Prishtina e Re ka shënuar fitore si mysafir ndaj Malishevës me rezultat 4-0, në kuadër të javës së parë hapëse në Superligën e Kosovës. 

Debutuesit në elitë, tregon qetësi në pjesën e parë, duke gjetur avantazhin në fund.  Andre Gomes shënoi shënoi në kohën shtesë për 1-0. 

Edhe në pjesën e dytë, Prishtina e Re, ishte më e saktë, ndërsa fillimisht Donat Vitija u ndëshkua me karton të kuq në minutën e 54-të. 

Mas tre minutash Toni Gomes arriti të shtojë epërsinë me një gol me kokë pas asistimit të Lorik Dobratiqit. 

Në minutën e 76-të, Prishtina e Re shënoi golin e tretë, kësaj radhe Dobratiqi shënoi pas asistimit të Drilon Fazliut.  

Debutuesit nuk kishin aspak mëshirë për Malishevën, duke ia shënuar edhe golin e katërt me Abdoul Zoungrana për 4-0. 

Prishtina e Re merr tri pikët e para historike për këtë klub, ndërsa Malihevës i duhet ende punë për tu kthyer në nivelin që ishte. /Telegrafi/   

The post Prishtina e Re debuton me fitore, shkatërron Malishevën si mysafir  appeared first on Telegrafi.

Malisheva do të mirëpresë në stadiumin “Liman Gegaj”, Prishtinën e Re, në kuadër të javës së parë në Albi Mall Superligën e Kosovës për edicionin 2025/2026. 

Vendasit pas rezultateteve të dobëta në arenën evropiane emëruan në stol trajnerin e njohur Qatip Osmani dhe tani do të kërkojnë ta nisin me këmbë të mbarë edicionin e ri të garave. 

Prishtina e Re në anën tjetër dëshmoi një organizim të mirë duke afruar disa lojtarë mjaft cilësorë të cilët do t’i ndihmojnë ata në sezonin e tyre debutues në elitë. 

Kjo ndeshje pritet të nis me fillim nga ora 16:30. 

Formacionet zyrtare: 

Malisheva: Gashi, Pira, Kryeziu, Xhaka, Veliu, Vitia, Ndjigi, Aliu, Brruti, Xhylani, Ibishi.

Prishtina e Re: Smakiqi, Zeqiri, Azizi, Prençi, Rudaj, Dadet, Baholli, Ahmet, Gomes, Fazliu, Dobratiqi. 

/Telegrafi/

The post Formacionet zyrtare: Malisheva – Prishtina e Re appeared first on Telegrafi.

Pas dy muajsh pushim dhe ndeshjeve të klubeve tona në garat ndërkombëtare, Superliga e Kosovës kthehet në aksion me edicionin 2025/26, një edicion që pritet të jetë sërish i fortë, pasi që diferenca mes klubeve mbetet i ngushtë.  

Në edicionin e shkuar, favorit kryesor llogariteshin Drita dhe Ballkani, që sërish janë në mesin e më të mirëve dhe do të tentojë të luftojnë për titullin e kampionit. 

Drita shihet si më e favorizuar, pasi që edhe të ardhurat nga garat evropiane janë më të mëdha për dallim me të tjerat, ndërsa do të luajë në play-off të Ligës së Konferencës, për të tentuar fazën e grupeve.  

Gjilani ka bërë përforcime të mëdha dhe shihet si një nga ekipet që mund t’iu prish punë Dritës dhe Ballkanit. 

Llapi dhe Prishtina, kanë bërë ndryshime, por shihet si më të dobëta se sa sezonin e shkuar, ndërsa Ferizaj ka arritur të ruaj boshtin. 

Malisheva dhe Dukagjini, po ashtu kanë ruajtur boshtin, ndërsa kanë bërë edhe goditje në pozitë të rëndësishme.  

Në elitë është kthyer Drenica, që gjithmonë i jep hijeshi kampionatit, ndërsa për herë të parë në këtë nivel do të luajë edhe Prishtina e Re. Kjo bën që Superliga e Kosovës të jetë shumë e paparashikueshme dhe me përballje tepër të forta.  

Telegrafi Sport ua sjell një analizë për secilin skuadër, ku përfshihet formacioni i mundshëm, përforcimet, vitet në elitë, trajneri dhe lojtari kryesor. 

Drita, kampioni aktual, do ta luajë sezonin e 23-të në elitë, ndërsa në Evropë vazhdon të garojë në raundin e play-offit të Ligës së Konferencës, ku do të pëballet më Dundelaggen për një vend në fazën e grupeve. 

Drita shihet sërish si favoriti kryesor për titull edhe këtë sezon, ndërsa sezonin e shkuar tubuan 74 pikë. 

Trajner mbetet Zekirija Ramadani, që tashmë e njeh ambientin në klub, pasi është në vitin e tretë dhe solli titullin e kampionit deri disa xhiro para fundit, sezonin e shkuar. 

Skuadra është përforcuar me emra si Vesel Limaj, Liridon Balaj, Endrit Morina, Kristal Abazaj dhe Leutrim Rexhepi.   

Nga skuadra janë larguar emra si Kastriot Selmani, Melos Zenuaj, Florjan Smakiqi dhe Ensar Huruglica.  

Si lojtari kryesor i gjilanasve është Ron Broja, ndërsa aty janë edhe emra si Arb Manaj, Besnik Krasniqi, Egzon Bejtullahi dhe Albert Dabiqaj. 

Vlera e Dritës në transfermakt llogaritet të jetë 6.6 milionë euro. 

---

 Tri herë kampioni i Kosovës, shihet si favorit edhe këtë vit pasi ka pasur afrime të rëndësishme këtë afat kalimtar, ndërsa ky kampionat do të jetë sezoni i tyre i dhjeti në elitë e futbollit kosovar. 

