U desh të priste gjatë, por tashmë duket se është kolauduar. Myrto Uzuni e ka lënë pas periudhën e vështirë dhe me “thatësirë golash” në Shtetet e Bashkuara të Amerikës, e ka nisur të tundë rrjetat gjithnjë e më shpesh.

Kulmi I radhës erdhi këtë fundjavë në ndeshjen që skuadra e tij, Ostin, e fitoi 3-1 në ligën profesioniste të futbollit ndaj San Hozesë.

Ekipi nga Kalifornia e ka emrin “Tërmeti”, “Wrthkuejk”, por tërmetin këtë herë e shkaktuan vendasit, ndërsa Uzuni shënoi golin e tij në 33’, duke mos e pasur të vështirë. Sulmuesi i kombëtares ka 4 rrjeta e 3 asistë në 22 ndeshje, madje të 4 golat i ka shënuar në 6 duelet e fundit.

Gol edhe për Anis Mehmetin në kategorinë e dytë të Anglisë. Lojtari ofensiv shqiptar realizoi dhe shërbeu asist, në fitoren 4-2 nga Bristol Sitit ndaj kundërshtarit Hull Siti. Fillimisht, ai I dha Bristolit avantazhin 2-1 në 32’, ndërsa më pas krijoi rrjetën e shënuar nga Bërd në 78’ për shifrat 4-1.

Në vetëm 4 ndeshje në Championship këtë sezon, Mehmeti ka dy gola dhe një asist. I saktë edhe Kristian Shpendi në Itali. Një tjetër sulmues që ka mbetur jashtë kombëtares, diçka e kuptueshme ndoshta për shkak të konkurrencës së madhe kuqezi, po tregon formë shumë të mirë këtë sezon.

Shënoi me penallti për Çezenën, në barazimin shtëpiak 1-1 ndaj Virtus Entelës.

Futbollisti 22-vjeçar ka dy gola në dy ndeshje në Serinë B. Ndërkaq, ishte pa fat lojtari tjetër I kombëtares, Qazim Laçi. Ai realizoi dy gola shumë të bukur për Çaikur Rizesporin, në një ndeshje tepër të vështirë në fushën e Gallatasarajit në Superligën e Turqisë.

Vendasit fituan 3-1, ndërsa të dy golat e Laçit u anuluan për pozicion jashtë loje, një herë të vetin, dhe herën tjetër të një shoku të ekipit.

Ishin më të mirët në fushë, edhe pse patën fat të ndryshëm. Luka Doncic dhe Nikola Jokic shënuan që të dy nga 39 pikë, por Sllovenia humbi e Serbia fitoi.

Superylli i Lejkërsave ishte protagonist i madh ndërsa skuadra ballkanase sfidoi Francën, njërën nga pretendentët kryesore për titull në Kampionatin Europian të basketbollit për meshkuj.

Ai iu afrua tripëll dabëllit me 39 pikë, 9 asistë e 8 topa në tabela, përfshi edhe katër gjuajtje të sakta për tri pikë.

Doncic bëri shumë, dhe kaloi nivelin e 1 000 pikëve për kombëtaren, por Franca pati më shumë potencial dhe u shkëput në fund duke triumfuar 105-93.

Jokiç ndërkaq duhej të zëvendësonte kapitenin e dëmtuar Bogdanoviç, ndërsa përballë ishte Letonia vendase, me mbështetjen e mbi 11 000 tifozëve në Arenë, si dhe me Kristaps Porzingisin shumë në formë.

Basketbollisti I Denverit pati 39 pikë, duke thyer rekordin për më shumë pikë në kombëtaren serbe në një ndeshje, rekord që e mbante vetë.

Tridhjetëvjeçari shtoi edhe 10 topa në tabela, 4 asistë e 3 vjedhje topi, dhe Serbia fitoi 84-80, pra me rezultat të ngushtë, edhe pse kryesoi gjatë gjithë kohës, e tani ka tri fitore në tri ndeshje, po aq sa edhe Franca.

