ANCHORAGE, 16 gusht /ATSH-DPA/ – Presidenti i SHBA-së Donald Trump tha se planifikon të flasë me aleatët e NATO-s, si dhe me presidentin ukrainas, Volodymyr Zelensky, pas takimit të tij me presidentin rus Vladimir Putin në Alaska.

“Nuk ka marrëveshje derisa të ketë një marrëveshje”, u tha Trump gazetarëve pas samitit.

“Do t’i telefonoj NATO-s pas pak, do të telefonoj njerëz të ndryshëm që mendoj se janë të përshtatshëm dhe sigurisht, do të telefonoj presidentin Zelensky dhe do t’u tregoj për takimin e sotëm”, tha presidenti i SHBA-së.

“Në fund të fundit, varet prej tyre”, shtoi ai, pa dhënë detaje të mëtejshme mbi bisedimet./ a.jor.

The post ANCHORAGE – Trump: Do të informoj NATO-n dhe Zelenskyn pas samitit të Alaskës me Putinin appeared first on Agjencia Telegrafike Shqiptare.

ANCHORAGE, 16 gusht /ATSH-AFP/ – Presidenti amerikan, Donald Trump dhe homologu i tij rus, Vladimir Putin u larguan nga baza ushtarake amerikane në Alaska, ku mbajtën një samit që zgjati më shumë se tri orë.

Ai u përqendruar në luftën në Ukrainë.

Asnjë detaj nuk u publikua mbi përmbajtjen e diskutimeve.

Aeroplanët e dy udhëheqësve u ngritën pak pas orës 16:00 sipas orës lokale (00:00 GMT të shtunën), sipas pamjeve video të AFP.

Konferenca për shtyp pas takimit midis Donald Trump dhe Vladimir Putin përfundoi pa pranuar pyetje nga gazetarët, të cilët kishin mbërritur në Alaskë në numër të madh.

Pas takimit të tyre gati treorësh, presidenti rus foli i pari me shtypin, në kundërshtim me protokollin tradicional, i cili dikton që udhëheqësi pritës të flasë i pari.

Pavarësisht pyetjeve nga gazetarët, të grumbulluar në një dhomë të rregulluar posaçërisht, presidenti amerikan thjesht i shtrëngoi dorën homologut të tij rus për të përfunduar konferencën për shtyp./ a.jor.

The post ANCHORAGE – Trump dhe Putin largohen nga Alaska pas takimit të tyre appeared first on Agjencia Telegrafike Shqiptare.

ANCHORAGE, 16 gusht /ATSH-AFP/ – Konferenca për shtyp pas takimit midis Donald Trump dhe Vladimir Putin përfundoi pa pranuar pyetje nga gazetarët, të cilët kishin mbërritur në Alaskë në numër të madh.

Pas takimit të tyre gati treorësh, presidenti rus foli i pari me shtypin, në kundërshtim me protokollin tradicional, i cili dikton që udhëheqësi pritës të flasë i pari.

Pavarësisht pyetjeve nga gazetarët, të grumbulluar në një dhomë të rregulluar posaçërisht, presidenti amerikan thjesht i shtrëngoi dorën homologut të tij rus për të përfunduar konferencën për shtyp./ a.jor.

The post ANCHORAGE – Trump dhe Putin përfundojnë konferencën për shtyp pa pranuar pyetje nga gazetarët appeared first on Agjencia Telegrafike Shqiptare.

ANCHORAGE, 16 gusht /ATSH-AFP/ – Presidenti amerikan, Donald Trump tha se takimi i tij me homologun rus, Vladimir Putinin në Alaska kishte qenë “produktiv”.

Ai përshëndeti “progresin e madh” të bërë.

Presidenti amerikan tha në një deklaratë për shtyp, së bashku me homologun e tij rus, se ata do të telefononin menjëherë udhëheqësit e NATO-s si dhe presidentin ukrainas, Volodymyr Zelensky “për të diskutuar takimin e sotëm”.

