Një 40-vjeçar është arrestuar nga policia kufitare e portit të Durrësit pasi tentoi të fuste në Shqipëri rreth 109 mijë euro të padeklaruara.

Blutë kanë sekuestruar 108.960 euro dhe 600 franga të dyshuara produkt i veprimtarive kriminale.

Paratë u gjetën në furgonin që drejtonte i 40-vjeçari me iniciale J. Z., banues në Dibër.

“Gjatë kontrollit në vijën e dytë, në furgonin që drejtonte ky shtetas, u gjetën 108 960 euro dhe 600 franga, që tentonte t’i fuste në Shqipëri, pa i deklaruar në pkk”, njoftuan blutë.

Së bashku me paratë, u sekuestruan furgoni që drejtonte i arrestuari, si dhe 2 celularë dhe pasaporta e tij.

Njoftimi i policisë:

Port, Durrës/Finalizohet faza e dytë e operacionit policor të koduar “Aseti”.

Evidentohet dhe goditet një tjetër tentativë për të lëvizur shuma të mëdhaja parash, pa i deklaruar në pkk.

Sekuestrohen 108 960 euro dhe 600 franga, të dyshuara produkt i veprimtarive kriminale.

Arrestohet në hyrje të Shqipërisë, 40-vjeçari të cilit iu gjetën paratë në furgonin që drejtonte.

3 ditë më parë, Policia e portit të Durrësit sekuestroi 223 200 euro të dyshuara produkt i krimeve dhe vuri në pranga poseduesin e tyre.

Shërbimet e Policisë Kufitare të portit të Durrësit, si rezultat i intensifikimit të kontrolleve dhe verifikimeve të imtësishme në hyrje/dalje të Shqipërisë, me objektiva parandalimin dhe goditjen e krimeve ne kufi, në bashkëpunim me autoritetet doganore, finalizuan fazën e dytë të operacionit policor të koduar “Aseti”.

Gjatë operacionit u arrestua në flagrancë shtetasi J. Z., 40 vjeç, banues në Dibër.

Gjatë kontrollit në vijën e dytë, në furgonin që drejtonte ky shtetas, u gjetën 108 960 euro dhe 600 franga, që tentonte t’i fuste në Shqipëri, pa i deklaruar në pkk.

Së bashku me paratë, u sekuestruan në cilësinë e provës materiale, furgoni që drejtonte i arrestuari, si dhe 2 celularë dhe pasaporta e tij.

Në bashkëpunim me Prokurorinë dhe me partnerët, vijon puna për të dokumentuar burimin e parave të sekuestruara.

Materialet procedurale i kaluan Prokurorisë së Durrësit, për veprime të mëtejshme.

The post I gjenden 109 mijë euro në furgon, në pranga 40-vjeçari në portin e Durrësit! Paratë dyshohet të jenë produkt i veprimtarive kriminale appeared first on Gazeta Shqiptare Online.

GJKKO ka shpallur fajtor dhe ka dënuar me 35 vite burg, Jemin Sherën, i akuzuar si organizator i vrasjes së biznesmenit Behar Sofia, ngjarje e ndodhur në shkurt 2021.

Shera akuzohet për “Vrasja me paramendimin”, e kryer në bashkëpunim, në formën e posaçme të grupit të strukturor kriminal, “Mbajtja pa leje dhe prodhimi i armëve, armeve shpërthyese dhe i municionit” kryer në bashkëpunim, në formën e posaçme të grupit të strukturuar kriminal, “Grup i strukturuar kriminal”, dhe “Kryerja e veprave penale nga organizata kriminale dhe grupi i strukturor kriminal”.

Njoftimi:

1. Prokuroria e Posaçme kundër Korrupsionit dhe Krimit të Organizuar ka paraqitur
pranë Gjykatës kërkesën me objekt: “Gjykimin e çështjes penale ndaj të pandehurit Jemin
Shera, i akuzuar për kryerjen e veprave penale “Vrasja me paramendimin”, e kryer në
bashkëpunim, në formën e posaçme të grupit të strukturar kriminal, “Mbajtja pa leje dhe
prodhimi i armëve, armeve shpërthyese dhe i municionit” kryer në bashkëpunim, në
formën e posaçme të grupit të strukturuar kriminal, “Grup i strukturuar kriminal”, dhe
“Kryerja e veprave penale nga organizata kriminale dhe grupi i strukturar kriminal”, të
parashikuara nga nenet 78/2, 278/1, 333/a/1 dhe 334 të Kodit Penal”.
2. Gjykimi i kësaj ҫështje u zhvillua me rregullat e gjykimit të zakonshëm. Në përfundim
të gjykimit, Gjykata e Posaçme e Shkallës së Parë për Korrupsionin dhe Krimin e
Organizuar me trup gjykues të përbërë nga gjyqtarët Rudina Palloj, Elsa Ulliri dhe Etleva
Deda, me vendimin Nr. 24, datë 12.03.2025 vendosi:
1. Deklarimin fajtor të të pandehurit Jemin Ali Shera, për kryerjen e veprës
penale “Vrasja me paramendim”, e kryer për interes, në bashkëpunim, në
kuadër të grupit të strukturuar kriminal, në dëm të viktimës B.S, parashikuar
nga nenet 78, pg 2 në lidhje me nenet 28/4 dhe 334, pika 1 të Kodit Penal, dhe
në bazë të këtyre dispozitave dënimin e tij me 35 (tridhjetë e pesë) vite burgim.
2. Deklarimin e pafajshëm të të pandehurit Jemin Ali Shera, akuzuar për
kryerjen e veprës penale “Mbajtja pa leje dhe prodhimi i ameve, armeve
shpërthyese dhe i municionit”, e kryer në bashkëpunim, në formën e grupit
të strukturuar kriminal, parashikuar nga neni 278, pg 1 në lidhje me nenet 28/4
dhe 334, pika 1 të Kodit Penal, në referim të nenit 388, pika 1, shkronja d) të
K.Pr.Penale, pasi nuk provohet që e ka kryer veprën penale për të cilën
akuzohet.
3. Deklarimin fajtor të të pandehurit Jemin Ali Shera, për kryerjen e veprës
penale “Grupi i strukturuar kriminal”, parashikuar nga neni 333/a pg 1 i
Kodit Penal, dhe në bazë të kësaj dispozite dënimin e tij me 4 (katër) vite
burgim.
4. Bazuar në nenin 55 të Kodit Penal, në bashkim të dënimeve i pandehuri Jemin
Ali Shera dënohet me një dënim të vetëm prej 35 (tridhjetë e pesë) vite
burgim.
5. Llogaritja e dënimit fillon nga dita e ekzekutimit të vendimit dhe dënimi me
burgim nga i pandehuri Jemin Ali Shera do të vuhet në një burg të sigurisë

Rruga “Jordan Misja” Nr.1, 1057 Tiranë; tel/fax 0035542231527; gjykata.gov.al
së lartë, në referim të parashikimeve të nenit 16, pika 1, të ligjit nr. 81/2020
“Për të drejtat dhe trajtimin e të dënuarve me burgim dhe të paraburgosurve”.
6. Në bazë të nenit 190, pika 1 të K.Pr.Penale, sendet e sekuestruara provë
materiale, te bashkohen me fashikullin e gjykimit.
7. Shpenzimet procedurale të bëra gjatë hetimeve paraprake, sipas procesverbalit
përkatës, si dhe shpenzimet gjyqësore, sipas procesverbalit përkatës, i
ngarkohen të pandehurit të deklaruar fajtor me këtë vendim.
8. Kundër vendimit mund të bëhet ankim në Gjykatën e Posaçme të Apelit për
Korrupsionin dhe Krimin e Organizuar, brenda 15 (pesëmbëdhjetë) ditëve,
duke filluar ky afat nga e nesërmja e njoftimit të vendimit të arsyetuar.

The post U akuzua për vrasjen e biznesmenit Behar Sofia, GJKKO dënon me 35 vite burg Jemin Sherën appeared first on Gazeta Shqiptare Online.

Mbretëria e Bashkuar ishte “thellësisht e përfshirë” në mbështetje të Ukrainës dhe SHBA-së për të arritur marrëveshjen e armëpushimit me Rusinë, sipas burimeve të qeverisë së Mbretërisë së Bashkuar.

