Gjykata Komerciale ka marrë aktvendimin për pezullimin e vendimit të Zyrës së Rregullatorit për Energji (ZRrE), për pesë kompani të tjera për dalje në tregun e lirë të energjisë elektrike.

Lajmi është bërë i ditur nga Oda Ekonomike e Kosovës, e cila theksoi se këto kompani kanë ushtruar padi individuale ndaj vendimit të ZRrE-së, duke ndjekur rrugën ligjore të paraparë nga legjislacioni aktual.

“Siç kemi theksuar edhe më herët, legjislacioni në fuqi nuk parasheh padi grupore ose kolektive, andaj vetëm paditë individuale janë duke u trajtuar dhe pranuar nga gjykata.  Këto pesë kompani kanë fituar të drejtën e tyre ligjore përmes këtij mekanizmi,” thuhet në njoftimin e Odës Ekonomike.

Në reagimin e saj, OEK i bën thirrje ZRrE-së që të anulojë vendimin për detyrimin e bizneseve të kalojnë në tregun e lirë të energjisë, duke paralajmëruar se një qasje e tillë mund të dëmtojë konkurrencën, të rëndojë barrën financiare për bizneset dhe qytetarët, si dhe të godasë ekonominë e vendit. /Telegrafi/

The post OEK: Gjykata Komerciale pezullon vendimin e ZRrE-së për 5 kompani të tjera appeared first on Telegrafi.

Kryeministri në detyrë, Albin Kurti, ka komentuar vendimin e Zyrës së Rregullatorit për Energji (ZRRE) për daljen e bizneseve në tregun e lirë të energjisë elektrike, duke theksuar se nuk beson që ky vendim do të shkaktojë probleme siç është paraqitur nga disa palë.

“Bëhet fjalë për një vendim të vitit 2016, i cili është dashur të zbatohet, dhe prek vetëm rreth 1 për qind të kompanive që do të kenë mundësinë të nënshkruajnë kontrata për blerje të energjisë. Furnizuesi i fundit mbetet KEK-u dhe nuk besoj se do të ketë probleme siç është trumbetuar,” tha Kurti në një intervistë për Tëvë1.

Megjithatë, vendimi i ZRRE-së ka hasur në kundërshtime të forta nga komuniteti i biznesit dhe kompanitë vendore.

Ditë më parë, Gjykata Komerciale e Kosovës, Departamenti për Çështje Administrative, ka marrë aktvendime në lidhje me anulimin e këtij vendimi, më 25 qershor 2025.

Bizneset vazhdojnë të paraqesin padi kundër ZRRE-së, ndërsa Oda Ekonomike e Kosovës (OEK) ka bërë të ditur se funksionon një zyrë e posaçme për përpilimin e padive kundër këtij vendimi.

Kjo zyrë ofron mbështetje ligjore për bizneset e prekura dhe po shënon interesim të lartë nga kompanitë që kërkojnë ndihmë për kontestimin ligjor.

Dhoma e Tregtisë dhe Industrisë së Kosovës ka theksuar se procesi i liberalizimit të tregut është shoqëruar me shkelje procedurale dhe substanciale, të evidentuara edhe nga institucionet evropiane.

Po ashtu, Oda Ekonomike Amerikane në Kosovë ka shprehur shqetësime të thella për zbatimin e këtij procesi, duke u bazuar në aktvendimet e fundit gjyqësore që kanë pezulluar ekzekutimin e vendimeve të ZRRE-së.

Në shenjë pakënaqësie, bizneset kishin organizuar edhe protesta kundër vendimit të ZRRE-së, duke argumentuar se ky hap do të rëndojë ekonominë e vendit.

The post Ankesat e bizneseve për tregun e lirë energjetik, deklarohet Kurti appeared first on Telegrafi.

TIRANË, 25 qershor /ATSH/ Zëvendësministri i Infrastrukturës dhe Energjisë, Ceno Klosi dha sot një pasqyrë të detajuar të ecurisë së sektorit energjetik për vitin 2024 në vendin tonë. I pranishëm në tryezën mbi sistemin elektro-energjetik, Klosi theksoi se viti 2024 ishte një vit sfidues, por vijues i transformimit të strukturës, performancës dhe vizonit për sektorin energjetik në vendin tonë.

“Prodhimi i energjisë për 2024, prodhimi neto i energjisë vendase, ai i energjisë elektrike për këtë vit arriti në shifrën e 7836 kWh, ku 56% e këtij prodhimi u sigurua nga KESH dhe 44% nga prodhuesit privatë dhe me përparësi. Kjo shifër ndonëse më e ulët se 2023, është ende mbi mesataren historike të periudhës 2009-2024 gjë që dëshmon stabilitet të qëndrueshëm pavarësisht kushteve hidrologjike më të pafavorshme të vitit të kaluar”, tha Klosi.

Klosi nënvizoi se “përveç kontributit të KESH një zhvillim thelbësor ka qenë rritja e rolit të impianteve fotovoltaike të cilat prodhuan afro 490 gigavat energji dhe shënuan një kapacitet të instaluar prej 449 megavat”.

“Vetëm gjatë 2024 janë futur në prodhim 26 impiante të reja me 270 megavat kapacitet, ku 94% e kësaj rritje vjen nga burimet diellore”, tha Klosi.

Për sa i përket rrjetit të transmetimit, Operatori i Sistemit të Transmetimit (OST), sipas Klosit, ka vijuar investimet strategjike për përmirësimin e infrastrukturës “ku linjat kapin shifrën e mbi 3400 km në nivelet 110-400 kilovat”.

“Përmirësimi i linjave ekzistuese dhe ndërtimi i linjave të reja interkonjektive me fqinjët veçanërisht projekti me Maqedoninë e Veriut, shënjojnë hapa konkret drejt një Shqipërie të integruar në tregjet rajonale dhe evropiane të energjisë”, u shpreh më tej Klosi.

Klosi theksoi se “niveli i humbjeve në rrjetin e transmetimit për vitin 2024 është ulur në nivelin e 2.02% nga 2.17% vitin e kaluar, tregues i investimeve të zgjuara dhe rritjes së efikasitetit të sistemit”.

Sa i përket shpërndarjes së energjisë elektrike, Klosi tha se “operatori i shpërndarjes së energjisë elektrike ka përmirësuar ndjeshëm performancën operacionale duke ndikuar në uljen e humbjeve, rritjen e arkëtimeve dhe përmirësimin e cilësisë së shërbimit për vitin 2024”.