Sezonin e shkuar ata e mbyllën me 62 pikë, ndërsa në Evropë kanë arritur deri në rrethin e tretë të fazës eliminatore të Ligës së Konferencës, ku u eliminuan nga Shamrock Rovers.   

Trajneri mbetet Orges Shehi, i cili erdhi sezonin e shkuar, duke sjell qetësis në skuadër. Këtë vit ka tension në klub, pasi kërkohet të kthehet te titulli i kampionit që e humben sezonin e shkuar.  

Klubi ka larguar lojtar si Queven, Bernard Karrica, Eris Abedini, Elamando Gjini, Astrit Thaqi, Altin Aliji dhe Uheid Hoxha.  

Ballkani është përforcuar me emra si  Diar Vokrri, Adnan Golubovic, Ardit Deliu, Elvis Letaj dhe Ivica Batarel, ndërsa ka vazhduar huazimet e Albert Diene dhe Valentin Serebe. 

Ballkani vazhdon të ketë një organik të pasur, me emra si Bajram Jashanica, Gentrit Halili, Almir Kryeziu, Ëahlid Hamidi dhe Sunday Adetunji. 

Vlera e Ballkanit në transfermakt llogaritet të jetë 5.5 milionë euro 

---

Për Malishevën do të jetë sezonin i pestë në elitë, ndërsa sezonin e shkuar e mbylli në vendin e tretë me 53 pikë, duke arritur për herë të dytë garat evropiane, ku u eliminua nga Vikinguri në raundin e parë të Ligës së Konferenecës. 

Skuadra do të drejtohet nga Qatip Osmani, i cili zëvendësoi Bekim Isufin, ndërsa klubi ka humbur disa nga lojtarët kryesorë të skuadrës, ndërsa kanë afruar edhe lojtarë të ri. 

Xhemajl Ibishi, Samuel Opeh, Krenar Dulaj dhe Omer Bajraktari janë transferuar nga Malisheva në këtë afat kalimtar. 

Nga klubi është larguar një lojtar i rëndësishëm si Drilon Hazrollaj, ndërsa po ashtu boshëllak kanë lënë edhe Farjon Bunjaku dhe Vesel Limaj. Emra të tjerë që janë larguar janë Hadis Veseli, Ibrahim Cervadiku, Jerin Hadergjinaj, Arber Prekazi dhe Amrush Bujupi. 

Lider i skuadrës pritet të jetë edhe këtë vit kapiteni Dren Kryeziu, i ndihmuar nga Etrnik Brruti që tashmë është kthyer në lojtarë të rëndësishëm në Superligën e Kosovës. 

Vlera e Malishevës në transfermarkt llogaritet të jetë 4  milionë euro.   

---

Sezonin e shkuar Gjilani e zunë venin e katërt me 51 pikë, ndërsa sezoni aktual do të jetë i 21-ti për Gjilanin në elitën e futbollit të Kosovës. 

Me ardhjen e kryesisë së re, klubi është stabiluzar dhe ka afruar lojtarë me emër, duke u llogarit edhe këtë vit si njëri nga pretendentët për vendet e para. 

Trajneri i njohur shkupjan Ardian Nuhiu, kishte batica dhe zbatica sezonin e shkuar, por që kryesia e klubit arriti t’i besojë deri në fund. 

Klubi gjilanas ka afruar emra si Lorik Bosnjaku, Ennur Totre, Besart Krivanjeva, Mevlan Adili, Mario Zebic, Mehdi Çoba, Vokli Laroshi, Redi Kasa, Astrit Thaqi, si dhe të riun Haris Isufi.  

Nga klubi janë larguar emra si Kushtrim Shabani, Kenan Haxhihamza, Besir Ramadani, Marko Roganovic dhe Jamal Arago. 

Lojtari kryesor llogaritet Armend Thaqi, por aty janë edhe Lorik Boshnjaku dhe Edi Basa, ndërsa ka edhe emra të tjerë si Robert Rrahmani dhe Ylli Ibrahimi që do të vazhdojnë shpërthimin edhe këtë kampionat. 

Vlera e Gjilani në transfermarkt llogaritet të jetë 5.31 milionë euro. 

---

Ishte kthye në elitë sezonin e shkuar dhe ia arriti të bëjë një futboll të fortë, duke e mbyllur në vendin e pestë, ndërsa ky do të jetë sezoni i 18-të i Ferizajt në elitën e futbollit kosovar. 

Ferizaj arriti të tubojë 50 pikë, duke qenë në garë për vendin e tretë deri në xhiron e fundit. 

Trajneri do të jetë Arsim Abazi, që i drejtoi edhe në vitin e shkuar, ndërsa klubi ka në gjirin e saj një miks lojtarët intersantë, me 12 transferime që erdhën vetëm në këtë afat kalimtar. 

Betim Haxhimusa vazhdon të jetë kapiten dhe lider i ekipit, ndërsa në skuadër ka edhe emra si Valmir Nafiu, Qlirim Abduli dhe Ardit Topallaj. 

Jakup Berisha, Refikfaik Selmani, Harhys Steëart, Ardit Ilazi, Ergys Peposhi, Mexhit Neziti, Gabriel Groznica, Alban Shabani, Rejan Thaçi, Hardis Aliu dhe Riad Murseli janë afrimet e ferizajasve. 

Nga klubi janë larguar emra si Arlind Shabani, Edon Sadriu, Albion Kurtaj, Enhar Cakolli dhe Marko Musulini. 

Vlera e Ferizajt në transfermarkt llogaritet të jetë 3.21 milionë euro. 