BBC-së i është thënë se gjatë javës së kaluar ka pasur një përpjekje të përbashkët evropiane, të udhëhequr nga Sir Keir Starmer, për të rikthyer SHBA-në dhe Ukrainën në favor të njëri-tjetrit. Sir Keir vlerësoi “përparimin e jashtëzakonshëm” dhe e quajti atë një “moment të rëndësishëm për paqen në Ukrainë”. Marrëveshja SHBA-Ukrainë tregon se një marrëveshje nuk ka vdekur kurrë me Trump.

Burimet në Mbretërinë e Bashkuar thonë se javën e kaluar Këshilltari i Sigurisë Kombëtare i kryeministrit, Jonathan Powell, punoi me homologun e tij amerikan Mike Waltz dhe zyrtarë gjermanë dhe francezë, për të hartuar një plan për një armëpushim dhe hapat që mund të pasojnë.

Gjatë fundjavës, Powell udhëtoi për në Kiev për të takuar Zelenskyn dhe për të ndihmuar në hartimin e një propozimi me shkrim, i cili përfshinte një pushim të përkohshme në luftime, pastaj masa për ndërtimin e besimit, si shkëmbimi i të burgosurve të luftës, kthimi i fëmijëve ukrainas të marrë nga Rusia dhe lirimi i civilëve.

Ky propozim u ra dakord nga ukrainasit dhe amerikanët, duke krijuar terrenin për atë që ndodhi në Arabinë Saudite të martën.

Pas bisedimeve midis Shtëpisë së Bardhë dhe zyrtarëve ukrainas në Arabinë Saudite, Sir Keir i uroi të dy burrat për marrëveshjen, duke shtuar se “ne të gjithë tani duhet të dyfishojmë përpjekjet tona” për të siguruar një marrëveshje paqeje për Ukrainën.

Të shtunën, Sir Keir do të ketë një telefonatë me disa nga liderët europianë që ai e ka quajtur “koalicioni i gatshëm” për të diskutuar përpjekjet paqeruajtëse që synojnë të pengojnë presidentin rus Vladimir Putin nga nisja e inkursioneve të ardhshme në Ukrainë.

Ata që i bashkohen thirrjes janë “të gatshëm të ndihmojnë për t’i dhënë fund kësaj lufte në një mënyrë të drejtë dhe të përhershme që i lejon Ukrainës të gëzojë lirinë e saj”, tha ai.

Është Rusia ajo që tani do të jetë nën presion. Një nga synimet e ekipeve evropiane që punojnë prapa skenave mbetet marja e sigurisë nga ana e Rusisë nëse ajo dëshiron arritjen e paqes.

Nga ana tjetër, Kremlini tha të mërkurën se ishte duke pritur që zyrtarët amerikanë të japin detaje mbi armëpushimin e propozuar 30-ditor në Ukrainë pas bisedimeve midis zyrtarëve ukrainas dhe amerikanë në Arabinë Saudite një ditë më parë.

“Ne presim, siç u tha dje në Jeddah, Sekretari i Shtetit Rubio dhe Këshilltari i Sigurisë Kombëtare Waltz të na informojnë përmes kanaleve të ndryshme për detajet e negociatave dhe mirëkuptimin e arritur në ditët në vijim,” u tha gazetarëve zëdhënësi i Kremlinit Dmitry Peskov.

Peskov tha se zyrtarët në Moskë po “ekzaminonin nga afër” deklaratën e përbashkët SHBA-Ukrainë mbi armëpushimin e propozuar.

Presidenti i SHBA-së, Donald Trump tha se ka në plan të flasë me presidentin rus Vladimir Putin për armëpushimin e propozuar 30-ditor brenda kësaj jave.

Peskov tha të mërkurën se koha dhe vendi për takimin e mundshëm personal të Trump me Putinin nuk janë përcaktuar ende.

The post Cili është roli i Britanisë së Madhe në marrëveshjen e armëpushimit Ukrainë-SHBA? BBC: Kryeministri Starmer, përpjekje të përbashkët evropiane appeared first on Gazeta Shqiptare Online.

Policia ka arrestuar 3 persona pasi goditën me grushte një polic kufitar në terminalin e portit të Vlorës.

“Specialistët për Hetimin e Krimeve në Komisariatin e Policisë Vlorë, në bashkëpunim me Oficerin e Prokurorisë, arrestuan në flagrancë shtetasit S. S., 23 vjeç, banues në fshatin Babicë e Madhe, L. C., 29 vjeç, dhe E. F., 39 vjeç, banues në Vlorë, pasi më datë 11.03.2025, rreth orës 15:30, për motive të dobëta, kanë goditur me grushte, në ambientet e jashtme të Terminalit të Portit Detar Vlorë, një punonjës policie të Kufirit dhe Migracionit, gjatë detyrës”, njoftoi policia.

The post Arrestohen 3 persona në Vlorë, goditën me grushte policin kufitar në terminalin e portit! Dyshohet se… appeared first on Gazeta Shqiptare Online.

NASA njoftoi sot një valë pushimesh nga puna, duke përfshirë shkencëtarin kryesor, si pjesë e shkurtimeve drastike të shpenzimeve federale të kërkuara nga Donald Trump.

Shkurtimet e para kanë të bëjnë me 23 punonjës të agjencisë amerikane të hapësirës, ​​tha një zëdhënës i NASA-s, duke vënë në dukje se më shumë do të pasojnë.

Në këtë fazë të parë, NASA shkarkoi kryeshkencëtaren e saj të shquar dhe këshilltaren e lartë për klimën, Catherine Calvin. Studiuesi i shquar, i cili u emërua në vitin 2022 nga Joe Biden, kontribuoi në shumë raporte të rëndësishme të OKB-së për klimën.

Catherine Calvin dhe shumë shkencëtarë të tjerë amerikanë ishin penguar që në fund të shkurtit të merrnin pjesë në një takim të ekspertëve të OKB-së për klimën që po mbahej në Kinë.

“Për të optimizuar fuqinë e saj punëtore dhe me urdhër ekzekutiv, NASA po fillon procesin gradual, të quajtur ‘RIF’, për reduktimin e stafit,” tha zëdhënësja e agjencisë amerikane të hapësirës Cheryl Warner.

“Një numër i vogël personash janë njoftuar më 10 mars se janë prekur nga ky proces. Këta punonjës mund të zgjedhin të marrin pjesë në një program pensioni të parakohshëm, nëse kanë të drejtë, ose të ndjekin procesin e RIF”, sqaroi agjencia.

NASA deri më tani kishte shmangur shkurtimet drastike që preknin agjencitë e tjera federale amerikane falë ndërhyrjes së minutës së fundit të miliarderit amerikan, Jared Isaacman, i cili u zgjodh nga Donald Trump për t’u bërë administratori i ardhshëm i NASA-s.

Që nga kthimi në Shtëpinë e Bardhë, Donald Trump ka bërë shumë njoftime që synojnë komunitetin shkencor, shkurtime të mëdha buxhetore, shkarkimin e qindra punonjësve federalë përgjegjës për klimën ose shëndetin, censurimin e temave të caktuara në kërkimet e subvencionuara, etj.

NASA luan një rol kritik në kërkimin e klimës, duke operuar një flotë satelitësh që vëzhgojnë Tokën, duke kryer studime të atmosferës dhe tokës dhe duke u ofruar shkencëtarëve dhe publikut të dhëna lirisht të aksesueshme.

The post Valë shkarkimesh në NASA! Presidenti Donald Trump pushon nga puna 23 shkencëtarë, mes tyre dhe këshilltarja e lartë për klimën appeared first on Gazeta Shqiptare Online.

Qeveria e Kosovës ka miratuar sot nismën për marrëveshje në fushën e mbrojtjes ndërmjet Kosovës dhe Shteteve të Bashkuara të Amerikës.

Në mbledhjen që është duke u mbajtur, kryeministri i vendit, Albin Kurti deklaroi se këtë nismë e ka iniciuar Ministria e Mbrojtjes.