Klosi tha po ashtu se “konsumi total i energjisë ka pasur një rritje domethënëse me fokus të veçantë, me optimizmin e menaxhimit të pikut të ngarkesës, fakt që na ka përgatitur për një sistem më të balancuar dhe të përgjegjshëm ndaj kërkesave gjithnjë e në rritje të konsumatorit”.

“Një hap para ka qenë edhe integrimi në tregun e energjisë gjatë 2024 ku Shqipëria ka hyrë zyrtarisht në tregun e përbashkët përmes ALPEX bursës shqiptare të energjisë, ku në vitin 2024 ka vijuar operimi i tregut të ditës në avancë dhe tregun Brenda ditës në bashkëpunim me Kosovën”, tha Klosi.

Gjithashtu shtoi Klosi “një pjesë e prodhuesve të energjisë që me parë operonin me kontrata mbështetëse tani janë transferuar në tregun e lirë duke rritur fleksibilitetin dhe konkurrencën”.

I ndalur tek vizioni i vendit për të ardhmen, Klosi tha se Shqipëria mbetet e fokusuar “për një energji të pastër dhe të sigurt dhe të qëndrueshme. Angazhimi ynë për një tranzicion të drejtë dhe të suksesshme energjetik është i qartë”.

“Jemi duke mbështetur investimet në burimet e rinovueshme përmes skemave mbështetëse dhe garancive të origjinës në investime në vet prodhim dhe në konsumatorin aktiv, në investime në ndërtimin e kapaciteteve të reja ruajtjes “storage”, të cilat janë një inovacion për sektorin energjetik shqiptar gjithashtu edhe investime për digjitalizimin e rrjetit dhe përmirësimin e menaxhimit të pikut të ngarkesës ku tashmë kemi një planifikim investimesh ndryshe nga më parë të cilat planifikohen në mënyrë të zgjuar duke pasur parasysh dhe perspektivën që ka sektori energjetik”, u shpreh Klosi.

Sipas Klosit rezultatet e vitit 2024 janë një dëshmi se sektori energjetik po kalon një epokë të re, ku kemi siguri energjetike, efikasitet, qëndrueshmëri dhe çmime të përballueshme për qytetarët dhe ekonominë.

/m.q/j.p/

The post Klosi: Rreth 490 gigavat energji nga impiantet fotovoltaike, mbetemi të fokusuar tek burimet e rinovueshme appeared first on Agjencia Telegrafike Shqiptare.

Partia Demokratike e Kosovës do të kërkojë pezullimin e vendimit të ZRRE-së për daljen në treg të lirë të 1300 kompanive.

Deputeti i kësaj partie, Abelard Tahiri, tha se nesër do të procedojnë në Gjykatën Themelore të Prishtinës pezullimin e këtij vendimi, mirëpo paraprakisht vendosjen e një mase të përkohshme.

Sipas Tahirit, ZRRE-ja ka marrë vendim për qitjen në treg të hapur energjetik 1300 kompani në mënyrë të parregullt dhe pa përmbushur kriteret.

“Nesër do të procedojmë në Gjykatën Themelore të Prishtinës pezullimin e vendimit. Do të kërkojmë masë të përkohshme në mënyrë që ky vendim të pezullohet dhe këto kompani të furnizohen me çmimin e njëjtë të energjisë elektrike, si para marrjes së këtij vendimi. Nuk janë përmbushur kushtet dhe nuk janë përmbushur as obligimet e ZRRE-së sa i përket daljes në treg të lirë dhe ka parregullsi në marrjen e këtij vendimi”, tha ai.

Këto komente Tahiri i bëri pas dështimit për herë të 36-të të konstituimit të Kuvendit./kp/

The post Dalja në treg të hapur, PDK-ja nesër e procedon në Gjykatë Themelore pezullimin e vendimit të ZRrE-së appeared first on Telegrafi.

Vlora ka një vend të ri të depozitimit të mbetjeve. Landifilli i Sherishtës, pjesë e një bashkëpunimi financiuar gjerman ka nisur të funksionojë zyrtarisht. Projekti ka një vlerë totale prej 24.96 milion euro, nga të cilat 12 milion euro janë kredi e dhënë nga KFË dhe pjesa tjetër grant.

“Kemi filluar te perforim qelizen e pare te landfillit te sherishtes. Fillim parcial mund te themi se vetem hedhim mbetjet urbane ne kete landfill, nderkohe qe jemi ne punime te vogla per te vendosur ne funksion edhe fabriken qe kemi pas, qe do te sherbeje me vone edhe per te matur te gjitha ato mbetje qe hyjne ne kete vend depozitim dhe patjeter qe bejme edhe diferencimin e tyre ne momentin qe vine ne landfill. Prodhimi i mbetjeve shkon deri me 600 ton mbetje në dite.”

Fusha që depoziton prej 40 vitesh mbetje në qytetin e Vlorës vijon të përfshihet nga flakët, por çfarë parashikon projekti për këtë problematikë më të ndjeshme për qytetarët dhe turistët gjatë verës.

“Ka një fazë të tretë projekti, atë të kapsulimit të plote të fushës së mbetjeve në Vlorë. Po bëjmë një operacion pilot atje, me qëllim që të bëjmë sa të mundemi, me mjete rrethanore po themi apo me mjete që ne kemi në dispozicion, po përdorim dheun por asnjëherë ndërhyrje me teknikë të lartë sepse ai është projekt që do të mbulohet nga KFË. 40 vite mbetje të kompostuar në atë fushë vetëm me magji mund të pretendojmë që zjarri të mos jetë prezent.”

Po në qarkun e Vlorës, qeveria gjermane ka financuar një investim prej 5.3 milionë eurosh në Impiantin e Trajtimit të Ujërave të zeza në Orikum. Investimi i rëndësishëm edhe për procesin e integrimit në BE, pjesë e grup kapitujve për mjedisin do t’u shërbejë 53 mijë banorëve.

“Ka për qëllim rehabilitimin e impiantit ekzistues, ndërtimit të rrjetit të kanalizimeve që përbën rreth afro 30 kilometra kryesor e sekondar.”

Investimet gjermane në Shqipëri kanë një fokus të veçantë edhe sektorin e energjisë.

