Komisioni Qendror i Zgjedhjeve (KQZ) nuk e ka certifikuar Listën Serbe për zgjedhjet lokale të 12 tetorit, pasi votimi rezultoi me dy vota për, dy kundër dhe shtatë abstenime.

Fuqishëm kundër ishin dy anëtarët e Lëvizjes Vetëvendosje, Sami Kurteshi dhe Alban Krasniqi. Përfaqësuesit e partive të tjera abstenuan.

Megjithatë, analisti politik Visar Ymeri e cilësoi këtë veprim të LVV-së si një manovër politike.

“Këto janë vetëm lojëra politike të LVV-së, të cilat as nuk e kanë për qëllim as me certifiku as Listën Serbe, e as ndonjë kandidat të LS. Por vetëm me e shmang vëmendjen nga çështjet të cilat do të duhej të diskutoheshin sot e deri në zgjedhjet lokale. E që janë çështjet lokale. LVV-ja duke pas parasysh që nuk as performon si duhet në zgjedhje lokale e as nuk ka fort çka me kallxu. Ndërton kësi narracione…

Dhe këto lojëra që i bën LVV-ja, i bë duke e ditë që Lista Serbe do ta kaloj procesin, siç e ka bërë herën kaluar në PZAP. Duke e dit që Lista Serbe nuk dëmtohet, nuk ka gjë më të keqe për mendimin tim dhe gjë më të pështirë se sa me vepru në publik thu ti je ka mundohesh me ndal diçka, të cilën e din që nuk mundesh me ndal e as nuk ki bazë me ndal”, ka thënë Ymeri.

The post Ymeri: Veprimet e LVV-së kundër Listës Serbe janë vetëm lojëra politike appeared first on Telegrafi.

Pesë persona kanë mbetur të lënduar si pasojë e një aksidenti trafiku që ka ndodhur mbrëmjen e sotme në fshatin Lupç të Podujevës.

Zëdhënësja e policisë për rajonin e Prishtinës, Flora Ahmeti, ka konfirmuar për Telegrafin se aksidenti ka ndodhur rreth orës 20:00 në rrugën Prishtinë–Podujevë, ku janë përfshirë dy automjete.

“Sot rreth orës 20:00 kemi pranuar informatën se në rrugën Prishtinë–Podujevë ka ndodhur një aksident trafiku me lëndime. Në këtë aksident kanë qenë të përfshira dy automjete”.

“Si pasojë e aksidentit janë lënduar pesë persona. Me rastin po merret Njësiti i Trafikut Rajonal”, ka thënë Ahmeti./Telegrafi/

The post Pesë persona lëndohen në aksident trafiku në Lupç të Podujevës appeared first on Telegrafi.

9 anëtarë të familjes Ujkani, në Reznik të Vushtrrisë, më 6 prill 1999 u masakruan e u dogjën nga forcat paramilitare, policore e ushtarake serbe.

Në seancën ku ia caktuan 30 ditë paraburgim si i dyshuar për krime lufte ndaj civilëve shqiptarë, erdhi e doli me duar të lidhura. Por gjatë luftës, Sinisha Spasiqin, banorët e Reznikut të Vushtrrisë e kujtojnë me revole në duar dhe të shoqëruar me paramilitarë e forca serbe.

“Spasiqin në këtë shtëpinë e Shaip Zenelit u kanë këtu punkti këtu, u kanë komandandir i paramilitarëve Spasiqi, atë e kam njohur qysh para luftës… qitu e kam pa shumë herë Spasiqin, edhe këtu ka nejt ai me paramilitarët. Atë ditë u dalë me ata paramilatarët me dy kerre prej këtu edhe Spasiqi… knej nuk e kam pa se nuk kam guxu me u afru, se mos po na vrasin…” , ka thënë dëshmitari i masakrës, Bilall Ujkani.

Bilall Ujkani do të bëhej dëshmitar i masakrës së familjes së tij, për të cilën dyshohet edhe Spasiqi.

Një ditë para masakrës, më 5 prill 1999, kushëririn Faikun, e kërcënuan me armë në kokë. Atë e detyruan të tregojë se ku i ka të afërmit.

Të nesërmen, më 6 prill, nisën britmat, ekzekutimet, filluan të shtënat, shtëpitë u dogjën.

Edhe Billalli pa e ditur se çka po ndodhte andej mureve, bashkë me gruan dhe djalin 9 vjeçar po e prisnin vdekjen.

“I tha çka po i bojna po i vrasim, ai tha jo njëherë edhe u nis këndej rreth 20 metra, ai po thotë mos luaj prej këtu se ju vrasim, ky u nis në drejtim të tij, ai vetëm kur njeriu nuk po u tuke vetëm kur e kam pa e ka qu automatin edhe ja ka dhanë një refall në dritare mbi kokë edhe tu kapën ata ndërmjet vete a e pe që gati më vrave mua edhe dulën te kamxhiku te kusherini…”, ka shtuar Ujkani.