“Me këtë marrëveshje Kosova dhe SHBA angazhohen për avancimin në bashkëpunim në fushën e mbrojtjes dhe ngritjes kapaciteteve ushtarake”, deklaroi Kurti.

Ndërsa, ministri i Mbrojtjes, Ejup Maqedonci deklaroi se kjo nismë po bëhet në koordinim të plotë me SHBA-në.

“Në koordinim të plotë me SHBA-në, Ministria e Mbrojtjes ka iniciuar lidhjen e marrëveshjes kornizë për bashkëpunim në fushën e mbrojtjes mes dy vendeve. Qëllimi i marrëveshjes është që të dyja palët të angazhohen në mbrojtje dhe ngritje të kapaciteteve ushtarake. Një hap i tillë i bashkëpunimit është ndërmarrë në përputhje me qëllim të integrimit euroatlantik”, theksoi ai.

Maqedonci deklaroi se në mënyre që kjo marrëveshje të finalizohet, kërkohet miratimi I nismës./Telegrafi/

The post Miratohet nisma për marrëveshje ndërmjet Kosovës dhe SHBA-së në fushën e mbrojtjes! Ja çfarë parashikon appeared first on Gazeta Shqiptare Online.

Kryetari i bashkisë së Tiranës, Erion Veliaj ka mbërritur në ambientet e Apelit të GJKKO, kur pritet të njihet edhe me masën, pas ankimit që ai i ka bërë arrestit me burg.

Ditën e djeshme dy prokurorët e posaçëm, Ols Dado dhe Altin Dumani kanë paraqitur prova të reja dhe për këtë arsye, seanca u shty për sot.

Avokati i Erion Veliajt, Ermir Beta ka bërë parashtrimet dhe ka këmbëngulur se masa e sigurisë “Arrest në burg” për kryebashkiakun e Tiranës duhet të shfuqizohet dhe se atij duhet t’i jepet mundësia të dalë nga paraburgimi. Avokati Beta ka thënë se Veliaj nuk ka asnjë rrezik të prishë provat apo t’i dëmtojë ato si dhe as të intimidojë dëshmitarët.

Ankimimin e kryetarit të Bashkisë së Tiranës, i cili u arrestua më 10 shkurt, po e shqyrton gjyqtari Engert Pëllumbi, i cili njihet si gjyqtari që dënoi me burg ish-ministrin e Brendshëm, Saimir Tahiri.

Në të njëjtën seancë janë paraqitur për ankimin e masës edhe katër biznesmenët, Elman Abule që ndodhet në arrest me burg dhe tre të tjerët Shkëlqim Fusha, Gentian Sula dhe Meriman Palushi që ndodhen në detyrim paraqitjeje. Erion Veliaj akuzohet për veprat penale “Korrupsion pasiv” dhe “Pastrim parash”, të kryer në bashkëpunim me bashkëshorten e tij Ajola Xoxa, e cila po hetohet nën masën detyrim paraqitje, edhe për mosdeklarim pasurie.

The post Kërkoi lirimin nga burgu, Erion Veliaj mbërrin në Apelin e GJKKO, pritet të njihet me vendimin appeared first on Gazeta Shqiptare Online.

Rafinja duket se është i lumtur sa herë që përballet me Benfikën. Në tri ndeshje në këtë sezon në Ligën e Kampioneve i ka shënuar 5 gola.

I shënoi dy gola në fitoren 4-5 në fazën me grumbullim pikësh, ku ndër dy golat ishte dhe ai i fundit i fitores në minutat shtesë. I shënoi në 1/8 e finaleve në ndeshjen e vajtjes golin e fitores të Barcelonës 0-1. I shënoi dhe dy gola të tjerë mbrëmë në suksesin 3-1 të blaugranave, duke i dhënë një dorë skuadrës për të mbërritur në çerekfinale.

Braziliani me dy golat e shënuar mbrëmë ndaj Benfikës ka arritur shifrën e 11 rrjetave, teksa në fund ka komentuar dhe suksesin e ekipit të tij.

“E dinim se Benfika luan mjaft mirë jashtë fushës së saj në Champions, siç tregojnë dhe rezultatet e saj. Ne gjithashtu e kishim të qartë planin tonë, se çfarë duhej të bënim. Objektivi ishte i qartë të fitonim dhe ishim të përqendruar te vetja jonë. Mendoj se pjesa e parë ishte vendimtare ku shënuam tri herë”, komentoi braziliani. Sulmuesi i krahut i Barcelonës ka vlerësuar shumë edhe paraqitjen e shokut të ekipit, Lamin Jamal autor i një goli spektakolar.

The post “Jamal? Një lojtar magjik”, Rafinja pasi spikati në Champions: Barcelona luan për çdo titull appeared first on Gazeta Shqiptare Online.

Forcat pakistaneze të sigurisë janë përfshirë në një përleshje vdekjeprurëse me militantët separatistë pasi një tren pasagjerësh u rrëmbye në provincën e paqëndrueshme Balochistan të vendit, duke lënë rreth 300 pengje të bllokuar në bord. Dhjetëra civilë u masakruan ndërsa ushtria ndërhyri kundër personave të armatosur të veshur me jelekë vetëvrasës.

Të paktën 27 militantë janë vrarë deri më tani ndërsa forcat elitare tentojnë të lirojnë pengjet, të cilët u kapën kur treni ra në pritë të martën teksa kalonte nëpër një tunel.

Zyrtarët thonë se kanë shpëtuar më shumë se 150 nga 450 pasagjerët deri më tani, duke përfshirë gra dhe fëmijë, por paralajmëruan se pengjet e mbetura janë në rrezik të madh pasi sulmuesit thuhet se kanë veshur jelekë vetëvrasës të ngarkuar me eksploziv.

Ushtria Çlirimtare Baloch (BLA) ka marrë përgjegjësinë për sulmin, duke thënë se është e gatshme të negociojë në shkëmbim të të burgosurve në këmbim të lirimit të pengjeve.

Megjithatë, nuk ka pasur asnjë përgjigje nga qeveria pakistaneze dhe tensionet mbeten të larta pasi forcat e sigurisë kanë rrethuar militantët.

Treni, i identifikuar si Jafar Express, po udhëtonte nga Quetta në qytetin verior të Peshawar kur u sulmua të martën. Ai mbeti i bllokuar brenda një tuneli pas sulmit, gjatë të cilit u vu nën zjarr dhe trenisti u plagos, thanë dje zyrtarët e policisë dhe hekurudhave.

Sipas zëdhënësit të qeverisë Shahid Rind, militantët raportohet se hodhën në erë hekurudhën përpara se të hapnin zjarr ndaj personelit të sigurisë në bord.

The post Rrëmbimi i trenit të pasagjerëve/Masakrohen dhjetëra civilë dhe vriten 27 militantë! Sulmuesit të veshur me jelekë me eksplozivë appeared first on Gazeta Shqiptare Online.

Platforma e rrjeteve sociale “TikTok” do të mbyllet për përdoruesit në Shqipëri nesër më datë 13 Mars.

Në shkresën e Autoritetit të Komunikimeve Elektronike dhe Postare thuhet se Autoriteti Kombëtar për Sigurinë Kibernetike (AKSK) ka kërkuar marrjen e masave të nevojshme për bllokimin e aksesit në aplikacionin TIK TOK dhe infrastrukturën e tij digjitale në territorin shqiptar.

Autoriteti Kombëtar për Sigurinë Kibernetike (AKSK) ka kërkuar nga kompanitë e internetit marrjen e masave të nevojshme për bllokimin e aksesit në aplikacionin “TikTok” dhe infrastrukturën e tij digjitale në territorin shqiptar.

