Nëse dëshironi të udhëtoni dhe zbuloni vende që ende nuk janë prekur nga turizmi masiv, ju rekomandojme destinacionin evropian, Shqipërinë, shkruan Alba Solé Ingla në një artikull të botuar në revistën katalanase “El Nacional.cat”.

Shqipëria është e rrethuar nga Mali i Zi, Kosova, Maqedonia e Veriut dhe Greqia. Vendi jetoi i izoluar nga bota nën regjimin diktatorial deri në vitet 1990.

Plazhe parajsore

Ky vend ballkanik po fiton titullin si parajsa e panjohur e Mesdheut.

Riviera Shqiptare shtrihet nga veriu në jug të vendit. Parku Kombëtar Arkeologjik i Butrintit ka një sipërfaqe prej 15 hektarësh dhe ndodhet në lartësitë 30-50 metra mbi nivelin e detit.

Një nga zonat më të famshme të plazhit në jug të vendit është Ksamili – me rërën e tij të bardhë dhe ujërat e kristalta që magjepsin çdo vizitor.

Shumica e plazheve në Shqipëri janë private, dhe për t’i shijuar ato, duhet të merrni me qira një shezlong dhe një ombrellë dielli. Çmimi zakonisht është midis 5 dhe 8 euro gjatë gjithë ditës; komoditeti ia vlen!

Ksamili ndodhet pranë ishullit grek, Korfuzit dhe është i njohur si për turistët vendas ashtu edhe për ata ndërkombëtarë, veçanërisht nga Italia.

Ksamili është vendi ideal për të eksploruar atraksione të tjera shqiptare, siç është Syri i Kaltër – një atraksion turistik popullor, me ujëra bruz që mund të shihet nga një thellësi mbi 50 metra.

Gjithashtu, ju mund të vizitoni Parkun Natyror të Butrintit, një Vend i Trashëgimisë Botërore të UNESCO-s.

Ecje malore dhe fshatra magjepsës

Nëse jeni adhurues të maleve, janë me fat, sepse Shqipëria veriore është gjithashtu një parajsë për alpinistët.

Shqipëria është një nga vendet më malore në botë, me dy të tretat e territorit të saj të mbuluara nga male. Prandaj, mos e humbisni Thethin.

Ky fshat, i vendosur në zemër të Alpeve Shqiptare, ju lejon të zbuloni thelbin e vërtetë të banorëve të tij.

Thethi është një fshat i vogël që për vite me radhë mbeti i izoluar – falë vendndodhjes së tij të largët dhe një rruge – praktikisht e pa-aksesueshme për shumicën e turistëve.

Në ditët e sotme, është më e lehtë të shkosh atje, dhe shumë turistë udhëtojnë atje për të bërë ecje malore – nga Valbona në Theth.

Nëse nuk keni dëshirë të bëni shëtitje të gjata, ju rekomandojmë gjithashtu të vizitoni dy qytete mahnitëse, Gjirokastrën dhe Beratin.

Gjirokastra, është një qytet i bukur me një qendër historike – që është pjesë e Trashëgimisë Botërore të UNESCO-s, një kështjellë spektakolare dhe një pazar ku do të humbisni mes dyqaneve të vogla.

Berati, më pak se dy orë larg nga kryeqyteti, Tirana, njihet si “qyteti i një mbi një dritareve”.

I vendosur pranë lumit Osum, Berati është qyteti më i vjetër në Shqipëri dhe shquhet për qendrën e tij historike – të përbërë nga tre lagje të vjetra që ruajnë arkitekturën osmane dhe bizantine në ndërtesa, xhami dhe kisha të shumta.

Gjithashtu, Berati është shpallur pjesë e Trashëgimisë Botërore të UNESCO-s.

Gastronomia shqiptare

Kuzhina shqiptare është një ndërthurje unike e ndikimeve turke, ballkanike dhe mesdhetare.

Nga mishi dhe peshku i pjekur në skarë me çmime jashtëzakonisht të përballueshme deri te gjirotë greke, kuzhina shqiptare magjeps çdo vizitor.

Pjata më tipike shqiptare, byreku, mund të jetë një nga më të njohurat midis vizitorëve të huaj dhe vendasve.

Emmanuel Macron ka thënë se Franca do ta njohë Palestinën si shtet më vonë këtë vit.

Udhëheqësi francez njoftoi ndryshimin e madh të politikës në një letër drejtuar presidentit të Autoritetit Palestinez, Mahmoud Abbas, të cilën zoti Macron e publikoi edhe në internet të enjten në mbrëmje.

Presidenti Macron tha se do ta bëjë njoftimin zyrtar në Asamblenë e Përgjithshme të OKB-së, që do të mbahet në shtator, shkruan Sky News.

Franca do të bëhet anëtari i parë i G7-ës – një grup prej shtatë ekonomive më të mëdha të përparuara në botë – që njeh një shtet palestinez. G7 përfshin Kanadanë, Francën, Gjermaninë, Italinë, Japoninë, Mbretërinë e Bashkuar dhe SHBA-në.

Në postimin e tij ku shpjegonte vendimin, zoti Macron bëri thirrje për një armëpushim të menjëhershëm në Gaza , lirimin e pengjeve nga Hamasi dhe për më shumë ndihmë humanitare që të arrijë tek ata në territor.