---

Sezonin e shkuar Prishtina e mbyll në vendin e gjashtë me 48 pikë, por fituan Kupën e Kosovës nga Llapi, duke luajtur në garat evropiane. 

Në krye të skuadrës është Arsim Thaqi, ndërsa janë larguar dhe ofruar shumë lojtarë në këtë afat kalimtar. 

Janë afruar emra si Mario Ilievski, Djordje Saletic, Hamdi Namani, Valmir Veliu, Blend Baftiu, Akileu Ndreca, Gjelbrim Taipi, Drin Bajraktari, Dren Zeqiri, Luis Mota dhe së fundmi Gladwin Curiel.  

Por largimet ishin të dhimbshme dhe me shumë kualitet, pasi katër lojtarë tashmë kanë zgjehdur klube jashtë vendit si Albin Krasniqi, Drilon Islami, Ron Raçi dhe Dion Gallapeni.  Po ashtu janë larguar edhe Roland Soboëale, Alex Gnapi, Dashmir Elezi dhe Junior Ngatta. 

Lider në skuadrën llogariten dyshja Ardian Limani dhe Leotrim Kryeziu. 

Vlera e Prishtinë sipas tranfermakt është 5 milionë euro.  

---

Dukagjini do ta zhvillojë sezonin e tetë në total në elitën e futbollit kosovar, ku edhe këtë vit në krye të skuadrës do të jetë trajneri Ismet Munishi. 

Sezonin e shkuar ata e mbyllën në vendin e shtatë me 48 pikë, ku me mund e siguruan mbijetesën pak para fundi. 

Klubi ka ruajtur boshtin e sezonit të shkuar, ndërsa ofruar në skuadër emra si Kushtrim Gashi, Redon Syla, Eldonit Shaqiri, Hektor Krasniqi, Egzon Lekaj dhe Norik Krasniqi. 

Largimet janë të shumta dhe disa prej tyre ishin me rëndësi për Dukagjinin si Hekuran Berisha dhe Faton Neziri. Po ashtu janë larguar edhe Vlad Khomutov, Elbrima Jatta, Leart EMini, Etienne Tare dhe Ilir Syla.   

Lider i skuadrës në fushë është kapiteni Altin Merlaku, por edhe emra si Elton Basriu, Mërgim Pefqeli dhe Hugo vazhdojnë të jenë aty për ta thënë fjalën e tyre. 

Vlera e Dukagjinit në transfermakt është diku mbi 2 milionë euro. 

---

Llapi sezonin e shkuar e mbylli në pozitën e tetë me 47 pikë duke luajtur në barazh ku shpëtoi me penallti ndaj Vushtrrisë. 

Ky do të jetë sezonin e 15-të i Llapit në elitën e futbollit kosovar, ndërsa klubi ka investuar sërish në skuadër të që paktën të arrihen garat evropiane. 

Tahir Batatina vazhdon të mbetet trajner, ndërsa klubi po ashtu ka larguar disa lojtarë me emër. 

Nga klubi janë larguar emra Diar Vokrri, Hamdi Namani, Valmir Veliu, Granit Jashari, Blend Baftiu, Ergyn Ahmeti, Vokli Laroshi, Avni Selmani, Albion Miftari, Gentri Limani, Mergim Cërnavërni, Ahmet Januzi, Art Hoti dhe Se-yoon Cheon. 

Por Llapi nuk ka qëndruar duar kryç, pasi ka ofruar mbi  20 lojtarë, ku ndër emrat më të rëndësishëm janë Kushtrim Shabani, Hasan Hyseni, Edon Sadriu, Fuad Ajvazi, Luan Leshi, Axel Gnapi, Bujar Idrizi, Keneth Emeka Okafor dhe Parient Elanga. 

Lojtari kryesor këtë sezon pritet të jetë Arnor Ramadani, i ndihmuar nga shumë të tjerë si Besar Musolli, Ardit Tahiri, Elvri Gashjani dhe  Arianit Hasani. 

Vlera e Llapit në transfermakt është diku mbi 3.71 milionë euro. 

---

Prishtina e Re vjen si kampion i Ligës së Parë, Grupi B, ku me 69 pikë la në vendin e dytë Vushtrrinë, ndërsa do të jetë sezoni i parë në elitën e futbollit kosovar. 

Trajner është Elon Berisha, që arriti t’i fus në elitë, ndërsa drejtor sportiv është emëruar Shpëtim Babaj. 

Prishtina e Re ka ofruar 14 lojtarë në këtë afat kalimtar, ndërsa emrat më interesant janë Arlind Shabani, Adrijan Rudovic, Ergyn Ahmeti, Amos Dabet, Florjan Smakiqi, Elivs Prençi, Donat Hasanaj, Drilon Fazliu, Toni Gomes dhe talenti i madh Aron Babaj. 

Nga klubi janë larguar emra si Bleon Sekiraqa, Vigan Ademi, Fati Ismajli, Kreshnik Bahtiri, Dardan Jashari, Labinot Jetullahu, Egzon Bislimi, Agustin Rojas dhe Suad Sahiti.   

Vlera e skuadrës llogaritet të jetë 1.2 milion euro, por shumë lojtarë nuk janë të vlerësuar, pasi disa prej tyre kanë luajrtur në Ligën e Parë. 

---

Kuqezinjtë u kthye në elitën e futbiollit kosovar pas dy vitesh mungesë, duke dal kampion të Ligës së Parë në Grupin A me 58 pikë. 

Drenica do ta luajë sezonin e 24-të në elitën e futbollit kosovar, dhe mbetet klubi i dytë me më shumë vite në Superligë, por pa ndonjë sukses të jashtëzakonshëm. 

Bylbyl Sokoli që arriti t’i kthejë ne elitë mbetet trajner i skuadër, ndërsa Drenica ka bërë disa afrime cilësore në këtë afat kalimtar.  