“Autoriteti Kombëtar për Sigurinë Kibernetike (AKSK) me shkresën nr. 1196 prot., datë 10.03.2025 (administruar në AKEP me nr. 359/2 prot., datë 10.03.2025), ka kërkuar marrjen e masave të nevojshme për bllokimin e aksesit në aplikacionin TIK TOK dhe infrastrukturën e tij digjitale në territorin shqiptar, duke ndërmarrë veprimet e mëposhtme: 1. Bllokimi i IP-ve të TikTok në territorin e Shqipërisë. 2. Bllokimi i DNS-ve te TikTok në territorin e Shqipërisë. 3. Bllokimi i SNI (Server Name Indications) të TikTok në territorin e Shqipërisë. 4. Bllokimi i IP-ve të kompanisë ByteDance në territorin e Shqipërisë. Në shkresën e AKSK-së citohet baza ligjore (Vendimi i Këshillit të Ministrave nr. 151 datë 6.3.2025) dhe listën e të gjitha IP-ve dhe domaineve, për të cilat kërkohet bllokimi i aksesit. Bazuar në germën ç), të pikës 2 të nenit 30 të ligjit nr. 54/2024 “Për komunikimet elektronike në Republikën e Shqipërisë” dhe germës e), pika 1, të nenit 9, si dhe pikës 9 të Aneksit E, të Rregullores së AKEP nr. 47 datë 26.10.2017 “Për zbatimin e regjimit të Autorizimit të Përgjithshëm”, çdo operator/sipërmarrës që ofron shërbime/rrjete të komunikimeve elektronike sipas regjimit të autorizimit të përgjithshëm, duhet të respektojë kufizimet e transmetimeve të përcaktuara me përmbajtje të paligjshme ose të dëmshme nga AKSK. Për sa më lart, ju përcjellim shkresën e AKSK-së dhe kërkojmë nga secili sipërmarrës (ISP), konfirmim me shkrim në AKEP dhe për dijeni AKSK, për mbylljen e aksesit IP-ve dhe domaineve të cituara në shkresën e AKSK, brenda datës 13 mars 2025″.

Shkresa e AKEP 

Shkresa e AKSK per mbyllje IP dhe domaine te TikTok 

The post Do të mbyllet “TikTok” më 13 mars, zbardhen shkresat e AKEP! Ja veprimet që do të merren për bllokimin e aplikacionit appeared first on Gazeta Shqiptare Online.

Presidenti i Shteteve të Bashkuara, Donald Trump, zyrtarisht ka rritur tarifat ndaj të gjitha importeve të çelikut dhe aluminit në 25 për qind më 12 mars, duke premtuar se tarifa do të ndihmojë krijimin e vendeve të punës në fabrikat në SHBA, në një kohë kur kërcënimet e tij me tarifa kanë tronditur tregun global.

Bashkimi Evropian tha se do të përgjigjet ndaj hyrjes në fuqi të tarifave amerikane me kundërmasa.

Trump hoqi të gjitha përjashtimet e bëra nga tarifat e vendosura nga ai më 2018 ndaj metaleve, duke rritur po ashtu tarifat për aluminin nga 10 në 25 për qind.

Ndaras, Trump ka vendosur tarifa të veçanta ndaj Kanadasë, Meksikës dhe Kinës dhe po ashtu ka thënë se ka në plan që të vendosë tarifa ndaj importeve nga Bashkimi Evropian, Brazili dhe Koreja e Jugut me qëllim që të vendosë taksa “reciproke” që do të hyjnë në fuqi më 2 prill.

Trump u tha udhëheqësve të biznesit gjatë një tryeze diskutimi të martën se tarifat po bëjnë që kompanitë të investojnë në fabrikat amerikane.

Po të martën, Trump kërcënoi se do të vendosë tarifa prej 50 për qind ndaj çelikut dhe aluminit nga Kanadaja, por vendosi që kjo masë të jetë në 25 për qind pasi provinca e Ontarios hoqi dorë nga planet për të vendosur një tarifë shtesë ndaj energjisë elektrike që shet në Miçigan, Minesota dhe Nju Jork.

BE-ja, ndërkaq, më 12 mars njoftoi për kundërmasa që tha se do të hyjnë në fuqi më 1 prill, pas njoftimit të Trumpit për tarifa prej 25 për qind ndaj të gjitha importeve të çelikut dhe aluminit.

“Teksa SHBA-ja po vendos tarifa në vlerë prej 28 miliardë dollarësh, ne po përgjigjemi me kundërmasa në vlerë prej 26 miliardë eurosh [28 miliardë dollarë]”, tha presidentja e Komisionit Evropian, Ursula von der Leyen, përmes një deklarate.

KE-ja menaxhon konfliktet tregtare dhe komerciale në emër të 27 vendeve anëtare të BE-së.

“Ne gjithmonë mbesim të hapur për negociata. Ne besojmë fuqishëm që në një botë të mbushur me pasiguri gjeopolitike dhe ekonomike, nuk është në interesin tonë të përbashkët që të rëndojmë ekonomitë tona me tarifa”, tha von der Leyen.

KE-ja tha se nga kundërmasat do të goditen produktet e çelikut dhe aluminit, por edhe të tekstilit, prodhimet e lëkurës, pajisjet shtëpiake, produktet të plastikës dhe drurit. Produktet bujqësore do të preken po ashtu, përfshirë shpendët, mishi i viçit, disa produkte deti, frutat e thata, vezët, sheqeri dhe perimet.

Më 2018, gjatë mandatit të parë presidencial, Trump kishte vendosur tarifa ndaj aluminit dhe çelikut, por ato humbën efektin për shkak të përjashtimeve të bëra.

Pasi Kanadaja dhe Meksika ishin pajtuar me kërkesën e tij për rishikimin e një marrëveshjeje tregtare të Amerikës së Veriut më 2020, këto dy shtete shmangën taksa ndaj importeve të metaleve. Partnerët e tjerë tregtarë të SHBA-së kishin kuota për import të cilat zëvendësuan tarifat. Po ashtu, gjatë mandatit të parë të Trumpit, u lejua që kompanitë amerikane të kërkonin përjashtime nga tarifat, nëse, për shembull, nuk mund të gjenin sasinë e nevojshme të çelikut te prodhuesit vendas.

Përderisa tarifat e Trumpit mund të ndihmojnë fabrikat e çelikut dhe aluminit në SHBA, ato mund të rrisin çmimet për prodhuesit që i përdorin metalet si lëndë të parë.

Trump i sheh tarifat si një mënyrë për të rritur fabrikat vendase dhe Shtëpia e Bardhë ka theksuar se Volvo, Volkswagen dhe Honda po e shqyrtojnë mundësinë e zgjerimit të pranisë së tyre në SHBA. Megjithatë, mundësia e çmimeve më të larta, shitjeve më të ulëta dhe fitimeve më të vogla mund të bëjë që disa kompani të hezitojnë që të investojnë në objekte të reja prodhimi./REL

The post SHBA rrit tarifat ndaj importeve të çelikut dhe aluminit me 25%, BE paralajmëron se do të përgjigjet me kundërmasa appeared first on Gazeta Shqiptare Online.

Një 33-vjeçar nga Laçi është arrestuar nga policia e shtetit për llogari të autoriteteve italiane, pasi dyshohet se është pjesë e një organizate kriminale në Milano.

I riu ishte në kërkim ndërkombëtar, sepse Gjykata e Milanos i ka caktuar masë sigurie “Arrest në burg”, për veprën prenale “Vjedhja”, kryer në rrethana rënduese dhe në kuadër të organizatës kriminale.

Nderkohe Interpol Tirana vijon të bashkëpunojë me homologët në Itali, për të finalizuar procedurën për ekstradimin e këtij shtetasi.

Njoftimi

Finalizohet operacioni policor i koduar “Operacionalja 33”, nga Drejtoria e Forcës së Posaçme Operacionale e Drejtorisë së Përgjithshme të Policisë së Shtetit.

Akuzohet se ka vjedhur në Milano, në kuadër të një organizate kriminale, arrestohet në Laç, 33-vjeçari.

Në vijim të bashkëpunimit solid dhe intensiv, me homologët e Policisë italiane, shërbimet e Drejtorisë së Forcës së Posaçme Operacionale, në kuadër të operacionit “Operacionalja 33”, lokalizuan në Laç dhe arrestuan provizorisht, me qëllim ekstradimin, shtetasin K. N., 33 vjeç, i lindur në Laç.

Ai ishte në kërkim ndërkombëtar, sepse Gjykata e Milanos i ka caktuar masë sigurie “Arrest në burg”, për veprën prenale “Vjedhja”, kryer në rrethana rënduese dhe në kuadër të organizatës kriminale.