Ish-presidenti i Kosovës, Hashim Thaçi, nga qelia në Hagë ka dhënë një intervistë të veçantë për emisionin “Rubikon” në Klan Kosova, ku ndër të tjera ka folur edhe për kryeministrin e Shqipërisë, Edi Ramën, të cilin e quan mik të madh.

Sipas Thaçit, Shqipëria ndodhet në rrugën e duhur dhe ka një të ardhme të garantuar në Perëndim. Ai vlerësoi lart lidershipin e Ramës dhe ndikimin që po jep në zhvillimin e vendit dhe kombit shqiptar në tërësi.

“Shqipëria sot, është në drejtimin e duhur, e destinuar të ketë të ardhme të sigurt perëndimore. Edi Rama po dëshmon vizion të shëndetshëm e modern me plot optimizëm dhe besim. Edi po e transformon dhe emancipon Shqipërinë dhe shqiptarët. Edi po e bën historinë evropiane të shqiptarëve”, u shpreh Thaçi në “Rubikon”.

Në vijim të intervistës, Thaçi komentoi edhe situatën në Kosovë. Ai bëri thirrje për më shumë ndjenjë shtetformuese, për dialog dhe bashkëpunim mes forcave politike, pavarësisht dallimeve mes tyre.

“Dallimet politike do duhej t’i shndërrojnë në motiv për punë më cilësore, shteti mund të ndërtohet fuqishëm edhe ndërkundërshti, por këto kundërshti të kuptohen dhe respektohen si garë për punë më të mirë, e jo për të penguar njëri-tjetrin, duke e paguar çmimin Kosova. Liderët janë të përkohshëm. Kosova është e përjetshme”, tha Thaçi.

Në një koment të drejtpërdrejtë në “Tirana Live” në ABC News, analisti Frrok Çupi ka dhënë një panoramë të zymtë për të ardhmen politike të Sali Berishës.

Ai thotë se lideri historik i së djathtës është tashmë i izoluar, i braktisur nga aleatët ndërkombëtarë dhe pa mbështetje reale në parti.

Sipas Çupit, “non grata” ndaj Berishës mbetet e palëkundur, morali ka rënë dhe PD-ja është e përçarë nga brenda. Ai sugjeron se Berisha po tenton të afrohet me Edi Ramën si një formë mbrojtjeje, por çdo përpjekje për t’u rikthyer në skenën politike duket e dënuar që në nisje.

“Berisha tani ka mbetur i izoluar nga mashtrimet e tij. Amerika nuk është më për të. “Non grata” nuk hiqet. Morali ka humbur. Partia i ka rrjedhur. Brenda për brenda në partinë e tij i ka punët keq. Berisha tenton me patjetër që të mbështetet tek një forcë e madhe. E shikon Ramën të madh, dhe kërkon ta shikojë si veten. I lëshon këto si sinjale për Ramën, që unë ta fala Veliajn, dhe bashkinë, ai kërkon të marrë mbrojtje nga Rama. Berisha nuk ka asgjë për të paraqitur. Këdo që të propozojë, edhe prej floriri të jetë, po qe kandidati i Berishës nuk ka për të fituar kurrë. Ajo çfarë ndodhi me Lapajn dhe të tjerët, ishte një festë për Berishën. Ishte një rast shumë i mirë për ta. Ai nuk merret për dy arsye me këtë gjë, për arsye se ai ka thënë se kush del prej nesh është i keq dhe e dyta, nëse ai u afrohet atyre sado pak politikisht, ai zbulon veten. Berisha ka bërë parti familjare si ata, janë e njëjta matrioshkë”, tha analisti Çupi./abcnews.al

Një krim i rëndë ka ndodhur në një familje në fshatin Frashër të Fierit rreth orës 23:00 të ditës së djeshme.

26-vjeçarja Emanilda Rama ka mbytur babain e saj me tel, 56-vjeçarin Anesti Rama. Më pas e reja ka shkuar në polici dhe e ka kallëzuar si një ngjarje aksidentale. Policia ka arrestuar të renë, bashkë me të është shoqëruar në komisariat edhe e ëma.

Kjo e fundit dyshohet se ka ndihmuar 26-vjeçaren për pastrimin e trupit të 56-vjeçarit të vrarë, me qëllim inskenimin e ngjarjes si aksidentale.

Vijojnë hetimet, në drejtimin e Prokurorisë, me qëllim dokumentimin me prova ligjore të të gjitha rrethanave të këtij rasti.

Materialet procedurale iu referuan Prokurorisë së Fierit, për veprime të mëtejshme./abcnews.al

Zgjedhje po, por jo tani. Doktori në 24 orë ka ndryshuar mendje. Për të dytën ditë mbrojti Erion Veliajn, por tani kryebashkiaku i burgosur s’duhet të shkarkohet. Megjithëse sipas tij, ai është delinkuent, ai duhet të ushtrojë detyrën.

“Ne nuk bëhemi si ata. Të dhënat janë se atij po i privohen të drejtat ligjore që i takojnë”

Dhe kërkesa e këshilltarëve opozitarë në Bashkinë e Tiranës për shkarkimin e Veliajt, po kalohet në heshtje, për arsye të ndryshme, nga të gjitha palët. Por më i interesuari për ta shtyrë kërkesën, duket të jetë doktori. Por jo sepse ka hallin e Erion Veliajt. Veliaj tani duhet të rrijë, sa PD të mbledhë edhe pak energji e forca për t’u bërë gati për humbjen e radhës.