Dy yje të tjerë që shkëlqyen ishin Lauri Markanen dhe Alperen Shengyn. Protagonisti I madh I dha Finlandës fitoren e tretë në tri ndeshje, duke mundur thellë Malin e Zi, 85-65.

Markanen shënoi 26 pikë, kapi 13 topa në tabela e shërbeu 3 asistë. Turqia, nga ana tjetër, shkatërroi Portugalinë 95-54, duke dërguar një mesazh të fortë për të gjithë pretendentët e Eurobasketit.

Alperem Shengyn ishte më I miri në fushë me 20 pikë, 7 topa në tabela e 5 asistë, edhe pse luajti vetëm 21 minuta, e duke pasur një saktësi prej gati 70 për qind në gjuajtjet nga loja. Turqia gjithashtu është një nga skuadrat me tri fitore në tri ndeshje në Europian deri tani.

Bajern Mynih nuk ndalet as në javën e dytë të Bundesligës. Bavarezët fituan 3-2 në transfertën e Augsburg, ndërsa rezultati tregon qartë se deri te festa, kampionët gjermanë do të vuanin shumë.

Kjo për fajin e vetë skuadrës së drejtuar nga Vinsent Kompani, që nuk diti të menaxhojë epërsinë e tre golave.

Gnabri kaloi në epërsi bavarezët në minutën e 26-të.

Në minutën e katër shtesë të pjesës së parë, Luis Diaz dyfushoi shifrat, duke dhënë përshtypjen e një sfide të mbyllur përpara kohe.

Kjo ide u forcua pas pushimit, ku vetëm tre minuta nga rinisja e garës, Olise thelloi në 3-0 avantazhin e Bayern.

Por kur gjithçka dukej e mbyllur, Augsburg reagoi fort, duke rihapur ndeshjen.

Jakiç në minutën e 53-të dhe Komur në të 76-ën, ndëshkuan dy herë bavarezët, duke tronditur besimin e tyre.

Me shumë vështirësi, Bayern arriti të ruajë epërsinë minimale deri në vërshëllimën e fundit.

Një fitore që mban bavarezët me pikë të plota në krye pas dy javësh, por që konfirmon edhe një herë mbrojtjen e brishtë në këtë nisje të sezonit të futbollit gjerman.

Ylber Ramadani do të mungojë në dy ndeshjet e radhës të kombëtares shqiptare të futbollit. Mesfushori kuqezi, sipas informacionit që jep Federata Shqiptare e Futbollit, vuan nga një infeksion I përsëritur I laringut që kërkon trajtim me antibiotikë dhe nuk I jep mundësi që t’i përgjigjet ftesës së trajnerit Silvinjo.

Shqipëria do të luajë këtë 4 shtator një miqësore në fushën e Gjibraltarit, ndërsa në 12 shtator pret në Tiranë Letoninë në ndeshjen eliminatore të Kupës së Botës.

Për momentin, Silvinjo nuk ka lajmëruar për ndonjë lojtar tjetër që do të zëvendësojë Ramadanin. Mesfushori 29-vjeçar ka luajtur 46 ndeshje dhe ka shënuar një gol në kombëtare.

Real Madrid i shton fitoren e tretë radhazi nisjes perfekte të sezonit në La Liga. Skuadra e drejtuar nga Xabi Alonso mundi 2-1 Majorkën e Vedat Muriqit dhe Marash Kumbullës.

Gjithsesi skuadra e dy futbollistëve shqiptarë flirtoi me suksesin në “Santiago Bernabeu”, duke kaluar e para në avantazh. Pas golit të anuluar të Mbape, ishte Muriqi që ndryshoi rezultatin me golin e epërsisë për miqtë në minutën e 18-të.

Por realizimi i sulmuesit të Kosovës u bë I pavlefshëm që në pjesën e parë.

Në vetëm dy minuta lojë, në fillim Arda Guler dhe më pas Vinicius Junior gjetën rrugën e rrjetës duke përmbysur shifrat që në pjesën e parë.

Madrilenët provuan të vrisnin garën, por duhet t’I bënin llogaritë me sistemin VAR. Nuk ishte mbrëmja e Kilian Mbape, pasi sulmuesit iu anulua një tjetër gol përpara pushimit të ndeshjes.