Ndërkohë, presidenti rus Vladimir Putin u bëri thirrje Kievit dhe aleatëve të tij evropianë të mos “krijojnë pengesa” për përpjekjet për të gjetur një zgjidhje për konfliktin në Ukrainë”.

“Ne supozojmë se Kievi dhe kryeqytetet evropiane do t’i qasen të gjitha këtyre në mënyrë konstruktive dhe nuk do të krijojnë pengesa ose nuk do të përpiqen të minojnë progresin e pritur përmes provokimeve ose intrigave prapa skenave”, tha Putin./ a.jor.

The post ANCHORAGE – Trump: Takimi me Putinin produktiv appeared first on Agjencia Telegrafike Shqiptare.

ANCHORAGE, 16 gusht /ATSH-AFP/ – Presidenti rus Vladimir Putin u bëri thirrje Kievit dhe aleatëve të tij evropianë të mos “krijojnë pengesa” për përpjekjet për të gjetur një zgjidhje për konfliktin në Ukrainë, pas bisedimeve të tij me presidentin e SHBA-së Donald Trump në Alaska.

“Ne supozojmë se Kievi dhe kryeqytetet evropiane do t’i qasen të gjitha këtyre në mënyrë konstruktive dhe nuk do të krijojnë pengesa ose nuk do të përpiqen të minojnë progresin e pritur përmes provokimeve ose intrigave prapa skenave”, tha Putin në një konferencë të përbashkët për shtyp me Trump./ a.jor.

The post ANCHORAGE – Putin: Kievi dhe evropianët të mos krijojnë pengesa për procesin e paqes në Ukrainë appeared first on Agjencia Telegrafike Shqiptare.

ANCHORAGE, 16 gusht /ATSH-DPA/ – Bisedimet e drejtpërdrejta midis presidentit të SHBA-së Donald Trump dhe presidentit rus Vladimir Putin në Alaskë kanë përfunduar, tha Kremlini, të cilat zgjatën dy orë e 45 minuta me këshilltarët e lartë.

”Një konferencë e përbashkët për shtyp është planifikuar”, thanë Shtëpia e Bardhë dhe Kremlini.

Trump e përshëndeti Putinin me një shtrëngim të gjatë duarsh pas mbërritjes së tij në një aeroport ushtarak në Anchorage.

Samiti pritej të përqendrohej në përfundimin e luftës së Rusisë në Ukrainë.

Zëdhënësi i Kremlinit, Dmitry Peskov, tha se Moska priste rezultate reale nga ai që ishte takimi i parë midis Putinit dhe një presidenti të SHBA-së që nga fillimi i pushtimit në vitin 2022.

”Nëse arrihet përparim, një takim pasues mund të përfshijë Ukrainën”, tha ai./ a.jor.

The post ANCHORAGE – Trump dhe Putin përfundojnë pa marrëveshje bisedimet në Alaskë appeared first on Agjencia Telegrafike Shqiptare.

Trump dhe Putin folën krah për krah në konferencë për rreth 10 minuta. Të dy treguan se ishte bërë përparim gjatë bisedimeve të tyre private, por ato përfunduan pa një marrëveshje të fortë.

Ja pikat kryesore të deklaratave të tyre sipas BBC:

Putin thotë se është “sinqerisht i interesuar” për t’i dhënë fund konfliktit, të cilin e përshkroi si një “tragjedi”.

Por ai thotë se Rusia duhet të eliminojë “shkaqet kryesore” të konfliktit – dhe paralajmëron Ukrainën dhe Evropën se nuk duhet të “sabotojnë” bisedimet.
Putin e përshkruan takimin si një “pikënisje për zgjidhjen” e konfliktit.

Ai e përshkruan marrëdhënien e tij me Trump si “të ngjashme me biznesin” – dhe pajtohet me pretendimin e përsëritur të presidentit amerikan se lufta nuk do të kishte filluar nëse ai do të kishte mbetur në detyrë pas zgjedhjeve të vitit 2020.

Trump thotë se ka ende pika mosmarrëveshjeje dhe “nuk ka marrëveshje derisa të ketë një marrëveshje” – duke shtuar “nuk arritëm atje” pavarësisht progresit.