E vetmja që mbijetoi nga shtëpitë e vëllezërve ishte Nazmie Ujkani, të cilës ia masakruan burrin, e vetë arriti të largohet.

Bashkë me të, me gruan dhe djalin e mitur, Bilalli tash 77 vjeçar, u kthye tek shtëpitë e vëllezërve.

“Kjo shtëpia e nipit, Ymer Ujkani, edhe jam hy por nuk kam mujt me pa asgjë të kallta krejt, kulmi ish ra, katër shpijave iu ka dalë flaka. Kam vazhdu te shpija dytë Muhamet Ujkani vëllai aty u kanë vëllai me gruan Fatimen edhe aty e kalltë. Jam shku te shtëpia e vëllait, Behxhetit, vëllai Behxheti edhe aty kurgjo nuk kemi mujt me pa. Gruan e ka pasur Nazmija ajo ka shpëtu. Pas kësaj kam shku tek shtepija e vëllait Fehmisë, aty nuk kam pa asgjë. Ishte Sofia, të dy ishin të vrarë e të djegur”, ka thënë Ujkani.

3 vëllezërit, nipin, dy gratë e vëllezërve i pa të vrarë e të djegur deri në asht, por për Bilallin tmerri nuk përfundoi me kaq. Serbët e ekzekutuan edhe kushëririn Faikin, nga i cili një ditë para masakrës, me dhunë kishin marrë informacione për kushërinjtë e tij, të cilët i paralajmëroi për rrezikun, por nuk shpëtuan.

“E kam gjetur Faikin të vrarë plumbin në ballë, shpija nuk ish kallë hiq, e kishin ujdis sikur kur fle”, ka shtuar Ujkani.

Tefik dhe Halide Ujkani, edhe këta kushërinj, u ekzekutuan disa metra më larg, vetëm për faktin se dyshohet që i kishin njohur serbët që i takuan në rrugë dhe u vranë për t’i zhdukur gjurmët e dëshmitarët e mundshëm.

Skena e krimit kishte mbetur e paprekur në qiell të hapur deri më 17 qershor. Atë ditë mbesa, Nedimja, u kthye, në shtëpinë ku ishte rritur, duke e kërkuar nënën e babën.

“Ata gjatë bisedës në mes vete i kam dëgju, që këtu është përdor diçka se këtu nuk mundet trupi i njeriut me u djeg në atë formë me u bë shkumë edhe mbetjet kanë qenë të pakta të tilla, prej secilës kuformë ne kemi arritur me thanë kështu, një palë grushta eshtra me i gjetë për me i dëshmu krejt. Njëjtë i ke gjetë edhe prindërit e tu? Njëjtë të dy prindërit e mi. Njëjtë prindërit e mi njëtjë axhallarët, pak diçka pjesën e kurrizit e ka pasur më të ruajtur djali i axhës, Ymer Ujkani”, ka thënë Nedime Ujkani.

Pak kocka nga ato çka kanë mbetur nga 9 anëtarët e familjes Ujkani, u varrosën më 23 qershor 1999.

Sinisha Spasiqi përpos për pjesëmarrjen në masakrën e Reznikut dyshohet edhe për dëmtim e plaçkitje, dhunë fizike e seksuale ndaj civilëve gjatë luftës në Vushtrri.

Për krime ndaj shqiptarëve në këtë zonë, përfshirë edhe Reznikun, aktakuzë është ngritur edhe ndaj serbit, Sllagjan Trajkoviq.

Në Reznik, Vërnicë dhe Shallc gjatë luftës janë vrarë e masakruar 21 civilë shqiptarë./Tv Dukagjini

The post Spasiqi në paraburgim për krime lufte, dëshmitarët rrëfejnë masakrën në Reznik appeared first on Telegrafi.

Ministrja në detyrë e Drejtësisë, Albulena Haxhiu, e ka përshëndetur vendimin e Komisionit Qendror të Zgjedhjeve për moscertifikimin e Listës Serbe në zgjedhjet e 12 tetorit.

Ajo e ka cilësuar këtë vendim si një hap të rëndësishëm për mbrojtjen e demokracisë dhe sigurisë në Kosovë.

“Vendimi për moscertifikimin e Listës Serbe përbën një fitore të rëndësishme për demokracinë, integritetin e procesit zgjedhor dhe sigurinë qytetare e shtetërore. Lista Serbe, në mënyrë të përsëritur, ka vepruar kundër parimeve kushtetuese dhe ka cenuar rendin demokratik të Republikës së Kosovës. Ajo nuk ka synuar përfaqësim qytetar, por ka shërbyer si dorë e zgjatur e Vuçiqit. Sulmi terrorist në Banjskë, i organizuar nga kryetari i saj faktik, Milan Radoiçiq, është një nga aktet kriminale ndaj të cilave Kosova ka reaguar me vendosmëri”, ka deklaruar Haxhiu.