Rreth 60 milion euro ka kushtuar projekti që bashkëfinancohet nga banka gjermane për zhvillim, shteti shqiptar dhe pjesa tjetër grant nga Bashkimi Europian.

“Siguri energjitike dhe lidhjen e Shqipërisë në rajon. Nëse iu kujtohet në vitin 2005 kemi pasur një mungesë të energjisë dhe një linje që mund të importonim ishte linja me Greqinë, ndërkohë me këtë linjë kemi siguri.”

Në total investimet gjermane në Shqipëri kapin vlerën e 1.2 miliard eurove. Këto para kanë shkuar kryesisht për sektorin energjisë, ujit dhe trajtimit të mbetjeve.

” Gjermania është partneri më i vjetër dhe i qëndrueshëm i Shqipërisë, në kohë të mira dhe të vështira. Bahskëpunimio financiar ka nisur që nga viti 1998 dhe ne përpiqemi të mbulojmë fusha që ndihmojnë zhvillimin ekonomik të Shqipërisë, veçanërisht në sektorin e ndërmarrjeve të vogla dhe të mesme. Gjithashtu në bujqësi, sepse duam të krijojmë burime të qëndrueshme të ardhurash për njerëzit, sidomos në zonat rurale ku alternativat janë më të pakta. E njëjta gjë vlen edhe për prodhimin e energjisë, sepse çdo zhvillim ekonomik do të varet nga furnizimi i qëndrueshëm me energji.”

The post Investim 60 milionë euro për rrjetin energjetik, më shumë stabilitet për Shqipërinë appeared first on Sot News | Lajme.

Korporata Energjetike e Kosovës (KEK) ka sqaruar të enjten opinionin publik lidhur me rolin e saj në furnizimin e përkohshëm me energji elektrike për bizneset që nuk kanë zgjedhur ende një furnizues në tregun e lirë.

Në një njoftim për media, KEK tha se gjatë takimit të fundit me përfaqësues të Odës Ekonomike të Kosovës (OEK), Dhomës së Tregtisë, Industrisë dhe Ndërmarrësisë, Aleancës së Biznesit, Klubit të Biznesit dhe Shoqatës së Prodhuesve brenda OEK-ut, është theksuar se furnizimi aktual nga KEK-u bëhet në përputhje me vendimin e Zyrës së Rregullatorit për Energji (ZRRE) për Furnizuesin e Mundësisë së Fundit (FMF).

Sipas këtij vendimi, KEK ka obligim ligjor të furnizojë konsumatorët vetëm për një periudhë maksimale deri në 60 ditë, derisa ata të nënshkruajnë kontrata me një furnizues në tregun e lirë.

“Është me rëndësi të theksohet se në asnjë rrethanë KEK nuk ka deklaruar se ky furnizim do të vazhdojë pavarësisht nëse kontratat si FMF lidhen apo jo. Është theksuar qartë se bëhet fjalë për një obligim të përkohshëm ligjor, dhe jo për ndonjë garanci afatgjate furnizimi”, thuhet në njoftimin e KEK-ut.

KEK ka bërë të ditur gjithashtu se nga 1 qershori 2025 ka filluar automatikisht furnizimi me energji për ata konsumatorë që janë shkyçur nga KESCO si Furnizuesi i Shërbimit Universal (FSHU) dhe ende nuk kanë zgjedhur furnizues në tregun e lirë.

Për këtë arsye, KEK u ka kërkuar përfaqësuesve të bizneseve që të nxisin anëtarët e tyre që të nënshkruajnë kontrata me KEK-un si FMF sa më shpejt, në mënyrë që procesi të zhvillohet pa ndërprerje dhe në përputhje me rregulloren e ZRRE-së dhe ligjet në fuqi.

The post KEK sqaron rolin e saj si Furnizues i Mundësisë së Fundit për bizneset appeared first on Telegrafi.

Oda Ekonomike e Kosovës (OEK), së bashku me përfaqësues të bizneseve nga e gjithë Kosova sot do të mbajnë një protestë nga ora 11:00 deri në 12:00, në sheshin “Skënderbeu”, në Prishtinë.

Siç është thënë në konferencën për media me anë të kësaj proteste kundërshtojnë mënyrën se si bizneset janë detyruar të hyjnë në tregun e lirë të energjisë elektrike, pa pasur përgatitje të mjaftueshme.

Kryetari i OEK-së, Lulzim Rafuna, ka thënë se protesta do të jetë paqësore dhe bëri thirrje që Qeveria të rishikojë vendimin e marrë.

Ai tha se kërkojnë një afat njëvjeçar dhe një paketë ligjore për të lehtësuar tranzicionin për bizneset dhe për të mbrojtur qytetarët.

“Protesta do të mbahet të mërkurën nga ora 11:00 deri në 12:00. I ftojmë të gjithë ata që preken nga ky vendim të na bashkohen për të mirën e vendit. Kërkojmë që Qeveria të reflektojë dhe të mbështesë biznesin dhe ekonominë, duke dhënë një afat të përshtatshëm për kalimin në tregun e lirë dhe duke përgatitur masa ligjore për këtë tranzicion”, tha Rafuna.

Ai shtoi se, nëse Qeveria nuk ndryshon qëndrim, bizneset do të detyrohen të vazhdojnë protestat.

Rafuna kritikoi gjithashtu ZRRE-në për mungesën e përgatitjes dhe ofertave të mjaftueshme për konsumatorët në tregun e lirë të energjisë. /Telegrafi/

The post Bizneset sot në protestë, kërkojnë një vit shtesë për liberalizimin e tregut energjetik appeared first on Telegrafi.

Kryetari i Odës Ekonomike të Kosovës, Lulzim Rafuna, ka paralajmëruar se më 11 qershor do të organizohet një protestë nga bizneset në sheshin e Prishtinës, nëse Qeveria nuk reflekton lidhur me vendimin për daljen në tregun e lirë të energjisë elektrike.

Kështu deklaroi Rafuna, pas takimit që kanë pasur me përfaqësues të bizneseve, transmeton Telegrafi.