Klubi kuqezi ka afruar emra si Ronaldo Chacon, Granit Jashari, Indrit Prodani, Christian, Eneid kodra, Kenan Haxhihamza, Tiago Gomes, Erisildo Smaci dhe Jeton Krasniqi. 

Nga Drenica janë larguar emra si Mohamed Fofana, Ermal Veliqi, Shpresim Zogu, Arjon Ymeri dhe Diellon Beseni. 

Vlera e Drenicës në transfermarket llogaritet të jetë mbi 2 milionë euro.  

---

/Telegrafi/

The post SPECIALE | Fillon Superliga e Kosovës 2025/26 – njihuni me formacionet e mundshme, trajnerët dhe liderët e të gjitha skuadrave elitare për këtë edicion appeared first on Telegrafi.

Malisheva ka zyrtarizuar emërimin e Qatip Osmanit si kryetrajnerin e ri të skuadrës për sezonin e ri.

Klubi nga Malisheva ka arritur marrëveshje me trajnerin e mirënjohur tetovar, i cili do të udhëheqë skuadrën në aventurat e ardhshme në futbollin vendor.

Osmani, një nga emrat më të spikatur në futbollin e rajonit, ka ndërtuar një karrierë të suksesshme në Maqedoninë e Veriut dhe në Shqipëri, duke fituar trofe dhe duke udhëhequr ekipe me histori.

Me përvojën e tij të pasur dhe qasjen strategjike, ai pritet t’i japë skuadrës së Malishevës stabilitet dhe ambicie për rezultate të larta.

“Mirë se vjen kampion, Prof. Qatip!” – shkruan FC Malisheva në njoftimin zyrtar, duke theksuar entuziazmin për fillimin e këtij kapitulli të ri.

Osmani pritet të nisë punën menjëherë me ekipin, ndërsa drejtuesit e klubit shprehen optimistë për ndikimin e tij në zhvillimin dhe konkurrueshmërinë e skuadrës në sezonin e ardhshëm të Superligës së Kosovës. /Telegrafi/

The post Zyrtare: Qatip Osmani emërohet trajner i ri i Malishevës appeared first on Telegrafi.

Fatjon Bunjaku është lojtari më i ri i Elbasanit. 21-vjeçari është transferuar nga Malisheva ku kishte edhe një vit të mbetur kontratë. Bunjaku ka luajtur me Kosovën U-21. Po ashtu këtë sezon e nisi duke luajtur me Malishevën në Ligën e Konferencës, edhe pse nuk kaloi asnjë tur. “Fatjon Bunjaku është verdheblu. Sulmuesi premtues i […]

The post Zyrtare/ Elbasani forcon sulmin, firmos me 21-vjeçarin e Malishevës appeared first on BoldNews.al.

Malisheva ka konfirmuar largimin e mesfushorit Arbër Prekazi, duke përmbyllur një periudhë dyvjeçare të mbushur me emocione, kontribut të jashtëzakonshëm dhe ndjenja të thella mirënjohjeje mes klubit dhe futbollistit.

Prekazi ka lënë gjurmë të pashlyeshme në historinë e klubit nga Malisheva, jo vetëm për paraqitjet e tij në fushën e lojës, por edhe për rolin udhëheqës brenda dhomave të zhveshjes. Me profesionalizëm dhe përkushtim, ai ka qenë një shembull për lojtarët e rinj, të cilët i ka mbështetur dhe motivuar në çdo hap.

“Preki dha një kontribut historik për fanellën, për klubin dhe tregoi respekt të madh për tifozët dhe qytetin tonë,” thuhet në deklaratën e klubit. Malisheva ka theksuar se emri i tij do të mbetet përgjithmonë i gdhendur në historinë e klubit.

Largimi i tij shënon fundin e një epoke të lavdishme, ndërsa vetë futbollisti ka vendosur të nisë një aventurë të re në karrierën e tij. Klubi i ka uruar shëndet dhe suksese në rrugëtimin e radhës, duke e cilësuar si një “kampion” që do të mbetet përherë pjesë e identitetit të Malishevës.

Ky përshëndetje e ngrohtë vjen si një testament i lidhjes së fortë që Prekazi ka ndërtuar me klubin dhe komunitetin gjatë qëndrimit të tij. /Telegrafi/

The post Arbër Prekazi largohet nga Malisheva appeared first on Telegrafi.

Sot, në ambientet e Federatës së Futbollit të Kosovës, u bë tërheqja e shortit për edicionin e ri të garave në Superligë dhe Ligën e Parë.

Në emër të FFK-së, kryetari i Komisionit të Garave, Abdyl Bellopoja, u dëshiroi një edicion të mbarë klubeve pjesëmarrëse, ndërsa njëkohësisht u bëri thirrje atyre që të organizohen sa më mirë për mbarëvajtjen e garës.

Pas tërheqjes së shortit, në javën e parë të Superligës do të zhvillohen këto ndeshje:

Dukagjini –Prishtina

Gjilani –Ballkani

Malisheva –Prishtina e Re

Ferizaj –Drita

Drenica –Llapi

Sezoni i ri fillon më 16 gusht, ndërsa ndeshjet e xhiros së parë do të zhvillohen më 16 dhe 17 gusht 2025. /Telegrafi/

The post Hidhet shorti për sezonin e ri në Superligë, derbi në xhiron e parë appeared first on Telegrafi.

Malisheva është eliminuar nga parakualifikimet në Ligën e Konferencës, pasi pësoi humbje 8-0 në ndeshjen e dytë ndaj Vikingur Reykjavik, ndërsa rezultati i përgjithshëm është 9-0.