Të njëjtin fat kishte edhe Arda Guler në nisje të pjesës së dytë.

Gjithsesi, kjo nuk e prishi festën e Real Madrid, që me pikë të plota pas tre ndeshjeve të para, kryeson renditjen në La Liga.

Read More...

“Është nder, është privilegj. Akoma nuk e besoj faktin se unë do jem pjesë e kësaj shkolle”

Ermelinda Haka nuk e fsheh emocionin që shumë shpejt do të veshë uniformën ushtarake. Ajo do të studiojë Marrëdhënie Ndërkombëtare në Fushën e Mbrojtjes. E reja nga Elbasani, është një nga maturantet fituese për të ndjekur studimet e larta në Akademinë e Forcave të Armatosura.

Për të nis një kapitull i ri, që nuk është thjeshtë shkollim, por një mision për t’i shërbyer atdheut. Ajo dhe bashkëmoshatarët e saj që nisin studimet ushtarake janë një yll i shtuar i Forcave të Armatosura të Shqipërisë.

“Ushtria ka një rol të rëndësishëm si pjesë e NATO, pse jo mund të përfaqësoj vendin tim”

Mes Mjekësisë, dëshirës së prindërve dhe akademisë ushtarake, Ermelinda zgjodhi këtë të fundit.

“Vij nga një familje dëshmorësh, oficerësh, po ashtu edhe policësh”

Për të fituar të drejtën e studimit, Ermelinda ka kaluar edhe testin fizik.

“Thoja do ia dal dot apo jo, por nuk ishte shumë e vështirë”

Pandi Teka ka udhëtuar nga Përmeti, qyteti ku ka lindur dhe rritur për t’u regjistruar në fakultetin e Mbrojtjes dhe Sigurisë. Ai ka zgjedhur programin e shkencave ushtarake dhe jo rastësisht.

“Për shkak të një pune dhe disipline që kam bërë ndër vite, mendova se kjo është shkolla që më përshtatej.

Je marrë me sport?

-Po

Forcat e Armatosura kanë disiplinë të fortë, rutina e tij do të ndryshojë për t’ju përshtatur një bote me rregulla.

“Mendoj se do më mungojë liria, familja, shoqëria.

Sa gati ndihesh?

-100%

Më shumë të rinj treguan interes për të ndjekur studimet e larta ushtarake. Në Akademinë e Forcave të armatosura aplikuan 1634 maturantë, rreth 500 më shumë se vitin e kaluar. AFA është i vetmi institucion i arsimit të lartë ku studentet nuk paguajnë tarifë, por trajtohen me page mujore.

Fakulteti i Mbrojtjes dhe Sigurisë ofron katër programe studimi.

Teknologji Informacioni në Fushën e Mbrojtjes, Shkenca Komunikimi në Fushën e Mbrojtjes, Shkenca Ushtarake dhe Marrëdhënie ndërkombëtare në Fushën e Mbrojtjes.

Në total janë 70 studentë që do të nisin vitin e ri akademik në vitin e parë.

Duke parë trendin e zhvillimeve teknologjike, IT me e kërkuara dhe Marrëdhëniet Ndërkombëtare, e dyta.

Akademia e Forcave të Armatosura ka në thelb krijimin e lidershipit ushtarak që drejton me ndershmëri e dinjitet. Detyra, Nderi dhe Atdheu, janë tre elementë të panegociueshëm, mbi të cilën formohen oficerët e rinj, të cilët nuk zgjedhin thjeshtë një profesion, por misionin për t’i shërbyer vendit nën uniformë.

SHQIPËRI- Periudha pos pushime sjell fluks të shtuar të pacientëve te bluzat e bardha, për shkak të virozave të stinës. Sipas mjekëve ajo që po dominon është viroza e stomakut, e cila shkakton diarre dhe të vjella.