Interpol Tirana vijon të bashkëpunojë me homologët në Itali, për të finalizuar procedurën për ekstradimin e këtij shtetasi.

The post Arrestohet laçiani, pjesë e një organizate kriminale në Milano! Pritet ekstradimi në Itali appeared first on Gazeta Shqiptare Online.

Një prapaskenë interesante është publikuar në mediat ruse ditën e djeshme në lidhje me Mirlind Dakun. Sipas asaj që shkruan “SE”, dy klube të elitës ruse kanë pasur mundësinë të blejnë sulmuesin e Kombëtares, por në të dyja rastet, ato kanë vendosur të refuzojnë afrimin e tij.

Bëhet fjalë për Zenitin dhe Spartakun e Moskës, këtyre të fundit Daku u shënoi dy gola para 3 ditësh. Të dyja klubet e konsideruan transferimin e Dakut jo të qëndrueshëm nga ana politike. Kjo për shkak se 27-vjeçari është bërë protagonist më herët për thirrje antisportive gjatë Kampionatit Europian në Gjermani pas ndeshjes me Kroacinë, duke u dënuar edhe dy ndeshje.

Ndërkohë, një arsye më shumë që Daku të mos blihet nga Zeniti, klubi që ka qenë edhe më pranë, ishte sepse ekipi drejtohet nga serbi Dejan Stankoviç dhe kjo mund të linte vend për përplasje. Megjithatë, futbollisti ka kontratë deri në vitin 2026 me Rubin Kazanin, ndërsa këtë sezon ka shënuar 11 gola dhe ka dhënë 6 asiste.

TRAJNERI- Ndërkohë, pas ndeshjes së fundit, trajneri i Rubin Kazanit, Rashid Rakhimov, është pyetur në lidhje me Dakun se nëse ai është sulmuesi më i mirë në kampionatin rus: “Ai është në një ekip në mes të tabelës dhe po luan futboll të mirë.

Të shohim se çfarë mund të bëjë në vijim”, thotë trajneri nga Taxhikistani. Më tej ai thotë se klubi ka në plan që ta shesë shqiptarin në merkaton e verës: “Vera që vjen, është koha më e mirë që Rubin të shesë Dakun. Do ta çojmë në merkato”, përfundon ai.

KARTONI- Në Rusi kanë nisur një hetim në lidhje me kartonin e kuq të marrë nga Mirlind Daku në ndeshjen e fundit dhe sulmuesi rrezikon edhe një dënim shtesë. Por, nga ana tjetër, kartoni i kuq ia sjell sulmuesin në Shqipëri Silvinjos shumë më shpejt se sa mendohej. Nëse Daku nuk do të ishte ndëshkuar me të kuq, ai do të luante të dielën e ardhshme ndeshjen e radhës me Rubin Kazan në kampionatin rus.

Dhe në atë eventualitet, ai do të mbërrinte në Shqipëri të martën në darkë në rastin më të mirë të mundshëm për shkak të itinerarit të udhëtimit, duke humbur stërvitje të rëndësishme para duelit me Anglinë. Me këtë karton të kuq, udhëtimi i futbollistit mund të spostohet dhe të bëhet e mundur që Daku të vijë në Shqipëri që në ditën e parë të grumbullimit, duke lumturuar jo pak Silvinjon, sidomos në këtë periudhë kur alternativat në sulm janë me pikatore, për shkak të problemeve fizike të lojtarëve të ndryshëm të këtij reparti.

KRISTI SEJATLLARI-PANORAMASPORT.AL

The post Futbollisti i Kombëtares refuzohet nga të mëdhenjtë, Mirlind Daku është politikisht i papërshtatshëm! Ja prapaskenat appeared first on Gazeta Shqiptare Online.

Faktorë të tillë si ndotja e ajrit, pensionet e ulëta dhe kontratat e punës, po bahen nxitës të rinj të emigracionit.

Por paga më e lartë, një jetë më e mirë për fëmijët dhe shërbimet më të mira shëndetësore janë tre arsyet kryesore që po shtyjnë shqiptarët të emigrojnë jashtë vendit, sipas një anketës të fundit të Këshillit të Bashkëpunimit Rajonal që mati ndjesinë në lidhje me sigurinë në 6 vendet e Ballkanit perëndimor.

Anketa zbuloi një kategori të re emigrantësh në moshat e vjetra. Gjithnjë e më shumë po ikin nga vendi persona që po bashkohen me familjet e tyre dhe një kategori tjetër që ikën të përfitojë pension më të lartë në vendet pritëse.

Përveç azilkërkueseve tani gjithnjë e më shumë largimet po bëhen në mënyrë të rregullta, të tilla si kontratat e punës dhe bashkimet familjare. Gati 20 për qind e personave që kishin që kishin pohuar së do të largoheshin nga vendi kishin gjetur kontratë pune.

Lehtësimi i kritereve të punësimit sidomos në Gjermani po tërheqin shumë të rinj shqiptarë që tashmë në vend që të kërkojnë azil aplikojnë dhe marrin viza puna. Kriteret për gjuhën janë lehtësuar në disa profesione me aftësi të ulëta si në ndërtim dhe pastrim tani ikin lehtësisht.

Familjet shqiptarë që kanë emigruar më parë dhe tani janë bërë rezidentë në vendet pritëse, po bëhen magnet për tërheqjen e familjarëve të tjerë në Shqipëri. Ikjet për bashkim familjar janë një kategori i madhe. Nga personat që kanë pohuar se po planifikojnë të ikin nga Shqipëria 31 % zgjodhën si arsye bashkimin familjar.

Por gjithashtu një kategori pensionistesh janë duke u bashkuar më familjet jashtë vendit me qëllim për të përfituar pension më të lartë. Fëmijët po tërheqin prindërit, pasi pagesat e mbrojtjes sociale për moshat e vjetra janë shumë më të larta se pensionet në Shqipëri.

Gjithnjë e më shumë ka një kategori personash që takojnë shtresës së mesme që po ikin për shërbime më të mira arsimore dhe shëndetësore në vendet të tjera.

Një arsye tjetër që po vjen në rritje nga viti në vit është ndotja. Ndërtimet e shumta kudo në zonat e banuara dhe sidomos në Tiranë, e kanë dëmtuar cilësinë e jetesës. Gati 13 % për qind e personave që planifikojnë të largohen rendisin si arsye cilësinë më të mirë të ajrit dhe klimës në vendet pritëse.

Gjithashtu arsyeja për të studiuar jashtë vendit vlen për 19 për qind të personave që kanë planifikuar të ikin.

Shqipëria rrezikon të zbrazet më tej nga popullsia vendase në krahasim me vendet e tjera të rajonit.

Anketa gjeti se rreth 28% e shqiptarëve kanë zhvilluar plane largimi. 11% kanë një plan, por jo ende të qartë, 11% kanë zhvilluar tashmë një plan emigrimi, teksa 6% kanë afate të qarta largimi, ndërsa 66% nuk duan të largohen.

Nga ata që duan të largohen 67% po shfrytëzojnë rrjetet me afërmit dhe miqtë jashtë vendit./Monitor

The post Si Shqipëria po rrezikon të zbrazet më tej nga popullsia! Ndotja e ajrit dhe pensionet e ulëta nxitës të rinj të emigracionit, ndikimi në cilësinë e jetesës appeared first on Gazeta Shqiptare Online.

Veprimet e fundit separatiste të udhëheqjes serbe në Bosnjë-Hercegovinë (B-H) nuk kanë shumë shanse për momentin. Çfarë qëndrimi mbajnë kroatët në B-H si dhe Kroacia zyrtare lidhur me këto ngjarje?

Situata politike në Bosnjë-Hercegovinëësh të tensionuar shumë së fundmi për shkak të përpjekjeve të Milorad Dodikut, liderit të serbëve atje, për të vënë në dyshim institucionet qendrore të këtij vendi dhe autoritetin e Përfaqësuesit të Lartë të bashkësisë ndërkombëtare. Por nga perspektiva e kroatëve të Bosnjë-Hercegovinës, si dhe e vetë Republikës së Kroacisë, kjo mosmarrëveshje shihet në një këndvështrim të veçantë.