“Takimin që e kishim me bizneset të cilat janë të prekur nga dalja në treg të lirë të energjisë, një pjesë e tyre ishin prezent, u pajtuam që t’i bëjmë thirrje qeverisë që të reflektojë, të na jepet mundësia e një faze të tranzicionit që kemi kërku më herët, të përgatitet tregu, të përgatitet një paketë që e përcjell gjatë kësaj faze të tranzicionit për të dalë në treg të lirë dhe biznesi të kalojë në tregun e lirë në datën që do të dakordohemi të gjithë bashkë. Në rast se nuk do të ketë reflektim, atëherë bizneset bashkë me punëtorët ditën e mërkurë do të dalim në shesh në orën nga ora 11:00 deri në ora 12:00 për ta shpreh pakënaqësinë që e kemi lidhur me këtë vendim dhe për mos reflektimin e qeverisë së Kosovës”, tha Rafuna.

Lexo po ashtu Tregu i lirë i energjisë elektrike, Rizvanolli fton bizneset të marrin pjesë në seminarin informues

Ai kërkoi nga institucionet që të respektojnë kërkesën e komunitetit të biznesit dhe të shmangin përshkallëzimin e situatës.

“Për këtë arsye, në emër të bizneseve kërkoj nga Qeveria e Kosovës që të respektojë pjesën e tranzicionit për shkak të rrethanave dhe kushteve ku jemi, dhe ta gjejmë një zgjidhje që ta menaxhojmë sa më mirë dhe të mos ketë nevojë që bizneset të dalin në shesh për të protestuar”, shtoi ai.

Ndryshe, sot ministrja në detyrë e Ekonomisë, Artane Rizvanolli, ka ftuar bizneset të marrin pjesë në seminarin që do të mbahet mbi aspektet teknike të furnizimit me energji elektrike në tregun e hapur.

Rizvanolli thotë se në takim do të adresohen çështjet kryesore që janë ngritur së fundi në takim me bizneset dhe furnizuesit.

Seminari informues është planifikuar të mbahet me 10 dhe 11 qershor.

Bizneset para disa ditësh kanë protestuar në Prishtinë./Telegrafi/

The post Bizneset paralajmërojnë protestë më 11 qershor, kërkojnë reflektim nga Qeveria për tregun e lirë të energjisë elektrike appeared first on Telegrafi.

Korporata Energjetike e Kosovës (KEK sh.a.) ka njoftuar se ka filluar me sukses zbatimin e vendimit për liberalizimin e tregut të energjisë elektrike, në përputhje me kuadrin ligjor dhe rregullator në fuqi.

KEK thotë se ky vendim bazohet në: Rregulloren e Zyrës së Rregullatorit për Energji (ZRRE) Nr. 08/2017 për Furnizuesin e Mundësisë së Fundit (FMF), dhe

Vendimin e ZRRE-së Nr. V_1544_2022, të datës 03.08.2022, me të cilin KEK është përcaktuar zyrtarisht si Furnizues i Mundësisë së Fundit për konsumatorët që nuk kanë përzgjedhur ende një furnizues në tregun e lirë.

Furnizimi nga FMF fillon më 1 Qershor 2025

Duke filluar nga data 1 Qershor 2025, KEK ka filluar të ofrojë furnizim të pandërprerë me energji elektrike për të gjithë konsumatorët që aktualisht nuk janë të lidhur me ndonjë furnizues komercial. Furnizimi do të vazhdojë deri më 30 Korrik 2025, në përputhje me vendimin e ZRRE-së.

KEK njofton se më 31 Maj 2025 ka siguruar me sukses kapacitetet e nevojshme për blerje të energjisë në tregun e hapur, me një çmim mesatar prej 64.55 euro për megavat-orë (€/MWh), i vlefshëm për datën 1 Qershor 2025.

Konsumatorët që dëshirojnë informacione të përditësuara mbi çmimet e tregut, mund të referohen në bursën zyrtare të energjisë ALPEX: https://alpex.al/sq/rezultatet-e-tregut

Për më shumë informacione rreth furnizimit nga FMF apo hapat për kalimin në tregun e lirë, konsumatorët mund të kontaktojnë KEK në adresën zyrtare të emailit: furnizimi@kek-energy.com

The post KEK fillon zbatimin e vendimit për liberalizimin e tregut të energjisë elektrike appeared first on Telegrafi.

Zyra e Rregullatorit për Energji (ZRRE), ka njoftuar të gjithë konsumatorët e energjisë elektrike, se ka filluar me sukses vazhdimi i liberalizimit të tregut të energjisë elektrike.

Sipas ZRRE-së ky proces përbën një hap të rëndësishëm dhe të shumëpritur drejt ndërtimit të një tregu të hapur, konkurrues dhe transparent, i cili do të ofrojë më shumë mundësi për konsumatorët që të zgjedhin lirshëm furnizuesin e tyre të energjisë elektrike.

“Liberalizimi i tregut synon të sjellë përfitime konkrete për konsumatorët përmes rritjes së konkurrencës ndërmjet furnizuesve, përmirësimit të cilësisë së shërbimit dhe krijimit të kushteve të favorshme për çmime transparente dhe në parime të tregut të lirë. Ky është një hap thelbësor drejt përmbushjes së standardeve evropiane dhe integrimit të plotë të tregut të energjisë së Kosovës në tregun rajonal dhe atë evropian”, thuhet në njoftimin e ZRRE-së.

Lexo po ashtu Bizneset kalojnë në tregun e lirë energjetik, AKB paralajmëron përshkallëzim të protestave nëse nuk pezullohet vendimi

ZRRE fton të gjithë konsumatorët e kualifikuar për të dalë në treg të lirë që ende nuk kanë përzgjedhur furnizuesin e tyre të energjisë elektrike, që të ndërmarrin veprimet e nevojshme për të gjetur furnizuesin më të përshtatshëm sipas nevojave të tyre dhe kushteve më të favorshme që ofron tregu.

“Çdonjëri nga këta konsumator obligohen të zgjedhin lirshëm furnizuesin e tyre në tregun e hapur, duke u bazuar në oferta që përputhen me profilin dhe kërkesat individuale të konsumit. Konsumatorët që mbesin pa furnizues, kalojnë automatikisht te Furnizuesi i Mundësisë së Fundit (FMF), por ZRRE thekson se qëndrimi te FMF është një mundësi e fundit për furnizim të garantuar, dhe se ky furnizim nuk përfaqëson një zgjidhje të qëndrueshme, e as kushte të volitshme për konsumatorët”, thuhet tutje në njoftim.

Sipas ZRRE, Furnizuesi i Mundësisë së Fundit duhet të shihet si një zgjidhje e përkohshme, deri në zgjedhjen e një furnizuesi nga ana e konsumatorit i cili zgjatë jo më shumë se 60 ditë.

