kushtet themelore që të pranohet dhe që mbi bazën e saj të caktohet paraburgimi, sepse absolutisht nuk është paraqitur, nuk është dëshmuar dyshimi i bazuar se zoti Spasiq ka marrë pjesë në atë ngjarje, e ky është kushti themelor që ndaj një personi të caktohet masa e paraburgimit. Do të paraqes ankesë”, tha Pantoviq.

Spasiq u arrestua të dielën në pikën kufitare të Merdarës, si i dyshuar për krime lufte kundër popullatës civile gjatë luftës në Kosovë. Sipas njoftimeve nga Prokuroria Speciale dhe Policia e Kosovës, ai dyshohet për përfshirje në krime të kryera më 6 prill 1999 në komunën e Vushtrrisë, në rajonin e Mitrovicës.

Sipas kërkesës së Prokurorisë Speciale, S.S. dyshohet se në bashkëpunim me pjesëtarë të tjerë të uniformuar duke vepruar në grup si zyrtarë të mobilizuar rezervistë aktiv me njësi të përbëra nga Ministria e Punëve të Brendshme e Serbisë.

Ndër të tjera, S.S. dyshohet se më 06.04.1999 në bashkëkryerje, gjatë një aksioni ka plaçkitur, djegur shtëpi, si dhe ka ushtruar dhunë fizike dhe seksuale ndaj civilëve të paarmatosur.

Gjatë fazës së hetimeve janë siguruar prova materiale, përfshirë edhe dëshmi të dëshmitarëve.

The post ​Avokati i të akuzuarit për krime lufte mundohet të arsyetohet për klientin e tij appeared first on Telegrafi.

Një aksident i rëndë komunikacioni ka ndodhur në fshatin Llapushnik të Drenasit, përkatësisht në rrugën Pejë-Prishtinë, si pasojë dy persona kanë humbur jetën.

Rastin e ka konfirmuar drejtori i Klinikës Emergjente, Naser Syla.

Viktimat janë identifikuar me inicialet Sh.G. (i lindur më 1979) dhe A.G. (i lindur më 1979).

Nga përplasja ka mbetur i lënduar rëndë edhe një person tjetër me inicialet F.G. (e lindur më 2006), i cili është dërguar me urgjencë në Qendrën Klinike Universitare të Kosovës (QKUK) dhe ndodhet në gjendje të rëndë shëndetësore.

Lidhur me rastin, Telegrafi ka tentuar të flasë me policinë për të mësuar më shumë rreth rrethanave të aksidentit, por deri në momentin e publikimit të lajmit, nuk ka mundur të marrë përgjigje.

The post Aksident i rëndë në Llapushnik, dy të vdekur dhe një i lënduar rëndë appeared first on Telegrafi.

Dhomat e Specializuara në Hagë të martën do ta rinisin punën, pas pushimit veror, me konferencën përgatitore të mbrojtjes së Thaçit, Veselit, Krasniqit dhe Selimit.

Sipas avokatëve, dëshmitarët e mbrojtjes, që pritet të jenë personalitete të shquara, do t`i përmbysin dëshmitë e dëshmitarëve të prokurorisë. Ndërkohë, nga monitoruesit thuhet se procesi që është tej zgjatur, është shoqëruar me mos transparencë për publikun.

Të martën, Dhomat e Specializuara të Hagës do ta rifillojnë punën pas pushimit veror. Hashim Thaçi, Kadri Veseli, Jakup Krasniqi dhe Rexhep Selimi do të dalin para trupit gjykues në konferencën përgatitore të mbrojtjes.

Ndërkohë, kanë mbetur edhe pesë javë deri në vazhdimin e gjykimit, ku më 15 shtator pritet të fillojë dëshminë, dëshmitari i parë i mbrojtjes.

Pritshmëri të mëdha për dëshmitarët ka avokati i akredituar nga Dhomat e Specializuara, Skënder Musa, sipas të cilit, do të ndryshojë e tërë rrjedha e gjykimit.

“Këta dëshmitarë natyrisht që pres që kanë me i shkatërrua të gjitha pretendimet, të gjitha provat e falsifikuara nga Serbia dhe të gjithë dëshmitarët dhe bashkëpunëtorët e Serbisë që kanë rrejshëm në Tribunalin, në gjykatën e Hagës, pra në gjykatën Speciale për shkak se nuk mund të krahasohet një diplomat evropian apo amerikan, anëtari i NATO-s, anëtari i Bashkimit Evropian apo i Qeverisë amerikane me dëshmitarë që ne i kemi dëgju që kanë fol për humbje të lopëve, humbje të pasurisë kur dihet që ka qenë luftë apo për ndalim të një bashkëpunëtori të Serbisë që ka punu polic, pylltar që i ka shërby shërbimit ushtarak të Serbisë”, tha Musa për RTK.

Ndërkaq, procesin e ka quajtur të stërzgjatur dhe të mbyllur për publikun, monitoruesi Amer Alija nga Fondi për të Drejtën Humanitare. Sipas tij, publiku dhe monitoruesit kanë pak informata për procesin.

“Trupi gjykues duhet ta ketë parasysh që të njëjtit që një kohë të gjatë janë duke qëndruar në paraburgim dhe duhet të merren masa që ky proces të përshpejtohet dhe sa më shpejt të kemi një vendim të shkallës së parë. Tanimë me dëgjimin e të gjithë dëshmitarëve të prokurorisë dhe administrimit të provave materiale nga ana e prokurorisë, sigurisht që shumica e kushteve për caktimin e paraburgimit tanimë kanë përfunduar dhe nuk mund të ekziston mundësia e ndikimit në dëshmitarë të prokurorisë sepse tanimë janë dëgju”, thaksoi ai.

Javën e kaluar, Apeli Ia refuzoi Veselit, Krasniqit dhe Selimit kërkesën për lirim të përkohshëm, ndërkaq u raportua se prokuroria ka kërkuar nga gjykata që t`ia ndalojë Thaçit vizitat nga familjarët dhe bashkëpunëtorët e tij, me arsyetimin se po e informojnë për situatën politike dhe ekonomike në vend.

The post Specialja rinis punën me konferencë përgatitore për ish-krerët e UÇK-së appeared first on Telegrafi.

Policia e Përmetit ka shpëtuar 14 turistë të huaj që kishin mbetur të bllokuar në një pjesë të kanionit të Langaricës, teksa eksploronin më këmbë zonën.

Ata u bllokuan në vendin e quajtur “Ura e Dashit, për shkak të rritjes së nivelit të ujit në lumë nga reshjet e shiut.

Menjëherë pas marrjes së njoftimit, shërbimet e Komisariatit të Policisë Përmet, në bashkëpunim me shërbimet zjarrfikëse dhe ato të zonave të mbrojtura, u nisën drejt zonës ku kishin mbetur të bllokuar turistët dhe bënë të mundur shpëtimin e tyre.

Policia njofton se të gjithë turistët ndodhen në gjendje të mirë shëndetësore.

Ata falënderuan shërbimet e Policisë dhe strukturat e tjera, për përkushtimin dhe humanizmin e treguar, si dhe për ndihmën e dhënë në kohë rekord.

The post U bllokuan 14 turistë të huaj në kanionin e Langaricës në Përmet, shpëtohen nga policia appeared first on Telegrafi.