Edhe pse disa njohës të çështjeve juridike e kanë vlerësuar këtë vendim si të padrejtë, Haxhiu theksoi se ai është plotësisht në përputhje me Kushtetutën.

“Moscertifikimi i saj është vendim i drejtë, legjitim dhe në përputhje të plotë me parimet kushtetuese të Republikës së Kosovës. Ky është garant që zgjedhjet do të jenë shprehje e vullnetit të lirë të qytetarëve, pa ndërhyrje të jashtme dhe pa presione nga struktura kriminale. Institucionet mbeten të përkushtuara për të siguruar një proces zgjedhor të drejtë, gjithëpërfshirës dhe demokratik”, ka shtuar ajo.

The post Haxhiu: Moscertifikimi i Listës Serbe është fitore për demokracinë appeared first on Telegrafi.

Në Komunën e Mamushës, për shkak të motit të nxehtë, kanë shpërthyer zjarre në tokat përreth.

Zjarrfikësit e Mamushës intervenuan menjëherë.

Autoritetet kanë njoftuar se po punohet intensivisht që zjarri të mos përhapet në zonat e banuara.

Gjatë ditëve të fundit, Kosova është përballur me disa vatra zjarri për shkak të temperaturave të larta dhe thatësisë. Në disa raste, ekzistojnë dyshime se zjarret mund të jenë vënë qëllimisht.

Agjencia për Menaxhimin e Emergjencave ka bërë apel te qytetarët që të tregojnë kujdes të shtuar.

“Agjencia u bën apel të gjithë qytetarëve që të tregojnë kujdes të shtuar, të shmangin çdo veprim që mund të shkaktojë zjarr dhe të raportojnë menjëherë çdo vatër në numrat emergjentë 112, 193 dhe 192.”

The post Zjarr në tokat përreth Mamushës, flakët i ofrohen shtëpive appeared first on Telegrafi.

Komisioni Qendror i Zgjedhjeve ka nisur sot mbledhjen e radhës, në kuadër të përgatitjeve për zgjedhjet lokale të 12 tetorit 2025.

Në këtë mbledhje marrin pjesë anëtarët e KQZ-së, përfaqësues të Zyrës për Regjistrim dhe Certifikim të Subjekteve Politike, si dhe përfaqësues të institucioneve relevante.

Një nga pikat më të debatueshme të rendit të ditës është certifikimi i partisë Lista Serbe dhe kandidatëve të saj.

Zyra për rekomandimin e partive ka raportuar se pas verifikimeve pranë Këshillit Gjyqësor të Kosovës dhe Ministrisë së Jashtme, asnjëri prej kandidatëve të Listës Serbe nuk rezulton në listat e personave të kërkuar ose të ndaluar.

Prandaj është rekomanduar certifikimi i saj me 238 kandidatë, për kryetarë në 11 komuna dhe për asamble komunale në 19 komuna.

Megjithatë, anëtari i Vetëvendosjes në KQZ, Sami Kurteshi, ka kundërshtuar certifikimin, duke e cilësuar Listën Serbe si parti me “trashëgimi terroriste” dhe duke akuzuar disa prej kandidatëve të saj se punojnë në mënyrë subversive kundër Republikës së Kosovës.

Ai tha se ka dokumente së paku për një person nga Lista Serbe që nuk i plotëson kushtet.

“Sasha Millosheviq, nga Lista Serbe që kandidon për Novoberdë, është i emëruar nga Serbia për kryetar paralel te Gjilanit”, ka shtuar Kurteshi.

Anëtari i PDK-së në Komisionin Qendror të Zgjedhjeve, Arianit Elshani, ka deklaruar se edhe pse të gjitha institucionet kompetente kanë rekomanduar certifikimin e Listës Serbe, subjekti i tij politik ka vendosur të abstenojë nga votimi.

“Është dashur që këto informata të pranohen në mënyrë institucionale. Ne si PDK abstenojmë nga certifikimi, nuk jemi për certifikim. Abstenojmë nga votimi përderisa nuk kemi veprime nga institucionet e sigurisë, të cilat na tregojnë rrugën që duhet ndiqet për këtë parti”, tha Elshani.

Edhe anëtari i AAK-se ne KQZ, Muharrem Nitaj ka deklaruar se dokumentet qe posedon LVV dhe Sami Kurteshi është dashur te dërgohen ne institucionet përgjegjëse.

“Sekretariati thotë se kjo parti politike politike plotëson kriteret pas informatave qe kane marre nga institucionet përgjegjëse”.

Çështja ka marrë vëmendje edhe ndërkombëtare.

Një diplomate amerikane ka shprehur shqetësim për tendencat që, sipas saj, synojnë ndalimin e pjesëmarrjes së partive serbe në zgjedhje.