Ai thotë se “u ra dakord për shumë pika”, por “disa” mbeten, duke shtuar se “një është më e rëndësishmja” pa specifikuar se si.

Ai thotë se do t’i njoftojë Zelesnky dhe udhëheqësit evropianë së shpejti – dhe “në fund të fundit varet prej tyre”.

Trump përfundon duke thënë se “ndoshta” do ta shohë përsëri udhëheqësin rus së shpejti

Putin përgjigjet: “Herën tjetër në Moskë”.

Presidenti Donald Trump tha se ai dhe Presidenti rus Vladimir Putin “bënë disa përparime” dhe “përparim të madh” në takimin e tyre dypalësh.

Megjithatë, shtoi ai, “nuk ka marrëveshje derisa të ketë një marrëveshje”.

“Do të telefonoj NATO-n pas pak. Do të telefonoj njerëzit e ndryshëm që mendoj se janë të përshtatshëm. Dhe, sigurisht, do të telefonoj Presidentin Zelensky dhe do t’i tregoj për takimin e sotëm. Në fund të fundit, varet prej tyre”, tha Trump.

“Patëm një takim jashtëzakonisht produktiv dhe u ra dakord për shumë pika”, por Trump tha, “Nuk arritëm atje, por kemi një shans shumë të mirë për të arritur atje.

“Gjithmonë kam pasur një marrëdhënie fantastike me Presidentin Putin.”, thotë Trump.

Ai e quan takimin e tyre “jashtëzakonisht produktiv”, por shton se disa gjëra ende nuk janë vendosur.
Por ne kemi një “shans shumë të mirë” për përparim të mëtejshëm, thotë ai.

Trump dhe Putin nuk pranuan pyetje në konferencën për shtyp pas deklaratave të tyre.

Presidenti Putin nuk dha komente dhe foli për rreth tetë minuta. Në krahasim, Trump, i cili nuk është zakonisht i shkurtër në fjalime, foli vetëm për rreth tre minuta.

‘Çështja qendrore e diskutimit me Presidentin Trump ishte konflikti në Ukrainë’, thotë Putin.

Ai shton se për të bërë një “zgjidhje të qëndrueshme dhe afatgjatë, ne duhet të eliminojmë shkaqet kryesore të konfliktit”, pa dhënë detaje se çfarë nënkupton.

Putin dhe Trump ndodhen ne një konferencë për mediat, pas një takimi dypalësh që zgjati për rreth 3 orë në Alaskë.

Putin thotë se si SHBA-ja ashtu edhe Rusia, “edhe pse të ndara nga oqeanet, janë fqinjë të ngushtë”.

“Ata janë vetëm 4 km larg njëri-tjetrit. Ne jemi fqinjë të ngushtë dhe ky është një fakt”, vazhdon ai.

Për këtë arsye, ai i tha Trumpit “përshëndetje, fqinj”, kur ata shtrënguan duart në pistë më herët sot, thotë Putin.
Putin vazhdon të përshkruajë historinë e Alaskës, e cila ishte pjesë e territorit të Rusisë përpara se t’i shitej SHBA-së në mesin e viteve 1800.

Ai vëren praninë e kishave ortodokse ruse në shtetin amerikan, duke u thënë gazetarëve: “Jam i sigurt se kjo trashëgimi do të na ndihmojë të rindërtojmë dhe të nxisim lidhje të ndërsjella të dobishme dhe të barabarta”.
Ai vëren se nuk ka pasur samite midis dy vendeve për disa vite dhe thotë se marrëdhëniet dypalëshe kishin “rënë në pikën më të ulët që nga Lufta e Ftohtë”.
Ai thotë se ishte koha për të kaluar nga konfrontimi në dialog dhe e quan takimin “të vonuar prej kohësh”.
Ai thotë se ai dhe Trump kanë pasur një numër telefonatash “të sinqerta” dhe vëren se i dërguari special i Trump, Steve Witkoff, gjithashtu e ka mbajtur dialogun në vazhdim.