Thirrjes për të festuar me zemër e jo me armë ende nuk po i përgjigjen pozitivisht një pjesë e konsiderueshme e qytetarëve gjatë ahengjeve familjare.

49 gëzhoja të plumbave të armëve të ndryshme janë gjetur dhe sekuestruar pas një ahengu familjar në Gjakovë.

Në Pejë është arrestuar një person dhe i është konfiskuar pistoleta me gaz, me të cilën ka shtënë gjatë një ahengu familjar.

Në Vushtrri po ashtu është arrestuar dhe më vonë është liruar në procedurë të rregullt, një person tjetër, edhe ky pas të shtënave me pistoletë me gas në ahengun familjar.

Ekspertët e sigurisë thonë se numri i lartë i armëve ilegale dhe përdorimi i tyre është shqetësues, dhe tregon se të dyja fushatat e legalizimi të armëve ndër vite, nuk kanë qenë të suksesshme.

“Nuk ka pasur një fushatë të mirëfilltë edhe një sistem të kompensimit për armën që kthehet, dhe nëse nuk është armë për përdorim personal, ai që e kthen duhet të shpërblehet ose të zvogëlohen taksat tek personat që duan ta kenë në posedim personal armën legale në fazën kur miratohet ligji për legalizim, dhe kjo ka bërë që qytetarët ose ata që janë të papërgjegjshëm të mos e dorëzojnë armën, ta mbajnë armën ilegale dhe të mos i nënshtrohen harxhimeve ku ta di unë taksave, ku kap shumë diku gati 300-400 me provim e me ato testime”, ka thënë eksperti i sigurisë,  Nuredin Ibishi.

Ibishi thotë se edhe zinxhiri, Polici, Prokurori dhe Gjykatë, nuk është në nivelin e duhur të bashkëpunimit e të efikasitetit.

“Bartja e armës është një indikator që shpie deri tek fataliteti edhe këtë duhet në mënyrë urgjente, edhe Policia në bashkëpunim me Prokurori dhe Gjykata në shqiptin e masave dhe sanksioneve, të jetë shumë më e rreptë edhe kjo dukuri të zhduket një herë e përgjithmonë. Kjo në ahengje duke u thirr në atë aspektin e traditës të rreme që kjo fare nuk ka të bëjë me atë, jemi në një situatë tjetër, kjo është e tmerrshme”, ka shtuar Ibishi.

Kodi penal i Republikës së Kosovës, për posedim ose shitje ilegale të armëve, parasheh gjobë deri në 7500 euro, e dënim nga minimumi deri 10 vjet burgim.

Viteve të kaluara, vetë Ministria e Punëve të Brendshme kishte konstatuar se llogaritet që në duart e qytetarëve janë rreth 250 mijë armë ilegale. Me një përllogaritje të shpejtë mesatarisht i bie që çdo i teti qytetar e posedon një armë ilegale.

Në anën tjetër në raportin 24-orësh i Policisë, ka edhe raste të tjera që ndërlidhen me armë e ku tregohet se janë gjetur e konfiskuar gati 150 plumba të kalibrave të ndryshëm, AK-47 ose kallashnikov, 2 pistoleta, njëra me gas, 3 thika, pushkë automatike, pushkë ajrore, rroba ushtarake, emblema, maskë e çantë ushtarake, sprej, radiolidhje.

Për armëmbajtje pa leje, në raportin 24 orësh të Policisë figuron i arrestuar një person tjetër në Podujevë, në Ferizaj dy personave që e kishin sulmuar një tjetër iu është gjetur një kallash me dy karikatorë. Në Prizren, pas shkrepjes së armës nga një person i panjohur Policia ka gjetur dhe sekuestruar 36 gëzhoja dhe 4 predha. Rasti nën hetime.

Makina e një personi tjetër gjatë lëvizjes nëpër Skënderaj është goditur nga një plumb qorr, në një rast tjetër në të njëjtin qytet një personi tjetër i është gjetur dhe sekuestruar një pistoletë me gaz, me karikator dhe thikë.

Edhe në Vermicë në Prizren një person është arrestuar dhe dërguar në mbajtje sepse në veturën e tij janë gjetur dhe janë sekuestruar një pushke automatike, 3 karikatorë me 68 plumba, një pistoletë me karikator me 20 fishekë, një pushke ajrore me 10 fishekë, dy thika, një palë rroba ushtarake pa shenja(emblema), nje maskë ushtarake, dhe një çantë ushtarake.

Në Glloboqicë, në skaj të Kaçanikut një personi tjetër që është arrestuar e më pas liruar në procedurë të rregullt i janë gjetur shtatë fishekë, një sprej dhe një radio lidhje.

Puna 24 orëshe e Policisë së Kosovës përmbyllet me konfiskimin e një pistolete me 8 fishekë, pas arrestimit të 13 të dyshuarve për organizim të skemave piramidale dhe armëmbajtja pa leje në Deçan.

The post Gati 150 plumba, dhjetëra armë, thika e pajisje ushtarake të konfiskuara për 24-orë, flasin ekspertët appeared first on Telegrafi.

Ekonomisti Adem Qorrolli ka komentuar vendimin e KEDS-it për të nisur shkyçjen nga rrjeti të qindra kompanive që nuk kanë nënshkruar kontrata furnizimi me energji.

Në një paraqitje në FIVE të TV Dukagjinit, Qorrolli ka thënë se ky veprim jo vetëm që cenon bizneset vendore, por rrezikon mijëra vende pune dhe forcon monopolizimin e tregut energjetik në Kosovë.

“Bizneset nuk e kanë refuzuar pjesën e kyçjes në tregun e hapur. E kamë thënë edhe një 100 herë. Por jo të blejnë vetëm në një biznes. Dhe jo të bëjmë vetëm të një oligark. Më të vërtetë, KEDS dhe KESCO është oligark, sepse përderisa shteti ia siguron fitimin, nga KEK-u blen 29 euro dhe më faturon mua si person fizik 80 dhe biznese të mija 200 e më shumë. Më të vërtet shteti po i thotë ia ku e ke shitjen e sigurt, merr sa dush, fito sa dush. Ne kemi të bëjmë me një lider që nuk dëshiron të dëgjoj gjuhën një të varfëri, që është duke mbijetuar në Kosovë. Nuk është duke dëgjuar një biznes familjar, që me mund e shumë sakrificë, me të ardhurat nga remitencat dhe disa kredi të vogla ka arritur t’i ketë 50 ose 100 punëtor. Pa marrë parasysh nivelin ne kemi kontroller, të ndryshëm që mund t’i bëjnë vërejtje bizneset, por jo ta mbyllim kur ai e ka rrymën zero…”, ka thënë

Sipas tij, pas këtij vendimi fshihet nevoja e qeverisë për të rritur të hyrat buxhetore, pasi konsumi ka rënë, migrimi është rritur, inflacioni është i lartë dhe fuqia blerëse pothuajse nuk ekziston.

“Kjo qeveri ka kuadro të dobëta, për ta qeverisur vendin. Tashmë me këtë vendim që hapur janë pro mbylljes së bizneseve në Kosovë. Këta nuk i duan këto biznese, këta duan që automatikisht t’i shkatërrojë ose detyrojnë të ri paguajnë me shumat totale të mëdha. Që në buxhet të dalin mjaftueshëm më rritje, sepse konsumi ka ra, migrimi ka ra, inflacioni i lartë dhe fuqia blerëse nuk ekziston, dhe nuk kemi më mbushës të buxhetit. Dhe ata që po rrinë po paguajnë mbi çmimin e mundshëm”, ka shtuar Qorrolli.