Nga zgjedhjet e 11 majit nuk kanë kaluar as tre muaj. Në këto zgjedhje, PS fitoi në Bashkinë e Tiranës me 166 mijë vota, disa mijëra vota më shumë se Erion Veliaj në 2023. Kurse PD mori thuajse sa Belo humbësi në 2023, vetëm, 110 mijë vota.

Erioni në burg nuk ndryshoi dot rezultatin. Por Erioni në detyrë i jep doktorit edhe pak kohë për të reflektuar. Vetëm është matematikisht i humbur, por me partitë e tjera, humbja jo vetëm zvogëlohet, por edhe ndahet. Ndaj dhe të enjten, që njihet në Tiranë, si ditë pazari, erdhi oferta e parë e tregtarit të vjetër, për pazarxhinjtë e rinj.

“Ne jemi të hapur të bashkëpunojmë me gjitha forcat politike opozitare, por lidhur me kandidaturën, ajo do jetë objekt diskutimi”.

Që kandidatura e përbashkët është objekt diskutimi mes opozitës, për këtë mjafton të shikosh se çfarë ndodhi me sherrin veror Lapaj-Shabani, pasi mesa duket të dy kanë pretendime për kandidimin për Tiranën. Si për të vërtetuar vëmendjen qëdoktori ka ndaj një bashkimi që vjen edhe nga përçarja, reagimi i tij ishte diplomatik:

Në mes mbeten votat e PSD të Tom Doshit, 11 mijë e 618 të cilat në këto kushte, mund të përcaktojnë edhe kandidatin fitues. Por doshi duket se nuk do nxitohet. Ndaj dhe doktorit i duhet kohë, për të parë, se kush do pranojë që së paku të ndajë me të sërish, humbjen e radhës në Tiranë.

 

Tirana, një destinacion i jashtëzakonshëm – për pushime në qytet – që ofron kulturë autentike, peizazhe piktoreske, kuzhinë të shijshme dhe çmime të përballueshme, në zemër të Shqipërisë, sipas “Travel and Tour World” (TTW).

Një thesar i fshehur për turistët me buxhet të kufizuar

Tirana, kryeqyteti i gjallë i Shqipërisë, po fiton shpejt popullaritet në mesin e vizitorëve që duan të eksplorojnë pa shpenzuar shumë.

Ndërsa vendi shpesh vlerësohet për bregdetin e tij mahnitës, ky xhevahir urban i vendosur në zemër të Shqipërisë po vendoset në qendër të vëmendjes.

Ndërsa shumë turistë po bëhen më të kujdesshëm me shpenzimet e tyre dhe kërkojnë përvoja kuptimplote, Tirana ofron një ndërthurje perfekte të kulturës, çmimeve të përballueshme dhe sharmit natyror.

Ripërcaktimi i një udhëtimi miqësor me buxhetin

Ndërsa kostot e udhëtimeve vazhdojnë të rriten në të gjithë botën, shumë turistë po e zhvendosin fokusin e tyre nga pikat tradicionale turistike në qytete më pak të njohura që ofrojnë po aq shumë – por me më pak para.

Një eksperte e udhëtimeve nga Britania e Madhe vizitoi së fundmi Tiranën.

Në vend që të vizitonte qytete të mbipopulluara me çmime marramendëse, ajo eksploroi kryeqytetin shqiptar – i cili ofron akomodim dhe ushqim të përballueshëm.

Vizitorët mund të eksplorojnë kuzhinën tradicionale shqiptare dhe të shijojnë ëmbëlsirat ballkanike për vetëm 45 qindarka.

Një ndërthurje e kulturës dhe kuzhinës

Ajo që e bën Tiranën një vend kaq magjepsës nuk është vetëm çmimi i përballueshëm, por edhe mënyra se si vizitorët njihen me jetën e përditshme autentike, mjedisin e bukur dhe kulturën ushqimore.

I fshehur midis kodrave dhe vargmaleve, ky qytet ofron një arratisje paqësore së bashku me energjinë e gjallë urbane.

Një destinacion i spikatur për adhuruesit e natyrës është Mali i Dajtit, i vendosur jashtë qytetit, i cili ofron ecje fantastike, pamje panoramike dhe një mënyrë të shkëlqyer për të përjetuar bukurinë natyrore të Shqipërisë.

Kultura e kafeneve të kryeqytetit është një tjetër pikë referimi. Rrugët janë të mbushura me vende për t’u ulur në natyrë, ku vendasit pushojnë në diell, pinë kafe dhe bisedojnë me miqtë.

Ndër vendet më të mira për një vakt të shijshëm vendas është “Kernace Zgare Fatosi”, një vend i njohur që ofron qofte të shijshme, bukë të freskët dhe gatime tradicionale me bazë kosi.

Vendasit sugjerojnë ta vizitoni gjatë muzgut, kur mjedisi bëhet vërtet magjik dhe ushqimi është në formën e tij më të mirë.

“Restorant GjinoKastra” shërben pjata tradicionale, për turistët që janë të hapur ndaj përvojave unike kulinare.

Dhe sigurisht, asnjë vizitë në Tiranë nuk do të ishte e plotë pa provuar një filxhan kafe autentike turke.

Megjithatë, udhëtarët duhet të dinë se kafenetë e qytetit janë gjithmonë plot jetë, një shenjë se sa të rëndësishme janë këto kafene në jetën e përditshme.

Eksploroni zemrën e qytetit

Përtej ushqimit, Tirana është e pasur me vende kulturore dhe monumente historike. Vizitorët mund të zbulojnë një ndërthurje të ndikimeve osmane, italiane dhe të epokës socialiste, të gjitha në një vend.

