Më shumë se 60 migrantë dhe azilkërkues janë dëbuar nga SHBA-ja drejt Rusisë.

Ky është një nga grupet më të mëdha të shtetasve rusë që janë dëbuar ilegalisht nga SHBA, të cilët janë dërguar në Rusi përmes Kajros.

Aeroplani, i shoqëruar nga shërbimet e sigurisë egjiptiane, ka zbritur në aeroportin Domodedovo, raportojnë mediat.

Një rus është arrestuar, ndërsa të tjerët janë liruar, disa prej tyre janë vendosur nën kufizime udhëtimi.

Lexo po ashtu SHBA regjistron rekord fluturimesh për deportimin e emigrantëve

Sipas aktivistëve të të drejtave të njeriut, dëbimet e rusëve janë bërë të zakonshme gjatë presidencës së Donald Trumpit.

Një dëbim tjetër i madh ndodhi në muajin qershor, kur SHBA dërgoi rreth 40 persona të tjerë në Rusi.

Ndryshe, numri i fluturimeve për deportimin e emigrantëve nga Shtetet e Bashkuara ka arritur një nivel rekord këtë vit. Sipas të dhënave të publikuara nga Agjencia e Lajmeve AP, gjatë muajit korrik janë regjistruar 1214 fluturime deportimi, shifra më e lartë që nga viti 2020, kur filloi monitorimi i tillë. /Telegrafi/

The post SHBA deporton azilkërkuesit rusë appeared first on Telegrafi.

Pas qindra ditësh shërbimi ushtarak rraskapitës, numri i rezervistëve izraelitë që paraqiten për detyrë është ulur, ndërsa të tjerë refuzojnë të luftojnë në një luftë në të cilën më nuk besojnë, raportoi The New York Times.

Izraeli po përgatitet të thërrasë dhjetëra mijëra rezervistë për një pushtim të Gazës, por zyrtarët ushtarakë pranojnë se nuk është e qartë se sa prej tyre do t’i përgjigjen thirrjes pas pothuajse dy vitesh lufte.

Në muajt e fundit, një numër gjithnjë e më i madh rezervistësh izraelitë nuk janë paraqitur në detyrë. Disa përmendin lodhjen, nevojën për të shpëtuar martesat e tensionuara apo karrierat e rrezikuara, ndërsa të tjerë shprehin një zhgënjim në rritje ndaj luftës.

Pakënaqësia në rritje brenda radhëve të ushtrisë rrezikon të komplikojë planin e kryeministrit izraelit, Benjamin Netanyahu për të pushtuar Gazën, në përpjekje për të “shkatërruar vendosmërisht” Hamasin, ndërkohë që ushtria ka njoftuar se planifikon të thërrasë edhe 60 mijë rezervistë të tjerë dhe të zgjasë shërbimin për 20 mijë të tjerë.

Përveç luftës në Gaza, ushtria izraelite vazhdon të jetë e angazhuar edhe në disa fronte të tjera, me ushtarët që kryejnë sulme dhe patrullime në pjesë të jugut të Libanit dhe Sirisë, ndërsa njëkohësisht intensifikojnë inkursionet në qytete palestineze në gjithë Bregun Perëndimor.

Mungesa e të dhënave zyrtare për tërheqjen e rezervistëve nga ushtria izraelite e ka fshehur shkallën e vërtetë të këtij fenomeni. Vështirësitë në matjen e tij u ilustruan në muajin maj gjatë një dëshmie të një zyrtari të lartë ushtarak para një komisioni parlamentar, ku ai pranoi një rënie të caktuar në numër, por këmbënguli se shumica dërrmuese e rezervistëve ende po i përgjigjen thirrjes për detyrë.

Katër ushtarë që kanë folur muajt e fundit për The New York Times thanë se morali në njësitë e tyre mbetet i lartë dhe se vullneti për të luftuar vazhdon të jetë i pranishëm. Megjithatë, një duzinë oficerësh dhe ushtarësh të tjerë përshkruan njësi të rraskapitura dhe të dobësuara, dhe të paktën dy prej tyre pohuan se 40 deri në 50 për qind e kolegëve të tyre rezervistë nuk janë kthyer më në detyrë.

Një ushtar raportoi se pjesëmarrja në çetën e tij prej 100 vetash kishte rënë gradualisht në vetëm 60 për qind – një rënie që ai dhe të tjerët ia atribuuan tensioneve të brendshme në rritje për kujdesin ndaj fëmijëve, vështirësive në rritje në karrierat civile dhe shqetësimeve gjithnjë e më të mëdha për shëndetin mendor. Ai vuri re gjithashtu se ushtria izraelite ka nisur të ofrojë stimuj për rezervistët, ku njësitë e tyre dislokohen për shtatë ditë, e më pas marrin dy javë pushim me pagesë.

Një tjetër ushtar këmbësorie tregoi se vetëm gjysma e skuadrës së tij u paraqit në mobilizimin më të fundit në fund të vitit të kaluar. Një komandant tjetër i një toge rezerviste shtoi se, edhe pse ushtarët e tij ende paraqiten në detyrë, ai e di që ka oficerë të tjerë që po përballen me norma pjesëmarrjeje të rëna deri në 40 për qind. /Telegrafi/

The post NYT: Ushtria izraelite e rraskapitur, ushtarët dezertojnë masivisht appeared first on Telegrafi.

Tensionet mes Shteteve të Bashkuara të Amerikës dhe Venezuelës po rriten në mes të një grumbullimi të madh të marinës amerikane në Karaibet jugore dhe ujërat përreth, për të cilin zyrtarët amerikanë thonë se ka për qëllim adresimin e kërcënimeve nga kartelet e drogës në Amerikën Latine.

Presidenti amerikan, Donald Trump e ka bërë luftën kundër karteleve të drogës një nga qëllimet kryesore të administratës së tij, si pjesë e përpjekjeve më të gjera për të kufizuar migracionin dhe për të siguruar kufirin jugor të SHBA-ve.

Edhe pse anijet e Gardës Bregdetare dhe Marinës Amerikane operojnë rregullisht në Karaibet jugore, ky grumbullim është dukshëm më i madh se dislokimet e zakonshme në rajon.

Një zyrtar amerikan, që foli në kushte anonimiteti, tha të enjten se shtatë anije luftarake amerikane, së bashku me një nëndetëse të shpejtë me energji bërthamore, ndodhen në rajon ose pritet të mbërrijnë atje javën e ardhshme.

Presidenti i Venezuelës, Nicolas Maduro, i ka dënuar këto lëvizje, transmeton Telegrafi.

Pentagoni nuk ka bërë publike detaje të misionit të SHBA-ve, por administrata Trump ka deklaruar se tani mund të përdorë ushtrinë për të luftuar kartelet e drogës dhe grupet kriminale, dhe i ka dhënë urdhër Pentagonit të përgatisë opsione.