The post Qorrlli: Qeveria po përkrah oligarkët e energjisë, po i shkatërrojnë bizneset vendore appeared first on Telegrafi.

Një nga mediat më prestigjioze në Britaninë e Madhe, “The Telegraph”, i ka kushtuar një artikull të gjatë klanit kriminal shqiptar Çela–Çopja, duke e cilësuar si një nga sindikatat më të fuqishme të trafikut të kokainës në të gjithë kontinentin evropian.

Ky grup kriminal u godit një javë më parë nga SPAK me 15 urdhër-arreste të lëshuara dhe 6 prej të cilëve vijojnë të jenë në kërkim. Ky rrjet trafiku u zbulua pas zbërthimit të bisedave nga aplikacioni Sky Ecc.

Sipas artikullit, i cili i referohet edhe SPAK, ky grup i strukturuar kriminal ka arritur të diktojë deri edhe çmimin e kokainës në Evropë, duke kontrabanduar sasi të mëdha të lëndës narkotike nga Amerika Latine drejt porteve kryesore të Bashkimit Evropian.

Një kilogram kokainë në Mbretërinë e Bashkuar vlerësohet të kushtojë rreth 40,000 paund, krahasuar me 20,000 paund në Evropë.

Por ajo që vërtet ka tronditur autoritetet, janë përgjimet e zbuluara pas zbërthimit në platformën e enkriptuar të komunikimit Sky Ecc, ku krerët e grupit Franc Çopja, 33 vjeç, dhe Ervis Çela, 41 vjeç flisnin hapur për trafikun e kokainës, fshehjen e parave dhe investimet e tyre në pasuri të paluajtshme e ferma në Amerikën Latine.

Në një bisedë të përgjuar më 12 dhjetor të vitit 2020, Ervis Çela i shkruante Franc Çopjës se kishte plan për të fshehur paratë e pista nën tokë, në një plantacion me 200 rrënjë ullinj në Shqipëri.

Megjithatë, Çopja e paralajmëroi se kartëmonedhat do të kalbeshin nën tokë dhe e nxiti të këmbehej në shufra ari.

“S’ka ar… Duhet të grabis një bankë… Duhet ta porosis nga Afrika”, i përgjigjet më tej Çela.

Biseda më pas kaloi tek orët luksoze dhe tokat bujqësore. Po në të njëjtën ditë, ata komunikojnë sërish ku Çela paraqiti planet për të blerë dy ferma në Paraguai për 10 milionë paund, një investim që sipas tij do të sillte 1.8 milionë paund në vit.

Në një bisedë të ndarë me vëllain e tij në Sky ECC në nëntor 2020, Çela shkroi se 800,000 paund që i duhej nga një nga trafikantët e tyre po vonoheshin “për shkak të një rënieje në tregun e Britanisë së Madhe”.

Sipas aktakuzës prej 282 faqesh të lëshuar nga SPAK më 8 gusht, karteli dyshohet se ka tentuar të trafikojë 28 tonë kokainë gjatë viteve 2020–2021, përmes mallrave të fshehura në kuti sapuni, kanaçe boje dhe ngjitës industrial.

Një nga kapjet më të mëdha ndodhi më 12 shkurt 2021, kur 16.4 ton kokainë me pastërti të lartë, me vlerë në treg prej 3 miliardë paund, u sekuestrua në portet e Hamburgut dhe Anversës, një prej rasteve më të mëdha të konfiskimit të drogës në historinë e Evropës. (A2 Televizion)

The post Komunikimet e klanit Çopja-Çela, “The Telegraph”: Mafia shqiptare ndikonte çmimin e kokainës në Evropë appeared first on Telegrafi.

Kryetari i Lidhjes Demokratike të Kosovës (LDK), Lumir Abdixhiku, ka reaguar pas vendimit të Gjykatës Kushtetuese, duke e cilësuar atë si konfirmim të qëndrimeve të hershme të partisë së tij për bllokimin e institucioneve nga Lëvizja Vetëvendosje dhe Kryesuesi i Kuvendit.

“Siç edhe pritej, për secilin me mendje institucionale, Gjykata Kushtetuese sot vërtetoi qëndrimin e LDK-së – insistimin tonë të hershëm – se veprimet e Kryesuesit të Kuvendit dhe Lëvizjes Vetëvendosje përbënin shkelje flagrante të Kushtetutës, duke rezultuar në bllokimin e institucioneve të vendit”, tha Abdixhiku.

Ai kujtoi se për 48 herë rresht, sipas tij një rekord i turpshëm në historinë parlamentare, procesi i zgjedhjes së kryetarit dhe nënkryetarëve të Kuvendit ishte penguar përmes procedurave të jashtëligjshme.

Sipas Abdixhikut, vendimi i Kushtetueses ka riafirmuar qartë se as Kryesuesi më i moshuar e as partia më e madhe nuk kanë të drejtë të veprojnë jashtë Kushtetutës apo të shpikin procedura që minojnë demokracinë dhe ligjshmërinë.

Ai shtoi se aktgjykimi është një fitore e madhe jo vetëm për LDK-në, por për Republikën e Kosovës dhe çdo qytetar që kërkon institucione funksionale e të ndershme.

“Mbi Kushtetutë nuk ngrihet askush. Mosrespektimi i këtij vendimi nuk është opsion”, përfundoi Abdixhiku.

The post Abdixhiku: Gjykata Kushtetuese vërtetoi se veprimet e LVV-së ishin shkelje flagrante të Kushtetutës appeared first on Telegrafi.

Ministrja në detyrë e Drejtësisë, Albulena Haxhiu ka pritur që pas konferencës së presidentes Vjosa Osmani, në të cilën njoftoi s’e e ka tërhequr kërkesën që ia kishte dërguar Gjykatës Kushtetuese për çështjen që ndërlidhet me konstituimin  e Kuvendit, kjo gjykatë do të inicionte procedurën për shkarkimin e gjyqtarit Radomir Llaban.

Këtë pritje, ajo e ka shprehur në një konferencë për media më 10 gusht 2025. Megjithatë, procedurat për shkarkimin e një gjyqtari të Gjykatës Kushtetuese janë të përcaktuara qartë dhe kërkojnë përmbushjen e disa kushteve paraprake.

Sipas Ligjit për Gjykatën Kushtetuese, procedura e shkarkimit të një gjyqtari mbështetet në nenin 118 të Kushtetutës së Kosovës, i cili thekson se: “Gjyqtarët e Gjykatës Kushtetuese mund të shkarkohen nga Presidenti i Republikës së Kosovës me propozimin e dy të tretave (2/3) të gjyqtarëve të Gjykatës Kushtetuese, vetëm për kryerjen e krimeve të rënda ose për mospërfillje të rëndë të detyrave”.

Në këtë kontekst, njohësit e fushës juridike sqarojnë se shkarkimi i një gjyqtari kushtetues mund të iniciohet vetëm në rast se ka një vendim gjyqësor të formës së prerë për kryerjen e një vepre penale të rëndë, ose nëse provohet mospërfillje serioze e detyrave zyrtare nga ana e gjyqtarit.