Donald Trump dhe Vladimir Putin kanë në konferencë së bashku pasi zhvilluan rreth tre orë bisedime me dyer të mbyllura.

Kjo konferencë e përbashkët për shtyp po zhvillohet rreth gjysmë ore më herët nga sa pritej.

Ata po flasin në podiume që mbajnë vulën presidenciale të SHBA-së, me një sfond ku shkruhej “në ndjekje të paqes”. Flamujt rusë dhe amerikanë janë të pozicionuar krah për krah.
Trump i bën shenjë Putinit, duke i lejuar atij të flasë i pari, ç’ ka u shoqërua me të qeshura në sallë.

Takimi i sotëm në Alaskë mes Presidentit rus Vladimir Putin dhe Presidentit amerikan Donald Trump u zhvillua në një atmosferë respekti të ndërsjellë. Putin theksoi rëndësinë e fqinjësisë mes dy vendeve dhe kujtoi bashkëpunimin historik gjatë Luftës së Dytë Botërore. Ai u shpreh optimist se kjo trashëgimi e përbashkët dhe dialogu i hapur mund të shërbejnë si bazë për përmirësimin e…

Source

Donald Trump dhe Vladimir Putin kanë mbyllur takimin e tyre të zhvilluar në Alaskë pas tre orë bisedime me dyer të mbyllura. Presidenti i Shteteve të Bashkuara të Amerikës, Donald Trump në konferencën e tij për shtyp tha se në vija të përgjithshme takimi shkoi mirë dhe në thelb ishte produktiv. Trump theksoi se tashmë i mbetet presidentit ukrainas të vendosë. “Ishte nje takim produktiv…

Source

Pas rreth tre orësh bisedimesh me dyer të mbyllura, presidentët Donald Trump dhe Vladimir Putin dolën para mediave në Anchorage, Alaska, për një konferencë për shtyp — ku nuk u lejuan pyetje.

Megjithëse nuk u arrit asnjë marrëveshje konkrete për paqe apo armëpushim në Ukrainë, të dy liderët dhanë sinjale për vazhdim të komunikimit dhe vullnet për negociata të mëtejshme.

Cfarë tha Donald Trump?

Asnjë marrëveshje konkrete: “Nuk ka marrëveshje derisa të ketë një të tillë,” tha Trump në fillim të deklaratës, duke pranuar mungesën e një rezultati të prekshëm.

Progres i papërcaktuar: “Bëmë përparim të madh,” tha ai, pa ofruar detaje. Ai u largua nga konferenca pa iu përgjigjur pyetjeve të gazetarëve.

Shkëmbim ftesash me Putinin: Trump tha se “do të flasin sërish shumë shpejt” dhe u përgjigj me interes kur Putin e ftoi “herën tjetër në Moskë”, duke shtuar: “Do të kritikohem pak për këtë, por mund ta shoh të mundshme që të ndodhë.”

Cfarë tha Vladimir Putin?

Lufta lidhet me sigurinë ruse: “Situata në Ukrainë ka të bëjë me kërcënimet themelore për sigurinë tonë,” tha Putin, duke e konsideruar konfliktin si pasojë të mosadresimit të shqetësimeve strategjike të Rusisë.

Kërkesa për adresimin e “shkaqeve të konfliktit”: “Për ta bërë zgjidhjen të qëndrueshme dhe afatgjatë, duhet të eliminojmë të gjitha rrënjët e konfliktit,” u shpreh ai, duke nënkuptuar nevojën për një rikonfigurim të arkitekturës së sigurisë në Evropë.

Rusia e gatshme për bashkëpunim: “Ne jemi të përgatitur të punojmë për këtë. Shpresoj që marrëveshja që kemi arritur së bashku (me Trump) do të na ndihmojë të afrohemi me këtë qëllim.”

Përmendi sigurinë e Ukrainës: Putin theksoi se edhe siguria e Ukrainës duhet të garantohet në çdo marrëveshje të mundshme.