Lexo po ashtu Tregu i lirë i energjisë, ZRRE: Bizneset që s’lidhen kontrata furnizohen nga KEK për 60 ditë

“ZRRE, informon se për te gjithë konsumatorët që janë duke u furnizuar nga Furnizuesi i Mundësisë së Fundit është siguruar energjia përmes bursës Shqiptare (APLEX). Për të lehtësuar këtë proces, ZRRE ka publikuar në faqen zyrtare www.ero-ks.org listën e furnizuesve të licencuar të energjisë elektrike dhe ka vënë në dispozicion udhëzime praktike për mënyrën e përzgjedhjes së furnizuesit, krahas informacioneve për të drejtat dhe obligimet e konsumatorëve në tregun e liberalizuar”, thuhet më tej në njoftim.

ZRRE thekson se mbetet e përkushtuar që të sigurojë një treg të drejtë, funksional dhe në shërbim të konsumatorit, duke vazhduar angazhimin për monitorim aktiv, informim të rregullt dhe mbrojtje të interesit të konsumatorit final. /Telegrafi/

The post ZRRE paralajmëron: FMF nuk është zgjidhje e qëndrueshme për konsumatorët appeared first on Telegrafi.

Nga sot 1 qershor, bizneset e mëdha kanë kaluar në tregun e hapur të energjisë sipas vendimit të Zyrës së Rregullatorit për Energji.

Kryesuesi i bordit të ZRRE-së, Ymer Fejzullahu tha për Telegrafin se disa nga konsumatorët kanë lidhur kontrata, ndërsa ata që nuk kanë arritur kanë kaluar direkt në treg të lirë.

Fejzullahu theksoi se të njëjtit që skanë lidhur kontrata me ligj iu takon të furnizohen 60 ditë nga KEK.

“Me ligj ata që s’kanë lidh kontratë për 60 ditë e ka me KEK-un. Një pjesë kanë gjet kontratë me KEK-un, furnizuesit komercial një pjesë me KESCO-n. Por të gjithë ata që nuk kanë gjet kontratë kanë dalë në treg të lirë”, tha Fejzullahu.

Lexo po ashtu Bizneset kalojnë në tregun e lirë energjetik, AKB paralajmëron përshkallëzim të protestave nëse nuk pezullohet vendimi

Nga vendimi i liberalizimit të tregut të energjisë do të preken rreth 1,300 biznese.

Kalimi në tregun e hapur, përkatësisht në tregun me çmime të parregulluara për furnizim me energji, po bëhet pavarësisht kundërshtimeve të shumta nga ana e bizneseve.

Sipas këtij vendimi të ZRRE-së të gjitha bizneset e mëdha, me mbi 50 punëtorë ose me qarkullim vjetor mbi 10 milionë euro, është dashur të zgjedhin vetë një kompani të licencuar për furnizim me energji elektrike.

Nëse nuk kanë arritur të përzgjedhin, këto biznese nga 1 qershori kanë kaluar automatikisht në tregun e hapur, ku furnizimi bëhet nga Korporata Energjetike e Kosovës (KEK), në cilësinë e Furnizuesit të Mundësisë së Fundit,(FMF) por me çmime të përcaktuara nga tregu.

FMF-ja mund të furnizojë vetëm dy muaj më energji kompanitë dhe nëse pas kësaj periudhe ato që nuk gjejnë furnizues, rrezikojnë të shkëputen nga rrjeti energjetik. /Telegrafi/

The post Tregu i lirë i energjisë, ZRRE: Bizneset që s’lidhen kontrata furnizohen nga KEK për 60 ditë appeared first on Telegrafi.

Aleanca Kosovare e Bizneseve, ka reaguar ashpër ndaj vendimit të Zyrës së Rregullatorit për Energji (ZRRE) i cili nga sot ka hyrë në fuqi dhe i detyron rreth 1,300 biznese në Kosovë të kalojnë në tregun e lirë të energjisë, duke u përballur me një rritje ekstreme të çmimeve.

Sipas AKB-së, ky vendim është “i njëanshëm, i padrejtë dhe pa asnjë analizë të ndikimit ekonomik”.

Në reagimin e publikuar, Aleanca Kosovare e Bizneseve thekson se çmimi i energjisë për shumë biznese është rritur me mbi 250% krahasuar me një vit më parë.

“ZRRE ka vepruar në mënyrë të njëanshme, pa transparencë dhe duke shpërfillur realitetin ekonomik të vendit,” thuhet në komunikatën e AKB-së.

AKB paralajmëron se vendimi i ZRRE-së rrezikon qindra vende pune, dëmton konkurrencën në treg dhe nxit rritjen e çmimeve për konsumatorët, duke e quajtur këtë një “goditje direkte ndaj sektorit privat, që është shtylla kryesore e ekonomisë së Kosovës.”

AKB kërkon anulimin e menjëhershëm të vendimit ose së paku shtyrjen për një periudhë njëvjeçare, si dhe fillimin e dialogut të sinqertë me institucionet shtetërore për të gjetur një zgjidhje të qëndrueshme.

“Protesta nuk është zgjedhja jonë, por është bërë e pashmangshme,” thekson më tej AKB, duke paralajmëruar përshkallëzim të veprimeve nëse kërkesat nuk merren parasysh.

Aleanca e Bizneseve i bën thirrje ZRRE-së për përgjegjësi institucionale dhe deklaron se do të vazhdojë të mbrojë interesat e bizneseve vendore “me të gjitha format demokratike e ligjore”.

“Ne nuk do të heshtim përballë padrejtësisë! Do ta mbrojmë punën tonë, të ardhmen tonë dhe të drejtën për të zhvilluar një ekonomi të qëndrueshme dhe konkurruese,” thuhet në reagimi i AKB-së. /Telegrafi/

The post Bizneset kalojnë në tregun e lirë energjetik, AKB paralajmëron përshkallëzim të protestave nëse nuk pezullohet vendimi appeared first on Telegrafi.

Adhurim Haxhimusa, ekspert në fushën e energjisë, ka folur lidhur me daljen në treg të hapur të energjisë të bizneseve të Kosovës.

Ai ka thënë se Kosova nuk është duke dalur në treg të hapur, por vetëm një segment i konsumit të Kosovës.