Vullnet Bugaqku, hulumtues i lartë në Institutin Demokratik të Kosovës tregon se një gjyqtar kushtetues mund të shkarkohet nëse kryen krim të rëndë sipas Kodit Penal, kryen mospërfillje të rëndë të detyrave të gjyqtarit, humb përhershëm aftësinë e veprimit e cila duhet konstatuar nga gjykata kompetente apo nëse ka ndonjë sëmundje apo problem tjetër shëndetësor që e bën të pamundur ushtrimin e përgjegjësive.

“Shkarkimi mund të propozohet nëpërmjet një dokumenti të shkruar, ku paraqiten arsyet për shkarkim, i cili nënshkruhet nga një ose më shumë gjyqtarë dhe i dorëzohet Kryetarit/es. Dokumentet që përmbajnë çfarëdo fakti të rëndësishëm, duhet t’i bashkëngjiten propozimit për shkarkim. Propozimi për shkarkim duhet të jetë konfidencial dhe të gjithë gjyqtaret duhet të njoftohen me të sa më shpejtë që të jetë e mundur. Kryetari/ja njofton me shkrim gjyqtarin/en e propozuar për shkarkim mbi bazën e propozimit për shkarkim dhe i jep gjyqtarit/es përkatës/e propozimin me shkrim për shkarkim dhe të gjitha faktet relevante të bashkëngjitura” – shpjegon mes tjerash Bugaqku.

Në këtë linjë, avokati Ardian Bajraktari tregon se pas kësaj procedure mbahet takimi konfidencial i gjyqtarëve, ku merr pjesë edhe gjyqtari përkatës dhe aty diskutohet çështja e shkarkimit.

Gjyqtari për të cilin iniciohet shkarkimi, siç sqaron ai, në këtë takim ka të drejtë të përgjigjet ndaj propozimit për shkarkim dhe të paraqes shpjegime ose informacione apo edhe t’u përgjigjet pyetjeve të gjyqtarëve.

“Më pas gjyqtarët mbajnë takim tjetër- po ashtu konfidencial- nga i cili përjashtohet gjyqtari/ja i/ e propozuar për shkarkim. Vlen të ceket se kuorumin për këtë mbledhje do ta përbejnë të gjithë gjyqtarët e mbetur. Në këtë takim, Gjykata përcakton nëse do t’ia propozojnë ose jo shkarkimin Presidentit/es shkarkimin e gjyqtarit/es” – ka shpjeguar avokati Bajraktari për Kallxo.

Bugaqku në anën tjetër tregon se nëse propozohet Kryetari i gjykatës për shkarkim, njoftimin e merr nga zëvendëskryetari i gjykatës, dhe pastaj mbahet takimi i gjyqtarëve.

“Në këtë takim, Gjykata përcakton nëse do t’ia propozojnë këtë shkarkim Presidentit/es të/së Republikës së Kosovës. Kryetari/ja e Gjykatës e kryeson këtë takim dhe diskutimet e gjyqtarëve mbeten konfidenciale. Nëse Kryetari/ja e Gjykatës propozohet për shkarkim, mbledhjen e kryeson Zëvendeskryetari/ja i/ e Gjykatës. Për t’i propozuar shkarkimin Presidentit/es të/së Republikës së Kosovës, propozimi për shkarkim duhet të votohet pozitivisht nga dy të tretat (2/3) e të gjithë gjyqtarëve të mbetur të Gjykatës. Të gjithë gjyqtarët e mbetur duhet të jenë të pranishëm dhe të votojnë” – ka shpjeguar Bugaqku, duke shtuar se abstenimi nuk lejohet.

Avokati Bajraktari, në anën tjetër shpjegon se në rastin e tanishëm të Gjykatës Kushtetuese, nëse shkarkohet ndonjë gjyqtar, kjo gjykatë do të paralizohej.

“Vlen të ceket se shkarkimi eventual i cilitdo gjyqtar të Gjykatës Kushtetuese, aktualisht do ta paralizonte punën e kësaj gjykatë, bazuar në faktin se kuorumin e gjykatës e përbejnë 7 gjyqtarë, po aq sa ka aktualisht Gjykata Kushtetuese” – ka deklaruar ai.

Sipas Bugaqkut pa u plotësuar kushtet që kërkohen nga Kushtetuta, nuk ka bazë për shkarkimin e një gjyqtari.

“Pa u plotësuar kushtet sipas asaj që kërkohet nga neni 118 i Kushtetutës, pra dënimi i formës së prerë ose cenimi i rendë i detyrave të punës atëherë nuk ka bazë me iniciuar shkarkimin e tij” – ka thënë Bugaqku.

Presidentja e Kosovës, Vjosa Osmani, ka njoftuar se e ka tërhequr kërkesën që ia kishte parashtruar Gjykatës Kushtetuese më 22.07.2025, në lidhje me konstituimin e Kuvendit të Kosovës, pasi sipas saj, gjyqtar raportues i lëndës është caktuar Radomir Llaban, i cili sipas saj, ka veprimtari që paraqet rrezik për rendin kushtetues në Kosovë.

“Ju njoftoj se sot në përputhje me Ligjin per Gjykatën Kushtetuese, kam tërhequr kërkesën të paraqitur më 22 korrik 2025. Këtë e kam bërë si reagim të menjëhershëm ndaj informatës tashmë të konfirmuar se si gjyqtar raportues në këtë kërkesë është caktuar gjyqtari Radomir Llaban, për vepritmarinë e rrezikshme të të cilit në vitet 2018, 2021, 2024 institucionet tona të sigurisë kanë dorëzuar informacione të qarta dhe zyrtare” – ka thënë Osmani më 05.08.2025

“Rasti që kam adresuar në Gjykatën Kushtetuese ka të bëjë pikërisht me mbrojtjen e rendit kushtetues dhe ka të bëjë me çështje të tjera, siç është funksionimi demokratik i institucioneve. Kryetari i Gjykatës Kushtetuese ka diskrecion të plotë të vendosë se cili rast t’i caktohet cilit gjyqtar. Kërkesa jonë ka të bëjë me çështje thelbësore të rendit kushtetues, prandaj është shqetësuese se si një gjyqtar për të cilin institucionet tona të sigurisë zyrtarisht kanë dorëzuar informata se e rrezikon shtetin tonë, t’i lihet në dorë ta përcaktojë fatin e rendit tonë kushtetues” – ka deklaruar Osmani para gazetarëve.

Osmani nuk ka dhënë detaje konkrete për veprimet e pretenduara të gjyqtarit Llaban, por ka thënë se informatat për veprimtarinë e tij janë dorëzuar në vitin 2018, 2021 dhe 2024, nga udhëheqës të ndryshëm të institucioneve të sigurisë në Kosovë.

“Kjo nuk ka të bëjë me vlerësimet apo perceptimet e mia si presidente e Republikës, por ka të bëjë me informata zyrtare të institucioneve tona të sigurisë që i kanë dorëzuar para institucioneve të tjera tri herë radhazi. Njëherë i kanë dorëzuar në vitin 2018, njëherë në vitin 2021 dhe në vitin 2024, nga tre udhëheqës të ndryshëm të institucioneve të sigurisë” – ka thënë ajo.

“Për ne është shqetësuese se si përkundër ndarjes së informatave me Gjykatën Kushtetuese, pikërisht në rastin ndoshta më të rëndësishëm të dekadës, të caktohet gjyqtari për të cilin ka informata të tilla. Raportet e vitit 2021 dhe 2024 flasin për veprimtari të tij që ka të bëjë me rrezikimin e rendit kushtetues të Kosovës dhe rrezikim të sigurisë kombëtare të Kosovës. Pra po flasim për veprime të tij kundër Kosovës”, ka deklaruar ajo.