Pas vetëm 11 minutash lojë, Nikolaj Hansen realizoi për 1-0 me asistimin e Daniel Hafsteinsson.

Dhjetë minuta më vonë, sërish kjo dyshe kombinuan, për rezultatin 2-0.

Kur kaluan 29 minuta lojë, Oliver Ekroth realizoi golin e tretë për Vikingurin, duke demoralizuar lojtarët e Malishevës.

Në minutën e 36-të, Hansen kompletoi het-trikun e tij, për rezultatin 4-0, ndërsa rezultati i përgjithshëm është 5-0.

 

Kæru Víkingar. Það gleður okkur að tilkynna að staðan er 5-0 í hálfleik. Mörkin okkar skoruðu Danni, Oliver og Niko með þrennu. Sjáumst eftir smá í seinni! Veislan er rétt að byrja pic.twitter.com/V2xcgPAvrn

— Víkingur (@vikingurfc) July 17, 2025

Edhe 45 minutat e dytë ishin skandaloz nga Malisheva, pasi pësoi edhe tri gola të tjera.

Në minutën e 68-të, Ingimundarson realizoi për 6-0, për të pasuar dy gola të tjerë.

Agon Xhaka bëri ndërhyrje të palejueshme në minutën e 72-të, duke u ndëshkuar me karton të kuq, ndërsa nga penalltia realizoi Jonasson për 7-0.

Ndërsa goli i tetë u realizua prej Thoreklsson, për të mbyllur këtë paraqitje të turpshme nga Malisheva dhe eliminim nga gara e tretë e UEFA-së. /Telegrafi/

 

The post Malisheva turpërohet në Islandë – humbja më e thellë që nga pranimi në UEFA appeared first on Telegrafi.

Trajneri i Malishevës, Bekim Isufi, ka vlerësuar se ekipi i tij ka ende mundësi reale për të përmbysur rezultatin ndaj Vikingurit në ndeshjen e kthimit të fazës së parë eliminatore të Ligës së Konferencës.

Në sfidën e parë të zhvilluar në stadiumin “Fadil Vokrri”, skuadra nga Kosova u mposht minimalisht 1-0 nga kampionët e Islandës.

Pas ndeshjes, Isufi tha se ekipi i tij kishte treguar respekt të tepruar ndaj kundërshtarit në pjesën e parë, gjë që ndikoi në paraqitjen në fushë.

“Mendoj se përderisa ekziston mundësia, pjesa e dytë e sfidës, mundësitë janë reale. Nuk bën të kemi respekt të tepruar për kundërshtarin, si në pjesën e parë”.

“Duhet të fokusohemi në ndërprerje, në lojën në ajër. Nëse luajmë si në pjesën e dytë, me më shumë vetëbesim, çdo gjë është e mundur. Kemi një javë të përgatitemi. Tani i dimë mundësitë dhe se si të paraqitemi më mirë. Në pjesën e parë kishim shumë respekt për kundërshtarin. Në pjesën e dytë kishim raste, por na mungoi fati për të konkretizuar,” – ka thënë Isufi për KTV-në.

Tutje, ai theksoi se plani për pjesën e parë ishte kontrolli i topit dhe tentimi për të rrezikuar më shumë, por se respekti i tepruar ndikoi që kjo të mos ndodhte.

“Në pjesën e parë u morëm vesh të kemi kontrollin e lojës dhe të rrezikojmë më shumë. Respekti i tepruar bëri që mos të kemi mundësi të hyjmë në lojë. Në pjesën e dytë e kemi ditur se nuk kemi çka të humbim. Pjesa e dytë ishte dominante, kishim aksione. Jemi munduar të eliminojmë gabimet. Vikinguri na ka dominuar në lojën në ajër, ndërsa në aspektet tjera kemi dominuar”, përfundoi trajneri i Malishevës. /Telegrafi/

The post “Nëse luajmë si në pjesën e dytë, gjithçka është e mundur” – Isufi nuk dorëzohet appeared first on Telegrafi.

Drejtoria për Bujqësi, Pylltari dhe Zhvillim Rural e Komunës së Malishevës ka shpallur thirrjen publike për subvencionimin e bletarëve në kuadër të mbështetjes me pagesa direkte për vitin 2025.

Sipas njoftimit zyrtar, të gjithë bletarët e komunës që plotësojnë kriteret përkatëse kanë të drejtë të aplikojnë për mbështetje financiare në vlerë prej 4 euro për çdo shoqëri bletësh.

Afati për aplikim është i hapur nga 9 qershori deri më 20 qershor 2025, ndërsa për të përfituar nga kjo skemë subvencionimi, aplikuesit duhet të plotësojnë këto kushte:

• Të kenë së paku 10 shoqëri bletësh;
• Bletët të jenë të vendosura brenda territorit të Komunës së Malishevës;
• Aplikuesi të jetë banor i Komunës së Malishevës.

Ky program synon të mbështesë dhe inkurajojë zhvillimin e sektorit të bletarisë në komunë, duke kontribuar në fuqizimin ekonomik të fermerëve lokalë dhe promovimin e prodhimit të mjaltit vendor.

Për më shumë informacion rreth dokumentacionit të nevojshëm dhe mënyrës së aplikimit, bletarët mund t’i drejtohen Drejtorisë për Bujqësi, Pylltari dhe Zhvillim Rural në Malishevë.

The post Komuna e Malishevës hap thirrjen për subvencionimin e bletarëve të kësaj komune appeared first on Telegrafi.

Kanë filluar punimet për ndërtimin e Qendrës së Mjekësisë Familjare në fshatin Kijevë, një projekt i rëndësishëm në fushën e shëndetësisë që po realizohet përmes bashkëpunimit të Komunës së Malishevës dhe organizatës humanitare “Qatar Charity”.