Para së gjithash, sepse Dodik u bëri thirrje atyre të rezistojnë dhe të ringjallin të ashtuquajturin projekt separatist, Herceg-Bosna nga vitet 1990. Për më tepër, një sfidë e tillë mund të jetë delikate duke pasur parasysh dallimet në qasjen e udhëheqjes shtetërore kroate ndaj B-H.

Pak ditë pas fillimit të krizës mes entitetit të Republika Srpska dhe autoriteteve të B-H, nuk duket sikur përfaqësuesit kroatë në atë vend janë të interesuar për një aventurë sipas sugjerimeve tëDodikut.Udhëheqësi i tyre Dragan Çoviq mbetet joformalisht i afërt me Milorad Dodikun, kryeministri kroat Andrej Plenkoviq po vepron në mënyrë legaliste dhe të rezervuar ndërsa presidenti kroat Zoran Milanoviq nuk e ka komentuar këtë çështje.

“Para disa ditësh, mes rrëmujës për këtë temë, sapo po vrapoja pranë vilës së Çoviqit, sepse atje shkoj zakonisht. Pashë një turmë të pazakontë dhe nuk e dija që Dodik kishte ardhur për ta vizituar, e kuptova më vonë. Por Çoviqi nuk i ofroi më shumë se një mikpritje”, thotë Dragan Markovina, historian dhe komentator politik.

Kërcënim me armë bosh
“Kjo është mjaft e qartë,” vazhdon ai, “kështu që ata nuk janë qartë të gatshëm t’i bashkohen atij për të minuar B-H. Milanoviq me siguri do të ishte i lumtur ta mbështeste atë, siç bëri para vendimit të gjykatës, por tani vlerëson se nuk ia vlen”

Por çështja mbetet se sa reale është mundësia që Dodik të realizojë planin e tij, nëse vendos të shkojë deri në fund. “Nëse do të më kishit pyetur një ditë pas vendimit të gjykatës, me siguri do të kisha thënë, i impresionuar nga performanca e tij, se kisha frikë nga gjendja. Por tani e shoh që nuk do të ndodhë gjë, se është kërcënim me ‘armë bosh’. Ai është kryesisht i shqetësuar për veten e tij dhe mund të ndërmarrë ndonjë veprim, por as opozita në RS nuk po i jep mbështetje për ndonjë aksion madhor. Prandaj, Dodik nuk ka kapacitet të mjaftueshëm për shkëputje, megjithëse mund të shkaktojë ndonjë incident të kufizuar. Mendoj se potenciali i tij nuk është më i madh se kaq,” beson Markovina.

Funksionaliteti dhe qëndrueshmëria e B-H në sprovë
Markovina vlerëson se incidente të tilla do të ishin problem edhe për Kroacinë, jo vetëm për shkak të kufirit jashtëzakonisht të gjatë që ndan me pjesën e RS të B-H. Por ai është i bindur se mes kroatëve tëB-H ka disponim për një përshkallëzim të gjendjes.

Studiuesi i shkencave politike, kroati Davor Gjenero ka frikë se rebelimi i Milorad Dodikut do të ketë pasoja negative për sovranitetin dhe unitetin, si dhe funksionalitetin dhe qëndrueshmërinë e B-H.

“Sepse edhe nëse Marrëveshja e Dejtonit do të anulohej, B-H mund të organizohet në përputhje me Marrëveshjen e mëparshme të Uashingtonit dhe si një shtet i vetëm do të shtrihej edhe në territorin e entitetit serb. Nëse do të mbetej funksionale”, thotë ai.

Sarajeva është kryeqyteti i kroatëve në B-H
“Rreziku i dytë për B-H rrjedh nga fakti se qeveria aktuale kroate nuk mban qëndrimin ndaj kroatëve të B-H si dikur presidenti kroat Stipe Mesiq.” Plenkoviq mban qëndrim të tillë, por ai nuk guxon t’u përcjellë me kaq forcë kroatëve në B-H se Sarajeva është kryeqyteti i tyre, ndërsa Zagrebi mund të ndihmojë vetëm në forcimin e një klime më të mirë politike.

Ajo që njerëzit në Sarajevë shpesh nuk e kuptojnë është fakti se qëndrimi i Çoviqit ndaj Republikës së Kroacisë nuk është si ai i Dodikut ndaj Serbisë. Gjenero beson se komunikimi është përkeqësuar dhe për shkak të qëndrimeve të Zoran Milanoviqit, i cili ka përsëritur gabimin e politikanëve kroatë që anashkalonin Sarajevën kur vizitonin B-H, duke u rreshtuar në dukje me ato që bën Serbia.

“Unë besoj se e gjithë kjo sot është vetëm një “stuhi në një filxhan çaji”, nëse kemi parasysh se rendi ndërkombëtar në lidhje me B-H ende qëndron si më parë. Por nuk ka dyshim se Dodik dhe Aleksandar Vuçiq do të donin të fusnin në këtë lojë edhe kroatët”, thotë Davor Gjenero. Prandaj, nëse gjërat nuk lëvizin në drejtimin e duhur atëherë gjërat nuk do të qetësohen si duhet./DW

The post Kroatët dhe kriza e fundit në Bosnje-Hercegovinë/ Analiza e DW: Kërcënim me armë bosh appeared first on Gazeta Shqiptare Online.

REDI SHEHU

E imagjinonim deri në një farë mase atë se çfarë do të mund të ndodhte me presidencën Trump, nëse ai do të fitonte zgjedhjet. Por ama, askush nuk mund ta sorollaste në mendje as për një çast të vetëm, atë që Trump po bën në vetëm dy muaj. Intensiteti i deklaratave dhe ngjarjeve politike në këtë periudhë ka tronditur të gjitha bazamentet mbi të cilat është ngritur rendi i sotëm botëror. Në përgjithësi lëvizje të tilla, për shkak të amplitudës së lartë, marrin kohën e tyre në formë graduale, kurse ajo që po ndodh me tronditjen amerikane në marrëdhëniet ndërkombëtare, është njësimi i shpejtësisë dhe amplitudës në një masë ekstreme. Ajo që duket qartazi tashmë është se përpjekjet transformuese të administratës Trump, ndryshe nga mandati i parë i tij, janë përpjekje thelbësore që synojnë goditjen e këtij rendi global.

Në mandatin e parë, Trump arriti të përçante shoqërinë amerikane, duke prodhuar ngjarjet në Charlotteswille, pastaj lëvizjen që u bë globale “Black Lives Matter” dhe në ditët e fundit ngjarjet e paprecedenta të 6 janarit 2021 me cenimin e rendit kushtetues amerikan. Ardhja e presidencës Biden pritej që të kuronte këtë çarje. Ai, në fakt, u betua si president me tezën e unitetit të kombit. Por, ajo që ndodhi më pas ishte transformimi në një quasi diktaturë liberale, që e çoi elitën majtiste drejt një histerie gjinore në mbarë botën, në kohën kur plagët e racizmit dhe ksenofobisë kullonin akoma gjak. Pra, shoqëria amerikane nga njëri ekstrem, kapërceu në ekstremin tjetër të presidencës Biden. Mjafton të ndezësh motorin e ekstremizmit dhe ai gjithmonë do prodhojë qëndrime dhe veprime të skajshme.