Ministrja në detyrë e Drejtësisë, Albulena Haxhiu, ka thënë se bazuar në informatat e institucioneve të sigurisë, gjyqtari i Gjykatës Kushtetuese, Radomis Llaban është bashkëpunëtor i BIA-s serbe dhe i afërt me Milan Radoiçiqin.

Në një konferencë për media, Haxhiu ka thënë se Llaban ka qenë edhe i përfshirë në planin e Serbisë për ndërhyrje në zgjedhje në Kosovë.

“Llaban ka raporte shumë të afërta me Milan Radoiçiqin, pra kryeterroristin e rastit në Banjska, ku u vra Afrim Bunjaku. Në saje të këtyre raporteve të hershme, Llaban ka përfituar si prona të paluajtshme ashtu edhe punësimin e familjarëve të tij” – ka thënë Haxhiu.

“Nga ajo që dimë, Llaban nuk ka vetëm njohje me Radoiçiqin, por edhe me pjesëmarrësin tjetër në Banjska, Vladimir Radojeviq i njohur me nofkën ‘Mami’, njëri prej miqve më të mirë të Radoiçiqit. Me urdhër të Radoiçiqit, Radomir Llaban ka qenë i përfshirë drejtpërdrejt në realizimin e planit të Serbisë për ndërhyrje në zgjedhjet e Kosovës. Për këtë qëllim ai ka shfrytëzuar edhe motrën e tij, Gordana, e cila në dhjetor të vitit 2020 ishte emëruar anëtare te KQZ-së”- ka shtuar Haxhiu.

Tutje Haxhiu ka thënë se në vitin 2006, Llaban ka qenë pjesë e Doganave të Serbisë. Sipas saj, ai ishte përfshirë në aktivitete kriminale dhe korrupsion, për çka ishte dënuar me 6 vite heqje lirie. Sipas Haxhiut, kjo ka mundur të jetë koha kur Llabanit ia ka organizuar BIA zhvendosjen në Kosovë.

“Llaban ka ushtruar ndikimin edhe për sigurimin e shumicës së votave të nevojshme për 10 mandatet e rezervuara për serbët, që ato t’i marrë Lista Serbe. Në vitin 2013 Ministria për Kthim e udhëhequr në atë kohë nga Lista Serbe ia kishte ndarë Llabanit një banesë në Graçanicë, në vitin 2023 ai përfitoi nga Serbia një banesë në Mitrovicë nga institucioni ilegal i ashtuquajtur “organ i përkohshëm komunal” i Mitrovicës. Institucionet tona kanë dëshmi se edhe aktualisht Radomir Llaban përfiton të ardhura nga buxheti i Serbisë” – ka thënë ndër të tjera Haxhiu.

Gjykata Kushtetuese e Kosovës ka dalë me një sqarim për tërheqjes së kërkesës së dorëzuar nga presidentja Vjosa Osmani në këtë gjykatë me arsyetimin se raportues i lëndës është caktuar gjyqtari Radomir Llaban.

Kushtetuesja ka shpjeguar se ndarja e lëndëve bëhet në bazë të rregullave procedurale, të cilat i “respekton me përpikëri”.

“Gjykata Kushtetuese, si organ kolegjial, vendimet e saj i merr në përbërje të plotë. Në këtë kontekst, është e drejtë e palëve para Gjykatës që të kërkojnë tërheqjen e kërkesave të parashtruara, të cilat Gjykata Kushtetuese i trajton bazuar në Kushtetutë, Ligjin për Gjykatën Kushtetuese dhe Rregulloren e saj të punës” – thuhet mes tjerash në njoftimin e GjK-së, më 06.08.2025.

Për gjyqtarin Llaban, Gjykata ka konfirmuar se ai ka qenë i punësuar aty që nga viti 2011 në pozitën e Këshilltar juridik dhe që nga 09.08.2018 është gjyqtar.

“Pasi i është nënshtruar të gjitha procedurave kushtetuese e ligjore, për propozimin e tij nga Kuvendi i Republikës së Kosovës dhe dekretimit nga Presidenti i Republikës së Kosovës. Në anën tjetër, procedurat për shkarkimin e gjyqtarëve janë të përcaktuara qartë në Kushtetutë” – thuhet tutje në njoftim.

Për çështjen e gjyqtarit Llaban ka shkruar edhe deputeti i Partisë Demokratike të Kosovës, Abelard Tahiri, më 11.08.2025.

Tahiri ka përkujtuar se Llaban ka qenë gjyqtar raportues kur PDK e ka kundërshtuar seancën në të cilën u zgjodhën: Guvernatori i Bankës Qendrore, anëtarët e Bordit të ZRRE-së, Kryesuesi dhe një anëtar i bordit të AKP-së, si dhe Kryesuesi dhe anëtarët e Bordit të Fondit të Kursimeve Personale.

“Si gjyqtar raportues, Llaban e rrëzoi kërkesën e GP të PDK-së, duke legjitimuar kështu seancën ku Vetëvendosje zgjodhi drejtuesit e këtyre institucioneve. Atëherë kur Vetëvendosje dëshiron të sistemojë jashtëligjshëm anëtarë të saj në borde e pozita kyçe, vendimet e Radomir Llabanit i respektojnë dhe i lavdërojnë” – ka shkruar Tahiri, raporton Kallxo.

The post “Rasti Llaban”- Kur përmbushën kushtet për nisjen e procedurës së shkarkimit të një gjyqtari kushtetues? appeared first on Telegrafi.

Njohësi i teologjisë islame, doktor Tarek Elgawhary është shprehur se radikalizmi ismalik dhe rekrutimi më i madh ndodh në platforma online.

Ai theksoi se për të luftuar këtë dukuri duhet më shumë prezencë online.

“Një nga çështjet më të mëdha është radikalizimi në internet. Sepse shumë nga radikalizimi — për të qenë i sinqertë — dhe rekrutimi ndodh në internet”.

“Duhet të jemi shumë më aktivë online (për të parandaluar e luftuar)”- shtoi ai.

Elgawhary theksoi se duhet të flasim për radikalizimin përpara se të flasim për deradikalizimin.

“Nëse flasim vetëm për deradikalizim, është shumë vonë. Duhet të kthehemi te baza. Si flitet për fenë në xhamitë tona, në shkollat tona, në shtëpitë tona? A e shohim sheikun apo imamin — qoftë burrë apo grua — si dikë që e besojmë, që na ndihmon, që na ngrit shpirtërisht, si një baba apo nënë shpirtërore? Gjithçka kthehet te mënyra se si mësohet islami”- potencoi më tej ai.

Më tej ai theksoi se mënyra e drejtë për të mësuar islamin është të paraqesim një islam plural, pranues, “që respekton dinjitetin dhe vlerat e çdo individi, qoftë ai besimtar apo jobesimtar”.

“Kurani thotë: “Ne e kemi nderuar birin e Ademit” — pavarësisht se çfarë beson ai”-  u shpreh ai në KallxoPernime.

Tarek Elgawhary,  në organizimin e Zyrës së Presidentes ka mbajtur një seri ligjëratash në Kosovë për të ndihmuar institucionet në kuptimin e islamit dhe sfidave që lidhen me radikalizmin.