Disa atraksione që duhen vizituar me patjetër përfshijnë:

Sheshi Skënderbej, qendra e qytetit, që mban emrin e heroit kombëtar të Shqipërisë, e rrethuar nga institucione kulturore.

Kalaja e Tiranës ofron një pamje të rrënjëve osmane të qytetit – e shndërruar në një qendër kulturore dhe kulinare.

Pazari i Ri, një treg në ambient të hapur, plot me prodhime të freskëta, produkte të punuara me dorë dhe shije lokale.

Sofra e Ariut – një vend vërtet unik ku vizitorët mund të darkojnë në një mjedis të qetë që i sjell ata afër natyrës dhe jetës së egër.

Këto vende jo vetëm që pasqyrojnë thellësinë e historisë shqiptare, por gjithashtu u lejojnë vizitorëve të lidhen më thellë me mënyrën lokale të jetesës.

Jeta e gjallë e natës

Një nga transformimet më dramatike të Tiranës ka ndodhur në lagjen e Bllokut.

Dikur një zonë e kufizuar për zyrtarët komunistë, tani është lagjja më e gjallë e qytetit, ku ndodhen disa nga baret, restorantet dhe kafenetë më të mira.

Nëse dëshironi të provoni kokteje, birrë artizanale apo thjesht një ekspres të mirë pas darkës, Blloku i ofron me stil dhe shpirt.

Për një mbrëmje më të relaksuar dhe piktoreske, tarraca në “Hotel Xheko Imperial” ofron pamje marramendëse të horizontit të qytetit.

Është vendi i përsosur për t’u çlodhur dhe për të bërë foto të paharrueshme, veçanërisht gjatë perëndimit të diellit.

Kombinimi i flladit të freskët, pijeve dhe pamjeve panoramike e bën atë një vend të preferuar si për vendasit ashtu edhe për vizitorët e huaj.

Tirana, një nga opsionet më të mira në Evropë

Gjithnjë e më shumë, turistët po kërkojnë destinacione që ofrojnë përvoja autentike, mundësi të përballueshme dhe që janë të paprekura nga turizmi masiv – krahasuar me qytetet tradicionale evropiane. Tirana është pikërisht qyteti që i plotëson këto dëshira.

Ndërsa turistët vazhdojnë t’i japin përparësi komoditetit dhe cilësisë – qytete si Tirana ka të ngjarë të gëzojnë një rritje të vazhdueshme të popullaritetit.

Kjo gjithashtu mund të ndihmojë në lehtësimin e barrës së qyteteve të mbipopulluara si Parisi, Roma ose Barcelona, duke lejuar që turizmi të shpërndahet në mënyrë më të barabartë dhe të qëndrueshme, në të gjithë kontinentin.

Një re zie ka mbuluar Shqipërinë këtë të mërkurë, 23 korrik 2025, teksa gjashtë jetë u shuan brenda vetëm 24 orëve në aksidente tragjike.

Një turiste nga Holanda humbi tragjikisht jetën në plazhin e Filikurit në zonën e Potamit në Himarë pasi u rrëzua nga lartësia. 23-vjeçarja holandeze rreshqiti aksidentalisht. Shoku i saj u përpoq ta mbajë, por nuk ka mundur, duke bërë që ajo bjerë nga një lartësi prej rreth 30 metrash.

Mesditën e kësaj të mërkure një aksident i rëndë ndodhi në Bulqizë, ku humbën jetën dy persona, Desta Gjeta dhe Burhan Gjoka. Kurse një fëmijë i mitur mbeti i plagosur dhe u ndodhet te Spitali i Traumës në gjendje të rëndë shëndetësore.

Ndërkohë një aksident tjetër u shënua në Dibër. Tek Ura e Luznis në fshatin Hotesh, një makinë u gjet e përmbysur në oborrin e një banesë, ku për pasojë ndërroi Arta Çera dhe mbeti i plagosur bashkëshorti i saj, Hajri Çera.

Një tragjedi ndodhi në Krujë. Ku një vajzë e mitur, rreth moshës 4-vjeçare u përplas aksidentalisht me makinë nga babai i saj, në afërsi të biznesit të tyre. E mitura u çua menjëherë në spital, por fatkeqësisht nuk mundi që t’u mbijetonte plagëve.

Një aksident i rëndë me pasojë vdekjen e dy personave dhe plagosjen e tre të tjerëve ka ndodhur në aksin rrugor Lezhë–Shkodër, në afërsi të fshatit Piraj, mbrëmjen e kësaj të mërkure.

Një autoveturë u përplas me një trailer me targa serbe dhe më pas ka përfunduar jashtë rruge, duke u rrëzuar në një kanal. Si pasojë e përplasjes, një grua e moshuar që udhëtonte si pasagjere në autoveturë ka humbur jetën në vend, ndërsa tre pasagjerë të tjerë, mes tyre edhe një fëmijë, si dhe drejtuesi i mjetit, kanë mbetur të plagosur./abcnews.al

Nga 1 janari i vitit te ardhshem nis rivleresimi i pronave. Ministria e Financave ka hedhur per konsultim publik draftin, nisme qe u jep mundesine qytetareve dhe bizneseve te perafrojne vleren e prones se tyre me ate te tregut.

Sipas projektligjit, norma e tatimit do te jete 5% nga 15% qe eshte aktualisht dhe qytetaret do te kene kene mundesi te kryejne kete proces deri me 30 shtator 2026.