“Të gjithë qytetarët e Kosovës duhet të kenë mundësinë e plotë të zgjedhin përfaqësuesit e tyre. Është me rëndësi që serbët e Kosovës të përfshihen në këtë proces. Jemi të shqetësuar për çdo tentim që limiton zgjedhjet e tyre”, ka deklaruar ajo, duke theksuar se këto qëndrime ia ka bërë të ditura kryeministrit në detyrë./Telegrafi/

The post KQZ nis certifikimin e subjekteve politike për zgjedhjet lokale, debat rreth Listës Serbe appeared first on Telegrafi.

Një histori prekëse e një shqiptari ka marrë vëmendje në Gjermani.

Kadri Mahmuti, u bë baba në Paris në vitin 1979. Por kur vajza e tij Hamide ishte vetëm dy vjeç, nëna e saj vendosi të shpërngulej në Portugali, duke ia lënë Kadrisë frikën më të madhe të jetës: se nuk do ta shihte më kurrë të bijën, shkruan albinfo.ch.

Pas dekadash kërkimesh dhe shprese, Kadri Mahmuti iu drejtua emisionit të njohur gjerman “Bitte melde dich” të Julia Leischik, i cili prej vitesh ndihmon njerëzit të ribashkohen me familjarë të humbur.

Dhe aty ndodhi mrekullia, Kadriu arriti ta gjente Hamiden e tij, duke përjetuar një ribashkim emocionues që vetëm jeta mund ta shkruajë.

Emisioni “Bitte melde dich” transmetohet në kanalin SAT1 dhe sjell histori të forta njerëzore, ku fati dhe dhimbja e ndarjes shpesh kthehen në gëzim e lot lumturie.

The post Kadri Mahmuti gjen vajzën e tij pas shumë vitesh, falë një emisioni televiziv gjerman appeared first on Telegrafi.

Një grafit me mbishkrimin famëkeq në gjuhën serbe dhe alfabetin cirilik “Kad se vojska na Kosovo vrati” (Kur ushtria të kthehet në Kosovë), është vendosur mbrëmjen e djeshme në rrugën kryesore të qytetit të Kollashinit në Mal të Zi.

Ky akt është cilësuar si provokim i hapur ndaj shqiptarëve që jetojnë në Mal të Zi, por edhe ndaj vizitorëve nga trojet shqiptare që frekuentojnë zonën turistike të këtij qyteti malor.

Nuk është hera e parë që shfaqen të tilla parulla.

Grafite me të njëjtin përmbajtje janë parë edhe më herët në disa qytete të Serbisë dhe Bosnjës.

Po ashtu tifozët e klubit të futbollit “Crvena Zvezda” (Ylli i Kuq), gjatë një ndeshjeje miqësore kundër Fiorentinës , shpalosën një banderolë me të njëjtin mesazh, duke shkaktuar reagime të shumta në opinionin publik./Telegrafi/

The post Grafiti provokues serb “Kur ushtria të kthehet në Kosovë” shfaqet në Kollashin të Malit të Zi appeared first on Telegrafi.

Forcat ajrore amerikane të caktuara në Komandën Rajonale – Lindje të misionit të udhëhequr nga NATO, KFOR, kanë asistuar Agjencinë e Menaxhimit të Emergjencave të Kosovës në përballjen me zjarret në komunën e Gjakovës.

Dy helikopterë të tipit UH-60 Black Hawk, të pajisur me sisteme “Bambi Bucket”, kanë kryer disa hedhje ajrore të ujit për të ndihmuar në lokalizimin e flakëve që po rrezikonin komunitetet dhe infrastrukturën lokale.

Gjatë një periudhe pesëorëshe, ekuipazhet kanë realizuar 12 hedhje, duke shpërndarë mbi 2,500 litra ujë në zonat e prekura.

“Këto përpjekje tregojnë aftësinë e KFOR-it për të reaguar shpejt, brenda mundësive dhe kapaciteteve, ndaj emergjencave dhe riafirmojnë përkushtimin e tij të palëkundur për mbrojtjen e komuniteteve lokale dhe mbështetjen e autoriteteve civile”, ka njoftuar KFOR.

Misioni shtoi se vazhdon të zbatojë mandatin e tij, për të kontribuar në një mjedis të sigurt dhe të qetë për të gjithë qytetarët dhe komunitetet që jetojnë në Kosovë, si dhe për lirinë e lëvizjes, në çdo kohë dhe në mënyrë të paanshme.

KFOR ka theksuar se punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX), në rolet e tyre përkatëse si përgjegjës për sigurinë./Telegrafi/

The post KFOR-i amerikan me helikopterë ndihmon në shuarjen e zjarreve në Gjakovë appeared first on Telegrafi.

Një ngjarje e rëndë është raportuar këtë të hënë në fshatin Çerkolez të Istogut, ku një person është gjetur i vdekur brenda një veture.