The post Samiti Trump-Putin në Alaska: Pa marrëveshje konkrete por me sinjale pozitive appeared first on Albeu.com.

TIRANË, 15 gusht /ATSH/ Policia e Shtetit ka apeluar sot për respektimin e kufijve të shpejtësisë, pas konstatimit të një drejtuesi automjeti që udhëtonte me 181 km/h në aksin Levan–Tepelenë, ku kufiri i lejuar është 80 km/h.

Sipas Policisë, një shpejtësi mbi dyfishin e normës së lejuar nuk është shenjë guximi, por një rrezik serioz për jetën e drejtuesit dhe të përdoruesve të tjerë të rrugës.

Mjetet e monitorimit elektronik “Poliscan” vijojnë të jenë aktive 24 orë në ditë, duke skanuar automjete që qarkullojnë me shpejtësi nga dy deri në 2.5 herë mbi normën e lejuar.

Policia Rrugore u bën thirrje drejtuesve të mjeteve që të udhëtojnë me kujdes, të respektojnë kufijtë e shpejtësisë dhe të mbrojnë jetën e tyre dhe të të tjerëve.

The post Kapet me 181 km/h në Levan–Tepelenë, apeli i Policisë: Mos luani me jetën, kontrolle me radar 24 orë appeared first on Agjencia Telegrafike Shqiptare.

ANCHORAGE (SHBA), 15 gusht /ATSH-ANSA/ – Samiti SHBA-Rusi ka filluar prej më shumë se një ore.

Përveç presidentit Trump, Shtëpinë e Bardhë e përfaqësojnë edhe sekretari i Shtetit, Marco Rubio dhe i Dërguari i Posaçëm Steve Witkoff.

Përveç presidentit Putin, Kremlinin e përfaqësojnë edhe ministri i Jashtëm, Sergei Lavrov dhe këshilltari i Politikës së Jashtme, Yuri Ushakov.

Trump deklaroi më parë se “një armëpushim sot, përndryshe nuk do të jem i kënaqur”.

Ministri i Jashtëm rus, Lavrov deklaroi se “SHBA-ja patjetër do të lehtësojë disa sanksione”.

Ambasadorët e BE-së do të takohen nesër për të diskutuar rezultatin e samitit./  a.jor.

The post ANCHORAGE – Trump dhe Putin bisedime për Ukrainën pas një përshëndetjeje të ngrohtë appeared first on Agjencia Telegrafike Shqiptare.

TIRANË, 15 gusht /ATSH/ Kreu i Drejtorisë së Përgjithshme të Burgjeve, Klevis Qose, ka ndarë sot në rrjetet sociale historinë e një të dënuari francez, i cili, dy ditë para përfundimit të dënimit në Institucionin e Ekzekutimit të Vendimeve Penale (IEVP) Shkodër, dhuroi një pikturë me mesazhe të forta simbolike për drejtësinë, shpresën dhe jetën.

“Nga qelia, drejt lirisë… me një pikturë që flet më shumë se mijëra fjalë”, shkruan Qose.

“Vetëm dy ditë para se të mbyllte dënimin, një shtetas francez në IEVP Shkodër dorëzoi “çelësat e burgut” dhe la pas një dhuratë që do të mbetet përgjithmonë: një pikturë e mbushur me simbole të forta për drejtësinë, shpresën dhe jetën,”, bën të ditur Qose përmes rrjeteve sociale.

Kreu i Drejtorisë së Përgjithshme të Burgjeve më tej shkruan se, “ai zgjodhi të pikturonte ambientin ku takohen shtetasit në konflikt me ligjin me avokatin — një “hartë mendore” ku retë, peshoret, ndërtesat, minaret, zemrat dhe yjet flasin për rrugëtimin e tij mes kulturave, ndjesinë e afërsisë me botën jashtë dhe ëndrrën për një fillim të ri.

“Ky moment nuk është thjesht mbyllja e një dënimi, por hapja e një faqeje të re — me më shumë dashuri për jetën dhe lirinë”, vijon Qose.