Amnistia perfshin edhe rivleresimin e pasurive qe jane ne proces regjistrimi. Nisma ishte propozuar qe prej vitit te kaluar, por konkretizimi zgjati ne kohe edhe per shkak te vendosjes se ccmimeve te references per banesat argumentojne financat. sipas Ministrisë rritja e ccmimeve te banesave nga rivleresimi i fundit e ben dosmosdoshmeri perditesimin e vleres se prones me ate te trefur.

Nga viti 2011 e deri ne vitin 2022 jane zbatuar ne vend tre procese per rivleresimin e pronave, nje nismë qe ka nxitur interes te lartë nga qytetaret dhe bizneset për te përfituar prej saj për shkak te normës së tatimit të reduktuar që duhet te paguajne. Vecc qytetareve, perfituese do te jete edhe vete qeveria pasi permes kesaj nisme rriten te ardhurat tatimore per arken e shtetit./abcnews.al

Avokati Arbër Hoxha thotë se nuk është e largët dita, që kryeministri Edi Rama do shkarkojë Erion Veliajn, nga posti i kryebashkiakut të Tiranës.

Në emisionin “Real Story” në ABC News, Hoxha u shpreh se Veliaj do shkarkohet për shkelje të rëndë të kushtetutës.

Ndërsa politologu Roland Lami deklaroi se rasti Veliaj, shërbeu për të parë se si SPAK do vepronte si institucion dhe shtoi se drejtësia duhet të qëndrojë neutrale.

Arbër Hoxha: Zoti Veliaj ka thënë që po mbahet në burg pa akuzë. Tani, nga i dyshuar, është i pandehur dhe besoj se nuk do të jetë e largët dita që zoti Veliaj do të shkarkohet nga kryeministri për shkelje të rëndë të kushtetutës. Besoj se nuk do të jetë e largët dita që zoti Veliaj do të shkarkohet për shkelje të rëndë të kushtetutës. Vendimet e Gjykatës së Lartë janë vendime të Kolegjit.

Roland Lami: Rasti Veliaj, krijon një bilanc pozitiv te qeveria e zotit Rama, por edhe te SPAK. E ekspozon qeverinë të distancuar nga drejtësia. Në perceptimin e BE krijohet ideja që institucionet e pavarura po lëvizin pa ndërhyrje politike. Rama, nuk e ka për gjë të çojë edhe një nga bijtë e tij. Në aspektin e bilancit të SPAK, edhe për SPAK është një bilanc, me një figurë të lartë si zoti Veliaj. Nëse tek zoti Rama, politizimi i çështjes është në ADN e partive politike, drejtësia duhet të qëndrojë strikt, neutral. Rasti Veliaj ishte për të parë si vepron SPAK si institucion. Duhet të na shërbente si rast model, duke pasur si busull ligjin dhe provën. Janë 3-4 komponentë, magnësi në rastin e zotit Veliaj. Mënyra se si është mbajtur në paraburgim./abcnews.al

Kryebashkiaku i Tiranës, Erion Veliaj është marrë sot zyrtarisht i pandehur nga SPAK.

Akuzat i janë komunikuar në ambientet e paraburgimit të Durrësit, ndërsa bashkëshortes së tij Xoxa statusi i të pandehurit i është njoftuar në SPAK.

Të pandehur për këtë dosje janë: Erion Veliaj, Ajola Xoxa, Klotilda Bushka, Mirton Lika, Ina Goxhaj, Flutur Xhani, Valmir Xoxa, Erald Simixhiu,Elman Abule, Fatmir Bektashi, Meriman Palushi, Sokol Kryeziu, Fation Baçi, Frosina Bollo.

Gjithsej të pandehur për këtë dosje janë 30 persona, duke përfshirë disa biznesmenë së bashku me kompanitë e tyre.

Kryebashkiaku akuzohet për korrupsion pasiv, pastrim parash, fshehje pasurie dhe futje e sendeve te palejuara në institucionet e ekzekutimit të vendimeve penale. E pandehur u mor edhe bashkëshortja e tij, Ajola Xoxa. /abcnews.al

Një tjetër i shumëkërkuar nga SPAK, është ekstraduar të mërkurën nga Dubai për t’u përballur me drejtësinë Shqiptare. Bëhet fjalë për  për Denis Bajroviç (Bajri), ndaj të cilit GJKKO ka dhënë masën e sigurisë “arrest me burg” në mungesë për vrasje me paramendim në bashkëpunim, grup të strukturuar kriminal dhe armëmbajtje pa leje.

Denis Brajoviç mbërriti nën masa të rrepta sigurie në RINAS ku iu dorëzua Drejtorisë së Burgjeve, ndërsa është shoqëruar nga forcat speciale për në paraburgimin 313.

Denis Brajoviç, u arrestuar në Emiratet e Bashkuara Arabe, në muajin shkurt 2024, rreth 7 muaj pasi SPAK e shpalli atë në kërkim në kuadër të operacionit “Metamorfoza”.

37-vjeçari dyshohet se është autori i vrasjes së Gjin Boriçit, më 9 Gusht të vitit 2020. Arrestimi i Brajoviç, u bë falë shkëmbimit të informacioneve mes Interpol Tirana dhe autoriteteve të Emirateve të Bashkuara Arabe. Roli i 37-vjeçarit në ngjarjen për të cilën akuzohet u zbulua pas zbërthimit të aplikacionit SKY ECC, nga ku rezultoi se porositës i vrasjes së Boriçit ishte Ervis Martinaj.