Haxhimusa ka thënë se vendimi ishte marrë qysh në vitin 2018, por për tetë vite nuk kishte ndodhur asnjë lëvizje, asnjë bisedë, asnjë koordinim e as ndonjë iniciativë e cila do të përgatiste tregun.

“…t’i përgatis aktorët të cilët preken nga ky hap, t’i përgatis ato për sfidat që i vijnë me këtë dhe në të njëjtën kohë edhe me mundësitë, për shkak që çdo sfidë duhet të shihet edhe si mundësi, si për biznesin ashtu edhe për institucionet”, ka thënë ai, për RTV Dukagjini.

Ai ka thënë tutje se liberalizimi i tregut apo tregu i hapur është forma më e mirë e mundshme se si mund të arrihet efiçienca maksimale e një tregu.

Mirëpo, ai ka thënë se liberalizimi në këtë formë se si është duke ndodhur, është jo adekuat.

“Po supozoj se prej 1 qershor 2026 do të vendosen këto kompani në tregun e lirë, atëherë brenda një viti… një numër i madh i bizneseve do të fillonin të ndërtonin kapacitetet njerëzore, ashtu që të jenë të gatshme të blejnë energjinë elektrike, të sigurojnë kontrata më afatgjata, të sigurojnë edhe çmime më stabile të cilat kompanitë vendore për momentin nuk po kanë mundësi t’i ofrojnë”, ka thënë ai.

Tutje Haxhimusa ka thënë se Kosova nuk ka përgatitur të gjitha kornizat ligjore, por as aktorët për me bë një kalim të tillë në treg të hapur energjetik. /Dukagjini/

The post Eksperti i energjisë, Haxhimusa: Kosova nuk është gati për tregun e hapur të energjisë appeared first on Telegrafi.

Ashtu siç kishte paralajmëruar më herët, Dhoma e Tregtisë dhe Industrisë së Kosovës ka ndërmarrë hapin e radhës ligjor për të mbrojtur interesat e bizneseve anëtare dhe të gjithë sektorit privat në vend.

Dhoma e Tregtisë dhe Industrisë së Kosovës (DhTIK), sot ka dorëzuar zyrtarisht padinë kundër Zyrës së Rregullatorit për Energji pranë Gjykatës Themelore në Prishtinë, siç thuhet, për shkak të shkeljeve të rënda ligjore dhe procedurale në vendimin për liberalizimin e tregut të energjisë elektrike.

“Ne besojmë fuqishëm se ky vendim i ZRRE-së është i nxituar, arbitrar dhe i papërgatitur mirë, me pasoja të drejtpërdrejta për qëndrueshmërinë financiare të bizneseve që do të preken nga ky vendim”, thuhet në njoftimin e DhTIK, transmeton Telegrafi.

Sipas Dhomës së Tregtisë dhe Industrisë, vendimi është marrë pa konsultime paraprake me palët e interesit, pa një analizë të thelluar të tregut, dhe kjo pos që rrezikon qëndrueshmërinë e bizneseve, rrezikon edhe vendet e punës.

“Për më tepër, përkundër deklarimeve publike se tregu është liberalizuar dhe se janë të hapura mundësi të shumta për furnizim, aktualisht është vetëm një kompani – KESCO – e cila po dërgon oferta për furnizim të bizneseve. Kjo bie ndesh me vetë thelbin e liberalizimit dhe e shndërron këtë proces në një monopol të fshehur, duke rritur rrezikun për abuzim me çmime dhe cilësi të shërbimit”, thuhet në njoftim.

Tutje, Dhoma e Tregtisë dhe Industrisë së Kosovës u bën thirrje institucioneve të drejtësisë që të ndërhyjnë menjëherë për pezullimin e këtij vendimi dhe të urdhërojnë ZRRE-në që të rikthehet në një proces të rregullt, transparent dhe gjithëpërfshirës.

“DhTIK mbetet e përkushtuar për të mbrojtur interesin e bizneseve dhe do të vazhdojë të ndërmarrë të gjitha veprimet ligjore, politike dhe publike për të siguruar një treg të energjisë të drejtë, të rregullt dhe të hapur për të gjithë”, thuhet në njoftim. /Telegrafi/

The post Dhoma e Tregtisë dhe Industrisë dorëzon padi kundër ZRRE-së për liberalizimin e tregut të energjisë appeared first on Telegrafi.

Ministrja në detyrë e Ekonomisë, Artane Rizvanolli në një konferencë për media ka folur për protestën e sotme të bizneseve dhe vendimin e ZRRE-së për dalje në treg të hapur që prek rreth 1200 biznese.

“Ky proces është i përcaktuar me Ligj të Energjisë i miratuar në vitin 2016. Kosova është vendi i fundit në rajon që po kalon në këtë tranzicion”, ka thënë Rizvanolli.

Ajo shtoi se kanë ftuar një takim për sot në orën 13:00 me bizneset dhe kompanitë furnizuese, derisa tha “shpresoj që Oda Ekonomike e Kosovës ua ka përcjell ftesën bizneseve”.

Ministrja në detyrë ngjashëm si kryeministri në detyrë, kritikoi Odën Ekonomike të Kosovës se ka nisur luftë politike.

Lexo po ashtu Bllokohen hyrje-daljet e Prishtinës, bizneset nisin protestën

“Kemi dërguar ftesë që të kemi takim sot në orën 13:00. Bizneset kanë presion nga Oda Ekonomike e Kosovës për të mos marrë pjesë në takime,  për të mos nënshkruar oferta me furnizues dhe për të dalë në protesta Disa furnizues kanë thënë se hezitojnë të vijnë në takimin e sotëm për shkak se nuk ndjehen mirë në një pozitë të tillë se nga disa biznese dhe oda i bëjënë të ndjehen sikurse po e marrin njërën anë e jo atë të luftës politike që ka zgjedh Oda Ekonomike e disa të tjerë”, tha Rivanolli.

Ajo shtoi se e kanë parasysh se këta që janë destruktiv e bllokues janë pak por janë të zëshëm.

Tutje ministrja në detyrë tha se raportimet se KESCO do të blejë energji për 30 euro nuk janë të sakta.

“Nuk është e saktë që KESCO ka të drejtë ta blejë me 30 euro energjinë dhe ta shes në treg të rregulluar”, tha Rizvanolli. /Telegrafi/

The post Rizvanolli: Oda Ekonomike e Kosovës po ushtron presion ndaj bizneseve appeared first on Telegrafi.