“Fluksi ka qenë i shtuar për shkak të temperaturave, plazhit…. Në këtë stinë vere ajo që ka dominuar ka qenë gripi i stomakut, që shkaktohet nga viruset e bakteret. Simptomat të shprehura me të vjella e lodhje të theksuar”.

 Sipas specialistëve, kjo virozë zgjatë disa ditë, dhe për të shmangur komplikacionet e rënda siç mund të jenë ata pulmonare, bluzat e bardha këshillojnë kontaktin me mjekun.

“Simptomë që zgjat deri në 7 ditë, dhimbje fyti, koke apo artikulare. Le të tregohet kujdesi i duhur ndaj simptomatikës, kontakto i parë duhet të jetë mjeku, kujdesi për dehidritimin, temperaturës. Marrja e antipiretikave”

 Përveç virozës së stomakut, në vendin tonë po qarkullojnë edhe viruse të tjera si COVID-19, apo ato respiratore.

Në çdo rast mjekët kërkojnë vlerësim të situatës nga specialistët dhe të shmanget vetëmjekimi, pasi mund të sjell përkeqësim të gjendjes, dhe jo trajtim të saj./abcnews.al

TIRANË– Një 28 vjeçare, me profesion edukatore, është proceduar penalisht pasi akuzohet për dhunë.

Sipas policisë, edukatorja në ambientet e kopshtit ku punon dyshohet se ka qëlluar me shuplakë një fëmijë.

Grupi hetimor ka nisur punën për zbardhjen e rrethanave./abcnews.al

Read More...

TIRANË– Stina e verës ndikon në mënyrë të drejtpërdrejtë tek të sëmurët kardiovaskularë. Sipas bluzave të bardha, temperaturat e larta sjellin sforcim të organit të zemrës, duke i pamundësuar kryerjen e funksionit.

“Personat që janë të sëmurë kardiak kronik, dekompozohen më lehtë gjatë muajve të verës si pasojë e temperaturave të nxehta. Zemra sforcohet në temperatura të larta, kanë një mbingarkesë në kthimin e gjakut venozë, dhe rrjedhimisht, dekompensohen sëmundjet kardiovaskulare”, tha ajo

Sipas të dhënave zyrtare, shkaqet kryesore të vdekshmërisë në vend, vijnë si pasojë e problemeve me zemrën.

Arrestet kardiake, si forma më e rëndë e sëmundjeve të zemrës, mund të shkaktohen edhe si pasojë e një komplikacioni të lindura, ku individët mund të mos jenë në dijeni. Ndaj mjeku kardiolog në QSUT, Taulant Gishto, këshillon kontrolle rutinë tek specialist, pasi neglizhenca mund çoj deri në humbje të jetës.

Mund të flasim për arrest kardiak në një terren të mbylljes së arteries koronare.  Mund të flasim arrest në aritmive malinje, që mund të ndodh edhe në terren të një zemre jo me probleme mekanike, por shfaqen në saj të disa sindromave të lindur.. Është një finale e një problemi që mund të ketë qenë edhe më herët, por pacienti në gjithë këtë kupolën e neglizhencës, shkon drejt arrestit kardiak. Në rast se ne kemi një pacient diabetik, apo mbi 45 vjeç dhe që nuk bën kontroll rutinë, gjasat që ky pacientë të bëjë sëmundje kardiovaskulare janë shumë të larta”

Parandalimi më mirë sesa trajtimi. Kardiologu Gishto për Abc News, tregon se çfarë duhet të bëjmë, për të mbajtur larg problemet me zemrën.

“Kardiologjia parandaluese, bazohet në disa kolona. Kryesorja aktiviteti i shtuar ditor…minimumi 12 mijë hapa në ditë. Ushqimi, hipokalorik. Çdo ushqim me përmbajte yndyrash…. Menaxhimi i sheqernave, buka e bardhë.  Menaxhimi i mirë i sëmundjeve bashkëshoqëruese, dhe largimi nga veset, si duhani, alkooli apo drogave.

Rastet me probleme kardiovaskulare, gjithnjë e më shumë po vijnë në rritje edhe në vendin tonë. Faktor kryesor mjekët listojnë, shtimin e jetës sedentare në popullatë, pra një jetë pa aktivitet fizik të mjaftueshëm, kequshqyerjen, si dhe përdorimin e veseve të këqija, si duhanpirja apo përdorimi i drogave të ndryshme.