Zgjedhja e Trump si president u bë duke theksuar qartazi se politika e tij do të ishte trashëgimi e eksperiencës së mëparshme. Nëse në ditën e parë të mandatit të tij të parë ai firmosi 20 urdhra ekzekutivë, në ditën e parë të mandatit të tij të dytë, ai firmosi 200 të tilla. Kjo flet për përshpejtimin si thelbi i politikave që ai po ndjek. Po pse po nxitohet kaq shumë Trump? Koha është armikja më e madhe e tij, prandaj për të zhbërë rendin e vjetër çdo minutë ka vlerën vet. Atij i duhet të përballet me një rend botëror, që siç John Mearsheimer, profesor i Universitetit të Chicagos dhe i pari që parashikoi luftën Rusi-Ukrainë, e quan rend liberal në marrëdhëniet ndërkombëtare, i cili ishte hegjemonist për shkak se vetë bota nga 1990 deri në 2015-tën ishte unipolare me dominimin e qartë amerikan. Ky rend liberal kishte ndërtuar një botë të bazuar në tri parime kryesore. I pari ishte “paqja demokratike” në të cilën një demokraci nuk mund të luftojë një demokraci tjetër dhe sa më shumë që demokracitë përhapen në botë, aq më shumë bien shanset për luftë. Parimi i dytë ishte marrëdhëniet e bazuara në “ndërvarësinë ekonomike”, e cila i bën shtetet më të pasura e për pasojë edhe interesi për luftë zvogëlohet në maksimum. Ndërsa parimi i tretë ishte ai të bazuarit në “institucionet ndërkombëtare”, të cilat detyrojnë demokracitë të anëtarësohen në to dhe ku lufta nuk është e pranueshme. Ky rend merr tipare globale vetëm në rastin e një rendi unpolar (SHBA), i cili shfaqet hegjemonist dhe i dikton botës vetëm një rrugë të marrëdhënieve ndërkombëtare.

Në fakt, ajo që po bën Trump, është prishja e shpejtë e këtij rendi bazuar në këto tri parime. Kjo nuk është as më shumë e as më pak, por ajo që teoria realiste në marrëdhëniet ndërkombëtare thotë se demokracitë edhe pse janë të tilla, nuk mund të frenojnë veten karshi konfliktit dhe ekspansionit dhe si e tillë, atyre u duhet të mbijetojnë duke rifuqizuar veten, gjë e cila sjell pastaj mirëqenie. Po të shoshësh atë që administrata e re amerikane po bën, është çmontimi i këtyre tri parime të rendit liberalist ndërkombëtar, duke frenuar çdo organizatë apo fond, i cili ndikon në përhapjen e demokracive nëpër botë. Po vendos tarifa me shtete kryesore të industrializuara dhe me bllokun e BE-së, duke prishur ndërvarësinë ekonomike si burim pasurimi i ndërsjellë dhe duke u fokusuar në mirëqenien kombëtare amerikane. Kjo, duke lënë anash parimin se nëse një ekonomi e zhvilluar që prodhon mirëqenie, nuk rrethohet po nga ekonomi të mirëqenies, atëherë ajo është e destinuar të bëhet objektiv i ekonomive të varfra, duke sjellë pafund probleme sociale.

Ndërsa sulmi i tretë i Trump është ndaj institucioneve ndërkombëtare si politike dhe të sigurisë, duke e çliruar SHBA-të nga kufizimet që anëtarësimi në to të sjell dhe duke e projektuar vetën drejt një vendi me tipare koloniale në epokën e inteligjencës artificiale. Pra, thënë ndryshe, Trump qartazi po del nga liberalizmi në marrëdhëniet ndërkombëtare drejt teorisë së mbijetesës së më të fortit. Duke bërë kështu, ai do të përpiqet që të akumulojë sa më shumë forcë politike, ekonomike dhe ushtarake për të vendosur një rend të ri joliberal. Mirëpo vendosja e një rendi të ri joliberal, që në thelb ka mbijetesën e më të fortit, shtron premisat e një rendi multipolar, ku fuqitë më të mëdha të kohës do të luftojnë për mbijetesë e për rrjedhojë sjell edhe fundin e hegjemonisë amerikane në botë. Tërheqja amerikane nga institucionet ndërkombëtare, që kanë qenë thelbi i fuqisë dhe hegjemonisë së saj, e bën të pashmangshme fundin e unipolaritetit./Gazeta Panorama 

The post Nuk ka vetëm një sherif të ri në qytet appeared first on Gazeta Shqiptare Online.

Agjencia amerikane e Emigrimit dhe Doganave, e njohur ndërkombëtarisht si ICE, ka reaguar pas ekstradimit të oficerit shqiptar në drejtim të Shqipërisë.

Në një njoftim zyrtar thuhet se ICE dëboi Fatbardh Lalën, i cili kërkohej në Shqipëri për mashtrim dhe ryshfet. Po ashtu, kjo agjenci thekson se Lala kishte hyrë në mënyrë të ligjshme në SHBA më 10 maj të vitit 2023 në aeroportin në Çikagos, edhe pse kërkohej me urdhërarrest nga Shqipëria.

Ai u arrestua kur iu refuzua hyrja në Kanada më 23 tetor 2024, pasi u zbulua se kishte një urdhër arresti ndaj tij. Referuar të dhënave që dalin nga ky njoftim bëhet me dije se: “Ne zbuluam se Lala kërkohej për ryshfet dhe mashtrim, të cilat janë akuza të rënda, dhe ai tani mund të mbahet përgjegjës për ato krime”, – tha drejtori i ICE në Detroit, Robert Lynch. “ICE mbetet e përkushtuar për dëbimin e të arratisurve të huaj, pavarësisht nga kombësia, në mënyrë që ata të përballen me drejtësinë në vendet e tyre”. Ish-oficeri i Policisë Gjyqësore, Lala, akuzohet se ka kryer korrupsion dhe ka zbuluar të dhëna që përbëjnë sekret kundrejt ryshfetit. Ai ka marrë 50 mijë lekë të reja për të ndërhyrë tek prokurori dhe gjyqtari me qëllim shmangien e dënimit të Ermir Llagaçit.

VENDIMI I GJKKO-SË

Më 22 maj të vitit të kaluar Gjykata e Posaçme e Shkallës së Parë për Korrupsion dhe Krimin e Organizuar njoftoi se në përfundim të gjykimit për Oficerin e Policisë Gjyqësore, Fatbardh Lala, e ka dënuar këtë të fundit me dy vjet burg për “Ushtrim të ndikimit të paligjshëm ndaj personave që ushtrojnë funksione publike” dhe një vit burg për “Zbulimin e akteve ose të dhënave sekrete. Kujtojmë që Lala u akuzua nga SPAK, se në këmbim të 50 mijë lekëve ka premtuar se do të ushtronte ndikim te një prokuror dhe gjyqtar për të lehtësuar pozitat e shtetasit Ermir Llagaçi në një proces penal.

GJKKO ka dënuar po ashtu edhe Ermir e Tefta Llangaçin, të cilët i dhanë shumat monetare Lalës me nga 1 vit burg. Prokuroria e Posaçme kundër Korrupsionit dhe Krimit të Organizuar, më datën 20.03.2024, ka paraqitur pranë Gjykatës kërkesën me objekt: Dërgimin për gjykim të çështjes penale në ngarkim të të pandehurit Fatbardh Lala, akuzuar për kryerjen e veprave penale të “Ushtrim i ndikimit të paligjshëm ndaj personave që ushtrojnë funksione publike” dhe “Zbulimi i akteve ose të dhënave sekrete” parashikuar nga nenet 245/1 paragrafi 4 dhe 295/a paragrafi i III Kodit Penal, si dhe të pandehurve Tefta Llagaçi dhe Ermir Llagaçi akuzuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, në bashkëpunim, parashikuar nga neni 245/1 paragrafi i 2 dhe 25 i Kodit Penal.

Gjykimi i kësaj çështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Erjon Bani, Etleva Deda dhe Erjon Çela, me vendimin Nr. 270, datë 22.05.2024 vendosi:

Deklarimin fajtor të të pandehurit Fatbardh Lala për veprën penale të “Ushtrim i ndikimit të paligjshëm ndaj personave që ushtrojnë funksione publike”, të parashikuar nga neni 245/1 paragrafi 4 K.Penal, dhe bazuar në këtë dispozitë dënimin e tij me 2 (dy) vjet burgim. Deklarimin fajtor të të pandehurit Fatbardh Lala për veprën penale të “Zbulimi i akteve ose të dhënave sekrete” të parashikuar nga neni 295/a paragrafi i III të K. Penal, dhe bazuar ne këtë dispozitë dënimin e tij me 1 (një) vit burgim.

Bazuar në nenin 55 të Kodit Penal në bashkim të dënimeve i pandehuri Fatbardh Lala dënohet me një dënim të vetëm prej 3 (tre) vjet burgim. Në zbatim të nenit 406/1 të Kodit të Procedurës Penale, të pandehurit Fatbardh Lala i ulet 1/3 (një e treta) e dënimit të dhënë, duke u dënuar përfundimisht me 2 (dy) vjet e burgim.