Të enjten, Venezuela i dërgoi një ankesë Sekretarit të Përgjithshëm të OKB-së, Antonio Guterres, lidhur me grumbullimin e marinës amerikane, duke akuzuar Uashingtonin për shkelje të Kartës Themeluese të OKB-së.

“Ky është një operacion masiv propagandistik, që synon të justifikojë atë që ekspertët e quajnë veprim ‘kinetik’ – që do të thotë ndërhyrje ushtarake në një vend sovran dhe të pavarur që nuk përbën kërcënim për askënd”, u tha gazetarëve ambasadori i Venezuelës në OKB, Samuel Moncada, pas takimit me Guterresin.

Të enjten, Shtëpia e Bardhë deklaroi se Trump është i gatshëm të përdorë “çdo element të fuqisë amerikane për të ndalur përmbytjen e vendit tonë me drogë”.

“Shumë vende të Karaibeve dhe rajonit e kanë mirëpritur operacionin dhe përpjekjet e administratës për luftën kundër drogës,” tha për gazetarët zëdhënësja e Shtëpisë së Bardhë, Karoline Leavitt.

Në muajin shkurt, administrata Trump e shpalli kartelin meksikan Sinaloa dhe grupe të tjera të narkotrafikut, përfshirë edhe grupin kriminal venezuelan “Tren de Aragua”, si organizata terroriste globale.

Pjesë e grumbullimit të forcave janë anijet USS San Antonio, USS Iwo Jima dhe USS Fort Lauderdale. Këto anije transportojnë 4500 trupa ushtarake, përfshirë 2200 marinsa, sipas burimeve për reuters.

Ushtria amerikane gjithashtu ka fluturuar me avionë zbulimi P-8 në rajon për të mbledhur të dhëna të inteligjencës, sipas zyrtarëve, megjithëse kanë operuar në ujëra ndërkombëtare.

“Diplomacia jonë nuk është diplomaci kërcënimesh dhe anijesh luftarake, sepse bota nuk mund të jetë si para 100 vjetësh”, tha Maduro, qeveria e të cilit njoftoi javën e kaluar se do të dërgojë 15 mijë ushtarë në shtetet përgjatë kufirit perëndimor me Kolumbinë për të luftuar grupet e trafikut të drogës.

Maduro gjithashtu bëri thirrje për trajnimin e grupeve të mbrojtjes civile çdo të premte dhe të shtunë.

Qeveria venezuelase rregullisht akuzon opozitën dhe të huajt për bashkëpunim me entitete amerikane si CIA për të dëmtuar Venezuelën – akuza që opozita dhe SHBA-të i kanë mohuar vazhdimisht. Maduro e përshkruan embargon si “luftë ekonomike”. /Telegrafi/

The post Tensionet midis SHBA-së dhe Venezuelës po arrijnë kulmin – anijet luftarake amerikane kanë arritur në Karaibe appeared first on Telegrafi.

Një studim i ri sugjeron se ekspozimi i përsëritur ndaj valëve të nxehtësisë mund të përshpejtojë plakjen biologjike, duke prekur më rëndë punonjësit në ambient të hapur, banorët ruralë dhe komunitetet me kondicionim të kufizuar të ajrit.

Ekspozimi i përsëritur ndaj valëve të nxehtësisë duket se përshpejton plakjen tek njerëzit, me efekte të dëmshme të krahasueshme me duhanpirjen, konsumimin e alkoolit ose mungesën e ushtrimeve fizike, sipas një studimi të ri.

Evidencat e mëparshme lidhën valët e nxehtësisë me rritje të përkohshme të vdekjeve, për shembull, rreth 600 vdekje të parakohshme gjatë një vale të vetme të nxehtësisë në Angli këtë vit.

Por, gjetjet e reja, të publikuara në Nature Climate Change, zbulojnë pasojat afatgjata.

Hulumtimi analizoi të dhëna shëndetësore për 15 vjet nga afro 24,922 të rritur në Tajvan, me një moshë mesatare biologjike prej 46 vjetësh.

Studimi përfundoi se vetëm katër ditë shtesë ekspozimi ndaj valëve të nxehtësisë brenda dy viteve ishin të lidhura me një rritje të moshës biologjike prej afërsisht nëntë ditësh.

Hulumtuesit përdorën tregues të zakonshëm mjekësorë – presionin e gjakut, treguesit e inflamacionit, kolesterolin dhe matjet e funksionimit të mushkërive, mëlçisë dhe veshkave – për të llogaritur “moshën biologjike” të secilit pjesëmarrës dhe më pas modeluan se si kjo moshë ndryshonte me ekspozimin ndaj valëve të nxehtësisë.

Studimi zbuloi se punëtorët manualë, banorët ruralë dhe njerëzit në komunitetet me kondicionim të kufizuar të ajrit ishin veçanërisht më të prekshëm nga plakja e lidhur me valët e nxehtësisë.

Lexo po ashtu Një premtim global po shuhet në heshtje - nxehtësia po djeg marrëveshjet

Thjesht, ata që jetojnë në zona me më shumë ditë të nxehta kishin tendencë të shfaqnin plakje biologjike më të madhe se njerëzit në rajonet më të freskëta.

Studimi këshilloi njerëzit të marrin masa për të përballuar nxehtësinë, si përdorimi i kondicionerit kur është i disponueshëm dhe kalimi i më shumë kohës në vende me hije.

“Nëse ekspozimi ndaj valëve të nxehtësisë grumbullohet për disa dekada, ndikimi në shëndet do të jetë shumë më i madh se sa kemi raportuar”, tha Dr. Cui Guo nga Universiteti i Hong Kongut, i cili drejtoi studimin.

“Valët e nxehtësisë po bëhen gjithashtu më të shpeshta dhe zgjatin më gjatë, kështu që ndikimet në shëndet mund të jenë shumë më të mëdha [në të ardhmen]”, shtoi ai.

Çfarë është një valë nxehtësie dhe si ndikon në trupin tonë?

Një valë nxehtësie është një periudhë e zgjatur me temperatura të pazakonta të larta, e cila përcaktohet në lidhje me pragjet klimatike lokale dhe jo nga një temperaturë universale e vetme.

Për shembull, në Mbretërinë e Bashkuar, Met Office shpall një valë nxehtësie kur temperaturat maksimale ditore tejkalojnë pragjet rajonale për tre apo më shumë ditë rresht – zakonisht 25 gradë Celsius në zonat më të freskëta si Uellsi dhe Skocia, dhe 28 gradë Celsius në zonat më të ngrohta duke përfshirë Londrën dhe pjesë të East Midlands.

Në periudha afatshkurta, nxehtësia ekstreme shkakton stres të menjëhershëm në sistemet e ftohjes së trupit. Djersitja dhe rritja e qarkullimit të gjakut në lëkurë ndihmojnë në rregullimin e temperaturës, por këto përgjigje vendosin stres shtesë mbi zemrën dhe veshkat.