Ai mbylli statusin me një urim: “I urojmë S.B. të kthehet pranë familjes dhe shoqërisë së tij me paqe në zemër dhe dritë në sy”.

/a.f/

The post Pikturë simbolike për lirinë, dhurata e të dënuarit francez para lirimit nga IEVP Shkodër appeared first on Agjencia Telegrafike Shqiptare.

BRUKSEL, 15 gusht /ATSH-ANSA-AFP/ – Ambasadorët e BE-së do të takohen nesër në mëngjes në orën 09:30 për të diskutuar rezultatin e samitit midis Donald Trump dhe Vladimir Putin.

Ata do të shqyrtojnë edhe marrëdhëniet tregtare BE-SHBA dhe çështjen e tarifave.

Informacioni i sipërcituar u mësua nga burime evropiane në Bruksel.

Samiti midis Trump, Putin dhe këshilltarëve të tyre filloi sot në Alaska.

Pritet që çështja themelore e takimit të jetë ajo e Ukrainës./ a.jor.

The post BRUKSEL – Ambasadorët e BE-së takohen për rezultatet e samitit Trump-Putin appeared first on Agjencia Telegrafike Shqiptare.

TORONTO, 14 gusht /ATSH/ – Një mbyllje e plotë e ”Air Canada” është e mundshme nëse sindikata që përfaqëson asistentët e fluturimit në linjën ajrore më të madhe të vendit dhe vetë linja ajrore nuk arrijnë një marrëveshje deri nesër në mëngjes, shkruan AP.

Më shumë se 10 000 asistentë fluturimi do të largohen nga puna nesër rreth orës 01:00, pas një mbylljeje të imponuar nga kompania.

Kjo mund të ndikojë në afërsisht 130 000 udhëtarë në ditë.

Linja ajrore kanadeze tha se pret të anulojë 500 fluturime deri në fund të së premtes, përpara afatit të caktuar.

Ajo tashmë filloi të anulojë fluturimet që dje, në pritje të një mbylljeje masive që mund të ndikojë në qindra mijëra udhëtarë.

Një mbyllje e plotë mund të ndikojë në afërsisht 25 000 kanadezë në ditë jashtë vendit, të cilët mund të mbeten të bllokuar.

“Ne i nxisim fuqimisht palët të punojnë me ndërmjetës federalë për të arritur një marrëveshje. Koha është e çmuar dhe kanadezët mbështeten tek ju”, deklaroi ministrja federale e Punës, Patty Hajdu./   /os/

The post TORONTO – ”Air Canada” në prag falimentimi, rrezikohen 10 000 vende pune appeared first on Agjencia Telegrafike Shqiptare.

TIRANË, 15 gusht /ATSH/ Kryeministri në detyrë i Kosovës ka përkujtuar sot nëpërmjet një mesazhi në rrjetet sociale figurën e Arbër Xhaferit, në 13-vjetorin e ndarjes së tij nga jeta.

“Sot, në përvjetorin e ndarjes fizike të Arbër Xhaferit nga kjo botë, nuk përkujtojmë thjesht një emër, përkujtojmë një vizion, një mënyrë të të menduarit, një etikë të angazhimit politik dhe kulturor”, u shpreh ai.

Në mesazhin e tij, kreu i qeverisë në detyrë theksoi se Xhaferi nuk bëri politikë për pushtet, por për të zgjuar vetëdijen e shoqërisë, duke artikuluar qartë në kohë të mjegullta dhe duke dhënë orientim në kohë pasigurie.

Sipas tij, Arbër Xhaferi kuptoi thellë peshën e të qenit shqiptar në Ballkan, me historinë, plagët dhe përgjegjësinë për të ndërtuar një të ardhme më të ndritur.

“Le të mos e kujtojmë vetëm sot. Le të mësojmë nga ai dhe ta çojmë përpara fjalën e tij jo si citat, por si udhërrëfim”, përfundoi Kryeministri në detyrë i Kosovës.

/a.f/

The post Kurti përkujton Arbër Xhaferin në përvjetorin e ndarjes nga jeta appeared first on Agjencia Telegrafike Shqiptare.