KUKËS- Janë tingujt burimore e këngë dasme të Lumës të përcjellë brez pas brezi.

Si dikur në dasmat tradicionale, u mblodhën një grup artizanesh duararta të zonës së Lumes duke sjellë këngët tipike lumjane por edhe punimet e përvojën e tyre në endjen e sixhadeve, qilimave.

“Me këtë zanat kam rritur fëmijët. Falë këtij zanati. Vetëm në telefon nuk jeton njeriu, shëmtohet. Puna të gjallëron trurin, të bën shpirtin, të mban gjallë”, tha artizania Hate Ora.

“Kemi evidentuar këtë proces shërimi nëpërmjet punëdores”, tha ai.

Këto gra dhe vajza kanë ruajtur me fanatizëm, traditën e të parëve dhe qëllimi i aktiviteteve të tilla sipas tyre është të promovojnë punën artizanale dhe folklorin tek brezat e rinj që tradita të mos humbë/abcnews.al

Read More...

TIRANË- Pas pushimeve verore, rrugët e kryeqytetit janë gjallëruar. Ndërsa qytetarët i janë kthyer rutinës me energji pozitive, dhe  objektiva të reja.

“Jemi kthyer plotë energji, jemi shplodhur”

Kjo reflektohet edhe në përditshmërinë e specialistëve të shëndetit mendor, të cilët thonë se pjesa më e madhe e qytetarëve kthehen më produktivë pas pushimeve, dhe optimist për të ardhmen.

“Pjesa më e madhe e njerëzve i përkasin këtij targetgrupi, që konsiderojnë se pushimet ishin një relaks i plotë, dhe që tani duhet të kthehemi, më me fuqi dhe produktiv. Janë më produktiv në punë, dhe më të qeshur në të gjitha llojet e punëve, ndihen më me energji. Dhe këtu, do fusja ata persona që mendojnë pozitivisht për pushimet dhe rikthimin në punë. Janë ata persona që rikthimin e quajnë aktivitet dhe jo barrë”

Mjekja psikiatre Valentina Asabella, nuk përjashton as rastet kur njerëzit e përjetojnë me stres, rinisjen e aktiviteteve të përditshme pas pushimeve, si pasojë e mendimeve negative që ata krijojnë.

“Rikthimi pastaj është paksa e vështirë, se në periudhën e pushimeve ne kemi fituar lirinë, vjen momenti ku rutina na duket sikur po na e merr këtë liri. Duke menduar kështu negativisht, instalojmë një lloj lodhje pa e filluar punën, stres, çrregullim të gjumit, vetëm nga mendimi sesi do i kthehem rutinës. Janë shfaqur persona me probleme të ankthit,  edhe njerëzit që kanë kaluar pushime të mira”

Në çdo rast mjekja Asabella, këshillon qytetarët që të mendojnë pozitivisht për kthimin në punë, dhe të kryejnë sa më shumë aktivitete sportive, si ecje në natyrë, apo të ndajnë sa më shumë kohë me miqtë dhe të afërmit e tyre./abcnews.al

SARANDË– Porti Detar i Sarandës është një arterie e rëndësishme për turizmin në qytetin bregdetar të jugut.

Një pjesë e mirë e pushuesve në Sarandë mbërrijnë nga Korfuzi. Gjatë muajve të verës, porti punon me kapacitet të plotë, me 25 orare udhëtimi dhe 9 anije që kryejnë çdo ditë linjën Sarandë-Korfuz dhe anasjelltas.