Lexo po ashtu Vera e përmbytjeve në të gjithë SHBA-në, shkencëtarët kanë një shpjegim pse po ndodhë kjo

Dhe nëse lëngjet dhe pushimi nuk janë të mjaftueshëm, kjo mund të çojë në dehidrim, lodhje nga nxehtësia dhe në raste të rënda, goditje në nxehtësi që mund të jetë fatale.

Afatgjatë, ekspozimi i përsëritur ose i zgjatur ndaj temperaturave të larta mund të përkeqësojë sëmundje kronike, përfshirë ato kardiovaskulare, respiratore dhe të veshkave.

Shkencëtarët besojnë se dëmtimet kumulative qelizore – përfshirë dëmtimin e ADN-së, stresin oksidativ dhe inflamacionin kronik – mund të shpjegojnë pse ekspozimi i shpeshtë ndaj nxehtësisë duket se përshpejton plakjen biologjike.

Pse tani ka rëndësi?

Gjetjet e reja vijnë në një kohë kur po përballemi me një krizë globale klimatike që po bën që valët e të nxehtit të jenë më të gjata, më të nxehta dhe më të shpeshta.

Në veçanti, temperaturat e larta po prekin Evropën, kontinentin që ngrohet më shpejt në Tokë. Franca ka përjetuar tashmë dy valë të nxehti rekord këtë verë, me temperatura që kanë arritur mbi 43 gradë Celsius në disa pjesë të vendit.

Një vlerësim i fundit nga World Weather Attribution, një rrjet ndërkombëtar studiuesish, ka llogaritur mesatarisht rreth 41 ditë shtesë me të nxehtë të rrezikshme globalisht në vitin 2024.

Numri i vdekjeve të shkaktuara nga nxehtësia është tashmë i lartë. Gati 63 mijë vdekje të lidhura me nxehtësinë ndodhën në Evropë gjatë verës së vitit 2022, sipas studiuesve. Ekspozimi i gjatë dhe i përsëritur – paralajmëron studimi i ri – mund të shtojë një barrë më të heshtur dhe kumulative.

Lexo po ashtu Kur është tepër nxehtë për të punuar?

Organizata Ndërkombëtare e Punës vlerëson se më shumë se 2.4 miliardë njerëz janë të ekspozuar ndaj stresit nga nxehtësia në vendin e punës, me nxehtësinë që kontribuon në mbi 22 milionë dëmtime pune dhe afërsisht 19 mijë vdekje të lidhura me punën çdo vit.

Komisioni Pan-Evropian për Klimën dhe Shëndetin – një grup i thirrur nga Drejtori Rajonal i OBSH-së, Dr. Hans Kluge – paralajmëron se moti ekstrem tani është “një emergjencë shëndetësore publike që po zhvillohet në kohë reale”.

Studimi i ri thekson nevojën për politika që zvogëlojnë pabarazitë mjedisore dhe forcojnë rezistencën ndaj valëve të nxehtit, veçanërisht për popullatat më të cenueshme. Gjithashtu kërkon mbrojtje të synuar dhe planifikim efikas të shëndetësisë. /Telegrafi/

The post Valët e nxehtësisë mund të përshpejtojnë plakjen biologjike appeared first on Telegrafi.

Inteligjenca ushtarake e Ukrainës goditi me sukses logjistikën hekurudhore ruse, duke shkaktuar një shpërthim të fuqishëm në stacionin kryesor të Tverit.

Një mjet shpërthyes ishte vendosur nën cisternat që transportonin karburant dhe sapo shpërtheu, flakët përfshinë brenda pak sekondash pothuajse të gjithë hapësirën e stacionit hekurudhor.

Lexo po ashtu Inteligjenca ushtarake ukrainase godet anijen ruse në Krime, publikohen pamjet e sulmit

Ky sulm ka shkaktuar dëme të mëdha materiale dhe ka penguar në mënyrë të konsiderueshme rrjedhën e furnizimeve dhe transportit hekurudhor rus në këtë rajon strategjik.

Ukraine’s military intelligence strikes Russian rail logistics — a powerful blast hit the key Tver station

An explosive device went off under fuel tankers, and within seconds flames engulfed almost the entire railway station.

According to RBC-Ukraine sources, the attack… pic.twitter.com/p7fv8kMM7a

— NEXTA (@nexta_tv) August 28, 2025

Operacioni tregon aftësitë dhe vendosmërinë e inteligjencës ushtarake ukrainase për të goditur objektiva kyçe të armikut.

Sulmi i fundit në Tver është pjesë e një serie veprimesh të koordinuara që kanë ndryshuar dinamikën e konfliktit dhe kanë rritur presionin ndaj trupave ruse në terren.

Që prej fillimit të luftës në shkurt të vitit 2022, kur Rusia nisi pushtimin e Ukrainës, konflikti ka qenë i përqendruar jo vetëm në frontet ushtarake, por edhe në goditjen e infrastrukturës strategjike të palës kundërshtare. /Telegrafi/

The post Ukraina godet logjistikën hekurudhore ruse appeared first on Telegrafi.

Italia dërgon aeroplanë luftarakë për të kapur një aeroplan rus.

Përveç atyre sulmeve mbi Kievin, Italia ka dërguar aeroplanë luftarakë në përgjigje të një aeroplani rus.

Komanda ajrore e NATO-s tha se dy aeroplanë F-35 italianë u nisën nga Estonia, raporton skynews.

Burimet e aleancës ushtarake thonë se kjo është hera e tretë brenda pak më pak se dy javësh që aeroplanët janë nisur në këtë mënyrë.

Dy aeroplanë Eurofighter gjermanë u nisën dje për të kapur një aeroplan të zbulimit rus që fluturonte mbi Detin Baltik.

Dyshohet se Moska përdor këto aeroplanë për të mbledhur informacion rreth aktiviteteve ushtarake të NATO-s në bregdetin e Baltikut, veçanërisht në Poloni, Gjermani, Danimarkë dhe Suedi. /Telegrafi/

The post Italia nis aeroplanët luftarakë për të ‘kapur’ aeroplanin rus mbi Baltik appeared first on Telegrafi.

Kolsum Akbari akuzohet për helmimin dhe vrasjen e 11 bashkëshortëve gjatë një periudhe prej 22 vitesh, por ajo pretendon se numri mund të jetë edhe më i madh; thjesht nuk e mban mend saktësisht.

Për më shumë se dy dekada, gruaja 56-vjeçarja ka arritur të martohet sistematikisht me burra të moshuar, të cilët më pas i helmonte me ilaçe për diabet dhe alkool industrial, me qëllim që të trashëgonte pasuritë dhe pajën e tyre.

Askush nuk dyshonte sepse burrat dukeshin sikur vdisnin nga shkaqe natyrore, për shkak të moshës së thyer dhe problemeve shëndetësore. Ajo vepronte në qytete të ndryshme për të shmangur vëmendjen ndaj saj. Seria e vrasjeve të saj nisi në vitin 2000 dhe vazhdoi deri në vitin 2023, kur djali i viktimës së saj të fundit, 82-vjeçarit Gholamreza Babaei, u bë i dyshimtë dhe njoftoi policinë. Tani ajo akuzohet për vrasjen e 11 burrave, por vetë “vejusha e zezë” thotë se mund të jenë mes 13 dhe 15.