Ky projekt, i cili është bashkëfinancuar nga të dy palët, është cilësuar si një ndër investimet më të mira në sektorin e shëndetësisë në këtë komunë, me qëllim përmirësimin e shërbimeve mjekësore për banorët e Kijevës dhe zonave përreth.

Kryetari i Komunës së Malishevës, Ekrem Kastrati, ka theksuar rëndësinë e këtij investimi për komunitetin lokal, duke e cilësuar atë si një premtim të mbajtur dhe një hap konkret drejt përmirësimit të infrastrukturës shëndetësore.

Komuna e Malishevës ka paralajmëruar se do të vazhdojë me projekte të ngjashme në të ardhmen, duke synuar rritjen e cilësisë së jetës për të gjithë qytetarët e saj.

The post Fillon ndërtimi i Qendrës së Mjekësisë Familjare në Kijevë të komunës së Malishevës appeared first on Telegrafi.

Sot (e diel) ka përfunduar edicioni 2024/2025 në Superligën e Kosovës në futboll. 

Në një sezon me shumë befasi, Drita ia doli që ta rikthejë titullin kampion në Gjilan duke lënë pas veten ish-kampionin Ballkanin që nuk kaloi një sezon të suksesshëm. 

Në atë që ishte një maratonë ndeshjesh, këtë të premte u luajtën të gjitha ndeshjet në një orar. 

Drita triumfoi me rezultat 4-1 ndaj Feronikelit ‘74, ndërsa Prishtina luajti baras me rezultat 2-2 ndaj Malishevës. 

Me rezultat të njëjtë përfunduan edhe dy duelet e tjera Suhareka-Ballkani dhe Ferizaj-Gjilani. 

Llapi në ndërkohë mori një fitore jetike ndaj Dukagjinit me rezultat 3-1, duke siguruar kështu barazhin. 

Tashmë janë konfirmuar edhe katër ekipet të cilat do ta përfaqësojnë Kosovën në arenën ndërkombëtare. 

Drita – si fituese e kampionatit kosovar do të luajë në kualifikueset e Ligës së Kampionëve. 

Ballkani – si nënkampion i Kosovës do të luajë në kualifikueset e Ligës së Evropës. 

Prishtina – si fituese e Kupës së Kosovës do të luajë po ashtu në kualifikueset e Ligës së Evropës. 

Malisheva – si e treta e pozicionuar në tabelë do të luajë në kualifikueset e Ligës së Konferencës. 

/Telegrafi/

The post Klubet nga Kosova që do të luajnë në garat evropiane sezonin e ardhshëm appeared first on Telegrafi.

Ka përfunduar sezonin 2024/25 në Albi Mall Superligën e Kosovës, me disa nga skuadrat e mëdha që befasuan të gjithë në këtë sezon.

Drita si kampione e mbylli sezonin me fitore, duke triumfuar 4-1 në shtëpi përballë Feronikeli ’74.

Ballkani që e mbyll këtë edicion në vendin e dytë barazoi përballë rivalit lokal Suharekës, me rezultat 2-2, ndërsa ishte me një lojtar më pak në fushë, pasi Bernard Karrica u përjashtua me kartonin e dytë të verdhë në minutën e 43-të.

Malisheva ia doli të siguronte kualifikimin në fazën kualifikuese të ligës në Ligën e Konferencës, duke i mjaftuar barazimin 2-2 me Prishtinën në stadiumin “Fadil Vokrri”.

Gjilani dhe Ferizaj po ashtu i ndanë pikë, duke barazuar 2-2, përkundër se mysafirët kërkonin kualifikimin në Evropë, por që atë vend e mori Malisheva.

Llapi ia doli të siguronte zonën e barazhit me fitoren 3-1 në shtëpi përballë Dukagjinit, ndërsa pas pak ditësh do të përballet me Vushtrrinë, nëse do të qëndrojë në elitë apo do të garojë në Ligën e Parë.

Drita do të luajë në kualifikimet për në fazë të ligës së Ligën e Kampionëve, Ballkani dhe Prishtina që fitoi Kupën e Kosovës, do të luajnë në kualifikimet për në fazën e ligës në Ligën e Evropës dhe Malishva që luanë në kualifikimet për në fazën e ligës në Ligën e Konferencës.

Nga liga kanë rënë Suhareka dhe Feronikeli ’74, derisa promovimin e kanë siguruar direkt Prishtina e Re dhe Drenica. /Telegrafi/

The post Përfundon sezonin 24/25 në Superligën e Kosovës: Përcaktohen vendi për Evropë dhe ai për barazh appeared first on Telegrafi.

Një operacion i shpejtë policor në komunën e Malishevës ka rezultuar me ndalimin e një automjeti transportues që po bartte një veturë të dyshuar si e vjedhur në territorin e Gjermanisë.

Sipas informacioneve zyrtare nga Policia e Kosovës, rreth orës 19:05, Stacioni Policor në Malishevë është njoftuar nga pjestarët e Policisë në Mitrovicën e Veriut për një automjet që po transportonte një veturë me targa gjermane, me dyshimin se ishte vjedhur, dhe se mjeti po udhëtonte në drejtim të komunës së Malishevës.

Njësitë kompetente janë aktivizuar menjëherë dhe gjatë zhvillimit të hetimeve kanë pranuar informacion shtesë se vetura e dyshuar ndodhej në fshatin Senik të Malishevës, dhe policia ka ndërhyrë me sukses në këtë lokacion, duke ndaluar automjetin transportues së bashku me veturën e ngarkuar.