Konkretisht ky i fundit përmes biznesmenit Pëllumb Gjoka i kishte kërkuar Behar Bajrit, gjithashtu i arrestuar në operacionin Metamorfoza, të ekzekutonte Gjin Ndoj Boriçin.

Kështu Behar Bajri i cili edhe pse rezulton të ketë patur marrëdhënie shoqërore me Boriçin, i jep porosi Denis Brajoviçit për të finalizuar ekzekutimin. Në këmbim të vrasjes së tij, Ervis Martinaj do të realizonte vrasjen e Kleant Musabelliut, ngjarje kjo që nuk u krye. Për ekzekutimin e Musabelliut ishte i interesuar biznesmeni Gjoka, pasi kishte tentuar ta vriste këtë të fundit në vitin 2017.

SHQIPËRI-Shqipëria ka shënuar një tjetër moment historik në rrugën e saj drejt anëtarësimit në Bashkimin Evropian. Komiteti i Përfaqësuesve të Përhershëm të vendeve anëtare të BE ka dhënë miratimin për të vijuar negociatat me vendin tonë për Grupkapitullin 5, që përfshin Burimet, Bujqësinë dhe Politikat e Kohezionit.

Lajmin e bëri të ditur Kryeministri Edi Rama përmes një postimi në rrjetet sociale, ku theksoi se Presidenca Daneze e BE-së është autorizuar tashmë të ftojë zyrtarisht Shqipërinë për të paraqitur Pozicionin e saj Negociues mbi këtë grupkapitull.

“Sot, më 23 korrik 2025, në vijim të progresit të vazhdueshëm e dinamik të Shqipërisë në rrugën e negociatave të anëtarësimit në Bashkimin Evropian, Komiteti i Përfaqësuesve të Përhershëm të Vendeve Anëtare të BE-së autorizoi Presidencën Daneze të ftojë Shqipërinë për të paraqitur Pozicionin e saj Negociues për negociatat mbi Grupkapitullin 5.

Ky grupkapitull përfshin sektorë me rëndësi jetike për zhvillimin ekonomik dhe social të vendit, si bujqësia, zhvillimi rural, menaxhimi i burimeve natyrore, si dhe politikat e kohezionit territorial dhe rajonal, të cilat janë themelore për përafrimin me standardet e BE-së dhe për përfitimin e fondeve europiane në mënyrë efikase dhe të drejtë.

Ajo që e bën këtë hap edhe më të rëndësishëm është fakti se Grupkapitulli 5 është kapitulli i fundit i negociatave, duke i hapur rrugë përmbylljes së fazës së hapjes së të gjithë kapitujve teknikë. Kjo do të thotë se procesi i negociatave hyrëse për secilin grup tematik tashmë është i plotë, dhe Shqipëria i ka përmbushur të gjitha kriteret për të kaluar në fazën përfundimtare të përmbylljes së kapitujve dhe përgatitjes për anëtarësim të plotë./abcnews.al

TIRANË- Pas më shumë se dy muajsh nga zgjedhjet parlamentare të 11 majit, KQZ ka shpërndarë këtë të mërkurë mandatet për subjektet politike për qarkun e Tiranës.

“Vendosim shpërndarjen e mandateve për Tiranën: PS 19 mandate, koalicioni PD-ASHM 13 mandate, Mundësia dy mandate, Nisma “Shqipëria Bëhet” një mandat, PSD një mandat, Lëvizja Bashkë një mandat”, tha kryekomisioneri Celibashi.

KQZ pritet të vendosë edhe për mandatin e vetëm të koalicionit “Nisma Shqipëria Bëhet”, pas përplasjeve mes Lapaj dhe Shabanit.

Zgjatja e kohës së certifikimit të zgjedhjeve erdhi për shkak të procesit të rinumërimit, me pretendimet e Partisë Demokratike për manipulime të zgjedhjeve, por që ne fund nuk prodhoi asnjë ndryshim në rezultat.

Gazetari i ABC News, Andon Kello, raporton se zgjidhja sa i takon “telenovelës verore Lapaj-Shabani” tashmë është në dorë të kryetarit të KQZ-së, Ilirjan Celibashit.

“Sot është shpërndarja e 37 mandateve të qarkut të Tiranës. Ende nuk ka një qartësi se kujt do t’i përkasë mandati i deputetit në koalicionin Nisma “Shqipëria Bëhet”, por tani vendimi është në dorë të Celibashit. Po ashtu, pritet që edhe PSD do ketë një lëvizje të fundit, duke tërhequr 12 kandidatët nga lista e mbyllur dhe për t’ia lënë mandatin listave të hapura”, tha ai./abcnews.al

TIRANË-Personi në foto është Denis Brajoviç, i arrestuar në Emiratet e Bashkuara Arabe, në muajin shkurt 2024, rreth 7 muaj pasi SPAK e shpalli atë në kërkim në kuadër të operacionit “Metamorfoza”.

36-vjeçari dyshohet se është autori i vrasjes së Gjin Boriçit, më 9 Gusht të vitit 2020. Arrestimi i Brajoviç, u bë falë shkëmbimit të informacioneve mes Interpol Tirana dhe autoriteteve të Emirateve të Bashkuara Arabe.