“Nuk e di sa vetë kam vrarë. Ndoshta ishin 13 ose 15 persona. Nuk e mbaj mend saktësisht”, tha Akbari gjatë marrjes në pyetje.

Kolsum Akbari u martua për herë të parë në moshën 18-vjeçare. Ishte një martesë e shkurtër me një burrë që vuante nga probleme të shëndetit mendor, por edhe martesa e saj e dytë nuk ishte më e mirë. Ajo u martua me një burrë shumë më të moshuar, që kishte fëmijë nga një martesë e mëparshme, dhe që e rrihte e e poshtëronte vazhdimisht. Pas vdekjes së burrit të saj të dytë filloi seria e vrasjeve. Ajo u thoshte njerëzve se ishte e gatshme të martohej me burra të moshuar e të vetmuar, dhe pas verifikimit të gjendjes së tyre financiare, pranonte të martohej në këmbim të pajave të larta.

Menjëherë pas martesës me viktimat, Kolsum fillonte t’i helmonte ata me një përzierje të rrezikshme ilaçesh për tensionin, diabetin, qetësuesish dhe alkoolit industrial. Kur kjo nuk rezultonte fatale, ajo përdorte jastëk për t’i mbytur, përpara se të kalonte te viktima tjetër.

Meqë vrasjet ndodhnin në qytete të ndryshme të provincës Mazandaran të Iranit, autoritetet nuk arritën ta lidhin atë me to për një kohë të gjatë. Mirahmad Omrani, 69-vjeçari vdiq një muaj pas martesës me Akbarin në vitin 2013, Esmail Bakhshi, 62 vjeç, vdiq dy muaj pas dasmës në vitin 2016 dhe 83-vjeçari Ganjali Hamzei ndërroi jetë 43 ditë pas martesës me vrasësen seriale. Interesante është se një nga burrat e saj, Masih Nemati, i mbijetoi tentativës për helmim në vitin 2020, por thjesht e dëboi nga shtëpia pa njoftuar policinë.

Seria e vrasjeve të Akbarit mori fund në vitin 2023, menjëherë pas vdekjes së bashkëshortit të saj të fundit, Gholamreza Babaei, 82 vjeç, kur djali i këtij të fundit dyshoi tek ajo.

Një mik i tha se babai i tij kishte qenë më parë i martuar me një grua me emrin Kolsum që kishte tentuar ta helmonte. Kur pa këtë vejushë, e njohu si të njëjtën person. Edhe pse fillimisht i mohoi vrasjet, 56-vjeçarja përfundimisht pranoi, por vazhdon të japë deklarata kontradiktore për numrin e viktimave.

Ajo tani akuzohet për 11 vrasje me paramendim dhe një tentativë vrasjeje, dhe nëse shpallet fajtore, rrezikon dënimin me vdekje. Çështja përfshin më shumë se 45 paditës, përfshirë trashëgimtarët e viktimave të saj, që kërkojnë drejtësi.

Prokurorët thonë se motivi i saj ishte pasuria e burrave të saj, shumica e të cilës është transferuar në emër të vajzës së Kolsumit. Gjykata pritet të japë vendimin pasi të dëgjohen të gjithë paditësit. /Telegrafi/

The post Iraniania nuk e mban mend sa burra i ka helmuar për vdekje appeared first on Telegrafi.

“The Guardian” ka mësuar se një tjetër grua është paraqitur në kuadër të hetimit që po bëhen rreth akuzave për ngacmim seksual ndaj Karim Khan (55), prokurorit kryesor të Gjykatës Penale Ndërkombëtare (GJPN).

Gruaja ka pohuar se, gjatë kohës kur ai punonte për një avokat të njohur britanik në fillimet e karrierës së tij, ai ishte sjellë në mënyrë të papërshtatshme ndaj saj – duke e ngacmuar seksualisht pa dëshirën e saj, duke keqpërdorur autoritetin që kishte mbi të dhe duke u përpjekur në mënyrë të përsëritur ta detyronte për marrëdhënie seksuale.

Lexo po ashtu Gjykata Ndërkombëtare Penale heton kryeprokurorin e saj, akuzohet për abuzim seksual

Khan, i cili mohon çdo sjellje të papërshtatshme “të çfarëdo lloji”, është tërhequr përkohësisht nga pozita e shefit të prokurorisë së Gjykatës Penale Ndërkombëtare, ndërsa pret përfundimin e hetimit për një çështje të ndarë të ngritur nga një bashkëpunëtore e tij.

Hetimi, i nisur vitin e kaluar nga një organ mbikëqyrës i OKB-së, ka jë akuzë të re këtë verë nga një grua e dytë.

Besohet se hetuesit kanë zhvilluar disa intervista për të shqyrtuar pretendimet e saj, të cilat datojnë që nga viti 2009.

Në atë kohë, gruaja ishte në të njëzetat dhe punonte si praktikante pa pagesë për Khanin.

Në një intervistë ekskluzive për “The Guardian”, ajo tha se Khan kishte keqpërdorur pushtetin dhe ndikimin e tij mbi të, duke e përshkruar sjelljen si një “sulm të vazhdueshëm” përmes ngacmimeve.

Lexo po ashtu Kryeprokurori i GJND-së, Khan: Ukraina është një skenë krimi

Gruaja foli në kushte anonimiteti për shkak të frikës nga hakmarrja dhe pasojat negative për veten dhe familjen nëse identiteti i saj bëhet publik. Ajo vendosi të flasë pasi lexoi për akuzat e fundit ndaj Khanit të bëra nga një zyrtare e Gjykatës Penale Ndërkombëtare.

Dëshmia e gruas së dytë për sjelljen e supozuar abuzive të Khanit ka ngjashmëri të shumta me akuzat e punonjëses së GJPN-së, sipas burimeve të njohura me pretendimet e saj.

Të dyja gratë pohojnë se Khan i ftonte që të shkonin për punë në shtëpinë e tij. Aty, sipas tyre, ai ulej pranë tyre në divan, i prekte, i puthte dhe përpiqej t’i bindte të flinin me të.

Khan u zgjodh në vitin 2021 për një mandat nëntëvjeçar si prokuror kryesor i GJPN-së. /Telegrafi/

The post Karim Khan akuzohet edhe nga një grua tjetër për ngacmim seksual appeared first on Telegrafi.

Nëse furnizimi me naftë përmes naftësjellësit “Druzhba” nuk rifillon deri në muajin shtator, Hungaria dhe Sllovakia do të detyrohen të përdorin rezervat strategjike, deklaroi Zsolt Hernadi, drejtor ekzekutiv i kompanisë hungareze të naftës MOL, në një intervistë për portalin Mandiner.

“Kemi rezerva nafte për 25-30 ditë, dhe përveç kësaj Hungaria ka benzinë, naftë dhe karburant për avionë për afërsisht të njëjtën periudhë. Situata në Sllovaki është përafërsisht e njëjtë”, tha ai.