“Pjesa dërrmuese, rreth 90% e pasagjerëve vijnë nga porti i Korfuzit, ka dhe nga ata qe vijnë me tragete turistike, ka dhe nga ata qe vijnë me anije turistike, te cilët hyrjen e bëjnë nga Porti i Korfuzit por vijnë sipas paketave te tyre turistike, nga Kotorri, Mali i zi.” “Ne linjën Sarande- Korfuz janë 9 anije qe operojnë, dhe këto anije kane kryer 25 orare ne nisje dhe 25 orare ne mbërritje. Fillon puna ne orën 5:00 te mëngjesit qe është anija e pare qe largohet dhe anija e fundit është ne orën 20:00 ndërkohë mbërritjet vazhdojnë edhe me vone deri ne orën 00:00.”

Muaji gusht ka shënuar pikun e fluksit të përpunimit të pasagjerëve brenda një dite.

“Nëse në korrik hyrje daljet ishin 5500 pasagjere ne dite, ne muajin gusht kemi arritur 6500 pasagjere ne dite”

Krahas turistëve të mbërritur nga Korfuzi me linjat e udhëtimit, porti mirëpret turistë të planifikuar nëpërmjet trageteve turistikeve apo kruizeve.

“Për vitin 2025 u planifikuan rreth 70 tragete turistike, deri tani kane ardhur 35 dhe nga këto 11 janë kruizera, te kapacitetit te mesëm dhe t larte. Pothuajse ky ka qene dhe numri i vitit 2024. Mbërrijnë ne mëngjes dhe largohen pasdite, quhen turiste ditore dhe janë pothuajse nga e gjithë bota.” “Veçantia e këtij viti është qe ne kemi kruizera te planifikuar për te ardhur deri ne muajin nëntorin, dhe konkretisht ne 10 nëntor 2025, presim një kruiz qe shpresojmë te këtë numër te konsiderueshëm pasagjeresh për ti dhënë dhe gjallëri qytetit.”

Këta dy të rinjë kanë kaluar disa ditë pushimi në Himarë dhe do të largohen nga Shqipëria përmes Portit të Sarandës.

“Erdhëm në Sarandë për t’u nisur për në Korfuz, por po shpenzojmë disa orë këtu. Shkuam të shohim Sinagogen, kala të vjetra në Sarandë dhe tani po ecim përgjatë detit, duke kërkuar një vend për të drekuar”

Porti Detar i Sarandës është një portë hyrëse kyç e turistëve në jug të vendit dhe lehtëson ardhjen e vizitorëve nga Greqia në vendin tonë.

TIRANË- Detaje të reja dalin në dritë mbi aksionin e Policisë në Tiranë, ku katër të rinj u vunë në pranga për posedim kokaine.  Burime për ABC News sqaruan se 30-vjeçari  i arrestuar Gëzim Pashaj, rezulton i dënuar më për për drogë në Zvicër. Por gjatë viteve të fundit jetonte në Greqi.

Ai kishte ardhur në Shqipëri së bashku me shokun e tij, grekun Petros Koronoias dhe Jastin Zaimin, në lokalin në rrugën “Myslym Shyri”, vend ku Pashaj la takim me Armet Latifajn për t’i dhënë sasinë e kokainës.

Makinat tip Benz C-Class ngjyrë e bardhë përdoreshin qëllimisht të të njëjtit lloj dhe në të njëjtën ngjyrë, për të mos rënë në gjurmët e policisë.

Zaimi dhe shoku i tij grek Koronoias, të arrestuar, janë akuzuar për moskallëzim krimi, ndërkohë vijojnë hetimet për zbulimin e tyre nëse janë të përfshirë apo jo në këtë aktivitet ilegal.

Për më shume se 3 muaj ata kanë qenë nën mbikëqyrjen e agjentëve të antidrogës së Tiranës. Droga shpërndahej në kryeqytet kryesisht në ish-bllok, “Myslym Shyr” dhe te “21 dhjetori”

Sipas specialistëve nëse lënda narkotike do të dilte në treg kaptë shumën rreth 30 mijë euro./abcnews.al

Zëdhënësi i Brigadave Qassam, krahut ushtarak të Hamas, i njohur si Abu Obeida, u vra nga një sulm i piketuar izraelit.

Burime palestineze konfirmuan se Izraeli shënjestroi një shtëpi ku po qëndronte zëdhënësi i Qassam dhe se bombardimet izraelite vranë të gjithë ata që ishin brenda.