Roli i 36-vjeçarit në ngjarjen për të cilën akuzohet u zbulua pas zbërthimit të aplikacionit SKY ECC, nga ku rezultoi se porositës i vrasjes së Boriçit ishte Ervis Martinaj.

Konkretisht ky i fundit përmes biznesmenit Pëllumb Gjoka i kishte kërkuar Behar Bajrit, gjithashtu i arrestuar në operacionin Metamorfoza, të ekzekutonte Gjin Ndoj Boriçin.

Kështu Behar Bajri i cili edhe pse rezulton të ketë patur marrëdhënie shoqërore me Boriçin, i jep porosi Denis Brajoviçit për të finalizuar ekzekutimin.

Në këmbim të vrasjes së tij, Ervis Martinaj do të realizonte vrasjen e Kleant Musabelliut, ngjarje kjo që nuk u krye.

Për ekzekutimin e Musabelliut ishte i interesuar biznesmeni Gjoka, pasi kishte tentuar ta vriste këtë të fundit në vitin 2017./abcnews.al

POGRADEC- Kryeministri i Shqipërisë, Edi Rama, ka ndarë pamje të veçantë me ndjekësit e tij në rrjetin social Facebook, duke publikuar një panoramë të bukur nga Bazilika e Linit, një nga thesaret arkeologjike më të çmuara të vendit.

“MIRËMËNGJES dhe me një ditë të zakonshme korriku në Bazilikën e Linit, mes natyrës së qetë, trashëgimisë sonë të çmuar kulturore dhe pamjeve piktoreske që ofron ky fshat buzë liqenit, si një nga perlën e historisë dhe turizmit kulturor shqiptar, ju uroj një ditë të mbarë” shkruan Kryeministri në postimin e tij.

Postimi i  shefit të qeverisë shoqërohet me fotografi që pasqyrojnë bukurinë natyrore dhe vlerat kulturore të Linit, një destinacion gjithnjë e më i vizituar nga turistët vendas dhe të huaj. Me këtë mesazh, Kryeministri synon të nxjerrë në pah rëndësinë e ruajtjes dhe promovimit të trashëgimisë kulturore shqiptare, si dhe të inkurajojë vizitat në vendet historike që pasqyrojnë identitetin dhe lashtësinë e Shqipërisë.

Bazilika e Linit, e njohur për mozaikët e saj të rrallë dhe pozicionin piktoresk buzë liqenit të Ohrit, është një ndër atraksionet kryesore kulturore në juglindje të vendit/abcnews.al

Nëse planifikoni të shkoni në Evropë këtë verë, por ende nuk keni vendosur plotësisht për një itinerar, ka të ngjarë që të habiteni me kostot shumë të larta – kur vendosni në minutën e fundit, shkruan Vinicius Costa në një artikull të botuar në revistën amerikane të udhëtimeve “Travel off Path”.

Nga Costa Brava e Spanjës, duke kaluar Rivierën Franceze, deri në Bregun Amalfi të Italisë dhe deri në Bregun Dalmatian idilik të Kroacisë, nevojitet një buxhet ditor deri në 194 dollarë ose më shumë, për të mos përmendur turmat masive.

Megjithatë, jo çdo destinacion veror evropian është aq i shtrenjtë sa Positano, në Bregun e Amalfit, në Itali.

Në fakt, ekzistojnë katër vende tërheqëse të “Botës së Vjetër” të cilat ofrojnë akomodim dhe ushqim me kosto më të lirë:

1-Vlora, Shqipëri; 2-Liqeni i Ohrit, Shqipëri/ Maqedoni e Veriut; 3-Nessebar, Bullgari; 4- Batumi, Gjeorgji.

Vlorë, Shqipëri

E vendosur midis maleve dhe detit, Vlora është destinacioni kryesor turistik në bregdetin e Shqipërisë, “perla e fshehur” e një vendi që është bërë pika e nxehtë e verës së ardhshme të Evropës.

Vlora është një qytet i qetë me një qendër historike të rinovuar së fundmi, me një trashëgimi të pasur kulturore, dhe një vijë bregdetare mahnitëse – të mbushur me apartamente të larta, bare plazhi të gjalla dhe taverna mikpritëse që shërbejnë ushqime të freskëta deti gjatë gjithë ditës.

Ky qytet i bukur bregdetar do të mundësojë fluturime direkte brenda Evropës.

Aeroporti Ndërkombëtar i Vlorës është planifikuar të hapet në vitin 2026.

Çmimet mesatare në Vlorë, Shqipëri

Vakt i Lirë – (Restorant) 8 dollarë

Vakt me 3 pjata për 2 persona – (Restorant i nivelit të mesëm) 28 dollarë

Akomodim i lirë – (Hostel) 14 dollarë

Akomodim i nivelit të mesëm (Hotel/B&B/shtëpi pritjeje me 3 yje) 59–69 dollarë

Hotel me 5 yje (Luksoz gjithëpërfshirës) 184–295 dollarë

Tarifa e taksisë (Për 0, 5 milje) 1,90 dollarë

Liqeni i Ohrit

Liqeni i Ohrit shtrihet në kufirin malor midis pjesës jugperëndimore të Maqedonisë së Veriut dhe Shqipërisë lindore. Është një nga liqenet më të thella dhe më të vjetra të Evropës, me një ekosistem unik ujor me rëndësi botërore, me më shumë se 200 specie endemike.