Edhe nëse Budapesti dhe Bratislava vazhdojnë të marrin naftë ruse përmes një rruge alternative, ekziston rreziku që rafineritë të mos punojnë me kapacitet të plotë, gjë që do të shkaktonte një reagim zinxhir në të gjithë rajonin e Evropës Qendrore, theksoi Hernadi.

Lexo po ashtu Sulmohet tubacioni rus i naftës së papërpunuar, reagon ashpër Hungaria

Në rast të ndërprerjes së furnizimit me naftë ruse përmes naftësjellësit Druzhba, Hungaria dhe Sllovakia kanë të drejtë, pavarësisht sanksioneve, ta importojnë atë nëpërmjet detit përmes Kroacisë, por kjo do të ishte shumë më e kushtueshme, sqaroi ai, raporton reuters.

Ministri i Jashtëm hungarez, Peter Szijjarto, pas një bisede me zëvendësministrin rus të Energjisë, Pavel Sorokin, deklaroi se furnizimi me naftë përmes Druzhbës do të rifillojë të enjten në një mënyrë testuese dhe jo të plotë.

Që nga fillimi i gushtit, Budapesti ka raportuar për tre sulme të forcave të armatosura ukrainase ndaj naftësjellësit Druzhba: më 13, 18 dhe 22 gusht. Dy sulmet e fundit çuan në ndërprerjen e pompimit të naftës. Hungaria dhe Sllovakia mbetën pa furnizim për pesë ditë.

Lexo po ashtu Ministri i Jashtëm hungarez ankohet për sulmin ndaj tubacionit të naftës në Ukrainë, ironizon homologu polak

Pas këtij incidenti, autoritetet hungareze dhe sllovake kërkuan nga Komisioni Evropian garanci për sigurinë e tyre energjetike.

Naftësjellësi Druzhba buron në Almetjevsk, kalon nëpër Bryansk, dhe pastaj ndahet në dy degë: dega veriore kalon përmes Bjellorusisë drejt Polonisë dhe dega jugore kalon përmes Ukrainës drejt Hungarisë, Sllovakisë dhe Çekisë.

Transporti i naftës ruse në Gjermani u ndal në fillim të vitit 2023, ndërsa në Poloni në fund të shkurtit të të njëjtit vit. Vendet e mbetura marrin ende naftë përmes degës jugore të naftësjellësit. /Telegrafi/

The post Viktor Orban në telashe të mëdha – nëse nuk rifillon punën tubacioni “Druzhba”, Hungaria ka rezerva nafte vetëm për 30 ditë appeared first on Telegrafi.

Studentët dhe qytetarët janë mbledhur në shenjë proteste përpara Fakultetit të Filozofisë, Novi Sad, pasi që dje studentët që kishin bllokuar këtë institucion të arsimit të lartë për nëntë muaj u dëbuan prej andej.

Ka pasur hedhje të mjeteve piroteknike, spërkatje me sprej dhe përplasje në hyrje të fakultetit.

Gjithashtu kanë ardhur edhe pjesëtarë të Xhandarmërisë serbe, drejt të cilëve po hidhen sende, raporton nova.rs.

Policija ispred Filozofskog fakulteta gura građane prema parku koji se nalazi prekoputa. pic.twitter.com/JXYCL7JaPi

— Razglas news (@razglasnews) August 27, 2025

Qytetarët janë rrethuar nga të gjitha anët ndërsa ka filluar një rrëmujë masive, ku raportohet edhe për të lënduar në radhët e qytetarëve.

Qytetarëve u thuhet të largohen nga Fakulteti i Filozofisë, të cilët po i rezistojnë thirrjeve të pjesëtarëve të policisë.

Ndryshe, protestat kanë nisur tash e sa muaj kundër pushtetit të presidentit serb, Aleksandar Vuçiq. /Telegrafi/

Policija nastavlja da gura građane sve dalje od ulaza na Filozofski fakultet. pic.twitter.com/0lt7KphKjB

— Razglas news (@razglasnews) August 27, 2025

Policija podiže štitove ispred studenata na ulazu u Filozofski fakultet. #NoviSad pic.twitter.com/nvsHHtsDeZ

— Radio 021 (@Radio021) August 27, 2025

The post Përleshje midis demonstruesve dhe policisë në Novi Sad appeared first on Telegrafi.

Që nga viti 2028 do të ofrojmë vetëm vetura elektrike, tha para dy vitesh drejtori ekzekutiv i Opelit, Florian Hüttl.

Në të njëjtën kohë, Opel dhe Stellantis filluan ndërtimin e një fabrike gjigante të baterive në Kaiserslautern.

Kjo gigafabrikë duhej të prodhonte 600 mijë bateri në vit. Por vitin e kaluar prodhimi u ndalua. Kërkesa për automjetet elektrike në Evropë është ngadalësuar. Konsumatorët kërkojnë automjete me motorë me djegie të brendshme.

“Nëse ka kërkesë, prodhimi i motorëve me djegie të brendshme nuk ka pse të ndalet në vitin 2028. Kemi vendosur qartë objektivat tona sa i përket uljes së emetimeve të dioksidit të karbonit nga kompania dhe makinat tona. Aktualisht jemi duke rishikuar planet tona dhe po i përshtatim me kushtet e reja”, tha një zëdhënës për gazetën Bild.

Me fjalë të tjera, Opel po heq dorë nga viti 2028 si vit i kalimit ekskluziv në automjetet elektrike.

Modeli i ri Corsa dhe Astra do të shiten ende me motorë me djegie të brendshme. Opel pritet të prezantojë Corsën e re në vitin 2027, ndërsa për vitin tjetër është planifikuar një version i ri dhe i ridizajnuar i modelit Astra.

Opel ka qenë një nga pionierët më të mëdhenj të elektrifikimit në mesin e prodhuesve evropianë të automjeteve. Fillimisht, viti 2025 ishte përcaktuar si pikë kthese për prodhimin vetëm të modeleve elektrike. Më pas kjo u shty për në vitin 2028, dhe tani…/Telegrafi/

The post Opel planifikoi të kalonte në automjete elektrike, por tani gjithçka po ndryshon appeared first on Telegrafi.

Në jetën e përditshme është lehtë të harrosh gjërat e vogla që sjellin gëzim, përveç nëse je qen.

Për Kodën, një qen i vogël, çezma e kopshtit për ujitje përbën kulmin e emocioneve dhe një video e fundit e reagimit të tij ndaj fjalës “çezmë” tregon se si një objekt i thjeshtë mund të zbukurojë ditën e një qeni.

Koda ka një dashuri të veçantë, thuajse obsesive, për çezmën e kopshtit, dhe pronarja e tij vendosi të ndajë këtë dashuri simpatike me botën.

 

View this post on Instagram

 

A post shared by koda & keelie ◡̈ (@chaoswithkoda)

Në videon e publikuar në Instagram, ajo fillon tregimin me fjalët se “Koda është vërtet një adhurues i madh i çezmës”.