Zëdhënësi i Policisë për rajonin e Pejës, Fadil Gashi, ka bërë të ditur se rreth orës 16:00 policia ka marrë informatën për një veturë në të cilën ndodhej një person që dyshohej se ishte pa shenja jete.

Njësitet policore kanë dalë menjëherë në vendin e ngjarjes, ku një mjek ka konstatuar vdekjen e viktimës.

“Për rastin është njoftuar edhe prokurori i shtetit, ndërsa në vendin e ngjarjes ndodhen njësitë kompetente”, tha Gashi./Telegrafi/

The post Një trup i pajetë gjendet në veturë në Çerkolez të Istogut appeared first on Telegrafi.

Zëvendësministri në detyrë i Drejtësisë, Vigan Qorrolli, ka reaguar pas vendimit të Gjykatës Kushtetuese për shpalljen të pavlefshme të seancave të Kuvendit.

Në një postim në Facebook, Qorrolli ka thënë se për herë të parë Gjykata Kushtetuese ka marrë një vendim të madh pa iu referuar asnjë kushtetute evropiane apo botërore dhe pa marrë shembull nga aktgjykimet e gjykatave simotra.

“Ky është një fakt i pazakontë, por edhe domethënës: asnjë precedent, asnjë rast krahasues, asnjë përvojë e ngjashme nga bota demokratike”, ka deklaruar ai.

Lexo po ashtu Hasani: Gjykata Kushtetuese e qartë, Avni Deharit është dashur t’i merret e drejta për kryesimin e seancës

Sipas Qorrollit, mungesa e krahasimeve ndërkombëtare e bën vendimin “të izoluar, të brishtë dhe të ndërtuar mbi logjikë të brendshme të dobët”. Ai e ka quajtur “tejkalim të mandatit kushtetues” vendosjen nga Gjykata të rregullit të tri tentativave për zgjedhjen e kryetarit të Kuvendit dhe kufizimit 30-ditor.

“Kur Gjykata shpik një rregull numerik të tillë, nuk e ka kryer detyrën e saj primare – interpretimin e Kushtetutës”, ka shtuar Qorrolli.

Ai ka paralajmëruar se ky precedent e vendos Gjykatën në një pozitë të rrezikshme, pasi në vend që të forcojë besimin te Kushtetuta, e cenon atë duke krijuar përshtypjen se normat kushtetuese mund të shpiken pa mbështetje në tekst apo në traditën evropiane të konstitucionalizmit./Telegrafi/

The post Qorrolli: Vendimi i Kushtetueses është precedent i rrezikshëm në Kosovë appeared first on Telegrafi.

Një aksident i rëndë me tre të vdekur të cilët janë shtetas shqiptarë, dhe dy të plagosur rëndë ndodhi pasditen e kësaj të hëne në autostradën Egnatia, midis Komotini dhe Xanthi, pak para pikës së pagesës së Iasmos.

Në rrethana të panjohura, një kamion u përplas me dy makina, duke shpërthyer në zjarr.

Tre pasagjerë në njërën prej makinave pësuan djegie të rënda, ndërsa shoferi u transportua në Spitalin e Xanthit me lëndime të rënda.

Nga ana tjetër, shoferi i kamionit u dërgua gjithashtu në të njëjtin spital po ashtu me lëndime të rënda.

The post Aksident tragjik në Greqi, vdesin tre shqiptarë appeared first on Telegrafi.

Instituti Demokratik i Kosovës (KDI) ka reaguar pas publikimit të aktgjykimit të plotë nga Gjykata Kushtetuese lidhur me konstituimin e Kuvendit, duke e cilësuar atë si një hap të rëndësishëm për rivendosjen e rendit kushtetues dhe institucional në vend.

Sipas KDI-së, Gjykata ka sqaruar kufijtë kushtetues të seancës konstituive, duke konstatuar se seancat e mbajtura pas 26 qershorit ishin në kundërshtim me vendimin e mëparshëm dhe se Kryesuesi kishte tejkaluar mandatin kushtetues.

“Ky vendim rikthen qartësinë kushtetuese mbi rolin dhe përgjegjësitë e të gjitha palëve në këtë fazë të ndjeshme politike”, thuhet në reagim.

KDI i bën thirrje kryesuesit të seancës konstituive, Avni Dehari, që të thërrasë sa më parë vazhdimin e seancës, duke ftuar grupin më të madh parlamentar të propozojë kandidatin për kryetar të Kuvendit dhe të procedohet me votim të hapur.

Instituti gjithashtu u ka bërë thirrje subjekteve parlamentare dhe deputetëve që të veprojnë në përputhje me mandatin dhe përgjegjësitë e tyre kushtetuese, në mënyrë që Kuvendi të rikthehet në funksion pa vonesa, duke shmangur zvarritjet dhe kalkulimet politike./Telegrafi/

The post KDI: Kuvendi duhet të rifillojë menjëherë konstituimin pas vendimit të Kushtetueses appeared first on Telegrafi.