Elgawhary jeton në Uashington dhe drejton Qendrën Islame të Potomac. Elgawhary është gjithashtu themelues i organizatës “Understanding Islam” (Të kuptuarit e islamit), e cila ka selinë në Aman të Jordanisë.

The post Njohësi i fesë islame: Radikalizmi islamik dhe rekrutimi ndodh kryesisht online appeared first on Telegrafi.

Java e ardhshme pritet të karakterizohet me mot të ndryshueshëm.

Parashihen reshje shiu të shoqëruar me vetëtima dhe bubullima.

Në fushat termike parashihet një rënie graduale e temperaturave.

Era do të fryjë kryesisht nga verilindja dhe veriperëndimi, me intensitet të dobët deri mesatar, ndërsa lokalisht mund të jetë edhe e fortë.

E hënë

Mot me diell dhe vranësira të çrregullta. Vranësirat gjatë ditës parashihen të shoqërohen me riga shiu dhe shkarkime rrufesh.

Temperaturat minimale do të varriojnë nga 14 deri në 18 gradë Celsius, ndërsa ato maksimale nga 25 deri në 27.

gradë Celsius. Era do të fryjë e lehtë dhe lokalisht e fortë nga veriperëndimi.

E martë

Mot me diell dhe vranësira të shpërndara. Në disa zona të kufizuara parashihen riga shiu.

Temperaturat minimale do të luhaten ndërmjet 12 deri në 15 gradë Celsius, ndërsa ato maksimale 25 deri në 30 gradë Celsius. Era do të fryjë nga veriperëndimi, me shpejtësi një deri në pesë metra në sekondë.

E mërkurë

Mot me diell dhe vranësira të pakta, kryesisht rreth relievit malor. Temperaturat minimale do të variojnë nga 10 deri në 13 gradë Celsius, ndërsa maksimalet nga 29 deri në 32 gradë Celsius.

Era do të fryjë kryesisht nga verilindja, me shpejtësi një deri në katër metra për sekondë.

E enjte

Mot kryesisht me diell. Temperaturat minimale do të luhaten ndërmjet 11 e 15 gradë Celsius, ndërsa temperaturat maksimale nga 29 deri në 33 gradë Celsius.

Era do të fryjë nga verilindja me shpejtësi një deri në katër metër për sekondë.

E premte

Mot me diell dhe vranësira të shpërndara. Vranësirat në pjesën e dytë parashihen të dendësohen duke krijuar kushte që vende-vende të shoqërohen me reshje shiu dhe shkarkime rrufesh.

Temperaturat minimale do të jenë 13 deri në 17 gradë Celsius, ndërsa maksimalet nga 29 deri në 33 gradë Celsius.

Era do të fryjë e lehtë dhe lokalisht e fortë nga veriperëndimi, thuhet në parashikimin e motit nga Instituti Hidrometeorologjik i Kosovës.

The post Shi e bubullima, ndryshojnë temperaturat në Kosovë appeared first on Telegrafi.

Gjykata e Korçës ka dhënë pasditen e së dielës masat e sigurisë për 8 të arrestuarit lidhur me vrasjen me thikë të 14-vjeçarit Erald Xhejo.

Togat e zeza vendosën që të lënë në qeli autorin e dyshuar, 14-vjeçarin Enedio Guri, së bashku me babain dhe xhaxhain e tij, të cilët u arrestuan me masën e sigurisë “arrest me burg”.

Florian Çela, shoku i autorit, u la në “arrest shtëpie”, ndërsa katër të miturit dëshmitarë në vendngjarje janë lënë nën masën e mbikëqyrjes prindërore.

Avokati Ledjan Spaho pas seancës së masës së sigurisë është shprehur se 14-vjeçari Enedio Guri ka shprehur pendesë në lidhje me ngjarjen.

“I mbrojturi nga unë shprehu pendesë, duke thënë se nuk dëshironte që të ndodhte kjo pasojë dhe se nuk kishte dijeni që veprimet e tij do të sillnin një rezultat të tillë. Ai shprehu ngushëllimet për familjen. Të njëjtën gjë deklaroi edhe babai i të miturit, i cili tha se “na vjen keq”. Gjykata vendosi që ai të jetë me masën e arrestit në burg. Kjo pasojë, e shkaktuar nga një konflikt i çastit, u vlerësua e rëndësishme nga gjykata, edhe pse është fëmijë; po ashtu, arresti u vendos edhe për babain dhe xhaxhain. Për të miturit e tjerë, gjykata vendosi që arrestimi ishte jo i ligjshëm, por u caktua mbikëqyrja nga prindërit dhe paraqitja periodike para gjykatës, – tha avokati.

Policia e Korçës arrestoi tetë persona në lidhje me vrasjen me thikë të 14-vjeçarit Erald Xhejo, ngjarje e ndodhur në një lokal në fshatin Pirg, Maliq ndërsa akuzat ndaj tyre janë si më poshtë:

Enedio Guri, 14 vjeç, banues në fshatin Leminot, është autori i dyshuar i vrasjes së 14-vjeçarit E.XH. Pas kryerjes së krimit, ai tentoi të largohej me automjet nga vendi i ngjarjes. Akuzohet për “Vrasje me dashje” dhe “Drejtim automjeti në mënyrë të parregullt”.

Edison Guri, babai i autorit të dyshuar, dhe Roland Guri, xhaxhai i tij, akuzohen për “Veprime që pengojnë zbulimin e së vërtetës”, pasi dyshohet se kanë fshehur mjetin prerës (thikën) me të cilin u krye krimi.

Florian Çela akuzohet për “Moskallëzim krimi”, pasi ishte i pranishëm gjatë konfliktit dhe dyshohet se tentoi të largohej nga vendi i ngjarjes me të njëjtin automjet ku ndodhej edhe 14-vjeçari E.G.

Katër të miturit, banues në fshatin Zvirinë, akuzohen për “Moskallëzim krimi” dhe “Veprime që pengojnë zbulimin e së vërtetës”, pasi ishin të pranishëm gjatë konfliktit dhe dyshohet se përmes deklarimeve në polici kanë tentuar të pengojnë zbulimin e së vërtetës.

Ngjarja ndodhi pas një sherri për motive të dobëta. Vetë autori i dyshuar mbeti i lënduar nga mjeti prerës gjatë konfliktit, por mori ndihmën mjekësore të nevojshme dhe u largua nga spitali ditën e djeshme.

The post Vrasja e 14-vjeçarit në Maliq, gjykata vendos për tetë të arrestuarit appeared first on Telegrafi.

Nëntëdhjetë për qind e bizneseve janë shkyçur më 16 gusht nga furnizimi me energji elektrike, ndërsa pjesa tjetër e mbetur do të shkyçen gjatë ditëve të ardhshme.

Lulzim Krasniqi nga KEDS ka thënë për KosovaPress se gjatë ditës së sotme nuk ka pasur shkyçje të bizneseve nga rrjeti energjetik pasi është ditë pushimi, por një gjë e tillë do të vazhdojë javën tjetër.

“Shumica e mbi 1400 njehsorëve elektrikë, të identifikuar si prona të kompanive, janë shkyçur gjatë ditës së djeshme, janë diku 90 për qind e atyre janë shkyçur. Pjesa tjetër e mbetur do të shkyçen në ditët në vijim, nëse nuk arrijnë marrëveshje me ndonjë nga furnizuesit e licencuar nga ZREE-ja”, ka thënë ai.