Vuajtja e dënimit të kryhet nga i pandehuri Fatbardh Lala në një burg të sigurisë së zakonshme./Gazeta Panorama 

The post Dëbimi i Oficerit të Policisë Gjyqësore, agjencia amerikane, ICE: Hyri në mënyrë të ligjshme në SHBA appeared first on Gazeta Shqiptare Online.

Sot do të luhen katër ndeshjet e mbetura për turin e 1/8-ave në Champions. Vetëm Arsenali duket se e ka të sigurt kualifikimin, pas fitores 7 me 1 ndaj PSV.

Lilë dhe Dortmundi do të hapin gjithçka në orën 18:45 dhe kualifikimi mbetet dilemë. Takimi i parë ka përfunduar barazim 1 me 1.

Aston Vila ka avantazhin e fitores së parë 3 me 1. Klub Bryzh do tentojë kështu surprizën, siç ndodhi me Atalantën.

Supersfida e mbrëmjes është derbi i Madridit. Atletiko kërkon përmbysjen, pas humbjes së parë 2 me 1 ndaj Realit.

SOT

LILË – DORTMUND 18:45

ARSENAL – PSV 21:00

ASTON VILA – BRYZH 21:00

ATLETIKO MADRID – REAL MADRID 21:00

PANORAMASPORT.AL

The post Vendosen çiftet çerekfinaliste/ Katër përballje për sot, spikat derbi i Madridit në Champions appeared first on Gazeta Shqiptare Online.

Ramazani është një nga muajt më të rëndësishëm të vitit për besimtarët myslimanë. Shumica e muslimanëve do të agjërojnë gjatë orëve të dritës dhe nuk mund të hanë ose pinë derisa të perëndojë dielli.

Ditët e agjërimit mund të jenë të vështira dhe mund të jenë edhe më sfiduese këtë vit për shkak të pandemisë.

Por ka shumë gjëra që njerëzit mund të bëjnë për të ruajtur shëndetin e tyre mendor dhe fizik gjatë Ramazanit.

AgroWeb.org në këtë artikull ju sugjeron të ndiqni disa këshilla, në mënyrë që të kujdeseni sa më mirë për shëndetin tuaj gjatë këtij muaji të shenjtë.

Ushqehuni mirë

Për t’i siguruar trupit tuaj të gjithë elementët kryesorë ushqyes që i duhen, kujdesuni të konsumoni ushqime me cilësi të lartë.

Gjatë Iftarit pini shumë ujë dhe ruani një ekuilibër të mirë të karbohidrateve, perimeve, proteinave dhe qumështit.

Marrja e këtyre lëndëve ushqyese ju ndihmon të qëndroni të hidratuar dhe të ngopur për një kohë më të gjatë. Madje atom und të forcojnë sistemin tuaj imunitar.

Gjatë Syfyrit përqendrohuni tek ushqimet që kanë një indeks të ulët glicemik, si ushqimet integrale, frutat dhe perimet. Këtu mund të përfshijmë tërshërën, thekrën, elbin, orizin kaf, kinoa, manaferrat, mollët dhe portokallet.

Këto ushqime nuk do të rrisin sheqernat në gjak dhe do t’ju ndihmojnë të ndiheni të ngopur për më shumë kohë.

Shmangni disa përbërës

Kur përgatitni vaktet për Syfyrin, është e rëndësishme të siguroheni që të shmangni kripën e tepërt. Pasi kjo do t’ju dehidratojë dhe do t’ju bëjë më të etur gjatë ditës.

Kafeina gjithashtu duhet të shmanget. Pijet me kafeinë kanë një efekt diuretik, duke rritur prodhimin e urinës në trup, gjë që mund të çojë në dehidrim.

Ushqimet e përpunuara dhe pijet me sheqerna të shtuara, kanë një dendësi relativisht të ulët ushqyese dhe nuk do t’ju mbajnë të ngopur.

Ushtrohuni

Të qenit aktiv fizikisht ka përfitime të konsiderueshme shëndetësore, prandaj është e rëndësishme të vazhdoni të ushtroheni rregullisht gjatë Ramazanit.

Të më lehtë, shmangni ushtrimet me intensitet të lartë. Në vend të kësaj, filloni me ushtrime të lehta për 15-30 minuta, të tilla si ecja ose joga.

Planifikoni përpara

Bëni një listë të përditshme të detyrave dhe shkruani gjëra që ju duken sfiduese. Kështu mund të planifikoni se si t’i luftoni ato.

Pavarësisht angazhimeve që keni, është jetike të planifikoni se çfarë do të hani në Syfyr dhe Iftar.

Mos e kaloni Syfyrin për të fjetur disa orë më tepër. Shmangni punën gjatë pushimit të drekës, një gabim i zakonshëm që shumë njerëz bëjnë gjatë Ramazanit.

Edhe pse nuk mund të hani ose pini, provoni të bëni një shëtitje dhe të merrni ajër të pastër, të bëni pushime lutjeje ose të bëni një sy gjumë. Kjo do t’ju bëjë të ndiheni më të qetë dhe të keni më shumë energji./AgroWeb.org

The post Muaji i Ramazanit, katër këshilla për t’ju ndihmuar të ushqeheni mirë dhe të qëndroni të shëndetshëm appeared first on Gazeta Shqiptare Online.

Ukraina mbështet, sipas deklaratës së përbashkët me SHBA, një armëpushim 30 ditor. SHBA kanë deklaruar rifillimin e menjëhershëm të ndihmave ushtarake për Ukrainën dhe duan që të vazhdojnë ta mbështesin Kievin me informacione të shërbimeve sekrete.

Sikurse njoftuan të dyja palët pas bisedimeve në qytetin arabo-saudit Xhida, Ukraina u tregua e gatshme të pranojë armëpushimin 30 ditor të propozuar nga SHBA-ja – kjo në varësi të gatishmërisë edhe të Rusisë për këtë. Po ashtu do të arrihet “sa më shpejt të jetë e mundur” edhe një marrëveshje për lëndët e para të Ukrainës.

Rubio: “topi në fushën e Rusisë”

“Ukraina u shpreh e gatshme, ta pranojë propozimin e SHBA-së për një armëpushim të menjëhershëm për 30 ditë, që mund të zgjatet në marrëveshje reciproke mes palëve dhe që duhet të pranohet dhe të zbatohet edhe nga Federata Ruse”, thuhet në deklaratën e përbashkët. Për këtë SHBA-ja do t’i bëjë të qartë Rusisë, se reciprociteti është “kyç për arritjen e paqes”.

Për rifillimin e ndihmës ushtarake, thuhet në deklaratën e përbashkët: “SHBA do të zhbllokojnë menjëherë ndërprerjen e shkëmbimit të informacionit dhe do të rifillojnë me ndihmën në fushën e sigurisë për Ukrainën.”

Ministri i Jashtëm i SHBA-së, Marco Rubio, i cili ashtu si edhe këshilltari për Sigurinë Kombëtare Mike Waltz morën pjesë në bisedime, deklaruan, se tani topi është në fushën ruse.

“Takimi ishte produktiv”

Bisedimet ndërmjet delegacioneve nga SHBA dhe Ukraina në Xhida u zhvilluan në sfondin e një kthese që ka marrë politika e SHBA-së ndaj Ukrainës nën qeverisjen e presidentit Donald Trump.

Ky i fundit javën e kaluar u afrua me pozicionet e Rusisë dhe në fillim të marsit i ndërpreu përkohësisht ndihmat ushtarake të SHBA-së për Ukrainën, gj që shkaktoi shqetësime të mëdha në Kiev dhe tek partnerët perëndimorë. Në Uashington zëdhënësja e Shtëpisë së Bardhë, Karoline Leavitt, tha, se lajmet nga Xhida janë pozitive. “Takimi ishte produktiv.”/DW

The post Bisedimet për armëpushim 30 ditor me Rusinë në Arabinë Saudite, SHBA zhbllokon ndihmat ushtarake për Ukrainën appeared first on Gazeta Shqiptare Online.