Në Komunën e Istogut është shënuar një incident teknik si pasojë e një rrjedhjeje të klorit nga një gyp i dëmtuar.

Sipas njoftimit të Komunës së Istogut, defekti është identifikuar dhe riparuar menjëherë nga ekipet përkatëse.

Ndërkohë, Kompania Rajonale e Ujësjellësit “Hidrodrini” Sh.A., Njësia Operative në Istog, ka bërë të ditur se uji i pijshëm në këtë komunë është i pastër dhe i sigurt për konsum.

Sipas njoftimit të Hidrodrinit, problemet e shfaqura në burimin e Istogut kanë të bëjnë me sistemin e pajisjeve të klorit të gaztë, i cili është emetuar në ajër, por ky incident nuk ndërlidhet dhe nuk paraqet rrezik për cilësinë e ujit të pijshëm.

“Uji i pijes është testuar gjatë mbrëmjes në dy lokacione dhe është në vlera normale”, thuhet në komunikatën e KRU “Hidrodrini”./Telegrafi/

The post KRU “Hidrodrini”: Uji në Istog është i sigurt për konsum appeared first on Telegrafi.

Po afrohet koha kur partitë politike nisin fushatën paraelektorale për zgjedhjet lokale që mbahen më 12 tetor. 

Ligji për Zgjedhjet Lokale nuk i është nënshtruar reformës zgjedhore ashtu siç ka ndodhur me Ligjin për Zgjedhjet e Përgjithshme, prandaj disa çështje që janë të përcaktuara në këtë ligj, mbesin të njëjta, si në zgjedhjet e kaluara.

Por, ka edhe çështje që kanë qenë të rregulluara vetëm me Ligjin për Zgjedhjet e Përgjithshme dhe që do të vlejnë edhe për Zgjedhjet Lokale.

Zgjedhja e kryetarëve të komunave dhe anëtarëve të Kuvendeve Komunale, nuk ka ndryshuar aspak nga proceset e kaluara zgjedhore që janë mbajtur në Kosovë.

Kështu, edhe mënyra e votimit në zgjedhjet për kryetar komune dhe për kuvende komunale do të mbetët e njëjtë që nga viti 2008 kur kishte hyrë në fuqi Ligji për Zgjedhjet Lokale.

Zëdhënësi i KQZ-së, Valmir Elezi, ka shpjeguar se kjo ndodhë për shkak se Ligji për Zgjedhjet Lokale nuk i është nënshtruar reformës zgjedhore, siç ka ndodhur me Ligjin për Zgjedhjet e Përgjithshme në vitin 2023, dhe rrjedhimisht disa çështje mbesin të njëjta.

“Mënyra e votimit dhe zgjedhjes së Kryetarit të Komunës është e njetë, si në zgjedhjet e mëhershme. Secili Kryetar i Komunës zgjidhet drejtpërdrejt nga votuesit e komunës ku janë të regjistruar. Në fletëvotim, votuesi duhet të votojë vetëm njërin nga kandidatët për Kryetar të Komunës. Kandidati zgjidhet Kryetar i Komunës nëse fiton 50%, +1 votë të numrit të përgjithshëm të votave të vlefshme të hedhura në atë komunë. Nëse kjo nuk arrihet, atëherë pas katër javësh organizohet raundi i dytë mes dy kandidatëve të cilët kanë fituar më së shumti vota të vlefshme. Kandidati i cili fiton shumicën e votave në rrethin e dytë zgjidhet Kryetar i Komunës”, tha ai.

Sipas tij, edhe mënyra e votimit në zgjedhje për Kuvende Komunale ka mbetur e njëjtë.

“Edhe mënyra e votimit në zgjedhjet për Kuvende Komunale ka mbetur e njëjtë, si në zgjedhjet e kaluara lokale. Pra, në anën e majtë të fletëvotimit votuesi voton vetëm një subjekt politik dhe në anën e djathtë të fletëvomit, votuesi mund të votojë vetëm për një kandidat nga lista e kandidatëve të atij subjekti politik. Sipas Ligjit për Zgjedhjet Lokale, vota për subjektin e politik konsiderohet si votë për kandidatin e parë apo bartësin e listës të atij subjekti politik”, tha ai.

Ndryshe nga zgjedhjet për Kuvendin e Kosovës, në Zgjedhjet Lokale, votimi jashtë vendit realizohet vetëm përmes postës, pasi Ligji për Zgjedhjet e Përgjithshme specifikon se votimi në përfaqësi diplomatike nuk aplikohet në këtë lloj zgjedhjesh.

Zgjedhjet për Kuvendet Komunale janë të të 8-tat me radhë, ndërkaq të 6-tat për Kryetarë të Komunave./RTK

The post Zgjedhjet lokale pa ndryshime në ligj, votimi si më parë appeared first on Telegrafi.