Të dy mjetet janë sekuestruar dhe janë dërguar në Stacionin Policor në Malishevë për procedurat e mëtejshme hetimore. Në këtë fazë të hetimeve, janë intervistuar dy persona në cilësinë e dëshmitarëve, ndërsa në konsultim me prokurorin e shtetit është iniciuar rasti “Pranim i mallrave të vjedhura”, rasti do të trajtohet në procedurë të rregullt.

Drejtoria Rajonale e Policisë në Gjakovë ka bërë të ditur se do të vazhdojë hetimet për të zbardhur të gjitha rrethanat lidhur me rastin.

Ky reagim i shpejtë dhe i koordinuar i njësive policore është vlerësuar si një dëshmi e qartë e përkushtimit të Policisë së Kosovës në luftimin e krimit dhe ruajtjen e sigurisë publike.

The post Policia e Kosovës ndalon në Malishevë veturën e dyshuar të vjedhur në Gjermani appeared first on Telegrafi.

Sot (e shtunë) është planifikuar të zhvillohen të gjitha ndeshjet e vlefshme për xhiron e 35-të në Albi Mall Superligën e Kosovës.

Superliga e Kosovës po shkon drejt fundit pasi sot zhvillohet xhiro e parafundit dhe garat është ende shumë e hapur dhe e zjarrtë për një vend që dërgon në Evropë, për pozitën e barazhit dhe për mbijetesë.

Në këtë kontekst, ndeshja mes Malishevës dhe Suharekës mund të jetë më interesantja, pasi vendasit synojnë të bëjnë thuajse hapin final për të siguruar pozitën e tretë dhe Evropën, teksa mysafirët me një fitore do të shpresonin shumë të kapnin pozitën e barazhit.

Po kaq interesant është situata edhe në ndeshjen mes Dukagjinit dhe Ferizajt, ku klinasit synojnë fitore për të siguruar thuajse qind për qind mbijetesën, ndërsa ferizajasit duan tri pikët për të pritur pastaj gabimin e Malishevës për t’ia rrëmbyer pozitën e tretë.

Prishtina do të synoj vetëm fitoren në udhëtim te Feronikeli ’74 pasi tri pikët do t’ia siguronin përfundimisht mbijetesën, ndërsa mysafirët tash e disa javë veçse kanë rënë matematikisht nga kategoria.

Sot zhvillohet edhe derbi i madh i Anamoravës mes Gjilanit dhe Dritës, ku fitorja është imperativ vetëm për vendasit e kuq pasi janë ende në garë për pozitën e tretë që i dërgon në Evropë, ndërsa bardhekaltrit tashmë janë shpallur kampion të Kosovës këtë edicion.

Në ndeshjen e fundit, por jo nga rëndësia, Llapi do të kërkoj pikë jetike në udhëtim te Ballkani, i cili ka siguruar pozitën e dytë, ndërsa për llapjanët një humbje do ta rrezikonte shumë qëndrimin e tyre në elitë.

Të gjitha ndeshjet është paraparë të fillojnë nga ora 16:00. /Telegrafi/

The post Luhet për Evropë, barazh dhe mbijetesë – sot zhvillohen të gjitha përballjet e xhiros së 35-të appeared first on Telegrafi.

Kryetari i Komunës së Malishevës, Ekrem Kastrati, ka zhvilluar një takim me drejtorin e Drejtorisë Rajonale të Policisë në Gjakovë, kolonel Lumni Graishta. Gjatë takimit, ata kanë diskutuar mbi mundësitë e përmirësimit të bashkëpunimit të ndërsjellë dhe avancimin e projekteve të përbashkëta që kanë si objektiv sigurimin e territorit të komunës sw Malishevës.

Kryetari Kastrati ka falënderuar Policinë e Kosovës, përfshirë Stacionin Policor të Malishevës dhe Drejtorinë Rajonale në Gjakovë, për mbështetjen dhe bashkëpunimin e ngushtë në realizimin e projekteve që kanë për qëllim zhvillimin e komunës, me theks të veçantë në procesin e lirimit të hapësirave publike në qytetin e Malishevës.

Po ashtu, ata kanë diskutuar edhe për çështje të tjera të sigurisë që ndikojnë në jetën e përditshme të qytetarëve të komunës.

Në fund të takimit, të dyja palët u angazhuan për vazhdimin e bashkëpunimit të frytshëm, me qëllim rritjen e sigurisë për qytetarët e Malishevës, duke shprehur gatishmërinë për të shqyrtuar mundësinë e krijimit të mundësive të reja bashkëpunimi, veçanërisht në fushën e sigurisë në shkolla.

The post Kryetari i Malishevës takon Drejtorin e Policisë në Gjakovë për forcimin e bashkëpunimit në siguri appeared first on Telegrafi.

Java e 33-të e Superligës së Kosovës solli disa barazime të rëndësishme dhe një fitore në udhëtim, duke e bërë edhe më të paqartë luftën për garat evropiane dhe mbijetesë.

Ndeshja kryesore ndërmjet Ballkanit dhe Dritës përfundoi 1-1, një rezultat që nuk ndryshoi shumë, pasi gjilanasit u shpallën kampion më herët.

Po ashtu, Llapi dhe Ferizaj ndanë pikët me rezultat të njëjtë 1-1, ku kësaj radhe dy skuadrat kanë pretendime të ndryshime.

Gjilani dhe Malisheva nuk arritën të gjenin rrjetën duke përfunduar 0-0, ku në fundin e ndeshjes, Oltion Bilalli i Gjilani u lëndua dhe vazhdon të jetë në QKUK për trajtim.

Edhe takimi mes Dukagjinit dhe Prishtinës mbaroi pa gola, edhe pse rastet nuk munguan.  Fitore e vetme e javës u regjistrua në Drenas, ku FC Suhareka triumfoi 3-1 ndaj Feronikelit 74, për të shpresuar për mbijetesë.