Pas vendimit të Gjykatës Komerciale, Dhoma e Shkallës së Dytë dhe njoftimit të pranuar nga Zyra e Rregullatorit të Energjisë, KEDS ka njoftuar bizneset që nuk kanë lidhur kontrata se do të detyrohen të zbatojnë vendimet duke paralajmëruar se mosveprimi do të rezultojë në shkyçje nga rrjeti duke filluar nga data 16 gusht.

KEDS ka theksuar se e ka të ndaluar ligjërisht të lejojë vazhdimin e furnizimit me energji elektrike për konsumatorët që nuk kanë marrëveshje të vlefshme me një furnizues të licencuar.

Dhoma e Tregtisë dhe Industrisë Kosovë përmes një reagimi ka thënë se procesi ka një mori shkeljesh ligjore dhe procedural, derisa ka apeluar Qeverinë e Kosovës dhe ZRRE-në që të pezullojnë menjëherë zbatimin e vendimit dhe të hapin një proces të rishqyrtimit transparent.

“Ne ritheksojmë se forma e zgjedhur nga ZRRE, e përkrahur në heshtje nga të gjitha institucionet relevante, do të shkaktojë pasoja të rënda për ekonominë e vendit, përfshirë rritje të ndjeshme të çmimit të energjisë elektrike, rritje të çmimit të produkteve, rrezikimin e mijëra vendeve të punës, uljen e prodhimit vendor dhe mbytjen e tij nga importet që po rriten çdo ditë dhe mbylljen e një numri të madh veprimtarish biznesore”, thuhet në reagimin e DhTIK.

Se do ta vazhdojnë betejën ligjore ndaj Zyrës së Rregullatorit të Energjisë Elektrike (ZRrE), kanë thënë edhe nga Oda Ekonomike e Kosovës duke paralajmëruar mundësinë e ngritjes së çështjes në Gjykatën Supreme dhe nëse është e nevojshme, edhe në atë Kushtetuese.

Shkyçjen e qindra bizneseve nga rrjeti i furnizimit me energji elektrike nga KEDS e ka quajtur persekutim Lidhja Demokratike e Kosovës (LDK) teksa kjo parti i bëri thirrje Prokurorisë Speciale që të merret sa më parë me institucione siç janë Zyra e Rregullatorit të Energjisë dhe asessi të mos mbetet e pa ndëshkuar.

Ndërsa Partia Demokratike e Kosovës shkyçjene bizneseve nga rrjeti i energjisë elektrike e ka cilësuar si një katastrofë kombëtare ekonomike duke theksuar se kjo situatë rrezikon mbi 100 mijë familje në Kosovë, për shkak të mungesës së furnizimit me energji dhe ndërprerjes së aktivitetit ekonomik të bizneseve.

Reagime ka pasur edhe nga Aleanca për Ardhmërinë e Kosovës e cila ka theksuar se bizneset e Kosovës kanë mbetur në mëshirë të mafisë energjetike.

The post ​Vendimi i ZRRE-së, deri më tash janë shkyçur 90 për qind e bizneseve nga rrjeti elektrik appeared first on Telegrafi.

Những điểm đặc biệt trong Short Deck Poker ít người biết

Trong trò chơi Hold’em Short Deck Poker, một sảnh sẽ đánh bại một bộ ba. Các lá bài Át vẫn được tính ở cả sảnh cao và thấp, vì vậy bộ sảnh thấp mà chúng hoàn thành là bộ có từ lá Át đến chín (A-6-7-8-9).
Giống như trò chơi hold’em thông thường, trong Short Deck có bốn vòng cược và mỗi người chơi sẽ tạo ra năm lá bài tốt nhất của mình từ bất kỳ sự kết hợp nào giữa hai lá bài tẩy và năm lá bài chung.

Vòng cược đầu tiên (Preflop) trong Short Deck Poker

Thay vì cược nhỏ và cược lớn, mỗi người chơi M88 sẽ đặt cược một khoản cược trước, và nút sẽ đặt cược một khoản cược trước lớn hơn (trực tiếp). Theo chiều kim đồng hồ từ nút, mỗi người chơi có tùy chọn theo (cược trước đó), tăng cược (tăng cược) hoặc bỏ bài (bỏ bài tẩy và đợi ván tiếp theo bắt đầu).
Khi tất cả người chơi đã hành động (nếu còn nhiều hơn một người hoạt động), vòng cược đầu tiên thì ba lá bài chung lật ngửa sẽ được chia.

Vòng cược thứ hai

Cược bắt đầu với người chơi đầu tiên ở bên trái nút chia bài và người chơi lần lượt hành động để kiểm tra (từ chối cược), theo mức cược trước, tăng cược trước đó hoặc bỏ bài.

Vòng cược thứ ba

Những người chơi còn lại sẽ hành động theo lượt. Nếu còn nhiều hơn một người chơi sau vòng cược thứ ba, lá bài river sẽ được chia.

Vòng cược thứ tư

Khi cả năm lá bài chung đã được chia, sẽ có một vòng cược cuối cùng. Nếu còn nhiều hơn một người chơi trong ván bài vào cuối, các lá bài tẩy sẽ được lật lên (lật bài), và người chơi có bài mạnh nhất sẽ thắng tiền cược.

Xếp hạng tay bài trong Short Deck Poker cần biết

Thứ hạng của ván bài Short Deck Hold’em tại nhà cái M88 (từ cao nhất đến thấp nhất):

• Sảnh rồng là một sảnh đồng chất từ lá mười đến Át
• Sảnh đồng chất khi bạn có năm lá bài liên tiếp cùng chất
• Bộ tứ tức bốn lá bài cùng hạng
• Flush là năm lá bài cùng chất
• Ba lá bài cùng hạng, cộng thêm một đôi tạo ra Full House
• Năm lá bài có thứ hạng liên tiếp gọi là một sảnh
• Ba lá bài cùng hạng mạnh hơn hai cặp thẻ xếp hạng giống nhau > Hai lá bài có thứ hạng giống nhau tức một cặp > Năm lá bài không liên quan nhau tức các lá bài rác.

Việc loại bỏ mười sáu lá bài thấp (từ 2 đến 5) làm thay đổi tỷ lệ được chia những lá bài bắt đầu khác nhau trong Short Deck. Tổng số tổ hợp bắt đầu có thể giảm đi một nửa (chỉ có 630 lá bài bắt đầu riêng biệt, tính đến các chất và 81 lá bài không có chất). Bốn thứ hạng có thể tạo nên cặp bài bỏ túi không còn khả dụng nữa, vì vậy hiện có chín cặp bài tiềm năng và bạn sẽ được chia bất kỳ một trong số các lá bài át cụ thể đó trong khoảng 1% thời gian. Con số này gần gấp đôi tần suất trong trò chơi Texas hold’em full-deck.

Kết luận

Việc thành thạo Short Deck Poker sẽ giúp bạn có lợi thế lớn trước đối thủ, biến mỗi ván bài thành cơ hội thắng lớn. Hãy truy cập ngay M88 KYC để khám phá thêm nhiều mẹo cá cược độc quyền, giúp bạn nâng cao trình độ và giành chiến thắng dễ dàng hơn! Đừng quên rằng đội ngũ M88 luôn sẵn sàng hỗ trợ nếu như bạn liên hệ M88 bất kể ngày đêm.