Në momentin që Koda dëgjon fjalën kyçe, ai e kthen kokën sikur po përpiqet të përpunoje lajmin e gëzuar. Pronarja shton se ai e di saktësisht ku ndodhet çezma dhe mezi mund të përmbajë padurimin e tij.

Ndërsa video vazhdon, Koda duron duke pritur që pronarja t’i hapë ujin. Gjatë këtyre përgatitjeve, ai lëshon tinguj shumë të ëmbël, rrotullohet nga emocioni dhe vrapon nëpër oborr.

Sapo uji fillon të rrjedhë, Koda hidhet në veprim dhe pa mendje kap rrjedhën. Kërcimet, kthesat dhe lëvizjet e vazhdueshme të bishtit tregojnë qartë se ai po përjeton momente të pastër gëzimi. /Telegrafi/

The post Qeni nuk mund ta përmbajë lumturinë kur pronari përmend tubin e ujitjes appeared first on Telegrafi.

Gjenerata e tretë e kufjeve AirPods Pro mund të dalë tashmë këtë vjeshtë, me një përmirësim të rëndësishëm.

Apple pritet që këtë vjeshtë të prezantojë gjeneratën e tretë të kufjeve të saj më të njohura pa tela – AirPods Pro 3, dhe risia kryesore pritet të jetë sensori për matjen e rrahjeve të zemrës.

Sipas analistit të Bloomberg, Mark Gurman, modeli i ri pritet të sjellë edhe një çip më të avancuar për tingullin (H3), funksion më të mirë për anulimin e zhurmës, si dhe një dizajn të ri me kuti më të hollë dhe buton kapacitiv për çiftim.

Në versionin beta të iOS 26 tashmë janë zbuluar referenca për “AirPods Pro 3”, gjë që përforcon edhe më shumë se prezantimi është afër, ndoshta bashkë me daljen e iPhone 17 në shtator.

Përveç sensorit për rrahjet e zemrës, përmendet edhe mundësia për matjen e temperaturës së trupit, si dhe mbështetje për përkthim të drejtpërdrejtë gjatë bisedave.

Megjithatë, disa analistë paralajmërojnë se, për shkak të sfidave në prodhim, Apple mund ta shtyjë lançimin për në vitin 2026. /Telegrafi/

The post AirPods Pro 3 vijnë së shpejti: Apple sjell këtë përmirësim të rëndësishëm appeared first on Telegrafi.

Kryetari i Bashkisë së Barcelonës, Jaume Collboni, njoftoi të martën se Gaza dhe qytete të tjera palestineze do të bëhen simbolikisht lagjja e 11-të e Barcelonës, me qëllim të forcimit të bashkëpunimit dhe solidaritetit. 

Collboni prezantoi planin gjatë një vizite në Jordani, duke thënë se kjo lagje e re do të jetë një njësi teknike dhe buxhetore brenda strukturës komunale të Barcelonës.

Ajo do të plotësojë 10 lagjet ekzistuese të qytetit dhe do të koordinojë të gjitha projektet e bashkëpunimit me qytetet palestineze dhe UNRWA-n, agjencinë e OKB-së për refugjatët palestinezë.

“Ky nuk është më një bashkëpunim i vetëm me vizita, por një strukturë e përhershme, e projektuar për të shfrytëzuar talentin e teknikëve komunalë”, tha ai, duke shtuar se një strukturë e ngjashme mund të krijohet “në territorin palestinez ose, nëse është e nevojshme, në Jordani.

Jaume Collboni és un batlle mesquí i miserable.

Palestina i Gaza seran el nou districte 11 de Barcelona amb 1 milió € de pressupost municipal. Mentrestant, retira els ajuts als avis de la capital. #DefensemBarcelona pic.twitter.com/ceBfUl7JM9

— Santiago Espot (@santiagoespot) August 26, 2025

Koncepti ndjek një precedent të vendosur në vitin 1995 kur Barcelona e caktoi simbolikisht Sarajevën si distriktin e saj të 11-të për të mbështetur rimëkëmbjen e saj pas gjenocidit të Srebrenicës.

Qëllimi i projektit është që të caktohen punonjës komunalë për të koordinuar projekte bashkëpunimi që ndjekin modelin e një lagjeje qyteti, raporton trt.

Këtë javë, Collboni u zotua gjithashtu të dyfishojë fondet e UNRWA-së për ushqim dhe ilaçe nga 200 mijë euro (231,824 dollarë) në 400 mijë euro (463,725 dollarë) dhe tha se do të “stabilizojë dhe rrisë” bashkëpunimin teknik me qytete si Gaza, Ramallah dhe Betlehemi përmes stafit bashkiak, strukturave të këshillit dhe burimeve të qytetit.

Gjatë fundjavës, Collboni tha se kishte planifikuar të udhëtonte për në Izrael dhe Palestinë, por autoritetet izraelite ia mohuan hyrjen.

“Ne do të fillonim një mision bashkëpunimi dhe paqeje, duke i kushtuar vëmendje kryetarëve të bashkive të Betlehemit dhe Ramallahut. Objektivi ishte të njihnim nga afër realitetin e qyteteve palestineze dhe të eksploronim mënyrat e ndihmës nga Barcelona në këto momente kritike”, tha ai përmes rrjeteve sociale. /Telegrafi/

The post Palestina do të bëhet lagjja e 11-të e qytetit të Barcelonës appeared first on Telegrafi.

India pritet të përballet me humbje më të mëdha financiare për shkak të tarifave doganore të vendosura nga presidenti amerikan, Donald Trump, sesa ato kursime që ka realizuar nga blerja e naftës ruse me çmime më të ulëta, sipas vlerësimeve të analistëve ekonomikë.

Tarifat e importit të imponuara nga Shtetet e Bashkuara janë duke u parë si një faktor që mund t’i kushtojë Indisë shumë më tepër brenda një periudhe të shkurtër, madje më shumë se vlera totale e kursimeve që ajo ka arritur gjatë gjithë periudhës së konfliktit në Ukrainë, ku ka blerë naftë ruse me zbritje të konsiderueshme në çmim.

Para fillimit të pushtimit të plotë të Ukrainës nga Rusia, India kishte një nivel shumë të ulët të importeve të naftës ruse – vetëm një përqindje shumë e vogël, më pak se 1 për qind e totalit të importeve të saj të naftës vinte nga Rusia. Kjo do të thotë që më parë, lidhjet e Indisë me naftën ruse ishin minimale dhe të papërfillshme në kuptimin e tregtisë së përgjithshme të naftës, raporton reuters.

Megjithatë, situata ndryshoi ndjeshëm pas vendosjes së sanksioneve të ashpra nga Perëndimi ndaj Rusisë. Për shkak të këtyre sanksioneve, Rusia filloi të ofronte naftën e saj me çmime të ulëta, duke krijuar një mundësi të favorshme për blerësit si India. Aktualisht, nafta ruse shitet me rreth 7 për qind më lirë në krahasim me çmimet e naftës së klasit global Brent, që është një standard referues në tregun ndërkombëtar të naftës.