Në renditje, Drita vazhdon të kryesojë me 70 pikë, e ndjekur nga Ballkani me 58. Malisheva dhe Ferizaj ndajnë vendin e tretë me nga 49 pikë, ndërsa Gjilani (46) dhe Prishtina (44) qëndrojnë pas tyre.

Dukagjini dhe Llapi janë në luftë për t’i ikur barazhit me 42 dhe 41 pikë respektivisht.

Suhareka, me fitoren e fundit, ka grumbulluar 36 pikë. Në fund të tabelës mbetet Feronikeli 74 me vetëm 15 pikë.

Në xhiron e 34-të takohen: Prishtina – Gjilani, Drita – Dukagjini, Suhareka – Llapi, Ferizaj – Ballkani, Malisheva – Feronikeli 74. /Telegrafi/ 

The post Rezultatet dhe renditja pas javës së 33-të në Superligën e Kosovës: Katër barazime e bëjnë të paqartë luftën për kreun dhe mbijetesën appeared first on Telegrafi.

Gjilani dhe Malisheva do të përballen në kuadër të xhiros së 33-të në Albi Mall Superligë.

Dy skuadrat kanë vetëm një objektiv, daljen në Evropë përmes vendit të tretë dhe diferenca është vetëm tre pikë me Gjilanin që ndodhet pas Malishevës.

Fitorja vlen shumë, si për vendasit ashtu edhe për mysafirët.

Bardhekuqët synojnë tre pikët për t’u barazuar me Malishevën, derisa mysafirët duan pikët e plota për ta blinduar pozitën e tretë.

Tanimë dy trajnerët, Ardian Nuhiu dhe Bekim Isufi kanë publikuar formacionet zyrtare me të cilët do të luajnë në këtë sfidë.

Formacionet zyrtare:

Gjilani: Bllaca, Kqiku, Roganovic, Arago, Ibrahimi, Shabani, Taipi, Prapashtica, Basa, Jarovic, Aganspahic.

Malisheva: Avdyli, Pira, Xhaka, Prekazi, Veliu, Brruti, Ndjigi II, Vitija, Hazrollaj, Xhylani, Bunjaku.

/Telegrafi/

The post Gjilani dhe Malisheva kërkojnë fitore për Evropën, formacionet zyrtare appeared first on Telegrafi.

Janë zhvilluar të gjitha ndeshjet e javës së 32-të në Albi Mall Superligën e Kosovës në futboll, me disa rezultate që ndikuan drejtpërdrejt në renditjen përfundimtare të sezonit.

Ndeshja kryesore e javës doli të jetë ajo mes Dritës dhe Llapin, ku gjilanasit fituan me rezultat 1-0, falë golit të Iljesa Zylfiut, duke e konfirmuar titullin e kampionit matematikisht.

Prishtina shënoi fitore të rëndësishme në derbi ndaj Ballkanit me rezultat 1-0, duke bërë hap të madh drejt mbijetesës.

Në ndeshjet tjera, Gjilani triumfoi 3-2 ndaj Feronikelit 74, në një ndeshje me shumë kthesa.

Malisheva dhe Dukagjini ndanë pikët me rezultat 1-1, duke mbetur në luftë për objektiva të ndryshëm. Ferizaj fitoi si mysafir ndaj Suharekës me rezultat 2-1, një fitore jetike në garën për Evropë.

Pas 32 javësh, Drita kryeson tabelën me 69 pikë dhe është kampion i Kosovës, kur kanë mbetur edhe katër xhiro deri në fund.

Ballkani ndodhet në vendin e dytë me 57 pikë, pozitë që duket e siguruar. Malisheva dhe Ferizaj ndajnë pozitën e tretë me nga 48 pikë, duke luftuar për biletën evropiane.

Gjilani me 45 pikë dhe Prishtina me 43 pikë ende shpresojnë në garën për Evropë. Dukagjini dhe Llapi me nga 41 dhe 40 pikë do të luftojnë deri në fund për të siguruar mbijetesën dhe për ti ikur barazhit.

Suhareka me 33 pikë është shumë pranë rënies, ndërsa  Feronikeli 74 tashmë ka rënë nga liga, me vetëm 15 pikë.

Në xhiron e ardhshme, atë të 33-të takohen: Gjilani – Malisheva, Dukagjini – Prishtina, Feronikeli 74 – Suhareka, Llapi – Ferizaj, Ballkani – Drita. /Telegrafi/ 

 

The post Rezultatet dhe renditja pas javës së 32-të në Superligën e Kosovës: Drita kampion matematikisht, luftë e nxehtë për Evropë dhe mbijetesë appeared first on Telegrafi.

Malisheva dhe Dukagjini përballen në kuadër të javës së 32-të në Albi Mall Superligën e Kosovës.

Ndeshja që fillon në ora 15:00, do të luhet në stadiumin “Liman Gegaj”.

Malisheva dëshiron ta ruajë vendin e tretë, pasi aktualisht ka 47 pikë, dy më shumë se Gjilani dhe Ferizaj.

Në anën tjetër, Dukagjini dëshiron të largohet nga zona e barazhit, ndërsa vazhdon luftën për mbijetesë.

Formacionet zyrtare:

Malisheva: Avdyli, Kryeziu, Veliu, Aliu, Hazrollaj, Brruti, Pira, Limaj, Ndjigi, Prekzai, Berisha.

Dukagjini: Margono, Basri, Pllana, Syla, Sinani, Pefqeli, Xhemajli, H.Berisha, Isufi, Hugo, Neziri. /Telegrafi/

The post Lufta për një vend në Evropë dhe ajo për mbijetesë: Malisheva – Dukagjini, formacionet zyrtare appeared first on Telegrafi.