Në Komunën e Istogut është shënuar një incident teknik si pasojë e një rrjedhjeje të klorit nga një gyp i dëmtuar.

Autoritetet komunale njoftojnë se situata është menaxhuar me shpejtësi dhe tashmë është plotësisht nën kontroll, pa paraqitur rrezik për qytetarët.

Sipas njoftimit zyrtar, defekti është identifikuar dhe riparuar menjëherë nga ekipet përkatëse.

Uji i pijshëm nga burimi i Istogut është i pastër dhe i sigurt për konsum, ndërsa furnizimi me ujë po vazhdon normalisht.

“Në vendngjarje ka qëndruar drejtori i Emergjencave, Xhevat Demaj, i cili ka mbikëqyrur nga afër menaxhimin e situatës dhe ka konfirmuar se nuk ka rrezik për shëndetin publik”, thuhet në komunikatë.

Komuna e Istogut, në koordinim me institucionet përgjegjëse, ka theksuar se do të vazhdojë monitorimin e cilësisë së ujit, për të garantuar standardet më të larta të sigurisë për qytetarët.

The post Incident teknik në Istog, rrjedhje klori nga një gyp i dëmtuar appeared first on Telegrafi.

Policia Kufitare Vlorë, në bashkëpunim me qytetarët, i erdhi në ndihmë një shtetaseje shqiptare që rrezikoi mbytjen në det, në Gjirin e Shën Janit.

Sot, gjatë patrullimit me mjet lundrues, shërbimet e Policisë Kufitare Vlorë konstatuan thirrjet për ndihmë të pushuesve. Në breg ndodhej një shtetase, e cila ishte nxjerrë nga deti nga qytetarët, pasi gjatë notimit kishte pirë ujë dhe kishte rrezikuar mbytjen.

Punonjësit e Policisë Kufitare, së bashku me pushuesit, i dhanë ndihmën e parë në breg dhe më pas e transportuan me mjetin lundrues drejt portit të Vlorës.

Gjatë rrugës, gjendja e saj shëndetësore u përkeqësua, por u asistua përsëri nga punonjësit e Policisë Kufitare dhe u bë e mundur stabilizimi i saj deri në momentin e dorëzimit tek ekipi i urgjencës mjekësore.

“Falë reagimit të shpejtë të qytetarëve dhe Policisë Kufitare, shtetasja ndodhet jashtë rrezikut për jetën, nën kujdesin e mjekëve të Spitalit Rajonal Vlorë”, thuhet në njoftimin e Policisë së Shtetit./Telegrafi/

The post Pushuesit bëhen heronj, shpëtojnë 30-vjeçaren që po mbytej në Karaburun appeared first on Telegrafi.

Të dyshuarit për vrasjen e tre personave në Gjilan, Mefail Shkodra dhe djemtë e tij, ende nuk janë arrestuar nga Policia e Kosovës. Gjersa hetimet kanë hyrë në javën e dytë të tyre, njohës të këtyre çështjeve thonë se Shkodra i takon kategorisë së personave të përgatitur dhe mund të ketë gjetur një strehim në Serbi. Ata udhëzojnë që Policia e Kosovës të bashkëpunojë me EULEX-in.

Është bërë një javë qëkur në Gjilan ndodhi një vrasje e trefishtë pas disa gjuajtjeve me armë që dyshohen se erdhën si shkak i fajdeve.

Të dyshuarit kryesor për këtë rast, Mefail Shkodra dhe djemtë e tij, Engjulli dhe Edonisi nuk kanë arritur të lokalizohen ende nga Policia e Kosovës ani pse janë në kërkim tash e 7 ditë.

Të dielën, Drejtoria e Policisë në Gjilan ka deklaruar se po punohet intensivisht për kapjen e tyre.

Por, për njohës të çështjeve ku të përfshirë janë persona të kësaj natyre, lokalizimi i tyre s’është i lehtë.

“S’është e lehtë të gjendet persona të tillë sepse pas kryerjes së aktit, ata përgatitin terrenin dhe i shmangen komunikimit, jetojnë në situata tejet sekrete dhe për këtë paraqet vështirësi edhe tek organet e rendit.  Me punë operative, me persona të caktuar zyrtar që nuk janë në uniformë punojnë në terren, komunikojnë për të ardhur deri te mundësia e gjetjes nëse janë brenda territorit”, ka thënë për Tv Dukagjinin Emrush Kastrati, ish-gjyqtar.

Me hetimet që po hyjnë në javën e dytë, Kastrati thotë se nuk duhet përjashtuar mundësia që të njëjtit të kenë kaluar në Serbi, për ç’ka, Policia e Kosovës, sipas tij, duhet të ndërmarrë veprime shtesë.