Biznesmeni Berat Mustafa në një deklaratë për media lidhur me kundërshtimin e tregut të lirë energjetik tha se çmimi që ai ka marr si kompani është 265 euro për megavat dhe kjo sipas tij është e papërballueshme.

Mustafa theksoi se në rajon maksimumi i çmimit për bizneset është 130 euro për megavat, raporton Telegrafi.

Lexo po ashtu Bllokohen hyrje-daljet e Prishtinës, bizneset nisin protestën

“Edhe në takimet e mëhershme kam thënë se cili prodhues me rritje 300 për qind të energjisë elektrike mund të konkurroj në treg me prodhuesit regjionalë… Kjo është diçka e pamundur”, tha ai, ndërsa shtoi se është momenti i fundit për ndihmë për prodhuesit vendor, sepse në të kundërtën do të falimentojnë.

“KEDS është ofertuesi… Çmimi që unë e kam marr si kompani 265 euro megavati… është diçka e papërballueshme”, tha ai.

Sipas tij, në regjion çmimi është 130 euro.

“..Si mund të konkurrojmë me 265 euro. Nuk ka oferta tjera, ky është problemi…”, tha ai. /Telegrafi/

The post Tregu i lirë energjetik, biznesmeni Mustafa: Me këto çmime e pamundur të konkurrojmë me prodhuesit në rajon, do të falimentojmë appeared first on Telegrafi.

Ministrja në detyrë e Ekonomisë, Artane Rizvanolli ka thënë sot se sa i përket tregut të lirë energjetik Zyra e Rregullatorit të Energjisë (ZRrE) ka njoftuar se gjashtë furnizues janë aktiv dhe pesë tashmë kanë dhënë oferta për biznese.

Rizvanolli në një postim në Facebook, në ditën kur bizneset do të mbajnë një protestë, përmes së cilës kërkojnë kohë për të dalë në tregun e lirë energjetik shkruan se të mërkurën kanë takuar prodhuesit vendorë dhe odat ekonomike, për t’iu ofruar bizneseve informatat dhe mjetet që u duhen për t’u përballur me tregun e liberalizuar.

Lexo po ashtu Sot protestojnë bizneset, për dy orë do të ketë mbyllje të hyrjeve dhe daljeve të Prishtinës

Lexoni të plotë postimin e Rizvanollit:

Diskutimet për tregun e hapur të energjisë vazhdojnë, bashkë me prodhuesit, për prodhuesit!

Dje i mblodhëm në takimin e radhës prodhuesit vendorë dhe odat ekonomike, për t’iu ofruar  bizneseve informatat dhe mjetet që u duhen për t’u përballur me  tregun e liberalizuar. Në këtë takim:

Zyra e Rregullatorit të Energjisë (ZRrE) raportoi se 6 furnizues janë aktiv dhe 5 tashmë kanë dhënë oferta për biznese. Ndërsa, interesimi i kompanive rajonale është rritur dhe numri i licencave për furnizim ka shkuar në 21.

SharrCem, të cilët operojnë në treg të hapur që nga viti 2017, ndanë përvojën e tyre të vyeshme.

Korporata Energjetike e Kosovës sqaroi mundësinë ligjore të “furnizuesit të mundësisë së fundit” për ata që ende nuk kanë kontratë.

Ne si Qeveri do të vazhdojmë t’u qëndrojmë afër bizneseve dhe t’i përkrahim në mënyrë praktike, me qëllim që bizneset të marrin vendime të informuara dhe të mos mbesin të pambrojtura.

Takimi i radhës do të jetë me vetë furnizuesit, për të nxitur transparencë dhe kushte të favorshme për të gjithë. /Telegrafi/

The post Tregu i lirë energjetik, Rizvanolli: ZRRE ka njoftuar se gjashtë furnizues janë aktiv, pesë prej tyre kanë dhënë ofertat për biznese appeared first on Telegrafi.

Me kërkesë të Qeverisë së Republikës së Kosovës, Këshilli Kombëtar për Ekonomi dhe Investime sot mbajti takimin e radhës me odat ekonomike dhe bizneset prodhuese në lidhje me procesin e liberalizimit të tregut të energjisë elektrike.

Sipas komunikatës, në këtë takim morën pjesë Kryeministri në detyrë i Republikës së Kosovës, Albin Kurti, Ministrja në detyrë e Ekonomisë, Artane Rizvanolli, Ministrja në detyrë e Industrisë, Ndërmarrësisë dhe Tregtisë, Rozeta Hajdari, Drejtori i Bordit të Zyrës së Rregullatorit për Energji (ZRrE), Ymer Fejzullahu, U.D. i Kryeshefit Ekzekutiv të Korporatës Energjetike të Kosovës (KEK), Gramoz Hashani, si dhe përfaqësues të prodhuesve vendorë dhe odave ekonomike.

Kurti theksoi se Qeveria e Republikës së Kosovës do të qëndrojë pranë prodhuesve në çdo sfidë që rrjedhë nga ky proces, ndërsa Ministrja Rizvanolli theksoi se Ministria e Ekonomisë dhe Qeveria e Republikës së Kosovës do të vazhdojnë komunikimin dhe bashkëpunimin intensiv me bizneset, dhe veçanërisht prodhuesit, për t’i ndihmuar në përballjen me këto sfida.

Si hap konkret i radhës, u dakordua një takim i përbashkët mes furnizuesve të energjisë elektrike në Kosovë dhe kompanive që pritet të dalin në treg të hapur, ku palët do të këmbejnë informata praktike, në funksion të rritjes së konkurrencës dhe mirë-informimit, në mënyrë që bizneset të bëjnë zgjedhjet më të favorshme.

Në fjalën e tij, Drejtori i Bordit të ZRrE-së, Fejzullahu, njoftoi se që nga takimi i datës 19 maj 2025, ZRrE ka pasur komunikime me furnizuesit e licensuar ku gjashtë prej tyre kanë raportuar se janë aktivë dhe pesë tashmë kanë dhënë oferta furnizimi për ndërmarrje të ndryshme. ZRrE gjithashtu njoftoi se ka pasur rritje të interesimit të kompanive rajonale për të ofruar energji elektrike në Kosovë, dhe si rezultat, numri i kompanive të licensuara për furnizim me energji elektrike është rritur në 21.