• Địa Chỉ: 32B Tổ 2 ấp 1, Phước Lộc, Nhà Bè, Hồ Chí Minh, Vietnam
• Hotline: 0926253888
• Email: bet88kyc@gmail.com
• Website: https://bet88kyc.com/
• Tác Giả:https://bet88kyc.com/vuong-trang-88/

The post Short Deck Poker tại M88 đang trở thành một trong những biến thể poker hấp dẫn nhất hiện nay, thu hút đông đảo người chơi bởi lối chơi nhanh, chiến thuật linh hoạt và tỷ lệ thắng cao. Tuy nhiên, không phải ai cũng biết cách làm chủ trò chơi này để tối đa hóa lợi nhuận. Đừng lo, chuyên gia tại M88 KYC sẽ tiết lộ bí quyết giúp bạn chinh phục Short Deck Poker trực tuyến qua bài viết sau! appeared first on Telegrafi.

Një 17-vjeçar i dënuar për vjedhje tregon për jetën e tij, që nga mosha 10-vjeçare.

I dënuar aktualisht me dy vjet burgim për disa raste të vjedhjeve, i mituri rrëfen se ka kryer mbi 100 vepra penale, duke përfshirë grabitje, vjedhje, përdorim dhe shpërndarje droge, lëndime trupore dhe madje tentim vrasje.

Në RTVDukagjini, ai pohon se përdorimi i kokainës dhe marihuanës ka nisur që në moshën 10-vjeçare, nën ndikimin e një rrethi të keq shoqëror.

“Unë jam 17 vjeçar, jam këtu qe 8 muaj ditë. Jam për vjedhje, i kam dënim edhe 1 vit e 4 muaj me i mbajtë. Jam për vepra të ndryshme normalisht për vjedhje që i kam bërë. Por jam i dënuar vetëm për vjedhje por kam edhe vepra të tjera…

Herën e parë jam kanë në vepër me një shok. Kam pasur grabitje, lëndime të lehta trupore, therje, qisi sene. Kam pasur shumë i kam pasur nja 100, i kam mbyllur krejt normal. Lëndime të rënda trupore, vrasje në tentativë qishtu.

Po kam përdor marihuanë edhe kokainë. Diku 7-8 vjet. Mundem me thënë nga mosha 10 vjeçare”, ka thënë 17-vjeçari.

Njohuritë e fituara si ndihmës mekanik me babain e tij, i ktheu në aftësi për të vjedhur makina të modeleve të ndryshme, duke përfshirë një BMW M4 me vlerë mbi 30 mijë euro. Ai tregon se i ka dokumentuar të gjitha veturat që i ka vjedhur, një lloj “koleksioni personal”, sipas tij.

Vetëm për rreth 10 prej tyre është ndëshkuar.

“Kam parë qysh i dhezke kerret me tele e sene vene qishtu. Tani i mbajsha në mend kur dilsha me vjedh, jav heksha kapakin posht. Valla kam vjedhur shumë nja 40 e diçka. I kam në telefon çdo markë të kerrit. Çdo markë të kerrit që e kam vjedh i kam shkruajtur vetëm për qef. Sa u kanë vlera e tyre përafërsisht, një kerr që kam mujt me vjedh më i shtrenjti ka qenë një BMW M4… E kam pasur një shok të Babit, edhe kur shkojsha me shië kerre, i thojsha mos i kallxo kërkujt, ai i prishke, normal për pjesë. Ai qaq sa kushtojke, ai qaq i merrke se ju dufshin pjesët për kerre të tjera, se ka pasur kerre shumë. Ama ai e dike që është kerri i vjedhur…”.

The post Rreth 40 vetura të vjedhura, mbi 100 vepra penale: Rrëfimi i 17-vjeçarit nga burgu appeared first on Telegrafi.

Presidentja e Kosovës, Vjosa Osmani, ka pranuar një letër nga Presidenti i Shteteve të Bashkuara të Amerikës, Donald Trump, në të cilën ai e falënderon për përkushtimin ndaj miqësisë me SHBA-në dhe lidershipin e saj të guximshëm.

Sipas Presidencës, në letrën e tij, Presidenti Trump vlerëson vendimin e Kosovës për të pranuar shtetas nga vende të treta si një tregues i gatishmërisë për bashkëpunim me SHBA-në, duke theksuar se ky hap reflekton forcën dhe dhembshurinë e popullit kosovar.

“Shtetet e Bashkuara të Amerikës dhe Kosova ndajnë një lidhje të thellë, të bazuar në respektin e ndërsjellë, vlera të përbashkëta demokratike dhe një vizion për një të ardhme paqësore dhe të begatë. Përkushtimi juaj për forcimin e kësaj lidhjeje nuk ka kaluar pa u vërejtur,” thekson Trump.

Ai shpreh besimin se partneriteti mes dy vendeve do të thellohet më tej në vitet që vijnë dhe e cilëson Presidenten Osmani si “një mike të vërtetë të Shteteve të Bashkuara”.

Në fund të letrës, Presidenti Trump i përcjell Presidentes Osmani edhe përshëndetjet dhe urimet më të mira nga Zonja e Parë, Melania Trump.

The post ​Osmani merr letër nga presidenti Trump: Do t’i avancojmë qëllimet tona të përbashkëta appeared first on Telegrafi.

Vlora është përfshirë këtë të martë nga një stuhi e fuqishme, e shoqëruar me reshje shiu me intensitet të lartë, duke shkaktuar vështirësi të shumta në qarkullim dhe ndërprerje të aktiviteteve bregdetare.

Reshjet kanë mbuluar të gjithë qytetin, duke detyruar pushuesit të braktisin plazhet dhe të kërkojnë strehim në ambiente të mbyllura.

Kushtet e papritura atmosferike kanë krijuar shqetësim te qytetarët dhe turistët, sidomos në zonat më të frekuentuara gjatë sezonit veror.

Autoritetet lokale ndodhen në terren për të monitoruar nga afër situatën dhe për të ndërhyrë në rast nevoje.

Sipas parashikimeve, pritet që moti të përmirësohet shpejtë.

The post Vlora mes stuhisë dhe reshjeve, largohen turistët me vrap nga plazhet appeared first on Telegrafi.

Emisarja Speciale e Mbretërisë së Bashkuar për Ballkanin Perëndimor, Dame Karen Pierce, ka zhvilluar një bisedë me kryeministrin në detyrë të Kosovës, Albin Kurti, lidhur me tensionet e fundit mes Kosovës dhe Serbisë.

Në këtë bisedë, Dame Karen shprehu shqetësimin e saj për situatën aktuale dhe theksoi rëndësinë e zgjidhjes së çështjeve të hapura përmes Dialogut të lehtësuar nga Bashkimi Evropian.

Ajo theksoi se Mbretëria e Bashkuar pret me padurim pjesëmarrjen e përfaqësuesve të Kosovës në takimet e Procesit të Berlinit që do të mbahen në tetor në Mbretërinë e Bashkuar.

Dame Karen do të zhvillojë gjithashtu një bisedë edhe me presidentin e Serbisë në kuadër të përpjekjeve për uljen e tensioneve dhe vazhdimin e dialogut konstruktiv.

The post Emisarja Karen Pierce, bisedon me Kurtin për tensionet Kosovë-Serbi appeared first on Telegrafi.