Për shkak të këtij çmimi më të ulët, gjatë 3.5 viteve të fundit India ka arritur të kursejë rreth 17 miliardë dollarë, duke blerë sasi të mëdha nafte ruse me zbritje. Megjithatë, këto përfitime pritet të zhduken për shkak të ndikimit negativ të tarifave amerikane, të cilat rrezikojnë të rëndojnë ndjeshëm kostot e importit për Indinë në vitet që vijnë.

Në këtë mënyrë, India ndodhet në një situatë të vështirë, ku përfitimet që ka marrë nga çmimet e ulëta të naftës ruse mund të shkatërrohen nga barriera tregtare të vendosura nga një prej partnerëve të saj kryesorë tregtarë. Ky zhvillim mund të ndikojë jo vetëm në ekonominë indiane, por edhe në dinamikën globale të tregtisë së naftës dhe marrëdhëniet ekonomike ndërkombëtare. /Telegrafi/

The post Ndikimi i tarifave amerikane tek India – humbjet mund të tejkalojnë kursimet nga nafta ruse appeared first on Telegrafi.

Kryeministri i Izraelit, Benjamin Netanyahu, ka deklaruar për herë të parë publikisht se e njeh gjenocidin e kryer ndaj armenëve, asirianëve dhe grekëve gjatë periudhës së Perandorisë Osmane, duke përmendur ngjarjet e vitit 1915 si një akt të qartë të shfarosjes së organizuar ndaj këtyre komuniteteve.

Kjo deklaratë përbën një ndryshim të rëndësishëm nga qëndrimi zyrtar i Izraelit, i cili deri më tani ka shmangur përdorimin e termit “gjenocid” për të përshkruar masakrat ndaj armenëve dhe pakicave të tjera në fillim të shekullit të XX-të. Sipas zyrtarëve izraelitë, kjo është një deklaratë personale e Netanyahut dhe nuk përfaqëson ende një ndryshim zyrtar të politikës shtetërore të Izraelit.

Deklarata vjen në një moment kur marrëdhëniet midis Izraelit dhe Turqisë janë përkeqësuar ndjeshëm, sidomos për shkak të zhvillimeve të fundit në Lindjen e Mesme dhe qëndrimeve të kundërta lidhur me konfliktin izraelito-palestinez, raporton euronews.

Disa analistë politikë e shohin këtë si një përpjekje nga ana e Netanyahut për të ushtruar presion politik mbi Ankaranë, duke përdorur një çështje historike me ndjeshmëri të lartë për Turqinë.

Israeli Prime Minister Netanyahu has for the first time stated that he recognizes the genocide of Armenians, Assyrians, and Greeks in the Ottoman Empire.

This came amid rising tensions in relations with Turkey.

However, Israel has not officially recognized the ethnic… pic.twitter.com/rm3SJfqT7h

— NEXTA (@nexta_tv) August 27, 2025

Reagimi i Turqisë nuk ka vonuar. Ministria e Jashtme turke e ka dënuar ashpër deklaratën, duke e cilësuar atë si “një përpjekje të ulët për të manipuluar tragjeditë historike për qëllime politike”.

Në një deklaratë zyrtare, ministria theksoi se “komentet e Kryeministrit izraelit Benjamin Netanyahu në lidhje me ngjarjet e vitit 1915 janë të papranueshme dhe përfaqësojnë një deformim të historisë.”

Çështja e njohjes së gjenocidit armen dhe të gjenocideve të tjera ndaj pakicave etnike gjatë Perandorisë Osmane mbetet një temë tepër e ndjeshme dhe e debatueshme në politikën ndërkombëtare.

Shumë shtete dhe institucione ndërkombëtare tashmë e kanë njohur zyrtarisht gjenocidin, ndërkohë që Turqia vazhdon ta mohojë atë dhe e konsideron përdorimin e termit “gjenocid” si një fyerje ndaj historisë dhe identitetit të saj kombëtar.

Deklarata e Netanyahut mund të ketë pasoja në marrëdhëniet diplomatike të Izraelit me Turqinë dhe mund të ndikojë edhe në mënyrën si vende të tjera e trajtojnë këtë çështje historike. /Telegrafi/

Netanyahu’nun 1915 Olaylarına Dair Açıklaması Hk. https://t.co/PMcOj1YANr pic.twitter.com/Z0T95MwGMo

— T.C. Dışişleri Bakanlığı (@TC_Disisleri) August 27, 2025

The post Netanyahu thotë se Perandoria Osmane kreu gjenocid ndaj grekëve, armenëve dhe asirianëve appeared first on Telegrafi.

(E Plotësuar) – Dy të vrarë dhe njëzet të plagosur nga të shtënat, thotë Departamenti amerikan i Drejtësisë.

Një zyrtar i Departamentit Amerikan të Drejtësisë thotë se dy persona janë vrarë gjatë të shtënave në Shkollën Katolike Annuation në Minneapolis, raporton skynews.

Në mesin e viktimave raportohet se është edhe i dyshuari për sulmin.

Të shtëna në një shkollë katolike në Minneapolis, raportohet për të plagosur

Policia ka konfirmuar se disa persona janë plagosur gjatë një të shtëne në shkollën katolike “Annunciation” në Minneapolis, në shtetin amerikan të Minesotës.

Sipas informacioneve të Wall Street Journal, numri i të plagosurve mund të jetë deri në 20, dhe mes tyre ka edhe fëmijë. Deri tani nuk ka informacione të konfirmuara për viktima në njerëz.

Policia ka njoftuar se “nuk ka më kërcënim aktiv” dhe se autori i sulmit është neutralizuar. Autoritetet vendore u bëjnë thirrje qytetarëve të shmangin zonën rreth rrugës së 54-të, midis Lyndale dhe Nicollet Avenue, në mënyrë që shërbimet emergjente të mund t’u japin ndihmë të plagosurve.

FBI, patrulla shtetërore dhe policia lokale ndodhen në vendin e ngjarjes, ndërsa rrugët përreth janë bllokuar.

At least 20 people injured and two killed in a mass shooting just now at Annunciation Catholic Church and its school in Minneapolis, Minnesota.

Prayers aren’t working. We need action. If prayers worked a house of prayer wouldn’t experience this.

pic.twitter.com/rGYG6LAQhH

— Brian Krassenstein (@krassenstein) August 27, 2025

Guvernatori i Minesotës, Tim Walz, ka konfirmuar se të shtënat ndodhën në një shkollë katolike dhe e ka përshkruar incidentin si një “akt të tmerrshëm dhune”.

Ai ka falënderuar shërbimet emergjente dhe ka bërë thirrje për lutje për fëmijët dhe mësuesit.