“Realisht dhe në formë potenciale ekziston mundësia që për shkak të pozitës gjeografike të Gjilanit dhe pjesës së Serbisë ku jeton komuniteti shqiptar, të njëjtit të kenë kaluar andej mirëpo, në rast se gjinden atje, mundësitë e bashkëpunimit me Serbinë janë të pamundshme sepse Serbia nuk bashkëpunon juridikisht me organet e Kosovës por mund të kryhet përmes EULEX për aq kohë sa ka vullnet edhe Serbia”, ka thënë Emrush Kastrati, ish-gjyqtar.

Për ish-hetues policorë, kërkimi i ndihmës nga EULEX-i mbetet mundësia e vetme.

“Meqenëse Policia e Kosovës dhe e Serbisë nuk kanë një bashkëpunim direkt dhe ky bashkëpunim bëhet përmes disa strukturave të Policisë së UMNIKU-t apo edhe Policisë së EULEX që të bahet një trysni përmes EULEX ose BE Serbisë, që t’i arrestojë dhe t’i ekstradojë në Kosovë. Përndryshe, mundësitë janë të kufizuara”, ka thënë Hilmi Canolli, ish-hetues në Policinë e Kosovës.

Mefail Shkodra ishte i dënuar nga Gjykata e Gjilanit për armëmbajtje pa leje, vjedhje e shërbimeve komunale e për shkaktim të rrezikut të përgjithshëm.

I njëjti së bashku me djalin e tij, i kërkuar gjithashtu, ishin arrestuar e më pas liruar gjatë vitit të kaluar për veprën penale të fajdes e detyrimit, për shkak se kishin paguar dorëzani.

The post Ish-hetuesit: Të dyshuarit për vrasjen në Gjilan mund të kenë kaluar në Serbi, EULEX mund të ndihmojë appeared first on Telegrafi.

Një aksident trafiku ka ndodhur sot, më 17 gusht 2025, rreth orës 18:20, në rrugën Dragash–Prizren.

Zëdhënësi i Policisë për rajonin e Prizrenit, Shaqir Bytyqi, ka bërë të ditur se si pasojë e përplasjes së mjeteve, së paku dy persona kanë pësuar lëndime trupore, ndërsa janë shkaktuar edhe dëme të konsiderueshme materiale.

“Përkohësisht rruga ka qenë e mbyllur derisa policia ka kryer procedurat e nevojshme dhe më pas është liruar për qarkullim”, tha Bytyqi.

Policia ka nisur hetimet për të sqaruar shkaqet e aksidentit./Telegrafi/

The post Aksident trafiku në rrugën Dragash–Prizren, dy të lënduar appeared first on Telegrafi.

Kjo është një nga pamjet më të rralla të bujqësisë shqiptare. Nëse e shihni nga lart kjo parcelë duket si qilim artizanal ku në vend të fijeve puna është bërë me domate të thata.

Kujtim Skënderi 11 vite më parë la emigrimin për tu marrë me bujqësinë, edhe pse kjo ishte një punë e re për të.

Ai u kërkoi fermerëve të fshatrave të Kavajës që të mbjellin një varietet domateje që shërben jo vetëm për tu bërë salcë, por edhe të thahet në diell e të konservohet në vaj. Kjo është një recetë e vjetër e gjysheve shqiptare, por Kujtimi kjo recetë po i siguron të ardhura të mira.

“Ne kontraktojmë afërsisht 20 hektarë me domate dhe 90% e produktit shkon në eksport Itali, Zvicër, Gjermani. Gjyshet toba e thanin në rrasat e gurit, nuk kaqenë në kulturë të përgatitej me vaj, kurse tani ky produkt shkon edhe si antipastë. Bujqësia është prioritet për Shqipërinë, ne kemi fat që jemi afër me tregjet europiane kemi ujë pa fund, kështu që bunqësia duhet të jetë prioritet për qeverinë shqiptare”, tha fermeri Kujtim Skënderi.

Që kjo domate tl eksportohet drejt Zvicrës që kërkon standard të lartë të sigurisë ushqimore ajo ka nevojë që të thahet në diell dhe kripa nuk shërben vetëm për thithjen e lagështirës por edhe si konservant dhe mban larg insektet.

“Domatja e thatë bëhet në veri të Afrikës dhe Turqi, klima atje than domatet për 3 ditë, ndërsa këtu kërkon 5-6 ditë kjo bën që shija të jetë e fortë dhe origjinale”.

Kërkesa për produktet shqiptare është gjithnjë në rritje nga tregjet europiane, por fermeri shqiptarë nuk i përgjigjet dot tregut botëror në sasi kjo sepse mungon fuqia punëtore që të punojë tokën, edhe pse pagesa ditore e krahut të punës nga viti në vit është gjithnjë në rritje. Puna sezonale në bujqësi, nuk është një argument bindës që këta njerëz të jetojnë në zonat rurale./Top Channel

The post Tradita e gjysheve kthehet në biznes, domatja e thatë nga tokat shqiptare në Zvicër, Itali e Gjermani appeared first on Telegrafi.