Burimi raportoi se familja e Abu Obeida dhe udhëheqësit e Brigadave Qassam konfirmuan vdekjen e tij pasi ekzaminuan trupin e tij.

Një zëdhënës izraelit njoftoi dje se një udhëheqës i shquar i Hamasit ishte shënjestruar në Gaza.

TIRANË- Katër persona janë arrestuar në  flagrancë në një lokal në Tiranë, ndërsa mbanin me vete një pako me lëndë narkotike kokainë.

Sipas policisë, në një lokal në rrugën “Myslym Shyri”, një 25 vjeçar dhe një 30 vjeçar, posedonin lëndën narkotike me qëllim shitjen e saj. Ndërsa dy të tjerët, shtetas grekë, nuk kanë kallëzuar për krimin.

Dy grekët  kishin marrëdhënie shoqërore me 2 të arrestuarit.

Nga hetimet ka rezultuar se dy prej tyre i përdornin automjetet e tyre tip “Benz”, të ngjashme me njëra-tjetrën, për transportimin dhe shpërndarjen e lëndës narkotike, me qëllim konfuzimin e Policisë.

Lënda narkotike, së bashku me 2 automjetet, celularët e shtetasve të arrestuar, dhe një shumë parash, u sekuestruan në cilësinë e provës materiale./abcnews.al

Administrata Trump ka ndërmarrë hapa për të pushuar nga puna pothuajse 500 punonjës të organizatës së lajmeve Zëri i Amerikës (VOA), të financuar nga qeveria federale.

Ky hap është i fundit në përpjekjen e presidentit Donald Trump për të mbyllur këtë agjenci, të cilën Shtëpia e Bardhë e ka akuzuar si “radikale”, transmeton Telegrafi.

Një sindikatë që përfaqëson punonjësit e quajti këtë hap të paligjshëm në një deklaratë për New York Times. Zëri i Amerikës u krijua gjatë Luftës së Dytë Botërore për t’iu kundërvënë propagandës naziste dhe është bërë një transmetues i madh global.

Në qershor, Lake njoftoi se 639 punonjës do të pushoheshin nga puna, megjithëse njoftimet u anuluan më vonë për shkak të gabimeve në dokumente. Disa punonjës ngritën gjithashtu padi për të bllokuar shkarkimet.

Njoftimi vonë të premten në mbrëmje erdhi një ditë pasi një gjyqtar vendosi se administrata Trump nuk kishte ndjekur procedurat e duhura në përpjekjen e saj për të shkarkuar drejtorin e Zërit të Amerikës, Michael Abramowitz.

Gjykatësi gjithashtu urdhëroi që Lake të jepte një dëshmi, ku ajo do të pyetej nga avokatët.

“Ne i konsiderojmë sulmet e vazhdueshme të Lake ndaj agjencisë sonë të neveritshme”, thanë ata në një deklaratë për CBS News.

“Ne mezi presim dëshminë e saj për të dëgjuar nëse plani i saj për të shpërbërë Zërin e Amerikës është bërë me procesin rigoroz të shqyrtimit që kërkon Kongresi. Deri më tani nuk kemi parë asnjë provë për këtë, dhe si të tillë ne do të vazhdojmë të luftojmë për atë që besojmë se janë të drejtat tona sipas ligjit”, shtuan ata.

Shumica e gazetarëve të Zërit të Amerikës kanë qenë në pushim administrativ që nga marsi, por disa staf që flasin gjuhën persisht u thirrën përsëri ndërsa shpërtheu lufta midis Izraelit dhe Iranit këtë verë.

Kritikët thonë se përpjekjet e Trump për të hequr dorë nga Zëri i Amerikës përbëjnë një sulm ndaj lirisë së shtypit, dhe ndikojnë në aftësinë e Amerikës për të ushtruar pushtet të butë jashtë vendit. Administrata e ka akuzuar këtë medium si “anti-Trump” dhe “radikal”.

Zëri i Amerikës transmeton përmbajtje televizive, radiofonike dhe digjitale në pothuajse 50 gjuhë.