Presidenti i SHBA-së, Donald Trump, ka bërë të ditur se është “plotësisht i informuar” për ngjarjen dhe se FBI “ka reaguar shpejt dhe ndodhet në vendin e ngjarjes”. “Lutuni për të gjithë ata që janë prekur”, ka shkruar Trump në Truth Social.

Sipas CBS News, sulmuesi ishte një burrë i veshur me të zeza dhe i armatosur me pushkë. Identiteti dhe motivet e tij ende nuk janë të njohura. /Telegrafi/

The post Të shtëna në një shkollë katolike në Minneapolis, raportohet për viktima – reagon Trump appeared first on Telegrafi.

Presidenti amerikan, Donald Trump ka sulmuar publikisht George Sorosin dhe djalin e tij, Alexander Soros.

Ai përmes një mesazhi në platformën “Truth Social” u ka bërë thirrje autoriteteve amerikane të drejtësisë që të ngrejnë akuza ndaj tyre.

Trump i akuzoi ata për mbështetjen e protestave të dhunshme dhe aktiviteteve të tjera që përbëjnë rrezik për vendin.

“George Soros dhe djali i tij i jashtëzakonshëm i ekstremit të majtë duhet të ndiqen penalisht në bazë të Aktit RICO, për përfshirjen e tyre në protesta të dhunshme dhe shumë më tepër, anembanë vendit”, shkroi 79-vjeçari, duke iu referuar një ligji që përdoret për të ndjekur organizatat kriminale.

Presidenti e akuzoi gjithashtu familjen Soros për dëmtimin e SHBA-së, duke i quajtur “psikopatë” dhe duke paralajmëruar mbështetësit e tyre në Bregun Perëndimor me fjalët “Kujdes, ju kemi në sy!”.

Ai theksoi se “nuk do të lejojmë që këta të çmendur të shkatërrojnë Amerikën, pa i dhënë asaj asnjëherë mundësinë të ‘marrë frymë’ dhe të jetë e LIRË”.

George Soros, një i mbijetuar i Holokaustit 95-vjeçar, pasurinë e fituar në vitet ’70 dhe ’80 e ka investuar në Fondacionet e Shoqërisë së Hapur – organizata që mbështesin çështje të ndryshme në mbarë botën, përfshirë promovimin e qeverisjes së mirë, ndërtimin e demokracisë dhe nisma liberale të politikave publike.

Që nga viti 2023, djali i tij Alexander Soros ka marrë drejtimin e aktiviteteve filantropike të të atit. /Telegrafi/

The post Trump: George dhe Alex Soros duhet të akuzohen për organizatë kriminale appeared first on Telegrafi.

Rusia ka deklaruar se presidenti, Vladimir Putin nuk do të nënshkruajë asnjë marrëveshje me homologun ukrainas, Volodymyr Zelensky, duke e konsideruar atë të paligjshëm.

Në një reagim për këtë situatë, presidenti amerikan, Donald Trump e ka përshkruar gjithë këtë si “budallallëk”, duke thënë se “të gjithë po bëjnë shfaqje”.

Kur u pyet nëse Putin është sërish “në lojë”, lideri amerikan u shpreh se ka “gjëra shumë serioze në mendje” dhe beson se në shumë raste Putini është aktiv, ndërsa nuk mendon se gjithmonë është edhe Zelensky.

Reporter: Russia says that Putin will not sign a deal with Zelensky because Russia sees him as illegitimate.

Trump: It doesn’t matter what they say. It is all bullshit. Everybody is posturing. pic.twitter.com/nQppjo24yv

— Clash Report (@clashreport) August 26, 2025

Trump gjithashtu shtoi se “Zelensky nuk është gjithmonë i pafajshëm”, duke theksuar se “duhet dy persona për të vallëzuar tango”.

Këto komente i shtojnë më shumë tension bisedimeve për luftën që vazhdon mes Rusisë dhe Ukrainës, duke reflektuar një situatë komplekse ku besimi mes palëve është i ulët.

Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale. /Telegrafi/

Reporter: Is Putin back on the clock now?

Trump: I have very serious things on my mind. I think in many ways he is there. Sometimes he is there and Zelensky won’t be there. pic.twitter.com/iX0uoD2ueO

— Clash Report (@clashreport) August 26, 2025

Trump:

Zelensky is not exactly innocent either. It takes two people to tango. pic.twitter.com/NHfba61EsG

— Clash Report (@clashreport) August 26, 2025

The post Trump kritikon Putinin: Po bën shfaqje duke kontestuar legjitimitetin e Zelenskyt appeared first on Telegrafi.

Një ngjarje tronditëse ka ndodhur në Kaliforni, ku një adoleshent 16-vjeçar, Adam Raine, i ka dhënë fund jetës së tij.

Prindërit e tij kanë ngritur një padi kundër kompanisë OpenAI, duke pretenduar se platforma e inteligjencës artificiale ChatGPT ka luajtur një rol aktiv në vetëvrasjen e djalit të tyre.

Sipas raportimit të NBC News, pas vdekjes së Adamit, prindërit zbuluan se ai kishte pasur dhjetëra biseda me ChatGPT-në, përfshirë diskutime të detajuara mbi mënyrat për të kryer vetëvrasje.

Adam e kishte përdorur ChatGPT-në për të marrë ndihmë në mësime dhe si një mjet për të përballuar vetminë. Por me kalimin e kohës, thonë prindërit, bisedat kishin marrë një kthesë të rrezikshme, duke u përqendruar te temat depresive dhe vetëvrasja. ChatGPT, sipas padisë, nuk e kishte ndaluar bisedën dhe nuk kishte ndërhyrë, pavarësisht se Adam kishte shprehur qartë qëllimet e tij.

Familja Raine ka ngritur një padi në Gjykatën e Lartë të San Franciskos ndaj OpenAI dhe drejtorit të saj, Sam Altman. Në dokumentet ligjore, ata pretendojnë se kompania ka dështuar të vendosë masa mbrojtëse efektive për përdoruesit e mitur dhe se platforma kishte ofruar informacion potencialisht të rrezikshëm që ndikoi drejtpërdrejt në vendimin fatal të djalit të tyre.

Babai i Adamit, Matt Raine, u shpreh “ai do të ishte ende me ne po të mos ishte për ChatGPT-në. Jam 100 për qind i bindur për këtë”.

Sipas tij, platforma nuk i kishte ofruar asnjë ndihmë reale psikologjike dhe nuk kishte orientuar djalin drejt ndihmës profesionale, përkundrazi, kishte lehtësuar procesin.

Në një deklaratë për mediat, OpenAI tha se është thellësisht i tronditur nga ngjarja dhe shpreh keqardhje për humbjen tragjike.

Kompania shton se ChatGPT përmban disa mekanizma sigurie, si sugjerimi për të kontaktuar linjat e ndihmës, por pranon se ato mund të mos jenë gjithmonë të mjaftueshme në raste të rënda emocionale. /Telegrafi/

The post Adoleshenti 16-vjeçar vetëvritet në SHBA, prindërit akuzojnë ChatGPT appeared first on Telegrafi.