Përfaqësuesi i kompanisë SharrCem ndau përvojën e kompanisë së tyre në tregun e hapur të energjisë, në të cilin operon që nga viti 2017, përvojë e cila ishte shumë e dobishme për kompanitë që tani po hyjnë në treg.

U.D. Kryeshefi i KEK-ut, Gramoz Hashani, sqaroi opsionin e furnizuesit të mundësisë së fundit për kompanitë të cilat nuk arrijnë të nënshkruajnë kontrata furnizimi para daljes në treg të hapur. Ai njoftoi pjesëmarrësit se kompanitë të cilat nuk kanë mundur të sigurojnë kontrata të rregullta për furnizim duhet të nënshkruajnë kontratë me KEK-un për të përfituar nga kjo mundësi që ua ofron legjislacioni.

The post Qeveria vazhdon diskutimin me prodhuesit vendorë dhe odat ekonomike për tregun e hapur të energjisë elektrike appeared first on Telegrafi.

Ministrja në detyrë e Ekonomisë, Artane Rizvanolli, ka shprehur mbështetjen e palëkundur të Qeverisë për prodhuesit vendorë në procesin e liberalizimit të tregut të energjisë elektrike, duke kritikuar ashpër Odën Ekonomike të Kosovës (OEK) për, siç tha ajo, përhapje të panikut dhe mbrojtje të interesave të një grupi të vogël të bizneseve.

Rizvanolli, në një postim në Facebook, pas takimit me prodhues dhe përfaqësues të odave ekonomike, Rizvanolli theksoi se së bashku me kryeministrin në detyrë Albin Kurti kanë riafirmuar zotimin për të përkrahur bizneset vendore në sfidat që sjell ky tranzicion.

“Ne do të qëndrojmë bashkë me prodhuesit vendorë, si gjithmonë, në çdo sfidë që sjell liberalizimi i tregut”, u shpreh Rizvanolli.

Ajo akuzoi OEK-un për sjellje të papërgjegjshme dhe përpjekje për të bllokuar procesin me metoda jo konstruktive, përfshirë thirrjen për bllokim rrugësh.

“Nga ky takim, Oda Ekonomike e Kosovës, që për 8 vite e vetmja ‘zgjidhje’ që e ofron është shtyrja e përballjes me problemin, paska shkuar për të bërë fotografinë me të cilën paralajmërojnë bllokim të rrugëve”, tha Rizvanolli.

Lexo po ashtu Rafuna para protestës të së enjtes: Do të ketë mbyllje të hyrjeve dhe daljeve të Prishtinës

Ajo i akuzoi për përhapje të frikës me “parashikime apokaliptike” për inflacion dhe humbje të vendeve të punës, duke e cilësuar këtë si një përpjekje për të mbrojtur interesat e 1%-shit më të fuqishëm të bizneseve në dëm të pjesës tjetër të ekonomisë.

“Kjo nuk është zgjidhje – kjo është zhvendosje e kostove të energjisë nga kompanitë e mëdha tek familjet dhe ndërmarrjet më të vogla”, shtoi ajo.

Ministrja u bëri thirrje përfaqësuesve të OEK-ut që të ndalojnë së barturi barrën tek qytetarët dhe të bashkëpunojnë me institucionet në ndihmë të sektorit prodhues. Ajo përfundoi me një apel të qartë: “Nëse insistojnë të lobojnë për interesat e një grupi të vogël në kurriz të shumicës, le ta shpjegojnë këtë hapur tek 99%-shi i bizneseve të tjera të vogla”.

Oda Ekonomike e Kosovës (OEK) ka njoftuar se ditën e enjte do të organizojë protestë në kryeqytet për shkak të pakënaqësive të tyre lidhur me procesin e daljes së bizneseve në tregun e lirë të energjisë elektrike. /Telegrafi/

The post Rizvanolli kritikon OEK-un për përhapje paniku dhe mbrojtje të interesave të një përqindëshit të bizneseve appeared first on Telegrafi.

Klubi i Biznesit ka reaguar sot lidhur me vendimin për liberalizim të tregut të energjisë në Kosovë, gjersa ka vlerësuar se një vendim i tillë është marrë me nguti dhe pa përfshirje të duhur apo përgatitje adekuate.

Klubi i Biznesit thekson se masa të tilla me ndikim kaq të madh nuk mund të miratohen në mënyrë ad hoc, pa konsultim dhe pa një planifikim strategjik.

“Përveçse i ngutshëm, duke targetuar kompanitë e mesme dhe të mëdha, ky vendim është edhe diskriminues dhe rezulton në trajtim të pabarabartë në treg.

Pasojat e një vendimit të tillë janë katastrofike për ekonominë kosovare prandaj ne i bëjmë thirrje Zyrës së Rregullatorit për Energji (ZRRE) që të shtyjë këtë vendim dhe të fillojë një proces përgatitor që siguron se liberalizimi zbatohet në mënyrë profesionale, transparente dhe të pranueshme për të gjitha palët e interesit”, thuhet në reagim.

Lexo po ashtu “Kosova nuk është e përgatitur për një tranzicion të tillë”, Oda Amerikane kërkon sërish shtyrjen e afatit për liberalizimin e tregut të energjisë

Sipas tyre, nëse ky vendim hyn në fuqi në kushtet aktuale, rrezikon mbijetesën e shumë bizneseve kosovare dhe, si rezultat, shkakton dëme serioze në ekonominë e përgjithshme të vendit.

“Sektori privat e mirëpret në parim liberalizimin e tregut të energjisë, por ai duhet të realizohet në mënyrë të drejtë, të mirëmenduar dhe pa diskriminim. Një qasje gjithëpërfshirëse është thelbësore për të siguruar që kjo reformë të kontribuojë në stabilitetin dhe konkurrueshmërinë e ekonomisë së Kosovës, dhe jo ta cenojë atë.

Si kontribuuesi më i madh në buxhetin e shtetit, sektori privat meriton vëmendje dhe mbështetje të vazhdueshme nga politikbërësit.

Çdo reformë duhet të reflektojë një angazhim të qartë për dialog, drejtësi dhe qëndrueshmëri  afatgjate ekonomike”, thuhet në reagim. /Telegrafi/

The post Liberalizimi i tregut të energjisë, Klubi i Biznesit: Vendim i pamenduar dhe diskriminues, rrezikon mbijetesën e shumë bizneseve appeared first on Telegrafi.