Imagjinoni një varg qytetesh buzë liqenit të kryqëzuara me rrugë me kalldrëm, me anije shumëngjyrëshe të ankoruara pranë porteve të tyre piktoreske, kisha mahnitëse të lashta dhe madje plazhe me guralecë – të shtrira pranë klubeve të lundrimit.

Mos humbisni Qytetin e Ohrit, një nga vendbanimet më të vjetra në Evropë.

I ndërtuar kryesisht midis shekujve VII dhe XIX, ai ka manastirin më të vjetër sllav (Shën Pantelejmonin) dhe më shumë se 800 ikona të stilit bizantin që datojnë nga shekulli XI deri në fund të shekullit të XIV.

Sekretari i Përgjithshëm i Kombeve të Bashkuara, António Guterres, tha se uria po “troket në çdo derë” në Gaza, duke e quajtur situatën një “shfaqje horror”.

“Anëmbanë botës, shohim një shpërfillje të plotë, nëse jo një shkelje të plotë të së drejtës ndërkombëtare”, i tha Guterres Këshillit të Sigurimit të Kombeve të Bashkuara, shkruan CNN.

“Nuk kemi nevojë të shohim më tej se shfaqja e tmerrit në Gaza. Në nivelin e vdekjes dhe shkatërrimit të pashoq kohët e fundit. Kequshqyerja është në rritje. Uria po troket në çdo derë. Tani po shohim grykën e fundit të një sistemi humanitar të ndërtuar mbi parimet humanitare”, tha ai.

Sistemit humanitar të OKB-së po i “mohohen kushtet për të funksionuar” në Gaza, duke përfshirë hapësirën për të ofruar ndihmë dhe sigurinë për të ndihmuar njerëzit në nevojë, tha Guterres.

Operacioni i ri i ushtrisë izraelite në Deir al-Balah në Gazën qendrore ka nënkuptuar që “shkatërrimi po shtresohet mbi shkatërrim”.

Guterres tha gjithashtu se është “i tmerruar” nga sulmi ndaj ambienteve të OKB-së brenda Gazës, duke përfshirë ambientet e Zyrës së Kombeve të Bashkuara për Shërbime Projektesh dhe depot e rezidencat që i përkasin Organizatës Botërore të Shëndetësisë./abcnews.al

I përjetshëm në krye të PD. Ose të paktën kjo është ajo çfarë paralajmëroi doktori në konferencën e së martës, duke paralajmëruar shkelmimin e gjithë statutit, me nenin Basha bashkë me mbarimin e mandatit  pas 10 muajsh.

“Ajo është një çështje që ka të bëjë, ai nen ka të bëjë kur zhvillohen zgjedhje dhe jo kur zhvillohet farsë elektorale.  Në kuptimin që farsat nuk mund të përdoren për mekanizma antiopozitë në një kohë kur ato janë mekanizma thelbësorë antidemokratike. Besoj se e ke të qartë, janë për përmbysjen e sistemit demokratik.”

Ndryshime për Berishën do të ketë, por jo kur preket ai.

“Tani, statuti është në rregull, nuk ka nevojë për momentin për ndonjë ndryshim. Sigurisht që pasi të finalizojmë denoncimin në Shqipëri dhe botë të farsës elektorale, PD do bëjë një analizë të plotë të të gjitha problemeve në mënyrë që të modernizohet dhe të hapet gjithnjë e më shumë.”

Kur certifikimi i zgjedhjeve po mbaron, doktorit i duhet kohë, dhe Celibashi.

“Sot unë kam këto pyetje për Ilirjan Celibashin. A janë marrë 350 kuti votimi me 12 apo me 13 prill të vitit 2025 nga magazinat e KQZ-së në Farkë? Së pari. Së dyti. A ka firmosur ai dorëzimin e personave të caktuar të 350 kutive të votimit? Së treti. A ka dijeni ai për marrjen e tyre pa asnjë dokument? Për marrjen e tyre pa asnjë dokument dhe dërgimin e tyre në një lokacion të administruar nga një ish-deputet socialist.”

Doktori e akuzon, por a e do e çojë Celibashin në SPAK?

“Durim. Por është mirë që Celibashi të bëjë transparencën në pozicion ku është.”/abcnews.al

Kryeministri Edi Rama ka marrë pjesë në aktivitetin për Universitetin Bujqësor të Tiranës me synimin që “UBT2030”, të bëhet antena rajonale e BOKU-t.

Gjatë fjalës së tij kryeministri Edi Rama ka vlerësuar UBT dhe punën e deritanishme të stafit, ndërsa theksoi domodoshmërinë që të rinjtë të bëhet pjesë e programeve të këtij universiteti.

“Kemi jo një konsulent por një bashkëudhëtar që i di të gjitha ato për të cilat ne kemi nevojë, falë Bardhi Sallakut që mos ngatërrohemi, se këta Bardhët e djathtë janë lloj-lloj, ky është Bardh i ndriçuar. Ne arritëm të kemi një reformë që ka bërë diçka radikale, ka spostuar procesin e bërjes së kurrikulave nga duart e shefave të Departamenteve në duart e një komisioni të brendshëm dhe të vetë studentëve. Mua më bind që në 2030 UBT dhe Bokut do jenë një dhe UBT do të jetë antenat e BOKU-t. Shqipëria që së shpejti anëtarësohet në BE ka nevojë për ata që përgatit Universiteti Bujqësor i Tiranës sepse Shqipëria njësoj si Europa dhe gjithë bota përballet me ndryshime klimaterike”, tha mes të tjerash Rama.

/abcnews.al/